അന്ത്യനാ​ളു​കൾ ക്ഷാമം, പ്ലേഗ്‌, മലിനീ​ക​രണം—രാജ്യ​പ്ര​സം​ഗം

“വിശപ്പ്‌ മറെറാ​രു രൂപത്തിൽ വരുന്നു. അത്‌ 70 കോടി​യിൽപ​ര​മാ​ളു​കൾക്ക്‌ അനുഭ​വ​പ്പെ​ടുന്ന ദിവ​സേ​ന​യുള്ള വിശപ്പാണ്‌. . . ഓരോ വർഷവും ഏറെയും അദൃശ്യ​മായ വിശപ്പ്‌ 18 മുതൽ 20 വരെ ദശലക്ഷം പേരെ കൊല്ലു​ന്നു—രണ്ടാം ലോക​മ​ഹാ​യു​ദ്ധ​കാ​ലത്ത്‌ ഓരോ വർഷവും മരിച്ച വരുടെ ഇരട്ടി​യി​ല​ധി​കം.”—ഫ്രാൻസസ്‌ മൂർ ലാപ്പെ​യും ജോസഫ്‌ കോളിൻസും രചിച്ച ലോക​വി​ശപ്പ്‌—12 മിത്തുകൾ.

യേശു മുൻകൂ​ട്ടി​പ്പ​റ​ഞ്ഞ​തു​പോ​ലെ​തന്നെ, നമ്മുടെ തലമു​റ​യി​ലും ക്ഷാമങ്ങ​ളും ഭക്ഷ്യദൗർല​ഭ്യ​ങ്ങ​ളും ഉണ്ടായി​ട്ടുണ്ട്‌, എന്നാൽ ചില കേസു​ക​ളിൽ മുൻത​ല​മു​റ​ക​ളി​ലേ​തി​നോ​ളം ന്യായീ​ക​ര​ണ​മി​ല്ലാ​തെ​യാണ്‌. എന്തു​കൊണ്ട്‌? എന്തു​കൊ​ണ്ടെ​ന്നാൽ ആധുനി​ക​സാ​ങ്കേ​തി​ക​ശാ​സ്‌ത്ര​വും വാർത്താ​വി​നി​മ​യ​ത്തി​ന്റെ​യും ഗതാഗ​ത​ത്തി​ന്റെ​യും രീതി​ക​ളും ക്ഷാമത്തെ ഒരു കഴിഞ്ഞ​കാല സംഗതി​യാ​ക്കേ​ണ്ട​താ​യി​രു​ന്നു. എന്നിരു​ന്നാ​ലും, ഭൂവു​ട​മ​ക​ളും രാജ്യ​ത​ന്ത്ര​ജ്ഞൻമാ​രും ദരി​ദ്ര​രു​ടെ​യും ഭൂരഹി​ത​രു​ടെ​യും ദുരിതം ഗണ്യമാ​ക്കാ​തെ ആളുകളെ കരുവാ​ക്കി​യി​രി​ക്കു​ന്നു.

വിശപ്പും ക്ഷാമവും ആഫ്രി​ക്കയെ തുടർന്നും ബാധി​ക്കു​ക​യാണ്‌. 1987 സെപ്‌റ​റം​ബ​റോ​ളം അടുത്ത കാലത്ത്‌ എത്യോ​പ്യാ വീണ്ടും “ആ ദരിദ്ര ആഫ്രി​ക്കൻരാ​ജ്യത്ത്‌ വിശപ്പു സത്വരം പരന്ന​പ്പോൾ” നിരോ​ധ​ന​ത്തിൻകീ​ഴി​ലാ​യി​രു​ന്നു​വെന്ന്‌ ദി ന്യൂ​യോർക്ക്‌ റൈറസ്‌ റിപ്പോർട്ടു​ചെ​യ്‌തു. എത്യോ​പ്യ​യി​ലെ മുൻ ക്ഷാമാ​ശ്വാ​സ തലവൻ ഇങ്ങനെ പ്രസ്‌താ​വി​ച്ചു: “ഇപ്പോൾ ക്ഷാമം ബാധി​ച്ചി​രി​ക്കുന്ന ഏതാണ്ട്‌ അമ്പതു​ല​ക്ഷ​മാ​ളു​ക​ളു​ണ്ടെന്ന്‌ തോന്നു​ന്നു, അത്‌ എത്ര വഷളാ​യേ​ക്കാ​മെന്ന്‌ ഞങ്ങൾക്ക​റി​യില്ല.”

അതേസ​മ​യം, വിസ്‌തൃ​ത​മായ ഇൻഡ്യാ ഉപഭൂ​ഖ​ണ്ഡ​ത്തി​ലെ റിപ്പോർട്ടു​കൾ വരൾച്ച​യാൽ വരുത്ത​പ്പെട്ട രൂക്ഷമായ മറെറാ​രു ചിത്രം വരച്ചു​കാ​ട്ടി: “ദേശീയ കാർഷിക സ്‌റേ​റ​ററ്‌ മിനി​സ്‌ററർ ഇങ്ങനെ പറഞ്ഞു: “നമ്മുടെ മൊത്തം ജനസം​ഖ്യ​യു​ടെ ഏതാണ്ട്‌ 60 ശതമാനം ഈ വരൾച​യാൽ ദ്രോ​ഹി​ക്ക​പ്പെ​ടും.” “ഈ സംഖ്യ മുൻസം​ഖ്യ​ക​ളെ​ക്കാൾ വളരെ ഉയർന്ന​താ​ണെ​ന്നും 78 കോടി വരുന്ന ജനസം​ഖ്യ​യിൽ 47 കോടി​യും ബാധി​ക്ക​പ്പെ​ട്ടെന്ന്‌ അതർത്ഥ​മാ​ക്കി​യെ​ന്നും” അദ്ദേഹം കൂട്ടി​ച്ചേർത്തു. നമുക്ക്‌ യഥാർത്ഥ​ത്തിൽ ആ സംഖ്യ​ക​ളെ​യും മനുഷ്യ​കു​ടും​ബ​ത്തിൻമേ​ലുള്ള അതിന്റെ ഫലത്തെ​യും ഗ്രഹി​ക്കാ​നും ഉൾക്കൊ​ള്ളാ​നും കഴിയു​മോ?

ക്ഷാമങ്ങ​ളു​ടെ​യും പ്രളയ​ങ്ങ​ളു​ടെ​യും വരൾച​യു​ടെ​യും നിരന്തര ആവർത്ത​ന​ത്തോട്‌, രണ്ടു ലോക​യു​ദ്ധ​കാ​ലത്ത്‌ വിശപ്പി​ന്റെ രൂപത്തിൽ ഒടുക്കിയ വിലയും അതിന്റെ പരിണ​ത​ഫ​ല​വും കൂട്ടുക. 1945-46-ലെ സാഹച​ര്യ​ത്തെ​ക്കു​റിച്ച്‌ എഴുതിയ ഒരാൾ റിപ്പോർട്ടു​ചെ​യ്‌ത​തു​പോ​ലെ: “യുദ്ധത്തി​ന്റെ ഒരു പരിണ​ത​ഫ​ല​മെന്ന നിലയിൽ ലോക​വ്യാ​പ​ക​മായ ഭക്ഷ്യദൗർല​ഭ്യ​മു​ണ്ടാ​യി, യൂറോ​പ്പി​ലു​ട​നീ​ളം നിലവി​ലി​രുന്ന സാഹച​ര്യം. . . വിപൽക്ക​ര​മാ​യി​രു​ന്നു. റഷ്യയു​ടെ​യും റുമേ​നി​യാ​യു​ടെ​യും ഭാഗങ്ങ​ളിൽ പെട്ടെ​ന്നു​തന്നെ ഗുരു​ത​ര​മായ ക്ഷാമം വരാനി​രി​ക്കു​ക​യാ​യി​രു​ന്നു. ഗ്രീസിൽ ആയിര​ക്ക​ണ​ക്കി​നാ​ളു​കൾ പട്ടിണി​കി​ടന്നു മരിക്കാ​നും പോകു​ക​യാ​യി​രു​ന്നു. ബ്രിട്ട​നിൽപോ​ലും രാഷ്‌ട്ര​ത്തി​ന്റെ ചരി​ത്ര​ത്തിൽ ആദ്യമാ​യി റൊട്ടിക്ക്‌ റേഷൻ ഏർപ്പെ​ടു​ത്തി.”

അതെ, ക്ഷാമത്തി​ന്റെ കറുത്ത കുതിര വായു​വിൽ ഒരു ത്രാസ്സ്‌ ആട്ടി​ക്കൊ​ണ്ടി​രി​ക്കുന്ന അതിന്റെ സവാരി​ക്കാ​രൻസ​ഹി​തം രാഷ്‌ട്ര​ങ്ങ​ളി​ലൂ​ടെ പാഞ്ഞി​രി​ക്കു​ന്നു, ഇപ്പോ​ഴും മനുഷ്യ​വർഗ്ഗ​ത്തിൻമീ​തെ കുതി​ക്കു​ക​യു​മാണ്‌.—വെളി​പ്പാട്‌ 6:5, 6.

പകർച്ച​വ്യാ​ധി​യും പ്ലേഗും

അന്ത്യനാ​ളു​ക​ളു​ടെ അടയാ​ള​ത്തി​ന്റെ ഒരു ഭാഗം “പകർച്ച​വ്യാ​ധി​കൾ” ആയിരി​ക്കു​മെന്ന്‌ യേശു പ്രവചി​ച്ചു. (ലൂക്കോസ്‌ 21:11) നമ്മുടെ 20-ാം നൂററാണ്ട്‌ അതിന്റെ പകർച്ച​വ്യാ​ധി​യു​ടെ​യും പ്ലേഗി​ന്റെ​യും പങ്ക്‌ അനുഭ​വി​ച്ചി​ട്ടു​ണ്ടോ? ഒന്നാം ലോക​മ​ഹാ​യു​ദ്ധ​ത്തി​ന്റെ അവസാ​ന​ത്തിൽ പ്രഹരി​ച്ച​തും 2 കോടി ജീവൻ കെടു​ത്തി​ക്ക​ള​ഞ്ഞ​തു​മായ സ്‌പാ​നീഷ്‌ ഫ്‌ളൂ​വിൽ തുടങ്ങി മനുഷ്യ​വർഗ്ഗം മുൻത​ല​മു​റ​ക​ളി​ലെ​പ്പോ​ലെ രോഗ​ങ്ങ​ളാൽ കഷ്ടപ്പെ​ട്ടി​രി​ക്കു​ന്നു. എന്നാൽ ഈ അന്ത്യനാ​ളു​ക​ളി​ലെ സയൻസി​ന്റെ​യും വൈദ്യ​ശാ​സ്‌ത്ര​ത്തി​ന്റെ​യും പുരോ​ഗ​തി​യു​ണ്ടാ​യി​ട്ടും രോഗി​ക​ളു​ടെ​യും മരിക്കു​ന്ന​വ​രു​ടെ​യും സംഖ്യ ഓരോ വർഷവും ദശലക്ഷ​ക്ക​ണ​ക്കി​നാണ്‌.

സമ്പൽസ​മൃ​ദ്ധ​മായ പാശ്ചാ​ത്യ​ലോ​ക​ത്തിൽ കാൻസ​റി​നും ഹൃ​ദ്രോ​ഗ​ത്തി​നും എയിഡ്‌സി​നും വേണ്ടി ഫണ്ടിനും പ്രതി​വി​ധി​ക്കു​മുള്ള നിരന്തര അഭ്യർത്ഥ​നകൾ നാം കേൾക്കു​ന്നു. ഈ രോഗ​ങ്ങ​ളാ​ലും മററു രോഗ​ങ്ങ​ളാ​ലും ശതസഹ​സ്രങ്ങൾ ഓരോ വർഷവും മരിക്കു​ന്നു​ണ്ടെ​ന്നു​ള്ളത്‌ സത്യം​തന്നെ. ആഫ്രി​ക്ക​യി​ലും ഏഷ്യയി​ലും ലാററിൻ അമേരി​ക്ക​യി​ലും ഓരോ വർഷവും ദശലക്ഷ​ങ്ങളെ തുടച്ചു​നീ​ക്കുന്ന രോഗ​ങ്ങ​ളുണ്ട്‌.

ആരോ​ഗ്യ​മ​രീ​ചിക എന്ന തന്റെ പുസ്‌ത​ക​ത്തിൽ റെനി ഡൂബോസ്‌ ഇങ്ങനെ എഴുതി: “മലേറി​യാ, മററ്‌ പ്രോ​ട്ടോ​സോ​വാ അണുബാ​ധകൾ, പുഴു​സം​ക്ര​മ​ണങ്ങൾ എന്നിവ​യാണ്‌ മിക്ക അൽപ്പവി​ക​സിത പ്രദേ​ശ​ങ്ങ​ളി​ലെ​യും ശരീര​ശാ​സ്‌ത്ര​പ​ര​വും സാമ്പത്തി​ക​വു​മായ ദുരി​ത​ത്തിന്‌ കാരണം.” തൽഫല​മാ​യി, ഏഷ്യയി​ലും ആഫ്രി​ക്ക​യി​ലും ലാററിൻ അമേരി​ക്ക​യി​ലും ദശലക്ഷ​ക്ക​ണ​ക്കിന്‌ മനുഷ്യർ ഓരോ​വർഷ​വും കൊക്ക​പ്പു​ഴു​രോ​ഗം ആഫ്രി​ക്കൻനി​ദ്രാ​രോ​ഗം അല്ലെങ്കിൽ മലേറി​യാ എന്നിവ​യാൽ കഷ്ടപ്പെ​ടു​ക​യും മരിക്കു​ക​യും ചെയ്യുന്നു.” ഈ രോഗ​ങ്ങ​ളാ​ലുള്ള ദുരിതം അവ മൂലം മരിക്കു​ന്ന​വ​രു​ടെ എണ്ണത്താൽ മാത്രം അളക്ക​പ്പെ​ടു​ന്നില്ല. ഡൂബോസ്‌ പ്രസ്‌താ​വി​ക്കു​ന്നു: “സൂക്ഷ്‌മാ​ണു​ക്ക​ളാ​ലുള്ള രോഗങ്ങൾ ജയിച്ച​ട​ക്ക​പ്പെ​ട്ടി​ട്ടില്ല.”

ഡൂബോസ്‌ തുടരു​ന്നു: “ഇതിൽനി​ന്നു വ്യത്യ​സ്‌ത​മാ​യി, [വെള്ളക്കാ​രന്റെ] സ്വാർത്ഥത അവന്റെ സ്വന്തം ക്ഷേമ​ത്തോ​ടു ബന്ധപ്പെട്ട ഏതു കണ്ടുപി​ടു​ത്ത​ത്തി​നും ശാസ്‌ത്രീയ പകിട്ടു​കൊ​ടു​പ്പി​ക്കു​ന്നു.” അങ്ങനെ, പാശ്ചാ​ത്യ​ലോ​ക​ത്തിൽ ഊന്നൽ കൊടു​ക്കു​ന്നത്‌ കാൻസ​റി​നും ഹൃദ്‌രോ​ഗ​ത്തി​നു​മാണ്‌—ലൈം​ഗി​ക​മാ​യി പകരുന്ന രോഗ​ങ്ങ​ളെ​യും മറക്കാ​വു​ന്നതല്ല. ഐക്യ​നാ​ടു​ക​ളിൽതന്നെ വർഷം​തോ​റും ഉഷ്‌ണ​പ്പു​ണ്ണി​ന്റെ ഏകദേശം മുപ്പതു​ലക്ഷം പുതിയ കേസു​ക​ളു​ണ്ടാ​കു​ന്നു​വെന്ന്‌ ഒരു മെഡി​ക്കൽമാ​സിക പ്രസ്‌താ​വി​ക്കു​ന്നു.

നാം വികസി​ത​ലോ​കത്തു പരി​ശോ​ധി​ച്ചാ​ലും അൽപ്പവി​ക​സി​ത​ലോ​കത്തു പരി​ശോ​ധി​ച്ചാ​ലും വെളി​പ്പാ​ടി​ലെ നാലാ​മത്തെ കുതി​ര​യായ, ‘മരണത്തി​ന്റെ​യും മാരക​മായ പ്ലേഗി​ന്റെ​യും മഞ്ഞക്കു​തിര’യുടെ തെളിവു നാം കാണു​ന്നുണ്ട്‌.—വെളി​പ്പാട്‌ 6:8.

ഭൂമിയെ നശിപ്പി​ക്കു​ന്നു

മനുഷ്യൻ ഒരു ലോക​തോ​തിൽ മലിനീ​ക​ര​ണ​വും ചൂഷണ​വും അവഗണ​ന​യും വനനശീ​ക​ര​ണ​വും മുഖേന ലോല​മായ, അവന്റെ സ്വന്തം ജീവമ​ണ്ഡ​ല​ത്തി​ലെ പ്രകൃ​തി​പ​ര​മായ സന്തുല​നത്തെ ഇപ്പോൾത്തന്നെ പാഴാ​ക്കു​ക​യും നശിപ്പി​ക്കു​ക​യു​മാണ്‌.

അമ്ലമഴ അല്ലെങ്കിൽ കൽക്കരി​യൊ എണ്ണയോ കത്തുന്ന ഊർജ്ജ​നി​ല​യ​ങ്ങ​ളിൽനി​ന്നു പുറന്ത​ള്ള​പ്പെ​ടുന്ന ഉൽപ്പന്ന​ങ്ങ​ളു​മാ​യി (നൈ​ട്രജൻ ഓക്‌​സൈ​ഡു​ക​ളും ഗന്ധകവും) മഴയും മഞ്ഞും കലരു​ന്ന​തു​നി​മി​ത്ത​മുള്ള അവക്ഷേ​പണം ഉത്തരാർദ്ധ​ഗോ​ള​ത്തി​ലെ കുളങ്ങ​ളെ​യും വനങ്ങ​ളെ​യും ബാധി​ക്കു​ന്നു. ഭൂമി എന്ന പുസ്‌ത​ക​ത്തി​ന്റെ എഴുത്തു​കാർ പ്രസ്‌താ​വി​ക്കു​ന്ന​തു​പോ​ലെ: “അമ്ല അവക്ഷേ​പ​ണ​ത്തി​ന്റെ ഒരു ഫലം, ന്യൂ ഇംഗ്ലണ്ട്‌ സ്‌കാൻഡി​നേ​വി​യാ എന്നിങ്ങ​നെ​യുള്ള സ്ഥലങ്ങളി​ലെ അനേകം കുളങ്ങൾ ജീവശാ​സ്‌ത്ര​പ​ര​മാ​യി സമ്പന്നവും ഉൽപാ​ദ​ക​വു​മാ​യി​രുന്ന ആവാസ​വ്യ​വ​സ്ഥ​ക​ളിൽനിന്ന്‌ ദരി​ദ്ര​വും ചില​പ്പോൾ ഫലത്തിൽ മൃതവു​മായ ജലാശ​യ​ങ്ങ​ളാ​യി മാററ​പ്പെ​ട്ടി​രി​ക്കു​ന്നു​വെ​ന്ന​താണ്‌. ഉദാഹ​ര​ണ​ത്തിന്‌, ആദി​രോ​ന്താ​ക്ക്‌സി​ലെ നൂറു​ക​ണ​ക്കി​നു കുളങ്ങ​ളി​ലെ മത്സ്യങ്ങ​ളെ​ല്ലാം കൊല്ല​പ്പെ​ട്ടി​രി​ക്കു​ന്നു, ഏതാണ്ട്‌ 50,000 കനേഡി​യൻ കുളങ്ങൾ സമാന​മായ വിധി​യാൽ ഭീഷണി​പ്പെ​ടു​ത്ത​പ്പെ​ടു​ക​യാണ്‌.”

വനങ്ങളെ സംബന്ധി​ച്ചാ​ണെ​ങ്കിൽ, അനേക​വും “വനമരണം” അനുഭ​വി​ക്കു​ക​യാണ്‌. “‘വനമരണ’ത്തിന്റെ ലക്ഷണങ്ങൾ കിഴക്കൻ യൂറോ​പ്പി​ലെ​യും യു. എസ്‌. എസ്‌. ആറി​ലെ​യും ഇററലി​യി​ലെ​യും സ്‌പെ​യി​നി​ലെ​യും കാനഡാ​യി​ലെ​യും ബ്രിട്ട​നി​ലെ​യും അമേരി​ക്ക​യു​ടെ ഉത്തരമ​ദ്ധ്യ​പൂർവ​പ്ര​ദേ​ശ​ത്തി​ലെ​യും വനങ്ങളിൽ നിരീ​ക്ഷി​ക്ക​പ്പെ​ട്ടി​ട്ടുണ്ട്‌.” അതേ എഴുത്തു​കാർ തുടരു​ന്നു: “ഒരർത്ഥ​ത്തിൽ, ഒരു അർദ്ധ​ഗോ​ള​ത്തി​ന്റെ അധിക​ഭാ​ഗ​ത്തും (സാദ്ധ്യ​ത​യ​നു​സ​രിച്ച്‌ മറേറ അർദ്ധ​ഗോ​ള​ത്തി​ന്റെ ഭാഗങ്ങ​ളി​ലും) വിഷം കലർത്തി​ക്കൊണ്ട്‌ മനുഷ്യ​രാ​ശി ഒരു വമ്പിച്ച പരീക്ഷണം നടത്തു​ക​യാണ്‌, അനന്തരം എന്തു സംഭവി​ക്കു​മെന്നു കാണാൻ കാത്തി​രി​ക്കു​ക​യാണ്‌.”

ജീവമ​ണ്ഡ​ല​ത്തിൻമേ​ലുള്ള സമ്മർദ്ദം വഴങ്ങാത്ത മറെറാ​രു ഘടകത്താൽ വർദ്ധി​ക്കു​ക​യാണ്‌—ലോക​ജ​ന​സം​ഖ്യ അടുത്ത കാലത്ത്‌ അഞ്ഞൂറു കോടി​യിൽ കവിഞ്ഞു. ജീവശാ​സ്‌ത്ര​ജ്ഞ​രായ ആനിയും പോൾ ഏളിക്കും ഇങ്ങനെ പ്രസ്‌താ​വി​ക്കു​ന്നു: “ഫലത്തിൽ ഭൂമി​യി​ലെ സകല ജീവരൂ​പ​ങ്ങ​ളും മനുഷ്യ​രു​ടെ വികസ​ന​ത്താൽ കഷ്ടപ്പെ​ടു​ക​യാണ്‌.” മനുഷ്യൻ വികസി​ക്കു​ക​യും ചൂഷണം​ചെ​യ്യു​ക​യും ചെയ്യുന്നു. ഭാവി തലമു​റകൾ സ്വയം പരിപാ​ലി​ക്കേ​ണ്ട​താണ്‌.

മമനു​ഷ്യ​ന്റെ മനഃസാ​ക്ഷി​ര​ഹി​ത​മായ ദുരു​പ​യോ​ഗ​ത്താൽ നദികൾ, കടലുകൾ, മഹാസ​മു​ദ്രങ്ങൾ എന്നീ വിഭവങ്ങൾ മലിനീ​ക​രി​ക്ക​പ്പെ​ടു​ക​യാണ്‌. ഉച്ഛിഷ്ട​ങ്ങ​ളും എച്ചിലു​ക​ളും രാസദൂ​ഷ​ക​ങ്ങ​ളും കടലു​ക​ളി​ലേക്ക്‌ തള്ളുക​യാണ്‌, അവ ഒരു പ്രാ​ദേ​ശിക എച്ചിൽസ്ഥലം, ഭൂജീ​വി​ത​ത്തി​ന്റെ ഒരു അനാവശ്യ അനുബന്ധം, ആണെന്നുള്ള മട്ടിൽത്തന്നെ.

അതു​കൊണ്ട്‌, ഭൂമിയെ അക്ഷരീ​യ​മാ​യി നശിപ്പി​ക്കാൻ കഴിവു​ണ്ടാ​യി​ട്ടുള്ള മനുഷ്യ​ച​രി​ത്ര​ത്തി​ലെ ആദ്യ തലമുറ ഇതാണ്‌. ഇപ്പോൾ ഇദം​പ്ര​ഥ​മ​മാ​യി, ദൈവം “ഭൂമിയെ നശിപ്പി​ക്കു​ന്ന​വരെ നശിപ്പി​ക്കും” എന്ന വെളി​പ്പാട്‌ 11:18-ലെ പ്രവച​ന​ത്തിന്‌ നിവൃ​ത്തി​യു​ണ്ടാ​കാൻ കഴിയും. അത്‌ “അന്ത്യകാല”ത്തിന്റെ സമാപ്‌തി​യി​ങ്കൽ നടക്കേ​ണ്ട​താണ്‌.—ദാനി​യേൽ 12:4.

ഒരു അനുപ​മ​മായ മുന്നറി​യി​പ്പിൻവേല

ശ്രദ്ധേ​യ​മായ വിധത്തിൽ നിവർത്തി​ച്ചു​കൊ​ണ്ടി​രി​ക്കുന്ന യേശു​വി​ന്റെ പ്രവച​ന​ത്തി​ന്റെ മറെറാ​രു വശമുണ്ട്‌. അവസാനം വരുന്ന​തി​നു​മുമ്പ്‌ സകല രാഷ്‌ട്ര​ങ്ങ​ളി​ലും നിർവ​ഹി​ക്ക​പ്പെ​ടുന്ന ഒരു പ്രസം​ഗ​വേ​ല​യെ​ക്കു​റിച്ച്‌, ഒരു സാക്ഷീ​ക​ര​ണ​വേ​ല​യെ​ക്കു​റിച്ച്‌, അവൻ മുൻകൂ​ട്ടി​പ്പ​റഞ്ഞു. (മത്തായി 24:14; മർക്കോസ്‌ 13:10) അത്‌ 1914-ലെ തലമു​റ​യു​ടെ ആയുഷ്‌ക്കാ​ല​ത്തി​നു​ള്ളിൽ നടത്ത​പ്പെ​ടും. ഗതാഗ​ത​ത്തി​ലും വാർത്താ​വി​നി​മ​യ​ത്തി​ലും കമ്പ്യൂ​ട്ട​റു​ക​ളി​ലും അച്ചടി​യി​ലു​മുള്ള ആധുനി​ക​പു​രോ​ഗതി ഭൂമി​യി​ലെ​ങ്ങും ഏതാണ്ട്‌ 200 ഭാഷക​ളിൽ തങ്ങളുടെ വിപു​ല​മായ വിദ്യാ​ഭ്യാ​സ​വേല വികസി​പ്പി​ക്കാൻ യഹോ​വ​യു​ടെ സാക്ഷി​കളെ അനുവ​ദി​ച്ചി​രി​ക്കുന്ന ഈ ഇരുപ​താം​നൂ​റ​റാ​ണ്ടിൽമാ​ത്രമേ അതു സാദ്ധ്യ​മാ​യി​ട്ടു​ള്ളു.

ഇപ്പോൾ സാക്ഷികൾ വീക്ഷാ​ഗോ​പു​രം മാസിക 105 ഭാഷക​ളിൽ ഉൽപ്പാ​ദി​പ്പി​ക്കു​ന്നുണ്ട്‌! ഓരോ ലക്കത്തി​ന്റെ​യും 1 കോടി 30 ലക്ഷത്തി​ല​ധി​കം പ്രതികൾ വിതര​ണം​ചെ​യ്യ​പ്പെ​ടു​ന്നു. നിങ്ങൾ വായി​ച്ചു​കൊ​ണ്ടി​രി​ക്കുന്ന മാസിക 54 ഭാഷക​ളിൽ പ്രസി​ദ്ധീ​ക​രി​ക്ക​പ്പെ​ടു​ന്നു, ഓരോ ലക്കത്തി​ന്റെ​യും 1 കോടി 10 ലക്ഷത്തിൽപരം പ്രതികൾ അച്ചടി​ക്ക​പ്പെ​ടു​ന്നു. മുപ്പത്ത​ഞ്ചു​ല​ക്ഷ​ത്തോ​ളം സാക്ഷികൾ 212 രാജ്യ​ങ്ങ​ളി​ലെ തങ്ങളുടെ ശുശ്രൂ​ഷ​യിൽ ദൈവ​രാ​ജ്യ​സു​വാർത്ത നിരന്തരം അറിയി​ച്ചു​കൊ​ണ്ടി​രി​ക്കു​ക​യാണ്‌.

ഈ അനുപ​മ​മായ വേല നിർവ​ഹി​ക്ക​പ്പെ​ടു​ന്നത്‌ തന്റെ യഥാർത്ഥ അനുഗാ​മി​കൾക്കു​ണ്ടാ​കു​മെന്ന്‌ യേശു മുൻകൂ​ട്ടി​പ്പറഞ്ഞ ലോക​വ്യാ​പ​ക​പീ​ഡനം ഗണ്യമാ​ക്കാ​തെ​യാണ്‌. അതെ, ഒരു ലോക​തോ​തി​ലുള്ള യഹോ​വ​യു​ടെ സാക്ഷി​ക​ളു​ടെ പ്രവർത്ത​ന​വും അതിജീ​വ​ന​വും നാം അന്ത്യനാ​ളു​ക​ളി​ലാ​ണെ​ന്നു​ള്ള​തി​ന്റെ ജീവി​ക്കുന്ന തെളി​വാണ്‌!—മർക്കോസ്‌ 13:9, 10.

പാരമ്യം അടുത്തി​രി​ക്കു​ന്നു

അങ്ങനെ യേശു​വി​ന്റെ പ്രവച​ന​ത്തി​ന്റെ ആധുനി​ക​നി​വൃ​ത്തി​യിൽ, ഈ സംഭവ​ങ്ങ​ളെ​ല്ലാം യേശു​വി​ന്റെ അദൃശ്യ​സാ​ന്നി​ദ്ധ്യ​ത്തി​ന്റെ​യും അന്ത്യനാ​ളു​ക​ളു​ടെ​യും അഥവാ “വ്യവസ്ഥി​തി​യു​ടെ സമാപ​ന​ത്തി​ന്റെ”യും ഒരു സംയുക്ത അടയാ​ള​മാണ്‌. (മത്തായി 24:3) (11-ാം പേജിലെ ചതുരം കാണുക.) അവ ഒരു ജിഗ്‌സോ പസിൽ പോലെ ഒന്നിച്ചു​വ​രി​ക​യും “ഇവ ഈ വ്യവസ്ഥി​തി​യു​ടെ അന്ത്യനാ​ളു​ക​ളാ​കു​ന്നു” എന്നു പറയുന്ന ഒരു പൂർണ്ണ​ചി​ത്രം അവതരി​പ്പി​ക്കു​ക​യും​ചെ​യ്യു​ന്നു.—2 തിമൊ​ഥെ​യോസ്‌ 3:1-5, 12, 13 കൂടെ കാണുക.

യേശു മുൻകൂ​ട്ടി​പ്പറഞ്ഞ അവസ്ഥക​ളിൽ അനേക​വും മുൻത​ല​മു​റ​ക​ളി​ലും നിലവി​ലു​ണ്ടാ​യി​രു​ന്നു​വെ​ങ്കി​ലും മുമ്പൊ​രി​ക്ക​ലും അവയെ​ല്ലാം ചേർന്ന്‌ ഒരു തലമു​റ​യിൽ സംഭവി​ച്ചി​ട്ടില്ല. നാം കണ്ടുക​ഴി​ഞ്ഞ​തു​പോ​ലെ, ചിലത്‌ മുൻത​ല​മു​റ​ക​ളി​ലൊ​ന്നും സംഭവി​ച്ചി​ട്ടില്ല, അവക്ക്‌ സംഭവി​ക്കാ​നും കഴിയു​മാ​യി​രു​ന്നില്ല. ചിലതിന്‌ ഈ തലമുറ കടന്നു​പോ​കു​ന്ന​തി​നു​മുമ്പ്‌ പൂർണ്ണ​നി​വൃ​ത്തി​യു​ണ്ടാ​കാ​നി​രി​ക്കു​ക​യു​മാണ്‌. യഹോ​വ​യു​ടെ സാക്ഷികൾ വലിയ താൽപ​ര്യ​ത്തോ​ടെ കാത്തി​രി​ക്കുന്ന മററു സംഭവ​ങ്ങ​ളു​മുണ്ട്‌. ആ സംഭവങ്ങൾ ദൈവം തന്റെ രാജ്യ​ഭ​രണം ഈ ഭൂമി​മേൽ വ്യാപി​പ്പി​ക്കു​ന്ന​തി​ന്റെ നാന്ദി​യാണ്‌. അതു​കൊണ്ട്‌ ഇപ്പോ​ഴത്തെ ചോദ്യം അടുത്ത​താ​യി എന്ത്‌? എന്നതാണ്‌. (g88 4/8)

[7-ാം പേജിലെ ചതുരം]

നിങ്ങൾ എങ്ങനെ ഉത്തരം പറയും? 1914 മുതൽ. . .

1. ഏതു വലിയ യുദ്ധങ്ങൾ നടന്നി​ട്ടുണ്ട്‌?

2. നിങ്ങൾക്ക്‌ വലിയ ഭൂകമ്പങ്ങൾ എത്ര​യെണ്ണം ഓർക്കാൻ കഴിയും?

3. മനുഷ്യ​വർഗ്ഗം ഏതെങ്കി​ലും വലിയ രോഗ​ങ്ങ​ളോ പ്ലേഗു​ക​ളോ അനുഭ​വി​ച്ചി​ട്ടു​ണ്ടോ?

4. ഏതു വലിയ ക്ഷാമങ്ങ​ളും ഭക്ഷ്യദൗർല​ഭ്യ​ങ്ങ​ളും ലോകത്തെ ബാധി​ച്ചി​ട്ടുണ്ട്‌?

5. കള്ളപ്ര​വാ​ച​കൻമാ​രും കള്ള മശിഹാ​മാ​രും വന്നിട്ടു​ണ്ടോ?

6. വർദ്ധിച്ച അക്രമ​ത്തി​ന്റെ​യും നിയമ​രാ​ഹി​ത്യ​ത്തി​ന്റെ​യും തെളി​വു​ണ്ടോ?

7. സ്‌നേ​ഹ​ത്തി​ന്റെ​യും അയൽബ​ന്ധ​ത്തി​ന്റെ​യും ഒരു കുറവു​ണ്ടാ​യി​ട്ടു​ണ്ടോ?

8. ലോക​ത്തിൽ സമാധാ​നം കൈവ​രു​ത്തു​മെന്ന്‌ ഏതെങ്കി​ലും സ്ഥാപനം അവകാ​ശ​പ്പെ​ട്ടി​ട്ടു​ണ്ടോ?

9. ജനതക​ളു​ടെ അതി​വേ​ദ​ന​യും ഭാവി​യെ​ക്കു​റി​ച്ചുള്ള ഭയവു​മു​ണ്ടോ?

10. ലോക​വ്യാ​പ​ക​മാ​യുള്ള ഒരു രാജ്യ​സാ​ക്ഷീ​ക​ര​ണ​വേ​ല​യു​ടെ തെളിവ്‌ നിങ്ങൾ കാണു​ന്നു​ണ്ടോ?

(ഉത്തരങ്ങൾക്ക്‌ പേജ്‌ 11 കാണുക.)

[11-ാം പേജിലെ ചതുരം]

ഏഴാം പേജിലെ ചോദ്യ​ങ്ങൾക്കുള്ള ഉത്തരങ്ങൾa

1. മത്തായി 24:7—രണ്ടു ലോക​യു​ദ്ധങ്ങൾ (1914-18; 1939-45); സ്‌പാ​നീഷ്‌ സിവിൽവാർ (1936-39); കൊറി​യൻയു​ദ്ധം; വിയറ​റ്‌നാം യുദ്ധം; ഇറാക്ക്‌-ഇറാൻ; മദ്ധ്യപൂർവ​യു​ദ്ധ​ങ്ങ​ളും മററു​ള്ള​വ​യും.

2. മത്തായി 24:7—ഭൂകമ്പങ്ങൾ: 1920-ഉം 1932-ഉം, കാൻസു, ചൈനാ, യഥാ​ക്രമം 2,00,000-വും 70,000-വും പേർ മരിച്ചു; 1923, കാൻറോ, ജപ്പാൻ, 1,42,000 പേർ മരിച്ചു; 1935, ക്വെററാ, പാക്കി​സ്ഥാൻ, 60,000 പേർ മരിച്ചു; 1939, ചില്ലേൻ, ചിലി, 30,000 മരിച്ചു; 1960, അഗാദിർ, മൊ​റോ​ക്കോ, 12,000 മരിച്ചു; 1970, പെറു, 66,700 മരിച്ചു; 1972, മനാഗ്വാ, നിക്കരാ​ഗ്വാ, 5,000 മരിച്ചു; 1976, ഗ്വാട്ടി​മാ​ലാ​ന​ഗരം, ഗ്വാട്ടി​മാല, 23,000 മരിച്ചു; 1976, ററാങ്ക്‌ഷൻ, ചൈനാ, 8,00,000 മരിച്ചു.

3. ലൂക്കോസ്‌ 21:11—ഹൃ​ദ്രോ​ഗം; കാൻസർ; എയിഡ്‌സ്‌, റിവർ ബ്ലൈൻഡ്‌നസ്‌; മലേറി​യാ; ലൈം​ഗി​ക​രോ​ഗങ്ങൾ.

4. ലൂക്കോസ്‌ 21:11—ക്താമം: 1920-21, വടക്കൻ​ചൈനാ, കണക്കാ​ക്ക​പ്പെ​ട്ട​പ്ര​കാ​രം 2 കോടി​യെ ബാധിച്ചു; 1943-44, ഇൻഡ്യാ, 16,00,000 മരിച്ചു; 1967-69, നൈജീ​റി​യാ, 15,00,000-ൽപരം കുട്ടികൾ മരിച്ചു; 1975-79, കംപൂ​ച്ചി​യാ, 10,00,000 മരണങ്ങൾ; 1883-87, ബ്ലാക്ക്‌ ആഫ്രിക്കാ, 22 ദശലക്ഷം പേർ ബാധി​ക്ക​പ്പെട്ടു.

5. മത്തായി 24:11—കരിസ്‌മാ​റ​റിക്ക്‌ മതനേ​താ​ക്കൻമാർ, ററി.വി. മശിഹാ​മാർ, ഗുരുക്കൾ എന്നിവർ ദശലക്ഷ​ങ്ങളെ വഴി​തെ​റ​റി​ക്കു​ന്ന​തിൽ തുടരു​ന്നു.

6. മത്തായി 24:12; 2 തിമൊ​ഥെ​യോസ്‌ 3:13—കുററ​കൃ​ത്യം, അക്രമം, അപകൃ​ത്യം, മയക്കു​മ​രു​ന്നു​ദു​രു​പ​യോ​ഗം എന്നിവ ലോക​ത്തി​ന്റെ മിക്ക ഭാഗങ്ങ​ളി​ലും പ്രബല​പ്പെ​ട്ടി​രി​ക്കു​ന്നു. ലോക മയക്കു​മ​രു​ന്നു​വ്യാ​പാ​രം നിർദ്ദ​യ​രായ ഒരു ജാതി മയക്കു​മ​രു​ന്നു​മാ​ട​മ്പി​ക​ളെ​യും കൊല​യാ​ളി​ക​ളെ​യും ഉളവാ​ക്കി​യി​രി​ക്കു​ന്നു.

7. മത്തായി 24:12—ഇപ്പോൾ വാതി​ലു​കൾ അടച്ച്‌ തഴുതി​ടു​ന്നു; സ്വത്തുക്കൾ സംരക്ഷി​ക്കു​ന്ന​തിന്‌ കടിക്കുന്ന പട്ടികളെ ഉപയോ​ഗി​ക്കു​ന്നു; അയൽക്കാർ മിക്ക​പ്പോ​ഴും അപരി​ചി​ത​രാണ്‌.

8. വെളി​പ്പാട്‌ 17:3, 8-11—സർവരാ​ജ്യ​സ​ഖ്യ​വും ഐക്യ​രാ​ഷ്‌ട്ര​ങ്ങ​ളും.

9. ലൂക്കോസ്‌ 21:26—രണ്ടു ലോക​മ​ഹാ​യു​ദ്ധങ്ങൾ അവർണ്ണ​നീയ ദുരി​ത​വും വേദന​യും വരുത്തി​ക്കൂ​ട്ടി. 1945 മുതൽ നൂക്ലി​യർവി​നാ​ശ​ത്തി​ന്റെ ഭീഷണി സർവ​ലോ​ക​ത്തി​ലും ഭയവും മനോ​വേ​ദ​ന​യും പരത്തി​യി​രി​ക്കു​ന്നു.

10. മത്തായി 24:14—മുപ്പത്ത​ഞ്ചു​ല​ക്ഷ​ത്തി​ല​ധി​കം യഹോ​വ​യു​ടെ സാക്ഷികൾ ഏതാണ്ട്‌ 200 ഭാഷക​ളിൽ ‘ദൈവ​രാ​ജ്യ​ത്തി​ന്റെ സുവാർത്ത’ പ്രസം​ഗി​ച്ചു​കൊ​ണ്ടി​രി​ക്കു​ന്നു.

[അടിക്കു​റി​പ്പു​കൾ]

[10-ാം പേജിലെ ചിത്രങ്ങൾ]

ക്ഷാമം ഗോള​ത്തി​ന്റെ വലിയ ഭാഗങ്ങളെ ബാധി​ച്ചു​കൊ​ണ്ടി​രി​ക്കു​ന്നു

മനുഷ്യൻ മറെറല്ലാ ജീവജാ​ല​ങ്ങ​ളു​മാ​യി പങ്കിട്ട​നു​ഭ​വി​ക്കുന്ന ജീവമ​ണ്ഡ​ലത്തെ അവൻ മലിനീ​ക​രി​ക്കു​ക​യാണ്‌

വിവിധരോഗങ്ങൾ ദശലക്ഷ​ക്ക​ണ​ക്കി​നാ​ളു​കളെ ബാധി​ക്കു​ന്നു

ലോകവ്യാപകമായി ഏതാണ്ട്‌ 200 ഭാഷക​ളിൽ ഒരു അനുപ​മ​മായ മുന്നറി​യി​പ്പിൻവേല നടക്കുന്നു

[10-ാം പേജിലെ ചിത്ര​ത്തിന്‌ കടപ്പാട്‌]

FAO photo