ലോക ഭക്ഷ്യസു​ര​ക്ഷി​ത​ത്വം ഉറപ്പു​വ​രു​ത്തു​ന്നു എന്തു മുഖാ​ന്തരം?

“ഈ നൂറ്റാ​ണ്ടിൽ നമുക്കു സുപരി​ചി​ത​മായ ഭക്ഷ്യ സുരക്ഷി​ത​ത്വം നിലനിർത്താൻ കഴിവി​ന്റെ പരമാ​വധി ശ്രമി​ച്ചാ​ലും നമുക്കു കഴിയു​മെന്നു തോന്നു​ന്നില്ല” എന്ന്‌ വാഷി​ങ്‌ടൺ ഡി.സി.-യിലുള്ള വേൾഡ്‌വാച്ച്‌ ഇൻസ്റ്റി​റ്റ്യൂ​ട്ടി​ന്റെ പ്രസി​ഡൻറ്‌ ലെസ്റ്റെർ ബ്രൗൺ അവകാ​ശ​പ്പെട്ടു. ന്യൂ സയൻറിസ്റ്റ്‌ മാഗസിൻ പറയു​ന്ന​പ്ര​കാ​രം, 1995-ന്റെ തുടക്ക​ത്തിൽ ലോക ധാന്യ​ശേ​ഖരം എക്കാല​ത്തെ​ക്കാ​ളും മോശ​മായ ഒരു സ്ഥിതി​വി​ശേ​ഷ​ത്തി​ലേക്ക്‌, 255 ദശലക്ഷം ടൺ ആയി, താണു. അതു വെറും 48 ദിവസം ലോകത്തെ പോറ്റാ​നു​ള്ള​തേ​യു​ള്ളൂ. മുൻവർഷ​ങ്ങ​ളിൽ ധാന്യ​ശേ​ഖരം 60 ദിവസ​ത്തിൽ താഴെ​യാ​യ​പ്പോൾ സ്ഥിതി​വി​ശേഷം മെച്ച​പ്പെ​ടു​ത്താൻ കഴിഞ്ഞു. എന്നാൽ, നഷ്ടം നികത്താ​നുള്ള ഭൂപ്രാ​പ്‌തി​യെ​ക്കു​റി​ച്ചു വേൾഡ്‌വാ​ച്ചിന്‌ ഇപ്പോൾ തിട്ടമില്ല.

മൂന്നു വർഷമാ​യി വിള​വെ​ടു​പ്പു മോശ​മാ​യി​രു​ന്നു​വെന്നു മാത്രമല്ല, അനവധി വികസ്വര രാജ്യങ്ങൾ ധാന്യങ്ങൾ കന്നുകാ​ലി​കൾക്കു തീറ്റയാ​യും ഉപയോ​ഗി​ച്ചു വരുന്നു. തന്മൂലം, മുഖ്യ ഭക്ഷ്യവി​ഭ​വ​മാ​യി ധാന്യ​ങ്ങ​ളു​പ​യോ​ഗി​ക്കുന്ന ദരി​ദ്രർക്ക്‌ അതു തുലോം തുച്ഛമാ​യേ ലഭിക്കു​ന്നു​ള്ളൂ. ഈ സ്ഥിതി​വി​ശേ​ഷ​ത്തിന്‌ അടിയ​ന്തിര ശ്രദ്ധ നൽകാ​ത്ത​പക്ഷം, തങ്ങളുടെ വരുമാ​ന​ത്തിൽ കുറഞ്ഞത്‌ 70 ശതമാനം ഭക്ഷ്യവി​ഭ​വ​ങ്ങൾക്കാ​യി ചെലവ​ഴി​ക്കുന്ന ഒരു ശതകോ​ടി ആളുകൾ പട്ടിണി​യി​ലാ​കു​മെന്ന്‌ ന്യൂ സയൻറിസ്റ്റ്‌ മുന്നറി​യി​പ്പു നൽകുന്നു.

നമ്മുടെ നാളിൽ ഭൂവാ​സി​കൾ “ക്ഷാമം” അനുഭ​വി​ക്കു​മെന്നു ബൈബിൾ മുൻകൂ​ട്ടി​പ്പ​റ​ഞ്ഞി​രു​ന്നു. (ലൂക്കൊസ്‌ 21:11) എന്നാൽ, ദൈവം ഈ പ്രശ്‌ന​ത്തി​നു​നേരേ കണ്ണടയ്‌ക്കു​ന്നില്ല. അവന്റെ രാജ്യം ഒടുവിൽ ഭൂമി​യി​ലെ കാര്യാ​ദി​ക​ളു​ടെ​മേൽ നിയ​ന്ത്ര​ണ​മേ​റ്റെ​ടു​ക്കു​മ്പോൾ മനുഷ്യ​വർഗ​ത്തി​ന്റെ ദയനീ​യാ​വ​സ്ഥ​യിൽ അവനുള്ള താത്‌പ​ര്യം വ്യക്തമാ​കും. അന്നാളിൽ, ‘ഭൂമി അതിന്റെ അനുഭവം തരും.’ “ദേശത്തു പർവ്വത​ങ്ങ​ളു​ടെ മുകളിൽ ധാന്യ​സ​മൃ​ദ്ധി​യു​ണ്ടാ​കും.” (സങ്കീർത്തനം 67:6; 72:16) പിന്നീട്‌, സ്രഷ്ടാ​വി​നെ​ക്കു​റി​ച്ചുള്ള ഈ പ്രാവ​ച​നിക വാക്കുകൾ നിവൃ​ത്തി​യേ​റും: “നീ ഭൂമിയെ സന്ദർശി​ച്ചു നനെക്കു​ന്നു; നീ അതിനെ അത്യന്തം പുഷ്ടി​യു​ള്ള​താ​ക്കു​ന്നു; . . . താഴ്‌വ​രകൾ ധാന്യം​കൊ​ണ്ടു മൂടി​യി​രി​ക്കു​ന്നു.”—സങ്കീർത്തനം 65:9, 13.

മഹത്തായ ആ വാഗ്‌ദത്തം നിങ്ങൾക്ക്‌ ആകർഷ​ക​മാ​യി തോന്നു​ന്നു​വോ? എങ്ങനെ അതിന്റെ ഭാഗമാ​യി​രി​ക്കാൻ കഴിയു​മെ​ന്ന​റി​യാൻ നിങ്ങൾക്ക്‌ ആഗ്രഹ​മു​ണ്ടോ? അടുത്ത തവണ യഹോ​വ​യു​ടെ സാക്ഷികൾ നിങ്ങളു​ടെ വീട്ടിൽ വരു​മ്പോൾ ആ വാഗ്‌ദത്ത പറുദീ​സ​യെ​ക്കു​റി​ച്ചു കൂടുതൽ പറയാൻ ആവശ്യ​പ്പെ​ടുക. ആരെങ്കി​ലും നിങ്ങൾക്ക്‌ ഒരു സൗജന്യ ഭവന ബൈബി​ള​ധ്യ​യനം നടത്തു​ന്ന​തി​നു നിങ്ങളെ സന്ദർശി​ക്കാൻ ആഗ്രഹി​ക്കു​ന്നു​വെ​ങ്കിൽ, ദയവായി Watch Tower, H-58 Old Khandala Road, Lonavla 410 401, Mah., India-യിലേക്കോ 2-ാം പേജിൽ നൽകി​യി​ട്ടുള്ള ഉചിത​മായ വിലാ​സ​ത്തി​ലോ എഴുതുക.

[32-ാം പേജിലെ ചിത്ര​ത്തിന്‌ കടപ്പാട]

ഉൾചിത്രം: Pictorial Archive (Near Eastern History) Est.