മതത്തിന്റെ ഭാവി അതിന്റെ കഴിഞ്ഞ കാലത്തി​ന്റെ കാഴ്‌ച​പ്പാ​ടിൽ

ഭാഗം 23: 1945 മുതൽ കണക്കു​തീർക്കു​ന്ന​തി​നുള്ള സമയം അടുത്തി​രി​ക്കു​ന്നു

“ജനത്തിന്റെ സന്തുഷ്ടി​ക്കുള്ള ആദ്യ വ്യവസ്ഥ മതത്തിന്റെ ഉച്ചാട​ന​മാണ്‌.”—കാൾ മാർക്‌സ്‌, 19-ാം നൂററാ​ണ്ടി​ലെ ജർമ്മൻ സാമൂ​ഹ്യ​ശാ​സ്‌ത്ര​ജ്ഞ​നും സാമ്പത്തി​ക​വി​ദ​ഗ്‌ദ്ധ​നും

യഹൂദ റബ്ബിമാ​രായ പൂർവി​കർ കുടും​ബ​ത്തി​ന്റെ ഇരുപ​ക്ഷ​ങ്ങ​ളി​ലും ഉണ്ടായി​രു​ന്നി​ട്ടും കാൾമാ​ക്‌സ്‌ ആറാം വയസ്സിൽ ഒരു പ്രോ​ട്ട​സ്‌റ​റൻറു​കാ​ര​നാ​യി സ്‌നാ​പ​ന​മേ​ററു. എന്നാൽ അദ്ദേഹം ചെറു​പ്പ​മാ​യി​രു​ന്ന​പ്പോൾത്തന്നെ മതത്തി​ലും രാഷ്‌ട്രീ​യ​ത്തി​ലും നിരാ​ശി​ത​നാ​യി. മനുഷ്യ​വർഗ്ഗം എന്നെങ്കി​ലും സന്തുഷ്ട​മാ​ക​ണ​മെ​ങ്കിൽ രണ്ടും കർശന​മായ മാററ​ങ്ങൾക്ക്‌ വിധേ​യ​മാ​ക്ക​പ്പെ​ട​ണ​മെന്ന്‌ അദ്ദേഹം വാദിച്ചു.

ബൈബിൾ ഇതി​നോ​ടു യോജി​ക്കു​ന്നു. എന്നാൽ മാർക്‌സ്‌ നിർദ്ദേ​ശിച്ച കർശന​മായ മാററങ്ങൾ യഥാർത്ഥ അഭിവൃ​ദ്ധി കൈവ​രു​ത്തി​യി​ല്ലെ​ന്നി​രി​ക്കെ, നമ്മുടെ തലമു​റ​യിൽ നടക്കു​മെന്ന്‌ ബൈബി​ളിൽ മുൻകൂ​ട്ടി​പ്പ​റ​ഞ്ഞി​രി​ക്കുന്ന മാററങ്ങൾ നിലനിൽക്കുന്ന വിജയ​കി​രീ​ടം ചൂടും. ഇതു സംബന്ധി​ച്ചു സംശയ​മു​ണ്ടാ​യി​രി​ക്കാ​വു​ന്നതല്ല.

വിശേ​ഷിച്ച്‌ 1914 മുതൽ വ്യാജ​മ​ത​ത്തി​ന്റെ രക്തപാ​തകം അത്യുച്ച തലങ്ങളി​ലെ​ത്തി​യി​രി​ക്കു​ക​യാണ്‌. അന്നുമു​തൽ വ്യാജ​മതം വർദ്ധി​ച്ചു​വ​രുന്ന ഉദാസീ​ന​ത​യാൽ ബാധി​ക്ക​പ്പെ​ടു​ക​യും അതിന്‌ ജനപി​ന്തു​ണ​യു​ടെ കുറവ്‌ അനുഭ​വ​പ്പെ​ടു​ക​യും ചെയ്‌തി​രി​ക്കു​ന്നു. (ഈ പരമ്പര​യി​ലെ രണ്ട്‌ മുൻലേ​ഖ​നങ്ങൾ കാണുക) കടകവി​രു​ദ്ധ​മാ​യി യഥാർത്ഥ മതം വർഷം​തോ​റും കൂടുതൽ ശ്രദ്ധേ​യ​മാ​യി തഴച്ചു​വ​ളർന്നി​രി​ക്കു​ന്നു.

എന്നാൽ ഇനിയും എന്താണ്‌ വരാനി​രി​ക്കു​ന്നത്‌? മതത്തിന്റെ കഴിഞ്ഞ കാലത്തി​ന്റെ കാഴ്‌ച​പ്പാ​ടിൽ അതിന്റെ ഭാവി എന്താണ്‌ എന്നു ചോദി​ക്കു​ന്നത്‌ ഇപ്പോൾ മുമ്പെ​ന്ന​ത്തേ​തി​ലും ഉചിത​മാണ്‌.

ബൈബിൾ എന്തു പറയുന്നു?

നമ്മുടെ പൊതു​യു​ഗ​ത്തി​ന്റെ ഒന്നാം നൂററാ​ണ്ടി​ലെ സംഭവങ്ങൾ ഈ സംഗതി സംബന്ധിച്ച്‌ വെളിച്ചം വീശുന്നു. വ്യാജ​മതം സ്വീക​രി​ക്കു​ക​നി​മി​ത്തം ഇസ്രാ​യേൽ ജനത​ക്കെ​തി​രെ​യുള്ള ദൈവ​ത്തി​ന്റെ ന്യായ​വി​ധി​നിർവ​ഹ​ണ​ത്തിൽ മൂർദ്ധ​ന്യ​ത്തി​ലെ​ത്തു​മെന്ന്‌ മുൻകൂ​ട്ടി​പ്പ​റ​യ​പ്പെട്ട ഒരു ഭാവിയെ അത്‌ അഭിമു​ഖീ​ക​രി​ച്ചു. എന്നാൽ സത്യമതം ആചരി​ച്ച​വർക്ക്‌ യഹൂദ വ്യവസ്ഥി​തി​യോ​ടു​കൂ​ടെ​യുള്ള നാശത്തിൽനിന്ന്‌ രക്ഷപ്പെ​ടു​ന്ന​തി​നുള്ള കരുതൽ ചെയ്യ​പ്പെട്ടു. യേശു തന്റെ ശിഷ്യൻമാ​രോട്‌ ഇങ്ങനെ പറഞ്ഞു: “പാളയ​മ​ടി​ച്ചി​രി​ക്കുന്ന സൈന്യ​ങ്ങൾ യെരൂ​ശ​ലേ​മി​നെ വളഞ്ഞി​രി​ക്കു​ന്നത്‌ നിങ്ങൾ കാണു​മ്പോൾ അവളുടെ ശൂന്യ​മാ​ക്കൽ അടുത്തി​രി​ക്കു​ന്നു​വെന്ന്‌ അറിയുക. അപ്പോൾ യഹൂദ്യ​യി​ലു​ള്ളവർ പർവത​ങ്ങ​ളി​ലേക്ക്‌ ഓടി​പ്പോ​കാൻ തുടങ്ങട്ടെ, അവളുടെ മദ്ധ്യേ​യു​ള്ളവർ പിൻമാ​റട്ടെ.”—ലൂക്കോസ്‌ 21:20, 21.

ക്രി.വ. 66-ൽ റോമൻ സൈന്യ​ങ്ങൾ യെരൂ​ശ​ലേ​മി​നെ വളഞ്ഞു. നഗരം നാശത്തി​നു വിധി​ക്ക​പ്പെ​ട്ട​താ​യി തോന്നി. എന്നാൽ പെട്ടെന്ന്‌ സൈന്യ​ങ്ങൾ പിൻമാ​റു​ക​യും ക്രിസ്‌ത്യാ​നി​കൾക്ക്‌ സുരക്ഷി​ത​സ്ഥാ​ന​ത്തേക്ക്‌ ഓടി​പ്പോ​കു​ന്ന​തി​നുള്ള ഒരു അവസരം പ്രദാ​നം​ചെ​യ്യു​ക​യും ചെയ്‌തു. വിശ്വാ​സ​ത്യാ​ഗി​യാ​യി​രുന്ന ഇസ്രാ​യേൽ ശിക്ഷയിൽനിന്ന്‌ ഒഴിഞ്ഞു​പോ​യി എന്ന ഏതു ആശയവും നാലു വർഷം കഴിഞ്ഞ്‌ റോമാ​ക്കാർ തിരി​ച്ചു​വ​രു​ക​യും വീണ്ടും നഗരത്തെ ഉപരോ​ധി​ക്കു​ക​യും ഒടുവിൽ അതിനു​ള്ളി​ലു​ണ്ടാ​യി​രു​ന്ന​വർക്ക്‌ ഭീതി​ജ​ന​ക​മായ ജീവനഷ്ടം വരുത്തി​ക്കൊണ്ട്‌ അതിനെ കീഴട​ക്കു​ക​യും ചെയ്‌ത​പ്പോൾ അടങ്ങി. മൂന്നു വർഷം കഴിഞ്ഞ്‌ അവസാ​നത്തെ യഹൂദ കോട്ട​യാ​യി​രുന്ന മസാഡ​യും നിലം​പ​തി​ച്ചു. എന്നിരു​ന്നാ​ലും, വിശ്വ​സ്‌ത​ക്രി​സ്‌ത്യാ​നി​കൾ ആചരി​ച്ചി​രുന്ന യഥാർത്ഥ മതം അതിജീ​വി​ച്ചു.

ഇപ്പോൾ നമ്മുടെ തലമു​റ​യിൽ വ്യാജ​മ​ത​ത്തി​ന്റെ മുഴു ലോക​സാ​മ്രാ​ജ്യ​വും വിപത്തി​നെ അഭിമു​ഖീ​ക​രി​ക്കു​ക​യാണ്‌. ഒരിക്കൽകൂ​ടെ “പാളയ​മ​ടി​ച്ചി​രി​ക്കുന്ന സൈന്യ​ങ്ങൾ” ദിവ്യ ന്യായ​വി​ധി നടത്താൻ ഒരുങ്ങു​ക​യാണ്‌. പാക്‌സ്‌ റൊമാ​നാ (റോമൻ സമാധാ​നം) നിലനിർത്താൻ ഉദ്ദേശി​ക്ക​പ്പെ​ട്ടി​രുന്ന ഒന്നാം നൂററാ​ണ്ടി​ലെ റോമാ സൈന്യ​ത്തെ​പ്പോ​ലെ, ഇന്നത്തെ പാളയ​മ​ടി​ച്ചി​രി​ക്കുന്ന സൈന്യ​ങ്ങ​ളും ഒരു സമാധാ​ന​പാ​ലന ഉപകര​ണ​മാണ്‌. യൂ.എൻ. അംഗരാ​ഷ്‌ട്ര​ങ്ങ​ളു​ടെ ഇടയിലെ സൈന്യ​വൽകൃത ശക്തിക​ളാ​യി​രി​ക്കും ആധുനി​ക​നാ​ളി​ലെ യെരൂ​ശ​ലേ​മാ​കുന്ന ക്രൈ​സ്‌ത​വ​ലോ​ക​വും മഹാബാ​ബി​ലോ​നി​ലെ ശേഷിച്ച ഭാഗവു​മാ​യി ഒടുവിൽ കണക്കു​തീർക്കു​ന്ന​തി​നുള്ള യഹോ​വ​യു​ടെ ഉപകരണം.—വെളി​പ്പാട്‌ 17:7, 16.

ഇത്‌ എപ്പോൾ സംഭവി​ക്കും? ഒന്നു തെസ്സ​ലോ​നീ​ക്യർ 5:3 ഉത്തരം നൽകുന്നു: “അവർ ‘സമാധാ​ന​വും നിർഭ​യ​വും’ എന്ന്‌ പറയു​ന്ന​തെ​പ്പോൾത്ത​ന്നെ​യാ​യാ​ലും അപ്പോൾ ഒരു ഗർഭി​ണി​യു​ടെ കഠിന​വേ​ദ​ന​പോ​ലെ പെട്ടെ​ന്നുള്ള നാശം അവരു​ടെ​മേൽ ക്ഷണത്തിൽ വരേണ്ട​താണ്‌; അവർ യാതൊ​രു പ്രകാ​ര​ത്തി​ലും രക്ഷപ്പെ​ടു​ക​യില്ല.”

“സാം​ക്ര​മിക സമാധാ​നം”

“സമാധാ​നം സർവത്ര പൊട്ടി​വി​ട​രു​ക​യാണ്‌” എന്ന്‌ മുൻ യു. എസ്‌. സെക്ര​ട്ടറി ഓഫ്‌ സ്‌റെ​റ​യ്‌ററ്‌ ആയ ജോർജ്ജ്‌ ഷുൽറ​റ്‌സ്‌ 1988-ൽ പറയു​ക​യു​ണ്ടാ​യി. ഒരു വിദേ​ശനയ വിദഗ്‌ദ്ധൻ ഒരു “സംക്ര​മി​ക​സ​മാ​ധാന”ത്തെക്കു​റിച്ച്‌ പറയു​ക​യു​ണ്ടാ​യി. കീർത്തി​പ്പെട്ട ജർമ്മൻ വാരി​ക​യായ ഡൈ സീററ്‌ ചോദി​ച്ചു: “ഇത്ര നന്നായി അനർത്ഥങ്ങൾ നിറഞ്ഞി​രുന്ന ഒരു നൂററാ​ണ്ടിൽ, അതിന്റെ അവസാന ദശകം നാശത്തി​ന്റെ അവസാ​ന​ത്തെ​യും സമാധാ​ന​പ​ര​മായ നിർമ്മാ​ണ​ത്തി​ന്റെ ഒരു തുടക്ക​ത്തെ​യും കുറി​ക്കാൻ ഇടയു​ണ്ടോ?” റൈറം മാസിക ഇങ്ങനെ പറഞ്ഞു: “ഇറാൻ-ഇറാക്കി​ലും കമ്പൂച്ചി​യാ​യി​ലും അഫ്‌ഗാ​നി​സ്‌ഥാ​നി​ലും തെക്കെ ആഫ്രി​ക്ക​യി​ലും സെൻട്രൽ അമേരി​ക്ക​യിൽപോ​ലും സമാധാ​ന​മു​ണ്ടാ​കാൻ സാദ്ധ്യത കാണുന്നു.”

ആയിര​ത്തി​ത്തൊ​ള്ളാ​യി​രത്തി എൺപത്തി​യൊൻപത്‌ എന്ന വർഷത്തി​ലും സമാധാന സംസാരം നിറഞ്ഞി​രു​ന്നു. ഫെബ്രു​വ​രി​യിൽ സിഡ്യൂ​ഷെ സീററംഗ്‌ എന്ന ജർമ്മൻ വർത്തമാ​ന​പ്പ​ത്രം ഇങ്ങനെ മുഖ​പ്ര​സം​ഗ​മെ​ഴു​തി: “ഏതാണ്ട്‌ 1985 മുതൽ നാം വൻശക്തി​കൾ തങ്ങളുടെ നഖങ്ങൾ അകത്തേക്കു വലിക്കു​ന്ന​തി​ല​ധി​കം ചെയ്‌തി​രി​ക്കുന്ന ഒരു ദശാസ​ന്ധി​യി​ലാണ്‌ ജീവി​ക്കു​ന്നത്‌. . . ഇന്നു വൻശക്തി​കൾ ഒരുമി​ച്ചു​കൂ​ടാത്ത ഒരു സ്ഥലം ഭൂമി​യിൽ വിരള​മാണ്‌. . . . എങ്ങനെ​യാ​യാ​ലും, മുമ്പൊ​രി​ക്ക​ലും സൂചനകൾ ഇത്ര അനുകൂ​ല​മാ​യി​രു​ന്നി​ട്ടില്ല, ഇരു പക്ഷങ്ങളും ഇത്ര ഗൗരവ​ത്തി​ലാ​യി​രു​ന്നി​ട്ടില്ല, തന്നിമി​ത്തം ഒരേ സമയത്തു​തന്നെ ശരിയായ ദിശയിൽ അനേകം നടപടി​കൾ സ്വീക​രി​ക്ക​പ്പെ​ട്ടി​ട്ടുണ്ട്‌.”

അടുത്ത കാലത്ത്‌, എട്ടു വർഷ​ത്തോ​ളം മുമ്പ്‌, കാര്യങ്ങൾ വളരെ ശോഭ​ന​മാ​യി കാണ​പ്പെ​ട്ടി​രു​ന്നില്ല. “1983-ൽ ഉടനീളം ലോക​ത്തി​നു ചുററു​മുള്ള മതനേ​താ​ക്കൻമാർ ‘സമാധാ​നം, സമാധാ​നം’ എന്ന്‌ മുറവി​ളി​ച്ചു, എന്നാൽ സമാധാ​നം ഉണ്ടായി​രു​ന്നില്ല” എന്ന്‌ പത്ര​പ്ര​വർത്ത​ക​നായ റോയി ലാഴ്‌സൻ പ്രസ്‌താ​വി​ച്ചു. അതിനു​ശേ​ഷ​മുള്ള അതിശ​യി​പ്പി​ക്കുന്ന ലോക​സം​ഭ​വങ്ങൾ 1 തെസ്സ​ലോ​നീ​ക്യ​രി​ന്റെ നിവൃ​ത്തി​യാ​ണോ? നമുക്കു പറയാൻ സാദ്ധ്യമല്ല. എന്നിരു​ന്നാ​ലും 1991 ഡിസം​ബ​റിൽ “സമാധാ​ന​വും സുരക്ഷി​ത​ത്വ​വും” സാക്ഷാ​ത്‌ക്കാ​ര​ത്തോട്‌ മുമ്പ​ത്തേ​തി​ലും അടുത്തി​രി​ക്കു​ന്നു​വെന്ന്‌ ഇന്ന്‌ പ്രകട​മാണ്‌.

കഠിന​വേല ചെയ്യുന്ന മതനേ​താ​ക്കൻമാർ—എന്തിനു​വേണ്ടി?

ലാഴ്‌സൺ പ്രകട​മാ​ക്കു​ന്ന​തു​പോ​ലെ, മത നേതാ​ക്കൻമാർ സമാധാ​നം അന്വേ​ഷി​ക്കു​ന്ന​തിൽ പ്രവർത്ത​ന​ര​ഹി​ത​രാ​യി​രു​ന്നി​ട്ടില്ല. 1983നെ സംബന്ധിച്ച തന്റെ വിലയി​രു​ത്തൽ തുടർന്നു​കൊണ്ട്‌ അദ്ദേഹം മദ്ധ്യ അമേരി​ക്ക​യി​ലേ​ക്കും കരീബി​യ​നി​ലേ​ക്കു​മുള്ള ജോൺ പോൾ രണ്ടാമന്റെ “സമാധാന തീർത്ഥാ​ട​ന​ത്തെ​ക്കു​റി​ച്ചു പറയുന്നു. കൂടാതെ ആ വർഷം​തന്നെ കത്തോ​ലി​ക്കാ ബിഷപ്പൻമാ​രു​ടെ യു.എസ്‌. നാഷനൽ കോൺഫ​റൻസ്‌ “സമാധാന വെല്ലു​വി​ളി” എന്ന പേരി​ലുള്ള ഒരു ഇടയ​ലേ​ഖനം അംഗീ​ക​രി​ച്ചു. അതിനു​ശേഷം താമസി​യാ​തെ, 100 രാജ്യ​ങ്ങ​ളി​ലെ 300-ൽ അധികം സഭകളു​ടെ പ്രതി​നി​ധി​കൾ സഭകളു​ടെ ലോക കൗൺസി​ലി​ന്റെ ആറാം പൊതു സമ്മേള​ന​ത്തിൽ കൂടി​വ​രു​ക​യും സമാന​മായ ഒരു പ്രമേയം അംഗീ​ക​രി​ക്കു​ക​യും ചെയ്‌തു. ലാഴ്‌സൺ “ആഗോള സമാധാ​ന​ശ്രമം” എന്ന്‌ വിളി​ച്ച​തിൽ അനേകം പ്രോ​ട്ട​സ്‌റ​റൻറ്‌ സുവി​ശേ​ഷ​കൻമാ​രും ഉൾപ്പെ​ട്ടി​രു​ന്നു.

സഭകളു​ടെ ലോക കൗൺസിൽ 1948-ൽ സ്ഥാപി​ക്ക​പ്പെ​ട്ട​പ്പോ​ഴും 1966-ലെ അതിന്റെ കോൺഫ​റൻസി​ലും നിർമ്മൂല നാശത്തി​നുള്ള ആധുനിക ആയുധ​ങ്ങ​ളു​ടെ ഉപയോ​ഗത്തെ ശക്തമായി അപലപി​ച്ചു. അതനു​സ​രിച്ച്‌, ജർമ്മൻ പ്രോ​ട്ട​സ്‌റ​റൻറ്‌ ദൈവ​ശാ​സ്‌ത്ര​ജ്ഞ​നാ​യി​രുന്ന ഹെൽമട്ട്‌ ഗോൾവി​റ​റ്‌സ​റെ​പ്പോ​ലെ ഡസൻക​ണ​ക്കിന്‌ വൈദി​ക​രും ദൈവ​ശാ​സ്‌ത്ര​ജ്ഞൻമാ​രും സമാധാ​ന​ത്തി​നു​വേണ്ടി ആയുധ​മെ​ടു​ത്തി​രി​ക്കു​ന്നു. 1989 ജൂ​ലൈ​യിൽ തന്റെ 80-ാം പിറന്നാ​ളിൽ ഒരു സ്വിസ്‌ പ്രോ​ട്ട​സ്‌റ​റൻറ്‌ വാരിക അദ്ദേഹത്തെ “സമാധാ​ന​ത്തി​നു​വേണ്ടി കഠിന​യ​ത്‌നം നടത്തുന്ന ഒരു “രാഷ്‌ട്രീയ പ്രവർത്ത​ക​നായ ഒരു ദൈവ​ശാ​സ്‌ത്രജ്ഞൻ” എന്ന നിലയിൽ പ്രശം​സി​ച്ചു. “അദ്ദേഹം തന്റെ പഠിപ്പി​ക്ക​ലി​നാ​ലും രാഷ്‌ട്രീയ പ്രതി​ബ​ദ്ധ​ത​യാ​ലും അനേകം ദൈവ​ശാ​സ്‌ത്ര​ജ്ഞൻമാ​രെ​യും സഭക്കു​ള്ളി​ലെ സമാധാന പ്രസ്ഥാ​ന​ത്തെ​യും സ്വാധീ​നി​ച്ചു.”

അങ്ങനെ, മഹാബാ​ബി​ലോൻ സജീവ​മാ​യി 1986-ലെ അന്തർദ്ദേ​ശീയ സമാധാന വർഷത്തെ പിന്താങ്ങി, അതിനെ അങ്ങനെ നാമക​ര​ണം​ചെ​യ്‌തത്‌ ഐക്യ​രാ​ഷ്‌ട്ര സംഘട​ന​യാ​യി​രു​ന്നു, അതിന്റെ ചാർട്ടർ “സാർവ​ദേ​ശീയ സമാധാ​ന​ത്തെ​യും സുരക്ഷി​ത​ത്വ​ത്തെ​യും നിലനിർത്താൻ” ആഹ്വാ​നം​ചെ​യ്യു​ന്നു. ആ വർഷം കത്തോ​ലി​ക്കാ പാപ്പാ​യും കാൻറർബ​റി​യി​ലെ ആംഗ്ലിക്കൻ ആർച്ച്‌ബി​ഷ​പ്പും ക്രിസ്‌ത്യാ​നി​ക​ളെ​ന്ന​വ​കാ​ശ​പ്പെ​ടു​ന്ന​വ​രും ബുദ്ധമ​ത​ക്കാ​രും ഹിന്ദു​ക്ക​ളും മുസ്ലീ​ങ്ങ​ളും ആഫ്രിക്കൻ ജീവവാ​ദി​ക​ളും അമേരി​ക്കൻ നാട്ടു​കാ​രും (ഇൻഡ്യൻസ്‌) യഹൂദൻമാ​രും സിക്കു​കാ​രും സൊ​രോ​ഷ്‌ട്ര്യൻമാ​രും ഷിന്റോ​മ​ത​ക്കാ​രും ജൈന​മ​ത​ക്കാ​രും ഉൾപ്പെടെ 700 മററു മതനേ​താ​ക്കൻമാ​രും സമാധാ​ന​ത്തി​നു​വേണ്ടി പ്രാർത്ഥി​ക്കാൻ റോമി​നു സമീപ​മുള്ള അസീസി​യിൽ കൂടി​വന്നു.

ആയിര​ത്തി​ത്തൊ​ള്ളാ​യി​രത്തി എൺപ​ത്തൊൻപത്‌ ജനുവ​രി​യിൽ ആസ്‌​ത്രേ​ലി​യാ സിഡ്‌നി​യി​ലെ സണ്ടേ ടെല​ഗ്രാഫ്‌ “ബുദ്ധമ​ത​ത്തി​ലെ​യും ക്രിസ്‌തീയ, ഹിന്ദു, യഹൂദ, മുസ്ലീം, സിക്ക്‌, യൂണി​റേ​റ​റി​യൻ, ബാഹായ്‌, കൊൺഫ്യൂ​ഷൻ, ജെയ്‌ൻ, ഷിന്റോ, ററാൻ, രാജ​യോഗ, സൊ​രോ​ഷ്‌ട്രി​യൻ മതങ്ങളി​ലെ​യും അംഗങ്ങൾ” മതവും സമാധാ​ന​വും സംബന്ധിച്ച ലോക​കോൺഫ​റൻസി​ന്റെ അഞ്ചാം സമ്മേള​ന​ത്തിൽ മെൽബോ​ണിൽ ഒന്നിച്ചു​കൂ​ടി. അർത്ഥവ​ത്താ​യി, “ഏതാണ്ട്‌ 85 രാജ്യ​ങ്ങ​ളിൽനി​ന്നുള്ള 600-ൽ അധികം പ്രതി​നി​ധി​കൾ മത ഭിന്നതകൾ വരുത്തി​ക്കൂ​ട്ടിയ സംഘർഷ​ങ്ങളെ യുദ്ധത്തി​ന്റെ മുഖ്യ​കാ​ര​ണ​ങ്ങ​ളി​ലൊ​ന്നാ​യി ദീർഘ​നാൾ ദുർവി​നി​യോ​ഗം​ചെ​യ്‌തി​ട്ടു​ണ്ടെന്ന്‌ . . . സമ്മതിച്ചു.”

സമാധാ​ന​ത്തി​നു​വേ​ണ്ടി​യുള്ള അന്വേ​ഷ​ണ​ത്തി​ലെ മതത്തിന്റെ ഉൾപ്പെടൽ ഐക്യ​രാ​ഷ്‌ട്ര​ങ്ങ​ളു​ടെ മുൻ സെക്ര​ട്ടറി ജനറലാ​യി​രുന്ന ദാഗ്‌ ഹാമർഷോൾഡ്‌ ഒരിക്കൽ പറഞ്ഞതി​നെ സ്ഥിരീ​ക​രി​ക്കു​ന്നു: “വിശ്വാ​സ​പ്ര​മാ​ണ​മോ ആരാധ​നാ​രീ​തി​യോ എന്തുത​ന്നെ​യാ​യി​രു​ന്നാ​ലും ഭൂമി​യിൽ സമാധാ​നം സ്ഥാപി​ക്കാ​നുള്ള സൻമന​സ്സുള്ള സകല മനുഷ്യ​രു​ടെ​യും ശ്രമങ്ങ​ളി​ലെ ഭാഗഭാ​ക്കു​കൾ എന്ന നിലയിൽ യു.എൻ. സംഘട​ന​യും സഭകളും ഒത്തു​ചേർന്നു​നിൽക്കു​ന്നു.”

എന്നിരു​ന്നാ​ലും, മഹാബാ​ബി​ലോ​നി​ന്റെ പ്രതി​ഷേ​ധ​മാർച്ചു​ക​ളും അവളുടെ പരസ്യ​പ്ര​ക​ട​ന​ങ്ങ​ളും അവളുടെ രാഷ്‌ട്രീ​യ​കാ​ര്യ​ങ്ങ​ളി​ലെ മതപര​മായ ഇടപെ​ട​ലി​ന്റെ കൂടുതൽ തന്ത്രപ​ര​മായ മററു രൂപങ്ങ​ളും അവളുടെ നാശത്തി​ലേക്കു നയിക്കും.a ഇപ്പോൾത്തന്നെ അത്‌ ഗണ്യമായ ഉരസലി​നി​ട​യാ​ക്കി​യി​ട്ടുണ്ട്‌, ദക്ഷിണാ​ഫ്രി​ക്ക​യിൽനി​ന്നുള്ള ഒരു കത്തോ​ലി​ക്കാ ഡോമി​നി​ക്കൻ സന്യാ​സി​യായ ആൽബർട്ട്‌ നോളൻ അടുത്ത കാലത്തു സമ്മതി​ച്ചു​പ​റ​ഞ്ഞ​തി​ങ്ങ​നെ​യാണ്‌, “ദൈ​വേ​ഷ്ട​ത്തി​നു ചേർച്ച​യാ​യി പോരാ​ട്ട​ത്തിൽ ചേരു​ക​യാണ്‌ സമാധാ​നം നേടു​ന്ന​തി​നുള്ള ഫലപ്ര​ദ​മായ ഏക വഴി. . . . ആയുധ​കു​റക്കൽ നേടു​ന്ന​തിന്‌, ഗവൺമെൻറു​മാ​യുള്ള പോരാ​ട്ടങ്ങൾ മിക്കവാ​റും അനിവാ​ര്യ​മാണ്‌.”

മഹാബാ​ബി​ലോൻ സമാധാ​ന​ത്തി​നു​വേണ്ടി മുറവി​ളി​ക്കു​ന്ന​തിൽ തുടരട്ടെ. പാപ്പാ ക്രിസ്‌മ​സി​നും ഈസ്‌റ​റ​റി​നും തന്റെ പരമ്പരാ​ഗത ഏർബി എററ്‌ ഓർബി (നഗരത്തി​നും [റോം] ലോക​ത്തി​നും) അനു​ഗ്രഹം കൊടു​ക്കു​ന്ന​തിൽ തുടരട്ടെ. അദ്ദേഹം കഴിഞ്ഞ മെയ്യിൽ ചെയ്‌ത​തു​പോ​ലെ, രാഷ്‌ട്രീയ സംഘർഷ​ങ്ങ​ളു​ടെ ഇപ്പോ​ഴത്തെ അയവ്‌ “ക്രിസ്‌തീയ” പ്രാർത്ഥ​ന​കൾക്കുള്ള ദൈവ​ത്തി​ന്റെ ഉത്തരമാ​ണെന്ന്‌ സങ്കൽപ്പി​ക്കു​ന്ന​തിൽ അദ്ദേഹം തുടരട്ടെ. വർദ്ധി​ച്ചു​വ​രുന്ന സമാധാ​ന​വാ​ക്കു​കൾക്കും തനിക്ക്‌ ദൈവാ​നു​ഗ്രഹം ഉണ്ടെന്നുള്ള സഗർവ​മായ അവകാ​ശ​വാ​ദ​ത്തി​നും മഹാബാ​ബി​ലോ​നെ അവളുടെ രക്തപങ്കി​ല​മായ ഭൂതകാ​ലം സംബന്ധിച്ച്‌ കുററ​വി​മു​ക്ത​യാ​ക്കാൻ കഴിയില്ല. മനുഷ്യർ തമ്മിലും മനുഷ്യ​രും ദൈവ​വും തമ്മിലു​മുള്ള സമാധാ​ന​ത്തിന്‌ എന്നും സ്ഥിതി​ചെ​യ്‌തി​രുന്ന വിലങ്ങു​ത​ടി​യാ​യി അത്‌ അവളെ മുദ്ര​കു​ത്തു​ന്നു. മനുഷ്യ​വർഗ്ഗ​ത്തി​ന്റെ സകല പ്രശ്‌ന​ങ്ങ​ളും നേരി​ട്ടോ പരോ​ക്ഷ​മാ​യോ അവൾ നിമി​ത്ത​മാ​ണെന്ന്‌ കണ്ടെത്താൻ കഴിയും!

വ്യാജ​മ​തം അതിന്റെ നാശം വരുത്തി​ക്കൂ​ട്ടുന്ന “സമാധാ​ന​വും സുരക്ഷി​ത​ത്വ​വും”തന്നെ ആനയി​ക്കാൻ യു.എൻ-നോ​ടൊത്ത്‌ കഠിന​യ​ത്‌നം ചെയ്യു​ന്നത്‌ വിരോ​ധാ​ഭാ​സ​മാണ്‌! വ്യാജ​മ​ത​ത്തി​ന്റെ അന്തം സത്യമ​ത​ത്തി​ന്റെ ദൈവത്തെ നീതി​മ​ത്‌ക്ക​രി​ക്കും, അവൻ പറയുന്നു: “വഴി​തെ​റ​റി​ക്ക​പ്പെ​ട​രുത്‌; ദൈവം പരിഹ​സി​ക്ക​പ്പെ​ടേണ്ട ഒരുവനല്ല. എന്തെന്നാൽ ഒരു മനുഷ്യൻ എന്തുതന്നെ വിതച്ചാ​ലും, അത്‌ അവൻ കൊയ്യു​ക​യും ചെയ്യും.”—ഗലാത്യർ 6:7.

സമയം പാഴാ​ക്ക​രുത്‌—നിങ്ങളു​ടെ ജീവനു​വേണ്ടി ഓടുക!

വ്യാജ​മ​ത​ത്തോ​ടു കണക്കു​ചോ​ദി​ക്കു​ന്ന​തി​നുള്ള സമയം അടുത്തി​രി​ക്കു​ന്നു! ജീവനഷ്ടം അനുഭ​വി​ക്കു​ന്ന​തൊ​ഴി​വാ​ക്കു​ന്ന​തി​നുള്ള ഏക മാർഗ്ഗം താമസം വരുത്താ​തെ അവളെ ഉപേക്ഷി​ക്കു​ക​യാണ്‌. (വെളി​പ്പാട്‌ 18:4) നാശത്തി​ലേ​ക്കുള്ള അന്തിമ കൗണ്ട്‌ഡൗൺ ഇപ്പോൾത്തന്നെ തുടങ്ങി​യി​രി​ക്കു​ന്നു.

കൃത്രിമ മതത്തിൽനി​ന്നും മതപര​മായ വ്യാജ ദേശീ​യ​വാ​ദ​ത്തിൽനി​ന്നും ദൈവ​ത്തി​ന്റെ മനോ​ഹ​ര​മായ ഭൂമി ശുദ്ധീ​ക​രി​ക്ക​പ്പെട്ട ശേഷം ദിവ്യ ഗവൺമെൻറിൻകീ​ഴിൽ സത്യമതം ഒന്നു മാത്രമേ ശേഷി​ക്കു​ക​യു​ള്ളു. ഈ കർശന​മായ മാററ​ങ്ങളെ അതിജീ​വി​ക്കുന്ന വ്യക്തി​ക​ളേ​സം​ബ​ന്ധി​ച്ച​ട​ത്തോ​ളം ഭാവി​വീ​ക്ഷണം എത്ര ആവേശ​ക​ര​മാണ്‌! നിങ്ങൾ അവരിൽ ഉൾപ്പെ​ടു​മോ? “സത്യമ​ത​ത്തി​ന്റെ നിത്യ​മ​നോ​ഹാ​രി​ത​കളി”ൽ എന്നേക്കും സന്തോ​ഷി​ക്കാൻ നിങ്ങൾ ഇഷ്‌ട​പ്പെ​ടു​ന്നു​വോ? അങ്ങനെ​യെ​ങ്കിൽ, 1992 ജനുവരി 8ലെ ഉണരുക!യിലുള്ള ഈ പരമ്പര​യി​ലെ അവസാ​നത്തെ ലേഖനം വായി​ച്ചു​കൊണ്ട്‌ എങ്ങനെ​യെന്ന്‌ പഠിക്കുക. (g89 12⁄8)

[അടിക്കു​റി​പ്പു​കൾ]

[29-ാം പേജിലെ ചതുരം]

സമാധാനത്തിനും സുരക്ഷി​ത​ത്വ​ത്തി​നും വേണ്ടി​യുള്ള അന്വേ​ഷ​ണം

മിക്ക വ്യക്തി​കൾക്കും സമാധാ​ന​ത്തി​നും സുരക്ഷി​ത​ത്വ​ത്തി​നും വേണ്ടി​യുള്ള ഒരു സ്വാഭാ​വിക വാഞ്‌ഛ​യുണ്ട്‌, എന്നാൽ മനുഷ്യ​ച​രി​ത്ര​ത്തി​ലു​ട​നീ​ളം ആ വാഞ്‌ഛ വിഫല​മാ​ക്ക​പ്പെ​ട്ടി​രി​ക്കു​ന്നു. എന്നിരു​ന്നാ​ലും, ചുവടെ ചേർക്കുന്ന പട്ടിക പ്രകട​മാ​ക്കു​ന്ന​തു​പോ​ലെ, മമനു​ഷ്യ​ന്റെ സമാധാ​ന​തേ​ട്ട​ത്തിൽ സമീപ വർഷങ്ങ​ളിൽ ശ്രദ്ധേ​യ​മായ കുറെ നേട്ടങ്ങൾ ഉണ്ടായി​ട്ടുണ്ട്‌.

1985: (ഒക്‌ടോ​ബർ) ഐക്യ​രാ​ഷ്‌ട്രങ്ങൾ 40-ാം ജൻമദി​നം ആഘോ​ഷി​ക്കു​ക​യും 1986നെ അന്താരാ​ഷ്‌ട്ര സമാധാ​ന​വർഷ​മാ​യി പ്രഖ്യാ​പി​ക്കു​ക​യും ചെയ്യുന്നു.

(നവംബർ) ഗോർബ​ച്ചേ​വും റീഗനും ഒരുമി​ച്ചു​കൂ​ടു​മ്പോൾ ആറു വർഷത്തിൽ ആദ്യമാ​യി വൻശക്തി ഉച്ചകോ​ടി നടക്കുന്നു; റീഗൻ ഒരു “പുതിയ തുടക്ക”ത്തെക്കു​റി​ച്ചു പറയുന്നു.

1986: (ജനുവരി) 2000-ാം വർഷമാ​കു​മ്പോ​ഴേക്ക്‌ സകല ന്യൂക്ലി​യർ ആയുധ​ങ്ങ​ളും നിരോ​ധി​ക്കാൻ ഗോർബ​ച്ചേവ്‌ ആഹ്വാ​നം​ചെ​യ്യു​ന്നു.

(സെപ്‌റ​റം​ബർ) വിശ്വാ​സ​വും സുരക്ഷി​ത​ത്വ​വും കെട്ടു​പ​ണി​ചെ​യ്യു​ന്ന​തി​നുള്ള നടപടി​ക​ളെ​ക്കു​റി​ച്ചും നിരാ​യു​ധീ​ക​ര​ണ​ത്തെ​ക്കു​റി​ച്ചും യൂറോ​പ്പിൽ നടന്ന കോൺഫ​റൻസ്‌ (ഐക്യ​നാ​ടു​ക​ളും കാനഡാ​യും സോവ്യ​റ​റ്‌യൂ​ണി​യ​നും അൽബേ​നി​യാ ഒഴിച്ചുള്ള മുഴു യൂറോ​പ്പും) ആകസ്‌മി​ക​മായ യുദ്ധത്തി​ന്റെ അപകടം കുറക്കു​ന്ന​തി​നുള്ള ഉടമ്പടി ഒപ്പു​വെ​ക്കു​ന്നു.

(ഒക്‌ടോ​ബർ) തങ്ങൾ “വമ്പിച്ച, ചരിത്രം സൃഷ്‌ടി​ക്കുന്ന, തീരു​മാ​ന​ങ്ങ​ളു​ടെ വക്കിൽ ആയിരു​ന്നു”വെന്ന്‌ ഗോർബ​ച്ചേവ്‌ പറയു​ന്നു​വെ​ങ്കി​ലും ഐസ്‌ലാൻഡിൽ നടന്ന റീഗ​ന്റെ​യും ഗോർബ​ച്ചേ​വി​ന്റെ​യും ഉച്ചകോ​ടി പരാജ​യ​പ്പെ​ടു​ന്നു.

1987: (ജനുവരി) ഗ്ലാസ്‌നോ​സ്‌റ​റ്‌നയം (തുറന്ന ഇടപെടൽ) സോവ്യ​ററ്‌ യൂണി​യ​നി​ലെ പുതിയ യുഗത്തി​ലേക്ക്‌ വിരൽചൂ​ണ്ടു​ന്ന​താ​യി കാണ​പ്പെ​ടു​ന്നു.

(മാർച്ച്‌) 12 വർഷത്തി​ലാ​ദ്യ​മാ​യി ഒരു ബ്രിട്ടീഷ്‌ പ്രധാ​ന​മ​ന്ത്രി മോസ്‌ക്കോ സന്ദർശി​ക്കു​ന്നു.

(ഡിസംബർ) മദ്ധ്യസീ​മക ന്യൂക്ലി​യർ മി​സൈ​ലു​കൾ നീക്കം​ചെ​യ്യാ​നുള്ള ഐഎൻഎഫ്‌ (ഇൻറർമീ​ഡി​യ​ററ്‌ റേഞ്ച്‌ ന്യൂക്ലി​യർ ഫോഴ്‌സസ്‌) ഉടമ്പടി​യിൽ ഗോർബ​ച്ചേ​വും റീഗനും ഒപ്പു​വെ​ക്കു​ന്നു.

1988: (മാർച്ച്‌) ഒരു സ്ഥിരമായ ഒത്തുതീർപ്പി​ലെ​ത്താ​നുള്ള സംഭാ​ഷ​ണങ്ങൾ തുടങ്ങി​ക്കൊണ്ട്‌ നിക്ക്വ​രാ​ഗ്വ​യും കമ്മ്യൂ​ണി​സ്‌ററ്‌ വിരുദ്ധ കോ​ണ്ട്രാ​ക​ളും വെടി​നിർത്ത​ലിൽ ഒപ്പു​വെ​ക്കു​ന്നു.

(ഏപ്രിൽ) സോവ്യ​റ​റ്‌യൂ​ണി​യൻ 1989 ഫെബ്രു​വ​രി​യോ​ടെ അഫ്‌ഗാ​നി​സ്‌റ​റാ​നിൽനിന്ന്‌ സൈന്യ​ങ്ങളെ പിൻവ​ലി​ക്കു​മെന്ന്‌ പ്രഖ്യാ​പി​ക്കു​ന്നു; എത്യോ​പ്യാ​യും സോമാ​ലി​യാ​യും പോരാ​ട്ടം അവസാ​നി​പ്പി​ക്കാ​മെന്നു സമ്മതി​ക്കു​ന്നു.

(മെയ്‌) വർഷാ​വ​സാ​ന​ത്തി​നു​മുമ്പ്‌ 50,000 പടയാ​ളി​കളെ കമ്പൂച്ചി​യാ​യിൽനിന്ന്‌ പിൻവ​ലി​ക്കാ​മെന്ന്‌ വിയറ​റ്‌നാം പ്രഖ്യാ​പി​ക്കു​ന്നു, ബാക്കി 1990ൽ.

(ജൂൺ) ആസ്‌​ത്രേ​ലി​യൻ പ്രധാ​ന​മ​ന്ത്രി​യായ ബോബ്‌ ഹോക്ക്‌ മോസ്‌ക്കോ​യിൽ നടന്ന ഗോർബ​ച്ചേവ്‌-റീഗൻ ഉച്ചകോ​ടി​യെ​ക്കു​റിച്ച്‌ ഇങ്ങനെ പറയുന്നു: “മുഴു യുദ്ധാ​നന്തര കാലഘ​ട്ട​ത്തി​ലും ആദ്യമാ​യി സമാധാ​ന​ത്തിൽ നിർമ്മാ​ണാ​ത്മ​ക​മാ​യി ജീവി​ക്കാൻ കഴിയുന്ന ഒരു ലോകം ഉരുത്തി​രി​യു​ന്ന​തി​ന്റെ യഥാർത്ഥ ലക്ഷണങ്ങ​ളുണ്ട്‌.

(ജൂലൈ) എട്ടുവർഷം പഴക്കമുള്ള ഇറാൻ-ഇറാക്ക്‌ യുദ്ധത്തിൽ വെടി​നിർത്ത​ലിന്‌ ആഹ്വാ​നം​ചെ​യ്യുന്ന യൂ.എൻ. പ്രമേയം സ്വീക​രി​ക്കു​ന്ന​താ​യി ഇറാൻ പ്രഖ്യാ​പി​ക്കു​ന്നു.

(ഓഗസ്‌ററ്‌) ഐക്യ​രാ​ഷ്‌ട്ര​ങ്ങൾക്ക്‌ കൊടു​ക്കാ​തെ പിടി​ച്ചു​വെ​ച്ചി​രുന്ന വിഹി​തങ്ങൾ കൊടു​ക്കാ​മെന്ന്‌ ഐക്യ​നാ​ടു​കൾ സമ്മതി​ക്കു​ന്നു. സോവ്യ​റ​റ്‌യൂ​ണി​യൻ നേരത്തെ സ്വീക​രിച്ച ഒരു ഗതിയാ​ണിത്‌, അങ്ങനെ യൂ.എൻ-ന്റെ സാമ്പത്തി​ക​ഞെ​രു​ക്കം അവസാ​നി​പ്പി​ക്കാൻ സഹായി​ക്കു​ക​യും അതിന്‌ ഒരു പുതിയ അന്തസ്സ്‌ കൊടു​ക്കു​ക​യും ചെയ്യുന്നു.

(സെപ്‌റ​റം​ബർ) പശ്ചിമ സഹാറാ​യിൽ 13 വർഷമാ​യി നടന്നു​വ​രുന്ന യുദ്ധം അവസാ​നി​പ്പി​ക്കാ​നുള്ള യു.എൻ. പദ്ധതി മൊ​റോ​ക്കോ​യും പോളി​സേ​റി​യോ ഗറില്ലാ​സൈ​ന്യ​ങ്ങ​ളും സ്വീക​രി​ക്കു​ന്നു.

(ഒക്‌ടോ​ബർ) യൂ.എൻ. സമാധാ​ന​പാ​ലന സൈന്യ​ങ്ങൾക്ക്‌ സമാധാ​ന​ത്തി​നുള്ള നോബേൽ സമ്മാനം കൊടു​ക്ക​പ്പെ​ടു​ന്നു; ലിബി​യാ​യും ചാഡും ദീർഘ​മാ​യി നീണ്ടു​നിന്ന യുദ്ധാവസ്ഥ ഔപചാ​രി​ക​മാ​യി അവസാ​നി​പ്പി​ക്കു​ന്നു.

(ഡിസംബർ) രണ്ടു വർഷം കൊണ്ട്‌ ഏകപക്ഷീ​യ​മാ​യി സോവ്യ​ററ്‌ സൈന്യ​ങ്ങളെ വലിയ തോതിൽ കുറവു​ചെ​യ്യു​മെ​ന്നും ചെക്കോ​സ്ലൊ​വാ​ക്യാ​യിൽനി​ന്നും ഹംഗറി​യിൽനി​ന്നും ജർമ്മൻ ഡെമോ​ക്രാ​റ​റിക്ക്‌ റിപ്പബ്ലി​ക്കിൽനി​ന്നും സൈന്യ​ങ്ങ​ളെ​യും ററാങ്കു​ക​ളെ​യും പിൻവ​ലി​ക്കാ​മെ​ന്നും യൂ.എൻ-ൽ ഗോർബ​ച്ചേവ്‌ പ്രഖ്യാ​പി​ക്കു​ന്നു; ദക്ഷിണാ​ഫ്രി​ക്കാ​യും നമീബി​യാ​യും കൂബയും 1989 ഏപ്രിൽ 1-ലെ യൂ.എൻ. പ്രമേയം നടപ്പി​ലാ​ക്കാ​മെന്നു സമ്മതി​ക്കു​ന്നു; നമീബി​യൻ സ്വാത​ന്ത്ര്യം അനുവ​ദി​ക്കു​ക​യും 22 വർഷത്തെ യുദ്ധം അവസാ​നി​പ്പി​ക്കു​ക​യും ചെയ്യുന്നു; അംഗോ​ള​യിൽ 50,000 വരുന്ന ക്യൂബൻ​സൈ​ന്യ​ത്തിൽ പകുതി നവംബർ 1നോടകം പിൻവ​ലി​ക്കും, ബാക്കി 1991 നവംബർ 1ന്‌ അകം; “സമാധാ​ന​ത്തി​ലും സുരക്ഷി​ത​ത്വ​ത്തി​ലും നിലനിൽക്കു​ന്ന​തി​നുള്ള” ഇസ്ര​യേ​ലി​ന്റെ അവകാ​ശ​ത്തിന്‌ യാസ്സർ അരാഫാത്ത്‌ ഉറപ്പു​കൊ​ടുത്ത ശേഷം പാലസ്‌​റൈറൻ ലിബ​റേഷൻ ഓർഗ​നൈ​സേ​ഷ​നു​മാ​യി സംസാ​രി​ക്കാ​മെന്ന്‌ ഐക്യ​നാ​ടു​കൾ സമ്മതി​ക്കു​ന്നു.

1989: (ജനുവരി) രാസാ​യു​ധങ്ങൾ സംബന്ധിച്ച പാരീ​സ്‌കോൺഫ​റൻസിൽ സംബന്ധിച്ച 149 രാഷ്‌ട്രങ്ങൾ രാസാ​യു​ധ​ങ്ങ​ളു​ടെ വികസി​പ്പി​ക്ക​ലും ഉല്‌പാ​ദ​ന​വും സംഭര​ണ​വും വിന്യാ​സ​വും നിരോ​ധി​ക്കു​ന്ന​തി​നുള്ള സത്വര​ന​ട​പ​ടിക്ക്‌ ആഹാനം​ചെ​യ്യു​ന്നു.

(ഫെബ്രു​വരി) സെൻട്രൽ അമേരി​ക്ക​യിൽ സമാധാ​ന​ത്തിന്‌ ഉറപ്പു​വ​രു​ത്തു​ന്ന​തി​നുള്ള ഉടമ്പടി​യിൽ കോസ്‌റ​റാ​റി​ക്കാ​യും ഹോണ്ടു​റാ​സും എൽ സാൽവ​ഡോ​റും നിക്കരാ​ഗ്വ​യും ഗ്വാട്ടി​മാ​ല​യും ഒപ്പു​വെ​ക്കു​ന്നു; കൊളം​ബി​യാ​യി​ലെ ഏററവും വലിയ വിമത ഗ്രൂപ്പായ എഫ്‌എ​ആർസി (കൊളം​ബി​യൻ റവലൂ​ഷ​നറി ആംഡ്‌ ഫോഴ്‌സസ്‌) 35 വർഷമാ​യി നടക്കുന്ന ഗറില്ലാ​യു​ദ്ധ​ത്തിന്‌ അറുതി​വ​ന്നേ​ക്കാ​മെ​ന്നുള്ള പ്രത്യാ​ശകൾ ഉയർത്തി​ക്കൊണ്ട്‌ വെടി​നിർത്തൽ പ്രഖ്യാ​പി​ക്കു​ന്നു.

(മാർച്ച്‌) 35 രാഷ്‌ട്ര​ങ്ങ​ളിൽനി​ന്നുള്ള വിദേ​ശ​കാ​ര്യ മന്ത്രി​മാർ യൂറോ​പ്പി​ലെ സൈന്യ​ങ്ങളെ കുറവു​ചെ​യ്യാൻ ഉദ്ദേശി​ച്ചു​കൊ​ണ്ടുള്ള സിഎഫ്‌ഇ (യൂറോ​പ്പി​ലെ പരമ്പരാ​ഗത സൈന്യ​ങ്ങളെ സംബന്ധിച്ച സംഭാ​ഷ​ണങ്ങൾ) ചർച്ചകൾ വിയന്നാ​യിൽ തുടങ്ങു​ന്നു.

(ഏപ്രിൽ) സെപ്‌റ​റം​ബർ 30 ആകു​മ്പോ​ഴേക്ക്‌ കമ്പൂച്ചി​യാ​യിൽനിന്ന്‌ സൈന്യ​ങ്ങളെ മുഴു​വ​നാ​യി പിൻവ​ലി​ക്കു​മെന്ന്‌ വിയറ​റ്‌നാം പ്രഖ്യാ​പി​ക്കു​ന്നു.

(മെയ്‌) ഹംഗറി 40 വർഷം പഴക്കമുള്ള ആസ്‌ട്രി​യൻ അതിർത്തി​യി​ലെ മുള്ളു​ക​മ്പി​വേലി നീക്കം​ചെ​യ്‌തു​തു​ട​ങ്ങു​ന്നു. 30-ൽപരം വർഷത്തിൽ ആദ്യം സോവ്യ​ററ്‌, ചൈനീസ്‌ നേതാ​ക്കൻമാർ നടത്തുന്ന യോഗ​ത്തിൽ സോവ്യ​റ​റു​കൾ ഏഷ്യൻ സൈന്യ​ങ്ങ​ളിൽ കുറവു​വ​രു​ത്തു​മെന്ന്‌ പ്രഖ്യാ​പി​ക്കു​ന്നു; സോവ്യ​റ​റു​കൾ പൂർവ യൂറോ​പ്പിൽനിന്ന്‌ ഏകപക്ഷീ​യ​മാ​യി സൈന്യ​ങ്ങ​ളും ആയുധ​ങ്ങ​ളും പിൻവ​ലി​ക്കു​ന്നു.

(ജൂൺ) യൂറോ​പ്പി​ലെ സൈന്യ​ങ്ങ​ളി​ലും ററാങ്കു​ക​ളി​ലും വെടി​ക്കോ​പ്പു​ക​ളി​ലും വിമാ​ന​ങ്ങ​ളി​ലും 1992 ആകു​മ്പോ​ഴേക്ക്‌ കാര്യ​മായ കുറവു​വ​രു​ത്താ​നുള്ള ബുഷിന്റെ ആഹ്വാനം ഇങ്ങനെ പറയാൻ ന്യൂസ്‌മാ​ഗ​സി​നെ നയിക്കു​ന്നു: “അത്‌ രണ്ടാം ലോക​മ​ഹാ​യു​ദ്ധ​ത്തി​ന്റെ അവസാ​ന​ത്തി​നു ശേഷമുള്ള ഏററവും ഗണ്യമായ ആയുധ​ചു​രു​ക്ക​ലി​ലേ​ക്കുള്ള വാതിൽ യഥാർത്ഥ​മാ​യി തുറ​ന്നേ​ക്കാം.”

(ഓഗസ്‌ററ്‌) നിക്കരാ​ഗ്വ​യി​ലെ ശത്രു​തകൾ അവസാ​നി​പ്പി​ക്കാൻ അഞ്ച്‌ മദ്ധ്യ അമേരി​ക്കൻ രാജ്യങ്ങൾ സമ്മതി​ക്കു​ന്നു.

എന്നിരു​ന്നാ​ലും, ഈ മതിപ്പു​ള​വാ​ക്കുന്ന നേട്ടങ്ങ​ളു​ണ്ടാ​യി​ട്ടും അനേകം രാഷ്‌ട്രങ്ങൾ ഇപ്പോ​ഴും സമാധാ​ന​ത്തിൽനിന്ന്‌ വിദൂ​ര​ത്തി​ലാണ്‌. ആളുകൾ ഇപ്പോ​ഴും വടക്കൻ അയർല​ണ്ടി​ലും ലബാ​നോ​നി​ലും സുഡാ​നി​ലും ശ്രീല​ങ്ക​യി​ലും അഫ്‌ഗാ​നി​സ്‌റ​റാ​നി​ലും ഫിലി​പ്പീൻസി​ലും പട്ടാള​ന​ട​പടി നിമിത്തം മരിക്കു​ക​യാണ്‌—ചുരു​ക്കം​ചി​ലതു മാത്രമേ പറഞ്ഞുള്ളു. അതു​കൊണ്ട്‌ സമാധാ​ന​പ്ര​തീ​ക്ഷകൾ സംബന്ധിച്ച്‌ അനേകർ മുമ്പ​ത്തേ​തി​ലും ശുഭാ​പ്‌തി​വി​ശ്വാ​സ​മു​ള്ള​വ​രാ​ണെ​ങ്കി​ലും അപ്പോ​ക്ക​ലി​പ്‌സി​ലെ രണ്ടാമത്തെ കുതി​ര​ക്കാ​രൻ, ‘തീനി​റ​മുള്ള പടക്കു​തിര,’ ഭൂമി​യി​ലൂ​ടെ ഇപ്പോ​ഴും കുതി​ക്കു​ന്നു​ണ്ടെന്ന്‌ നാം മറക്കരുത്‌.—വെളി​പ്പാട്‌ 6:3, 4.

[28-ാം പേജിലെ ചിത്രം]

ന്യൂയോർക്കിലെ യു.എൻ. ഹെഡ്‌ക്വാർട്ടേ​ഴ്‌സും ഒരു ലോക​സ​മാ​ധാന പ്രതി​മ​യും—മനുഷ്യൻ വാളിനെ കൊഴു​വാ​ക്കി അടിച്ചു​തീർക്കു​ന്നത്‌