നിങ്ങൾ മിശി​ഹാ​യെ അംഗീ​ക​രി​ക്കു​മാ​യി​രു​ന്നോ?

യേശു​ക്രി​സ്‌തു മൂന്നര വർഷം ദൈവ​വ​ചനം പ്രസം​ഗി​ച്ചു​കൊണ്ട്‌ ഇസ്രാ​യേ​ല്യ​രു​ടെ ഇടയിൽ ചെലവ​ഴി​ച്ചു. എന്നാൽ അവന്റെ ഭൗമിക ശുശ്രൂഷ സമാപി​ക്കാ​റാ​യ​പ്പോ​ഴേ​ക്കും അവന്റെ സമകാ​ലി​ക​രിൽ ഭൂരി​പ​ക്ഷ​വും അവനെ മിശിഹാ, അഥവാ ദൈവ​ത്തി​ന്റെ വാഗ്‌ദത്ത “അഭിഷി​ക്തൻ” എന്നനി​ല​യിൽ അംഗീ​ക​രി​ച്ചി​രു​ന്നില്ല. എന്തു​കൊണ്ട്‌?

ഒന്നാം നൂറ്റാ​ണ്ടി​ലെ യഹൂദർ യേശു​വി​നെ മിശി​ഹാ​യാ​യി അംഗീ​ക​രി​ക്കാ​ഞ്ഞ​തി​നുള്ള പല കാരണ​ങ്ങ​ളും മനസ്സി​ലാ​ക്കാൻ ബൈബിൾ നമ്മെ സഹായി​ക്കു​ന്നുണ്ട്‌. വാഴ്‌ച​ന​ട​ത്തുന്ന മിശി​ഹൈക രാജാവ്‌ എന്നനി​ല​യി​ലുള്ള യേശു​വി​ന്റെ ഇപ്പോ​ഴത്തെ സ്ഥാനത്തെ അംഗീ​ക​രി​ക്കു​ന്ന​തിൽനിന്ന്‌ അനേകരെ തടയു​ന്നത്‌ ഈ മൂന്നു കാരണ​ങ്ങ​ളാണ്‌.

‘ഒരു അടയാളം ചെയ്‌തു​കാൺമാൻ ഞങ്ങൾ ഇച്ഛിക്കു​ന്നു’

ഒന്നാം നൂറ്റാ​ണ്ടിൽ യഹൂദർ മിശി​ഹാ​യെ അംഗീ​ക​രി​ക്കാ​ഞ്ഞ​തി​ന്റെ ഒരു കാരണം മിശി​ഹാ​യെ​ക്കു​റി​ച്ചുള്ള തിരു​വെ​ഴുത്ത്‌ അടയാ​ളങ്ങൾ സ്വീക​രി​ക്കു​ന്ന​തി​നുള്ള അവരുടെ വിസമ്മ​ത​മാ​യി​രു​ന്നു. ഒരു സന്ദർഭ​ത്തിൽ, യേശു​വി​നെ ശ്രദ്ധി​ക്കു​ക​യാ​യി​രുന്ന ജനം അവനോ​ടു താൻ ദൈവ​ത്തിൽനി​ന്നു​ള്ള​വ​നാ​ണെന്നു തെളി​യി​ക്കാൻ ഒരു അടയാളം ആവശ്യ​പ്പെട്ടു. ഉദാഹ​ര​ണ​ത്തിന്‌, ശാസ്‌ത്രി​മാ​രി​ലും പരീശൻമാ​രി​ലും ചിലർ “ഗുരോ, നീ ഒരു അടയാളം ചെയ്‌തു​കാൺമാൻ ഞങ്ങൾ ഇച്ഛിക്കു​ന്നു” എന്നു പറഞ്ഞതാ​യി മത്തായി 12:38 റിപ്പോർട്ടു ചെയ്യുന്നു. യേശു അതി​നോ​ട​കം​തന്നെ അടയാ​ളങ്ങൾ ചെയ്‌തു​കാ​ണി​ച്ചി​രു​ന്നി​ല്ലേ? തീർച്ച​യാ​യും അവൻ കാണി​ച്ചി​രു​ന്നു.

അതി​നോ​ട​കം യേശു പല അത്ഭുത​ങ്ങ​ളും പ്രവർത്തി​ച്ചി​രു​ന്നു. അവൻ വെള്ളം വീഞ്ഞാക്കി, മരണാ​സ​ന്ന​നാ​യി​രുന്ന ഒരു ബാലനെ സുഖമാ​ക്കി, പത്രൊ​സി​ന്റെ രോഗി​ണി​യായ അമ്മായി​യ​മ്മയെ സുഖ​പ്പെ​ടു​ത്തി, കുഷ്‌ഠ​രോ​ഗി​യെ സൗഖ്യ​മാ​ക്കി, തളർവാ​തം പിടി​പെട്ട ഒരു മനുഷ്യ​നെ നടത്തി, 38 വർഷമാ​യി രോഗി​യാ​യി​രുന്ന ഒരാളു​ടെ ആരോ​ഗ്യം വീണ്ടെ​ടു​ത്തു, ഒരാളു​ടെ ശുഷ്‌കിച്ച കരങ്ങൾ നേരെ​യാ​ക്കി, അനേക​മാ​ളു​ക​ളു​ടെ പീഡാ​ജ​ന​ക​മായ അസുഖങ്ങൾ ഭേദമാ​ക്കി, ഒരു സൈനി​കോ​ദ്യോ​ഗ​സ്ഥന്റെ അടിമയെ സൗഖ്യ​മാ​ക്കി, വിധവ​യു​ടെ മകനെ മരിച്ച​വ​രിൽനിന്ന്‌ ഉയിർപ്പി​ച്ചു, അന്ധനും ഊമനു​മായ ഒരു മനുഷ്യ​നെ സുഖ​പ്പെ​ടു​ത്തി. കാനാ, കഫർന്ന​ഹൂം, യെരു​ശ​ലേം, നയിൻ എന്നിവി​ട​ങ്ങ​ളി​ലാ​യി​രു​ന്നു ഈ അത്ഭുതങ്ങൾ നടന്നത്‌. കൂടാതെ, അത്തരം അത്ഭുത​ങ്ങ​ളെ​ക്കു​റി​ച്ചുള്ള വാർത്ത യഹൂദ്യ​യി​ലും ചുറ്റു​മുള്ള രാജ്യ​ങ്ങ​ളി​ലും പ്രചരി​ച്ചു.—യോഹ​ന്നാൻ 2:1-12; 4:46-54; മത്തായി 8:14-17; 8:1-4; 9:1-8; യോഹ​ന്നാൻ 5:1-9; മത്തായി 12:9-14; മർക്കൊസ്‌ 3:7-12; ലൂക്കൊസ്‌ 7:1-10; 7:11-17; മത്തായി 12:22.

വ്യക്തമാ​യും, യേശു മിശി​ഹാ​യാ​ണെന്നു തെളി​യി​ക്കുന്ന അടയാ​ള​ങ്ങൾക്കൊ​ന്നും ഒരു കുറവു​മു​ണ്ടാ​യി​രു​ന്നില്ല. ആളുകൾക്കു മുമ്പാകെ അവൻ അനേകം അടയാ​ളങ്ങൾ കാണി​ച്ചു​വെ​ങ്കി​ലും, അവർ അവനിൽ വിശ്വ​സി​ച്ചില്ല. യേശു​വി​നെ ദൈവം അയച്ചതാ​ണെ​ന്ന​തി​നുള്ള തെളിവു കണ്ടിട്ടും അവനെ മിശി​ഹാ​യാ​യി അംഗീ​ക​രി​ക്കാ​ഞ്ഞവർ ആത്മീയ​മാ​യി അന്ധരാ​യി​രു​ന്നു. അവരുടെ ഹൃദയങ്ങൾ കഠിന​വും സത്യത്തി​നു കടന്നു​ചെ​ല്ലാൻ കഴിയാ​ത്ത​വ​യു​മാ​യി​രു​ന്നു.—യോഹ​ന്നാൻ 12:37-41.

നമ്മുടെ നാളിലെ കാര്യ​മോ? “ഞാനെന്റെ കണ്ണു​കൊ​ണ്ടു കാണു​ന്നതേ വിശ്വ​സി​ക്കൂ” എന്നാണു ചിലയാ​ളു​കൾ പറയാറ്‌. എന്നാൽ അതു വാസ്‌ത​വ​ത്തിൽ ജ്ഞാനപൂർവ​ക​മായ ഗതിയാ​ണോ? മിശി​ഹൈക രാജ്യ​ത്തിൽ സ്വർഗീയ രാജാ​വാ​യി യേശു ഇതി​നോ​ട​കം​തന്നെ സിംഹാ​സ​ന​സ്ഥ​നാ​യി​രി​ക്കു​ന്നു​വെന്നു ബൈബിൾ പ്രവചനം സൂചി​പ്പി​ക്കു​ന്നു. അവൻ അദൃശ്യ​നാ​യ​തി​നാൽ, ഈ ദുഷ്ട വ്യവസ്ഥി​തി​യു​ടെ അവസാന നാളു​ക​ളു​ടെ ആരംഭത്തെ അടയാ​ള​പ്പെ​ടു​ത്തിയ അവന്റെ ഭരണാ​ധി​പ​ത്യം വിവേ​ചി​ച്ച​റി​യാൻ നമ്മെ സഹായി​ക്കു​ന്ന​തി​നു നമുക്ക്‌ ഒരു അടയാളം ആവശ്യ​മാണ്‌. നിങ്ങൾ ആ അടയാളം തിരി​ച്ച​റി​യു​ന്നു​ണ്ടോ?—മത്തായി 24:3.

ബൈബിൾ പറയു​ന്ന​ത​നു​സ​രിച്ച്‌, മിശി​ഹൈക രാജാവ്‌ എന്നനി​ല​യി​ലുള്ള ക്രിസ്‌തു​വി​ന്റെ ഭരണാ​ധി​പ​ത്യ​ത്തി​ന്റെ ആരംഭം കുറി​ക്കു​ന്നത്‌ അഭൂത​പൂർവ​മായ അളവി​ലുള്ള യുദ്ധം, ഭൂകമ്പങ്ങൾ, ഭക്ഷ്യക്ഷാ​മങ്ങൾ, മഹാമാ​രി​കൾ എന്നീ അടയാ​ള​ങ്ങ​ളോ​ടെ​യാ​യി​രി​ക്കും. “അവസാന നാളു​കളി”ൽ, സ്വാർഥ​ത​യും അത്യാ​ഗ്ര​ഹ​വും സംയമ​ന​മി​ല്ലാ​യ്‌മ​യും മനുഷ്യ​ബ​ന്ധ​ങ്ങ​ളു​ടെ സവി​ശേ​ഷ​ത​യാ​യി​രി​ക്കും. (2 തിമൊ​ഥെ​യ​യൊസ്‌ 3:1-5; മത്തായി 24:6, 7; ലൂക്കൊസ്‌ 21:10, 11) കാലഗ​ണ​നാ​പ​ര​മായ തെളി​വു​കൂ​ടാ​തെ, അവസാന നാളു​ക​ളെ​ക്കു​റി​ച്ചുള്ള 20-ലധികം​വ​രുന്ന വ്യത്യസ്‌ത സവി​ശേ​ഷ​തകൾ മിശി​ഹാ​യു​ടെ വാഴ്‌ച 1914-ൽ ആരംഭി​ച്ചു​വെ​ന്ന​തി​ലേക്കു വിരൽചൂ​ണ്ടു​ന്നു.—1993 മാർച്ച്‌ 1 വീക്ഷാ​ഗോ​പു​രം (ഇംഗ്ലീഷ്‌), പേജ്‌ 5 കാണുക.

‘ദ്രവ്യാ​ഗ്ര​ഹി​കൾ’

യഹൂദർ യേശു​വി​നെ മിശിഹാ എന്നനി​ല​യിൽ അംഗീ​ക​രി​ക്കാ​ഞ്ഞ​തി​ന്റെ മറ്റൊരു കാരണം ഭൗതി​ക​ത്വ​ചി​ന്താ​ഗ​തി​യാ​യി​രു​ന്നു. സമ്പത്തിന്‌ അമിത പ്രാധാ​ന്യം നൽകി​യത്‌ യേശു​വി​നെ അനുഗ​മി​ക്കു​ന്ന​തിന്‌ അനേകർക്കും തടസ്സമാ​യി. ഉദാഹ​ര​ണ​ത്തിന്‌, പരീശ​ന്മാർ. അവർ “ദ്രവ്യാ​ഗ്ര​ഹി​കളാ”യി അറിയ​പ്പെ​ട്ടി​രു​ന്നു. (ലൂക്കൊസ്‌ 16:14) യേശു​വി​നെ സമീപിച്ച്‌ തനി​ക്കെ​ങ്ങനെ നിത്യ​ജീ​വൻ നേടാ​മെന്നു ചോദിച്ച സമ്പന്നനായ ഒരു യുവഭ​ര​ണാ​ധി​പന്റെ കാര്യം പരിചി​ന്തി​ക്കുക. “കല്‌പ​ന​കളെ പ്രമാ​ണിക്ക” എന്നായി​രു​ന്നു യേശു​വി​ന്റെ മറുപടി. “ഇവ ഒക്കെയും ഞാൻ പ്രമാ​ണി​ച്ചു​പോ​രു​ന്നു; ഇനി കുറവു​ള്ളതു എന്തു” എന്ന്‌ ആ യുവാവ്‌ ചോദി​ച്ചു. കുറെ നിയമങ്ങൾ പാലി​ക്കു​ന്ന​തി​നെ​ക്കാ​ള​ധി​കം ആവശ്യ​മാ​യി​രു​ന്നു​വെന്ന്‌ അയാൾ മനസ്സി​ലാ​ക്കി​യി​രു​ന്നു​വെന്നു വ്യക്തം. “നീ ചെന്നു നിനക്കു​ള്ളതു വിററു ദരി​ദ്രർക്കു കൊടുക്ക; എന്നാൽ സ്വർഗ്ഗ​ത്തിൽ നിനക്കു നിക്ഷേപം ഉണ്ടാകും; പിന്നെ വന്നു എന്നെ അനുഗ​മിക്ക,” യേശു അവനോ​ടു പറഞ്ഞു. എന്തൊ​ര​വ​സ​ര​മാ​യി​രു​ന്നു അത്‌—മിശി​ഹാ​യു​ടെ ഒരു ശിഷ്യ​നാ​വുക! എന്നിട്ടും ആ ഭരണാ​ധി​പൻ ദുഃഖി​ച്ചു പിൻവാ​ങ്ങി. എന്തു​കൊണ്ട്‌? എന്തെന്നാൽ സ്വർഗ​ത്തി​ലെ നിക്ഷേ​പ​ത്തെ​ക്കാൾ അയാൾക്കു പ്രാധാ​ന്യം ഭൂമി​യി​ലെ നിക്ഷേ​പ​മാ​യി​രു​ന്നു.—മത്തായി 19:16-22.

പ്രസ്‌തു​ത സ്ഥിതി​വി​ശേ​ഷ​ത്തി​നു മാറ്റ​മൊ​ന്നും വന്നിട്ടില്ല. മിശി​ഹൈക രാജാ​വി​ന്റെ യഥാർഥ അനുഗാ​മി ആയിത്തീ​രു​ന്ന​തി​ന്റെ അർഥം ഭൗമിക നിക്ഷേ​പങ്ങൾ ഉൾപ്പെടെ സകല​ത്തെ​ക്കാ​ളും മുൻതൂ​ക്കം ആത്മീയ താത്‌പ​ര്യ​ങ്ങൾക്കു കൊടു​ക്കു​ക​യെ​ന്നാണ്‌. ഭൗതി​കത്വ വീക്ഷണ​മുള്ള ആർക്കും ഇതൊരു വെല്ലു​വി​ളി​യാണ്‌. ഉദാഹ​ര​ണ​ത്തിന്‌, പൂർവ​ദേ​ശത്തെ ഒരു മിഷനറി ദമ്പതികൾ ഒരു സ്‌ത്രീ​യോ​ടു ബൈബി​ളി​നെ​ക്കു​റി​ച്ചു സംസാ​രി​ച്ചു. അവർ യഹോ​വ​യാം ദൈവ​ത്തെ​യും അവന്റെ പുത്ര​നായ യേശു​ക്രി​സ്‌തു​വി​നെ​യും കുറിച്ചു കൂടു​ത​ലാ​യി പഠിക്കാൻ താത്‌പ​ര്യ​പ്പെ​ടു​മെന്നു വിശ്വ​സിച്ച്‌, പ്രസ്‌തുത ദമ്പതികൾ അവർക്കു വീക്ഷാ​ഗോ​പു​ര​വും ഉണരുക!യും വാഗ്‌ദാ​നം ചെയ്‌തു. അവരെ​ങ്ങ​നെ​യാ​ണു പ്രതി​ക​രി​ച്ചത്‌? “ഈ മാസി​കകൾ കൂടുതൽ പണമു​ണ്ടാ​ക്കാൻ എന്നെ സഹായി​ക്കു​മോ?,” അവർ ചോദി​ച്ചു. ആ സ്‌ത്രീക്ക്‌ ആത്മീയ കാര്യ​ങ്ങ​ളെ​ക്കാൾ ഭൗതിക കാര്യ​ങ്ങ​ളി​ലാ​യി​രു​ന്നു താത്‌പ​ര്യം.

ഈ ദമ്പതികൾ ഒരു യുവാ​വി​നെ ബൈബിൾ പഠിപ്പി​ച്ചു. യുവാവ്‌ രാജ്യ​ഹാ​ളി​ലെ യോഗ​ങ്ങൾക്കു സംബന്ധി​ക്കാ​നും തുടങ്ങി. “നീ വെറുതെ സമയം പാഴാ​ക്കു​ക​യാണ്‌. വൈകിട്ട്‌ മറ്റൊരു ജോലി​കൂ​ടി ചെയ്‌ത്‌ കൂടുതൽ പണമു​ണ്ടാ​ക്കാൻ നോക്ക്‌,” അവന്റെ മാതാ​പി​താ​ക്കൾ അവനോ​ടു പറഞ്ഞു. മിശി​ഹൈക രാജാ​വി​നെ​ക്കു​റി​ച്ചു പഠിക്കു​ന്ന​തി​നെ​ക്കാൾ പ്രാധാ​ന്യം ഭൗതിക സംഗതി​കൾക്കു കൊടു​ക്കാൻ മാതാ​പി​താ​ക്കൾ മക്കളെ പ്രോ​ത്സാ​ഹി​പ്പി​ക്കു​ന്നത്‌ എത്ര സങ്കടകരം! “തന്റെ സമ്പത്തു മുഴുവൻ ഉപയോ​ഗി​ച്ചാ​ലും, ഒരു ഭരണാ​ധി​പനു പതിനാ​യി​രം​വർഷത്തെ ജീവൻ വിലയ്‌ക്കു​വാ​ങ്ങാ​നാ​വില്ല,” ഒരു ചൈനീസ്‌ പഴമൊ​ഴി പറയുന്നു.

മിശി​ഹൈക രാജാ​വി​നെ​ക്കു​റി​ച്ചു പഠിക്കു​ന്ന​തും അവനെ പിൻചെ​ല്ലു​ന്ന​തും പണസ്‌നേ​ഹ​ത്തി​നു വഴി​യൊ​രു​ക്കു​ന്നി​ല്ലെന്ന്‌ അനേക​രും തിരി​ച്ച​റി​യാ​നി​ട​യാ​യി​ട്ടുണ്ട്‌. ഉയർന്ന വരുമാ​ന​മുള്ള സ്വന്തം ബിസി​ന​സു​ണ്ടാ​യി​രുന്ന ഒരു യഹോ​വ​യു​ടെ സാക്ഷി പറഞ്ഞു: “ഇഷ്ടം​പോ​ലെ പണമു​ള്ളതു നല്ലതാണ്‌, എന്നാലത്‌ അത്യാ​വ​ശ്യ​മൊ​ന്നു​മല്ല. ഒരു വ്യക്തിയെ സന്തുഷ്ട​നാ​ക്കു​ന്നത്‌ പണമല്ല.” ഈ സ്‌ത്രീ ഇപ്പോൾ വാച്ച്‌ ടവർ സൊ​സൈ​റ്റി​യു​ടെ ഒരു യൂറോ​പ്യൻ ബ്രാഞ്ചി​ലുള്ള ബെഥേൽകു​ടും​ബാം​ഗ​മാണ്‌.

‘യഹൂദ​ന്മാ​രെ ഭയം’

യഹൂദ​ന്മാർ യേശു​വി​നെ മിശി​ഹാ​യാ​യി അംഗീ​ക​രി​ക്കാ​ഞ്ഞ​തി​ന്റെ മറ്റൊരു കാരണം മനുഷ്യ​ഭ​യ​മാ​യി​രു​ന്നു. അവന്റെ മിശിഹാ സ്ഥാനത്തെ പരസ്യ​മാ​യി അംഗീ​ക​രി​ക്കു​ക​യെ​ന്നത്‌ അവരുടെ കീർത്തി അപകട​പ്പെ​ടു​ത്തു​ന്ന​തി​നെ അർഥമാ​ക്കി. ചിലർക്ക്‌ അത്‌ ഒടുക്കാ​നാ​വാത്ത വിലയാ​യി​രു​ന്നു. സൻഹെ​ദ്രിം എന്നു വിളി​ക്ക​പ്പെ​ടുന്ന യഹൂദ ന്യായാ​ധി​പ​സം​ഘ​ത്തി​ലെ ഒരംഗ​മാ​യി​രുന്ന നിക്കോ​ദേ​മൊ​സി​ന്റെ കാര്യം പരിചി​ന്തി​ക്കുക. യേശു​വി​ന്റെ അടയാ​ള​ങ്ങ​ളി​ലും പഠിപ്പി​ക്ക​ലു​ക​ളി​ലും മതിപ്പു​തോ​ന്നി അദ്ദേഹം ഇങ്ങനെ സമ്മതി​ച്ചു​പ​റഞ്ഞു: “റബ്ബീ, നീ ദൈവ​ത്തി​ന്റെ അടുക്കൽനി​ന്നു ഉപദേ​ഷ്ടാ​വാ​യി വന്നിരി​ക്കു​ന്നു എന്നു ഞങ്ങൾ അറിയു​ന്നു; ദൈവം തന്നോ​ടു​കൂ​ടെ ഇല്ലെങ്കിൽ നീ ചെയ്യുന്ന ഈ അടയാ​ള​ങ്ങളെ ചെയ്‌വാൻ ആർക്കും കഴിക​യില്ല.” എന്നിട്ടും യഹൂദർ തന്നെ തിരി​ച്ച​റി​യു​ന്നത്‌ ഒഴിവാ​ക്കാ​നാ​വാം, ആരും കാണാതെ രാത്രി​യിൽ ഇരുട്ട​ത്താണ്‌ നിക്കോ​ദേ​മൊസ്‌ യേശു​വി​നെ സമീപി​ച്ചത്‌.—യോഹ​ന്നാൻ 3:1, 2.

യേശു പ്രസം​ഗി​ക്കു​ന്നതു കേട്ട അനേകർക്കും ദൈവ​ത്തി​ന്റെ അംഗീ​കാ​ര​ത്തെ​ക്കാൾ പ്രാധാ​ന്യം മനുഷ്യ​ന്റെ അംഗീ​കാ​ര​മാ​യി​രു​ന്നു. (യോഹ​ന്നാൻ 5:44) പൊ.യു. 32-ൽ കൂടാ​ര​പ്പെ​രു​ന്നാ​ളി​നാ​യി യേശു യെരു​ശ​ലേ​മി​ലാ​യി​രു​ന്ന​പ്പോൾ, “പുരു​ഷാ​ര​ത്തിൽ അവനെ​ക്കു​റി​ച്ചു വളരെ കുശു​കു​ശു​പ്പു ഉണ്ടായി.” “യെഹൂ​ദൻമാ​രെ പേടി​ച്ചി​ട്ടു” ആരും അവനെ​ക്കു​റി​ച്ചു പരസ്യ​മാ​യി സംസാ​രി​ച്ചില്ല. (ചെരി​ച്ചെ​ഴു​ത്തു ഞങ്ങളു​ടേത്‌.) (യോഹ​ന്നാൻ 7:10-13) യേശു സുഖ​പ്പെ​ടു​ത്തിയ അന്ധനായ ഒരു മനുഷ്യ​ന്റെ മാതാ​പി​താ​ക്കൾക്കു​പോ​ലും ആ അത്ഭുതത്തെ ദൈവ​ത്തി​ന്റെ പ്രതി​നി​ധി​യിൽനി​ന്നു വരുന്ന ഒന്നായി അംഗീ​ക​രി​ക്കാ​നുള്ള ചങ്കൂറ്റ​മു​ണ്ടാ​യില്ല. അവർക്കും “യഹൂദ​ന്മാ​രെ ഭയ”മായി​രു​ന്നു.—യോഹ​ന്നാൻ 9:13-23.

യേശു ഇപ്പോൾ സ്വർഗ​ത്തിൽ മിശി​ഹൈക രാജാ​വാ​യി വാഴു​ക​യാ​ണെന്നു ചിലർ ഇന്നു തിരി​ച്ച​റി​യു​ന്നുണ്ട്‌, എന്നാൽ അതു പരസ്യ​മാ​യി പറയാൻ അവർക്കു ഭയമാണ്‌. മറ്റുള്ള​വ​രു​മാ​യുള്ള തങ്ങളുടെ നല്ല ബന്ധം നഷ്ടപ്പെ​ടു​ന്നത്‌ അവർക്ക്‌ ഒടുക്കാ​നാ​വാത്ത വിലയാണ്‌. ഉദാഹ​ര​ണ​ത്തിന്‌, ജർമനി​യിൽ യഹോ​വ​യു​ടെ സാക്ഷികൾ ഒരാളു​മൊ​ത്തു നടത്തിയ ബൈബിൾചർച്ച​യിൽ അദ്ദേഹം ഇങ്ങനെ സമ്മതി​ച്ചു​പ​റഞ്ഞു: “സാക്ഷി​ക​ളായ നിങ്ങൾ ബൈബി​ളി​നെ​ക്കു​റി​ച്ചു പ്രസം​ഗി​ക്കു​ന്നത്‌ സത്യമാണ്‌. എന്നാൽ ഞാനി​ന്നൊ​രു സാക്ഷി​യാ​യാൽ നാളെ അത്‌ എല്ലാവ​രും അറിയും. എന്റെ ജോലി​സ്ഥ​ല​ത്തും അയൽപ​ക്ക​ങ്ങ​ളി​ലും ഞാനും കുടും​ബ​വും പോകുന്ന ക്ലബ്ബിലു​മൊ​ക്കെ ആളുകൾ എന്നെക്കു​റിച്ച്‌ എന്തു വിചാ​രി​ക്കും? അത്‌ എനിക്കു സഹിക്കാ​നാ​വില്ല.”

മനുഷ്യ​ഭ​യ​ത്തി​ന്റെ കാരണ​മെ​ന്താണ്‌? അഹങ്കാരം, കുടും​ബ​ത്തി​നും സഹൃത്തു​ക്കൾക്കു​മി​ട​യിൽ അംഗീ​കാ​ര​ഭ്രമം, പരിഹാ​സ​ഭയം, അപമാ​ന​ഭയം, ഭൂരി​പ​ക്ഷ​ത്തിൽനി​ന്നു വ്യത്യ​സ്‌ത​നാ​കു​ന്ന​തി​ലെ ഉത്‌കണ്‌ഠ. യഹോ​വ​യു​ടെ സാക്ഷി​ക​ളോ​ടൊ​ത്തു ബൈബിൾ പഠിക്കാൻ തുടങ്ങു​ന്ന​വർക്ക്‌ അത്തരം വികാ​രങ്ങൾ ഒരു പരി​ശോ​ധ​ന​യാ​ണെന്നു തെളി​യു​ന്നു. ഉദാഹ​ര​ണ​ത്തിന്‌, യേശു​ക്രി​സ്‌തു​വി​ന്റെ ഭരണാ​ധി​പ​ത്യ​ത്തിൻകീ​ഴിൽ മിശി​ഹൈക രാജ്യം ഭൂമി​യിൽ സ്ഥാപി​ക്കാ​നി​രി​ക്കുന്ന പറുദീ​സ​യെ​ക്കു​റി​ച്ചു മനസ്സി​ലാ​ക്കി​യ​പ്പോൾ ഒരു യുവതിക്ക്‌ അതു പുളക​പ്ര​ദ​മാ​യി തോന്നി. എന്നാൽ ഒരു കടുത്ത ഡിസ്‌കോ പ്രേമി​യാ​യി​രുന്ന അവൾക്ക്‌ ഈ പ്രത്യാ​ശ​യെ​ക്കു​റി​ച്ചു മറ്റുള്ള​വ​രോ​ടു പറയു​ന്ന​തിൽ മനുഷ്യ​ഭയം തടസ്സമാ​യി. അവസാനം, അവൾ ബൈബി​ളി​നെ​ക്കു​റി​ച്ചു തുറന്നു സംസാ​രി​ക്കു​ന്ന​തി​നുള്ള ധൈര്യം സംഭരി​ച്ചു. അവളുടെ ഡിസ്‌കോ സുഹൃ​ത്തു​ക്കൾ അവളിൽനിന്ന്‌ അകന്നു. എന്നാൽ അവളുടെ ഭർത്താ​വും മാതാ​പി​താ​ക്ക​ളും താത്‌പ​ര്യം പ്രകട​മാ​ക്കി. അവസാനം ഈ സ്‌ത്രീ​യും അവളുടെ അമ്മയും സ്‌നാ​പ​ന​മേൽക്കു​ക​യും ഭർത്താ​വും അവളുടെ പിതാ​വും ബൈബിൾ പഠിക്കാൻ തുടങ്ങു​ക​യും ചെയ്‌തു. മനുഷ്യ​ഭയം തരണം ചെയ്‌ത​തിന്‌ എന്തൊരു പ്രതി​ഫലം!

നിങ്ങൾ വാസ്‌ത​വ​ത്തിൽ മിശി​ഹാ​യെ അംഗീ​ക​രി​ക്കു​ന്നു​വോ?

യേശു ദണ്ഡനസ്‌തം​ഭ​ത്തിൽ മരിക്കു​ന്നേരം, അവന്റെ ചില ശിഷ്യ​ന്മാർ സന്നിഹി​ത​രാ​യി​രു​ന്നു. മുൻകൂ​ട്ടി​പ്പ​റ​യ​പ്പെട്ട മിശി​ഹാ​യാ​യി അവർ അവനെ അംഗീ​ക​രി​ച്ചി​രു​ന്നു. പിന്നെ​യും അടയാളം ആവശ്യ​പ്പെ​ടു​ക​യാ​ണെ​ന്ന​മ​ട്ടിൽ യഹൂദ ഭരണാ​ധി​പ​ന്മാ​രും അവിടെ സന്നിഹി​ത​രാ​യി​രു​ന്നു. “ദൈവം തിര​ഞ്ഞെ​ടുത്ത ക്രിസ്‌തു [അഥവാ മിശിഹാ] എങ്കിൽ തന്നെത്താൻ രക്ഷിക്കട്ടെ.” (ലൂക്കൊസ്‌ 23:35) അവരുടെ അടയാളം ചോദി​ക്ക​ലിന്‌ ഒരറു​തി​യു​മി​ല്ലേ? യേശു ഡസൻക​ണ​ക്കിന്‌ അത്ഭുതങ്ങൾ പ്രവർത്തി​ച്ചി​രു​ന്നു. കൂടാതെ, അവന്റെ ജനനം, ശുശ്രൂഷ, വിസ്‌താ​രം, വധം, പുനരു​ത്ഥാ​നം എന്നിവ അനേകം എബ്രായ തിരു​വെ​ഴു​ത്തു പ്രവച​നങ്ങൾ നിവർത്തി​ച്ചു.—വാച്ച്‌ടവർ ബൈബിൾ ആൻഡ്‌ ട്രാക്‌റ്റ്‌ സൊ​സൈറ്റി പ്രസി​ദ്ധീ​ക​രിച്ച “എല്ലാ തിരു​വെ​ഴു​ത്തും ദൈവ​നി​ശ്വ​സ്‌ത​വും പ്രയോ​ജ​ന​പ്ര​ദ​വും ആകുന്നു” (ഇംഗ്ലീഷ്‌), 343-4 പേജുകൾ കാണുക.

മിശിഹാ സ്ഥാനത്തി​ന്റെ തെളി​വു​കൾ തള്ളിക്ക​ളഞ്ഞ്‌ വഴിയാ​ത്രി​കർ യേശു​വി​നെ നിന്ദിച്ചു. (മത്തായി 27:39, 40) പടയാ​ളി​കൾ ഭൗതി​ക​ത്വ​ചി​ന്ത​യോ​ടെ യേശു​വി​ന്റെ വസ്‌ത്രം പങ്കി​ട്ടെ​ടു​ത്തു, അവന്റെ അങ്കിക്കാ​യി അവർ നറുക്കി​ട്ടു. (യോഹ​ന്നാൻ 19:23, 24) ചിലരു​ടെ കാര്യ​ത്തിൽ അതിനു കാരണ​മാ​യത്‌ മനുഷ്യ​ഭ​യ​മാ​യി​രു​ന്നു. ഉദാഹ​ര​ണ​ത്തിന്‌, സൻഹെ​ദ്രീം അംഗമായ അരിമ​ത്യ​യി​ലെ യോ​സേ​ഫി​ന്റെ കാര്യ​മെ​ടു​ക്കുക. അവൻ “യെഹൂ​ദൻമാ​രെ പേടി​ച്ചി​ട്ടു രഹസ്യ​ത്തിൽ യേശു​വി​ന്റെ ഒരു ശിഷ്യനാ”യിരുന്നു. മിശി​ഹാ​യു​ടെ മരണ​ശേഷം, യോ​സേ​ഫും നിക്കോ​ദേ​മൊ​സും യേശു​വി​ന്റെ ശവശരീ​രം സംസ്‌ക​രി​ച്ചു. അങ്ങനെ യോ​സേഫ്‌ മനുഷ്യ​ഭ​യത്തെ തരണം​ചെ​യ്‌തു.—യോഹ​ന്നാൻ 19:38-40.

നിങ്ങൾ ഒന്നാം നൂറ്റാ​ണ്ടിൽ ജീവി​ച്ചി​രു​ന്നെ​ങ്കിൽ, നിങ്ങൾ യേശു​വി​നെ മിശി​ഹാ​യാ​യി അംഗീ​ക​രി​ക്കു​മാ​യി​രു​ന്നോ? അങ്ങനെ ചെയ്യു​ന്ന​തിന്‌ നിങ്ങൾക്കു തിരു​വെ​ഴു​ത്തു തെളി​വു​കൾ സ്വീക​രി​ക്ക​ലും ഭൗതി​കത്വ ചിന്താ​ഗതി കൈ​വെ​ടി​യ​ലും മനുഷ്യ​ഭ​യ​ത്തി​നു വഴങ്ങാ​തി​രി​ക്ക​ലു​മെ​ല്ലാം ആവശ്യ​മാ​കു​മാ​യി​രു​ന്നു. ഈ അവസാന നാളു​ക​ളിൽ, നാമോ​രോ​രു​ത്ത​രും നമ്മോ​ടു​തന്നെ ഇങ്ങനെ ചോദി​ക്കണം ‘സ്വർഗീയ മിശി​ഹൈക രാജാവ്‌ എന്നനി​ല​യിൽ ഞാനി​പ്പോൾ യേശു​വി​നെ അംഗീ​ക​രി​ക്കു​ന്നു​ണ്ടോ?’ അവൻ ഉടൻതന്നെ ഭൂമി​യു​ടെ കാര്യാ​ദി​കൾ ഏറ്റെടു​ക്കും. അതു സംഭവി​ക്കു​മ്പോൾ, യേശു​ക്രി​സ്‌തു​വി​നെ വാഗ്‌ദത്ത മിശി​ഹാ​യാ​യി വാസ്‌ത​വ​ത്തിൽ അംഗീ​ക​രി​ക്കു​ന്ന​വ​രു​ടെ കൂട്ടത്തിൽ നിങ്ങളും ഉണ്ടായി​രി​ക്കു​മോ?

[28-ാം പേജിലെ ചിത്രം]

യേശു മിശി​ഹൈക രാജാ​വാണ്‌ എന്നതി​നുള്ള തെളി​വു​കൾക്കു നേരെ ഒരിക്ക​ലും കണ്ണടയ്‌ക്ക​രുത്‌

[31-ാം പേജിലെ ചിത്രം]

മിശിഹായെക്കുറിച്ചു പഠിക്കു​ന്നതു മിക്ക​പ്പോ​ഴും മറ്റുള്ളവർ എന്തു പറയു​മെന്ന ഭയം മറിക​ട​ക്കു​ന്നത്‌ അർഥമാ​ക്കു​ന്നു