യഹോ​വ​യാൽ ആർ അംഗീ​ക​രി​ക്ക​പ്പെ​ടും

“നിങ്ങളു​ടെ സ്വന്ത രക്ഷക്കായി പ്രവർത്തി​ച്ചു​കൊ​ണ്ടി​രി​ക്കുക  . . . ; എന്തെന്നാൽ തന്റെ സുപ്ര​സാ​ദ​ത്തി​നു​വേണ്ടി നിങ്ങൾ ഇച്ഛിക്കു​ക​യും പ്രവർത്തി​ക്കു​ക​യും ചെയ്യേ​ണ്ട​തിന്‌ നിങ്ങളിൽ പ്രവർത്തി​ച്ചു​കൊ​ണ്ടി​രി​ക്കു​ന്നത്‌ ദൈവ​മാണ്‌.”—ഫിലി​പ്യർ 2:12, 13.

1, 2. ഏത്‌ സാഹച​ര്യ​ത്തിൽ യേശു​വിന്‌ ദിവ്യാം​ഗീ​കാ​ര​ത്തി​ന്റെ ഒരു പ്രഖ്യാ​പനം ലഭിച്ചു, ഇത്‌ നമ്മിൽ താൽപ്പ​ര്യം ഉണർത്തേ​ണ്ട​തെ​ന്തു​കൊണ്ട്‌?

അത്‌ ചരി​ത്ര​ത്തി​ലെ ഒരു വഴിത്തി​രി​വാ​യി​രു​ന്നു. യോഹ​ന്നാൻ സ്‌നാ​പകൻ ദൈവ​ത്തി​ന്റെ സന്ദേശം പ്രസം​ഗി​ക്കു​ക​യും അനുതാ​പ​മു​ള്ള​വരെ വെള്ളത്തിൽ നിമജ്ജനം ചെയ്യു​ക​യും ചെയ്‌തു​കൊ​ണ്ടി​രു​ന്നു. അങ്ങനെ​യി​രി​ക്കെ, നീതി​മാ​നാ​ണെന്ന്‌ യോഹ​ന്നാന്‌ അറിയാ​മാ​യി​രുന്ന ഒരു മനുഷ്യൻ അവനെ സമീപി​ച്ചു. അവൻ യേശു ആയിരു​ന്നു. അവന്‌ അനുതാ​പം ആവശ്യ​മുള്ള പാപമി​ല്ലാ​യി​രു​ന്നു. എന്നിരു​ന്നാ​ലും ‘നീതി​നി​ഷ്‌ഠ​മാ​യ​തെ​ല്ലാം നിറ​വേ​റേ​റ​ണ്ട​തിന്‌’ സ്‌നാ​പനം കഴിപ്പി​ക്ക​പ്പെ​ടാൻ അവൻ ആവശ്യ​പ്പെട്ടു.—മത്തായി 3:1-15.

² യോഹ​ന്നാൻ വിനയ​പൂർവ്വം അനുസ​രി​ക്കു​ക​യും യേശു വെള്ളത്തിൽനിന്ന്‌ പുറത്തു​വ​രു​ക​യും ചെയ്‌ത​ശേഷം “സ്വർഗ്ഗങ്ങൾ തുറന്നു, ദൈവാ​ത്മാവ്‌ ഒരു പ്രാവി​നെ​പ്പോ​ലെ ഇറങ്ങു​ന്നത്‌ അവൻ കണ്ടു.” അതിലു​പ​രി​യാ​യി, “‘ഇത്‌ ഞാൻ അംഗീ​ക​രി​ച്ചി​രി​ക്കുന്ന എന്റെ പ്രിയ​പ്പെട്ട പുത്ര​നാ​കു​ന്നു?’ എന്നു പറഞ്ഞ ഒരു ശബ്ദം സ്വർഗ്ഗ​ങ്ങ​ളിൽ നിന്നു​ണ്ടാ​യി.” (മത്തായി 3:16, 17; മർക്കോസ്‌ 1:11) എന്തോരു പ്രഖ്യാ​പനം! നമ്മളെ​ല്ലാം നാം ആദരി​ക്കുന്ന ഒരാളെ പ്രസാ​ദി​പ്പി​ക്കു​ന്നത്‌ ആസ്വദി​ക്കു​ന്നു. (പ്രവൃ​ത്തി​കൾ 6:3-6; 16:1, 2; ഫിലി​പ്യർ 2:19-22; മത്തായി 25:21) അപ്പോൾ സർവ്വശ​ക്ത​നായ ദൈവം ‘ഞാൻ നിന്നെ അംഗീ​ക​രി​ച്ചി​രി​ക്കു​ന്നു!’ എന്ന്‌ പ്രഖ്യാ​പി​ക്കു​ന്നു​വെ​ങ്കിൽ നിങ്ങൾ എങ്ങനെ വിചാ​രി​ക്കു​ന്നു​വെന്ന്‌ സങ്കൽപ്പി​ക്കുക.

3. ദൈവാം​ഗീ​കാ​രം സംബന്ധിച്ച്‌ നാം എന്തിൽ തൽപ്പര​രാ​യി​രി​ക്കണം?

³ ഇന്ന്‌ ദൈവ​ത്താൽ ഒരു വ്യക്തി അംഗീ​ക​രി​ക്ക​പ്പെ​ടുക സാദ്ധ്യ​മാ​ണോ? ദൃഷ്ടാ​ന്ത​മാ​യി, ‘പ്രത്യാ​ശ​യി​ല്ലാ​തെ​യും ലോക​ത്തിൽ ദൈവ​മി​ല്ലാ​തെ​യും’ “ദൈവ​ത്തി​ന്റേ​തായ ജീവനിൽനിന്ന്‌ അന്യ​പ്പെ​ട്ടി​രി​ക്കുന്ന” ഒരു മമനു​ഷ്യ​ന്റെ കാര്യ​മെ​ടു​ക്കുക. (എഫേസ്യർ 2:12; 4:18) അയാൾക്ക്‌ ആ അവസ്ഥയിൽനിന്ന്‌ യഹോ​വ​യാൽ അംഗീ​ക​രി​ക്ക​പ്പെ​ടുന്ന അനുഗൃ​ഹീത അവസ്ഥയി​ലേക്ക്‌ നീങ്ങാൻ കഴിയു​മോ? കഴിയു​മെ​ങ്കിൽ എങ്ങനെ? നമുക്ക്‌ കാണാം.

അവന്റെ വാക്കുകൾ എന്ത്‌ അർത്ഥമാ​ക്കി?

4. (എ) ദൈവ​ത്തി​ന്റെ പ്രഖ്യാ​പ​ന​ത്തി​ലെ “അംഗീ​ക​രി​ച്ചി​രി​ക്കു​ന്നു” എന്ന ഗ്രീക്ക്‌ പദത്തിന്റെ അർത്ഥ​മെന്ത്‌? (ബി) ഈ സന്ദർഭ​ത്തി​ലെ പ്രയോ​ഗം പ്രത്യേക താൽപ്പ​ര്യം ഉള്ളതാ​യി​രി​ക്കു​ന്ന​തെ​ന്തു​കൊണ്ട്‌?

⁴ “ഞാൻ [യേശു​വി​നെ] അംഗീ​ക​രി​ച്ചി​രി​ക്കു​ന്നു” എന്ന ദൈവ​വ​ച​ന​ങ്ങ​ളു​ടെ സുവി​ശേ​ഷ​രേ​ഖകൾ യൂഡോ​ക്കി​യോ എന്ന ഗ്രീക്ക്‌ ക്രിയ ഉപയോ​ഗി​ക്കു​ന്നു. (മത്തായി 3:17; മർക്കോസ്‌ 1:11; ലൂക്കോസ്‌ 3:22) അതിന്റെ അർത്ഥം “നന്നായി പ്രസാ​ദി​ക്കുക, പ്രീതി​യോ​ടെ കരുതുക, സന്തോ​ഷി​ക്കുക” എന്നാണ്‌. അതിന്റെ നാമരൂ​പ​ത്തിന്‌ “സൻമനസ്സ്‌, സുപ്ര​സാ​ദം, പ്രീതി, ആശംസ, അനു​ഗ്രഹം” എന്ന അർത്ഥമുണ്ട്‌. യൂഡോ​ക്കി​യോ ദിവ്യ അംഗീ​കാ​ര​ത്തിന്‌ പരിമി​ത​പ്പെ​ട്ടി​രി​ക്കു​ന്നില്ല. ഉദാഹ​ര​ണ​ത്തിന്‌, മാസി​ഡോ​ണി​യാ​യി​ലെ ക്രിസ്‌ത്യാ​നി​കൾ മററു​ള്ള​വ​രു​മാ​യി സാമ്പത്തി​ക​മാ​യി പങ്കു​വെ​ക്കാൻ ‘ഇഷ്ടപ്പെ​ട്ടി​രു​ന്നു.’ (റോമർ 10:1; 15:26; 2 കൊരി​ന്ത്യർ 5:8; 1 തെസ്സ​ലോ​നി​ക്യർ 2:8; 3:1) എന്നിരു​ന്നാ​ലും യേശു​വി​നു ലഭിച്ച അംഗീ​കാ​രം മനുഷ്യ​രാ​ലല്ല ദൈവ​ത്താൽ പ്രകട​മാ​ക്ക​പ്പെ​ട്ട​താ​യി​രു​ന്നു. യേശു സ്‌നാ​പ​ന​മേ​റ​റ​ശേഷം മാത്ര​മാണ്‌ അവനെ സംബന്ധിച്ച്‌ ഈ പദം ഉപയോ​ഗി​ച്ചി​രി​ക്കു​ന്നത്‌. (മത്തായി 17:5; 2 പത്രോസ്‌ 1:17) ലൂക്കോസ്‌ 2:52 സ്‌നാ​പ​ന​മേൽക്കാത്ത ഒരു യുവാ​വെന്ന നിലയിൽ യേശു​വിന്‌ ദൈവ​ത്തിൽനി​ന്നും മനുഷ്യ​രിൽനി​ന്നും “പ്രീതി” ലഭിക്കു​ന്ന​തി​നെ​ക്കു​റിച്ച്‌ സംസാ​രി​ക്കു​മ്പോൾ ഖാരിസ്‌ എന്ന്‌ ഒരു വ്യത്യസ്‌ത പദം ഉപയോ​ഗി​ക്കു​ന്നു എന്നത്‌ കൗതു​ക​ക​ര​മാണ്‌.

5. (എ) അപൂർണ്ണ മനുഷ്യർക്ക്‌ ദൈവ​ത്താൽ അംഗീ​ക​രി​ക്ക​പ്പെ​ടാൻ കഴിയു​മെന്ന്‌ തെളി​ഞ്ഞി​രി​ക്കു​ന്ന​തെ​ങ്ങനെ? (ബി) “സൻമന​സ്സുള്ള മനുഷ്യർ” ആരാണ്‌?

⁵ നമ്മേ​പ്പോ​ലെ​യുള്ള അപൂർണ്ണ മനുഷ്യർക്കും ദൈവാം​ഗീ​കാ​രം നേടുക സാദ്ധ്യ​മാ​ണോ? സന്തോ​ഷ​ക​ര​മെന്നു പറയട്ടെ, ഉത്തരം ഉവ്വ്‌ എന്നാണ്‌. യേശു ജനിച്ച​പ്പോൾ “മീതെ ഉന്നതങ്ങ​ളിൽ ദൈവ​ത്തിന്‌ മഹത്വം, ഭൂമി​യിൽ സൻമന​സ്സുള്ള [യൂഡോ​ക്കി​യാസ്‌] മനുഷ്യ​രു​ടെ​യി​ട​യിൽ സമാധാ​നം” എന്ന്‌ ദൂതൻമാർ പ്രഖ്യാ​പി​ച്ചു. (ലൂക്കോസ്‌ 2:14) അക്ഷരീയ ഗ്രീക്കിൽ ദൂതൻമാർ “സുചി​ന്ത​യുള്ള മനുഷ്യർക്ക്‌” അഥവാ “ദൈവം അംഗീ​ക​രി​ക്കുന്ന മനുഷ്യർക്ക്‌” വരാനി​രി​ക്കുന്ന ഒരനു​ഗ്ര​ഹ​ത്തെ​ക്കു​റിച്ച്‌ പാടു​ക​യാ​യി​രു​ന്നു.a എൻ ആൻ​ത്രോ​പോ​യിസ്‌ യൂഡോ​ക്കി​യാ​സി​ന്റെ ഈ ഉപയോ​ഗ​ത്തെ​ക്കു​റിച്ച്‌ പ്രൊ​ഫസർ ഹാൻസ്‌ ബീററ​നാർഡ്‌ എഴുതു​ന്നു: “ഈ പദസഞ്ചയം ദൈവ​ത്തി​ന്റെ സുപ്ര​സാ​ദ​മുള്ള മനുഷ്യ​രെ പരാമർശി​ക്കു​ന്നു . . . അതു​കൊണ്ട്‌ നാം ഇവിടെ മനുഷ്യ​രു​ടെ സൻമ​നോ​ഭാ​വത്തെ കൈകാ​ര്യം ചെയ്യു​കയല്ല . . . നാം ദൈവ​ത്തി​ന്റെ പരമോൽകൃ​ഷ്ട​വും കരുണാ​നിർഭ​ര​വു​മായ ഇഷ്ടത്തെ ആണ്‌ കൈകാ​ര്യം ചെയ്യു​ന്നത്‌, അത്‌ രക്ഷക്കു​വേണ്ടി ഒരു ജനത്തെ അതിനാ​യി​ത്തന്നെ തെര​ഞ്ഞെ​ടു​ക്കു​ന്നു.” അങ്ങനെ യഹോ​വ​യു​ടെ സാക്ഷികൾ ദീർഘ​കാ​ലം വിശദീ​ക​രി​ച്ചി​ട്ടു​ള്ള​തു​പോ​ലെ, സമർപ്പ​ണ​ത്താ​ലും സ്‌നാ​പ​ന​ത്താ​ലും അപൂർണ്ണ​മ​നു​ഷ്യർക്ക്‌ സൻമന​സ്സുള്ള മനുഷ്യർ, ദൈവ​ത്താൽ അംഗീ​ക​രി​ക്ക​പ്പെ​ടുന്ന മനുഷ്യർ, ആയിത്തീ​രുക സാദ്ധ്യ​മാ​ണെന്ന്‌ ലൂക്കോസ്‌ 2:14 സൂചി​പ്പി​ക്കു​ന്നു!b

6. നാം ദൈവാം​ഗീ​കാ​രത്തെ സംബന്ധിച്ച്‌ ഇപ്പോ​ഴും എന്ത്‌ പഠി​ക്കേ​ണ്ട​തുണ്ട്‌?

⁶ എന്നിരു​ന്നാ​ലും ‘ദുഷ്‌പ്ര​വൃ​ത്തി​ക​ളിൽ മനസ്സു​വെ​ച്ചി​രി​ക്കുന്ന ദൈവ​ത്തി​ന്റെ ശത്രുക്കൾ’ ആയിരി​ക്കു​ന്ന​തും നമ്മുടെ നീതി​മാ​നും ജ്ഞാനി​യു​മായ ദൈവ​ത്തി​ന്റെ സഹകാ​രി​ക​ളെ​ന്ന​നി​ല​യിൽ അംഗീ​ക​രി​ക്ക​പ്പെ​ടു​ന്ന​തും തമ്മിൽ എന്തോരു വ്യത്യാ​സ​മാ​ണു​ള്ള​തെന്ന്‌ നിങ്ങൾ തിരി​ച്ച​റി​ഞ്ഞേ​ക്കാം. (കൊ​ലോ​സ്യർ 1:21; സങ്കീർത്തനം 15:1-5) അതു​കൊണ്ട്‌ മനുഷ്യർക്ക്‌ അംഗീ​കാ​ര​മു​ള്ള​വ​രാ​യി​ത്തീ​രാൻ കഴിയു​മെന്ന്‌ കേൾക്കു​ന്ന​തിൽ നിങ്ങൾക്ക്‌ ആശ്വാസം ഉണ്ടാ​യേ​ക്കാ​മെ​ങ്കി​ലും എന്താണ്‌ ഉൾപ്പെ​ട്ടി​രി​ക്കു​ന്ന​തെന്ന്‌ അറിയാൻ നിങ്ങൾ ആഗ്രഹി​ക്കേ​ണ്ട​താണ്‌. ദൈവ​ത്തി​ന്റെ കഴിഞ്ഞ​കാ​ലത്തെ ഇടപെ​ട​ലു​ക​ളിൽനിന്ന്‌ നമുക്ക്‌ ഇതുസം​ബ​ന്ധിച്ച്‌ വളരെ​യ​ധി​കം പഠിക്കാൻ കഴിയും.

അവൻ ആളുകളെ സ്വാഗതം ചെയ്‌തു

7. ദൈവ​ത്തി​ന്റെ മനോ​ഭാ​വം സംബന്ധിച്ച്‌ പുറപ്പാട്‌ 12:38 എന്ത്‌ സൂചന നൽകുന്നു?

⁷ ലൂക്കോസ്‌ 2:14-ലെ പ്രഖ്യാ​പ​ന​ത്തിന്‌ മുമ്പ്‌ നൂററാ​ണ്ടു​ക​ളിൽ, വന്ന്‌ തന്നെ ആരാധി​ക്കാൻ യഹോവ ആളുകളെ സ്വാഗതം ചെയ്‌തു. തീർച്ച​യാ​യും, ദൈവം തനിക്ക്‌ സമർപ്പി​ക്ക​പ്പെ​ട്ടി​രി​ക്കുന്ന യിസ്രാ​യേൽ ജനത​യോ​ടു മാത്രം ഇടപെ​ടു​ക​യാ​യി​രു​ന്നു. (പുറപ്പാട്‌ 19:5-8; 31:16, 17) എന്നാൽ യിസ്രാ​യേൽ ഈജി​പ്‌റ​റി​ലെ അടിമ​ത്ത​ത്തിൽനിന്ന്‌ പുറ​ത്തേക്ക്‌ അഭിഗ​മി​ച്ച​പ്പോൾ “ഒരു വലിയ സമ്മിശ്ര സംഘവും അവരോ​ടു​കൂ​ടെ പോയി” എന്ന്‌ ഓർക്കുക. (പുറപ്പാട്‌ 12:38) ദൈവ​ജ​ന​ത്തോട്‌ ഇടപെ​ട്ടി​രി​ക്കാ​വു​ന്ന​വ​രും ഈജി​പ്‌റ​റിൻമേൽ ഉണ്ടായ ബാധകൾക്ക്‌ സാക്ഷ്യം വഹിച്ച​വ​രു​മായ യിസ്രാ​യേ​ല്യേ​തരർ ഇപ്പോൾ യിസ്രാ​യേ​ലി​നോ​ടു​കൂ​ടെ പോകാൻ തീരു​മാ​നി​ച്ചു. ചിലർ പൂർണ്ണ​മ​താ​നു​സാ​രി​കൾ ആയിത്തീർന്നി​രി​ക്കാൻ ഇടയുണ്ട്‌.

8. യിസ്രാ​യേ​ലിൽ ഏത്‌ രണ്ടുതരം പരദേ​ശി​കൾ പാർത്തി​രു​ന്നു, യിസ്രാ​യേ​ല്യർ അവരോട്‌ ഇടപെ​ട്ട​തിൽ ഒരു വ്യത്യാ​സം ഉണ്ടായി​രു​ന്ന​തെ​ന്തു​കൊണ്ട്‌?

⁸ ന്യായ​പ്ര​മാണ ഉടമ്പടി ദൈവ​ത്തോ​ടും അവന്റെ ജനത്തോ​ടു​മുള്ള ബന്ധത്തിൽ യിസ്രാ​യേ​ല്യേ​ത​ര​രു​ടെ സാഹച​ര്യ​ത്തെ അംഗീ​ക​രി​ച്ചു. ചില പരദേ​ശി​കൾ കേവലം യിസ്രാ​യേൽ ദേശത്ത്‌ വമ്പിച്ച കുടി​പാർപ്പു​കാ​രാ​യി​രു​ന്നു, അവിടെ അവർ കൊല​പാ​ത​ക​ത്തി​നെ​തി​രായ നിയമ​ങ്ങ​ളും ശബത്തനു​ഷ്ടാ​നം ആവശ്യ​പ്പെ​ടുന്ന നിയമ​ങ്ങ​ളും​പോ​ലെ​യുള്ള അടിസ്ഥാ​ന​നി​യ​മങ്ങൾ അനുസ​രി​ക്കേ​ണ്ട​തു​ണ്ടാ​യി​രു​ന്നു. (നെഹമ്യാവ്‌ 13:16-21) ഈ കുടി​പാർപ്പു​കാ​രെ സഹോ​ദ​രൻമാ​രാ​യി സ്വീക​രി​ക്കു​ന്ന​തി​നു പകരം, ഒരു യിസ്രാ​യേ​ല്യൻ അവരോട്‌ സംസാ​രി​ക്കു​ക​യോ ഇടപെ​ടു​ക​യോ ചെയ്യു​മ്പോൾ ന്യായ​മായ ജാഗ്രത പുലർത്തി​യി​രു​ന്നു, എന്തെന്നാൽ അവർ അപ്പോ​ഴും ദൈവ​ത്തി​ന്റെ ജനതയു​ടെ ഭാഗമാ​യി​രു​ന്നില്ല. ദൃഷ്ടാ​ന്ത​മാ​യി, താനേ ചത്ത ഒരു മൃഗത്തി​ന്റെ രക്തം കളയാത്ത ശവം വാങ്ങാൻ ഒരു യിസ്രാ​യേ​ല്യന്‌ അധികാ​ര​മി​ല്ലാ​യി​രു​ന്നെ​ങ്കി​ലും യഹൂദ​മ​താ​നു​സാ​രി​കൾ അല്ലാഞ്ഞ പരദേ​ശി​കൾക്ക്‌ അങ്ങനെ ചെയ്യാ​മാ​യി​രു​ന്നു. (ആവർത്തനം 14:21; യെഹെ​സ്‌ക്കേൽ 4:14) കാല​ക്ര​മ​ത്തിൽ ഈ പരദേ​ശി​ക​ളിൽ ചിലർ പരിച്‌ഛേ​ദ​ന​യേററ മതാനു​സാ​രി​ക​ളാ​യി​ത്തീർന്ന മററ്‌ പരദേ​ശി​ക​ളു​ടെ പ്രവർത്ത​ന​ഗതി പിൻതു​ടർന്നേ​ക്കാം. അപ്പോൾ മാത്രമേ അവർ മുഴു​ന്യാ​യ​പ്ര​മാ​ണ​വും അനുസ​രി​ക്കാൻ ബാദ്ധ്യ​സ്ഥ​രായ സത്യാ​രാ​ധ​ന​യി​ലെ സഹോ​ദ​രൻമാ​രാ​യി കരുത​പ്പെ​ട്ടി​രു​ന്നു​ള്ളു. (ലേവ്യ​പു​സ്‌തകം 16:29; 17:10; 19:33, 34; 24:22) മോവാ​ബ്യ സ്‌ത്രീ​യായ രൂത്ത്‌, അരാമ്യ​കു​ഷ്‌ഠ​രോ​ഗി​യാ​യി​രുന്ന നയമാൻ എന്നിവർ ദൈവം അംഗീ​ക​രിച്ച യിസ്രാ​യേ​ല്യേ​ത​ര​രാ​യി​രു​ന്നു.—മത്തായി 1:5; ലൂക്കോസ്‌ 4:27.

9. വിദേ​ശി​ക​ളോ​ടുള്ള ദൈവ​ത്തി​ന്റെ മനോ​ഭാ​വത്തെ ശലോ​മോൻ സ്ഥിരീ​ക​രി​ച്ച​തെ​ങ്ങനെ?

⁹ ശലോ​മോൻ രാജാ​വി​ന്റെ നാളു​ക​ളി​ലും യിസ്രാ​യേ​ല്യേ​ത​ര​രോട്‌ ദൈവം പ്രകട​മാ​ക്കുന്ന സ്വാഗത മനോ​ഭാ​വം നാം കാണുന്നു. ആലയം ഉൽഘാ​ടനം ചെയ്‌ത​പ്പോൾ ശലോ​മോൻ ഇങ്ങനെ പ്രാർത്ഥി​ച്ചു: “നിന്റെ ജനമായ യിസ്രാ​യേ​ലി​ന്റെ ഭാഗമ​ല്ലാ​ത്ത​വ​നും യഥാർത്ഥ​ത്തിൽ നിന്റെ നാമം നിമിത്തം ഒരു വിദൂ​ര​ദേ​ശ​ത്തു​നിന്ന്‌ വരുന്ന​വ​നും ഈ ആലയത്തി​നു​നേരെ തിരിഞ്ഞ്‌ പ്രാർത്ഥി​ക്കു​ന്ന​വ​നു​മായ വിദേ​ശി​യെ നീ തന്നെ സ്വർഗ്ഗ​ത്തിൽ നിന്ന്‌ കേൾക്കേ​ണമേ, . . . നിന്റെ ജനമായ യിസ്രാ​യേ​ലി​നെ​പ്പോ​ലെ നിന്നെ ഭയപ്പെ​ടാൻ തക്കവണ്ണം ഭൂമി​യി​ലെ സകല ജനങ്ങളും നിന്റെ നാമത്തെ അറി​യേ​ണ്ട​തി​നു തന്നെ.” (1 രാജാ​ക്കൻമാർ 8:41-43) അതെ, തന്നെ അന്വേ​ഷിച്ച ആത്മാർത്ഥ​ത​യുള്ള വിദേ​ശീ​യ​രു​ടെ പ്രാർത്ഥ​ന​കളെ യഹോവ സ്വാഗതം ചെയ്‌തു. ഒരുപക്ഷേ, ഇവരും അവന്റെ നിയമങ്ങൾ പഠിക്കു​ക​യും പരിച്‌ഛേ​ദ​നാ​കർമ്മ​ത്തിന്‌ വിധേ​യ​രാ​വു​ക​യും തന്റെ അനുഗൃ​ഹീത ജനതയി​ലെ അംഗീ​കൃത അംഗങ്ങ​ളാ​യി​ത്തീ​രു​ക​യും ചെയ്യു​മാ​യി​രു​ന്നു.

10. യഹൂദൻമാർ എത്യോ​പ്യൻ ഷണ്ഡനോട്‌ എങ്ങനെ ഇടപെ​ട്ടി​രി​ക്കും, പരിച്‌ഛേദന അയാൾക്ക്‌ പ്രയോ​ജനം ചെയ്‌ത​തെ​ന്തു​കൊണ്ട്‌?

¹⁰ പിൽക്കാ​ല​ങ്ങ​ളിൽ ഇത്‌ ചെയ്‌ത ഒരു മനുഷ്യൻ വിദൂര എത്യോ​പ്യ​യി​ലെ കന്ദക്ക രാജ്ഞി​യു​ടെ ഖജാൻജി​യാ​യി​രു​ന്നു. സാദ്ധ്യ​ത​യ​നു​സ​രിച്ച്‌, അയാൾ ആദ്യമാ​യി യഹൂദൻമാ​രെ​യും അവരുടെ ആരാധ​ന​യെ​യും​കു​റിച്ച്‌ കേട്ട​പ്പോൾ അയാളു​ടെ ജീവിത ശൈലി​യോ മത നടപടി​ക​ളോ യഹോ​വക്ക്‌ സ്വീകാ​ര്യ​മ​ല്ലാ​യി​രു​ന്നു. അതു​കൊണ്ട്‌ ഈ വിദേ​ശി​യായ മനുഷ്യൻ ദൈവ​വ്യ​വ​സ്ഥ​ക​ളെ​ക്കു​റിച്ച്‌ മനസ്സി​ലാ​ക്കു​ന്ന​തിന്‌ ന്യായ​പ്ര​മാ​ണം പഠിച്ചു​കൊ​ണ്ടി​രു​ന്ന​പ്പോൾ യഹൂദൻമാർ ഒരളവി​ലുള്ള സഹിഷ്‌ണുത പ്രകടി​പ്പി​ക്ക​ണ​മാ​യി​രു​ന്നു. തെളി​വ​നു​സ​രിച്ച്‌ അയാൾ പുരോ​ഗ​മി​ക്കു​ക​യും പരിച്‌ഛേ​ദ​നക്ക്‌ യോഗ്യ​ത​നേ​ടാൻ ആവശ്യ​മായ മാററങ്ങൾ വരുത്തു​ക​യും ചെയ്‌തു. അയാൾ “ആരാധി​ക്കാൻ യരൂശ​ലേ​മി​ലേക്ക്‌ പോയി​രു​ന്നു” എന്ന്‌ പ്രവൃ​ത്തി​കൾ 8:27 നമ്മോട്‌ പറയുന്നു. (പുറപ്പാട്‌ 12:48, 49) അയാൾ അന്നൊരു പൂർണ്ണ മതാനു​സാ​രി ആയിരു​ന്നു​വെന്ന്‌ ഇത്‌ സൂചി​പ്പി​ക്കു​ന്നു. അങ്ങനെ അയാൾ മശിഹാ​യെ സ്വീക​രി​ക്കു​ന്ന​തി​നും അവന്റെ സ്‌നാ​പ​ന​മേററ ശിഷ്യ​നാ​യി​ത്തീ​രു​ന്ന​തി​നും അങ്ങനെ ദൈവ​ത്തി​ന്റെ തുടർച്ച​യായ ഇഷ്ടത്തോട്‌ ചേർച്ച​യിൽ വരുന്ന​തി​നും യോഗ്യ​നാ​യി.

അവിശ്വാ​സി​ക​ളും ക്രിസ്‌തീ​യ​സ​ഭ​യും

11, 12. (എ) എത്യോ​പ്യൻ സ്‌നാ​പ​ന​മേ​റ​റ​പ്പോൾ കൂടു​ത​ലാ​യി എന്ത്‌ മാററ​മു​ണ്ടാ​യി? (ബി) ഇത്‌ ഫിലി​പ്യർ 2:12, 13-നോട്‌ ചേർച്ച​യി​ലാ​യി​രു​ന്ന​തെ​ങ്ങനെ?

¹¹ യേശു തന്റെ അനുഗാ​മി​ക​ളോട്‌ ഇങ്ങനെ പറഞ്ഞു: “ആകയാൽ പോയി ഞാൻ നിങ്ങ​ളോട്‌ കൽപ്പി​ച്ചി​രി​ക്കു​ന്ന​തെ​ല്ലാം അനുഷ്‌ഠി​ക്കാൻ സകല ജാതി​ക​ളി​ലെ​യും ജനങ്ങളെ പഠിപ്പി​ച്ചു​കൊണ്ട്‌ പിതാ​വി​ന്റെ​യും പുത്ര​ന്റെ​യും പരിശു​ദ്ധാ​ത്മാ​വി​ന്റെ​യും നാമത്തിൽ അവരെ സ്‌നാ​പ​ന​പ്പെ​ടു​ത്തി ശിഷ്യ​രാ​ക്കി​ക്കൊൾക.” (മത്തായി 28:19, 20) ഇപ്പോൾ പറഞ്ഞു​ക​ഴിഞ്ഞ എത്യോ​പ്യൻ മതാനു​സാ​രിക്ക്‌ യഹോ​വ​യേ​യും പരിശു​ദ്ധാ​ത്മാ​വി​നെ​യും കുറി​ച്ചുള്ള അറിവു​ണ്ടാ​യി​രു​ന്നു. ദൈവ​ത്തി​ന്റെ മശി​ഹൈക പുത്ര​നായ യേശു​വി​നെ മനസ്സി​ലാ​ക്കാ​നും സ്വീക​രി​ക്കാ​നും ഫിലി​പ്പോസ്‌ അയാളെ സഹായി​ച്ച​പ്പോൾ അയാളെ സ്‌നാ​പ​ന​പ്പെ​ടു​ത്താൻ കഴിയു​മാ​യി​രു​ന്നു. അങ്ങനെ അയാൾ ക്രിസ്‌തു​വി​നെ അനുഗ​മി​ക്കുന്ന യഹോ​വ​യു​ടെ ജനത്തിലെ ഒരു അംഗീ​കൃത അംഗമാ​യി​ത്തീ​രു​മാ​യി​രു​ന്നു. സ്വാഭാ​വി​ക​മാ​യി ക്രിസ്‌ത്യാ​നി​കൾക്കു​വേണ്ടി ‘കൽപ്പി​ക്ക​പ്പെ​ട്ടി​രി​ക്കുന്ന സകല കാര്യ​ങ്ങ​ളും’ അനുഷ്‌ഠി​ക്കേണ്ട ആവശ്യ​മു​ള്ള​വ​നെ​ന്ന​നി​ല​യിൽ അയാൾ ദൈവ​ത്തോട്‌ കണക്ക്‌ ബോധി​പ്പി​ക്കേ​ണ്ടു​ന്ന​വ​നാ​യി​രി​ക്കും. എന്നാൽ ഈ ഉത്തരവാ​ദി​ത്വ​ത്തോ​ടു​കൂ​ടെ ഒരു അത്ഭുത​ക​ര​മായ പ്രത്യാ​ശ​യും ലഭ്യമാ​യി: രക്ഷ!

¹² പിൽക്കാ​ലത്ത്‌ എല്ലാ ക്രിസ്‌ത്യാ​നി​ക​ളും ‘ഭയത്തോ​ടും വിറയ​ലോ​ടും കൂടെ തങ്ങളുടെ സ്വന്തം രക്ഷക്കു​വേണ്ടി പ്രവർത്തി​ച്ചു​കൊ​ണ്ടി​രി​ക്കേണ്ട’തുണ്ടെന്ന്‌ പൗലോസ്‌ എഴുതി. എന്നിരു​ന്നാ​ലും, അത്‌ ചെയ്യുക സാദ്ധ്യ​മാ​യി​രു​ന്നു, എന്തു​കൊ​ണ്ടെ​ന്നാൽ “തന്റെ സുപ്ര​സാ​ദ​ത്തി​നു​വേണ്ടി [യൂഡോ​ക്കി​യാസ്‌] നിങ്ങൾ ഇച്ഛിക്കു​ക​യും പ്രവർത്തി​ക്കു​ക​യും ചെയ്യേ​ണ്ട​തിന്‌ നിങ്ങളിൽ പ്രവർത്തി​ച്ചു​കൊ​ണ്ടി​രി​ക്കു​ന്നത്‌ ദൈവ​മാണ്‌.”—ഫിലി​പ്യർ 2:12, 13.

13. എത്യോ​പ്യൻ ഷണ്ഡനെ​പ്പോ​ലെ പെട്ടെന്ന്‌ സ്‌നാ​പ​ന​മേൽക്കാ​ത്ത​വ​രോട്‌ ക്രിസ്‌ത്യാ​നി​കൾ എങ്ങനെ ഇടപെ​ട്ടി​രി​ക്കും?

¹³ സത്യ​ക്രി​സ്‌ത്യാ​നി​ക​ളു​മാ​യി സമ്പർക്ക​ത്തിൽ വന്ന എല്ലാവ​രും ആ എത്യോ​പ്യ​നെ​പ്പോ​ലെ സ്‌നാ​പ​ന​ത്തി​ലേക്ക്‌ പെട്ടെന്ന്‌ നീങ്ങാൻ ഒരുക്ക​മു​ള്ള​വ​രും യോഗ്യ​രും ആയിരു​ന്നില്ല. യഹൂദൻമാ​രോ യഹൂദ​മ​താ​നു​സാ​രി​ക​ളോ അല്ലാഞ്ഞ​തി​നാൽ ചിലർക്ക്‌ യഹോ​വ​യെ​യും അവന്റെ വഴിക​ളെ​യും കുറിച്ച്‌ യാതൊ​രു അറിവും ഇല്ലായി​രു​ന്നു. അവരുടെ ധാർമ്മിക നിഷ്‌ഠ​ക​ളും അവന്റെ പ്രമാ​ണ​ങ്ങ​ളാൽ നയിക്ക​പ്പെ​ട്ടി​രു​ന്നില്ല. അവരോട്‌ എങ്ങനെ ഇടപെ​ടു​മാ​യി​രു​ന്നു? ക്രിസ്‌ത്യാ​നി​കൾ യേശു​വി​ന്റെ ദൃഷ്ടാന്തം പിൻതു​ട​ര​ണ​മാ​യി​രു​ന്നു. അവൻ തീർച്ച​യാ​യും പാപത്തെ പ്രോൽസാ​ഹി​പ്പി​ക്കു​ക​യോ അതിനു​നേരെ കണ്ണടക്കു​ക​പോ​ലു​മോ ചെയ്‌തില്ല. (യോഹ​ന്നാൻ 5:14) എന്നിട്ടും അവൻ തന്നി​ലേക്ക്‌ ആകർഷി​ക്ക​പ്പെ​ട്ട​വ​രും തങ്ങളുടെ വഴികളെ ദൈവ​ത്തി​ന്റേ​തി​നോട്‌ ചേർച്ച​യിൽ വരുത്താൻ ആഗ്രഹി​ച്ച​വ​രു​മായ പാപി​ക​ളോട്‌ സഹിഷ്‌ണു​ത​യു​ള്ള​വ​നാ​യി​രു​ന്നു.—ലൂക്കോസ്‌ 15:1-7.

14, 15. കൊരി​ന്തി​ലെ യോഗ​ങ്ങ​ളിൽ അഭിഷിക്ത ക്രിസ്‌ത്യാ​നി​കൾക്ക്‌ പുറമേ ഏതുതരം ആളുകൾ സംബന്ധി​ച്ചി​രു​ന്നു, ആത്മീയ പുരോ​ഗതി സംബന്ധിച്ച്‌ അവർ വ്യത്യ​സ്‌തരാ​യി​രി​ക്കാ​മാ​യി​രു​ന്ന​തെ​ങ്ങനെ?

¹⁴ ദൈവ​ത്തെ​ക്കു​റിച്ച്‌ പഠിച്ചു​കൊ​ണ്ടി​രു​ന്ന​വ​രോട്‌ ക്രിസ്‌ത്യാ​നി​കൾ സഹിഷ്‌ണു​ത​യോ​ടെ ഇടപെ​ട്ടു​വെന്ന്‌ കൊരി​ന്തി​ലെ യോഗ​ങ്ങളെ സംബന്ധി​ച്ചുള്ള പൗലോ​സി​ന്റെ അഭി​പ്രാ​യ​ങ്ങ​ളിൽ നിന്ന്‌ വ്യക്തമാണ്‌. ക്രിസ്‌ത്യാ​നി​ത്വ​ത്തിന്‌ ദൈവാ​നു​ഗ്രഹം ഉണ്ടെന്നു​ള്ള​തി​ന്റെ പ്രാരം​ഭ​ല​ക്ഷ​ണ​മാ​യി കൊടു​ത്തി​രുന്ന ആത്മാവി​ന്റെ അത്ഭുത വരങ്ങളു​ടെ ഉപയോ​ഗ​ത്തെ​ക്കു​റിച്ച്‌ ചർച്ച​ചെ​യ്‌ത​പ്പോൾ പൗലോസ്‌ “വിശ്വാ​സി​ക​ളെ​യും” “അവിശ്വാ​സി​ക​ളെ​യും” കുറിച്ച്‌ പറഞ്ഞു. (1 കൊരി​ന്ത്യർ 14:22) “വിശ്വാ​സി​കൾ ക്രിസ്‌തു​വി​നെ സ്വീക​രി​ക്കു​ക​യും സ്‌നാ​പ​ന​മേൽക്കു​ക​യും ചെയ്‌ത​വ​രാ​യി​രു​ന്നു. (പ്രവൃ​ത്തി​കൾ 8:13; 16:31-34) “കേട്ട കൊരി​ന്ത്യ​രിൽ അനേകർ വിശ്വ​സി​ക്കാ​നും സ്‌നാ​പ​ന​മേൽക്കാ​നും തുടങ്ങി.”—പ്രവൃ​ത്തി​കൾ 18:8.

¹⁵ ഒന്നു കൊരി​ന്ത്യർ 14:24 അനുസ​രിച്ച്‌ ‘അവിശ്വാ​സി​ക​ളോ സാധാ​ര​ണ​ക്കാ​രോ’ കൊരി​ന്തി​ലെ യോഗ​ങ്ങൾക്ക്‌ വരിക​യും സ്വാഗതം ചെയ്യ​പ്പെ​ടു​ക​യും ചെയ്‌തു.c സാദ്ധ്യ​ത​യ​നു​സ​രിച്ച്‌, ദൈവ​വ​ച​ന​ത്തി​ന്റെ പഠനത്തി​ലും ബാധക​മാ​ക്ക​ലി​ലു​മുള്ള അവരുടെ പുരോ​ഗ​തി​യിൽ വ്യത്യാ​സ​മു​ണ്ടാ​യി​രു​ന്നു. ചിലർ അപ്പോ​ഴും പാപം ചെയ്‌തു​കൊ​ണ്ടി​രു​ന്നി​രി​ക്കാം. മററു ചിലർ ഒരളവി​ലുള്ള വിശ്വാ​സം നേടു​ക​യും തങ്ങളുടെ ജീവി​ത​ത്തിൽ അപ്പോൾത്തന്നെ ചില മാററങ്ങൾ വരുത്തു​ക​യും സ്‌നാ​പ​ന​ത്തി​നു മുമ്പു​പോ​ലും തങ്ങൾ പഠിച്ചി​രു​ന്ന​തി​നെ​ക്കു​റിച്ച്‌ മററു​ള്ള​വ​രോട്‌ പറഞ്ഞു​തു​ട​ങ്ങു​ക​യും ചെയ്‌തി​രി​ക്കാം.

16. അങ്ങനെ​യു​ള്ള​വർക്ക്‌ സഭാമീ​റ​റിം​ഗു​ക​ളിൽ ക്രിസ്‌ത്യാ​നി​ക​ളോ​ടു​കൂ​ടെ ആയിരി​ക്കു​ന്ന​തിൽ നിന്ന്‌ എങ്ങനെ പ്രയോ​ജനം കിട്ടു​മാ​യി​രു​ന്നു?

¹⁶ തീർച്ച​യാ​യും, സ്‌നാ​പ​ന​മേൽക്കാത്ത അങ്ങനെ​യു​ള്ള​വ​രിൽപ്പെട്ട ആരും “കർത്താ​വിൽ” ആയിരു​ന്നില്ല. (1 കൊരി​ന്ത്യർ 7:39) അവരുടെ കഴിഞ്ഞ കാലത്ത്‌ ധാർമ്മി​ക​വും ആത്മീക​വു​മായ ഗുരു​ത​ര​മായ തെററു​കൾ ഉൾപ്പെ​ട്ടി​രു​ന്നെ​ങ്കിൽ ദൈവ​ത്തി​ന്റെ പ്രമാ​ണ​ങ്ങ​ളോട്‌ അനുരൂ​പ​പ്പെ​ടു​ന്ന​തിന്‌ സമയ​മെ​ടു​ത്തി​രി​ക്കാ​മെന്ന്‌ മനസ്സി​ലാ​ക്കാ​വു​ന്ന​താണ്‌. ഇതിനി​ട​യിൽ, അവർ സഭയുടെ വിശ്വാ​സ​ത്തെ​യും ശുദ്ധി​യെ​യും തകിടം മറിക്കാൻ ദ്രോ​ഹ​പൂർവ്വം ശ്രമി​ച്ചി​രു​ന്നി​ല്ലെ​ങ്കിൽ അവർക്ക്‌ സ്വാഗ​ത​മു​ണ്ടാ​യി​രു​ന്നു. അവർ യോഗ​ങ്ങ​ളിൽ കണ്ടതി​നും കേട്ടതി​നും ‘അവരുടെ ഹൃദയ രഹസ്യങ്ങൾ പ്രത്യ​ക്ഷ​മാ​കവെ’ ‘അവരെ ശാസി​ക്കാൻ’ കഴിയു​മാ​യി​രു​ന്നു.—1 കൊരി​ന്ത്യർ 14:23-25; 2 കൊരി​ന്ത്യർ 6:14.

രക്ഷക്കു​വേണ്ടി ദൈവ​ത്താൽ അംഗീ​ക​രി​ക്ക​പ്പെട്ട്‌ നില​കൊ​ള്ളു​ക

17. ലൂക്കോസ്‌ 2:14-ന്‌ ഒന്നാം നൂററാ​ണ്ടിൽ എന്ത്‌ നിവൃത്തി ഉണ്ടായി​രു​ന്നു?

¹⁷ ഒന്നാം നൂററാ​ണ്ടി​ലെ സ്‌നാ​പ​ന​മേററ ക്രിസ്‌ത്യാ​നി​ക​ളു​ടെ പരസ്യ പ്രസം​ഗ​ത്താൽ ആയിരങ്ങൾ സുവാർത്ത കേട്ടു. അവർ തങ്ങൾ കേട്ടതിൽ വിശ്വാ​സ​മർപ്പി​ക്കു​ക​യും തങ്ങളുടെ കഴിഞ്ഞ​കാല ഗതി സംബന്ധിച്ച്‌ അനുത​പി​ക്കു​ക​യും “രക്ഷക്കു​വേണ്ടി പരസ്യ​പ്ര​ഖ്യാ​പനം” നടത്തി​ക്കൊണ്ട്‌ സ്‌നാ​പ​ന​മേൽക്കു​ക​യും ചെയ്‌തു. (റോമർ 10:10-15; പ്രവൃ​ത്തി​കൾ 2:41-44; 5:14; കൊ​ലോ​സ്യർ 1:23) അന്ന്‌ സ്‌നാ​പ​ന​മേ​റ​റി​രു​ന്ന​വർക്ക്‌ യഹോ​വ​യു​ടെ അംഗീ​കാ​ര​മു​ണ്ടാ​യി​രു​ന്നു​വെ​ന്ന​തിന്‌ സംശയ​മില്ല, അവൻ അവരെ പരിശു​ദ്ധാ​ത്മാ​വു​കൊണ്ട്‌ അഭി​ഷേകം ചെയ്യു​ക​യും ആത്മീയ പുത്രൻമാ​രാ​യി ദത്തെടു​ക്കു​ക​യും ചെയ്‌തു. അപ്പോ​സ്‌ത​ല​നായ പൗലോസ്‌ ഇങ്ങനെ എഴുതി: “അവൻ തന്റെ ഇഷ്ടത്തിന്റെ സുപ്ര​സാ​ദ​ത്തി​നൊ​ത്ത​വണ്ണം [യൂഡോ​ക്ക്യൻ] തനിക്കു​തന്നെ പുത്രൻമാ​രാ​യി യേശു​ക്രി​സ്‌തു​വി​ലൂ​ടെ​യുള്ള ദത്തെടു​ക്ക​ലിന്‌ നമ്മെ മുൻനി​യ​മി​ച്ചു.” (എഫേസ്യർ 1:5) അങ്ങനെ ആ നൂററാ​ണ്ടിൽതന്നെ, യേശു​വി​ന്റെ ജനനത്തി​ങ്കൽ ദൂതൻമാർ മുൻകൂ​ട്ടി​പ്പ​റ​ഞ്ഞി​രു​ന്നത്‌ സത്യ​മെന്ന്‌ തെളിഞ്ഞു തുടങ്ങി: “സൻമന​സ്സുള്ള [അഥവാ ദൈവാം​ഗീ​കാ​ര​മുള്ള] മനുഷ്യ​രു​ടെ​യി​ട​യിൽ സമാധാ​നം.”—ലൂക്കോസ്‌ 2:14.

18. അഭിഷിക്ത ക്രിസ്‌ത്യാ​നി​കൾ ദൈവ​വു​മാ​യുള്ള തങ്ങളുടെ അംഗീ​കൃ​ത​നി​ലയെ നിസ്സാ​ര​മാ​യെ​ടു​ക്കാൻ പാടി​ല്ലാ​ഞ്ഞ​തെ​ന്തു​കൊണ്ട്‌?

¹⁸ ആ സമാധാ​നം നിലനിർത്തു​ന്ന​തിന്‌ ആ “സൻമന​സ്സുള്ള മനുഷ്യർ” “ഭയത്തോ​ടും വിറയ​ലോ​ടും കൂടെ [തങ്ങളുടെ] സ്വന്തം രക്ഷക്കു​വേണ്ടി പ്രവർത്തി​ച്ചു​കൊ​ണ്ടി​രി”ക്കേണ്ടത്‌ ആവശ്യ​മാ​യി​രു​ന്നു. (ഫിലി​പ്യർ 2:12) അവർ അപ്പോ​ഴും അപൂർണ്ണ മനുഷ്യ​രാ​യി​രു​ന്ന​തു​കൊണ്ട്‌ അത്‌ എളുപ്പ​മാ​യി​രു​ന്നില്ല. അവർ തെററു​ചെ​യ്യു​ന്ന​തി​നുള്ള പ്രലോ​ഭ​ന​ങ്ങ​ളെ​യും സമ്മർദ്ദ​ങ്ങ​ളെ​യും അഭിമു​ഖീ​ക​രി​ക്കു​മാ​യി​രു​ന്നു. അവർ ദുഷ്‌പ്ര​വൃ​ത്തിക്ക്‌ വഴങ്ങു​ക​യാ​യി​രു​ന്നു​വെ​ങ്കിൽ അവർക്ക്‌ ദൈവാം​ഗീ​കാ​രം നഷ്ടപ്പെ​ടു​മാ​യി​രു​ന്നു. അങ്ങനെ യഹോവ സഭയെ സഹായി​ക്ക​യും സംരക്ഷി​ക്ക​യും ചെയ്യുന്ന ആത്മീയ ഇടയൻമാർക്കു​വേണ്ടി സ്‌നേ​ഹ​പൂർവ്വം ക്രമീ​ക​രണം ചെയ്‌തു.—1 പത്രോസ്‌ 5:2, 3.

19, 20. സ്‌നാ​പ​ന​മേററ ക്രിസ്‌ത്യാ​നി​കൾക്ക്‌ ദൈവ​ത്തി​ന്റെ അംഗീ​കൃത ദാസൻമാ​രാ​യി തുടരാൻ കഴി​യേ​ണ്ട​തിന്‌ അവൻ എന്ത്‌ കരുത​ലു​കൾ ചെയ്‌തു?

¹⁹ അങ്ങനെ​യുള്ള സഭാ മൂപ്പൻമാർ പൗലോ​സി​ന്റെ ബുദ്ധ്യു​പ​ദേ​ശത്തെ കാര്യ​മാ​യി എടുക്കും. “ഒരു മനുഷ്യൻ ഏതെങ്കി​ലും തെററായ നടപടി അതി​നെ​ക്കു​റിച്ച്‌ അറിയു​ന്ന​തി​നു​മുമ്പ്‌ സ്വീക​രി​ക്കു​ന്നു​വെ​ങ്കി​ലും, ആത്മീയ യോഗ്യ​ത​യുള്ള നിങ്ങൾ അങ്ങനെ​യുള്ള ഒരു മനുഷ്യ​നെ സൗമ്യ​ത​യു​ടെ ആത്മാവിൽ യഥാസ്ഥാ​ന​പ്പെ​ടു​ത്താൻ ശ്രമി​ക്കുക, നിങ്ങളും പരീക്ഷി​ക്ക​പ്പെ​ടാ​തി​രി​ക്കാൻ ഓരോ​രു​ത്ത​നും തന്റെ​മേൽത്തന്നെ ദൃഷ്ടി​വെ​ക്കു​മ്പോൾതന്നെ.” (ഗലാത്യർ 6:1) നമുക്ക്‌ മനസ്സി​ലാ​ക്കാൻ കഴിയു​ന്ന​തു​പോ​ലെ സ്‌നാ​പ​ന​ത്തി​ന്റെ പ്രധാ​ന​പ്പെട്ട പടി സ്വീക​രിച്ച ഒരു വ്യക്തിക്ക്‌ ഏറിയ ഉത്തരവാ​ദി​ത്വം ഉണ്ടായി​രി​ക്കും, യിസ്രാ​യേ​ലിൽ പരിച്‌ഛേ​ദ​ന​യേററ ഒരു മതാനു​സാ​രി​യാ​യി​ത്തീർന്ന ഒരു അന്യന്റെ കാര്യ​ത്തി​ലും ഇത്‌ സത്യമാ​യി​രു​ന്നു. എന്നിരു​ന്നാ​ലും സ്‌നാ​പ​ന​മേററ ഒരു ക്രിസ്‌ത്യാ​നി തെററു ചെയ്‌താൽ അയാൾക്ക്‌ സഭക്കു​ള്ളിൽ സ്‌നേ​ഹ​നിർഭ​ര​മായ സഹായം കണ്ടെത്താൻ കഴിയു​മാ​യി​രു​ന്നു.

²⁰ സഭയിലെ ഒരു കൂട്ടം മൂപ്പൻമാർക്ക്‌ ഗുരു​ത​ര​മായ ദുഷ്‌പ്ര​വൃ​ത്തി​യി​ലേക്ക്‌ വീണു​പോയ ഒരുവന്‌ സഹായം കൊടു​ക്കാൻ കഴിയും. യൂദാ ഇങ്ങനെ എഴുതി: “സംശയ​ങ്ങ​ളുള്ള ചില​രോട്‌ കരുണ കാണി​ക്കു​ന്ന​തിൽ തുടരുക. അവരെ തീയിൽ നിന്ന്‌ വലി​ച്ചെ​ടു​ത്തു​കൊണ്ട്‌ രക്ഷിക്കുക. എന്നാൽ ജഡത്താൽ കളങ്കം പററി​യി​രി​ക്കുന്ന ഉള്ളങ്കി​യെ​പ്പോ​ലും വെറു​ക്കവെ, ഭയത്തോ​ടെ മററു​ള്ള​വ​രോട്‌ കരുണ കാണി​ക്കു​ന്ന​തിൽ തുടരുക.” (യൂദാ 22, 23) ഈ വിധത്തിൽ സഹായി​ക്ക​പ്പെട്ട സ്‌നാ​പ​ന​മേററ ഒരു സഭാം​ഗ​ത്തിന്‌ യഹോ​വ​യു​ടെ അംഗീ​കാ​ര​വും യേശു​വി​ന്റെ ജനനസ​മ​യത്ത്‌ ദൂതൻമാർ പറഞ്ഞ സമാധാ​ന​വും തുടർന്ന്‌ ആസ്വദി​ക്കാൻ കഴിയും.

21, 22. ആരെങ്കി​ലും അനുതാ​പ​മി​ല്ലാത്ത പാപി​യാ​യി​ത്തീർന്നാൽ എന്ത്‌ സംഭവി​ക്കു​മാ​യി​രു​ന്നു, സഭയിലെ വിശ്വ​സ്‌ത​രായ അംഗങ്ങൾ എങ്ങനെ പ്രതി​ക​രി​ക്കും?

²¹ അസാധാ​ര​ണ​മെ​ങ്കി​ലും, ദുഷ്‌പ്ര​വൃ​ത്തി​ക്കാ​രൻ അനുത​പി​ക്കാത്ത ചില സന്ദർഭങ്ങൾ ഉണ്ടായി​ട്ടുണ്ട്‌. അപ്പോൾ ശുദ്ധമായ സഭയെ മലിനീ​ക​ര​ണ​ത്തിൽനിന്ന്‌ സംരക്ഷി​ക്കു​ന്ന​തിന്‌ മൂപ്പൻമാർ അയാളെ പുറത്താ​ക്കേ​ണ്ടി​വ​രും. കൊരി​ന്തിൽ ഒരു അധാർമ്മിക ബന്ധത്തിൽ തുടർന്ന ഒരു സ്‌നാ​പ​ന​മേററ ഒരു മനുഷ്യന്‌ അതു സംഭവി​ച്ചു. പൗലോസ്‌ സഭയെ ഇങ്ങനെ ബുദ്ധ്യു​പ​ദേ​ശി​ച്ചു: “ദുർവൃ​ത്ത​രോ​ടുള്ള സംസർഗ്ഗം നിർത്തുക, മുഴു​വ​നാ​യി ഈ ലോക​ത്തി​ലെ ദുർവൃ​ത്ത​രെ​യോ അത്യാ​ഗ്ര​ഹി​ക​ളെ​യും പിടി​ച്ചു​പ​റി​ക്കാ​രെ​യു​മോ വിഗ്ര​ഹാ​രാ​ധി​ക​ളെ​യോ അല്ല അർത്ഥമാ​ക്കു​ന്നത്‌. അല്ലാത്ത​പക്ഷം നിങ്ങൾ യഥാർത്ഥ​ത്തിൽ ലോക​ത്തിൽ നിന്ന്‌ പുറത്തു​പോ​കേണ്ടി വരും. എന്നാൽ ഒരു സഹോ​ദരൻ എന്ന്‌ വിളി​ക്ക​പ്പെ​ട്ട​വ​നാ​യി ഒരു ദുർവൃ​ത്ത​നോ ഒരത്യാ​ഗ്ര​ഹി​യോ ഒരു വിഗ്ര​ഹാ​രാ​ധി​യോ ഒരു വാവി​ഷ്‌ഠാ​ണ​ക്കാ​ര​നോ ഒരു മദ്യപാ​നി​യോ ഒരു പിടി​ച്ചു​പ​റി​ക്കാ​ര​നോ ആയ ഏതൊ​രു​വ​നോ​ടു​മുള്ള സംസർഗ്ഗം നിർത്താ​നാണ്‌ ഇപ്പോൾ ഞാൻ നിങ്ങൾക്കെ​ഴു​തു​ന്നത്‌, അങ്ങനെ​യുള്ള ഒരു മനുഷ്യ​നോ​ടു​കൂ​ടെ ഭക്ഷണം കഴിക്ക​പോ​ലു​മ​രുത്‌.”—1 കൊരി​ന്ത്യർ 5:9-11.

²² ആ കൊരി​ന്ത്യൻ ദൈവ​ത്താൽ അംഗീ​ക​രി​ക്ക​പ്പെ​ടു​ക​യും ഒരു സഭാം​ഗ​മാ​യി​ത്തീ​രു​ക​യും ചെയ്‌തു​കൊണ്ട്‌ സ്‌നാ​പ​ന​ത്തി​ന്റെ പ്രധാ​ന​പ്പെട്ട പടി സ്വീക​രി​ച്ചി​രു​ന്ന​തി​നാൽ അയാൾ പുറത്താ​ക്ക​പ്പെ​ടു​ന്നത്‌ ഒരു ഗൗരവ​മുള്ള കാര്യ​മാ​യി​രു​ന്നു. ക്രിസ്‌ത്യാ​നി​കൾ അയാ​ളോട്‌ സമ്പർക്കം പുലർത്താൻ പാടി​ല്ലെന്ന്‌ പൗലോസ്‌ സൂചി​പ്പി​ച്ചു, എന്തു​കൊ​ണ്ടെ​ന്നാൽ അയാൾ ദൈവ​വു​മാ​യുള്ള തന്റെ അംഗീ​കൃത നില തള്ളിക്ക​ള​ഞ്ഞി​രു​ന്നു. (2 യോഹ​ന്നാൻ 10:11 താരത​മ്യ​പ്പെ​ടു​ത്തുക.) പത്രോസ്‌ അങ്ങനെ​യുള്ള പുറത്താ​ക്ക​പ്പെ​ട്ട​വ​രെ​ക്കു​റി​ച്ചെ​ഴു​തി: “നീതി​യു​ടെ വഴി കൃത്യ​മാ​യി അറിഞ്ഞ​ശേഷം തങ്ങൾക്ക്‌ ഭരമേൽപ്പി​ക്ക​പ്പെട്ട വിശുദ്ധ കൽപ്പന​യിൽനിന്ന്‌ അകന്നു​മാ​റു​ന്ന​തി​നേ​ക്കാൾ അത്‌ കൃത്യ​മാ​യി അറിയാ​തി​രി​ക്കു​ന്നത്‌ അവർക്ക്‌ മെച്ചമാ​യി​രി​ക്കു​മാ​യി​രു​ന്നു. ‘നായ്‌ അതിന്റെ സ്വന്തം ഛർദ്ദി​യി​ലേക്ക്‌ വീണ്ടും തിരി​ഞ്ഞി​രി​ക്കു​ന്നു’ എന്ന സത്യമായ സദൃശ​വാ​ക്യ​ത്തി​ലെ വചനം അവർക്ക്‌ സംഭവി​ച്ചി​രി​ക്കു​ന്നു.”—2 പത്രോസ്‌ 2:21, 22.

23. ഒന്നാം നൂററാ​ണ്ടിൽ, ദൈവാം​ഗീ​കാ​രം നിലനിർത്തു​ന്നതു സംബന്ധിച്ച ക്രിസ്‌ത്യാ​നി​ക​ളു​ടെ​യി​ട​യി​ലെ പൊതു അവസ്ഥ എന്തായി​രു​ന്നു?

²³ പ്രസ്‌പ​ഷ്‌ട​മാ​യി, യഹോ​വക്ക്‌ മേലാൽ അങ്ങനെ​യുള്ള വ്യക്തി​കളെ അംഗീ​കാ​ര​മു​ള്ള​വ​രാ​യി വീക്ഷി​ക്കാൻ കഴിയു​മാ​യി​രു​ന്നില്ല, എന്തെന്നാൽ അനുതാ​പ​മി​ല്ലാത്ത ദുഷ്‌പ്ര​വൃ​ത്തി​ക്കാർ എന്ന നിലയിൽ അവർ പുറത്താ​ക്ക​പ്പെ​ട്ട​വ​രാ​യി​രു​ന്നു. (എബ്രായർ 10:38; 1 കൊരി​ന്ത്യർ 10:5 താരത​മ്യ​പ്പെ​ടു​ത്തുക.) തെളി​വ​നു​സ​രിച്ച്‌ ഒരു ന്യൂന​പക്ഷം മാത്രമേ പുറത്താ​ക്ക​പ്പെ​ട്ടി​രു​ന്നു​ള്ളു. “അനർഹ​ദ​യ​യും ദൈവ​സ​മാ​ധാ​ന​വും” നേടി​യ​വ​രും ‘അവന്റെ ഇഷ്‌ട​ത്തി​ന്റെ സുപ്ര​സാ​ദ​ത്തി​നൊ​ത്ത​വണ്ണം പുത്രൻമാ​രാ​യി ദത്തെടു​ക്ക​പ്പെ​ട്ട​വരു’മായവ​രിൽ ഭൂരി​പ​ക്ഷ​വും വിശ്വ​സ്‌ത​രാ​യി നില​കൊ​ണ്ടു.—എഫേസ്യർ 1:2, 5, 8-10.

24. ഈ വിഷയ​ത്തി​ന്റെ ഏത്‌ വശം നമ്മുടെ കൂടു​ത​ലായ ശ്രദ്ധ അർഹി​ക്കു​ന്നു?

²⁴ നമ്മുടെ കാലത്തും അടിസ്ഥാ​ന​പ​ര​മാ​യി അങ്ങനെ തന്നെയാണ്‌. എന്നാൽ ഇന്ന്‌ ‘അവിശ്വാ​സി​ക​ളോ സാധാ​ര​ണ​ക്കാ​രോ’ ആയവരെ ദൈവ​ത്താൽ അംഗീ​ക​രി​ക്ക​പ്പെ​ട്ട​വ​രാ​യി​ത്തീ​രാൻ എങ്ങനെ സഹായി​ക്കാൻ കഴിയു​മെ​ന്നും അവർ മാർഗ്ഗ​മ​ദ്ധ്യേ തെററു​ചെ​യ്യു​ന്നു​വെ​ങ്കിൽ അവരെ സഹായി​ക്കാൻ എന്തു​ചെ​യ്യാൻ കഴിയു​മെ​ന്നും നമുക്ക്‌ പരിചി​ന്തി​ക്കാം. അടുത്ത ലേഖനം ഈ കാര്യങ്ങൾ പരിചി​ന്തി​ക്കു​ന്ന​താ​യി​രി​ക്കും. (w88 11/15)

[അടിക്കു​റി​പ്പു​കൾ]

നിങ്ങൾ ഓർമ്മി​ക്കു​ന്നു​വോ?

□ തിരു​വെ​ഴു​ത്തു​കൾ അനുസ​രിച്ച്‌ എന്നുമു​തൽ, ഏത്‌ വിധത്തിൽ മനുഷ്യർക്ക്‌ ദൈവ​ത്താൽ അംഗീ​ക​രി​ക്ക​പ്പെ​ടു​വാൻ കഴിയും?

□ ദൈവ​ത്തി​ന്റെ ജനത്തിന്റെ ഇടയിലെ വിദേ​ശീ​യരെ സംബന്ധിച്ച്‌ ദൈവ​ത്തി​ന്റെ വീക്ഷണ​മെ​ന്താ​യി​രു​ന്നു, എന്നാൽ യിസ്രാ​യേ​ല്യർ ജാഗ്ര​ത​യേ​യും സഹിഷ്‌ണു​ത​യെ​യും സമനി​ല​യിൽ നിർത്തേ​ണ്ട​തു​ണ്ടാ​യി​രു​ന്ന​തെ​ന്തു​കൊണ്ട്‌?

□ “അവിശ്വാ​സി​കൾ” കൊരി​ന്തി​ലെ ക്രിസ്‌തീയ മീററിം​ഗു​കൾക്ക്‌ വന്നു എന്ന വസ്‌തു​ത​യിൽ നിന്ന്‌ നമുക്ക്‌ എന്ത്‌ നിഗമനം ചെയ്യാൻ കഴിയും?

□ സ്‌നാ​പ​ന​മേററ ക്രിസ്‌ത്യാ​നി​കൾക്ക്‌ തന്റെ അംഗീ​കൃത ദാസരാ​യി​ത്തു​ട​രാൻ സഹായം കൊടു​ക്കു​ന്ന​തിന്‌ ദൈവം കരുതൽ ചെയ്‌തി​രി​ക്കു​ന്ന​തെ​ങ്ങനെ?