യേശു​വി​ന്റെ ജീവി​ത​വും ശുശ്രൂ​ഷ​യും

ഒരു സൈനി​കോ​ദ്യോ​ഗ​സ്ഥന്റെ വലിയ വിശ്വാ​സം

യേശു തന്റെ ഗിരി​പ്ര​ഭാ​ഷണം നടത്തി​യ​പ്പോൾ അവൻ തന്റെ പരസ്യ​ശു​ശ്രൂ​ഷ​യു​ടെ ഏതാണ്ട്‌ മദ്ധ്യഭാ​ഗത്ത്‌ എത്തിയി​രു​ന്നു. ഇതിന്റെ അർത്ഥം അവൻ തന്റെ ഭൂമി​യി​ലെ വേല പൂർത്തീ​ക​രി​ക്കു​ന്ന​തിന്‌ ഉദ്ദേശം ഒരു വർഷവും ഒൻപത്‌ മാസവും മാത്രമേ അവശേ​ഷി​ച്ചി​രു​ന്നു​ള്ളു എന്നാണ്‌.

യേശു ഇപ്പോൾ തന്റെ പ്രവർത്ത​ന​ത്തി​നുള്ള ഒരു ഭവന താവള​മായ കഫർന്ന​ഹൂ​മിൽ പ്രവേ​ശി​ക്കു​ന്നു, ഇവിടെ പ്രായ​മുള്ള യഹൂദൻമാർ ഒരു അപേക്ഷ​യു​മാ​യി അവനെ സമീപി​ക്കു​ന്നു. ഒരു വിജാ​തീ​യ​നായ റോമൻ സൈന്യ​ത്തി​ലെ ഒരു ഓഫീ​സ​റാണ്‌ അവരെ പറഞ്ഞയ​ച്ചി​രി​ക്കു​ന്നത്‌.

ആ സൈനിക ഓഫീ​സ​റു​ടെ വിശ്വസ്‌ത ദാസൻ ഒരു ഗുരു​ത​ര​മായ രോഗ​ത്താൽ മരിക്കാ​റാ​യി​രി​ക്ക​യാണ്‌, യേശു തന്റെ ദാസനെ സൗഖ്യ​മാ​ക്കാൻ അവൻ ആഗ്രഹി​ക്കു​ന്നു. യഹൂദൻമാർ താൽപ​ര്യ​പൂർവം ഓഫീ​സർക്കു​വേണ്ടി ഇപ്രകാ​രം അപേക്ഷി​ക്കു​ന്നു: “നീ അവന്‌ ഇതു ചെയ്‌തു​കൊ​ടു​ക്കാൻ അവൻ അർഹനാണ്‌, എന്തു​കൊ​ണ്ടെ​ന്നാൽ അവൻ നമ്മുടെ ജനതയെ സ്‌നേ​ഹി​ക്കു​ന്നു, അവൻ തന്നെ നമുക്കു​വേണ്ടി ഈ സിന്ന​ഗോഗ്‌ പണിതു​ത​രി​ക​യും ചെയ്‌തു.”

താമസം​വി​നാ യേശു ആ മനുഷ്യ​രോ​ടു​കൂ​ടെ പോകു​ന്നു. എന്നിരു​ന്നാ​ലും അവർ അടുക്കാ​റാ​യ​പ്പോൾ സൈനിക ഓഫീസർ ഇപ്രകാ​രം പറയാൻ സ്‌നേ​ഹി​തരെ പറഞ്ഞയ​ക്കു​ന്നു: “യജമാ​നനേ, വിഷമി​ക്കേണ്ട, എന്തു​കൊ​ണ്ടെ​ന്നാൽ നീ എന്റെ മേൽക്കൂ​രക്കു കീഴിൽ വരാൻ ഞാൻ യോഗ്യ​ത​യു​ള്ള​വനല്ല. ആ കാരണ​ത്താൽ ഞാൻ നിന്റെ അടുക്കൽ വരാൻ യോഗ്യ​ത​യു​ള്ള​വ​നാ​ണെന്നു ഞാൻ വിചാ​രി​ച്ചില്ല.”

മററു​ള്ള​വ​രോട്‌ ആജ്ഞാപി​ച്ചു പരിശീ​ലിച്ച ഒരു ഓഫീ​സ​റു​ടെ എത്ര എളിമ​യോ​ടു​കൂ​ടിയ സംസാരം. എന്നാൽ അയാൾ യഹൂ​ദേ​ത​ര​രോട്‌ സാമൂ​ഹ്യ​ബ​ന്ധങ്ങൾ ഉണ്ടായി​രി​ക്കു​ന്ന​തിൽ നിന്ന്‌ ആചാരം യഹൂദനെ തടയുന്നു എന്ന്‌ തിരി​ച്ച​റി​ഞ്ഞു​കൊണ്ട്‌ സാദ്ധ്യ​ത​യ​നു​സ​രിച്ച്‌ യേശു​വി​നെ​ക്കു​റി​ച്ചും ചിന്തി​ക്കു​ക​യാ​യി​രി​ക്കാം. പത്രോസ്‌ പോലും ഇപ്രകാ​രം പറഞ്ഞു: “ഒരു യഹൂദൻ മറെറാ​രു വർഗ്ഗത്തിൽ പെട്ട ഒരു മനുഷ്യ​നോ​ടു ചേരു​ന്ന​തൊ സമീപി​ക്കു​ന്ന​തൊ എത്ര നിയമ​വി​രു​ദ്ധ​മാണ്‌ എന്ന്‌ നിങ്ങൾ നന്നായി അറിയു​ന്നു.”

ഒരുപക്ഷേ യേശു ഈ ആചാരം ലംഘി​ക്കു​ന്ന​തി​ന്റെ അനന്തര​ഫ​ലങ്ങൾ അനുഭ​വി​ക്കു​ന്ന​തി​നാ​ഗ്ര​ഹി​ക്കാ​തെ ഓഫീസർ തന്റെ സ്‌നേ​ഹി​ത​രെ​ക്കൊണ്ട്‌ അവനോട്‌ ഇപ്രകാ​രം അപേക്ഷി​പ്പി​ക്കു​ന്നു: “നീ ഒരു വാക്കു പറയുക, എന്റെ ദാസൻ സൗഖ്യം​പ്രാ​പി​ക്കും. ഞാനും അധികാ​ര​ത്തിൻകീ​ഴുള്ള ഒരു മനുഷ്യ​നാ​കു​ന്നു, എന്റെ കീഴിൽ പടയാ​ളി​കൾ ഉണ്ട്‌, ഞാൻ ഈ ഒരുവ​നോട്‌, ‘നിന്റെ വഴിക്കു പോക’! എന്നു പറഞ്ഞാൽ അവൻ പോകു​ന്നു, മറെറാ​രു​വ​നോട്‌, ‘വരിക!’ എന്നു പറഞ്ഞാൽ അവൻ വരുന്നു, എന്റെ അടിമ​യോട്‌, ‘ഇതു ചെയ്യുക!’ എന്നു പറഞ്ഞാൽ അവൻ അതു ചെയ്യുന്നു.”

കൊള്ളാം, യേശു ഇത്‌ കേട്ട​പ്പോൾ അതിശ​യി​ക്കു​ന്നു. “ഞാൻ നിന്നോട്‌ സത്യം പറയുന്നു, ഇസ്രാ​യേ​ലിൽ ഒരുവ​നി​ലും ഇത്ര വലിയ വിശ്വാ​സം ഞാൻ കണ്ടിട്ടില്ല.” യേശു ഓഫീ​സ​റു​ടെ ദാസനെ സൗഖ്യ​മാ​ക്കി​യ​ശേഷം വിശ്വ​സി​ക്കുന്ന യഹൂ​ദേ​തരർ അവിശ്വ​സ്‌ത​രായ യഹൂദൻമാർ തള്ളിക്കളഞ്ഞ അനു​ഗ്ര​ഹ​ങ്ങ​ളാൽ എപ്രകാ​രം അനു​ഗ്ര​ഹി​ക്ക​പ്പെ​ടും എന്ന്‌ വിവരി​ക്കു​ന്ന​തിന്‌ അവൻ ഈ അവസരം ഉപയോ​ഗി​ക്കു​ന്നു.

“അനേകർ,” യേശു പറയുന്നു, “കിഴക്കു​നി​ന്നും പടിഞ്ഞാ​റു​നി​ന്നും വന്ന്‌ അബ്രാ​ഹാ​മി​നോ​ടും യിസ്‌ഹാ​ക്കി​നോ​ടും യാക്കോ​ബി​നോ​ടും കൂടെ സ്വർഗ്ഗ​രാ​ജ്യ​ത്തിൽ മേശയി​ങ്കൽ ഇരിക്കും; അതേ സമയം രാജ്യ​ത്തി​ന്റെ പുത്രൻമാർ പുറത്ത്‌ ഇരുട്ടി​ലേക്ക്‌ എറിയ​പ്പെ​ടും. അവിടെ കരച്ചി​ലും പല്ലുക​ടി​യും ഉണ്ടായി​രി​ക്കും.”

“പുറത്ത്‌ ഇരുട്ടി​ലേക്ക്‌ എറിയ​പ്പെ​ടുന്ന രാജ്യ​ത്തി​ന്റെ പുത്രൻമാർ” ക്രിസ്‌തു​വി​നോ​ടു​കൂ​ടെ ഭരണകർത്താ​ക്ക​ളാ​യി​രി​ക്കു​ന്ന​തിന്‌ ആദ്യം കൊടു​ക്ക​പ്പെട്ട അവസരം സ്വീക​രി​ക്കാ​തി​രി​ക്കുന്ന സ്വാഭാ​വിക യഹൂദൻമാർ ആണ്‌. അബ്രാ​ഹാ​മും ഇസ്‌ഹാ​ക്കും യാക്കോ​ബും ദൈവ​ത്തി​ന്റെ രാജ്യ​ക്ര​മീ​ക​ര​ണത്തെ പ്രതി​നി​ധീ​ക​രി​ക്കു​ന്നു. അങ്ങനെ വിജാ​തീ​യർ “സ്വർഗ്ഗ​രാ​ജ്യ​ത്തിൽ” സ്വർഗ്ഗീയ മേശയി​ങ്കൽ ഇരിക്കു​ന്ന​തിന്‌ എങ്ങനെ സ്വാഗതം ചെയ്യ​പ്പെ​ടു​മെന്ന്‌ യേശു വിവരി​ക്കു​ന്നു. ലൂക്കോസ്‌ 7:1-10; മത്തായി 8:5-13; പ്രവൃ​ത്തി​കൾ 10:28.

◆ യഹൂദൻമാർ ഒരു വിജാ​തീയ സൈനിക ഓഫീ​സർക്കു​വേണ്ടി അപേക്ഷി​ച്ച​തെ​ന്തു​കൊണ്ട്‌?

◆ യേശു തന്റെ ഭവനത്തിൽ പ്രവേ​ശി​ക്കാ​തി​രി​ക്കാൻ ഓഫീസർ അപേക്ഷി​ച്ച​തെ​ന്തു​കൊ​ണ്ടാ​യി​രി​ക്കാം?

◆ യേശു തന്റെ ഉപസം​ഹാര അഭി​പ്രാ​യ​ങ്ങ​ളാൽ അർത്ഥമാ​ക്കി​യ​തെന്ത്‌? (w86 12/1)