ദൈവത്തെ ശ്രദ്ധി​ക്കാൻ നിങ്ങൾക്കു മനസ്സു​ണ്ടോ?

നാം ബൈബിൾ വായി​ക്കു​മ്പോൾ ഒന്നാം നൂററാ​ണ്ടി​ലെ ആളുക​ളു​ടെ സാഹച​ര്യം പല വിധങ്ങ​ളിൽ നമ്മു​ടേ​തി​നോ​ടു സമാന​മാ​യി​രു​ന്നു​വെന്ന്‌ നാം തിരി​ച്ച​റി​യു​ന്നു. വിശേ​ഷിച്ച്‌ ഇസ്രാ​യേ​ലി​ലെ ഭോഗാ​സ​ക്ത​രാ​യി​രുന്ന അയൽക്കാ​രിൽ വളരെ​യ​ധി​കം ദുർമ്മാർഗ്ഗ​വും വഞ്ചനയും ഉണ്ടായി​രു​ന്നു. അവരെ​സം​ബ​ന്ധിച്ച്‌ ദുർമ്മാർഗ്ഗം മിക്ക​പ്പോ​ഴും മതത്തിന്റെ ഭാഗമാ​യി​രു​ന്നു. ദരി​ദ്ര​ജ​ന​ങ്ങൾക്ക്‌ ജീവിതം അനിശ്ചി​ത​മാ​യി​രു​ന്നു, രാഷ്‌ട്രീ​യ​മായ പ്രശ്‌ന​ങ്ങ​ളു​മു​ണ്ടാ​യി​രു​ന്നു. ക്രി.വ. 66-ാമാണ്ടാ​യ​തോ​ടെ, ഇസ്രാ​യേ​ലും റോമാ​യും പൂർണ്ണ​തോ​തി​ലുള്ള ഒരു യുദ്ധത്തി​ലേർപ്പെ​ട്ടി​രി​ക്കു​ക​യാ​യി​രു​ന്നു. ആ നാളു​ക​ളിൽ, ഇന്നത്തെ​പ്പോ​ലെ, ആളുകൾക്ക്‌ സഹായ​മാ​വ​ശ്യ​മു​ണ്ടാ​യി​രു​ന്നു.

മതപര​മാ​യി, ആ നാളു​ക​ളും നമ്മുടെ കാലവും തമ്മിലുള്ള സമാന​തകൾ അനേക​മാ​യി​രു​ന്നു. യഹൂദ​മ​ത​നേ​താ​ക്കൻമാർ കപടഭ​ക്ത​രാ​യി​രു​ന്നു. (മത്തായി 23:15; ലൂക്കോസ്‌ 20:46, 47) യഹൂ​ദേതര ലോക​ത്തിൽ, മതമ​നോ​ഭാ​വ​ങ്ങ​ളിൽ പുച്ഛഭാ​വം​തു​ടങ്ങി അന്ധവി​ശ്വാ​സ​വും മതഭ്രാ​ന്തോ​ടു​കൂ​ടിയ തീക്ഷ്‌ണ​ത​യും വരെ ഉണ്ടായി​രു​ന്നു. (പ്രവൃ​ത്തി​കൾ 14:8-13;19:27, 28 താരത​മ്യ​പ്പെ​ടു​ത്തുക.) താരത​മ്യേന പുതു​താ​യി​രുന്ന ക്രിസ്‌തീ​യ​സ​ഭ​യി​ലും എല്ലാം ശുഭമ​ല്ലാ​യി​രു​ന്നു. നൂററാ​ണ്ടി​ന്റെ ഒടുവിൽ അപ്പോ​സ്‌ത​ല​നായ യോഹ​ന്നാൻ “അനേകം വഞ്ചകൻമാർ ലോക​ത്തി​ലേക്കു പുറ​പ്പെ​ട്ടി​രി​ക്കു​ന്നു”വെന്ന്‌ മുന്നറി​യി​പ്പു​നൽകി. (2 യോഹ​ന്നാൻ 7) അതെ, അന്നും മതവി​ഷ​യ​ത്തിൽ വളരെ​യ​ധി​കം കപടബു​ദ്ധി​യു​പ​ദേശം കൊടു​ക്ക​പ്പെ​ട്ടി​രു​ന്നു. എന്നിരു​ന്നാ​ലും ആശ്രയ​യോ​ഗ്യ​മായ സഹായം ലഭ്യമാ​യി​രു​ന്നു.

നിങ്ങൾ യേശു​വി​നെ ശ്രദ്ധി​ക്കു​മാ​യി​രു​ന്നോ?

യേശു ആ നാളു​ക​ളിൽ അവിക​ല​മായ ബുദ്ധി​യു​പ​ദേശം കൊടുത്ത ഒരാളാ​യി​രു​ന്നു. അത്‌ വളരെ​യ​ധി​കം പ്രേര​ണാ​ത്മ​ക​മാ​യി​രു​ന്ന​തു​കൊണ്ട്‌ അതിന്റെ ഫലത്തെ​ക്കു​റിച്ച്‌ നാം ഇതു വായി​ക്കു​ന്നു: “ജനക്കൂ​ട്ടങ്ങൾ അവന്റെ പഠിപ്പി​ക്കൽരീ​തി​യിൽ അതിശ​യി​ച്ചു​പോ​യി.” (മത്തായി 7:28) എന്നാൽ ആ ജനക്കൂ​ട്ട​ത്തിൽപെട്ട ചുരുക്കം പേരെ അവൻ പറഞ്ഞതു ശ്രദ്ധി​ച്ചു​ള്ളു. യേശു അത്ഭുതങ്ങൾ പ്രവർത്തി​ക്കു​ക​യും ദൈവ​ഭ​ക്തി​യോ​ടു​കൂ​ടിയ ജീവി​ത​ത്തി​ന്റെ​യും നടത്തയു​ടെ​യും നല്ല മാതൃക വെക്കു​ക​യും ചെയ്‌തു. എന്നിരു​ന്നാ​ലും, മെച്ചപ്പെട്ട വിദ്യാ​ഭ്യാ​സ​മു​ണ്ടാ​യി​രു​ന്ന​താ​യി സങ്കൽപ്പി​ക്ക​പ്പെ​ട്ടി​രുന്ന നേതാ​ക്കൻമാർപോ​ലും അവൻ പറഞ്ഞതി​ന്റെ മൂല്യം കാണാൻ വിസമ്മ​തി​ച്ചു. എന്തു​കൊണ്ട്‌?

അത്‌ ഒരു വലിയ അളവിൽ മുൻവി​ധി​യു​ടെ സംഗതി​യാ​യി​രു​ന്നു. യേശു നസറേ​ത്തിൽനി​ന്നു​ള്ള​വ​നാ​യി​രു​ന്ന​തു​കൊണ്ട്‌ ചിലർ അവനെ നിന്ദിച്ചു. അവൻ അവരുടെ സ്‌ക്കൂ​ളു​ക​ളി​ലൊ​ന്നിൽ പഠിച്ചി​ട്ടി​ല്ലാ​ഞ്ഞ​തു​കൊ​ണ്ടും ഭരണവർഗ്ഗ​വു​മാ​യി ബന്ധങ്ങളി​ല്ലാ​ഞ്ഞ​തു​കൊ​ണ്ടും മററു ചിലർ അവനെ ത്യജിച്ചു. (യോഹ​ന്നാൻ 1:46; 7:12, 15, 47, 48) മാത്ര​വു​മല്ല, യേശു എല്ലായ്‌പ്പോ​ഴും ജനങ്ങൾ കേൾക്കാ​നാ​ഗ്ര​ഹി​ച്ചതു പറഞ്ഞില്ല. അവൻ സത്യം മാത്ര​മാണ്‌ സംസാ​രി​ച്ചത്‌. പരീശൻമാർ മിക്ക​പ്പോ​ഴും അവന്റെ വാക്കു​ക​ളിൽ ഇടറു​ക​യു​ണ്ടാ​യി. (മത്തായി 15:12-14) തീർച്ച​യാ​യും അവൻ മൂന്നര വർഷം പ്രസം​ഗി​ച്ച​ശേഷം യഹൂദ മതനേ​താ​ക്കൻമാർ അവനെ വധിപ്പി​ച്ചു. (ലൂക്കോസ്‌ 23:20-35) അവർ എന്തോരു അവസര​മാണ്‌ നഷ്ടപ്പെ​ടു​ത്തി​യത്‌, എന്തു​കൊ​ണ്ടെ​ന്നാൽ യേശു​വിന്‌ “നിത്യ​ജീ​വന്റെ മൊഴി​കൾ” ഉണ്ടായി​രു​ന്നു!—യോഹ​ന്നാൻ 6:68.

നിങ്ങൾ ആ കാലത്ത്‌ യരൂശ​ലേ​മിൽ ജീവി​ച്ചി​രു​ന്നു​വെ​ങ്കിൽ നിങ്ങൾ മതനേ​താ​ക്കൻമാ​രെ​യും ജനക്കൂ​ട്ട​ത്തെ​യും പിന്തു​ട​രു​മാ​യി​രു​ന്നു​വോ? യേശു പറഞ്ഞതി​ന്റെ അർത്ഥം ഗ്രഹി​ക്കാൻത​ക്ക​വണ്ണം നിങ്ങൾ തുറന്ന മനസ്സു​ള്ള​വ​രാ​യി​രി​ക്കു​മാ​യി​രു​ന്നോ? എങ്കിൽ, നിങ്ങൾ യേശു യാത്രാ​മ​ദ്ധ്യേ കണ്ടുമു​ട്ടിയ, എടുത്തു​പ​റ​യത്തക്ക ഒരു സ്‌ത്രീ​യെ​പ്പോ​ലെ​യാ​യി​രി​ക്കു​മാ​യി​രു​ന്നു.

ശ്രദ്ധി​ക്കു​ക​തന്നെ ചെയ്‌ത ഒരുവൾ

ശമര്യ​യി​ലൂ​ടെ സഞ്ചരി​ക്കു​മ്പോ​ഴാണ്‌ അവൻ ഈ സ്‌ത്രീ​യെ കണ്ടത്‌. അവൻ വിശ്ര​മി​ക്കു​ന്ന​തിന്‌ ഒരു കിണറ​റി​ങ്കൽ ഇരിക്കു​ക​യാ​യി​രു​ന്നു. അവൻ അവി​ടെ​യാ​യി​രുന്ന സമയത്ത്‌ ഒരു സ്‌ത്രീ വെള്ളം കോരാൻ വന്നു. നമുക്ക്‌ അവളുടെ പേർ അറിയാൻപാ​ടില്ല. എന്നാൽ യേശു ക്ഷീണി​ത​നാ​യി​രു​ന്നി​ട്ടും മതത്തെ​ക്കു​റിച്ച്‌ അവളോ​ടു പറയാൻ ആ അവസരം ഉപയോ​ഗി​ച്ചു​വെന്ന്‌ ബൈബിൾ രേഖ​പ്പെ​ടു​ത്തു​ന്നു.—യോഹ​ന്നാൻ 4:5-15.

ഇപ്പോൾ, യേശു​വി​ന്റെ സമീപ​ന​ത്തിൽനിന്ന്‌ വെട്ടി​മാ​റാൻ ഈ സ്‌ത്രീക്ക്‌ പല കാരണങ്ങൾ ഉണ്ടായി​രി​ക്കു​മാ​യി​രു​ന്നു. അവൾ മറെറാ​രു മതത്തിൽപെ​ട്ട​വ​ളാ​യി​രു​ന്നു—ശമര്യ ആരാധ​നാ​രീ​തി യഹൂദൻമാ​രു​ടേ​തിൽനിന്ന്‌ വ്യത്യ​സ്‌ത​മാ​യി​രു​ന്നു. കൂടാതെ, യഹൂദൻമാർ ശമര്യരെ അവജ്ഞ​യോ​ടെ വീക്ഷി​ക്കു​ക​യും അവരോ​ടു സഹവസി​ക്കാൻ വിസമ്മ​തി​ക്കു​ക​യും ചെയ്‌തു. മാത്ര​വു​മല്ല, യഹൂദ​പു​രു​ഷൻമാർ സാധാ​ര​ണ​യാ​യി തങ്ങൾക്ക്‌ അപരി​ചി​ത​രാ​യി​രുന്ന സ്‌ത്രീ​കളെ സംബോ​ധ​ന​ചെ​യ്‌തി​രു​ന്നില്ല. (യോഹ​ന്നാൻ 4:9, 27) കൂടാതെ, ഈ ശമര്യ​സ്‌ത്രീ ഒരു ദുർമ്മാർഗ്ഗ​ജീ​വി​ത​മാണ്‌ നയിച്ചി​രു​ന്നത്‌. അവൾ വിമർശി​ക്ക​പ്പെ​ടു​ന്ന​തി​ന്റെ അല്ലെങ്കിൽ അവളുടെ പാപങ്ങൾ വെളി​ച്ച​ത്താ​ക്ക​പ്പെ​ടു​ന്ന​തി​ന്റെ സാദ്ധ്യ​ത​യിൽ അവൾക്ക്‌ പ്രതി​ഷേധം തോന്നു​മാ​യി​രു​ന്നു.—യോഹ​ന്നാൻ 4:18.

എന്നിരു​ന്നാ​ലും, അവൾ പ്രതി​ക​രി​ച്ചത്‌ ആ വിധത്തി​ലാ​യി​രു​ന്നില്ല. എന്നാൽ, നയപര​വും താത്‌പ​ര്യോ​ദ്ദീ​പ​ക​വു​മായ യേശു​വി​ന്റെ സമീപ​ന​ത്തോ​ടുള്ള പ്രതി​ക​ര​ണ​മാ​യി അവൾ ന്യായ​മായ ചോദ്യ​ങ്ങൾ ചോദി​ച്ചു. സംഭാ​ഷണം വികാ​സം​പ്രാ​പി​ച്ച​തോ​ടെ അവൾ പ്രയാ​സ​മേ​റിയ ഒരു മണ്ഡലത്തി​ലേക്കു പ്രവേ​ശി​ക്കു​ക​യും യഹൂദൻമാ​രും ശമര്യ​രും തമ്മിലു​ണ്ടാ​യി​രുന്ന മതപര​മായ ഭിന്നതയെ പരാമർശി​ക്കു​ക​യും ചെയ്‌തു. യേശു സ്‌ത്രീ​യോട്‌ ദയാപൂർവ​മെ​ങ്കി​ലും വെട്ടി​ത്തു​റന്ന്‌ ഇങ്ങനെ പറഞ്ഞു: “നിങ്ങൾ അറിയാ​ത്ത​തി​നെ ആരാധി​ക്കു​ന്നു; ഞങ്ങൾ അറിയു​ന്ന​തി​നെ ആരാധി​ക്കു​ന്നു.” (യോഹ​ന്നാൻ 4:19-22) എന്നാൽ അവൾ ഇടറി​യില്ല. അവളുടെ തുറന്ന മനസ്സ്‌ കൂടുതൽ കേൾക്കാൻ സന്നദ്ധമാ​യി​രു​ന്നു.

അതു​കൊണ്ട്‌ യേശു ഒരു പ്രധാ​ന​പ്പെട്ട പ്രഖ്യാ​പ​ന​ത്തോ​ടെ തുടർന്നു: “എന്നിരു​ന്നാ​ലും, സത്യാ​രാ​ധകർ പിതാ​വി​നെ സത്യ​ത്തോ​ടും ആത്മാ​വോ​ടും​കൂ​ടെ ആരാധി​ക്കുന്ന നാഴിക വരുന്നു, അതി​പ്പോൾത്ത​ന്നെ​യാ​കു​ന്നു, എന്തെന്നാൽ വാസ്‌ത​വ​ത്തിൽ, പിതാവ്‌ തന്നെ ആരാധി​ക്കാൻ അങ്ങനെ​യു​ള്ള​വരെ അന്വേ​ഷി​ക്കു​ക​യാണ്‌. ദൈവം ഒരു ആത്മാവാ​കു​ന്നു, അവനെ ആരാധി​ക്കു​ന്നവർ ആത്മാ​വോ​ടും സത്യ​ത്തോ​ടും​കൂ​ടെ ആരാധി​ക്കണം.” (യോഹ​ന്നാൻ 4:23, 24) പിന്നീട്‌, തുറന്ന മനസ്സു​ണ്ടാ​യി​രുന്ന ഈ സ്‌ത്രീ താൻ പഠിച്ച​തി​നെ​ക്കു​റിച്ച്‌ തന്റെ അയൽക്കാ​രോട്‌ ആകാം​ക്ഷാ​പൂർവം പറഞ്ഞു​കൊണ്ട്‌ വിലമ​തി​പ്പു പ്രകട​മാ​ക്കി. ക്രമത്തിൽ, അവർ യേശു​വി​ന്റെ വാക്കുകൾ ശ്രദ്ധി​ച്ചു​കൊണ്ട്‌ കൂടു​ത​ലായ വിവരങ്ങൾ തേടി.—യോഹ​ന്നാൻ 4:39-42.

ഇതിൽനിന്ന്‌ നമുക്ക്‌ എന്തു പഠിക്കാൻ കഴിയും? ശരി, വർഗ്ഗീ​യ​മോ ദേശീ​യ​മോ മതപര​മോ ആയ ശക്തമായ മുൻവി​ധി​ക​ളുള്ള ഒരു പ്രദേ​ശ​ത്താണ്‌ നാം ജീവി​ക്കു​ന്ന​തെ​ങ്കിൽ ഒരു വ്യത്യസ്‌ത വർഗ്ഗത്തി​ലോ ദേശീ​യ​ത​യി​ലോ മതത്തി​ലോ പെട്ട ആരെങ്കി​ലും നമ്മെ സമീപി​ക്കു​ന്നു​വെ​ങ്കിൽ നാം എങ്ങനെ പ്രതി​വർത്തി​ക്കു​ന്നു? നാം തെററി​പ്പോ​യെന്നു പ്രകട​മാ​ക്കുന്ന കാര്യങ്ങൾ ചർച്ച​ചെ​യ്യു​മ്പോൾ നാം മൗനം​പാ​ലി​ക്കു​ന്നു​വോ? അതോ നാം ശമര്യ​സ്‌ത്രീ​യെ​പ്പോ​ലെ കുറഞ്ഞ​പക്ഷം സംസാ​രി​ക്കു​ക​യെ​ങ്കി​ലും ചെയ്യു​ന്നു​വോ?

നിങ്ങൾ പൗലോ​സി​നെ ശ്രദ്ധി​ക്കു​മാ​യി​രു​ന്നു​വോ?

ഒന്നാം നൂററാ​ണ്ടിൽ ബുദ്ധി​യു​പ​ദേശം കൊടുത്ത മറെറാ​രാൾ അപ്പോ​സ്‌ത​ല​നായ പൗലോസ്‌ ആയിരു​ന്നു. ഒരു കാലത്ത്‌ പൗലോ​സി​നും അടഞ്ഞ ഒരു മനസ്സാ​ണു​ണ്ടാ​യി​രു​ന്നത്‌. അവൻ ഇങ്ങനെ ഏററു​പ​റഞ്ഞു: “മുമ്പ്‌ ഞാൻ ഒരു ദൂഷക​നും ഒരു പീഡക​നും ഒരു ദുഷ്ടമ​നു​ഷ്യ​നും ആയിരു​ന്നു. എന്നിരു​ന്നാ​ലും, ഞാൻ അജ്ഞതയിൽ വിശ്വാ​സ​മി​ല്ലാ​തെ പ്രവർത്തി​ച്ച​തു​കൊണ്ട്‌ എന്നോടു കരുണ കാണി​ക്ക​പ്പെട്ടു.” (1 തിമൊ​ഥെ​യോസ്‌ 1:13) എന്നിരു​ന്നാ​ലും, അവൻ യേശു​ക്രി​സ്‌തു​വി​നെ​ക്കു​റി​ച്ചുള്ള സത്യം സ്വീക​രി​ക്കു​ക​യും തന്റെ മുൻവി​ധി​കൾ തള്ളിക്ക​ള​യു​ക​യും​ചെ​യ്‌തു. അവന്റെ ദൃഷ്ടാന്തം ഹൃദയ​ത്തി​ലെ ‘ശക്തമായി ഉറപ്പി​ക്ക​പ്പെട്ട കാര്യ​ങ്ങളെ’ ബൈബിൾസ​ത്യ​ത്തിന്‌ ‘മറിച്ചി​ടാൻ കഴിയു​മെന്ന്‌’ പ്രകട​മാ​ക്കു​ന്നു, അങ്ങനെ​യു​ള്ളവ നമ്മുടെ ക്ഷേമത്തിന്‌ ഹാനി​ക​ര​മാ​ണെ​ങ്കിൽ.—2 കൊരി​ന്ത്യർ 10:4.

അവൻ ഒരു ക്രിസ്‌ത്യാ​നി​യാ​യി​ക്ക​ഴി​ഞ്ഞ​പ്പോൾ, താൻ പഠിച്ചി​രുന്ന സുവാർത്ത പരത്താൻ അവൻ ധീരമാ​യി ഇറങ്ങി​പ്പു​റ​പ്പെട്ടു. പ്രതീ​ക്ഷി​ക്കാ​വു​ന്ന​തു​പോ​ലെ, അവനു​തന്നെ ഒരു കാലത്തു​ണ്ടാ​യി​രുന്ന അതേ അടഞ്ഞ മനസ്ഥി​തി​യെ അവൻ നേരിട്ടു—എന്നാൽ എല്ലായ്‌പ്പോ​ഴും അങ്ങനെ​യാ​യി​രു​ന്നില്ല. വടക്കൻ ഗ്രീസി​ലെ ബെരോ​വ​യിൽ ബുദ്ധി​യു​പ​ദേശം കേൾക്കു​ന്ന​തി​ലെ നല്ല ദൃഷ്ടാ​ന്ത​മാ​യി​രുന്ന ചില സൗമ്യ​ഹൃ​ദ​യരെ അവൻ കണ്ടെത്തി. അവർ പൗലോ​സി​ന്റെ വാക്കു​ക​ളിൽ സത്യത്തി​ന്റെ മണിനാ​ദം തിരി​ച്ച​റി​ഞ്ഞു. അതു​കൊണ്ട്‌, “അവർ വചനം ഏററവും വലിയ ആകാം​ക്ഷ​യോ​ടെ സ്വീക​രി​ച്ചു.” എന്നാൽ അവർ വിശാ​ല​മ​ന​സ്‌ക്ക​രാ​യി​രു​ന്നു, ക്ഷണിക​വി​ശ്വാ​സി​ക​ളാ​യി​രു​ന്നില്ല. അവർ ‘ഈ കാര്യങ്ങൾ അങ്ങനെ​ത​ന്നെ​യോ എന്ന്‌ ദിനം​പ്രതി തിരു​വെ​ഴു​ത്തു​കളെ പരി​ശോ​ധി​ച്ചു.’ (പ്രവൃ​ത്തി​കൾ 17:11) അവർ കേട്ട കാര്യങ്ങൾ പൂർണ്ണ​മാ​യും സ്വീക​രി​ക്കു​ന്ന​തി​നു​മുമ്പ്‌ അതിന്റെ സത്യത ബൈബിൾ വെച്ചു പരി​ശോ​ധി​ച്ചു​വെ​ങ്കി​ലും അത്‌ അവർക്കി​ഷ്ട​പ്പെ​ട്ടി​രു​ന്നു.

“സകലവും നിശ്ചയ​പ്പെ​ടു​ത്തുക”

നമ്മുടെ നാളിൽ, യഹോ​വ​യു​ടെ സാക്ഷികൾ മററു മതങ്ങളിൽപെട്ട തങ്ങളുടെ അയൽക്കാ​രു​മാ​യി രാജ്യ​സു​വാർത്ത പങ്കു​വെ​ക്കാൻ ശ്രമി​ച്ചു​കൊണ്ട്‌ വളരെ​യ​ധി​കം സമയം ചെലവ​ഴി​ക്കു​ന്നു. സാക്ഷി​കൾക്ക്‌ എന്ത്‌ പ്രതി​ക​ര​ണ​മാണ്‌ കിട്ടു​ന്നത്‌? സുഹൃ​ത്തു​ക്ക​ളായ അനേകർ അവരെ സീകരി​ക്കാൻ സന്തോ​ഷ​മു​ള്ള​വ​രാണ്‌. എന്നാൽ നിരവ​ധി​യാ​ളു​കൾ വിസമ്മ​തി​ക്കു​ന്നു, ചിലർ യഹോ​വ​യു​ടെ സാക്ഷികൾ സന്ദർശി​ക്കു​ന്ന​തു​കൊണ്ട്‌ കുപി​ത​രാ​കു​ക​പോ​ലും ചെയ്യുന്നു.

ഇതു സങ്കടക​ര​മാണ്‌, എന്തെന്നാൽ യഹോ​വ​യു​ടെ സാക്ഷികൾ സംസാ​രി​ക്കാ​നാ​ഗ്ര​ഹി​ക്കുന്ന കാര്യം ബൈബി​ളിൽ “സുവാർത്ത”യെന്നു വിളി​ക്ക​പ്പെ​ടു​ന്നു. (മത്തായി 24:14) മാത്ര​വു​മല്ല, അവർ “സകലവും നിശ്ചയ​പ്പെ​ടു​ത്തുക; നല്ലതിനെ മുറു​കെ​പ്പി​ടി​ക്കുക” എന്നു പറഞ്ഞ അപ്പോ​സ്‌ത​ല​നായ പൗലോ​സി​ന്റെ മനോ​ഭാ​വത്തെ പ്രോൽസാ​ഹി​പ്പി​ക്കു​ന്നു. (1 തെസ്സ​ലോ​നീ​ക്യർ 5:21) ആർക്കെ​ങ്കി​ലും ശക്തമായ അഭി​പ്രാ​യ​ങ്ങ​ളു​ണ്ടാ​യാൽത്തന്നെ തീർച്ച​യാ​യും അങ്ങനെ​യു​ള്ളവർ ബെരോ​വ​ക്കാ​രെ​യും ശമര്യ​സ്‌ത്രീ​യെ​യും പോലെ, മററു​ള്ള​വ​രോ​ടു ദൈവ​ത്തെ​ക്കു​റി​ച്ചു സംസാ​രി​ക്കാൻ തുറന്ന മനസ്സു​ള്ള​വ​രാ​യി​രി​ക്കണം.

തുറന്ന മനസ്സു​ള്ള​വ​രാ​യി​രി​ക്കേ​ണ്ടത്‌ എന്തു​കൊണ്ട്‌?

സന്തോ​ഷ​ക​ര​മെന്നു പറയട്ടെ, ഓരോ വർഷവും ശതസഹ​സ്ര​ക്ക​ണ​ക്കി​നാ​ളു​കൾ അതുതന്നെ ചെയ്യു​ന്നുണ്ട്‌. അനേകർ ബൈബി​ളി​ല​ട​ങ്ങി​യി​രി​ക്കുന്ന ജ്ഞാനത്തെ തിരി​ച്ച​റി​യാൻ പഠിക്കു​ന്നു. ഫലം തങ്ങളുടെ ജീവി​ത​ത്തി​ലെ യഥാർത്ഥ​വും നിലനിൽക്കു​ന്ന​തു​മായ മാററ​ങ്ങ​ളാണ്‌. ചിലർ നേരത്തെ ജാനറ​റി​നെ​പ്പോ​ലെ​യാ​യി​രു​ന്നു, അവൾ മയക്കു​മ​രു​ന്നും മദ്യവും ദുരു​പ​യോ​ഗം​ചെയ്‌ത നീണ്ട ചരി​ത്ര​ത്തോ​ടു​കൂ​ടിയ ഒരു യുവതി​യാ​യി​രു​ന്നു. ഒടുവിൽ അവൾ ആത്‌മ​ഹ​ത്യ​ചെ​യ്യാൻ പ്രേരി​പ്പി​ക്ക​പ്പെട്ടു. ഇന്ന്‌ ജാനററ്‌ ഒരു സന്തുഷ്‌ട ക്രിസ്‌ത്യാ​നി​യാണ്‌. അവളുടെ ബൈബിൾപ​ഠനം “നമുക്ക്‌ ജഡത്തി​ന്റെ​യും ആത്‌മാ​വി​ന്റെ​യും സകല കൻമഷ​വും നീക്കി നമ്മേത്തന്നെ ശുദ്ധീ​ക​രി​ക്കാം” എന്ന പൗലോ​സി​ന്റെ ബുദ്ധി​യു​പ​ദേശം അനുസ​രി​ക്കാൻ ശക്തി നേടു​ന്ന​തിന്‌ അവളെ സഹായി​ച്ചു.—2 കൊരി​ന്ത്യർ 7:1.

വെർനോൺ ഒരു മദ്യപാ​നി​യാ​യി​രു​ന്നു, അയാളു​ടെ വിവാഹം തകരു​ന്ന​തി​ന്റെ അപകട​ത്തി​ലാ​യി​രു​ന്നു. എന്നാൽ ബൈബിൾബു​ദ്ധി​യു​പ​ദേ​ശ​ത്തി​ന്റെ അനുസ​രണം ഈ ദുശ്ശീ​ലത്തെ തരണം​ചെ​യ്യു​ന്ന​തി​നും അയാളു​ടെ ഭാര്യ​യു​മാ​യി രമ്യത​യി​ലാ​കു​ന്ന​തി​നും അയാളെ പ്രാപ്‌ത​നാ​ക്കി. (1 കൊരി​ന്ത്യർ 6:11) ഡെബ്രാ​യിക്ക്‌ ശക്തമായ വർഗ്ഗീ​യ​മുൻവി​ധി​കൾ ഉണ്ടായി​രു​ന്നു. എന്നാൽ ഒരു ബൈബിൾപ​ഠ​ന​വും ക്രിസ്‌തീ​യ​ജ​ന​ത്തോ​ടുള്ള സഹവാ​സ​വും അവളുടെ ചിന്തയെ ക്രമീ​ക​രി​ക്കാൻ അവളെ സഹായി​ച്ചി​രു​ന്നു. (പ്രവൃ​ത്തി​കൾ 10:34, 35) നെതർലാൻഡ്‌സി​ലെ ഒരു യുവ​വേ​ശ്യ​യു​ടെ ജീവി​ത​ത്തിൽ സംഭവി​ക്കുന്ന മാററ​ങ്ങളെ ആർ വിശ്വ​സി​ക്കു​മാ​യി​രു​ന്നു. അവൾ ഒരു ദിവസം യഹോ​വ​യു​ടെ സാക്ഷി​ക​ളോ​ടു​കൂ​ടെ ബൈബിൾ പഠിക്കാൻ സമ്മതിച്ചു. പെട്ടെ​ന്നു​തന്നെ അവൾ ഒരു ശുദ്ധജീ​വി​തം നയിക്കുന്ന, മക്കളെ ഉത്തരവാ​ദി​ത്ത​ത്തോ​ടെ പരിപാ​ലി​ക്കുന്ന, സ്‌നാ​പ​ന​മേററ ഒരു ക്രിസ്‌ത്യാ​നി​യാ​യി​ത്തീർന്നു.

ആളുകൾ ബൈബിൾ പറയു​ന്നതു ശ്രദ്ധി​ക്കു​മ്പോൾ അങ്ങനെ​യുള്ള അനുഭ​വങ്ങൾ പലപ്പോ​ഴും ആവർത്തി​ക്ക​പ്പെ​ടു​ന്നു. അവരുടെ ജീവിതം അവരിൽ പലരും സാദ്ധ്യ​മാ​ണെന്നു വിചാ​രി​ച്ചി​ട്ടി​ല്ലാത്ത വിധങ്ങ​ളിൽ മെച്ച​പ്പെ​ടു​ന്നു. അതിലും പ്രധാ​ന​മാ​യി, അവർ ദൈവ​വു​മാ​യി ഒരു ബന്ധം നേടി​യെ​ടു​ക്കു​ന്നു, തന്നിമി​ത്തം അവർക്ക്‌ അവനോട്‌ ‘സ്വർഗ്ഗ​സ്ഥ​നായ തങ്ങളുടെ ദൈവ’മെന്ന നിലയിൽ പ്രാർത്ഥി​ക്കാൻ കഴിയു​ന്നു. (മത്തായി 6:9) അവർക്ക്‌ യേശു​വി​ന്റെ പിൻവ​രുന്ന വാക്കു​ക​ളു​ടെ സത്യത അനുഭ​വ​പ്പെ​ടു​മ്പോൾ അവർ ഭാവി​യെ​ക്കു​റിച്ച്‌ തിട്ടമുള്ള, അഭഞ്‌ജ​മായ ഒരു പ്രത്യാശ നേടി​യെ​ടു​ക്കു​ന്നു: “അവർ ഏകസത്യ​ദൈ​വ​മായ നിന്നെ​യും നീ അയച്ചവ​നായ യേശു​ക്രി​സ്‌തു​വി​നെ​യും​കുറി​ച്ചുള്ള അറിവ്‌ ഉൾക്കൊ​ള്ളു​ന്ന​തി​ന്റെ അർത്ഥം നിത്യ​ജീ​വൻ എന്നാണ്‌.”—യോഹ​ന്നാൻ 17:3.

യഹോ​വ​യു​ടെ സാക്ഷികൾ തങ്ങളുടെ ശുശ്രൂ​ഷ​യിൽ ഏർപ്പെ​ട്ടു​കൊണ്ട്‌ തങ്ങളുടെ അയൽക്കാ​രെ സന്ദർശി​ക്കു​മ്പോൾ ഇത്തരം വിവര​ങ്ങ​ളാണ്‌ ചർച്ച​ചെ​യ്യാ​നാ​ഗ്ര​ഹി​ക്കു​ന്നത്‌. അവർ നിങ്ങളെ താമസി​യാ​തെ സന്ദർശി​ക്കാ​നി​ട​യുണ്ട്‌. നിങ്ങൾ അവരെ ശ്രദ്ധി​ക്കാൻത​ക്ക​വണ്ണം വിശാ​ല​മ​ന​സ്‌ക്ക​രാ​യി​രി​ക്കു​മോ? (w89 8⁄1)

[7-ാം പേജിലെ ചിത്രം]

ശമര്യസ്‌ത്രീ യേശു​വി​നെ ശ്രദ്ധി​ക്കു​ന്ന​തിൽനിന്ന്‌ തന്നെ തടയാൻ മുൻവി​ധി​യെ അനുവ​ദി​ച്ചില്ല. നിങ്ങൾ അത്രതന്നെ വിശാല മനസ്‌ക്ക​രാ​ണോ?