“പരീശൻമാ​രു​ടെ​യും സദൂക്യ​രു​ടെ​യും പുളിച്ച മാവു സൂക്ഷി​ച്ചു​കൊൾവിൻ”

പത്തൊ​മ്പതു നൂററാ​ണ്ടു​കൾക്കു​മു​മ്പു യേശു ഭൂമി​യി​ലാ​യി​രു​ന്ന​പ്പോൾ ഉച്ചരി​ച്ച​താ​യി​രു​ന്നു ആ വാക്കുകൾ. ഹാനി​ക​ര​മായ മതപഠി​പ്പി​ക്ക​ലു​ക​ളെ​യും നടപടി​ക​ളെ​യും കുറിച്ച്‌ ശിഷ്യൻമാ​രെ ജാഗരൂ​ക​രാ​ക്കു​ക​യാ​യി​രു​ന്നു അവൻ. (മത്തായി 16:6, 12) മർക്കൊസ്‌ 8:15-ലെ വിവരണം അതിനെ ഇങ്ങനെ വ്യക്തമാ​ക്കി​ത്ത​രു​ന്നു: “പരീശ​രു​ടെ പുളി​ച്ച​മാ​വും ഹെരോ​ദാ​വി​ന്റെ പുളി​ച്ച​മാ​വും സൂക്ഷി​ച്ചു​കൊൾവിൻ.” ഹെരോ​ദാ​വി​നെ പരാമർശി​ച്ചത്‌ എന്തു​കൊ​ണ്ടാ​യി​രു​ന്നു? കാരണം സദൂക്യ​രിൽ ചിലർ ഹെരോ​ദാ​വി​ന്റെ ചിന്താ​ഗ​തി​ക്കാ​രായ ഒരു രാഷ്‌ട്രീയ സമൂഹ​മാ​യി​രു​ന്നു.

അത്തരം വിശേ​ഷാ​ലുള്ള ഒരു മുന്നറി​യിപ്പ്‌ ആവശ്യ​മാ​യി​രു​ന്നത്‌ എന്തു​കൊ​ണ്ടാ​യി​രു​ന്നു? യേശു​വി​നെ എന്തും​കൽപ്പിച്ച്‌ എതിരി​ട്ട​വ​രാ​യി​രു​ന്നി​ല്ലേ പരീശൻമാ​രും സദൂക്യ​രും? (മത്തായി 16:21; യോഹ​ന്നാൻ 11:45-50) അതേ, അവർ അങ്ങനെ​യു​ള്ള​വ​രാ​യി​രു​ന്നു. എങ്കിലും അവരിൽ ചിലർ പിൽക്കാ​ലത്തു ക്രിസ്‌ത്യാ​നി​ത്വം സ്വീക​രിച്ച്‌ അവരുടെ സ്വന്തം ആശയങ്ങൾ ക്രിസ്‌തീയ സഭയു​ടെ​മേൽ അടി​ച്ചേൽപ്പി​ക്കാൻ ശ്രമി​ക്കു​മാ​യി​രു​ന്നു.—പ്രവൃ​ത്തി​കൾ 15:5.

വേറെ​യും അപകട​മു​ണ്ടാ​യി​രു​ന്നു. ആ മതനേ​താ​ക്കൻമാ​രു​ടെ സ്വാധീ​ന​ത്തിൻകീ​ഴിൽ വളർന്നു​വന്ന ശിഷ്യൻമാർ അവരെ അനുക​രി​ക്കാ​നുള്ള സാധ്യ​ത​യാ​യി​രു​ന്നു അത്‌. ചില​പ്പോ​ഴെ​ല്ലാം, അവരുടെ അത്തരം പശ്ചാത്ത​ല​മാ​യി​രു​ന്നു യേശു​വി​ന്റെ പഠിപ്പി​ക്കൽ ഗ്രഹി​ക്കു​ന്ന​തി​നു തടസ്സമാ​യത്‌.

പരീശ​സ​മ്പ്ര​ദാ​യ​ത്തെ​യും സദൂക്യ​സ​മ്പ്ര​ദാ​യ​ത്തെ​യും അത്ര അപകട​മു​ള്ള​താ​ക്കി​യത്‌ എന്തായിരുന്നു? ഒരു ധാരണ ലഭിക്കാൻ യേശു​വി​ന്റെ നാളിലെ മതപര​മായ അവസ്ഥയി​ലേക്ക്‌ ഒന്നു കണ്ണോ​ടി​ച്ചാൽ മതിയാ​കും.

മതപര​മായ അനൈ​ക്യം

പൊ.യു. (പൊതു​യു​ഗം) ഒന്നാം നൂററാ​ണ്ടി​ലെ യഹൂദ​സ​മു​ദാ​യ​ത്തെ​ക്കു​റി​ച്ചു ചരി​ത്ര​കാ​ര​നായ മാക്‌സ്‌ റേഡൻ എഴുതി: “വാസ്‌ത​വ​ത്തിൽ യഹൂദ​സ​ഭകൾ ഓരോ​ന്നും സ്വത​ന്ത്ര​മാ​യി​രു​ന്നു, തന്നെയു​മല്ല, അങ്ങനെ​യാ​ണു വേണ്ടത്‌ എന്ന നിർബ​ന്ധ​വു​മു​ണ്ടാ​യി​രു​ന്നു . . . ആലയ​ത്തോ​ടും വിശുദ്ധ നഗര​ത്തോ​ടു​മുള്ള ഭക്തിക്കു ശക്തമായ ഊന്നൽ നൽകിയ ഒട്ടുമി​ക്ക​പ്പോ​ഴും മാതൃ​രാ​ജ്യ​ത്തി​ന്റെ അക്കാലത്തെ പരമോ​ന്നത ഭരണാ​ധി​കാ​രി​കൾക്കെ​തി​രെ കടുത്ത വിദ്വേ​ഷം പ്രകടി​പ്പി​ക്ക​പ്പെട്ടു.”

തീർച്ച​യാ​യും, ശോച​നീ​യ​മായ ആത്മീയാ​വ​സ്ഥ​തന്നെ! അങ്ങനെ​യാ​വാ​നു​ണ്ടായ ചില കാരണ​ങ്ങ​ളെ​ന്തെ​ല്ലാ​മാ​യി​രു​ന്നു? എല്ലാ യഹൂദൻമാ​രും പാലസ്‌തീ​നി​ല​ല്ലാ​യി​രു​ന്നു പാർത്തി​രു​ന്നത്‌. യഹോ​വ​യു​ടെ പുരോ​ഹി​ത​വർഗ ക്രമീ​ക​ര​ണ​ത്തോ​ടുള്ള ആദരവി​നു തുരങ്കം വെക്കു​ന്ന​താ​യി​രു​ന്നു ഗ്രീക്കു സംസ്‌കാ​ര​ത്തി​ന്റെ സ്വാധീ​നം. ഗ്രീക്കു സംസ്‌കാ​ര​ത്തിൽ പുരോ​ഹി​തൻമാർ സമുദായ നേതാ​ക്കൻമാ​രാ​യി​രു​ന്നില്ല. (പുറപ്പാ​ടു 28:29; 40:12-15) വിദ്യാ​സ​മ്പ​ന്ന​രായ സാധാ​ര​ണ​ക്കാ​രെ​യും ശാസ്‌ത്രി​മാ​രെ​യും അവഗണി​ക്കാൻ പാടി​ല്ലാ​യി​രു​ന്നു.

പരീശൻമാർ

പരീശൻമാർ, അഥവാ പെരു​ശിം എന്നതി​നർഥം “വേർപെ​ട്ടവർ” എന്നാവാം. മോശ​യു​ടെ അനുഗാ​മി​ക​ളാ​യി​ട്ടാ​ണു പരീശൻമാർ സ്വയം കരുതി​യത്‌. അവർക്ക്‌ അവരു​ടേ​തായ ഒരു സഖ്യം, അഥവാ സാഹോ​ദ​ര്യം (എബ്രാ​യ​യിൽ ചവുറാ) ഉണ്ടായി​രു​ന്നു. ലേവ്യ​രു​ടെ ശുദ്ധി കർശന​മാ​യും പാലി​ക്കാ​മെ​ന്നും അംഹാ​ര​റ​റ്‌സു​മാ​യുള്ള (വിദ്യാ​ഭ്യാ​സ​മി​ല്ലാത്ത ജനം) അടുത്ത സഹവാസം ഒഴിവാ​ക്കാ​മെ​ന്നും കൃത്യ​മാ​യി​ത്തന്നെ ദശാംശം കൊടു​ത്തേ​ക്കാ​മെ​ന്നും മൂന്നം​ഗ​ങ്ങ​ളു​ടെ​മു​മ്പാ​കെ ഉറപ്പു​കൊ​ടു​ത്താ​ലേ അതിൽ ഒരംഗ​മാ​കാൻ സാധി​ക്കു​മാ​യി​രു​ന്നു​ള്ളൂ. മർക്കൊസ്‌ 2:16 [NW] “പരീശൻമാ​രിൽപ്പെട്ട ശാസ്‌ത്രി​മാ​രെ”ക്കുറിച്ചു പറയുന്നു. ഇക്കൂട്ട​രിൽ ചിലർ തൊഴിൽപ​ര​മാ​യി ശാസ്‌ത്രി​മാ​രും ഗുരു​ക്കൻമാ​രു​മാ​യി​രു​ന്നു, അതേസ​മയം മററു​ചി​ലർ സാധാ​ര​ണ​ക്കാ​രും.—മത്തായി 23:1-7.

സർവവ്യാ​പി​യാ​യ ഒരു ദൈവ​ത്തി​ലാ​യി​രു​ന്നു പരീശൻമാർ വിശ്വ​സി​ച്ചി​രു​ന്നത്‌. ഇങ്ങനെ​യാ​യി​രു​ന്നു അവരുടെ ന്യായ​വാ​ദം: “ദൈവം സകലയി​ട​ത്തു​മുണ്ട്‌.” അതു​കൊണ്ട്‌ “ആലയത്തിന്‌ അകത്തും പുറത്തും​വെച്ച്‌ അവനെ ആരാധി​ക്കാം, യാഗങ്ങൾകൊ​ണ്ടു​മാ​ത്രമല്ല അവനോ​ടു യാചന കഴി​ക്കേ​ണ്ടത്‌. അങ്ങനെ അവർ സിന​ഗോ​ഗി​നെ ആരാധ​ന​യു​ടെ​യും പഠനത്തി​ന്റെ​യും പ്രാർഥ​ന​യു​ടെ​യും സ്ഥലമാ​ക്കി​യെ​ടു​ക്കു​ക​യും അതിനെ ആളുക​ളു​ടെ ജീവി​ത​ത്തി​ലെ കേന്ദ്ര​സ്ഥാ​ന​വും പ്രധാ​ന​പ്പെട്ട സ്ഥലവു​മാ​ക്കി ഉയർത്തു​ക​യും ചെയ്‌തു. അങ്ങനെ അത്‌ ആലയ​ത്തോ​ടു കിടപി​ടി​ക്കുന്ന ഒന്നായി മാറി.”—എൻ​സൈ​ക്ലോ​പീ​ഡിയ ജൂഡാ​യിക്ക.

പരീശൻമാർക്കു യഹോ​വ​യു​ടെ ആലയ​ത്തോ​ടു വിലമ​തി​പ്പി​ല്ലാ​താ​യി. ഇതു യേശു​വി​ന്റെ വാക്കു​ക​ളിൽനി​ന്നു കാണാ​വു​ന്ന​താണ്‌: “ആരെങ്കി​ലും മന്ദിര​ത്തെ​ച്ചൊ​ല്ലി സത്യം ചെയ്‌താൽ ഏതുമില്ല എന്നും മന്ദിര​ത്തി​ലെ സ്വർണ്ണ​ത്തെ​ച്ചൊ​ല്ലി സത്യം ചെയ്യു​ന്ന​വ​നോ കടക്കാരൻ എന്നും പറയുന്ന കുരു​ടൻമാ​രായ വഴികാ​ട്ടി​കളേ, നിങ്ങൾക്കു ഹാ കഷ്‌ടം. മൂഢൻമാ​രും കുരു​ടൻമാ​രു​മാ​യു​ള്ളോ​രേ, ഏതു വലിയതു? സ്വർണ്ണ​മോ സ്വർണ്ണത്തെ ശുദ്ധീ​ക​രി​ക്കുന്ന മന്ദിര​മോ? യാഗപീ​ഠ​ത്തെ​ച്ചൊ​ല്ലി സത്യം ചെയ്‌താൽ ഏതുമില്ല; അതിൻമേ​ലുള്ള വഴിപാ​ടു ചൊല്ലി സത്യം ചെയ്യു​ന്ന​വ​നോ കടക്കാരൻ എന്നു നിങ്ങൾ പറയുന്നു. കുരു​ടൻമാ​രാ​യു​ള്ളോ​രേ, ഏതു വലിയതു? വഴിപാ​ടോ വഴിപാ​ടി​നെ ശുദ്ധീ​ക​രി​ക്കുന്ന യാഗപീ​ഠ​മോ? ആകയാൽ യാഗപീ​ഠ​ത്തെ​ച്ചൊ​ല്ലി സത്യം ചെയ്യു​ന്നവൻ അതി​നെ​യും അതിൻമേ​ലുള്ള സകല​ത്തെ​യും ചൊല്ലി സത്യം ചെയ്യുന്നു.”—മത്തായി 23:16-20.

പരീശൻമാർ ന്യായ​വാ​ദ​ത്തിൽ അത്രയും വക്രത​യു​ള്ള​വ​രാ​യി​ത്തീർന്ന​തെ​ങ്ങനെ? അവർ എന്ത്‌ അവഗണി​ക്കു​ക​യാ​യി​രു​ന്നു? അടുത്ത​താ​യി യേശു പറയു​ന്ന​തെ​ന്താ​ണെന്നു ശ്രദ്ധി​ക്കുക. “മന്ദിര​ത്തെ​ച്ചൊ​ല്ലി സത്യം ചെയ്യു​ന്നവൻ അതി​നെ​യും അതിൽ വസിക്കു​ന്ന​വ​നെ​യും ചൊല്ലി സത്യം ചെയ്യുന്നു.” (മത്തായി 23:21) ഈ വാക്യ​ത്തെ​ക്കു​റിച്ച്‌ ഇ. പി. സാന്റേ​ഴ്‌സ്‌ ഇങ്ങനെ അഭി​പ്രാ​യ​പ്പെ​ടു​ക​യു​ണ്ടാ​യി: “ദൈവം അവിടെ ആരാധി​ക്ക​പ്പെ​ടു​ന്ന​തു​കൊ​ണ്ടു മാത്രമല്ല, അവൻ അവിടെ ഉണ്ടായി​രു​ന്ന​തു​കൊ​ണ്ടു​മാണ്‌ ആലയം വിശു​ദ്ധ​മാ​യി​രു​ന്നത്‌.” (യഹൂദ​മതം: ആചാര​വും വിശ്വാ​സ​വും, പൊ.യു.മു. 63—പൊ.യു. 66) എന്നുവ​രി​കി​ലും, യഹോവ സകലയി​ട​ത്തു​മു​ണ്ടെന്നു വിചാ​രി​ച്ച​വരെ സംബന്ധി​ച്ച​ട​ത്തോ​ളം അവന്റെ പ്രത്യേക സാന്നി​ധ്യ​ത്തി​നു കാര്യ​മായ അർഥ​മൊ​ന്നു​മു​ണ്ടാ​യി​രു​ന്നില്ല.

മുൻനി​ശ്ച​യ​വും ഇച്ഛാസ്വാ​ത​ന്ത്ര്യ​വും ഇടകലർന്ന ഒരു വിശ്വാ​സ​മാ​യി​രു​ന്നു പരീശൻമാ​രു​ടേത്‌. മററു വാക്കു​ക​ളിൽ പറഞ്ഞാൽ “സകലവും മുൻകൂ​ട്ടി​ക്ക​ണ്ടി​രി​ക്കു​ന്നു, എന്നാൽ അതേസ​മയം ഇച്ഛാസ്വാ​ത​ന്ത്ര്യ​വും നൽകി​യി​രി​ക്കു​ന്നു.” എന്നുവ​രി​കി​ലും, ആദാമും ഹവ്വായും പാപം​ചെ​യ്യു​മെന്നു മുൻനി​ശ്ച​യി​ച്ചി​രു​ന്ന​താ​യും വിരലി​ലേൽക്കുന്ന ഒരു ചെറിയ മുറി​വു​പോ​ലും മുൻനിർണ​യ​പ്ര​കാ​ര​മാ​ണെ​ന്നും അവർ വിശ്വ​സി​ച്ചു.

18 പേരുടെ മരണത്തി​നി​ട​യാ​ക്കി​ക്കൊണ്ട്‌ നിലം​പ​തിച്ച ഗോപു​ര​ത്തെ​പ്പ​ററി യേശു സംസാ​രി​ച്ചത്‌ അവരുടെ അത്തരം വ്യാജാ​ശ​യങ്ങൾ മനസ്സിൽപ്പി​ടി​ച്ചു​കൊ​ണ്ടാ​യി​രി​ക്കാം. അവൻ ചോദി​ച്ചു: “യെരൂ​ശ​ലേ​മിൽ പാർക്കുന്ന സകല മനുഷ്യ​രി​ലും [ആ ഹതഭാ​ഗ്യർ] കുററ​ക്കാർ ആയിരു​ന്നു എന്നു തോന്നു​ന്നു​വോ?” (ലൂക്കൊസ്‌ 13:4) മിക്ക അപകട​ങ്ങ​ളെ​ക്കു​റി​ച്ചും സത്യമാ​യി​രി​ക്കു​ന്ന​തു​പോ​ലെ, ഇത്‌ “കാലത്തി​ന്റെ​യും യാദൃ​ച്ഛിക സംഭവത്തി”ന്റെയും ഫലമാ​യി​രു​ന്നു, അല്ലാതെ പരീശൻമാർ പഠിപ്പി​ച്ചി​രു​ന്ന​തു​പോ​ലെ വിധി​യാ​യി​രു​ന്നില്ല. (സഭാ​പ്ര​സം​ഗി 9:11, NW) അറിവു​ണ്ടെന്നു പറയുന്ന അത്തരക്കാർ എങ്ങനെ​യാ​ണു തിരു​വെ​ഴു​ത്തു കൽപ്പനകൾ കൈകാ​ര്യം ചെയ്യുക?

അവർ മതസം​ബ​ന്ധ​മായ പുതു​മ​പ്രി​യ​രാ​യി​രു​ന്നു

ഓരോ തലമു​റ​യി​ലും തിരു​വെ​ഴു​ത്തു കൽപ്പനകൾ പുതിയ പുതിയ ആശയങ്ങ​ളോ​ടുള്ള ചേർച്ച​യിൽ വ്യാഖ്യാ​നി​ക്കേ​ണ്ടതു റബ്ബിമാ​രാ​ണെന്ന നിലപാ​ടാ​യി​രു​ന്നു പരീശൻമാർക്കുണ്ടായിരുന്നത്‌. അതു​കൊ​ണ്ടു​തന്നെ, അവർക്ക്‌ “തോറ​യി​ലെ പഠിപ്പി​ക്ക​ലു​ക​ളും അവരുടെ പുതിയ ആശയങ്ങ​ളും പൊരു​ത്ത​പ്പെ​ടു​ത്തി​ക്കൊ​ണ്ടു​പോ​കു​ന്ന​തി​ലോ തങ്ങളുടെ ആശയങ്ങൾ തോറ​യി​ലെ വചനങ്ങ​ളിൽ അന്തർലീ​ന​മാ​യി​രി​ക്കു​ന്ന​തോ സൂചി​പ്പി​ക്കു​ന്ന​തോ ആയി കണ്ടെത്തു​ന്ന​തി​ലോ ഒരു ബുദ്ധി​മു​ട്ടു​മു​ണ്ടാ​യി​രു​ന്നില്ല,” എൻ​സൈ​ക്ലോ​പീ​ഡിയ ജൂഡാ​യിക്ക പറയുന്നു.

വർഷത്തി​ലൊ​രി​ക്കൽ നടത്ത​പ്പെ​ടുന്ന പാപപ​രി​ഹാര ദിവസത്തെ സംബന്ധി​ച്ചാ​ണെ​ങ്കിൽ, അവർ പാപപ​രി​ഹാര ശക്തി മഹാപു​രോ​ഹി​ത​നിൽനിന്ന്‌ ആ ദിവസ​ത്തി​ലേ​ക്കു​തന്നെ മാററി. (ലേവ്യ​പു​സ്‌തകം 16:30, 33) പെസഹാ ആചരണ​ത്തിൽ, അവർ കൂടുതൽ മുൻതൂ​ക്കം നൽകി​യതു വീഞ്ഞും പുളി​പ്പി​ല്ലാത്ത അപ്പവും കഴിക്കുന്ന സമയത്തു പുറപ്പാ​ടു വിവര​ണ​ഭാ​ഗങ്ങൾ ചൊല്ലു​ന്ന​തി​നാ​യി​രു​ന്നു, അല്ലാതെ പെസഹാ കുഞ്ഞാ​ടി​നാ​യി​രു​ന്നില്ല.

കാല​ക്ര​മേണ, ആലയത്തിൽ പരീശൻമാർ സ്വാധീ​ന​മു​ള്ള​വ​രാ​യി. പിന്നെ കായ്‌ക​നി​പ്പെ​രു​ന്നാ​ളിൽ ശീലോ​ഹാം കുളത്തിൽനി​ന്നു വെള്ളം കൊണ്ടു​പോ​ക​ലും അതു​കൊ​ണ്ടുള്ള ഒരു പ്രദക്ഷി​ണ​പ​രി​പാ​ടി​ക്കും ഉത്സവസ​മാ​പ​ന​ത്തി​ങ്കൽ യാഗപീ​ഠ​ത്തിൻമേൽ അരളി​ച്ചെ​ടി​കൊ​ണ്ടുള്ള അടിക്കൽകർമ​ത്തി​നും ന്യായ​പ്ര​മാ​ണ​ത്തിൽ അധിഷ്‌ഠി​ത​മ​ല്ലാത്ത സ്ഥിരമാ​യും ദിന​മ്പ്ര​തി​യും നടത്തുന്ന പ്രാർഥ​ന​കൾക്കും അവർ രൂപം​കൊ​ടു​ത്തു.

“ശബത്തു​മാ​യി ബന്ധപ്പെ​ട്ടുള്ള പരീശൻമാ​രു​ടെ പുതിയ ഏർപ്പാ​ടുക”ളായി​രു​ന്നു “വിശേ​ഷി​ച്ചും എടുത്തു​പ​റ​യ​ത്ത​ക്കത്‌”, ദ ജ്യൂയിഷ്‌ എൻ​സൈ​ക്ലോ​പീ​ഡിയ പറയുന്നു. ഭാര്യ ശബത്തിനെ വിളക്കു​കൊ​ളു​ത്തി സ്വാഗതം ചെയ്യണ​മാ​യി​രു​ന്നു. ഏതെങ്കി​ലും ഒരു പ്രവർത്തനം നിയമ​പ​ര​മ​ല്ലാത്ത തൊഴി​ലിൽ കലാശി​ക്കു​ന്ന​താ​യി തോന്നു​ന്ന​പക്ഷം പരീശൻമാർ അതു നിരോ​ധി​ക്കു​മാ​യി​രു​ന്നു. വൈദ്യ​ചി​കി​ത്സ​യെ​വരെ അവർ ഇത്‌ ഉപയോ​ഗി​ച്ചു നിയ​ന്ത്രി​ച്ചു. ശബത്തിൽ യേശു അത്ഭുതങ്ങൾ പ്രവർത്തി​ച്ച​പ്പോൾ അവർ അതിൽ രോഷാ​കു​ല​രാ​യി. (മത്തായി 12:9-14; യോഹ​ന്നാൻ 5:1-16) എങ്കിലും, തിരു​വെ​ഴു​ത്തു നിയമ​ങ്ങ​ളു​ടെ സംരക്ഷ​ണ​ത്തി​നു​വേണ്ടി വേലി​കെ​ട്ടാ​നുള്ള ശ്രമത്തി​ന്റെ ഭാഗമാ​യി പുതിയ ആചാരങ്ങൾ ഏർപ്പെ​ടു​ത്തു​ന്ന​തൊ​ന്നും മതസം​ബ​ന്ധ​മായ ഈ പുതു​മ​പ്രി​യ​ക്കാർ നിർത്തി​വെ​ച്ചില്ല.

റദ്ദാക്കൽ

തിരു​വെ​ഴു​ത്തു നിയമങ്ങൾ നിർത്തി​വെ​ക്കാ​നോ നിരോ​ധി​ക്കാ​നോ ഉള്ള അധികാ​രം തങ്ങൾക്കു​ണ്ടെന്നു പരീശൻമാർ അവകാ​ശ​പ്പെ​ട്ടി​രു​ന്നു. അവരുടെ ന്യായ​വാ​ദം തൽമൂ​ദി​ലെ ഈ ചട്ടത്തിൽ പ്രതി​ഫ​ലി​ച്ചു​കാ​ണാ​വു​ന്ന​താണ്‌: “തോറ അപ്പാടെ മറന്നു​ക​ള​യു​ന്ന​തി​നെ​ക്കാൾ നല്ലത്‌ ഒരു ഒററ നിയമം എടുത്തു​മാ​റ​റു​ന്ന​താണ്‌.” ജൂബിലി ആഘോഷം നിർത്തി​വെ​ച്ച​താണ്‌ ഒരു ഉദാഹ​രണം. തിരി​ച്ചു​ചോ​ദി​ക്കാൻ സാധി​ക്കാ​ത്ത​തു​കൊണ്ട്‌ കൊടു​ത്തതു തിരികെ കിട്ടി​ല്ലെന്ന ഭയംനി​മി​ത്തം ജൂബിലി കാലഘട്ടം അടുക്കു​മ്പോൾ ദരി​ദ്രർക്ക്‌ ആരും ഒന്നും കടം കൊടു​ക്കു​മാ​യി​രു​ന്നില്ല. ഇതായി​രു​ന്നു ജൂബിലി ആഘോഷം നിർത്തി​വെ​ക്കാ​നു​ണ്ടായ കാരണം.—ലേവ്യ​പു​സ്‌തകം, അധ്യായം 25.

വ്യഭി​ചാ​രം ചെയ്‌തു​വെന്നു സംശയി​ക്ക​പ്പെ​ടുന്ന ഒരു സ്‌ത്രീ​യു​ടെ വിചാരണ റദ്ദാക്ക​ലും തീർപ്പാ​കാ​തെ കിടക്കുന്ന കൊല​പാ​തക കേസിന്റെ കാര്യ​ത്തിൽ പ്രായ​ശ്ചിത്ത നടപടി​ക്ര​മ​ങ്ങ​ളു​ടെ നിർത്തി​വെ​ക്ക​ലു​മാ​ണു മററ്‌ ഉദാഹ​ര​ണങ്ങൾ. (സംഖ്യാ​പു​സ്‌തകം 5:11-31; ആവർത്ത​ന​പു​സ്‌തകം 21:1-9) ദരി​ദ്ര​രായ മാതാ​പി​താ​ക്കളെ സംരക്ഷി​ക്കാ​നുള്ള തിരു​വെ​ഴു​ത്തു നിബന്ധ​ന​യും എടുത്തു​ക​ള​യാ​നുള്ള പുറപ്പാ​ടി​ലാ​യി​രു​ന്നു പരീശൻമാർ.—പുറപ്പാ​ടു 20:12; മത്തായി 15:3-6.

യേശു ഇങ്ങനെ മുന്നറി​യി​പ്പു കൊടു​ത്തു: “പരീശൻമാ​രു​ടെ പുളി​ച്ച​മാ​വായ കപടഭക്തി സൂക്ഷി​ച്ചു​കൊൾവിൻ.” (ലൂക്കൊസ്‌ 12:1) ദിവ്യാ​ധി​പ​ത്യ​പ​ര​മ​ല്ലാത്ത മനോ​ഭാ​വ​ങ്ങ​ളു​ണ്ടാ​യി​രുന്ന പരീശ​മതം നിശ്ചയ​മാ​യും കാപട്യ​മു​ള്ള​താ​യി​രു​ന്നു—തീർച്ച​യാ​യും ക്രിസ്‌തീയ സഭയി​ലേക്കു കൊണ്ടു​വ​രാൻ പാടി​ല്ലാഞ്ഞ ഒരു സംഗതി​തന്നെ. എന്നിരു​ന്നാ​ലും, യഹൂദൻമാ​രു​ടെ റഫറൻസ്‌ പുസ്‌ത​കങ്ങൾ സദൂക്യ​രെ​ക്കാൾ മെച്ച​പ്പെ​ട്ട​വ​രാ​യി അവതരി​പ്പി​ക്കു​ന്നതു പരീശൻമാ​രെ​യാണ്‌. നമുക്കി​നി കൂടുതൽ യാഥാ​സ്ഥി​തി​ക​രായ സദൂക്യ​രു​ടെ കാര്യ​മെ​ടു​ക്കാം.

സദൂക്യർ

ശലോ​മോ​ന്റെ നാളിലെ മഹാപു​രോ​ഹി​ത​നാ​യി​രുന്ന സാദോ​ക്കിൽനി​ന്നാ​യി​രി​ക്കാം സദൂക്യർ എന്ന പേരിന്റെ ഉത്ഭവം. (1 രാജാ​ക്കൻമാർ 2:35, NW അടിക്കു​റിപ്പ്‌) ആലയത്തി​ന്റെ​യും പൗരോ​ഹി​ത്യ​ത്തി​ന്റെ​യും താത്‌പ​ര്യ​ങ്ങൾക്കു​വേണ്ടി പ്രതി​നി​ധാ​നം ചെയ്‌ത ഒരു യാഥാ​സ്ഥി​തിക പാർട്ടി​യാ​യി​രു​ന്നു സദൂക്യർ. അറിവി​ന്റെ​യും ഭക്തിയു​ടെ​യും കാര്യം​പ​റഞ്ഞ്‌ അധികാ​രം അവകാ​ശ​പ്പെ​ട്ടി​രുന്ന പരീശൻമാ​രെ​പ്പോ​ലെ​യാ​യി​രു​ന്നില്ല സദൂക്യർ. വംശാ​വ​ലി​യി​ലും സ്ഥാനത്തി​ലു​മാ​യി​രു​ന്നു സദൂക്യർ തങ്ങളുടെ വിശേ​ഷാ​ധി​കാ​രം ഉറപ്പി​ച്ചത്‌. പൊ.യു. 70-ൽ ആലയം നശിപ്പി​ക്ക​പ്പെ​ടു​ന്ന​തു​വരെ പരീശൻമാ​രു​ടെ പുതിയ ഏർപ്പാ​ടു​ക​ളെ​യെ​ല്ലാം അവർ എതിർത്തു​പോ​ന്നു.

മുൻനി​ശ്ച​യ​ത്തെ തള്ളുക മാത്രമല്ല, പഞ്ചഗ്ര​ന്ഥി​യിൽ വ്യക്തമാ​യി സൂചി​പ്പി​ക്കാഞ്ഞ യാതൊ​രു പഠിപ്പി​ക്ക​ലും സ്വീക​രി​ക്കാൻ സദൂക്യർ കൂട്ടാ​ക്കി​യു​മില്ല, ദൈവ​വ​ച​ന​ത്തിൽ വേറെ എവി​ടെ​യെ​ങ്കി​ലും പ്രസ്‌താ​വി​ച്ചി​ട്ടു​ണ്ടെ​ങ്കിൽപ്പോ​ലും അവർ അതു സ്വീക​രി​ക്കു​മാ​യി​രു​ന്നില്ല. വാസ്‌ത​വ​ത്തിൽ, അവർ അത്തരം കാര്യ​ങ്ങ​ളെ​ക്കു​റി​ച്ചു “തർക്കി​ക്കു​ന്നത്‌ ഒരു പുണ്യ​മാ​യി കരുതി.” (ദ ജ്യൂയിഷ്‌ എൻ​സൈ​ക്ലോ​പീ​ഡിയ) പുനരു​ത്ഥാ​ന​ത്തെ​ക്കു​റിച്ച്‌ അവർ യേശു​വി​നെ വെല്ലു​വി​ളിച്ച സന്ദർഭം നാം ഓർത്തു​പോ​കു​ന്നത്‌ അതു​കൊ​ണ്ടാണ്‌.

ഏഴു ഭർത്താ​ക്കൻമാ​രു​ണ്ടാ​യി​രുന്ന വിധവ​യു​ടെ ദൃഷ്ടാന്തം ഉപയോ​ഗി​ച്ചു​കൊണ്ട്‌ സദൂക്യർ ചോദി​ച്ചു: “എന്നാൽ പുനരു​ത്ഥാ​ന​ത്തിൽ അവൾ എഴുവ​രിൽ ആർക്കു ഭാര്യ​യാ​കും?” അവരുടെ ആ സാങ്കൽപ്പിക വിധവക്ക്‌ ചില​പ്പോൾ അത്രയു​മല്ല, 14-ഓ 21-ഓ ഭർത്താ​ക്കൻമാർ ഉണ്ടായി​രു​ന്നി​രി​ക്കാം. യേശു ഇങ്ങനെ വിശദീ​ക​രി​ച്ചു: “പുനരു​ത്ഥാ​ന​ത്തിൽ അവർ വിവാഹം കഴിക്കു​ന്നില്ല, വിവാ​ഹ​ത്തി​ന്നു കൊടു​ക്ക​പ്പെ​ടു​ന്ന​തു​മില്ല.”—മത്തായി 22:23-30.

മോശ​യ​ല്ലാ​ത്ത വേറെ ഏതൊരു നിശ്വസ്‌ത എഴുത്തു​കാ​രെ​യും സദൂക്യർ നിരാ​ക​രി​ക്കു​ന്നു​വെന്ന്‌ അറിയാ​മാ​യി​രുന്ന യേശു പഞ്ചഗ്ര​ന്ഥി​യിൽനി​ന്നു​തന്നെ ഉദ്ധരി​ച്ചു​കൊണ്ട്‌ തന്റെ ആശയം തെളി​യി​ച്ചു. അവൻ പറഞ്ഞു: “മരിച്ചവർ ഉയിർത്തെ​ഴു​ന്നേ​ല്‌ക്കു​ന്ന​തി​നെക്കു​റി​ച്ചു മോ​ശെ​യു​ടെ പുസ്‌ത​ക​ത്തിൽ മുൾപ​ടർപ്പു​ഭാ​ഗത്തു ദൈവം അവനോ​ടു: ഞാൻ അബ്രാ​ഹാ​മി​ന്റെ ദൈവ​വും യിസ്‌ഹാ​ക്കി​ന്റെ ദൈവ​വും യാക്കോ​ബി​ന്റെ ദൈവ​വും എന്നു അരുളി​ച്ചെ​യ്‌ത​പ്ര​കാ​രം വായി​ച്ചി​ട്ടി​ല്ല​യോ? അവൻ മരിച്ച​വ​രു​ടെ ദൈവമല്ല, ജീവനു​ള്ള​വ​രു​ടെ ദൈവ​മ​ത്രേ.”—മർക്കൊസ്‌ 12:26, 27.

യേശു​വി​നെ​യും അനുഗാ​മി​ക​ളെ​യും പീഡി​പ്പി​ച്ച​വർ

മിശി​ഹാ​യു​ടെ വരവിൽ വിശ്വ​സി​ച്ചി​രു​ന്നെ​ങ്കിൽത്തന്നെ, അവനു​വേണ്ടി കാത്തി​രി​ക്കു​ന്ന​തി​നു​പ​കരം മററു രാഷ്‌ട്ര​ങ്ങ​ളു​മാ​യി ഇടപെ​ടു​ന്ന​തിൽ രാജ്യ​വ്യ​വ​ഹാ​ര​ത​ന്ത്രം ഉപയോ​ഗി​ക്കു​ന്നതി ലാണ്‌ അവർ വിശ്വ​സി​ച്ചത്‌. റോമു​മാ​യി സഖ്യം​ചേർന്നാ​യി​രു​ന്നു അവർ ആലയകാ​ര്യാ​ദി​കൾ നിർവ​ഹി​ച്ചു​പോ​ന്നത്‌. ഒരു മിശിഹാ വന്ന്‌ കാര്യങ്ങൾ തകരാ​റി​ലാ​ക്കാ​നൊ​ന്നും അവർക്ക്‌ ആഗ്രഹ​മു​ണ്ടാ​യി​രു​ന്നില്ല. തങ്ങളുടെ സ്ഥാനത്തിന്‌ ഒരു ഭീഷണി​യാ​യി യേശു​വി​നെ കണ്ട അവർ പരീശൻമാ​രോ​ടു ചേർന്ന്‌ അവനെ വധിക്കാൻ ഗൂഢാ​ലോ​ചന നടത്തി.—മത്തായി 26:59-66; യോഹ​ന്നാൻ 11:45-50.

രാഷ്‌ട്രീ​യ ലക്ഷ്യത്തിൽ പ്രവർത്തി​ച്ചി​രുന്ന സദൂക്യർ റോമി​നോ​ടുള്ള വിശ്വ​സ്‌ത​ത​യു​ടെ പ്രശ്‌ന​മു​ന്ന​യി​ച്ചു​കൊ​ണ്ടു വിളി​ച്ചു​പ​റഞ്ഞു: “ഞങ്ങൾക്കു കൈസ​ര​ല്ലാ​തെ മറെറാ​രു രാജാ​വില്ല.” (യോഹ​ന്നാൻ 19:6, 12-15) യേശു​വി​ന്റെ മരണത്തി​നും പുനരു​ത്ഥാ​ന​ത്തി​നും ശേഷം ക്രിസ്‌ത്യാ​നി​ത്വം വ്യാപി​ക്കു​ന്നതു തടയാൻ ശ്രമി​ക്കു​ന്ന​തിൽ നേതൃ​ത്വ​മെ​ടു​ത്തതു സദൂക്യ​രാ​യി​രു​ന്നു. (പ്രവൃ​ത്തി​കൾ 4:1-23; 5:17-42; 9:14) പൊ.യു. 70-ലെ യെരു​ശ​ലേ​മി​ന്റെ നാശ​ത്തോ​ടെ ഇക്കൂട്ടർ ഭൂമു​ഖ​ത്തു​നിന്ന്‌ അപ്രത്യ​ക്ഷ​മാ​യി.

ജാഗ്ര​ത​യോ​ടെ നില​കൊ​ള്ളേ​ണ്ട​തി​ന്റെ ആവശ്യം

യേശു​വി​ന്റെ മുന്നറി​യിപ്പ്‌ എത്രമാ​ത്രം ഉചിത​മാ​ണെന്നു തെളി​ഞ്ഞു​വെന്നു നോക്കുക! അതേ, നാം “പരീശൻമാ​രു​ടെ​യും സദൂക്യ​രു​ടെ​യും പുളിച്ച മാവു സൂക്ഷി”ക്കേണ്ടയാ​വ​ശ്യ​മുണ്ട്‌. യഹൂദ​രി​ലും ക്രൈ​സ്‌ത​വ​രി​ലും അതു​കൊ​ണ്ടു​ണ്ടായ മോശ​മായ ഫലങ്ങൾ നോക്കു​കയേ ഒരു വ്യക്തി ഇന്നു ചെയ്യേ​ണ്ട​തു​ള്ളൂ.

എന്നിരു​ന്നാ​ലും, ഇതിനു നേർവി​പ​രീ​ത​മാണ്‌ ലോക​മെ​മ്പാ​ടു​മുള്ള യഹോ​വ​യു​ടെ സാക്ഷി​ക​ളു​ടെ 75,500-ലധിക​മുള്ള സഭകളി​ലെ യോഗ്യ​ത​യുള്ള ക്രിസ്‌തീയ മൂപ്പൻമാ​രു​ടെ കാര്യം. അവർ ‘അവർക്കു​ത​ന്നെ​യും അവരുടെ പഠിപ്പി​ക്ക​ലി​നും നിരന്ത​ര​മായ ശ്രദ്ധ കൊടു​ക്കു​ന്നു.’ (1 തിമോ​ത്തി 4:16, NW) അവർ മുഴു​ബൈ​ബി​ളും ദൈവ​നി​ശ്വ​സ്‌ത​മാ​യി അംഗീ​ക​രി​ക്കു​ന്നു. (2 തിമൊ​ഥെ​യൊസ്‌ 3:16) പുതിയ കാര്യങ്ങൾ അവതരി​പ്പിച്ച്‌ സ്വന്തം മതനട​പ​ടി​ക്ര​മ​ങ്ങളെ പരി​പോ​ഷി​പ്പി​ക്കു​ന്ന​തി​നു​പ​കരം അവർ ഒരു ബൈബി​ള​ധി​ഷ്‌ഠിത സ്ഥാപന​ത്തി​ന്റെ മാർഗ​നിർദേ​ശ​ത്തിൻകീ​ഴിൽ ഏകീകൃ​ത​രാ​യി പ്രവർത്തി​ക്കു​ന്നു. ആ സ്ഥാപന​ത്തി​ന്റെ മുഖ്യ പ്രബോ​ധ​നോ​പാ​ധി​യാണ്‌ ഈ മാസിക.—മത്തായി 24:45-47.

ഫലമോ? ബൈബിൾ മനസ്സി​ലാ​ക്കാ​നും തങ്ങളുടെ ജീവി​ത​ത്തിൽ അതു ബാധക​മാ​ക്കാ​നും മററു​ള്ള​വരെ അതു പഠിപ്പി​ക്കാ​നും ഇടവരു​ന്ന​തോ​ടെ, ലോക​മെ​മ്പാ​ടു​മുള്ള ലക്ഷക്കണ​ക്കി​നാ​ളു​കൾ ആത്മീയ​മാ​യി ഉന്നതി പ്രാപി​ക്കു​ന്നു. ഇത്‌ എങ്ങനെ കൈവ​രി​ക്കു​ന്നു​വെന്നു കാണാൻ നിങ്ങളു​ടെ ഏററവും അടുത്തുള്ള, യഹോ​വ​യു​ടെ സാക്ഷി​ക​ളു​ടെ ഒരു സഭ സന്ദർശി​ക്ക​രു​തോ അല്ലെങ്കിൽ ഈ മാസി​ക​യു​ടെ പ്രസാ​ധ​കർക്ക്‌ എഴുത​രു​തോ?

[26-ാം പേജിലെ ചതുരം]

യേശു തന്റെ സദസ്യരെ പരിഗ​ണി​ച്ചു

യേശുക്രിസ്‌തു തന്റെ ശ്രോ​താ​ക്ക​ളു​ടെ വീക്ഷണങ്ങൾ കണക്കി​ലെ​ടുത്ത്‌ വ്യക്തത​യോ​ടെ പഠിപ്പി​ച്ചു. ഉദാഹ​ര​ണ​ത്തിന്‌, വീണ്ടും “ജനിക്കു”ന്നതി​നെ​ക്കു​റി​ച്ചു പരീശ​നായ നിക്കോ​ദെ​മോ​സി​നോ​ടു സംസാ​രി​ച്ച​പ്പോൾ അവൻ അതാണു ചെയ്‌തത്‌. നിക്കോ​ദെ​മോസ്‌ ചോദി​ച്ചു: “മനുഷ്യൻ വൃദ്ധനാ​യ​ശേഷം ജനിക്കു​ന്ന​തെ​ങ്ങനെ? രണ്ടാമ​തും അമ്മയുടെ ഉദരത്തിൽ കടന്നു ജനിക്കാ”മോ? (യോഹ​ന്നാൻ 3:1-5) യഹൂദ​മ​ത​ത്തി​ലേ​ക്കുള്ള പരിവർത്ത​ന​ത്തി​നു വീണ്ടും ജനനം ആവശ്യ​മാ​യി​രു​ന്നു​വെന്നു പരീശൻമാർ വിശ്വ​സി​ച്ചി​രു​ന്നു. കൂടാതെ, റബ്ബിമാർ പുതിയ യഹൂദനെ “ഒരു നവജാ​ത​ശി​ശു”വിനോ​ടു താരത​മ്യ​പ്പെ​ടു​ത്തി പറയു​ക​യും ചെയ്‌തി​രു​ന്നു. എന്നിട്ടും നിക്കോ​ദെ​മോസ്‌ അങ്ങേയ​ററം കുഴങ്ങി​പ്പോ​യത്‌ എന്തു​കൊ​ണ്ടാ​യി​രു​ന്നു?

ജോൺ ലൈററ്‌ ഫൂട്ടിന്റെ എ കമെൻററി ഓൺ ദ ന്യൂ ടെസ്‌റ​റ​മെൻറ്‌ ഫ്രം തൽമൂദ്‌ ആൻഡ്‌ ഹെബ്രാ​യിക്ക ഇങ്ങനെ​യൊ​രു ഉൾക്കാഴ്‌ച നൽകുന്നു: “‘ഇസ്രാ​യേ​ല്യർക്കു . . . മിശി​ഹൈ​ക​രാ​ജ്യ​ത്തിൽ പ്രവേ​ശി​ക്കാ​നുള്ള അവകാ​ശ​മു​ണ്ടാ​യി​രി​ക്കെ ഒരു പുതു ഇസ്രാ​യേ​ല്യ​നാ​കേ​ണ്ട​തിന്‌ ഒരുവൻ തന്റെ അമ്മയുടെ ഉദരത്തി​ലേക്കു വീണ്ടു​മൊ​രി​ക്കൽക്കൂ​ടി പ്രവേ​ശി​ക്കേ​ണ്ട​തു​ണ്ടെ​ന്നാ​ണോ നീ ഇപ്പറഞ്ഞ​തി​ലൂ​ടെ അർഥമാ​ക്കി​യത്‌?’ എന്ന, തന്റെ തുടക്ക​ത്തി​ലു​ണ്ടാ​യി​രുന്ന മുൻവി​ധി​യിൽനി​ന്നു പുറത്തു​ക​ട​ക്കാൻ കഴിയാത്ത ഈ പരീശന്റെ മനസ്സിൽ ഒരു ഇസ്രാ​യേ​ല്യ​ന്റെ യോഗ്യത സംബന്ധിച്ച യഹൂദൻമാ​രു​ടെ പൊതു​ധാ​രണ ഇപ്പോ​ഴും രൂഢമൂ​ല​മാണ്‌.”—താരത​മ്യം ചെയ്യുക: മത്തായി 3:9.

മതപരി​വർത്തനം നടത്തി​യ​വനെ പുതു​ജൻമ​മെ​ടു​ത്തവൻ എന്ന്‌ അംഗീ​ക​രി​ക്കു​മെ​ങ്കി​ലും സ്വാഭാ​വിക യഹൂദരെ സംബന്ധി​ച്ച​ട​ത്തോ​ളം അത്തര​മൊ​രു പ്രക്രിയ—ഉദരത്തി​ലേ​ക്കുള്ള പുനഃ​പ്ര​വേശം—സാധ്യ​മ​ല്ലെ​ന്നാ​വും നിക്കോ​ദെ​മോസ്‌ കരുതുക.

മറെറാ​ര​വ​സ​ര​ത്തിൽ, ‘തന്റെ മാംസം തിന്നു​ക​യും തന്റെ രക്തം കുടി​ക്ക​യും ചെയ്യേ​ണ്ട​തി​നെ’പ്പററി യേശു സംസാ​രി​ച്ച​പ്പോൾ അതിൽ പലർക്കും നീരസം തോന്നി. (യോഹ​ന്നാൻ 6:48-55) എന്നിരു​ന്നാ​ലും, “‘തിന്നു​ക​യും കുടി​ക്കു​ക​യും ചെയ്യുക’ എന്ന രൂപകാ​ല​ങ്കാര പ്രയോ​ഗ​ങ്ങ​ളെ​പ്പോ​ലെ സർവസാ​ധാ​ര​ണ​മാ​യി യഹൂദ​സ്‌കൂ​ളു​ക​ളിൽ മറെറാ​ന്നു​മി​ല്ലാ​യി​രു​ന്നു​വെന്നു” ലൈററ്‌ ഫൂട്ട്‌ സൂചി​പ്പി​ക്കു​ന്നു. “മിശി​ഹാ​യെ ഭക്ഷിക്കൽ” എന്നു തൽമൂദ്‌ സൂചി​പ്പി​ച്ചി​രു​ന്ന​താ​യും അദ്ദേഹം രേഖ​പ്പെ​ടു​ത്തു​ന്നു.

അങ്ങനെ, പരീശൻമാ​രു​ടെ​യും സദൂക്യ​രു​ടെ​യും വീക്ഷണ​ഗ​തി​കൾക്ക്‌ ഒന്നാം നൂററാ​ണ്ടി​ലെ യഹൂദൻമാ​രു​ടെ ചിന്താ​ഗ​തി​ക്കു​മേൽ കാര്യ​മായ സ്വാധീ​ന​മു​ണ്ടാ​യി​രു​ന്നു. എന്നിരു​ന്നാ​ലും, യേശു എല്ലായ്‌പോ​ഴും തന്റെ സദസ്യ​രു​ടെ അറിവും അനുഭ​വ​വും ഉചിത​മാ​യി​ത്തന്നെ കണക്കി​ലെ​ടു​ത്തി​രു​ന്നു. എന്നാൽ ഇതാകട്ടെ, അവനെ മഹദ്‌ഗു​രു​വാ​ക്കിയ പല ഘടകങ്ങ​ളിൽ കേവലം ഒന്നുമാ​ത്ര​മാ​യി​രു​ന്നു.