ബൈബി​ളി​ന്റെ വീക്ഷണം

ക്രിസ്‌ത്യാ​നി​കൾ കുർബാ​നയെ എങ്ങനെ വീക്ഷി​ക്കണം?

“കത്തോ​ലി​ക്കാ സഭയിൽപ്പെട്ട ഒരു വ്യക്തി കുർബാന മുടക്കു​ന്നത്‌ സഭയുടെ ദൃഷ്ടി​യിൽ പാപം​ത​ന്നെ​യാണ്‌” എന്ന്‌ ജോൺ പോൾ രണ്ടാമൻ പാപ്പ അടുത്ത​യി​ടെ “വീണ്ടും സ്ഥിരീ​ക​രി​ച്ചു പറഞ്ഞ”തായി ദ ന്യൂ​യോർക്ക്‌ ടൈംസ്‌ റിപ്പോർട്ട്‌ ചെയ്‌തി​രു​ന്നു. കത്തോ​ലി​ക്കർക്കി​ട​യി​ലെ ഉറച്ച വിശ്വാ​സി​കൾ പാപ്പാ​യു​ടെ മേൽപ്പറഞ്ഞ അഭി​പ്രാ​യ​ത്തോ​ടു യോജി​ക്കും. എന്താണ്‌ കുർബാന? ഈ വിഷയത്തെ കുറിച്ച്‌ സഭയും ബൈബി​ളും യോജി​പ്പി​ലാ​ണോ?

കത്തോ​ലി​ക്ക​രോ​ടു ചോദി​ക്കുന്ന കാര്യങ്ങൾ (ഇംഗ്ലീഷ്‌) എന്ന തന്റെ പുസ്‌ത​ക​ത്തിൽ കത്തോ​ലി​ക്കാ പുരോ​ഹി​ത​നായ മാർട്ടിൻ ജെ. സ്‌കോട്ട്‌ കുർബാ​നയെ ഇപ്രകാ​രം നിർവ​ചി​ക്കു​ന്നു: “കുർബാന എന്നത്‌ ക്രിസ്‌തു​വി​ന്റെ ശരീര​ത്തി​ന്റെ​യും രക്തത്തി​ന്റെ​യും ബലിയാണ്‌, രക്തം ചൊരി​യ​പ്പെ​ടാ​തെ ഉള്ളത്‌. എന്നാൽ കാൽവ​രി​യി​ലേത്‌ രക്തം ചൊരി​യ​പ്പെ​ട്ട​തും. കുർബാന അടിസ്ഥാ​ന​പ​ര​മാ​യി കുരി​ശി​ലെ ബലി തന്നെയാണ്‌. ഇത്‌ അലങ്കാര പ്രയോ​ഗ​മോ രൂപകാ​ല​ങ്കാ​ര​മോ അതിശ​യോ​ക്തി​യോ ഒന്നുമല്ല.” അദ്ദേഹം ഇങ്ങനെ കൂട്ടി​ച്ചേർക്കു​ന്നു: “കുർബാ​ന​യി​ലൂ​ടെ ദൈവ​പു​ത്രനെ നമ്മുടെ അൾത്താ​ര​യി​ലേക്കു കൊണ്ടു​വ​രാ​നും അവനെ ദൈവ​ശി​ര​സ്സി​നു ബലിയാ​യി അർപ്പി​ക്കാ​നും സാധി​ക്കു​മെന്നു വിശ്വ​സി​ക്ക​പ്പെ​ടു​ന്നു.”

കുർബാന തിരു​വെ​ഴു​ത്ത​ധി​ഷ്‌ഠി​ത​മോ?

കുർബാന തിരു​വെ​ഴു​ത്ത​ധി​ഷ്‌ഠി​ത​മായ പഠിപ്പി​ക്ക​ലാ​ണെന്നു പരമാർഥ​ഹൃ​ദ​യ​രായ കത്തോ​ലി​ക്കർ വിശ്വ​സി​ക്കു​ന്നു. അതിനുള്ള തെളി​വെന്ന നിലയിൽ അവർ, ഒടുക്കത്തെ അത്താഴം എന്നു സാധാ​ര​ണ​മാ​യി വിളി​ക്ക​പ്പെ​ടുന്ന സമയത്തെ യേശു​വി​ന്റെ വാക്കുകൾ ചൂണ്ടി​ക്കാ​ട്ടു​ന്നു. തന്റെ അപ്പൊ​സ്‌ത​ല​ന്മാർക്ക്‌ അപ്പവും വീഞ്ഞും നൽകവേ, അപ്പത്തെ പരാമർശി​ച്ചു​കൊണ്ട്‌ യേശു ഇങ്ങനെ പറഞ്ഞു: “ഇത്‌ എന്റെ ശരീര​മാണ്‌.” വീഞ്ഞിനെ പരാമർശി​ച്ചു​കൊണ്ട്‌ അവൻ പറഞ്ഞു: ‘ഇത്‌ എന്റെ രക്തമാണ്‌.’ (മത്തായി 26:26-28)a ഈ വാക്കുകൾ ഉച്ചരി​ച്ച​പ്പോൾ യേശു വാസ്‌ത​വ​ത്തിൽ അപ്പവും വീഞ്ഞും തന്റെ ശരീര​വും രക്തവും ആക്കി രൂപാ​ന്ത​ര​പ്പെ​ടു​ത്തി എന്നു കത്തോ​ലി​ക്കർ വിശ്വ​സി​ക്കു​ന്നു. എന്നാൽ ന്യൂ കാത്തലിക്ക്‌ എൻ​സൈ​ക്ലോ​പീ​ഡിയ (1967) ഈ മുന്നറി​യി​പ്പു നൽകുന്നു: “‘ഇത്‌ എന്റെ ശരീരം ആണ്‌’ അല്ലെങ്കിൽ ‘ഇത്‌ എന്റെ രക്തം ആണ്‌’ എന്ന വാക്കുകൾ നാം തികച്ചും അക്ഷരീ​യ​മാ​യി എടുക്ക​രുത്‌. . . . കാരണം, ‘കൊയ്‌ത്തു യുഗാന്തം ആണ്‌’ (മത്താ 13.39) അല്ലെങ്കിൽ ‘ഞാൻ സാക്‌ഷാൽ മുന്തി​രി​ച്ചെടി ആണ്‌’ (യോഹ 15.1) എന്ന വാക്കു​ക​ളി​ലെ [“ആണ്‌” എന്ന ക്രിയ​യ്‌ക്ക്‌] സൂചി​പ്പി​ക്കുക അല്ലെങ്കിൽ പ്രതി​നി​ധീ​ക​രി​ക്കുക എന്നേ അർഥമു​ള്ളൂ.” അങ്ങനെ, മത്തായി 26:26-28-ലെ വാക്കുകൾ, ഒടുക്കത്തെ അത്താഴ​വേ​ള​യിൽ അപ്പവും വീഞ്ഞും യേശു​വി​ന്റെ അക്ഷരീയ ശരീര​വും രക്തവും ആയി രൂപാ​ന്ത​ര​പ്പെട്ടു എന്നു തെളി​യി​ക്കു​ന്നില്ല എന്ന്‌ പ്രാമാ​ണിക ഗ്രന്ഥമായ ഈ എൻ​സൈ​ക്ലോ​പീ​ഡിയ പോലും സമ്മതി​ക്കു​ന്നു.

യേശു ഇപ്രകാ​രം പറഞ്ഞത്‌ നിങ്ങൾ ഓർക്കു​ന്നു​ണ്ടാ​യി​രി​ക്കാം: “സ്വർഗ്‌ഗ​ത്തിൽനി​ന്നി​റ​ങ്ങിയ ജീവനുള്ള അപ്പം ഞാനാണ്‌. . . . എന്റെ ശരീരം ഭക്‌ഷി​ക്കു​ക​യും എന്റെ രക്‌തം പാനം ചെയ്യു​ക​യും ചെയ്യു​ന്ന​വനു നിത്യ​ജീ​വ​നുണ്ട്‌.” (യോഹ​ന്നാൻ 6:51, 54) യേശു​വി​നെ ശ്രദ്ധി​ച്ചു​കൊ​ണ്ടി​രുന്ന ചിലർ അവന്റെ വാക്കുകൾ അക്ഷരീ​യ​മാ​യിട്ട്‌ എടുക്കു​ക​യും ഞെട്ടി​ത്ത​രി​ക്കു​ക​യും ചെയ്‌തു. (യോഹ​ന്നാൻ 6:60) എന്നാൽ നമുക്ക്‌ ഇങ്ങനെ ചോദി​ക്കാൻ കഴിയും, ആ വേളയിൽ യേശു തന്റെ മാംസം അപ്പമാക്കി രൂപാ​ന്ത​ര​പ്പെ​ടു​ത്തി​യോ? തീർച്ച​യാ​യും ഇല്ല! അവൻ ആലങ്കാ​രി​ക​മായ അർഥത്തിൽ സംസാ​രി​ക്കുക ആയിരു​ന്നു. അവൻ തന്നെത്തന്നെ അപ്പവു​മാ​യി താരത​മ്യം ചെയ്‌തു. കാരണം തന്റെ ബലിയി​ലൂ​ടെ അവൻ മനുഷ്യ​വർഗ​ത്തി​നു ജീവൻ നൽകു​മാ​യി​രു​ന്നു. യേശു​ക്രി​സ്‌തു​വിൽ വിശ്വാ​സം അർപ്പി​ക്കു​ന്ന​താണ്‌ ഭക്ഷിക്കുക, പാനം ചെയ്യുക എന്നീ വാക്കു​കൾകൊണ്ട്‌ അർഥമാ​ക്കു​ന്നത്‌ എന്ന്‌ യോഹ​ന്നാൻ 6:35, 40 വ്യക്തമാ​യി സൂചി​പ്പി​ക്കു​ന്നു.

കുർബാന കത്തോ​ലി​ക്ക​രു​ടെ ആരാധ​ന​യി​ലെ ഒരു പ്രധാന കർമം ആയതു​കൊണ്ട്‌, തിരു​വെ​ഴു​ത്തു​കൾ അതിനെ പിന്താ​ങ്ങു​ന്നു​ണ്ടെന്ന്‌ ഒരു വ്യക്തി കരുതി​യേ​ക്കാം. എന്നാൽ അവ അതിനെ പിന്താ​ങ്ങു​ന്നില്ല. ദ കാത്തലിക്‌ എൻ​സൈ​ക്ലോ​പീ​ഡിയ (1913-ലെ പതിപ്പ്‌) വിവരിച്ച കാരണം ഇതാണ്‌: “നമ്മുടെ പഠിപ്പി​ക്ക​ലി​ന്റെ മുഖ്യ ഉറവു . . . പാരമ്പ​ര്യ​മാണ്‌. കുർബാ​ന​യാ​കുന്ന ബലിയു​ടെ [അപേക്ഷാ] മൂല്യം നാം പണ്ടുമു​തലേ അംഗീ​ക​രി​ച്ചു​പോ​രു​ന്നു.” അതേ, റോമൻ കത്തോ​ലി​ക്കാ​സ​ഭ​യു​ടെ കുർബാന അധിഷ്‌ഠി​ത​മാ​യി​രി​ക്കു​ന്നതു പാരമ്പ​ര്യ​ത്തി​ലാണ്‌, അല്ലാതെ തിരു​വെ​ഴു​ത്തു​ക​ളിൽ അല്ല.

എത്ര ആത്മാർഥ​ത​യോ​ടെ അനുഷ്‌ഠി​ക്ക​പ്പെ​ടു​ന്ന​താ​ണെ​ങ്കി​ലും ശരി, ബൈബി​ളി​നു വിരു​ദ്ധ​മായ പാരമ്പ​ര്യം ദൈവ​ത്തി​നു സ്വീകാ​ര്യ​മാ​യി​രി​ക്കില്ല. യേശു തന്റെ നാളിലെ മതനേ​താ​ക്ക​ന്മാ​രെ ഇങ്ങനെ പറഞ്ഞു​കൊണ്ട്‌ ശാസിച്ചു: “നിങ്ങളു​ടെ പാരമ്പ​ര്യ​ത്തി​നു​വേണ്ടി ദൈവ​വ​ച​നത്തെ നിങ്ങൾ വ്യർത്ഥ​മാ​ക്കി​യി​രി​ക്കു​ന്നു.” (മത്തായി 15:6) യേശു ദൈവ​വ​ച​ന​ത്തി​നു വിലകൽപ്പി​ച്ചി​രു​ന്ന​തു​കൊണ്ട്‌ വിശു​ദ്ധ​തി​രു​വെ​ഴു​ത്തു​ക​ളു​ടെ വെളി​ച്ച​ത്തിൽ നമുക്കു കുർബാ​നയെ കുറി​ച്ചുള്ള പഠിപ്പി​ക്കൽ പരി​ശോ​ധി​ക്കാം.

ക്രിസ്‌തു ബലിയർപ്പി​ക്ക​പ്പെ​ടു​ന്നു—എത്ര കൂടെ​ക്കൂ​ടെ?

ഓരോ കുർബാ​ന​യു​ടെ സമയത്തും യേശു ബലിയാ​യി അർപ്പി​ക്ക​പ്പെ​ടു​ന്നു​ണ്ടെന്ന്‌ കത്തോ​ലി​ക്കാ സഭ പഠിപ്പി​ക്കു​ന്നു, വാസ്‌ത​വ​ത്തിൽ അവൻ മരിക്കു​ന്നി​ല്ലെ​ന്നും പ്രസ്‌തുത ബലി രക്തം ചൊരി​യ​പ്പെ​ടാത്ത ഒന്നാ​ണെ​ന്നും ഒക്കെ അതോ​ടൊ​പ്പം തറപ്പിച്ചു പറയു​ന്നു​ണ്ടെ​ങ്കി​ലും. ബൈബിൾ ഈ വീക്ഷണ​ത്തോ​ടു യോജി​ക്കു​ന്നു​ണ്ടോ? എബ്രായർ 10:12, 14 വാക്യ​ങ്ങ​ളിൽ പറഞ്ഞി​രി​ക്കു​ന്നതു ശ്രദ്ധി​ക്കുക: “[യേശു​വാ​കട്ടെ] പാപങ്ങൾക്കു​വേണ്ടി എന്നേക്കു​മാ​യുള്ള ഏക ബലി അർപ്പി​ച്ചു​ക​ഴി​ഞ്ഞ​പ്പോൾ ദൈവ​ത്തി​ന്റെ വലത്തു​ഭാ​ഗത്ത്‌ ഉപവി​ഷ്‌ട​നാ​യി. വിശു​ദ്‌ധീ​ക​രി​ക്ക​പ്പെ​ട്ട​വരെ അവൻ ഏകബലി​സ​മർപ്പ​ണം​വഴി എന്നേക്കു​മാ​യി പരിപൂർണ്ണ​രാ​ക്കി​യി​രി​ക്കു​ന്നു.”

എന്നാൽ പരമാർഥ​ഹൃ​ദ​യ​നായ ഒരു കത്തോ​ലി​ക്കൻ ഈ തടസ്സവാ​ദം ഉന്നയി​ച്ചേ​ക്കാം: ‘യേശു തന്നെത്തന്നെ കൂടെ​ക്കൂ​ടെ അർപ്പി​ക്കേ​ണ്ട​തല്ലേ? കാരണം നമ്മളെ​ല്ലാ​വ​രും പലപ്പോ​ഴും പാപം ചെയ്യു​ന്നു​ണ്ട​ല്ലോ.’ ബൈബി​ളി​ന്റെ ഉത്തരം കത്തോ​ലി​ക്ക​രു​ടെ ന്യൂ യരൂശ​ലേം ബൈബി​ളി​ലെ എബ്രായർ 9:25, 26 വാക്യ​ങ്ങ​ളിൽ രേഖ​പ്പെ​ടു​ത്തി​യി​രി​ക്കു​ന്നു: “[ക്രിസ്‌തു] വീണ്ടും വീണ്ടും തന്നെത്തന്നെ സമർപ്പി​ക്കേ​ണ്ട​തില്ല. . . . തന്നെത്തന്നെ ബലിയർപ്പി​ച്ചു​കൊണ്ട്‌ പാപത്തെ നീക്കം ചെയ്യാൻ അവൻ ഒരിക്ക​ലാ​യും എന്നേക്കു​മാ​യും പ്രത്യ​ക്ഷ​പ്പെ​ട്ടി​രി​ക്കു​ന്നു.” ക്രിസ്‌തു “വീണ്ടും വീണ്ടും തന്നെത്തന്നെ സമർപ്പി​ക്കേ​ണ്ട​തില്ല” എന്നു പറഞ്ഞി​രി​ക്കു​ന്നതു പ്രത്യേ​കം ശ്രദ്ധി​ക്കുക. റോമർ 5:19-ൽ അപ്പൊ​സ്‌ത​ല​നായ പൗലൊസ്‌ അതിന്റെ കാരണം വിശദ​മാ​ക്കു​ന്നു: “ഒരു മനുഷ്യ​ന്റെ [ആദാമി​ന്റെ] അനുസ​ര​ണ​ക്കേ​ടി​നാൽ അനേകർ പാപി​ക​ളാ​യി​ത്തീർന്ന​തു​പോ​ലെ ഒരു മനുഷ്യ​ന്റെ [യേശു​വി​ന്റെ] അനുസ​ര​ണ​ത്താൽ [“അനുസ​ര​ണ​ത്തി​ന്റെ​തായ പ്രവൃ​ത്തി​യാൽ,” ന്യൂ യരൂശ​ലേം ബൈബിൾ] അനേകർ നീതി​യു​ള്ള​വ​രാ​കും.” ആദാമി​ന്റെ അനുസ​ര​ണ​ക്കേ​ടി​ന്റെ​തായ ഒറ്റ പ്രവൃത്തി നമ്മെ എല്ലാവ​രെ​യും മരണത്തിന്‌ അടിമ​പ്പെ​ടു​ത്തി; യേശു​വി​ന്റെ ഒറ്റ രക്ഷാകര പ്രവൃത്തി, ആ ബലിയിൽ വിശ്വാ​സം അർപ്പി​ക്കുന്ന ഏവരു​ടെ​യും പാപങ്ങൾ ഇപ്പോൾതന്നെ ക്ഷമിക്ക​പ്പെ​ടു​ന്ന​തി​നും ഭാവി​യിൽ നിത്യ​ജീ​വൻ ആസ്വദി​ക്കു​ന്ന​തി​നും ഉള്ള അടിസ്ഥാ​നം നൽകി.

യേശു ഒരിക്കൽ മാത്രം ബലിയാ​യി അർപ്പി​ക്ക​പ്പെട്ടു അല്ലെങ്കിൽ കൂടെ​ക്കൂ​ടെ ബലിയാ​യി അർപ്പി​ക്ക​പ്പെ​ടു​ന്നു എന്നൊ​ക്കെ​യു​ള്ള​തിൽ എന്തിരി​ക്കു​ന്നു? യേശു​വി​ന്റെ ബലിയു​ടെ മൂല്യ​ത്തോ​ടുള്ള വിലമ​തി​പ്പു​മാ​യി അതു ബന്ധപ്പെ​ട്ടി​രി​ക്കു​ന്നു. നൽക​പ്പെ​ട്ടി​ട്ടു​ള്ള​തി​ലേ​ക്കും ഏറ്റവും മഹത്തായ ദാനം—വളരെ വില​പ്പെ​ട്ട​തും പരിപൂർണ​മാ​യ​തു​മായ ഒരു ദാനം—ആണത്‌. അതു​കൊ​ണ്ടു​തന്നെ അത്‌ ഒരിക്ക​ലും ആവർത്തി​ക്ക​പ്പെ​ടേ​ണ്ട​തി​ല്ലാത്ത ഒന്നാണ്‌.

യേശു​വി​ന്റെ ബലിമ​രണം തീർച്ച​യാ​യും അനുസ്‌മ​രണം അർഹി​ക്കുന്ന ഒന്നാണ്‌. എന്നാൽ ഒരു സംഭവം അനുസ്‌മ​രി​ക്കു​ന്ന​തും ആവർത്തി​ക്കു​ന്ന​തും തമ്മിൽ വ്യത്യാ​സം ഉണ്ട്‌. ഉദാഹ​ര​ണ​ത്തിന്‌, വിവാഹ വാർഷി​കം ആഘോ​ഷി​ക്കുന്ന ഒരു ദമ്പതികൾ തങ്ങൾ വിവാ​ഹി​ത​രായ ദിവസം അനുസ്‌മ​രി​ച്ചേ​ക്കും, എന്നാൽ അവർ ആ ചടങ്ങ്‌ ആവർത്തി​ക്കു​ന്നില്ല. ഓരോ വർഷവും യഹോ​വ​യു​ടെ സാക്ഷികൾ യേശു​വി​ന്റെ മരണത്തി​ന്റെ വാർഷി​കം ആചരി​ക്കു​ന്നു, യേശു കൽപ്പി​ച്ച​തു​പോ​ലെ അവന്റെ “ഓർമ്മ​യ്‌ക്കാ​യി” അതു ചെയ്‌തു​കൊണ്ട്‌, അല്ലാതെ അവനെ ബലി അർപ്പി​ച്ചു​കൊ​ണ്ടല്ല. (ലൂക്കൊസ്‌ 22:19) കൂടാതെ, ഈ ക്രിസ്‌ത്യാ​നി​കൾ തങ്ങളുടെ ജീവി​ത​വും പ്രവൃ​ത്തി​ക​ളും വിശ്വാ​സ​ങ്ങ​ളും വിശുദ്ധ തിരു​വെ​ഴു​ത്തു​കൾക്കു ചേർച്ച​യിൽ കൊണ്ടു​വ​ന്നു​കൊണ്ട്‌ യേശു​ക്രി​സ്‌തു​വി​ലൂ​ടെ യഹോ​വ​യാം ദൈവ​വു​മാ​യി ഒരു ഊഷ്‌മള ബന്ധം വളർത്തി​യെ​ടു​ക്കാൻ വർഷത്തി​ലു​ട​നീ​ളം കഠിന​മാ​യി ശ്രമി​ക്കു​ന്നു.

മിക്ക​പ്പോ​ഴും, അതിനാ​യി അവർക്ക്‌ തങ്ങളുടെ ചിന്താ​ഗ​തി​യിൽ മാറ്റം വരു​ത്തേണ്ടി വരുന്നു. എങ്കിലും, മാനുഷ പാരമ്പ​ര്യ​ത്തി​നു പകരം ദൈവ​വ​ച​നത്തെ വിശ്വ​സ്‌ത​ത​യോ​ടെ പിന്തു​ണ​യ്‌ക്കു​ക​യാ​ണെ​ങ്കിൽ തങ്ങൾ അനു​ഗ്ര​ഹി​ക്ക​പ്പെ​ടും എന്ന അറിവിൽ സാക്ഷികൾ ആനന്ദി​ക്കു​ന്നു. ഏതാണ്ട്‌ രണ്ടായി​രം വർഷം മുമ്പ്‌, ഒരിക്ക​ലാ​യും എന്നേക്കു​മാ​യും ചൊരി​യ​പ്പെട്ട, യേശു​വി​ന്റെ യാഗര​ക്ത​ത്തിൽ വിശ്വാ​സം അർപ്പി​ക്കു​ക​യാ​ണെ​ങ്കിൽ അത്‌ എല്ലാ പാപത്തിൽനി​ന്നും അവരെ ശുദ്ധീ​ക​രി​ക്കു​മെ​ന്നും അവർക്ക്‌ അറിയാം.—1 യോഹ​ന്നാൻ 1:8, 9.

[അടിക്കു​റി​പ്പു​കൾ]

[26-ാം പേജിലെ ചിത്രം]

സെയിന്റ്‌ ജൈൽസ്‌ പള്ളിയി​ലെ കുർബാന (ക്ലോസപ്പ്‌ ചിത്രം)

[കടപ്പാട]

Erich Lessing/Art Resource, NY