“ജീവന്റെ അപ്പം” എല്ലാവർക്കും ലഭ്യം

“ഞാൻ സ്വർഗ്ഗ​ത്തിൽനിന്ന്‌ ഇറങ്ങിവന്ന ജീവനുള്ള അപ്പമാ​കു​ന്നു; ആരെങ്കി​ലും ഈ അപ്പം തിന്നു​ന്നു​വെ​ങ്കിൽ അവൻ എന്നേക്കും ജീവി​ക്കും; യഥാർത്ഥ​ത്തിൽ ഞാൻ കൊടു​ക്കുന്ന അപ്പം ലോക​ത്തി​ന്റെ ജീവനു​വേ​ണ്ടി​യുള്ള എന്റെ മാംസ​മാ​കു​ന്നു.”—യോഹ​ന്നാൻ 6:51.

1. ഇന്നു മനുഷ്യ​വർഗ്ഗത്തെ എന്തു പരിതാ​പ​ക​ര​മായ അവസ്ഥ അഭിമു​ഖീ​ക​രി​ക്കു​ന്നു?

ഭൂമി​യിൽ ഏററവും വ്യാപ​ക​മാ​യി ഭക്ഷിക്ക​പ്പെ​ടുന്ന അപ്പത്താൽ മനുഷ്യ​വർഗ്ഗ​ലോ​കം ദീർഘ​നാൾ പുലർത്ത​പ്പെ​ട്ടി​ട്ടുണ്ട്‌. ഉചിത​മാ​യി അത്‌ ജീവന്റെ മുഖ്യാ​ഹാ​രം എന്ന്‌ വിളി​ക്ക​പ്പെ​ട്ടി​രി​ക്കു​ന്നു. എന്നാൽ ഇന്ന്‌ അപ്പത്തി​നാ​യുള്ള വിശപ്പ്‌ ഒരു പരിതാ​പ​ക​ര​മായ പ്രശ്‌ന​മാ​യി​ത്തീ​ന്നി​രി​ക്കു​ന്നു. വിശപ്പും ക്ഷാമവും ഇപ്പോൾ ഭൂവാ​സി​ക​ളു​ടെ നാലി​ലൊ​ന്നി​നെ ബാധി​ച്ചി​രി​ക്കു​ന്നു. അടുത്ത കാലത്ത്‌ കാനഡാ​യിൽ റെറാ​റ​ണ്ടോ​യി​ലെ ദി ഗ്ലോബ്‌ ആൻഡ്‌ മെയിൽ “യുദ്ധ​ത്തെ​പ്പോ​ലെ, ക്ഷാമത്തി​നും അതിർത്തി​വ​ര​മ്പു​ക​ളില്ല” എന്നു പ്രസ്‌താ​വി​ക്കു​ക​യു​ണ്ടാ​യി. ഈ പത്രം ആഫ്രി​ക്ക​യി​ലെ യൂ. എൻ. അടിയ​ന്തിര പ്രവർത്ത​ന​ങ്ങ​ളു​ടെ ഒരു കാര്യ​നിർവ്വാ​ഹകൻ, “ആഫ്രിക്ക നാം അഭിമു​ഖീ​ക​രി​ച്ചി​ട്ടു​ള്ള​തി​ലേ​ക്കും ഏററവും വലിയ മാനുഷ ദുരന്ത​ങ്ങ​ളി​ലൊ​ന്നി​ന്റെ, ഏററവും വലിയ മാനുഷ വെല്ലു​വി​ളി​ക​ളി​ലൊ​ന്നി​ന്റെ,” വക്കിലാ​ണെന്ന്‌ മുന്നറി​യി​പ്പു നൽകു​ന്ന​താ​യി ഉദ്ധരി​ക്കു​ക​യു​ണ്ടാ​യി.

2, 3. (എ) ഭക്ഷ്യദൗർല​ഭ്യ​ങ്ങൾ ഏത്‌ അടയാ​ള​ത്തി​ന്റെ ഭാഗമാണ്‌? (ബി) ഭക്ഷ്യ​പ്ര​ശ്‌നങ്ങൾ എങ്ങനെ പരിഹ​രി​ക്ക​പ്പെ​ടും? (സി) എന്തും​കൂ​ടെ ആവശ്യ​മാണ്‌, യെശയ്യാവ്‌ 25:8 എന്തു സന്തുഷ്ട​മായ ഉറപ്പ്‌ നൽകുന്നു?

² ഭക്ഷ്യദൗർല്ല​ഭ്യം രാജ്യാ​ധി​കാ​ര​ത്തി​ലുള്ള തന്റെ സന്നിദ്ധ്യ​ത്തി​ന്റെ അടയാ​ള​ത്തി​ന്റെ ഭാഗമാ​യി​രി​ക്കു​മെന്ന്‌ യേശു പ്രവചി​ച്ചു. (മത്തായി 24:3, 7, 32, 33, 25:31, 32; ലൂക്കോസ്‌ 21:11) അവന്റെ രാജ്യം സമീപി​ച്ചി​രി​ക്കു​ന്ന​തിൽ നമുക്ക്‌ എത്ര സന്തുഷ്ട​രാ​യി​രി​ക്കാൻ കഴിയും! താമസി​ക്കാ​തെ, ഈ തേജസ്വി​യായ രാജാവ്‌ മനുഷ്യ​വർഗ്ഗ​ത്തി​ന്റെ സകല ശത്രു​ക്ക​ളെ​യും ജയിച്ച​ട​ക്കു​ക​യും ഇത്ര ക്രൂര​മായ കഷ്ടപ്പാട്‌ വരുത്തി​കൂ​ട്ടിയ രാഷ്‌ട്രീ​യ​വും സാമ്പത്തി​ക​വു​മായ അനീതി​കളെ നീക്കം ചെയ്യു​ക​യും ചെയ്യും, അപ്പോൾ സകല ആളുക​ളും ഓരോ ദിവസ​ത്തേ​ക്കു​മുള്ള അപ്പം ലഭിക്കു​ന്ന​തിൽ സന്തോ​ഷി​ക്കു​ന്ന​താ​യി​രി​ക്കും.—മത്തായി 6:10, 11; 24:21, 22 ദാനി​യേൽ 2:44; സദൃശ​വാ​ക്യ​ങ്ങൾ 29:2.

³ നീതി​യുള്ള ഗവൺമെൻറിൻ കീഴിൽ നമ്മുടെ നല്ല ഭൂമി ഭക്ഷ്യവ​സ്‌തു​ക്ക​ളു​ടെ ഒരു കവി​ഞ്ഞൊ​ഴുക്ക്‌ ഉളവാ​ക്കാൻ കഴിവു​ള്ള​താ​യി​രി​ക്കും, ഇപ്പോ​ഴത്തെ ജനസം​ഖ്യ​യെ​ക്കാൾ വളരെ​യ​ധി​കം പേരെ തൃപ്‌തി​പ്പെ​ടു​ത്താൻ മതിയാ​യ​തു​തന്നെ. (സങ്കീർത്തനം 72:12-14, 16, 18) യഹോവ തന്റെ ജനത്തി​നു​വേണ്ടി നല്ല വസ്‌തു​ക്കൾകൊ​ണ്ടുള്ള ഒരു “വിരുന്ന്‌” ഒരുക്കും. (യെശയ്യാ 25:6) എന്നാൽ മററു ചിലതു​കൂ​ടെ ആവശ്യ​മാണ്‌. വർഷങ്ങൾ കടന്നു​പോ​കു​മ്പോൾ മനുഷ്യർ പിന്നെ​യും രോഗ​ബാ​ധി​ത​രാ​യി മരിക്കു​മോ? സന്തോ​ഷ​പ്ര​ദ​മെന്ന്‌ പറയട്ടെ, യെശയ്യാ 25:8 യഹോ​വയെ സംബന്ധിച്ച്‌ ഇങ്ങനെ തുടർന്ന്‌ പറയുന്നു: “അവൻ യഥാർത്ഥ​ത്തിൽ മരണത്തെ എന്നേക്കും വിഴു​ങ്ങി​ക്ക​ള​യും; പരമാ​ധി​കാ​രി​യാം കർത്താ​വായ യഹോവ തീർച്ച​യാ​യും സകല മുഖങ്ങ​ളിൽനി​ന്നും കണ്ണുനീർ തുടച്ചു​ക​ള​യും.” ഇത്‌ എങ്ങനെ സംഭവി​ക്കു​ന്നു?

യഹോ​വ​യു​ടെ സ്‌നേ​ഹ​പൂർവ്വ​ക​മായ കരുതൽ

4. യഹോവ ഈജി​പ്‌റ​റിൽ ഏതു സ്‌നേ​ഹ​പൂർവ്വ​ക​മായ കരുത​ലിന്‌ ഏർപ്പാടു ചെയ്‌തു?

⁴ യോ​സേഫ്‌ ഈജി​പ്‌റ​റി​ലെ ഭക്ഷ്യവി​ചാ​ര​ക​നാ​യി​രു​ന്ന​പ്പോൾ ധാന്യം സമൃദ്ധ​മാ​യി​രു​ന്നു. കാരണം ഫറവോ​ന്റെ നിയമനം ലഭിച്ച​ശേഷം യോ​സേഫ്‌ മുൻകൂ​ട്ടി പറയപ്പെട്ട ക്ഷാമവർഷ​ങ്ങ​ളി​ലേക്ക്‌ ജ്ഞാനപൂർവ്വം ഒരുക്കം ചെയ്‌തു. യഹോവ സ്‌നേ​ഹ​പൂർവ്വം തന്റെ അനു​ഗ്ര​ഹങ്ങൾ വർദ്ധി​പ്പി​ച്ചു. (ഉല്‌പത്തി 41:49) എല്ലാവർക്കും സമൃദ്ധി ഉണ്ടായി​രു​ന്നു, കുറെ മിച്ചം വെക്കാ​നു​മു​ണ്ടാ​യി​രു​ന്നു. യോ​സേ​ഫി​ന്റെ പിതാ​വാ​യി​രുന്ന യാക്കോബ്‌ അവന്റെ സഹോ​ദ​രൻമാ​രും യോ​സേ​ഫി​നോ​ടു ചേരാൻ ഈജി​പ്‌റ​റി​ലേക്കു വന്നപ്പോൾ അവർക്ക്‌ ദിവ്യ​ക​രു​ത​ലിൽനിന്ന്‌ അതിയായ പ്രയോ​ജനം ലഭിച്ചു. ആ യിസ്രാ​യേ​ല്യർ പുളി​പ്പിച്ച കോത​മ്പു​മാ​വു​കൊ​ണ്ടുള്ള അപ്പത്തെ​യും ഇവിടെ വച്ചു സുപരി​ചി​ത​മാ​ക്കി​യി​രി​ക്കു​മെന്ന​തി​നു സംശയ​മില്ല, കാരണം പ്രത്യ​ക്ഷ​ത്തിൽ അത്‌ ഉത്ഭവി​ച്ചത്‌ അവി​ടെ​യാണ്‌

5. (എ) യഹോവ മരുഭൂ​മി​യിൽ എങ്ങനെ ആഹാരം പ്രദാനം ചെയ്‌തു? (ബി) ഈ അനു​ഗ്ര​ഹ​ത്തിൽ ആർ യിസ്രാ​യേ​ലി​നോ​ടു​കൂ​ടെ പങ്കുപ​ററി, എന്തു​കൊണ്ട്‌?

⁵ പിന്നീട്‌, യഹോവ തന്റെ ജനത്തി​നു​വേണ്ടി സ്‌നേ​ഹ​പൂർവ്വ​ക​മായ കൂടുതൽ കരുത​ലു​കൾ ചെയ്‌തു. ഇത്‌ ദശലക്ഷ​ക്ക​ണ​ക്കിന്‌ യിസ്രാ​യേ​ല്യർ ഈജി​പ്‌റ​റു​വിട്ട്‌ സീനായി മരുഭൂ​മി​യി​ലൂ​ടെ കടന്നു​പോ​യ​പ്പോ​ഴാ​യി​രു​ന്നു. ആ കരിഞ്ഞ, പരുപ​രുത്ത, മരുഭൂ​മി​യിൽ, ഈ വലിയ പുരു​ഷാ​ര​ത്തിന്‌ എങ്ങനെ ഉപജീ​വനം കണ്ടെത്താൻ കഴിയും? അവരുടെ വിശ്വാ​സ​രാ​ഹി​ത്യം നിമിത്തം യഹോവ കോപി​ച്ചെ​ങ്കി​ലും, അവൻ “ആകാശ​ത്തി​ന്റെ വാതി​ലു​കൾ തന്നെ തുറന്നു. അവൻ അവർക്ക്‌ തിന്നാൻ മന്നാ പൊഴി​ച്ചു​കൊ​ടു​ത്തു​കൊ​ണ്ടി​രു​ന്നു, അവൻ അവർക്ക്‌ സ്വർഗ്ഗ​ത്തി​ലെ ധാന്യം കൊടു​ത്തു.” നീണ്ട 40 വർഷക്കാ​ലം “അവൻ സ്വർഗ്ഗ​ത്തിൽനി​ന്നുള്ള അപ്പത്താൽ അവരെ തൃപ്‌തി​പ്പെ​ടു​ത്തി​ക്കൊ​ണ്ടി​രു​ന്നു.” (സങ്കീർത്തനം 78:22-24; 105:40; പുറപ്പാട്‌ 16:4, 5, 31, 35) എന്നാൽ മന്നാ തിന്നത്‌ യിസ്രാ​യേ​ല്യർ മാത്ര​മ​ല്ലെന്ന്‌ മറക്കരത്‌. യിസ്രാ​യേ​ല്യ​ര​ല്ലാത്ത “ഒരു വലിയ സമ്മി​ശ്ര​സം​ഘ​വും” യഹോ​വ​യിൽ വിശ്വാ​സ​മർപ്പി​ക്കു​ക​യും ഈജി​പ്‌റ​റിൽനിന്ന്‌ അവരോ​ടു​കൂ​ടെ പുറ​പ്പെ​ട്ടു​പോ​കു​ക​യും ചെയ്‌തു. ദൈവം അവർക്കും മന്നാ കൊടു​ത്തു.—പുറപ്പാട്‌ 12:38.

6. (എ) മനുഷ്യന്‌ ഏതു കൂടിയ ആവശ്യ​മുണ്ട്‌, എന്തു​കൊണ്ട്‌? (ബി) യിസ്രാ​യേ​ലി​ന്റെ യാഗങ്ങൾ എന്തിനെ ദൃഢീ​ക​രി​ച്ചു, അവ എന്തിനെ മുൻനി​ഴ​ലാ​ക്കി?

⁶ എന്നുവ​രി​കി​ലും, മനുഷ്യ​വർഗ്ഗ​ത്തിന്‌ “സ്വർഗ്ഗ​ത്തിൽനി​ന്നുള്ള” അക്ഷരീയ “അപ്പ”ത്തെക്കാൾ കൂടിയ ഒരു ആവശ്യം എല്ലായ്‌പ്പോ​ഴും ഉണ്ടായി​രു​ന്നി​ട്ടുണ്ട്‌. അത്ഭുത​ക​ര​മാ​യി പ്രദാനം ചെയ്യപ്പെട്ട മന്നാ തിന്നവർ പോലും പ്രായം​ചെന്നു മരിച്ചു. എന്തു​കൊ​ണ്ടെ​ന്നാൽ മമനു​ഷ്യ​ന്റെ അവകാ​ശ​പ്പെ​ടു​ത്തിയ പാപാവസ്ഥ, അവന്റെ ആഹാര​മെ​ന്താ​യി​രു​ന്നാ​ലും, മരണം അനിവാ​ര്യ​മാ​ക്കി​ത്തീർക്കു​ന്നു. (റോമർ 5:12) യിസ്രാ​യേ​ലി​ന്റെ ബലികൾ ദൈവ​വു​മാ​യുള്ള ഒരു നല്ല ബന്ധം നിലനിർത്തു​ന്ന​തി​നുള്ള ഒരു വഴി​പ്ര​ദാ​നം ചെയ്‌തു. എന്നാൽ ആ ബലികൾ ആ ജനതയു​ടെ പാപപൂർണ്ണ​ത​യെ​യും ദൃഢീ​ക​രി​ച്ചു. അവയ്‌ക്കു “ഒരു സമയത്തും പാപത്തെ നീക്കം ചെയ്യാൻ കഴിവു​ണ്ടാ​യി​രു​ന്നില്ല.” കൂടാതെ, ആ യാഗങ്ങൾ യേശു​വി​ന്റെ “ഏകയാഗ”ത്തെ മുൻനി​ഴ​ലാ​ക്കി​ക്കാ​ണി​ച്ചു, ആ യാഗമാണ്‌ പാപങ്ങളെ “സ്ഥിരമാ​യി” നീക്കം ചെയ്യു​ന്നത്‌. യേശു സ്വർഗ്ഗ​ത്തി​ലെ തന്റെ ഉയർന്ന സ്ഥാനത്തു​നിന്ന്‌ ആ ബലിയു​ടെ പുണ്യം പ്രയോ​ഗി​ക്കാൻ ഇപ്പോൾ കഴിവു​ള്ള​വ​നാണ്‌.—എബ്രായർ 10:1-4, 11-13.

“സ്വർഗ്ഗ​ത്തിൽ നിന്നുള്ള യഥാർത്ഥ അപ്പം”

7. (എ) യോഹ​ന്നാൻ 6-ാം അദ്ധ്യാ​യ​ത്തി​ലെ യേശു​വി​ന്റെ വാക്കു​കളെ ഏതു പുതിയ സാഹച​ര്യ​ത്തിൽ വീക്ഷി​ക്കേ​ണ്ട​താണ്‌? (ബി) യേശു ജനക്കൂ​ട്ടത്തെ ശാസി​ച്ച​തെ​ന്തു​കൊണ്ട്‌

⁷ ഇപ്പോൾ നമുക്ക്‌ യോഹ​ന്നാൻ 6-ാം അദ്ധ്യാ​യ​ത്തി​ലേക്ക്‌ തിരി​യാം. യേശു​വി​ന്റെ ഇവിടത്തെ പ്രസ്‌താ​വ​നകൾ 5-ാം അദ്ധ്യാ​യ​ത്തിൽ രേഖ​പ്പെ​ടു​ത്തി​യി​രി​ക്കു​ന്ന​തി​ന്റെ തുടർച്ചയല്ല. സന്ദർഭം വ്യത്യ​സ്‌ത​മാണ്‌, കാരണം മറെറാ​രു വർഷം കടന്നു​പോ​യി​രു​ന്നു. ഇപ്പോൾ പൊതു​യു​ഗം 32 ആണ്‌. രംഗം യരൂശ​ലേ​മി​ലെ സ്വയനീ​തി​ക്കാ​രായ യഹൂദൻമാ​രു​ടെ ഇടയിലല്ല, പിന്നെ​യോ ഗലീല​യി​ലെ സാധാരണ ജനങ്ങളു​ടെ ഇടയി​ലാണ്‌. യേശു അഞ്ചു യവത്തപ്പ​വും രണ്ടു ചെറിയ മീനും കൊണ്ട്‌ 5000 പുരു​ഷൻമാ​രെ പോഷി​പ്പിച്ച അത്ഭുതം ചെയ്‌തു കഴിഞ്ഞ​തേ​യു​ണ്ടാ​യി​രു​ന്നു​ള്ളു. അടുത്ത​ദി​വസം മറെറാ​രു സൗജന്യ ഭക്ഷണം പ്രതീ​ക്ഷി​ച്ചു​കൊണ്ട്‌ ജനക്കൂട്ടം യേശു​വി​നെ പിന്തു​ട​രു​ന്നു. അതു​കൊണ്ട്‌ യേശു അവരോ​ടു പറയുന്നു: “നിങ്ങൾ അടയാ​ളങ്ങൾ കണ്ടതു​കൊ​ണ്ടല്ല, പിന്നെ​യോ നിങ്ങൾ അപ്പം തിന്നു തൃപ്‌ത​രാ​യ​തു​കൊ​ണ്ടാണ്‌ എന്നെ അന്വേ​ഷി​ക്കു​ന്നത്‌. നശിക്കുന്ന ആഹാര​ത്തി​നാ​യി​ട്ടല്ല, നിത്യ​ജീ​വ​നു​വേണ്ടി നിലനിൽക്കുന്ന ആഹാര​ത്തി​നാ​യി പ്രവർത്തി​ക്കുക.” തന്നിൽ വിശ്വാ​സം പ്രകട​മാ​ക്കുന്ന എല്ലാവർക്കും അങ്ങനെ​യുള്ള ആഹാരം കൊടു​ക്കാ​നാണ്‌ യേശു​വി​നെ പിതാവ്‌ അയച്ചി​രു​ന്നത്‌. “അത്‌ സ്വർഗ്ഗ​ത്തിൽനി​ന്നുള്ള യഥാർത്ഥ അപ്പ”മായി​രി​ക്കും. അതിന്‌ പുരാതന യിസ്രാ​യേ​ല്യർ തിന്ന അക്ഷരീയ മന്നാ​യെ​ക്കാൾ നിലനിൽക്കുന്ന ഫലങ്ങൾ ഉണ്ടായി​രി​ക്കും.—യോഹ​ന്നാൻ 6:26-32.

8. ഒരുവന്‌ എങ്ങനെ നിത്യ​ജീ​വൻ പ്രാപി​ക്കാൻ കഴിയും?

⁸ ആ “ആഹാര”ത്തിൽനി​ന്നു ലഭിക്കുന്ന പ്രയോ​ജ​ന​ങ്ങളെ കൂടു​ത​ലാ​യി വിശദീ​ക​രി​ച്ചു​കൊണ്ട്‌ യേശു പറയുന്നു: “ഞാനാണ്‌ ജീവന്റെ അപ്പം. എന്റെ അടുക്കൽ വരുന്ന​വന്‌ അശേഷം വിശക്കു​ക​യില്ല, എന്നിൽ വിശ്വാ​സം പ്രകട​മാ​ക്കു​ന്ന​വന്‌ ഒരിക്ക​ലും അശേഷം ദാഹി​ക്കു​ക​യില്ല. . . .എന്തെന്നാൽ പുത്രനെ നോക്കി​ക്കൊണ്ട്‌ അവനിൽ വിശ്വാ​സം പ്രകട​മാ​ക്കുന്ന ഏവനും നിത്യ​ജീ​വൻ ലഭിക്ക​ണ​മെ​ന്നു​ള്ളത്‌ എന്റെ പിതാ​വി​ന്റെ ഇഷ്ടമാ​കു​ന്നു, ഞാൻ അവനെ അവസാ​ന​നാ​ളിൽ ഉയിർപ്പി​ക്കും.”—യോഹ​ന്നാൻ 6:35-40.

9, 10. (എ) “ജീവന്റെ അപ്പം” മന്നായിൽനി​ന്നു വ്യത്യ​സ്‌ത​മാ​യി​രി​ക്കു​ന്ന​തെ​ങ്ങനെ? (ബി) യോഹ​ന്നാൻ 6:42-51 അനുസ​രിച്ച്‌ യേശു ആർക്കു തന്റെ മാംസം കൊടു​ത്തു? (സി) ഇവർ അവന്റെ ‘മാംസം തിന്നുന്ന’തെങ്ങനെ?

⁹ ഭൗതി​കാ​സ​ക്ത​രാ​യി​രുന്ന ആ യഹൂദൻമാർ ആ വാക്കു​ക​ളോ​ടെ​തിർക്കു​ന്നു. അവർ യേശു​വി​നെ യോ​സേ​ഫി​ന്റെ​യും മറിയ​യു​ടെ​യും പുത്ര​നാ​യി മാത്രമേ വീക്ഷി​ക്കു​ന്നു​ള്ളു. യേശു അവർക്കു മുന്നറി​യി​പ്പു കൊടു​ക്കു​ന്നു. “നിങ്ങളു​ടെ ഇടയിലെ പിറു​പി​റു​പ്പു​നിർത്തുക. എന്നെ അയച്ച പിതാവ്‌ ആകർഷി​ക്കാ​ത്ത​പക്ഷം യാതൊ​രു​വ​നും എന്റെ അടുക്കൽ വരാൻ കഴിയു​ന്നതല്ല; ഞാൻ അവനെ അവസാ​ന​നാ​ളിൽ ഉയർപ്പി​ക്കും.” പിന്നീട്‌ അവൻ ഇങ്ങനെ ആവർത്തി​ക്കു​ന്നു: “ഞാനാണ്‌ ജീവന്റെ അപ്പം. നിങ്ങളു​ടെ പൂർവ്വ​പി​താ​ക്കൻമാർ മരുഭൂ​മി​യിൽ മന്നാ ഭക്ഷിച്ചി​ട്ടും മരിച്ചു. ഇത്‌ സ്വർഗ്ഗ​ത്തിൽനി​ന്നു ഇറങ്ങി​വ​രുന്ന അപ്പമാ​കു​ന്നു, തന്നിമി​ത്തം ഏതൊ​രു​വ​നും ഇത്‌ ഭക്ഷിച്ചിട്ട്‌ മരിക്കാ​തി​രി​ക്കാ​വു​ന്ന​താണ്‌. ഞാൻ സ്വർഗ്ഗ​ത്തിൽനിന്ന്‌ ഇറങ്ങിവന്ന ജീവനുള്ള അപ്പമാ​കു​ന്നു; ആരെങ്കി​ലും ഈ അപ്പം തിന്നു​ന്നു​വെ​ങ്കിൽ അവൻ എന്നേക്കും ജീവി​ക്കും; യഥാർത്ഥ​ത്തിൽ ഞാൻ കൊടു​ക്കുന്ന അപ്പം ലോക​ത്തി​ന്റെ ജീവനു​വേ​ണ്ടി​യുള്ള എന്റെ മാംസ​മാ​കു​ന്നു.”—യോഹാ​ന്നാൻ 6:42-51.

¹⁰ തൽഫല​മാ​യി, യേശു തന്റെ മാംസം കൊടു​ത്തത്‌ “ലോക​ത്തി​ന്റെ ജീവനു​വേണ്ടി”യായി​രു​ന്നു—വീണ്ടെ​ടു​ക്ക​പ്പെ​ടാ​വുന്ന മുഴു​മ​നു​ഷ്യ​വർഗ്ഗ​ലോ​ക​ത്തി​നും​വേണ്ടി. യേശു​വി​ന്റെ ബലിയു​ടെ വീണ്ടെ​ടു​പ്പു ശക്തിയിൽ വിശ്വാ​സം പ്രടമാ​ക്കു​ന്ന​തി​നാൽ പ്രതീ​കാ​ത്മ​ക​മാ​യി ആ “അപ്പം”തിന്നുന്ന, മനുഷ്യ​വർഗ്ഗ​ലോ​ക​ത്തി​ലെ ഏതൊ​രു​വ​നും നിത്യ​ജീ​വ​നി​ലേ​ക്കുള്ള വഴിയിൽ പ്രവേ​ശി​ക്കാ​വു​ന്ന​താണ്‌. ഇവിടെ, മരുഭൂ​മി​യിൽ വച്ച്‌ മന്നാ ഭക്ഷിക്കു​ന്ന​തിൽ യിസ്രാ​യേ​ല്യ​രു​മാ​യി പങ്കു​ചേർന്ന “വലിയ സമ്മി​ശ്ര​സം​ഘം” യേശു​വി​ന്റെ “വേറെ ആടുകളാ”യ മഹാപു​രു​ഷാ​രത്തെ മുൻനി​ഴ​ലാ​ക്കി​ക്കാ​ണി​ച്ചു. അവർ “ദൈവ​ത്തി​ന്റെ യിസ്രാ​യേലി”ന്റെ അഭിഷിക്ത ശേഷി​പ്പി​നോ​ടു ചേർന്നു ഒരു ആലങ്കാ​രി​ക​വി​ധ​ത്തിൽ യേശു​വി​ന്റെ മാംസം ഭക്ഷിക്കു​ന്നു. യേശു​വി​ന്റെ ബലിയിൽ വിശ്വാ​സം പ്രകട​മാ​ക്കു​ന്ന​തി​നാ​ലാണ്‌ അവർ ഇതു ചെയ്യു​ന്നത്‌.—ഗലാത്യർ 6:16; റോമർ 10:9, 10.

11. യേശു​വി​ന്റെ ഏതു കൂടു​ത​ലായ വാക്കുകൾ യഹൂദൻമാ​രെ ഞെട്ടിച്ചു, എന്തു​കൊണ്ട്‌?

¹¹ ഗലീല​യിൽ യേശു​വി​ന്റെ ശ്രോ​താ​ക്ക​ളിൽപെട്ട അനേകർ ഈ സംസാ​ര​ത്തിൽ ഞെട്ടി​പ്പോ​കു​ന്നു. തന്റെ മാംസ​മെന്ന വിഷയ​ത്തെ​ക്കു​റി​ച്ചു​തന്നെ സംസാ​രി​ച്ചു​കൊണ്ട്‌ അവൻ ഒരു പടികൂ​ടെ കടന്ന്‌ അവരോ​ടു പറയുന്നു: “ഏററവും സത്യമാ​യി ഞാൻ നിങ്ങ​ളോ​ടു പറയുന്നു, നിങ്ങൾ മനുഷ്യ​പു​ത്രന്റെ മാംസം തിന്നാ​തെ​യും അവന്റെ രക്തം കുടി​ക്കാ​തെ​യു​മി​രി​ക്കുന്ന പക്ഷം നിങ്ങൾക്ക്‌ നിങ്ങളിൽതന്നെ ജീവനില്ല. എന്റെ മാംസം​തി​ന്നു​ക​യും എന്റെ രക്തം കുടി​ക്കു​ക​യും ചെയ്യു​ന്ന​വന്‌ നിത്യ​ജീ​വ​നുണ്ട്‌, ഞാൻ അവനെ അവസാ​ന​നാ​ളിൽ ഉയിർപ്പി​ക്കും; എന്തെന്നാൽ എന്റെ മാംസം യഥാർത്ഥ ഭക്ഷണവും എന്റെ രക്തം യഥാർത്ഥ​പാ​നീ​യ​വു​മാ​കു​ന്നു.” (യോഹ​ന്നാൻ 6:53-55) തീർച്ച​യാ​യും ഞെട്ടി​ക്കു​ന്ന​തു​തന്നെ. ആ യഹൂദൻമാർക്ക്‌ നരഭോ​ജി​ക​ളാ​യി​രി​ക്കു​ക​യെന്ന ആശയം അറപ്പാ​യി​രു​ന്നു​വെന്നു മാത്രമല്ല, ലേവ്യ​പു​സ്‌തകം 17:14 ലെ നിയമം “യാതൊ​രു​തരം മാംസ​ത്തി​ന്റെ​യും രക്തം” ഭക്ഷിക്കു​ന്ന​തി​നെ സുനി​ശ്ചി​ത​മാ​യി വിലക്കു​ക​യും ചെയ്‌തി​രു​ന്നു.

12. (എ) യേശു ഇവിടെ എന്തിനെ ദൃഢീ​ക​രി​ക്കു​ന്നു? (ബി) ഇത്‌ യേശു​വി​ന്റെ കൂട്ടവ​കാ​ശി​കൾക്കു പരിമി​ത​പ്പെ​ടു​ത്തി​യി​ട്ടി​ല്ലെന്ന്‌ ഏതു തിരു​വെ​ഴു​ത്തു​കൾ തെളി​യി​ക്കു​ന്നു?

¹² തീർച്ച​യാ​യും, നിത്യ​ജീ​വൻ പ്രാപി​ക്കേണ്ട എതൊ​രു​വ​നും യേശു തന്റെ പൂർണ്ണ​മാ​നു​ഷ​ശ​രീ​രം അർപ്പി​ച്ചു​കൊ​ണ്ടും തന്റെ ജീവരക്തം ചൊരി​ഞ്ഞു​കൊ​ണ്ടും പിന്നീടു നടത്തിയ ബലിയിൽ വിശ്വാ​സം പ്രകട​മാ​ക്കു​ന്ന​തി​ന്റെ അടിസ്ഥാ​ന​ത്തിൽ അങ്ങനെ ചെയ്യേ​ണ്ട​താ​ണെന്ന്‌ അവൻ ഇവിടെ ഊന്നി​പ്പ​റ​യു​ക​യാണ്‌. (എബ്രായർ 10:5, 10; 1 പത്രോസ്‌ 1:18, 19; 2:24) ഈ കരുതൽ യേശു​വി​ന്റെ കൂട്ടവ​കാ​ശി​കൾക്കാ​യി പരിമി​ത​പ്പെ​ടു​ത്തി​യി​ട്ടില്ല. അതിൽ “മഹോ​പ​ദ്രവ”ത്തെ അതിജീ​വി​ക്കുന്ന “മഹാപു​രു​ഷാര”വും ഉൾപ്പെ​ടേ​ണ്ട​താണ്‌, എന്തെന്നാൽ അവരും “കുഞ്ഞാ​ടി​ന്റെ രക്തത്തിൽ തങ്ങളുടെ അങ്കികൾ അലക്കി​വെ​ളു​പ്പി​ച്ചി​രി​ക്കു​ന്നു.” അവർ ദൈവ​ത്തി​നു “വിശു​ദ്ധ​സേ​വനം” അർപ്പി​ക്കു​ന്ന​തി​നാ​ലും പ്രകട​മാ​ക്ക​പ്പെ​ടുന്ന പ്രകാരം, യേശു​വി​ന്റെ ബലിയി​ലുള്ള അവരുടെ വിശ്വാ​സം ഭൂമി​യി​ലെ ഏററവും വലിയ അരിഷ്ട​ത​യു​ടെ കാലത്ത്‌ അവർ സംരക്ഷി​ക്ക​പ്പെ​ടു​ന്ന​തിൽ കലാശി​ക്കു​ന്നു. അതു​പോ​ലെ​തന്നെ, യോശു​വാ യരീ​ഹോ​യെ നശിപ്പി​ച്ച​പ്പോൾ രാഹാബ്‌ നീതി​യു​ള്ള​വ​ളെന്ന്‌ പ്രഖ്യാ​പി​ക്ക​പ്പെ​ടു​ക​യും അതിജീ​വി​ക്കു​ക​യും ചെയ്‌തു.—വെളി​പ്പാട്‌ 7:9, 10, 14, 15; യോശു​വാ 6:16, 17; യാക്കോബ്‌ 2:25.

“നിങ്ങളിൽതന്നെ ജീവൻ”

13. (എ) യോഹ​ന്നാൻ 5:26-ഉം 6:53-ഉം താരത​മ്യ​പ്പെ​ടു​ത്തു​മ്പോൾ എന്തു ശ്രദ്ധി​ക്കേ​ണ്ട​താണ്‌? (ബി) ഏതു സാധാരണ ഗ്രീക്ക്‌ വ്യാകരണ ഘടന യോഹ​ന്നാൻ 6:53 മനസ്സി​ലാ​ക്കാൻ നമ്മെ സഹായി​ക്കു​ന്നു? (സി) അതു​കൊണ്ട്‌, “നിങ്ങളിൽതന്നെ ജീവൻ” ഉണ്ടായി​രി​ക്കു​ക​യെ​ന്നാൽ അർത്ഥ​മെന്ത്‌, ഈ വാക്കുകൾ ആർക്കു ബാധക​മാ​കു​ന്നു?

¹³ യോഹ​ന്നാൻ 6:53, 54-ൽ യേശു “നിത്യ​ജീ​വനെ”യും “നിങ്ങളിൽത​ന്നെ​യുള്ള ജീവ​നെ​യും” തുല്യ​മാ​യി കരുതു​ന്നു. അതു​കൊണ്ട്‌, ഈ സന്ദർഭ​ത്തിൽ “നിങ്ങളിൽത​ന്നെ​യുള്ള ജീവൻ” എന്ന പദപ്ര​യോ​ഗ​ത്തിന്‌ യേശു യോഹ​ന്നാൻ 5:26-ൽ ഉപയോ​ഗി​ച്ചി​രി​ക്കു​ന്ന​തിൽനിന്ന്‌ വ്യത്യ​സ്‌ത​മായ ഒരു അർത്ഥമു​ള്ള​താ​യി തോന്നു​ന്നു. “നിങ്ങളിൽത​ന്നെ​യുള്ള ജീവൻ” എന്നതിലെ വ്യാകരണ ഘടനയുള്ള പദപ്ര​യോ​ഗങ്ങൾ ഗ്രീക്ക്‌ തിരു​വെ​ഴു​ത്തു​ക​ളിൽ മററു ചിലട​ങ്ങ​ളി​ലും കാണു​ന്നുണ്ട്‌. ദൃഷ്ടാ​ന്ത​മാ​യി, “നിങ്ങളിൽതന്നെ ഉപ്പുണ്ടാ​യി​രി​ക്കുക” (മർക്കോസ്‌ 9:50) “തങ്ങളിൽതന്നെ പൂർണ്ണ​പ്ര​തി​ഫലം ലഭിക്കുക.” (റോമർ 1:27)a ഈ ദൃഷ്ടാ​ന്ത​ങ്ങ​ളിൽ, ഈ പദപ്ര​യോ​ഗം മററു​ള്ള​വർക്ക്‌ ഉപ്പോ പ്രതി​ഫ​ല​മോ കൊടു​ക്കു​ന്ന​തി​നുള്ള അധികാ​രത്തെ സൂചി​പ്പി​ക്കു​ന്നില്ല. പകരം, ആന്തരിക തികവോ, നിറവോ സൂചി​പ്പി​ക്ക​പ്പെ​ടു​ന്നു. അതു​കൊണ്ട്‌ യോഹ​ന്നാൻ 6:53-ന്റെ സന്ദർഭ​മ​നു​സ​രിച്ച്‌ “നിങ്ങളിൽതന്നെ ജീവൻ” ഉണ്ടായി​രി​ക്കു​ക​യെ​ന്ന​തി​ന്റെ അർത്ഥം ഒടുവിൽ ജീവന്റെ പൂർണ്ണ​ത​യിൽതന്നെ എത്തുക​യെ​ന്നാണ്‌. രാജ്യാ​വ​കാ​ശി​ക​ളു​ടെ ചെറിയ ആട്ടിൻകൂ​ട്ട​ത്തിന്‌ സ്വർഗ്ഗ​ത്തി​ലേ​ക്കുള്ള അവരുടെ പുനരു​ത്ഥാ​ന​ത്തി​ങ്കിൽ ഇത്‌ അനുഭ​വ​പ്പെ​ടു​ന്നു. “വേറെ ആടുകൾ”ക്ക്‌ ആയിര​വർഷ​ത്തി​ന്റെ അവസാ​ന​ത്തി​നു​ശേഷം അവർ പരി​ശോ​ധി​ക്ക​പ്പെ​ടു​ക​യും പരദീ​സാ​ഭൂ​മി​യി​ലെ നിത്യ​ജീ​വന്‌ നീതി​മാൻമാ​രെന്ന്‌ പ്രഖ്യാ​പി​ക്ക​പ്പെ​ടു​ക​യും ചെയ്യു​മ്പോൾ അതനു​ഭ​വ​പ്പെ​ടു​ന്നു.—1 യോഹ​ന്നാൻ 3:2; വെളി​പ്പാട്‌ 20:4, 5.

14. വേറെ ആർക്കും “സ്വർഗ്ഗ​ത്തിൽനി​ന്നുള്ള അപ്പ”ത്തിൽനിന്ന്‌ പ്രയോ​ജനം കിട്ടും, എങ്ങനെ?

¹⁴ മററു​ള്ള​വർക്കും “സ്വർഗ്ഗ​ത്തിൽനി​ന്നുള്ള അപ്പ”ത്തിൽ നിന്ന്‌ പ്രയോ​ജ​ന​മ​നു​ഭ​വി​ക്കാൻ കഴിയും. ‘തന്റെ മാംസം തിന്നു​ക​യും രക്തം കുടി​ക്കു​ക​യും’ ചെയ്‌താ​ലും മരിക്കു​ന്ന​വ​നെ​ക്കു​റിച്ച്‌ “ഞാൻ അവനെ അവസാ​ന​നാ​ളിൽ ഉയിർപ്പി​ക്കു”മെന്ന്‌ യേശു പറയു​ക​യു​ണ്ടാ​യി. മരണത്തിൽ നിദ്ര​കൊ​ള്ളുന്ന അഭിഷിക്ത ക്രിസ്‌ത്യാ​നി​കൾ, “അന്ത്യകാ​ഹളം” മുഴക്കുന്ന വേളയിൽ ഉയിർപ്പി​ക്ക​പ്പെ​ടു​മെന്ന്‌ മനസ്സി​ലാ​ക്ക​പ്പെ​ടു​ന്നു. അതു സംഭവി​ക്കു​ന്നത്‌ യേശു​ക്രി​സ്‌തു​വി​ന്റെ രാജ്യ​മ​ഹ​ത്വ​ത്തി​ലെ “പ്രത്യക്ഷ

ത”യുടെ കാലത്താണ്‌. (1 കൊരി​ന്ത്യർ 15:52; 2 തിമൊ​ഥെ​യോസ്‌ 4:1, 8) എന്നാൽ മരണത്തിൽ നിദ്ര​പ്രാ​പി​ക്കുന്ന, “വേറെ ആടുക​ളാ​യി”ത്തീരാ​നു​ള്ള​വരെ സംബന്ധി​ച്ചെന്ത്‌? ലാസറി​ന്റെ മരണസ​മ​യത്തെ മാർത്ത​യു​ടെ വാക്കുകൾ ഇവിടെ താൽപ്പ​ര്യ​ജ​ന​ക​മാണ്‌, എന്തു​കൊ​ണ്ടെ​ന്നാൽ ദൈവ​ഭ​യ​മുള്ള യഹൂദൻമാർക്ക്‌ ഒരു ഭൗമിക പുനരു​ത്ഥാ​ന​മ​ല്ലാ​തെ മറെറാ​രു പ്രത്യാ​ശ​യി​ല്ലാ​യി​രു​ന്നു. “അവസാ​ന​നാ​ളി​ലെ പുനരു​ത്ഥാ​ന​ത്തിൽ അവൻ [ലാസർ] ഉയിർക്കു​മെന്ന്‌ എനിക്ക​റി​യാം” എന്ന വാക്കു​ക​ളിൽ മാർത്ത​യു​ടെ വിശ്വാ​സം പ്രകട​മാ​ക്ക​പ്പെട്ടു. (യോഹ​ന്നാൻ 11:24) അതു​കൊണ്ട്‌ ക്രിസ്‌തു​വി​ന്റെ സാന്നി​ദ്ധ്യ​കാ​ലത്ത്‌ ഇപ്പോൾ ജീവി​ക്കുന്ന നമുക്ക്‌, മരണത്തിൽ നിദ്ര​കൊ​ള്ളുന്ന “മഹാപു​രു​ഷാര”ത്തിൽ പെട്ട വിശ്വ​സ്‌തർക്ക്‌ ഇവിടെ ഭൂമി​യിൽ നേര​ത്തെ​യുള്ള ഒരു പുനരു​ത്ഥാ​നം ലഭിക്കു​മെന്ന്‌ പ്രത്യാ​ശി​ക്കാൻ കഴിയു, തന്നിമി​ത്തം അവർക്ക്‌ നിത്യ​ജീ​വൻ മുന്നിൽ കണ്ടു​കൊണ്ട്‌ വീണ്ടും “സ്വർഗ്ഗ​ത്തിൽ നിന്നുള്ള അപ്പം” ഭക്ഷിക്കാൻ കഴിയും. അത്‌ എത്ര മഹത്തായ പ്രത്യാ​ശ​യാണ്‌, യേശു​തന്നെ മരണത്തിൽനിന്ന്‌ ഉയിർപ്പി​ക്ക​പ്പെ​ട്ട​തി​നാൽ ഉറപ്പാ​ക്ക​പ്പെട്ട ഒരു പ്രത്യാശ!—1 കൊരി​ന്ത്യർ 15:3-8.

“ക്രിസ്‌തു​വി​നോ​ടുള്ള ഐക്യ”ത്തിൽ

15. “ക്രിസ്‌തു​വി​നോ​ടുള്ള ഐക്യ​ത്തിൽ” എന്ന യേശു​വി​ന്റെ വാക്കുകൾ ആർക്കു ബാധക​മാ​കു​ന്നു, നിങ്ങൾ അങ്ങനെ ഉത്തരം പറയു​ന്ന​തെ​ന്തു​കൊണ്ട്‌?

¹⁵ യേശു തുടരു​ന്നു “എന്റെ മാംസം തിന്നു​ക​യും എന്റെ രക്തം കുടി​ക്കു​ക​യും ചെയ്യു​ന്നവൻ എന്നോ​ടുള്ള ഐക്യ​ത്തി​ലും ഞാൻ അവനോ​ടുള്ള ഐക്യ​ത്തി​ലും സ്ഥിതി​ചെ​യ്യു​ന്നു.” (യോഹ​ന്നാൻ 6:56) ആ സ്ഥിതിക്ക്‌, ഇത്‌ ‘തന്നിൽത​ന്നെ​യുള്ള ജീവന്റെ’ പ്രതീ​ക്ഷ​യോ​ടെ യേശു​വി​ന്റെ ബലിയിൽ വിശ്വാ​സം പ്രകട​മാ​ക്കുന്ന “ഏതൊ​രു​വനെ” സംബന്ധി​ച്ചും സത്യമാണ്‌. അങ്ങനെ​യുള്ള വിശ്വാ​സം പ്രകട​മാ​ക്കുന്ന സകലർക്കും “യേശു​വി​നോ​ടുള്ള ഐക്യ​ത്തിൽ” വരാൻ കഴിയും. തീർച്ച​യാ​യും, ഭൗമിക പ്രത്യാ​ശ​യുള്ള “മഹാപു​രു​ഷാ​രം,” ക്രിസ്‌തു​വി​ന്റേ​തു​പോ​ലെ​യുള്ള ഒരു സ്വർഗ്ഗീ​യ​പു​ന​രു​ത്ഥാ​നം ലഭിക്കുന്ന തന്റെ മണവാ​ട്ടി​യി​ലെ അംഗങ്ങ​ളാ​യി ക്രിസ്‌തു​വി​ന്റെ കൂട്ടവ​കാ​ശി​ക​ളാ​യി​രി​ക്കു​ന്നു​വെന്ന അർത്ഥത്തിൽ “ക്രിസ്‌തു​വി​നോ​ടുള്ള ഐക്യ​ത്തിൽ” ആയിരി​ക്കു​ന്നില്ല. (റോമർ 8:1, 10; 1 കൊരി​ന്ത്യർ 1:2; 2 കൊരി​ന്ത്യർ 5:17; 11:2; ഗലാത്യർ 3:28, 29; എഫേസ്യർ 1:1, 4, 11; ഫിലി​പ്യർ 3:8-11) എന്നാൽ ഭൗമിക പ്രത്യാ​ശ​യോ​ടു​കൂ​ടിയ എല്ലാവർക്കും, “ചെറിയ ആട്ടിൻകൂട്ട”ത്തെക്കു​റി​ച്ചു സത്യമാ​യി​രി​ക്കു​ന്ന​തു​പോ​ലെ, “പൂർണ്ണ​ത​യുള്ള ദൈവ​ഹി​തം” അറിഞ്ഞു ചെയ്യു​ന്ന​തിൽ പിതാ​വി​നോ​ടും പുത്ര​നോ​ടും പൂർണ്ണ​യോ​ജി​പ്പി​ലാ​യി​രി​ക്കാൻ കഴിയും, യഥാർത്ഥ​ത്തിൽ അങ്ങനെ ആയിരി​ക്കേ​ണ്ട​താണ്‌.—റോമർ 12:2; യോഹ​ന്നാൻ 17:21 താരത​മ്യ​പ്പെ​ടു​ത്തുക.

16. (എ) ക്രിസ്‌തു​വി​ന്റെ ബലിയിൽ വിശ്വാ​സ​മർപ്പി​ക്കുന്ന എല്ലാവ​രും ഏതു മർമ്മ​പ്ര​ധാ​ന​മായ വിധങ്ങ​ളിൽ യേശു​വി​നോ​ടുള്ള “ഐക്യ​ത്തിൽ” ആണ്‌? (ബി) ഉദ്ദേശ്യ​ത്തി​ലും ശ്രമത്തി​ലു​മുള്ള അവരുടെ ഒരുമ എന്തിൽ പ്രതി​ഫ​ലി​ക്കു​ന്നു?

¹⁶ തൽഫല​മാ​യി, ഇന്നു വിശ്വാ​സം പ്രകട​മാ​ക്കുന്ന ഏവർക്കും ക്രിസ്‌തു​വി​ന്റെ മാംസ​ര​ക്ത​ങ്ങ​ളു​ടെ യാഗമൂ​ല്യം ലഭ്യമാണ്‌. അത്‌ പ്രയോ​ജ​ന​പ്പെ​ടു​ത്തുന്ന എല്ലാവർക്കും മർമ്മ​പ്ര​ധാ​ന​മായ വിധങ്ങ​ളിൽ യേശു​വി​നോട്‌ “ഐക്യ”ത്തിലാ​യി​രി​ക്കാൻ കഴിയും. എല്ലാവ​രും യഹോ​വ​യാം ദൈവ​ത്തി​ന്റെ സാർവ്വ​ത്രിക കുടും​ബ​ത്തി​ന്റെ ഭാഗമാ​യി​ത്തീ​രേ​ണ്ട​താണ്‌. ഈ നിർണ്ണാ​യ​ക​മായ അന്ത്യനാ​ളു​ക​ളിൽ അവർ വിശ്വാ​സ​ത്തി​ന്റെ​യും ഉദ്ദേശ്യ​ത്തി​ന്റെ​യും പ്രവർത്ത​ന​ത്തി​ന്റെ​യും ഒരു ലോക​വ്യാ​പക ഐക്യം അനുഭ​വി​ക്കു​ന്നുണ്ട്‌. യേശു​വിൽ വിശ്വാ​സ​മർപ്പി​ക്കു​ന്ന​തി​നാൽ, അവൻ ഇവിടെ ഭൂമി​യി​ലാ​യി​രു​ന്ന​പ്പോൾ ചെയ്‌ത​തി​നെ​ക്കാൾ വ്യാപ്‌തി​യിൽ “വലിപ്പ​മേ​റിയ പ്രവൃ​ത്തി​കൾ” ചെയ്യാൻ അവർ പ്രാപ്‌ത​രാണ്‌. ഇപ്പോൾ “മഹാപു​രു​ഷാ​രം” ഈ കാലത്തു യഹോ​വ​യു​ടെ വേല ചെയ്യു​ന്ന​വ​രു​ടെ 99.7 ശതമാനം വരുന്നു​ണ്ടെന്ന്‌ ശ്രദ്ധി​ക്കുക. (യോഹ​ന്നാൻ 14:12; റോമർ 10:18) ഉദ്ദേശ്യ​ത്തി​ന്റെ​യും ശ്രമത്തി​ന്റെ​യും ഈ ഏകത മഹത്തായ ആഗോള സാക്ഷ്യ​ത്തി​ലും വാച്ച്‌റ​റവർ സൊ​സൈ​റ​റി​യു​ടെ നിർമ്മാണ പരിപാ​ടി​കൾക്കു കൊടു​ക്കുന്ന മനസ്സൊ​രു​ക്ക​ത്തോ​ടു​കൂ​ടിയ പിന്തു​ണ​യി​ലും പ്രതി​ഫ​ലി​ക്കു​ന്നുണ്ട്‌. (സങ്കീർത്തനം 110:3) മനുഷ്യ​വർഗ്ഗ​ലോ​ക​ത്തി​ലെ എത്ര​പേർകൂ​ടെ ഇനിയും വിശ്വ​സി​ക്കു​മെ​ന്നും ഈ വില​യേ​റിയ ഐക്യ​ത്തി​ലേക്കു വരു​മെ​ന്നും കണ്ടറി​യേ​ണ്ടി​യി​രി​ക്കു​ന്നു. അടുത്ത കാലത്തെ ഒരു റിപ്പോർട്ട്‌ 30,24,131 സജീവ സാക്ഷി​ക​ളു​ണ്ടെന്ന്‌ പ്രകട​മാ​ക്കു​ന്നു.

17. സ്‌മാ​ര​ക​ത്തിൽ ഹാജരാ​കുന്ന എല്ലാവ​രും ഏത്‌ ആശയങ്ങളെ വിലമ​തി​ക്കണം?

¹⁷ അനേകം താൽപ്പ​ര്യ​ക്കാർ 1986-ലെ സ്‌മാ​ര​കാ​ഘോ​ഷ​ത്തിന്‌ ഹാജരാ​യ​വ​രു​ടെ അണിക​ളിൽ ഉൾപ്പെ​ടു​ന്നു. വേറെ ആടുക​ളിൽപെട്ട ദശലക്ഷങ്ങൾ “ചെറിയ ആട്ടിൻകൂട്ട”ത്തിന്റെ കുറഞ്ഞു​കൊ​ണ്ടി​രി​ക്കുന്ന ആയിര​ങ്ങ​ളോ​ടു​കൂ​ടെ ഹാജരാ​കു​ക​യു​ണ്ടാ​യി. ക്രിസ്‌തു​വി​ന്റെ മാംസ​വും രക്തവും എത്ര മർമ്മ​പ്ര​ധാ​ന​മാ​ണെന്ന്‌ തിരി​ച്ച​റി​ഞ്ഞു​കൊണ്ട്‌ എല്ലാവ​രും യഹോ​വ​യു​ടെ സ്‌നേ​ഹ​പൂർവ്വ​ക​മായ കരുത​ലി​നോട്‌ ആഴമായ വിലമ​തിപ്പ്‌ പ്രകട​മാ​ക്കി. എന്നുവ​രി​കി​ലും, സ്‌മാ​ര​ക​ചി​ഹ്ന​ങ്ങ​ളി​ലെ പങ്കുപ​ററൽ നിത്യ​ജീ​വൻ നൽകു​ന്നില്ല. അവ യേശു​വി​ന്റെ യാഗത്തി​ന്റെ പ്രതീ​ക​ങ്ങ​ളാണ്‌. ആ യാഗം ആദ്യമാ​യി “പുതിയ ഉടമ്പടി”യോടുള്ള ബന്ധത്തിൽ പ്രയോ​ജ​ന​പ്പെ​ടു​ന്നു. ആ ഉടമ്പടി​യി​ലേക്ക്‌ എടുക്ക​പ്പെ​ടുന്ന അഭിഷി​ക്തർ, അവർ മാത്രം, ആണ്‌ ഉചിത​മാ​യി ചിഹ്നങ്ങ​ളിൽ പങ്കുപ​റ​റു​ന്നത്‌. ഒരുവൻ ഒന്നുകിൽ ആ പുതിയ ഉടമ്പടി​യിൽ ഉൾപ്പെ​ടു​ന്നു, അല്ലെങ്കിൽ ഉൾപ്പെ​ടു​ന്നില്ല. (1 കൊരി​ന്ത്യർ 11:20, 23-26) പുതിയ ഉടമ്പടി​യി​ല​ല്ലാ​ത്ത​വ​രും രാജ്യ​ത്തി​നു​വേ​ണ്ടി​യുള്ള ഉടമ്പടി​യി​ലേക്ക്‌ എടുക്ക​പ്പെ​ട്ടി​ട്ടി​ല്ലാ​ത്ത​വ​രും സ്‌മാരക ചിഹ്നങ്ങ​ളിൽ പങ്കുപ​റ​റു​ന്നില്ല. എന്നിരു​ന്നാ​ലും, അവർ യേശു​വി​ന്റെ ബലി​ചെ​യ്യ​പ്പെട്ട മാംസ​ര​ക്തങ്ങൾ എത്ര പ്രധാ​ന​മാ​ണെന്ന്‌ അപ്പോ​ഴും തിരി​ച്ച​റി​യു​ന്നു. (ലൂക്കോസ്‌ 22:14-20, 28-30) ഈ ബലിമു​ഖാ​ന്ത​ര​മാണ്‌ അവർക്ക്‌ ഭൂമി​യി​ലെ നിത്യ​ജീ​വൻ പ്രാപി​ക്കാൻ കഴിയു​ന്നത്‌.

18. യേശു​വി​ന്റെ ബലി അർത്ഥമാ​ക്കുന്ന സകലവും വ്യക്തമാ​യി വിവേ​ചി​ക്കു​ന്ന​തിൽനിന്ന്‌ എന്തു സന്തുഷ്ടി സംജാ​ത​മാ​കു​ന്നു?

¹⁸ അതു​കൊണ്ട്‌, യേശു​വി​ന്റെ ബലിമ​നു​ഷ്യ​വർഗ്ഗ​ത്തിന്‌ എന്തു​കൈ​വ​രു​ത്തു​ന്നു​വെന്ന വ്യക്തമായ തിരി​ച്ച​റി​വോ​ടെ നാം സ്‌മാ​ര​കാ​ഘോ​ഷത്തെ സമീപി​ക്കു​ന്നു. “ചെറിയ ആട്ടിൻകൂട്ട”ത്തിൽപെ​ട്ടവർ തങ്ങളുടെ വിളിയെ വിലമ​തി​ക്കട്ടെ. വളർന്നു​കൊ​ണ്ടി​രി​ക്കുന്ന “വേറെ ആടുക​ളു​ടെ” കൂട്ടം പൂർണ്ണ ഭൗമിക ‘ജീവൻ തങ്ങളിൽതന്നെ’ ലഭിക്കു​ന്ന​തി​നുള്ള പ്രത്യാ​ശ​യിൽ സന്തോ​ഷി​ക്കട്ടെ. അതേസ​മയം, അവർ ഇപ്പോൾത്തന്നെ പിതാ​വി​നോ​ടും പുത്ര​നോ​ടും ഇപ്പോ​ഴും ഭൂമി​യി​ലുള്ള അഭിഷി​ക്ത​ശേ​ഷി​പ്പി​ന്റെ കുറഞ്ഞു​വ​രുന്ന സംഖ്യ​യോ​ടു​മുള്ള തങ്ങളുടെ ഐക്യത്തെ അതിയാ​യി വിലമ​തി​ക്കു​ന്നു. “ജീവന്റെ അപ്പം” ഇപ്പോൾ എല്ലാവർക്കും ലഭ്യമാ​യി​രി​ക്കു​ന്ന​തിൽ നാം എത്ര സന്തുഷ്ടരാണ്‌!(w86 2/15)

[അടിക്കു​റി​പ്പു​കൾ]

പുനരവലോകന ചോദ്യ​ങ്ങൾ

◻ പൊതു​യു​ഗം 32-ൽ യേശു ആർക്കു കൊടു​ക്ക​പ്പെട്ട രണ്ടുതരം മന്നാ​യെ​ക്കു​റി​ച്ചു പറഞ്ഞു?

◻ ‘തന്റെ മാംസം തിന്നാ​നും തന്റെ രക്തം കുടി​ക്കാ​നും’ യേശു ആരെ ക്ഷണിക്കു​ന്നു, അവർ ഇത്‌ എങ്ങനെ ചെയ്യുന്നു?

◻ “നിങ്ങളിൽതന്നെ ജീവൻ ഉണ്ടായി​രി​ക്കുക”യെന്നതി​നാൽ എന്തർത്ഥ​മാ​ക്ക​പ്പെ​ടു​ന്നു, ഇത്‌ എപ്പോൾ, എങ്ങനെ നേടുന്നു?

◻ “ജീവന്റെ അപ്പം” സംബന്ധിച്ച്‌ നമു​ക്കെ​ല്ലാം ഇപ്പോൾ ഏതു സന്തോ​ഷ​ത്തിൽ പങ്കുപ​റ​റാ​വു​ന്ന​താണ്‌?