യേശു​വി​ന്റെ ജീവി​ത​വും ശുശ്രൂ​ഷ​യും

അനേകം ശിഷ്യൻമാർ യേശു​വി​നെ അനുഗ​മി​ക്കു​ന്നത്‌ നിർത്തു​ന്നു

യേശു കഫർന്ന​ഹൂ​മി​ലെ ഒരു സിന്ന​ഗോ​ഗിൽ സ്വർഗ്ഗ​ത്തിൽനി​ന്നുള്ള യഥാർത്ഥ അപ്പം എന്ന നിലയി​ലുള്ള തന്റെ പങ്കി​നെ​ക്കു​റിച്ച്‌ പഠിപ്പി​ച്ചു​കൊ​ണ്ടി​രി​ക്കു​ന്നു. അവന്റെ പ്രസംഗം തെളി​വ​നു​സ​രിച്ച്‌ തങ്ങൾക്ക്‌ അത്‌ഭു​ത​ക​ര​മാ​യി പ്രദാ​നം​ചെ​യ്യ​പ്പെട്ട അപ്പക്കഷ​ണ​ങ്ങ​ളും മീനും ഭക്ഷിച്ച ഗലീലാ​ക്ക​ട​ലി​ന്റെ കിഴക്കു​ഭാ​ഗ​ത്തു​നിന്ന്‌ മടങ്ങി​വ​രവേ ആളുകൾ അവനെ കണ്ട സ്ഥലത്തു​വെച്ച്‌ തുടങ്ങിയ ചർച്ചയു​ടെ ഒരു തുടർച്ച​യാണ്‌.

യേശു ഇങ്ങനെ പറഞ്ഞു​കൊണ്ട്‌ തന്റെ അഭി​പ്രാ​യങ്ങൾ തുടരു​ന്നു: “ഞാൻ കൊടു​പ്പാ​നി​രി​ക്കുന്ന അപ്പം ലോക​ത്തി​ന്റെ ജീവനു​വേ​ണ്ടി​യുള്ള എന്റെ മാംസ​മാ​കു​ന്നു.” വെറും രണ്ടു വർഷം മുമ്പ്‌ ക്രി.വ. 30-ലെ വസന്തത്തിൽ യേശു നിക്കോ​ദേ​മ​സി​നോട്‌, ദൈവം തന്റെ പുത്രനെ ഒരു രക്ഷകനാ​യി നൽകു​വാൻത​ക്ക​വണ്ണം ലോകത്തെ അത്രയ​ധി​കം സ്‌നേ​ഹി​ച്ചു എന്നു പറഞ്ഞു. അപ്രകാ​രം യേശു ഇപ്പോൾ, അവൻ താമസി​യാ​തെ അർപ്പി​ക്കാൻപോ​കുന്ന ബലിയിൽ വിശ്വാ​സം പ്രകട​മാ​ക്കു​ന്ന​തി​ലൂ​ടെ പ്രതീ​കാ​ത്മ​ക​മാ​യി തന്റെ മാംസം തിന്നുന്ന മനുഷ്യ​വർഗ്ഗ ലോക​ത്തി​ലെ ഏതൊ​രു​വ​നും നിത്യ​ജീ​വൻ ലഭിക്കാ​മെന്ന്‌ പ്രകട​മാ​ക്കു​ന്നു.

എന്നാൽ ആളുകൾ യേശു​വി​ന്റെ വാക്കു​ക​ളിൽ ഇടറുന്നു. “ഈ മനുഷ്യന്‌ തന്റെ മാംസം നമുക്ക്‌ എങ്ങനെ ഭക്ഷിക്കാൻ തരാൻ കഴിയും?” എന്ന്‌ അവർ ചോദി​ക്കു​ന്നു. യേശു തന്റെ കേൾവി​ക്കാർ ഒരു ആലങ്കാ​രി​ക​മായ അർത്ഥത്തി​ലാണ്‌ തന്റെ മാംസം ഭക്ഷി​ക്കേ​ണ്ടത്‌ എന്ന്‌ മനസ്സി​ലാ​ക്കാൻ ആഗ്രഹി​ക്കു​ന്നു. അതു​കൊണ്ട്‌ ഇതിന്‌ ഊന്നൽകൊ​ടു​ക്കു​ന്ന​തിന്‌ ഒരു അക്ഷരീയ അർത്ഥത്തിൽ എടുക്കു​ന്നെ​ങ്കിൽ ഇതി​നേ​ക്കാൾ പ്രതി​ഷേ​ധാർഹ​മായ ചിലതു അവൻ പറയുന്നു.

“നിങ്ങൾ മനുഷ്യ​പു​ത്രന്റെ മാംസം തിന്നു​ക​യും അവന്റെ രക്തം കുടി​ക്കു​ക​യും ചെയ്യാ​തി​രു​ന്നാൽ,” യേശു പ്രഖ്യാ​പി​ക്കു​ന്നു, “നിങ്ങൾക്കു നിങ്ങളിൽതന്നേ ജീവൻ ഇല്ല. എന്റെ മാംസം ഭക്ഷിക്കു​ക​യും എന്റെ രക്തം കുടി​ക്കു​ക​യും ചെയ്യു​ന്ന​വന്‌ നിത്യ​ജീ​വൻ ഉണ്ട്‌, ഞാൻ അവനെ അവസാ​ന​നാ​ളിൽ ഉയിർപ്പി​ക്കു​ക​യും ചെയ്യും; എന്തു​കൊ​ണ്ടെ​ന്നാൽ എന്റെ മാംസം യഥാർത്ഥ ഭക്ഷണവും എന്റെ രക്തം യഥാർത്ഥ പാനീ​യ​വു​മാ​കു​ന്നു. എന്റെ മാംസം ഭക്ഷിക്കു​ക​യും എന്റെ രക്തം കുടി​ക്കു​ക​യും ചെയ്യു​ന്നവൻ എന്നോ​ടുള്ള ഐക്യ​ത്തി​ലും ഞാൻ അവനോ​ടുള്ള ഐക്യ​ത്തി​ലും സ്ഥിതി​ചെ​യ്യു​ന്നു.”

യേശു ഇവിടെ നരമാം​സ​ഭോ​ജ​ന​മാണ്‌ സൂചി​പ്പി​ക്കു​ന്ന​തെ​ങ്കിൽ അവന്റെ ഉപദേശം ഏററവും പ്രതി​ഷേ​ധാർഹ​മാ​ണെ​ന്നു​ള്ളത്‌ സത്യം​തന്നെ. എന്നാൽ തീർച്ച​യാ​യും യേശു അക്ഷരീ​യ​മാ​യി മാംസം തിന്നു​ന്ന​തി​നൊ രക്തം കുടി​ക്കു​ന്ന​തി​നൊ പ്രോ​ത്‌സാ​ഹി​പ്പി​ക്കു​ക​യ​ല്ലാ​യി​രു​ന്നു. നിത്യ​ജീ​വൻ ലഭിക്കുന്ന എല്ലാവ​രും അവൻ തന്റെ പൂർണ്ണ​ത​യുള്ള മാനു​ഷ​ശ​രീ​രത്തെ അർപ്പി​ക്കു​ക​യും തന്റെ ജീവര​ക്തത്തെ ഒഴുക്കു​ക​യും ചെയ്യാൻപോ​കുന്ന യാഗത്തിൽ വിശ്വാ​സം അർപ്പി​ക്കണം എന്ന്‌ ഊന്നി​പ്പ​റ​യു​ക​മാ​ത്രം ചെയ്യു​ക​യാണ്‌. എന്നാൽ അവന്റെ ശിഷ്യൻമാ​രിൽ അനേകർ പോലും അവന്റെ ഉപദേശം മനസ്സി​ലാ​ക്കാൻ ഒരു ശ്രമവും ചെയ്യു​ന്നില്ല, അതു​കൊണ്ട്‌ അവർ ഇപ്രകാ​രം പ്രതി​ഷേ​ധി​ക്കു​ന്നു: “ഇതു ഞെട്ടി​ക്കുന്ന സംസാ​ര​മാണ്‌; ആർക്ക്‌ ഇത്‌ ശ്രദ്ധി​ക്കാൻ കഴിയും?”

തന്റെ അനേകം ശിഷ്യൻമാർ പിറു​പി​റു​ക്കു​ന്നത്‌ അറിഞ്ഞിട്ട്‌ യേശു പറയുന്നു: “ഇത്‌ നിങ്ങളെ ഇടറി​ക്കു​ന്നു​വോ? അതു​കൊണ്ട്‌, മനുഷ്യ​പു​ത്രൻ നേര​ത്തെ​യാ​യി​രു​ന്നി​ട​ത്തേക്ക്‌ കയറി​പ്പോ​കു​ന്നത്‌ നിങ്ങൾ കാണു​ക​തന്നെ ചെയ്യു​ന്നെ​ങ്കിൽ എന്ത്‌? . . . ഞാൻ നിങ്ങ​ളോ​ടു പറഞ്ഞ വാക്കുകൾ ആത്മാവും ജീവനു​മാ​കു​ന്നു. എന്നാൽ വിശ്വ​സി​ക്കാത്ത ചിലർ നിങ്ങളു​ടെ​യി​ട​യിൽ ഉണ്ട്‌.”

യേശു തുടരു​ന്നു: “ഇതു​കൊ​ണ്ടാണ്‌ പിതാവു അനുവ​ദി​ച്ചി​ട്ട​ല്ലാ​തെ ആർക്കും എന്റെ അടുക്കൽ വരാൻ കഴിയു​ക​യില്ല എന്നു ഞാൻ പറഞ്ഞത്‌.” അതിങ്കൽ അവന്റെ ശിഷ്യൻമാ​രിൽ അനേക​രും വിട്ടു​പോ​കു​ന്നു; മേലാൽ അവനെ അനുഗ​മി​ക്കു​ന്നില്ല. അതു​കൊണ്ട്‌ യേശു തന്റെ 12 അപ്പോ​സ്‌ത​ലൻമാ​രി​ലേക്കു തിരിഞ്ഞ്‌ പറയുന്നു: “നിങ്ങളും​കൂ​ടെ പോകാ​നാ​ഗ്ര​ഹി​ക്കു​ന്നില്ല, ഉണ്ടോ?”

പത്രോസ്‌ മറുപ​ടി​പ​റ​യു​ന്നു: “കർത്താവേ ഞങ്ങൾ ആരു​ടെ​യ​ടു​ക്കൽ പോകും? നിന്റെ പക്കൽ നിത്യ​ജീ​വന്റെ മൊഴി​കൾ ഉണ്ട്‌; നീ ദൈവ​ത്തി​ന്റെ പരിശു​ദ്ധൻ എന്ന്‌ ഞങ്ങൾ വിശ്വ​സി​ക്കു​ക​യും അറിയു​ക​യും ചെയ്‌തി​രി​ക്കു​ന്നു.” പത്രോ​സി​നും മററു അപ്പോ​സ്‌ത​ലൻമാർക്കും ഈ കാര്യം സംബന്ധി​ച്ചുള്ള ഉപദേശം പൂർണ്ണ​മാ​യി മനസ്സി​ലാ​യി​ട്ടി​ല്ലാ​യി​രി​ക്കാ​മെങ്കി​ലും വിശ്വ​സ്‌ത​ത​യു​ടെ എത്ര നല്ല പ്രകടനം!

പത്രോ​സി​ന്റെ ഉത്തരത്തിൽ പ്രീതി​തോ​ന്നി​യെ​ങ്കി​ലും യേശു പ്രസ്‌താ​വി​ക്കു​ന്നു: “ഞാൻ നിങ്ങൾ പന്ത്രണ്ടു​പേരെ തിര​ഞ്ഞെ​ടു​ത്തു, ഇല്ലേ? എന്നാൽ നിങ്ങളിൽ ഒരുവൻ ഒരു അപവാ​ദി​യാ​കു​ന്നു.” അവൻ യൂദാസ്‌ ഈസ്‌ക​ര്യോ​ത്താ​വി​നെ​ക്കു​റി​ച്ചാണ്‌ പറയു​ന്നത്‌. സാധ്യ​ത​യ​നു​സ​രിച്ച്‌ ഈ ഘട്ടത്തിൽ യേശു യൂദാ​യിൽ ഒരു തെററായ ഗതിയു​ടെ “ആരംഭം” അല്ലെങ്കിൽ തുടക്കം കാണുന്നു.

യേശു തന്നെ രാജാ​വാ​ക്കു​ന്ന​തി​നുള്ള ആളുക​ളു​ടെ ശ്രമത്തെ ചെറു​ത്തു​കൊണ്ട്‌ അവരെ നിരാ​ശ​പ്പെ​ടു​ത്തി​ക്ക​ഴി​ഞ്ഞി​രു​ന്നതേ​യു​ള്ളു. അവർ ഇങ്ങനെ ന്യായ​വാ​ദം ചെയ്‌തേ​ക്കാം, ‘മശിഹാ​യു​ടെ നീതി​യു​ക്ത​മായ സ്ഥാനം സ്വീക​രി​ക്കു​ന്നി​ല്ലെ​ങ്കിൽ എങ്ങനെ ഇത്‌ മശിഹാ​യാ​യി​രി​ക്കാൻ കഴിയും?’ ഇതും ആളുക​ളു​ടെ ഓർമ്മ​യി​ലി​രി​ക്കുന്ന ഒരു കാര്യ​മാ​യി​രി​ക്കു​മാ​യി​രു​ന്നു. യോഹ​ന്നാൻ 6:51-71; 3:16.

◆യേശു ആർക്ക്‌ തന്റെ മാംസം കൊടു​ക്കു​ന്നു, അവർ ‘അവന്റെ മാംസം തിന്നുന്ന’തെങ്ങനെ?

◆യേശുവിന്റെ കൂടു​ത​ലായ ഏതു വാക്കുകൾ ആളുകളെ ഞെട്ടി​ക്കു​ന്നു, എന്നാൽ അവൻ എന്തിനു ഊന്നൽ കൊടു​ക്കു​ക​യാണ്‌?

◆അനേകരും യേശു​വി​നെ അനുഗ​മി​ക്കു​ന്നത്‌ നിർത്തു​ന്നു​വെ​ങ്കി​ലും പത്രോ​സി​ന്റെ പ്രതി​ക​ര​ണ​മെ​ന്താണ്‌? (w87 10⁄15)