ബൈബിൾകാ​ല​ങ്ങ​ളി​ലെ വിദ്യാ​ഭ്യാ​സം

“നിങ്ങൾ അവ നിങ്ങളു​ടെ പുത്രൻമാ​രെ പഠിപ്പി​ക്കു​ക​യും ചെയ്യണം.”—ആവർത്തനം 11:19, NW.

1. തന്റെ ദാസൻമാ​രു​ടെ വിദ്യാ​ഭ്യാ​സ​ത്തിൽ യഹോവ താത്‌പ​ര്യ​മു​ള്ള​വ​നാ​ണെന്ന്‌ എന്തു പ്രകട​മാ​ക്കു​ന്നു?

യഹോവ വലിയ വിദ്യാ​ദാ​താ​വാണ്‌. അവൻ തന്റെ ദാസൻമാ​രെ ഒരിക്ക​ലും അജ്ഞതയിൽ വിട്ടു​ക​ള​ഞ്ഞി​ട്ടില്ല. അവരോ​ടൊ​ത്തു അറിവു പങ്കിടാൻ അവൻ എല്ലായ്‌പ്പോ​ഴും മനസ്സൊ​രു​ക്ക​മു​ള്ള​വ​നാ​യി​രു​ന്നി​ട്ടുണ്ട്‌. അവൻ അവരെ തന്റെ ഇഷ്ടവും വഴിക​ളും പഠിപ്പി​ക്കു​ന്നു. എണ്ണമററ സഹസ്രാ​ബ്ദ​ങ്ങ​ളിൽ അവന്റെ ഏകജാ​ത​നായ പുത്രൻ അവന്റെ അടുക്കൽ “വിദഗ്‌ദ്ധ വേലക്കാ​രൻ” എന്ന നിലയിൽ നിരന്തരം പഠിച്ചു​കൊ​ണ്ടി​രി​ക്കു​ക​യാ​യി​രു​ന്നു. (സദൃശ​വാ​ക്യ​ങ്ങൾ 8:30, NW) ഭൂമി​യി​ലാ​യി​രു​ന്ന​പ്പോൾ യേശു ഇങ്ങനെ പ്രസ്‌താ​വി​ച്ചു: “പിതാവ്‌ എന്നെ പഠിപ്പി​ച്ച​തു​പോ​ലെ​തന്നെ ഞാൻ ഈ കാര്യങ്ങൾ സംസാ​രി​ക്കു​ന്നു.” (യോഹ​ന്നാൻ 8:28, NW) അനുപ​മ​നായ വിദ്യാ​ദാ​താ​വാ​യി ദൈവത്തെ പരാമർശി​ച്ചു​കൊണ്ട്‌ ഏലീഹു ഇങ്ങനെ ചോദി​ച്ചു: “അവനെ​പ്പോ​ലെ ഒരു പ്രബോ​ധകൻ ആരുള്ളൂ?” (ഇയ്യോബ്‌ 36:22, NW) യശയ്യാ​പ്ര​വാ​ചകൻ, യഹോവ തന്റെ ജനത്തിന്റെ “മഹാ​പ്ര​ബോ​ധക”നായി​രി​ക്കു​ന്ന​താ​യി പറയു​ക​യും ഇങ്ങനെ പ്രവചി​ക്കു​ക​യും ചെയ്‌തു: “നിന്റെ പുത്രൻമാ​രെ​ല്ലാം യഹോ​വ​യാൽ പഠിപ്പി​ക്ക​പ്പെ​ട്ട​വ​രാ​യി​രി​ക്കും, നിന്റെ പുത്രൻമാ​രു​ടെ സമാധാ​നം സമൃദ്ധ​മാ​യി​രി​ക്കും.” (യശയ്യാവ്‌ 30:20; 54:13, NW) നിസ്സം​ശ​യ​മാ​യും, തന്റെ ബുദ്ധി​ശ​ക്തി​യുള്ള സൃഷ്ടികൾ ഉദ്‌ബു​ദ്ധ​രും സുശി​ക്ഷി​ത​രും ആയിരി​ക്കാൻ യഹോവ ആഗ്രഹി​ക്കു​ന്നു.

ഗോ​ത്ര​പി​താ​ക്കൻമാ​രാ​ലുള്ള വിദ്യാ​ഭ്യാ​സം

2, 3. (ഏ) വിശ്വസ്‌ത ഗോ​ത്ര​പി​താ​ക്കൻമാർ തങ്ങളുടെ കുട്ടി​ക​ളു​ടെ വിദ്യാ​ഭ്യാ​സത്തെ എങ്ങനെ വീക്ഷിച്ചു, യഹോവ അബ്രഹാ​മി​നു ഏന്തു പ്രബോ​ധനം കൊടു​ത്തു? (ബി) അബ്രഹാ​മി​ന്റെ സന്തതിയെ പഠിപ്പി​ക്കാ​നുള്ള നിർദ്ദേ​ശ​ത്തി​നു പിന്നിലെ മഹത്തായ ഉദ്ദേശ്യം എന്തായി​രു​ന്നു?

² ഗോ​ത്ര​പി​താ​ക്കൻമാ​രു​ടെ കാലത്തെ കുടും​ബ​ത്ത​ല​വന്റെ പ്രത്യേക പദവി​ക​ളിൽ ഒന്നു തന്റെ കുട്ടി​ക​ളെ​യും തന്റെ കുടും​ബ​ത്തെ​യും പഠിപ്പി​ക്കുക എന്നതാ​യി​രു​ന്നു. ദൈവ​ദാ​സൻമാർക്കു തങ്ങളുടെ കുട്ടി​ക​ളു​ടെ വിദ്യാ​ഭ്യാ​സം ഒരു മതപര​മായ കർത്തവ്യ​മാ​യി​രു​ന്നു. തന്റെ ദാസനായ അബ്രഹാ​മി​നെ​ക്കു​റി​ച്ചു യഹോവ ഇങ്ങനെ പറഞ്ഞു: “അബ്രാ​ഹാം തന്റെ മക്കളോ​ടും തനിക്കു പിമ്പുള്ള കുടും​ബ​ത്തോ​ടും നീതി​യും ന്യായ​വും പ്രവൃ​ത്തി​ച്ചു​കൊ​ണ്ടു യഹോ​വ​യു​ടെ വഴിയിൽ നടപ്പാൻ കല്‌പി​ക്കേ​ണ്ട​തി​ന്നു ഞാൻ അവനെ തിര​ഞ്ഞെ​ടു​ത്തി​രി​ക്കു​ന്നു.”—ഉല്‌പത്തി 18:19.

³ യഹോവ വിദ്യാ​ഭ്യാ​സത്തെ വലിയ പ്രാധാ​ന്യ​മു​ള്ള​താ​യി കരുതി​യെന്ന്‌ ഈ ദിവ്യ​പ്ര​സ്‌താ​വന പ്രകട​മാ​ക്കു​ന്നു. ഭാവി​ത​ല​മു​റകൾ യഹോ​വ​യു​ടെ വഴി പാലി​ക്കാ​വുന്ന ഒരു നിലയി​ലാ​യി​രി​ക്കാൻ തക്കവണ്ണം അവന്റെ നീതി​യു​ടെ​യും ന്യായ​ത്തി​ന്റെ​യും വഴികൾ തങ്ങളുടെ കുടും​ബാം​ഗ​ങ്ങളെ പഠിപ്പി​ക്കാൻ യഹോവ അബ്രഹാ​മി​നോ​ടും ഇസ്‌ഹാ​ക്കി​നോ​ടും യാക്കോ​ബി​നോ​ടും ആവശ്യ​പ്പെട്ടു. ഇപ്രകാ​രം, അബ്രഹാ​മി​ന്റെ സന്തതി​യെ​യും “ഭൂമി​യി​ലുള്ള സകലജാ​തി​കളു”ടെയും അനു​ഗ്ര​ഹ​ത്തെ​യും സംബന്ധിച്ച തന്റെ വാഗ്‌ദ​ത്തങ്ങൾ യഹോവ നിവർത്തി​ക്കു​മാ​യി​രു​ന്നു.—ഉല്‌പത്തി 18:18; 22:17, 18.

ഇസ്ര​യേ​ലി​ലെ വിദ്യാ​ഭ്യാ​സ​പ​ദ്ധതി

4, 5. (ഏ) ഇസ്ര​യേ​ലി​ലെ വിദ്യാ​ഭ്യാ​സ​പ​ദ്ധ​തി​യെ മററു ജനതക​ളു​ടേ​തിൽനി​ന്നു വ്യത്യ​സ്‌ത​മാ​ക്കി​യ​തെ​ന്താ​യി​രു​ന്നു? (ബി) വേറെ ഏതു പ്രധാ​ന​പ്പെട്ട വ്യത്യാ​സം എൻ​സൈ​ക്ലോ​പീ​ഡിയ ജൂഡയി​ക്ക​യിൽ വിവരി​ച്ചി​രി​ക്കു​ന്നു, നിസ്സം​ശ​യ​മാ​യും എന്തു ഈ വ്യത്യാ​സ​മു​ള​വാ​ക്കു​ന്ന​തി​നു ഗണ്യമായ പങ്കുവ​ഹി​ച്ചു?

⁴ ദി എൻ​സൈ​ക്ലോ​പ്പീ​ഡിയ ജൂഡയിക്ക ഇപ്രകാ​രം പ്രസ്‌താ​വി​ക്കു​ന്നു: “പുരാതന ഇസ്ര​യേ​ലി​ലെ വിദ്യാ​ഭ്യാ​സ പ്രക്രി​യ​യെ​ക്കു​റിച്ച്‌ ഒരു ഗ്രാഹ്യം ലഭിക്കു​ന്ന​തി​നുള്ള പ്രാഥ​മിക ഉറവിടം ബൈബി​ളാണ്‌.” യഹോവ മോശയെ ഇസ്ര​യേ​ലി​ലെ ആദ്യത്തെ മാനു​ഷോ​പ​ദേ​ഷ്ടാ​വാ​യി ഉപയോ​ഗി​ച്ചു. (ആവർത്തനം 1:3, 5; 4:5) യഹോവ മോശക്കു നൽകിയ വാക്കുകൾ അവൻ അറിയി​ച്ചു. (പുറപ്പാ​ടു 24:3) അതു​കൊണ്ട്‌, യഥാർത്ഥ​ത്തിൽ ഇസ്ര​യേ​ലി​ന്റെ പ്രമുഖ വിദ്യാ​ദാ​താ​വു ദൈവ​മാ​യി​രു​ന്നു. ഇത്‌ അതിൽത്തന്നെ ഇസ്ര​യേ​ലി​ന്റെ വിദ്യാ​ഭ്യാ​സ​പ​ദ്ധ​തി​യെ മററു ജനതക​ളു​ടേ​തിൽനി​ന്നു വ്യത്യ​സ്‌ത​മാ​ക്കി.

⁵ അതേ പരാമർശ​ഗ്രന്ഥം ഇങ്ങനെ പ്രഖ്യാ​പി​ക്കു​ന്നു: “മെസപ​ട്ടേ​മി​യ​യി​ലെ​യും ഈജി​പ്‌റ​റി​ലെ​യും ഉന്നതവി​ദ്യാ​ഭ്യാ​സം അഥവാ പുസ്‌ത​ക​പ​ഠനം ഔപചാ​രി​ക​വും ശാസ്‌ത്രി​വർഗ്ഗ​ത്തിൽ ഒതുങ്ങി​നി​ന്ന​തു​മാ​യി​രു​ന്നു. ഇസ്ര​യേ​ലിൽ വാസ്‌ത​വ​മ​താ​യി​രു​ന്നു​വെന്നു തോന്നു​ന്നില്ല. വ്യത്യാ​സം യഹൂദൻമാർ എഴുതു​ന്ന​തി​നു​പ​യോ​ഗിച്ച കൂടുതൽ ലളിത​മായ അക്ഷരമാല നിമി​ത്ത​മാ​യി​രു​ന്നു​വെ​ന്ന​തി​നു സംശയ​മില്ല. . . . വിദ്യാ​ഭ്യാ​സ​ത്തി​ന്റെ ചരി​ത്ര​ത്തിൽ അക്ഷരമാല ഉപയോ​ഗി​ച്ചുള്ള എഴുത്തി​ന്റെ പ്രാധാ​ന്യ​ത്തെ അവഗണി​ക്ക​രുത്‌. അത്‌ ഈജി​പ്‌റ​റി​ലെ​യും മെസപ​ട്ടേ​മി​യ​യി​ലെ​യും രണ്ടാം സഹസ്രാ​ബ്ദ​ത്തി​ലെ കനാനി​ലെ​യും ശാസ്‌ത്രി​മാ​രു​ടെ പരമ്പരാ​ഗത സംസ്‌കാ​ര​ങ്ങ​ളിൽനി​ന്നുള്ള ഒരു വ്യതി​യാ​നത്തെ സൂചി​പ്പി​ച്ചു. സാക്ഷരത മേലാൽ നിഗൂ​ഢ​മായ ക്യൂണി​ഫോം കയ്യെഴു​ത്തി​ലും ചിത്ര​ലി​പി​ക​ളി​ലും നിപു​ണ​രാ​യി​രുന്ന വിദഗ്‌ദ്ധ ശാസ്‌ത്രി​മാ​രെ​യും പുരോ​ഹി​തൻമാ​രെ​യും തിരി​ച്ച​റി​യി​ക്കു​ന്ന​തും അനന്യ​വു​മായ സവി​ശേ​ഷ​ത​യാ​യി​രു​ന്നില്ല.”

6. തങ്ങളുടെ ചരി​ത്രാ​രം​ഭം​മു​തൽതന്നെ ഇസ്ര​യേ​ല്യർ സാക്ഷര​രായ ഒരു ജനമാ​യി​രു​ന്നു​വെ​ന്ന​തിന്‌ എന്തു ബൈബിൾതെ​ളി​വുണ്ട്‌?

⁶ ഇസ്ര​യേ​ല്യർ സാക്ഷര​രായ ഒരു ജനതയാ​യി​രു​ന്നു​വെ​ന്ന​തി​നു ബൈബിൾ തെളിവു നൽകുന്നു. അവർ വാഗ്‌ദ​ത്ത​ദേ​ശത്തു പ്രവേ​ശി​ക്കു​ന്ന​തി​നു​മു​മ്പു​പോ​ലും യഹോ​വ​യു​ടെ നിയമങ്ങൾ തങ്ങളുടെ കട്ടിള​ക​ളിൻമേ​ലും വാതി​ലു​ക​ളിൻമേ​ലും എഴുതാൻ അവരോ​ടു പറയ​പ്പെട്ടു. (ആവർത്തനം 6:1, 9; 11:20; 27:1-3) ഈ കല്‌പന നിസ്സം​ശ​യ​മാ​യി ആലങ്കാ​രി​ക​മാ​ണെ​ന്നി​രി​ക്കെ​ത്തന്നെ, എഴുതാ​നും വായി​ക്കാ​നും അറിവി​ല്ലെ​ങ്കിൽ ഒരു സാധാരണ യിസ്ര​യേ​ല്യ​നെ സംബന്ധി​ച്ചി​ട​ത്തോ​ളം തീർച്ച​യാ​യും അതിനു യാതൊ​രു അർത്ഥവും ഉണ്ടായി​രി​ക്കു​മാ​യി​രു​ന്നില്ല. ഇസ്ര​യേ​ലിൽ രാജവാഴ്‌ച സ്ഥാപി​ക്കു​ന്ന​തി​നു മുമ്പു​തന്നെ മോശ​യെ​യും യോശു​വ​യെ​യും പോലുള്ള നേതാ​ക്കൻമാ​രെ കൂടാതെ മററു​ള്ള​വർക്കും എഴുതാ​നും വായി​ക്കാ​നും അറിയാ​മാ​യി​രു​ന്നു​വെന്നു യോശുവ 18:9, ന്യായാ​ധി​പൻമാർ 8:14 എന്നിങ്ങ​നെ​യുള്ള തിരു​വെ​ഴു​ത്തു​കൾ പ്രകട​മാ​ക്കു​ന്നു.—പുറപ്പാ​ടു 34:27; യോശുവ 24:26.

പഠിപ്പി​ക്കൽ രീതികൾ

7. (ഏ) തിരു​വെ​ഴു​ത്തു​കൾ പറയു​ന്ന​ത​നു​സ​രിച്ച്‌ ഇസ്ര​യേ​ലി​ലെ കുട്ടി​കൾക്ക്‌ ആർ അടിസ്ഥാ​ന​വി​ദ്യാ​ഭ്യാ​സം പ്രദാനം ചെയ്‌തു? (ബി) ഫ്രഞ്ച്‌ ബൈബിൾ പണ്ഡിതൻ ഏതു വിവരം നൽകുന്നു?

⁷ ഇസ്ര​യേ​ലിൽ കുട്ടി​കളെ വളരെ ചെറു​പ്പം​മു​തൽതന്നെ പിതാ​വും മാതാ​വും പഠിപ്പി​ച്ചി​രു​ന്നു. (ആവർത്തനം 11:18, 19; സദൃശ​വാ​ക്യ​ങ്ങൾ 1:8; 31:26) ഫ്രഞ്ച്‌ ഡിക്‌ഷ​ണയർ ഡി ലാ ബിബി​ളിൽ ബൈബിൾ പണ്ഡിത​നായ ഈ. മൻഷനോ ഇപ്രകാ​രം എഴുതി: “കുട്ടിക്കു സംസാ​രി​ക്കാൻ കഴിഞ്ഞാ​ലു​ടൻ, അവൻ ന്യായ​പ്ര​മാ​ണ​ത്തിൽ നിന്നുള്ള ചില ഭാഗങ്ങൾ പഠിച്ചി​രു​ന്നു. അവന്റെ അമ്മ ഒരു വാക്യം ആവർത്തി​ക്കു​മാ​യി​രു​ന്നു; അവൻ അതു പഠിച്ചു​ക​ഴി​യു​മ്പോൾ അവൾ മറെറാ​ന്നു കൊടു​ക്കു​മാ​യി​രു​ന്നു. പിന്നീട്‌, കുട്ടി​കൾക്ക്‌ ഓർമ്മ​യിൽനിന്ന്‌ ഉരുവി​ടാൻ കഴിഞ്ഞ വാക്യ​ങ്ങ​ളു​ടെ ഒരു എഴുത​പ്പെട്ട രേഖ അവരുടെ കൈക​ളിൽ വച്ചു​കൊ​ടു​ത്തി​രു​ന്നു. ഇങ്ങനെ അവരെ വായന പരിച​യ​പ്പെ​ടു​ത്തി, അവർ വളർന്നു​ക​ഴി​യു​മ്പോൾ വായി​ക്കു​ന്ന​തി​നാ​ലും കർത്താ​വി​ന്റെ നിയമം ധ്യാനി​ക്കു​ന്ന​തി​നാ​ലും അവർക്കു തങ്ങളുടെ മതപ്ര​ബോ​ധനം തുടരാൻ കഴിയു​മാ​യി​രു​ന്നു.”

8. (ഏ) ഏത്‌ അടിസ്ഥാന പഠിപ്പി​ക്കൽ രീതി ഇസ്ര​യേ​ലിൽ ഉപയോ​ഗി​ച്ചി​രു​ന്നു, എന്നാൽ ഏതു പ്രധാ​ന​പ്പെട്ട സ്വഭാ​വ​വി​ശേ​ഷ​ത​യോ​ടെ? (ബി) എന്ത്‌ ഓർമ്മി​ക്കൽ സഹായി​കൾ ഉപയോ​ഗി​ക്ക​പ്പെ​ട്ടി​രു​ന്നു?

⁸ ഉപയോ​ഗി​ച്ചി​രുന്ന ഒരു അടിസ്ഥാന പഠിപ്പി​ക്കൽരീ​തി കാര്യ​ങ്ങ​ളു​ടെ ഹൃദി​സ്ഥ​മാ​ക്ക​ലാ​യി​രു​ന്നു​വെന്ന്‌ ഇതു സൂചി​പ്പി​ക്കു​ന്നു. യഹോ​വ​യു​ടെ നിയമ​ങ്ങ​ളും തന്റെ ജനത്തോ​ടുള്ള അവന്റെ ഇടപെ​ട​ലു​ക​ളും സംബന്ധി​ച്ചു പഠിച്ച കാര്യങ്ങൾ ഹൃദയ​ത്തി​ലേക്ക്‌ ആഴ്‌ന്നി​റ​ങ്ങേ​ണ്ടി​യി​രു​ന്നു. (ആവർത്തനം 6:6, 7) അവർ അവയെ​ക്കു​റി​ച്ചു ധ്യാനി​ക്കേ​ണ്ടി​യി​രു​ന്നു. (സങ്കീർത്തനം 77:11, 12) ഓർമ്മി​ക്കാൻ ചെറു​പ്പ​ക്കാ​രെ​യും പ്രായ​മു​ള്ള​വ​രെ​യും സഹായി​ക്കു​ന്ന​തി​നു വ്യത്യസ്‌ത ഓർമ്മി​ക്കൽ സഹായി​കൾ ഉപയോ​ഗി​ച്ചി​രു​ന്നു. ഇവയിൽ അക്ഷരമാ​ലാ​ക്ര​മ​ത്തിൽ (സദൃശ​വാ​ക്യ​ങ്ങൾ 31:10-31-ലേതു​പോ​ലെ) ഒരു വ്യത്യസ്‌ത അക്ഷരം​കൊ​ണ്ടു തുടങ്ങുന്ന ഒരു സങ്കീർത്ത​ന​ത്തി​ലെ തുടർച്ച​യായ വാക്യ​ങ്ങ​ളായ സൂത്രാ​ക്ഷ​രി​ശ്ലോ​കങ്ങൾ, അനു​പ്രാ​സം (ഒരേ അക്ഷരത്തി​ലോ ശബ്ദത്തി​ലോ ആരംഭി​ക്കുന്ന പദങ്ങൾ), സദൃശ​വാ​ക്യ​ങ്ങൾ 30-ാം അദ്ധ്യാ​യ​ത്തി​ന്റെ ഒടുവിൽ ഉപയോ​ഗി​ച്ചി​രി​ക്കു​ന്ന​തു​പോ​ലെ​യുള്ള സംഖ്യ​ക​ളു​ടെ ഉപയോ​ഗം എന്നിവ ഉൾപ്പെ​ട്ടി​രു​ന്നു. രസകര​മാ​യി, പുരാതന എബ്രായ എഴുത്തി​ന്റെ ഏററവും പഴയ മാതൃ​ക​ക​ളി​ലൊ​ന്നായ ഗെസർ കലണ്ടർ ഒരു സ്‌കൂൾകു​ട്ടി​യു​ടെ ഓർമ്മി​ക്കൽ അഭ്യാ​സ​മാ​ണെന്നു ചില പണ്ഡിതൻമാർ കരുതു​ന്നു.

പാഠ്യ​പ​ദ്ധ​തി

9. (ഏ) ഇസ്ര​യേ​ലി​ലെ കുട്ടി​കൾക്കുള്ള പഠനപ​ദ്ധ​തി​യി​ലെ ഒരു പ്രധാ​ന​പ്പെട്ട ഭാഗം എന്തായി​രു​ന്നു? (ബി) വാർഷിക ഉത്സവങ്ങ​ളോ​ടു ബന്ധപ്പെട്ടു നടത്തി​യി​രുന്ന പഠിപ്പി​ക്ക​ലി​നെ സംബന്ധിച്ച്‌ ഒരു ബൈബിൾ എൻ​സൈ​ക്ലോ​പീ​ഡിയ എന്തു പ്രസ്‌താ​വി​ക്കു​ന്നു?

⁹ ഇസ്ര​യേ​ലി​ലെ വിദ്യാ​ഭ്യാ​സം എഴുതാ​നും വായി​ക്കാ​നും പഠിക്കു​ന്ന​തിൽമാ​ത്രം പരിമി​ത​പ്പെ​ട്ടി​രു​ന്നില്ല. പഠിപ്പി​ച്ചി​രുന്ന ഒരു പ്രധാ​ന​വി​ഷയം ചരി​ത്ര​മാ​യി​രു​ന്നു. തന്റെ ജനത്തിനു വേണ്ടി​യുള്ള യഹോ​വ​യു​ടെ അത്ഭുത​ക​ര​മായ ചെയ്‌തി​ക​ളെ​ക്കു​റി​ച്ചുള്ള പഠനം പാഠ്യ​പ​ദ്ധ​തി​യു​ടെ ഒരു അടിസ്ഥാ​ന​ഭാ​ഗ​മാ​യി​രു​ന്നു. ഈ ചരി​ത്ര​വ​സ്‌തു​തകൾ തലമു​റ​ത​ല​മു​റ​യാ​യി പഠിപ്പി​ക്കേ​ണ്ടി​യി​രു​ന്നു. (ആവർത്തനം 4:9, 10; സങ്കീർത്തനം 78:1-7) വാർഷിക ഉത്സവങ്ങ​ളു​ടെ ആഘോഷം കുടും​ബ​ത്ത​ല​വനു തന്റെ കുട്ടി​കളെ പഠിപ്പി​ക്കാ​നുള്ള ഒരു നല്ല അവസരം പ്രദാനം ചെയ്‌തു. (പുറപ്പാ​ടു 13:14; ലേവ്യ​പു​സ്‌തകം 23:37-43) ഈ ബന്ധത്തിൽ ദി ഇൻറർനാ​ഷനൽ സ്‌ററാൻഡേഡ്‌ ബൈബിൾ എൻ​സൈ​ക്ലോ​പീ​ഡിയ ഇപ്രകാ​രം പ്രസ്‌താ​വി​ക്കു​ന്നു: “ഭവനത്തി​ലെ പിതാ​വി​ന്റെ പ്രബോ​ധ​ന​ത്തി​ലൂ​ടെ​യും ഉത്സവങ്ങ​ളു​ടെ പ്രാധാ​ന്യം സംബന്ധിച്ച അദ്ദേഹ​ത്തി​ന്റെ വിശദീ​ക​ര​ണ​ങ്ങ​ളി​ലൂ​ടെ​യും കഴിഞ്ഞ​കാ​ലത്തു ദൈവം തന്റെ ജനത്തിനു തന്നേത്തന്നെ എങ്ങനെ വെളി​പ്പെ​ടു​ത്തി​യെ​ന്നും അവർ അക്കാലത്ത്‌ എങ്ങനെ ജീവി​ക്കേ​ണ്ടി​യി​രു​ന്നെ​ന്നും തന്റെ ജനത്തിന്റെ ഭാവി സംബന്ധിച്ച ദൈവ​ത്തി​ന്റെ വാഗ്‌ദ​ത്തങ്ങൾ എന്തായി​രു​ന്നെ​ന്നും എബ്രായ കുട്ടി​കളെ പഠിപ്പി​ച്ചു.”

10. പെൺകു​ട്ടി​കൾക്ക്‌ എന്തു പ്രാ​യോ​ഗിക പരിശീ​ലനം നൽകി​യി​രു​ന്നു? ആൺകു​ട്ടി​കൾക്കോ?

¹⁰ മാതാ​പി​താ​ക്കൾ നൽകുന്ന വിദ്യാ​ഭ്യാ​സ​ത്തിൽ പ്രാ​യോ​ഗിക പരിശീ​ല​ന​വും ഉൾപ്പെ​ട്ടി​രു​ന്നു. പെൺകു​ട്ടി​കളെ വിദഗ്‌ദ്ധ വീട്ടു​ജോ​ലി​കൾ പഠിപ്പി​ച്ചി​രു​ന്നു. ഇവ അനേക​വും വിഭി​ന്ന​ങ്ങ​ളു​മാ​യി​രു​ന്നു​വെന്നു സദൃശ​വാ​ക്യ​ങ്ങ​ളു​ടെ അവസാന അദ്ധ്യായം പ്രകട​മാ​ക്കു​ന്നു; അവയിൽ നൂൽനൂ​ല്‌പ്‌, നെയ്‌ത്ത്‌, പാചകം, കച്ചവടം, പൊതു​ഗൃ​ഹ​ഭ​രണം എന്നിവ ഉൾപ്പെ​ട്ടി​രു​ന്നു. പിതാ​വി​ന്റെ ലൗകി​ക​ജോ​ലി കൃഷി​യോ ഏന്തെങ്കി​ലും കച്ചവട​മോ കരകൗ​ശ​ല​പ്പ​ണി​യോ ആയിരു​ന്നാ​ലും അതു സാധാ​ര​ണ​യാ​യി ആൺകു​ട്ടി​കളെ പഠിപ്പി​ച്ചി​രു​ന്നു. “തന്റെ പുത്രനെ ഉപയോ​ഗ​പ്ര​ദ​മായ ഒരു തൊഴിൽ പഠിപ്പി​ക്കാ​ത്തവൻ അവനെ ഒരു കള്ളനായി വളർത്തി​ക്കൊ​ണ്ടു​വ​രി​ക​യാണ്‌” എന്നു പിൽക്കാ​ല​ങ്ങ​ളിൽ യഹൂദ​റ​ബി​മാർ പറയുക പതിവാ​യി​രു​ന്നു.

11. ഇസ്ര​യേ​ലി​ലെ വിദ്യാ​ഭ്യാ​സ​ത്തിൽ അന്തർഭ​വി​ച്ചി​രി​ക്കുന്ന ഉദ്ദേശ്യ​ത്തെ പ്രകട​മാ​ക്കു​ന്ന​തെന്ത്‌, ഇന്നത്തെ കുട്ടി​കൾക്കുള്ള എന്തു പാഠം ഇതിൽ അടങ്ങി​യി​രി​ക്കു​ന്നു?

¹¹ ഇസ്ര​യേ​ലിൽ ഉപയോ​ഗി​ച്ചി​രുന്ന പഠിപ്പി​ക്കൽ രീതി​ക​ളു​ടെ ആത്മീയ ആഴം സദൃശ​വാ​ക്യ​ങ്ങ​ളു​ടെ പുസ്‌ത​ക​ത്തി​ലു​ട​നീ​ളം വ്യക്തമാണ്‌. അതിന്റെ ഉദ്ദേശ്യം “അനുഭ​വ​പ​രി​ച​യ​മി​ല്ലാ​ത്ത​വരെ” ജ്ഞാനം, ശിക്ഷണം, വിവേകം, ഉൾക്കാഴ്‌ച, ന്യായം, ചാതു​ര്യം, അറിവ്‌, ചിന്താ​പ്രാ​പ്‌തി തുടങ്ങിയ ഉന്നതമായ കാര്യങ്ങൾ പഠിപ്പി​ക്കു​ക​യെ​ന്ന​താ​യി​രു​ന്നു എന്ന്‌ ഇതു പ്രകട​മാ​ക്കു​ന്നു—ഇതെല്ലാം “യഹോ​വാ​ഭയ”ത്തിൽ തന്നെ. (സദൃശ​വാ​ക്യ​ങ്ങൾ 1:1-7; 2:1-14) തന്റെ വിദ്യാ​ഭ്യാ​സം മെച്ച​പ്പെ​ടു​ത്തു​ന്ന​തിന്‌ ഇന്നത്തെ ദൈവ​ദാ​സ​രിൽ ഒരാൾക്കു പ്രേരണ നൽകേണ്ട ആന്തരങ്ങൾക്ക്‌ ഇത്‌ അടിവ​ര​യി​ടു​ന്നു.

പുരോ​ഹി​തൻമാ​രും ലേവ്യ​രും പ്രവാ​ച​കൻമാ​രും

12. ഇസ്ര​യേൽജ​നത്തെ പഠിപ്പി​ക്കു​ന്ന​തിൽ മാതാ​പി​താ​ക്കളെ കൂടാതെ ആർ പങ്കെടു​ത്തു, “ന്യായ​പ്ര​മാ​ണം” എന്നു വിവർത്തനം ചെയ്‌തി​രി​ക്കുന്ന എബ്രാ​യ​പ​ദ​ത്തി​ന്റെ അടിസ്ഥാന അർത്ഥം എന്താണ്‌?

¹² അടിസ്ഥാന വിദ്യാ​ഭ്യാ​സം മാതാ​പി​താ​ക്കൾ നൽകി​യ​പ്പോൾ, പുരോ​ഹി​തൻമാ​രും പുരോ​ഹി​തേതര ലേവ്യ​രും പ്രവാ​ച​കൻമാ​രും മുഖാ​ന്തരം യഹോവ തന്റെ ജനത്തെ കൂടു​ത​ലാ​യി പഠിപ്പി​ച്ചു. ലേവി​ഗോ​ത്രത്തെ അവസാ​ന​മാ​യി അനു​ഗ്ര​ഹി​ച്ച​പ്പോൾ മോശ ഇങ്ങനെ പറഞ്ഞു: “അവർ യാക്കോ​ബി​ന്നു നിന്റെ വിധി​ക​ളും യിസ്രാ​യേ​ലി​ന്നു ന്യായ​പ്ര​മാ​ണ​വും ഉപദേ​ശി​ക്കും.” (ആവർത്തനം 33:8, 10) അർത്ഥവ​ത്താ​യി, എബ്രാ​യ​യി​ലെ “ന്യായ​പ്ര​മാ​ണം” എന്ന പദം (തോറ) “പ്രകട​മാ​ക്കുക,” “പഠിപ്പി​ക്കുക,” “പ്രബോ​ധി​പ്പി​ക്കുക” എന്നർത്ഥ​മുള്ള ക്രിയാ​ധാ​തു​വിൽനിന്ന്‌ ഉത്ഭൂത​മാ​കു​ന്ന​താണ്‌. ദി എൻ​സൈ​ക്ലോ​പീ​ഡിയ ജൂഡയിക്ക ഇങ്ങനെ പ്രസ്‌താ​വി​ക്കു​ന്നു: “അതു​കൊണ്ട്‌ ഈ പദത്തിന്റെ [തോറ] അർത്ഥം ‘പഠിപ്പി​ക്കൽ,’ ‘അനുശാ​സനം,’ അല്ലെങ്കിൽ ‘പ്രബോ​ധനം’ എന്നാണ്‌.”

13. ഇസ്ര​യേ​ലി​ന്റെ ന്യായ​പ്ര​മാ​ണം മററു ജനതക​ളു​ടെ നിയമ​വ്യ​വ​സ്ഥ​ക​ളിൽനി​ന്നു വ്യത്യ​സ്‌ത​മാ​യി​രു​ന്നത്‌ എന്തു​കൊണ്ട്‌?

¹³ ഇതും ഇസ്ര​യേ​ലി​നെ മററു ജനതക​ളിൽനിന്ന്‌ ആധുനി​ക​കാല ജനതക​ളിൽനി​ന്നു​പോ​ലും, വ്യത്യ​സ്‌ത​മാ​ക്കി നിർത്തി. ഇന്നത്തെ രാഷ്‌ട്ര​ങ്ങൾക്ക്‌, പൊതു​ജ​നങ്ങൾ ഒരംശം മാത്രം അറിയുന്ന ഒരു നിയമ​സം​ഹി​ത​യാ​ണു​ള്ളത്‌. ആളുകൾ ഈ നിയമ​ത്തി​നു വിരു​ദ്ധ​മാ​യി പ്രവർത്തി​ക്കു​മ്പോൾ അവർക്കു​വേണ്ടി വാദി​ക്കു​ന്ന​തി​നു വക്കീലൻമാർക്ക്‌ അവർ ഉയർന്ന ഫീസുകൾ കൊടു​ക്കേ​ണ്ടി​വ​രു​ന്നു. നിയമ​സ്‌കൂ​ളു​കൾ ഇത്തരം പ്രവീ​ണർക്കു​വേ​ണ്ടി​യു​ള്ള​താണ്‌. അതേസ​മയം, ഇസ്ര​യേ​ലിൽ ജനങ്ങൾ തന്നെ എങ്ങനെ ആരാധി​ക്ക​ണ​മെ​ന്നും തന്റെ ഇഷ്ടത്തി​ന​നു​യോ​ജ്യ​മാ​യി എങ്ങനെ ജീവി​ക്ക​ണ​മെ​ന്നും അവരോ​ടു പറയു​ന്ന​തി​നുള്ള ദൈവ​ത്തി​ന്റെ മാർഗ്ഗ​മാ​യി​രു​ന്നു ന്യായ​പ്ര​മാ​ണം. മററു നിയമ​സം​ഹി​ത​ക​ളിൽനി​ന്നു വ്യത്യ​സ്‌ത​മാ​യി അതിൽ ദൈവ​ത്തോ​ടും അയൽക്കാ​ര​നോ​ടു​മുള്ള സ്‌നേഹം ഉൾപ്പെ​ട്ടി​രു​ന്നു. (ലേവ്യ​പു​സ്‌തകം 19:18; ആവർത്തനം 6:5) ന്യായ​പ്ര​മാ​ണം അശേഷം മാനു​ഷ​വി​കാ​ര​മി​ല്ലാത്ത ഒരു നിയമ​പു​സ്‌ത​ക​മാ​യി​രു​ന്നില്ല. അതു പഠി​ക്കേ​ണ്ടി​യി​രുന്ന ഒരു ജീവി​ത​രീ​തി സംബന്ധിച്ച്‌ അനുശാ​സ​ന​വും പഠിപ്പി​ക്ക​ലും പ്രബോ​ധ​ന​വും പ്രദാനം ചെയ്‌തു.

14. യഹോവ ലേവ്യ​പൗ​രോ​ഹി​ത്യ​ത്തെ തള്ളിക്ക​ള​ഞ്ഞ​തി​ന്റെ ഒരു കാരണം എന്തായി​രു​ന്നു? (മലാഖി 2:7, 8)

¹⁴ വിശ്വ​സ്‌ത​രാ​യി​രു​ന്ന​പ്പോൾ, പുരോ​ഹി​തൻമാ​രും ലേവ്യ​രും ജനത്തെ പഠിപ്പി​ക്കാ​നുള്ള തങ്ങളുടെ ഉത്തരവാ​ദി​ത്വം നിറ​വേ​ററി. എന്നാൽ ഒട്ടുമി​ക്ക​പ്പോ​ഴും പുരോ​ഹി​തൻമാർ ആ ജനതയെ പഠിപ്പി​ക്കാ​നുള്ള തങ്ങളുടെ കർത്തവ്യ​ത്തെ അവഗണി​ച്ചു. ദൈവ​ത്തി​ന്റെ ന്യായ​പ്ര​മാ​ണ​ത്തി​ലുള്ള വിദ്യാ​ഭ്യാ​സ​ത്തി​ന്റെ ഈ അഭാവം പുരോ​ഹി​തൻമാർക്കും ജനങ്ങൾക്കും ദാരു​ണ​മായ പരിണ​ത​ഫ​ലങ്ങൾ ഉളവാ​ക്കു​മാ​യി​രു​ന്നു. പൊ.യു.മു. (പൊതു​യു​ഗ​ത്തി​നു മുമ്പ്‌) എട്ടാം നൂററാ​ണ്ടിൽ യഹോവ ഇങ്ങനെ പ്രവചി​ച്ചു: “പരിജ്ഞാ​ന​മി​ല്ലാ​യ്‌ക​യാൽ എന്റെ ജനം നശിച്ചു​പോ​കു​ന്നു [നിശബ്ദമാകും, NW]; പരിജ്ഞാ​നം ത്യജി​ക്ക​കൊ​ണ്ടു നീ എനിക്കു പുരോ​ഹി​ത​നാ​യി​രി​ക്കാ​ത​വണ്ണം ഞാൻ നിന്നെ​യും ത്യജി​ക്കും; നീ നിന്റെ ദൈവ​ത്തി​ന്റെ ന്യായ​പ്ര​മാ​ണം മറന്നു​ക​ള​ഞ്ഞ​തു​കൊ​ണ്ടു ഞാനും നിന്റെ മക്കളെ മറെക്കും [മറക്കും, NW].”—ഹോശേയ 4:6.

15. (ഏ) പുരോ​ഹി​തൻമാ​രെ കൂടാതെ ആരെ യഹോവ ഇസ്ര​യേ​ലിൽ ഉപദേ​ഷ്ടാ​ക്കൻമാ​രാ​യി എഴു​ന്നേ​ല്‌പി​ച്ചു, വിദ്യാ​ദാ​താ​ക്ക​ളെ​ന്ന​നി​ല​യി​ലുള്ള അവരുടെ പങ്കു സംബന്ധിച്ച്‌ ഒരു ബൈബിൾ പണ്ഡിതൻ എന്തെഴു​തി? (ബി) യഹോ​വ​യെ​യും അവന്റെ വഴിക​ളെ​യും കുറി​ച്ചുള്ള പരിജ്ഞാ​നം ത്യജി​ച്ച​തി​നാൽ ഇസ്ര​യേ​ലി​നും യഹൂദ​യ്‌ക്കും ഒടുവിൽ എന്തു സംഭവി​ച്ചു?

¹⁵ പുരോ​ഹി​തൻമാ​രെ​പ്പോ​ലെ​തന്നെ പ്രവാ​ച​കൻമാ​രെ​യും യഹോവ വിദ്യാ​ദാ​താ​ക്ക​ളാ​യി എഴു​ന്നേ​ല്‌പി​ച്ചു. നാം ഇങ്ങനെ വായി​ക്കു​ന്നു: “എന്നാൽ യഹോവ സകല​പ്ര​വാ​ച​കൻമാ​രും ദർശകൻമാ​രും മുഖാ​ന്തരം യിസ്രാ​യേ​ലി​നോ​ടും യെഹൂ​ദ​യോ​ടും: നിങ്ങളു​ടെ ദുർമ്മാർഗ്ഗ​ങ്ങളെ വിട്ടു ഞാൻ നിങ്ങളു​ടെ പിതാ​ക്കൻമാ​രോ​ടു കല്‌പി​ച്ച​തും എന്റെ ദാസൻമാ​രായ പ്രവാ​ച​കൻമാർമു​ഖാ​ന്തരം നിങ്ങൾക്കു അയച്ചു​ത​ന്ന​തു​മായ ന്യായ​പ്ര​മാ​ണ​ത്തി​ന്നൊ​ത്ത​വ​ണ്ണ​മൊ​ക്കെ​യും എന്റെ കല്‌പ​ന​ക​ളും ചട്ടങ്ങളും പ്രമാ​ണി​ച്ചു​ന​ട​പ്പിൻ എന്നു സാക്ഷീ​ക​രി​ച്ചു.” (2 രാജാ​ക്കൻമാർ 17:13) വിദ്യാ​ദാ​താ​ക്ക​ളെ​ന്ന​നി​ല​യി​ലുള്ള പ്രവാ​ച​കൻമാ​രു​ടെ പങ്കു സംബന്ധി​ച്ചു ഫ്രഞ്ച്‌ ബൈബിൾ പണ്ഡിത​നായ റോളാൻഡ്‌ ഡി വോക്‌സ്‌ ഇപ്രകാ​രം എഴുതി: “ജനത്തെ പ്രബോ​ധി​പ്പി​ക്കാൻ പ്രവാ​ച​കൻമാർക്കും ഒരു ദൗത്യം ഉണ്ടായി​രു​ന്നു; ചുരു​ങ്ങി​യ​പക്ഷം ഇതു ഭാവി മുൻകൂ​ട്ടി​പ്പ​റ​യു​ന്ന​തു​പോ​ലെ​തന്നെ അവരുടെ ജോലി​യു​ടെ ഒരു ഭാഗം ആയിരു​ന്നു. പ്രാവ​ച​നിക നിശ്വ​സ്‌തത അവരുടെ പ്രസം​ഗ​ത്തി​നു ദൈവ​ത്തി​ന്റെ ഒരു സന്ദേശ​ത്തി​ന്റെ പ്രാമാ​ണി​കത നൽകി. രാജവാ​ഴ്‌ച​ക്കാ​ലത്തു പ്രവാ​ച​കൻമാർ ജനത്തിന്റെ മതപര​വും ധാർമ്മി​ക​വു​മായ ഉപദേ​ഷ്ടാ​ക്കൻമാ​രാ​യി​രു​ന്നു​വെന്നു തീർച്ച​യാണ്‌. അവർ എല്ലായ്‌പ്പോ​ഴും ഏററവും ശ്രദ്ധി​ക്ക​പ്പെ​ട്ട​വ​രാ​യി​രു​ന്നി​ല്ലെ​ങ്കി​ലും, ഏററവും നല്ല ഉപദേ​ഷ്ടാ​ക്കൻമാ​രാ​യി​രു​ന്നു എന്നു നമുക്കു കൂട്ടി​ച്ചേർക്കാ​വു​ന്ന​താണ്‌.” പ്രവാ​ച​കൻമാ​രാ​ലും ലേവ്യ​രാ​ലും ഉള്ള നല്ല വിദ്യാ​ഭ്യാ​സ​ത്തി​ന്റെ അഭാവ​ത്തി​ലൂ​ടെ​യും യഹോ​വ​യു​ടെ പ്രവാ​ച​കൻമാ​രെ ചെവി​ക്കൊ​ള്ളു​ന്ന​തി​ലെ പരാജയം നിമി​ത്ത​വും ഇസ്ര​യേ​ല്യർ യഹോ​വ​യു​ടെ വഴികളെ ഉപേക്ഷി​ച്ചു. പൊ.യു.മു. 740-ൽ ശമര്യ അസ്സീറി​യ​ക്കാർക്കു കീഴടങ്ങി, പൊ.യു.മു. 607-ൽ യരുശ​ലേ​മും അതിന്റെ ആലയവും ബാബി​ലോ​ന്യ​രാൽ നശിപ്പി​ക്ക​പ്പെട്ടു.

പ്രവാ​സ​കാ​ല​ത്തും അതിനു​ശേ​ഷ​വു​മുള്ള വിദ്യാ​ഭ്യാ​സം

16, 17. (ഏ) ദാനി​യേ​ലി​ന്റെ​യും അവന്റെ മൂന്നു കൂട്ടു​കാ​രു​ടെ​യും മേൽ ഏതു വിദ്യാ​ഭ്യാ​സ​പ​ദ്ധതി അടി​ച്ചേ​ല്‌പി​ക്ക​പ്പെട്ടു? (ബി) ഈ ബാബി​ലോ​ന്യ വിദ്യാ​ഭ്യാ​സ​ത്തി​നു വിധേ​യ​രാ​യി​ട്ടും യഹോ​വ​യോ​ടു വിശ്വ​സ്‌ത​രാ​യി നില​കൊ​ള്ളാൻ അവരെ എന്തു പ്രാപ്‌ത​രാ​ക്കി?

¹⁶ യരുശ​ലേ​മി​ന്റെ നാശത്തിന്‌ ഏതാണ്ടു പത്തുവർഷം മുമ്പു യഹോ​യാ​ഖീൻ രാജാ​വി​നെ​യും പ്രഭു​ക്കൻമാ​രെ​യും കുലീ​ന​രു​ടെ ഒരു സംഘ​ത്തെ​യും നെബു​ഖ​ദ്‌നേസ്സർ ബാബി​ലോ​ണി​ലേക്കു കൊണ്ടു​പോ​യി. (2 രാജാ​ക്കൻമാർ 24:15) അവരിൽ ദാനി​യേ​ലും വേറെ മൂന്നു യുവകു​ലീ​ന​ജാ​ത​രും ഉണ്ടായി​രു​ന്നു. (ദാനീ​യേൽ 1:3, 6) “കല്‌ദ​യ​രു​ടെ ഭാഷയി​ലും വിദ്യ​യി​ലും [എഴുത്തിലും, NW]” ഈ നാലു​പേ​രും ഒരു പ്രത്യേക ത്രിവത്സര പരിശീ​ല​ന​പ​ദ്ധ​തി​ക്കു വിധേ​യ​രാ​ക​ണ​മെന്നു നെബു​ഖ​ദ്‌നേസ്സർ രാജാവ്‌ ആജ്ഞാപി​ച്ചു. അതിനു​പു​റമേ, അവർക്കു “രാജ​ഭോ​ജ​ന​ത്തിൽനി​ന്നും താൻ കുടി​ക്കുന്ന വീഞ്ഞിൽനി​ന്നും നിത്യ​വൃ​ത്തി” നൽകി. (ദാനീ​യേൽ 1:4, 5) പല കാരണ​ങ്ങ​ളാ​ലും ഇത്‌ അപകട​സാ​ദ്ധ്യ​ത​യു​ള്ള​താ​യി​രു​ന്നു. സാധ്യ​ത​യ​നു​സ​രി​ച്ചു പാഠ്യ​പ​ദ്ധതി ഒരു ത്രിവത്സര ഭാഷാ​പ​ഠനം മാത്ര​മാ​യി​രു​ന്നില്ല. ഈ വാക്യ​ത്തി​ലെ, “കല്‌ദയർ” എന്ന പദപ്ര​യോ​ഗം “ഒരു ജനം എന്ന നിലയിൽ ബാബി​ലോ​ന്യ​രെയല്ല, പിന്നെ​യോ പണ്ഡിത​വർഗ്ഗത്തെ” പരാമർശി​ക്കു​ന്നു​വെന്നു ചിലർ കരുതു​ന്നു. (ദ സോൻസി​നോ ബുക്ക്‌സ്‌ ഓഫ്‌ ദ ബൈബിൾ) ദാനി​യേ​ലി​നെ​ക്കു​റി​ച്ചുള്ള തന്റെ ഭാഷ്യ​ത്തിൽ കെ. എഫ്‌. കെയ്‌ൽ ഇങ്ങനെ പ്രസ്‌താ​വി​ക്കു​ന്നു: “ദാനി​യേ​ലും അവന്റെ കൂട്ടു​കാ​രും, ബാബി​ലോ​ണി​ലെ സ്‌കൂ​ളു​ക​ളിൽ പഠിപ്പി​ച്ചി​രുന്ന കൽദയ​പു​രോ​ഹി​തൻമാ​രു​ടെ​യും പണ്ഡിതൻമാ​രു​ടെ​യും ജ്ഞാനം അഭ്യസി​പ്പി​ക്ക​പ്പെ​ടേ​ണ്ടി​യി​രു​ന്നു.” രാജകീയ ഭക്ഷണ​ക്ര​മീ​ക​രണം അവരെ മോശ​യു​ടെ ന്യായ​പ്ര​മാ​ണം ചുമത്തിയ ഭക്ഷണനി​യ​ന്ത്ര​ണ​ങ്ങളെ ലംഘി​ക്കു​ന്ന​തി​ന്റെ അപകട​ത്തി​ലു​മാ​ക്കി. അവർ എങ്ങനെ​യാ​ണു ഭക്ഷിച്ചത്‌?

¹⁷ ഈ നാലു യുവ എബ്രായ കുലീ​ന​രു​ടെ വക്താവെന്ന നിലയിൽ തങ്ങളുടെ മനസ്സാ​ക്ഷി​ക്കു വിരു​ദ്ധ​മാ​യി തങ്ങൾ ഭക്ഷിക്കു​ക​യോ പാനം ചെയ്യു​ക​യോ ഇല്ല എന്നു ദാനി​യേൽ തുടക്കം​മു​തൽതന്നെ വ്യക്തമാ​ക്കി. (ദാനീ​യേൽ 1:8, 11-13) യഹോവ ഈ ഉറച്ച നിലപാ​ടി​നെ അനു​ഗ്ര​ഹി​ക്കു​ക​യും ചുമതല വഹിച്ചി​രുന്ന ബാബി​ലോ​ന്യ ഉദ്യോ​ഗ​സ്ഥന്റെ ഹൃദയത്തെ മയപ്പെ​ടു​ത്തു​ക​യും ചെയ്‌തു. (ദാനീ​യേൽ 1:9, 14-16) അവരുടെ പഠനങ്ങൾ സംബന്ധിച്ച്‌, ബാബി​ലോ​ന്യ സംസ്‌കാ​ര​ത്തി​ലെ അവരുടെ നിർബ​ന്ധിത ത്രിവത്സര പാഠ്യ​പ​ദ്ധതി, യഹോ​വ​യോ​ടും അവന്റെ ശുദ്ധാ​രാ​ധ​ന​യോ​ടു​മുള്ള ആഴമായ ബന്ധത്തിൽനിന്ന്‌ അവരെ വ്യതി​ച​ലി​പ്പി​ക്കാൻ ഇടയാ​ക്കി​യില്ല എന്ന്‌ ആ നാലു യുവ എബ്രാ​യ​രു​ടെ​യും ജീവി​ത​ത്തി​ലെ അനന്തര​സം​ഭ​വങ്ങൾ സംശയാ​തീ​ത​മാ​യി തെളി​യി​ക്കു​ന്നു. (ദാനീ​യേൽ 3-ഉം 6-ഉം അദ്ധ്യാ​യങ്ങൾ) ബാബി​ലോ​ന്യ ഉന്നത വിദ്യാ​ഭ്യാ​സ​ത്തി​ലെ ഈ നിർബ​ന്ധിത ത്രിവത്സര നിമജ്ജ​ന​ത്തിൽനി​ന്നു കേടു​പ​റ​റാ​തെ പുറത്തു​വ​രാൻ യഹോവ അവരെ പ്രാപ്‌ത​രാ​ക്കി. “ഈ നാലു ബാലൻമാർക്കോ ദൈവം സകലവി​ദ്യ​യി​ലും ജ്ഞാനത്തി​ലും നിപു​ണ​ത​യും സാമർത്ഥ്യ​വും കൊടു​ത്തു; ദാനീ​യേൽ സകലദർശ​ന​ങ്ങ​ളെ​യും സ്വപ്‌ന​ങ്ങ​ളെ​യും സംബന്ധി​ച്ചു വിവേ​കി​യാ​യി​രു​ന്നു. രാജാവു അവരോ​ടു ജ്ഞാനവി​വേ​ക​സം​ബ​ന്ധ​മാ​യി ചോദി​ച്ച​തിൽ ഒക്കെയും അവരെ തന്റെ രാജ്യ​ത്തെ​ല്ലാ​ട​വു​മുള്ള സകല മന്ത്രവാ​ദി​ക​ളി​ലും ആഭിചാ​ര​കൻമാ​രി​ലും പത്തിരട്ടി വിശി​ഷ്ടൻമാ​രെന്നു കണ്ടു.”—ദാനീ​യേൽ 1:17, 20.

18. ബാബി​ലോ​ന്യ അടിമ​ത്ത​ത്തി​നു​ശേഷം യഹൂദ​യിൽ ഏതു വിദ്യാ​ഭ്യാ​സ​പ്ര​വർത്തനം നിർവ​ഹി​ക്ക​പ്പെട്ടു?

¹⁸ ബാബി​ലോ​ന്യ അടിമ​ത്ത​ത്തി​നു​ശേഷം, “യഹോ​വ​യു​ടെ ന്യായ​പ്ര​മാ​ണം പരി​ശോ​ധി​പ്പാ​നും അതു അനുസ​രി​ച്ചു നടപ്പാ​നും യിസ്രാ​യേ​ലിൽ അതിന്റെ ചട്ടങ്ങളും വിധി​ക​ളും ഉപദേ​ശി​പ്പാ​നും മനസ്സു​വെച്ച” എസ്രാ വലി​യൊ​രു വിദ്യാ​ഭ്യാ​സ​പ്ര​വർത്തനം നിർവ​ഹി​ച്ചു. (എസ്രാ 7:10) ഇതിൽ, ജനത്തിനു “ന്യായ​പ്ര​മാ​ണ​ത്തി​ന്റെ പൊരുൾ തിരി​ച്ചു​കൊ​ടുത്ത” വിശ്വ​സ്‌ത​രായ ലേവ്യർ അവനെ സഹായി​ച്ചു. (നെഹെ​മ്യാ​വു 8:7) എസ്രാ ഒരു ബൈബിൾ പണ്ഡിത​നും “ഒരു വിദഗ്‌ദ്ധ പകർപ്പെ​ഴു​ത്തു​കാര”നും അഥവാ ശാസ്‌ത്രി​യും ആയിരു​ന്നു. (എസ്രാ 7:6, NW) അവന്റെ കാലത്താ​ണു ശാസ്‌ത്രി​മാർ ഒരു വർഗ്ഗ​മെ​ന്ന​നി​ല​യിൽ പ്രാമു​ഖ്യ​ത​യി​ലേക്കു വന്നത്‌.

റബ്ബിമാ​രു​ടെ സ്‌കൂ​ളു​കൾ

19. യേശു ഭൂമി​യിൽ വന്ന കാലമാ​യ​പ്പോ​ഴേക്കു വിദ്യാ​ദാ​താ​ക്ക​ളു​ടെ ഏതു വർഗ്ഗം ഇസ്ര​യേ​ലിൽ പ്രത്യ​ക്ഷ​പ്പെ​ട്ടി​രു​ന്നു, ഏതു പ്രധാ​ന​പ്പെട്ട കാരണ​ങ്ങ​ളാൽ അവനും അവന്റെ ശിഷ്യൻമാ​രും യഹൂദ ഉപരി​പ​ഠ​ന​ത്തി​നു വിധേ​യ​രാ​യില്ല?

¹⁹ യേശു ഭൂമി​യിൽ പ്രത്യ​ക്ഷ​പ്പെട്ട സമയമാ​യ​പ്പോ​ഴേക്കു ശാസ്‌ത്രി​മാർ ദൈവ​വ​ച​ന​ത്തി​ന്റെ യഥാർത്ഥ പഠിപ്പി​ക്ക​ലു​ക​ളേ​ക്കാൾ പാരമ്പ​ര്യ​ങ്ങ​ളോ​ടു കൂടുതൽ പററി​നിന്ന ഉപദേ​ഷ്ടാ​ക്കൻമാ​രു​ടെ ഒരു ശ്രേഷ്‌ഠ​വർഗ്ഗം ആയിത്തീർന്നി​രു​ന്നു. അവരെ “റബ്ബീ” എന്നു വിളി​ക്കാൻ അവർ ആഗ്രഹി​ച്ചു. അത്‌ “മഹാൻ” (ഉത്‌കൃ​ഷ്ടൻ) എന്നർത്ഥ​മുള്ള ഒരു ബഹുമാ​ന്യ സ്ഥാന​പ്പേ​രാ​യി​ത്തീർന്നി​രു​ന്നു. (മത്തായി 23:6, 7, പുതി​യ​ലോക ഭാഷാ​ന്തരം അടിക്കു​റിപ്പ്‌) ക്രിസ്‌തീയ ഗ്രീക്കു തിരു​വെ​ഴു​ത്തു​ക​ളിൽ ശാസ്‌ത്രി​മാ​രെ മിക്ക​പ്പോ​ഴും പരീശൻമാ​രു​മാ​യി ബന്ധപ്പെ​ടു​ത്തി​യി​രി​ക്കു​ന്നു, അവരിൽ ചിലർതന്നെ ന്യായ​പ്ര​മാ​ണ​ത്തി​ന്റെ ഉപദേ​ഷ്ടാ​ക്കൻമാ​രാ​യി​രു​ന്നു. (പ്രവൃ​ത്തി​കൾ 5:34) തങ്ങളുടെ പാരമ്പ​ര്യ​ങ്ങൾ നിമിത്തം ദൈവ​വ​ച​നത്തെ അസാധു​വാ​ക്കി​യ​താ​യും “മാനു​ഷിക കല്‌പ​ന​ക​ളായ ഉപദേ​ശങ്ങൾ” പഠിപ്പി​ച്ച​താ​യും ഇരുകൂ​ട്ട​രെ​യും യേശു കുററ​പ്പെ​ടു​ത്തി. (മത്തായി 15:1, 6, 9) യേശു​വും അവന്റെ ശിഷ്യൻമാ​രിൽ മിക്കവ​രും റബ്ബിമാ​രു​ടെ ഈ സ്‌കൂ​ളു​ക​ളിൽ വിദ്യാ​ഭ്യാ​സം ചെയ്യാ​ഞ്ഞ​തിൽ അതിശ​യി​ക്കാ​നില്ല.—യോഹ​ന്നാൻ 7:14, 15; പ്രവൃ​ത്തി​കൾ 4:13; 22:3.

20. ബൈബിൾകാ​ല​ങ്ങ​ളി​ലെ വിദ്യാ​ഭ്യാ​സ​ത്തി​ന്റെ ഈ പുനര​വ​ലോ​കനം നമുക്ക്‌ എന്തു കാണി​ച്ചു​ത​ന്നി​രി​ക്കു​ന്നു, യഹോ​വ​യു​ടെ ദാസൻമാർക്കു വിദ്യാ​ഭ്യാ​സം ആവശ്യ​മാ​ണെന്ന്‌ എന്തു സൂചി​പ്പി​ക്കു​ന്നു?

²⁰ ബൈബിൾ കാലങ്ങ​ളി​ലെ വിദ്യാ​ഭ്യാ​സ​ത്തി​ന്റെ ഈ പരിചി​ന്തനം യഹോ​വ​യാ​ണു അവന്റെ ജനത്തിന്റെ മഹാ​പ്ര​ബോ​ധകൻ എന്നു കാണി​ച്ചു​ത​ന്നി​രി​ക്കു​ന്നു. ദൈവം മോശ മുഖാ​ന്തരം ഇസ്ര​യേ​ലിൽ ഫലപ്ര​ദ​മായ ഒരു വിദ്യാ​ഭ്യാ​സ​പ​ദ്ധതി സംഘടി​പ്പി​ച്ചു. എന്നാൽ ദീർഘ​കാ​ല​ത്തി​നു​ശേഷം ദൈവ​വ​ച​ന​ത്തി​നു വിരു​ദ്ധ​മായ കാര്യങ്ങൾ പഠിപ്പി​ച്ചി​രുന്ന യഹൂദ ഉപരി​വി​ദ്യാ​ഭ്യാ​സ​ത്തി​ന്റെ ഒരു സമ്പ്രദാ​യം വികാസം പ്രാപി​ച്ചു. യേശു അത്തരം യഹൂദ​വി​ദ്യാ​ല​യ​ങ്ങ​ളിൽ പോയി​ല്ലെ​ങ്കി​ലും അവൻ അനുപ​മ​നായ ഒരു അദ്ധ്യാ​പ​ക​നാ​യി​രു​ന്നു. (മത്തായി 7:28, 29; 23:8; യോഹ​ന്നാൻ 13:13) വ്യവസ്ഥി​തി​യു​ടെ സമാപ​നം​വരെ പോലും പ്രസം​ഗി​ക്കാൻ അവൻ അവന്റെ ശിഷ്യൻമാ​രെ നിയോ​ഗി​ച്ചു. (മത്തായി 28:19, 20) ഇതു ചെയ്യു​ന്ന​തിന്‌ അവർ നല്ല അദ്ധ്യാ​പ​ക​രാ​യി​രി​ക്കേ​ണ്ടി​യി​രു​ന്നു, തത്‌ഫ​ല​മാ​യി അവർക്കു വിദ്യാ​ഭ്യാ​സം ആവശ്യ​മാ​യി​രു​ന്നു. അതു​കൊണ്ട്‌ ഇന്നു സത്യ​ക്രി​സ്‌ത്യാ​നി​കൾ വിദ്യാ​ഭ്യാ​സത്തെ എങ്ങനെ വീക്ഷി​ക്കണം? ഈ ചോദ്യം അടുത്ത ലേഖന​ത്തിൽ പരിചി​ന്തി​ക്ക​പ്പെ​ടും.

ഒരു ഓർമ്മ​പ​രി​ശോ​ധന

◻ യഹോവ തന്റെ ദാസൻമാ​രു​ടെ വിദ്യാ​ഭ്യാ​സ​ത്തിൽ താത്‌പ​ര്യ​മു​ള്ള​വ​നാ​ണെന്നു നമുക്ക്‌ ഉറപ്പു​ള്ള​വ​രാ​യി​രി​ക്കാൻ കഴിയു​ന്ന​തെ​ന്തു​കൊണ്ട്‌?

◻ ഏതെല്ലാം വിധങ്ങ​ളിൽ ഇസ്ര​യേ​ലി​ലെ വിദ്യാ​ഭ്യാ​സ​പ​ദ്ധതി മററു ജനതക​ളു​ടേ​തിൽനി​ന്നു വ്യത്യ​സ്‌ത​മാ​യി​രു​ന്നു?

◻ ഇസ്ര​യേ​ല്യ​കു​ട്ടി​കൾക്ക്‌ എന്തു വിദ്യാ​ഭ്യാ​സ​മാ​ണു ലഭിച്ചത്‌?

◻ ഇസ്ര​യേ​ലിൽ ഏതു പഠിപ്പി​ക്കൽ രീതികൾ ഉപയോ​ഗി​ച്ചി​രു​ന്നു?

◻ യേശു​വും അവന്റെ ശിഷ്യൻമാ​രും ഉപരി​പ​ഠ​ന​ത്തി​നു യഹൂദ​വി​ദ്യാ​ല​യ​ങ്ങ​ളിൽ പോകാ​ഞ്ഞത്‌ എന്തു​കൊണ്ട്‌?

[14-ാം പേജിലെ ചിത്രം]

ബാബിലോണിലെ നിർബ​ന്ധി​ത​വി​ദ്യാ​ഭ്യാ​സം ദാനി​യേ​ലി​നെ​യും അവന്റെ കൂട്ടു​കാ​രെ​യും യഹോ​വ​യിൽനിന്ന്‌ അകററി​ക്ക​ള​ഞ്ഞി​ല്ല