മരിച്ചവർ എവിടെ?

“ഭൂമി ഒരു ചന്തസ്ഥല​മാണ്‌; സ്വർഗ​മാ​ണു നമ്മുടെ ഭവനം” എന്ന്‌ ഉത്തരാ​ഫ്രി​ക്ക​യി​ലെ യൊരൂ​ബ​ക്കാ​രു​ടെ ഇടയിൽ ഒരു ചൊല്ലുണ്ട്‌. അനേക മതങ്ങളി​ലും ഈ ആശയത്തി​ന്റെ ധ്വനി മുഴങ്ങു​ന്നുണ്ട്‌. അത്‌, നാം അൽപ്പസ​മയം സന്ദർശിച്ച്‌ മടങ്ങി​പ്പോ​കുന്ന ഒരു ചന്തസ്ഥലം​പോ​ലെ​യാ​ണു ഭൂമി എന്ന ആശയം പകരുന്നു. ഈ വിശ്വാ​സ​പ്ര​കാ​രം നാം മരിക്കു​മ്പോൾ നമ്മുടെ യഥാർഥ വാസസ്ഥ​ല​മായ സ്വർഗ​ത്തി​ലേക്കു പോകു​ന്നു.

ചിലർ സ്വർഗ​ത്തിൽപോ​കു​മെന്നു ബൈബിൾ പഠിപ്പി​ക്കു​ന്നുണ്ട്‌. യേശു തന്റെ വിശ്വസ്‌ത അപ്പോ​സ്‌ത​ലൻമാ​രോ​ടു പറഞ്ഞു: “എന്റെ പിതാ​വി​ന്റെ ഭവനത്തിൽ അനേകം വാസസ്ഥ​ലങ്ങൾ ഉണ്ടു; . . . ഞാൻ പോയി നിങ്ങൾക്കു സ്ഥലം ഒരുക്കി​യാൽ, ഞാൻ ഇരിക്കുന്ന ഇടത്തു നിങ്ങളും ഇരി​ക്കേ​ണ്ട​തി​ന്നു പിന്നെ​യും വന്നു നിങ്ങളെ എന്റെ അടുക്കൽ ചേർത്തു​കൊ​ള്ളും.”—യോഹ​ന്നാൻ 14:2, 3.

എല്ലാ നല്ലയാ​ളു​ക​ളും സ്വർഗ​ത്തിൽപോ​കു​മെ​ന്നോ സ്വർഗ​മാ​ണു മനുഷ്യ​വർഗ​ത്തി​ന്റെ ഭവന​മെ​ന്നോ യേശു​വി​ന്റെ വാക്കുകൾ അർഥമാ​ക്കു​ന്നില്ല. ഭൂമി​യു​ടെ​മേൽ ഭരണം നടത്തു​ന്ന​തി​നോ​ടുള്ള ബന്ധത്തിൽ ചിലർ സ്വർഗ​ത്തി​ലേക്ക്‌ എടുക്ക​പ്പെ​ടു​ന്നു. മനുഷ്യ ഗവൺമെൻറു​കൾ ഭൂമി​യി​ലെ സ്ഥിതി​ഗ​തി​കൾ ഒരിക്ക​ലും വിജയകരമാംവിധം കൈകാ​ര്യം ചെയ്യു​ക​യി​ല്ലെന്നു യഹോ​വ​യാം ദൈവം അറിഞ്ഞി​രു​ന്നു. അതു​കൊണ്ട്‌, ഭൂമി​യു​ടെ​മേൽ ക്രമേണ നിയ​ന്ത്ര​ണ​മേ​റെ​റ​ടു​ക്കു​ക​യും തന്റെ ആദിമ ഉദ്ദേശ്യം​പോ​ലെ​തന്നെ അതിനെ പറുദീ​സ​യാ​യി രൂപാ​ന്ത​ര​പ്പെ​ടു​ത്തു​ക​യും ചെയ്യുന്ന ഒരു സ്വർഗീയ ഗവൺമെൻറിന്‌ അഥവാ രാജ്യ​ത്തി​നു​വേണ്ടി അവൻ ക്രമീ​ക​രണം ചെയ്‌തു. (മത്തായി 6:9, 10) ദൈവ​രാ​ജ്യ​ത്തി​ന്റെ രാജാവ്‌ യേശു​വാ​യി​രി​ക്കും. (ദാനീ​യേൽ 7:13, 14) അവനോ​ടു​കൂ​ടെ ഭരിക്കു​ന്ന​തിന്‌ മനുഷ്യ​വർഗ​ത്തിൽനി​ന്നു മററു​ള്ളവർ തിര​ഞ്ഞെ​ടു​ക്ക​പ്പെ​ടും. സ്വർഗ​ത്തി​ലേക്ക്‌ എടുക്ക​പ്പെ​ടു​ന്നവർ “ദൈവ​ത്തി​ന്നു . . . രാജ്യ​വും പുരോ​ഹി​തൻമാ​രും” ആയി “ഭൂമി​യിൽ വാഴു”മെന്ന്‌ ബൈബിൾ മുൻകൂ​ട്ടി​പ്പ​റഞ്ഞു.—വെളി​പ്പാ​ടു 5:10.

സ്വർഗ​ത്തിൽ പോകു​ന്ന​താര്‌?

ഈ സ്വർഗീയ ഭരണാ​ധി​പൻമാർക്കുള്ള വലിയ ഉത്തരവാ​ദി​ത്വം കണക്കി​ലെ​ടു​ക്കു​മ്പോൾ അവർ കർശന​മായ വ്യവസ്ഥകൾ പാലി​ക്കേ​ണ്ട​താ​യി​ട്ടുണ്ട്‌ എന്നതിൽ അതിശ​യി​ക്കാ​നില്ല. സ്വർഗ​ത്തി​ലേക്കു പോകു​ന്നവർ യഹോ​വ​യെ​ക്കു​റി​ച്ചു സൂക്ഷ്‌മ​പ​രി​ജ്ഞാ​നം നേടു​ക​യും അവനെ അനുസ​രി​ക്കു​ക​യും ചെയ്യണം. (യോഹ​ന്നാൻ 17:3; റോമർ 6:17, 18) അവർ യേശു​വി​ന്റെ മറുവി​ല​യാ​ഗ​ത്തിൽ വിശ്വാ​സം പ്രകട​മാ​ക്കേ​ണ്ട​തുണ്ട്‌. (യോഹ​ന്നാൻ 3:16) എന്നാൽ, വേറെ​യും കാര്യങ്ങൾ ഉൾപ്പെ​ടു​ന്നുണ്ട്‌. അവർ, ദൈവ​ത്താൽ അവന്റെ പുത്രൻ മുഖാ​ന്തരം വിളി​ക്ക​പ്പെ​ട്ട​വ​രും തിര​ഞ്ഞെ​ടു​ക്ക​പ്പെ​ട്ട​വ​രും ആയിരി​ക്കണം. (2 തിമൊ​ഥെ​യൊസ്‌ 1:9, 10; 1 പത്രൊസ്‌ 2:9) കൂടാതെ അവർ ‘പുതു​താ​യി ജനിച്ച,’ [‘വീണ്ടും ജനിച്ച, ’NW] ദൈവ​ത്തി​ന്റെ പരിശു​ദ്ധാ​ത്മാ​വി​നാൽ സ്‌നാ​പ​ന​മേററ, ക്രിസ്‌ത്യാ​നി​ക​ളാ​യി​രി​ക്കണം. (യോഹ​ന്നാൻ 1:12, 13; 3:3-6) അവർ മരണ​ത്തോ​ളം ദൈവ​ത്തോ​ടു നിർമലത പാലി​ക്കേ​ണ്ട​തു​മുണ്ട്‌.—2 തിമൊ​ഥെ​യൊസ്‌ 2:11-13; വെളി​പ്പാ​ടു 2:10.

ജീവി​ക്കു​ക​യും മരിക്കു​ക​യും ചെയ്‌ത അസംഖ്യം ദശലക്ഷങ്ങൾ ഈ നിബന്ധ​നകൾ പാലി​ച്ചി​ട്ടില്ല. സത്യ​ദൈ​വ​ത്തെ​ക്കു​റിച്ച്‌ അറിയാൻ അനേകർക്കും ഒട്ടും​തന്നെ അവസര​മു​ണ്ടാ​യി​രു​ന്നി​ട്ടില്ല. മററു​ചി​ലർ ഒരിക്ക​ലും ബൈബിൾ വായി​ച്ചി​ട്ടില്ല. തൻമൂലം അവർ യേശു​ക്രി​സ്‌തു​വി​നെ​ക്കു​റിച്ച്‌ അൽപ്പമോ ഒട്ടും​ത​ന്നെ​യോ അറിവി​ല്ലാ​ത്ത​വ​രാണ്‌. ഭൂമി​യി​ലുള്ള സത്യ​ക്രിസ്‌ത്യാ​നി​ക​ളിൽനി​ന്നു​പോ​ലും ചുരുക്കം ചിലരെ മാത്രമേ സ്വർഗീയ ജീവി​ത​ത്തി​ലേക്കു ദൈവം തിര​ഞ്ഞെ​ടു​ത്തി​ട്ടു​ള്ളൂ.

തത്‌ഫ​ല​മാ​യി, സ്വർഗ​ത്തി​ലേക്കു പോകു​ന്ന​വ​രു​ടെ സംഖ്യ താരത​മ്യേന ചെറു​താ​യി​രി​ക്കും. യേശു അത്തരക്കാ​രെ “ചെറിയ ആട്ടിൻകൂട്ട”മെന്നു പരാമർശി​ച്ചു. (ലൂക്കൊസ്‌ 12:32) യേശു​വി​നോ​ടൊ​പ്പം സ്വർഗ​ത്തിൽ വാഴു​ന്ന​തി​നു​വേണ്ടി “ഭൂമി​യിൽനി​ന്നു വിലെക്കു വാങ്ങിയ”വർ 1,44,000 പേർ മാത്ര​മാ​യി​രി​ക്കു​മെന്നു പിന്നീട്‌ അപ്പോ​സ്‌ത​ല​നായ യോഹ​ന്നാ​നു വെളി​പ്പെ​ടു​ത്തു​ക​യു​ണ്ടാ​യി. (വെളി​പ്പാ​ടു 14:1, 3; 20:6) ഭൂമി​യിൽ ജീവി​ച്ചി​ട്ടുള്ള ശതകോ​ടി​ക്ക​ണ​ക്കി​നാ​ളു​ക​ളു​മാ​യി തുലനം ചെയ്യു​മ്പോൾ വാസ്‌ത​വ​ത്തിൽ ഇത്‌ ഒരു ചെറിയ സംഖ്യ​ത​ന്നെ​യാണ്‌.

സ്വർഗ​ത്തിൽ പോകു​ന്നി​ല്ലാ​ത്തവർ

സ്വർഗ​ത്തിൽ പോകു​ന്നി​ല്ലാ​ത്ത​വർക്ക്‌ എന്തു സംഭവി​ക്കു​ന്നു? ചില മതങ്ങൾ പഠിപ്പി​ക്കു​ന്ന​തു​പോ​ലെ അവർ ഒരു നിത്യ​ദണ്ഡന സ്ഥലത്തു കഷ്ടമനു​ഭ​വി​ക്കു​ക​യാ​ണോ? തീർച്ച​യാ​യും അല്ല. കാരണം യഹോവ സ്‌നേ​ഹ​വാ​നായ ദൈവ​മാണ്‌. സ്‌നേ​ഹ​മുള്ള മാതാ​പി​താ​ക്കൾ തങ്ങളുടെ കുട്ടി​കളെ തീയിൽ എറിയു​ക​യില്ല. അവ്വണ്ണം യഹോ​വ​യും ജനങ്ങളെ ദണ്ഡിപ്പി​ക്കു​ന്നില്ല.—1 യോഹ​ന്നാൻ 4:8.

മരിച്ചു​പോ​യ ബഹുഭൂ​രി​പ​ക്ഷ​ത്തി​നു​മുള്ള ഭാവി​പ്ര​ത്യാ​ശ ഭൗമിക പറുദീ​സ​യി​ലേ​ക്കുള്ള ഒരു പുനരു​ത്ഥാ​ന​മാണ്‌. യഹോവ ഭൂമിയെ “നിവസി​ക്ക​പ്പെ​ടു​ന്ന​തി​നു” സൃഷ്ടി​ച്ചു​വെന്നു ബൈബിൾ പറയുന്നു. (യെശയ്യാവ്‌ 45:18, NW) “സ്വർഗ്ഗം യഹോ​വ​യു​ടെ സ്വർഗ്ഗ​മാ​കു​ന്നു; ഭൂമിയെ അവൻ മനുഷ്യർക്കു കൊടു​ത്തി​രി​ക്കു​ന്നു” എന്ന്‌ സങ്കീർത്ത​ന​ക്കാ​രൻ പ്രഖ്യാ​പി​ച്ചു. (സങ്കീർത്തനം 115:16) മനുഷ്യ​വർഗ​ത്തി​ന്റെ ശാശ്വത ഭവനം ഭൂമി​യാണ്‌ അല്ലാതെ സ്വർഗമല്ല.

“സ്‌മാ​ര​ക​ക്ക​ല്ല​റ​ക​ളി​ലുള്ള എല്ലാവ​രും അവന്റെ [“മനുഷ്യ​പു​ത്ര”നായ യേശു​വി​ന്റെ] ശബ്ദം കേൾക്കു​ക​യും പുറത്തു വരിക​യും ചെയ്യുന്ന നാഴിക വരുന്നു” എന്ന്‌ യേശു മുൻകൂ​ട്ടി​പ്പ​റഞ്ഞു. (യോഹ​ന്നാൻ 5:27-29, NW) “നീതി​മാൻമാ​രു​ടെ​യും നീതി​കെ​ട്ട​വ​രു​ടെ​യും പുനരു​ത്ഥാ​നം ഉണ്ടാകും എന്നു . . . ഞാനും ദൈവ​ത്തി​ങ്കൽ ആശവെ​ച്ചി​രി​ക്കു​ന്നു” എന്ന്‌ ക്രിസ്‌തീയ അപ്പോ​സ്‌ത​ല​നായ പൗലോസ്‌ ഉറപ്പിച്ചു പറഞ്ഞു. (പ്രവൃ​ത്തി​കൾ 24:15) ദണ്ഡനസ്‌തം​ഭ​ത്തി​ലാ​യി​രു​ന്ന​പ്പോൾ അനുത​പിച്ച ദുഷ്‌പ്ര​വൃ​ത്തി​ക്കാ​രന്‌ പുനരു​ത്ഥാ​ന​ത്തി​ലൂ​ടെ ഭൗമിക പറുദീ​സ​യി​ലേ​ക്കുള്ള ജീവൻ യേശു വാഗ്‌ദാ​നം ചെയ്‌തു.—ലൂക്കൊസ്‌ 23:43.

ഭൂമി​യി​ലെ ജീവനി​ലേക്ക്‌ ഉയിർപ്പി​ക്ക​പ്പെ​ടുന്ന മരിച്ചു​പോ​യ​വ​രു​ടെ ഇപ്പോ​ഴത്തെ അവസ്ഥ​യെ​ന്താണ്‌? യേശു​വി​ന്റെ ശുശ്രൂ​ഷ​യി​ലെ ഒരു സംഭവം ഈ ചോദ്യ​ത്തിന്‌ ഉത്തരം നൽകാൻ നമ്മെ സഹായി​ക്കു​ന്നു. അവന്റെ സുഹൃ​ത്താ​യി​രുന്ന ലാസർ മരിച്ചു​പോ​യി. ലാസറി​നെ ഉയിർപ്പി​ക്കാൻ പുറ​പ്പെ​ടു​ന്ന​തി​നു​മുമ്പ്‌ യേശു തന്റെ ശിഷ്യൻമാ​രോട്‌ “നമ്മുടെ സ്‌നേ​ഹി​ത​നായ ലാസർ നിദ്ര​കൊ​ള്ളു​ന്നു; എങ്കിലും ഞാൻ അവനെ ഉണർത്തു​വാൻ പോകു​ന്നു” എന്നു പറഞ്ഞു. (യോഹന്നാൻ 11:11) അങ്ങനെ യേശു മരണത്തെ നിദ്ര​യോട്‌, സ്വപ്‌ന​ങ്ങ​ളൊ​ന്നു​മി​ല്ലാത്ത ഗാഢനി​ദ്ര​യോട്‌, തുലനം ചെയ്‌തു.

മരണത്തിൽ നിദ്ര​കൊ​ള്ളൽ

മരണത്തിൽ നിദ്ര​കൊ​ള്ളു​ന്നു​വെന്ന ആശയ​ത്തോട്‌ മററു തിരു​വെ​ഴു​ത്തു​ക​ളും പൊരു​ത്ത​പ്പെ​ടു​ന്നു. മരണത്തിൽ ആത്മമണ്ഡ​ല​ത്തി​ലേക്കു കടന്നു​പോ​കുന്ന ഒരു അമർത്ത്യ ദേഹി മനുഷ്യർക്കുണ്ട്‌ എന്ന്‌ അവ പഠിപ്പി​ക്കു​ന്നില്ല. മറിച്ച്‌, ബൈബിൾ ഇങ്ങനെ പറയുന്നു: “മരിച്ച​വ​രോ ഒന്നും അറിയു​ന്നില്ല; . . . അവരുടെ സ്‌നേ​ഹ​വും ദ്വേഷ​വും അസൂയ​യും നശിച്ചു​പോ​യി; . . . നീ ചെല്ലുന്ന പാതാ​ള​ത്തിൽ പ്രവൃ​ത്തി​യോ സൂത്ര​മോ, അറിവോ, ജ്ഞാനമോ ഒന്നും ഇല്ല.” (സഭാ​പ്ര​സം​ഗി 9:5, 6, 10) കൂടാതെ, മനുഷ്യൻ “മണ്ണി​ലേക്കു തിരി​യു​ന്നു; അന്നു തന്നേ അവന്റെ നിരൂ​പ​ണങ്ങൾ നശിക്കു​ന്നു” എന്ന്‌ സങ്കീർത്ത​ന​ക്കാ​രൻ പ്രഖ്യാ​പി​ച്ചു.—സങ്കീർത്തനം 146:4.

മരണത്തിൽ നിദ്ര​കൊ​ള്ളു​ന്ന​വർക്ക്‌ നമ്മെ കാണാ​നോ കേൾക്കാ​നോ കഴിയു​ക​യില്ല എന്ന്‌ ഈ തിരു​വെ​ഴു​ത്തു​കൾ വ്യക്തമാ​ക്കു​ന്നു. അനു​ഗ്ര​ഹ​മോ നാശമോ വരുത്തു​ന്ന​തിന്‌ അവർ അപ്രാ​പ്‌ത​രാണ്‌. അവർ സ്വർഗ​ത്തി​ലില്ല. അവർ പൂർവി​ക​രു​ടെ സമുദാ​യ​ത്തി​ലും വസിക്കു​ന്നില്ല. അവർ നിർജീ​വ​രാണ്‌, അവർ അസ്‌തി​ത്വ​ത്തി​ലില്ല.

ദൈവ​ത്തി​ന്റെ തക്കസമ​യത്ത്‌ ഇപ്പോൾ മരണത്തിൽ നിദ്ര​കൊ​ള്ളു​ന്ന​വ​രും അവന്റെ സ്‌മര​ണ​യി​ലു​ള്ള​വ​രും ഒരു പറുദീ​സാ​ഭൂ​മി​യി​ലെ ജീവി​ത​ത്തി​ലേക്ക്‌ ഉയിർപ്പി​ക്ക​പ്പെ​ടും. അത്‌ മലിനീ​ക​രണം, ബുദ്ധി​മു​ട്ടു​കൾ എന്നിങ്ങനെ മനുഷ്യ​വർഗം ഇപ്പോൾ അനുഭ​വി​ക്കുന്ന പ്രശ്‌ന​ങ്ങ​ളിൽനി​ന്നെ​ല്ലാം ശുദ്ധീ​ക​രി​ക്ക​പ്പെട്ട ഒരു ഭൂമി​യാ​യി​രി​ക്കും. എത്ര ആനന്ദജ​ന​ക​മായ സമയമാ​യി​രി​ക്കും അത്‌! അവർക്ക്‌ ആ പറുദീ​സ​യിൽ എന്നും ജീവി​ക്കു​ന്ന​തി​നുള്ള പ്രത്യാ​ശ​യു​ണ്ടാ​യി​രി​ക്കും. കാരണം, സങ്കീർത്തനം 37:29 നമുക്ക്‌ ഇങ്ങനെ ഉറപ്പു നൽകുന്നു: “നീതി​മാൻമാർ ഭൂമിയെ അവകാ​ശ​മാ​ക്കി എന്നേക്കും അതിൽ വസിക്കും.”

[6, 7 പേജിലെ ചതുരം]

ഞാൻ മരിച്ച​വരെ ആരാധി​ക്കു​ന്നതു നിർത്തി

“ഞാൻ ഒരു പയ്യനാ​യി​രു​ന്ന​പ്പോൾ, എന്റെ പിതാ​വി​നെ അദ്ദേഹ​ത്തി​ന്റെ മരിച്ചു​പോയ പിതാ​വി​നു ക്രമമാ​യി ബലികൾ അർപ്പി​ക്കു​ന്ന​തി​നു സഹായി​ച്ചി​രു​ന്നു. എന്റെ പിതാവ്‌ കഠിന​മായ രോഗ​ത്തിൽനി​ന്നു സുഖം പ്രാപിച്ച ഒരു സന്ദർഭം. സുഖം പ്രാപി​ച്ച​തി​ലുള്ള വിലമ​തി​പ്പു പ്രകട​മാ​ക്കാൻ ഒരു കോലാട്‌, ചേന, കോള മരത്തിന്റെ കായ്‌കൾ, മദ്യം എന്നിവ മരിച്ചു​പോയ പിതാ​വി​നു ബലിയർപ്പി​ക്ക​ണ​മെന്ന്‌ അദ്ദേഹ​ത്തോ​ടു വെളി​ച്ച​പ്പാട്‌ പറഞ്ഞു. പിന്നെ​യും രോഗ​വും നാശന​ഷ്ട​വും ഉണ്ടാകാ​തി​രി​ക്കാൻ തന്റെ മരിച്ചു​പോയ പൂർവി​ക​രോട്‌ അഭ്യർഥി​ക്കാ​നും അദ്ദേഹത്തെ ഉപദേ​ശി​ക്കു​ക​യു​ണ്ടാ​യി.

“മുത്തച്ഛന്റെ ശവക്കല്ല​റ​യിൽ ബലിയർപ്പി​ക്കു​ന്ന​തി​നു​വേണ്ട സാമ​ഗ്രി​ക​ളെ​ല്ലാം എന്റെ അമ്മ വാങ്ങിച്ചു. പ്രാ​ദേ​ശിക ആചാര​പ്ര​കാ​രം ശവക്കല്ലറ ഞങ്ങളുടെ വീടി​നോ​ടു ചേർന്നാ​യി​രു​ന്നു.

“ബലി അനുഷ്‌ഠി​ക്കു​ന്ന​തി​നു​വേണ്ടി സുഹൃ​ത്തു​ക്ക​ളെ​യും ബന്ധുക്ക​ളെ​യും അയൽക്കാ​രെ​യും ക്ഷണിക്കു​ക​യു​ണ്ടാ​യി. എന്റെ പിതാവ്‌ അവസര​ത്തി​നൊ​ത്ത​വണ്ണം അഴകായി വേഷവി​ധാ​നം ചെയ്‌ത്‌, നേരത്തെ ബലി​ചെ​യ്‌തി​ട്ടുള്ള കോലാ​ടു​ക​ളു​ടെ തലയോ​ട്ടി​കൾ നിരനി​ര​യാ​യി വെച്ചി​രുന്ന ബലിപീ​ഠ​ത്തിന്‌ അഭിമു​ഖ​മാ​യി കസേര​യിൽ ഇരുന്നു. ഒരു കുപ്പി​യിൽനിന്ന്‌ ചെറിയ ഗ്ലാസ്സി​ലേക്കു വീഞ്ഞു പകർന്ന്‌ പിതാ​വി​ന്റെ കയ്യിൽ കൊടു​ക്കു​ക​യെ​ന്ന​താ​യി​രു​ന്നു എന്റെ പണി. അദ്ദേഹം അത്‌ ബലിയാ​യി തറയിൽ ഒഴിച്ചു. എന്റെ പിതാവ്‌ തന്റെ പിതാ​വി​നെ മൂന്നു​പ്രാ​വ​ശ്യം പേർചൊ​ല്ലി ഉച്ചത്തിൽ വിളി​ക്കു​ക​യും ഭാവി നാശത്തിൽനി​ന്നു വിടുതൽ നൽകു​ന്ന​തി​നു​വേണ്ടി അദ്ദേഹ​ത്തോ​ടു പ്രാർഥി​ക്കു​ക​യും ചെയ്‌തു.

“കോള​ക്കാ​യ്‌കൾ അർപ്പി​ക്ക​പ്പെട്ടു. ഒരു കോലാ​ടി​നെ അറുത്തു​കൊന്ന്‌ വേവിച്ച്‌ അവിടെ സന്നിഹി​ത​രാ​യി​രുന്ന സകലരും ഭക്ഷിക്കു​ക​യും ചെയ്‌തു. ഞാൻ ഭക്ഷണത്തിൽ പങ്കു​കൊ​ള്ളു​ക​യും പാട്ടി​നും ചെണ്ടയു​ടെ താളത്തി​നു​മൊ​പ്പി​ച്ചു നൃത്തം ചെയ്യു​ക​യും ചെയ്‌തു. പ്രായം​ചെ​ന്നി​ട്ടും എന്റെ പിതാവ്‌ ഭംഗി​യാ​യി, സ്വയം​മ​റന്നു നൃത്തം ചെയ്‌തു. സന്നിഹി​ത​രാ​യി​രുന്ന എല്ലാവ​രെ​യും അനു​ഗ്ര​ഹി​ക്കാൻ ഇടവേ​ള​ക​ളിൽ അദ്ദേഹം പൂർവി​ക​രോട്‌ പ്രാർഥി​ച്ച​പ്പോൾ ഞാൻ ഉൾപ്പെടെ എല്ലാവ​രും ‘അങ്ങനെ​യാ​കട്ടെ’ എന്ന അർഥത്തിൽ ഈസ്‌ എന്ന്‌ മറുപടി പറഞ്ഞു. ഞാൻ അതീവ താത്‌പ​ര്യ​ത്തോ​ടും ആദര​വോ​ടും​കൂ​ടെ പിതാ​വി​നെ വീക്ഷി​ക്കു​ക​യും മരിച്ച പൂർവി​കർക്കു ബലിക​ളർപ്പി​ക്കാൻമാ​ത്രം പ്രായ​മാ​കുന്ന നാളി​നു​വേണ്ടി വാഞ്‌ഛി​ക്കു​ക​യും ചെയ്‌തു.

“അനേകം ബലിക​ളർപ്പി​ച്ചി​ട്ടും കുടും​ബ​ത്തിൽ സമാധാ​ന​മു​ണ്ടാ​യി​രു​ന്നില്ല. എന്റെ അമ്മക്കു മൂന്ന്‌ ആൺമക്കളുണ്ടാ​യി​രു​ന്നെ​ങ്കി​ലും അവർക്കു പിറന്ന മൂന്നു പെൺമ​ക്ക​ളിൽ ആരും അധിക​നാൾ ജീവി​ച്ചി​രു​ന്നില്ല. എല്ലാവ​രും കുട്ടി​ക്കാ​ല​ത്തു​തന്നെ മരിച്ചു​പോ​യി. അമ്മ വീണ്ടും ഗർഭി​ണി​യാ​യ​പ്പോൾ കുട്ടി സുരക്ഷി​ത​മാ​യി പിറക്കു​ന്ന​തിന്‌ പിതാവ്‌ ആർഭാ​ട​പൂർവ​ക​മായ ബലികൾ അർപ്പിച്ചു.

“അമ്മ മറെറാ​രു പെൺകു​ട്ടി​ക്കു ജൻമം നൽകി. രണ്ടു വർഷത്തി​നു​ശേഷം ആ കുട്ടി രോഗം ബാധിച്ചു മരിച്ചു. പിതാവ്‌ വെളി​ച്ച​പ്പാ​ടി​നെ സന്ദർശി​ച്ച​പ്പോൾ മരണത്തിന്‌ ഉത്തരവാ​ദി ഒരു ശത്രു​വാ​ണെന്ന്‌ അയാൾ പറഞ്ഞു. പ്രത്യാ​ക്ര​മണം നടത്താൻ കുട്ടി​യു​ടെ ‘ദേഹി’ക്കു കഴി​യേ​ണ്ട​തി​നു ബലിയർപ്പി​ക്കാൻ ഒരു കത്തുന്ന തടിക്ക​ഷണം, ഒരു കുപ്പി മദ്യം, ഒരു പട്ടിക്കുഞ്ഞ്‌ എന്നിവ ആവശ്യ​മാ​ണെന്നു വെളി​ച്ച​പ്പാട്‌ പറഞ്ഞു. കത്തുന്ന തടിക്ക​ഷണം ശവക്കല്ല​റ​യിൽവെ​ച്ച​ശേഷം മദ്യം കല്ലറയ്‌ക്കു​മേൽ തളി​ക്കേ​ണ്ടി​യി​രു​ന്നു. പട്ടിക്കു​ഞ്ഞി​നെ ശവക്കല്ല​റ​യ്‌ക്കു സമീപം ജീവ​നോ​ടെ കുഴി​ച്ചു​മൂ​ടേ​ണ്ടി​യു​മി​രു​ന്നു. തന്റെ മരണത്തി​നു പ്രതി​കാ​രം ചോദി​ക്കു​ന്ന​തിന്‌ ഇത്‌ മരിച്ച പെൺകു​ട്ടി​യു​ടെ ദേഹിയെ ഉണർത്തു​മെ​ന്നാ​യി​രു​ന്നു ധാരണ.

“ഞാൻ മദ്യകു​പ്പി​യും കത്തുന്ന തടിക്ക​ഷ​ണ​വും ശവക്കല്ല​റ​യി​ലേക്കു കൊണ്ടു​പോ​യി. പിതാവ്‌ പട്ടിക്കു​ഞ്ഞി​നെ വെളി​ച്ച​പ്പാ​ടി​ന്റെ നിർദേ​ശാ​നു​സ​രണം കുഴി​ച്ചു​മൂ​ടി. മരിച്ചു​പോയ പെൺകു​ട്ടി തന്റെ അകാല​മ​ര​ണ​ത്തിന്‌ ഇടവരു​ത്തിയ വ്യക്തിയെ ഏഴു ദിവസ​ത്തി​നകം വകവരു​ത്തു​മെന്ന്‌ ഞങ്ങളെ​ല്ലാം വിശ്വ​സി​ച്ചു. രണ്ടുമാ​സം കഴിഞ്ഞി​ട്ടും അയൽപ്ര​ദേ​ശ​ത്തെ​ങ്ങും ആരും മരിച്ച​താ​യി കേട്ടില്ല. ഞാൻ മിഥ്യാ​ധാ​ര​ണ​യിൽനി​ന്നു വിമു​ക്ത​നാ​യി.

“എനിക്ക്‌ അപ്പോൾ 18 വയസ്സു​ണ്ടാ​യി​രു​ന്നു. തദനന്തരം, ഉടൻതന്നെ ഞാൻ യഹോ​വ​യു​ടെ സാക്ഷി​കളെ കണ്ടുമു​ട്ടി. മരിച്ച​വർക്കു നൻമയോ തിൻമ​യോ പ്രവർത്തി​ക്കാൻ കഴിയു​ക​യി​ല്ലെന്ന്‌ അവർ തിരു​വെ​ഴു​ത്തു​ക​ളിൽനിന്ന്‌ എനിക്കു കാണി​ച്ചു​തന്നു. ദൈവ​വ​ച​ന​ത്തി​ന്റെ പരിജ്ഞാ​നം എന്റെ ഹൃദയ​ത്തിൽ വേരൂ​ന്നാൻ തുടങ്ങി​യ​പ്പോൾ, മരിച്ച​വർക്ക്‌ ബലിക​ളർപ്പി​ക്കു​ന്ന​തിന്‌ ഇനി മേലാൽ ഞാൻ പിതാ​വി​നെ അനുഗ​മി​ക്കു​ക​യി​ല്ലെന്ന്‌ അദ്ദേഹ​ത്തോ​ടു പറഞ്ഞു. ഞാൻ അദ്ദേഹത്തെ കൈ​വെ​ടി​ഞ്ഞെന്നു കരുതി ആദ്യ​മൊ​ക്കെ അദ്ദേഹ​ത്തിന്‌ എന്നോടു ദേഷ്യ​മാ​യി​രു​ന്നു. എന്നാൽ പുതു​താ​യി കണ്ടെത്തിയ സത്യം തള്ളിക്ക​ള​യാൻ എനിക്കു മനസ്സൊ​രു​ക്ക​മി​ല്ലെന്നു മനസ്സി​ലാ​ക്കി​യ​പ്പോൾ ഞാൻ യഹോ​വയെ ആരാധി​ക്കു​ന്ന​തി​നെ അദ്ദേഹം എതിർത്തില്ല.

“1948, ഏപ്രിൽ 18-ന്‌ ഞാൻ എന്റെ സമർപ്പണം ജലസ്‌നാ​പ​ന​ത്താൽ പ്രതീ​ക​പ്പെ​ടു​ത്തി. അന്നുമു​തൽ ഞാൻ അത്യന്തം ആനന്ദ​ത്തോ​ടും സംതൃ​പ്‌തി​യോ​ടും യഹോ​വയെ ആരാധി​ക്കു​ന്ന​തി​ലും നമ്മെ സഹായി​ക്കു​ക​യോ ഉപദ്ര​വി​ക്കു​ക​യോ ചെയ്യാ​നാ​വാത്ത മരിച്ച പൂർവി​കരെ ആരാധി​ക്കു​ന്ന​തിൽനി​ന്നു സ്വത​ന്ത്ര​രാ​കാൻ മററു​ള്ള​വരെ സഹായി​ക്കു​ന്ന​തി​ലും തുടരു​ന്നു.”—ജെ. ബി ഒമീഗ്‌ബ, ബെനിൻ സിററി, നൈജീ​രിയ സംഭാവന ചെയ്‌തത്‌.

[7-ാം പേജിലെ ചിത്രം]

മരിച്ചവർ ഒരു പറുദീ​സാ​ഭൂ​മി​യി​ലേക്ക്‌ ഉയിർപ്പി​ക്ക​പ്പെ​ടു​മ്പോൾ അവിടെ വലിയ സന്തോ​ഷ​മു​ണ്ടാ​യി​രി​ക്കും