വീണ്ടും ജനിക്കു​ന്നവർ ആരാണ്‌?

എല്ലാ നല്ല ആളുക​ളും സ്വർഗ്ഗ​ത്തിൽ പോകു​ന്നു​വോ? അനേകർ അങ്ങനെ ചിന്തി​ക്കു​ന്നു, എന്നാൽ യേശു​ക്രി​സ്‌തു അതി​നോ​ടു യോജി​ച്ചില്ല. രാത്രി​യിൽ രഹസ്യ​മാ​യി തന്റെ അടുക്കൽവന്ന യഹൂദ​ഭ​ര​ണാ​ധി​കാ​രി​യായ നിക്കോ​ദേ​മോ​സി​നോ​ടു സംസാ​രി​ച്ചു​കൊ​ണ്ടു യേശു ഇങ്ങനെ പറഞ്ഞു: “ഒരു മനുഷ്യ​നും സ്വർഗ്ഗ​ത്തി​ലേക്കു കയറി​പ്പോ​യി​ട്ടില്ല.”—യോഹ​ന്നാൻ 3:13, NW.

എങ്കിലും, ചില ആളുകൾക്കു സ്വർഗ്ഗ​രാ​ജ്യ​ത്തിൽ പ്രവേ​ശി​ക്കാ​നുള്ള ഒരവസരം ലഭിക്കുന്ന സമയം വരു​മെന്നു യേശു നിക്കോ​ദേ​മോ​സി​നോ​ടു സൂചി​പ്പി​ച്ചു. ഇവരെ​ക്കു​റി​ച്ചു യേശു ഇപ്രകാ​രം പറഞ്ഞു: “വെള്ളത്താ​ലും ആത്മാവി​നാ​ലും ജനിച്ചില്ല എങ്കിൽ ദൈവ​രാ​ജ്യ​ത്തിൽ കടപ്പാൻ ആർക്കും കഴിക​യില്ല. ജഡത്താൽ ജനിച്ചതു ജഡം ആകുന്നു; ആത്മാവി​നാൽ ജനിച്ചതു ആത്മാവു ആകുന്നു. നിങ്ങൾ പുതു​താ​യി ജനി​ക്കേണം എന്നു ഞാൻ നിന്നോ​ടു പറകയാൽ ആശ്ചര്യ​പ്പെ​ട​രു​തു.” എന്നാൽ ആർക്കെ​ങ്കി​ലും വീണ്ടും ജനിക്കാൻ എങ്ങനെ കഴിയു​മെന്നു നിക്കോ​ദേ​മോസ്‌ ആശ്ചര്യ​പ്പെട്ടു.—യോഹ​ന്നാൻ 3:1-9.

യേശു എന്താണ്‌ അർത്ഥമാ​ക്കി​യ​തെന്ന്‌ ഒരുപക്ഷേ നിങ്ങളും അത്ഭുത​പ്പെ​ടു​ന്നു​ണ്ടാ​വാം. തങ്ങൾ ദൈവ​ത്തി​ന്റെ പരിശു​ദ്ധാ​ത്മാ​വു​കൊ​ണ്ടു നിറഞ്ഞി​രി​ക്കു​ന്നു​വെന്നു വിചാ​രി​ക്കുന്ന അനേകർ അവകാ​ശ​പ്പെ​ടുന്ന പെട്ടെ​ന്നുള്ള മാനസാ​ന്ത​രാ​നു​ഭ​വ​ങ്ങൾക്ക്‌ അവന്റെ വാക്കുകൾ ബാധക​മാ​ക്കാൻ കഴിയു​മോ?

വികാ​ര​ങ്ങ​ളും മനസ്സും

ഒരു വ്യക്തി വീണ്ടും ജനിച്ചി​ട്ടു​ണ്ടോ എന്നു തീരു​മാ​നി​ക്കു​ന്ന​തിൽ ആത്മാവി​ന്റെ ശക്തിയു​ടെ അനുഭവം ആണു ഗണനീ​യ​മാ​യി​രി​ക്കു​ന്ന​തെന്നു ചിലർ പറയുന്നു. എന്നിരു​ന്നാ​ലും, പ്രത്യേ​കിച്ച്‌ ശക്തമായ വികാ​ര​ത്താൽ സ്വാധീ​നി​ക്ക​പ്പെ​ടു​ന്നു​വെ​ങ്കിൽ നമ്മുടെ ഹൃദയ​ത്തി​നും മനസ്സി​നും നമ്മെ വഞ്ചിക്കാൻ കഴിയും.—യിരെ​മ്യാ​വു 17:9.

മനസ്സിൻമേ​ലു​ള്ള വികാ​ര​ത്തി​ന്റെ ഫലങ്ങളെ സംബന്ധി​ച്ചു ഗവേഷണം നടത്തുന്ന വില്യം സർജെൻറ്‌, “നമ്മുടെ തലച്ചോ​റു​കൾ നമ്മെ വഴി​തെ​റ​റി​ച്ചു​കൊ​ണ്ടി​രു​ന്നേ​ക്കാ​വുന്ന സമയത്തുള്ള വൈകാ​രിക ഉദ്ദീപ​ന​ത്തി​ന്റെ അവസ്ഥക​ളിൽ ആർജ്ജിച്ച വിശ്വാ​സ​ങ്ങൾക്കെ​തി​രെ നാം ജാഗ്രത പാലി​ക്കേണ്ട”തിന്റെ ആവശ്യ​ത്തെ​ക്കു​റി​ച്ചു സംസാ​രി​ക്കു​ന്നു. സർജെൻറ്‌ പറയു​ന്ന​ത​നു​സ​രിച്ച്‌, ഒരു ഉദാഹ​രണം ഉണർവു പ്രസം​ഗ​ത്തി​ന്റെ ഫലവും നരകാഗ്നി ശിക്ഷയു​ടെ ഭീഷണി​യു​മാണ്‌. തിര​ഞ്ഞെ​ടു​ക്കാ​നുള്ള മറെറാ​രു ഭാവി നിത്യ​ദ​ണ്ഡനം മാത്ര​മാ​ണെ​ങ്കിൽ ആരാണു വീണ്ടും ജനിച്ചു സ്വർഗ്ഗ​ത്തിൽ പോകാൻ ആഗ്രഹി​ക്കാ​ത്തത്‌? അത്തരം വൈകാ​രിക സമ്മർദ്ദ​ത്തിൻകീ​ഴിൽ “ന്യായ​ബോ​ധം മറിച്ചി​ട​പ്പെ​ടു​ന്നു, സാധാരണ തലച്ചോർ കമ്പ്യൂട്ടർ താത്‌ക്കാ​ലി​ക​മാ​യി പ്രവർത്ത​ന​ര​ഹി​ത​മാ​ക്ക​പ്പെ​ടു​ന്നു, പുതിയ ആശയങ്ങ​ളും വിശ്വാ​സ​ങ്ങ​ളും ചോദ്യം​ചെ​യ്യാ​തെ സ്വീക​രി​ക്ക​പ്പെ​ടു​ന്നു.” എന്നു സാർജൻറ്‌ പറയുന്നു.—ബാധി​ക്ക​പ്പെട്ട മനസ്സ്‌ [The Mind Possessed.].

അങ്ങനെ​യെ​ങ്കിൽ, വീണ്ടും ജനനം എന്ന വിഷയ​ത്തി​ലുള്ള ഒരു വിശ്വാ​സം “വിമർശനം കൂടാതെ സ്വീക​രി​ക്ക​പ്പെ​ട്ടി​രി​ക്കു​ക​യാ​ണോ​യെന്നു” ഒരുവന്‌ എങ്ങനെ നിശ്ചയ​പ്പെ​ടു​ത്താൻ കഴിയും? ബൈബി​ളെ​ഴു​ത്തു​കാർ രേഖ​പ്പെ​ടു​ത്താൻ ദൈവ​ത്തി​ന്റെ പരിശു​ദ്ധാ​ത്മാവ്‌ ഇടയാ​ക്കിയ സകല കാര്യ​ങ്ങ​ളാ​ലും നയിക്ക​പ്പെ​ടു​ക​യെ​ന്ന​താ​ണു യഥാർത്ഥ ജ്ഞാനത്തി​ന്റെ ഗതി. ‘ചിന്താ​ശ​ക്തി​യോ​ടെ’ ദൈവത്തെ ആരാധി​ക്കാൻ ക്രിസ്‌ത്യാ​നി​കൾ പ്രോ​ത്സാ​ഹി​പ്പി​ക്ക​പ്പെ​ടു​ന്നു, തങ്ങൾ വിശ്വ​സി​ക്കു​ന്നതു സത്യമാ​ണെന്ന്‌ അവർ ഉറപ്പു​വ​രു​ത്തേ​ണ്ട​യാ​വ​ശ്യ​വു​മുണ്ട്‌.—റോമർ 12:1, 2, NW; 1 തെസ്സ​ലൊ​നീ​ക്യർ 5:21.

വീണ്ടും ജനിക്കു​ന്നത്‌ ഏതുകാ​ല​ത്തും മനുഷ്യർക്കു വെച്ചു​നീ​ട്ടി​യി​ട്ടുള്ള അതിവി​ശി​ഷ്ട​മായ പദവി​ക​ളിൽ ഒന്നു തുറന്നു​ത​രു​ന്നു. ദൈ​വോ​ദ്ദേ​ശ്യ​ത്തി​ന്റെ നിവൃ​ത്തി​യി​ലെ യഥാർത്ഥ​ത്തിൽ ശ്രദ്ധേ​യ​മായ ഒരു വികാ​സ​ത്തോട്‌ ഇതു ബന്ധപ്പെ​ട്ടി​രി​ക്കു​ന്നു. ഇതെല്ലാം സത്യമാ​ണെ​ങ്കി​ലും ഇതു​പോ​ലെ​യുള്ള ചോദ്യ​ങ്ങൾ ഉദിക്കു​ന്നു: വീണ്ടും ജനിക്കു​ന്നവർ ആരാണ്‌? ഇത്‌ എങ്ങനെ സംഭവി​ക്കു​ന്നു? അത്തരം വ്യക്തി​കൾക്കു​മു​മ്പിൽ എന്തു പ്രതീ​ക്ഷകൾ വെക്ക​പ്പെ​ടു​ന്നു? അവർ മാത്രമേ രക്ഷിക്ക​പ്പെ​ടു​ക​യു​ള്ളോ?

[3-ാം പേജിലെ ചിത്രം]

ആർക്കെങ്കിലും എങ്ങനെ വീണ്ടും ജനിക്കാൻ കഴിയു​മെന്നു നിക്കോ​ദേ​മോസ്‌ ആശ്ചര്യ​പ്പെ​ട്ടു