ഏക സത്യ​ദൈ​വത്തെ തിരി​ച്ച​റി​യൽ

മനുഷ്യർ അസ്‌തി​ത്വ​ത്തിൽ ആയിരു​ന്നി​ട്ടുള്ള കാല​ത്തെ​ല്ലാം​തന്നെ അവർക്ക്‌ അനേകം ദൈവ​ങ്ങ​ളും ഉണ്ടായി​രു​ന്നി​ട്ടുണ്ട്‌. ലോക​മെ​മ്പാ​ടു​മാ​യി ആരാധി​ക്ക​പ്പെ​ടുന്ന ദേവീ​ദേ​വ​ന്മാ​രു​ടെ എണ്ണം കൃത്യ​മാ​യി പറയാൻ കഴിയാ​ത്ത​വി​ധം അത്ര അധിക​മാണ്‌—അതു ദശലക്ഷ​ക്ക​ണ​ക്കി​നു വരും.

ഒരു ദൈവം ഉണ്ടെന്നു സ്ഥാപിച്ചു കഴിഞ്ഞ സ്ഥിതിക്ക്‌, നമുക്ക്‌ ഇപ്പോൾ ഇങ്ങനെ ചോദി​ക്കാൻ കഴിയും: ലോക​മെ​മ്പാ​ടും ആരാധി​ക്ക​പ്പെ​ട്ടി​ട്ടു​ള്ള​തും ആരാധി​ക്ക​പ്പെ​ടു​ന്ന​തു​മായ ദൈവ​ങ്ങ​ളിൽ ആരാണ്‌ സത്യ ദൈവം? ഏക സത്യ ദൈവം ആയി തിരി​ച്ച​റി​യി​ക്ക​പ്പെ​ടാൻ സാധി​ക്കുന്ന ഒരേ ഒരുവനേ ഉള്ളൂ എന്ന്‌ യോഹ​ന്നാൻ 17:3-ൽ വ്യക്തമാ​യി പറഞ്ഞി​രി​ക്കു​ന്നു: “ഏകസത്യ​ദൈ​വ​മായ നിന്നെ​യും നീ അയച്ചി​രി​ക്കുന്ന യേശു​ക്രി​സ്‌തു​വി​നെ​യും അറിയു​ന്നതു തന്നേ നിത്യ​ജീ​വൻ ആകുന്നു.”

തിരി​ച്ച​റി​യി​ക്കാൻ ഒരു നാമം

ന്യായ​മാ​യും, വ്യക്തി​ത്വ​മുള്ള ഏതൊരു ദൈവ​ത്തി​നും സ്വന്ത പേരു​ക​ളുള്ള മറ്റു ദൈവ​ങ്ങ​ളിൽ നിന്നു തന്നെ തിരി​ച്ച​റി​യി​ക്കുന്ന ഒരു വ്യക്തിഗത നാമം ഉണ്ടായി​രി​ക്കണം. ആ ദൈവം തന്നെത്താൻ സ്വീക​രിച്ച ഒരു പേരാ​യി​രി​ക്കണം അത്‌, അല്ലാതെ അവന്റെ ആരാധകർ നൽകി​യത്‌ ആയിരി​ക്ക​രുത്‌.

എന്നാൽ ഇക്കാര്യ​ത്തിൽ നമ്മെ കുഴപ്പ​ത്തി​ലാ​ക്കുന്ന ഒരു വസ്‌തു​ത​യുണ്ട്‌. മിക്ക വ്യവസ്ഥാ​പിത മതങ്ങളും തങ്ങളുടെ ദൈവ​ങ്ങൾക്കു വ്യക്തിഗത നാമങ്ങൾ നൽകി​യി​രി​ക്കെ, യഹൂദ​രും ക്രൈ​സ്‌ത​വ​മ​ണ്ഡ​ല​ത്തി​ലെ മുഖ്യ​ധാ​രാ സഭകളും തങ്ങൾ ആരാധി​ക്കുന്ന ദൈവത്തെ ഒരു വ്യക്തിഗത നാമത്താൽ തിരി​ച്ച​റി​യി​ക്കു​ന്ന​തിൽ പരാജ​യ​പ്പെ​ട്ടി​രി​ക്കു​ന്നു. പകരം അവർ കർത്താവ്‌, ദൈവം, സർവശക്തൻ, പിതാവ്‌ എന്നൊ​ക്കെ​യുള്ള സ്ഥാന​പ്പേ​രു​കൾ ഉപയോ​ഗി​ക്കു​ന്നു.

തിയോ​ള​ജി എന്ന പ്രസി​ദ്ധീ​ക​ര​ണ​ത്തിൽ ഗ്രന്ഥകർത്താ​വായ ഡേവിഡ്‌ ക്ലൈൻസ്‌ ഇങ്ങനെ എഴുതി: “ബി.സി. അഞ്ചും രണ്ടും നൂറ്റാ​ണ്ടു​കൾക്ക്‌ ഇടയ്‌ക്ക്‌ എപ്പോ​ഴോ ദൈവ​ത്തിന്‌ ഒരു ദുരന്തം നേരിട്ടു: അവന്‌ തന്റെ പേരു നഷ്ടമായി. കൂടുതൽ കൃത്യ​മാ​യി പറഞ്ഞാൽ യഹൂദർ യാഹ്‌വെ എന്ന വ്യക്തിഗത ദൈവ​നാ​മം ഉപയോ​ഗി​ക്കു​ന്നതു നിർത്തി. പകരം അവർ ദൈവം, കർത്താവ്‌, നാമം, പരിശു​ദ്ധൻ, സാന്നി​ധ്യം, സ്ഥലം എന്നിങ്ങ​നെ​യുള്ള നാനാ​വിധ പദപ്ര​യോ​ഗ​ങ്ങ​ളി​ലൂ​ടെ അവനെ പരാമർശി​ക്കാൻ തുടങ്ങി. ബൈബിൾ പാഠത്തിൽ യാഹ്‌വെ എന്ന്‌ എഴുതി​യി​രി​ക്കു​ന്നി​ട​ങ്ങ​ളിൽ പോലും വായന​ക്കാർ ആ നാമം അഡോ​നെയ്‌ എന്ന്‌ ഉച്ചരിച്ചു. അവസാനം, ആലയം നശിപ്പി​ക്ക​പ്പെ​ട്ട​തോ​ടെ ആ നാമം ഉപയോ​ഗി​ക്ക​പ്പെ​ട്ടി​രുന്ന അപൂർവ ആരാധ​ന​വേ​ളകൾ പോലും ഇല്ലാതാ​യി. എന്തിന്‌, ആ നാമം ഉച്ചരി​ക്കേണ്ട വിധം പോലും വിസ്‌മ​രി​ക്ക​പ്പെട്ടു.” എന്നിരു​ന്നാ​ലും, യാഥാ​സ്ഥി​തിക യഹൂദർ മറ്റുള്ളവർ കേൾക്കെ ദൈവ​നാ​മം ഉച്ചരി​ക്കു​ന്നതു നിർത്തി​യിട്ട്‌ പകരം ദൈവം, പരമാ​ധീശ കർത്താവ്‌ എന്നിവ​യു​ടെ എബ്രായ പദങ്ങൾ ഉപയോ​ഗി​ക്കാൻ തുടങ്ങി​യത്‌ എന്നാ​ണെന്ന്‌ ആർക്കും കൃത്യ​മാ​യി പറയാൻ കഴിയില്ല.

“ഏകസത്യ​ദൈവ”ത്തെ തിരി​ച്ച​റി​യാ​നുള്ള ഏതൊരു അന്വേ​ഷ​ണ​ത്തി​ലെ​യും അത്യന്താ​പേ​ക്ഷിത സംഗതി അവന്റെ നാമം അറിയുക എന്നതാണ്‌. അത്തരം ഒരു അന്വേ​ഷണം ഒട്ടും ബുദ്ധി​മു​ട്ടു​ള്ളതല്ല. കാരണം, സങ്കീർത്തനം 83:18-ൽ സ്രഷ്ടാ​വായ സർവശ​ക്ത​നാം ദൈവ​ത്തി​ന്റെ നാമം വ്യക്തമാ​യും ലളിത​മാ​യും രേഖ​പ്പെ​ടു​ത്തി​യി​ട്ടുണ്ട്‌: ‘അങ്ങനെ അവർ യഹോവ എന്നു നാമമുള്ള നീ മാത്രം സർവ്വഭൂ​മി​ക്കും മീതെ അത്യു​ന്നതൻ എന്നു അറിയും.’

യഹോ​വ​യോ യാഹ്‌വെ​യോ?

യഹോവ എന്ന നാമം സത്യ​വേ​ദ​പു​സ്‌ത​ക​ത്തി​ലും മറ്റു ബൈബിൾ ഭാഷാ​ന്ത​ര​ങ്ങ​ളി​ലും കാണ​പ്പെ​ടു​ന്നു​ണ്ടെ​ങ്കി​ലും, ചിലർ യഹോവ എന്നതിനു പകരം യാഹ്‌വെ എന്ന നാമം ഉപയോ​ഗി​ക്കാൻ താത്‌പ​ര്യ​പ്പെ​ടു​ന്നു. ഏതാണു ശരിയായ നാമം?

ഏറ്റവും പുരാ​ത​ന​മായ ബൈബിൾ കൈ​യെ​ഴു​ത്തു​പ്ര​തി​കൾ എബ്രായ ഭാഷയി​ലാണ്‌ എഴുത​പ്പെ​ട്ടി​ട്ടു​ള്ളത്‌. എബ്രായ തിരു​വെ​ഴു​ത്തു​ക​ളിൽ ദിവ്യ​നാ​മം ഏതാണ്ട്‌ 7,000 തവണ പ്രത്യ​ക്ഷ​പ്പെ​ടു​ന്നു. നാലു വ്യഞ്‌ജ​നാ​ക്ഷ​രങ്ങൾ ഉപയോ​ഗി​ച്ചാണ്‌ അത്‌ എഴുതു​ന്നത്‌—യ്‌ (Y), ഹ്‌ (H), വ്‌ (W), ഹ്‌ (H) അല്ലെങ്കിൽ ജ്‌ (J), ഹ്‌ (H), വ്‌ (V), ഹ്‌ (H). ഈ നാലു വ്യഞ്‌ജ​നാ​ക്ഷ​ര​ങ്ങളെ സാധാ​ര​ണ​മാ​യി ചതുരക്ഷര ദൈവ​നാ​മം അഥവാ ചതുര​ക്ഷരി എന്നാണു വിളി​ക്കു​ന്നത്‌. “നാല്‌ അക്ഷരങ്ങൾ” എന്ന്‌ അർഥമുള്ള രണ്ടു ഗ്രീക്ക്‌ വാക്കു​ക​ളിൽനി​ന്നാണ്‌ അവ വന്നിരി​ക്കു​ന്നത്‌. ഇപ്പോൾ കൃത്യ​മായ ഉച്ചാര​ണത്തെ കുറി​ച്ചുള്ള ചോദ്യം ഉദിക്കു​ന്നു. കാരണം ഉച്ചാരണം കൊടു​ക്കാൻ സഹായി​ക്കുന്ന സ്വരാ​ക്ഷ​രങ്ങൾ കൂടാതെ വ്യഞ്‌ജ​നാ​ക്ഷ​രങ്ങൾ മാത്രം ഉപയോ​ഗി​ച്ചാണ്‌ ആദ്യകാല എബ്രാ​യ​ഭാഷ എഴുത​പ്പെ​ട്ടി​രു​ന്നത്‌. അതു​കൊണ്ട്‌ ചതുരക്ഷര ദൈവ​നാ​മ​ത്തി​ന്റെ ഉച്ചാരണം യാഹ്‌വെ എന്നാണോ യഹോവ എന്നാണോ എന്നത്‌ വായന​ക്കാ​രൻ വ്യഞ്‌ജ​നാ​ക്ഷ​ര​ങ്ങ​ളോട്‌ ഏതു സ്വരാ​ക്ഷ​രങ്ങൾ കൂട്ടുന്നു എന്നതിനെ ആശ്രയി​ച്ചി​രി​ക്കും. ഇന്ന്‌ പല എബ്രായ പണ്ഡിത​ന്മാ​രും യാഹ്‌വെ എന്നതാണ്‌ യഥാർഥ ഉച്ചാരണം എന്നു കരുതു​ന്നു.

എന്നാൽ പൊരു​ത്ത​ത്തി​നു വേണ്ടി യഹോവ എന്ന്‌ ഉപയോ​ഗി​ക്കു​ന്ന​താണ്‌ അഭികാ​മ്യം. കാരണം? യഹോവ എന്ന ഉച്ചാരണം നൂറ്റാ​ണ്ടു​ക​ളാ​യി അംഗീ​ക​രി​ക്ക​പ്പെ​ട്ടി​ട്ടു​ള്ള​താണ്‌. ഈ ഉച്ചാരണം ഉപയോ​ഗി​ക്കു​ന്ന​തി​നു തടസ്സം പറയു​ന്നവർ യിരെ​മ്യാവ്‌, യേശു എന്നീ അംഗീ​ക​രി​ക്ക​പ്പെ​ട്ടി​ട്ടുള്ള ഉച്ചാരണം ഉപയോ​ഗി​ക്കു​ന്ന​തി​നും തടസ്സം പറയണം. യിരെ​മ്യാവ്‌ എന്നത്‌ യഥാർഥ എബ്രായ ഉച്ചാര​ണ​മായ യിർമെ​യാഹ്‌ അല്ലെങ്കിൽ യിർമെ​യാ​ഹു എന്നും യേശു എന്നത്‌ യേഷ്വാ (എബ്രായ) അല്ലെങ്കിൽ യീസോസ്‌ (ഗ്രീക്ക്‌) എന്നുമാ​യി മാറും. അതു​കൊണ്ട്‌ യഹോ​വ​യു​ടെ സാക്ഷികൾ ഉൾപ്പെടെ പല ബൈബിൾ വിദ്യാർഥി​ക​ളും പൊരു​ത്ത​ത്തി​നാ​യി ഇപ്പോൾതന്നെ പരക്കെ അറിയ​പ്പെ​ടുന്ന യഹോവ എന്ന ഉച്ചാര​ണ​വും മറ്റു ഭാഷക​ളി​ലുള്ള അതിന്റെ തത്തുല്യ ഉച്ചാര​ണ​വും ഉപയോ​ഗി​ക്കു​ന്ന​താ​ണു നല്ലത്‌ എന്നു കരുതു​ന്നു.

അത്ര പ്രധാ​ന​മാ​ണോ?

സർവശ​ക്ത​നായ ദൈവത്തെ ഒരു വ്യക്തിഗത നാമത്താൽ സംബോ​ധന ചെയ്യു​ന്നു​ണ്ടോ ഇല്ലയോ എന്നതൊ​ന്നും പ്രാധാ​ന്യ​മുള്ള കാര്യ​മ​ല്ലെ​ന്നും ദൈവത്തെ പിതാവ്‌ അല്ലെങ്കിൽ ദൈവം എന്നു വിളി​ച്ചാൽ മതി എന്നും ചിലർ വാദി​ക്കു​ന്നു. എന്നാൽ ഈ രണ്ടു പ്രയോ​ഗ​ങ്ങ​ളും പദവി നാമങ്ങ​ളാണ്‌, അല്ലാതെ പേരല്ല. അവ വ്യക്തി​ഗ​ത​മോ വ്യതി​രി​ക്ത​മോ ആയ നാമങ്ങളല്ല. ബൈബിൾ കാലങ്ങ​ളിൽ ദൈവം (എലോ​ഹിം, എബ്രായ) എന്ന പദം ഏതു ദൈവ​ത്തെ​യും—പുറജാ​തീയ ഫെലി​സ്‌ത്യ ദൈവ​മായ ദാഗോ​നെ പോലും—പരാമർശി​ക്കാൻ ഉപയോ​ഗി​ച്ചി​രു​ന്നു. (ന്യായാ​ധി​പൻമാർ 16:23, 24) അതു​കൊണ്ട്‌, ഒരു എബ്രായൻ ഒരു ഫെലി​സ്‌ത്യ​നോട്‌ താൻ “ദൈവ”ത്തെ ആരാധി​ക്കു​ന്നു എന്നു പറയു​ന്നത്‌ അയാൾ ആരാധി​ച്ചി​രുന്ന സത്യ ദൈവത്തെ തിരി​ച്ച​റി​യി​ക്കു​മാ​യി​രു​ന്നില്ല.

1874-ലെ ദി ഇംപീ​രി​യൽ ബൈബിൾ ഡിക്‌ഷ​ന​റി​യിൽ വന്ന ഒരു പ്രസ്‌താ​വന ശ്രദ്ധേ​യ​മാണ്‌: “[യഹോവ]” എന്നത്‌ എല്ലായി​ട​ത്തും ഒരു സംജ്ഞാ നാമമാണ്‌. വ്യക്തി​ഗു​ണ​മുള്ള ദൈവത്തെ, അവനെ മാത്രം, അതു സൂചി​പ്പി​ക്കു​ന്നു. എന്നാൽ എലോ​ഹിം എന്നതിനു കൂടു​ത​ലും സാമാന്യ നാമത്തി​ന്റെ സ്വഭാ​വ​മാണ്‌ ഉള്ളത്‌. മിക്ക​പ്പോ​ഴും അതു പരമോ​ന്ന​തനെ സൂചി​പ്പി​ക്കു​ന്നെ​ങ്കി​ലും അവശ്യം എപ്പോ​ഴും അങ്ങനെ ആയിരി​ക്ക​ണ​മെ​ന്നില്ല. . . . ഒരു എബ്രായൻ മറ്റു വ്യാജ​ദൈ​വ​ങ്ങളെ വേർതി​രി​ച്ചു കാട്ടാൻ എലോ​ഹിം, സത്യ ദൈവം എന്നീ പദങ്ങൾക്കു മുമ്പ്‌ നിശ്ച​യോ​പ​പദം ചേർത്തു പറയും. എന്നാൽ അയാൾ ഒരിക്ക​ലും യഹോവ എന്നതിനു മുമ്പ്‌ നിശ്ച​യോ​പ​പദം ചേർക്കില്ല. കാരണം യഹോവ എന്നതു സത്യ​ദൈ​വ​ത്തി​ന്റെ മാത്രം നാമമാണ്‌. അയാൾ വീണ്ടും വീണ്ടും എന്റെ ദൈവം എന്നു പറയുന്നു . . . എന്നാൽ ഒരിക്ക​ലും എന്റെ യഹോവ എന്നു പറയില്ല. കാരണം അയാൾ എന്റെ ദൈവം എന്നു പറയു​മ്പോൾ യഹോ​വയെ ആണ്‌ അർഥമാ​ക്കു​ന്നത്‌. അയാൾ യിസ്രാ​യേ​ലി​ന്റെ ദൈവം എന്നു പറയുന്നു, എന്നാൽ യിസ്രാ​യേ​ലി​ന്റെ യഹോവ എന്ന്‌ ഒരിക്ക​ലും പറയില്ല. കാരണം മറ്റൊരു യഹോവ ഇല്ലെന്ന​തു​തന്നെ. അയാൾ ജീവനുള്ള ദൈവം എന്നു പറയുന്നു. എന്നാൽ ജീവനുള്ള യഹോവ എന്നു പറയില്ല. കാരണം ജീവനി​ല്ലാത്ത യഹോ​വയെ അയാൾക്കു സങ്കൽപ്പി​ക്കാ​നാ​വില്ല.”

സത്യ ദൈവ​ത്തി​ന്റെ ഗുണങ്ങൾ

ആരു​ടെ​യെ​ങ്കി​ലും പേര്‌ അറിയു​ന്ന​തു​കൊ​ണ്ടു മാത്രം നാം ആ വ്യക്തിയെ അടുത്ത്‌ അറിയ​ണ​മെ​ന്നില്ല. നമ്മിൽ മിക്കവർക്കും പ്രമു​ഖ​രായ രാഷ്‌ട്രീ​യ​ക്കാ​രു​ടെ പേരുകൾ അറിയാം. മറ്റു രാജ്യ​ങ്ങ​ളി​ലെ പ്രമു​ഖ​രായ സ്‌ത്രീ​പു​രു​ഷ​ന്മാ​രു​ടെ പേരുകൾ പോലും നമുക്ക്‌ അറിയാ​മാ​യി​രി​ക്കും. എന്നാൽ അവരുടെ പേരുകൾ മാത്രം അറിഞ്ഞ​തു​കൊണ്ട്‌—അവ ശരിയാ​യി ഉച്ചരി​ക്കാൻ അറിയാ​മെ​ങ്കിൽ കൂടി—നമുക്ക്‌ അവരെ വ്യക്തി​പ​ര​മാ​യി അറിയാ​മെന്ന്‌ അല്ലെങ്കിൽ അവർ ഏതു തരത്തി​ലുള്ള ആളുക​ളാ​ണെന്ന്‌ അറിയാ​മെന്ന്‌ അർഥമില്ല. സമാന​മാ​യി, ഏക സത്യ ദൈവത്തെ അറിയു​ന്ന​തിന്‌ അവന്റെ ഗുണങ്ങൾ നാം അറിയു​ക​യും വിലമ​തി​ക്കു​ക​യും വേണം.

ഒരു മനുഷ്യ​നും സത്യ ദൈവത്തെ ഒരിക്ക​ലും കാണാൻ സാധി​ക്കു​ക​യി​ല്ലെ​ന്നതു സത്യമാ​ണെ​ങ്കി​ലും, തന്റെ വ്യക്തി​ത്വ​ത്തെ കുറി​ച്ചുള്ള അനേകം കാര്യങ്ങൾ കരുണാ​പൂർവം നമുക്കു​വേണ്ടി ബൈബി​ളിൽ രേഖ​പ്പെ​ടു​ത്താൻ അവൻ ഇടയാ​ക്കി​യി​രി​ക്കു​ന്നു. (പുറപ്പാ​ടു 33:20; യോഹ​ന്നാൻ 1:18) ചില എബ്രായ പ്രവാ​ച​ക​ന്മാർക്ക്‌ സർവശ​ക്ത​നായ ദൈവ​ത്തി​ന്റെ സ്വർഗീയ സദസ്സിനെ കുറി​ച്ചുള്ള ദർശനം നൽക​പ്പെട്ടു. അവരുടെ വിവര​ണങ്ങൾ മാഹാ​ത്മ്യ​വും പ്രതാ​പോ​ജ്ജ്വ​ല​ത​യും ശക്തിയും മാത്രമല്ല പ്രശാ​ന്ത​ത​യും ക്രമവും മനോ​ഹാ​രി​ത​യും പ്രസന്ന​ത​യും ചിത്രീ​ക​രി​ക്കു​ന്നു.—പുറപ്പാ​ടു 24:9-11; യെശയ്യാ​വു 6:1; യെഹെ​സ്‌കേൽ 1:26-28; ദാനീ​യേൽ 7:9; വെളി​പ്പാ​ടു 4:1-3.

യഹോ​വ​യാം ദൈവം തന്റെ ആകർഷ​ക​മായ ചില ഗുണങ്ങൾ മോശ​യ്‌ക്ക്‌ വിവരി​ച്ചു​കൊ​ടു​ത്തു. പുറപ്പാ​ടു 34:6, 7-ൽ അതു രേഖ​പ്പെ​ടു​ത്തി​യി​രി​ക്കു​ന്നു: “യഹോവ, യഹോ​വ​യായ ദൈവം, കരുണ​യും കൃപയു​മു​ള്ളവൻ; ദീർഘ​ക്ഷ​മ​യും മഹാദ​യ​യും വിശ്വ​സ്‌ത​ത​യു​മു​ള്ളൻ. ആയിരം ആയിര​ത്തി​ന്നു ദയ പാലി​ക്കു​ന്നവൻ; അകൃത്യ​വും അതി​ക്ര​മ​വും പാപവും ക്ഷമിക്കു​ന്നവൻ.” ദൈവ​ത്തി​ന്റെ ഈ ഗുണങ്ങളെ കുറിച്ച്‌ അറിയു​ന്നത്‌ നമ്മെ അവനി​ലേക്ക്‌ അടുപ്പി​ക്കു​ക​യും ഒരു വ്യക്തി​യെന്ന നിലയിൽ അവനെ കുറിച്ചു കൂടുതൽ അറിയാ​നുള്ള ആഗ്രഹം നമ്മിൽ അങ്കുരി​പ്പി​ക്കു​ക​യും ചെയ്യു​മെ​ന്ന​തി​നോ​ടു നിങ്ങൾ യോജി​ക്കു​ന്നി​ല്ലേ?

യഹോ​വ​യാം ദൈവത്തെ അവന്റെ തേജോ​മയ മഹത്ത്വ​ത്തിൽ കാണാൻ യാതൊ​രു മനുഷ്യ​നും സാധി​ക്കി​ല്ലെ​ങ്കി​ലും, യേശു​ക്രി​സ്‌തു ഭൂമി​യിൽ ആയിരു​ന്ന​പ്പോൾ തന്റെ സ്വർഗീയ പിതാ​വായ യഹോ​വ​യാം ദൈവ​ത്തി​ന്റെ വ്യക്തി​ത്വ​ത്തെ പൂർണ​മായ അളവിൽ പ്രതി​ഫ​ലി​പ്പി​ച്ച​താ​യി രേഖ​പ്പെ​ടു​ത്തി​യി​രി​ക്കു​ന്നു. ഒരു അവസര​ത്തിൽ യേശു പറഞ്ഞു: “പിതാവു ചെയ്‌തു കാണു​ന്നതു അല്ലാതെ പുത്രന്നു സ്വതേ ഒന്നും ചെയ്‌വാൻ കഴിക​യില്ല; അവൻ ചെയ്യു​ന്നതു എല്ലാം പുത്ര​നും അവ്വണ്ണം തന്നേ ചെയ്യുന്നു.—യോഹ​ന്നാൻ 5:19.

അതു​കൊണ്ട്‌, യേശു​വി​ന്റെ കരുണ, അനുകമ്പ, സൗമ്യത, ഊഷ്‌മളത എന്നിവ​യും അതു​പോ​ലെ​തന്നെ നീതി​യോ​ടുള്ള ശക്തമായ സ്‌നേ​ഹ​വും ദുഷ്ടത​യോ​ടുള്ള വെറു​പ്പും ഭൂമി​യിൽ ഒരു മനുഷ്യ​നാ​യി തീരു​ന്ന​തി​നു മുമ്പ്‌ തന്റെ പിതാ​വായ യഹോ​വ​യാം ദൈവ​ത്തോ​ടൊ​പ്പം സ്വർഗ​ത്തിൽ ആയിരു​ന്ന​പ്പോൾ അവൻ യഹോ​വ​യിൽ നിരീ​ക്ഷിച്ച ഗുണങ്ങൾ ആയിരു​ന്നു​വെന്ന്‌ നമുക്ക്‌ അനുമാ​നി​ക്കാൻ കഴിയും. അങ്ങനെ, യഹോവ എന്ന നാമത്തി​ന്റെ അർഥം നാം പൂർണ​മാ​യും മനസ്സി​ലാ​ക്കു​മ്പോൾ ആ വിശുദ്ധ നാമത്തെ സ്‌നേ​ഹി​ക്കാ​നും വാഴ്‌ത്താ​നും സ്‌തു​തി​ക്കാ​നും മഹത്ത്വ​പ്പെ​ടു​ത്താ​നും അതിൽ വിശ്വാ​സം അർപ്പി​ക്കാ​നു​മുള്ള സകല കാരണ​വു​മുണ്ട്‌.

ഈ വിധത്തിൽ ഏക സത്യ​ദൈ​വത്തെ അറിയു​ന്നതു വാസ്‌ത​വ​ത്തിൽ ഒരിക്ക​ലും അവസാ​നി​ക്കാത്ത ഒരു പ്രക്രി​യ​യാണ്‌. വിശുദ്ധ തിരു​വെ​ഴു​ത്തു​ക​ളു​ടെ പുതി​യ​ലോക ഭാഷാ​ന്ത​ര​ത്തി​ലെ യോഹ​ന്നാൻ 17:3-ന്റെ പരിഭാ​ഷ​യിൽനിന്ന്‌ ഇതു വ്യക്തമാണ്‌. ഈ വാക്യ​ത്തി​ലെ ‘അറിയുക’ എന്ന ക്രിയ​യു​ടെ ശരിയായ കാലം വളരെ​യ​ധി​കം സഹായ​ക​മാണ്‌. കാരണം സാമാന്യ വർത്തമാന കാലത്തി​നു പകരം തുടർച്ചാ വർത്തമാന കാലമാണ്‌ അവിടെ ഉപയോ​ഗി​ച്ചി​രി​ക്കു​ന്നത്‌. അതു​കൊണ്ട്‌ നാം ഇങ്ങനെ വായി​ക്കു​ന്നു: “ഏകസത്യ​ദൈ​വ​മായ നിന്നെ​യും നീ അയച്ച യേശു​ക്രി​സ്‌തു​വി​നെ​യും കുറി​ച്ചുള്ള പരിജ്ഞാ​നം അവർ ഉൾക്കൊ​ള്ളു​ന്ന​തിൽ തുടരു​ന്ന​തി​ന്റെ അർഥം നിത്യ​ജീ​വൻ എന്നാണ്‌.” അതേ, ഏക സത്യ ദൈവ​മായ യഹോ​വ​യെ​യും അവന്റെ പുത്ര​നായ യേശു​ക്രി​സ്‌തു​വി​നെ​യും കുറി​ച്ചുള്ള പരിജ്ഞാ​നം ഉൾക്കൊ​ള്ളു​ന്ന​തിൽ തുടരു​ന്നത്‌ ഒരിക്ക​ലും അവസാ​നി​ക്കാത്ത ഒരു പ്രക്രിയ ആയിരി​ക്കണം.

സത്യ​ദൈവം തിരി​ച്ച​റി​യി​ക്ക​പ്പെ​ടു​ന്നു

അങ്ങനെ, എണ്ണമറ്റ വ്യാജ​ദൈ​വ​ങ്ങ​ളിൽനി​ന്നു സത്യ​ദൈ​വത്തെ തിരി​ച്ച​റി​യുക എളുപ്പ​മാണ്‌. ഭൂമി​യും അതിലെ മനുഷ്യ​രും ഉൾപ്പെ​ടെ​യുള്ള പ്രപഞ്ച​ത്തി​ന്റെ സർവശ​ക്ത​നായ സ്രഷ്ടാവ്‌ അവനാണ്‌. അവന്‌ അതുല്യ​മായ ഒരു പേരുണ്ട്‌, യഹോവ അഥവാ യാഹ്‌വെ. അവൻ ഒരു നിഗൂഢ ത്രിത്വ​ത്തി​ന്റെ ഭാഗമല്ല. അവൻ സ്‌നേ​ഹ​ത്തി​ന്റെ ദൈവ​മാണ്‌. തന്റെ മാനവ​സൃ​ഷ്ടിക്ക്‌ ഏറ്റവും നല്ലതു മാത്രമേ അവൻ ആഗ്രഹി​ക്കു​ന്നു​ള്ളൂ. അതേസ​മയം അവൻ നീതി​യു​ടെ​യും ദൈവ​മാണ്‌. ഭൂമിയെ നശിപ്പി​ക്കു​ക​യും യുദ്ധവും അക്രമ​വും ഇളക്കി​വി​ടു​ക​യും ചെയ്യു​ന്ന​വരെ അവൻ എല്ലാക്കാ​ല​ത്തേ​ക്കും വെച്ചു​പൊ​റു​പ്പി​ക്ക​യില്ല.

ഭൂമി​യിൽനി​ന്നു ദുഷ്ടത​യും കഷ്ടപ്പാ​ടും തുടച്ചു നീക്കു​ന്ന​തി​നും പരമാർഥ ഹൃദയ​രായ ആളുകൾക്കു സന്തോ​ഷ​ത്തോ​ടെ എന്നേക്കും വസിക്കാൻ പറ്റിയ ഒരു പറുദീ​സ​യാ​യി അതിനെ മാറ്റു​ന്ന​തി​നും ഉള്ള തന്റെ ഉറച്ച തീരു​മാ​നം യഹോവ തന്റെ വചനമായ വിശുദ്ധ തിരു​വെ​ഴു​ത്തു​ക​ളിൽ വെളി​പ്പെ​ടു​ത്തി​യി​രി​ക്കു​ന്നു. (സങ്കീർത്തനം 37:10, 11, 29, 34) സർവശ​ക്ത​നായ ദൈവം തന്റെ പുത്ര​നായ യേശു​വി​നെ ദൈവ​രാ​ജ്യ​ത്തി​ന്റെ സ്വർഗീയ രാജാ​വാ​യി ഇപ്പോൾ വാഴി​ച്ചി​രി​ക്കു​ന്നു. താമസി​യാ​തെ യേശു നീതി വസിക്കുന്ന ആ പുതിയ ലോകം ആനയി​ക്കു​ക​യും ഭൂമി​യിൽ പറുദീ​സാ​വ​സ്ഥകൾ പുനഃ​സ്ഥാ​പി​ക്കു​ക​യും ചെയ്യും.—ദാനീ​യേൽ 2:44; മത്തായി 6:9, 10.

ദൈവം ഉണ്ടോ എന്ന ചോദ്യ​ത്തിന്‌ ഉത്തരം നൽകാ​നും സത്യ​ദൈ​വത്തെ തിരി​ച്ച​റി​യാ​നും നിങ്ങൾക്ക്‌ ഇപ്പോൾ കൂടുതൽ എളുപ്പ​ത്തിൽ സാധി​ക്കും എന്നു ഞങ്ങൾ വിശ്വ​സി​ക്കു​ന്നു.

[9-ാം പേജിലെ ചിത്രം]

യേശുക്രിസ്‌തു യഹോ​വയെ ഏക സത്യ ദൈവ​മാ​യി തിരി​ച്ച​റി​യി​ച്ചു