വായന​ക്കാ​രിൽനി​ന്നുള്ള ചോദ്യ​ങ്ങൾ

1995 നവംബർ 1-ലെ “വീക്ഷാ​ഗോ​പു​രം,” മത്തായി 24:14-ൽ നാം വായി​ക്കു​ന്ന​പ്ര​കാ​രം, “ഈ തലമുറ”യെക്കു​റിച്ച്‌ യേശു പറഞ്ഞതിൽ ശ്രദ്ധ കേന്ദ്രീ​ക​രി​ച്ചു. ദൈവ​രാ​ജ്യം 1914-ൽ സ്വർഗ​ത്തിൽ സ്ഥാപി​ത​മാ​യി എന്നതു സംബന്ധിച്ച്‌ എന്തെങ്കി​ലും അനിശ്ചി​ത​ത്വ​മു​ള്ള​താ​യി അത്‌ അർഥമാ​ക്കു​ന്നു​ണ്ടോ?

വീക്ഷാ​ഗോ​പു​ര​ത്തി​ലെ ആ ചർച്ച 1914-നെ സംബന്ധിച്ച നമ്മുടെ അടിസ്ഥാന പഠിപ്പി​ക്ക​ലിൽ യാതൊ​രു മാറ്റവും വരുത്തി​യി​ട്ടില്ല. രാജ്യാ​ധി​കാ​ര​ത്തി​ലുള്ള തന്റെ സാന്നി​ധ്യ​ത്തെ തിരി​ച്ച​റി​യി​ക്കുന്ന അടയാളം യേശു പ്രദാനം ചെയ്‌തു. 1914 മുതൽ ആ അടയാളം നിവൃ​ത്തി​യേ​റി​ക്കൊ​ണ്ടി​രി​ക്കു​ന്നു എന്നതിനു നമുക്കു ധാരാളം തെളി​വു​ക​ളുണ്ട്‌. യുദ്ധങ്ങൾ, ക്ഷാമങ്ങൾ, പകർച്ച​വ്യാ​ധി​കൾ ഭൂകമ്പങ്ങൾ തുടങ്ങി​യവ സംബന്ധിച്ച യാഥാർഥ്യ​ങ്ങ​ളും മറ്റു തെളി​വു​ക​ളും 1914 മുതൽ യേശു ദൈവ​രാ​ജ്യ​ത്തി​ന്റെ രാജാ​വെ​ന്ന​നി​ല​യിൽ കർമനി​ര​ത​നാ​ണെന്നു സ്ഥിരീ​ക​രി​ക്കു​ന്നു. അന്നുമു​തൽ നാം വ്യവസ്ഥി​തി​യു​ടെ സമാപന കാലത്താ​ണെന്ന്‌ ഇതു സൂചി​പ്പി​ക്കു​ന്നു.

അപ്പോൾപ്പി​ന്നെ വീക്ഷാ​ഗോ​പു​രം വ്യക്തമാ​ക്കി​യത്‌ എന്തായി​രു​ന്നു? മത്തായി 24:34-ൽ യേശു “തലമുറ” എന്ന പദപ്ര​യോ​ഗം ഉപയോ​ഗി​ച്ച​തി​ന്റെ അർഥമാ​യി​രു​ന്നു മുഖ്യ സംഗതി. ആ ഭാഗം ഇങ്ങനെ വായി​ക്കു​ന്നു: “ഇതൊ​ക്കെ​യും സംഭവി​ക്കു​വോ​ളം ഈ തലമുറ ഒഴിഞ്ഞു​പോ​ക​യില്ല എന്നു ഞാൻ സത്യമാ​യി​ട്ടു നിങ്ങ​ളോ​ടു പറയുന്നു.” “തലമുറ” എന്ന പദപ്ര​യോ​ഗ​ത്താൽ യേശു അവന്റെ നാളി​ലും നമ്മുടെ നാളി​ലും എന്താണ്‌ അർഥമാ​ക്കി​യത്‌?

യഹൂദ നേതാ​ക്ക​ന്മാ​രോ യേശു​വി​ന്റെ വിശ്വസ്‌ത ശിഷ്യ​ന്മാ​രോ പോലെ ചെറു​തോ വ്യതി​രി​ക്ത​മോ ആയ ഏതെങ്കി​ലും കൂട്ടത്തി​നു വേണ്ടി യേശു “തലമുറ” എന്ന്‌ ഉപയോ​ഗി​ച്ചി​ല്ലെന്ന്‌ ഒട്ടനവധി തിരു​വെ​ഴു​ത്തു​കൾ സ്ഥിരീ​ക​രി​ക്കു​ന്നു. മറിച്ച്‌, തന്നെ ത്യജിച്ച യഹൂദ ജനതതി​യെ കുറ്റം​വി​ധി​ക്കു​ന്ന​തിന്‌ അവൻ “തലമുറ” ഉപയോ​ഗി​ച്ചു. എന്നാൽ സന്തോ​ഷ​ക​ര​മെന്നു പറയട്ടെ, പെന്ത​ക്കോ​സ്‌തു ദിവസം അപ്പോ​സ്‌ത​ല​നായ പത്രൊസ്‌ പ്രോ​ത്സാ​ഹി​പ്പി​ച്ചതു ചെയ്യാൻ, അതായത്‌ അനുത​പി​ക്കാ​നും ‘ഈ വക്രത​യുള്ള തലമു​റ​യിൽനി​ന്നു രക്ഷിക്ക​പ്പെ​ടു​വാ​നും’ വ്യക്തി​കൾക്കു കഴിഞ്ഞു.—പ്രവൃ​ത്തി​കൾ 2:40.

വ്യക്തമാ​യും, ആ പ്രസ്‌താ​വ​ന​യിൽ, പത്രൊസ്‌ ഏതെങ്കി​ലും നിർദിഷ്ട പ്രായ​പ​രി​ധി​യെ​യോ കാല​ദൈർഘ്യ​ത്തെ​യോ കൃത്യ​ത​യോ​ടെ പരാമർശി​ക്കു​ക​യാ​യി​രു​ന്നില്ല. അവൻ “തലമുറ”യെ ഏതെങ്കി​ലും പ്രത്യേക തീയതി​യു​മാ​യി ബന്ധിപ്പി​ക്കു​ക​യു​മാ​യി​രു​ന്നില്ല. യേശു ജനിച്ച അതേ വർഷം ജനിച്ച തലമു​റ​യിൽനിന്ന്‌ അല്ലെങ്കിൽ പൊ.യു. 29-ൽ ജനിച്ച തലമു​റ​യിൽനിന്ന്‌ ആളുകൾ രക്ഷിക്ക​പ്പെ​ട​ണ​മെന്ന്‌ അവൻ പറഞ്ഞില്ല. യേശു​വി​ന്റെ പഠിപ്പി​ക്കൽ കേട്ടി​ട്ടും അവന്റെ അത്ഭുതങ്ങൾ കാണു​ക​യോ അവയെ​ക്കു​റി​ച്ചു കേൾക്കു​ക​യോ ചെയ്‌തി​ട്ടും അവനെ മിശിഹാ ആയി സ്വീക​രി​ക്കാഞ്ഞ ആ കാലഘ​ട്ട​ത്തി​ലെ അവിശ്വാ​സി​ക​ളായ യഹൂദൻമാ​രെ​ക്കു​റിച്ച്‌ പത്രൊസ്‌ സംസാ​രി​ക്കു​ക​യാ​യി​രു​ന്നു—അവരിൽ ചിലർ താരത​മ്യേന ചെറു​പ്പ​വും മറ്റുചി​ലർ പ്രായ​മു​ള്ള​വ​രും ആയിരു​ന്നി​രി​ക്കാം.

ഒലിവു​മ​ല​യിൽ നാല്‌ അപ്പോ​സ്‌ത​ലൻമാ​രോ​ടു കൂടെ​യാ​യി​രു​ന്ന​പ്പോൾ “തലമുറ” എന്ന്‌ യേശു ഉപയോ​ഗി​ച്ച​തി​നെ പത്രൊസ്‌ വ്യക്തമാ​യും അങ്ങനെ​യാ​ണു മനസ്സി​ലാ​ക്കി​യത്‌. യേശു​വി​ന്റെ പ്രാവ​ച​നിക പ്രസ്‌താ​വ​ന​യ​നു​സ​രിച്ച്‌, അക്കാലത്തെ യഹൂദൻമാർ—അടിസ്ഥാ​ന​പ​ര​മാ​യി യേശു​വി​ന്റെ സമകാ​ലീ​നർ—യഹൂദ വ്യവസ്ഥി​തി​യു​ടെ അവസാനം ആസന്നമാ​ണെ​ന്ന​തി​ന്റെ തെളി​വു​ക​ളായ യുദ്ധങ്ങ​ളും ഭൂകമ്പ​ങ്ങ​ളും ക്ഷാമങ്ങ​ളും മറ്റു തെളി​വു​ക​ളും അനുഭ​വി​ക്കാ​നോ അവയെ​ക്കു​റി​ച്ചു കേൾക്കാ​നോ പോകു​ക​യാ​യി​രു​ന്നു. പൊ.യു. 70-ൽ അന്ത്യം വരുന്ന​തി​നു മുമ്പായി ആ തലമുറ നീങ്ങി​പ്പോ​യില്ല.—മത്തായി 24:3-14, 34.

യേശു​വി​ന്റെ വാക്കുകൾ ആ അർഥത്തിൽ എല്ലായ്‌പോ​ഴും എടുത്തി​ട്ടി​ല്ലെന്നു നാം സമ്മതി​ച്ചേ​തീ​രൂ. അന്ത്യം ആഗതമാ​കുന്ന ദിനം സംബന്ധി​ച്ചു കൃത്യ​മായ വിവരം അറിയാ​നുള്ള ഒരു പ്രവണത അപൂർണ മനുഷ്യർക്കുണ്ട്‌. “കർത്താവേ ഈ കാലത്താ​ണോ നീ ഇസ്രാ​യേ​ലി​നു രാജ്യം പുനഃ​സ്ഥാ​പി​ക്കു​ന്നത്‌?” എന്നു ചോദി​ച്ചു​കൊണ്ട്‌ കൂടുതൽ വിവരങ്ങൾ അറിയാൻ അപ്പോ​സ്‌ത​ല​ന്മാർ പോലും ആഗ്രഹി​ച്ച​താ​യി ഓർമി​ക്കുക.—പ്രവൃ​ത്തി​കൾ 1:6, NW.

സമാന​മാ​യ ആത്മാർഥ ആന്തരങ്ങ​ളോ​ടെ, ആധുനിക കാലങ്ങ​ളിൽ ദൈവ​ദാ​സൻമാർ “തലമുറ”യെക്കു​റിച്ച്‌ യേശു പറഞ്ഞതിൽനിന്ന്‌ 1914 മുതൽ കണക്കു​കൂ​ട്ടുന്ന ഒരു സമയഘ​ടകം വേർതി​രി​ക്കാൻ ശ്രമി​ച്ചി​ട്ടുണ്ട്‌. ഉദാഹ​ര​ണ​ത്തിന്‌, ഇങ്ങനെ ന്യായ​വാ​ദം ചെയ്‌തി​രു​ന്നു: ഒന്നാം ലോക​മ​ഹാ​യു​ദ്ധ​ത്തി​ന്റെ​യും മറ്റു സംഭവ​വി​കാ​സ​ങ്ങ​ളു​ടെ​യും പ്രാധാ​ന്യം ഗ്രഹി​ക്കാൻ തക്ക പ്രായ​മു​ള്ള​വ​രു​ടെ ഒരു തലമു​റ​യു​ടെ ദൈർഘ്യം 70-ഓ 80-ഓ വർഷം വന്നേക്കാം, അങ്ങനെ​യെ​ങ്കിൽ അന്ത്യം എത്ര ആസന്നമാ​ണെന്നു നമുക്ക്‌ ഏറെക്കു​റെ കണക്കു​കൂ​ട്ടാൻ സാധി​ക്കും.

അത്തരം ചിന്താ​ഗതി എത്ര സദു​ദ്ദേ​ശ്യ​പ​ര​മാ​യി​രു​ന്നെ​ങ്കി​ലും, യേശു തുടർന്നു നൽകിയ ബുദ്ധ്യു​പ​ദേ​ശ​വു​മാ​യി അതു പൊരു​ത്ത​പ്പെ​ട്ടോ? യേശു ഇങ്ങനെ പറഞ്ഞു: “ആ നാളും നാഴി​ക​യും സംബന്ധി​ച്ചോ എന്റെ പിതാവു മാത്ര​മ​ല്ലാ​തെ ആരും സ്വർഗ്ഗ​ത്തി​ലെ ദൂതൻമാ​രും പുത്ര​നും കൂടെ അറിയു​ന്നില്ല. . . . നിങ്ങളു​ടെ കർത്താവു ഏതു ദിവസ​ത്തിൽ വരുന്നു എന്നു നിങ്ങൾ അറിയാ​യ്‌ക​കൊ​ണ്ടു ഉണർന്നി​രി​പ്പിൻ.”—മത്തായി 24:36-42.

അതു​കൊണ്ട്‌ “ഈ തലമുറ”യെ സംബന്ധിച്ച അടുത്ത​കാ​ലത്തെ വിവരങ്ങൾ 1914-ൽ സംഭവി​ച്ചതു സംബന്ധി​ച്ചുള്ള നമ്മുടെ ഗ്രാഹ്യ​ത്തി​നു മാറ്റം വരുത്തി​യില്ല. എന്നാൽ “തലമുറ” എന്ന പദപ്ര​യോ​ഗം യേശു ഉപയോ​ഗി​ച്ചതു സംബന്ധി​ച്ചുള്ള കൂടുതൽ വ്യക്തമായ ഗ്രാഹ്യം അതു നമുക്കു പകർന്നു​തന്നു. നാം അന്ത്യ​ത്തോ​ടെത്ര അടുത്താ​ണെന്നു കണക്കു കൂട്ടു​ന്ന​തി​നുള്ള—1914-ൽ തുടങ്ങി എണ്ണുന്ന​തി​നുള്ള—അടിസ്ഥാ​ന​മാ​യല്ല അവൻ ആ പദം ഉപയോ​ഗി​ച്ചത്‌ എന്നു കാണാൻ അതു നമ്മെ സഹായി​ക്കു​ക​യും ചെയ്യുന്നു.