അധികാ​രം ദുർവി​നി​യോ​ഗം ചെയ്യാ​തി​രി​ക്കാൻ സൂക്ഷി​ക്കു​ക

“യഹോ​വാ​ഭ​യ​ത്തി​ന്റെ അർത്ഥം വഷളത്തത്തെ വെറു​ക്കു​ന്നു​വെ​ന്നാണ്‌. സ്വയം പുകഴ്‌ത്ത​ലും അഹങ്കാ​ര​വും ചീത്തവ​ഴി​യും കുടി​ല​മായ വായും ഞാൻ വെറു​ത്തി​രി​ക്കു​ന്നു.”—സദൃശ​വാ​ക്യ​ങ്ങൾ 8:13.

1. അപൂർണ്ണ മനുഷ്യ​ഹൃ​ദയം അതി​നെ​ത്തന്നെ വഞ്ചക​മെന്നു തെളി​യി​ക്കുന്ന ഒരു വിധ​മെന്ത്‌?

ദൈവം വെറു​ക്കുന്ന ദുഷിച്ച വഴിക​ളിൽ അധികാ​ര​ത്തി​ന്റെ സ്വാർത്ഥ ദുർവി​നി​യോ​ഗം ഉൾപ്പെ​ടു​ന്നു​വെ​ന്ന​തിന്‌ സംശയ​മില്ല. അവന്റെ വചനം അപൂർണ്ണ​മ​നു​ഷ്യ​രു​ടെ ഈ പ്രവണ​ത​യ്‌ക്കെ​തി​രെ നമ്മെ ബുദ്ധി​യു​പ​ദേ​ശി​ക്കു​ന്നു, എന്തു​കൊ​ണ്ടെ​ന്നാൽ അവന്‌ മനുഷ്യ​ഹൃ​ദ​യ​ത്തെ​ക്കു​റിച്ച്‌ ഗ്രാഹ്യ​മുണ്ട്‌. നാം ഇങ്ങനെ വായി​ക്കു​ന്നു: “ഹൃദയം മറെറ​ന്തി​നെ​ക്കാ​ളും വഞ്ചകവും സാഹസി​ക​വു​മാണ്‌. ആർക്ക്‌ അതിനെ ഗ്രഹി​ക്കാൻ കഴിയും? യഹോ​വ​യായ ഞാൻ ഹൃദയത്തെ ആരായു​ക​യും വൃക്കകളെ പരി​ശോ​ധി​ക്കു​ക​യും ചെയ്യുന്നു, ഓരോ​രു​ത്ത​നും അവന്റെ വഴിക​ള​നു​സ​രിച്ച്‌, അവന്റെ പ്രവർത്ത​ന​ങ്ങ​ളു​ടെ ഫലമനു​സ​രിച്ച്‌ പ്രതി​ഫലം കൊടു​ക്കു​ന്ന​തി​നു​തന്നെ.”—യിരെ​മ്യാവ്‌ 17:9, 10.

2. അധികാ​രം അത്‌ ഉള്ളവ​രോട്‌ എന്തു ചെയ്യാൻ ചായ്‌വു കാണി​ക്കു​ന്നു?

² ദൈവ​വ​ചനം നല്ല കാരണ​ത്തോ​ടെ അധികാര ദുർവി​നി​യോ​ഗ​ത്തി​നെ​തി​രെ നമുക്കു മുന്നറി​യി​പ്പു​നൽകു​ന്നു. “അധികാ​രം ദുഷി​പ്പി​ക്കു​ന്നു, സമ്പൂർണ്ണ​മായ അധികാ​രം സമ്പൂർണ്ണ​മാ​യി ദുഷി​പ്പി​ക്കു​ന്നു” എന്ന്‌ ഒരു ഇംഗ്ലീഷ്‌ പണ്ഡിതൻ പ്രസ്‌താ​വി​ക്കാൻ തക്കവണ്ണം അധികാ​രത്തെ തെററാ​യി ഉപയോ​ഗി​ക്കാൻ അഥവാ ദുർവി​നി​യോ​ഗം ചെയ്യാൻ ഒരു പ്രവണ​ത​യുണ്ട്‌. അയാൾ ഇങ്ങനെ​യും പ്രസ്‌താ​വി​ച്ചു: “മനുഷ്യ​രെ അധഃപ​തി​പ്പി​ക്കു​ക​യും അധർമ്മി​ഷ്‌ഠ​രാ​ക്കു​ക​യും ചെയ്യുന്ന എല്ലാ കാരണ​ങ്ങ​ളി​ലും വച്ച്‌ അധികാ​ര​മാണ്‌ ഏററവും നിരന്ത​ര​വും ഏററവും സജീവ​വു​മാ​യി​ട്ടു​ള്ളത്‌.” തീർച്ച​യാ​യും, അധികാ​ര​ത്തിന്‌ അവശ്യം ദുഷി​പ്പി​ക്കുന്ന ഒരു സ്വാധീ​നം ഉണ്ടായി​രി​ക്കു​ന്നില്ല; നാം അത്‌ മുൻല​ക്ക​ത്തി​ലെ ലേഖന​ത്തിൽ കണ്ടുക​ഴി​ഞ്ഞു. എന്നാൽ അതിന്റെ അപകട​മുണ്ട്‌.

3. ഏതു മനുഷ്യ​ബ​ന്ധ​ങ്ങ​ളിൽ അധികാ​രത്തെ ദുർവി​നി​യോ​ഗം ചെയ്യാൻ കഴിയും, ഇതു സംഭവി​ച്ചേ​ക്കാ​വു​ന്ന​തെ​ന്തു​കൊണ്ട്‌?

³ അധികാ​ര​ദുർവി​നി​യോ​ഗ​ത്തി​നെ​തി​രെ സൂക്ഷി​ക്കേ​ണ്ട​യാ​വ​ശ്യ​മു​ള്ള​താർക്കാണ്‌? മിക്കവാ​റും എല്ലാവർക്കും! മിക്കവാ​റും എല്ലാ മനുഷ്യ​ബ​ന്ധ​ത്തി​ലും, ധനം, പഠിപ്പ്‌, ശാരീ​രി​ക​ബലം, സ്ഥാനം, ശാരീ​രിക സൗന്ദര്യം എന്നിവ മൂലം ഒരു വ്യക്തിക്ക്‌ മററു​ള്ള​വരെ അപേക്ഷിച്ച്‌ അവസരം കൂടു​ത​ലുള്ള സാഹച​ര്യ​ങ്ങ​ളുണ്ട്‌. അവസരം എത്ര അധിക​മാ​യി​രി​ക്കു​ന്നു​വോ അത്രയ​ധി​ക​മാ​യി അതിനെ സ്വാർത്ഥ​പൂർവ്വം ഉപയോ​ഗി​ക്കു​ന്ന​തി​നുള്ള പ്രലോ​ഭ​ന​മുണ്ട്‌. എന്തു​കൊണ്ട്‌? എന്തു​കൊ​ണ്ടെ​ന്നാൽ “മമനു​ഷ്യ​ന്റെ ഹൃദയ​ത്തി​ന്റെ ചായ്‌വ്‌ അവന്റെ ബാല്യം മുതൽ വഷളാണ്‌.” (ഉല്‌പത്തി 8:21) അതെ, അപൂർണ്ണ മനുഷ്യ​ഹൃ​ദയം “വഞ്ചക”മോ ചതിനി​റ​ഞ്ഞ​തോ ദുഷിച്ച ചായ്‌വു​ള്ള​തോ ആണ്‌.—യിരെ​മ്യാവ്‌ 17:9.

ക്രിസ്‌തീയ മൂപ്പൻമാർ

4. യിത്രോ മോ​ശെക്ക്‌ ഏതു ബുദ്ധി​യു​പ​ദേശം കൊടു​ത്തു​കൊണ്ട്‌ ശക്തിയും അധികാ​ര​വും കിട്ടു​മ്പോ​ഴു​ണ്ടാ​കുന്ന പ്രലോ​ഭ​ന​ങ്ങ​ളെ​ക്കു​റിച്ച്‌ അറിവു പ്രകട​മാ​ക്കി?

⁴ തുടക്ക​ത്തിൽ, ക്രിസ്‌തീ​യ​സ​ഭ​യി​ലെ മേൽവി​ചാ​ര​കൻമാ​രായ മൂപ്പൻമാ​രെ​ക്കു​റി​ച്ചു പരിചി​ന്തി​ക്കുക. നാം അവരുടെ യോഗ്യ​ത​ക​ളെ​ക്കു​റി​ച്ചു ചിന്തി​ക്കു​മ്പോൾ, ആയിരം പേർക്കും നൂറു​പേർക്കും അമ്പതു​പേർക്കും പത്തു​പേർക്കും വീതം അധിപ​തി​മാ​രാ​യി​രി​ക്കാൻ പുരു​ഷൻമാ​രെ തെര​ഞ്ഞെ​ടു​ക്കു​ന്നതു സംബന്ധിച്ച്‌ മോ​ശെ​യോ​ടുള്ള യി​ത്രോ​യു​ടെ വാക്കുകൾ നമുക്ക്‌ അനുസ്‌മ​രി​ക്കാൻ കഴിയും. “സകല ജനത്തി​ലും നിന്ന്‌ ദൈവത്തെ ഭയപ്പെ​ടുന്ന പ്രാപ്‌തി​യുള്ള പുരു​ഷൻമാ​രെ, അന്യാ​യ​മായ ലാഭത്തെ വെറു​ക്കുന്ന വിശ്വാ​സ​യോ​ഗ്യ​രായ പുരു​ഷൻമാ​രെ, നീതന്നെ തെര​ഞ്ഞെ​ടു​ക്കണം.” (പുറപ്പാട്‌ 18:21) അങ്ങനെ​യുള്ള പുരു​ഷൻമാ​രെ മേൽവി​ചാ​രണ സംബന്ധിച്ച്‌ വിശ്വ​സി​ക്കാൻ കഴിയും. അവർ മേൽവി​ചാ​ര​ക​സ്ഥാ​ന​ത്തോ​ടു​കൂ​ടെ ലഭ്യമാ​കുന്ന അവസര​ങ്ങളെ ദുരു​പ​യോ​ഗ​പ്പെ​ടു​ത്തു​ക​യില്ല, എന്തു​കൊ​ണ്ടെ​ന്നാൽ ദൈവ​ഭയം ദോഷത്തെ വെറു​ക്കു​ന്ന​തി​നെ അർത്ഥമാ​ക്കു​ന്നു. അങ്ങനെ​യുള്ള പുരു​ഷൻമാർ “അന്യാ​യ​മായ ലാഭം” അന്വേ​ഷി​ക്കു​ക​യോ ഇഷ്ടപ്പെ​ടു​ക​യോ ചെയ്യാതെ, അതിനെ യഥാർത്ഥ​മാ​യി “വെറു​ക്കുന്ന”തായി​രി​ക്കും.

5. ഒന്നു പത്രോസ്‌ 5:2, 3-ലെ ബുദ്ധി​യു​പ​ദേശം വളരെ ഉചിത​മാ​യി​രി​ക്കു​ന്ന​തെ​ന്തു​കൊണ്ട്‌, അത്‌ എങ്ങനെ ബാധക​മാ​ക്കാൻ കഴിയും?

⁵ അപ്പോ​സ്‌ത​ല​നായ പത്രോസ്‌ മൂപ്പൻമാ​രാ​ലുള്ള അധികാര ദുർവി​നി​യോ​ഗ​ത്തി​ന്റെ അപകട​ത്തെ​ക്കു​റിച്ച്‌ ബോധ​വാ​നാ​യി​രു​ന്നു. തന്നിമി​ത്തം, അവൻ ക്രിസ്‌തീയ സഭയിലെ മേൽവി​ചാ​ര​കൻമാ​രെ ബുദ്ധി​യു​പ​ദേ​ശി​ക്കു​ന്ന​താ​യി നാം കാണുന്നു: “നിങ്ങളു​ടെ മേൽനോ​ട്ട​ത്തി​ലുള്ള ദൈവ​ത്തി​ന്റെ ആട്ടിൻകൂ​ട്ടത്തെ മേയി​ച്ചു​കൊൾക, നിർബ്ബ​ന്ധ​ത്താ​ലല്ല, മനസ്സോ​ടെ; പരമാർത്ഥ​ര​ഹി​ത​മായ ആദായ പ്രിയം കൊണ്ടല്ല, പിന്നെ​യോ ആകാം​ക്ഷ​യോ​ടെ; ദൈവ​ത്തി​ന്റെ അവകാ​ശ​മാ​യി​രി​ക്കു​ന്ന​വ​രു​ടെ​മേൽ കർത്തൃ​ത്വം നടത്തു​ന്ന​തു​പോ​ലെ​യു​മല്ല, പിന്നെ​യോ ആട്ടിൻകൂ​ട്ട​ത്തി​നു മാതൃ​ക​ക​ളാ​യി​ത്തീർന്നു​കൊ​ണ്ടു​തന്നെ.” (1 പത്രോസ്‌ 5:2, 3) പരമാർത്ഥ​ര​ഹി​ത​മായ ആദായ​ത്തി​നു​വേണ്ടി ദൈവ​ത്തി​ന്റെ ആട്ടിൻകൂ​ട്ടത്തെ മേയി​ക്കു​ന്നത്‌ അധികാര ദുർവി​നി​യോ​ഗ​മാണ്‌. അതു​പോ​ലെ, ആട്ടിൻകൂ​ട്ട​ത്തി​ന്റെ​മേൽ കർത്തൃ​ത്വം നടത്തു​ന്നത്‌ ഒരുവന്റെ അധികാ​രത്തെ സ്വാർത്ഥ​പൂർവ്വം മുത​ലെ​ടു​ക്ക​ലാണ്‌. ദൃഷ്ടാ​ന്ത​മാ​യി, ഒരു മൂപ്പന്‌ തന്റെ കുടും​ബം എങ്ങനെ വസ്‌ത്ര​ധാ​രണം ചെയ്യണ​മെ​ന്നതു സംബന്ധിച്ച്‌ സുനി​ശ്ചി​ത​മായ അഭി​പ്രാ​യ​ങ്ങ​ളു​ണ്ടാ​യി​രി​ക്കാം. എന്നാൽ അയാൾ അങ്ങനെ​യുള്ള വ്യക്തി​പ​ര​മായ വീക്ഷണങ്ങൾ ആട്ടിൻകൂ​ട്ട​ത്തിൻമേൽ അടി​ച്ചേൽപ്പി​ക്കാൻ ശ്രമി​ക്കാ​തി​രി​ക്കു​ന്ന​തിന്‌ ശ്രദ്ധാ​ലു​വാ​യി​രി​ക്കണം; അതു ചെയ്യു​ക​യാ​ണെ​ങ്കിൽ അത്‌ അവരു​ടെ​മേൽ കർത്തൃ​ത്വം നടത്തലാ​യി​രി​ക്കും.

6. സ്വജന​പ​ക്ഷ​പാ​തം എന്താണ്‌, മൂപ്പൻമാർ അതു സംബന്ധിച്ച്‌ എങ്ങനെ കുററ​ക്കാ​രാ​യി​ത്തീർന്നേ​ക്കാം?

⁶ മൂപ്പൻമാർ ശ്രദ്ധയു​ള്ള​വ​ര​ല്ലെ​ങ്കിൽ അവർ സ്വജന​പ​ക്ഷ​പാ​തം സംബന്ധി​ച്ചു കുററ​ക്കാ​രാ​യി​ത്തീ​രാ​വു​ന്ന​താണ്‌, അതും അധികാ​ര​ദുർവി​നി​യോ​ഗ​മാ​യി​രി​ക്കും. സ്വജന​പ​ക്ഷ​പാ​തി​ത്വ​മോ? അതെ, ഇതിന്റെ ഇംഗ്ലിഷ്‌ പദമായ നെപ്പോ​ട്ടി​സം “നെവ്യൂസ്‌” എന്നർത്ഥ​മുള്ള ലത്തീൻ പദത്തിൽനിന്ന്‌ ഉണ്ടായി​ട്ടുള്ള ഒരു പദമാണ്‌. പാപ്പാ​യും മററ്‌ സഭാ​മേ​ധാ​വി​ക​ളും തങ്ങളുടെ ബന്ധുക്കൾക്ക്‌, വിശേ​ഷാൽ തങ്ങളുടെ സഹോ​ദ​രൻമാ​രു​ടെ​യോ സഹോ​ദ​രി​മാ​രു​ടെ​യോ മക്കൾക്ക്‌ മതപര​വും സാമ്പത്തി​ക​വു​മായ ആനുകൂ​ല്യ​ങ്ങൾ കൊടു​ക്കുന്ന കുപ്ര​സിദ്ധ നടപടി നിമിത്തം സൃഷ്ടിച്ച ഒരു പദമാണ്‌. നിക്കോ​ളാസ്‌ മൂന്നാമൻ പാപ്പാ “പാപ്പാ സ്വജന​പ​ക്ഷ​പാ​തി​ത്വ​ത്തി​ന്റെ പാത്രി​യർക്കീസ്‌” എന്നു​പോ​ലും അറിയ​പ്പെ​ട്ടി​രു​ന്നു. ക്രിസ്‌തീ​യ​മൂ​പ്പൻമാർ വളരെ ശ്രദ്ധാ​ലു​ക്ക​ള​ല്ലെ​ങ്കിൽ, അവർ ആത്മീയ​ത​ത്വ​ങ്ങൾക്കു പകരം കുടുംബ ബന്ധങ്ങളാൽ അനുചി​ത​മാ​യി സ്വാധീ​നി​ക്ക​പ്പെ​ട്ടേ​ക്കാം. ഒരു മൂപ്പൻ മററു മൂപ്പൻമാർ സമ്മതി​ക്കാ​ഞ്ഞി​ട്ടും തന്റെ മകനെ ഒരു മേൽവി​ചാ​ര​ക​നാ​യി ശുപാർശ ചെയ്യണ​മെന്ന്‌ ശക്തമായി വിചാ​രി​ച്ചു. അതിനെ തുടർന്ന്‌ ആ പിതാവ്‌ മറെറാ​രു സഭയി​ലേക്കു മാറി. കുറേ വർഷങ്ങൾ കഴിഞ്ഞി​ട്ടും മകൻ ഒരു മൂപ്പനാ​യില്ല. പിതാവ്‌ രക്തബന്ധം തന്നെ സ്വാധീ​നി​ക്കാൻ അനുവ​ദി​ച്ചു​വെന്ന്‌ വ്യക്തമാണ്‌.

7, 8. സ്വജന​പ​ക്ഷ​പാ​തം മൂപ്പൻമാർക്ക്‌ ഒരു യഥാർത്ഥ അപകട​മാ​യി​ത്തീ​രാൻ കഴിയു​മെന്ന്‌ ഏതു ദൃഷ്ടാ​ന്തങ്ങൾ പ്രകട​മാ​ക്കു​ന്നു?

⁷ മൂപ്പൻമാർ തങ്ങളുടെ ബന്ധുക്ക​ളു​ടെ ദുഷ്‌പ്ര​വൃ​ത്തി സംബന്ധിച്ച്‌ നടപടി സ്വീക​രി​ക്കാ​ത്ത​പ്പോൾ സ്വജന​പ​ക്ഷ​പാ​തി​ത്വ​ത്തി​ന്റെ രൂപത്തിൽ മറെറാ​രു അധികാര ദുർവി​നി​യോ​ഗം പ്രത്യ​ക്ഷ​പ്പെ​ടു​ന്നു. (1 ശമുവേൽ 2:22-25, 30-35, താരത​മ്യ​പ്പെ​ടു​ത്തുക.) ചുരുക്കം ചില വർഷങ്ങൾക്ക്‌ മുമ്പ്‌ മദ്ധ്യ ഐക്യ​നാ​ടു​ക​ളിൽ ചില സഭകളിൽ ദുഷ്‌പ്ര​വൃ​ത്തി​യു​ടെ ഞെട്ടി​ക്കുന്ന ഒരു സാഹച​ര്യ​മു​ണ്ടാ​യി​രു​ന്നു. കുറേ​ക്കൂ​ടെ അടുത്ത കാലത്ത്‌ ഇത്‌ ചില യൂറോ​പ്യൻ രാജ്യ​ങ്ങ​ളിൽ വികാസം പ്രാപി​ച്ചു. അനേകം ചെറു​പ്പ​ക്കാർ ദുർവൃ​ത്തി​യി​ലും മയക്കു​മ​രു​ന്നി​ന്റെ ദുരു​പ​യോ​ഗ​ത്തി​ലും മററും ഉൾപ്പെട്ടു. ഇവരിൽ മൂപ്പൻമാ​രു​ടെ മക്കൾ ചുരു​ക്ക​മാ​യി​രു​ന്നില്ല, അവരിൽ ചിലർ തങ്ങളുടെ സന്താന​ങ്ങ​ളു​ടെ ദുർന്ന​ട​ത്ത​യിൽ കണ്ണടച്ചു​വെന്നു സ്‌പഷ്ടം. വസ്‌തു​തകൾ വെളി​ച്ച​ത്താ​യ​പ്പോൾ, മൂപ്പൻമാ​രെ​ന്ന​നി​ല​യി​ലുള്ള തങ്ങളുടെ അധികാ​ര​ങ്ങ​ളു​ടെ ദുർവി​നി​യോ​ഗം നിമിത്തം, അല്ലെങ്കിൽ കൂടുതൽ കൃത്യ​മാ​യി, തങ്ങളുടെ അധികാ​രത്തെ ശരിയാ​യി ഉപയോ​ഗി​ക്കു​ന്ന​തി​ലുള്ള പരാജയം നിമിത്തം അവരിൽ പലരും നീക്ക​പ്പെട്ടു.

⁸ ചില​പ്പോൾ, ഒരു മൂപ്പനോ ശുശ്രൂ​ഷാ​ദാ​സ​നോ യോഗ​ങ്ങ​ളിൽ സദസ്യ​പ​ങ്കു​പ​റ​റ​ലുള്ള ഭാഗങ്ങ​ളു​ടെ അദ്ധ്യക്ഷ്യം വഹിക്കു​മ്പോൾ ഈ രീതി​യി​ലുള്ള ഒരു പ്രവണത ഉള്ളതായി തോന്നു​ന്നു. അയാൾ പക്ഷപാ​തി​ത്വം ഒഴിവാ​ക്കാൻ ശ്രദ്ധി​ക്കേ​ണ്ട​യാ​വ​ശ്യ​മുണ്ട്‌. മററു​ള്ളവർ ഉത്തരം പറയു​ന്ന​തിൽ പരാജ​യ​പ്പെ​ടു​മ്പോൾ അഭി​പ്രാ​യങ്ങൾ പറയാൻ മുന്നോട്ട്‌ വന്നു കൊണ്ടും മററ​നേകർ അഭി​പ്രാ​യം പറയാൻ സ്വമേധാ മുന്നോ​ട്ടു​വ​രു​മ്പോൾ അഭി​പ്രാ​യം പറയു​ന്ന​തിന്‌ വളരെ​യ​ധി​കം ആകാംക്ഷ കാണി​ക്കാ​തെ​യും ജാഗ്ര​ത​യോ​ടെ ഈ കാര്യ​ത്തിൽ അയാളു​ടെ കുടും​ബാം​ഗ​ങ്ങൾക്ക്‌ സഹകരി​ക്കാൻ കഴിയും.

സഞ്ചാര​മേൽവി​ചാ​ര​കൻമാർ

9. ശിമോ​ന്യ​പാ​പം എന്നറി​യ​പ്പെ​ടുന്ന അധികാര ദുർവി​നി​യോ​ഗം എന്താണ്‌, അതിനെ അങ്ങനെ വിളി​ക്കു​ന്ന​തെ​ന്തു​കൊണ്ട്‌?

⁹ ഉത്തരവാ​ദിത്ത സ്ഥാനങ്ങ​ളി​ലി​രി​ക്കുന്ന ക്രിസ്‌ത്യാ​നി​കൾ, വിശേ​ഷിച്ച്‌ വാച്ച്‌ടവർ സൊ​സൈ​റ​റി​യു​ടെ സഞ്ചാര​മേൽവി​ചാ​ര​കൻമാർ, ശിമോ​ന്യ പാപം എന്നറി​യ​പ്പെ​ടു​ന്നതു സംബന്ധിച്ച്‌ അറിഞ്ഞോ അറിയാ​തെ​യോ കുററ​ക്കാ​രാ​കാ​തി​രി​ക്കാൻ ശ്രദ്ധാ​ലു​ക്ക​ളാ​യി​രി​ക്കണം. ഈ പദം വരുന്നത്‌ പ്രവൃ​ത്തി​കൾ 8:9-24 വരെ പറഞ്ഞി​രി​ക്കുന്ന ശിമോ​നെ അടിസ്ഥാ​ന​പ്പെ​ടു​ത്തി​യാണ്‌; കൈ​വെ​പ്പി​നാൽ പരിശു​ദ്ധാ​ത്മാ​വി​നെ പകരാ​നുള്ള പ്രാപ്‌തി​യു​ടെ വരത്തി​നു​വേണ്ടി അപ്പോ​സ്‌ത​ലൻമാർക്ക്‌ അയാൾ പണം വാഗ്‌ദാ​നം ചെയ്‌തു. ലൂക്കോസ്‌ ഇങ്ങനെ രേഖ​പ്പെ​ടു​ത്തു​ന്നു: “പത്രോസ്‌ അയാ​ളോട്‌ ഇങ്ങനെ പറഞ്ഞു: ‘ദൈവ​ത്തി​ന്റെ സൗജന്യ വരം പണത്തി​ലൂ​ടെ കൈവ​ശ​പ്പെ​ടു​ത്താ​മെന്ന്‌ നീ വിചാ​രി​ച്ച​തു​കൊണ്ട്‌ നിന്റെ വെള്ളി നിന്നോ​ടു​കൂ​ടെ നശിക്കട്ടെ. ഈ കാര്യ​ത്തിൽ നിനക്ക്‌ പങ്കോ ഓഹരി​യോ ഇല്ല, എന്തു​കൊ​ണ്ടെ​ന്നാൽ ദൈവ​ത്തി​ന്റെ ദൃഷ്ടി​യിൽ നിന്റെ ഹൃദയം ചൊവ്വു​ള്ളതല്ല. തന്നിമി​ത്തം, നിന്റെ ഈ വഷളത്തം സംബന്ധിച്ച്‌ അനുത​പി​ക്കു​ക​യും, സാദ്ധ്യ​മെ​ങ്കിൽ, നിന്റെ ഹൃദയ​ത്തി​ലെ തന്ത്രം നിന്നോ​ടു ക്ഷമി​ക്കേ​ണ്ട​തിന്‌ യഹോ​വ​യോട്‌ അഭ്യർത്ഥി​ക്കു​ക​യും ചെയ്യുക.’” കഴിഞ്ഞു​പോയ വർഷങ്ങ​ളിൽ ഇതും റോമൻ കത്തോ​ലി​ക്കാ സഭാ മേധാ​വി​ക​ളു​ടെ ഇടയിൽ കുപ്ര​സി​ദ്ധ​മാ​യി​രുന്ന ഒരു നടപടി​യാ​യി​രു​ന്നു. “11-ഉം 12-ഉം നൂററാ​ണ്ടു​ക​ളിൽ സഭയിൽ ഈ കുററ​കൃ​ത്യം വളരെ സാധാ​ര​ണ​മാ​യി​ത്തീർന്നു”വെന്ന്‌ ഒരു എൻ​സൈ​ക്ലോ​പ്പീ​ഡിയ റിപ്പോർട്ടു ചെയ്യുന്നു.

10, 11. മൂപ്പൻമാർ ശിമോ​ന്യ​പാ​പ​ത്തി​ന്റെ ഇരകളാ​യി​ത്തീ​രാ​വു​ന്ന​തെ​ങ്ങനെ?

¹⁰ യഹോ​വ​യു​ടെ ദാസൻമാർ ഈ കാര്യ​ത്തിൽ എങ്ങനെ ലംഘനം നടത്തി​യേ​ക്കാം? അവർ വളരെ ശ്രദ്ധാ​ലു​ക്ക​ള​ല്ലെ​ങ്കിൽ, ഒരു മൂപ്പന്റെ നല്ല അതിഥി​പ്രി​യം നിമി​ത്ത​മോ അയാളിൽ നിന്നു ലഭിച്ച ഉദാര​മായ ദാനങ്ങൾ അയാളെ സർക്കിട്ട്‌ സമ്മേള​ന​ത്തി​ലെ​യോ, ഡിസ്‌ട്രിക്ട്‌ കൺ​വെൻ​ഷ​നി​ലെ​യോ ഒരു ഭാഗം നിർവ്വ​ഹി​ക്കാൻ ശുപാർശ ചെയ്യു​ന്ന​തിന്‌ അവർ ചായ്‌വ്‌ കാണി​ച്ചേ​ക്കാം. യഥാർത്ഥ​ത്തിൽ, ഒരു മൂപ്പൻ ഉദാര​മായ ദാനങ്ങൾ ചെയ്യു​ക​യും അതേസ​മയം എന്തെങ്കി​ലും പദവി സ്വീക​രി​ക്കു​ന്ന​തി​നുള്ള സാദ്ധ്യത ഉളവാ​ക്കു​ക​യും ചെയ്‌ത അപൂർവ്വ കേസുകൾ ഉണ്ടായി​ട്ടുണ്ട്‌. പ്രത്യ​ക്ഷ​ത്തിൽ, അങ്ങനെ​യു​ള്ളവർ, “ചെറി​യവർ” എന്നപോ​ലെ വർത്തി​ക്കു​ന്ന​തിൽ സംതൃ​പ്‌ത​ര​ല്ലാ​യി​രു​ന്നു, ദിവ്യാ​ധി​പത്യ നിയമ​നങ്ങൾ സംബന്ധിച്ച്‌ ഉത്തരവാ​ദിത്ത സ്ഥാനങ്ങ​ളി​ലു​ള്ള​വരെ പ്രേരി​പ്പി​ക്കാൻ പരിശു​ദ്ധാ​ത്മാ​വിന്‌ വിട്ടു​കൊ​ടു​ത്തു​കൊ​ണ്ടു​തന്നെ. (ലൂക്കോസ്‌ 9:48) അങ്ങനെ​യുള്ള സാഹച​ര്യ​ങ്ങ​ളിൽ അങ്ങനെ​യുള്ള ദാനങ്ങൾ നിരസി​ക്കു​ക​യും അധികാ​ര​ദാ​നത്തെ ദുരു​പ​യോ​ഗ​പ്പെ​ടു​ത്താ​ത്ത​തി​ന്റെ നല്ല ദൃഷ്ടാന്തം വെക്ക​പ്പെ​ടു​ക​യും ചെയ്‌തി​ട്ടുണ്ട്‌. പ്രമു​ഖ​രായ മൂപ്പൻമാർ ശിമോ​ന്യ പാപത്തി​ന്റെ കളങ്കം ഒഴിവാ​ക്കു​ന്ന​തിന്‌ എത്ര ശ്രദ്ധാ​ലു​ക്ക​ളാ​യി​രി​ക്ക​ണ​മെന്ന്‌ അങ്ങനെ​യുള്ള ദൃഷ്ടാ​ന്തങ്ങൾ പ്രകട​മാ​ക്കു​ന്നു!

¹¹ തന്നെയു​മല്ല, ചില​പ്പോ​ഴൊ​ക്കെ ഒരു സഞ്ചാര ശുശ്രൂ​ഷകൻ ഒരു മൂപ്പന്‌ ദൃഢമായ ബുദ്ധി​യു​പ​ദേശം കൊടു​ക്കേ​ണ്ട​താ​വ​ശ്യ​മാ​യി​രി​ക്കാം. എന്നാൽ സഞ്ചാര​മേൽവി​ചാ​രകൻ ആ മൂപ്പനിൽനിന്ന്‌ ആവർത്തിച്ച്‌ ദാനങ്ങൾ വാങ്ങി​യി​ട്ടു​ണ്ടെ​ങ്കിൽ അല്ലെങ്കിൽ അയാളു​ടെ ആതിഥ്യം ആസ്വദി​ച്ചി​ട്ടു​ണ്ടെ​ങ്കിൽ, അയാൾ വളച്ചു​കെ​ട്ടി​ല്ലാത്ത ബുദ്ധി​യു​പ​ദേശം കൊടു​ക്കു​ന്നത്‌ പ്രയാ​സ​മാ​ണെന്നു കണ്ടെത്തി​യേ​ക്കാം. സ്വാർത്ഥ പരിഗ​ണ​നകൾ, ആവശ്യ​മായ ബുദ്ധി​യു​പ​ദേ​ശങ്ങൾ കൊടു​ക്കാ​നുള്ള തന്റെ ചുമത​ലകൾ നിർവ്വ​ഹി​ക്കു​ന്ന​തിൽനിന്ന്‌ അയാളെ തടയു​മോ? അയാൾ തന്റെ സഹോ​ദ​ര​ങ്ങ​ളു​ടെ ആത്മീയ താൽപ​ര്യ​ങ്ങളെ തന്റെ സ്വന്തം ഭൗതിക പ്രയോ​ജ​ന​ങ്ങൾക്കു​പ​രി​യാ​യി വെക്കു​മോ? അതെ, അയാൾ ദൈവത്തെ പ്രസാ​ദി​പ്പി​ക്കാൻ ശ്രമി​ക്കു​മോ, അതോ മനുഷ്യ​രെ​യോ?—ഗലാത്യർ 1:10.

കുടും​ബ​വൃ​ത്തം

12. ഏതു കാരണ​ത്താൽ ഭർത്താ​ക്കൻമാർ അധികാ​രം ശരിയാ​യി വിനി​യോ​ഗി​ക്കാൻ ജാഗ്ര​ത​പാ​ലി​ക്കണം?

¹² കുടും​ബ​വൃ​ത്ത​ത്തിൽ, ഓരോ അംഗവും അവസരത്തെ അല്ലെങ്കിൽ അധികാ​രത്തെ ദുർവി​നി​യോ​ഗം ചെയ്യാ​തി​രി​ക്കേണ്ട ആവശ്യ​വു​മുണ്ട്‌. ഒരു ഭർത്താവ്‌ ശിരഃ​സ്ഥാ​ന​മു​ള്ള​തു​കൊ​ണ്ടോ, കൂടിയ ശാരീ​രി​ക​ശക്തി നിമി​ത്ത​മോ കുടും​ബം പോറ​റുന്ന ആളായ​തു​കൊ​ണ്ടോ, സ്വേച്ഛാ​പ​ര​മാ​യി, സ്വാർത്ഥ​പ​ര​മാ​യി, സഹതാ​പ​ര​ഹി​ത​മാ​യി പ്രവർത്തി​ച്ചേ​ക്കാം, സഹാനു​ബോ​ധ​ത്തി​ന്റെ കുറവു പ്രകട​മാ​ക്കി​യേ​ക്കാം. ഭാര്യ​മാർ തങ്ങളുടെ ഭർത്താ​ക്കൻമാർക്ക്‌ കീഴ്‌പ്പെ​ട്ടി​രി​ക്ക​ണ​മെന്ന്‌ ശക്തമായി ഊന്നി​പ്പ​റ​യു​ന്നു. അതേ സമയം, തങ്ങളുടെ ഭാര്യ​മാ​രെ സ്വന്ത ശരീര​ങ്ങ​ളെ​പ്പോ​ലെ സ്‌നേ​ഹി​ക്കാ​നും ക്രിസ്‌തു ക്രിസ്‌തീയ സഭയ്‌ക്കു​വേണ്ടി മരിച്ച​തു​പോ​ലെ, അവർക്കു​വേണ്ടി മരിക്കാൻ ഒരുക്ക​മാ​യി​രി​ക്കാ​നും അവൻ ഭർത്താ​ക്കൻമാ​രോ​ടു പറയുന്നു. (എഫേസ്യർ 5:25-33) അങ്ങനെ​യുള്ള ബുദ്ധി​യു​പ​ദേശം ഒരു ഭർത്താവു തന്റെ അധികാ​രത്തെ അല്ലെങ്കിൽ അവസര​ങ്ങളെ ദുരു​പ​യോ​ഗ​പ്പെ​ടു​ത്തു​ന്ന​തി​നെ​തി​രെ ഒരു വിലക്കാ​യി പ്രവർത്തി​ക്കേ​ണ്ട​താണ്‌. ഭർത്താ​ക്കൻമാർക്ക്‌ കീഴട​ങ്ങി​യി​രി​ക്കാൻ ഭാര്യ​മാ​രെ ബുദ്ധി​യു​പ​ദേ​ശി​ച്ച​ശേഷം അപ്പോ​സ്‌ത​ല​നായ പത്രോസ്‌ ഭർത്താ​ക്കൻമാർക്ക്‌ ഇങ്ങനെ മുന്നറി​യിപ്പ്‌ കൊടു​ക്കു​ന്നു: “ഭർത്താ​ക്കൻമാ​രേ, നിങ്ങളു​ടെ പ്രാർത്ഥ​ന​കൾക്കു തടസ്സമു​ണ്ടാ​കാ​തി​രി​ക്കേ​ണ്ട​തിന്‌, ജീവന്റെ അനർഹ​കൃ​പക്ക്‌ നിങ്ങൾ അവരോ​ടു​കൂ​ടെ അവകാ​ശി​ക​ളു​മാ​ക​യാൽ അവർക്ക്‌, സ്‌ത്രീ​യായ ഒരു ബലഹീ​ന​പാ​ത്ര​ത്തി​നെ​ന്ന​പോ​ലെ, ബഹുമാ​നം കൊടു​ത്തു​കൊണ്ട്‌, പരിജ്ഞാ​ന​പ്ര​കാ​രം അവരോ​ടു​കൂ​ടെ വസിക്കു​ന്ന​തിൽ തുടരുക.” അതെ, ഭർത്താ​ക്കൻമാർ യഹോ​വ​യാം ദൈവ​വു​മാ​യി ഒരു നല്ല ബന്ധമു​ണ്ടാ​യി​രി​ക്കാ​നാ​ഗ്ര​ഹി​ക്കു​ന്നു​വെ​ങ്കിൽ, അവർ തങ്ങളുടെ അധികാ​രം ശരിയാ​യി ഉപയോ​ഗി​ക്കാൻ ശ്രദ്ധയു​ള്ള​വ​രാ​യി​രി​ക്കണം.—1 പത്രോസ്‌ 3:7.

13. (എ) ഭർത്താ​ക്കൻമാർ ഏതു സ്‌ത്രീ സഹജ സ്വഭാ​വത്തെ ചില​പ്പോൾ മുത​ലെ​ടു​ത്തി​ട്ടുണ്ട്‌? (ബി) സ്വാർത്ഥ​രായ ഭാര്യ​മാർ ഏതു തിരു​വെ​ഴു​ത്തു ബുദ്ധി​യു​പ​ദേശം ലംഘി​ച്ചു​കൊണ്ട്‌ അധികാര ദുർവി​നി​യോ​ഗം പ്രകട​മാ​ക്കി​യി​ട്ടുണ്ട്‌?

¹³ കൂടുതൽ ആഴമായി സ്‌നേ​ഹി​ക്കുന്ന ഇണ കുറച്ചു സ്‌നേ​ഹി​ക്കുന്ന ഇണയുടെ കാരു​ണ്യ​ത്തി​ലാ​ണെന്ന്‌ നിരീ​ക്ഷി​ക്ക​പ്പെ​ട്ടി​ട്ടുണ്ട്‌. അതിൽ ഒരളവി​ലുള്ള സത്യമു​ള്ള​താ​യി തോന്നു​ന്നു. പൊതു​വേ ഭാര്യ​മാർ തങ്ങളുടെ ഭർത്താ​ക്കൻമാ​രേ​ക്കാൾ ആഴമായി സ്‌നേ​ഹി​ക്കു​ന്നു—സ്‌നേഹം അവർക്കു കൂടുതൽ പ്രധാ​ന​മാണ്‌. അനേകം ഭർത്താ​ക്കൻമാർ അതിൽ നിന്ന്‌ സ്വാർത്ഥ​പൂർവ്വം മുത​ലെ​ടു​ക്കു​ന്നു. മറിച്ച്‌, ഭാര്യ​മാർ തങ്ങളുടെ ഇച്ഛകൾ ഹനിക്ക​പ്പെ​ടു​മ്പോൾ ദാമ്പത്യ​ധർമ്മം നിറ​വേ​റ​റാൻ വിമുഖത കാണി​ക്കു​ന്ന​താ​യി അറിയ​പ്പെ​ട്ടി​ട്ടുണ്ട്‌. യഥാർത്ഥ​ത്തിൽ, ചില ഭാര്യ​മാർ വിവാ​ഹ​ധർമ്മം നിറ​വേ​റ​റാൻ പാടെ വിസമ്മ​തി​ക്കു​ക​പോ​ലും ചെയ്‌തി​ട്ടുണ്ട്‌. ഇത്‌ ഭർത്താവ്‌ വ്യഭി​ചാ​രം ചെയ്യു​ന്ന​തിന്‌ ചില​പ്പോൾ സംഭാവന ചെയ്‌തി​ട്ടു​ണ്ടെന്ന്‌ പറയാൻ സങ്കടമുണ്ട്‌. 1 കൊരി​ന്ത്യർ 7:3-5-ലെ പൗലോ​സി​ന്റെ ബുദ്ധി​യു​പ​ദേശം അനുസ​രി​ക്കു​ന്ന​തി​ലുള്ള അത്തരം എല്ലാ പരാജ​യ​വും അധികാ​ര​ത്തി​ന്റെ ഒരു സ്വാർത്ഥ ദുരു​പ​യോ​ഗ​മാണ്‌.

14. ചില മാതാ​പി​താ​ക്കൾ തങ്ങളുടെ മക്കളു​ടെ​മേൽ അധികാര ദുർവി​നി​യോ​ഗം നടത്തു​ന്നു​വെ​ന്ന​തിന്‌ എന്തു തെളി​വുണ്ട്‌?

¹⁴ കുട്ടികൾ കർത്താ​വി​നോ​ടുള്ള ഐക്യ​ത്തിൽ തങ്ങളുടെ മാതാ​പി​താ​ക്കളെ അനുസ​രി​ക്കേ​ണ്ട​താ​ണെ​ന്നുള്ള വസ്‌തുത, അവരുടെ മാതാ​പി​താ​ക്കൾക്ക്‌, വിശേ​ഷാൽ പിതാ​ക്കൻമാർക്ക്‌ അവരു​ടെ​മേൽ അധികാ​രം കൊടു​ക്കു​ന്നു. അവർ ഈ അധികാ​രം എങ്ങനെ ഉപയോ​ഗി​ക്കും? ചിന്താ​ശൂ​ന്യ​മാ​യി​ട്ടോ? അനുക​മ്പാ​ര​ഹി​ത​മാ​യോ? സഹാനു​ബോ​ധ​മി​ല്ലാ​തെ​യോ? അനേകം ലോക പിതാ​ക്കൻമാ​രും ചില മാതാ​ക്ക​ളും അതുതന്നെ ചെയ്യു​ക​യും “ദ്രോ​ഹി​ക്ക​പ്പെട്ട കുട്ടി​യു​ടെ രോഗ”ത്തിന്റെ വ്യാപ​ന​ത്തി​നി​ട​യാ​ക്കു​ക​യും ചെയ്യുന്നു. 1984 ജനുവരി⁄ഫെബ്രുവരിയിലെ വേൾഡ്‌ ഹെൽത്ത്‌ അനുസ​രിച്ച്‌ “എല്ലാ സമുദാ​യ​ത്തി​ലും ദുഷ്‌പെ​രു​മാ​റ​റ​ത്തി​നു വിധേ​യ​രായ കുട്ടികൾ ഉണ്ട്‌,” “ഈയിടെ കൂടുതൽ കൂടുതൽ കുട്ടികൾ ദുഷ്‌പെ​രു​മാ​റ​റ​ത്തിന്‌ വിധേ​യ​രാ​കു​ക​യും ചൂഷണം ചെയ്യ​പ്പെ​ടു​ക​യും പ്രഹരി​ക്ക​പ്പെ​ടു​ക​യും അല്ലെങ്കിൽ ഉപേക്ഷി​ക്ക​പ്പെ​ടു​ക​യും ചെയ്യു​ന്ന​താ​യി തോന്നു​ന്നു, ലോക​ത്തി​ന്റെ യാതൊ​രു ഭാഗവും വിഭി​ന്നമല്ല.” ഐക്യ​നാ​ടു​ക​ളിൽ കുട്ടി​ക​ളോ​ടുള്ള ദ്രോഹം കഴിഞ്ഞ പത്തുവർഷ​ങ്ങ​ളിൽ ഇരട്ടി​യി​ല​ധി​ക​മാ​യ​താ​യി മറെറാ​രു റിപ്പോർട്ടു പറയുന്നു. തീർച്ച​യാ​യും, അങ്ങനെ​യു​ള്ള​വ​യെ​ല്ലാം അധികാര ദുർവി​നി​യോ​ഗ​മാണ്‌. ഒരു കുട്ടി​യോട്‌ കഠിന​മാ​യി പെരു​മാ​റു​ന്ന​തി​നെ​ക്കു​റി​ച്ചു ചിന്തി​ക്കു​ക​യി​ല്ലാത്ത ഒരു ക്രിസ്‌തീയ പിതാ​വു​പോ​ലും ഒരുതരം ബാലദു​രു​പ​യോ​ഗം സംബന്ധി​ച്ചു കുററ​ക്കാ​ര​നാ​യി​ത്തീ​രാം. അത്‌ എന്താ​ണെന്ന്‌ പൗലോ​സി​ന്റെ ബുദ്ധി​യു​പ​ദേ​ശ​ത്തിൽനിന്ന്‌ നിങ്ങൾക്ക്‌ കാണാൻ കഴിയും: “പിതാ​ക്കൻമാ​രേ, നിങ്ങളു​ടെ മക്കളെ ശല്യ​പ്പെ​ടു​ത്താ​തെ, യഹോ​വ​യു​ടെ ശിക്ഷണ​ത്തി​ലും മാനസി​ക​ക്ര​മ​വൽക്ക​ര​ണ​ത്തി​ലും അവരെ വളർത്തി​ക്കൊ​ണ്ടി​രി​ക്കുക.” “പിതാ​ക്കൻമാ​രേ, നിങ്ങളു​ടെ മക്കൾ നിരു​ത്സാ​ഹ​പ്പെ​ടാ​തി​രി​ക്കാൻ അവരെ കോപി​പ്പി​ക്ക​രുത്‌.”—എഫേസ്യർ 6:4; കൊ​ലോ​സ്യർ 3:21.

15, 16. മാതാ​പി​താ​ക്ക​ളിൽനിന്ന്‌ എന്താവ​ശ്യ​മാ​ക്കി​ത്തീർത്തു​കൊണ്ട്‌ കുട്ടികൾ അധികാ​ര​ദുർവി​നി​യോ​ഗം സംബന്ധിച്ച്‌ കുററ​ക്കാ​രാ​യേ​ക്കാം?

¹⁵ ആദ്യം വിചി​ത്ര​മെന്നു തോന്നി​യേ​ക്കാ​മെ​ങ്കി​ലും, കുട്ടി​കൾതന്നെ അധികാ​ര​ദുർവി​നി​യോ​ഗം സംബന്ധി​ച്ചു കുററ​ക്കാ​രാ​യി​രി​ക്കാൻ കഴിയും. എങ്ങനെ? മാതാ​പി​താ​ക്കൾക്ക്‌ തങ്ങളുടെ മക്കളോ​ടുള്ള പ്രിയം നിമിത്തം അവർ തങ്ങളുടെ മെച്ചപ്പെട്ട തീരു​മാ​ന​ത്തി​നെ​തി​രാ​യി പ്രവർത്തി​ക്കാൻ കുട്ടികൾ കാരണ​ക്കാ​രാ​യി​ത്തീ​രാൻ കഴിയും. ഒരു കുട്ടി, താൻ തല്ലു​കൊ​ള്ളാൻ അർഹനാ​ണെ​ന്ന​റി​ഞ്ഞു​കൊണ്ട്‌ വളരെ ദയനീ​യ​മാ​യി കരയു​ന്ന​തു​കൊണ്ട്‌ അർഹത​യുള്ള അടി കൊടു​ക്കാൻ അവന്റെ അമ്മയ്‌ക്ക്‌ കേവലം കഴിയു​ന്നില്ല. വിജയ​പ്ര​ദ​മായ ഒരു വനിതാ ബാങ്കിംഗ്‌ വ്യാപാ​രി തന്റെ ഇടപാ​ടു​കാ​രെ സ്വാധീ​നി​ക്കാ​നുള്ള തന്റെ പ്രാപ്‌തി​യെ​ക്കു​റിച്ച്‌ വീമ്പടി​ച്ചു​കൊ​ണ്ടു പറയുന്നു: “സ്‌ത്രീ​കൾക്ക്‌ അത്‌ സഹജമാണ്‌. എന്റെ പുത്രി അവളുടെ അപ്പനെ സ്വാധീ​നി​ക്കു​ന്നത്‌ നിങ്ങൾ കാണേ​ണ്ട​താണ്‌.”

¹⁶ ഒരു വർത്തമാ​ന​പ്പത്ര റിപ്പോർട്ട​നു​സ​രിച്ച്‌ “വടക്കേ അമേരി​ക്ക​യിൽ ‘അധികാ​ര​മ​ത്ത​രായ കുട്ടി​ക​ളു​ടെ’ എണ്ണത്തിൽ ഭയജന​ക​മായ വർദ്ധന​വുണ്ട്‌; അവർ തങ്ങളുടെ മാതാ​പി​താ​ക്ക​ളു​ടെ ജീവി​തത്തെ ഭരിക്കു​ക​യും കൈകാ​ര്യം ചെയ്യു​ക​യും ചെയ്യുന്നു.” എന്നുവ​രി​കി​ലും, പരിഹാ​രം സ്ഥിതി​ചെ​യ്യു​ന്നത്‌ കുട്ടി​കളെ ബുദ്ധി​യു​പ​ദേ​ശി​ക്കു​ന്ന​തി​ലല്ല, പിന്നെ​യോ മാതാ​പി​താ​ക്ക​ളി​ലാണ്‌. മാതാ​പി​താ​ക്കൾ തങ്ങളുടെ മക്കളുടെ മുമ്പാകെ ഐക്യ​മുള്ള ഒരു നിലപാട്‌ അവതരി​പ്പി​ക്കേ​ണ്ട​താണ്‌. കുട്ടികൾ പെട്ടെന്ന്‌ അനൈ​ക്യം ശ്രദ്ധി​ക്കു​ക​യും തങ്ങളുടെ ആവശ്യം നേടു​ന്ന​തിന്‌ ഒരാളെ മറേറ​യാ​ളി​നെ​തി​രെ തിരി​ക്കു​ക​യും ചെയ്യുന്നു. മാതാ​പി​താ​ക്കൾ ശരിയാ​യ​തി​നു​വേണ്ടി ദൃഢത പാലി​ക്കു​ക​യും അതേസ​മയം തങ്ങളുടെ സ്‌നേഹം സംബന്ധിച്ച്‌ കുട്ടി​കൾക്ക്‌ എല്ലായ്‌പ്പോ​ഴും ഉറപ്പു​കൊ​ടു​ക്കു​ക​യും വേണം. യഹോവ ചെയ്യു​ന്ന​തു​പോ​ലെ ക്രിസ്‌തീയ മാതാ​പി​താ​ക്കൾ സ്‌നേഹം നിമിത്തം ശിക്ഷണം കൊടു​ക്കു​ന്നു.—എബ്രായർ 12:5, 6.

മററ ബന്ധങ്ങളിൽ

17. മുതലാ​ളി—തൊഴി​ലാ​ളി ബന്ധത്തിൽ ഒരു അധികാര ദുർവി​നി​യോ​ഗം ഉണ്ടായി​രി​ക്കാ​വു​ന്ന​തെ​ങ്ങനെ?

¹⁷ മുതലാ​ളി​തൊ​ഴി​ലാ​ളി ബന്ധവും അധികാ​രം ദുർവി​നി​യോ​ഗം ചെയ്യു​ന്ന​തി​നുള്ള പ്രലോ​ഭനം കൈവ​രു​ത്തു​ന്നു. ആധുനിക മുതലാ​ളി​മാ​രോ​ടും ഓവർസി​യർമാ​രോ​ടും മേധാ​വി​ക​ളോ​ടും ഏറെക്കു​റെ ഒത്തുവ​രുന്ന, അടിമ​ക​ളു​ടെ ഉടമകളെ പൗലോസ്‌ ഇങ്ങനെ ബുദ്ധി​യു​പ​ദേ​ശി​ച്ചു: “യജമാ​നൻമാ​രേ, . . . ഭീഷണി നിർത്തുക, എന്തു​കൊ​ണ്ടെ​ന്നാൽ അവരു​ടെ​യും നിങ്ങളു​ടെ​യും യജമാനൻ സ്വർഗ്ഗ​ത്തി​ലു​ണ്ടെ​ന്നും അവന്റെ പക്കൽ മുഖപ​ക്ഷ​മി​ല്ലെ​ന്നും നിങ്ങള​റി​യു​ന്നു.” (എഫേസ്യർ 6:9; കൊ​ലോ​സ്യർ 4:1) മതേത​ര​കാ​ര്യ​ങ്ങ​ളിൽ മേൽവി​ചാ​ര​ണ​യുള്ള ക്രിസ്‌ത്യാ​നി​കൾ തങ്ങളുടെ അധികാ​രം ദുർവി​നി​യോ​ഗം ചെയ്യാ​തി​രി​ക്കാൻ ശ്രദ്ധി​ക്കണം. തനിക്കു​വേണ്ടി ജോലി ചെയ്യു​ന്ന​വ​രോ​ടു നല്ലബന്ധം ഉണ്ടായി​രുന്ന ഒരാ​ളെ​ന്ന​നി​ല​യിൽ പഴയകാ​ലത്തെ ബോവ​സി​നെ എടുത്തു പറയാ​വു​ന്ന​താണ്‌.—രൂത്ത്‌ 2:4.

18. ബന്ധമി​ല്ലാത്ത സഹോ​ദ​രീ​സ​ഹോ​ദ​രൻമാർ അധികാര ദുർവി​നി​യോ​ഗം സംബന്ധി​ച്ചു കുററ​ക്കാ​രാ​കാ​തി​രി​ക്കാൻ എന്തു ശ്രദ്ധ ചെലു​ത്തേ​ണ്ട​താണ്‌?

¹⁸ ക്രിസ്‌ത്യാ​നി​കൾ അധികാര ദുർവി​നി​യോ​ഗ​ത്തി​നെ​തി​രെ ജാഗരി​ക്കേണ്ട മറെറാ​രു മണ്ഡലവും​കൂ​ടെ പറഞ്ഞാൽ, ലൈം​ഗി​കാ​കർഷ​ണ​ത്തി​ന്റെ സംഗതി​യാ​ണത്‌. യുവ സഹോ​ദ​രി​മാ​രു​ടെ പ്രകൃ​തം​തന്നെ അവരിൽ അനേകർ വിവാഹം കഴിക്കാ​നും മക്കളെ പ്രസവി​ക്കാ​നും ആഗ്രഹി​ക്കാ​നുള്ള പ്രവണത കാട്ടുന്നു. തത്‌ഫ​ല​മാ​യി, സഹോ​ദ​രൻമാർ ചില​പ്പോൾ സഹോ​ദ​രി​മാ​രു​ടെ സ്‌നേ​ഹത്തെ പന്താടു​ന്നത്‌ എളുപ്പ​മാ​ണെന്ന്‌ കണ്ടെത്തി​യേ​ക്കാം. ഇതു തീർച്ച​യാ​യും ഒരു അധികാ​ര​ദുർവി​നി​യോ​ഗ​മാണ്‌. പൗലോസ്‌ തിമൊ​ഥെ​യോ​സി​നെ ഇങ്ങനെ ബുദ്ധി​യു​പ​ദേ​ശി​ച്ചു: ‘പ്രായ​മേ​റിയ സ്‌ത്രീ​കളെ അമ്മമാ​രെ​പ്പോ​ലെ​യും പ്രായ​ക്കു​റ​വുള്ള സ്‌ത്രീ​കളെ സകല നിർമ്മ​ല​ത​യോ​ടും​കൂ​ടെ സഹോ​ദ​രി​മാ​രെ​പ്പോ​ലെ​യും കരുതുക.’ മറിച്ച്‌, ക്രിസ്‌തീയ സ്‌ത്രീ​കൾ “എളിമ​യോ​ടും സുബോ​ധ​ത്തോ​ടും കൂടെ നന്നായി ക്രമീ​ക​രിച്ച വേഷത്താൽ തങ്ങളേ​ത്തന്നെ അലങ്കരി​ക്കാൻ” ബുദ്ധി​യു​പ​ദേ​ശി​ക്ക​പ്പെ​ട്ടി​രി​ക്കു​ന്നു. വിവാ​ഹി​ത​രാ​യാ​ലും അവിവാ​ഹി​ത​രാ​യാ​ലും, അവരും “നിർമ്മ​ല​മായ നടത്ത” പ്രകട​മാ​ക്കാൻ ശ്രദ്ധാ​ലു​ക്ക​ളാ​യി​രി​ക്കണം.—1 തിമൊ​ഥെ​യോസ്‌ 2:9; 5:2; 1 പത്രോസ്‌ 3:2.

19. ജ്ഞാനവും നീതി​യും സ്‌നേ​ഹ​വും പ്രകട​മാ​ക്കു​ന്ന​തി​നു പുറമേ ഏതു ഗുണത്തി​ന്റെ ഉപയോ​ഗ​ത്തിൽ നാം ശ്രദ്ധയു​ള്ള​വ​രാ​യി​രി​ക്കണം?

¹⁹ ക്രിസ്‌ത്യാ​നി​കൾ ദിവ്യ​ജ്ഞാ​ന​ത്താൽ നടത്തി​ക്ക​പ്പെ​ടു​ന്ന​തി​നെ​ക്കു​റി​ച്ചും അവരുടെ എല്ലാ ഇടപെ​ട​ലു​ക​ളി​ലും നീതി​പാ​ലി​ക്കു​ന്ന​തി​നെ​ക്കു​റി​ച്ചും തത്വാ​ധി​ഷ്‌ഠിത സ്‌നേ​ഹ​മായ അഗാ​പേ​യാൽ പ്രേരി​പ്പി​ക്ക​പ്പെ​ടു​ന്ന​തി​നെ​ക്കു​റി​ച്ചും നമ്മുടെ ബൈബിൾ സാഹി​ത്യ​ത്തിൽ വളരെ​യ​ധി​കം കാര്യങ്ങൾ പറഞ്ഞി​ട്ടുണ്ട്‌. യഹോ​വ​യു​ടെ എല്ലാ ദാസൻമാ​രും അധികാ​ര​ത്തി​ന്റെ ഗുണ​ത്തെ​യോ ലക്ഷണ​ത്തെ​യോ കൈവ​ശ​ത്തെ​യോ കുറിച്ച്‌ ശ്രദ്ധാ​ലു​ക്ക​ളാ​യി​രി​ക്കണം. അവർ ഒരിക്ക​ലും അതിനെ ദുർവി​നി​യോ​ഗം ചെയ്യാതെ എല്ലായ്‌പ്പോ​ഴും ശരിയാ​യി ഉപയോ​ഗി​ക്കണം. സത്യമാ​യി ദൈവ​വ​ചനം ഈ രംഗങ്ങ​ളിൽ നൽകുന്ന ബുദ്ധി​യു​പ​ദേ​ശ​ത്തിൽ ദിവ്യ​ജ്ഞാ​നത്തെ വ്യക്തമാ​ക്കു​ന്നു. അങ്ങനെ​യുള്ള ബുദ്ധി​യു​പ​ദേശം ശ്രദ്ധാ​പൂർവ്വം അനുസ​രി​ക്കു​ന്ന​തി​നാൽ നാം യഹോ​വ​യു​ടെ നാമത്തിന്‌ ബഹുമാ​നം കൈവ​രു​ത്തും, നാം മററു​ള്ള​വർക്ക്‌ ഒരു അനു​ഗ്ര​ഹ​മാ​യി​രി​ക്കും, നാം ദൈവാം​ഗീ​കാ​രം പ്രാപി​ക്കു​ക​യും ചെയ്യും. (w86 8/15)

നിങ്ങൾ ഏതു ബുദ്ധി​യു​പ​ദേശം ഓർക്കു​ന്നു?

◻ അധികാ​രം ദുർവി​നി​യോ​ഗം ചെയ്യാ​നുള്ള ഒരു സഹജ പ്രവണത നമുക്കു​ണ്ടെന്ന്‌ എങ്ങനെ പറയാൻ കഴിയും?

◻ മൂപ്പൻമാർ തങ്ങളുടെ അധികാ​രം ദുർവി​നി​യോ​ഗം ചെയ്യാ​തി​രി​ക്കാൻ ശ്രദ്ധാ​ലു​ക്ക​ളാ​യി​രി​ക്കേ​ണ്ട​തെ​ന്തു​കൊണ്ട്‌?

◻ ഭർത്താ​ക്കൻമാ​രും ഭാര്യ​മാ​രും അന്യോ​ന്യ​മുള്ള ബന്ധത്തിൽ ഏതു വിധങ്ങ​ളിൽ തങ്ങളുടെ അധികാ​രം ദുർവി​നി​യോ​ഗം ചെയ്യരുത്‌?

◻ മാതാ​പി​താ​ക്ക​ളും മക്കളും തങ്ങളുടെ ബന്ധങ്ങളിൽ അധികാ​രം ദുർവി​നി​യോ​ഗം ചെയ്യു​ന്നതു സംബന്ധിച്ച്‌ എന്ത്‌ ഒഴിവാ​ക്കേ​ണ്ട​താണ്‌?

[12-ാം പേജിലെ ചിത്രം]

പത്രോസിനെ സ്വാധീ​നി​ക്കാൻ ശിമോൻ തന്റെ സ്വത്ത്‌ ഉപയോ​ഗി​ക്കാൻ ശ്രമിച്ചു. ഈ വിവര​ണ​ത്തിൽനിന്ന്‌ നമുക്ക്‌ എന്തു പാഠങ്ങൾ പഠിക്കാൻ കഴിയും?

[14-ാം പേജിലെ ചിത്രം]

നിങ്ങളുടെ കുട്ടി നിങ്ങളെ സ്വാധീ​നി​ക്കാൻ അധികാര ദുർവി​നി​യോ​ഗം ചെയ്യു​ന്നു​വോ?