-
യഹോവയെക്കുറിച്ച്‌ ബൈബിൾ എന്താണ്‌ പറയുന്നത്‌?ജീവിതം ആസ്വദിക്കാം എന്നേക്കും!—ദൈവത്തിൽനിന്ന്‌ പഠിക്കാം
-
-
3. യഹോവയ്‌ക്കു നമ്മളോടു സ്‌നേഹമുണ്ടെന്ന്‌ എങ്ങനെ അറിയാം?
യഹോവയുടെ എടുത്തുപറയേണ്ട ഒരു ഗുണമാണ്‌ സ്‌നേഹം. “ദൈവം സ്‌നേഹമാണ്‌” എന്നു പോലും ബൈബിൾ പറയുന്നു. (1 യോഹന്നാൻ 4:8) ബൈബിളിലൂടെ മാത്രമല്ല സൃഷ്ടികളിലൂടെയും യഹോവ ആ സ്‌നേഹം കാണിച്ചുതരുന്നുണ്ട്‌. (പ്രവൃത്തികൾ 14:17 വായിക്കുക.) നമ്മളെ സൃഷ്ടിച്ച വിധംതന്നെ ഒന്നു നോക്കുക. നമുക്കു പലപല നിറങ്ങൾ കാണാം, മനോഹരമായ സംഗീതം കേൾക്കാം, രുചികരമായ ഭക്ഷണം ആസ്വദിക്കാം . . . ഇതിനൊക്കെയുള്ള കഴിവ്‌ യഹോവ നമുക്ക്‌ തന്നിട്ടുണ്ട്‌. കാരണം നമ്മൾ സന്തോഷത്തോടെ ജീവിക്കാൻ യഹോവ ആഗ്രഹിക്കുന്നു.
-
-
ജീവൻ—വിലയേറിയ ഒരു സമ്മാനം!ജീവിതം ആസ്വദിക്കാം എന്നേക്കും!—ദൈവത്തിൽനിന്ന്‌ പഠിക്കാം
-
-
1. ജീവൻ എന്ന സമ്മാനത്തിനു നമ്മൾ നന്ദി കാണിക്കേണ്ടത്‌ എന്തുകൊണ്ട്‌?
നമ്മളെ സ്‌നേഹിക്കുന്ന നമ്മുടെ പിതാവായ യഹോവ തന്നിരിക്കുന്ന ഒരു സമ്മാനമാണ്‌ ജീവൻ. “ജീവന്റെ ഉറവ്‌ അങ്ങാണല്ലോ” എന്നാണ്‌ യഹോവയെക്കുറിച്ച്‌ ബൈബിൾ പറയുന്നത്‌. (സങ്കീർത്തനം 36:9) “ദൈവമാണ്‌ എല്ലാവർക്കും ജീവനും ശ്വാസവും മറ്റു സകലവും നൽകുന്നത്‌.” (പ്രവൃത്തികൾ 17:25, 28) ജീവനോടിരിക്കാൻ ആവശ്യമായതെല്ലാം യഹോവ നമുക്കു തരുന്നു. വെറുതെ എങ്ങനെയെങ്കിലും ജീവിക്കുക എന്ന ഉദ്ദേശ്യത്തിലല്ല ദൈവം നമ്മളെ സൃഷ്ടിച്ചിരിക്കുന്നത്‌. മറിച്ച്‌, ജീവിതത്തിന്റെ ഓരോ നിമിഷവും ആസ്വദിക്കുക എന്ന ഉദ്ദേശ്യത്തിലാണ്‌.—പ്രവൃത്തികൾ 14:17 വായിക്കുക.
-