ഒരു ഏകീകൃത സഹോദരകുടുംബം

ദൈവ​മായ യഹോവ 1,500 വർഷ​ത്തോ​ളം, തന്റെ നാമം വഹിക്കുന്ന ജനമെന്ന നിലയിൽ ഇസ്രാ​യേ​ല്യ​രോട്‌ ഇടപെട്ടു. പിന്നീട്‌ യഹോവ “ജനതക​ളിൽപ്പെ​ട്ട​വ​രിൽനിന്ന്‌ തന്റെ പേരി​നാ​യി ഒരു ജനത്തെ എടുക്കാൻ” ശ്രദ്ധ തിരിച്ചു. (പ്രവൃ. 15:14) യഹോ​വ​യു​ടെ നാമത്തി​നു​വേ​ണ്ടി​യുള്ള ജനം ദൈവ​മായ യഹോ​വ​യു​ടെ സാക്ഷി​ക​ളാ​യി​രി​ക്ക​ണ​മാ​യി​രു​ന്നു. അവർ ഭൂമി​യിൽ എവി​ടെ​യാ​ണു ജീവി​ക്കു​ന്ന​തെ​ങ്കി​ലും അവരുടെ ചിന്തയും പ്രവൃ​ത്തി​യും ഐക്യ​മു​ള്ള​താ​ക​ണ​മാ​യി​രു​ന്നു. ദൈവ​ത്തി​ന്റെ നാമത്തി​നാ​യി ഒരു ജനത്തെ ഒന്നിച്ചു​ചേർക്കുക എന്നുള്ളതു യേശു തന്റെ അനുഗാ​മി​കൾക്കു കൊടുത്ത കല്‌പ​ന​യു​ടെ ഫലമായി സംഭവി​ക്കേ​ണ്ടി​യി​രു​ന്ന​താണ്‌. ഇതാണ്‌ ആ കല്‌പന: “അതു​കൊണ്ട്‌ നിങ്ങൾ പോയി എല്ലാ ജനതക​ളി​ലെ​യും ആളുകളെ ശിഷ്യ​രാ​ക്കു​ക​യും പിതാ​വി​ന്റെ​യും പുത്ര​ന്റെ​യും പരിശു​ദ്ധാ​ത്മാ​വി​ന്റെ​യും നാമത്തിൽ അവരെ സ്‌നാ​ന​പ്പെ​ടു​ത്തു​ക​യും ഞാൻ നിങ്ങ​ളോ​ടു കല്‌പി​ച്ച​തെ​ല്ലാം അനുസ​രി​ക്കാൻ അവരെ പഠിപ്പി​ക്കു​ക​യും വേണം.”​—മത്താ. 28:19, 20.

² യഹോ​വയ്‌ക്കു സ്വയം സമർപ്പിച്ച്‌ സ്‌നാ​ന​മേ​റ്റ​പ്പോൾ നിങ്ങൾ യേശു​ക്രിസ്‌തു​വി​ന്റെ ഒരു ശിഷ്യ​നാ​യി​ത്തീർന്നു. ഇപ്പോൾ നിങ്ങൾ ഐക്യ​മുള്ള ഒരു ലോക​വ്യാ​പക ക്രിസ്‌തീ​യ​സ​ഹോ​ദ​ര​കു​ടും​ബ​ത്തി​ന്റെ ഭാഗമാണ്‌. ദേശം, ഗോത്രം, ധനസ്ഥിതി ഇവയൊ​ന്നും ഈ കുടും​ബ​ത്തിൽ ഭിന്നത​യു​ണ്ടാ​ക്കു​ന്നില്ല. (സങ്കീ. 133:1) അതിന്റെ ഫലമായി നിങ്ങൾ, സഭയിലെ നിങ്ങളു​ടെ സഹോ​ദ​ര​ങ്ങളെ സുഹൃ​ത്തു​ക്ക​ളാ​യി കാണു​ക​യും സ്‌നേ​ഹി​ക്കു​ക​യും ആദരി​ക്കു​ക​യും ചെയ്യുന്നു. അവരിൽ ചിലർ മറ്റു വർഗക്കാ​രോ ദേശക്കാ​രോ വിദ്യാ​ഭ്യാ​സം കുറവു​ള്ള​വ​രോ ഒക്കെയാ​യി​രി​ക്കാം. സത്യം പഠിക്കു​ന്ന​തി​നു മുമ്പ്‌ ഈ കാര്യ​ങ്ങ​ളു​ടെ പേരിൽ നിങ്ങൾ അവരെ അകറ്റി​നി​റു​ത്തി​യി​ട്ടു​മു​ണ്ടാ​യിരി​ക്കാം. എന്നാൽ ഇപ്പോൾ സഹോ​ദ​രസ്‌നേഹം എന്ന കണ്ണി നിങ്ങളെ തമ്മിൽ ഇണക്കി​ച്ചേർത്തി​രി​ക്കു​ന്നു. സാമൂ​ഹി​ക​മോ മതപര​മോ കുടും​ബ​പ​ര​മോ ആയ മറ്റ്‌ ഏതൊരു ബന്ധത്തെ​യും കവിയുന്ന ഒരു സ്‌നേ​ഹ​ബ​ന്ധ​മാണ്‌ ഇത്‌.​—മർക്കോ. 10:29, 30; കൊലോ. 3:14; 1 പത്രോ. 1:22.

മനോ​ഭാ​വ​ത്തിൽ വരുത്തേണ്ട മാറ്റങ്ങൾ

³ ആരു​ടെ​യെ​ങ്കി​ലു​മൊ​ക്കെ മനസ്സിൽ ആഴത്തിൽ വേരോ​ടിയ മുൻവി​ധി​കൾ ഇപ്പോ​ഴും അവശേ​ഷി​ക്കു​ന്നു​ണ്ടെ​ങ്കിൽ അവർ ആദ്യകാ​ലത്തെ ജൂത​ക്രിസ്‌ത്യാ​നി​ക​ളെ​ക്കു​റിച്ച്‌ ചിന്തി​ക്കു​ന്നതു നന്നായി​രി​ക്കും. മുൻവി​ധി​ക്കു കാരണം വർഗം, രാഷ്‌ട്രീ​യം, സാമൂ​ഹി​കം തുടങ്ങി മറ്റു പലതു​മാ​കാം. ജൂതന്മാർക്കു മറ്റ്‌ എല്ലാ ജനതക​ളി​ലും​പെട്ട ആളുക​ളോ​ടു ചില മുൻവി​ധി​ക​ളു​ണ്ടാ​യി​രു​ന്നു. എന്നാൽ ക്രിസ്‌ത്യാ​നി​ക​ളാ​യി​ത്തീർന്ന ജൂതന്മാർ ജൂതമ​ത​ത്തി​ന്റെ ആ കെട്ടു​പാ​ടു​ക​ളെ​ല്ലാം പൊട്ടി​ച്ചെ​റി​യേ​ണ്ട​തു​ണ്ടാ​യി​രു​ന്നു. റോമൻ ശതാധി​പ​നായ കൊർന്നേ​ല്യൊ​സി​ന്റെ വീട്ടി​ലേക്കു പോകാൻ പത്രോ​സി​നോട്‌ ആവശ്യ​പ്പെ​ട്ട​പ്പോൾ യഹോവ ദയാപു​ര​സ്സരം പത്രോ​സി​ന്റെ മനസ്സിനെ ആ നിയമ​ന​ത്തി​നാ​യി ഒരുക്കി.​—പ്രവൃ​ത്തി​കൾ പത്താം അധ്യായം.

⁴ പത്രോ​സിന്‌ ഒരു ദിവ്യ​ദർശ​ന​മു​ണ്ടാ​യി. അതിൽ, ജൂതന്മാർക്ക്‌ ആചാര​പ​ര​മാ​യി അശുദ്ധ​മാ​യി​രുന്ന ചില മൃഗങ്ങളെ അറുത്ത്‌ ഭക്ഷിക്കാൻ പത്രോ​സി​നോട്‌ ആവശ്യ​പ്പെട്ടു. പത്രോസ്‌ വിസമ്മ​തി​ച്ച​പ്പോൾ, സ്വർഗ​ത്തിൽനിന്ന്‌ ഒരു ശബ്ദം ഇങ്ങനെ പറഞ്ഞു: “ദൈവം ശുദ്ധീ​ക​രി​ച്ച​വയെ നീ മലിന​മെന്നു വിളി​ക്ക​രുത്‌.” (പ്രവൃ. 10:15) ഉടനെ ലഭിക്കാ​നി​രുന്ന ഒരു നിയോ​ഗം സ്വീക​രി​ക്കാൻ പത്രോ​സി​ന്റെ മനസ്സിനെ പാക​പ്പെ​ടു​ത്താ​നാണ്‌ ഈ ദിവ്യ​മായ ഇടപെ​ട​ലു​ണ്ടാ​യത്‌. ജനതക​ളിൽപ്പെട്ട ഒരാളെ സന്ദർശി​ക്കണം എന്നതാ​യി​രു​ന്നു ആ നിയോ​ഗം. യഹോ​വ​യു​ടെ നിർദേശം പത്രോസ്‌ അനുസ​രി​ച്ചു. ആ മനുഷ്യ​ന്റെ വീട്ടിൽ കൂടി​യി​രു​ന്ന​വ​രോ​ടു പത്രോസ്‌ പറഞ്ഞു: “ഒരു ജൂതൻ അന്യജാ​തി​ക്കാ​രന്റെ അടുത്ത്‌ ചെല്ലു​ന്ന​തും അയാ​ളോട്‌ അടുത്ത്‌ ഇടപഴ​കു​ന്ന​തും ഞങ്ങളുടെ നിയമ​ത്തി​നു വിരു​ദ്ധ​മാ​ണെന്നു നിങ്ങൾക്കു നന്നായി അറിയാ​മ​ല്ലോ; എന്നാൽ ഞാൻ ഒരാ​ളെ​യും മലിന​നെ​ന്നോ അശുദ്ധ​നെ​ന്നോ വിളി​ക്ക​രു​തെന്നു ദൈവം എനിക്കു കാണി​ച്ചു​ത​ന്നി​രി​ക്കു​ന്നു. അതു​കൊ​ണ്ടാണ്‌ ആളയച്ച്‌ വിളി​ച്ച​പ്പോൾ ഒരു മടിയും കൂടാതെ ഞാൻ വന്നത്‌.” (പ്രവൃ. 10:28, 29) തുടർന്ന്‌, കൊർന്നേ​ല്യൊ​സി​നും വീട്ടി​ലു​ള്ള​വർക്കും യഹോ​വ​യു​ടെ അംഗീ​കാ​ര​മു​ണ്ടെ​ന്നു​ള്ള​തി​നു സാക്ഷി​യാ​കാ​നും പത്രോ​സി​നു കഴിഞ്ഞു.

⁵ തർസൊ​സി​ലെ ശൗൽ ഉന്നതവി​ദ്യാ​ഭ്യാ​സം നേടിയ ഒരു പരീശ​നാ​യി​രു​ന്നു. സാമൂ​ഹി​ക​പ​ശ്ചാ​ത്തലം നിമിത്തം, മുമ്പ്‌ സ്വീകാ​ര്യ​ര​ല്ലാ​തി​രുന്ന ആളുക​ളു​മാ​യി ഇടപഴ​കാ​നുള്ള താഴ്‌മ ശൗലിനു കാണി​ക്കേ​ണ്ടി​വന്നു. അങ്ങനെ​യു​ള്ള​വ​രിൽനിന്ന്‌ ശൗലിനു നിർദേ​ശങ്ങൾ സ്വീക​രി​ക്കേ​ണ്ട​താ​യി​പ്പോ​ലും വന്നു. (പ്രവൃ. 4:13; ഗലാ. 1:13-20; ഫിലി. 3:4-11) ഇനി, വേറെ ചില ആളുകൾ യേശു​ക്രിസ്‌തു​വി​ന്റെ ശിഷ്യ​രാ​യി​ത്തീർന്ന​പ്പോൾ അവരുടെ ചിന്താ​ഗ​തി​യി​ലും മനോ​ഭാ​വ​ത്തി​ലും വരുത്തിയ മാറ്റങ്ങൾ എത്ര ആഴത്തി​ലു​ള്ള​താ​യി​രു​ന്നെന്ന്‌ ഒന്ന്‌ ആലോ​ചി​ച്ചു​നോ​ക്കൂ! ഉദാഹ​ര​ണ​ത്തിന്‌ ദൈവ​രാ​ജ്യ​ത്തെ​ക്കു​റി​ച്ചുള്ള സന്തോ​ഷ​വാർത്ത സ്വീക​രിച്ച സെർഗ്യൊസ്‌ പൗലോസ്‌, ദിയൊ​നു​സ്യോസ്‌, ദമരിസ്‌, ഫിലേ​മോൻ, ഒനേസി​മൊസ്‌ എന്നിങ്ങനെ പലരും വരുത്തിയ മാറ്റങ്ങൾ!​—പ്രവൃ. 13:6-12; 17:22, 33, 34; ഫിലേ. 8-20.

നമ്മുടെ സാർവ​ദേ​ശീ​യ​മായ ഐക്യം നിലനി​റു​ത്തു​ക

⁶ സഭയിലെ സഹോ​ദ​രീ​സ​ഹോ​ദ​ര​ന്മാ​രു​ടെ സ്‌നേഹം യഹോ​വ​യി​ലേ​ക്കും സംഘട​ന​യി​ലേ​ക്കും നിങ്ങളെ അടുപ്പി​ച്ചു, സംശയ​മില്ല. തന്റെ യഥാർഥ​ശി​ഷ്യ​ന്മാ​രു​ടെ മുഖമു​ദ്ര​യായ സ്‌നേ​ഹ​ത്തെ​ക്കു​റിച്ച്‌ യേശു​തന്നെ ഇങ്ങനെ പറഞ്ഞു: “നിങ്ങൾ തമ്മിൽത്ത​മ്മിൽ സ്‌നേ​ഹി​ക്കണം എന്ന ഒരു പുതിയ കല്‌പന ഞാൻ നിങ്ങൾക്കു തരുക​യാണ്‌. ഞാൻ നിങ്ങളെ സ്‌നേ​ഹി​ച്ച​തു​പോ​ലെ​തന്നെ നിങ്ങളും തമ്മിൽത്ത​മ്മിൽ സ്‌നേ​ഹി​ക്കണം. നിങ്ങളു​ടെ ഇടയിൽ സ്‌നേ​ഹ​മു​ണ്ടെ​ങ്കിൽ, നിങ്ങൾ എന്റെ ശിഷ്യ​ന്മാ​രാ​ണെന്ന്‌ എല്ലാവ​രും അറിയും.” (യോഹ. 13:34, 35) ഈ സ്‌നേ​ഹ​ത്തി​ന്റെ സുവ്യ​ക്ത​മായ തെളിവ്‌ നിങ്ങൾ അവരിൽ കണ്ടു. സഭയിലെ സ്‌നേഹം ലോക​മൊ​ട്ടാ​കെ​യുള്ള സഹോ​ദ​ര​കു​ടും​ബ​ത്തിൽ നിലനിൽക്കുന്ന സ്‌നേ​ഹ​ത്തി​ന്റെ ഒരു ചെറിയ പ്രതി​ഫ​ലനം മാത്ര​മാ​ണെന്നു തിരി​ച്ച​റി​ഞ്ഞ​പ്പോൾ യഹോ​വ​യോ​ടും സംഘട​ന​യോ​ടും ഉള്ള നിങ്ങളു​ടെ വിലമ​തി​പ്പും നന്ദിയും ഏറെ വർധി​ച്ചി​ല്ലേ? അവസാ​ന​നാ​ളു​ക​ളിൽ ഐക്യ​ത്തോ​ടും സമാധാ​ന​ത്തോ​ടും കൂടെ യഹോ​വയെ ആരാധി​ക്കാ​നാ​യി ആളുകൾ കൂടി​വ​രും എന്ന ബൈബിൾപ്ര​വ​ച​ന​ത്തി​ന്റെ സത്യത നിങ്ങൾക്ക്‌ അനുഭ​വി​ച്ച​റി​യാ​നാ​യി​രി​ക്കു​ന്നു!​—മീഖ 4:1-5.

⁷ ഭിന്നി​പ്പി​ക്കുന്ന അസംഖ്യം ഘടകങ്ങൾ നിലനിൽക്കുന്ന ഈ ലോക​ത്തിൽ “എല്ലാ ജനതക​ളി​ലും ഗോ​ത്ര​ങ്ങ​ളി​ലും വംശങ്ങ​ളി​ലും ഭാഷക​ളി​ലും നിന്നുള്ള” ആളുകളെ ഒരുമി​പ്പി​ച്ചു​നി​റു​ത്തു​ന്ന​തി​നെ​ക്കു​റിച്ച്‌ ചിന്തി​ക്കാൻപോ​ലും ആർക്കെ​ങ്കി​ലും കഴിയു​മോ? (വെളി. 7:9) സാങ്കേ​തി​ക​മി​ക​വി​ന്റെ ഉന്നതങ്ങ​ളിൽ വിരാ​ജി​ക്കുന്ന ഒരുകൂ​ട്ടം ആളുകൾ! പൗരാ​ണിക ഗോ​ത്രാ​ചാ​രങ്ങൾ മുറു​കെ​പ്പി​ടിച്ച്‌ കഴിഞ്ഞു​കൂ​ടുന്ന മറ്റൊ​രു​കൂ​ട്ടം ആളുകൾ! അവർക്കി​ട​യി​ലുള്ള അന്തരം എത്രയ​ധി​ക​മാ​ണെന്ന്‌ ഒന്നു ചിന്തി​ച്ചു​നോ​ക്കൂ! ഇനി, ദേശവും വർഗവും ഒക്കെ ഒന്നാ​ണെ​ങ്കി​ലും ആളുകൾക്കി​ട​യി​ലെ മതവി​ദ്വേ​ഷ​മോ? ദേശീയത കൂടി​ക്കൂ​ടി വരുന്നു. അതു​കൊ​ണ്ടു​തന്നെ ആളുകൾ രാഷ്‌ട്രീ​യ​മാ​യി ഒന്നി​നൊ​ന്നു ഭിന്നി​ക്കു​ന്നു. സാമ്പത്തിക അസമത്വ​ങ്ങ​ളോ? ഭിന്നി​പ്പി​ക്കുന്ന എണ്ണമറ്റ ഘടകങ്ങൾ വേറെ​യു​മുണ്ട്‌. ഇങ്ങനെ​യെ​ല്ലാം കലങ്ങി​ക്കി​ട​ക്കുന്ന ഒരു ലോക​ത്തി​ലെ വിഭിന്ന രാഷ്‌ട്രങ്ങൾ, ഭാഷകൾ, സമുദാ​യങ്ങൾ, വർഗങ്ങൾ തുടങ്ങി​യ​വ​യു​ടെ കെട്ടു​പാ​ടു​ക​ളിൽനിന്ന്‌ ആളുകളെ പുറത്ത്‌ കൊണ്ടു​വന്ന്‌ ഒരു ജനതയെന്ന നിലയിൽ ഏകീക​രിച്ച്‌ സ്‌നേ​ഹ​ത്തി​ന്റെ തകർക്കാ​നാ​കാത്ത ബന്ധം​കൊണ്ട്‌ വിളക്കി​ച്ചേർത്ത്‌ സമാധാ​ന​ത്തിൽ ഒരുമി​പ്പി​ക്കു​ന്നത്‌ ഒരു അത്ഭുത​മാണ്‌! അതു ചെയ്യാൻ സർവശ​ക്ത​നായ ദൈവ​ത്തി​ന​ല്ലാ​തെ ആർക്കാണു കഴിയുക!​—സെഖ. 4:6.

⁸ എന്നാൽ ഇത്‌ ഒരു യാഥാർഥ്യ​മാണ്‌! നിങ്ങൾ സമർപ്പിച്ച്‌ സ്‌നാ​ന​മേറ്റ്‌ യഹോ​വ​യു​ടെ സാക്ഷി​യാ​യി​ത്തീർന്ന​പ്പോൾ നിങ്ങളും അതിന്റെ ഭാഗമാ​യി. ഈ ഒരുമ നിങ്ങൾക്കു പ്രയോ​ജനം ചെയ്യണ​മെ​ങ്കിൽ അതു നിലനി​റു​ത്തി​ക്കൊ​ണ്ടു​പോ​കണം. അതിനു നിങ്ങൾക്ക്‌ ഒരു പങ്കും ഉത്തരവാ​ദി​ത്വ​വും ഉണ്ട്‌. അത്‌ എങ്ങനെ ചെയ്യാം? ഗലാത്യർ 6:10-ലെ പൗലോസ്‌ അപ്പോസ്‌ത​ലന്റെ ഈ വാക്കു​കൾക്കു ചെവി​കൊ​ടു​ക്കുക: “അതു​കൊണ്ട്‌ അവസര​മു​ള്ളി​ട​ത്തോ​ളം ആളുകൾക്കു നന്മ ചെയ്യാം, പ്രത്യേ​കിച്ച്‌ വിശ്വാ​സ​ത്താൽ നമ്മുടെ ബന്ധുക്ക​ളാ​യ​വർക്ക്‌.” ഇനി പറയുന്ന നിർദേ​ശ​വും പാലി​ക്കുക: “വഴക്കു​ണ്ടാ​ക്കാ​നുള്ള ഉദ്ദേശ്യ​ത്തോ​ടെ​യോ ദുരഭി​മാ​ന​ത്തോ​ടെ​യോ ഒന്നും ചെയ്യാതെ താഴ്‌മ​യോ​ടെ മറ്റുള്ള​വരെ നിങ്ങ​ളെ​ക്കാൾ ശ്രേഷ്‌ഠ​രാ​യി കാണുക. നിങ്ങൾ സ്വന്തം താത്‌പ​ര്യം മാത്രം നോക്കാ​തെ മറ്റുള്ള​വ​രു​ടെ താത്‌പ​ര്യ​വും​കൂ​ടെ നോക്കണം.” (ഫിലി. 2:3, 4) നമ്മുടെ സഹോ​ദ​രീ​സ​ഹോ​ദ​ര​ന്മാ​രെ യഹോവ കാണു​ന്ന​തു​പോ​ലെ കാണാൻ ശീലി​ക്കുക. അവർ പുറമേ എങ്ങനെ കാണ​പ്പെ​ടു​ന്നു എന്നതല്ല നമ്മൾ കണക്കി​ലെ​ടു​ക്കേ​ണ്ടത്‌. നല്ല ശ്രമമു​ണ്ടെ​ങ്കി​ലേ ഇങ്ങനെ​യൊ​രു കാഴ്‌ച​പ്പാ​ടു​ണ്ടാ​കൂ. സഹോ​ദ​ര​ങ്ങ​ളു​മൊത്ത്‌ സമാധാ​ന​വും സന്തോ​ഷ​വും നിറഞ്ഞ ബന്ധങ്ങൾ ആസ്വദി​ക്കാൻ ഈ വീക്ഷണം നമ്മളെ സഹായി​ക്കും.​—എഫെ. 4:23, 24.

അന്യോ​ന്യം താത്‌പ​ര്യ​മെ​ടു​ക്കുക

⁹ സഭയി​ലു​ള്ളവർ ഭിന്നി​ച്ചു​നിൽക്കു​ന്ന​വരല്ല, മറിച്ച്‌ അന്യോ​ന്യം താത്‌പ​ര്യ​മെ​ടു​ക്കു​ന്ന​വ​രും വേണ്ട​പ്പെ​ട്ട​വ​രും ആണ്‌. പൗലോസ്‌ അപ്പോ​സ്‌തലൻ ഇതു വളരെ നന്നായി ഉദാഹ​രി​ക്കു​ന്നുണ്ട്‌. (1 കൊരി. 12:14-26) സഹോ​ദ​ര​കു​ടും​ബ​ത്തി​ലെ എല്ലാവ​രും ഈ ഭൂമി​യു​ടെ പല ഭാഗങ്ങ​ളി​ലാ​യാ​ണ​ല്ലോ വസിക്കു​ന്നത്‌. ദൂരം നോക്കി​യാൽ, ഏറെ അകലെ​യാ​ണെ​ങ്കി​ലും അവരുടെ ക്ഷേമത്തി​ലുള്ള നമ്മുടെ താത്‌പ​ര്യ​ത്തിന്‌ ഒട്ടും കുറവില്ല. അവരിൽ ചിലർക്കു വിശ്വാ​സ​ത്തെ​പ്രതി എതിർപ്പും പീഡന​വും സഹി​ക്കേ​ണ്ടി​വ​രു​ന്നു. അത്‌ അറിയു​മ്പോൾ നമ്മളും ഏറെ വേദനി​ക്കു​ന്നു. അവരിൽ ചിലർക്ക്‌ അടിസ്ഥാ​നാ​വ​ശ്യ​ങ്ങൾക്കു​പോ​ലും വക കണ്ടെത്താൻ ബുദ്ധി​മു​ട്ടാണ്‌. ചിലർ പ്രകൃ​തി​ദു​ര​ന്തങ്ങൾ, യുദ്ധം, ആഭ്യന്ത​ര​ക​ലാ​പം ഇവയൊ​ക്കെ മൂലം കഷ്ടപ്പെ​ടു​ന്നു​ണ്ടാ​കും. ഈ ദുഃസ്ഥി​തി അറിയു​മ്പോൾ അവർക്ക്‌ ആത്മീയ​സ​ഹാ​യ​ത്തോ​ടൊ​പ്പം ഭൗതി​ക​സ​ഹാ​യ​വും എത്തിച്ചു​കൊ​ടു​ക്കാൻ നമ്മൾ ഉത്സാഹി​ക്കു​ന്നു.​—2 കൊരി. 1:8-11.

¹⁰ നമ്മുടെ സഹോ​ദ​ര​ങ്ങൾക്കു​വേണ്ടി നമ്മളെ​ല്ലാം നിത്യ​വും പ്രാർഥി​ക്കണം. ചില സഹോ​ദ​ര​ങ്ങൾക്കു മോശ​മായ കാര്യങ്ങൾ ചെയ്യാ​നുള്ള പ്രലോ​ഭനം നിരന്തരം ഉണ്ടാകാ​റുണ്ട്‌. ചിലർ അനുഭ​വി​ക്കുന്ന കഷ്ടപ്പാടു പുറമേ ദൃശ്യ​മാണ്‌. ചിലരു​ടേതു പുറ​മേക്ക്‌ അത്രതന്നെ ദൃശ്യമല്ല. സഹജോ​ലി​ക്കാ​രിൽനി​ന്നോ വിശ്വാ​സി​ക​ള​ല്ലാത്ത കുടും​ബാം​ഗ​ങ്ങ​ളിൽനി​ന്നോ ഉള്ള എതിർപ്പ്‌ അത്തരത്തി​ലു​ള്ള​താണ്‌. (മത്താ. 10:35, 36; 1 തെസ്സ. 2:14) ഒരു ലോക​വ്യാ​പക സഹോ​ദ​ര​കു​ടും​ബ​മാ​യ​തു​കൊണ്ട്‌ നമുക്ക്‌ ഇക്കാര്യ​ങ്ങ​ളിൽ ചിന്തയുണ്ട്‌. (1 പത്രോ. 5:9) ഇനി, പ്രസം​ഗ​പ്ര​വർത്ത​ന​ത്തി​ലും സഭയി​ലും നേതൃ​ത്വ​മെ​ടു​ത്തു​കൊണ്ട്‌ യഹോ​വ​യു​ടെ സേവന​ത്തിൽ കഠിനാ​ധ്വാ​നം ചെയ്യു​ന്ന​വ​രും നമ്മുടെ ഇടയി​ലുണ്ട്‌. വേറെ ചിലർ ലോക​വ്യാ​പ​ക​പ്ര​വർത്ത​ന​ത്തി​ന്റെ മേൽനോ​ട്ടം വഹിക്കാൻ ചുമത​ല​പ്പെ​ട്ട​വ​രാണ്‌. ഒരുപക്ഷേ ഇങ്ങനെ​യു​ള്ള​വരെ വ്യക്തി​പ​ര​മാ​യി സഹായി​ക്കാൻ മറ്റൊ​ന്നും നമുക്കു ചെയ്യാ​നാ​കി​ല്ലാ​യി​രി​ക്കാം. എന്നാൽ, ഇവർക്കെ​ല്ലാം​വേണ്ടി നമ്മൾ പ്രാർഥി​ക്കണം. അങ്ങനെ ചെയ്യു​മ്പോൾ നമ്മൾ അവരോ​ടുള്ള സ്‌നേ​ഹ​വും നിഷ്‌ക​പ​ട​മായ താത്‌പ​ര്യ​വും കാണി​ക്കു​ക​യാണ്‌.​—എഫെ. 1:16; 1 തെസ്സ. 1:2, 3; 5:25.

¹¹ ഈ അന്ത്യനാ​ളു​ക​ളിൽ ഭൂമി​യിൽ ജീവിതം ദുഷ്‌ക​ര​മാ​ക്കി​ത്തീർക്കുന്ന പലതു​മുണ്ട്‌. അതു​കൊ​ണ്ടു​തന്നെ പരസ്‌പരം സഹായ​വു​മാ​യി എത്താൻ യഹോ​വ​യു​ടെ ജനം തയ്യാറാ​യി​രി​ക്കണം. പ്രളയ​വും ഭൂകമ്പ​വും പോലുള്ള ദുരന്ത​ങ്ങ​ളു​ണ്ടാ​കു​മ്പോൾ വൻതോ​തിൽ ദുരി​താ​ശ്വാ​സ​പ്ര​വർത്ത​നങ്ങൾ നടത്തേ​ണ്ടി​വ​ന്നേ​ക്കാം. പണവും വസ്‌തു​വ​ക​ക​ളും വലിയ തോതിൽ ശേഖരി​ക്കേ​ണ്ട​താ​യും വരാം. ഒന്നാം നൂറ്റാ​ണ്ടി​ലെ ക്രിസ്‌ത്യാ​നി​കൾ ഇക്കാര്യ​ത്തിൽ നല്ലൊരു മാതൃക വെച്ചി​ട്ടുണ്ട്‌. യേശു​വി​ന്റെ നിർദേശം ഓർത്തു​കൊണ്ട്‌ അന്ത്യോ​ക്യ​യി​ലെ ശിഷ്യ​ന്മാർ യഹൂദ്യ​യി​ലെ സഹോ​ദ​ര​ങ്ങൾക്കു സന്തോ​ഷ​ത്തോ​ടെ സഹായം എത്തിച്ചു​കൊ​ടു​ത്തു. (പ്രവൃ. 11:27-30; 20:35) ക്രമീ​കൃ​ത​മാ​യി നടക്കുന്ന ദുരി​താ​ശ്വാ​സ​പ്ര​വർത്ത​നത്തെ പിന്തു​ണയ്‌ക്കാൻ പൗലോസ്‌ അപ്പോ​സ്‌തലൻ കൊരി​ന്തി​ലു​ള്ള​വരെ പിന്നീടു പ്രോ​ത്സാ​ഹി​പ്പി​ച്ചു. (2 കൊരി. 9:1-15) ഇക്കാല​ത്തും നമ്മുടെ സഹോ​ദ​രങ്ങൾ ദുരി​ത​ങ്ങ​ളി​ലാ​കാ​റുണ്ട്‌. അപ്പോൾ അവർക്ക്‌ ആശ്വാ​സ​വും ഭൗതി​ക​സ​ഹാ​യ​വും ആവശ്യ​മാ​യി വരും. സംഘട​നാ​ത​ല​ത്തി​ലും സഹോ​ദ​രങ്ങൾ വ്യക്തി​പ​ര​മാ​യും പെട്ടെന്നു പ്രവർത്തി​ക്കു​ക​യും ആവശ്യ​മായ സഹായം എത്തിക്കു​ക​യും ചെയ്യുന്നു.

യഹോ​വ​യു​ടെ ഇഷ്ടം ചെയ്യാൻ വേർതി​രി​ക്ക​പ്പെ​ട്ടവർ

¹² നമ്മുടെ ലോക​വ്യാ​പക സഹോ​ദ​ര​കു​ടും​ബം ഒരുമ​യോ​ടെ യഹോ​വ​യു​ടെ ഇഷ്ടം ചെയ്യാ​നാ​യി സംഘടി​ത​രാ​യി​രി​ക്കു​ന്നു. ഭൂമി​യി​ലെ​മ്പാ​ടു​മുള്ള സകലജ​ന​ത​ക​ളും അറിയാ​നാ​യി ദൈവ​രാ​ജ്യ​ത്തെ​ക്കു​റി​ച്ചുള്ള സന്തോ​ഷ​വാർത്ത പ്രസം​ഗി​ക്ക​പ്പെ​ടണം എന്നതാണ്‌ ഇന്നു ദൈവ​ത്തി​ന്റെ ഇഷ്ടം. (മത്താ. 24:14) ഈ പ്രവർത്തനം നടത്തു​മ്പോൾത്തന്നെ, നമ്മൾ നമ്മുടെ ജീവിതം തന്റെ ഉന്നതമായ ധാർമി​ക​നി​ല​വാ​ര​ങ്ങൾക്കൊ​പ്പം കൊണ്ടു​വ​ര​ണ​മെ​ന്നു​ള്ള​തും യഹോ​വ​യു​ടെ ഇഷ്ടമാണ്‌. (1 പത്രോ. 1:14-16) അന്യോ​ന്യം കീഴ്‌പെ​ട്ടി​രി​ക്കാ​നും സന്തോ​ഷ​വാർത്ത​യു​ടെ വ്യാപ​ന​ത്തി​നാ​യി പ്രവർത്തി​ക്കാ​നും നമ്മൾ മനസ്സൊ​രു​ക്കം കാണി​ക്കണം. (എഫെ. 5:21) മുമ്പെ​ന്ന​ത്തെ​ക്കാ​ളും അധികം നമ്മുടെ ജീവി​ത​ത്തിൽ ദൈവ​രാ​ജ്യം ഒന്നാമതു വെക്കാ​നുള്ള സമയമാണ്‌ ഇത്‌. അല്ലാതെ വ്യക്തി​പ​ര​മായ താത്‌പ​ര്യ​ങ്ങൾക്കു പുറകെ പോകാ​നുള്ള സമയമല്ല. (മത്താ. 6:33) ഇതു മനസ്സിൽപ്പി​ടി​ച്ചു​കൊണ്ട്‌ സന്തോ​ഷ​വാർത്തയ്‌ക്കു​വേണ്ടി നമുക്ക്‌ ഒത്തൊ​രു​മിച്ച്‌ പ്രവർത്തി​ക്കാം. അത്‌ ഇപ്പോൾ നമുക്കു സന്തോ​ഷ​വും സംതൃപ്‌തി​യും നൽകും. ഭാവി​യിൽ നിത്യാ​നു​ഗ്ര​ഹ​ങ്ങ​ളി​ലേക്കു നയിക്കു​ക​യും ചെയ്യും.

¹³ യഹോ​വ​യു​ടെ സാക്ഷി​ക​ളായ നമ്മൾ ഒരു സവി​ശേ​ഷ​ജ​ന​ത​യാണ്‌. മനുഷ്യ​സ​മൂ​ഹ​ത്തി​ലെ മറ്റുള്ള​വ​രിൽനി​ന്നും വേർതി​രി​ക്ക​പ്പെട്ട ഒരു വിശു​ദ്ധ​ജനം! നമ്മുടെ ദൈവ​ത്തി​ന്റെ സേവന​ത്തിൽ തീക്ഷ്‌ണ​ത​യു​ള്ളവർ! (തീത്തോ. 2:14) സത്യാ​രാ​ധന നമ്മളെ വ്യത്യസ്‌ത​രാ​ക്കു​ന്നു. നമ്മൾ ഭൂമി​യി​ലെ​മ്പാ​ടു​മുള്ള നമ്മുടെ സഹോ​ദ​ര​ങ്ങ​ളു​മൊത്ത്‌ തോ​ളോ​ടു​തോൾ ചേർന്ന്‌ പ്രവർത്തി​ക്കു​ന്നു. മാത്രമല്ല, സത്യത്തി​ന്റെ ഒരേ ഭാഷ സംസാ​രി​ക്കു​ക​യും സംസാ​രി​ക്കുന്ന സത്യത്തി​നു ചേർച്ച​യിൽ ജീവി​ക്കു​ക​യും ചെയ്യുന്നു. തന്റെ പ്രവാ​ച​ക​നായ സെഫന്യ​യി​ലൂ​ടെ യഹോവ ഇതു മുൻകൂ​ട്ടി​പ്പ​റ​ഞ്ഞി​രു​ന്നു: “ജനങ്ങ​ളെ​ല്ലാം യഹോ​വ​യു​ടെ പേര്‌ വിളി​ച്ച​പേ​ക്ഷി​ക്കു​ന്ന​തി​നും ദൈവത്തെ തോ​ളോ​ടു​തോൾ ചേർന്ന്‌ സേവി​ക്കു​ന്ന​തി​നും ഞാൻ അപ്പോൾ അവരുടെ ഭാഷ മാറ്റി അവർക്കു ശുദ്ധമായ ഒരു ഭാഷ കൊടു​ക്കും.”​—സെഫ. 3:9.

¹⁴ തുടർന്ന്‌, ഇന്നു യാഥാർഥ്യ​മാ​യി​രി​ക്കുന്ന നമ്മുടെ ഈ ലോക​വ്യാ​പക സഹോ​ദ​ര​കു​ടും​ബത്തെ വർണി​ക്കാൻ സെഫന്യ​യെ യഹോവ തന്റെ ആത്മാവി​നാൽ പ്രചോ​ദി​പ്പി​ച്ചു: “ഇസ്രാ​യേ​ലി​ന്റെ ശേഷി​ക്കു​ന്നവർ അനീതി കാണി​ക്കില്ല; അവർ നുണ​യൊ​ന്നും പറയില്ല, അവരുടെ വായിൽ വഞ്ചനയുള്ള നാവു​ണ്ടാ​യി​രി​ക്കില്ല; അവർ തിന്നിട്ട്‌ സുരക്ഷി​ത​രാ​യി കിടക്കും, ആരും അവരെ പേടി​പ്പി​ക്കില്ല.” (സെഫ. 3:13) യഹോ​വ​യു​ടെ സത്യവ​ച​ന​ത്തെ​ക്കു​റിച്ച്‌ ഗ്രാഹ്യം നേടു​ക​യും മനസ്സു പുതു​ക്കു​ക​യും യഹോ​വ​യു​ടെ നിലവാ​ര​ങ്ങൾക്കു ചേർച്ച​യിൽ ജീവി​തത്തെ മാറ്റി​യെ​ടു​ക്കു​ക​യും ചെയ്‌ത​തു​കൊ​ണ്ടാ​ണു നമുക്ക്‌ ഐക്യ​ത്തോ​ടെ പ്രവർത്തി​ക്കാൻ കഴിയു​ന്നത്‌. ഒരു മാനു​ഷി​ക​കാഴ്‌ച​പ്പാ​ടിൽനിന്ന്‌ നോക്കു​ന്ന​വ​രു​ടെ കണ്ണിൽ അസാധ്യ​മെന്നു തോന്നുന്ന കാര്യ​ങ്ങ​ളാ​ണു നമ്മൾ ചെയ്യു​ന്നത്‌. അതെ, നമ്മൾ തികച്ചും വ്യത്യസ്‌ത​രായ ആളുക​ളാണ്‌! ദൈവ​ജ​ന​മാണ്‌! ഭൂമി​യി​ലെ​മ്പാ​ടും ദൈവ​ത്തി​നു മഹത്ത്വം കരേറ്റു​ന്ന​വ​രാണ്‌!​—മീഖ 2:12.