ദൈവ​വ​ചനം കൊണ്ടു​ന​ടന്നു വിൽക്കു​ന്ന​വ​രല്ല

“ഞങ്ങൾ പണത്തി​നു​വേണ്ടി ഞങ്ങളുടെ ശുശ്രൂഷ വിൽക്കു​ക​യാ​യി​രു​ന്നു.” ആയിര​ത്തി​ത്തൊ​ള്ളാ​യി​രത്തി തൊണ്ണൂ​റ​റി​യൊ​ന്നി​ന്റെ അവസാ​ന​ഭാ​ഗത്ത്‌ അമേരി​ക്കൻ ടെലി​വി​ഷൻ സുവി​ശേ​ഷ​ക​രു​ടെ ഒരു അന്വേ​ഷ​ണാ​ത്മക റിപ്പോർട്ടിൽ അഭിമു​ഖം നടത്തപ്പെട്ട ഒരു മുൻ “ടെലി​ഫോൺ പ്രാർത്ഥനാ ശുശ്രൂ​ഷ​കന്റെ” വാക്കു​ക​ളാണ്‌ അവ.

ഈ പരിപാ​ടി ഐക്യ​നാ​ടു​ക​ളി​ലെ മൂന്നു ടെലി​വി​ഷൻ സുവി​ശേഷക ശുശ്രൂ​ഷ​ക​ളിൽ കേന്ദ്രീ​ക​രി​ച്ചു. ഈ മൂന്നു​കൂ​ട്ടർ മാത്രം ഓരോ വർഷവും ആളുക​ളിൽനിന്ന്‌ കോടി​ക്ക​ണ​ക്കി​നു ഡോളർ അപഹരി​ക്കു​ന്നു​വെന്ന്‌ അതു വെളി​പ്പെ​ടു​ത്തി. ഒരു “ശുശ്രൂ​ഷയെ” വർണ്ണി​ച്ചത്‌ “സംഭാ​വ​ന​ക​ളു​ടെ ഒരു അത്യാ​ധു​നിക പണിപ്പുര” എന്നായി​രു​ന്നു. എല്ലാവ​രും അനേകം വഞ്ചനക​ളിൽ ഉൾപ്പെ​ട്ടി​രു​ന്നു. ഇതു നിങ്ങളെ ഞെട്ടി​ക്കു​ന്നു​വോ?

മതം സൂക്ഷ്‌മ​പ​രി​ശോ​ധ​ന​യിൽ

ഗവൺമെൻറു​ക​ളും സ്വകാര്യ നിരീക്ഷണ ഏജൻസി​ക​ളും പൊതു​ജ​ന​ങ്ങ​ളും ടെലി​വി​ഷൻ സുവി​ശേ​ഷ​വേ​ലയെ മാത്രമല്ല യാഥാ​സ്ഥി​തിക, മദ്ധ്യമാർഗ്ഗ മതങ്ങ​ളെ​പോ​ലും ഒന്നു പരി​ശോ​ധനാ വിധേ​യാ​മാ​ക്കു​ക​യാണ്‌. ചില കേസു​ക​ളിൽ, പള്ളിവക ഓഹരി​യു​ട​മ​സ്ഥ​ത​യും മതം ധനസഹാ​യം നൽകി​യി​ട്ടുള്ള രാഷ്‌ട്രീയ താത്‌പ​ര്യ​ങ്ങ​ളും ഉയർന്ന ശമ്പളം പററുന്ന പുരോ​ഹി​ത​വർഗ്ഗ​ത്തി​ന്റെ ആഡംബ​ര​ജീ​വി​ത​വും ഉചിത​മാ​ണോ​യെന്ന ചോദ്യ​ങ്ങൾ ഉയർത്തി​യി​രി​ക്കു​ന്നു.

ഏകദേശം 2,000 വർഷം മുമ്പ്‌ അപ്പൊ​സ്‌ത​ല​നായ പൗലോസ്‌ ക്രിസ്‌തീയ ശുശ്രൂ​ഷ​യെ​ക്കു​റി​ച്ചു നൽകിയ മഹത്തായ വർണ്ണന​യോട്‌, ചില മതനേ​താ​ക്കൻമാർ എങ്ങനെ യോജി​ക്കു​ന്നു? അദ്ദേഹം എഴുതി: “ഞങ്ങൾ അനേക​രെ​പ്പോ​ലെ ദൈവ​വ​ചനം കൊണ്ടു​ന​ടന്നു വിൽക്കു​ന്ന​വരല്ല, എന്നാൽ ആത്മാർത്ഥ​ത​യോ​ടെ എന്നപോ​ലെ, ദൈവ​ത്തിൽനിന്ന്‌ അയയ്‌ക്ക​പ്പെ​ട്ട​തു​പോ​ലെ, ദൈവ​ത്തി​ന്റെ നിരീ​ക്ഷ​ണ​ത്തിൻ കീഴിൽ, ക്രിസ്‌തു​വി​നോ​ടു ചേർന്ന്‌, ഞങ്ങൾ സംസാ​രി​ക്കു​ന്നു.” (2 കൊരി​ന്ത്യർ 2:17, NW) ഇന്ന്‌ ആർക്കാണ്‌ ആ വർണ്ണന ചേരു​ന്നത്‌?

കാര്യങ്ങൾ വിലയി​രു​ത്താൻ നിങ്ങളെ സഹായി​ക്കു​ന്ന​തി​നാ​യി, അപ്പൊ​സ്‌ത​ല​നായ പൗലോ​സി​ന്റെ​യും അദ്ദേഹ​ത്തി​ന്റെ സഹകാ​രി​ക​ളു​ടെ​യും ക്രിസ്‌തീയ ശുശ്രൂ​ഷ​യു​ടെ സാമ്പത്തിക ചെലവ്‌ എങ്ങനെ വഹിച്ചു​വെന്നു നമുക്കു കുറേ​ക്കൂ​ടെ സൂക്ഷ്‌മ​മാ​യി പരി​ശോ​ധി​ക്കാം. തന്റെ നാളിലെ മററു​ള്ള​വ​രു​ടേ​തിൽ നിന്ന്‌ അത്‌ ഏതുവി​ധ​ത്തിൽ വ്യത്യ​സ്‌ത​മാ​യി​രു​ന്നു?

ഒന്നാം​നൂ​റ​റാ​ണ്ടി​ലെ സഞ്ചാര​പ്ര​സം​ഗ​കർ

പര്യാ​ട​ക​പ്ര​സം​ഗകൻ എന്ന നിലയിൽ പൗലോസ്‌ അസാധാ​ര​ണ​നാ​യി​രു​ന്നില്ല. മതവും തത്ത്വചി​ന്ത​യും സംബന്ധിച്ച തങ്ങളുടെ വീക്ഷണങ്ങൾ പ്രചരി​പ്പി​ക്കാ​നാ​യി അന്ന്‌ അനേകർ സഞ്ചരി​ച്ചി​രു​ന്നു. “ദേശാ​ന്ത​രി​ക​ളാ​യി നടക്കുന്ന മന്ത്രവാ​ദി​ക​ളായ ചില യഹൂദൻമാ”രെക്കു​റി​ച്ചു ബൈബി​ളെ​ഴു​ത്തു​കാ​ര​നായ ലൂക്കോസ്‌ പറയുന്നു. (പ്രവൃ​ത്തി​കൾ 19:13) യേശു​ക്രി​സ്‌തു പരീശൻമാ​രെ കുററം​വി​ധി​ച്ച​പ്പോൾ, അദ്ദേഹം കൂട്ടി​ച്ചേർത്തു: “നിങ്ങൾ ഒരുത്തനെ മതത്തിൽ ചേർക്കു​വാൻ കടലും കരയും ചുററി​ന​ട​ക്കു​ന്നു.” (മത്തായി 23:14) യേശു​തന്നെ ഒരു സഞ്ചാര​ശു​ശ്രൂ​ഷ​ക​നാ​യി​രു​ന്നു. യഹൂദ​യി​ലും ശമര്യ​യി​ലും മാത്രമല്ല, “ഭൂമി​യു​ടെ അററ​ത്തോ​ള​വും” പ്രസം​ഗി​ക്കു​ന്ന​തിൽ തന്നെ അനുക​രി​ക്കാൻ അദ്ദേഹം തന്റെ അപ്പൊ​സ്‌ത​ലൻമാ​രെ​യും ശിഷ്യൻമാ​രെ​യും പരിശീ​ലി​പ്പി​ച്ചു.—പ്രവൃ​ത്തി​കൾ 1:8.

തങ്ങളുടെ യാത്ര​ക​ളിൽ യേശു​വി​ന്റെ അനുഗാ​മി​കൾ യഹൂ​ദേതര പ്രസം​ഗ​കരെ കണ്ടുമു​ട്ടി. ഏതെൻസിൽ എപ്പിക്കൂ​ര്യ​രും സ്‌റേ​റാ​യി​ക്യ​രു​മായ തത്ത്വചി​ന്ത​ക​രു​മാ​യി പൗലോസ്‌ തർക്കിച്ചു. (പ്രവൃ​ത്തി​കൾ 17:18) റോമാ​സാ​മ്രാ​ജ്യ​ത്തി​ലു​ട​നീ​ളം തങ്ങളുടെ വീമ്പു​ക​ലർന്ന പരസ്യ​പ്ര​സം​ഗ​ത്താൽ ലോകാ​ചാ​ര​വി​രക്ത തത്വജ്ഞാ​നി​കൾ മതപ്ര​ച​രണം നടത്തി. സ്വതന്ത്ര പുരു​ഷൻമാ​രോ​ടുള്ള, മതപര​വും സാമു​ദാ​യി​ക​വു​മായ സമത്വം വാഗ്‌ദാ​നം ചെയ്‌തു​കൊണ്ട്‌ ഐസി​സി​ന്റെ​യും സെറാ​പി​സി​ന്റെ​യും ഭക്തർ സ്‌ത്രീ​ക​ളു​ടെ​യും അടിമ​ക​ളു​ടെ​യും മേലുള്ള തങ്ങളുടെ സ്വാധീ​നം വികസി​പ്പി​ച്ചു. റോമാ-ഗ്രീക്കു​ലോ​ക​ത്തി​ലെ അനേകം നിഗൂ​ഢ​മ​ത​ങ്ങൾക്ക്‌, കിഴക്കൻഉർവ​രതാ സംസ്‌ക്കാ​രം തുടക്കം നൽകി. പാപപ​രി​ഹാ​ര​ത്തി​ന്റെ വാഗ്‌ദാ​ന​വും ദൈവി​ക​ര​ഹ​സ്യ​ങ്ങൾ പങ്കിടാ​നുള്ള ആഗ്രഹ​വും, സിമി​ററർ, ഡയോ​നി​സസ്‌, സിബലി എന്നീ കപട​ദേ​വൻമാ​രി​ലേക്ക്‌ അനുഗാ​മി​കളെ ആകർഷി​ച്ചു.

ചെലവു​കൾ വഹിച്ചി​രു​ന്നത്‌ എങ്ങനെ?

എന്നിരു​ന്നാ​ലും, യാത്ര ചെല​വേ​റി​യ​താ​യി​രു​ന്നു. ചരക്കു​കൂ​ലി​ക്കും ചുങ്കത്തി​നും കപ്പൽയാ​ത്ര​ച്ചെ​ല​വു​കൾക്കും പുറമേ, പര്യട​ന​ക്കാർക്കു ഭക്ഷണവും താമസ​സൗ​ക​ര്യ​വും വിറകും തുണി​യും ആരോ​ഗ്യ​സം​ര​ക്ഷ​ണ​വും ആവശ്യ​മാ​യി​രു​ന്നു. പ്രധാ​ന​മാ​യും അഞ്ചുവി​ധ​ത്തിൽ പ്രസം​ഗ​ക​രും അദ്ധ്യാ​പ​ക​രും തത്ത്വജ്ഞാ​നി​ക​ളും ഗൂഢമ​ത​വാ​ദി​ക​ളും ഈ ആവശ്യ​ങ്ങളെ തൃപ്‌തി​പ്പെ​ടു​ത്തി. അവർ (1) കൂലി​വാ​ങ്ങി പഠിപ്പി​ച്ചു; (2) ചില്ലറ പണിക​ളും വ്യാപാ​ര​വും ചെയ്‌തു​കൊ​ണ്ടു ജോലി ഏറെറ​ടു​ത്തു; (3) ആതിഥ്യ​വും ഇഷ്ടദാ​ന​ങ്ങ​ളും സ്വീക​രി​ച്ചു; (4) പലപ്പോ​ഴും ആശാൻമാ​രാ​യി സമ്പന്നരായ രക്ഷാധി​കാ​രി​ക​ളോ​ടു ചുററി​പ്പ​റ​റി​നി​ന്നു; (5) ഭിക്ഷ യാചിച്ചു. തിരി​ച്ച​ടി​കളെ നേരി​ടു​ന്ന​തി​നു തന്നെത്തന്നെ ഒരുക്കു​ന്ന​തി​നു​വേണ്ടി പ്രസിദ്ധ സന്യാസി ഡൈ​യോ​ജ​നിസ്‌ എന്ന ധർമ്മം നിർജ്ജീ​വ​ബിം​ബ​ങ്ങ​ളോ​ടു​പോ​ലും ചോദി​ച്ചി​രു​ന്നു.

ക്രിസ്‌തീ​യ ശുശ്രൂ​ഷ​ക​രെന്ന്‌ അവകാ​ശ​പ്പെ​ട്ട​വ​രെ​ങ്കി​ലും ഗ്രീക്കു തത്ത്വജ്ഞാ​നി​ക​ളെ​പ്പോ​ലെ സമ്പന്ന​രോ​ടു ചങ്ങാത്തം​പി​ടി​ക്കു​ക​യും ദരി​ദ്ര​രിൽനി​ന്നു മോഷ്ടി​ക്കു​ക​യും ചെയ്‌തി​രുന്ന ചില പ്രസം​ഗ​ക​രെ​പ്പ​ററി പൗലോ​സിന്‌ അറിയാ​മാ​യി​രു​ന്നു. കൊരി​ന്തി​ലെ സഭയെ ശാസി​ച്ചു​കൊണ്ട്‌ അദ്ദേഹം പറഞ്ഞു: “നിങ്ങളെ . . . ഒരുവൻ തിന്നു​ക​ള​ഞ്ഞാ​ലും ഒരുവൻ പിടി​ച്ചു​കൊ​ണ്ടു​പോ​യാ​ലും . . . നിങ്ങൾ പൊറു​ക്കു​ന്നു​വ​ല്ലോ.” (2 കൊരി​ന്ത്യർ 11:20) യേശു​ക്രി​സ്‌തു ഒരിക്ക​ലും എന്തെങ്കി​ലും പിടി​ച്ചു​പ​റി​ച്ചില്ല, പൗലോ​സും അദ്ദേഹ​ത്തി​ന്റെ സഹപ്ര​വർത്ത​ക​രും അങ്ങനെ ചെയ്‌തില്ല. എന്നാൽ കൊരി​ന്തി​ലെ അത്യാ​ഗ്ര​ഹി​ക​ളായ സുവി​ശേ​ഷകർ “കള്ളയ​പ്പൊ​സ്‌ത​ലൻമാ​രും കപട​വേ​ല​ക്കാ​രും” സാത്താന്റെ ശുശ്രൂ​ഷ​ക​രു​മാ​യി​രു​ന്നു.—2 കൊരി​ന്ത്യർ 11:13-15.

തന്റെ ശിഷ്യൻമാർക്കുള്ള യേശു​വി​ന്റെ നിർദ്ദേ​ശങ്ങൾ, കൂലി​വാ​ങ്ങി പഠിപ്പി​ക്കു​ന്നതു വിലക്കി​യി​രു​ന്നു. “സൌജ​ന്യ​മാ​യി നിങ്ങൾക്കു ലഭിച്ചു സൌജ​ന്യ​മാ​യി കൊടു​പ്പിൻ” എന്ന്‌ അദ്ദേഹം ഉപദേ​ശി​ച്ചു. (മത്തായി 10810:8) ഭിക്ഷയാ​ചി​ക്കു​ന്നതു സാധാ​ര​ണ​മാ​യി​രു​ന്നെ​ങ്കി​ലും, അത്‌ അക്കാലത്തു നിന്ദ്യ​മാ​യി വീക്ഷി​ക്ക​പ്പെ​ട്ടി​രു​ന്നു. “ഇരപ്പാൻ ഞാൻ നാണി​ക്കു​ന്നു” എന്ന്‌ ഒരു പരിചാ​രകൻ പറയു​ന്ന​താ​യി യേശു തന്റെ ഒരു ദൃഷ്ടാ​ന്ത​ത്തിൽ ചിത്രീ​ക​രി​ക്കു​ന്നു. (ലൂക്കൊസ്‌ 16:3) അതിനാൽ, ബൈബിൾവി​വ​ര​ണ​ത്തിൽ ഒരിക്ക​ലും യേശു​വി​ന്റെ വിശ്വസ്‌ത അനുഗാ​മി​കൾ പണത്തി​നോ വസ്‌തു​ക്കൾക്കോ കെഞ്ചു​ന്ന​താ​യി നാം കാണു​ന്നില്ല. “വേല​ചെ​യ്‌വാൻ മനസ്സി​ല്ലാ​ത്തവൻ തിന്നു​ക​യു​മ​രു​തു” എന്ന തത്ത്വമ​നു​സ​രിച്ച്‌ അവർ ജീവിച്ചു.—2 തെസ്സ​ലൊ​നി​ക്യർ 3:10.

രണ്ടുവി​ധ​ത്തിൽ തങ്ങളുടെ ആവശ്യങ്ങൾ നിറ​വേ​റ​റു​ന്ന​തിന്‌, യേശു തന്റെ ശിഷ്യൻമാ​രെ പ്രോ​ത്സാ​ഹി​പ്പി​ച്ചു. ഒന്ന്‌, പൗലോസ്‌ പറഞ്ഞതു​പോ​ലെ അവർക്ക്‌ “സുവി​ശേ​ഷ​ത്താൽ ഉപജീവി”ക്കാമാ​യി​രു​ന്നു. എങ്ങനെ? സ്വമേ​ധയാ നൽകുന്ന ആതിഥ്യം സ്വീക​രി​ച്ചു​കൊണ്ട്‌. (1 കൊരി​ന്ത്യർ 9:14; ലൂക്കോസ്‌ 10:7) രണ്ട്‌, അവർക്കു തങ്ങൾക്കു​വേണ്ടി ഭൗതി​ക​മാ​യി സ്വയം കരുതാ​മാ​യി​രു​ന്നു.—ലൂക്കോസ്‌ 22:36.

പൗലോസ്‌ ബാധക​മാ​ക്കിയ തത്ത്വങ്ങൾ

മേൽപ്പറഞ്ഞ തത്ത്വങ്ങൾ പൗലോസ്‌ എങ്ങനെ ബാധക​മാ​ക്കി? കൊള്ളാം, അപ്പൊ​സ്‌ത​ലന്റെ രണ്ടാം മിഷനറി യാത്ര​യെ​പ്പ​ററി ലൂക്കോസ്‌ എഴുതി: “ഞങ്ങൾ ത്രോ​വാ​സിൽനി​ന്നു കപ്പൽ നീക്കി നേരെ സമൊ​ത്രാ​ക്കെ​യി​ലേ​ക്കും പിറെ​റ​ന്നാൾ നവപൊ​ലി​ക്കും അവി​ടെ​നി​ന്നു ഫിലി​പ്പി​യി​ലേ​ക്കും ചെന്നു. ഇതു മക്കെ​ദോ​ന്യ​യു​ടെ ആ ഭാഗത്തെ ഒരു പ്രധാ​ന​പ​ട്ട​ണ​വും റോമ​ക്കാർ കുടി​യേ​റി​പ്പാർത്ത​തും ആകുന്നു. ആ പട്ടണത്തിൽ ഞങ്ങൾ ചില ദിവസം പാർത്തു.” ഉൾപ്പെ​ട്ടി​രുന്ന യാത്ര, ഭക്ഷണം, താമസം എന്നിവ​ക്കെ​ല്ലാം അവർ വ്യക്തി​പ​ര​മാ​യി കരുതി.—പ്രവൃ​ത്തി​കൾ 16:11, 12.

ഒടുവിൽ, ലുദിയാ എന്ന സ്‌ത്രീ പൗലോസ്‌ “സംസാ​രി​ച്ചതു” അംഗീ​ക​രി​ച്ചു. “അവളും കുടും​ബ​വും സ്‌നാനം ഏററ​ശേഷം: നിങ്ങൾ എന്നെ കർത്താ​വിൽ വിശ്വസ്‌ത എന്നു എണ്ണിയി​രി​ക്കു​ന്നു​വെ​ങ്കിൽ എന്റെ വീട്ടിൽ വന്നു പാർപ്പിൻ എന്നു അപേക്ഷി​ച്ചു ഞങ്ങളെ നിർബ്ബ​ന്ധി​ച്ചു.” (പ്രവൃ​ത്തി​കൾ 16:13-15) ഭാഗി​ക​മാ​യി​ട്ടെ​ങ്കി​ലും ലുദി​യാ​യു​ടെ അതിഥി​പ്രി​യം നിമിത്തം പൗലോ​സി​നു ഫിലി​പ്പി​യി​ലെ സഹവി​ശ്വാ​സി​കൾക്ക്‌ ഇങ്ങനെ എഴുതാൻ കഴിഞ്ഞു: “ഒന്നാം നാൾ മുതൽ ഇതുവ​രെ​യും സുവി​ശേ​ഷ​ഘോ​ഷ​ണ​ത്തിൽ നിങ്ങൾക്കുള്ള കൂട്ടായ്‌മ നിമിത്തം ഞാൻ നിങ്ങളെ ഓർക്കു​മ്പോൾ ഒക്കെയും എന്റെ ദൈവ​ത്തി​നു സ്‌തോ​ത്രം ചെയ്യുന്നു.”—ഫിലി​പ്പി​യർ 1:5, 6.

ഈ ക്രിസ്‌തീയ സഞ്ചാര​വേ​ല​ക്കാ​രെ ആളുകൾ സ്വാഗതം ചെയ്‌ത​തി​ന്റെ അനേകം ഉദാഹ​ര​ണങ്ങൾ ലൂക്കോസ്‌ എടുത്തു​പ​റ​യു​ന്നു. (പ്രവൃ​ത്തി​കൾ 16:33, 34; 17:7; 21:7, 8, 16; 28:2, 7, 10, 14) തന്റെ നിശ്വസ്‌ത ലേഖന​ങ്ങ​ളിൽ, തനിക്കു​ല​ഭിച്ച ആതിഥ്യ​ത്തി​നും സമ്മാന​ങ്ങൾക്കും പൗലോസ്‌ നന്ദിപ​റഞ്ഞു. (റോമർ 16:23; 2 കൊരി​ന്ത്യർ 11:9; ഗലാത്യർ 4:13, 14; ഫിലി​പ്പി​യർ 4:15-18) എന്നാൽ, അദ്ദേഹ​മോ സഹകാ​രി​ക​ളോ തങ്ങൾക്കു സമ്മാന​ങ്ങ​ളോ ധനസഹാ​യ​മോ നൽകണ​മെന്നു സൂചി​പ്പി​ച്ചില്ല. തങ്ങളുടെ സഞ്ചാര​മേൽവി​ചാ​ര​കൻമാ​രു​ടെ ഇടയിൽ ഈ നല്ല മനോ​ഭാ​വം ഇപ്പോ​ഴും കാണ​പ്പെ​ടു​ന്നു​വെന്ന്‌ യഹോ​വ​യു​ടെ സാക്ഷി​കൾക്കു പറയാൻ കഴിയും.

ആശ്രയം ആതിഥ്യ​ത്തി​ലല്ല

പൗലോസ്‌ ആതിഥ്യ​ത്തെ ആശ്രയി​ച്ചില്ല. അദ്ദേഹം കഠിന​വേ​ല​യും നീണ്ട മണിക്കൂ​റു​ക​ളും ആവശ്യ​മാ​യി​രു​ന്ന​തും എന്നാൽ തുച്ഛമായ കൂലി മാത്രം ലഭിച്ചി​രു​ന്ന​തു​മായ ഒരു തൊഴിൽ പഠിച്ചി​രു​ന്നു. അപ്പൊ​സ്‌തലൻ ഒരു മിഷനറി എന്ന നിലയിൽ കൊരി​ന്തിൽ വന്നപ്പോൾ, “അക്വി​ലാസ്‌ എന്നു പേരു​ള്ളോ​രു യെഹൂ​ദ​നെ​യും അവന്റെ ഭാര്യ പ്രിസ്‌കി​ല്ല​യെ​യും കണ്ടു . . . തൊഴിൽ ഒന്നാക​കൊ​ണ്ടു അവൻ അവരോ​ടു​കൂ​ടെ​പാർത്തു വേല ചെയ്‌തു​പോ​ന്നു; തൊഴി​ലോ കൂടാ​ര​പ്പ​ണി​യാ​യി​രു​ന്നു.”—പ്രവൃ​ത്തി​കൾ 18:1-3.

പിന്നീട്‌, എഫേ​സോ​സിൽ പൗലോസ്‌ ജോലി​യിൽ കഠിന​ജോ​ലി ചെയ്‌തു. (പ്രവൃ​ത്തി​കൾ 20:34 താരത​മ്യം​ചെ​യ്യുക; 1 കൊരി​ന്ത്യർ 4:11, 12.) തന്റെ സ്വദേ​ശത്തു നിർമ്മിച്ച കിലി​കെയം എന്ന പരുപ​രുത്ത, ആട്ടു​രോമ കൂടാ​ര​സാ​മ​ഗ്രി​കൊ​ണ്ടു വേല​ചെ​യ്യു​ന്ന​തിൽ അദ്ദേഹം നൈപു​ണ്യം നേടി​യി​രു​ന്നി​രി​ക്കാം. തന്റെ സ്‌ററൂ​ളിൽ ഇരുന്നു​കൊണ്ട്‌, പണി​ബെ​ഞ്ചി​ന്റെ മുകളി​ലേക്കു കുനിഞ്ഞ്‌, രാത്രി ഏറെ ആകു​വോ​ളം പൗലോസ്‌ മുറി​ക്കു​ന്ന​തും തുന്നു​ന്ന​തും നമുക്കു സങ്കൽപ്പി​ക്കാൻ കഴിയും. തൊഴിൽശാ​ല​യി​ലെ ഒച്ച കുറവാ​യി​രി​ക്കാ​വു​ന്ന​തി​നാൽ, അദ്ധ്വാ​നി​ക്കു​മ്പോൾ സംസാ​രി​ക്കു​ന്നത്‌ എളുപ്പ​മാ​യി​രു​ന്നു. പൗലോ​സി​നു കടയു​ട​മ​യോ​ടും ജോലി​ക്കാ​രോ​ടും അടിമ​ക​ളോ​ടും ഇടപാ​ടു​കാ​രോ​ടും സുഹൃ​ത്തു​ക്ക​ളോ​ടും സാക്ഷ്യം പറയാൻ അവസരം കിട്ടി​യി​രു​ന്നി​രി​ക്കണം.—1 തെസ്സ​ലൊ​നി​ക്യർ 2:9 താരത​മ്യം ചെയ്യുക.

പൗലോസ്‌ എന്ന മിഷനറി, തന്റെ ശുശ്രൂ​ഷയെ വാണി​ജ്യ​വൽക്ക​രി​ക്കാ​നോ ഏതെങ്കി​ലും വിധത്തിൽ ധനപര​മായ നേട്ടത്തി​നു താൻ ദൈവ​വ​ചനം ഉപയോ​ഗി​ക്കു​ന്നു​വെന്ന ധാരണ നൽകാ​നോ വിസമ്മ​തി​ച്ചു. അദ്ദേഹം തെസ്സ​ലോ​നി​ക്യ​രോ​ടു പറഞ്ഞു: “ഞങ്ങളെ അനുക​രി​ക്കേ​ണ്ടി​യതു എങ്ങനെ എന്നു നിങ്ങൾ തന്നേ അറിയു​ന്നു​വ​ല്ലോ. ഞങ്ങൾ നിങ്ങളു​ടെ ഇടയിൽ ക്രമം കെട്ടു നടന്നില്ല, ആരു​ടെ​യും ആഹാരം വെറുതെ അനുഭ​വി​ച്ചി​ട്ടു​മില്ല; നിങ്ങളിൽ ആർക്കും ഭാരമാ​യി​ത്തീ​ര​രു​തു എന്നു​വെച്ചു ഞങ്ങൾ അദ്ധ്വാ​ന​ത്തോ​ടും പ്രയാ​സ​ത്തോ​ടും കൂടെ രാപ്പകൽ വേല​ചെ​യ്‌തു​പോ​ന്നതു അധികാ​ര​മി​ല്ലാ​ഞ്ഞി​ട്ടല്ല, അനുക​രി​പ്പാൻ നിങ്ങൾക്കു ഞങ്ങളെ മാതൃ​ക​യാ​ക്കി​ത്ത​രേ​ണ്ട​തി​ന്ന​ത്രേ.”—2 തെസ്സ​ലൊ​നി​ക്യർ 3:7-9.

ഇരുപ​താം നൂററാ​ണ്ടിൽ അനുക​രി​ക്കു​ന്ന​വർ

ഇന്നുവരെ യഹോ​വ​യു​ടെ സാക്ഷികൾ പൗലോ​സി​ന്റെ നല്ല ദൃഷ്ടാന്തം പിൻപ​റ​റു​ന്നു. തങ്ങൾ സേവി​ക്കുന്ന സഭകളിൽനി​ന്നു മൂപ്പൻമാ​രും ശുശ്രൂ​ഷാ​ദാ​സൻമാ​രും ശമ്പളമോ ഒരു സഹായ​ധനം പോലു​മോ കൈപ്പ​റ​റു​ന്നില്ല. പകരം മറെറ​ല്ലാ​വ​രെ​യും​പോ​ലെ​തന്നെ അവർ തങ്ങളുടെ കുടും​ബ​ങ്ങൾക്കു​വേണ്ടി കരുതു​ന്നു, അധികം​പേ​രും ലൗകി​ക​ജോ​ലി ഏറെറ​ടു​ത്തു​കൊ​ണ്ടു​തന്നെ. അടിസ്ഥാന ആവശ്യങ്ങൾ നിറ​വേ​റ​റു​വാൻ മതിയാ​കു​വോ​ളം​മാ​ത്രം ജോലി​ചെ​യ്‌തു​കൊണ്ട്‌, മുഴു​സമയ പയനിയർ ശുശ്രൂ​ഷ​ക​രും തങ്ങൾക്കു​വേണ്ടി സ്വയം കരുതു​ന്നു. ഓരോ വർഷവും ചില സാക്ഷികൾ തങ്ങളുടെ സ്വന്തം ചെലവിൽ, സുവാർത്ത​യു​മാ​യി വല്ലപ്പോ​ഴും സമീപി​ച്ചി​ട്ടുള്ള വിദൂ​ര​പ്ര​ദേ​ശ​ങ്ങ​ളിൽ പോയി പ്രസം​ഗി​ക്കു​ന്നു. പ്രാ​ദേ​ശിക കുടും​ബങ്ങൾ ഭക്ഷണമോ താമസ​സൗ​ക​ര്യ​മോ നൽകാൻ അവരെ ക്ഷണിക്കു​ന്നു​വെ​ങ്കിൽ, അവർ ഇതു വിലമ​തി​ക്കു​ന്നു​വെ​ങ്കി​ലും അങ്ങനെ​യുള്ള ആതിഥ്യ​ത്തെ അവർ മുത​ലെ​ടു​ക്കു​ന്നില്ല.

യഹോ​വ​യു​ടെ സാക്ഷികൾ നടത്തുന്ന എല്ലാ പ്രസം​ഗ​വും പഠിപ്പി​ക്ക​ലും സ്വമേ​ധയാ ആണ്‌. അവർ തങ്ങളുടെ ശുശ്രൂ​ഷക്കു ഒരിക്ക​ലും പണം ഈടാ​ക്കു​ന്നില്ല. എന്നിരു​ന്നാ​ലും, തങ്ങളുടെ ലോക​വ്യാ​പക പ്രസം​ഗ​വേ​ല​ക്കു​വേണ്ടി കിട്ടുന്ന പരിമി​ത​മായ സംഭാ​വ​നകൾ സ്വീക​രി​ക്കു​ക​യും ആ ഉദ്ദേശ​ത്തിൽ വാച്ച്‌ ടവർ സൊ​സൈ​റ​റി​യി​ലേക്ക്‌ അയച്ചു​കൊ​ടു​ക്കു​ക​യും ചെയ്യുന്നു. (മത്തായി 24:14) സാക്ഷി​ക​ളു​ടെ ശുശ്രൂഷ എല്ലാവി​ധ​ത്തി​ലും വാണി​ജ്യേ​ത​ര​മാണ്‌. പൗലോ​സി​നെ​പ്പോ​ലെ അവരി​ലോ​രോ​രു​ത്തർക്കും സത്യമാ​യി ഇങ്ങനെ പറയാൻ കഴിയും: “ഞാൻ ദൈവ​ത്തി​ന്റെ സുവാർത്ത നിങ്ങ​ളോ​ടു സന്തോ​ഷ​പൂർവ്വം പ്രസം​ഗി​ച്ചു.” (2 കൊരി​ന്ത്യർ 11:7, NW) യഹോ​വ​യു​ടെ സാക്ഷികൾ “ദൈവ​വ​ചനം കൊണ്ടു​ന​ടന്നു വിൽക്കു​ന്നവ”രല്ല.

[27-ാം പേജിലെ ചതുരം]

ചിലർ രാജ്യ​പ്ര​സം​ഗ​വേ​ലക്കു സംഭാവന കൊടു​ക്കുന്ന വിധം

◻ ലോക​വ്യാ​പ​ക​വേ​ല​ക്കുള്ള സംഭാ​വ​നകൾ: അനേകർ ഒരു തുക നീക്കി​വെ​ക്കു​ക​യോ വരവു​ചെ​ലവു കണക്കിൽ ഉൾപ്പെ​ടു​ത്ത​ക​യോ ചെയ്‌തിട്ട്‌ ആ തുക “സൊ​സൈ​റ​റി​യു​ടെ ലോക​വ്യാ​പ​ക​വേ​ല​ക്കുള്ള സംഭാ​വ​നകൾ—മത്തായി 24:14” എന്ന ലേബലുള്ള സംഭാ​വ​ന​പ്പെ​ട്ടി​ക​ളിൽ ഇടുന്നു. ഓരോ​മാ​സ​വും സഭകൾ ഈ തുക, വാച്ച്‌ ടവർ സൊ​സൈ​റ​റി​യു​ടെ ഏററവും അടുത്തുള്ള ബ്രാഞ്ചാ​ഫീ​സി​ലേക്ക്‌ അയക്കുന്നു.

◻ ദാനങ്ങൾ: വാച്ച്‌ ടവർ ബൈബിൾ ആൻറ്‌ ട്രാക്‌ററ്‌ സൊ​സൈ​ററി ഓഫ്‌ ഇൻഡ്യ, എച്ച്‌-58 ഓൾഡ്‌ ഖൺഡാല റോഡ്‌, ലോണാവ്‌ല 410 401, മഹാരാ​ഷ്‌ട്ര എന്ന വിലാ​സ​ത്തി​ലോ ഈ മാസി​ക​യു​ടെ പ്രസാ​ധ​കർക്കോ പണം സ്വമേ​ധ​യാ​ദാ​ന​മാ​യി നേരിട്ട്‌ അയയ്‌ക്കാ​വു​ന്ന​താണ്‌. കൂടാതെ ആഭരണ​ങ്ങ​ളോ വില​യേ​റിയ മററു വസ്‌തു​ക്ക​ളോ അയയ്‌ക്കാം. ഈ സംഭാ​വ​ന​ക​ളോ​ടൊ​പ്പം അവ നിരു​പാ​ധി​ക​മായ ഒരു ദാനമാ​ണെന്നു പ്രസ്‌താ​വി​ക്കുന്ന കത്തും അയക്കേ​ണ്ട​താണ്‌.

◻ സോപാ​ധിക സംഭാ​വനാ ക്രമീ​ക​രണം: വ്യക്തി​പ​ര​മായ ആവശ്യം വരുന്ന​പക്ഷം തിരി​ച്ചു​ത​ര​ണ​മെ​ന്നുള്ള വ്യവസ്ഥ​യിൽ, ദാതാ​വി​ന്റെ മരണം​വരെ പണം ഒരു ട്രസ്‌റ​റാ​യി സൂക്ഷി​ക്കാൻ വാച്ച്‌ ടവർ സൊ​സൈ​റ​റി​യെ ഏൽപ്പി​ക്കാ​വു​ന്ന​താണ്‌.

◻ ഇൻഷു​റൻസ്‌: ഇൻഷു​റൻസ്‌ പോളി​സി​യു​ടെ​യോ റിട്ടയർമെൻറ്‌⁄പെൻഷൻ പദ്ധതി​യു​ടെ​യോ അവകാ​ശി​യാ​യി വാച്ച്‌ ടവർ സൊ​സൈ​റ​റി​യു​ടെ പേർ വയ്‌ക്കാ​വു​ന്ന​താണ്‌. അങ്ങനെ​യുള്ള ഏതു ക്രമീ​ക​ര​ണ​വും സൊ​സൈ​റ​റി​യെ അറിയി​ച്ചി​രി​ക്കണം.

◻ ബാങ്ക്‌ അക്കൗണ്ടു​കൾ: പ്രാ​ദേ​ശിക ബാങ്കു​നി​യ​മ​ങ്ങൾക്കു ചേർച്ച​യിൽ, ബാങ്ക്‌ അക്കൗണ്ടു​കൾ, നിക്ഷേ​പ​സർട്ടി​ഫി​ക്ക​റ​റു​കൾ, അല്ലെങ്കിൽ വ്യക്തി​പ​ര​മായ പെൻഷൻ അക്കൗണ്ടു​കൾ എന്നിവ വാച്ച്‌ ടവർ സൊ​സൈ​റ​റി​യിൽ ട്രസ്‌റ​റാ​യി മരണത്തി​ങ്കൽ ലഭിക്കാ​വു​ന്ന​താ​യി​ട്ടോ ഏൽപ്പി​ക്കാ​വു​ന്ന​താണ്‌. അങ്ങനെ​യുള്ള ഏതു ക്രമീ​ക​ര​ണ​വും സൊ​സൈ​റ​റി​യെ അറിയി​ച്ചി​രി​ക്കണം.

◻ സ്‌റേ​റാ​ക്കു​ക​ളും ബോണ്ടു​ക​ളും: ഒരു നിരു​പാ​ധിക ദാനമാ​യി​ട്ടോ അല്ലെങ്കിൽ വരുമാ​നം തുടർന്നും ദാതാ​വി​നു ലഭിക്കുന്ന ക്രമീ​ക​ര​ണ​ത്തിൻകീ​ഴി​ലോ സ്‌റേ​റാ​ക്കു​ക​ളും ബോണ്ടു​ക​ളും വാച്ച്‌ ടവർ സൊ​സൈ​റ​റി​ക്കു ദാനമാ​യി നൽകാ​വു​ന്ന​താണ്‌.

◻ സ്ഥാവര​വ​സ്‌തു: ഒരു നിരു​പാ​ധിക ദാനമാ​യി​ട്ടോ അല്ലെങ്കിൽ ആയുഷ്‌ക്കാ​ലാ​വ​കാ​ശം നിലനിർത്തി​ക്കൊ​ണ്ടോ, വിൽക്കാ​വുന്ന സ്ഥാവര​വ​സ്‌തു വാച്ച്‌ ടവർ സൊ​സൈ​റ​റി​ക്കു ദാനം ചെയ്യാ​വു​ന്ന​താണ്‌, ദാനി​യു​ടെ ആയുഷ്‌പ​ര്യ​ന്തം അയാൾക്ക്‌ അവിടെ താമസി​ക്കാം. ഏതെങ്കി​ലും സ്ഥാവര​വ​സ്‌തു സൊ​സൈ​റ​റിക്ക്‌ ആധാരം ചെയ്യു​ന്ന​തി​നു​മു​മ്പാ​യി ഒരുവൻ സൊ​സൈ​റ​റി​യു​മാ​യി സമ്പർക്കം പുലർത്തണം.

◻ വിൽപ്പ​ത്ര​ങ്ങ​ളും ട്രസ്‌റ​റു​ക​ളും: നിയമ​പ​ര​മാ​യി തയ്യാറാ​ക്കിയ വിൽപ്പ​ത്രം മുഖാ​ന്തി​രം വസ്‌തു​വോ പണമോ വാച്ച്‌ ടവർ ബൈബിൾ ആൻഡ്‌ ട്രാക്ട്‌ സൊ​സൈ​ററി ഓഫ്‌ ഇൻഡ്യക്ക്‌ അവകാശം ദാനം ചെയ്യാ​വു​ന്ന​താണ്‌. അല്ലെങ്കിൽ ഒരു ട്രസ്‌ററ്‌ ക്രമീ​ക​ര​ണ​ത്തി​ന്റെ അവകാ​ശി​യാ​യി സൊ​സൈ​റ​റി​യു​ടെ പേർ കൊടു​ക്കാ​വു​ന്ന​താണ്‌. ഒരു മതസ്ഥാ​പ​ന​ത്തി​നു വേണ്ടി​യുള്ള ട്രസ്‌ററ്‌ ചില നികു​തി​യി​ള​വു​കൾ പ്രദാനം ചെയ്‌തേ​ക്കാം. വിൽപ്പ​ത്ര​ത്തി​ന്റെ അല്ലെങ്കിൽ ട്രസ്‌റ​റ്‌ക​രാ​റി​ന്റെ ഒരു പകർപ്പ്‌ സൊ​സൈ​റ​റിക്ക്‌ അയച്ചു​കൊ​ടു​ക്കേ​ണ്ട​താണ്‌.

ഇങ്ങനെ​യുള്ള കാര്യ​ങ്ങളെ സംബന്ധി​ച്ചു കൂടുതൽ വിവര​ത്തിന്‌, വാച്ച്‌ ടവർ ബൈബിൾ ആൻഡ്‌ ട്രാക്ട്‌ സൊ​സൈ​ററി ഓഫ്‌ ഇൻഡ്യ, എച്ച്‌-58 ഓൾഡ്‌ ഖൺഡാല റോഡ്‌, ലോണാവ്‌ല 410 401, മഹാരാ​ഷ്‌ട്ര എന്ന വിലാ​സ​ത്തി​ലോ ഈ മാസി​ക​യു​ടെ പ്രസാ​ധ​കർക്കോ എഴുതുക.

[29-ാം പേജിലെ ചതുരം]

അവൾ സഹായി​ക്കാൻ ആഗ്രഹി​ച്ചു

പതി​നൊ​ന്നു​കാ​രി​യായ ററിഫനി ഐക്യ​നാ​ടു​ക​ളി​ലെ ലുയീ​സി​യാ​ന​യി​ലുള്ള ബാററൻ റൂ എന്ന സ്ഥലത്തെ ഒരു സ്‌കൂൾകു​ട്ടി​യാണ്‌. യഹോ​വ​യു​ടെ ഈ ബാലസാ​ക്ഷി ഈയിടെ “അമേരി​ക്ക​യി​ലെ വിദ്യാ​ഭ്യാ​സം” എന്ന വിഷയത്തെ ആസ്‌പ​ദ​മാ​ക്കി ഒരു ഉപന്യാ​സം തയ്യാറാ​ക്കി. അതിന്റെ ഫലമായി അവളുടെ സാക്ഷി​ക​ളായ മാതാ​പി​താ​ക്കൾക്കു സ്‌കൂൾ പ്രിൻസി​പ്പ​ലിൽനിന്ന്‌ ഈ കത്തു ലഭിച്ചു:

“അമേരി​ക്കൻ വിദ്യാ​ഭ്യാ​സ​വാ​ര​ത്തിൽ, ഓരോ ക്ലാസി​ലെ​യും ഓരോ വിശിഷ്ട ഉപന്യാ​സം ഇൻറർകോ​മി​ലൂ​ടെ വായി​ച്ചി​രു​ന്നു. ഇന്നു രാവിലെ ററിഫ​നി​യു​ടെ ഉപന്യാ​സം ഉപയോ​ഗി​ച്ച​തിൽ എനിക്കു സന്തോ​ഷ​മു​ണ്ടാ​യി​രു​ന്നു. അവൾ വാസ്‌ത​വ​ത്തിൽ പ്രശം​സാർഹ​യായ ഒരു ബാലി​ക​യാണ്‌. അവൾ സമനി​ല​യു​ള്ള​വ​ളും ആത്മവി​ശ്വാ​സ​മു​ള്ള​വ​ളും നിപു​ണ​യും പ്രസന്ന​വ​തി​യു​മാണ്‌. ഇത്രയ​ധി​കം ഗുണങ്ങ​ളുള്ള ഒരു ആറാം ക്ലാസു​കാ​രി​യെ അപൂർവ്വ​മാ​യേ ഞാൻ കണ്ടിട്ടു​ള്ളു. ററിഫനി ഞങ്ങളുടെ സ്‌കൂ​ളിന്‌ ഒരു മുതൽക്കൂ​ട്ടു​ത​ന്നെ​യാണ്‌.”

ററിഫനി ഉപന്യാ​സ​മ​ത്സ​ര​ത്തിൽ ഒന്നാം സ്ഥാനം നേടി. അതിനു​ശേഷം അവൾ വാച്ച്‌ ടവർ സൊ​സൈ​റ​റിക്ക്‌ ഇങ്ങനെ എഴുതി: “ഒരുപക്ഷേ ഞാൻ മത്സരം ജയിച്ചത്‌ യുവജ​നങ്ങൾ ചോദി​ക്കുന്ന ചോദ്യ​ങ്ങ​ളും—പ്രാ​യോ​ഗി​ക​മായ ഉത്തരങ്ങ​ളും എന്ന പ്രസി​ദ്ധീ​ക​രണം കാരണം മാത്ര​മാ​യി​രി​ക്കും. . . . വിദ്യാ​ഭ്യാ​സ​ത്തെ​ക്കു​റി​ച്ചുള്ള അദ്ധ്യാ​യങ്ങൾ ഞാനു​പ​യോ​ഗി​ച്ചു. . . . ഈ ഉപയോ​ഗ​പ്ര​ദ​വും പ്രചോ​ദ​നാ​ത്മ​ക​വു​മായ പുസ്‌തകം പ്രസി​ദ്ധീ​ക​രി​ച്ച​തി​നു നിങ്ങൾക്കു വളരെ നന്ദി. വിജയിച്ച എന്റെ ഉപന്യാ​സ​ത്തിന്‌ ഞാൻ ഏഴു​ഡോ​ളർ നേടി. ലോക​വ്യാ​പ​ക​മായ പ്രസം​ഗ​വേ​ല​ക്കാ​യി ഈ 7 ഡോള​റും അതോ​ടു​കൂ​ടെ 13 ഡോള​റും കൂട്ടി ആകെ 20 ഡോളർ ഞാൻ സംഭാവന നൽകുന്നു. . . . വളർന്നു​വ​ലു​താ​കു​മ്പോൾ, ബെഥേൽ സേവന​ത്തി​നു പോകാ​നും ഞാൻ പ്രത്യാ​ശി​ക്കു​ന്നു.”

[26-ാം പേജിലെ ചിത്രം]

ചിലപ്പോൾ, കൂടാ​രങ്ങൾ നിർമ്മി​ച്ചു​കൊ​ണ്ടു പൗലോസ്‌ ഉപജീ​വനം കഴിച്ചു