വീഴ്‌ച​ഭ​വിച്ച ജഡത്തിൻമേ​ലുള്ള പാപത്തി​ന്റെ പിടി​യോ​ടുള്ള പൊരു​തൽ

“ജഡത്തിന്റെ ചിന്തയോ മരണത്തെ അർഥമാ​ക്കു​ന്നു. എന്നാൽ ആത്മാവി​ന്റെ​ചി​ന്ത​യോ ജീവ​നെ​യും സമാധാ​ന​ത്തെ​യും അർഥമാ​ക്കു​ന്നു.”—റോമർ 8:6, NW.

1. എന്ത്‌ ഉദ്ദേശ്യ​ത്തി​ലാ​ണു മനുഷ്യർ സൃഷ്ടി​ക്ക​പ്പെ​ട്ടത്‌?

“ദൈവം സ്വന്തം പ്രതി​ച്ഛാ​യ​യിൽ മനുഷ്യ​നെ സൃഷ്ടിച്ചു; ദൈവം തന്റെ പ്രതി​ച്ഛാ​യ​യിൽ അയാളെ സൃഷ്ടിച്ചു; ആണും പെണ്ണു​മാ​യി അവരെ സൃഷ്ടിച്ചു.” (ഉല്‌പത്തി 1:27, ഓശാന ബൈബിൾ) പ്രതി​ച്ഛായ എന്നത്‌ ഏതെങ്കി​ലു​മൊ​രു വസ്‌തു​വി​ന്റെ​യോ സ്രോ​ത​സ്സി​ന്റെ​യോ പ്രതി​രൂ​പ​മാണ്‌. അങ്ങനെ, ദൈവ​തേ​ജ​സ്സി​ന്റെ പ്രതി​രൂ​പ​മാ​യി​രി​ക്കാ​നാണ്‌ മനുഷ്യർ സൃഷ്ടി​ക്ക​പ്പെ​ട്ടത്‌. ദൈവിക ഗുണങ്ങൾ—സ്‌നേഹം, നൻമ, നീതി, ആത്മീയത എന്നിവ—അവരുടെ എല്ലാ ഉദ്യമ​ങ്ങ​ളി​ലും പ്രകടി​പ്പി​ച്ചു​കൊണ്ട്‌ അവർ സ്രഷ്ടാ​വി​നു സ്‌തു​തി​യും ബഹുമാ​ന​വും കരേറ​റു​ന്നു. അതോ​ടൊ​പ്പം ഇത്‌ അവർക്കു സന്തുഷ്ടി​യും സംതൃ​പ്‌തി​യും കൈവ​രു​ത്തു​ന്നു.—1 കൊരി​ന്ത്യർ 11:7; 1 പത്രൊസ്‌ 2:12.

2. ആദ്യ മനുഷ്യ ജോഡിക്ക്‌ ഉദ്ദേശ്യ​പ്രാ​പ്‌തി നഷ്ടമാ​യത്‌ എങ്ങനെ?

² പൂർണ​രാ​യി സൃഷ്ടി​ക്ക​പ്പെട്ട ആദ്യ മനുഷ്യ ജോഡി ഈ റോൾ കൈകാ​ര്യം ചെയ്യാൻത​ക്ക​വി​ധം സുസജ്ജ​രാ​യി​രു​ന്നു. അങ്ങേയ​ററം വെട്ടി​ത്തി​ള​ങ്ങും​വി​ധം മിനു​ക്കു​പ​ണി​ചെയ്‌ത ദർപ്പണം​പോ​ലെ ദീപ്‌തി​യോ​ടും വിശ്വാ​സ്യ​ത​യോ​ടും​കൂ​ടെ ദൈവ​തേ​ജസ്സു പ്രതി​ഫ​ലി​പ്പി​ക്കു​വാൻ അവർ പ്രാപ്‌ത​രാ​യി​രു​ന്നു. തങ്ങളുടെ സ്രഷ്ടാ​വായ ദൈവ​ത്തി​നെ​തി​രെ മനഃപൂർവം അനുസ​ര​ണ​ക്കേ​ടു​കാ​ണി​ക്കാൻ തുനി​ഞ്ഞി​റ​ങ്ങി​യ​പ്പോൾ വെട്ടി​ത്തി​ള​ങ്ങുന്ന ആ മിനു​ക്കു​പ​ണി​യു​ടെ കാന്തി​മ​ങ്ങാൻ അവർ അനുവ​ദി​ച്ചു. (ഉല്‌പത്തി 3:6) അതിൽപ്പി​ന്നെ, അവർക്കു ദൈവ​തേ​ജസ്സു പൂർണ​മാ​യി പ്രതി​ഫ​ലി​പ്പി​ക്കു​വാൻ കഴിഞ്ഞില്ല. അവർ ദൈവ​തേ​ജ​സ്സിൽ കുറവു​ള്ള​വ​രാ​യി​ത്തീർന്നു. അങ്ങനെ ദൈവ​ത്തി​ന്റെ പ്രതി​ച്ഛാ​യ​യിൽ സൃഷ്ടി​ക്ക​പ്പെ​ട്ട​തി​ന്റെ ഉദ്ദേശ്യ​പ്രാ​പ്‌തി ഉണ്ടായില്ല. മററു വാക്കു​ക​ളിൽപ്പ​റ​ഞ്ഞാൽ അവർ പാപം ചെയ്‌തു.a

3. പാപത്തി​ന്റെ തനി സ്വഭാ​വ​മെന്ത്‌?

³ ദൈവ​ത്തി​ന്റെ സാദൃ​ശ്യ​ത്തി​ന്റെ​യും തേജസ്സി​ന്റെ​യും മനുഷ്യ​നി​ലൂ​ടെ​യുള്ള പ്രതി​ഫ​ല​നത്തെ കെടു​ത്തി​ക്ക​ള​യുന്ന പാപത്തി​ന്റെ തനി സ്വഭാ​വ​മ​റി​യു​ന്ന​തിന്‌ ഇതു നമ്മെ സഹായി​ക്കു​ന്നു. പാപം മനുഷ്യ​നെ അപവി​ത്ര​നാ​ക്കി​ത്തീർക്കു​ന്നു അതായത്‌, ആത്മീയ​വും ധാർമി​ക​വു​മായ അർഥത്തിൽ അത്‌ അവനെ അശുദ്ധ​നും കറപു​ര​ണ്ട​വ​നു​മാ​ക്കി​ത്തീർക്കു​ന്നു. ആദാമി​ന്റെ​യും ഹവ്വായു​ടെ​യും പിൻഗാ​മി​ക​ളെന്ന നിലയിൽ മനുഷ്യ​രെ​ല്ലാം കറപുരണ്ട, അശുദ്ധ​മായ ആ അവസ്ഥയിൽ ജനിക്കു​ന്നു. തൻമൂലം, തന്റെ മക്കളെന്ന നിലയിൽ അവരെ​പ്പ​ററി ദൈവ​ത്തി​നു​ണ്ടാ​യി​രുന്ന പ്രതീ​ക്ഷ​യ്‌ക്കൊ​ത്ത​വണ്ണം അവർ ഉയരു​ന്നില്ല. പരിണ​ത​ഫ​ല​മോ? “ഏകമനു​ഷ്യ​നാൽ പാപവും പാപത്താൽ മരണവും ലോക​ത്തിൽ കടന്നു. ഇങ്ങനെ എല്ലാവ​രും പാപം ചെയ്‌ക​യാൽ മരണം സകലമ​നു​ഷ്യ​രി​ലും പരന്നി​രി​ക്കു​ന്നു” എന്നു ബൈബിൾ വിവരി​ക്കു​ന്നു.—റോമർ 5:12; താരത​മ്യം ചെയ്യുക: യെശയ്യാ​വു 64:6.

വീഴ്‌ച​ഭ​വിച്ച ജഡത്തിൻമേ​ലുള്ള പാപത്തി​ന്റെ പിടി

4-6. (എ) മിക്ക ആളുക​ളും ഇന്ന്‌ എപ്രകാ​ര​മാ​ണു പാപത്തെ വീക്ഷി​ക്കു​ന്നത്‌? (ബി) പാപ​ത്തെ​ക്കു​റി​ച്ചുള്ള ആധുനിക വീക്ഷണ​ഗ​തി​യു​ടെ ഫലമെന്ത്‌?

⁴ ഇന്നു മിക്കയാ​ളു​ക​ളും തങ്ങൾ അശുദ്ധ​രും കളങ്കി​ത​രും പാപി​ക​ളു​മാ​ണെന്നു ചിന്തി​ക്കു​ന്നേ​യില്ല. വാസ്‌ത​വ​ത്തിൽ, പാപം എന്ന പദംതന്നെ മിക്ക ആളുക​ളു​ടെ​യും ശബ്ദാവ​ലി​യിൽനിന്ന്‌ അപ്രത്യ​ക്ഷ​മാ​യി​രി​ക്കു​ന്നു. അവർ മിക്ക​പ്പോ​ഴും തെററു​ക​ളെ​യും വിവേ​ക​ശൂ​ന്യ​ത​ക​ളെ​യും തെററായ കണക്കു​കൂ​ട്ട​ലു​ക​ളെ​യും കുറി​ച്ചെ​ല്ലാം സംസാ​രി​ച്ചെ​ന്നു​വ​രാം. എന്നാൽ പാപ​ത്തെ​ക്കു​റി​ച്ചോ? ഇല്ല തന്നെ! ദൈവ​ത്തിൽ വിശ്വ​സി​ക്കു​ന്നു​വെന്ന്‌ അവകാ​ശ​പ്പെ​ടു​ന്ന​വർക്കു​പോ​ലും “അവന്റെ പ്രബോ​ധ​നങ്ങൾ ധാർമിക സംഹി​തക്കു പകരം ധാർമിക വിശ്വാ​സങ്ങൾ മാത്ര​മാണ്‌. അവർ അവയെ 10 കല്‌പ​ന​കൾക്കു പകരം ‘10 നിർദേ​ശ​ങ്ങ​ളാ​യി’ കരുതു​ന്നു” എന്ന്‌ മാനവ​സ​മു​ദാ​യ​ശാ​സ്‌ത്ര പ്രൊ​ഫ​സ​റായ അലൻ വൂൾഫ്‌ അഭി​പ്രാ​യ​പ്പെ​ടു​ന്നു.

⁵ ഇത്തരം ചിന്താ​ഗ​തി​യു​ടെ ഫലമെ​ന്താണ്‌? പാപ​ത്തെ​ക്കു​റി​ച്ചുള്ള യാഥാർഥ്യ​ത്തെ നിരസ്സി​ക്കൽ അല്ലെങ്കിൽ ചുരു​ങ്ങി​യ​പക്ഷം, അതിനെ അവഗണി​ക്കൽ. ഇത്‌ ശരിയും തെററും സംബന്ധി​ച്ചു വളരെ മോശ​മായ, വളച്ചൊ​ടിച്ച ധാരണ വച്ചുപു​ലർത്തുന്ന ഒരു തലമു​റയെ ഉളവാ​ക്കി​യി​രി​ക്കു​ന്നു. പെരു​മാ​ററം സംബന്ധിച്ച്‌ തങ്ങളു​ടേ​തായ മാനദ​ണ്ഡങ്ങൾ സ്ഥാപി​ക്കു​ന്ന​തിൽ അവർക്കു യാതൊ​രു സങ്കോ​ച​വു​മില്ല. തങ്ങൾ ചെയ്യു​വാൻ ആഗ്രഹി​ക്കുന്ന കാര്യ​ത്തിൽ ആരോ​ടെ​ങ്കി​ലും കണക്കു​ബോ​ധി​പ്പി​ക്കേ​ണ്ട​തി​ല്ലെ​ന്നും അവർക്കു തോന്നു​ന്നു. അത്തരം ആളുകളെ സംബന്ധി​ച്ചു പറഞ്ഞാൽ ഒരു പ്രവർത്തന ഗതി ശരിയാ​ണോ തെററാ​ണോ എന്നു തീരു​മാ​നി​ക്കു​ന്ന​തി​നുള്ള ഏക മാനദണ്ഡം കുററ​ബോ​ധം തോന്നാ​തി​രി​ക്കുക എന്നതു മാത്ര​മാണ്‌.—സദൃശ​വാ​ക്യ​ങ്ങൾ 30:12, 13; താരത​മ്യം ചെയ്യുക: ആവർത്ത​ന​പു​സ്‌തകം 32:5, 20.

⁶ ഉദാഹ​ര​ണ​ത്തിന്‌, ടെലി​വി​ഷൻ പ്രദർശി​പ്പിച്ച ഒരു ചർച്ചാ​വേ​ദി​യിൽ ഏഴു മാരക പാപങ്ങൾb എന്നുപ​റ​യ​പ്പെ​ടു​ന്ന​തി​നെ​ക്കു​റി​ച്ചു തങ്ങളുടെ വീക്ഷണങ്ങൾ അറിയി​ക്കു​ന്ന​തി​നു യുവജ​ന​ങ്ങളെ ക്ഷണിക്കു​ക​യു​ണ്ടാ​യി. “അഹങ്കാരം ഒരു പാപമല്ല” അതിൽ പങ്കെടുത്ത ഒരാൾ പറഞ്ഞു. “നിങ്ങൾക്കു നിങ്ങ​ളെ​പ്പ​ററി ഒരു നല്ല അഭി​പ്രാ​യ​മു​ണ്ടാ​യി​രി​ക്കേ​ണ്ട​തുണ്ട്‌.” അലസത​യെ​ക്കു​റിച്ച്‌ മറെറാ​രാൾ പറഞ്ഞു: “ചില​പ്പോ​ഴൊ​ക്കെ അങ്ങനെ​യാ​യി​രി​ക്കു​ന്ന​തു​കൊ​ണ്ടു പ്രയോ​ജ​ന​മുണ്ട്‌. . . . ഒന്നും​ചെ​യ്യാ​തെ വെറു​തെ​യ​ങ്ങനെ ഇരിക്കു​ന്ന​തും നിങ്ങൾക്കു വ്യക്തി​പ​ര​മായ സമയം നൽകു​ന്ന​തും ചില​പ്പോ​ഴെ​ല്ലാം നല്ലതാണ്‌.” അതിന്റെ വർണന​ക്കാ​രൻപോ​ലും ഇങ്ങനെ​യൊ​രു സംക്ഷിപ്‌ത അഭി​പ്രാ​യം രേഖ​പ്പെ​ടു​ത്തി: ‘ഏഴു മാരക പാപങ്ങൾ ദുഷ്‌പ്ര​വർത്തി​കളല്ല മറിച്ച്‌, സാർവ​ലൗ​കിക മാനവ പ്രചോ​ദ​ന​ങ്ങ​ളാണ്‌. അത്‌ ഉപദ്ര​വ​ക​ര​മാ​യി​രു​ന്നേ​ക്കാ​മെ​ങ്കി​ലും അത്യധി​കം ആസ്വാ​ദ്യ​മാണ്‌.’ അതേ, പാപ​ത്തെ​ക്കു​റി​ച്ചുള്ള ധാരണ​യ്‌ക്കൊ​പ്പം​തന്നെ കുററ​ബോ​ധ​വും പൊയ്‌പോ​യി​രി​ക്കു​ന്നു. എന്തിന്‌, ശരി​ചെ​യ്യു​ന്നു​വെന്ന തോന്ന​ലി​ന്റെ നേരെ വിപരീ​ത​മാ​ണ​ല്ലോ കുററ​ബോ​ധം.—എഫെസ്യർ 4:17-19.

7. മനുഷ്യ​രെ പാപം എപ്രകാ​രം ബാധി​ക്കു​ന്നു​വെ​ന്നാ​ണു ബൈബിൾ പറയു​ന്നത്‌?

⁷ ഇതി​നെ​ല്ലാം നേർ വിപരീ​ത​മാ​യി ബൈബിൾ സ്‌പഷ്ട​മാ​യി ഇപ്രകാ​രം പറയുന്നു: “എല്ലാവ​രും പാപം ചെയ്‌തു ദൈവ​തേ​ജസ്സു ഇല്ലാത്ത​വ​രാ​യി​ത്തീർന്നു.” (റോമർ 3:23) “എന്നിൽ എന്നു​വെ​ച്ചാൽ എന്റെ ജഡത്തിൽ നൻമ വസിക്കു​ന്നില്ല എന്നു ഞാൻ അറിയു​ന്നു; നൻമ ചെയ്‌വാ​നുള്ള താല്‌പ​ര്യം എനിക്കുണ്ട്‌; പ്രവർത്തി​ക്കു​ന്ന​തോ ഇല്ല. ഞാൻ ചെയ്‌വാൻ ഇച്ഛിക്കുന്ന നൻമ ചെയ്യു​ന്നി​ല്ല​ല്ലോ; ഇച്ഛിക്കാത്ത തിൻമ​യ​ത്രേ പ്രവർത്തി​ക്കു​ന്നതു” എന്ന്‌ അപ്പോ​സ്‌ത​ല​നായ പൗലോ​സ്‌പോ​ലും സമ്മതി​ച്ചു​പ​റഞ്ഞു. (റോമർ 7:18, 19) പൗലോസ്‌ ആത്മനിന്ദ പ്രകടി​പ്പി​ക്കു​ക​യാ​യി​രു​ന്നില്ല. മറിച്ച്‌, ദൈവ​തേ​ജ​സ്സിൽനി​ന്നു മനുഷ്യ​വർഗം എത്ര​ത്തോ​ളം അധഃപ​തി​ച്ചി​രി​ക്കു​ന്നു​വെന്നു മുഴു​വ​നാ​യി തിരി​ച്ച​റിഞ്ഞ കാരണ​ത്താൽ വീഴ്‌ച​ഭ​വിച്ച ജഡത്തിൻമേ​ലുള്ള പാപത്തി​ന്റെ പിടി അദ്ദേഹ​ത്തി​നു വളരെ വേദനാ​ജ​ന​ക​മാ​യി​തോ​ന്നി. “അയ്യോ, ഞാൻ അരിഷ്ട​മ​നു​ഷ്യൻ! ഈ മരണത്തി​ന്നു അധീന​മായ ശരീര​ത്തിൽനി​ന്നു എന്നെ ആർ വിടു​വി​ക്കും?” എന്ന്‌ അദ്ദേഹം പ്രസ്‌താ​വി​ച്ചു.—റോമർ 7:24.

8. നാം നമ്മോ​ടു​തന്നെ എന്തെല്ലാം ചോദ്യ​ങ്ങൾ ചോദി​ക്കേ​ണ്ട​തുണ്ട്‌? എന്തു​കൊണ്ട്‌?

⁸ ഇക്കാര്യ​ത്തിൽ നിങ്ങളു​ടെ വീക്ഷണ​മെ​ന്താണ്‌? ആദാമി​ന്റെ പിൻഗാ​മി​യെന്ന നിലയ്‌ക്കു മറെറ​ല്ലാ​വ​രെ​യും​പോ​ലെ നിങ്ങളും അപൂർണ​രാ​ണെന്നു നിങ്ങൾ സമ്മതി​ച്ചേ​ക്കും. എന്നാൽ ആ അറിവ്‌ നിങ്ങളു​ടെ ചിന്താ​ഗ​തി​യെ​യും ജീവി​ത​രീ​തി​യെ​യും എപ്രകാ​രം സ്വാധീ​നി​ക്കു​ന്നു? നിങ്ങൾ അതിനെ ഒരു ജീവിത യാഥാർഥ്യ​മാ​യി സ്വീക​രി​ക്കു​ക​യും വരു​മ്പോ​ലെ വരട്ടെ എന്നു കരുതി തോന്നു​മ്പോ​ലെ​യൊ​ക്കെ പ്രവർത്തി​ക്കു​ക​യും ചെയ്യാ​റു​ണ്ടോ? അതോ, വീഴ്‌ച​ഭ​വിച്ച ജഡത്തിൻമേ​ലുള്ള പാപത്തി​ന്റെ പിടി​ക്കെ​തി​രെ പൊരു​തു​ന്ന​തി​നു​വേണ്ടി നിതാ​ന്ത​ശ്രമം ചെലു​ത്തു​ക​യാ​ണോ ചെയ്യു​ന്നത്‌? നിങ്ങൾ ചെയ്യുന്ന എല്ലാ കാര്യ​ങ്ങ​ളി​ലും കഴിയു​ന്നത്ര ശോഭ​യിൽ ദൈവ​തേ​ജസ്സ്‌ പ്രകാ​ശി​പ്പി​ക്കു​ന്ന​തി​നാ​യി ശ്രമി​ക്കാ​റു​ണ്ടോ? “ജഡിക​മാ​യി ജീവി​ക്കു​ന്നവർ ജഡിക​കാ​ര്യ​ങ്ങ​ളിൽ തങ്ങളുടെ മനസ്സു പതിപ്പി​ക്കു​ന്നു, ആത്മീയ​മാ​യി ജീവി​ക്കു​ന്ന​വ​രോ ആത്മീയ​കാ​ര്യ​ങ്ങ​ളിൽ മനസ്സു പതിപ്പി​ക്കു​ന്നു. ജഡത്തിന്റെ ചിന്തയോ മരണത്തെ അർഥമാ​ക്കു​ന്നു. എന്നാൽ ആത്മാവി​ന്റെ ചിന്തയോ ജീവ​നെ​യും സമാധാ​ന​ത്തെ​യും അർഥമാ​ക്കു​ന്നു” എന്നു പൗലോസ്‌ പറഞ്ഞതി​ന്റെ വീക്ഷണ​ത്തിൽ നാമോ​രോ​രു​ത്ത​രും ഇതു സഗൗരവം പരിചി​ന്തി​ക്കേ​ണ്ട​തുണ്ട്‌.—റോമർ 8:5, 6, NW.

ജഡത്തിന്റെ ചിന്ത

9. ‘ജഡത്തിന്റെ ചിന്ത മരണ’മായി​രി​ക്കു​ന്നത്‌ എന്തു​കൊ​ണ്ടാണ്‌?

⁹ “ജഡത്തിന്റെ ചിന്തയോ മരണത്തെ അർഥമാ​ക്കു​ന്നു” എന്നു പൗലോസ്‌ പറഞ്ഞ​പ്പോൾ അദ്ദേഹം എന്താണ്‌ അർഥമാ​ക്കി​യത്‌? ‘ജഡം’ എന്ന പദപ്ര​യോ​ഗം മിക്ക​പ്പോ​ഴും ബൈബി​ളിൽ ഉപയോ​ഗി​ക്കു​ന്നത്‌ മത്സരി​യായ ആദാമി​ന്റെ പിൻഗാ​മി​യെ​ന്ന​നി​ല​യിൽ ‘പാപത്തിൽ ഗർഭം ധരിക്ക​പ്പെട്ട’ മനുഷ്യ​നെ അയാളു​ടെ അപൂർണ അവസ്ഥയിൽ സൂചി​പ്പി​ക്കു​ന്ന​തി​നു​വേ​ണ്ടി​യാണ്‌. (സങ്കീർത്തനം 51:5; ഇയ്യോബ്‌ 14:4) തൻമൂലം, പാപപ​ങ്കി​ല​മായ പ്രവണ​ത​ക​ളി​ലും പ്രചോ​ദ​ന​ങ്ങ​ളി​ലും, അപൂർണ​മായ, വീഴ്‌ച​ഭ​വിച്ച ജഡത്തിന്റെ താത്‌പ​ര്യ​ങ്ങ​ളി​ലും തങ്ങളുടെ മനസ്സു​കളെ പതിപ്പി​ക്കാ​തി​രി​ക്കു​ന്ന​തി​നു​വേണ്ടി പൗലോസ്‌ ക്രിസ്‌ത്യാ​നി​കളെ ഗുണ​ദോ​ഷി​ക്കു​ക​യാ​യി​രു​ന്നു. എന്തു​കൊ​ണ്ടു പാടില്ല? വേറൊ​രി​ടത്തു പൗലോസ്‌ ജഡത്തിന്റെ പ്രവർത്ത​നങ്ങൾ എന്തെല്ലാ​മാ​ണെന്നു നമ്മോടു പറഞ്ഞ​ശേഷം ഈ മുന്നറി​യി​പ്പു കൂട്ടി​ച്ചേർത്തു: “ഈ വക പ്രവർത്തി​ക്കു​ന്നവർ ദൈവ​രാ​ജ്യം അവകാ​ശ​മാ​ക്കു​ക​യില്ല.”—ഗലാത്യർ 5:19-21.

10. “ചിന്ത” എന്നതിന്റെ അർഥ​മെ​ന്താണ്‌?

¹⁰ ഏതെങ്കി​ലും കാര്യ​ത്തെ​ക്കു​റി​ച്ചു വെറുതെ ചിന്തി​ക്കു​ക​യും അത്‌ ആചരി​ക്കു​ക​യും ചെയ്യു​ന്നതു തമ്മിൽ വലിയ അന്തരമി​ല്ലേ? ശരിയാണ്‌, എന്തി​നെ​ക്കു​റി​ച്ചെ​ങ്കി​ലും ചിന്തി​ക്കു​ന്നത്‌ എല്ലായ്‌പോ​ഴും അതു ചെയ്യു​ന്ന​തി​ലേക്കു നയിക്കു​ന്നില്ല. എന്നിരു​ന്നാ​ലും ചിന്ത എന്നത്‌ കടന്നു​പോ​കുന്ന ഒരു ആലോ​ച​ന​യെ​ക്കാൾ കവിഞ്ഞ​താണ്‌. അവിടെ പൗലോസ്‌ ഉപയോ​ഗി​ച്ചി​രി​ക്കുന്ന പദം ഗ്രീക്കിൽ ഫ്രോ​ണിമ (phroʹne·ma) എന്നാണ്‌. “ചിന്താ​രീ​തി, മനോ(നില), . . . ലക്ഷ്യം, അഭിനി​വേശം, കൊണ്ടു​പി​ടിച്ച ശ്രമം” എന്നിവയെ സൂചി​പ്പി​ക്കു​ന്നു. അതു​കൊണ്ട്‌, “ജഡത്തിന്റെ ചിന്ത” എന്നാൽ വീഴ്‌ച​ഭ​വിച്ച ജഡത്തിന്റെ ആഗ്രഹ​ങ്ങ​ളാൽ നിയ​ന്ത്രി​ക്ക​പ്പെ​ടു​ക​യും വശത്താ​ക്ക​പ്പെ​ടു​ക​യും ഭരിക്ക​പ്പെ​ടു​ക​യും വഴിന​ട​ത്ത​പ്പെ​ടു​ക​യും ചെയ്യു​ക​യെ​ന്ന​താണ്‌.—1 യോഹ​ന്നാൻ 2:16.

11. കയീൻ എപ്രകാ​ര​മാ​ണു ജഡത്തിന്റെ ചിന്തയിൽ തുടർന്നത്‌, ഫലമെ​ന്താ​യി​രു​ന്നു?

¹¹ കയീൻ പിന്തു​ടർന്ന ഗതിയി​ലൂ​ടെ ഈ ആശയം വ്യക്തമാ​യി വിശദീ​ക​രി​ക്കു​ന്നു. അസൂയ​യും കോപ​വും കയീന്റെ ഹൃദയ​ത്തിൽ നുരഞ്ഞു​പൊ​ങ്ങി​യ​പ്പോൾ യഹോ​വ​യാം ദൈവം അവനു പിൻവ​രു​ന്ന​വി​ധം മുന്നറി​യി​പ്പു നൽകി: “നീ കോപി​ക്കു​ന്നത്‌ എന്തിന്നു? നിന്റെ മുഖം വാടു​ന്ന​തും എന്തു? നീ നൻമ ചെയ്യുന്നു എങ്കിൽ പ്രസാ​ദ​മു​ണ്ടാ​ക​യി​ല്ല​യോ? നീ നൻമ ചെയ്യു​ന്നി​ല്ലെ​ങ്കി​ലോ പാപം വാതി​ല്‌ക്കൽ കിടക്കു​ന്നു; അതിന്റെ ആഗ്രഹം നിങ്ക​ലേക്കു ആകുന്നു; നീയോ അതിനെ കീഴട​ക്കേണം.” (ഉല്‌പത്തി 4:6, 7) കയീന്റെ മുമ്പാകെ ഒരു തിര​ഞ്ഞെ​ടുപ്പ്‌ ഉണ്ടായി​രു​ന്നു. അയാൾ ‘നൻമ​ചെ​യ്യു​ന്ന​തി​ലേക്ക്‌’ അതായത്‌, അയാളു​ടെ മനസ്സും ലക്ഷ്യവും അഭിനി​വേ​ശ​വും നല്ല എന്തി​ലേ​ക്കെ​ങ്കി​ലും തിരി​ക്കു​മാ​യി​രു​ന്നോ? അതോ അയാൾ ജഡത്തിന്റെ ചിന്തയിൽ തുടരു​ക​യും ഹൃദയ​ത്തിൽ പതുങ്ങി​കി​ട​ക്കുന്ന തെററായ പ്രവണ​ത​ക​ളിൽ മനസ്സു കേന്ദ്രീ​ക​രി​ക്കു​ക​യും ചെയ്യു​മാ​യി​രു​ന്നോ? യഹോവ വിശദീ​ക​രി​ച്ച​പ്ര​കാ​രം, കയീൻ അതിനെ അനുവ​ദി​ക്കുന്ന പക്ഷം അവന്റെ​നേരെ ചാടി​വീണ്‌ വിഴു​ങ്ങു​ന്ന​തി​നു​വേണ്ടി തക്കംപാർത്തു പാപം “വാതി​ല്‌ക്കൽ കിടക്കു”കയായി​രു​ന്നു. അതി​നെ​തി​രെ പോരാ​ടു​ക​യും ‘അതിനെ കീഴട​ക്കു​ക​യും’ ചെയ്യു​ന്ന​തി​നു​പ​കരം തന്റെമേൽ ഭരണം നടത്തു​ന്ന​തിന്‌, ഒരു ദാരു​ണ​മായ അന്ത്യത്തി​നു കയീൻ അതിനെ അനുവ​ദി​ച്ചു.

12. “കയീന്റെ വഴിയിൽ” പോകാ​തി​രി​ക്കു​ന്ന​തി​നു നാം എന്തു​ചെ​യ്യേ​ണ്ട​തുണ്ട്‌?

¹² ഇന്നു നമ്മെ സംബന്ധിച്ച്‌ എന്ത്‌? ആദിമ നൂററാ​ണ്ടി​ലെ ക്രിസ്‌ത്യാ​നി​ക​ളിൽ ചില​രെ​ക്കു​റി​ച്ചു യൂദാ വിലപി​ച്ച​തു​പോ​ലെ നാം തീർച്ച​യാ​യും “കയീന്റെ വഴിയിൽ” പോകാൻ ആഗ്രഹി​ക്കു​ക​യില്ല. (യൂദാ 11) ഇംഗി​ത​ത്തി​നു കുറ​ച്ചൊ​ക്കെ വഴങ്ങു​ന്ന​തു​കൊണ്ട്‌ അല്ലെങ്കിൽ വല്ലപ്പോ​ഴു​മൊ​ക്കെ അല്‌പ​സ്വ​ല്‌പം സ്വാത​ന്ത്ര്യ​മെ​ടു​ക്കു​ന്ന​തു​കൊണ്ട്‌ കുഴപ്പ​മൊ​ന്നു​മി​ല്ലെന്നു നാമൊ​രി​ക്ക​ലും യുക്തി​വാ​ദം ചെയ്യരുത്‌. നേരെ​മ​റിച്ച്‌, നമ്മുടെ ഹൃദയ​ത്തി​ലും മനസ്സി​ലും ഉരുത്തി​രി​ഞ്ഞേ​ക്കാ​വുന്ന ഏതെങ്കി​ലും വിധത്തി​ലുള്ള ഭക്തിവി​രു​ദ്ധ​വും ദുഷി​പ്പി​ക്കു​ന്ന​തു​മായ സ്വാധീ​നത്തെ തിരി​ച്ച​റി​യു​ന്ന​തി​നും വേരു​റ​യ്‌ക്കു​ന്ന​തി​നു​മുമ്പ്‌ അതു പെട്ടെന്നു പിഴു​തെ​റി​യു​ന്ന​തി​നും നാം ജാഗ്ര​ത​യു​ള്ള​വ​രാ​യി​രി​ക്കണം. വീഴ്‌ച​ഭ​വിച്ച ജഡത്തിന്റെ പിടി​യോ​ടുള്ള പൊരു​തൽ ഉള്ളിൽനി​ന്നാ​ണു തുടങ്ങു​ന്നത്‌.—മർക്കൊസ്‌ 7:21.

13. ഒരു വ്യക്തി “സ്വന്ത​മോ​ഹ​ത്താൽ ആകർഷി​ച്ചു വശീക​രി​ക്ക​പ്പെടു”ന്നത്‌ എപ്രകാ​ര​മാണ്‌?

¹³ ദൃഷ്ടാ​ന്ത​ത്തിന്‌, ഞെട്ടി​പ്പി​ക്കു​ന്ന​തോ ബീഭത്സ​മോ ആയ ഒരു രംഗം അല്ലെങ്കിൽ അശ്ലീല​പ്ര​തീ​തി ഉളവാ​ക്കു​ന്ന​തോ ഇക്കിളി​പ്പെ​ടു​ത്തു​ന്ന​തോ ആയ ഒരു ദൃശ്യം നിങ്ങളു​ടെ ദൃഷ്ടി​യിൽ പെട്ടേ​ക്കാം. ഒരുപക്ഷേ അത്‌ ഒരു പുസ്‌ത​ക​ത്തി​ലോ മാസി​ക​യി​ലോ ഉള്ള ഒരു ചിത്ര​മാ​യി​രി​ക്കാം, അല്ലെങ്കിൽ ചലച്ചി​ത്ര​ത്തി​ലെ​യോ ടെലി​വി​ഷൻ സ്‌ക്രീ​നി​ലെ​യോ ഒരു രംഗമാ​യി​രി​ക്കാം. അതുമ​ല്ലെ​ങ്കിൽ, പരസ്യ​ബോർഡിൽ പതിപ്പി​ച്ചി​രി​ക്കുന്ന ഒരു പരസ്യ​മാ​കാം, അല്ലെങ്കിൽ ഒരുപക്ഷേ, യഥാർഥ ജീവി​ത​ത്തിൽ നടക്കുന്ന ഒരു സംഗതി​യു​മാ​കാം. അത്‌ അതിൽത്തന്നെ അപകട​ക​ര​മാ​യി​രി​ക്ക​ണ​മെ​ന്നില്ല കാരണം അതു സംഭവി​ക്കാ​വു​ന്ന​താണ്‌—സംഭവി​ക്കു​ന്നു​മുണ്ട്‌. എന്നിരു​ന്നാ​ലും, ഈ ദൃശ്യ​ത്തിന്‌ അല്ലെങ്കിൽ രംഗത്തിന്‌ ഏതാനും നിമി​ഷ​ങ്ങ​ളു​ടെ ദൈർഘ്യ​മേ ഉണ്ടായി​രു​ന്നു​ള്ളൂ​വെ​ങ്കിൽപോ​ലും അതു മനസ്സിൽ തങ്ങിനിൽക്കു​ക​യും സമയാ​സ​മ​യ​ങ്ങ​ളിൽ നുരഞ്ഞു​പൊ​ങ്ങു​ക​യും ചെയ്‌തേ​ക്കാം. അങ്ങനെ സംഭവി​ക്കു​മ്പോൾ നിങ്ങൾ എന്താണു ചെയ്യുക? അത്തരം ചിന്ത​യോ​ടു പൊരു​തു​ന്ന​തി​നും മനസ്സിൽനിന്ന്‌ അതു പിഴു​തു​ക​ള​യു​ന്ന​തി​നും​വേണ്ടി ഉടനടി നടപടി സ്വീക​രി​ക്കാ​റു​ണ്ടോ? അതോ ആ അനുഭ​വ​ത്തെ​ക്കു​റി​ച്ചുള്ള ചിന്ത ഉയർന്നു​വ​രുന്ന ഓരോ​ത​വ​ണ​യും അതേപ്പ​ററി അയവി​റ​ക്കു​വാൻ തക്കവണ്ണം അതു മനസ്സിൽ കുടി​കൊ​ള്ളു​ന്ന​തി​നു നിങ്ങൾ ഇടം​കൊ​ടു​ക്കു​ക​യാ​ണോ ചെയ്യു​ന്നത്‌? ഒടുവിൽ പറഞ്ഞ​പ്ര​കാ​രം ചെയ്യു​ന്നതു യാക്കോബ്‌ പിൻവ​രു​ന്ന​വി​ധം വിവരി​ച്ചി​രി​ക്കുന്ന സംഭവ​പ​ര​മ്പ​ര​കൾക്കു തിരി​കൊ​ളു​ത്താൻ തുനി​യു​ന്ന​തി​നു സമമാണ്‌: “ഓരോ​രു​ത്തൻ പരീക്ഷി​ക്ക​പ്പെ​ടു​ന്നതു സ്വന്ത​മോ​ഹ​ത്താൽ ആകർഷി​ച്ചു വശീക​രി​ക്ക​പ്പെ​ടു​ക​യാൽ ആകുന്നു. മോഹം ഗർഭം​ധ​രി​ച്ചു പാപത്തെ പ്രസവി​ക്കു​ന്നു; പാപം മുഴു​ത്തി​ട്ടു മരണത്തെ പെറുന്നു.” അതു​കൊ​ണ്ടാണ്‌ “ജഡത്തിന്റെ ചിന്തയോ മരണത്തെ അർഥമാ​ക്കു​ന്നു” എന്നു പൗലോസ്‌ പറഞ്ഞത്‌.—യാക്കോബ്‌ 1:14, 15; റോമർ 8:6, NW.

14. ദിനം​തോ​റും നാം എന്തിനെ അഭിമു​ഖീ​ക​രി​ക്കു​ന്നു, നാം എപ്രകാ​രം പ്രതി​ക​രി​ക്കേ​ണ്ട​തുണ്ട്‌?

¹⁴ ലൈം​ഗിക അധാർമി​ക​ത​യേ​യും അക്രമ​ത്തേ​യും ഭൗതി​ക​ത്വ​ത്തേ​യും പുകഴ്‌ത്തു​ക​യും അവ—പുസ്‌ത​ക​ങ്ങ​ളി​ലും മാസി​ക​ക​ളി​ലും ചലച്ചി​ത്ര​ങ്ങ​ളി​ലും ടെലി​വി​ഷൻ പരിപാ​ടി​ക​ളി​ലും ജനപ്രീ​തി​നേ​ടിയ സംഗീ​ത​ങ്ങ​ളി​ലും—വ്യക്തമാ​യും യഥേഷ്ട​മാ​യും ചിത്രീകരിക്കു​ക​യും ചെയ്യുന്ന ലോക​ത്തിൽ നാം ജീവി​ക്കു​ന്ന​തി​നാൽ തെററായ ചിന്തക​ളാ​ലും ആശയങ്ങ​ളാ​ലും ദിനം​തോ​റും നാം അക്ഷരീ​യ​മാ​യി ആക്രമി​ക്ക​പ്പെ​ടു​ക​യാണ്‌. നിങ്ങളു​ടെ പ്രതി​ക​രണം എന്താണ്‌? ഇതെല്ലാം നിങ്ങൾക്കു രസകര​വും നേര​മ്പോ​ക്കു​മാ​യി തോന്നാ​റു​ണ്ടോ? അതോ, “അധർമ്മി​ക​ളു​ടെ . . . അധർമ്മ​പ്ര​വൃ​ത്തി കണ്ടും കേട്ടും തന്റെ നീതി​യുള്ള മനസ്സിൽ നൊന്തു അവരുടെ ദുഷ്‌കാ​മ​പ്ര​വൃ​ത്തി​യാൽ വലഞ്ഞു​പോയ” നീതി​മാ​നായ ലോത്തി​നെ​പ്പോ​ലെ​യാ​ണോ നിങ്ങൾക്ക്‌ അനുഭ​വ​പ്പെ​ടു​ന്നത്‌? (2 പത്രൊസ്‌ 2:7, 8) വീഴ്‌ച​ഭ​വിച്ച ജഡത്തോ​ടുള്ള പൊരു​ത​ലിൽ വിജയി​ക്കു​ന്ന​തി​നു സങ്കീർത്ത​ന​ക്കാ​രൻ ചെയ്‌ത​തു​പോ​ലെ നാമും ദൃഢനി​ശ്ചയം ചെയ്യണം: “ഞാൻ ഒരു നീചകാ​ര്യം എന്റെ കണ്ണിനു മുമ്പിൽ വെക്കു​ക​യില്ല; ക്രമം കെട്ടവ​രു​ടെ പ്രവൃ​ത്തി​യെ ഞാൻ വെറു​ക്കു​ന്നു; അതു എന്നോടു ചേർന്നു പററു​ക​യില്ല.”—സങ്കീർത്തനം 101:3.

ആത്മാവി​ന്റെ ചിന്ത

15. പാപത്തി​ന്റെ പിടി​യോ​ടു പൊരു​തു​ന്ന​തി​നു നമുക്ക്‌ എന്തു സഹായ​മാ​ണു​ള്ളത്‌?

¹⁵ പൗലോസ്‌ തുടർന്നു പറയുന്നു: “ആത്മാവി​ന്റെ ചിന്തയോ ജീവ​നെ​യും സമാധാ​ന​ത്തെ​യും അർഥമാ​ക്കു​ന്നു.” വീഴ്‌ച​ഭ​വിച്ച ജഡത്തിന്റെ പിടി​യോ​ടു പൊരു​തു​ന്ന​തി​നു നമ്മെ സഹായി​ക്കാൻ കഴിയുന്ന ഒന്നാണ്‌ ഇത്‌. (റോമർ 8:6, NW) ജഡത്താൽ ഭരിക്ക​പ്പെ​ടു​ന്ന​തി​നു പകരം നമ്മുടെ മനസ്സ്‌ ആത്മാവി​ന്റെ സ്വാധീ​ന​ത്തിൻ കീഴിൽ വരുന്ന​തി​നു നാം അനുവ​ദി​ക്കു​ക​യും ആത്മാവി​ന്റെ കാര്യ​ങ്ങ​ളിൽ അഭിവൃ​ദ്ധി​പ്പെ​ടു​ക​യും ചെയ്യണം. അവ ഏതെല്ലാ​മാണ്‌? ഫിലി​പ്യർ 4:8-ൽ [NW] പൗലോസ്‌ അവയുടെ ഒരു പട്ടിക ഉണ്ടാക്കു​ന്നു: “ഒടുവിൽ സഹോ​ദ​രൻമാ​രേ, സത്യമായ ഏതു കാര്യ​ങ്ങ​ളും ഗൗരവാ​വ​ഹ​മായ ഏതു കാര്യ​ങ്ങ​ളും നീതി​നി​ഷ്‌ഠ​മായ ഏതു കാര്യ​ങ്ങ​ളും നിർമ​ല​മായ ഏതു കാര്യ​ങ്ങ​ളും പ്രിയ​ങ്ക​ര​മായ ഏതു കാര്യ​ങ്ങ​ളും പ്രശം​സി​ക്ക​പ്പെ​ടുന്ന ഏതു കാര്യ​ങ്ങ​ളും ഏതു സദ്‌ഗു​ണ​വും ഏതു സ്‌തു​ത്യർഹ​മായ കാര്യ​വും, ഇവ പരിചി​ന്തി​ക്കു​ന്ന​തിൽ തുടരുക.” നമുക്ക്‌ അവയെ അടുത്തു വീക്ഷി​ക്കു​ക​യും നാം തുടർന്നു പരിചി​ന്തി​ക്കേ​ണ്ടി​യി​രി​ക്കുന്ന കാര്യ​ങ്ങ​ളെ​ക്കു​റിച്ച്‌ ഒരു മെച്ചമായ ഗ്രാഹ്യം നേടി​യെ​ടു​ക്കു​ക​യും ചെയ്യാം.

16. എന്തു ഗുണങ്ങൾ “പരിചി​ന്തി​ക്കു​ന്ന​തിൽ തുടരു”വാനാണ്‌ പൗലോസ്‌ പ്രോ​ത്സാ​ഹി​പ്പി​ച്ചത്‌, അവയി​ലോ​രോ​ന്നി​ലും എന്ത്‌ ഉൾപ്പെ​ടു​ന്നു?

¹⁶ ആദ്യമാ​യി, പൗലോസ്‌ എട്ടു ധാർമിക ഗുണങ്ങൾ പട്ടിക​പ്പെ​ടു​ത്തു​ന്നു. എല്ലായ്‌പോ​ഴും തിരു​വെ​ഴു​ത്തു​പ​ര​മോ സിദ്ധാ​ന്ത​പ​ര​മോ ആയ കാര്യങ്ങൾ മാത്രമേ ചിന്തി​ക്കാൻ പാടുള്ളൂ എന്ന നിയ​ന്ത്രണം ക്രിസ്‌ത്യാ​നി​ക​ളു​ടെ​മേൽ ഏർപ്പെ​ടു​ത്തി​യി​ട്ടി​ല്ലെന്നു നാം തീർച്ച​യാ​യും തിരി​ച്ച​റി​യു​ന്നു. നമ്മുടെ മനസ്സു കേന്ദ്രീ​ക​രി​ക്കാ​വുന്ന അനേകം ചർച്ചാ​വി​ഷ​യ​ങ്ങ​ളോ പ്രതി​പാ​ദ്യ​വി​ഷ​യ​ങ്ങ​ളോ ഉണ്ട്‌. എന്നാൽ അവ പൗലോസ്‌ എടുത്തു പറഞ്ഞി​രി​ക്കുന്ന ധാർമിക ഗുണങ്ങ​ളോ​ടു ചേർച്ച​യി​ലാ​യി​രി​ക്കണം എന്നതാണു പ്രധാ​ന​മാ​യി​രി​ക്കു​ന്നത്‌. പൗലോസ്‌ പരാമർശി​ച്ചി​രി​ക്കുന്ന ‘കാര്യ​ങ്ങ​ളു​ടെ’ വിഷയാ​നു​ക്ര​മ​ങ്ങ​ളിൽ ഓരോ​ന്നും നമ്മുടെ ശ്രദ്ധ അർഹി​ക്കു​ന്നു. നമുക്ക്‌ അവ ഓരോ​ന്നാ​യി പരിചി​ന്തി​ക്കാം.

◻ “സത്യമായ”തിൽ കേവലം ശരിയോ തെറേറാ ആയിരി​ക്കു​ന്ന​തി​ലും അധികം ഉൾപ്പെ​ട്ടി​രി​ക്കു​ന്നു. സത്യസ​ന്ധ​രാ​യി​രി​ക്കുക, നീതിനിഷ്‌ഠരായിരിക്കുക, ആശ്രയ​യോ​ഗ്യ​രാ​യി​രി​ക്കുക, അപ്രകാ​ര​മാ​ണെന്നു തോന്നി​ക്കു​ക​മാ​ത്രമല്ല, യഥാർഥിൽ അങ്ങനെ​യാ​യി​രി​ക്കുന്ന എന്തോ എന്നാണ്‌ അത്‌ അർഥമാ​ക്കു​ന്നത്‌.—1 തിമൊ​ഥെ​യൊസ്‌ 6:20.

◻ “ഗൗരവാ​വ​ഹ​മായ” എന്നത്‌ ശ്രേഷ്‌ഠ​വും ആദരണീ​യ​വു​മായ കാര്യ​ങ്ങളെ പരാമർശി​ക്കു​ന്നു. ദുഷി​ച്ച​തും ധാർമി​ക​മാ​യി അപഹാ​സ്യ​വു​മാ​യി​രി​ക്കു​ന്ന​തി​നു പകരം, അത്‌, ഉന്നതമായ, അന്തസ്സുള്ള, ആദരണീ​യ​മായ, ഒരു ബഹുമാ​ന​ബോ​ധം ഉണർത്തു​ന്നു.

◻ “നീതി​നി​ഷ്‌ഠ​മായ” എന്നതു മമനു​ഷ്യ​ന്റെ മാനദ​ണ്ഡമല്ല, മറിച്ച്‌ ദൈവ​ത്തി​ന്റെ മാനദ​ണ്ഡ​വു​മാ​യി പൊരു​ത്ത​പ്പെ​ടേ​ണ്ട​തി​നെ​യാണ്‌ അർഥമാ​ക്കു​ന്നത്‌. ലോക​ക്കാ​രായ ആളുകൾ തങ്ങളുടെ മനസ്സ്‌ അനീതി​പ​ര​മായ ആസൂ​ത്ര​ണ​ങ്ങ​ളാൽ നിറയ്‌ക്കു​ന്നു. എന്നാൽ നാം ദൈവ​ത്തി​ന്റെ ദൃഷ്ടി​യിൽ നീതി​യെന്നു തെളി​യുന്ന കാര്യ​ങ്ങ​ളെ​ക്കു​റി​ച്ചു ചിന്തിച്ച്‌ അത്തരം കാര്യ​ങ്ങ​ളി​ലാണ്‌ ആനന്ദം കണ്ടെ​ത്തേ​ണ്ടത്‌.—താരത​മ്യം ചെയ്യുക: സങ്കീർത്തനം 26:4; ആമോസ്‌ 8:4-6.

◻ “നിർമല”മെന്നതി​ന്റെ അർഥം നടത്തയിൽ മാത്രമല്ല (ലൈം​ഗി​ക​മോ മറേറ​തെ​ങ്കി​ലും വിധത്തി​ലോ) ചിന്തയി​ലും ഉദ്ദേശ്യ​ത്തി​ലും കറകള​ഞ്ഞ​തും ശുദ്ധവു​മാ​യി​രി​ക്കുക എന്നാണ്‌. “ഉയരത്തിൽനി​ന്നുള്ള ജ്ഞാനമോ ഒന്നാമതു നിർമ്മല”മാണ്‌ എന്നു യാക്കോബ്‌ പറയുന്നു. “നിർമ്മ​ലനാ”യ യേശു​വാണ്‌ നമുക്കു പരിചി​ന്തി​ക്കാൻ കഴിയുന്ന ഏററവും തികവുള്ള മാതൃക.—യാക്കോബ്‌ 3:17; 1 യോഹ​ന്നാൻ 3:3.

◻ “പ്രിയ​ങ്ക​ര​മായ”ത്‌ മററു​ള്ള​വ​രിൽ സ്‌നേഹം ഉദ്ദീപി​പ്പി​ക്കു​ക​യും ഉണർത്തു​ക​യും ചെയ്യുന്ന ഒന്നാണ്‌. വെറു​പ്പി​നും വിദ്വേ​ഷ​ത്തി​നും കലഹത്തി​നും ഇടയാ​ക്കുന്ന കാര്യ​ങ്ങ​ളിൽ നമ്മുടെ മനസ്സു പതിപ്പി​ക്കു​ന്ന​തി​നു പകരം നാം “സ്‌നേ​ഹ​ത്തി​നും സൽപ്ര​വർത്തി​കൾക്കും പ്രോ​ത്സാ​ഹി​പ്പി​ക്കാൻ . . . അന്യോ​ന്യം പരിഗണി”ക്കേണ്ടതാ​യി​ട്ടുണ്ട്‌.—എബ്രായർ 10:24, NW.

◻ “പ്രശം​സി​ക്ക​പ്പെ​ടുന്ന” എന്നതിന്റെ അർഥം “ശ്ലാഘനീ​യ​മാ​യി​രി​ക്കുക” അല്ലെങ്കിൽ “നല്ല അഭി​പ്രാ​യ​ത്തി​നു പാത്ര​മാ​വുക” എന്നു മാത്രമല്ല മറിച്ച്‌ സജീവ​മായ അർഥത്തിൽ പരിര​ക്ഷ​ണ​മേ​കു​ന്ന​വ​രും പ്രശം​സാർഹ​രു​മാ​യി​രി​ക്കുക എന്നതാണ്‌. അന്തസ്സി​നു​ചേ​രാ​ത്ത​തും കുററ​ക​ര​വു​മായ പ്രവൃ​ത്തി​ക​ളിൽ നമ്മുടെ മനസ്സുകൾ കേന്ദ്രീ​ക​രി​ക്കു​ന്ന​തി​നു പകരം നാം ആരോ​ഗ്യാ​വ​ഹ​വും പരിപു​ഷ്ടി പകരു​ന്ന​തു​മായ കാര്യ​ങ്ങ​ളിൽ കേന്ദ്രീ​ക​രി​ക്കു​ന്നു.—എഫെസ്യർ 4:29.

◻ ‘സദ്‌ഗു​ണം’ എന്നുപ​റ​ഞ്ഞാൽ അടിസ്ഥാ​ന​പ​ര​മാ​യി അർഥമാ​ക്കു​ന്നത്‌ “നൻമ” അല്ലെങ്കിൽ “ധാർമിക വൈശി​ഷ്ട്യം” എന്നാണ്‌. അതു​കൊണ്ട്‌ ഏതുത​ര​ത്തി​ലു​മുള്ള വൈശി​ഷ്ട്യ​ത്തെ​യും ഇതിനാൽ അർഥമാ​ക്കു​ന്നു. തത്‌ഫ​ല​മാ​യി, മററു​ള്ള​വ​രി​ലുള്ള അമൂല്യ ഗുണങ്ങ​ളും യോഗ്യ​ത​ക​ളും ദൈവ​ത്തി​ന്റെ പ്രമാ​ണ​ങ്ങ​ളു​ടെ ചേർച്ച​യിൽ ആണെങ്കിൽ നേട്ടങ്ങ​ളെ​യും നമുക്കു വിലമ​തി​ക്കാ​നാ​കും.

◻ “സ്‌തു​ത്യർഹ​മായ” കാര്യങ്ങൾ യഥാർഥ​ത്തിൽ അപ്രകാ​ര​മാ​യി​രി​ക്കു​ന്നത്‌ പുകഴ്‌ച ദൈവ​ത്തിൽനി​ന്നോ അവനാൽ യഥാ​യോ​ഗ്യം അംഗീ​ക​രി​ക്ക​പ്പെട്ട മറേറ​തെ​ങ്കി​ലും അധികാ​ര​സ്ഥാ​ന​ത്തു​നി​ന്നോ വരു​മ്പോ​ഴാണ്‌.—1 കൊരി​ന്ത്യർ 4:5; 1 പത്രൊസ്‌ 2:14.

ജീവ​ന്റെ​യും സമാധാ​ന​ത്തി​ന്റെ​യും വാഗ്‌ദ​ത്തം

17. “ആത്മാവി​ന്റെ ചിന്ത”യുടെ ഫലമായി എന്തെല്ലാം അനു​ഗ്ര​ഹ​ങ്ങ​ളാ​ണു ലഭിക്കു​ന്നത്‌?

¹⁷ നാം പൗലോ​സി​ന്റെ അനുശാ​സനം പിൻപ​റ​റു​ക​യും ഇവ “പരിചി​ന്തി​ക്കു​ന്ന​തിൽ തുടരു”കയും ചെയ്യു​മ്പോൾ “ആത്മാവി​ന്റെ ചിന്ത”യിൽ നാം വിജയം​നേ​ടും. അതിന്റെ ഫലം ജീവന്റെ അനു​ഗ്രഹം അതായത്‌, വാഗ്‌ദത്തം ചെയ്യ​പ്പെ​ട്ടി​രി​ക്കുന്ന പുതിയ ലോക​ത്തി​ലെ നിത്യ​ജീ​വൻ മാത്രമല്ല സമാധാ​നം​കൂ​ടെ​യാണ്‌. (റോമർ 8:6, NW) എന്തു​കൊണ്ട്‌? എന്തു​കൊ​ണ്ടെ​ന്നാൽ നമ്മുടെ മനസ്സുകൾ ജഡസം​ബ​ന്ധ​മായ ദുഷിച്ച സ്വാധീ​ന​ത്തിൽനി​ന്നു സംരക്ഷി​ക്ക​പ്പെ​ടു​ക​യാണ്‌. കൂടാതെ, പൗലോസ്‌ വിശദീ​ക​രി​ച്ചി​രി​ക്കുന്ന ജഡവും ആത്മാവും തമ്മിലുള്ള വേദനാ​ജ​ന​ക​മായ മൽപ്പി​ടു​ത്തം നമ്മെ മേലാൽ അത്ര ശക്തമായി ബാധി​ക്കു​ന്നില്ല. ജഡത്തിന്റെ സ്വാധീ​ന​ത്തോ​ടു ചെറു​ത്തു​നി​ന്നു​കൊ​ണ്ടു നാം ദൈവ​സ​മാ​ധാ​ന​വും നേടി​യെ​ടു​ക്കു​ന്നു. കാരണം, “ജഡത്തിന്റെ ചിന്ത ദൈവ​ത്തോ​ടു ശത്രു​ത്വം ആകുന്നു.”—റോമർ 7:21-24; 8:7.

18. സാത്താൻ ഏതു പോരാ​ട്ട​ത്തി​ലാണ്‌ ഏർപ്പെ​ട്ടി​രി​ക്കു​ന്നത്‌, നമുക്ക്‌ എങ്ങനെ വിജയ​ശ്രീ​ലാ​ളി​ത​രാ​കാൻ കഴിയും?

¹⁸ നമ്മിലുള്ള ദൈവ​തേ​ജ​സ്സി​ന്റെ പ്രതി​ഫ​ല​ന​ത്തി​നു മങ്ങലേൽപ്പി​ക്കു​ന്ന​തിന്‌ സാത്താ​നും അവന്റെ ഏജൻറു​മാ​രും തങ്ങളാ​ലാ​വു​ന്ന​തെ​ല്ലാം ചെയ്യു​ക​യാണ്‌. ജഡിക​ചി​ന്ത​ക​ളാൽ ആക്രമണം നടത്തി​ക്കൊണ്ട്‌ അവർ നമ്മുടെ മനസ്സു​കളെ നിയ​ന്ത്രി​ക്കാൻ ശ്രമി​ക്കു​ക​യാണ്‌. ഇത്‌ ഒടുവിൽ ദൈവ​വു​മാ​യി ശത്രു​ത​യി​ലേ​ക്കും മരണത്തി​ലേ​ക്കും നയിക്കു​മെന്ന്‌ അറിഞ്ഞു​കൊ​ണ്ടു​ത​ന്നെ​യാണ്‌ ഇപ്രകാ​രം ചെയ്യു​ന്നത്‌. എന്നാൽ ഈ പോരാ​ട്ട​ത്തിൽ നമുക്കു വിജയ​ശ്രീ​ലാ​ളി​ത​രാ​കാൻ കഴിയും. വീഴ്‌ച​ഭ​വിച്ച ജഡത്തിൻമേ​ലുള്ള പാപത്തി​ന്റെ പിടി​യോ​ടു പൊരു​തു​ന്ന​തിന്‌ ആവശ്യ​മായ ഉപാധി​കൾ നമുക്കു നൽകു​ന്ന​തി​നു പൗലോ​സി​നെ​പ്പോ​ലെ നമുക്കും ഇപ്രകാ​രം പ്രഖ്യാ​പി​ക്കാൻ കഴിയും: “നമ്മുടെ കർത്താ​വായ യേശു​ക്രി​സ്‌തു​മു​ഖാ​ന്തരം . . . ദൈവ​ത്തി​നു സ്‌തോ​ത്രം.”—റോമർ 7:25.

[അടിക്കു​റി​പ്പു​കൾ]

നിങ്ങൾക്കു വിശദീ​ക​രി​ക്കാ​നാ​വു​മോ?

◻ പാപം എന്നാൽ എന്ത്‌, വീഴ്‌ച​ഭ​വിച്ച ജഡത്തിൻമേൽ ഒരു പിടി വികസി​പ്പി​ച്ചെ​ടു​ക്കാൻ അതിന്‌ എങ്ങനെ കഴിയും?

◻ “ജഡത്തിന്റെ ചിന്ത”യോടു നമുക്ക്‌ എങ്ങനെ പൊരു​താ​നാ​കും?

◻ “ആത്മാവി​ന്റെ ചിന്ത” വളർത്തി​ക്കൊ​ണ്ടു​വ​രു​ന്ന​തി​നു നമുക്ക്‌ എന്തു ചെയ്യാൻ കഴിയും?

◻ “ആത്മാവി​ന്റെ ചിന്ത” ജീവനും സമാധാ​ന​വും കൈവ​രു​ത്തു​ന്നത്‌ എങ്ങനെ?

[15-ാം പേജിലെ ചിത്രം]

തന്റെതന്നെ നാശത്തി​നാ​യി ജഡിക പ്രവണ​തകൾ തന്നെ ഭരിക്കാൻ കയീൻ അനുവ​ദി​ച്ചു

[16-ാം പേജിലെ ചിത്രം]

ആത്മാവിന്റെ ചിന്ത ജീവ​നെ​യും സമാധാ​ന​ത്തെ​യും അർഥമാ​ക്കു​ന്നു