കർത്താ​വി​ന്റെ സന്ധ്യാ​ഭ​ക്ഷ​ണ​ത്തി​നു നിങ്ങ​ളെ​സം​ബ​ന്ധിച്ച്‌ അർത്ഥമു​ള്ള​തി​ന്റെ കാരണം

യേശു​ക്രി​സ്‌തു തന്റെ മനുഷ്യ​ജീ​വി​ത​ത്തി​ന്റെ അവസാ​നത്തെ രാത്രി​യി​ലാണ്‌ കർത്താ​വി​ന്റെ സന്ധ്യാ​ഭ​ക്ഷണം ഏർപ്പെ​ടു​ത്തി​യത്‌. അതു മാർച്ച്‌ 31-ാം തീയതി വ്യാഴാഴ്‌ച സന്ധ്യയ്‌ക്കാ​യി​രു​ന്നു. യേശു മരിച്ചത്‌ ഏപ്രിൽ 1 വെള്ളി​യാഴ്‌ച ഉച്ചതി​രിഞ്ഞ്‌ ആയിരു​ന്നു. യഹൂദ​പ​ഞ്ചാം​ഗ​പ്ര​കാ​രം ദിവസങ്ങൾ ഒരു ദിവസ​ത്തി​ന്റെ സന്ധ്യമു​തൽ അടുത്ത ദിവസ​ത്തി​ന്റെ സന്ധ്യവരെ ആയിരു​ന്ന​തു​കൊണ്ട്‌ കർത്താ​വി​ന്റെ സന്ധ്യാ​ഭ​ക്ഷ​ണ​വും യേശു​വി​ന്റെ മരണവും നടന്നത്‌ പൊ.യു. (പൊതു​യു​ഗം) 33-ലെ നീസാൻ 14-ന്‌ ആയിരു​ന്നു.

യേശു ഈ ഭക്ഷണം ഏർപ്പെ​ടു​ത്തി​യത്‌ എന്തിനാ​യി​രു​ന്നു? അദ്ദേഹം ഉപയോ​ഗിച്ച അപ്പത്തി​ന്റെ​യും വീഞ്ഞി​ന്റെ​യും അർത്ഥം എന്തായി​രു​ന്നു? പങ്കെടു​ക്കേ​ണ്ട​താ​രാണ്‌? ഈ ഭക്ഷണത്തി​ന്റെ ആചരണം എത്ര കൂടെ​ക്കൂ​ടെ​യാ​യി​രി​ക്കണം? അതിനു നിങ്ങ​ളെ​സം​ബ​ന്ധിച്ച്‌ അർത്ഥമു​ണ്ടാ​യി​രി​ക്കാൻ കഴിയു​ന്ന​തെ​ങ്ങനെ?

ഏർപ്പെ​ടു​ത്തി​യ​തെ​ന്തിന്‌?

കർത്താ​വി​ന്റെ സന്ധ്യാ​ഭ​ക്ഷ​ണ​ത്തെ​സം​ബ​ന്ധിച്ച്‌ യേശു തന്റെ അപ്പൊ​സ്‌ത​ലൻമാ​രോട്‌: “ഇതു എന്റെ ഓർമ്മെ​ക്കാ​യി ചെയ്‌വിൻ” എന്നു പറഞ്ഞു. മറെറാ​രു വിവർത്ത​ന​മ​നു​സ​രിച്ച്‌, അദ്ദേഹം “ഇത്‌ എന്റെ ഒരു സ്‌മാ​ര​ക​മാ​യി ചെയ്യുക” എന്നു പറഞ്ഞു. (1 കൊരി​ന്ത്യർ 11:24; ദി ന്യൂ ഇംഗ്ലീഷ്‌ ബൈബിൾ) യഥാർത്ഥ​ത്തിൽ, കർത്താ​വി​ന്റെ സന്ധ്യാ​ഭ​ക്ഷ​ണത്തെ മിക്ക​പ്പോ​ഴും ക്രിസ്‌തു​വി​ന്റെ മരണത്തി​ന്റെ സ്‌മാ​ര​ക​മെന്നു പരാമർശി​ക്കു​ന്നു.

യഹോ​വ​യു​ടെ പരമാ​ധി​കാ​രത്തെ ഉയർത്തി​പ്പി​ടി​ക്കുന്ന നിർമ്മ​ല​താ​പാ​ല​ക​നായ ഒരുവ​നാ​യി​ട്ടു യേശു മരിക്കു​ക​യും അങ്ങനെ നേരുള്ള മനുഷ്യർ സ്വാർത്ഥ​പ​ര​മായ ആന്തരങ്ങ​ളോ​ടെ മാത്ര​മാ​ണു ദൈവത്തെ സേവി​ക്കു​ന്ന​തെന്ന്‌ ആരോ​പിച്ച സാത്താനെ വ്യാജം പറയുന്ന ഒരു പരിഹാ​സി​യെന്നു തെളി​യി​ക്കു​ക​യും ചെയ്‌തു. (ഇയ്യോബ്‌ 2:1-5) അദ്ദേഹ​ത്തി​ന്റെ മരണം ദൈവ​ത്തി​ന്റെ ഹൃദയത്തെ സന്തോ​ഷി​പ്പി​ച്ചു.—സദൃശ​വാ​ക്യ​ങ്ങൾ 27:11.

കൂടാതെ, ഒരു പൂർണ്ണ​മ​നു​ഷ്യ​നെന്ന നിലയി​ലുള്ള തന്റെ മരണം മുഖാ​ന്തരം യേശു ‘തന്റെ ദേഹിയെ അനേകർക്കു പകരം ഒരു മറുവി​ല​യാ​യി കൊടു​ത്തു.’ (മത്തായി 20:28, NW) ദൈവ​ത്തി​നെ​തി​രെ പാപം​ചെ​യ്‌ത​തി​നാൽ ആദ്യമ​നു​ഷ്യൻ പൂർണ്ണ​മ​നു​ഷ്യ​ജീ​വ​നും അതിന്റെ പ്രതീ​ക്ഷ​ക​ളും നഷ്ടപ്പെ​ടു​ത്തി. എന്നാൽ “തന്റെ ഏകജാ​ത​നായ പുത്ര​നിൽ വിശ്വ​സി​ക്കുന്ന ഏവനും നശിച്ചു​പോ​കാ​തെ നിത്യ​ജീ​വൻ പ്രാപി​ക്കേ​ണ്ട​തി​ന്നു ദൈവം അവനെ നൽകു​വാ​ന്ത​ക്ക​വണ്ണം [മനുഷ്യ​വർഗ്ഗ] ലോകത്തെ സ്‌നേ​ഹി​ച്ചു.” (യോഹ​ന്നാൻ 3:16) അതെ, “പാപത്തി​ന്റെ ശമ്പളം മരണമ​ത്രേ; ദൈവ​ത്തി​ന്റെ കൃപാ​വ​ര​മോ നമ്മുടെ കർത്താ​വായ യേശു​ക്രി​സ്‌തു​വിൽ നിത്യ​ജീ​വൻതന്നേ.”—റോമർ 6:23.

“കർത്താ​വി​ങ്കൽനി​ന്നു പ്രാപി​ക്ക​യും”

ക്രിസ്‌തു​വി​ന്റെ മരണത്തി​ന്റെ സ്‌മാ​ര​ക​ത്തിൻമേൽ വെളിച്ചം വീശു​ന്ന​താണ്‌ അപ്പൊ​സ്‌ത​ല​നായ പൗലോ​സി​ന്റെ വാക്കുകൾ: “ഞാൻ കർത്താ​വി​ങ്കൽനി​ന്നു പ്രാപി​ക്ക​യും നിങ്ങൾക്കു ഏല്‌പി​ക്ക​യും ചെയ്‌തതു എന്തെന്നാൽ: കർത്താ​വായ യേശു​വി​നെ കാണി​ച്ചു​കൊ​ടുത്ത രാത്രി​യിൽ അവൻ അപ്പം എടുത്തു സ്‌തോ​ത്രം ചൊല്ലി നുറുക്കി: ഇതു നിങ്ങൾക്കു​വേ​ണ്ടി​യുള്ള എന്റെ ശരീരം; എന്റെ ഓർമ്മെ​ക്കാ​യി ഇതു ചെയ്‌വിൻ എന്നു പറഞ്ഞു. അവ്വണ്ണം തന്നേ അത്താഴം കഴിഞ്ഞ​ശേഷം അവൻ പാനപാ​ത്ര​വും എടുത്തു; ഈ പാനപാ​ത്രം എന്റെ രക്തത്തിൽ പുതിയ നിയമം ആകുന്നു; ഇതു കുടി​ക്കു​മ്പോ​ഴൊ​ക്കെ​യും എന്റെ ഓർമ്മെ​ക്കാ​യി ചെയ്‌വിൻ എന്നു പറഞ്ഞു. അങ്ങനെ നിങ്ങൾ [കൂടെക്കൂടെ, NW] ഈ അപ്പം തിന്നു​ക​യും പാനപാ​ത്രം കുടി​ക്ക​യും ചെയ്യു​മ്പോ​ഴൊ​ക്കെ​യും കർത്താവു വരു​വോ​ളം അവന്റെ മരണത്തെ പ്രസ്‌താ​വി​ക്കു​ന്നു.”—1 കൊരി​ന്ത്യർ 11:23-26.

പൊ.യു. 33 നീസാൻ 14-ന്‌ പൗലോസ്‌ യേശു​വി​നോ​ടും 11 അപ്പൊ​സ്‌ത​ലൻമാ​രോ​ടും​കൂ​ടെ ഇല്ലാഞ്ഞ​തു​കൊണ്ട്‌ ലഭ്യമായ തെളി​വി​ന്റെ അടിസ്ഥാ​ന​ത്തിൽ ഈ വിവരങ്ങൾ നിശ്വസ്‌ത വെളി​പ്പാ​ടി​നാൽ അവൻ “കർത്താ​വിൽനി​ന്നു പ്രാപി”ച്ചതായി​രു​ന്നു. യേശു സ്‌മാ​രകം ഏർപ്പെ​ടു​ത്തി​യതു യൂദാ യഹൂദ മതശ​ത്രു​ക്കൾക്ക്‌ “കർത്താ​വി​നെ കാണി​ച്ചു​കൊ​ടുത്ത രാത്രി​യിൽ” ആയിരു​ന്നു, അവർ ക്രിസ്‌തു​വി​നെ കൊല​മ​ര​ത്തി​ലേ​റ​റാൻ റോമാ​ക്കാ​രെ പ്രേരി​പ്പി​ച്ചു. ചിഹ്നങ്ങ​ളായ അപ്പവീ​ഞ്ഞു​ക​ളിൽ പങ്കുപ​റ​റാൻ യോഗ്യ​ത​യു​ള്ളവർ അങ്ങനെ ചെയ്യു​ന്നത്‌ അദ്ദേഹ​ത്തി​ന്റെ സ്‌മാ​ര​ക​മാ​യി​ട്ടാ​യി​രി​ക്കും.

എത്ര കൂടെ​ക്കൂ​ടെ അതാച​രി​ക്കണം?

“നിങ്ങൾ [കൂടെക്കൂടെ, NW] ഈ അപ്പം തിന്നു​ക​യും പാനപാ​ത്രം കുടി​ക്കു​ക​യും ചെയ്യു​മ്പോ​ഴൊ​ക്കെ​യും കർത്താവു വരു​വോ​ളം അവന്റെ മരണത്തെ പ്രസ്‌താ​വി​ക്കു​ന്നു” എന്ന പൗലോ​സി​ന്റെ വാക്കു​ക​ളു​ടെ അർത്ഥ​മെ​ന്താണ്‌? വിശ്വ​സ്‌ത​രായ അഭിഷി​ക്ത​ക്രി​സ്‌ത്യാ​നി​കൾ തങ്ങൾ പിന്നീടു സ്വർഗ്ഗീയ ജീവനി​ലേക്കു പുനരു​ത്ഥാ​നം പ്രാപി​ക്കു​ന്ന​തി​നു​വേണ്ടി മരിക്കു​ന്ന​തു​വരെ “കൂടെ​ക്കൂ​ടെ” സ്‌മാ​ര​ക​ചി​ഹ്ന​ങ്ങ​ളിൽ പങ്കുപ​റ​റും. അവർ അങ്ങനെ ദൈവ​ത്തി​ന്റെ​യും ലോക​ത്തി​ന്റെ​യും മുമ്പാകെ യേശു​വി​ന്റെ ബലി സംബന്ധിച്ച യഹോ​വ​യു​ടെ കരുത​ലി​ലുള്ള തങ്ങളുടെ വിശ്വാ​സത്തെ കൂടെ​ക്കൂ​ടെ പ്രഖ്യാ​പി​ക്കും. എത്ര നാൾ? “കർത്താവു വരു​വോ​ളം” എന്നു പൗലോസ്‌ പറഞ്ഞു, പ്രത്യ​ക്ഷ​ത്തിൽ ഈ ആചരണങ്ങൾ യേശു തന്റെ “സാന്നിദ്ധ്യ” കാലത്ത്‌ ഒരു പുനരു​ത്ഥാ​ന​ത്താൽ തന്റെ അഭിഷി​ക്താ​നു​ഗാ​മി​കളെ സ്വർഗ്ഗ​ത്തി​ലേക്കു സ്വീക​രി​ക്കാൻ വരുന്ന​തു​വരെ തുടരു​മെന്ന്‌ അർത്ഥമാ​ക്കി​ക്കൊ​ണ്ടു​തന്നെ. (1 തെസ്സ​ലൊ​നീ​ക്യർ 4:14-17) ഇതു വിശ്വ​സ്‌ത​രായ അപ്പൊ​സ്‌ത​ലൻമാ​രോ​ടുള്ള ക്രിസ്‌തു​വി​ന്റെ വാക്കു​കൾക്കു ചേർച്ച​യാ​യി​ട്ടാണ്‌: “ഞാൻ പോയി നിങ്ങൾക്കു സ്ഥലം ഒരുക്കി​യാൽ, ഞാൻ ഇരിക്കുന്ന ഇടത്തു നിങ്ങളും ഇരി​ക്കേ​ണ്ട​തി​ന്നു പിന്നെ​യും വന്നു നിങ്ങളെ എന്റെ അടുക്കൽ ചേർത്തു​കൊ​ള്ളും.”—യോഹ​ന്നാൻ 14:3.

ക്രിസ്‌തു​വി​ന്റെ ഓർമ്മ ആഘോ​ഷി​ക്കേ​ണ്ടതു ദിവസം​തോ​റു​മാ​ണോ അതോ ഒരുപക്ഷേ വാരം​തോ​റു​മാ​ണോ? കൊള്ളാം, യേശു കർത്താ​വി​ന്റെ സന്ധ്യാ​ഭ​ക്ഷണം ഏർപ്പെ​ടു​ത്തു​ക​യും വധത്തി​നി​ര​യാ​കു​ക​യും ചെയ്‌തത്‌ ഈജി​പ്‌റ​റി​ലെ അടിമ​ത്ത​ത്തിൽനി​ന്നുള്ള വിടു​ത​ലി​ന്റെ സ്‌മാ​ര​ക​മാ​യി​രുന്ന പെസഹാ​ദി​വ​സ​മാ​യി​രു​ന്നു. യഥാർത്ഥ​ത്തിൽ, ക്രിസ്‌ത്യാ​നി​കൾക്കു​വേണ്ടി ബലിയാ​യി​ത്തീർന്ന കുഞ്ഞാട്‌ അദ്ദേഹ​മാ​യ​തു​കൊണ്ട്‌ അദ്ദേഹത്തെ “നമ്മുടെ പെസഹ​ക്കു​ഞ്ഞാട്‌” എന്നു വിളി​ച്ചി​രി​ക്കു​ന്നു. (1 കൊരി​ന്ത്യർ 5:7) പെസഹാ ആചരി​ച്ചത്‌ വർഷത്തി​ലൊ​രി​ക്കൽമാ​ത്രം, നീസാൻ 14-ന്‌, ആയിരു​ന്നു. (പുറപ്പാ​ടു 12:6, 14; ലേവ്യ​പു​സ്‌തകം 23:5) ഇത്‌ പെസഹ വാർഷി​ക​മാ​യി കൂടെ​ക്കൂ​ടെ ആഘോ​ഷി​ക്കു​ന്ന​തു​പോ​ലെ, വാർഷി​ക​മാ​യി​ട്ടാണ്‌ യേശു​വി​ന്റെ മരണത്തി​ന്റെ സ്‌മാ​രകം ആഘോ​ഷി​ക്കേ​ണ്ടത്‌ എന്നു സൂചി​പ്പി​ക്കു​ന്നു—ദിവസം​തോ​റു​മോ വാരം​തോ​റു​മോ അല്ല.

പല നൂററാ​ണ്ടു​ക​ളിൽ, ക്രിസ്‌ത്യാ​നി​ക​ളെ​ന്ന​വ​കാ​ശ​പ്പെട്ട അനേകർ യേശു​വി​ന്റെ മരണത്തി​ന്റെ സ്‌മാ​ര​ക​മാ​ഘോ​ഷി​ച്ചത്‌ വർഷത്തി​ലൊ​രി​ക്ക​ലാ​യി​രു​ന്നു. അവർ നീസാൻ 14-ന്‌ അങ്ങനെ ചെയ്‌ത​തു​കൊണ്ട്‌ അവരെ “പതിനാ​ലു​കാർ” എന്നർത്ഥ​മുള്ള ക്വാർട്ടോ​ഡെ​സി​മെൻസ്‌ എന്നു വിളി​ച്ചി​രു​ന്നു. അവരെ​സം​ബ​ന്ധി​ച്ചു ചരി​ത്ര​കാ​ര​നായ ഫോൺ മോ​ഷൈം ഇങ്ങനെ എഴുതി: “ഏഷ്യാ​മൈ​ന​റി​ലെ ക്രിസ്‌ത്യാ​നി​കൾ കർത്താ​വി​ന്റെ അത്താഴ​ത്തി​ന്റെ ഏർപ്പെ​ടു​ത്ത​ലി​ന്റെ​യും യേശു​ക്രി​സ്‌തു​വി​ന്റെ മരണത്തി​ന്റെ​യും സ്‌മാ​ര​ക​മായ ഈ പവി​ത്ര​വി​രുന്ന്‌ ആഘോ​ഷി​ച്ചു​പോ​ന്നതു യഹൂദൻമാർ തങ്ങളുടെ പെസഹ​ക്കു​ഞ്ഞാ​ടി​നെ ഭക്ഷിച്ച അതേ സമയത്ത്‌, അതായത്‌, ഒന്നാം മാസത്തി​ന്റെ [നീസാൻ] പതിനാ​ലാം ദിവസം സന്ധ്യക്ക്‌ ആയിരു​ന്നു. . . . ക്രിസ്‌തു​വി​ന്റെ മാതൃ​കക്ക്‌ ഒരു നിയമ​ത്തി​ന്റെ ശക്തി ഉണ്ടെന്ന്‌ അവർ കരുതി.”

ചിഹ്നങ്ങ​ളു​ടെ അർത്ഥം

യേശു “അപ്പം എടുത്തു സ്‌തോ​ത്രം ചൊല്ലി നുറുക്കി” എന്നു പൗലോസ്‌ പറഞ്ഞു. പുളിപ്പ്‌ (അല്ലെങ്കിൽ യീസ്‌ററ്‌) ചേർക്കാ​തെ വെള്ളത്തിൽ മാവു കുഴച്ചു​ണ്ടാ​ക്കിയ ബിസ്‌ക​റ​റു​പോ​ലെ​യുള്ള അപ്പം ഭക്ഷിക്കു​ന്ന​തി​നു നുറു​ക്ക​ണ​മാ​യി​രു​ന്നു. ബൈബി​ളി​ലെ സൂചി​താർത്ഥ​ഭാ​ഷ​യിൽ പുളിപ്പു പാപത്തെ അല്ലെങ്കിൽ ദുഷി​പ്പി​നെ സൂചി​പ്പി​ക്കു​ന്നു. ഒരു ദുർമ്മാർഗ്ഗി​യായ മനുഷ്യ​നെ സഭയിൽനി​ന്നു പുറന്ത​ള്ളാൻ കൊരി​ന്ത്യ​ക്രി​സ്‌ത്യാ​നി​കളെ പ്രോ​ത്സാ​ഹി​പ്പി​ച്ചു​കൊ​ണ്ടു പൗലോസ്‌ പറഞ്ഞു: “അസാരം പുളി​മാ​വു പിണ്ഡത്തെ മുഴു​വ​നും പുളി​പ്പി​ക്കു​ന്നു എന്നു അറിയു​ന്നി​ല്ല​യോ? നിങ്ങൾ പുളി​പ്പി​ല്ലാ​ത്ത​വ​രാ​യി​രി​പ്പാൻ തക്കവണ്ണം പുതിയ പിണ്ഡം ആകേണ്ട​തി​ന്നു പഴയ പുളി​മാ​വി​നെ നീക്കി​ക്ക​ള​വിൻ. നമ്മുടെ പെസഹ​ക്കു​ഞ്ഞാ​ടും അറുക്ക​പ്പെ​ട്ടി​രി​ക്കു​ന്നു; ക്രിസ്‌തു​തന്നെ. ആകയാൽ നാം പഴയ പുളി​മാ​വു കൊണ്ടല്ല, തിൻമ​യും ദുഷ്ടത​യും ആയ പുളി​മാ​വു​കൊ​ണ്ടു​മല്ല, സ്വച്ഛത​യും സത്യവു​മായ പുളി​പ്പി​ല്ലാ​യ്‌മ​കൊ​ണ്ടു​തന്നേ ഉത്സവം ആചരിക്ക.” (1 കൊരി​ന്ത്യർ 5:6-8) അല്‌പം പുളി​മാവ്‌ അപ്പത്തിന്റെ മുഴു​പി​ണ്ഡ​ത്തെ​യും അഥവാ കൂട്ട​ത്തെ​യും പുളി​പ്പി​ക്കു​ന്ന​തു​പോ​ലെ, പാപപൂർണ്ണ​നായ മമനു​ഷ്യ​ന്റെ ദുഷി​പ്പി​ക്കുന്ന സ്വാധീ​നത്തെ നീക്കി​യി​ല്ലെ​ങ്കിൽ സഭ ദൈവ​ദൃ​ഷ്ടി​യിൽ അശുദ്ധ​മാ​യി​ത്തീ​രു​മാ​യി​രു​ന്നു. അവർ “പുളി​പ്പി​നെ” തങ്ങളുടെ മദ്ധ്യത്തിൽനി​ന്നു നീക്കം​ചെ​യ്യേ​ണ്ട​തു​ണ്ടാ​യി​രു​ന്നു, പെസഹാ​യെ തുടർന്നുള്ള പുളി​പ്പി​ല്ലാത്ത അപ്പത്തിന്റെ പെരു​നാ​ളി​ന്റെ കാലത്ത്‌ ഇസ്ര​യേ​ല്യർക്കു തങ്ങളുടെ വീടു​ക​ളിൽ പുളിപ്പ്‌ ഉണ്ടായി​രി​ക്കാൻ പാടി​ല്ലാ​ഞ്ഞ​തു​പോ​ലെ​തന്നെ.

പുളി​പ്പി​ല്ലാത്ത സ്‌മാരക അപ്പത്തെ​ക്കു​റി​ച്ചു യേശു പറഞ്ഞു: “ഇതു നിങ്ങൾക്കു​വേ​ണ്ടി​യുള്ള എന്റെ ശരീരം.” (1 കൊരി​ന്ത്യർ 11:24) അപ്പം യേശു​വി​ന്റെ പൂർണ്ണ​ത​യുള്ള ജഡിക​ശ​രീ​രത്തെ പ്രതി​നി​ധാ​നം​ചെ​യ്യു​ന്നു, അതി​നെ​ക്കു​റി​ച്ചു പൗലോസ്‌ ഇങ്ങനെ എഴുതി: “ലോക​ത്തിൽ വരു​മ്പോൾ: “ഹനനയാ​ഗ​വും വഴിപാ​ടും നീ [യേശു] ഇച്ഛിച്ചില്ല; എന്നാൽ ഒരു ശരീരം നീ എനിക്കു ഒരുക്കി​യി​രി​ക്കു​ന്നു. സർവ്വാം​ഗ​ഹോ​മ​ങ്ങ​ളി​ലും പാപയാ​ഗ​ങ്ങ​ളി​ലും നീ പ്രസാ​ദി​ച്ചില്ല. അപ്പോൾ ഞാൻ പറഞ്ഞു: ഇതാ, ഞാൻ വരുന്നു; പുസ്‌ത​ക​ച്ചു​രു​ളിൽ എന്നെക്കു​റി​ച്ചു എഴുതി​യി​രി​ക്കു​ന്നു; ദൈവമേ, നിന്റെ ഇഷ്ടം ചെയ്യാൻ ഞാൻ വരുന്നു” . . . ആ ഇഷ്ടത്തിൽ നാം യേശു​ക്രി​സ്‌തു ഒരിക്ക​ലാ​യി കഴിച്ച ശരീര​യാ​ഗ​ത്താൽ വിശു​ദ്ധീ​ക​രി​ക്ക​പ്പെ​ട്ടി​രി​ക്കു​ന്നു.” (എബ്രായർ 10:5-10) യേശു​വി​ന്റെ പൂർണ്ണ​ത​യുള്ള മനുഷ്യ​ശ​രീ​രം പാപര​ഹി​ത​മാ​യി​രു​ന്നു, മനുഷ്യ​വർഗ്ഗ​ത്തിന്‌ ഒരു മറുവി​ല​യാ​ഗ​മാ​യി ഉതകു​ക​യും ചെയ്‌തു.—എബ്രായർ 7:26.

മായം​ചേർക്കാ​ത്ത വീഞ്ഞിൻ പാനപാ​ത്ര​ത്തിൻമേൽ പ്രാർത്ഥിച്ച ശേഷം യേശു പറഞ്ഞു: “ഈ പാനപാ​ത്രം എന്റെ രക്തത്തിൽ പുതിയ നിയമം ആകുന്നു.” (1 കൊരി​ന്ത്യർ 11:25) മറെറാ​രു വിവർത്തനം ഇങ്ങനെ​യാണ്‌: “ഈ പാനപാ​ത്രം എന്റെ രക്തത്താൽ ഉറപ്പാ​ക്ക​പ്പെട്ട പുതിയ ഉടമ്പടി​യെ അർത്ഥമാ​ക്കു​ന്നു.” (മോഫ​ററ്‌) ബലി​ചെ​യ്യ​പ്പെ​ടുന്ന കാളക​ളു​ടെ​യും കോലാ​ടു​ക​ളു​ടെ​യും രക്തം ദൈവ​വും ഇസ്ര​യേൽജ​ന​ത​യു​മാ​യുള്ള ന്യായ​പ്ര​മാണ ഉടമ്പടി​യെ സാധു​വാ​ക്കി​യ​തു​പോ​ലെ, മരണത്തിൽ ചൊരി​യ​പ്പെട്ട യേശു​വി​ന്റെ രക്തം പുതിയ ഉടമ്പടി​യെ സാധു​വാ​ക്കി. ആ ഉടമ്പടി​യെ​ക്കു​റി​ച്ചുള്ള പരാമർശം സ്‌മാ​ര​ക​ചി​ഹ്ന​ങ്ങ​ളിൽ പങ്കുപ​റ​റാൻ യോഗ്യ​ത​യു​ള്ള​വരെ തിരി​ച്ച​റി​യാൻ നമ്മെ സഹായി​ക്കു​ന്നു.

ആർ പങ്കുപ​റ​റണം?

പുതിയ ഉടമ്പടി​യി​ലുള്ള യേശു​വി​ന്റെ അഭിഷി​ക്താ​നു​ഗാ​മി​കൾ ഉചിത​മാ​യി സ്‌മാ​ര​ക​ചി​ഹ്ന​ങ്ങ​ളിൽ പങ്കുപ​റ​റു​ന്നു. ഈ ഉടമ്പടി ചെയ്‌തി​രി​ക്കു​ന്നത്‌ ദൈവ​വും ആത്മീയ ഇസ്ര​യേ​ലും തമ്മിലാണ്‌. (യിരെ​മ്യാ​വു 31:31-34; ഗലാത്യർ 6:16) എന്നാൽ പുതിയ ഉടമ്പടി ഒടുവിൽ അനുസ​ര​ണ​മുള്ള സകല മനുഷ്യ​വർഗ്ഗ​ത്തി​നും അനു​ഗ്ര​ഹങ്ങൾ കൈവ​രു​ത്തും, നിങ്ങൾക്ക്‌ ആ അനു​ഗ്ര​ഹങ്ങൾ സ്വീക​രി​ക്കു​ന്ന​വ​രിൽ ഉൾപ്പെ​ടാൻ കഴിയും.

സ്‌മാ​ര​ക​ചി​ഹ്ന​ങ്ങ​ളിൽ പങ്കുപ​റ​റു​ന്നവർ യേശു ചെയ്‌ത രാജ്യ​ത്തി​നു​വേ​ണ്ടി​യുള്ള വ്യക്തി​പ​ര​മായ ഉടമ്പടി​യി​ലാ​യി​രി​ക്കണം. ഈ ഭക്ഷണം ഏർപ്പെ​ടു​ത്തി​യ​പ്പോൾ, യേശു വിശ്വ​സ്‌ത​രായ തന്റെ അപ്പൊ​സ്‌ത​ലൻമാ​രോട്‌ ഇങ്ങനെ പറഞ്ഞു: “എന്റെ പിതാവു എനിക്കു രാജ്യം നിയമി​ച്ചു​ത​ന്ന​തു​പോ​ലെ, ഞാൻ നിങ്ങൾക്കും നിയമി​ച്ചു​ത​രു​ന്നു.” (ലൂക്കൊസ്‌ 22:29) ദൈവം ദാവീ​ദു​രാ​ജാ​വു​മാ​യി ചെയ്‌ത രാജ്യ​ഉ​ട​മ്പടി സ്വർഗ്ഗീയ രാജ്യ​ത്തിൽ എന്നേക്കും ഭരിക്കാ​നുള്ള യേശു​വി​ന്റെ വരവി​ലേക്കു മുമ്പോ​ട്ടു വിരൽചൂ​ണ്ടി. അവനു​മാ​യി ഭരണാ​ധി​പ​ത്യം പങ്കിടാൻ പോകുന്ന 1,44,000 ആത്മീയ ഇസ്ര​യേ​ല്യർ കുഞ്ഞാ​ടായ യേശു​ക്രി​സ്‌തു​വി​നോ​ടു​കൂ​ടെ സ്വർഗ്ഗീയ സീയോൻമ​ല​യിൽ നിൽക്കു​ന്ന​താ​യി വർണ്ണി​ക്ക​പ്പെ​ട്ടി​രി​ക്കു​ന്നു. അവർ ഉയിർപ്പി​ക്ക​പ്പെ​ടു​മ്പോൾ സഹരാ​ജാ​ക്കൻമാ​രും പുരോ​ഹി​തൻമാ​രു​മെ​ന്ന​നി​ല​യിൽ ക്രിസ്‌തു​വി​നോ​ടു​കൂ​ടെ ഭരിക്കും. (2 ശമൂവേൽ 7:11-16; വെളി​പ്പാ​ടു 7:4; 14:1-4; 20:6) പുതിയ ഉടമ്പടി​യി​ലും യേശു​വു​മാ​യുള്ള വ്യക്തി​പ​ര​മായ ഉടമ്പടി​യി​ലു​മു​ള്ളവർ ഉചിത​മാ​യി കർത്താ​വി​ന്റെ സന്ധ്യാ​ഭ​ക്ഷ​ണ​ത്തി​ന്റെ ചിഹ്നങ്ങ​ളിൽ പങ്കുപ​റ​റു​ന്നു.

അഭിഷി​ക്തർ ദൈവ​ത്തി​ന്റെ മക്കളും ക്രിസ്‌തു​വി​ന്റെ കൂട്ടവ​കാ​ശി​ക​ളു​മാ​ണെന്ന്‌ ദൈവ​ത്തി​ന്റെ ആത്മാവ്‌ അവരുടെ ആത്മാ​വോ​ടു​കൂ​ടെ സാക്ഷ്യം​വ​ഹി​ക്കു​ന്നു. പൗലോസ്‌ ഇങ്ങനെ എഴുതി: “നാം ദൈവ​ത്തി​ന്റെ മക്കൾ എന്നു ആത്മാവു​താ​നും നമ്മുടെ ആത്മാ​വോ​ടു​കൂ​ടെ സാക്ഷ്യം പറയുന്നു. നാം മക്കൾ എങ്കിലോ അവകാ​ശി​ക​ളും ആകുന്നു; ദൈവ​ത്തി​ന്റെ അവകാ​ശി​ക​ളും ക്രിസ്‌തു​വി​ന്നു കൂട്ടവ​കാ​ശി​ക​ളും തന്നേ; നാം അവനോ​ടു​കൂ​ടെ തേജസ്‌ക​രി​ക്ക​പ്പെ​ടേ​ണ്ട​തി​ന്നു അവനോ​ടു​കൂ​ടെ കഷ്ടമനു​ഭ​വി​ച്ചാ​ല​ത്രേ.” (റോമർ 8:16, 17) ദൈവ​ത്തി​ന്റെ പരിശു​ദ്ധാ​ത്മാവ്‌ അഥവാ പ്രവർത്ത​ന​നി​ര​ത​മായ ശക്തി അഭിഷി​ക്ത​രിൽ അവർ സ്വർഗ്ഗീയ ജീവനു നിശ്ചയി​ക്ക​പ്പെ​ട്ടി​രി​ക്കു​ന്ന​വ​രാ​ണെന്ന ഉറപ്പ്‌ ഉളവാ​ക്കു​ന്നു. സ്വർഗ്ഗീയ ജീവ​നെ​ക്കു​റി​ച്ചു തിരു​വെ​ഴു​ത്തു​കൾ പറയു​ന്ന​തെ​ല്ലാം തങ്ങളേ​സം​ബ​ന്ധി​ച്ചാ​ണെന്ന്‌ അവർ വീക്ഷി​ക്കു​ക​യും മാനു​ഷ​ജീ​വി​തം ഉൾപ്പെടെ സകല ഭൗമി​ക​കാ​ര്യ​ങ്ങ​ളും ത്യജി​ക്കാൻ മനസ്സു​ള്ള​വ​രാ​യി​രി​ക്കു​ക​യും ചെയ്യുന്നു. ഭൗമി​ക​പ​റു​ദീ​സ​യി​ലെ ജീവിതം വിശി​ഷ്ട​മാ​യി​രി​ക്കു​മെ​ങ്കി​ലും അവർക്ക്‌ ആ പ്രത്യാശ ഇല്ല. (ലൂക്കൊസ്‌ 23:43) വ്യാജ മതവീ​ക്ഷ​ണ​ങ്ങ​ളി​ല​ധി​ഷ്‌ഠി​ത​മ​ല്ലാത്ത സുനി​ശ്ചി​ത​വും മാററ​മി​ല്ലാ​ത്ത​തു​മായ ഒരു സ്വർഗ്ഗീയ പ്രത്യാശ സ്‌മാ​ര​ക​ചി​ഹ്ന​ങ്ങ​ളിൽ പങ്കുപ​റ​റാൻ അവരെ യോഗ്യ​രാ​ക്കു​ന്നു.

ഒരുവനു സ്വർഗ്ഗീ​യ​രാ​ജാ​വും പുരോ​ഹി​ത​നു​മാ​യി​രി​ക്കാ​നുള്ള വിളി​യി​ല്ലാ​ത്ത​പ്പോൾ അങ്ങനെ​യാ​യി​രി​ക്കാൻ വിളി​ക്ക​പ്പെ​ട്ട​വ​നാ​യി സ്വയം ചിത്രീ​ക​രി​ക്കു​ന്നു​വെ​ങ്കിൽ യഹോവ അപ്രീ​തി​പ്പെ​ടും. (റോമർ 9:16; വെളി​പ്പാ​ടു 22:5) ധിക്കാ​ര​പൂർവം പൗരോ​ഹി​ത്യം നേടാൻ ശ്രമി​ച്ച​തു​കൊ​ണ്ടു ദൈവം കോര​ഹി​നെ വധിച്ചു. (പുറപ്പാ​ടു 28:1; സംഖ്യാ​പു​സ്‌തകം 16:4-11, 31-35) അതു​കൊണ്ട്‌, ശക്തമായ വികാ​ര​ങ്ങ​ളോ മതപര​മായ മുൻ ആശയങ്ങ​ളോ ഒരാൾ സ്‌മാ​ര​ക​ചി​ഹ്ന​ങ്ങ​ളിൽ തെററാ​യി പങ്കുപ​റ​റാൻ ഇടയാ​ക്കി​യാ​ലെന്ത്‌? അപ്പോൾ അയാൾ പങ്കെടു​ക്കൽ നിർത്തു​ക​യും ദൈവ​ത്തി​ന്റെ ക്ഷമക്കായി താഴ്‌മ​യോ​ടെ പ്രാർത്ഥി​ക്കു​ക​യും ചെയ്യണം.—സങ്കീർത്തനം 19:13.

നിങ്ങളെ ബാധി​ക്കുന്ന വിധം

യേശു​വി​ന്റെ മറുവി​ല​യാ​ഗ​ത്തിൽനി​ന്നു പ്രയോ​ജ​നം​കി​ട്ടു​ന്ന​തി​നും ഭൂമി​യിൽ നിത്യ​ജീ​വൻ പ്രാപി​ക്കു​ന്ന​തി​നും ഒരാൾ സ്‌മാ​ര​ക​ചി​ഹ്ന​ങ്ങ​ളിൽ പങ്കുപ​റേ​റ​ണ്ട​യാ​വ​ശ്യ​മില്ല. ഉദാഹ​ര​ണ​ത്തിന്‌, അബ്രഹാം, സാറാ, ഇസ്‌ഹാക്ക്‌, റിബേക്കാ, ബോവസ്‌, രൂത്ത്‌, ദാവീദ്‌ എന്നിങ്ങനെ ദൈവ​ഭ​യ​മു​ണ്ടാ​യി​രുന്ന ആളുകൾ ഈ ചിഹ്നങ്ങ​ളിൽ എന്നെങ്കി​ലും പങ്കുപ​റ​റു​മെന്നു ബൈബിൾ സൂചി​പ്പി​ക്കു​ന്നില്ല. എന്നാൽ അവരും ഈ ഭൂഗോ​ള​ത്തി​ലെ അനന്തജീ​വൻ ആഗ്രഹി​ക്കുന്ന മറെറ​ല്ലാ​വ​രും ദൈവ​ത്തി​ലും ക്രിസ്‌തു​വി​ലും യേശു​വി​ന്റെ മറുവി​ല​യാ​ഗം സംബന്ധിച്ച യഹോ​വ​യു​ടെ കരുത​ലി​ലും വിശ്വാ​സം പ്രകട​മാ​ക്കേ​ണ്ട​താണ്‌. (യോഹ​ന്നാൻ 3:36; 14:1) ക്രിസ്‌തു​വി​ന്റെ മരണത്തി​ന്റെ വാർഷി​കാ​ച​രണം ആ വലിയ ബലിയു​ടെ ഒരു ഓർമ്മി​പ്പി​ക്ക​ലാ​യി ഉതകുന്നു.

“നിങ്ങൾ പാപം ചെയ്യാ​തി​രി​പ്പാൻ ഞാൻ ഇതു നിങ്ങൾക്കു എഴുതു​ന്നു. ഒരുത്തൻ പാപം ചെയ്‌തു എങ്കിലോ, നീതി​മാ​നായ യേശു​ക്രി​സ്‌തു എന്ന കാര്യസ്ഥൻ നമുക്കു പിതാ​വി​ന്റെ അടുക്കൽ ഉണ്ടു. അവൻ നമ്മുടെ പാപങ്ങൾക്കു പ്രായ​ശ്ചി​ത്തം ആകുന്നു; നമ്മു​ടേ​തി​ന്നു മാത്രം അല്ല, സർവ്വ ലോക​ത്തി​ന്റെ പാപത്തി​ന്നും തന്നേ” എന്നു അപ്പൊ​സ്‌ത​ല​നായ യോഹ​ന്നാൻ എഴുതി​യ​പ്പോൾ യേശു​വി​ന്റെ മറുവി​ല​യാ​ഗ​ത്തി​ന്റെ പ്രാധാ​ന്യം പ്രകട​മാ​ക്ക​പ്പെട്ടു. (1 യോഹ​ന്നാൻ 2:1, 2) യേശു “[തങ്ങളുടെ] പാപങ്ങൾക്കു പ്രായ​ശ്ചി​ത്തം ആകുന്നു” എന്ന്‌ അഭിഷി​ക്ത​ക്രി​സ്‌ത്യാ​നി​കൾക്കു പറയാൻ കഴിയും. എന്നിരു​ന്നാ​ലും, അദ്ദേഹം മുഴു​ലോ​ക​ത്തി​ന്റെ​യും പാപങ്ങൾക്കു​വേ​ണ്ടി​യുള്ള ഒരു യാഗവും​കൂ​ടെ​യാ​കു​ന്നു, ഇപ്പോൾ വളരെ​യ​ടു​ത്തി​രി​ക്കുന്ന പറുദീ​സാ​ഭൂ​മി​യിൽ അനുസ​ര​ണ​മുള്ള മനുഷ്യ​വർഗ്ഗ​ത്തി​നു നിത്യ​ജീ​വൻ സാദ്ധ്യ​മാ​ക്കി​ക്കൊ​ണ്ടു​തന്നെ.

ക്രിസ്‌തു​വി​ന്റെ മരണത്തി​ന്റെ സ്‌മാ​ര​ക​ത്തി​നു ഹാജരാ​കു​ന്ന​തി​നാൽ നിങ്ങൾക്കു ചിന്തോ​ദ്ദീ​പ​ക​മായ ഒരു ബൈബിൾപ്ര​സം​ഗ​ത്തിൽനി​ന്നു പ്രയോ​ജനം കിട്ടും. യഹോ​വ​യാം ദൈവ​വും യേശു​ക്രി​സ്‌തു​വും നമുക്കു​വേണ്ടി എത്രയ​ധി​കം ചെയ്‌തി​രി​ക്കു​ന്നു​വെന്നു നിങ്ങളെ ഓർമ്മ​പ്പെ​ടു​ത്തും. ദൈവ​ത്തോ​ടും ക്രിസ്‌തു​വി​നോ​ടും യേശു​വി​ന്റെ മറുവി​ല​യാ​ഗ​ത്തോ​ടും ആഴമായ ആദരവു​ള്ള​വ​രു​മാ​യി സമ്മേളി​ക്കു​ന്നത്‌ ആത്മീയ​മാ​യി പ്രതി​ഫ​ല​ദാ​യ​ക​മാ​യി​രി​ക്കും. ആ അവസരം നിത്യ​ജീ​വ​നി​ലേക്കു നയിക്കുന്ന, ദൈവ​ത്തി​ന്റെ അനർഹദയ സ്വീക​രി​ക്കുന്ന ഒരാളാ​യി​ത്തീ​രാ​നുള്ള നിങ്ങളു​ടെ ആഗ്രഹത്തെ വേണ്ട​പോ​ലെ ശക്തീക​രി​ച്ചേ​ക്കാം. യേശു​ക്രി​സ്‌തു​വി​ന്റെ മരണത്തി​ന്റെ സ്‌മാ​ര​ക​മാ​ഘോ​ഷി​ക്കു​ന്ന​തിന്‌ 1993 ഏപ്രിൽ 6-ന്‌ സൂര്യാ​സ്‌തമയ ശേഷം യഹോ​വ​യു​ടെ സാക്ഷി​ക​ളോ​ടു​കൂ​ടെ കൂടി​വ​രാൻ ഞങ്ങൾ ഹൃദയം​ഗ​മ​മാ​യി നിങ്ങളെ ക്ഷണിക്കു​ക​യാണ്‌, എന്തു​കൊ​ണ്ടെ​ന്നാൽ കർത്താ​വി​ന്റെ സന്ധ്യാ​ഭ​ക്ഷ​ണ​ത്തി​നു നിങ്ങ​ളെ​സം​ബ​ന്ധി​ച്ചു വലിയ അർത്ഥമു​ണ്ടാ​യി​രി​ക്കാൻ കഴിയും. (w93 3⁄15)