“നിങ്ങളു​ടെ ന്യായ​യു​ക്ത​മായ ചിന്താ​ശ​ക്തി​യോ​ടു​കൂ​ടിയ ഒരു വിശുദ്ധ സേവനം”

“നിങ്ങളു​ടെ ശരീര​ങ്ങളെ ജീവനു​ള്ള​തും വിശു​ദ്ധ​വും ദൈവ​ത്തി​നു സ്വീകാ​ര്യ​വു​മായ ഒരു യാഗമാ​യി, നിങ്ങളു​ടെ ന്യായ​യു​ക്ത​മായ ചിന്താ​ശ​ക്തി​യോ​ടു​കൂ​ടിയ ഒരു വിശുദ്ധ സേവന​മാ​യി അർപ്പി​ക്കു​വിൻ.”—റോമർ 12:1, NW.

1, 2. ബൈബിൾ തത്ത്വങ്ങൾ ബാധക​മാ​ക്കാൻ പഠിക്കു​ന്നത്‌ ഒരു പുതിയ ഭാഷ വശമാ​ക്കു​ന്ന​തു​പോ​ലെ ആയിരി​ക്കു​ന്ന​തെ​ങ്ങനെ?

നിങ്ങൾ എപ്പോ​ഴെ​ങ്കി​ലും ഒരു പുതിയ ഭാഷ പഠിക്കാൻ ശ്രമി​ച്ചി​ട്ടു​ണ്ടോ? അങ്ങനെ​യെ​ങ്കിൽ, അതൊരു ബുദ്ധി​മു​ട്ടു​പി​ടിച്ച പണിയാ​ണെന്നു നിങ്ങൾ തീർച്ച​യാ​യും സമ്മതി​ക്കും. എന്തൊ​ക്കെ​യാ​യാ​ലും, കേവലം കുറെ പുതിയ വാക്കുകൾ പഠിച്ച​തു​കൊ​ണ്ടാ​യില്ല. ഭാഷ വിദഗ്‌ധ​മാ​യി കൈകാ​ര്യം ചെയ്യു​ന്ന​തിന്‌ അതിന്റെ വ്യാക​രണം നന്നായി വശമാ​ക്കേണ്ട ആവശ്യ​മുണ്ട്‌. വാക്കുകൾ എങ്ങനെ പരസ്‌പരം ബന്ധപ്പെ​ടു​ന്നു എന്നും അവ എങ്ങനെ ഒരുമി​ച്ചു​ചേർന്ന്‌ പൂർണ​മായ ചിന്തകൾക്കു രൂപം കൊടു​ക്കു​ന്നു എന്നും നിങ്ങൾ ഗ്രഹി​ക്കണം.

² അതു​പോ​ലെ​ത​ന്നെ​യാ​ണു ദൈവ​വ​ച​ന​ത്തെ​ക്കു​റി​ച്ചുള്ള നമ്മുടെ പരിജ്ഞാ​നം നേടലും. അവിട​ന്നും ഇവിട​ന്നു​മാ​യി ഏതാനും തിരു​വെ​ഴു​ത്തു ഭാഗങ്ങൾ അറിയു​ന്ന​തു​കൊ​ണ്ടാ​യില്ല. ഒരുത​ര​ത്തിൽ പറഞ്ഞാൽ, നാം ബൈബി​ളി​ന്റെ വ്യാക​ര​ണ​വും പഠിക്കണം. തിരു​വെ​ഴു​ത്തു​കൾ എങ്ങനെ പരസ്‌പരം ബന്ധപ്പെ​ടു​ന്നു എന്നും അവ അനുദിന ജീവി​ത​ത്തിൽ ബാധക​മാ​ക്കാ​വുന്ന തത്ത്വങ്ങൾ എന്നനി​ല​യിൽ എങ്ങനെ ഉതകുന്നു എന്നും നാം ഗ്രഹി​ക്കേ​ണ്ട​യാ​വ​ശ്യ​മുണ്ട്‌. അങ്ങനെ “സകല സൽപ്ര​വൃ​ത്തി​ക്കും വക പ്രാപി​ച്ചു തികഞ്ഞവ”രായി​ത്തീ​രാൻ നമുക്കു സാധി​ക്കും.—2 തിമൊ​ഥെ​യൊസ്‌ 3:17.

3. ദൈവ​സേ​വനം സംബന്ധിച്ച്‌, പൊ.യു. 33-ൽ എന്തു മാറ്റം സംഭവി​ച്ചു?

³ മോ​ശൈക ന്യായ​പ്ര​മാണ സംഹി​ത​യു​ടെ ക്രമീ​ക​ര​ണ​ത്തിൻ കീഴിൽ, വിശ്വ​സ്‌തത പ്രകടി​പ്പി​ക്ക​ണ​മെ​ന്നു​ണ്ടെ​ങ്കിൽ, നന്നായി നിർവ​ചി​ക്ക​പ്പെട്ട നിയമങ്ങൾ കാര്യ​മായ അളവിൽ കർശന​മാ​യി പാലി​ച്ചാൽ മതിയാ​യി​രു​ന്നു. എന്നിരു​ന്നാ​ലും, പൊ.യു. 33-ൽ, യഹോവ ന്യായ​പ്ര​മാ​ണം എടുത്തു​ക​ളഞ്ഞു. ഫലത്തിൽ, തന്റെ പുത്രനെ വധിച്ച “ദണ്ഡനസ്‌തം​ഭ​ത്തിൽ അതിനെ തറയ്‌ക്കു”കയായി​രു​ന്നു. (കൊ​ലോ​സ്യർ 2:13, 14, NW) അതിനു​ശേഷം, അർപ്പി​ക്കാ​നുള്ള ബലിക​ളു​ടെ​യും പിൻപ​റ്റാ​നുള്ള നിയമ​ങ്ങ​ളു​ടെ​യും വിപു​ല​മായ ഒരു പട്ടിക ദൈവ​ജ​ന​ത്തി​നു കൊടു​ത്തില്ല. മറിച്ച്‌, അവരോട്‌ ഇങ്ങനെ പറയ​പ്പെട്ടു: “നിങ്ങളു​ടെ ശരീര​ങ്ങളെ ജീവനു​ള്ള​തും വിശു​ദ്ധ​വും ദൈവ​ത്തി​നു സ്വീകാ​ര്യ​വു​മായ ഒരു യാഗമാ​യി, നിങ്ങളു​ടെ ന്യായ​യു​ക്ത​മായ ചിന്താ​ശ​ക്തി​യോ​ടു​കൂ​ടിയ ഒരു വിശുദ്ധ സേവന​മാ​യി അർപ്പി​ക്കു​വിൻ.” (റോമർ 12:1, NW) അതേ, ക്രിസ്‌ത്യാ​നി​കൾ മുഴു​ഹൃ​ദ​യ​ത്തോ​ടും ദേഹി​യോ​ടും മനസ്സോ​ടും ശക്തി​യോ​ടും​കൂ​ടെ ദൈവ​സേ​വ​ന​ത്തിൽ തീവ്ര​ശ്രമം ചെയ്യണ​മാ​യി​രു​ന്നു. (മർക്കൊസ്‌ 12:30; താരത​മ്യം ചെയ്യുക: സങ്കീർത്തനം 110:3) എന്നാൽ “നിങ്ങളു​ടെ ന്യായ​യു​ക്ത​മായ ചിന്താ​ശ​ക്തി​യോ​ടു​കൂ​ടിയ വിശുദ്ധ സേവനം” അർപ്പി​ക്കു​ന്ന​തി​ന്റെ അർഥം എന്താണ്‌?

4, 5. നമ്മുടെ ന്യായ​യു​ക്ത​മായ ചിന്താ​ശ​ക്തി​യോ​ടെ യഹോ​വയെ സേവി​ക്കു​ന്ന​തിൽ എന്തുൾപ്പെ​ട്ടി​രി​ക്കു​ന്നു?

⁴ “യുക്തി​പൂർവ​ക​മായ” അഥവാ “ബുദ്ധി​യുള്ള” എന്ന്‌ അർഥമുള്ള ലോഗി​ക്കോസ്‌ എന്ന ഗ്രീക്കു പദത്തെ​യാ​ണു “ന്യായ​യു​ക്ത​മായ ചിന്താ​ശക്തി” എന്നു പരിഭാ​ഷ​പ്പെ​ടു​ത്തി​യി​രി​ക്കു​ന്നത്‌. ഒരു ബൈബിൾ പരിശീ​ലിത മനസ്സാക്ഷി ഉപയോ​ഗി​ക്കാൻ ദൈവ​ദാ​സ​ന്മാ​രോട്‌ ആവശ്യ​പ്പെ​ട്ടി​രി​ക്കു​ന്നു. തങ്ങളുടെ തീരു​മാ​നങ്ങൾ നേരത്തെ ഉണ്ടാക്കി​വെ​ച്ചി​രി​ക്കുന്ന എണ്ണമറ്റ നിയമ​ങ്ങ​ളിൽ അടിസ്ഥാ​ന​പ്പെ​ടു​ത്തു​ന്ന​തി​നു​പ​കരം, ക്രിസ്‌ത്യാ​നി​കൾ ബൈബിൾ തത്ത്വങ്ങളെ ശ്രദ്ധാ​പൂർവം വിലയി​രു​ത്തേ​ണ്ട​താണ്‌. അവർ ബൈബി​ളി​ന്റെ “വ്യാക​രണം” അഥവാ എങ്ങനെ അതിന്റെ വിവിധ തത്ത്വങ്ങൾ പരസ്‌പരം ബന്ധപ്പെ​ട്ടി​രി​ക്കു​ന്നു​വെന്നു മനസ്സി​ലാ​ക്കേ​ണ്ട​തുണ്ട്‌. അങ്ങനെ, ന്യായ​യു​ക്ത​മായ ചിന്താ​ശക്തി ഉപയോ​ഗിച്ച്‌ അവർക്കു സമനി​ല​യുള്ള തീരു​മാ​നങ്ങൾ കൈ​ക്കൊ​ള്ളാ​നാ​വും.

⁵ ഇതിന്റെ അർഥം ക്രിസ്‌ത്യാ​നി​കൾക്കു യാതൊ​രു നിയമ​ങ്ങ​ളും ഇല്ലെന്നാ​ണോ? നിശ്ചയ​മാ​യും അല്ല. വിഗ്ര​ഹാ​രാ​ധന, ലൈം​ഗിക അധാർമി​കത, കൊല​പാ​തകം, നുണ പറച്ചിൽ, ആത്മവിദ്യ, രക്തത്തിന്റെ ദുരു​പ​യോ​ഗം എന്നിവ​യെ​യും മറ്റനേക പാപങ്ങ​ളെ​യും ക്രിസ്‌തീയ ഗ്രീക്കു തിരു​വെ​ഴു​ത്തു​കൾ വ്യക്തമാ​യി വിലക്കു​ന്നു. (പ്രവൃ​ത്തി​കൾ 15:28, 29; 1 കൊരി​ന്ത്യർ 6:9, 10; വെളി​പ്പാ​ടു 21:8) ഇസ്രാ​യേ​ല്യ​രോട്‌ ആവശ്യ​പ്പെ​ട്ടി​രു​ന്ന​തി​നെ​ക്കാ​ളും വളരെ കൂടുതൽ നാം ബൈബിൾ തത്ത്വങ്ങൾ പഠിക്കാ​നും ബാധക​മാ​ക്കാ​നും നമ്മുടെ ന്യായ​യു​ക്ത​മായ ചിന്താ​ശക്തി ഉപയോ​ഗി​ക്കണം. കൂടു​ത​ലും ഒരു പുതിയ ഭാഷ പഠി​ച്ചെ​ടു​ക്കു​മ്പോ​ഴെ​ന്ന​പോ​ലെ ഇതിനു സമയവും ശ്രമവും ആവശ്യ​മാണ്‌. എങ്ങനെ​യാ​ണു നമ്മുടെ ന്യായ​യു​ക്ത​മായ ചിന്താ​ശക്തി വളർത്തി​യെ​ടു​ക്കാ​നാ​വുക?

നിങ്ങളു​ടെ ന്യായ​യു​ക്ത​മായ ചിന്താ​ശക്തി വളർത്തി​യെ​ടു​ക്കൽ

6. ബൈബിൾ പഠിക്കു​ന്ന​തിൽ എന്തുൾപ്പെ​ടു​ന്നു?

⁶ ഒന്നാമ​താ​യി, നാം ബൈബി​ളി​ന്റെ ഉത്സാഹ​മുള്ള പഠിതാ​ക്ക​ളാ​യി​രി​ക്കണം. ദൈവ​ത്തി​ന്റെ നിശ്വസ്‌ത വചനം “പ്രബോ​ധ​ന​ത്തി​നും ശാസന​ത്തി​നും തെറ്റു​തി​രു​ത്ത​ലി​നും നീതി​യി​ലുള്ള പരിശീ​ല​ന​ത്തി​നും ഉപകരി​ക്കു​ന്നു.” 2 തിമോ​ത്തേ​യോസ്‌ 3:16, പി.ഒ.സി. ബൈ.) ഒരു പ്രശ്‌ന​ത്തി​നുള്ള ഉത്തരം ഒരൊറ്റ ബൈബിൾ വാക്യ​ത്തിൽ വിവരി​ച്ചി​ട്ടു​ണ്ടാ​വു​മെന്നു നാം എല്ലായ്‌പ്പോ​ഴും പ്രതീ​ക്ഷി​ക്ക​രുത്‌. ഒരു പ്രത്യേക സ്ഥിതി​വി​ശേ​ഷ​ത്തി​ന്മേ​ലോ പ്രശ്‌ന​ത്തി​ന്മേ​ലോ വെളിച്ചം വീശുന്ന പല തിരു​വെ​ഴു​ത്തു​ക​ളെ​ക്കു​റി​ച്ചു നാം ന്യായ​യു​ക്ത​മാ​യി ചിന്തി​ക്കേ​ണ്ടി​വ​ന്നേ​ക്കാം. പ്രസ്‌തുത സംഗതി സംബന്ധി​ച്ചു ദൈവ​ത്തി​ന്റെ ചിന്ത എന്തെന്ന്‌ അറിയു​ന്ന​തി​നു നാം ശുഷ്‌കാ​ന്തി​യോ​ടെ ഒരു അന്വേ​ഷണം നടത്തേ​ണ്ടി​വ​രും. (സദൃശ​വാ​ക്യ​ങ്ങൾ 2:3-5) നമുക്കു ഗ്രാഹ്യ​വും ആവശ്യ​മാണ്‌, കാരണം “ഗ്രാഹ്യ​മുള്ള ഒരു മനുഷ്യൻ വിദഗ്‌ധ നിർദേശം തേടു​ന്ന​വ​നാണ്‌.” (സദൃശ​വാ​ക്യ​ങ്ങൾ 1:5, NW) ഗ്രാഹ്യ​മുള്ള ഒരു വ്യക്തിക്ക്‌ ഒരു സംഗതി​യു​ടെ ഒറ്റയായ ഘടകങ്ങളെ വേർതി​രി​ക്കാ​നും തുടർന്ന്‌ അവയുടെ പരസ്‌പര ബന്ധം ഗ്രഹി​ക്കാ​നും സാധി​ക്കും. കഷണങ്ങ​ളാ​ക്കിയ ഒരു ചിത്ര​പ്ര​ശ്‌ന​ത്തി​ന്റെ (jigsaw puzzle) കാര്യ​ത്തി​ലെ​ന്ന​പോ​ലെ, അയാൾ കഷണങ്ങളെ ഒരുമി​ച്ചു​ചേർത്തു​വെ​ക്കു​ന്നു, അങ്ങനെ മുഴു​ചി​ത്ര​വും അദ്ദേഹ​ത്തി​നു കാണാൻ സാധി​ക്കു​ന്നു.

7. ശിക്ഷണ​ത്തി​ന്റെ കാര്യ​ത്തിൽ, മാതാ​പി​താ​ക്കൾക്കു ബൈബിൾ തത്ത്വങ്ങളെ സംബന്ധി​ച്ചു ന്യായ​യു​ക്ത​മാ​യി ചിന്തി​ക്കാൻ സാധി​ക്കു​ന്ന​തെ​ങ്ങനെ?

⁷ ഉദാഹ​ര​ണ​ത്തിന്‌, മാതാ​പി​താ​ക്ക​ളാ​യി​രി​ക്കുന്ന അവസ്ഥ​യെ​ക്കു​റി​ച്ചു ചിന്തിക്കുക. മകനെ സ്‌നേ​ഹി​ക്കുന്ന പിതാവ്‌ “അവനെ ശിക്ഷി​ക്കു​ന്നു” എന്നു സദൃശ​വാ​ക്യ​ങ്ങൾ 13:24 പറയുന്നു. ഈ തിരു​വെ​ഴു​ത്തു മാത്ര​മാ​യി എടുക്കു​ന്നെ​ങ്കിൽ, മയമി​ല്ലാത്ത, നിർദ​യ​മായ ശിക്ഷയെ ന്യായീ​ക​രി​ക്കാൻ ഇതു തെറ്റായി ബാധക​മാ​ക്കാ​വു​ന്ന​താണ്‌. എന്നാൽ കൊ​ലോ​സ്യർ 3:21 [NW] സന്തുലി​ത​മായ പ്രബോ​ധനം നൽകുന്നു: “നിങ്ങളു​ടെ മക്കൾ നിരു​ത്സാ​ഹി​ത​രാ​യി​ത്തീ​രാ​തി​രി​ക്കേ​ണ്ട​തിന്‌ അവരെ പ്രകോ​പി​പ്പി​ച്ചു​കൊ​ണ്ടി​രി​ക്ക​രുത്‌.” തങ്ങളുടെ ന്യായ​യു​ക്ത​മായ ചിന്താ​ശക്തി ഉപയോ​ഗി​ക്കു​ക​യും ഈ തത്ത്വങ്ങൾ സമന്വ​യി​പ്പി​ക്കു​ക​യും ചെയ്യുന്ന മാതാ​പി​താ​ക്കൾ “മോശ”മെന്നു പറയാ​വുന്ന ശിക്ഷകൾ നടപ്പാ​ക്കു​ക​യില്ല. ഊഷ്‌മ​ള​ത​യോ​ടും പരിഗ​ണ​ന​യോ​ടും അന്തസ്സോ​ടും​കൂ​ടെ​യാ​യി​രി​ക്കും അവർ മക്കളോട്‌ ഇടപെ​ടുക. (എഫെസ്യർ 6:4) അങ്ങനെ, മാതാ​പി​താ​ക്കൾ ആയിരി​ക്കുന്ന അവസ്ഥയു​ടെ​യോ ബൈബിൾ തത്ത്വങ്ങൾ ഉൾപ്പെ​ടുന്ന വേറെ ഏതെങ്കി​ലും സംഗതി​യു​ടെ​യോ കാര്യ​ത്തിൽ, ബന്ധപ്പെട്ട എല്ലാ ഘടകങ്ങ​ളും അപഗ്ര​ഥി​ച്ചു​കൊണ്ട്‌ നമുക്കു നമ്മുടെ ന്യായ​യു​ക്ത​മായ ചിന്താ​ശ​ക്തി​യെ വികസി​പ്പി​ച്ചെ​ടു​ക്കാ​നാ​വും. ഈ വിധത്തിൽ, ബൈബിൾ തത്ത്വങ്ങ​ളു​ടെ “വ്യാക​രണം,” അതായതു ദൈവ​ത്തി​ന്റെ ഉദ്ദേശ്യ​മെ​ന്തെ​ന്നും അതെങ്ങനെ നിവർത്തി​ക്കാ​മെ​ന്നും നമുക്കു ഗ്രഹി​ക്കാ​നാ​വും.

8. വിനോ​ദ​ത്തി​ന്റെ കാര്യ​ത്തിൽ, അയവി​ല്ലാത്ത, അധികാ​ര​പൂർവ​ക​മായ വീക്ഷണങ്ങൾ നമു​ക്കെ​ങ്ങനെ ഒഴിവാ​ക്കാ​നാ​വും?

⁸ നമ്മുടെ ന്യായ​യു​ക്ത​മായ ചിന്താ​ശക്തി വളർത്തി​യെ​ടു​ക്കാ​വുന്ന രണ്ടാമത്തെ വിധം അയവി​ല്ലാത്ത, അധികാ​ര​പൂർവ​ക​മായ വീക്ഷണ​ഗ​തി​കൾ അവലം​ബി​ക്കു​ന്നത്‌ ഒഴിവാ​ക്കു​ന്ന​തി​നാ​ലാണ്‌. വഴക്കമി​ല്ലാത്ത ഒരു കാഴ്‌ച​പ്പാ​ടു നമ്മുടെ ന്യായ​യു​ക്ത​മായ ചിന്താ​ശ​ക്തി​യു​ടെ വളർച്ച മുരടി​പ്പി​ക്കും. വിനോ​ദ​ത്തി​ന്റെ കാര്യം പരിചി​ന്തി​ക്കുക. ബൈബിൾ പറയുന്നു: “സർവ്വ​ലോ​ക​വും ദുഷ്ടന്റെ അധീന​ത​യിൽ കിടക്കു​ന്നു.” (1 യോഹ​ന്നാൻ 5:19) ഇതിന്റെ അർഥം ലോക​ത്തിൽ നിർമി​ക്ക​പ്പെ​ടുന്ന സകല പുസ്‌ത​ക​ങ്ങ​ളും ചലച്ചി​ത്ര​ങ്ങ​ളും ടെലി​വി​ഷൻ പരിപാ​ടി​ക​ളും ദുഷി​ച്ച​തും സാത്താ​ന്യ​വു​മാ​ണെ​ന്നാ​ണോ? അത്തര​മൊ​രു കാഴ്‌ച​പ്പാ​ടു ന്യായ​യു​ക്ത​മാ​യി​രി​ക്കു​ക​യില്ല. തീർച്ച​യാ​യും, ടെലി​വി​ഷൻ, ചലച്ചി​ത്രങ്ങൾ, ലൗകിക സാഹി​ത്യ​ങ്ങൾ എന്നിവ​യിൽനി​ന്നെ​ല്ലാം പൂർണ​മാ​യും ഒഴിഞ്ഞു​നിൽക്കാൻ ചിലർ തീരു​മാ​നി​ച്ചേ​ക്കാം. അത്‌ അവരുടെ അവകാശം. അതിന്‌ അവരെ വിമർശി​ക്ക​രുത്‌. എന്നാൽ സമാന​മായ കർക്കശ നിലപാട്‌ എടുക്കാൻ അവർ മറ്റുള്ള​വരെ നിർബ​ന്ധി​ക്ക​യു​മ​രുത്‌. നമ്മുടെ നേര​മ്പോ​ക്കു​ക​ളോ വിനോ​ദ​ങ്ങ​ളോ ജ്ഞാനപൂർവം തിര​ഞ്ഞെ​ടു​ക്കാൻ നമ്മെ പ്രാപ്‌ത​മാ​ക്കാൻ പര്യാ​പ്‌ത​മായ ബൈബിൾ തത്ത്വങ്ങൾ അവതരി​പ്പി​ക്കുന്ന ലേഖനങ്ങൾ സൊ​സൈറ്റി പ്രസി​ദ്ധ​പ്പെ​ടു​ത്തി​യി​ട്ടുണ്ട്‌. ഈ മാർഗ​നിർദേ​ശ​ങ്ങൾക്ക​പ്പു​റം പോകു​ന്ന​തും അധാർമിക ചിന്തയു​ടെ​യോ കൊടും അക്രമ​ത്തി​ന്റെ​യോ ആത്മവി​ദ്യ​യു​ടെ​യോ മാസ്‌മ​ര​ലോ​ക​ത്തി​ലേക്ക്‌ സ്വയം ഇറങ്ങി​ച്ചെ​ല്ലു​ന്ന​തും അങ്ങേയറ്റം മൗഢ്യ​മാണ്‌. ബൈബിൾ തത്ത്വങ്ങൾ ബാധക​മാ​ക്കാ​നും അങ്ങനെ ദൈവ​ത്തി​ന്റെ​യും മനുഷ്യ​രു​ടെ​യും മുമ്പാകെ ഒരു ശുദ്ധമായ മനസ്സാ​ക്ഷി​യു​ണ്ടാ​വാ​നും നാം നമ്മുടെ ന്യായ​യു​ക്ത​മായ ചിന്താ​ശ​ക്തി​യെ ഉപയോ​ഗി​ക്ക​ണ​മെ​ന്നു​ള്ളതു വിനോ​ദ​ത്തി​ന്റെ ജ്ഞാനപൂർവ​ക​മായ തിര​ഞ്ഞെ​ടു​പ്പിന്‌ ആവശ്യ​മാണ്‌.—1 കൊരി​ന്ത്യർ 10:31-33.

9. “തികഞ്ഞ വിവേചന”കൊണ്ട്‌ അർഥമാ​ക്കു​ന്ന​തെന്ത്‌?

⁹ ഇന്നത്തെ വിനോ​ദ​ങ്ങ​ളിൽ ഏറിയ​പ​ങ്കും വ്യക്തമാ​യും ക്രിസ്‌ത്യാ​നി​കൾക്കു യോജി​ച്ച​വയല്ല.a അതു​കൊണ്ട്‌, ഒന്നാം നൂറ്റാ​ണ്ടിൽ “സകല ധാർമിക ബോധ​വും വിട്ടു​കളഞ്ഞ” ചില​രെ​പ്പോ​ലെ ആയിത്തീ​രാ​തി​രി​ക്കാൻവേണ്ടി ‘ദോഷത്തെ വെറു​ക്കാൻ’ നാം നമ്മുടെ ഹൃദയ​ങ്ങളെ പരിശീ​ലി​പ്പി​ക്കണം. (എഫേസ്യർ 4:17-19, NW; സങ്കീർത്തനം 97:10) അത്തരം സംഗതി​ക​ളെ​ക്കു​റി​ച്ചു യുക്തമാ​യി ചിന്തി​ക്കാൻ നമുക്കു “കൃത്യ​മായ പരിജ്ഞാ​ന​വും തികഞ്ഞ വിവേ​ച​ന​യും” ആവശ്യ​മാണ്‌. (ഫിലി​പ്യർ 1:9, NW) “വിവേചന”യെന്നു പരിഭാ​ഷ​പ്പെ​ടു​ത്തി​യി​രി​ക്കുന്ന ഗ്രീക്കു പദത്തിന്റെ അർഥം “ഉണർവുള്ള ധാർമിക ധാരണ” എന്നാണ്‌. കാഴ്‌ച​പോ​ലുള്ള മനുഷ്യ​ന്റെ അക്ഷരീയ ഇന്ദ്രി​യ​ങ്ങ​ളെ​യാണ്‌ ആ പദം സൂചി​പ്പി​ക്കു​ന്നത്‌. വിനോ​ദ​ങ്ങ​ളു​ടെ​യോ വ്യക്തി​പ​ര​മായ തീരു​മാ​നം ആവശ്യ​മുള്ള മറ്റേ​തെ​ങ്കി​ലും സംഗതി​ക​ളു​ടെ​യോ കാര്യം വരു​മ്പോൾ, നമ്മുടെ ധാർമിക ബോധ​ത്തി​ലേക്കു ശ്രദ്ധതി​രി​ക്കണം. അങ്ങനെ​യാ​വു​മ്പോൾ തികച്ചും ഭിന്നമായ, തെറ്റും ശരിയും​പോ​ലുള്ള സംഗതി​കൾ മാത്രമല്ല, തെറ്റി​നും ശരിക്കും ഇടയ്‌ക്കെന്നു തോന്നുന്ന സംഗതി​ക​ളും നമുക്കു ഗ്രഹി​ക്കാ​നാ​വും. അതേസ​മയം, ന്യായ​യു​ക്ത​മ​ല്ലാത്ത, ചില അങ്ങേയ​റ്റത്തെ നിലപാ​ടു​കൾക്കു​വേണ്ടി ബൈബിൾ തത്ത്വങ്ങൾ ബാധക​മാ​ക്കു​ന്ന​തും അത്‌ എല്ലാ സഹോ​ദ​ര​ങ്ങ​ളും ചെയ്യണ​മെന്നു ശഠിക്കു​ന്ന​തും നാം ഒഴിവാ​ക്കണം.—ഫിലി​പ്പി​യർ 4:5.

10. സങ്കീർത്തനം 15-ൽ പ്രതി​ഫ​ലി​ച്ചി​രി​ക്കു​ന്ന​തു​പോ​ലെ​യുള്ള യഹോ​വ​യു​ടെ വ്യക്തി​ത്വം നമു​ക്കെ​ങ്ങനെ മനസ്സി​ലാ​ക്കാ​നാ​വും?

¹⁰ യഹോ​വ​യു​ടെ ചിന്ത​യെ​ക്കു​റി​ച്ചു ബോധ​മു​ണ്ടാ​യി​രി​ക്കു​ക​യും അതു നമ്മുടെ ഹൃദയ​ത്തിൽ ആഴത്തിൽ നടുക​യും ചെയ്യു​ക​യാ​ണു നമ്മുടെ ന്യായ​യു​ക്ത​മായ ചിന്താ​ശക്തി വളർത്തി​യെ​ടു​ക്കാ​നുള്ള മൂന്നാ​മത്തെ മാർഗം. തന്റെ വചനത്തിൽ യഹോവ തന്റെ വ്യക്തി​ത്വ​ത്തെ​യും നിലവാ​ര​ങ്ങ​ളെ​യും കുറിച്ചു വെളി​പ്പെ​ടു​ത്തു​ന്നു. ഉദാഹ​ര​ണ​ത്തിന്‌, തന്റെ കൂടാ​ര​ത്തിൽ ഒരു അതിഥി​യാ​യി​രി​ക്കാൻ യഹോവ ഏതുതരം വ്യക്തിയെ ക്ഷണിക്കു​ന്നു എന്നതു സംബന്ധി​ച്ചു നാം സങ്കീർത്തനം 15-ൽ വായി​ക്കു​ന്നു. അത്തര​മൊ​രു വ്യക്തി നീതി പ്രവർത്തി​ക്കു​ക​യും ഹൃദയ​ത്തിൽ സത്യം സംസാ​രി​ക്കു​ക​യും തന്റെ വാഗ്‌ദ​ത്ത​ങ്ങ​ളോ​ടു വിശ്വ​സ്‌ത​നാ​യി​രി​ക്കു​ക​യും മറ്റുള്ള​വരെ ചൂഷണം ചെയ്യാ​തി​രി​ക്കു​ക​യും ചെയ്യു​ന്ന​വ​നാ​യി​രി​ക്കും. ഈ സങ്കീർത്തനം വായി​ക്കു​മ്പോൾ നിങ്ങ​ളോ​ടു​തന്നെ ചോദി​ക്കുക, ‘ഈ യോഗ്യ​തകൾ ഉള്ളവനാ​ണോ ഞാൻ? തന്റെ കൂടാ​ര​ത്തിൽ ഒരു അതിഥി​യാ​യി​രി​ക്കാൻ യഹോവ എന്നെ ക്ഷണിക്കു​മോ?’ യഹോ​വ​യു​ടെ വഴിക​ളോ​ടും ചിന്തക​ളോ​ടും നാം യോജി​പ്പി​ലാ​യി​ത്തീ​രു​മ്പോൾ അതു നമ്മുടെ ഗ്രഹണ​ശ​ക്തി​കൾക്കു കരു​ത്തേ​കും.—സദൃശ​വാ​ക്യ​ങ്ങൾ 3:5, 6; എബ്രായർ 5:14.

11. പരീശ​ന്മാർ ‘ദൈവ​ത്തി​ന്റെ നീതി​യും സ്‌നേ​ഹ​വും അവഗണി​ച്ചു​കള’ഞ്ഞതെങ്ങനെ?

¹¹ ഈ പ്രത്യേക വശത്താണു പരീശ​ന്മാർ ദയനീ​യ​മാ​യി പരാജ​യ​പ്പെ​ട്ടത്‌. പരീശ​ന്മാർക്കു ന്യായ​പ്ര​മാ​ണ​ത്തി​ന്റെ സാങ്കേ​തിക ചട്ടക്കൂ​ടി​നെ​ക്കു​റി​ച്ചെ​ല്ലാം അറിയാ​മാ​യി​രു​ന്നു, എന്നാൽ അതിന്റെ “വ്യാക​രണം” ഗ്രഹി​ക്കാ​നാ​യില്ല. ന്യായ​പ്ര​മാ​ണ​ത്തി​ന്റെ കണക്കറ്റ വിശദാം​ശങ്ങൾ മനഃപാ​ഠം ഉരുവി​ടാൻ അവർക്കു കഴിയു​മാ​യി​രു​ന്നു, എന്നാൽ അതു നൽകിയ വ്യക്തിയെ മനസ്സി​ലാ​ക്കാൻ അവർ പരാജ​യ​പ്പെട്ടു. യേശു അവരോ​ടു പറഞ്ഞു: “നിങ്ങൾ അരൂത​യു​ടെ​യും തുളസി​യു​ടെ​യും മറ്റെല്ലാ ചെടി​ക​ളു​ടെ​യും ദശാംശം കൊടു​ക്കു​ന്നു. എന്നാൽ, ദൈവ​ത്തി​ന്റെ നീതി​യും സ്‌നേ​ഹ​വും നിങ്ങൾ അവഗണി​ച്ചു​ക​ള​യു​ന്നു.” (ലൂക്കാ 11:42, പി.ഒ.സി. ബൈ.) അയവി​ല്ലാത്ത മനസ്സും കടുക​ട്ടി​യായ ഹൃദയ​വു​മുള്ള പരീശ​ന്മാർ തങ്ങളുടെ ന്യായ​യു​ക്ത​മായ ചിന്താ​ശക്തി ഉപയോ​ഗി​ക്കു​ന്ന​തിൽ പരാജ​യ​പ്പെട്ടു. ശബത്തിൽ കതിർമണി പറിച്ചു​തി​ന്ന​തിന്‌ യേശു​വി​ന്റെ ശിഷ്യ​ന്മാ​രെ വിമർശി​ച്ച​പ്പോൾ അവരുടെ പൊള്ള ന്യായ​വാ​ദം വെളി​വാ​യി; എന്നാൽ അതേദി​വസം മറ്റൊരു സമയത്ത്‌ അവർ യേശു​വി​നെ വധിക്കാൻ ഗൂഢാ​ലോ​ചന നടത്തി​യ​പ്പോൾ അവർക്കു യാതൊ​രു മനസ്സാ​ക്ഷി​ക്കു​ത്തും അനുഭ​വ​പ്പെ​ട്ടില്ല!—മത്തായി 12:1, 2, 14.

12. ഒരു വ്യക്തി എന്നനി​ല​യിൽ, നമു​ക്കെ​ങ്ങനെ യഹോ​വ​യു​മാ​യി കൂടുതൽ യോജി​പ്പു​ള്ള​വ​രാ​യി​ത്തീ​രാൻ സാധി​ക്കും?

¹² പരീശ​ന്മാ​രെ​പ്പോ​ലെ ആയിരി​ക്കാൻ നാം ആഗ്രഹി​ക്കു​ന്നില്ല. ഒരു വ്യക്തി എന്നനി​ല​യിൽ യഹോ​വ​യു​മാ​യി കൂടുതൽ യോജി​പ്പി​ലാ​യി​ത്തീ​രാൻ ദൈവ​വ​ച​ന​ത്തെ​ക്കു​റി​ച്ചുള്ള നമ്മുടെ പരിജ്ഞാ​നം നമ്മെ സഹായി​ക്കണം. നമുക്ക്‌ ഇത്‌ എങ്ങനെ ചെയ്യാ​നാ​വും? ബൈബി​ളി​ന്റെ​യോ ബൈബി​ള​ധി​ഷ്‌ഠിത സാഹി​ത്യ​ത്തി​ന്റെ​യോ ഒരു ഭാഗം വായി​ച്ച​തി​നു​ശേഷം, ആഴത്തിൽ ചിന്തി​പ്പി​ക്കുന്ന ഇതു​പോ​ലുള്ള ചോദ്യ​ങ്ങൾ ചിലർക്ക്‌ ഉപകാ​ര​പ്പെ​ട്ടി​ട്ടുണ്ട്‌, ‘ഈ വിവരങ്ങൾ യഹോ​വ​യെ​യും അവന്റെ ഗുണങ്ങ​ളെ​യും കുറിച്ച്‌ എന്നെ എന്തു പഠിപ്പി​ക്കു​ന്നു? മറ്റുള്ള​വ​രു​മാ​യുള്ള എന്റെ ഇടപെ​ട​ലു​ക​ളിൽ എനി​ക്കെ​ങ്ങനെ യഹോ​വ​യു​ടെ ഗുണങ്ങൾ പ്രകടി​പ്പി​ക്കാ​നാ​വും?’ അത്തരം ചോദ്യ​ങ്ങ​ളെ​ക്കു​റി​ച്ചു ധ്യാനി​ക്കു​ന്നതു നമ്മുടെ ന്യായ​യു​ക്ത​മായ ചിന്താ​ശ​ക്തി​യെ വികസി​പ്പി​ക്കു​ക​യും “ദൈവ​ത്തി​ന്റെ അനുകാ​രി​കൾ” ആയിത്തീ​രാൻ നമ്മെ പ്രാപ്‌ത​രാ​ക്കു​ക​യും ചെയ്യും.—എഫേസ്യർ 5:1, NW.

ദൈവ​ത്തി​ന്റെ​യും ക്രിസ്‌തു​വി​ന്റെ​യും അടിമകൾ, മനുഷ്യ​രു​ടെ​യല്ല

13. പരീശ​ന്മാർ ധാർമിക ഏകാധി​പ​തി​ക​ളെ​പ്പോ​ലെ പ്രവർത്തി​ച്ച​തെ​ങ്ങനെ?

¹³ മൂപ്പന്മാർ തങ്ങളുടെ പരിപാ​ല​ന​യിൻകീ​ഴി​ലു​ള്ള​വരെ അവരുടെ ന്യായ​യു​ക്ത​മായ ചിന്താ​ശക്തി ഉപയോ​ഗി​ക്കാൻ അനുവ​ദി​ക്കേ​ണ്ട​തുണ്ട്‌. സഭാം​ഗങ്ങൾ മനുഷ്യ​രു​ടെ അടിമകൾ അല്ല. “ഞാൻ മനുഷ്യ​രെ പ്രസാ​ദി​പ്പി​ക്കു​ന്നു എങ്കിൽ ക്രിസ്‌തു​വി​ന്റെ ദാസനാ​യി​രി​ക്ക​യില്ല,” പൗലോസ്‌ എഴുതി. (ഗലാത്യർ 1:10; കൊ​ലൊ​സ്സ്യർ 3:23, 24) ഇതിൽനി​ന്നു വ്യത്യ​സ്‌ത​മാ​യി, ദൈവ​ത്തി​ന്റെ അംഗീ​കാ​ര​ത്തെ​ക്കാൾ മനുഷ്യ​രു​ടെ അംഗീ​കാ​രം നേടു​ന്ന​താ​ണു കൂടുതൽ പ്രധാ​ന​മെന്ന്‌ ആളുകൾ വിശ്വ​സി​ക്ക​ണ​മെന്നു പരീശ​ന്മാർ ആഗ്രഹി​ച്ചു. (മത്തായി 23:2-7; യോഹ​ന്നാൻ 12:42, 43) പരീശ​ന്മാർ തങ്ങളെ​ത്തന്നെ ധാർമിക ഏകാധി​പ​തി​ക​ളാ​ക്കി​മാ​റ്റി. അവർ സ്വന്തം നിയമ​ങ്ങ​ളു​ണ്ടാ​ക്കി മറ്റുള്ള​വ​രു​ടെ യോഗ്യ​ത​ക​ളിൽ വിധി കൽപ്പിച്ചു. പരീശ​ന്മാ​രെ അനുഗ​മി​ച്ചവർ തങ്ങളുടെ ബൈബിൾ പരിശീ​ലിത മനസ്സാ​ക്ഷി​യു​ടെ ഉപയോ​ഗ​ത്തിൽ ദുർബ​ല​രാ​യി​ത്തീർന്നു. ഫലത്തിൽ അവർ മനുഷ്യർക്ക്‌ അടിമ​ക​ളാ​യി​ത്തീ​രു​ക​യാ​യി​രു​ന്നു.

14, 15. (എ) ആട്ടിൻകൂ​ട്ട​ത്തോ​ടൊ​പ്പം സഹവേ​ല​ക്കാ​രാ​ണെന്നു സ്വയം പ്രകടി​പ്പി​ക്കാൻ മൂപ്പന്മാർക്കെ​ങ്ങനെ സാധി​ക്കും? (ബി) മനസ്സാ​ക്ഷി​പ​ര​മായ സംഗതി​കൾ മൂപ്പന്മാർ എങ്ങനെ കൈകാ​ര്യം ചെയ്യണം?

¹⁴ ആട്ടിൻകൂ​ട്ടം മുഖ്യ​മാ​യും തങ്ങളോ​ടല്ല കണക്കു​ബോ​ധി​പ്പി​ക്കേ​ണ്ടത്‌ എന്ന സംഗതി ഇന്നു ക്രിസ്‌തീയ മൂപ്പന്മാർക്ക്‌ അറിയാം. ഓരോ ക്രിസ്‌ത്യാ​നി​യും അവന്റെ അല്ലെങ്കിൽ അവളുടെ സ്വന്തം ചുമടു ചുമക്കണം. (റോമർ 14:4; 2 കൊരി​ന്ത്യർ 1:24; ഗലാത്യർ 6:5) അതാണ്‌ ശരിയായ രീതി. തീർച്ച​യാ​യും, ആട്ടിൻകൂ​ട്ട​ത്തി​ലെ അംഗങ്ങൾ, ശ്രദ്ധി​ക്ക​പ്പെ​ടു​ന്ന​തു​കൊ​ണ്ടു​മാ​ത്രം അനുസ​രി​ക്കുന്ന, മനുഷ്യ​രു​ടെ അടിമകൾ ആയിരി​ക്ക​ണ​മാ​യി​രു​ന്നെ​ങ്കിൽ ആ മനുഷ്യർ അടുത്തി​ല്ലാ​തി​രി​ക്കു​മ്പോൾ അവർ എന്തു ചെയ്യും? ഫിലി​പ്പി​യ​രെ​ക്കു​റി​ച്ചു സന്തോ​ഷി​ക്കാൻ പൗലോ​സി​നു കാരണ​മു​ണ്ടാ​യി​രു​ന്നു: “നിങ്ങൾ എല്ലായ്‌പോ​ഴും അനുസ​രി​ച്ച​തു​പോ​ലെ ഞാൻ അരിക​ത്തി​രി​ക്കു​മ്പോൾ മാത്രമല്ല ഇന്നു ദൂരത്തി​രി​ക്കു​മ്പോൾ ഏറ്റവും അധിക​മാ​യി ഭയത്തോ​ടും വിറയ​ലോ​ടും കൂടെ നിങ്ങളു​ടെ രക്ഷെക്കാ​യി പ്രവർത്തി​പ്പിൻ.” അവർ വാസ്‌ത​വ​ത്തിൽ ക്രിസ്‌തു​വി​ന്റെ അടിമ​ക​ളാ​യി​രു​ന്നു, പൗലോ​സി​ന്റെയല്ല.—ഫിലി​പ്പി​യർ 2:12.

¹⁵ അതു​കൊണ്ട്‌, മനസ്സാ​ക്ഷി​പ​ര​മായ സംഗതി​ക​ളിൽ മൂപ്പന്മാർ തങ്ങളുടെ പരിപാ​ല​ന​യിൻകീ​ഴി​ലു​ള്ള​വർക്കു​വേണ്ടി തീരു​മാ​നങ്ങൾ എടുക്ക​രുത്‌. സംഗതി​യിൽ ഉൾപ്പെ​ട്ടി​രി​ക്കുന്ന ബൈബിൾ തത്ത്വങ്ങൾ വിശദീ​ക​രി​ച്ചിട്ട്‌ തീരു​മാ​ന​മെ​ടു​ക്കാൻ തങ്ങളുടെ സ്വന്തം ന്യായ​യു​ക്ത​മായ ചിന്താ​ശക്തി ഉപയോ​ഗി​ക്കാൻ പ്രസ്‌തുത സംഗതി​യു​മാ​യി ബന്ധപ്പെട്ട വ്യക്തി​കളെ അവർ അനുവ​ദി​ക്കു​ന്നു. ഇത്‌ ഒരു ഗുരു​ത​ര​മായ ഉത്തരവാ​ദി​ത്വ​മാണ്‌, എങ്കിലും വ്യക്തി​തന്നെ വഹിക്കേണ്ട ഒന്നാണത്‌.

16. പ്രശ്‌നങ്ങൾ കൈകാ​ര്യം ചെയ്യു​ന്ന​തിന്‌ ഇസ്രാ​യേ​ലിൽ ഏതു സമ്പ്രദാ​യം നിലനി​ന്നി​രു​ന്നു?

¹⁶ ഇസ്രാ​യേ​ലി​നെ ന്യായം​വി​ധി​ക്കാൻ യഹോവ ന്യായാ​ധി​പ​ന്മാ​രെ ഉപയോ​ഗിച്ച കാലഘ​ട്ട​മെ​ടു​ക്കുക. ബൈബിൾ നമ്മോട്‌ ഇങ്ങനെ പറയുന്നു: “ആ കാലത്തു യിസ്രാ​യേ​ലിൽ രാജാ​വി​ല്ലാ​യി​രു​ന്നു; ഓരോ​രു​ത്തൻ തനിക്കു ബോധി​ച്ച​തു​പോ​ലെ നടന്നു.” (ന്യായാ​ധി​പ​ന്മാർ 21:25) എങ്കിലും തന്റെ ജനം മാർഗ​നിർദേശം കൈപ്പ​റ്റു​ന്ന​തി​നു യഹോവ വഴിതു​റന്നു. ചോദ്യ​ങ്ങൾക്കും പ്രശ്‌ന​ങ്ങൾക്കും പക്വത​യുള്ള സഹായം പ്രദാനം ചെയ്യാൻ ഓരോ നഗരത്തി​ലും പ്രായ​മേ​റിയ പുരു​ഷ​ന്മാർ ഉണ്ടായി​രു​ന്നു. അതിലു​പരി, ലേവ്യ പുരോ​ഹി​ത​ന്മാർ ആളുകൾക്കു ദൈവ​നി​യ​മ​ങ്ങ​ളിൽ വിദ്യാ​ഭ്യാ​സം നൽകി​ക്കൊണ്ട്‌ നന്മ ചെയ്യു​ന്ന​തി​നുള്ള ഒരു ശക്തിയാ​യി പ്രവർത്തി​ച്ചു. വിശേ​ഷാൽ പ്രയാ​സ​ക​ര​മായ സംഭവങ്ങൾ ഉടലെ​ടു​ത്ത​പ്പോൾ, മഹാപു​രോ​ഹി​തൻ ഊറീ​മും തുമ്മീ​മും ഉപയോ​ഗിച്ച്‌ ദൈവ​ത്തോ​ടു കൂടി​യാ​ലോ​ചന കഴിക്കു​മാ​യി​രു​ന്നു. “ഈ സംവി​ധാ​നം സ്വയം ഉപയോ​ഗ​പ്പെ​ടു​ത്തി, ദൈവ​ത്തി​ന്റെ നിയമ​ത്തെ​ക്കു​റി​ച്ചുള്ള പരിജ്ഞാ​നം നേടി, അതു ബാധക​മാ​ക്കിയ വ്യക്തി​യു​ടെ മനസ്സാ​ക്ഷിക്ക്‌ ഒരു ഉത്തമ വഴികാ​ട്ടി​യു​ണ്ടാ​യി​രു​ന്നു. അയാൾ അത്തരം സന്ദർഭ​ങ്ങ​ളിൽ ‘തന്റെ സ്വന്തം ദൃഷ്ടി​ക​ളിൽ ശരിയാ​യത്‌ ചെയ്യു​മ്പോൾ’ അതു മോശ​മായ ഫലമു​ള​വാ​ക്കു​മാ​യി​രു​ന്നില്ല. മനസ്സൊ​രു​ക്ക​ത്തി​ന്റെ​യോ മനസ്സൊ​രു​ക്ക​മി​ല്ലാ​യ്‌മ​യു​ടെ​യോ മനോ​ഭാ​വ​വും ഗതിയും പ്രകട​മാ​ക്കാൻ യഹോവ ജനങ്ങളെ അനുവ​ദി​ച്ചു,” തിരു​വെ​ഴു​ത്തു​കൾ സംബന്ധിച്ച ഉൾക്കാഴ്‌ച (ഇംഗ്ലീഷ്‌) അഭി​പ്രാ​യ​പ്പെ​ടു​ന്നു.—വാല്യം 2, 162-3 പേജുകൾ.b

17. സ്വന്തം നിലവാ​ര​ങ്ങൾക്ക​നു​സ​രി​ച്ചല്ല, ദൈവ​ത്തി​ന്റെ നിലവാ​ര​ങ്ങൾക്ക​നു​സ​രി​ച്ചാ​ണു തങ്ങൾ ബുദ്ധ്യു​പ​ദേ​ശി​ക്കു​ന്ന​തെന്നു മൂപ്പന്മാർക്ക്‌ എങ്ങനെ പ്രകട​മാ​ക്കാം?

¹⁷ ഇസ്രാ​യേല്യ ന്യായാ​ധി​പ​ന്മാ​രെ​യും പുരോ​ഹി​ത​ന്മാ​രെ​യും​പോ​ലെ, സഭാമൂ​പ്പ​ന്മാർ പ്രശ്‌ന​ങ്ങൾക്കു പക്വത​യുള്ള സഹായം പ്രദാനം ചെയ്യു​ക​യും വില​യേ​റിയ ബുദ്ധ്യു​പ​ദേശം നൽകു​ക​യും ചെയ്യുന്നു. ചില​പ്പോൾ അവർ “സകല ദീർഘ​ക്ഷ​മ​യോ​ടും പഠിപ്പി​ക്കൽ കലയോ​ടും​കൂ​ടെ ശാസി​ക്കു​ക​യും ഔപചാ​രിക ശാസന കൊടു​ക്കു​ക​യും ഉദ്‌ബോ​ധി​പ്പി​ക്കു​ക​യും” പോലും ചെയ്യുന്നു. (2 തിമോ​ത്തി 4:2, NW) അവർ അങ്ങനെ ചെയ്യു​ന്നതു സ്വന്തം നിലവാ​ര​ങ്ങൾക്കു ചേർച്ച​യി​ലല്ല, ദൈവ​ത്തി​ന്റെ നിലവാ​ര​ങ്ങൾക്കു ചേർച്ച​യി​ലാണ്‌. മൂപ്പന്മാർ മാതൃക വെക്കു​ക​യും ഹൃദയ​ത്തി​ലെ​ത്താൻ ശ്രമി​ക്കു​ക​യും ചെയ്യു​മ്പോൾ ഇത്‌ എത്ര ഫലപ്ര​ദ​മാ​യി​രി​ക്കും!

18. ഹൃദയ​ത്തി​ലെ​ത്തു​ന്നതു മൂപ്പന്മാ​രെ സംബന്ധി​ച്ചു വിശേ​ഷാൽ ഫലപ്ര​ദ​മാ​യി​രി​ക്കു​ന്നത്‌ എന്തു​കൊണ്ട്‌?

¹⁸ ഹൃദയം നമ്മുടെ ക്രിസ്‌തീയ പ്രവർത്ത​ന​ത്തി​ന്റെ “എൻജിൻ” ആണ്‌. അതു​കൊണ്ട്‌ ബൈബിൾ പറയുന്നു: “ജീവന്റെ ഉത്ഭവം അതിൽനി​ന്ന​ല്ലോ ആകുന്നതു.” (സദൃശ​വാ​ക്യ​ങ്ങൾ 4:23) മൂപ്പന്മാർ ഹൃദയ​ങ്ങളെ പ്രചോ​ദി​പ്പി​ക്കു​മ്പോൾ സഭയി​ലു​ള്ളവർ ദൈവ​സേ​വ​ന​ത്തിൽ തങ്ങൾക്കാ​വു​ന്ന​തെ​ല്ലാം ചെയ്യാൻ പ്രചോ​ദി​പ്പി​ക്ക​പ്പെ​ടു​ന്ന​താ​യി അവർ കണ്ടെത്തും. എല്ലായ്‌പോ​ഴും മറ്റുള്ള​വ​രു​ടെ പ്രേരണ ആവശ്യ​മി​ല്ലാ​തെ സ്വയം പ്രവർത്തി​ക്കു​ന്ന​വ​രാ​യി​രി​ക്കും അവർ. നിർബ​ന്ധിച്ച്‌ അനുസ​രി​പ്പി​ക്കാൻ യഹോവ ആഗ്രഹി​ക്കു​ന്നില്ല. സ്‌നേഹം തുളു​മ്പുന്ന ഒരു ഹൃദയ​ത്തിൽനി​ന്നു വരുന്ന അനുസ​ര​ണ​മാണ്‌ അവൻ പ്രതീ​ക്ഷി​ക്കു​ന്നത്‌. ആട്ടിൻകൂ​ട്ട​ത്തി​ലു​ള്ള​വ​രു​ടെ ന്യായ​യു​ക്ത​മായ ചിന്താ​ശ​ക്തി​യെ വികസി​പ്പി​ച്ചെ​ടു​ക്കാൻ സഹായി​ച്ചു​കൊണ്ട്‌ അത്തരം ഹൃദയ​പ്രേ​രി​ത​മായ സേവനത്തെ മൂപ്പന്മാർക്ക്‌ പ്രോ​ത്സാ​ഹി​പ്പി​ക്കാ​നാ​വും.

“ക്രിസ്‌തു​വി​ന്റെ മനസ്സു” വളർത്തി​യെ​ടു​ക്കൽ

19, 20. ക്രിസ്‌തു​വി​ന്റെ മനസ്സു വളർത്തി​യെ​ടു​ക്കു​ന്നതു നമ്മെ സംബന്ധി​ച്ചു പ്രധാ​ന​മാ​യി​രി​ക്കു​ന്നത്‌ എന്തു​കൊണ്ട്‌?

¹⁹ മുമ്പു കണ്ടതു​പോ​ലെ, കേവലം ദൈവ​നി​യ​മങ്ങൾ അറിഞ്ഞ​തു​കൊ​ണ്ടാ​യില്ല. “ഞാൻ നിന്റെ ന്യായ​പ്ര​മാ​ണം കാക്കേ​ണ്ട​തി​ന്നും അതിനെ പൂർണ്ണഹൃദയത്തോടെ പ്രമാ​ണി​ക്കേ​ണ്ട​തി​ന്നും എനിക്കു ബുദ്ധി നല്‌കേ​ണമേ,” സങ്കീർത്ത​ന​ക്കാ​രൻ കേണ​പേ​ക്ഷി​ച്ചു. (സങ്കീർത്തനം 119:34) യഹോവ തന്റെ വചനത്തിൽ “ക്രിസ്‌തു​വി​ന്റെ മനസ്സു” വെളി​പ്പെ​ടു​ത്തി​യി​രി​ക്കു​ന്നു. (1 കൊരി​ന്ത്യർ 2:16) തന്റെ ന്യായ​യു​ക്ത​മായ ചിന്താ​ശ​ക്തി​യോ​ടെ യഹോ​വയെ സേവി​ച്ചവൻ എന്നനി​ല​യിൽ, യേശു നമുക്കു പൂർണ​ത​യുള്ള ഒരു മാതൃക വെച്ചു​ത​ന്നി​രി​ക്കു​ന്നു. ദൈവ​ത്തി​ന്റെ നിയമ​ങ്ങ​ളും തത്ത്വങ്ങ​ളും മനസ്സി​ലാ​ക്കിയ അവൻ കുറ്റമറ്റ രീതി​യിൽ അവ ബാധക​മാ​ക്കി. അവന്റെ മാതൃക പഠിക്കു​ന്ന​തി​നാൽ, നമുക്കു “വീതി​യും നീളവും ഉയരവും ആഴവും എന്തു എന്നു . . . ഗ്രഹി​പ്പാ​നും പരിജ്ഞാ​നത്തെ കവിയുന്ന ക്രിസ്‌തു​വിൻ സ്‌നേ​ഹത്തെ അറിവാ​നും പ്രാപ്‌തരാ”കാൻ സാധി​ക്കും. (എഫെസ്യർ 3:17-19) അതേ, യേശു​വി​നെ​ക്കു​റി​ച്ചു നാം ബൈബി​ളിൽനി​ന്നു പഠിക്കു​ന്നതു കേവലം വസ്‌തു​തകൾ അറിയു​ന്ന​തി​ന​പ്പു​റം പോകു​ന്നു; യഹോവ ഏതുതരം വ്യക്തി​യാ​ണെ​ന്നു​ള്ള​തി​ന്റെ ഒരു വ്യക്തമായ ചിത്രം അതു നമുക്കു നൽകുന്നു.—യോഹ​ന്നാൻ 14:9, 10.

²⁰ അങ്ങനെ, നാം ദൈവ​ത്തി​ന്റെ വചനം പഠിക്കു​മ്പോൾ, സംഗതി സംബന്ധി​ച്ചു ദൈവ​ത്തി​ന്റെ ചിന്ത എന്താ​ണെന്നു വിവേ​ചി​ക്കാ​നും സമനി​ല​യി​ലുള്ള തീരു​മാ​ന​ങ്ങ​ളി​ലെ​ത്താ​നും നമുക്കു സാധി​ക്കും. ഇതിനു ശ്രമം ആവശ്യ​മാ​യി​രി​ക്കും. യഹോ​വ​യു​ടെ വ്യക്തി​ത്വ​ത്തോ​ടും നിലവാ​ര​ങ്ങ​ളോ​ടും നമ്മെ ഉണർവു​ള്ള​വ​രാ​ക്കി​ത്തീർത്തു​കൊണ്ട്‌ നാം ദൈവ​വ​ച​ന​ത്തി​ന്റെ ഉത്സാഹ​മുള്ള പഠിതാ​ക്ക​ളാ​യി​രി​ക്കണം. വാസ്‌ത​വ​ത്തിൽ നാം ഒരു പുതിയ വ്യാക​രണം പഠിക്കു​ന്ന​പോ​ലെ​യാണ്‌. എങ്കിലും, അങ്ങനെ ചെയ്യു​ന്നവർ “[തങ്ങളുടെ] ശരീര​ങ്ങളെ ജീവനു​ള്ള​തും വിശു​ദ്ധ​വും ദൈവ​ത്തി​നു സ്വീകാ​ര്യ​വു​മായ ഒരു യാഗമാ​യി [തങ്ങളുടെ] ന്യായ​യു​ക്ത​മായ ചിന്താ​ശ​ക്തി​യോ​ടു​കൂ​ടിയ ഒരു വിശുദ്ധ സേവന​മാ​യി അർപ്പി​ക്കു​വിൻ” എന്ന പൗലോ​സി​ന്റെ അനുശാ​സനം പിൻപ​റ്റു​ക​യാ​യി​രി​ക്കും.—റോമർ 12:1, NW.

[അടിക്കു​റി​പ്പു​കൾ]

നിങ്ങൾ എന്തു പഠിച്ചു?

◻ ദൈവ​സേ​വനം സംബന്ധിച്ച്‌ പൊ.യു. 33-ൽ എന്തു മാറ്റം സംഭവി​ച്ചു?

◻ നമു​ക്കെ​ങ്ങനെ നമ്മുടെ ന്യായ​യു​ക്ത​മായ ചിന്താ​ശക്തി വളർത്തി​യെ​ടു​ക്കാ​നാ​വും?

◻ ദൈവ​ത്തി​ന്റെ​യും ക്രിസ്‌തു​വി​ന്റെ​യും അടിമ​ക​ളാ​കാൻ ആട്ടിൻകൂ​ട്ട​ത്തി​ലു​ള്ള​വരെ സഹായി​ക്കാൻ മൂപ്പന്മാർക്കെങ്ങനെ സാധി​ക്കും?

◻ നാം “ക്രിസ്‌തു​വി​ന്റെ മനസ്സു” വളർത്തി​യെ​ടു​ക്കേ​ണ്ട​തെ​ന്തു​കൊണ്ട്‌?

[23-ാം പേജിലെ ചിത്രം]

മൂപ്പന്മാർ മറ്റുള്ള​വരെ അവരുടെ ന്യായ​യു​ക്ത​മായ ചിന്താ​ശക്തി ഉപയോ​ഗി​ക്കാൻ സഹായി​ക്കു​ന്നു