ക്രിസ്‌തീ​യ​കു​ടും​ബം വൃദ്ധരെ സഹായി​ക്കു​ന്നു

“വാർദ്ധ​ക്യ​കാ​ലത്തു നീ എന്നെ തള്ളിക്ക​ള​യ​രു​തേ; ബലം ക്ഷയിക്കു​മ്പോൾ എന്നെ ഉപേക്ഷി​ക്ക​യു​മ​രു​തേ.”—സങ്കീർത്തനം 71:9.

1. പല സംസ്‌കാ​ര​ങ്ങ​ളി​ലും പ്രായ​മു​ള്ള​വ​രോട്‌ എങ്ങനെ​യാ​ണു പെരു​മാ​റു​ന്നത്‌?

“ദുഷ്‌പെ​രു​മാ​റ​റ​ത്തി​നു വിധേ​യ​മാ​കുന്ന വൃദ്ധരിൽ ഏതാണ്ട്‌ ഏഴിൽ ആറു പേരോ​ടും മോശ​മാ​യി പെരു​മാ​റു​ന്നത്‌ അവരുടെ സ്വന്തം കുടും​ബങ്ങൾ തന്നെയാ​ണെന്നു സർവേകൾ സൂചി​പ്പി​ക്കു​ന്നു” എന്നു ദ വാൾ സ്‌ട്രീ​ററ്‌ ജേർണൽ പറഞ്ഞു. മോഡേൺ മച്ച്യൂ​രി​ററി എന്ന മാസിക ഇങ്ങനെ പ്രസ്‌താ​വി​ച്ചു: “സ്വകാര്യ മുറി​യിൽനി​ന്നു മറനീക്കി രാജ്യത്തെ പത്ര​പേ​ജു​ക​ളി​ലേക്കു വരുന്ന ഏററവും ഒടുവി​ലത്തെ [കുടും​ബ​ദ്രോ​ഹം] മാത്ര​മാ​ണു വൃദ്ധ​രോ​ടുള്ള ദുഷ്‌പെ​രു​മാ​ററം.” അതേ, പല സംസ്‌കാ​ര​ങ്ങ​ളി​ലേ​യും വൃദ്ധർ കടുത്ത ദുഷ്‌പെ​രു​മാ​റ​റ​ത്തി​നും അവഗണ​ന​യ്‌ക്കും വിധേ​യ​രാ​യി​ത്തീർന്നി​രി​ക്കു​ന്നു. വാസ്‌ത​വ​ത്തിൽ അനേക​രും “സ്വസ്‌നേ​ഹി​ക​ളും . . . നന്ദിയി​ല്ലാ​ത്ത​വ​രും അവിശ്വ​സ്‌ത​രും സ്വാഭാ​വിക പ്രിയ​മി​ല്ലാ​ത്ത​വ​രും” ആയിരി​ക്കുന്ന ഒരു കാലമാ​ണു നമ്മു​ടേത്‌.—2 തിമൊ​ഥെ​യൊസ്‌ 3:1-3, NW.

2. എബ്രായ തിരു​വെ​ഴു​ത്തു​കൾ പറയു​ന്ന​പ്ര​കാ​രം യഹോവ എപ്രകാ​ര​മാണ്‌ വൃദ്ധരെ വീക്ഷി​ക്കു​ന്നത്‌?

² എന്നുവ​രി​കി​ലും, പുരാതന ഇസ്ര​യേ​ലിൽ വൃദ്ധ​രോട്‌ ഇടപെ​ടേ​ണ്ടി​യി​രു​ന്നത്‌ ആ വിധമ​ല്ലാ​യി​രു​ന്നു. ന്യായ​പ്ര​മാ​ണം ഇങ്ങനെ പ്രസ്‌താ​വി​ച്ചു: “നരച്ചവന്റെ മുമ്പാകെ എഴു​ന്നേ​ല്‌ക്ക​യും വൃദ്ധന്റെ മുഖം ബഹുമാ​നി​ക്ക​യും നിന്റെ ദൈവത്തെ ഭയപ്പെ​ടു​ക​യും വേണം; ഞാൻ യഹോവ ആകുന്നു.” വിജ്ഞാനം തുളു​മ്പുന്ന നിശ്വസ്‌ത സദൃശ​വാ​ക്യ​ങ്ങ​ളു​ടെ പുസ്‌തകം നമ്മെ ബുദ്ധ്യു​പ​ദേ​ശി​ക്കു​ന്നു: “നിന്നെ ജനിപ്പിച്ച അപ്പന്റെ വാക്കു കേൾക്ക; നിന്റെ അമ്മ വൃദ്ധയാ​യി​രി​ക്കു​മ്പോൾ അവളെ നിന്ദി​ക്ക​രു​തു.” അത്‌ ഇങ്ങനെ കൽപ്പി​ക്കു​ന്നു: “മകനേ, അപ്പന്റെ പ്രബോ​ധനം കേൾക്ക. അമ്മയുടെ ഉപദേശം ഉപേക്ഷി​ക്ക​യു​മ​രുത്‌.” മോ​ശൈക ന്യായ​പ്ര​മാ​ണം രണ്ടു ലിംഗ​ത്തി​ലും​പെട്ട വൃദ്ധ​രോട്‌ ആദരവും പരിഗ​ണ​ന​യും കാണി​ക്കാൻ പഠിപ്പി​ച്ചു. വ്യക്തമാ​യും, വൃദ്ധർ ബഹുമാ​നി​ക്ക​പ്പെ​ട​ണ​മെന്നു യഹോവ ആഗ്രഹി​ക്കു​ന്നു.—ലേവ്യ​പു​സ്‌തകം 19:32; സദൃശ​വാ​ക്യ​ങ്ങൾ 1:8; 23:22.

ബൈബിൾ കാലങ്ങ​ളിൽ വൃദ്ധരെ പരിര​ക്ഷി​ക്കൽ

3. തന്റെ വൃദ്ധനായ പിതാ​വി​നോ​ടു ജോസഫ്‌ അനുകമ്പ പ്രകടി​പ്പി​ച്ച​തെ​ങ്ങനെ?

³ ആദരവു പ്രകട​മാ​ക്കേ​ണ്ടി​യി​രു​ന്നതു വാക്കു​ക​ളിൽ മാത്ര​മാ​യി​രു​ന്നില്ല, പരിഗ​ണ​ന​യോ​ടു​കൂ​ടിയ പ്രവൃ​ത്തി​ക​ളി​ലും അതു വേണമാ​യി​രു​ന്നു. ജോസഫ്‌ തന്റെ പ്രായം​ചെന്ന പിതാ​വി​നോ​ടു വലിയ അനുകമ്പ പ്രകട​മാ​ക്കി. യാക്കോബ്‌ കനാനിൽനിന്ന്‌ ഈജി​പ്‌റ​റി​ലേക്ക്‌ 300 കിലോ​മീ​റ​റ​റി​ല​ധി​കം ദൂരം യാത്ര ചെയ്‌തു വരണ​മെന്ന്‌ അദ്ദേഹം ആഗ്രഹി​ച്ചു. അതിനാൽ ജോസഫ്‌ യാക്കോ​ബിന്‌ “പത്തു കഴുത​പ്പു​റത്തു മിസ്ര​യീ​മി​ലെ വിശേ​ഷ​സാ​ധ​ന​ങ്ങ​ളും പത്തു പെൺക​ഴു​ത​പ്പു​റത്തു വഴി​ച്ചെ​ല​വി​ന്നു ധാന്യ​വും ആഹാര​വും കയററി അയച്ചു.” യാക്കോബ്‌ ഗോശെൻ ദേശത്ത്‌ എത്തി​ച്ചേർന്ന​പ്പോൾ ജോസഫ്‌ അടു​ത്തേക്കു ചെന്നു അദ്ദേഹത്തെ “കെട്ടി​പ്പി​ടി​ച്ചു ഏറെ​നേരം കരഞ്ഞു.” ജോസഫ്‌ തന്റെ പിതാ​വി​നെ തീവ്ര​മായ സ്‌നേ​ഹം​കൊ​ണ്ടു പൊതി​ഞ്ഞു. വൃദ്ധരെ ശ്രദ്ധി​ക്കു​ന്ന​തി​ന്റെ എന്തൊരു ആവേശ​ജ​ന​ക​മായ ദൃഷ്ടാന്തം!—ഉല്‌പത്തി 45:23; 46:5, 29.

4. രൂത്ത്‌ പിൻപ​റ​റാ​നുള്ള ഒരു ഉത്തമ മാതൃ​ക​യാ​യി​രി​ക്കു​ന്നത്‌ എന്തു​കൊ​ണ്ടാണ്‌?

⁴ വൃദ്ധ​രോ​ടു ദയ കാണി​ക്കു​ന്ന​തിൽ അനുക​രി​ക്കാ​നുള്ള മറെറാ​രു മനോ​ജ്ഞ​മായ മാതൃ​ക​യാ​ണു രൂത്ത്‌. ഒരു അന്യജാ​തി​ക്കാ​രി ആയിരു​ന്നെ​ങ്കി​ലും, അവർ തന്റെ യഹൂദ അമ്മായി​യ​മ്മ​യും വിധവ​യും വൃദ്ധയും ആയ നവോ​മി​യോ​ടു​കൂ​ടെ പററി​നി​ന്നു. അവർ തന്റെ സ്വന്തം ജനത്തെ ഉപേക്ഷി​ക്കു​ക​യും മറെറാ​രു ഭർത്താ​വി​നെ കണ്ടെത്താൻ കഴിയാ​ത്ത​തി​ന്റെ അപകട​സാ​ധ്യത പേറു​ക​യും ചെയ്‌തു. തന്റെ സ്വന്തം ജനങ്ങളു​ടെ അടു​ത്തേക്കു തിരി​ച്ചു​പോ​കാൻ നവോമി അവരെ പ്രോ​ത്സാ​ഹി​പ്പി​ച്ച​പ്പോൾ രൂത്ത്‌ ബൈബി​ളി​ലെ ഏററവും മനോ​ഹ​ര​മായ വാക്കു​ക​ളിൽ ചിലതായ ഈ വാക്കു​ക​ളാൽ മറുപടി പറഞ്ഞു: “നിന്നെ വിട്ടു​പി​രി​വാ​നും നിന്റെ കൂടെ വരാതെ മടങ്ങി​പ്പോ​കു​വാ​നും എന്നോടു പറയരു​തേ; നീ പോകു​ന്നേ​ടത്തു ഞാനും പോരും; നീ പാർക്കു​ന്നേ​ടത്തു ഞാനും പാർക്കും; നിന്റെ ജനം എന്റെ ജനം, നിന്റെ ദൈവം എന്റെ ദൈവം. നീ മരിക്കു​ന്നേ​ടത്തു ഞാനും മരിച്ചു അടക്ക​പ്പെ​ടും; മരണത്താ​ല​ല്ലാ​തെ ഞാൻ നിന്നെ വിട്ടു​പി​രി​ഞ്ഞാൽ യഹോവ തക്കവണ്ണ​വും അധിക​വും എന്നോടു ചെയ്യു​മാ​റാ​കട്ടെ എന്നു പറഞ്ഞു.” (രൂത്ത്‌ 1:16, 17) ദേവര​വി​വാഹ ക്രമീ​ക​ര​ണ​പ്ര​കാ​രം പ്രായം​ചെന്ന ബോവ​സി​നെ വിവാഹം ചെയ്യാൻ അവർ മനസ്സു കാണി​ച്ച​പ്പോ​ഴും രൂത്ത്‌ സദ്‌ഗു​ണങ്ങൾ പ്രകടി​പ്പി​ച്ചു.—രൂത്ത്‌, അധ്യാ​യങ്ങൾ 2-4.

5. ആളുക​ളു​മാ​യി ഇടപെ​ട്ട​പ്പോൾ യേശു ഏതു ഗുണങ്ങൾ പ്രകട​മാ​ക്കി?

⁵ യേശു ജനങ്ങളു​മാ​യുള്ള തന്റെ ഇടപെ​ട​ലിൽ സമാന​മായ ഒരു മാതൃക വെച്ചു. അവിടു​ന്നു ക്ഷമാശീ​ല​നും അനുക​മ്പ​യു​ള്ള​വ​നും ദയാലു​വും നവോൻമേഷം പ്രദാനം ചെയ്യു​ന്ന​വ​നും ആയിരു​ന്നു. മുപ്പ​ത്തെട്ടു വർഷമാ​യി നടക്കാൻ കഴിയാ​തി​രുന്ന രോഗി​യാ​യി​രുന്ന ഒരു സാധു​മ​നു​ഷ്യ​നിൽ അവിടു​ന്നു വ്യക്തി​പ​ര​മായ താത്‌പ​ര്യ​മെ​ടുത്ത്‌ അയാളെ സുഖ​പ്പെ​ടു​ത്തി. അവിടു​ന്നു വിധവ​മാ​രോ​ടു പരിഗണന പ്രകട​മാ​ക്കി. (ലൂക്കൊസ്‌ 7:11-15; യോഹ​ന്നാൻ 5:1-9) ദണ്ഡനസ്‌തം​ഭ​ത്തിൻമേ​ലുള്ള തന്റെ വേദനാ​ജ​ന​ക​മായ മരണത്തി​ന്റെ കഠിന​യാ​തനാ സമയത്തു​പോ​ലും, മിക്കവാ​റും 50-കളുടെ ആരംഭ​ത്തി​ലാ​യി​രി​ക്കാ​നി​ട​യുള്ള തന്റെ അമ്മ പരിര​ക്ഷി​ക്ക​പ്പെ​ടു​മെന്ന്‌ അവിടുന്ന്‌ ഉറപ്പാക്കി. കപടഭ​ക്ത​രായ തന്റെ ശത്രു​ക്കൾക്ക്‌ ഒഴികെ യേശു എല്ലാവർക്കും നവോൻമേ​ഷ​പ്ര​ദ​മായ ഒരു സഹവാ​സ​മാ​യി​രു​ന്നു. അതു​കൊണ്ട്‌, യേശു​വിന്‌ ഇങ്ങനെ പറയാൻ കഴിഞ്ഞു: “അദ്ധ്വാ​നി​ക്കു​ന്ന​വ​രും ഭാരം ചുമക്കു​ന്ന​വ​രും ആയു​ള്ളോ​രേ, എല്ലാവ​രും എന്റെ അടുക്കൽ വരുവിൻ; ഞാൻ നിങ്ങളെ ആശ്വസി​പ്പി​ക്കും. ഞാൻ സൌമ്യ​ത​യും താഴ്‌മ​യും ഉള്ളവൻ ആകയാൽ എന്റെ നുകം ഏററു​കൊ​ണ്ടു എന്നോടു പഠിപ്പിൻ; എന്നാൽ നിങ്ങളു​ടെ ആത്മാക്കൾക്കു ആശ്വാസം കണ്ടെത്തും.”—മത്തായി 9:36; 11:28, 29; യോഹ​ന്നാൻ 19:25-27.

പരിഗ​ണ​ന​യർഹി​ക്കു​ന്നത്‌ ആർ?

6. (എ) ആരാണു വിശേഷ ശ്രദ്ധയർഹി​ക്കു​ന്നത്‌? (ബി) നാം നമ്മോ​ടു​തന്നെ ഏതു ചോദ്യ​ങ്ങൾ ചോദി​ച്ചേ​ക്കാം?

⁶ പരിപാ​ല​ന​യു​ടെ കാര്യ​ത്തിൽ യഹോ​വ​യാം ദൈവ​വും അവിടു​ത്തെ പുത്ര​നായ യേശു​ക്രി​സ്‌തു​വും അത്തരം ഉത്തമ ദൃഷ്ടാ​ന്തങ്ങൾ വെച്ചി​രി​ക്കു​ന്ന​തി​നാൽ അവരുടെ മാതൃക അനുക​രി​ക്കുക എന്നതു സമർപ്പിത ക്രിസ്‌ത്യാ​നി​കൾക്ക്‌ ഉചിതം മാത്ര​മാണ്‌. വളരെ വർഷങ്ങ​ളോ​ളം കഠിനാ​ധ്വാ​നം ചെയ്‌തി​ട്ടു​ള്ള​വ​രും ഭാരം ചുമന്നി​ട്ടു​ള്ള​വ​രും ആയ ചിലർ നമ്മുടെ മധ്യേ​യുണ്ട്‌—തങ്ങളുടെ ജീവി​ത​ത്തി​ന്റെ ശരത്‌കാ​ല​ത്തി​ലേക്കു പ്രവേ​ശി​ച്ചി​ട്ടുള്ള പ്രായ​മായ സഹോ​ദ​രീ​സ​ഹോ​ദ​രൻമാർ തന്നെ. ചിലർ നമ്മുടെ മാതാ​പി​താ​ക്ക​ളോ മുത്തശ്ശീ​മു​ത്ത​ശ്ശൻമാ​രോ ആയിരി​ക്കാം. നിങ്ങൾ അവരെ നിസ്സാ​ര​മാ​യി കണക്കാ​ക്കു​ന്നു​വോ? നാം അവരെ സംരക്ഷി​ക്കു​ക​യും അവരോ​ടു ദാക്ഷി​ണ്യം കാണി​ക്കു​ക​യും ചെയ്യു​ന്നു​ണ്ടോ? അല്ലെങ്കിൽ അവരുടെ വിപു​ല​മായ അനുഭ​വ​പ​രി​ച​യ​ത്തെ​യും ജ്ഞാന​ത്തെ​യും നാം വാസ്‌ത​വ​ത്തിൽ വിലമ​തി​ക്കു​ന്നു​വോ? വാർധ​ക്യ​കാ​ലത്ത്‌ അസാധാ​ര​ണ​മ​ല്ലാത്ത വിചിത്ര സ്വഭാ​വ​ങ്ങ​ളും ബുദ്ധി​മോ​ശ​ങ്ങ​ളും കൊണ്ടു ചിലർ നമ്മുടെ ക്ഷമയെ പരി​ശോ​ധി​ച്ചേ​ക്കാ​മെ​ന്നതു സത്യം തന്നെ. എന്നാൽ ‘അത്തരം സാഹച​ര്യ​ങ്ങ​ളിൽ ഞാൻ എത്രമാ​ത്രം വ്യത്യ​സ്‌ത​നാ​യി​രി​ക്കും?’ എന്നു നിങ്ങ​ളോ​ടു​തന്നെ ചോദി​ക്കുക.

7. പ്രായ​മായ ആളുക​ളോ​ടു സമാനു​ഭാ​വം ഉണ്ടായി​രി​ക്കേ​ണ്ട​തി​ന്റെ ആവശ്യത്തെ എന്തു ദൃഷ്ടാ​ന്തീ​ക​രി​ക്കു​ന്നു?

⁷ മധ്യപൂർവ ദേശത്ത്‌ ഒരു പെൺകു​ട്ടി​ക്കു വൃദ്ധ​രോട്‌ ഉണ്ടായി​രുന്ന അനുക​മ്പയെ സംബന്ധിച്ച ഹൃദയ​സ്‌പർശി​യായ ഒരു കഥയുണ്ട്‌. ഒരു വലിയമ്മ അടുക്ക​ള​യിൽ സഹായി​ച്ചു​കൊ​ണ്ടി​രി​ക്കു​ക​യാ​യി​രു​ന്നു, ഒരു ചീനത്ത​ളിക അറിയാ​തെ കയ്യിൽനി​ന്നു താഴെ വീണു​പൊ​ട്ടി. തന്റെ ഒതുക്ക​മി​ല്ലാ​യ്‌മ​യിൽ അവർക്കു​തന്നെ വിഷമ​മാ​യി; അവരുടെ പുത്രി​യാ​ണെ​ങ്കി​ലോ കൂടുതൽ ക്ഷുഭി​ത​യാ​യി. എന്നിട്ട്‌ തന്റെ ഇളയ പെൺകു​ട്ടി​യെ വിളിച്ച്‌ വലിയ​മ്മ​യ്‌ക്കു​വേണ്ടി ഒരു ഉടയാത്ത മരപ്പാ​ത്രം വാങ്ങാ​നാ​യി കടയി​ലേ​ക്ക​യച്ചു. രണ്ടു മരപ്പാ​ത്ര​വു​മാ​യി കുട്ടി മടങ്ങി​വന്നു. അവളുടെ അമ്മ ചോദി​ച്ചു: “നീ എന്തിനാ രണ്ടു പാത്രം വാങ്ങി​യത്‌?” കൊച്ചു​മകൾ മടിച്ചി​ട്ടാ​ണെ​ങ്കി​ലും ഇങ്ങനെ മറുപടി പറഞ്ഞു: “ഒന്നു വലിയ​മ്മ​യ്‌ക്കും മറെറാന്ന്‌ അമ്മയ്‌ക്കും, അമ്മ വൃദ്ധയാ​കു​മ്പോൾ.” അതേ, ഈ ലോക​ത്തിൽ നാമെ​ല്ലാം വാർധ​ക്യം പ്രാപി​ക്കു​ന്ന​തി​ന്റെ പ്രതീ​ക്ഷയെ അഭിമു​ഖീ​ക​രി​ക്കു​ന്നു. മററു​ള്ളവർ നമ്മോടു ക്ഷമയോ​ടും ദയയോ​ടും കൂടെ പെരു​മാ​റു​ന്നതു നാം വിലമ​തി​ക്കി​ല്ലേ?—സങ്കീർത്തനം 71:9.

8, 9. (എ) നമ്മുടെ മധ്യേ​യുള്ള വൃദ്ധ​രോ​ടു നാം എങ്ങനെ പെരു​മാ​റണം? (ബി) ഈയിടെ ക്രിസ്‌ത്യാ​നി​ക​ളാ​യി​ത്തീർന്ന​വ​രിൽ ചിലർ എന്ത്‌ ഓർമി​ക്കേ​ണ്ട​യാ​വ​ശ്യ​മുണ്ട്‌?

⁸ നമ്മുടെ അനേകം വൃദ്ധരായ സഹോ​ദ​രീ​സ​ഹോ​ദ​രൻമാർക്കു പോയ​ദി​ന​ങ്ങ​ളിൽ വിശ്വസ്‌ത ക്രിസ്‌തീ​യ​പ്ര​വർത്ത​ന​ത്തി​ന്റെ ഒരു നീണ്ട രേഖയു​ണ്ടെ​ന്നു​ള്ളതു നാം ഒരിക്ക​ലും വിസ്‌മ​രി​ക്ക​രുത്‌. തീർച്ച​യാ​യും അവർ നമ്മുടെ ബഹുമാ​ന​വും പരിഗ​ണ​ന​യും ദയാപു​ര​സ്സ​ര​മായ സഹായ​വും പ്രോ​ത്സാ​ഹ​ന​വും അർഹി​ക്കു​ന്നു. ജ്ഞാനി​യായ മനുഷ്യൻ ശരിയാ​യി​ത്തന്നെ ഇങ്ങനെ പറഞ്ഞു: “നരച്ച തല ശോഭ​യുള്ള കിരീ​ട​മാ​കു​ന്നു; നീതി​യു​ടെ മാർഗ്ഗ​ത്തിൽ അതിനെ പ്രാപി​ക്കാം.” പുരു​ഷ​നാ​യാ​ലും സ്‌ത്രീ​യാ​യാ​ലും, ആ നരച്ച തലയ്‌ക്ക്‌ ആദരവ്‌ കൊടു​ക്കേ​ണ്ട​താണ്‌. പ്രായ​മായ ഈ പുരു​ഷൻമാ​രി​ലും സ്‌ത്രീ​ക​ളി​ലും​പെട്ട ചിലർ ഇപ്പോ​ഴും വിശ്വ​സ്‌ത​രായ പയനി​യർമാ​രെന്ന നിലയിൽ സേവി​ക്കു​ക​യാ​കു​ന്നു, അനേകം പുരു​ഷൻമാ​രും സഭകളിൽ മൂപ്പൻമാ​രെന്ന നിലയിൽ വിശ്വ​സ്‌ത​ത​യോ​ടെ സേവി​ക്കു​ന്ന​തിൽ തുടരു​ന്നു; ചിലർ സഞ്ചാര​മേൽവി​ചാ​ര​കൻമാർ എന്ന നിലയിൽ മാതൃ​കാ​പ​ര​മായ വേല നിർവ​ഹി​ക്കു​ന്നു.—സദൃശ​വാ​ക്യ​ങ്ങൾ 16:31.

⁹ പൗലോസ്‌ തിമൊ​ഥെ​യൊ​സി​നെ ഇപ്രകാ​രം ബുദ്ധ്യു​പ​ദേ​ശി​ച്ചു: “മൂത്തവനെ ഭർത്സി​ക്കാ​തെ അപ്പനെ​പ്പോ​ലെ​യും ഇളയവരെ സഹോ​ദ​രൻമാ​രെ​പ്പോ​ലെ​യും മൂത്ത സ്‌ത്രീ​കളെ അമ്മമാ​രെ​പ്പോ​ലെ​യും ഇളയ സ്‌ത്രീ​കളെ പൂർണ്ണ​നിർമ്മ​ല​ത​യോ​ടെ സഹോ​ദ​രി​ക​ളെ​പ്പോ​ലെ​യും പ്രബോ​ധി​പ്പിക്ക.” (1 തിമൊ​ഥെ​യൊസ്‌ 5:1, 2) അനാദ​രവു പ്രകട​മാ​ക്കുന്ന ഒരു ലോക​ത്തിൽനി​ന്നു ക്രിസ്‌തീയ സഭയി​ലേക്ക്‌ ഈയിടെ വന്നിട്ടു​ള്ളവർ സ്‌നേ​ഹ​ത്തി​ല​ധി​ഷ്‌ഠി​ത​മായ പൗലോ​സി​ന്റെ വാക്കുകൾ വിശേ​ഷി​ച്ചും ഗൗരവ​മാ​യി എടുക്കണം. യുവ​പ്രാ​യ​ക്കാ​രേ, സ്‌കൂ​ളിൽ നിങ്ങൾ കണ്ടിരി​ക്കാ​നി​ട​യുള്ള മോശ​മായ മനോ​ഭാ​വങ്ങൾ അനുക​രി​ക്കാ​തി​രി​ക്കുക. പ്രായ​മായ സാക്ഷി​ക​ളു​ടെ ദയാപു​ര​സ്സ​ര​മായ ബുദ്ധ്യു​പ​ദേ​ശ​ത്തി​നു നേരെ കയർക്കാ​തി​രി​ക്കുക. (1 കൊരി​ന്ത്യർ 13:4-8; എബ്രായർ 12:5, 6, 11) എന്നിരു​ന്നാ​ലും, മോശ​മായ ആരോ​ഗ്യ​സ്ഥി​തി​യാ​ലോ സാമ്പത്തിക പ്രശ്‌ന​ങ്ങ​ളാ​ലോ വൃദ്ധർക്കു സഹായം ആവശ്യ​മാ​യി​വ​രു​മ്പോൾ അവരെ സഹായി​ക്കാൻ പ്രാഥ​മിക ഉത്തരവാ​ദി​ത്വ​മു​ള്ളത്‌ ആർക്കാണ്‌?

വൃദ്ധർക്കു​വേണ്ടി കരുതു​ന്ന​തിൽ കുടും​ബ​ത്തി​ന്റെ പങ്ക്‌

10, 11. (എ) ബൈബിൾ പറയു​ന്ന​ത​നു​സ​രിച്ച്‌, പ്രായ​മാ​യ​വരെ പരിര​ക്ഷി​ക്കു​ന്ന​തിൽ നേതൃ​ത്വ​മെ​ടു​ക്കേ​ണ്ടത്‌ ആർ? (ബി) വൃദ്ധരെ പരിര​ക്ഷി​ക്കു​ന്നത്‌ എല്ലായ്‌പോ​ഴും എളുപ്പ​മ​ല്ലാ​ത്ത​തെ​ന്തു​കൊണ്ട്‌?

¹⁰ ആദിമ ക്രിസ്‌തീയ സഭയിൽ വിധവ​മാ​രെ പരിര​ക്ഷി​ക്കുന്ന കാര്യ​ത്തിൽ പ്രശ്‌നങ്ങൾ പൊന്തി​വന്നു. അത്തരം ആവശ്യങ്ങൾ എങ്ങനെ നിറ​വേ​റ​റ​പ്പെ​ടണം എന്നാണ്‌ അപ്പോ​സ്‌ത​ല​നായ പൗലോസ്‌ സൂചി​പ്പി​ച്ചത്‌? “സാക്ഷാൽ വിധവ​മാ​രാ​യി​രി​ക്കുന്ന വിധവ​മാ​രെ മാനിക്ക. വല്ല വിധ​വെ​ക്കും പുത്ര​പൌ​ത്രൻമാർ ഉണ്ടെങ്കിൽ അവർ മുമ്പെ സ്വന്തകു​ടും​ബ​ത്തിൽ ഭക്തി കാണിച്ചു അമ്മയപ്പൻമാർക്കു പ്രത്യു​പ​കാ​രം ചെയ്‌വാൻ പഠിക്കട്ടെ; ഇതു ദൈവ​സ​ന്നി​ധി​യിൽ പ്രസാ​ദ​ക​ര​മാ​കു​ന്നു. തനിക്കു​ള്ള​വർക്കും പ്രത്യേ​കം സ്വന്തകു​ടും​ബ​ക്കാർക്കും വേണ്ടി കരുതാ​ത്തവൻ വിശ്വാ​സം തള്ളിക്ക​ളഞ്ഞു അവിശ്വാ​സി​യെ​ക്കാൾ അധമനാ​യി​രി​ക്കു​ന്നു.”—1 തിമൊ​ഥെ​യൊസ്‌ 5:3, 4, 8.

¹¹ ആവശ്യ​സ​മ​യത്ത്‌ വൃദ്ധരെ സഹായി​ക്കേണ്ട ആദ്യ വ്യക്തികൾ അടുത്ത കുടും​ബാം​ഗങ്ങൾ ആയിരി​ക്കണം.a ഈ വിധത്തിൽ, മുതിർന്ന കുട്ടി​കൾക്ക്‌ അവരുടെ മാതാ​പി​താ​ക്കൾ വർഷങ്ങ​ളോ​ളം പ്രദാനം ചെയ്‌ത സ്‌നേ​ഹ​ത്തി​നും വേലയ്‌ക്കും പരിര​ക്ഷ​യ്‌ക്കും വിലമ​തി​പ്പു പ്രകടി​പ്പി​ക്കാ​നാ​കും. ഇത്‌ എളുപ്പ​മാ​യി​രി​ക്ക​ണ​മെ​ന്നില്ല. ആളുകൾക്കു പ്രായ​മാ​കു​മ്പോൾ അവർ സ്വാഭാ​വി​ക​മാ​യും തളരുന്നു, ചിലർ അശക്തർപോ​ലും ആയിത്തീ​രു​ന്നു. മററു ചിലർ സ്വാർഥ​തൽപ്പ​ര​രും അവകാ​ശ​പൂർവം ആവശ്യ​പ്പെ​ടു​ന്ന​വ​രും ആയിത്തീർന്നേ​ക്കാം, ഒരുപക്ഷേ അതി​നെ​ക്കു​റി​ച്ചു തിരി​ച്ച​റി​യാ​തെ തന്നെ. എന്നാൽ നാം കുട്ടി​ക​ളാ​യി​രു​ന്ന​പ്പോൾ, നാമും സ്വാർഥ​തൽപ്പ​ര​രും ശാഠ്യ​പൂർവം ആവശ്യ​പ്പെ​ടു​ന്ന​വ​രും ആയിരു​ന്നി​ല്ലേ? നമ്മുടെ മാതാ​പി​താ​ക്കൾ നമ്മെ സഹായി​ക്കാൻ ഓടി​വ​രു​മാ​യി​രു​ന്നി​ല്ലേ? ഇപ്പോൾ അവരുടെ വാർധ​ക്യ​കാ​ലത്തു സംഗതി​കൾക്കു മാററം വന്നിരി​ക്കു​ന്നു. അതു​കൊണ്ട്‌, ആവശ്യ​മാ​യി​രി​ക്കു​ന്നത്‌ എന്താണ്‌? അനുക​മ്പ​യും ക്ഷമയും തന്നെ.—1 തെസ്സ​ലൊ​നീ​ക്യർ 2:7, 8 താരത​മ്യ​പ്പെ​ടു​ത്തുക.

12. വൃദ്ധ​രെ​യും ക്രിസ്‌തീ​യ​സ​ഭ​യി​ലെ മററു​ള്ള​വ​രെ​യും പരിര​ക്ഷി​ക്കു​ന്ന​തിന്‌ ഏതു ഗുണങ്ങൾ ആവശ്യ​മാണ്‌?

¹² അപ്പോ​സ്‌ത​ല​നായ പൗലോസ്‌ ഇങ്ങനെ എഴുതി​യ​പ്പോൾ പ്രാ​യോ​ഗിക ബുദ്ധ്യു​പ​ദേശം നൽകി: “അതു​കൊ​ണ്ടു ദൈവ​ത്തി​ന്റെ വൃതൻമാ​രും വിശു​ദ്ധൻമാ​രും പ്രിയ​രു​മാ​യി മനസ്സലി​വു, ദയ, താഴ്‌മ, സൌമ്യത, ദീർഘക്ഷമ എന്നിവ ധരിച്ചു​കൊ​ണ്ടു അന്യോ​ന്യം പൊറു​ക്ക​യും ഒരുവ​നോ​ടു ഒരുവന്നു വഴക്കു​ണ്ടാ​യാൽ തമ്മിൽ ക്ഷമിക്ക​യും ചെയ്‌വിൻ; കർത്താവു നിങ്ങ​ളോ​ടു ക്ഷമിച്ച​തു​പോ​ലെ നിങ്ങളും ചെയ്‌വിൻ. എല്ലാറ​റി​ന്നും മീതെ സമ്പൂർണ്ണ​ത​യു​ടെ ബന്ധമായ സ്‌നേഹം ധരിപ്പിൻ.” നാം സഭയിൽ ഇത്തരത്തി​ലുള്ള അനുക​മ്പ​യും സ്‌നേ​ഹ​വും പ്രകടി​പ്പി​ക്കേ​ണ്ട​തു​ണ്ടെ​ങ്കിൽ, നാം കുടും​ബ​ത്തിൽ അതു കൂടുതൽ പ്രകട​മാ​ക്കേ​ണ്ട​തല്ലേ?!—കൊ​ലൊ​സ്സ്യർ 3:12-14.

13. പ്രായ​മായ മാതാ​പി​താ​ക്ക​ളെ​യോ വലിയമ്മ വലിയ​പ്പൻമാ​രെ​യോ കൂടാതെ മററാർക്കും സഹായം ആവശ്യ​മാണ്‌?

¹³ കേവലം മാതാ​പി​താ​ക്കൾക്കോ മുത്തശ്ശീ​മു​ത്ത​ശ്ശൻമാർക്കോ മാത്ര​മാ​യി​രി​ക്കില്ല, ചില​പ്പോൾ പ്രായ​മായ മററു ബന്ധുക്കൾക്കും ഇത്തരത്തി​ലുള്ള സഹായം ആവശ്യ​മാ​യി​വ​ന്നേ​ക്കാം. കുട്ടി​ക​ളി​ല്ലാത്ത ചില വൃദ്ധർ മിഷനറി സേവന​ത്തി​ലും സഞ്ചാര​മേൽവി​ചാ​രക ശുശ്രൂ​ഷ​യി​ലും മററു മുഴു​സമയ ശുശ്രൂ​ഷ​യി​ലും അനേക​വർഷം സേവി​ച്ചി​ട്ടുണ്ട്‌. അവരുടെ ജീവി​ത​ത്തി​ലു​ട​നീ​ളം അവർ ആത്മാർഥ​മാ​യി രാജ്യം ഒന്നാം സ്ഥാനത്തു വെച്ചു. (മത്തായി 6:33) അപ്പോൾ കരുത​ലി​ന്റേ​തായ ഒരു ആത്മാവ്‌ അവരോ​ടു പ്രകടി​പ്പി​ക്കു​ന്നത്‌ ഉചിത​മാ​യി​രി​ക്കി​ല്ലേ? തീർച്ച​യാ​യും വാച്ച്‌ ടവർ സൊ​സൈ​ററി അതിന്റെ പ്രായ​മായ ബെഥേ​ലം​ഗ​ങ്ങൾക്കു​വേണ്ടി കരുതുന്ന വിധത്തിൽ നമുക്ക്‌ ഒരു ഉത്തമ മാതൃ​ക​യുണ്ട്‌. ബ്രുക്ക്‌ളി​നി​ലെ ബെഥേൽ ഹെഡ്‌ക്വാർട്ടേ​ഴ്‌സി​ലും സൊ​സൈ​റ​റി​യു​ടെ അനേകം ബ്രാഞ്ചു​ക​ളി​ലും, ശുശ്രൂ​ഷി​ക്കാൻ നിയമി​ത​രായ പരിശീ​ലനം ലഭിച്ച ബെഥേൽകു​ടും​ബാം​ഗ​ങ്ങ​ളിൽനി​ന്നു പ്രായ​മായ അനേകം സഹോ​ദ​രീ​സ​ഹോ​ദ​രൻമാർക്കു ദൈനം​ദിന ശ്രദ്ധ ലഭിക്കു​ന്നു. തങ്ങളുടെ സ്വന്തം മാതാ​പി​താ​ക്കൾ അല്ലെങ്കിൽ വലിയമ്മ വലിയ​പ്പൻമാർ എന്നപോ​ലെ പ്രായ​മായ ഇവർക്കു ശ്രദ്ധ നൽകു​ന്ന​തിൽ അവർ സന്തുഷ്ട​രാണ്‌. അതേസ​മയം ഈ പ്രായ​മാ​യ​വ​രു​ടെ അനുഭ​വ​ത്തിൽനിന്ന്‌ അവർ വളരെ​യ​ധി​കം പഠിക്കു​ക​യും ചെയ്യുന്നു.—സദൃശ​വാ​ക്യ​ങ്ങൾ 22:17.

കരുതു​ന്ന​തിൽ സഭയുടെ പങ്ക്‌

14. ആദിമ ക്രിസ്‌തീയ സഭയിൽ വൃദ്ധർക്കു​വേണ്ടി എന്തു കരുതൽ ചെയ്‌തു?

¹⁴ പല രാജ്യ​ങ്ങ​ളി​ലും ഇന്നു വൃദ്ധർക്കു​വേണ്ടി വാർധ​ക്യ​കാല പെൻഷൻ സമ്പ്രദാ​യ​വും ഗവൺമെൻറു​വക വൈദ്യ​സ​ഹാ​യ​വും ഉണ്ട്‌. അർഹത​യുള്ള ക്രിസ്‌ത്യാ​നി​കൾക്ക്‌ ഇതു ലഭ്യമാ​യി​രി​ക്കു​ന്നി​ട​ങ്ങ​ളിൽ ഈ വ്യവസ്ഥ​യു​ടെ മുഴു​പ്ര​യോ​ജ​ന​വും നേടാ​വു​ന്ന​താണ്‌. എന്നിരു​ന്നാ​ലും, ഒന്നാം നൂററാ​ണ്ടിൽ അത്തരം കരുത​ലു​ക​ളൊ​ന്നും ഉണ്ടായി​രു​ന്നില്ല. അതു​കൊണ്ട്‌, അനാഥ​രായ വിധവ​മാ​രെ സഹായി​ക്കാൻ ക്രിസ്‌തീയ സഭ ക്രിയാ​ത്മക നടപടി​ക​ളെ​ടു​ത്തു. പൗലോസ്‌ നിർദേ​ശി​ച്ചു: “സൽപ്ര​വൃ​ത്തി​ക​ളാൽ ശ്രുതി​പ്പെട്ടു ഏകഭർത്താ​വി​ന്റെ ഭാര്യ​യാ​യി​രു​ന്നു അറുപതു വയസ്സിന്നു താഴെ​യ​ല്ലാത്ത വിധവ മക്കളെ വളർത്തു​ക​യോ അതിഥി​കളെ സല്‌ക്ക​രി​ക്ക​യോ വിശു​ദ്ധൻമാ​രു​ടെ കാലു​കളെ കഴുകു​ക​യോ ഞെരു​ക്ക​മു​ള്ള​വർക്കു മുട്ടു​തീർക്കു​ക​യോ സർവ്വസൽപ്ര​വൃ​ത്തി​യും ചെയ്‌തു പോരു​ക​യോ ചെയ്‌തു എങ്കിൽ [സഭാപ​ര​മായ സഹായ​ത്തിന്‌] അവളെ തിര​ഞ്ഞെ​ടു​ക്കാം.” അങ്ങനെ പ്രായ​മാ​യ​വരെ സഹായി​ക്കു​ന്ന​തിൽ സഭയ്‌ക്കും ഒരു പങ്കു​ണ്ടെന്നു പൗലോസ്‌ പ്രകട​മാ​ക്കി. വിശ്വാ​സി​ക​ളായ കുട്ടികൾ ഇല്ലാഞ്ഞ ആത്മീയ​മ​ന​സ്സുള്ള സ്‌ത്രീ​കൾ അത്തരം സഹായ​ത്തിന്‌ അർഹരാ​യി.—1 തിമൊ​ഥെ​യൊസ്‌ 5:9, 10.

15. ഗവൺമെൻറ്‌ സഹായം നേടി​യെ​ടു​ക്കാൻ സഹായം ആവശ്യ​മാ​യി​വ​ന്നേ​ക്കാ​വു​ന്നത്‌ എന്തു​കൊണ്ട്‌?

¹⁵ വൃദ്ധർക്കു​വേണ്ടി ഗവൺമെൻറി​ന്റെ കരുത​ലു​ക​ളുള്ള സ്ഥലങ്ങളിൽ സാധാ​ര​ണ​മാ​യി മടുപ്പി​ക്കുന്ന കടലാസു ജോലി​കൾ കാണും. അത്തരം സന്ദർഭ​ങ്ങ​ളിൽ വൃദ്ധർ അതിനു​വേണ്ടി അപേക്ഷി​ക്കു​ന്ന​തി​നോ അതു ശേഖരി​ക്കു​ന്ന​തി​നോ അത്തരം സഹായം കാലാ​നു​സൃ​തം പുതു​ക്കു​ന്ന​തി​നോ​പോ​ലും സഭാ​മേൽവി​ചാ​ര​കൻമാർ ആവശ്യ​മായ സഹായം ക്രമീ​ക​രി​ക്കു​ന്നത്‌ ഉചിത​മാണ്‌. ചില​പ്പോൾ സാഹച​ര്യ​മാ​റ​റങ്ങൾ ഒരു വർധിച്ച പെൻഷ​നിൽ കലാശി​ച്ചേ​ക്കാം. എന്നാൽ വൃദ്ധർ പരിര​ക്ഷി​ക്ക​പ്പെ​ടു​വാൻവേണ്ടി മേൽവി​ചാ​ര​കൻമാർക്കു ചെയ്‌തു​കൊ​ടു​ക്കാൻ കഴിയുന്ന മററ​നേകം പ്രാ​യോ​ഗിക സഹായ​ങ്ങ​ളു​മുണ്ട്‌. അവയിൽ ചിലത്‌ എന്തൊ​ക്കെ​യാണ്‌?

16, 17. ഏതെല്ലാം വ്യത്യസ്‌ത വിധങ്ങ​ളിൽ സഭയി​ലുള്ള വൃദ്ധ​രോ​ടു നമുക്ക്‌ അതിഥി​സ​ത്‌കാ​രം പ്രകടി​പ്പി​ക്കാൻ കഴിയും?

¹⁶ അതിഥി​സ​ത്‌കാ​ര​പ്രി​യം ബൈബിൾ കാലങ്ങ​ളോ​ളം പിന്നോ​ട്ടു​പോ​കുന്ന ഒരു ആചാര​മാണ്‌. മധ്യപൂർവ​ദേ​ശ​ത്തുള്ള അനേകം രാജ്യ​ങ്ങ​ളി​ലും ഇന്നുവരെ, ചുരു​ങ്ങി​യ​പക്ഷം ഒരു കപ്പ്‌ ചായയോ കാപ്പി​യോ കൊടു​ക്കുന്ന അളവി​ലെ​ങ്കി​ലും അപരി​ചി​ത​രോട്‌ അതിഥി​സ​ത്‌കാ​രം പ്രകടി​പ്പി​ക്കു​ന്നു. അപ്പോൾ പൗലോസ്‌ ഇപ്രകാ​രം എഴുതി​യത്‌ ആശ്ചര്യമല്ല: “വിശു​ദ്ധൻമാ​രു​ടെ ആവശ്യ​ങ്ങ​ളിൽ കൂട്ടായ്‌മ കാണി​ക്ക​യും അതിഥി​സ​ല്‌ക്കാ​രം ആചരി​ക്ക​യും ചെയ്‌വിൻ.” (റോമർ 12:13) അതിഥി​സ​ത്‌കാ​ര​ത്തി​നുള്ള ഗ്രീക്ക്‌ പദമായ ഫിലോ​ക്‌സേ​നിയ, അക്ഷരീ​യ​മാ​യി “അപരി​ചി​ത​രോ​ടുള്ള സ്‌നേഹം (വാത്സല്യം, അല്ലെങ്കിൽ ദയ)” എന്നർഥ​മാ​ക്കു​ന്നു. ക്രിസ്‌ത്യാ​നി അപരി​ചി​ത​രോട്‌ ആതിഥ്യം കാണി​ക്ക​ണ​മെ​ങ്കിൽ അയാളു​മാ​യി വിശ്വാ​സ​ത്തിൽ ബന്ധപ്പെ​ട്ടി​രി​ക്കു​ന്ന​വ​രോട്‌ അയാൾ അതിലും കൂടുതൽ ആതിഥ്യം കാണി​ക്കേ​ണ്ട​തല്ലേ? ഒരു ഭക്ഷണത്തി​നാ​യുള്ള ക്ഷണം പലപ്പോ​ഴും പ്രായ​മായ ഒരു വ്യക്തി​യു​ടെ ദിനച​ര്യ​യിൽ സ്വാഗ​താർഹ​മായ ഒരു ഇടവേ​ളയെ പ്രതി​നി​ധീ​ക​രി​ക്കു​ന്നു. നിങ്ങളു​ടെ സാമൂ​ഹിക കൂടി​വ​ര​വു​ക​ളിൽ ജ്ഞാനത്തി​ന്റെ​യും അനുഭവ പരിജ്ഞാ​ന​ത്തി​ന്റെ​യും ശബ്ദം കേൾക്കാൻ നിങ്ങൾ ആഗ്രഹി​ക്കു​ന്നെ​ങ്കിൽ വൃദ്ധരെ ഉൾപ്പെ​ടു​ത്തുക.—ലൂക്കൊസ്‌ 14:12-14 താരത​മ്യ​പ്പെ​ടു​ത്തുക.

¹⁷ വൃദ്ധരെ പ്രോ​ത്സാ​ഹി​പ്പി​ക്കാൻ കഴിയുന്ന അനേകം വിധങ്ങ​ളുണ്ട്‌. രാജ്യ​ഹാ​ളി​ലേ​ക്കോ ഒരു സമ്മേള​ന​സ്ഥ​ല​ത്തേ​ക്കോ കാറിൽ പോകുന്ന ഒരു കൂട്ടം നാം രൂപീ​ക​രി​ക്കു​ക​യാ​ണെ​ങ്കിൽ ആ യാത്ര​യ്‌ക്കു ക്ഷണിക്കാൻ കഴിയുന്ന ഏതെങ്കി​ലും വൃദ്ധർ ഉണ്ടോ? അവർ ചോദി​ക്കാൻവേണ്ടി കാത്തി​രി​ക്ക​രുത്‌. അവരെ കൊണ്ടു​പോ​കാ​മെന്നു വാഗ്‌ദാ​നം ചെയ്യുക. കടകളിൽനിന്ന്‌ അവർക്കു​വേണ്ടി സാധനങ്ങൾ വാങ്ങി​ക്കൊ​ടു​ക്കു​ക​യാ​ണു മറെറാ​രു പ്രാ​യോ​ഗിക സഹായം. അല്ലെങ്കിൽ, അവർക്കു കൂടെ വരാൻ കഴിയു​ന്നെ​ങ്കിൽ നമ്മുടെ ഷോപ്പിംഗ്‌ യാത്ര​യിൽ അവരെ പങ്കെടു​പ്പി​ക്കാൻ കഴിയു​മോ? എന്നാൽ അവർക്ക്‌ ആവശ്യ​മാ​യി​വ​രു​ന്നെ​ങ്കിൽ വിശ്ര​മി​ക്കാ​നും ക്ഷീണം തീർക്കാ​നും കഴിയുന്ന സ്ഥലങ്ങളു​ണ്ടെന്ന്‌ ഉറപ്പാ​ക്കുക. ഇതിനു ക്ഷമയും ദയയും ആവശ്യ​മാ​യി​വ​രു​മെ​ന്ന​തിൽ ഒരു സംശയ​വു​മില്ല, എന്നാൽ ഒരു വൃദ്ധന്റെ ആത്മാർഥ​ത​യുള്ള നന്ദി വളരെ പ്രതി​ഫ​ല​ദാ​യ​ക​മാ​യി​രി​ക്കാൻ കഴിയും.—2 കൊരി​ന്ത്യർ 1:11.

സഭയ്‌ക്ക്‌ ഒരു മനോ​ഹ​ര​മായ മുതൽക്കൂട്ട്‌

18. പ്രായ​മാ​യവർ സഭയ്‌ക്ക്‌ ഒരു അനു​ഗ്ര​ഹ​മാ​യി​രി​ക്കു​ന്നത്‌ എന്തു​കൊ​ണ്ടാണ്‌?

¹⁸ ഒരു സഭയിൽ നരച്ചതും വെളു​ത്ത​തും (പ്രായം​കൊ​ണ്ടു കഷണ്ടി​യു​ള്ള​തും) ആയ ശിരസ്സു​കൾ കാണാൻ കഴിയു​ന്നത്‌ എന്തൊ​ര​നു​ഗ്ര​ഹ​മാണ്‌! യുവ​പ്രാ​യ​ക്കാ​രു​ടെ ഓജസ്സി​നും ചുറു​ചു​റു​ക്കി​നും ഇടയിൽ ജ്ഞാനത്തി​ന്റെ​യും അനുഭവ പരിജ്ഞാ​ന​ത്തി​ന്റെ​യും ധൂളികൾ നമുക്കു​ണ്ടെന്ന്‌ അത്‌ അർഥമാ​ക്കു​ന്നു—അത്‌ ഏതു സഭയ്‌ക്കും ഒരു യഥാർഥ മുതൽക്കൂ​ട്ടു​തന്നെ. ഒരു കിണറിൽനി​ന്നും കോരി​യെ​ടു​ക്കേ​ണ്ട​തായ ഉൻമേ​ഷ​ദാ​യ​ക​മായ വെള്ള​ത്തോ​ടു സമാന​മാണ്‌ അവരുടെ പരിജ്ഞാ​നം. അത്‌ സദൃശ​വാ​ക്യ​ങ്ങൾ 18:4 പറയുന്ന പ്രകാ​ര​മാണ്‌: “മമനു​ഷ്യ​ന്റെ വായിലെ വാക്കു ആഴമുള്ള വെള്ളവും ജ്ഞാനത്തി​ന്റെ ഉറവു ഒഴുക്കുള്ള തോടും ആകുന്നു.” തങ്ങൾ വേണ്ട​പ്പെ​ട്ട​വ​രാ​ണെ​ന്നും വിലമ​തി​ക്ക​പ്പെ​ടു​ന്നു​വെ​ന്നും തോന്നു​ന്നത്‌ പ്രായ​മാ​യ​വർക്ക്‌ എത്ര പ്രോ​ത്സാ​ഹ​ജ​ന​ക​മാണ്‌!—സങ്കീർത്തനം 92:14 താരത​മ്യ​പ്പെ​ടു​ത്തുക.

19. തങ്ങളുടെ പ്രായ​മായ മാതാ​പി​താ​ക്കൾക്കു​വേണ്ടി ചിലർ ത്യാഗങ്ങൾ ചെയ്‌തി​രി​ക്കു​ന്ന​തെ​ങ്ങനെ?

¹⁹ വൃദ്ധരും രോഗി​ക​ളു​മായ മാതാ​പി​താ​ക്കളെ ശുശ്രൂ​ഷി​ക്കാൻ വേണ്ടി തങ്ങളുടെ പദവികൾ ഉപേക്ഷി​ച്ചു വീട്ടി​ലേക്കു തിരികെ പോ​കേ​ണ്ട​തി​ന്റെ ആവശ്യം മുഴു​സമയ സേവന​ത്തി​ലുള്ള ചിലർക്കു തോന്നി​യി​ട്ടുണ്ട്‌. മുമ്പ്‌ അവർക്കു​വേണ്ടി ത്യാഗ​ങ്ങ​ള​നു​ഷ്‌ഠി​ച്ച​വർക്ക്‌ അവർ ഒരു ത്യാഗം ചെയ്‌തി​രി​ക്കു​ന്നു. മുമ്പ്‌ മിഷന​റി​മാ​രാ​യി​രു​ന്ന​വ​രും എന്നാൽ ഇപ്പോ​ഴും മുഴു​സ​മ​യ​സേ​വ​ന​ത്തി​ലു​ള്ള​വ​രും ആയ ഒരു ദമ്പതികൾ തങ്ങളുടെ വൃദ്ധരായ മാതാ​പി​താ​ക്കളെ പരിര​ക്ഷി​ക്കേ​ണ്ട​തി​നാ​യി വീട്ടി​ലേക്കു മടങ്ങി. ഇത്‌ അവർ 20 വർഷത്തി​ല​ധി​ക​മാ​യി ചെയ്‌തി​രി​ക്കു​ന്നു. നാലു വർഷം​മുമ്പ്‌ അദ്ദേഹ​ത്തി​ന്റെ അമ്മയെ ആശുപ​ത്രി​യി​ലാ​ക്കേ​ണ്ടി​വന്നു. ഇപ്പോൾ 60-കളിൽ എത്തിയി​രി​ക്കുന്ന ഭർത്താവ്‌ തന്റെ 93 വയസ്സായ അമ്മയെ ദിവസ​വും സന്ദർശി​ക്കു​ന്നു. അദ്ദേഹം ഇങ്ങനെ വിശദീ​ക​രി​ക്കു​ന്നു: “എനി​ക്കെ​ങ്ങനെ അവരെ ഉപേക്ഷി​ക്കാ​നാ​കും? അവർ എന്റെ അമ്മയാണ്‌!” മററു ചിലരു​ടെ കാര്യ​ത്തിൽ, അവരുടെ കുട്ടി​കൾക്കു തങ്ങളുടെ നിയമ​ന​ങ്ങ​ളിൽ നില​കൊ​ള്ളാൻ കഴി​യേ​ണ്ട​തി​നു സഭകളും വ്യക്തി​ക​ളും മുന്നോ​ട്ടു​വന്നു പ്രായ​മാ​യ​വരെ പരിര​ക്ഷി​ച്ചു​കൊ​ള്ളാ​മെന്നു വാഗ്‌ദാ​നം ചെയ്‌തി​ട്ടുണ്ട്‌. അത്തരം നിസ്വാർഥ സ്‌നേ​ഹ​വും വളരെ പ്രശം​സാർഹ​മാണ്‌. ഓരോ സ്ഥിതി​വി​ശേ​ഷ​വും മനസ്സാ​ക്ഷി​പൂർവം കൈകാ​ര്യം ചെയ്യേ​ണ്ട​താണ്‌, എന്തു​കൊ​ണ്ടെ​ന്നാൽ വൃദ്ധർ അവഗണി​ക്ക​പ്പെ​ടാൻ പാടില്ല. നിങ്ങൾ നിങ്ങളു​ടെ വൃദ്ധരായ മാതാ​പി​താ​ക്കളെ സ്‌നേ​ഹി​ക്കു​ന്നു​വെന്നു പ്രകട​മാ​ക്കുക.—പുറപ്പാ​ടു 20:12; എഫെസ്യർ 6:2, 3.

20. വൃദ്ധരെ പരിര​ക്ഷി​ക്കു​ന്ന​തിൽ യഹോവ നമുക്കു നൽകി​യി​രി​ക്കുന്ന മാതൃ​ക​യെന്ത്‌?

²⁰ തീർച്ച​യാ​യും പ്രായ​മായ നമ്മുടെ സഹോ​ദ​രീ​സ​ഹോ​ദ​രൻമാർ ഒരു കുടും​ബ​ത്തി​നോ സഭയ്‌ക്കോ മഹത്ത്വ​ത്തി​ന്റെ ഒരു കിരീ​ട​മാ​കു​ന്നു. യഹോവ ഇങ്ങനെ പറഞ്ഞു: “നിങ്ങളു​ടെ വാർദ്ധ​ക്യം​വരെ ഞാൻ അനന്യൻതന്നേ; നിങ്ങൾ നരെക്കു​വോ​ളം ഞാൻ നിങ്ങളെ ചുമക്കും; ഞാൻ ചെയ്‌തി​രി​ക്കു​ന്നു; ഞാൻ വഹിക്ക​യും ഞാൻ ചുമന്നു വിടു​വി​ക്ക​യും ചെയ്യും.” ക്രിസ്‌തീയ കുടും​ബ​ത്തി​ലെ പ്രായ​മായ നമ്മുടെ സഹോ​ദ​രീ​സ​ഹോ​ദ​രൻമാ​രോ​ടു അതേ ക്ഷമയും പരിപാ​ല​ന​യും നമുക്കു പ്രകടി​പ്പി​ക്കാം.—യെശയ്യാ​വു 46:4; സദൃശ​വാ​ക്യ​ങ്ങൾ 16:31.

[അടിക്കു​റിപ്പ്‌]

നിങ്ങൾ ഓർമി​ക്കു​ന്നു​വോ?

◻ വൃദ്ധരെ പരിര​ക്ഷി​ക്കു​ന്ന​തിൽ നമുക്കുള്ള ബൈബിൾ ദൃഷ്ടാ​ന്തങ്ങൾ ഏവ?

◻ നാം വൃദ്ധ​രോട്‌ എങ്ങനെ പെരു​മാ​റണം?

◻ കുടും​ബാം​ഗ​ങ്ങൾക്കു പ്രായ​മായ തങ്ങളുടെ പ്രിയ​പ്പെ​ട്ട​വരെ എപ്രകാ​രം പരിര​ക്ഷി​ക്കാൻ കഴിയും?

◻ വൃദ്ധരെ സഹായി​ക്കാൻ സഭയ്‌ക്ക്‌ എന്തു ചെയ്യാൻ കഴിയും?

◻ വൃദ്ധർ നമു​ക്കെ​ല്ലാ​വർക്കും ഒരു അനു​ഗ്ര​ഹ​മാ​യി​രി​ക്കു​ന്നത്‌ എന്തു​കൊണ്ട്‌?

[23-ാം പേജിലെ ചിത്രം]

വൃദ്ധയായ നവോ​മി​യോ​ടു രൂത്ത്‌ ദയയും ആദരവും പ്രകടി​പ്പി​ച്ചു

[24-ാം പേജിലെ ചിത്രം]

വൃദ്ധർ സഭയുടെ വിലമ​തി​ക്ക​പ്പെ​ടുന്ന അംഗങ്ങ​ളാണ്‌