ഇസ്രാ​യേ​ലി​ന്റെ ചരി​ത്ര​ത്തി​ലെ ഉത്സവ നാഴി​ക​ക്ക​ല്ലു​കൾ

“നിന്റെ ദൈവ​മായ യഹോവ തിര​ഞ്ഞെ​ടു​ക്കുന്ന സ്ഥലത്തു നിന്റെ ആണുങ്ങ​ളൊ​ക്കെ​യും . . . സംവത്സ​ര​ത്തിൽ മൂന്നു പ്രാവ​ശ്യം അവന്റെ സന്നിധി​യിൽ വരേണം; എന്നാൽ യഹോ​വ​യു​ടെ സന്നിധി​യിൽ വെറു​ങ്ക​യ്യാ​യി വരരുതു.”—ആവർത്ത​ന​പു​സ്‌തകം 16:16.

1. ബൈബിൾ കാലങ്ങ​ളി​ലെ ഉത്സവാ​വ​സ​ര​ങ്ങ​ളെ​ക്കു​റിച്ച്‌ എന്തു പറയാ​വു​ന്ന​താണ്‌?

ഉത്സവ​ത്തെ​ക്കു​റി​ച്ചു ചിന്തി​ക്കു​മ്പോൾ നിങ്ങളു​ടെ മനസ്സി​ലേക്കു വരുന്ന​തെ​ന്താണ്‌? അമിത​ഭോ​ഗ​വും അധാർമി​ക​ത​യും പുരാ​ത​ന​നാ​ളി​ലെ ചില ഉത്സവങ്ങ​ളു​ടെ പ്രത്യേ​ക​ത​യാ​യി​രു​ന്നു. ചില ആധുനി​ക​കാല ഉത്സവങ്ങ​ളു​ടെ സ്ഥിതി​യും വ്യത്യ​സ്‌തമല്ല. എന്നാൽ ഇസ്രാ​യേ​ലി​നുള്ള ദൈവ​ത്തി​ന്റെ ന്യായ​പ്ര​മാ​ണ​ത്തിൽ വിവരി​ച്ചി​രുന്ന ഉത്സവങ്ങൾ വ്യത്യ​സ്‌ത​മാ​യി​രു​ന്നു. അവ ആഹ്ലാദ​ക​ര​മായ സന്ദർഭ​ങ്ങ​ളാ​യി​രി​ക്കെ, അവയെ “വിശുദ്ധ സഭാ​യോഗ”ങ്ങളെന്നും പറയാൻ കഴിഞ്ഞി​രു​ന്നു.—ലേവ്യ​പു​സ്‌തകം 23:2.

2. (എ) വർഷത്തിൽ മൂന്നു പ്രാവ​ശ്യം ഇസ്രാ​യേല്യ പുരു​ഷ​ന്മാർ എന്തു ചെയ്യേ​ണ്ടി​യി​രു​ന്നു? (ബി) ആവർത്ത​ന​പു​സ്‌തകം 16:16-ൽ ഉപയോ​ഗി​ച്ചി​രി​ക്കു​ന്ന​പ്ര​കാ​രം “ഉത്സവം” എന്ന പദത്തിന്റെ അർഥ​മെന്ത്‌?

² ‘യഹോവ തിര​ഞ്ഞെ​ടുത്ത സ്ഥല’മായ യെരൂ​ശ​ലേ​മി​ലേക്കു മിക്ക​പ്പോ​ഴും കുടും​ബ​മൊത്ത്‌ യാത്ര​ചെ​യ്യു​ന്ന​തിൽ വിശ്വ​സ്‌ത​രായ ഇസ്രാ​യേല്യ പുരു​ഷ​ന്മാർക്ക്‌ നവോ​ന്മേ​ഷ​പ്ര​ദ​മായ ആനന്ദം തോന്നി​യി​രു​ന്നു. മൂന്നു വലിയ ഉത്സവങ്ങൾക്കും അവർ ഉദാര​മാ​യി സംഭാവന ചെയ്‌തി​രു​ന്നു. (ആവർത്ത​ന​പു​സ്‌തകം 16:16) ആവർത്ത​ന​പു​സ്‌തകം 16:16-ൽ “ഉത്സവം” എന്നു പരിഭാ​ഷ​പ്പെ​ടു​ത്തി​യി​രി​ക്കുന്ന എബ്രായ പദത്തെ പഴയനി​യമ പദപഠ​നങ്ങൾ (ഇംഗ്ലീഷ്‌) എന്ന പുസ്‌തകം നിർവ​ചി​ക്കു​ന്നത്‌ “യാഗവും വിരു​ന്നും സഹിതം ദൈവ​പ്രീ​തി​യു​ടെ ചില പ്രത്യേക സംഭവങ്ങൾ ആഘോ​ഷി​ക്ക​പ്പെ​ട്ടി​രുന്ന . . . വലിയ സന്തോ​ഷ​ത്തി​ന്റെ അവസരം”a എന്നാണ്‌.

വലിയ ഉത്സവങ്ങ​ളു​ടെ മൂല്യം

3. മൂന്നു വാർഷി​കോ​ത്സ​വങ്ങൾ ഏതെല്ലാം അനു​ഗ്ര​ഹ​ങ്ങളെ അനുസ്‌മ​രി​പ്പി​ച്ചു?

³ ഇസ്രാ​യേ​ല്യർ ഒരു കർഷക സമൂഹ​മാ​യി​രു​ന്ന​തി​നാൽ, മഴയുടെ രൂപത്തി​ലുള്ള ദൈവാ​നു​ഗ്ര​ഹത്തെ ഇസ്രാ​യേ​ല്യർ ആശ്രയി​ച്ചി​രു​ന്നു. വസന്തകാ​ലാ​രം​ഭ​ത്തി​ലെ യവക്കൊ​യ്‌ത്ത്‌, വസന്തകാ​ലാ​വ​സാ​ന​ത്തി​ലെ ഗോത​മ്പു​കൊ​യ്‌ത്ത്‌, വേനൽക്കാ​ലാ​വ​സാ​ന​ത്തി​ലെ ശേഷി​ക്കുന്ന വിള​വെ​ടുപ്പ്‌ എന്നിവ​യു​ടെ സമയത്തു​ത​ന്നെ​യാ​ണു മോ​ശൈക ന്യായ​പ്ര​മാ​ണ​ത്തി​ലെ മൂന്നു വലിയ ഉത്സവങ്ങ​ളും നടന്നി​രു​ന്നത്‌. ഇവ വലിയ ആഹ്ലാദ​ത്തി​നുള്ള സന്ദർഭ​ങ്ങ​ളാ​യി​രു​ന്നു. കൂടാതെ മഴപരി​വൃ​ത്തി​യു​ടെ പരിപാ​ല​ക​നും ഫലഭൂ​യി​ഷ്‌ഠ​നി​ല​ത്തി​ന്റെ നിർമാ​താ​വു​മാ​യ​വ​നോ​ടു നന്ദി​പ്ര​ക​ടി​പ്പി​ക്കു​ന്ന​തി​നുള്ള സന്ദർഭ​ങ്ങ​ളു​മാ​യി​രു​ന്നു. എന്നാൽ ഉത്സവങ്ങ​ളിൽ അതി​ലേറെ ഉൾപ്പെ​ട്ടി​രു​ന്നു.—ആവർത്ത​ന​പു​സ്‌തകം 11:11-14.

4. ആദ്യത്തെ ഉത്സവം ഏതു ചരി​ത്ര​സം​ഭ​വ​ത്തി​ന്റെ ആഘോ​ഷ​മാ​യി​രു​ന്നു?

⁴ ആദ്യ ഉത്സവം പുരാതന ബൈബിൾക​ല​ണ്ട​റി​ലെ ആദ്യമാ​സ​മായ നീസാൻ 15 മുതൽ 21 വരെയാ​യി​രു​ന്നു. അത്‌ നമ്മുടെ നാളിൽ മാർച്ച്‌ അവസാ​ന​മോ ഏപ്രിൽ ആദ്യമോ ആയിരി​ക്കും. അതിനെ “പുളി​പ്പി​ല്ലാത്ത അപ്പത്തിന്റെ ഉത്സവം” എന്നാണ്‌ വിളി​ച്ചി​രു​ന്നത്‌. അതു നീസാൻ 14-ലെ പെസഹ​യ്‌ക്കു തൊട്ടു​പി​ന്നാ​ലെ കൊണ്ടാ​ടി​യി​രു​ന്ന​തി​നാൽ അതിനെ “പെസഹാ ഉത്സവം” എന്നും വിളി​ച്ചി​രു​ന്നു. (ലൂക്കൊസ്‌ 2:41; ലേവ്യ​പു​സ്‌തകം 23:5, 6, NW) പുളി​പ്പി​ല്ലാത്ത അപ്പത്തെ “കഷ്ടതയു​ടെ ആഹാര”മെന്നു വിളി​ച്ചി​രി​ക്കു​ന്ന​തി​നാൽ ഈ ഉത്സവം ഈജി​പ്‌തി​ലു​ണ്ടായ കഷ്ടത്തിൽനിന്ന്‌ ഇസ്രാ​യേ​ല്യർക്കു ലഭിച്ച മോച​ന​ത്തെ​ക്കു​റിച്ച്‌ അവരെ അനുസ്‌മ​രി​പ്പി​ച്ചു. (ആവർത്ത​ന​പു​സ്‌തകം 16:3) കുഴച്ച മാവിൽ പുളിപ്പു ചേർത്ത്‌ അതു പൊങ്ങു​ന്ന​തു​വരെ കാത്തു​നിൽക്കാൻ സമയം​കി​ട്ടാ​ത​വണ്ണം അത്ര തിരക്കി​ലാ​യി​രു​ന്നു ഈജി​പ്‌തിൽനി​ന്നുള്ള തങ്ങളുടെ പലായനം എന്ന്‌ അത്‌ അവരെ അനുസ്‌മ​രി​പ്പി​ച്ചു. (പുറപ്പാ​ടു 12:34) ഈ ഉത്സവത്തി​ന്റെ സമയത്ത്‌ ഇസ്രാ​യേല്യ ഭവനങ്ങ​ളി​ലൊ​ന്നും പുളി​പ്പുള്ള അപ്പം കാണരു​താ​യി​രു​ന്നു. പരദേ​ശി​കൾ ഉൾപ്പെടെ ആഘോ​ഷ​ക​രിൽ ആരെങ്കി​ലും, പുളി​പ്പുള്ള അപ്പം തിന്നാൽ മരണശി​ക്ഷ​യാ​യി​രു​ന്നു ഫലം.—പുറപ്പാ​ടു 12:19.

5. രണ്ടാമത്തെ ഉത്സവത്തിൽ ഏതു പദവി​യെ​ക്കു​റി​ച്ചുള്ള അനുസ്‌മ​ര​ണ​മാ​യി​രി​ക്കാം നടന്നത്‌, പ്രസ്‌തുത ആഹ്ലാദ​ത്തിൽ ആരെ ഉൾപ്പെ​ടു​ത്ത​ണ​മാ​യി​രു​ന്നു?

⁵ നീസാൻ 16-ന്‌ ഏഴ്‌ ആഴ്‌ച​കൾക്കു (49 ദിവസ​ങ്ങൾക്കു) ശേഷം, അതായത്‌ മൂന്നാം മാസമായ സിവാൻ 6-നായി​രു​ന്നു രണ്ടാമത്തെ ഉത്സവം. അതു നമ്മുടെ മേയ്‌ അവസാ​ന​ഘ​ട്ട​ത്തോട്‌ ഒത്തുവ​രും. (ലേവ്യ​പു​സ്‌തകം 23:15, 16) അതിനെ വാരോ​ത്സ​വ​മെന്നു (യേശു​വി​ന്റെ നാളിൽ ഗ്രീക്കിൽ “അമ്പതാ​മ​ത്തേത്‌” എന്നർഥ​മുള്ള പെന്ത​ക്കോ​സ്‌ത്‌ എന്നും) വിളി​ച്ചി​രു​ന്നു. സീനായി പർവത​ത്തി​ങ്കൽ ഇസ്രാ​യേൽ ന്യായ​പ്ര​മാണ ഉടമ്പടി​യിൽ പ്രവേ​ശിച്ച, വർഷത്തി​ലെ ഏതാണ്ട്‌ അതേ സമയ​ത്തോ​ട​ടു​ത്താണ്‌ ഇതു നടന്നി​രു​ന്നത്‌. (പുറപ്പാ​ടു 19:1, 2) ഈ ഉത്സവ​വേ​ള​യിൽ വിശ്വസ്‌ത ഇസ്രാ​യേ​ല്യർ തങ്ങൾ ദൈവ​ത്തി​ന്റെ വിശുദ്ധ ജനതയെന്ന നിലയിൽ തിര​ഞ്ഞെ​ടു​ക്ക​പ്പെ​ട്ടി​രി​ക്കുന്ന പദവിയെ അനുസ്‌മ​രി​ച്ചി​രി​ക്കാം. ദൈവ​ത്തി​ന്റെ പ്രത്യേക ജനമാ​യി​രു​ന്ന​തു​കൊണ്ട്‌, പീഡി​തരെ സ്‌നേ​ഹ​ത്തോ​ടെ പരിപാ​ലി​ക്കണം എന്നതു​പോ​ലുള്ള ദൈവ​ത്തി​ന്റെ ന്യായ​പ്ര​മാണ കൽപ്പന​യോട്‌ അവർ അനുസ​രണം പ്രകട​മാ​ക്ക​ണ​മാ​യി​രു​ന്നു. അങ്ങനെ അവർക്കും ഉത്സവം ആസ്വദി​ക്കാൻ കഴിയു​മാ​യി​രു​ന്നു.—ലേവ്യ​പു​സ്‌തകം 23:22; ആവർത്ത​ന​പു​സ്‌തകം 16:10-12.

6. മൂന്നാ​മത്തെ ഉത്സവം ദൈവ​ജ​നത്തെ ഏത്‌ അനുഭ​വ​ത്തെ​ക്കു​റിച്ച്‌ അനുസ്‌മ​രി​പ്പി​ച്ചു?

⁶ മൂന്നു വലിയ വാർഷി​കോ​ത്സ​വ​ങ്ങ​ളിൽ അവസാ​ന​ത്തേത്‌ ഫലശേഖര ഉത്സവം, അഥവാ കൂടാ​രോ​ത്സവം എന്നു വിളി​ക്ക​പ്പെ​ട്ടി​രു​ന്നു. അത്‌ ഏഴാം മാസമായ തിസ്രി, അഥവാ ഏഥാനീം 15-21 തീയതി​ക​ളി​ലാണ്‌ നടന്നി​രു​ന്നത്‌. ഇതു നമ്മുടെ ഒക്ടോബർ ആദ്യഘ​ട്ട​ത്തോട്‌ ഒത്തുവ​രും. (ലേവ്യ​പു​സ്‌തകം 23:34) ഈ കാലത്ത്‌, ദൈവ​ജനത തങ്ങളുടെ വീടിനു പുറത്ത്‌, അല്ലെങ്കിൽ വീടിനു മുകളിൽ മരച്ചി​ല്ല​ക​ളും ഇലകളും​കൊ​ണ്ടു നിർമിച്ച താത്‌കാ​ലിക അഭയങ്ങ​ളിൽ (കൂടാ​ര​ങ്ങ​ളിൽ) പാർത്തി​രു​ന്നു. ഇത്‌ അവരെ ഈജി​പ്‌തിൽനി​ന്നു വാഗ്‌ദ​ത്ത​ദേ​ശ​ത്തേ​ക്കുള്ള, അവരുടെ 40-വർഷ യാത്ര​യെ​ക്കു​റിച്ച്‌ അനുസ്‌മ​രി​പ്പി​ച്ചു, അന്നായി​രു​ന്നു ആ ജനത അനുദി​നാ​വ​ശ്യ​ങ്ങൾക്കാ​യി ദൈവ​ത്തിൽ ആശ്രയി​ക്കാൻ പഠി​ക്കേ​ണ്ടി​യി​രു​ന്നത്‌.—ലേവ്യ​പു​സ്‌തകം 23:42, 43; ആവർത്ത​ന​പു​സ്‌തകം 8:15, 16.

7. പുരാതന ഇസ്രാ​യേ​ലി​ലെ ഉത്സവാ​ഘോ​ഷ​ങ്ങ​ളു​ടെ ഒരു പുനര​വ​ലോ​ക​ന​ത്തിൽനി​ന്നു നാം പ്രയോ​ജനം നേടു​ന്ന​തെ​ങ്ങനെ?

⁷ പുരാതന നാളിലെ ദൈവ​ജ​ന​ത​യു​ടെ ചരി​ത്ര​ത്തിൽ നാഴി​ക​ക്ക​ല്ലു​ക​ളാ​ണെന്നു തെളിഞ്ഞ ചില ഉത്സവങ്ങൾ നമുക്കു പുനര​വ​ലോ​കനം ചെയ്യാം. ഇത്‌ നമുക്കി​ന്നു പ്രോ​ത്സാ​ഹ​ജ​ന​ക​മാ​യി​രി​ക്കണം, കാരണം ക്രമമാ​യി വാരം​തോ​റും, പിന്നെ വർഷത്തിൽ മൂന്നു​പ്രാ​വ​ശ്യ​വും വലിയ സമ്മേള​ന​ങ്ങൾക്കും കൺ​വെൻ​ഷ​നു​കൾക്കും കൂടി​വ​രാൻ നാമും ക്ഷണിക്ക​പ്പെ​ടു​ന്നുണ്ട്‌.—എബ്രായർ 10:24, 25.

ദാവീ​ദിക രാജാ​ക്ക​ന്മാ​രു​ടെ കാലത്ത്‌

8. (എ) ശലോ​മോൻ രാജാ​വി​ന്റെ നാളിൽ ചരി​ത്ര​പ​ര​മായ ഏത്‌ ആഘോഷം നടന്നു? (ബി) പ്രതി​മാ​തൃ​ക​യി​ലുള്ള കൂടാ​രോ​ത്സ​വ​ത്തി​ന്റെ മഹത്തായ ഏതു പാരമ്യ​ത്തി​നാ​യി നമുക്കു പ്രതീ​ക്ഷാ​പൂർവം കാത്തി​രി​ക്കാ​വു​ന്ന​താണ്‌?

⁸ ദാവീ​ദി​ന്റെ പുത്ര​നായ ശലോ​മോൻ രാജാ​വി​ന്റെ സമ്പത്‌സ​മൃ​ദ്ധ​മായ വാഴ്‌ച​ക്കാ​ലത്ത്‌, കൂടാ​രോ​ത്സ​വ​ത്തി​ന്റെ സമയത്ത്‌ ഒരു ചരി​ത്ര​പ്ര​ധാ​ന​മായ ആഘോഷം നടന്നു. കൂടാ​രോ​ത്സ​വ​ത്തി​നും ആലയസ​മർപ്പ​ണ​ത്തി​നും​വേണ്ടി വാഗ്‌ദ​ത്ത​ദേ​ശ​ത്തി​ന്റെ അറുതി​ക​ളിൽനിന്ന്‌ “ഏററവും വലിയ സഭ” വന്നുകൂ​ടി. (2 ദിനവൃ​ത്താ​ന്തം 7:8) അതിന്റെ സമാപ​ന​ത്തി​ങ്കൽ, ശലോ​മോൻ രാജാവ്‌ ആഘോ​ഷ​കരെ പറഞ്ഞയച്ചു, അവരാ​കട്ടെ ‘രാജാ​വി​നെ അഭിന​ന്ദി​ച്ചു, യഹോവ തന്റെ ദാസനായ ദാവീ​ദി​നും തന്റെ ജനമായ യിസ്രാ​യേ​ലി​നും ചെയ്‌ത എല്ലാന​ന്മ​യെ​യും കുറിച്ചു സന്തോ​ഷ​വും ആനന്ദവു​മു​ള്ള​വ​രാ​യി തങ്ങളുടെ കൂടാ​ര​ങ്ങ​ളി​ലേക്കു പോകു’കയും ചെയ്‌തു. (1 രാജാ​ക്ക​ന്മാർ 8:66) തീർച്ച​യാ​യും അതൊരു ഉത്സവ നാഴി​ക​ക്ക​ല്ലാ​യി​രു​ന്നു. ഇന്ന്‌, ദൈവ​ദാ​സ​ന്മാർ വലിപ്പ​മേ​റിയ ശലോ​മോ​നായ യേശു​ക്രി​സ്‌തു​വി​ന്റെ സഹസ്രാ​ബ്ദ​വാ​ഴ്‌ച​യു​ടെ ഒടുവിൽ പ്രതി​മാ​തൃ​ക​യി​ലുള്ള കൂടാ​രോ​ത്സ​വ​ത്തി​ന്റെ മഹത്തായ പാരമ്യ​ത്തി​നാ​യി പ്രതീ​ക്ഷാ​പൂർവം കാത്തി​രി​ക്കു​ക​യാണ്‌. (വെളി​പ്പാ​ടു 20:3, 7-10, 14, 15) ആ സമയത്ത്‌, പുനരു​ത്ഥാ​നം പ്രാപി​ച്ച​വ​രും അർമ​ഗെ​ദോൻ അതിജീ​വ​ക​രും ഉൾപ്പെടെ ഭൂമി​യു​ടെ എല്ലാ കോണു​ക​ളി​ലും ജീവി​ക്കുന്ന ആളുകൾ യഹോ​വ​യാം ദൈവ​ത്തി​ന്റെ ആഹ്ലാദ​ക​ര​മായ ആരാധ​ന​യിൽ ഏകീകൃ​ത​രാ​യി​രി​ക്കും.—സെഖര്യാ​വു 14:16.

9-11. (എ) ഹിസ്‌കീ​യാവ്‌ രാജാ​വി​ന്റെ നാളു​ക​ളിൽ ഒരു ഉത്സവ നാഴി​ക​ക്ക​ല്ലി​ലേക്കു നയിച്ച​തെ​ന്താ​യി​രു​ന്നു? (ബി) പത്തു​ഗോ​ത്ര വടക്കേ രാജ്യ​ത്തി​ലെ അനേക​രും എന്തു മാതൃക വെച്ചു, അത്‌ ഇന്നു നമ്മെ എന്ത്‌ അനുസ്‌മ​രി​പ്പി​ക്കു​ന്നു?

⁹ അടുത്ത​താ​യി ബൈബി​ളിൽ രേഖ​പ്പെ​ടു​ത്തി​യി​രി​ക്കുന്ന പ്രധാ​ന​പ്പെട്ട ഉത്സവം ദുഷ്ടനായ ആഹാസ്‌ രാജാ​വി​ന്റെ ഭരണത്തി​നു​ശേഷം നടന്നതാ​യി​രു​ന്നു. ആലയം അടച്ചു​പൂ​ട്ടി യഹൂദാ​രാ​ജ്യ​ത്തെ വിശ്വാ​സ​ത്യാ​ഗ​ത്തി​ലേക്കു നയിച്ചത്‌ ഈ രാജാ​വാ​യി​രു​ന്നു. ആഹാസി​ന്റെ പിൻഗാ​മി, ഹിസ്‌കീ​യാവ്‌, ഒരു നല്ല രാജാ​വാ​യി​രു​ന്നു. അവന്റെ ഭരണത്തി​ന്റെ ഒന്നാം വർഷത്തിൽ, അതായത്‌ അവന്‌ 25 വയസ്സു​ള്ള​പ്പോൾ, ഹിസ്‌കീ​യാവ്‌ പുനഃ​സ്ഥാ​പ​ന​ത്തി​ന്റെ​യും നവീക​ര​ണ​ത്തി​ന്റെ​യും ഒരു വലിയ പരിപാ​ടി ആരംഭി​ച്ചു. അവൻ ഉടൻതന്നെ ആലയം തുറന്ന്‌ അതിന്റെ അറ്റകു​റ്റ​പ്പ​ണിക്ക്‌ ഏർപ്പാ​ടു​കൾ ചെയ്‌തു. എന്നിട്ട്‌ രാജാവ്‌ ഇസ്രാ​യേ​ലി​ന്റെ പത്തു​ഗോ​ത്ര വടക്കേ രാജ്യ​മെന്ന ശത്രു​ദേ​ശത്ത്‌ പാർക്കുന്ന ഇസ്രാ​യേ​ല്യർക്കു കത്തുകൾ അയച്ചു. വന്ന്‌ പെസഹ​യും പുളി​പ്പി​ല്ലാത്ത അപ്പത്തിന്റെ ഉത്സവവും ആഘോ​ഷി​ക്കാൻ അവൻ അവരെ ക്ഷണിച്ചു. മറ്റുള്ള​വ​രു​ടെ പരിഹാ​സം സഹിച്ചി​ട്ടാ​ണെ​ങ്കി​ലും അനേക​രും വന്നു.—2 ദിനവൃ​ത്താ​ന്തം 30:1, 10, 11, 18.

¹⁰ ഉത്സവം ഒരു വിജയ​മാ​യി​രു​ന്നോ? ബൈബിൾ റിപ്പോർട്ടു​ചെ​യ്യു​ന്നു: “അങ്ങനെ യെരൂ​ശ​ലേ​മിൽ വന്നുകൂ​ടി​യി​രുന്ന യിസ്രാ​യേൽമക്കൾ പുളി​പ്പി​ല്ലാത്ത അപ്പത്തിന്റെ ഉത്സവം ഏഴു ദിവസം മഹാസ​ന്തോ​ഷ​ത്തോ​ടെ ആചരിച്ചു; ലേവ്യ​രും പുരോ​ഹി​ത​ന്മാ​രും ഉച്ചനാ​ദ​മുള്ള വാദ്യ​ങ്ങ​ളാൽ യഹോ​വെക്കു പാടി ദിവസം​പ്ര​തി​യും യഹോ​വയെ സ്‌തു​തി​ച്ചു.” (2 ദിനവൃ​ത്താ​ന്തം 30:21) ആ ഇസ്രാ​യേ​ല്യർ ഇന്നത്തെ ദൈവ​ജ​ന​ത്തി​നാ​യി എത്ര നല്ല മാതൃ​ക​യാണ്‌ വെച്ചി​രി​ക്കു​ന്നത്‌. ഇന്നു പലരും കൺ​വെൻ​ഷ​നു​കൾക്കു വരുന്നത്‌ എതിർപ്പു സഹിച്ചും ദീർഘ​യാ​ത്ര​ചെ​യ്‌തു​മാണ്‌!

¹¹ ഉദാഹ​ര​ണ​ത്തിന്‌, 1989-ൽ പോള​ണ്ടിൽ നടന്ന മൂന്ന്‌ “ദൈവിക ഭക്തി” ഡിസ്‌ട്രി​ക്‌റ്റ്‌ കൺ​വെൻ​ഷ​നു​ക​ളു​ടെ കാര്യം പരിചി​ന്തി​ക്കുക. സന്നിഹി​ത​രായ 1,66,518 പേരിൽ വലി​യൊ​രു കൂട്ടം ആളുകൾ ആ സമയത്ത്‌ യഹോ​വ​യു​ടെ സാക്ഷി​ക​ളു​ടെ വേല നിരോ​ധി​ച്ചി​രുന്ന മുൻ സോവി​യറ്റ്‌ യൂണി​യ​നി​ലും മറ്റു പൂർവ​യൂ​റോ​പ്യൻ രാജ്യ​ങ്ങ​ളി​ലും​നി​ന്നു​ള്ള​വ​രാ​യി​രു​ന്നു. യഹോ​വ​യു​ടെ സാക്ഷികൾ—ദൈവ​രാ​ജ്യ ഘോഷകർb (ഇംഗ്ലീഷ്‌) എന്ന പുസ്‌തകം റിപ്പോർട്ടു ചെയ്യുന്നു: “ഈ കൺ​വെൻ​ഷ​നു​ക​ളിൽ സംബന്ധിച്ച ചിലർ ആദ്യമാ​യി​ട്ടാ​യി​രു​ന്നു യഹോ​വ​യു​ടെ ജനത്തിലെ 15-ഓ 20-ഓ പേരി​ല​ധി​കം പങ്കെടു​ക്കുന്ന ഒരു വലിയ കൂടി​വ​ര​വിൽ സംബന്ധി​ക്കു​ന്നത്‌. സ്റ്റേഡി​യ​ത്തി​ലെ പതിനാ​യി​ര​ങ്ങളെ നോക്കി​ക്കാ​ണു​ക​യും പ്രാർഥ​ന​യിൽ പങ്കെടു​ക്കു​ക​യും യഹോ​വ​യ്‌ക്കുള്ള സ്‌തു​തി​ഗീ​ത​ങ്ങ​ളിൽ തങ്ങളുടെ സ്വരവും ചേർക്കു​ക​യും ചെയ്‌ത​പ്പോൾ അവരുടെ ഹൃദയങ്ങൾ വിലമ​തി​പ്പി​നാൽ നിറഞ്ഞു.—പേജ്‌ 279.

12. യോശീ​യാവ്‌ രാജാ​വി​ന്റെ ഭരണകാ​ലത്ത്‌ ഒരു ഉത്സവ നാഴി​ക​ക്ക​ല്ലി​ലേക്കു നയിച്ച​തെ​ന്താ​യി​രു​ന്നു?

¹² ഹിസ്‌കീ​യാ​വി​ന്റെ മരണത്തി​നു​ശേഷം, മനശ്ശെ, ആമോൻ എന്നീ രാജാ​ക്ക​ന്മാ​രു​ടെ കീഴിൽ യെഹൂ​ദ്യർ പിന്നെ​യും വ്യാജാ​രാ​ധ​ന​യിൽ ഏർപ്പെട്ടു. പിന്നെ നല്ലവനായ ഒരു യുവരാ​ജാ​വി​ന്റെ, യോശീ​യാ​വി​ന്റെ, വാഴ്‌ച വന്നു. സത്യാ​രാ​ധന പുനഃ​സ്ഥാ​പി​ക്കു​ന്ന​തിൽ ധീരമാ​യി പ്രവർത്തിച്ച അവൻ 25-ാമത്തെ വയസ്സിൽ, ആലയത്തി​ന്റെ കേടു​പാ​ടു​കൾ തീർക്കാൻ ഉത്തരവി​ട്ടു. (2 ദിനവൃ​ത്താ​ന്തം 34:8) അറ്റകു​റ്റ​പ്പ​ണി​ക്കി​ട​യിൽ, മോശ എഴുതിയ ന്യായ​പ്ര​മാ​ണം ആലയത്തിൽനി​ന്നു കണ്ടെടു​ക്ക​പ്പെട്ടു. ദൈവ​ത്തി​ന്റെ ന്യായ​പ്ര​മാ​ണ​ത്തിൽ വായിച്ച സംഗതി​ക​ളാൽ ആഴത്തിൽ പ്രചോ​ദി​ത​നാ​യി യോശീ​യാവ്‌ അത്‌ എല്ലാവ​രെ​യും വായി​ച്ചു​കേൾപ്പി​ക്കാ​നുള്ള ക്രമീ​ക​രണം ചെയ്‌തു. (2 ദിനവൃ​ത്താ​ന്തം 34:14, 30) എന്നിട്ട്‌ അതിൽ എഴുതി​യി​രി​ക്കു​ന്ന​പ്ര​കാ​രം അവൻ ഒരു പെസഹാ ആഘോഷം സംഘടി​പ്പി​ച്ചു. ആ സന്ദർഭ​ത്തി​ലേക്ക്‌ ഔദാ​ര്യ​പൂർവം സംഭാ​വ​ന​ചെ​യ്‌തു​കൊണ്ട്‌ രാജാ​വും നല്ല മാതൃക വെച്ചു. തത്‌ഫ​ല​മാ​യി, ബൈബിൾ റിപ്പോർട്ടു​ചെ​യ്യു​ന്നു: “ശമൂ​വേൽപ്ര​വാ​ച​കന്റെ കാലം​മു​തൽ യിസ്രാ​യേ​ലിൽ ഇതു​പോ​ലെ ഒരു പെസഹ ആചരി​ച്ചി​ട്ടില്ല.”—2 ദിനവൃ​ത്താ​ന്തം 35:7, 17, 18.

13. ഹിസ്‌കീ​യാ​വി​ന്റെ​യും യോശീ​യാ​വി​ന്റെ​യും ഉത്സവാ​ഘോ​ഷങ്ങൾ നമ്മെ ഇന്ന്‌ എന്ത്‌ അനുസ്‌മ​രി​പ്പി​ക്കു​ന്നു?

¹³ ഹിസ്‌കീ​യാ​വി​ന്റെ​യും യോശീ​യാ​വി​ന്റെ​യും പരിഷ്‌കാ​ര​ങ്ങൾക്കു സമാന​മാണ്‌ 1914-ലെ യേശു​ക്രി​സ്‌തു​വി​ന്റെ സിംഹാ​സ​നാ​രോ​ഹ​ണ​ത്തി​നു​ശേഷം സത്യ​ക്രി​സ്‌ത്യാ​നി​കൾക്കി​ട​യിൽ നടന്നി​രി​ക്കുന്ന സത്യാ​രാ​ധ​ന​യു​ടെ അത്ഭുത​ക​ര​മായ പുനഃ​സ്ഥാ​പനം. യോശീ​യാ​വി​ന്റെ പരിഷ്‌കാ​ര​ങ്ങ​ളു​ടെ കാര്യ​ത്തിൽ വിശേ​ഷാൽ സത്യമാ​യി​രു​ന്ന​തു​പോ​ലെ, ഈ ആധുനി​ക​നാ​ളി​ലെ പുനഃ​സ്ഥാ​പനം നടന്നി​രി​ക്കു​ന്ന​തും ദൈവ​വ​ച​ന​ത്തിൽ എഴുതി​യി​രി​ക്കു​ന്ന​തിൽ അധിഷ്‌ഠി​ത​മാ​യാണ്‌. ഹിസ്‌കീ​യാ​വി​ന്റെ​യും യോശീ​യാ​വി​ന്റെ​യും നാളി​നോ​ടുള്ള സാദൃ​ശ്യ​ത്തിൽ, ബൈബിൾപ്ര​വ​ച​ന​ങ്ങ​ളു​ടെ പുളക​പ്ര​ദ​മായ വിശദീ​ക​ര​ണ​ങ്ങ​ളും ബൈബിൾത​ത്ത്വ​ങ്ങ​ളു​ടെ സമയോ​ചി​ത​മായ ബാധക​മാ​ക്ക​ലു​ക​ളും വിശേ​ഷ​വ​ത്‌ക്ക​രി​ക്കുന്ന സമ്മേള​ന​ങ്ങ​ളും കൺ​വെൻ​ഷ​നു​ക​ളും ആധുനി​ക​നാ​ളി​ലെ പുനഃ​സ്ഥാ​പ​ന​ത്തി​ന്റെ സവി​ശേ​ഷ​ത​ക​ളാണ്‌. സ്‌നാ​പ​ന​മേൽക്കുന്ന വലിയ സംഖ്യ ഈ പ്രബോ​ധ​നാ​ത്മക സന്ദർഭ​ങ്ങ​ളു​ടെ സന്തോ​ഷ​ത്തി​നു മാറ്റു കൂട്ടുന്നു. ഹിസ്‌കീ​യാ​വി​ന്റെ​യും യോശീ​യാ​വി​ന്റെ​യും നാളു​ക​ളിൽ അനുതാ​പം പ്രകട​മാ​ക്കിയ ഇസ്രാ​യേ​ല്യ​രെ​പ്പോ​ലെ, പുതു​താ​യി സ്‌നാ​പ​ന​മേ​റ്റവർ ക്രൈ​സ്‌ത​വ​ലോ​ക​ത്തി​ന്റെ​യും സാത്താന്റെ ലോക​ത്തി​ന്റെ ഇതരഭാ​ഗ​ങ്ങ​ളു​ടെ​യും ദുഷ്ടന​ട​പ​ടി​കൾ ഉപേക്ഷി​ച്ചി​രി​ക്കു​ന്നു. 1997-ൽ, 3,75,000-ത്തിലധി​കം പേർ പരിശുദ്ധ ദൈവ​മായ യഹോ​വ​യ്‌ക്കുള്ള തങ്ങളുടെ സമർപ്പ​ണ​ത്തി​ന്റെ പ്രതീ​ക​മാ​യി സ്‌നാ​പ​ന​മേറ്റു—അതായത്‌ ദിവസ​വും 1,000-ത്തിലധി​കം പേർ.

പ്രവാ​സ​ത്തി​നു​ശേഷം

14. പൊ.യു.മു. 537-ൽ ഒരു ഉത്സവ നാഴി​ക​ക്ക​ല്ലി​ലേക്കു നയിച്ച​തെ​ന്താ​യി​രു​ന്നു?

¹⁴ യോശീ​യാ​വി​ന്റെ മരണത്തി​നു​ശേഷം, ആ ജനത പിന്നെ​യും അധഃപ​തി​പ്പി​ക്കുന്ന വ്യാജാ​രാ​ധ​ന​യി​ലേക്കു തിരിഞ്ഞു. അവസാനം, പൊ.യു.മു. 607-ൽ യഹോവ ബാബി​ലോ​ന്യ സൈന്യ​ത്തെ യെരൂ​ശ​ലേ​മി​നെ​തി​രെ കൊണ്ടു​വന്ന്‌ തന്റെ ജനത്തെ ശിക്ഷിച്ചു. നഗരവും ആലയവും നശിപ്പി​ക്ക​പ്പെട്ടു, ദേശം ശൂന്യ​മാ​ക്ക​പ്പെട്ടു. തുടർന്ന്‌ യഹൂദ​ന്മാർ 70 വർഷം ബാബി​ലോ​നിൽ പ്രവാ​സ​ത്തി​ലാ​യി. പിന്നീട്‌ ദൈവം അനുതാ​പ​മുള്ള ഒരു യഹൂദ​ശേ​ഷി​പ്പി​നെ പുനരു​ജ്ജീ​വി​പ്പി​ച്ചു. അവർ സത്യാ​രാ​ധന പുനഃ​സ്ഥാ​പി​ക്കാ​നാ​യി വാഗ്‌ദ​ത്ത​ദേ​ശ​ത്തേക്കു മടങ്ങി. ശൂന്യ​മാ​യി കിടന്നി​രുന്ന യെരൂ​ശ​ലേം നഗരത്തിൽ അവർ പൊ.യു.മു. 537-ാം ആണ്ട്‌ ഏഴാം മാസത്തിൽ എത്തി​ച്ചേർന്നു. അവർ ആദ്യമാ​യി ചെയ്‌തത്‌ ന്യായ​പ്ര​മാണ ഉടമ്പടി​യിൽ വിവരി​ച്ചി​രി​ക്കു​ന്ന​തു​പോ​ലെ ദിവസ​വും ക്രമമാ​യി യാഗങ്ങൾ അർപ്പി​ക്കു​ന്ന​തിന്‌ ഒരു യാഗപീ​ഠം നിർമി​ക്കു​ക​യാ​യി​രു​ന്നു. അത്‌ മറ്റൊരു ചരി​ത്ര​പ്ര​ധാന ആഘോ​ഷ​ത്തി​നുള്ള സമയത്താ​യി​രു​ന്നു. “എഴുതി​യി​രി​ക്കു​ന്ന​തു​പോ​ലെ അവർ കൂടാ​രോ​ത്സവം ആചരിച്ചു.”—എസ്രാ 3:1-4, NW.

15. പൊ.യു.മു. 537-ൽ പുനഃ​സ്ഥാ​പിത ശേഷി​പ്പിന്‌ ഏതു വേല ചെയ്യാ​നു​ണ്ടാ​യി​രു​ന്നു, 1919-ൽ ഒരു സമാന്തര സ്ഥിതി​വി​ശേഷം ഉണ്ടായി​രു​ന്ന​തെ​ങ്ങനെ?

¹⁵ പ്രവാ​സ​ത്തിൽനി​ന്നു മടങ്ങി​യെ​ത്തി​യ​വർക്ക്‌ ഒരു വലിയ വേല നിർവ​ഹി​ക്കാ​നു​ണ്ടാ​യി​രു​ന്നു—ദൈവ​ത്തി​ന്റെ ആലയത്തി​ന്റെ​യും മതിലു​കൾ സഹിതം യെരൂ​ശ​ലേ​മി​ന്റെ​യും പുനർനിർമാ​ണം. അസൂയാ​ലു​ക്ക​ളായ അയൽക്കാ​രിൽനി​ന്നു വളരെ​യ​ധി​കം എതിർപ്പു​ണ്ടാ​യി​രു​ന്നു. ആലയത്തി​ന്റെ പണി നടന്നു​കൊ​ണ്ടി​രു​ന്ന​പ്പോൾ അത്‌ “അല്‌പ​കാ​ര്യ​ങ്ങ​ളു​ടെ ദിവസ”മായി​രു​ന്നു. (സെഖര്യാ​വു 4:10) അതി​നോ​ടു സമാന​മാ​യി​രു​ന്നു 1919-ലെ വിശ്വ​സ്‌ത​രായ അഭിഷിക്ത ക്രിസ്‌ത്യാ​നി​ക​ളു​ടെ അവസ്ഥ. ആ സ്‌മര​ണീയ വർഷം, അവർ വ്യാജ​മ​ത​ലോ​ക​സാ​മ്രാ​ജ്യ​മായ മഹാബാ​ബി​ലോ​ന്റെ ആത്മീയ അടിമ​ത്ത​ത്തിൽനി​ന്നു മോചി​പ്പി​ക്ക​പ്പെട്ടു. അവർ എണ്ണത്തിൽ ഏതാനും ആയിര​ങ്ങളേ ഉണ്ടായി​രു​ന്നു​ള്ളൂ, അവർക്കു ചുറ്റു​മു​ണ്ടാ​യി​രു​ന്നതു ശത്രു​ത​യുള്ള ഒരു ലോക​മാ​യി​രു​ന്നു. ദൈവ​ത്തി​ന്റെ ശത്രു​ക്കൾക്കു സത്യാ​രാ​ധ​ന​യു​ടെ പുരോ​ഗ​തി​യെ തടയാ​നാ​കു​മാ​യി​രു​ന്നോ? ആ ചോദ്യ​ത്തി​നുള്ള ഉത്തരം എബ്രായ തിരു​വെ​ഴു​ത്തു​ക​ളിൽ രേഖ​പ്പെ​ടു​ത്തി​യി​രി​ക്കുന്ന അവസാ​നത്തെ രണ്ട്‌ ഉത്സവാ​ഘോ​ഷ​ങ്ങളെ നമ്മുടെ മനസ്സി​ലേക്കു കൊണ്ടു​വ​രു​ന്നു.

16. പൊ.യു.മു. 515-ലെ ഒരു ഉത്സവത്തി​ന്റെ പ്രാധാ​ന്യ​മെ​ന്താ​യി​രു​ന്നു?

¹⁶ അവസാനം പൊ.യു.മു. 515-ാം ആണ്ട്‌ ആദാർ മാസം ആലയം പുനർനിർമി​ക്ക​പ്പെട്ടു. അതാകട്ടെ നീസാൻ വസന്തോ​ത്സ​വ​ത്തി​ന്റെ സമയവു​മാ​യി​രു​ന്നു. ബൈബിൾ റിപ്പോർട്ടു​ചെ​യ്യു​ന്നു: “യഹോവ അവരെ സന്തോ​ഷി​പ്പി​ക്കു​ക​യും യിസ്രാ​യേ​ലി​ന്റെ ദൈവ​മായ, സത്യ​ദൈ​വ​ത്തി​ന്റെ ആലയത്തി​ന്റെ പണിയിൽ അവരുടെ കരങ്ങളെ ബലിഷ്‌ഠ​മാ​ക്കേ​ണ്ട​തിന്‌ അസ്സീറി​യൻ രാജാ​വി​ന്റെ ഹൃദയത്തെ അവക്ക്‌ അനുകൂ​ല​മാ​ക്കു​ക​യും ചെയ്‌ത​തു​കൊണ്ട്‌ അവർ പുളി​പ്പി​ല്ലാത്ത അപ്പത്തിന്റെ ഉത്സവം ഏഴു ദിവസം ആഹ്ലാദ​പൂർവം ആചരിച്ചു.”—എസ്രാ 6:22, NW.

17, 18. (എ) പൊ.യു.മു. 455-ൽ ഏത്‌ ഉത്സവ നാഴി​ക​ക്ക​ല്ലിൽ എത്തി? (ബി) നാമിന്നു സമാന​മാ​യൊ​രു സ്ഥിതി​വി​ശേ​ഷ​ത്തി​ലാ​യി​രി​ക്കു​ന്ന​തെ​ങ്ങനെ?

¹⁷ അറുപതു വർഷം കഴിഞ്ഞ്‌, അതായത്‌ പൊ.യു.മു. 455-ൽ സംഭവി​ച്ചത്‌ മറ്റൊരു നാഴി​ക​ക്ക​ല്ലാ​യി​രു​ന്നു. ആ വർഷത്തെ കൂടാ​രോ​ത്സവം യെരൂ​ശ​ലേ​മി​ന്റെ മതിലു​ക​ളു​ടെ പുനർനിർമാ​ണ​ത്തി​ന്റെ പൂർത്തീ​ക​ര​ണത്തെ കുറിച്ചു. ബൈബിൾ റിപ്പോർട്ടു​ചെ​യ്യു​ന്നു: “പ്രവാ​സ​ത്തിൽ നിന്നു മടങ്ങി​വ​ന്ന​വ​രു​ടെ സർവ്വസ​ഭ​യും കൂടാ​രങ്ങൾ ഉണ്ടാക്കി കൂടാ​ര​ങ്ങ​ളിൽ പാർത്തു; നൂന്റെ മകനായ യോശു​വ​യു​ടെ കാലം​മു​തൽ അന്നുവരെ യിസ്രാ​യേൽമക്കൾ അങ്ങനെ ചെയ്യാ​തി​രു​ന്ന​തു​കൊ​ണ്ടു അന്നു ഏററവും വലിയ സന്തോഷം ഉണ്ടായി.”—നെഹെ​മ്യാ​വു 8:17.

¹⁸ കടുത്ത എതിർപ്പിൻമ​ധ്യേ​യും ദൈവ​ത്തി​ന്റെ സത്യാ​രാ​ധ​ന​യു​ടെ എത്ര സ്‌മര​ണീ​യ​മായ പുനഃ​സ്ഥാ​പനം! സമാന​മായ സ്ഥിതി​വി​ശേ​ഷ​മാണ്‌ ഇന്നുള്ളത്‌. പീഡന​ത്തി​ന്റെ​യും എതിർപ്പി​ന്റെ​യും തരംഗ​ങ്ങ​ളു​ണ്ടെ​ങ്കി​ലും, ദൈവ​രാ​ജ്യ​ത്തെ​ക്കു​റി​ച്ചുള്ള സുവാർത്ത പ്രസം​ഗി​ക്കുന്ന മഹത്തായ വേല ഭൂമി​യു​ടെ അറ്റങ്ങ​ളോ​ളം എത്തിയി​രി​ക്കു​ന്നു. ദൈവ​ത്തി​ന്റെ ന്യായ​വി​ധി സന്ദേശങ്ങൾ എല്ലായി​ട​ത്തും പ്രഖ്യാ​പി​ക്ക​പ്പെ​ട്ടി​രി​ക്കു​ന്നു. (മത്തായി 24:14) 1,44,000 അഭിഷി​ക്ത​രിൽ ശേഷി​ക്കു​ന്ന​വ​രു​ടെ അവസാന മുദ്ര​യി​ടൽ സമീപി​ച്ചി​രി​ക്കു​ന്നു. അഞ്ച്‌ ദശലക്ഷ​ത്തി​ല​ധി​കം വരുന്ന “വേറെ ആടുകൾ” ആകുന്ന അവരുടെ സഹകാ​രി​കൾ എല്ലാ ജാതി​ക​ളിൽനി​ന്നും അഭിഷി​ക്ത​ശേ​ഷി​പ്പി​നോ​ടൊ​പ്പം “ഒരാട്ടിൻകൂട്ട”മായി കൂട്ടി​വ​രു​ത്ത​പ്പെ​ട്ടി​രി​ക്കു​ന്നു. (യോഹ​ന്നാൻ 10:16; വെളി​പ്പാ​ടു 7:3, 9, 10) കൂടാ​രോ​ത്സ​വ​ത്തി​ന്റെ പ്രാവ​ച​നിക ചിത്ര​ത്തി​ന്റെ എത്ര മഹത്തായ നിവൃത്തി! പ്രതി​മാ​തൃ​ക​യി​ലുള്ള കൂടാ​രോ​ത്സവ ആഘോ​ഷ​ത്തിൽ പങ്കെടു​ക്കാൻ പുനരു​ത്ഥാ​നം പ്രാപിച്ച ശതകോ​ടി​ക്ക​ണ​ക്കി​നാ​ളു​കൾ ക്ഷണിക്ക​പ്പെ​ടു​മ്പോൾ കൂട്ടി​ച്ചേർപ്പി​ന്റെ ഈ മഹത്തായ വേല പുതിയ ലോക​ത്തി​ലേക്കു തുടരും.—സെഖര്യാ​വു 14:16-19.

പൊ.യു. ഒന്നാം നൂറ്റാ​ണ്ടിൽ

19. പൊ.യു. 32-ലെ കൂടാ​രോ​ത്സ​വ​ത്തി​നെ മുന്തി​യ​താ​ക്കി​യ​തെന്ത്‌?

¹⁹ ബൈബി​ളിൽ രേഖ​പ്പെ​ടു​ത്തി​യി​രി​ക്കുന്ന ഏറ്റവും പ്രമുഖ ഉത്സവാ​ഘോ​ഷ​ങ്ങ​ളിൽപ്പെ​ടു​ന്ന​വ​യാണ്‌ നിസ്സം​ശ​യ​മാ​യും ദൈവ​പു​ത്ര​നായ യേശു​ക്രി​സ്‌തു സംബന്ധി​ച്ചവ. ഉദാഹ​ര​ണ​ത്തിന്‌, പൊ.യു. 32-ലെ കൂടാ​രോ​ത്സ​വ​ത്തിൽ (അഥവാ, സമാഗ​മ​ന​കൂ​ടാ​രം) യേശു സംബന്ധി​ച്ചു എന്നത്‌ പരിചി​ന്തി​ക്കുക. പ്രധാ​ന​പ്പെട്ട സത്യങ്ങൾ പഠിപ്പി​ക്കാൻ അവൻ ആ സന്ദർഭം ഉപയോ​ഗി​ക്കു​ക​യും എബ്രായ തിരു​വെ​ഴു​ത്തു​ക​ളിൽനിന്ന്‌ ഉദ്ധരി​ച്ചു​കൊണ്ട്‌ തന്റെ പഠിപ്പി​ക്ക​ലി​നെ പിന്താ​ങ്ങു​ക​യും ചെയ്‌തു. (യോഹ​ന്നാൻ 7:2, 14, 37-39) ആലയത്തി​ന്റെ അകത്തെ ഒരു പ്രാകാ​ര​ത്തിൽ വലിയ നാലു നിലവി​ള​ക്കു​കൾ കത്തിക്കുന്ന പതിവ്‌ ഈ ഉത്സവത്തി​ന്റെ ഒരു സ്ഥിരസ​വി​ശേ​ഷ​ത​യാ​യി​രു​ന്നു. ഇത്‌ രാത്രി​വരെ നീളു​മാ​യി​രുന്ന ഉത്സവ​പ്ര​വർത്ത​ന​ങ്ങ​ളു​ടെ ആസ്വാ​ദ​ന​ത്തി​നു മാറ്റു​കൂ​ട്ടി​യി​രു​ന്നു. വ്യക്തമാ​യും, യേശു പിൻവ​രു​ന്ന​പ്ര​കാ​രം പറഞ്ഞ​പ്പോൾ ഈ വലിയ വെളി​ച്ച​ങ്ങ​ളെ​യാണ്‌ പരാമർശി​ച്ചത്‌: “ഞാൻ ലോക​ത്തി​ന്റെ വെളിച്ചം ആകുന്നു; എന്നെ അനുഗ​മി​ക്കു​ന്നവൻ ഇരുളിൽ നടക്കാതെ ജീവന്റെ വെളി​ച്ച​മു​ള്ളവൻ ആകും.”—യോഹ​ന്നാൻ 8:12.

20. പൊ.യു. 33-ലെ പെസഹ പ്രമു​ഖ​മാ​യി​രു​ന്ന​തെ​ന്തു​കൊണ്ട്‌?

²⁰ പിന്നെ പൊ.യു. 33-ലെ പെസഹ​യും പുളി​പ്പി​ല്ലാത്ത അപ്പത്തിന്റെ ഉത്സവവും വന്നെത്തി. ആ പെസഹാ​നാ​ളിൽ, യേശു ശത്രു​ക്ക​ളാൽ വധിക്ക​പ്പെട്ട്‌ “ലോക​ത്തി​ന്റെ പാപം” നീക്കാൻ മരിച്ച, പ്രതി​മാ​തൃ​ക​യി​ലെ പെസഹാ​ക്കു​ഞ്ഞാട്‌ ആയിത്തീർന്നു. (യോഹ​ന്നാൻ 1:29; 1 കൊരി​ന്ത്യർ 5:7) മൂന്നു ദിവസം കഴിഞ്ഞ്‌, അതായത്‌ നീസാൻ 16-ന്‌ ദൈവം യേശു​വി​നെ അമർത്യ ആത്മശരീ​ര​ത്തോ​ടെ ഉയിർപ്പി​ച്ചു. ഇത്‌ ന്യായ​പ്ര​മാ​ണാ​നു​സൃ​ത​മുള്ള യവക്കൊ​യ്‌ത്തിൽനി​ന്നുള്ള ആദ്യഫലം അർപ്പി​ക്കു​ന്ന​തി​നോട്‌ ഒത്തുവന്നു. അങ്ങനെ, പുനരു​ത്ഥാ​നം പ്രാപിച്ച കർത്താ​വായ യേശു​ക്രി​സ്‌തു “നിദ്ര​കൊ​ണ്ട​വ​രിൽ ആദ്യഫ​ല​മാ​യി”ത്തീർന്നു.—1 കൊരി​ന്ത്യർ 15:20.

21. പൊ.യു. 33-ലെ പെന്ത​ക്കോ​സ്‌തിൽ എന്തു സംഭവി​ച്ചു?

²¹ യഥാർഥ​ത്തിൽ മുഖ്യ​മായ ഒരു ഉത്സവം പൊ.യു. 33-ലെ പെന്ത​ക്കോ​സ്‌താ​യി​രു​ന്നു. ആ ദിവസം യേശു​വി​ന്റെ 120 ശിഷ്യ​ന്മാർ ഉൾപ്പെടെ, അനേകം യഹൂദ​ന്മാ​രും യഹൂദ​മ​ത​പ​രി​വർത്തി​ത​രും യെരൂ​ശ​ലേ​മിൽ ഒരുമി​ച്ചു​കൂ​ടി. ഉത്സവം നടന്നു​കൊ​ണ്ടി​രി​ക്കെ, പുനരു​ത്ഥാ​നം​പ്രാ​പിച്ച കർത്താ​വായ യേശു​ക്രി​സ്‌തു 120 പേരു​ടെ​മേൽ ദൈവ​ത്തി​ന്റെ പരിശു​ദ്ധാ​ത്മാ​വി​നെ പകർന്നു. (പ്രവൃ​ത്തി​കൾ 1:15; 2:1-4, 33) അവർ അങ്ങനെ അഭിഷി​ക്ത​രാ​കു​ക​യും യേശു​ക്രി​സ്‌തു മധ്യസ്ഥ​നാ​യുള്ള പുതിയ ഉടമ്പടി​യി​ലൂ​ടെ ദൈവ​ത്തി​ന്റെ പുതിയ തിര​ഞ്ഞെ​ടുത്ത ജനതയാ​യി​ത്തീ​രു​ക​യും ചെയ്‌തു. ആ ഉത്സവസ​മ​യത്ത്‌ ഗോതമ്പ്‌ കൊയ്‌ത്തിൽനി​ന്നുള്ള ആദ്യഫ​ലം​കൊ​ണ്ടു​ണ്ടാ​ക്കിയ പുളി​പ്പുള്ള രണ്ട്‌ അപ്പം യഹൂദ മഹാപു​രോ​ഹി​തൻ ദൈവ​ത്തിന്‌ അർപ്പിച്ചു. (ലേവ്യ​പു​സ്‌തകം 23:15-17) ഈ പുളി​പ്പുള്ള അപ്പം “രാജ്യ​വും പുരോ​ഹി​ത​ന്മാ​രു”മായി സേവി​ക്കാൻ, “ഭൂമി​യു​ടെ​മേൽ രാജാ​ക്ക​ന്മാ​രാ​യി ഭരിക്കാൻ” യേശു​ക്രി​സ്‌തു ‘ദൈവ​ത്തി​നാ​യി വിലക്കു​വാ​ങ്ങിയ’ 1,44,000 അപൂർണ മനുഷ്യ​രെ ചിത്രീ​ക​രി​ക്കു​ന്നു. (വെളി​പ്പാ​ടു 5:9, 10; 14:1, 3, NW) ഇവർ പാപി​ക​ളായ മനുഷ്യ​വർഗ​ത്തി​ന്റെ, യഹൂദ​ന്മാ​രും വിജാ​തീ​യ​രു​മെന്ന രണ്ടു ശിഖര​ങ്ങ​ളിൽനി​ന്നു​ള്ള​വ​രാ​ണെന്ന വസ്‌തു​തയെ പുളി​പ്പുള്ള രണ്ട്‌ അപ്പം ചിത്രീ​ക​രി​ക്കു​ന്നു​ണ്ടാ​കാം.

22. (എ) ക്രിസ്‌ത്യാ​നി​കൾ ന്യായ​പ്ര​മാണ ഉടമ്പടി​യു​ടെ ഉത്സവങ്ങൾ ആഘോ​ഷി​ക്കാ​ത്ത​തെ​ന്തു​കൊണ്ട്‌? (ബി) അടുത്ത ലേഖന​ത്തിൽ നാമെന്തു പരിചി​ന്തി​ക്കു​ന്ന​താ​യി​രി​ക്കും?

²² പൊ.യു. 33-ലെ പെന്ത​ക്കോ​സ്‌തിൽ പുതിയ ഉടമ്പടി പ്രവർത്ത​ന​ത്തിൽ വന്നപ്പോൾ, ദൈവ​ദൃ​ഷ്ടി​യിൽ പഴയ ന്യായ​പ്ര​മാണ ഉടമ്പടി​ക്കു വിലയി​ല്ലാ​താ​യെന്ന്‌ അത്‌ അർഥമാ​ക്കി. (2 കൊരി​ന്ത്യർ 3:14; എബ്രായർ 9:15; 10:16) അതിനർഥം അഭിഷിക്ത ക്രിസ്‌ത്യാ​നി​കൾക്കു നിയമ​മി​ല്ലെന്നല്ല. അവർ യേശു​ക്രി​സ്‌തു പഠിപ്പി​ച്ച​തും തങ്ങളുടെ ഹൃദയ​ങ്ങ​ളിൽ ആലേഖനം ചെയ്യ​പ്പെ​ട്ടി​രി​ക്കു​ന്ന​തു​മായ ദിവ്യ​നി​യ​മ​ത്തിൻ കീഴിൽ വരുന്നു. (ഗലാത്യർ 6:2) അതു​കൊണ്ട്‌, മൂന്നു വാർഷി​കോ​ത്സ​വ​ങ്ങ​ളും പഴയ ന്യായ​പ്ര​മാണ ഉടമ്പടി​യു​ടെ ഭാഗമാ​യ​തി​നാൽ ക്രിസ്‌ത്യാ​നി​കൾ ആഘോ​ഷി​ക്കു​ന്നില്ല. (കൊ​ലൊ​സ്സ്യർ 2:16, 17) എന്നിരു​ന്നാ​ലും, ഉത്സവങ്ങ​ളോ​ടും മറ്റ്‌ ആരാധ​നാ​യോ​ഗ​ങ്ങ​ളോ​ടും ദൈവ​ത്തി​ന്റെ ക്രിസ്‌തീ​യ​പൂർവ ദാസന്മാർ പ്രകട​മാ​ക്കിയ മനോ​ഭാ​വ​ത്തിൽനി​ന്നു നമുക്ക്‌ ഏറെ പഠിക്കാൻ കഴിയും. അടുത്ത ലേഖന​ത്തിൽ, ക്രിസ്‌തീയ യോഗ​ങ്ങ​ളിൽ മുടങ്ങാ​തെ സംബന്ധി​ക്കേ​ണ്ട​തി​ന്റെ ആവശ്യം മനസ്സി​ലാ​ക്കാൻ നമ്മെ നിസ്സം​ശ​യ​മാ​യും പ്രചോ​ദി​പ്പി​ക്കുന്ന മാതൃ​കകൾ നാം പരിചി​ന്തി​ക്കു​ന്ന​താണ്‌.

[അടിക്കു​റി​പ്പു​കൾ]

പുനര​വ​ലോ​കന ചോദ്യ​ങ്ങൾ

□ ഇസ്രാ​യേ​ലി​ന്റെ മൂന്നു വലിയ ഉത്സവങ്ങൾ ഏത്‌ ഉദ്ദേശ്യം നിവർത്തി​ച്ചു?

□ ഹിസ്‌കീ​യാ​വി​ന്റെ​യും യോശീ​യാ​വി​ന്റെ​യും നാളിലെ ഉത്സവങ്ങ​ളു​ടെ പ്രത്യേ​ക​തകൾ എന്തായി​രു​ന്നു?

□ പൊ.യു.മു. 455-ൽ ഏതു നാഴി​ക​ക്കല്ല്‌ ആഘോ​ഷി​ക്ക​പ്പെട്ടു, അതു നമുക്കു പ്രോ​ത്സാ​ഹ​ജ​ന​ക​മാ​യി​രി​ക്കു​ന്ന​തെ​ന്തു​കൊണ്ട്‌?

□ പൊ.യു. 33-ലെ പെസഹ​യു​ടെ​യും പെന്ത​ക്കോ​സ്‌തി​ന്റെ​യും പ്രാധാ​ന്യ​മെ​ന്താ​യി​രു​ന്നു?

[12-ാം പേജിലെ ചതുരം]

ഉത്സവത്തിൽനിന്ന്‌ ഇന്നു നമുക്കുള്ള പാഠം

യേശു​വി​ന്റെ പാപപ​രി​ഹാര ബലിയിൽനി​ന്നു നിലനിൽക്കുന്ന പ്രയോ​ജനം നേടുന്ന എല്ലാവ​രും പുളി​പ്പി​ല്ലാത്ത അപ്പത്തിന്റെ ഉത്സവത്തി​നാൽ ചിത്രീ​ക​രി​ക്ക​പ്പെ​ട്ട​തി​നോ​ടുള്ള യോജി​പ്പിൽ ജീവി​ക്കണം. ഈ ദുഷ്ട​ലോ​ക​ത്തിൽനി​ന്നുള്ള വിമോ​ച​ന​ത്തെ​യും യേശു​വി​ന്റെ മറുവി​ല​യി​ലൂ​ടെ പാപത്തി​ന്റെ ശിക്ഷാ​വി​ധി​യിൽനി​ന്നു ലഭിക്കുന്ന മോച​ന​ത്തെ​യും​പ്രതി അഭിഷിക്ത ക്രിസ്‌ത്യാ​നി​കൾ നടത്തുന്ന ആഹ്ലാദ​ക​ര​മായ ആഘോ​ഷ​മാണ്‌ പ്രതി​മാ​തൃ​ക​യി​ലെ ഈ ഉത്സവം. (ഗലാത്യർ 1:4; കൊ​ലൊ​സ്സ്യർ 1:13, 14) അക്ഷരീയ ഉത്സവം ഏഴു ദിവസം ദൈർഘ്യ​മു​ള്ള​താ​യി​രു​ന്നു. ആത്മീയ പൂർണ​തയെ പ്രതീ​ക​പ്പെ​ടു​ത്താൻ ബൈബിൾ ഉപയോ​ഗി​ക്കുന്ന സംഖ്യ​യാണ്‌ ഏഴ്‌. പ്രതി​മാ​തൃ​ക​യി​ലുള്ള ഉത്സവം ഭൂമി​യിൽ അഭിഷിക്ത ക്രിസ്‌തീയ സഭ നിലനിൽക്കുന്ന സമയ​ത്തോ​ള​മു​ണ്ടാ​യി​രി​ക്കും, അത്‌ “ആത്മാർഥ​ത​യോ​ടും സത്യ​ത്തോ​ടും”കൂടെ ആഘോ​ഷി​ക്ക​പ്പെ​ടണം. അതിനർഥം ആലങ്കാ​രിക പുളി​പ്പി​നെ​തി​രെ നിതാന്ത ജാഗ്രത വേണ​മെ​ന്നാണ്‌. ദുഷിച്ച പഠിപ്പി​ക്ക​ലു​ക​ളെ​യും കാപട്യ​ത്തെ​യും തിന്മ​യെ​യും ചിത്രീ​ക​രി​ക്കാ​നാണ്‌ ബൈബിൾ പുളിപ്പ്‌ ഉപയോ​ഗി​ക്കു​ന്നത്‌. തങ്ങളുടെ ജീവി​തത്തെ ദുഷി​പ്പി​ക്കാ​നോ ക്രിസ്‌തീയ സഭയുടെ പരിശു​ദ്ധി​യെ നശിപ്പി​ക്കാ​നോ അത്തരം പുളി​പ്പി​നെ അനുവ​ദി​ക്കാ​തെ യഹോ​വ​യു​ടെ സത്യാ​രാ​ധകർ അതി​നോ​ടു വെറുപ്പ്‌ പ്രകട​മാ​ക്കണം.—1 കൊരി​ന്ത്യർ 5:6-8; മത്തായി 16:6, 12.

[9-ാം പേജിലെ ചിത്രം]

വർഷംതോറും നീസാൻ 16-ന്‌—യേശു പുനരു​ത്ഥാ​നം പ്രാപിച്ച ദിവസം—യവക്കൊ​യ്‌ത്തി​ലെ ആദ്യത്തെ കററ അർപ്പി​ച്ചി​രു​ന്നു

[10-ാം പേജിലെ ചിത്രം]

യേശു തന്നെത്തന്നെ “ലോക​ത്തി​ന്റെ വെളിച്ചം” എന്നു വിളി​ച്ച​പ്പോൾ അവൻ ഉത്സവ​വെ​ളി​ച്ച​ങ്ങ​ളെ​യാ​യി​രി​ക്കാം പരാമർശി​ച്ചത്‌