നീതി​മാൻമാ​രു​ടെ പുനരു​ത്ഥാ​നം ഉണ്ടായി​രി​ക്കും

“നീതി​മാൻമാ​രു​ടെ​യും നീതി​കെ​ട്ട​വ​രു​ടെ​യും പുനരു​ത്ഥാ​നം ഉണ്ടാകും എന്നു . . . ഞാനും ദൈവ​ത്തി​ങ്കൽ ആശവെ​ച്ചി​രി​ക്കു​ന്നു.”—പ്രവൃ​ത്തി​കൾ 24:15.

1. ആദാമി​ന്റെ​യും ഹവ്വായു​ടെ​യും വീഴ്‌ച​മു​തൽ സകല മനുഷ്യ​രും അഭിമു​ഖീ​ക​രി​ച്ചി​ട്ടുള്ള സ്ഥിതി​വി​ശേ​ഷ​മെന്ത്‌?

“ചെയ്‌വാൻ നിനക്കു സംഗതി​വ​രു​ന്ന​തൊ​ക്കെ​യും ശക്തി​യോ​ടെ ചെയ്‌ക; നീ ചെല്ലുന്ന പാതാ​ള​ത്തിൽ പ്രവൃ​ത്തി​യോ സൂത്ര​മോ, അറിവോ, ജ്ഞാനമോ ഒന്നും ഇല്ല.” (സഭാ​പ്ര​സം​ഗി 9:10) നന്നായി തിര​ഞ്ഞെ​ടുത്ത ഈ ചുരു​ങ്ങിയ വാക്കു​ക​ളിൽ ജ്ഞാനി​യായ ശലോ​മോൻ രാജാവ്‌ നമ്മുടെ ആദ്യ മാതാ​പി​താ​ക്ക​ളായ ആദാമി​ന്റെ​യും ഹവ്വായു​ടെ​യും വീഴ്‌ച​മു​തൽ മനുഷ്യ​വർഗ​ത്തി​ന്റെ ഓരോ തലമു​റ​യും അഭിമു​ഖീ​ക​രി​ച്ചി​ട്ടുള്ള ഒരു സ്ഥിതി​വി​ശേ​ഷത്തെ വർണി​ക്കു​ക​യാണ്‌. മരണം ഒട്ടൊ​ഴി​യാ​തെ എല്ലാവ​രെ​യും—ധനവാ​നെ​യും ദരി​ദ്ര​നെ​യും, രാജാ​വി​നെ​യും സാധാ​ര​ണ​ക്കാ​ര​നെ​യും, വിശ്വ​സ്‌ത​നെ​യും അവിശ്വ​സ്‌ത​നെ​യും—ഒടുവിൽ ഗ്രസി​ച്ചി​രി​ക്കു​ന്നു. വാസ്‌ത​വ​മാ​യും, മരണം ‘രാജാ​വാ​യി വാണി​രി​ക്കു​ന്നു.’—റോമർ 5:17, NW.

2. ഈ അന്ത്യകാ​ലത്ത്‌ വിശ്വ​സ്‌ത​രായ ചിലർ എന്തു​കൊ​ണ്ടാ​ണു നിരാ​ശ​രാ​യി​ത്തീ​രു​ന്നത്‌?

² വൈദ്യ​ശാ​സ്‌ത്ര​ത്തിൽ അത്യാ​ധു​നിക മുന്നേ​റ​റ​ങ്ങ​ളൊ​ക്കെ ഉണ്ടായി​രു​ന്നി​ട്ടും മരണം ഇന്നും രാജാ​വാ​യി വാഴു​ക​യാണ്‌. ഇത്‌ അതിശ​യ​മ​ല്ലെ​ങ്കി​ലും, ഒടുവിൽ ഈ ദീർഘ​കാല ശത്രു​വി​നെ അഭിമു​ഖീ​ക​രി​ച്ച​പ്പോൾ ചിലർ ഏതാണ്ടു നിരാ​ശി​ത​രാ​യി​രു​ന്നി​രി​ക്കാം. എന്തു​കൊണ്ട്‌? കൊള്ളാം, 1920-കളിൽ വാച്ച്‌ ടവർ സൊ​സൈ​ററി “ഇപ്പോൾ ജീവി​ക്കുന്ന ദശലക്ഷങ്ങൾ ഒരിക്ക​ലും മരിക്കു​ക​യില്ല” എന്ന സന്ദേശം പ്രഘോ​ഷി​ച്ചു. ഈ ദശലക്ഷങ്ങൾ ആരായി​രി​ക്കും? ചെമ്മരി​യാ​ടു​ക​ളെ​യും കോലാ​ടു​ക​ളെ​യും സംബന്ധി​ച്ചുള്ള യേശു​വി​ന്റെ പ്രസ്‌താ​വ​ന​യിൽ പറഞ്ഞി​രി​ക്കുന്ന ‘ചെമ്മരി​യാ​ടു​കൾ.’ (മത്തായി 25:31-46) ചെമ്മരി​യാ​ടു തുല്യ​രായ ഇവർ അന്ത്യകാ​ലത്തു പ്രത്യ​ക്ഷ​പ്പെ​ടു​മെന്നു പ്രവചി​ക്ക​പ്പെട്ടു. പറുദീ​സാ ഭൂമി​യി​ലുള്ള നിത്യ​ജീ​വ​നാ​യി​രി​ക്കും അവരുടെ പ്രത്യാശ. സമയം കടന്നു​പോ​യ​തോ​ടെ ദൈവ​ജനം, യഹോ​വ​യു​ടെ ഉദ്ദേശ്യ​ത്തിൽ ഈ ‘ചെമ്മരി​യാ​ടു​കൾ’ക്കുള്ള സ്ഥാന​ത്തെ​ക്കു​റി​ച്ചു മെച്ചപ്പെട്ട ഗ്രാഹ്യം നേടി​യെ​ടു​ത്തു. ഈ അനുസ​ര​ണ​മു​ള്ളവർ ശാഠ്യ​മുള്ള ‘കോലാ​ടു​ക​ളിൽ’നിന്നു വേർതി​രി​ക്ക​പ്പെ​ടു​മെ​ന്നും രണ്ടാമത്തെ കൂട്ടരു​ടെ നാശത്തി​നു​ശേഷം തങ്ങൾക്കാ​യി ഒരുക്കി​യി​രി​ക്കുന്ന രാജ്യ​ത്തി​ന്റെ ഭൗമി​ക​മ​ണ്ഡ​ലത്തെ ചെമ്മരി​യാ​ടു​കൾ അവകാ​ശ​മാ​ക്കു​മെ​ന്നും തിരി​ച്ച​റി​ഞ്ഞു.

ചെമ്മരി​യാ​ടു തുല്യ​രാ​യ​വ​രു​ടെ കൂട്ടി​ച്ചേർക്കൽ

3. ദൈവ​ജനം 1935 മുതൽ എന്തു വേലയി​ലാ​ണു ശ്രദ്ധ കേന്ദ്രീ​ക​രി​ച്ചി​രി​ക്കു​ന്നത്‌?

³ ‘വിശ്വ​സ്‌ത​നായ അടിമ’ 1935-ൽ തുടങ്ങി “ചെമ്മരി​യാ​ടു​കളെ” കണ്ടുപി​ടി​ക്കു​ന്ന​തി​ലും യഹോ​വ​യു​ടെ സ്ഥാപന​ത്തി​ലേക്ക്‌ അവരെ കൊണ്ടു​വ​രു​ന്ന​തി​ലും ശ്രദ്ധ കേന്ദ്രീ​ക​രി​ച്ചി​രി​ക്കു​ന്നു. (മത്തായി 24:45, NW; യോഹ​ന്നാൻ 10:16) യേശു ഇപ്പോൾ യഹോ​വ​യു​ടെ സ്വർഗീയ രാജ്യ​ത്തിൽ ഭരിക്കു​ക​യാ​ണെ​ന്നും ഈ ദുഷ്ടവ്യ​വ​സ്ഥി​തി​യു​ടെ സമാപ​ന​ത്തി​നും നീതി​വ​സി​ക്കേണ്ട ഒരു പുതിയ ലോകത്തെ ആനയി​ക്കു​ന്ന​തി​നും ഉള്ള സമയം സത്വരം സമീപി​ക്കു​ക​യാ​ണെ​ന്നും ഉപദേ​ശ​പാ​ത്ര​ത​യുള്ള ഈ ക്രിസ്‌ത്യാ​നി​കൾ തിരി​ച്ച​റി​യാ​നി​ട​യാ​യി​രി​ക്കു​ന്നു. (2 പത്രൊസ്‌ 3:13; വെളി​പ്പാ​ടു 12:10) ആ പുതിയ ലോക​ത്തിൽ, “അവൻ മരണത്തെ സദാകാ​ല​ത്തേ​ക്കും നീക്കി​ക്ക​ള​യും” എന്ന യെശയ്യാ​വി​ന്റെ സന്തോ​ഷ​പ്ര​ദ​മായ വാക്കുകൾ നിവർത്തി​ക്കും.—യെശയ്യാ​വു 25:8.

4. അർമ​ഗെ​ദോ​നിൽ യഹോ​വ​യു​ടെ പരമാ​ധി​കാ​രം സംസ്ഥാ​പി​ക്ക​പ്പെ​ടാൻ ആകാം​ക്ഷ​യോ​ടെ നോക്കി​പ്പാർത്തി​രി​ക്കു​ന്നു​വെ​ങ്കി​ലും വേറെ ആടുക​ളിൽപ്പെട്ട അനേകർക്കും എന്തു സംഭവി​ച്ചി​രി​ക്കു​ന്നു?

⁴ സാത്താന്റെ പഴയ ലോക​ത്തി​ന്റെ അവസാനം വളരെ അടുത്തി​രി​ക്കു​ന്ന​തി​നാൽ, മഹാബാ​ബി​ലോ​ന്റെ​യും സാത്താന്റെ ശേഷിച്ച ലോക​ത്തി​ന്റെ​യും​മേൽ ഭവിക്കാൻപോ​കുന്ന മഹോ​പ​ദ്ര​വ​ത്തി​ന്റെ സമയത്തു യഹോ​വ​യു​ടെ പരമാ​ധി​കാ​രം സംസ്ഥാ​പി​ക്കു​ന്ന​തു​വരെ ജീവി​ച്ചി​രി​ക്കാൻ ചെമ്മരി​യാ​ടു​തു​ല്യ​രായ ക്രിസ്‌ത്യാ​നി​കൾ അതിയാ​യി ഇഷ്ടപ്പെ​ടും. (വെളി​പ്പാ​ടു 19:1-3, 19-21) ഒട്ടനവധി ആളുകൾക്ക്‌ അതിനു കഴിഞ്ഞി​ട്ടില്ല. ഒരിക്ക​ലും മരിക്കു​ക​യി​ല്ലാത്ത “ദശലക്ഷ​ങ്ങ​ളിൽ” ഉൾപ്പെ​ടാൻ ആശിച്ച അനേകർ മരിച്ചു​പോ​യി എന്നതാണു വാസ്‌തവം. ചിലർ സത്യത്തി​നു​വേണ്ടി തടവറ​ക​ളി​ലും തടങ്കൽപ്പാ​ള​യ​ങ്ങ​ളി​ലും അതല്ലെ​ങ്കിൽ മതഭ്രാ​ന്തൻമാ​രു​ടെ കൈക​ളാ​ലും രക്തസാ​ക്ഷി​ത്വം അനുഭ​വി​ച്ചു. മററു ചിലർ അപകട​ങ്ങ​ളിൽ മരിച്ചി​രി​ക്കു​ന്നു അല്ലെങ്കിൽ സ്വാഭാ​വിക കാരണ​ങ്ങ​ളെന്നു പറയ​പ്പെ​ടുന്ന രോഗം, വാർധ​ക്യം എന്നിവ നിമിത്തം മരണമ​ട​ഞ്ഞി​രി​ക്കു​ന്നു. (സങ്കീർത്തനം 90:9, 10; സഭാ​പ്ര​സം​ഗി 9:11) അവസാനം വരുന്ന​തി​നു മുമ്പ്‌ ഇനിയും അനേകർ മരിക്കു​മെന്നു വ്യക്തമാണ്‌. അങ്ങനെ​യു​ള്ളവർ നീതി​വ​സി​ക്കുന്ന ഒരു പുതിയ ലോക​ത്തി​ന്റെ വാഗ്‌ദ​ത്ത​നി​വൃ​ത്തി എങ്ങനെ കാണും?

പുനരു​ത്ഥാന പ്രത്യാശ

5, 6. അർമ​ഗെ​ദോ​നു മുമ്പു മരിക്കുന്ന ഭൗമിക പ്രത്യാ​ശ​യു​ള്ള​വർക്ക്‌ എന്തു ഭാവി പ്രത്യാ​ശ​യാ​ണു​ള്ളത്‌?

⁵ അപ്പോ​സ്‌ത​ല​നായ പൗലോസ്‌ റോമൻ ഗവർണ​റായ ഫെലി​ക്‌സി​ന്റെ മുമ്പാകെ സംസാ​രി​ച്ചു​കൊ​ണ്ടി​രു​ന്ന​പ്പോൾ അതിന്‌ ഉത്തരം നൽകി. പ്രവൃ​ത്തി​കൾ 24:15-ൽ രേഖ​പ്പെ​ടു​ത്തി​യി​രി​ക്കുന്ന പ്രകാരം പൗലോസ്‌ സധൈ​ര്യം ഇങ്ങനെ പ്രഖ്യാ​പി​ച്ചു: “നീതി​മാൻമാ​രു​ടെ​യും നീതി​കെ​ട്ട​വ​രു​ടെ​യും പുനരു​ത്ഥാ​നം ഉണ്ടാകും എന്നു . . . ഞാനും ദൈവ​ത്തി​ങ്കൽ ആശവെ​ച്ചി​രി​ക്കു​ന്നു.” ഏററവും വഷളായ വിപത്തു​കൾ അഭിമു​ഖീ​ക​രി​ക്കു​മ്പോ​ഴും പുനരു​ത്ഥാന പ്രത്യാശ നമുക്കു ധൈര്യം പകരുന്നു. ആ പ്രത്യാ​ശ​നി​മി​ത്തം, രോഗി​ക​ളാ​യി​ത്തീ​രു​ക​യും തങ്ങൾ മരിക്കാൻപോ​കു​ക​യാ​ണെന്നു ബോധ്യം​വ​രു​ക​യും ചെയ്യുന്ന നമ്മുടെ പ്രിയ​സു​ഹൃ​ത്തു​ക്കൾ നിരു​ത്സാ​ഹി​ത​രാ​കു​ന്നില്ല. എന്തുതന്നെ സംഭവി​ച്ചാ​ലും വിശ്വ​സ്‌ത​ത​യു​ടെ പ്രതി​ഫലം തങ്ങൾ കൊയ്യു​മെന്ന്‌ അവർക്ക​റി​യാം. പീഡക​രു​ടെ കൈയാൽ മരണത്തെ അഭിമു​ഖീ​ക​രി​ക്കുന്ന നമ്മുടെ ധീര സഹോ​ദ​രീ​സ​ഹോ​ദ​രൻമാർ തങ്ങളുടെ പീഡകർക്കു വിജയം നേടാൻ യാതൊ​രു പഴുതു​മി​ല്ലെന്നു പുനരു​ത്ഥാന പ്രത്യാശ നിമിത്തം അറിയു​ന്നു. (മത്തായി 10:28) സഭയിലെ ആരെങ്കി​ലും മരിക്കു​മ്പോൾ ആ വ്യക്തിയെ നഷ്ടപ്പെ​ടു​ന്ന​തിൽ നാം സങ്കടമു​ള്ള​വ​രാണ്‌. എന്നാൽ അതേസ​മ​യം​തന്നെ, അദ്ദേഹം അല്ലെങ്കിൽ അവൾ വേറെ ആടുക​ളിൽപ്പെട്ട ഒരാളാ​ണെ​ങ്കിൽ, നമ്മുടെ സഹവി​ശ്വാ​സി അന്ത്യ​ത്തോ​ളം വിശ്വ​സ്‌തത പാലിച്ചു എന്നതി​ലും ദൈവ​ത്തി​ന്റെ പുതിയ ലോക​ത്തി​ലെ ഒരു ഭാവി​യി​ലുള്ള ഉറപ്പോ​ടെ ഇപ്പോൾ വിശ്ര​മി​ക്കു​ക​യാണ്‌ എന്നതി​ലും നാം സന്തോ​ഷി​ക്കും.—1 തെസ്സ​ലൊ​നീ​ക്യർ 4:13.

⁶ അതേ, പുനരു​ത്ഥാന പ്രത്യാശ നമ്മുടെ വിശ്വാ​സ​ത്തി​ന്റെ ഒരു കാതലായ വശമാണ്‌. എന്നുവ​രി​കി​ലും, പുനരു​ത്ഥാ​ന​ത്തി​ലുള്ള നമ്മുടെ വിശ്വാ​സം ഇത്ര ശക്തമാ​യി​രി​ക്കു​ന്നത്‌ എന്തു​കൊ​ണ്ടാണ്‌, ആ പ്രത്യാ​ശ​യിൽ ആർ പങ്കുപ​റ​റു​ന്നു?

7. പുനരു​ത്ഥാ​നം എന്നാൽ എന്ത്‌, അതിന്റെ നിശ്ചി​ത​ത്വം പ്രകട​മാ​ക്കുന്ന ചില തിരു​വെ​ഴു​ത്തു​കൾ ഏവ?

⁷ “പുനരു​ത്ഥാന”ത്തിനുള്ള ഗ്രീക്കു പദം അനാസ്‌റ​റ​സിസ്‌ ആണ്‌, അതിന്റെ അക്ഷരാർഥം “എഴു​ന്നേ​റ​റു​നിൽപ്പ്‌” എന്നാണ്‌. അത്‌ അടിസ്ഥാ​ന​പ​ര​മാ​യി മരിച്ച​വ​രിൽനി​ന്നുള്ള എഴു​ന്നേൽപ്പി​നെ പരാമർശി​ക്കു​ന്നു. രസകര​മെ​ന്നു​പ​റ​യട്ടെ, “പുനരു​ത്ഥാ​നം” എന്ന പദം എബ്രായ തിരു​വെ​ഴു​ത്തു​ക​ളിൽ ഇല്ല. എന്നാൽ, പുനരു​ത്ഥാന പ്രത്യാ​ശ​യെ​ക്കു​റിച്ച്‌ അവിടെ വ്യക്തമാ​യി പ്രസ്‌താ​വി​ച്ചി​ട്ടുണ്ട്‌. ദൃഷ്ടാ​ന്ത​ത്തിന്‌, കഷ്ടപ്പാ​ടിൻമ​ധ്യേ ഇയ്യോബ്‌ ഉച്ചരിച്ച വാക്കു​ക​ളിൽ നാം അതു കാണുന്നു: “നീ എന്നെ പാതാ​ള​ത്തിൽ മറെച്ചു​വെ​ക്ക​യും . . . എനിക്കു ഒരവധി നിശ്ചയി​ച്ചു എന്നെ ഓർക്കു​ക​യും ചെയ്‌തു​വെ​ങ്കിൽ കൊള്ളാ​യി​രു​ന്നു.” (ഇയ്യോബ്‌ 14:13) അതു​പോ​ലെ​തന്നെ, ഹോശേയ 13:14-ൽ നാം ഇങ്ങനെ വായി​ക്കു​ന്നു: “ഞാൻ അവരെ പാതാ​ള​ത്തി​ന്റെ അധീന​ത്തിൽനി​ന്നു വീണ്ടെ​ടു​ക്കും; മരണത്തിൽനി​ന്നു ഞാൻ അവരെ വിടു​വി​ക്കും; മരണമേ നിന്റെ ബാധകൾ എവിടെ? പാതാ​ളമേ നിന്റെ സംഹാരം എവിടെ?” 1 കൊരി​ന്ത്യർ 15:55-ൽ അപ്പോ​സ്‌ത​ല​നായ പൗലോസ്‌ ഈ വാക്കുകൾ ഉദ്ധരി​ക്കു​ക​യും മരണത്തിൻമേൽ പ്രവചി​ക്ക​പ്പെ​ട്ടി​രി​ക്കുന്ന വിജയം പുനരു​ത്ഥാ​ന​ത്തി​ലൂ​ടെ​യാ​ണു സാധി​ക്കു​ന്നത്‌ എന്നു കാണി​ക്കു​ക​യും ചെയ്‌തു. (ആ തിരു​വെ​ഴു​ത്തിൽ തീർച്ച​യാ​യും പൗലോസ്‌ സ്വർഗീയ പുനരു​ത്ഥാ​ന​ത്തെ​ക്കു​റി​ച്ചാ​ണു സംസാ​രി​ച്ചത്‌.)

വിശ്വാ​സി​കൾ “നീതി​മാൻമാ​രാ​യി പ്രഖ്യാ​പി​ക്ക​പ്പെട്ടു”

8, 9. (എ) നീതി​മാൻമാ​രു​ടെ പുനരു​ത്ഥാ​ന​ത്തിൽ അപൂർണ മനുഷ്യർക്കു പങ്കുണ്ടാ​യി​രി​ക്കാൻ കഴിയു​ന്ന​തെ​ങ്ങനെ? (ബി) മരണം ഒടുക്കി​ക്ക​ള​യു​ക​യി​ല്ലാത്ത ജീവനി​ലുള്ള നമ്മുടെ പ്രത്യാ​ശ​യു​ടെ അടിസ്ഥാ​ന​മെന്ത്‌?

⁸ ഫെലി​ക്‌സി​നോ​ടുള്ള, 5-ാം ഖണ്ഡിക​യിൽ ഉദ്ധരി​ച്ചി​രി​ക്കുന്ന, പ്രസ്‌താ​വ​ന​യിൽ നീതി​മാൻമാ​രു​ടെ​യും നീതി​കെ​ട്ട​വ​രു​ടെ​യും പുനരു​ത്ഥാ​ന​മു​ണ്ടാ​യി​രി​ക്കു​മെന്നു പൗലോസ്‌ പറഞ്ഞു. ഉയിർപ്പി​ക്ക​പ്പെ​ടുന്ന നീതി​മാൻമാർ ആരായി​രി​ക്കും? ഒരു മനുഷ്യ​നും പ്രകൃ​ത്യാ നീതി​മാ​ന​ല്ല​ല്ലോ. നാമെ​ല്ലാം ജനനം മുതൽ പാപി​ക​ളാണ്‌, ആജീവ​നാ​ന്തം നാം പാപങ്ങൾ ചെയ്യുന്നു—ഈ രണ്ടു കാരണങ്ങൾ നമ്മെ മരണത്തിന്‌ അർഹരാ​ക്കു​ന്നു. (റോമർ 5:12; 6:23) എന്നിരു​ന്നാ​ലും, ബൈബി​ളിൽ “നീതി​മാൻമാ​രാ​യി പ്രഖ്യാ​പി​ക്ക​പ്പെട്ടു” എന്ന പദപ്ര​യോ​ഗം നാം കാണുന്നു. (റോമർ 3:28, NW) ഇത്‌, അപൂർണ​രെ​ങ്കി​ലും യഹോ​വ​യാൽ പാപങ്ങൾ ക്ഷമിച്ചു​കി​ട്ടുന്ന മനുഷ്യ​രെ പരാമർശി​ക്കു​ന്നു.

⁹ ഈ പദപ്ര​യോ​ഗം സ്വർഗീയ പ്രത്യാ​ശ​യുള്ള അഭിഷിക്ത ക്രിസ്‌ത്യാ​നി​ക​ളോ​ടുള്ള ബന്ധത്തി​ലാ​ണു പ്രമു​ഖ​മാ​യും ഉപയോ​ഗി​ച്ചി​രി​ക്കു​ന്നത്‌. “വിശ്വാ​സ​ത്താൽ നീതീ​ക​രി​ക്ക​പ്പെ​ട്ടി​ട്ടു [“നീതി​മാൻമാ​രാ​യി പ്രഖ്യാ​പി​ക്ക​പ്പെ​ട്ടി​ട്ടു,” NW] നമ്മുടെ കർത്താ​വായ യേശു​ക്രി​സ്‌തു​മൂ​ലം നമുക്കു ദൈവ​ത്തോ​ടു സമാധാ​നം ഉണ്ടു” (ചെരി​ച്ചെ​ഴു​ത്തു ഞങ്ങളു​ടേത്‌.) എന്നു റോമർ 5:1-ൽ അപ്പോ​സ്‌ത​ല​നായ പൗലോസ്‌ പറയുന്നു. എല്ലാ അഭിഷിക്ത ക്രിസ്‌ത്യാ​നി​ക​ളും തങ്ങളുടെ വിശ്വാ​സം നിമിത്തം നീതി​മാൻമാ​രാ​യി പ്രഖ്യാ​പി​ക്ക​പ്പെ​ടു​ന്നു. എന്തിലുള്ള വിശ്വാ​സം? റോമ​റു​ടെ പുസ്‌ത​ക​ത്തിൽ പൗലോസ്‌ ഗണ്യമായ അളവിൽ വിശദീ​ക​രി​ക്കു​ന്ന​തു​പോ​ലെ, അത്‌ യേശു​ക്രി​സ്‌തു​വി​ലുള്ള വിശ്വാ​സ​മാണ്‌. (റോമർ 10:4, 9, 10) യേശു ഒരു പൂർണ​ത​യുള്ള മനുഷ്യ​നാ​യി മരിച്ചു, തദനന്തരം മരിച്ച​വ​രിൽനി​ന്നു പുനരു​ത്ഥാ​നം പ്രാപിച്ച്‌ നമുക്കു​വേണ്ടി തന്റെ മനുഷ്യ​ജീ​വന്റെ മൂല്യം അർപ്പി​ക്കു​ന്ന​തി​നു സ്വർഗാ​രോ​ഹണം ചെയ്യു​ക​യും ചെയ്‌തു. (എബ്രായർ 7:26, 27; 9:11, 12) യഹോവ ആ ബലി സ്വീക​രി​ച്ച​പ്പോൾ യേശു ഫലത്തിൽ മനുഷ്യ​വർഗത്തെ പാപത്തി​ന്റെ​യും മരണത്തി​ന്റെ​യും അടിമ​ത്ത​ത്തിൽനി​ന്നു വിലയ്‌ക്കു​വാ​ങ്ങി. ഈ ക്രമീ​ക​ര​ണ​ത്തിൽ വിശ്വാ​സം പ്രകടി​പ്പി​ക്കു​ന്നവർ അതിൽനി​ന്നു വളരെ​യ​ധി​കം പ്രയോ​ജനം നേടുന്നു. (1 കൊരി​ന്ത്യർ 15:45) ഇതിന്റെ അടിസ്ഥാ​ന​ത്തിൽ വിശ്വസ്‌ത സ്‌ത്രീ​പു​രു​ഷൻമാർക്ക്‌ ഉഗ്രശ​ത്രു​വായ മരണം ഒടുക്കി​ക്ക​ള​യാത്ത ഒരു ജീവൻ അവകാ​ശ​പ്പെ​ടു​ത്തു​ന്ന​തി​നുള്ള പ്രത്യാ​ശ​യുണ്ട്‌.—യോഹ​ന്നാൻ 3:16.

10, 11. (എ) വിശ്വസ്‌ത അഭിഷിക്ത ക്രിസ്‌ത്യാ​നി​കൾ കാത്തി​രി​ക്കുന്ന പുനരു​ത്ഥാ​നം ഏത്‌? (ബി) ക്രിസ്‌തീയ കാലത്തി​നു മുമ്പുള്ള ആരാധകർ ഏതുതരം പുനരു​ത്ഥാ​ന​ത്തി​നാ​ണു പ്രത്യാ​ശി​ച്ചി​രു​ന്നത്‌?

¹⁰ യേശു​വി​ന്റെ മറുവി​ല​യാ​ഗം ഹേതു​വാ​യി, നീതി​മാൻമാ​രാ​യി പ്രഖ്യാ​പി​ക്ക​പ്പെട്ട വിശ്വസ്‌ത അഭിഷി​ക്തർക്ക്‌ യേശു​വി​നെ​പ്പോ​ലെ ആത്മജീ​വി​ക​ളാ​യി ഉയിർപ്പി​ക്ക​പ്പെ​ടു​ന്ന​തി​ന്റെ ഉറപ്പുള്ള പ്രത്യാ​ശ​യുണ്ട്‌. (വെളി​പ്പാ​ടു 2:10) അവരുടെ പുനരു​ത്ഥാ​ന​ത്തെ​ക്കു​റി​ച്ചു വെളി​പ്പാ​ടു 20:6-ൽ സൂചി​പ്പി​ച്ചി​രി​ക്കു​ന്നു. അതിങ്ങനെ പറയുന്നു: “ഒന്നാമത്തെ പുനരു​ത്ഥാ​ന​ത്തിൽ പങ്കുള്ളവൻ ഭാഗ്യ​വാ​നും വിശു​ദ്ധ​നു​മാ​കു​ന്നു; അവരു​ടെ​മേൽ രണ്ടാം മരണത്തി​ന്നു അധികാ​ര​മില്ല; അവർ ദൈവ​ത്തി​ന്നും ക്രിസ്‌തു​വി​ന്നും പുരോ​ഹി​തൻമാ​രാ​യി ക്രിസ്‌തു​വി​നോ​ടു​കൂ​ടെ ആയിരം ആണ്ടു വാഴും.” ഇതു സ്വർഗീയ പുനരു​ത്ഥാ​ന​മാണ്‌. എങ്കിലും, ബൈബിൾ അതിനെ ‘ഒന്നാമത്തെ പുനരു​ത്ഥാ​നം’ എന്നു വിളി​ക്കു​ന്ന​താ​യി ശ്രദ്ധി​ക്കുക. അതിന്റെ അർഥം പിന്നെ​യും ഉണ്ടെന്നു​ള്ള​താണ്‌.

¹¹ എബ്രായർ 11-ാം അധ്യാ​യ​ത്തിൽ, യഹോ​വ​യാം ദൈവ​ത്തിൽ ശക്തമായ വിശ്വാ​സം പ്രകട​മാ​ക്കിയ, ക്രിസ്‌തീയ കാലങ്ങൾക്കു മുമ്പു​ണ്ടാ​യി​രുന്ന ദൈവ​ദാ​സൻമാ​രു​ടെ ഒരു നീണ്ട നിര​യെ​പ്പ​ററി പൗലോസ്‌ പരാമർശി​ക്കു​ന്നു. ഇവർക്കും പുനരു​ത്ഥാ​ന​ത്തിൽ വിശ്വാ​സ​മു​ണ്ടാ​യി​രു​ന്നു. ആ അധ്യാ​യ​ത്തി​ന്റെ 35-ാം വാക്യ​ത്തിൽ [NW], ഇസ്രാ​യേ​ലി​ന്റെ ചരി​ത്ര​ത്തിൽ സംഭവിച്ച അത്ഭുത​ക​ര​മായ പുനരു​ത്ഥാ​ന​ങ്ങ​ളെ​ക്കു​റി​ച്ചു പ്രസ്‌താ​വി​ച്ചു​കൊ​ണ്ടു പൗലോസ്‌ ഇങ്ങനെ പറയുന്നു: “സ്‌ത്രീ​കൾക്കു തങ്ങളുടെ മരിച്ച​വരെ പുനരു​ത്ഥാ​ന​ത്താൽ കിട്ടി; എന്നാൽ മററു ചില മനുഷ്യർ ദണ്ഡിപ്പി​ക്ക​പ്പെട്ടു, എന്തു​കൊ​ണ്ടെ​ന്നാൽ ഏറെ നല്ല ഒരു പുനരു​ത്ഥാ​നം പ്രാപി​ക്കേ​ണ്ട​തിന്‌ അവർ ഏതെങ്കി​ലും മോച​ന​ദ്ര​വ്യ​ത്താൽ വിടുതൽ സ്വീക​രി​ക്കു​മാ​യി​രു​ന്നില്ല.” പുരാതന​കാ​ലത്തെ വിശ്വസ്‌ത സാക്ഷി​കൾക്ക്‌ ഏലിയാ​വും എലീശാ​യും നിർവ​ഹി​ച്ച​തി​നെ​ക്കാൾ ഏറെ നല്ല ഒരു പുനരു​ത്ഥാ​ന​ത്തി​നു​വേണ്ടി നോക്കി​പ്പാർത്തി​രി​ക്കാൻ കഴിയു​മാ​യി​രു​ന്നു. (1 രാജാ​ക്കൻമാർ 17:17-22; 2 രാജാ​ക്കൻമാർ 4:32-37; 13:20, 21) അവരുടെ പ്രത്യാശ ദൈവ​ദാ​സൻമാർ തങ്ങളുടെ വിശ്വാ​സം നിമിത്തം ദണ്ഡിപ്പി​ക്ക​പ്പെ​ടു​ക​യി​ല്ലാത്ത, സ്‌ത്രീ​കൾക്കു തങ്ങളുടെ പ്രിയ​പ്പെ​ട്ട​വരെ മരണത്തിൽ നഷ്ടപ്പെ​ടു​ക​യി​ല്ലാത്ത, ഒരു ലോക​ത്തി​ലേ​ക്കുള്ള പുനരു​ത്ഥാ​ന​മാ​യി​രു​ന്നു. അതേ, അവർ നാം പ്രത്യാ​ശി​ക്കുന്ന അതേ പുതിയ ലോക​ത്തി​ലേക്കു മരിച്ച​വ​രിൽനിന്ന്‌ ഉയിർത്തെ​ഴു​ന്നേൽക്കു​ന്ന​തി​നാ​ണു നോക്കി​പ്പാർത്തി​രു​ന്നത്‌. (യെശയ്യാ​വു 65:17-25) ഈ പുതിയ ലോക​ത്തെ​ക്കു​റി​ച്ചു യഹോവ നമുക്കു വെളി​പ്പെ​ടു​ത്തി തന്നിട​ത്തോ​ളം അവൻ അവർക്കു വെളി​പ്പെ​ടു​ത്തി​യി​രു​ന്നില്ല. എന്നാൽ അതു വരുന്നു​വെന്ന്‌ അവർക്ക​റി​യാ​മാ​യി​രു​ന്നു, അതിൽ ആയിരി​ക്കാൻ അവർ ആഗ്രഹി​ക്കു​ക​യും ചെയ്‌തു.

ഭൗമിക പുനരു​ത്ഥാ​നം

12. ക്രിസ്‌തീയ കാലങ്ങൾക്കു മുമ്പുള്ള വിശ്വ​സ്‌തർ നീതി​മാൻമാ​രാ​യി പ്രഖ്യാ​പി​ക്ക​പ്പെ​ട്ടോ? വിശദീ​ക​രി​ക്കുക.

¹² ആ പുതിയ ലോക​ത്തിൽ ക്രിസ്‌തീയ കാലത്തി​നു മുമ്പുള്ള ഈ വിശ്വസ്‌ത സ്‌ത്രീ​പു​രു​ഷൻമാ​രു​ടെ ഉയിർത്തെ​ഴു​ന്നേൽപ്പ്‌ നീതി​മാൻമാ​രു​ടെ പുനരു​ത്ഥാ​ന​ത്തി​ന്റെ ഭാഗമാ​യി​രി​ക്കു​മെന്നു നാം കരുത​ണ​മോ? സ്‌പഷ്ട​മാ​യും വേണം. എന്തു​കൊ​ണ്ടെ​ന്നാൽ ബൈബിൾ അവരെ നീതി​മാൻമാ​രാ​യി പരാമർശി​ക്കു​ന്നു. ദൃഷ്ടാ​ന്ത​ത്തിന്‌, നീതി​മാൻമാ​രാ​യി പ്രഖ്യാ​പി​ക്ക​പ്പെട്ട പുരാ​ത​ന​കാ​ലത്തെ ഒരു പുരു​ഷ​നെ​യും സ്‌ത്രീ​യെ​യും കുറിച്ചു ശിഷ്യ​നായ യാക്കോബ്‌ പ്രത്യേ​കം സൂചി​പ്പി​ക്കു​ന്നു. പുരുഷൻ എബ്രായ വംശത്തി​ന്റെ ജനയി​താ​വായ അബ്രഹാ​മാ​യി​രു​ന്നു. അവനെ സംബന്ധി​ച്ചു നാം ഇങ്ങനെ വായി​ക്കു​ന്നു: “അബ്രാ​ഹാം ദൈവത്തെ വിശ്വ​സി​ക്ക​യും അതു അവന്നു നീതി​യാ​യി കണക്കി​ടു​ക​യും​ചെ​യ്‌തു.” അവൻ “ദൈവ​ത്തി​ന്റെ [“യഹോ​വ​യു​ടെ,” NW] സ്‌നേ​ഹി​തൻ” എന്നു വിളി​ക്ക​പ്പെ​ടാൻ ഇടയാ​വു​ക​യും ചെയ്‌തു. സ്‌ത്രീ രാഹാ​ബാ​യി​രു​ന്നു. അവൾ യഹോ​വ​യിൽ വലിയ വിശ്വാ​സം പ്രകട​മാ​ക്കു​ക​യും എബ്രായ ജനതയു​ടെ ഭാഗമാ​യി​ത്തീ​രു​ക​യും​ചെയ്‌ത ഒരു ഇസ്രാ​യേ​ല്യേ​തര സ്‌ത്രീ​യാ​യി​രു​ന്നു. (യാക്കോബ്‌ 2:23-25) അങ്ങനെ, യഹോ​വ​യി​ലും അവന്റെ വാഗ്‌ദ​ത്ത​ങ്ങ​ളി​ലും ശക്തമായ വിശ്വാ​സം പ്രകട​മാ​ക്കു​ക​യും മരണ​ത്തോ​ളം വിശ്വ​സ്‌ത​രാ​യി നില​കൊ​ള്ളു​ക​യും ചെയ്‌ത പുരാ​ത​ന​കാ​ലത്തെ സ്‌ത്രീ​പു​രു​ഷൻമാർ അവരുടെ വിശ്വാ​സ​ത്തി​ന്റെ അടിസ്ഥാ​ന​ത്തിൽ യഹോ​വ​യാൽ നീതി​മാൻമാ​രാ​യി പ്രഖ്യാ​പി​ക്ക​പ്പെട്ടു. അവർ നിസ്സം​ശ​യ​മാ​യും “നീതി​മാൻമാ​രു​ടെ . . . പുനരു​ത്ഥാന”ത്തിൽ പങ്കുപ​റ​റും.

13, 14. (എ) ഭൗമിക പ്രത്യാ​ശ​യുള്ള ക്രിസ്‌ത്യാ​നി​കളെ നീതി​മാൻമാ​രാ​യി പ്രഖ്യാ​പി​ക്കാ​നാ​വു​മെന്നു നാം എങ്ങനെ അറിയു​ന്നു? (ബി) അവരെ സംബന്ധി​ച്ചി​ട​ത്തോ​ളം ഇത്‌ എന്ത്‌ അർഥമാ​ക്കും?

¹³ എന്നാൽ, യഹോ​വക്കു തങ്ങളേ​ത്തന്നെ സമർപ്പി​ക്കു​ക​യും ഈ അന്ത്യകാ​ലത്തു മരിക്കു​ക​യും ചെയ്യു​ന്ന​വ​രാ​യി ഭൗമിക പ്രത്യാ​ശ​യുള്ള ഇന്നത്തെ ചെമ്മരി​യാ​ടു​തു​ല്യ​രായ വ്യക്തി​കളെ സംബന്ധി​ച്ചെന്ത്‌? അവർക്കു നീതി​മാൻമാ​രു​ടെ പുനരു​ത്ഥാ​ന​ത്തിൽ പങ്കുണ്ടാ​യി​രി​ക്കു​മോ? വ്യക്തമാ​യും ഉവ്വ്‌. വിശ്വ​സ്‌ത​രായ അത്തരക്കാ​രു​ടെ ഒരു മഹാപു​രു​ഷാ​രത്തെ അപ്പോ​സ്‌ത​ല​നായ യോഹ​ന്നാൻ ദർശന​ത്തിൽ കാണു​ക​യു​ണ്ടാ​യി. ഈ ചെമ്മരി​യാ​ടു​കളെ അവൻ എങ്ങനെ വർണി​ക്കു​ന്നു​വെന്നു ശ്രദ്ധി​ക്കുക: “സകല ജാതി​ക​ളി​ലും ഗോ​ത്ര​ങ്ങ​ളി​ലും വംശങ്ങ​ളി​ലും ഭാഷക​ളി​ലും​നി​ന്നു ഉള്ളതായി ആർക്കും എണ്ണിക്കൂ​ടാത്ത ഒരു മഹാപു​രു​ഷാ​രം വെള്ളനി​ല​യങ്കി ധരിച്ചു കയ്യിൽ കുരു​ത്തോ​ല​യു​മാ​യി സിംഹാ​സ​ന​ത്തി​ന്നും കുഞ്ഞാ​ടി​ന്നും മുമ്പാകെ നിൽക്കു​ന്നതു ഞാൻ കണ്ടു. രക്ഷ എന്നുള്ളതു സിംഹാ​സ​ന​ത്തിൽ ഇരിക്കു​ന്ന​വ​നായ നമ്മുടെ ദൈവ​ത്തി​ന്റെ​യും കുഞ്ഞാ​ടി​ന്റെ​യും ദാനം എന്നു അവർ അത്യു​ച്ച​ത്തിൽ ആർത്തു​കൊ​ണ്ടി​രു​ന്നു.”—വെളി​പ്പാ​ടു 7:9, 10.

¹⁴ സൗമ്യ​ത​യുള്ള ഇവർ തങ്ങളുടെ രക്ഷയിൽ ഉറച്ച ബോധ്യ​മു​ള്ള​വ​രാ​ണെ​ന്നും അതിന്റെ മഹത്ത്വം അവർ യഹോ​വ​ക്കും ‘കുഞ്ഞാ​ടായ’ യേശു​വി​നും നൽകു​ന്നു​വെ​ന്നും ശ്രദ്ധി​ക്കുക. കൂടാതെ, അവരെ​ല്ലാം വെള്ളവ​സ്‌ത്രം ധരിച്ച്‌ യഹോ​വ​യു​ടെ​യും കുഞ്ഞാ​ടി​ന്റെ​യും മുമ്പാകെ നിൽക്കു​ക​യാണ്‌. എന്തു​കൊ​ണ്ടാ​ണു വെള്ളവ​സ്‌ത്രം ധരിച്ചി​രി​ക്കു​ന്നത്‌? ഒരു സ്വർഗീയ ജീവി യോഹ​ന്നാ​നോട്‌ ഇങ്ങനെ പറയുന്നു: “ഇവർ . . . കുഞ്ഞാ​ടി​ന്റെ രക്തത്തിൽ തങ്ങളുടെ അങ്കി അലക്കി വെളു​പ്പി​ച്ചി​രി​ക്കു​ന്നു.” (വെളി​പ്പാ​ടു 7:14) ബൈബി​ളിൽ വെളുപ്പ്‌ നിർമ​ല​ത​യു​ടെ​യും നീതി​യു​ടെ​യും ഒരു പ്രതീ​ക​മാണ്‌. (സങ്കീർത്തനം 51:7; ദാനീ​യേൽ 12:10; വെളി​പ്പാ​ടു 19:8) മഹാപു​രു​ഷാ​രം വെള്ളയ​ങ്കി​കൾ ധരിച്ചി​രി​ക്കു​ന്ന​താ​യി കാണു​ന്നു​വെന്ന വസ്‌തുത യഹോവ അവരെ നീതി​മാൻമാ​രാ​യി വീക്ഷി​ക്കു​ന്നു എന്ന്‌ അർഥമാ​ക്കു​ന്നു. അത്‌ എങ്ങനെ സാധ്യ​മാണ്‌? എന്തു​കൊ​ണ്ടെ​ന്നാൽ അവർ ഒരു പ്രതീ​കാ​ത്മക അർഥത്തിൽ കുഞ്ഞാ​ടി​ന്റെ രക്തത്തിൽ തങ്ങളുടെ അങ്കികൾ കഴുകി​യി​രി​ക്കു​ന്നു. അവർ യേശു​ക്രി​സ്‌തു​വി​ന്റെ ചൊരി​യ​പ്പെട്ട രക്തത്തിൽ വിശ്വാ​സം പ്രകട​മാ​ക്കു​ന്ന​തു​കൊ​ണ്ടു മഹോ​പ​ദ്ര​വത്തെ അതിജീ​വി​ക്കാ​നി​ട​യാ​കു​മാ​റു ദൈവ​ത്തി​ന്റെ സ്‌നേ​ഹി​ത​രെന്ന നിലയിൽ നീതി​മാൻമാ​രാ​യി പ്രഖ്യാ​പി​ക്ക​പ്പെ​ട്ടി​രി​ക്കു​ന്നു. അതു​കൊണ്ട്‌, മഹോ​പ​ദ്ര​വ​ത്തി​നു​മുമ്പ്‌ മരണമ​ട​യുന്ന, “മഹാപു​രു​ഷാര”ത്തിൽപ്പെട്ട വിശ്വ​സ്‌ത​നായ ഏതു സമർപ്പിത ക്രിസ്‌ത്യാ​നി​ക്കും നീതി​മാൻമാ​രു​ടെ ഭൗമിക പുനരു​ത്ഥാ​ന​ത്തിൽ ഒരു പങ്കു ലഭിക്കു​മെന്ന്‌ ഉറപ്പു​ണ്ടാ​യി​രി​ക്കാൻ കഴിയും.

15. നീതി​മാൻമാ​രും നീതി​കെ​ട്ട​വ​രും ഉയിർപ്പി​ക്ക​പ്പെ​ടു​മെ​ന്നി​രി​ക്കെ നീതി​മാൻമാ​രു​ടെ പുനരു​ത്ഥാ​ന​ത്തി​ന്റെ മെച്ച​മെന്ത്‌?

¹⁵ ആ പുനരു​ത്ഥാ​ന​ത്തെ​ക്കു​റി​ച്ചു വെളി​പ്പാ​ടു 20-ാം അധ്യായം 13-ാം വാക്യ​ത്തിൽ പിൻവ​രുന്ന വാക്കു​ക​ളിൽ വർണി​ക്ക​പ്പെ​ടു​ന്നു; “സമുദ്രം തന്നിലുള്ള മരിച്ച​വരെ ഏല്‌പി​ച്ചു​കൊ​ടു​ത്തു; മരണവും പാതാ​ള​വും തങ്ങളി​ലുള്ള മരിച്ച​വരെ ഏല്‌പി​ച്ചു​കൊ​ടു​ത്തു; ഓരോ​രു​ത്തന്നു അവനവന്റെ പ്രവൃ​ത്തി​കൾക്ക​ടുത്ത വിധി ഉണ്ടായി.” അങ്ങനെ, യഹോ​വ​യു​ടെ വലിയ ആയിര​വർഷ ന്യായ​വി​ധി ദിവസ​ത്തിൽ ദൈവ​ത്തി​ന്റെ സ്‌മര​ണ​യി​ലുള്ള എല്ലാവ​രും ഉയിർപ്പി​ക്ക​പ്പെ​ടും—നീതി​മാൻമാ​രും നീതി​കെ​ട്ട​വ​രും. (പ്രവൃ​ത്തി​കൾ 17:31) എന്നാൽ നീതി​മാൻമാർക്ക്‌ അത്‌ എത്ര മെച്ചമാ​യി​രി​ക്കും! അവർ ഇപ്പോൾത്തന്നെ വിശ്വാ​സ​ജീ​വി​ത​മാ​ണു നയിച്ചി​രി​ക്കു​ന്നത്‌. അവർക്ക്‌ ഇപ്പോൾത്തന്നെ യഹോ​വ​യു​മാ​യി ഒരു അടുത്ത ബന്ധമുണ്ട്‌, അവന്റെ ഉദ്ദേശ്യ​ങ്ങ​ളു​ടെ സാക്ഷാ​ത്‌ക​ര​ണ​ത്തിൽ അവർക്കു ദൃഢവി​ശ്വാ​സ​വു​മുണ്ട്‌. ക്രിസ്‌തീയ യുഗത്തി​നു മുമ്പു മുതലുള്ള നീതി​മാൻമാ​രായ സാക്ഷികൾ വാഗ്‌ദത്ത സന്തതിയെ സംബന്ധിച്ച യഹോ​വ​യു​ടെ വാഗ്‌ദ​ത്തങ്ങൾ എങ്ങനെ നിറ​വേ​റി​യെന്നു മനസ്സി​ലാ​ക്കാ​നുള്ള ആകാം​ക്ഷ​യോ​ടെ മരണത്തിൽനിന്ന്‌ ഉണരും. (1 പത്രൊസ്‌ 1:10-12) നമ്മുടെ നാളിൽ നീതി​മാൻമാ​രാ​യി യഹോവ വീക്ഷി​ക്കുന്ന വേറെ ആടുക​ളിൽപ്പെ​ട്ടവർ ഈ വ്യവസ്ഥി​തി​യിൽ തങ്ങൾ സുവാർത്ത പ്രഖ്യാ​പി​ച്ച​പ്പോൾ പ്രസ്‌താ​വിച്ച പറുദീ​സാ ഭൂമി കാണു​ന്ന​തി​നുള്ള ആകാം​ക്ഷ​യോ​ടെ പുറത്തു​വ​രും. അത്‌ എന്തൊരു സന്തോ​ഷ​ക​ര​മായ സമയമാ​യി​രി​ക്കും!

16. നമ്മുടെ നാളിൽ മരണമ​ട​യു​ന്ന​വ​രു​ടെ ന്യായ​വി​ധി​നാ​ളി​ലേ​ക്കുള്ള പുനരു​ത്ഥാ​ന​ത്തെ​ക്കു​റിച്ച്‌ നമു​ക്കെന്തു പറയാൻ കഴിയും?

¹⁶ സാത്താന്റെ വ്യവസ്ഥി​തി​യു​ടെ ഈ അന്തിമ വർഷങ്ങ​ളിൽ വിശ്വ​സ്‌ത​രാ​യി മരിച്ചവർ ആ ആയിര​വർഷ ന്യായ​വി​ധി ദിവസ​ത്തിൽ എപ്പോ​ഴാ​ണു പുനരു​ത്ഥാ​നം പ്രാപി​ക്കുക? ബൈബിൾ പറയു​ന്നില്ല. എന്നിരു​ന്നാ​ലും, നീതി​മാൻമാർ എന്ന്‌ എണ്ണപ്പെട്ട, നമ്മുടെ നാളിൽ മരിക്കു​ന്ന​വർക്ക്‌ നേര​ത്തെ​യുള്ള ഒരു പുനരു​ത്ഥാ​നം ഉണ്ടായി​രി​ക്കു​മെ​ന്നും തൻമൂലം മഹോ​പ​ദ്ര​വത്തെ അതിജീ​വി​ക്കുന്ന മഹാപു​രു​ഷാ​ര​ത്തോ​ടൊ​പ്പം മുൻ തലമു​റ​കൾക്കു മരണത്തിൽനി​ന്നു സ്വാഗ​ത​മ​രു​ളു​ന്ന​തിൽ പങ്കെടു​ക്കാൻ കഴിയു​മെ​ന്നും ചിന്തി​ക്കു​ന്നതു ന്യായ​യു​ക്ത​മല്ലേ? തീർച്ച​യാ​യും അതേ!

ആശ്വാ​സ​ദാ​യ​ക​മായ പ്രത്യാശ

17, 18. (എ) പുനരു​ത്ഥാന പ്രത്യാശ എന്തു സാന്ത്വ​ന​മേ​കു​ന്നു? (ബി) യഹോ​വ​യെ​ക്കു​റിച്ച്‌ എന്തു പ്രഖ്യാ​പി​ക്കാൻ നാം പ്രേരി​ത​രാണ്‌?

¹⁷ പുനരു​ത്ഥാന പ്രത്യാശ ക്രിസ്‌ത്യാ​നി​ക​ളായ എല്ലാവർക്കും ഇന്നു ശക്തിയും ആശ്വാ​സ​വും പകരുന്നു. നാം വിശ്വ​സ്‌ത​രാ​യി നില​കൊ​ള്ളു​ന്നു​വെ​ങ്കിൽ, മുൻകൂ​ട്ടി​ക്കാ​ണാത്ത ഏതൊരു സംഭവ​ത്തി​നും ഏതൊരു ശത്രു​വി​നും നമ്മുടെ പ്രതി​ഫലം കവർന്നു​ക​ള​യാ​നാ​വില്ല! ദൃഷ്ടാ​ന്ത​ത്തിന്‌, യഹോ​വ​യു​ടെ സാക്ഷി​ക​ളു​ടെ 1992-ലെ വാർഷി​ക​പ്പു​സ്‌ത​ക​ത്തി​ന്റെ 177-ാം പേജിൽ എത്യോ​പ്യ​യി​ലെ ധീരരായ ക്രിസ്‌ത്യാ​നി​ക​ളു​ടെ ചിത്രങ്ങൾ കാണാം. തങ്ങളുടെ വിശ്വാ​സ​ത്തിൽ വിട്ടു​വീഴ്‌ച വരുത്തു​ന്ന​തി​നു പകരം മരണം വരിച്ച​വ​രാണ്‌ അവർ. ആ ചിത്ര വിവരണം ഇങ്ങനെ വായി​ക്കു​ന്നു: “പുനരു​ത്ഥാ​ന​ത്തിൽ നാം കാണാൻ പ്രതീ​ക്ഷി​ക്കുന്ന മുഖങ്ങൾ.” ഇവരെ​യും മരണത്തെ അഭിമു​ഖീ​ക​രി​ച്ച​പ്പോൾ സമാന​മായ വിശ്വ​സ്‌തത കാണിച്ച മററ്‌ അസംഖ്യം ആളുക​ളെ​യും പരിച​യ​പ്പെ​ടാൻ കഴിയു​ന്നത്‌ എന്തൊരു പദവി​യാ​യി​രി​ക്കും!

¹⁸ പ്രായാ​ധി​ക്യ​മോ ദൗർബ​ല്യ​മോ നിമിത്തം മഹോ​പ​ദ്ര​വത്തെ അതിജീ​വി​ക്കാ​ത്ത​വ​രെ​ങ്കി​ലും അവസാ​ന​ത്തോ​ളം ശക്തമായ വിശ്വാ​സം പുലർത്തുന്ന നമ്മുടെ സ്വന്തം പ്രിയ​പ്പെ​ട്ട​വ​രെ​യും സുഹൃ​ത്തു​ക്ക​ളെ​യും സംബന്ധി​ച്ചെന്ത്‌? അവർ വിശ്വ​സ്‌ത​രാ​യി നില​കൊ​ള്ളു​ന്നു​വെ​ങ്കിൽ പുനരു​ത്ഥാന പ്രത്യാശ നിമിത്തം അവർക്കു വിശി​ഷ്ട​മായ ഒരു ഭാവി​യുണ്ട്‌. നാം യേശു​വി​ന്റെ മറുവി​ല​യാ​ഗ​ത്തിൽ സധൈ​ര്യം വിശ്വാ​സം പ്രകട​മാ​ക്കു​ന്നു​വെ​ങ്കിൽ നമുക്കും വിശി​ഷ്ട​മായ ഒരു ഭാവി​യുണ്ട്‌. എന്തു​കൊണ്ട്‌? എന്തു​കൊ​ണ്ടെ​ന്നാൽ പൗലോ​സി​നെ​പ്പോ​ലെ, നാം “നീതി​മാൻമാ​രു​ടെ​യും നീതി​കെ​ട്ട​വ​രു​ടെ​യും പുനരു​ത്ഥാന”ത്തിൽ പ്രത്യാ​ശ​വെ​ക്കു​ന്നു. നമ്മുടെ മുഴു​ഹൃ​ദ​യ​ത്തോ​ടെ നാം ഈ പ്രത്യാ​ശ​ക്കു​വേണ്ടി യഹോ​വക്കു നന്ദി പ്രകടി​പ്പി​ക്കു​ന്നു. “ജാതി​ക​ളു​ടെ ഇടയിൽ [ദൈവ​ത്തി​ന്റെ] മഹത്വ​വും സകല വംശങ്ങ​ളു​ടെ​യും ഇടയിൽ അവന്റെ അത്ഭുത​ങ്ങ​ളും വിവരി​പ്പിൻ. യഹോവ വലിയ​വ​നും ഏററവും സ്‌തു​ത്യ​നും ആകുന്നു” എന്ന സങ്കീർത്ത​ന​ക്കാ​രന്റെ വാക്കുകൾ പ്രതി​ധ്വ​നി​പ്പി​ക്കാൻ അതു തീർച്ച​യാ​യും നമ്മെ പ്രേരി​പ്പി​ക്കു​ന്നു.—സങ്കീർത്തനം 96:3, 4.

നിങ്ങൾക്കു വിശദീ​ക​രി​ക്കാ​മോ?

◻ ഭൗമിക പുനരു​ത്ഥാ​ന​ത്തി​ലുള്ള നമ്മുടെ പ്രത്യാ​ശ​യ്‌ക്ക്‌ ഉറപ്പു നൽകാൻ ഏതു തിരു​വെ​ഴു​ത്തു​കൾ സഹായി​ക്കു​ന്നു?

◻ എന്തടി​സ്ഥാ​ന​ത്തി​ലാ​ണു ക്രിസ്‌ത്യാ​നി​കൾ നീതി​മാൻമാ​രാ​യി പ്രഖ്യാ​പി​ക്ക​പ്പെ​ടു​ന്നത്‌?

◻ പുനരു​ത്ഥാന പ്രത്യാശ നമുക്കു ധൈര്യ​വും നിശ്ചയ​ദാർഢ്യ​വും പ്രദാനം ചെയ്യു​ന്ന​തെ​ങ്ങനെ?

[9-ാം പേജിലെ ചിത്രം]

പൗലോസിനെപ്പോലെ അഭിഷിക്ത ക്രിസ്‌ത്യാ​നി​കൾ സ്വർഗീയ പുനരു​ത്ഥാ​ന​ത്തിൽ പ്രത്യാ​ശി​ക്കു​ന്നു