“കരയു​ന്ന​വ​രു​ടെ​കൂ​ടെ കരയുക”

1, 2. വേർപാ​ടി​ന്റെ വേദന​യു​മാ​യി കഴിയു​ന്ന​വർക്ക്‌ ആശ്വാ​സ​മേ​കാ​നുള്ള മാർഗ​ങ്ങ​ളെ​ക്കു​റിച്ച്‌ നമ്മൾ പഠി​ക്കേ​ണ്ടത്‌ എന്തു​കൊണ്ട്‌? (ലേഖനാ​രം​ഭ​ത്തി​ലെ ചിത്രം കാണുക.)

“മകൻ മരിച്ച്‌ ഒരു വർഷം കഴിഞ്ഞി​ട്ടും അതിന്റെ വേദന ഞങ്ങളെ വിട്ടു​മാ​റി​യില്ല. മനസ്സു നുറു​ങ്ങുന്ന വേദന തോന്നി.” സൂസി എന്ന സഹോ​ദ​രി​യു​ടെ വാക്കു​ക​ളാണ്‌ ഇത്‌. പെട്ടെന്ന്‌ ഒരു ദിവസം ഭാര്യ മരിച്ച​പ്പോൾ തനിക്കു “ശരീര​മാ​കെ പറഞ്ഞറി​യി​ക്കാ​നാ​കാത്ത വേദന തോന്നി” എന്നാണു മറ്റൊരു സഹോ​ദരൻ പറഞ്ഞത്‌. ഇവരു​ടേത്‌ ഒറ്റപ്പെട്ട അനുഭ​വ​ങ്ങളല്ല. ഇതേ​പോ​ലെ അനേക​രു​ണ്ടെ​ന്നത്‌ ഒരു ദുഃഖ​സ​ത്യ​മാണ്‌. അർമ​ഗെ​ദോ​നു മുമ്പ്‌ തങ്ങളുടെ പ്രിയ​പ്പെ​ട്ടവർ വേർപി​രി​ഞ്ഞു​പോ​കു​മെന്നു പല സഹോ​ദ​ര​ങ്ങ​ളും ചിന്തി​ച്ചി​ട്ടു​പോ​ലു​മു​ണ്ടാ​കില്ല. നിങ്ങളു​ടെ പ്രിയ​പ്പെട്ട ആരെങ്കി​ലും മരിച്ചു​പോ​യി​ട്ടു​ണ്ടോ? അല്ലെങ്കിൽ, വേർപാ​ടി​ന്റെ വേദന​യു​മാ​യി കഴിയുന്ന ആരെ​യെ​ങ്കി​ലും നിങ്ങൾക്കു പരിച​യ​മു​ണ്ടോ? എങ്കിൽ ഈ ചോദ്യം നിങ്ങളു​ടെ മനസ്സിൽ വന്നിട്ടു​ണ്ടാ​കും: ‘ആ വേദന​യിൽ അവർക്ക്‌ എവി​ടെ​നിന്ന്‌ ആശ്വാസം കിട്ടും?’

² ‘കാലം മായ്‌ക്കാത്ത മുറി​വു​ക​ളില്ല’ എന്ന്‌ ആളുകൾ പറയു​ന്നതു നിങ്ങൾ കേട്ടി​ട്ടു​ണ്ടാ​കും. എന്നാൽ കാലം കടന്നു​പോ​കു​മ്പോൾ മനസ്സിന്റെ മുറിവ്‌ താനേ ഭേദമാ​യി​ക്കൊ​ള്ളും എന്നു പ്രതീ​ക്ഷി​ക്കാൻ കഴിയു​മോ? വിധവ​യായ ഒരു സ്‌ത്രീ പറഞ്ഞത്‌ ഇതാണ്‌: “എന്റെ അഭി​പ്രാ​യ​ത്തിൽ ഒരാളു​ടെ മനസ്സിന്റെ മുറി​വു​കൾ മായ്‌ക്കാൻ കാല​ത്തെ​ക്കാൾ ശക്തിയു​ള്ളത്‌, പിന്നീ​ടുള്ള സമയത്ത്‌ ആ വ്യക്തി ചെയ്യുന്ന കാര്യ​ങ്ങൾക്കാണ്‌.” അതു ശരിയു​മാണ്‌. ശരീര​ത്തി​ലു​ണ്ടാ​കുന്ന ഒരു മുറി​വു​പോ​ലെ​ത​ന്നെ​യാ​ണു മനസ്സി​നേറ്റ മുറി​വും. ശ്രദ്ധ​യോ​ടെ, വേണ്ട പരിച​രണം കൊടു​ത്താൽ അതു പതി​യെ​പ്പ​തി​യെ ഭേദമാ​കും. അങ്ങനെ​യെ​ങ്കിൽ, പ്രിയ​പ്പെ​ട്ട​വരെ മരണത്തിൽ നഷ്ടപ്പെ​ട്ട​തി​ന്റെ വേദന​യു​മാ​യി കഴിയു​ന്ന​വർക്ക്‌ എവി​ടെ​നിന്ന്‌ സഹായം ലഭിക്കും?

യഹോവ—‘ഏതു സാഹച​ര്യ​ത്തി​ലും ആശ്വാസം തരുന്ന ദൈവം’

3, 4. മരണത്തി​ന്റെ വേദന അനുഭ​വി​ക്കു​ന്ന​വ​രു​ടെ അവസ്ഥ യഹോ​വ​യ്‌ക്കു മനസ്സി​ലാ​കു​മെന്നു നമുക്ക്‌ ഉറപ്പു​ള്ളത്‌ എന്തു​കൊണ്ട്‌?

³ നമുക്കു ലഭിക്കുന്ന ആശ്വാ​സ​ത്തി​ന്റെ ഏറ്റവും പ്രധാ​ന​പ്പെട്ട ഉറവിടം കരുണാ​മ​യ​നായ നമ്മുടെ സ്വർഗീ​യ​പി​താ​വാണ്‌. (2 കൊരി​ന്ത്യർ 1:3, 4 വായി​ക്കുക.) സഹാനു​ഭൂ​തി കാണി​ക്കുന്ന കാര്യ​ത്തിൽ യഹോ​വ​യെ​ക്കാൾ മിക​ച്ചൊ​രു മാതൃക വേറെ​യില്ല. തന്റെ ജനത്തോട്‌, “ഞാനല്ലേ നിങ്ങളെ ആശ്വസി​പ്പി​ക്കു​ന്നവൻ” എന്നു ചോദി​ച്ച​പ്പോൾ യഹോവ അക്കാര്യ​ത്തിന്‌ ഉറപ്പു​കൊ​ടു​ക്കു​ക​യാ​യി​രു​ന്നു.—യശ. 51:12; സങ്കീ. 119:50, 52, 76.

⁴ മനസ്സലി​വുള്ള നമ്മുടെ പിതാ​വായ യഹോവ, പ്രിയ​പ്പെ​ട്ട​വരെ മരണത്തിൽ വേർപെ​ടു​ന്ന​തി​ന്റെ വേദന അനുഭ​വി​ച്ച​റി​ഞ്ഞി​ട്ടുള്ള വ്യക്തി​യാണ്‌. അബ്രാ​ഹാം, യിസ്‌ഹാക്ക്‌, യാക്കോബ്‌, മോശ, ദാവീദ്‌ രാജാവ്‌ എന്നിവ​രെ​ല്ലാം യഹോ​വ​യ്‌ക്കു വളരെ പ്രിയ​പ്പെ​ട്ട​വ​രാ​യി​രു​ന്നു. (സംഖ്യ 12:6-8; മത്താ. 22:31, 32; പ്രവൃ. 13:22) അവരെ​യെ​ല്ലാം ജീവനി​ലേക്കു തിരികെ കൊണ്ടു​വ​രാ​നാ​യി യഹോവ ആകാം​ക്ഷ​യോ​ടെ നോക്കി​യി​രി​ക്കു​ക​യാ​ണെന്നു ദൈവ​വ​ചനം ഉറപ്പു​ത​രു​ന്നു. (ഇയ്യോ. 14:14, 15) പിന്നീട്‌ അവർ സന്തോ​ഷ​ത്തോ​ടെ, നല്ല ആരോ​ഗ്യ​ത്തോ​ടെ ഇവിടെ കഴിയും. ഇനി, ദൈവ​ത്തി​ന്റെ പ്രിയ​പു​ത്ര​നെ​ക്കു​റിച്ച്‌ ചിന്തി​ക്കുക. ദൈവ​ത്തിന്‌ ആ മകനോ​ടു “പ്രത്യേ​ക​മാ​യൊ​രു ഇഷ്ടമു​ണ്ടാ​യി​രു​ന്നു.” (സുഭാ. 8:22, 30) ആ പുത്രൻ വേദന സഹിച്ച്‌ മരിച്ച​തി​നും യഹോവ സാക്ഷി​യാ​യി. യഹോവ അപ്പോൾ അനുഭ​വിച്ച ഹൃദയ​വേദന വാക്കു​ക​ളിൽ പറഞ്ഞറി​യി​ക്കാ​നാ​കില്ല.—യോഹ. 5:20; 10:17.

5, 6. യഹോ​വ​യിൽനി​ന്നുള്ള ആശ്വാസം ലഭിക്കാൻ നമ്മൾ എന്തു ചെയ്യണം?

⁵ യഹോവ നമ്മുടെ തുണയ്‌ക്കെ​ത്തു​മെന്നു നമുക്ക്‌ ഉറപ്പു​ണ്ടാ​യി​രി​ക്കാം. അതു​കൊണ്ട്‌, നമ്മുടെ ഹൃദയ​ത്തി​ലെ ദുഃഖ​ഭാ​രം മുഴുവൻ പ്രാർഥ​ന​യി​ലൂ​ടെ ദൈവത്തെ അറിയി​ക്കാൻ ഒരു മടിയും വിചാ​രി​ക്ക​രുത്‌. യഹോവ നമ്മുടെ വേദന മനസ്സി​ലാ​ക്കു​ന്നു​ണ്ടെ​ന്നും വേണ്ട സമയത്ത്‌ നമ്മളെ സാന്ത്വ​നി​പ്പി​ക്കു​മെ​ന്നും അറിയു​ന്ന​തു​തന്നെ എന്തൊരു ആശ്വാ​സ​മാണ്‌! എന്നാൽ യഹോവ എങ്ങനെ​യാണ്‌ അതു ചെയ്യു​ന്നത്‌?

⁶ ദൈവം നമ്മളെ സഹായി​ക്കുന്ന ഒരു വിധം “പരിശു​ദ്ധാ​ത്മാ​വിൽനി​ന്നുള്ള ആശ്വാസം” തന്നു​കൊ​ണ്ടാണ്‌. (പ്രവൃ. 9:31) ദൈവ​ത്തി​ന്റെ പ്രവർത്ത​ന​നി​ര​ത​മായ ആ ശക്തിക്കു നമ്മളെ വളരെ​യ​ധി​കം ആശ്വസി​പ്പി​ക്കാ​നാ​കും. ‘തന്നോടു ചോദി​ക്കു​ന്ന​വർക്കു പരിശു​ദ്ധാ​ത്മാ​വി​നെ കൊടു​ക്കാൻ’ യഹോ​വ​യ്‌ക്കു വലിയ സന്തോ​ഷ​മാ​ണെന്നു യേശു​വി​ന്റെ വാക്കുകൾ വ്യക്തമാ​ക്കു​ന്നു. (ലൂക്കോ. 11:13) മുമ്പ്‌ പറഞ്ഞ സൂസി ഇങ്ങനെ കൂട്ടി​ച്ചേർക്കു​ന്നു: “ഞങ്ങളെ ആശ്വസി​പ്പി​ക്കേ​ണമേ എന്നു പല പ്രാവ​ശ്യം മുട്ടിൽ നിന്ന്‌ യഹോ​വ​യോ​ടു കേണ​പേ​ക്ഷി​ച്ചി​ട്ടുണ്ട്‌. ഓരോ തവണയും ദൈവ​സ​മാ​ധാ​നം ഹൃദയ​ത്തെ​യും മനസ്സി​നെ​യും കാക്കു​ന്നതു ഞങ്ങൾ അനുഭ​വി​ച്ച​റി​ഞ്ഞു.”—ഫിലി​പ്പി​യർ 4:6, 7 വായി​ക്കുക.

യേശു—സഹാനു​ഭൂ​തി​യുള്ള മഹാപു​രോ​ഹി​തൻ

7, 8. യേശു നമ്മളെ ആശ്വസി​പ്പി​ക്കു​മെന്ന്‌ ഉറപ്പു​ള്ളത്‌ എന്തു​കൊണ്ട്‌?

⁷ ഭൂമി​യി​ലാ​യി​രു​ന്ന​പ്പോൾ യേശു​വി​ന്റെ വാക്കു​ക​ളി​ലും പ്രവൃ​ത്തി​ക​ളി​ലും പിതാ​വായ യഹോ​വ​യു​ടെ സഹാനു​ഭൂ​തി അതേപടി തെളി​ഞ്ഞു​കാ​ണാ​മാ​യി​രു​ന്നു. (യോഹ. 5:19) ‘ഹൃദയം തകർന്ന​വ​രെ​യും’ ‘ദുഃഖിച്ച്‌ കരയു​ന്ന​വ​രെ​യും’ ആശ്വസി​പ്പി​ക്കാ​നാ​യി​രു​ന്നു യഹോവ യേശു​വി​നെ ഭൂമി​യി​ലേക്ക്‌ അയച്ചത്‌. (യശ. 61:1, 2; ലൂക്കോ. 4:17-21) അതു​കൊ​ണ്ടു​തന്നെ ആളുക​ളോ​ടുള്ള സഹാനു​ഭൂ​തി സ്വഭാ​വ​ത്തിൽ അലിഞ്ഞു​ചേർന്നി​രുന്ന വ്യക്തി​യാ​യി​രു​ന്നു യേശു. ആളുക​ളു​ടെ കഷ്ടപ്പാ​ടു​കൾ നല്ലവണ്ണം മനസ്സി​ലാ​ക്കിയ യേശു​വിന്‌ അവരോട്‌ അലിവ്‌ തോന്നി. അവരെ സഹായി​ക്കാൻ യേശു ആത്മാർഥ​മാ​യി ആഗ്രഹി​ച്ചു.—എബ്രാ. 2:17.

⁸ അടുത്ത കുടും​ബ​ക്കാ​രി​ലും പരിച​യ​ക്കാ​രി​ലും പെട്ട പലരു​ടെ​യും മരണം ചെറു​പ്രാ​യ​ത്തിൽത്തന്നെ യേശു കണ്ടിട്ടു​ണ്ടാ​കും. വളർത്തു​പി​താ​വായ യോ​സേഫ്‌ മരിക്കു​മ്പോൾ യേശു കൗമാ​ര​ത്തി​ലോ 20-കളുടെ തുടക്ക​ത്തി​ലോ ആയിരു​ന്നു എന്നു വേണം കരുതാൻ.a ആർദ്ര​വി​കാ​ര​ങ്ങ​ളു​ണ്ടാ​യി​രുന്ന യേശു​വി​നെ യോ​സേ​ഫി​ന്റെ വേർപാട്‌ ആ പ്രായ​ത്തിൽ എത്രമാ​ത്രം വേദനി​പ്പി​ച്ചി​ട്ടു​ണ്ടാ​കും. അമ്മയു​ടെ​യും അനിയ​ന്മാ​രു​ടെ​യും അനിയ​ത്തി​മാ​രു​ടെ​യും കണ്ണുനീ​രു കാണേ​ണ്ടി​വ​ന്ന​തും ആ വേദന​യു​ടെ ആഴം കൂട്ടി​ക്കാ​ണും.

9. ലാസർ മരിച്ച​പ്പോൾ യേശു എങ്ങനെ​യാ​ണു സഹാനു​ഭൂ​തി കാണി​ച്ചത്‌?

⁹ ശുശ്രൂ​ഷ​യി​ലു​ട​നീ​ളം ആളുകളെ നന്നായി മനസ്സി​ലാ​ക്കാ​നും അവരുടെ വേദന​യും വികാ​ര​ങ്ങ​ളും തന്റേതാ​യി കണ്ട്‌ ഇടപെ​ടാ​നും യേശു​വി​നു കഴിഞ്ഞു. യേശു​വി​ന്റെ പ്രിയ​സ്‌നേ​ഹി​ത​നായ ലാസർ മരിച്ച​പ്പോൾ എന്താണു സംഭവി​ച്ച​തെന്നു ചിന്തി​ക്കുക. ലാസറി​നെ ഉയിർപ്പി​ക്കാൻപോ​കു​ക​യാ​ണെന്ന്‌ അറിയാ​മാ​യി​രു​ന്നി​ട്ടും മറിയ​യും മാർത്ത​യും അനുഭ​വി​ക്കുന്ന അതേ വേദന യേശു​വി​നു സ്വന്തഹൃ​ദ​യ​ത്തിൽ അനുഭ​വ​പ്പെട്ടു. അവരോ​ടുള്ള സഹാനു​ഭൂ​തി​യാൽ മനം​നൊന്ത്‌ യേശു​വി​ന്റെ കണ്ണു നിറ​ഞ്ഞൊ​ഴു​കി.—യോഹ. 11:33-36.

10. യേശു​വിന്‌ ഇന്നും നമ്മുടെ വേദനകൾ മനസ്സി​ലാ​കു​മെന്നു നമുക്ക്‌ ഉറപ്പു​ള്ളത്‌ എന്തു​കൊണ്ട്‌?

¹⁰ യേശു സഹാനു​ഭൂ​തി​യോ​ടെ ആളുകളെ ആശ്വസി​പ്പി​ച്ച​തി​നെ​ക്കു​റി​ച്ചുള്ള വിവര​ണങ്ങൾ നമുക്ക്‌ ഇന്ന്‌ എങ്ങനെ​യാണ്‌ ഉപകാ​ര​പ്പെ​ടു​ന്നത്‌? “യേശു​ക്രി​സ്‌തു ഇന്നലെ​യും ഇന്നും എന്നും മാറ്റമി​ല്ലാ​ത്ത​വ​നാണ്‌” എന്നു തിരു​വെ​ഴു​ത്തു​കൾ ഉറപ്പു തരുന്നു. (എബ്രാ. 13:8) ‘ജീവനാ​യ​ക​നായ’ യേശു​വി​നു വേർപാ​ടി​ന്റെ വേദന എന്താ​ണെന്നു നന്നായി അറിയാ​വു​ന്ന​തു​കൊണ്ട്‌ ‘പരീക്ഷി​ക്ക​പ്പെ​ടു​ന്ന​വ​രു​ടെ സഹായ​ത്തിന്‌ എത്താനും കഴിയും.’ (പ്രവൃ. 3:15; എബ്രാ. 2:10, 18) ഇതിൽനിന്ന്‌ നമുക്ക്‌ എന്ത്‌ ഉറപ്പാണു കിട്ടു​ന്നത്‌? മറ്റുള്ള​വ​രു​ടെ വേദന കാണു​മ്പോൾ ഇന്നും യേശു​വി​നു മനസ്സലിവ്‌ തോന്നും. അവരുടെ വേദന മനസ്സി​ലാ​ക്കി “സഹായം ആവശ്യ​മുള്ള സമയത്തു​തന്നെ” യേശു അവരെ ആശ്വസി​പ്പി​ക്കും.—എബ്രായർ 4:15, 16 വായി​ക്കുക.

‘തിരു​വെ​ഴു​ത്തു​കൾ നൽകുന്ന ആശ്വാസം’

11. നിങ്ങളെ വളരെ ആശ്വസി​പ്പി​ച്ചി​ട്ടുള്ള ചില തിരു​വെ​ഴു​ത്തു​കൾ ഏതെല്ലാം?

¹¹ ലാസർ മരിച്ച​പ്പോൾ യേശു​വി​നു​ണ്ടായ തീവ്ര​വേ​ദ​ന​യെ​ക്കു​റി​ച്ചുള്ള വിവര​ണം​പോ​ലെ, നമുക്ക്‌ ആശ്വാസം തരുന്ന എണ്ണമറ്റ തിരു​വെ​ഴു​ത്തു​ഭാ​ഗങ്ങൾ ദൈവ​വ​ച​ന​ത്തി​ലുണ്ട്‌. അതിൽ അതിശ​യി​ക്കാ​നില്ല. കാരണം “മുമ്പ്‌ എഴുതി​യി​ട്ടു​ള്ള​തെ​ല്ലാം നമുക്കു​വേ​ണ്ടി​യാണ്‌. അതായത്‌, നമ്മളെ പഠിപ്പി​ക്കാ​നും അങ്ങനെ നമ്മുടെ സഹനത്താ​ലും തിരു​വെ​ഴു​ത്തു​കൾ നൽകുന്ന ആശ്വാ​സ​ത്താ​ലും നമുക്കു പ്രത്യാശ ഉണ്ടാകാ​നും വേണ്ടി​യാണ്‌.” (റോമ. 15:4) നിങ്ങൾ വേർപാ​ടി​ന്റെ വേദന അനുഭ​വി​ക്കുന്ന ഒരാളാ​ണെ​ങ്കിൽ താഴെ കൊടു​ത്തി​രി​ക്കു​ന്ന​തു​പോ​ലുള്ള ചില തിരു​വെ​ഴു​ത്തു​കൾ നിങ്ങൾക്കു സാന്ത്വ​ന​മേ​കും:

• “യഹോവ ഹൃദയം തകർന്ന​വ​രു​ടെ അരികി​ലുണ്ട്‌; മനസ്സു തകർന്ന​വരെ ദൈവം രക്ഷിക്കു​ന്നു.”—സങ്കീ. 34:18, 19.

• “ആകുല​ചി​ന്തകൾ എന്നെ വരിഞ്ഞു​മു​റു​ക്കി​യ​പ്പോൾ അങ്ങ്‌ എന്നെ ആശ്വസി​പ്പി​ച്ചു, എന്നെ സാന്ത്വ​ന​പ്പെ​ടു​ത്തി.”—സങ്കീ. 94:19.

• “നമ്മുടെ കർത്താ​വായ യേശു​ക്രി​സ്‌തു​വും, നമ്മളെ സ്‌നേ​ഹിച്ച്‌ തന്റെ അനർഹ​ദ​യ​യാൽ നമുക്കു നിത്യാ​ശ്വാ​സ​വും നല്ല ഒരു പ്രത്യാ​ശ​യും തന്ന നമ്മുടെ പിതാ​വായ ദൈവ​വും നിങ്ങളു​ടെ ഹൃദയ​ങ്ങൾക്ക്‌ ആശ്വാസം പകർന്ന്‌ . . . നിങ്ങളെ ശക്തരാ​ക്കട്ടെ.”—2 തെസ്സ. 2:16, 17.b

സഭ—ആശ്വാ​സ​ത്തി​ന്റെ ഉറവ്‌

12. മറ്റുള്ള​വരെ ആശ്വസി​പ്പി​ക്കാൻ നമുക്കു ചെയ്യാൻ കഴിയുന്ന ഒരു കാര്യം എന്താണ്‌?

¹² വേർപാ​ടി​ന്റെ വേദന അനുഭ​വി​ക്കു​ന്ന​വർക്ക്‌ ആശ്വാ​സ​ത്തി​ന്റെ മറ്റൊരു ഉറവാണു ക്രിസ്‌തീ​യസഭ. (1 തെസ്സ​ലോ​നി​ക്യർ 5:11 വായി​ക്കുക.) ‘തകർന്ന മനസ്സു​ള്ള​വരെ’ ബലപ്പെ​ടു​ത്താ​നും ആശ്വസി​പ്പി​ക്കാ​നും നിങ്ങൾക്ക്‌ എന്തു ചെയ്യാ​നാ​കും? (സുഭാ. 17:22) ‘മൗനമാ​യി​രി​ക്കാൻ ഒരു സമയമുണ്ട്‌, സംസാ​രി​ക്കാൻ ഒരു സമയമുണ്ട്‌’ എന്ന കാര്യം ഓർക്കുക. (സഭാ. 3:7) ഭർത്താ​വി​നെ നഷ്ടപ്പെട്ട ഡാലിൻ എന്ന സഹോ​ദരി പറയുന്നു: “മനസ്സി​ലു​ള്ള​തെ​ല്ലാം തുറന്നു​പ​റ​യാൻ ഒരു അവസരം കിട്ടണ​മെന്നു ദുഃഖി​ച്ചി​രി​ക്കു​ന്നവർ ആഗ്രഹി​ക്കും. അതു​കൊണ്ട്‌ അവർ സംസാ​രി​ക്കു​മ്പോൾ തടസ്സ​പ്പെ​ടു​ത്താ​തെ ശ്രദ്ധി​ച്ചു​കേൾക്കു​ന്നതു വളരെ പ്രധാ​ന​മാണ്‌.” ആങ്ങള ആത്മഹത്യ ചെയ്‌ത​തി​ന്റെ ദുഃഖം അനുഭ​വിച്ച യൂനി​യ​യ്‌ക്കു പറയാ​നു​ള്ളത്‌ ഇതാണ്‌: “(പ്രിയ​പ്പെ​ട്ട​വരെ മരണത്തിൽ നഷ്ടമാ​യ​വ​രു​ടെ) ദുഃഖം മുഴു​വ​നാ​യി മനസ്സി​ലാ​ക്കാൻ കഴിയി​ല്ലെ​ങ്കി​ലും അതു മനസ്സി​ലാ​ക്കാൻ നിങ്ങൾക്കുള്ള ആഗ്രഹ​മാ​ണു പ്രധാനം.”

13. ദുഃഖി​ത​രു​ടെ മാനസി​കാ​വ​സ്ഥ​യെ​ക്കു​റിച്ച്‌ നമ്മൾ എന്ത്‌ ഓർക്കണം?

¹³ നമ്മൾ മനസ്സിൽപ്പി​ടി​ക്കേണ്ട മറ്റു ചില കാര്യ​ങ്ങ​ളു​മുണ്ട്‌. എല്ലാവർക്കും വേദന അനുഭ​വ​പ്പെ​ടു​ന്നത്‌ ഒരു​പോ​ലെയല്ല. അത്‌ അവർ പ്രകടി​പ്പി​ക്കുന്ന രീതി​യും ചില​പ്പോൾ വ്യത്യാ​സ​പ്പെ​ട്ടി​രി​ക്കും. ഒരു വ്യക്തി​യു​ടെ മനസ്സു നീറി​പ്പു​ക​യു​ക​യാ​യി​രി​ക്കാം. പക്ഷേ തന്റെ ഉള്ളിന്റെ ഉള്ളിലുള്ള വിഷമങ്ങൾ വാക്കു​ക​ളി​ലാ​ക്കാൻ അദ്ദേഹ​ത്തി​നു കഴി​ഞ്ഞെ​ന്നു​വ​രില്ല. ദൈവ​വ​ചനം ഇക്കാര്യം ശരി​വെ​ക്കു​ന്നു: “ഹൃദയ​ത്തി​നു മാത്രമേ സ്വന്തം വേദന മനസ്സി​ലാ​കൂ; അതിന്റെ സന്തോ​ഷ​ത്തിൽ പങ്കു​ചേ​രാ​നും മറ്റാർക്കു​മാ​കില്ല.” (സുഭാ. 14:10) ഇനി, ഒരാൾ തന്റെ ഉള്ളിലുള്ള വിഷമങ്ങൾ നമ്മളോ​ടു തുറന്നു​പ​റ​ഞ്ഞെ​ന്നി​രി​ക്കട്ടെ. എങ്കിൽപ്പോ​ലും അയാളു​ടെ മനസ്സു മുഴു​വ​നാ​യി വായി​ച്ചെ​ടു​ക്കാൻ നമുക്കു കഴിയ​ണ​മെ​ന്നില്ല.

14. ദുഃഖി​തരെ ആശ്വസി​പ്പി​ക്കാൻ നമുക്ക്‌ എന്തു പറയാ​നാ​കും?

¹⁴ അതു​കൊ​ണ്ടു​തന്നെ അത്തരം ദുഃഖ​വു​മാ​യി കഴിയു​ന്ന​വരെ എന്തു പറഞ്ഞ്‌ ആശ്വസി​പ്പി​ക്ക​ണ​മെന്നു തീരു​മാ​നി​ക്കാൻ അത്ര എളുപ്പമല്ല. എങ്കിലും “ബുദ്ധി​യു​ള്ള​വ​രു​ടെ നാവ്‌ മുറിവ്‌ ഉണക്കുന്നു” എന്നു ബൈബിൾ പറയു​ന്നുണ്ട്‌. (സുഭാ. 12:18) നിങ്ങൾ സ്‌നേ​ഹി​ക്കുന്ന ആരെങ്കി​ലും മരിക്കു​മ്പോൾ എന്ന ലഘുപ​ത്രി​ക​യി​ലെ വിവരങ്ങൾ ഉപയോ​ഗിച്ച്‌ ദുഃഖാർത്തർക്ക്‌ ആശ്വാസം പകരാൻ പലർക്കും കഴിഞ്ഞി​രി​ക്കു​ന്നു.c എന്നാൽ “കരയു​ന്ന​വ​രു​ടെ​കൂ​ടെ കരയുക” എന്നതാണു പലപ്പോ​ഴും അവർക്ക്‌ ആശ്വാ​സ​മേ​കാ​നുള്ള ഏറ്റവും നല്ല മാർഗം. (റോമ. 12:15) ഭർത്താവ്‌ മരിച്ചു​പോയ ഗാബി പറയുന്നു: “മിക്ക​പ്പോ​ഴും എന്റെ ഹൃദയ​വി​കാ​രങ്ങൾ പുറത്ത്‌ വരുന്നതു കണ്ണുനീ​രാ​യി​ട്ടാണ്‌. അതു​കൊണ്ട്‌ കൂട്ടു​കാർ എന്റെകൂ​ടെ കരയു​മ്പോൾ എനിക്ക്‌ അൽപ്പം ആശ്വാസം തോന്നാ​റുണ്ട്‌. എന്റെ ദുഃഖ​ത്തിൽ ഞാൻ ഒറ്റയ്‌ക്കല്ല എന്ന്‌ അപ്പോൾ തോന്നും.”

15. ഒരാളെ നേരിട്ട്‌ കണ്ട്‌ ആശ്വസി​പ്പി​ക്കാൻ ബുദ്ധി​മു​ട്ടു തോന്നു​ന്നെ​ങ്കിൽ നിങ്ങൾക്ക്‌ എന്തു ചെയ്യാം? (“മനസ്സിനു കുളിർമ​യേ​കിയ ചില വാക്കുകൾ” എന്ന ചതുര​വും കാണുക.)

¹⁵ നേരിട്ട്‌ കണ്ട്‌ സംസാ​രി​ക്കു​ന്നതു ബുദ്ധി​മു​ട്ടാ​യി തോന്നു​ന്നെ​ങ്കിൽ ഒരു കാർഡി​ലൂ​ടെ​യോ ഇ-മെയി​ലി​ലൂ​ടെ​യോ മെസേ​ജി​ലൂ​ടെ​യോ കത്തിലൂ​ടെ​യോ നിങ്ങൾക്ക്‌ അവരെ ആശ്വസി​പ്പി​ക്കാ​നാ​കും. ചില​പ്പോ​ഴൊ​ക്കെ, അതിൽ ഒരു തിരു​വെ​ഴു​ത്തു മാത്രം എഴുതി​യാൽ മതിയാ​കും. മരിച്ചു​പോയ ആളുടെ ഏതെങ്കി​ലും ഗുണങ്ങൾ, അദ്ദേഹ​ത്തി​ന്റേതു മാത്ര​മായ എന്തെങ്കി​ലും സ്വഭാ​വ​സ​വി​ശേ​ഷ​തകൾ, അദ്ദേഹ​ത്തോ​ടൊ​പ്പ​മാ​യി​രു​ന്ന​പ്പോൾ വീണു​കി​ട്ടിയ ചില നല്ല നിമി​ഷങ്ങൾ എന്നിവ​യെ​ല്ലാം നിങ്ങൾക്കു കുറി​ക്കാം. യൂനിയ പറയുന്നു: “പ്രോ​ത്സാ​ഹനം പകരുന്ന ചെറി​യൊ​രു കുറിപ്പു കിട്ടു​ന്ന​തും സഭയി​ലുള്ള ആരെങ്കി​ലും ക്ഷണിക്കു​ന്ന​തും ഒക്കെ എന്നെ എത്രമാ​ത്രം ബലപ്പെ​ടു​ത്തു​ന്നെ​ന്നോ. എന്നെ അവർ സ്‌നേ​ഹി​ക്കു​ന്നെ​ന്നും അവർക്ക്‌ എന്നെക്കു​റിച്ച്‌ ചിന്തയു​ണ്ടെ​ന്നും അത്‌ എന്നെ ഓർമി​പ്പി​ക്കും.”

16. ആളുകളെ ആശ്വസി​പ്പി​ക്കാ​നാ​കുന്ന, വളരെ ഫലപ്ര​ദ​മായ ഒരു വിധം ഏതാണ്‌?

¹⁶ വേർപാ​ടി​ന്റെ വേദന അനുഭ​വി​ച്ചു​ക​ഴി​യുന്ന ഒരു സഹക്രി​സ്‌ത്യാ​നി​ക്കു​വേണ്ടി പ്രാർഥി​ക്കു​ന്ന​തി​ന്റെ വില കുറച്ചു​കാ​ണ​രുത്‌. ചില​പ്പോൾ അദ്ദേഹ​ത്തോ​ടൊ​പ്പ​വും നമുക്കു പ്രാർഥി​ക്കാ​നാ​കും. ദുഃഖം നിറഞ്ഞ അത്തര​മൊ​രു സാഹച​ര്യ​ത്തിൽ ഉള്ളിലെ ചിന്തക​ളെ​ല്ലാം ദൈവ​മു​മ്പാ​കെ പകരാൻ നിങ്ങൾക്കു ബുദ്ധി​മു​ട്ടു തോന്നാം. പ്രാർഥ​ന​യ്‌ക്കി​ടെ നിങ്ങൾ കരഞ്ഞു​പോ​യേ​ക്കാം, നിങ്ങളു​ടെ വാക്കുകൾ മുറി​ഞ്ഞു​പോ​യേ​ക്കാം. എങ്കിലും അവർക്കു​വേ​ണ്ടി​യുള്ള നിങ്ങളു​ടെ ആത്മാർഥ​മായ പ്രാർഥ​നകൾ അവരുടെ ദുഃഖ​ത്തി​നുള്ള ശക്തമായ മറുമ​രു​ന്നാണ്‌. ഡാലിൻ ഓർക്കു​ന്നു: “ആശ്വസി​പ്പി​ക്കാൻ വന്ന സഹോ​ദ​രി​മാ​രോട്‌, എന്റെകൂ​ടെ ഇരുന്ന്‌ ഒന്നു പ്രാർഥി​ക്കാ​മോ എന്നു ഞാൻ ചോദി​ച്ചി​ട്ടുണ്ട്‌. പ്രാർഥി​ക്കാൻ തുടങ്ങു​മ്പോൾ പലപ്പോ​ഴും അവർക്കു വാക്കുകൾ കിട്ടാ​റില്ല. പക്ഷേ ഏതാനും ചില വാചകങ്ങൾ കഴിയു​മ്പോൾ അവർ സമനില വീണ്ടെ​ടുത്ത്‌ വളരെ ഹൃദയ​സ്‌പർശി​യായ പ്രാർഥന നടത്തും. അവരുടെ ശക്തമായ വിശ്വാ​സ​വും സ്‌നേ​ഹ​വും എന്നെക്കു​റി​ച്ചുള്ള ചിന്തയും എന്റെ വിശ്വാ​സത്തെ വളരെ​യ​ധി​കം ശക്തി​പ്പെ​ടു​ത്തി​യി​ട്ടുണ്ട്‌.”

തുടർന്നും അവരെ സഹായി​ക്കു​ക

17-19. ആശ്വാസം കൊടു​ക്കു​ന്നതു പെട്ടെന്നു നിറു​ത്തി​ക്ക​ള​യ​രു​താ​ത്തത്‌ എന്തു​കൊണ്ട്‌?

¹⁷ വേർപാ​ടി​ന്റെ ദുഃഖം തെല്ലൊ​ന്ന​ട​ങ്ങാൻ ഓരോ വ്യക്തി​ക്കും എത്ര​ത്തോ​ളം സമയം വേണ്ടി​വ​രു​മെന്നു പറയാ​നാ​കില്ല. ഒരാൾ മരിച്ചാൽ പ്രിയ​പ്പെ​ട്ട​വരെ ആശ്വസി​പ്പി​ക്കാൻ കുറച്ച്‌ ദിവസ​ത്തേക്കു സുഹൃ​ത്തു​ക്ക​ളും ബന്ധുക്ക​ളും ഒക്കെ ചുറ്റും കാണും. പക്ഷേ പതി​യെ​പ്പ​തി​യെ അവരെ​ല്ലാം തങ്ങളു​ടേ​തായ തിരക്കു​ക​ളി​ലേക്കു മടങ്ങി​യേ​ക്കാം. അപ്പോ​ഴും നിങ്ങൾ അവരെ സഹായി​ക്കാൻ തയ്യാറാ​യി​രി​ക്കണം. “യഥാർഥ​സ്‌നേ​ഹി​തൻ എല്ലാ കാലത്തും സ്‌നേ​ഹി​ക്കു​ന്നു; കഷ്ടതക​ളു​ടെ സമയത്ത്‌ അവൻ കൂടപ്പി​റ​പ്പാ​യി​ത്തീ​രു​ന്നു.” (സുഭാ. 17:17) ഒരാൾ വേർപാ​ടി​ന്റെ ദുഃഖ​വു​മാ​യി പൊരു​ത്ത​പ്പെ​ടാൻ എത്ര നാളെ​ടു​ത്താ​ലും ആ സമയമ​ത്ര​യും അവർക്കു വലി​യൊ​രു ആശ്വാ​സ​മാ​യി​രി​ക്കാൻ സഹക്രി​സ്‌ത്യാ​നി​കൾക്കാ​കും.—1 തെസ്സ​ലോ​നി​ക്യർ 3:7 വായി​ക്കുക.

¹⁸ വേർപാ​ടി​ന്റെ വേദന​യു​മാ​യി കഴിയു​ന്ന​വർക്കു പെട്ടെ​ന്നാ​യി​രി​ക്കും മനസ്സിൽ ദുഃഖ​ത്തി​ന്റെ വേലി​യേ​റ്റ​മു​ണ്ടാ​കു​ന്ന​തെ​ന്നും ഓർക്കുക. ചില​പ്പോൾ വിവാ​ഹ​വാർഷി​കം​പോ​ലുള്ള ചില പ്രത്യേ​ക​ദി​വ​സ​ങ്ങ​ളോ ഏതെങ്കി​ലും സംഗീ​ത​മോ ഫോ​ട്ടോ​ക​ളോ ഒരു പ്രത്യേ​ക​ഗ​ന്ധ​മോ ശബ്ദമോ ഋതുക്കളുടെ മാറ്റമോ ഒക്കെ ദുഃഖ​ത്തി​നു തിരി കൊളു​ത്തി​യേ​ക്കാം. ചില പ്രത്യേ​ക​കാ​ര്യ​ങ്ങൾ ചെയ്യു​മ്പോ​ഴും പ്രിയ​പ്പെ​ട്ട​വ​രു​ടെ ഓർമകൾ ഓടി​യെ​ത്തി​യേ​ക്കാം. ഒറ്റയ്‌ക്കാ​യ​തി​നു ശേഷം ആദ്യമാ​യി വരുന്ന സമ്മേള​ന​മോ സ്‌മാ​ര​ക​മോ പോലുള്ള ചില അവസര​ങ്ങ​ളും വേദന​യ്‌ക്കു കാരണ​മാ​കാം. ഒരു സഹോ​ദരൻ പറയുന്നു: “എന്റെ ഭാര്യയെ നഷ്ടപ്പെ​ട്ട​തി​നു ശേഷമുള്ള ആദ്യത്തെ വിവാ​ഹ​വാർഷി​കത്തെ എങ്ങനെ നേരി​ടു​മെന്ന്‌ എനിക്ക്‌ അറിയി​ല്ലാ​യി​രു​ന്നു. അതു വളരെ ബുദ്ധി​മു​ട്ടാ​യി​രു​ന്നു​താ​നും. പക്ഷേ എനിക്ക്‌ ഒറ്റപ്പെടൽ തോന്നാ​തി​രി​ക്കാൻ ചില സഹോ​ദ​രീ​സ​ഹോ​ദ​ര​ന്മാർ എന്റെ അടുത്ത സുഹൃ​ത്തു​ക്കളെ വിളിച്ച്‌ ഒരു കൂടി​വ​രവ്‌ ക്രമീ​ക​രി​ച്ചു.”

¹⁹ എന്നാൽ പ്രത്യേ​കം ചില അവസര​ങ്ങ​ളിൽ മാത്രമല്ല അവർക്ക്‌ ആശ്വാസം വേണ്ട​തെന്ന്‌ ഓർക്കുക. യൂനിയ പറയുന്നു: “വാർഷി​ക​ദി​ന​ങ്ങ​ള​ല്ലാത്ത മറ്റു ദിവസ​ങ്ങ​ളി​ലും ഒരാൾക്കു സഹായ​മേ​കാ​നും കൂട്ടാ​യി​രി​ക്കാ​നും സാധി​ക്കു​മെ​ങ്കിൽ അതു വളരെ നല്ലതാ​യി​രി​ക്കും. പ്രതീ​ക്ഷി​ക്കാ​തി​രി​ക്കു​മ്പോൾ വന്നു​ചേ​രുന്ന അത്തരം നിമി​ഷങ്ങൾ വളരെ വില​പ്പെ​ട്ട​താണ്‌, അതു വലിയ ആശ്വാസം തരും.” പ്രിയ​പ്പെട്ട ഒരാൾ മരിക്കു​മ്പോൾ ഒരു വ്യക്തിക്കു തോന്നുന്ന ദുഃഖം മുഴുവൻ ഇല്ലാതാ​ക്കാ​നോ ആ ശൂന്യത പൂർണ​മാ​യി നികത്താ​നോ നമുക്കു കഴിയി​ല്ലെ​ന്നതു സത്യമാണ്‌. പക്ഷേ ദുഃഖി​തരെ സഹായി​ക്കാൻ നമ്മൾ ചെയ്യുന്ന കാര്യങ്ങൾ അവർക്ക്‌ ഒരളവു​വരെ ആശ്വാ​സ​വും സാന്ത്വ​ന​വും കൊടു​ക്കു​മെന്ന്‌ ഓർക്കുക. (1 യോഹ. 3:18) ഗാബി പറയുന്നു: “ജീവി​ത​ത്തി​ലെ ബുദ്ധി​മു​ട്ടു പിടിച്ച ഓരോ സാഹച​ര്യ​ത്തി​ലും എനിക്കു കൈത്താ​ങ്ങേ​കാൻ മൂപ്പന്മാ​രു​ണ്ടാ​യി​രു​ന്നു. അതിന്‌ യഹോ​വ​യോ​ടു വളരെ നന്ദിയുണ്ട്‌. യഹോ​വ​യു​ടെ സ്‌നേ​ഹ​മുള്ള കരങ്ങൾ എന്നെ ചുറ്റി​പ്പി​ടി​ച്ചി​രി​ക്കു​ന്ന​തു​പോ​ലെ തോന്നി.”

20. യഹോ​വ​യു​ടെ വാഗ്‌ദാ​നങ്ങൾ നമുക്കു വലിയ ആശ്വാ​സ​മാ​യി​രി​ക്കു​ന്നത്‌ എന്തു​കൊണ്ട്‌?

²⁰ ‘സ്‌മാ​ര​ക​ക്ക​ല്ല​റ​ക​ളി​ലുള്ള എല്ലാവ​രും (ക്രിസ്‌തു​വി​ന്റെ) ശബ്ദം കേട്ട്‌ പുറത്ത്‌ വരും.’ (യോഹ. 5:28, 29) ഏതു സാഹച​ര്യ​ത്തി​ലും ആശ്വാസം തരുന്ന ദൈവം, വേർപാ​ടി​ന്റെ വേദന അനുഭ​വി​ക്കുന്ന എല്ലാവ​രു​ടെ​യും ദുഃഖം അതുവഴി ഇല്ലാതാ​ക്കും. ഇത്‌ എത്ര വലി​യൊ​രു ആശ്വാ​സ​മാണ്‌! “ദൈവം മരണത്തെ എന്നേക്കു​മാ​യി ഇല്ലാതാ​ക്കും, പരമാ​ധി​കാ​രി​യാം കർത്താ​വായ യഹോവ എല്ലാ മുഖങ്ങ​ളിൽനി​ന്നും കണ്ണീർ തുടച്ചു​മാ​റ്റും” എന്നു പറഞ്ഞി​രി​ക്കു​ന്നു. ഇത്‌ യഹോ​വ​യു​ടെ വാഗ്‌ദാ​ന​മാണ്‌. (യശ. 25:8) ഭൂമി​യിൽ ജീവി​ച്ചി​രി​ക്കുന്ന എല്ലാവ​രും ‘കരയു​ന്ന​വ​രു​ടെ​കൂ​ടെ കരയു​ന്ന​തി​നു’ പകരം ‘സന്തോ​ഷി​ക്കു​ന്ന​വ​രു​ടെ​കൂ​ടെ സന്തോ​ഷി​ക്കുന്ന’ ഒരു കാലമാ​യി​രി​ക്കും അത്‌.—റോമ. 12:15.