ക്രിസ്‌തീയ സമർപ്പ​ണ​ത്തി​നു ചേർച്ച​യിൽ സ്വാത​ന്ത്ര്യ​ത്തോ​ടെ ജീവിക്കൽ

“യഹോ​വ​യു​ടെ ആത്മാവു​ള്ളി​ടത്ത്‌ സ്വാത​ന്ത്ര്യം ഉണ്ട്‌.”—2 കൊരി​ന്ത്യർ 3:17, NW.

1. യഹോ​വ​യു​ടെ സാക്ഷികൾ ആർക്കു സമർപ്പി​ത​രാണ്‌, അവർ നിയമ​പ​ര​മായ ഏജൻസി​കളെ ഉപയോ​ഗി​ക്കു​ന്ന​തെ​ന്തു​കൊണ്ട്‌?

തങ്ങളുടെ മതം എന്നേക്കും നിലനിൽക്കു​മെന്ന്‌ യഹോ​വ​യു​ടെ സാക്ഷികൾ വിശ്വ​സി​ക്കു​ന്നു. അതു​കൊണ്ട്‌ ദൈവത്തെ എന്നേക്കും “ആത്മാവി​ലും സത്യത്തി​ലും” ആരാധി​ക്കാ​മെന്ന്‌ അവർ പ്രതീ​ക്ഷി​ക്കു​ന്നു. (യോഹ​ന്നാൻ 4:23, 24) സ്വതന്ത്ര ധാർമിക കാര്യ​സ്ഥ​രെന്ന നിലയിൽ, ഈ ക്രിസ്‌ത്യാ​നി​കൾ യഹോ​വ​യ്‌ക്കു സമ്പൂർണ​സ​മർപ്പണം നടത്തു​ക​യും അതിനു ചേർച്ച​യിൽ ജീവി​ക്കാൻ ദൃഢനി​ശ്ചയം ചെയ്യു​ക​യും ചെയ്‌തി​രി​ക്കു​ന്നു. ആ ലക്ഷ്യത്തിൽ, അവർ ദൈവ​വ​ച​ന​ത്തി​ലും അവന്റെ ആത്മാവി​ലും ആശ്രയി​ക്കു​ന്നു. ദൈവദത്ത സ്വാത​ന്ത്ര്യ​ത്തോ​ടെ, അവർ തങ്ങളുടെ ക്രിസ്‌തീയ സമർപ്പ​ണ​ത്തി​ന്റേ​തായ ഗതി മുഴു​ഹൃ​ദ​യ​ത്തോ​ടെ പിന്തു​ട​രവേ, ഭരണപ​ര​മായ “ശ്രേഷ്‌ഠാ​ധി​കാ​രങ്ങ”ളുടെ ധർമ​ത്തോട്‌ സാക്ഷികൾ അർഹമായ ആദരവ്‌ പ്രകട​മാ​ക്കു​ക​യും നിയമ​പ​ര​മായ ഉപാധി​ക​ളും വ്യവസ്ഥ​ക​ളും ഉചിത​മാ​യി ഉപയോ​ഗ​പ്പെ​ടു​ത്തു​ക​യും ചെയ്യുന്നു. (റോമർ 13:1; യാക്കോബ്‌ 1:25) ഉദാഹ​ര​ണ​ത്തിന്‌, സാക്ഷികൾ പല രാജ്യ​ങ്ങ​ളി​ലും സഹമനു​ഷ്യ​രെ സഹായി​ക്കുന്ന വേല നിർവ​ഹി​ക്കാൻ തങ്ങളെ സഹായി​ക്കുന്ന, വിശേ​ഷി​ച്ചും ആത്മീയ വിധങ്ങ​ളിൽ, നിയമ​പ​ര​മായ കോർപ്പ​റേ​ഷ​നു​കൾ ഉപയോ​ഗി​ക്കു​ന്നുണ്ട്‌. അതി​ലൊ​ന്നാണ്‌ വാച്ച്‌ ടവർ സൊ​സൈറ്റി. എന്നാൽ സാക്ഷികൾ സമർപ്പണം നടത്തി​യി​രി​ക്കു​ന്നത്‌ ദൈവ​ത്തി​നാണ്‌, ഏതെങ്കി​ലും നിയമ​പ​ര​മായ കോർപ്പ​റേ​ഷന്‌ അല്ല. യഹോ​വ​യ്‌ക്കുള്ള അവരുടെ സമർപ്പണം എന്നേക്കും നിലനിൽക്കും.

2. വാച്ച്‌ ടവർ സൊ​സൈ​റ്റി​യെ​യും നിയമ​പ​ര​മായ സമാന ഏജൻസി​ക​ളെ​യും യഹോ​വ​യു​ടെ സാക്ഷികൾ അതിയാ​യി വിലമ​തി​ക്കു​ന്ന​തെ​ന്തു​കൊണ്ട്‌?

² ദൈവ​ത്തി​നു സമർപ്പി​ച്ചി​രി​ക്കുന്ന ദാസരെന്ന നിലയിൽ, യഹോ​വ​യു​ടെ സാക്ഷികൾ യേശു​വി​ന്റെ ഈ കൽപ്പന അനുസ​രി​ക്കാൻ ബാധ്യ​സ്ഥ​രാണ്‌: “പിതാ​വി​ന്റെ​യും പുത്ര​ന്റെ​യും പരിശു​ദ്ധാ​ത്മാ​വി​ന്റെ​യും നാമത്തിൽ സ്‌നാനം കഴിപ്പി​ച്ചു . . . സകലജാ​തി​ക​ളെ​യും ശിഷ്യ​രാ​ക്കി​ക്കൊൾവിൻ.” (മത്തായി 28:19, 20) ഈ വ്യവസ്ഥി​തി​യു​ടെ സമാപ​നം​വരെ ഈ വേല തുടരു​ന്ന​താണ്‌, എന്തെന്നാൽ യേശു ഇങ്ങനെ​യും പറഞ്ഞി​രി​ക്കു​ന്നു: “രാജ്യ​ത്തി​ന്റെ ഈ സുവി​ശേഷം സകലജാ​തി​കൾക്കും സാക്ഷ്യ​മാ​യി ഭൂലോ​ക​ത്തിൽ ഒക്കെയും പ്രസം​ഗി​ക്ക​പ്പെ​ടും; അപ്പോൾ അവസാനം വരും.” (മത്തായി 24:3, 14) വർഷം​തോ​റും, വാച്ച്‌ ടവർ സൊ​സൈ​റ്റി​യു​ടെ അച്ചടി​ശാ​ല​ക​ളും അതു​പോ​ലുള്ള വ്യവസ്ഥാ​പിത ഏജൻസി​ക​ളും യഹോ​വ​യു​ടെ സാക്ഷി​കൾക്ക്‌ ലോക​വ്യാ​പക പ്രസം​ഗ​വേ​ല​യിൽ ഉപയോ​ഗി​ക്കാ​നാ​യി കോടി​ക്ക​ണ​ക്കി​നു ബൈബി​ളു​ക​ളും പുസ്‌ത​ക​ങ്ങ​ളും ലഘുപ​ത്രി​ക​ക​ളും മാസി​ക​ക​ളും പ്രദാനം ചെയ്യുന്നു. അതു​കൊണ്ട്‌ ഈ നിയമ​പ​ര​മായ കോർപ്പ​റേ​ഷ​നു​കൾ ദൈവ​ത്തി​ന്റെ സമർപ്പിത ദാസന്മാ​രെ അവനോ​ടുള്ള സമർപ്പ​ണ​ത്തി​നു ചേർച്ച​യിൽ ജീവി​ക്കാൻ സഹായി​ക്കു​ന്ന​തിൽ വില​യേ​റിയ പങ്കുവ​ഹി​ക്കു​ന്നു.

3. യഹോ​വ​യു​ടെ സാക്ഷികൾ മുമ്പ്‌ “സൊ​സൈറ്റി” എന്ന പദം ഉപയോ​ഗി​ച്ചി​രു​ന്നത്‌ ഏതർഥ​ത്തി​ലാണ്‌?

³ സാക്ഷികൾ വാച്ച്‌ ടവർ സൊ​സൈ​റ്റി​യെ​ക്കു​റിച്ച്‌—അല്ലെങ്കിൽ പലപ്പോ​ഴും “സൊ​സൈറ്റി”യെക്കു​റിച്ച്‌—സംസാ​രി​ക്കുന്ന വിധ​മെ​ടു​ത്താൽ അവർ അതിനെ കേവലം നിയമ​പ​ര​മാ​യൊ​രു കോർപ്പ​റേഷൻ എന്നതി​നെ​ക്കാ​ളു​പ​രി​യാ​യി വീക്ഷി​ക്കു​ന്ന​താ​യി തോന്നു​മെന്ന്‌ ആരെങ്കി​ലും വാദി​ച്ചേ​ക്കാം. ആരാധ​ന​യു​മാ​യി ബന്ധപ്പെട്ട സംഗതി​ക​ളിൽ അവസാന വാക്ക്‌ അതിനാ​ണെ​ന്നല്ലേ അവർ വിചാ​രി​ക്കു​ന്നത്‌? യഹോ​വ​യു​ടെ സാക്ഷികൾ—ദൈവ​രാ​ജ്യ ഘോഷകർ (ഇംഗ്ലീഷ്‌) എന്ന പുസ്‌തകം ഈ സംഗതി വ്യക്തമാ​ക്കു​ന്നുണ്ട്‌. അതിങ്ങനെ വിശദീ​ക​രി​ക്കു​ന്നു: “വീക്ഷാ​ഗോ​പു​രം [1938 ജൂൺ 1] (ഇംഗ്ലീഷ്‌) ‘സൊ​സൈറ്റി’ എന്നു പരാമർശി​ച്ച​പ്പോൾ, അത്‌ കേവലം നിയമ​പ​ര​മായ കോർപ്പ​റേ​ഷ​നെയല്ല, മറിച്ച്‌ ആ നിയമ​പ​ര​മായ കോർപ്പ​റേഷൻ രൂപീ​ക​രി​ക്കു​ക​യും ഉപയോ​ഗി​ക്കു​ക​യും ചെയ്‌ത അഭിഷിക്ത ക്രിസ്‌ത്യാ​നി​ക​ളു​ടെ സംഘ​ത്തെ​യാണ്‌ അർഥമാ​ക്കി​യത്‌.”a അതു​കൊണ്ട്‌ പ്രസ്‌തുത പ്രയോ​ഗ​ത്താൽ “വിശ്വ​സ്‌ത​നും വിവേ​കി​യു​മായ അടിമ”യെയാണ്‌ അർഥമാ​ക്കി​യത്‌. (മത്തായി 24:45, NW) ഈ അർഥത്തി​ലാണ്‌ സാക്ഷികൾ പൊതു​വേ “സൊ​സൈറ്റി” എന്ന പദം ഉപയോ​ഗി​ച്ചി​രി​ക്കു​ന്നത്‌. തീർച്ച​യാ​യും, നിയമാ​ടി​സ്ഥാ​ന​മുള്ള കോർപ്പ​റേഷൻ എന്നതും “വിശ്വ​സ്‌ത​നും വിവേ​കി​യു​മായ അടിമ” എന്നതും പരസ്‌പരം മാറ്റി ഉപയോ​ഗി​ക്കാ​വുന്ന പദപ്ര​യോ​ഗ​ങ്ങളല്ല. വാച്ച്‌ ടവർ സൊ​സൈ​റ്റി​യു​ടെ ഡയറക്ടർമാർ തിര​ഞ്ഞെ​ടു​ക്ക​പ്പെ​ടു​ക​യാണ്‌. എന്നാൽ ‘വിശ്വസ്‌ത അടിമ’യിൽപ്പെട്ട സാക്ഷികൾ യഹോ​വ​യു​ടെ പരിശു​ദ്ധാ​ത്മാ​വി​നാൽ അഭി​ഷേകം ചെയ്യ​പ്പെ​ടു​ക​യാണ്‌.

4. (എ) തെറ്റി​ദ്ധാ​ര​ണകൾ ഒഴിവാ​ക്കാൻ അനേകം സാക്ഷികൾ എങ്ങനെ​യുള്ള പ്രയോ​ഗങ്ങൾ ഉപയോ​ഗി​ക്കു​ന്നു? (ബി) സാങ്കേ​തിക പദപ്ര​യോ​ഗ​ങ്ങ​ളു​ടെ കാര്യ​ത്തിൽ നാം സമനില പാലി​ക്കേ​ണ്ട​തെ​ന്തു​കൊണ്ട്‌?

⁴ തെറ്റി​ദ്ധാ​ര​ണകൾ ഒഴിവാ​ക്കാൻ, യഹോ​വ​യു​ടെ സാക്ഷികൾ സംസാ​രി​ക്കു​മ്പോൾ ഏറെ ശ്രദ്ധയു​ള്ള​വ​രാ​യി​രി​ക്കാൻ ശ്രമി​ക്കു​ന്നു. “സൊ​സൈറ്റി പഠിപ്പി​ക്കു​ന്നത്‌” എന്നു പറയു​ന്ന​തി​നു​പ​കരം അനേകം സാക്ഷി​ക​ളും “ബൈബിൾ പറയുന്നു”വെന്നോ “ബൈബിൾ പഠിപ്പി​ക്കു​ന്നു​വെന്നു ഞാൻ മനസ്സി​ലാ​ക്കു​ന്നു”വെന്നോ പോലുള്ള പ്രയോ​ഗങ്ങൾ ഉപയോ​ഗി​ക്കാൻ ഇഷ്ടപ്പെ​ടു​ന്നു. ഈ വിധത്തിൽ, ഓരോ സാക്ഷി​യും ബൈബിൾ പഠിപ്പി​ക്ക​ലു​കൾ അംഗീ​ക​രി​ച്ച​തിൽ എടുത്തി​രി​ക്കുന്ന വ്യക്തി​പ​ര​മായ തീരു​മാ​നത്തെ ദൃഢീ​ക​രി​ക്കു​ക​യും ഏതോ മതവി​ഭാ​ഗ​ത്തി​ന്റെ കൽപ്പനകൾ അനുസ​രി​ക്കാൻ സാക്ഷികൾ ബാധ്യ​സ്ഥ​രാ​ണെന്ന വ്യാജ​ധാ​രണ ഉളവാ​ക്കു​ന്നത്‌ ഒഴിവാ​ക്കു​ക​യും ചെയ്യുന്നു. തീർച്ച​യാ​യും, പദങ്ങളു​ടെ ഉപയോ​ഗം സംബന്ധിച്ച നിർദേ​ശങ്ങൾ ഒരിക്ക​ലും ഒരു വിവാ​ദ​വി​ഷ​യ​മാ​ക​രുത്‌. എന്തൊ​ക്കെ​യാ​യാ​ലും, തെറ്റി​ദ്ധാ​ര​ണകൾ ഒഴിവാ​ക്കുക എന്ന അളവോ​ളമേ സാങ്കേ​തി​ക​പ​ദ​ങ്ങൾക്ക്‌ പ്രാധാ​ന്യ​മു​ള്ളൂ. ക്രിസ്‌തീയ സമനില ആവശ്യ​മാണ്‌. “വാക്കു​ക​ളെ​ക്കു​റി​ച്ചു വഴക്കടി​ക്ക​രുത്‌” എന്നു ബൈബിൾ നമ്മെ അനുശാ​സി​ക്കു​ന്നു. (2 തിമൊ​ഥെ​യൊസ്‌ 2:14, 15, NW) തിരു​വെ​ഴു​ത്തു​കൾ ഈ തത്ത്വവും പ്രസ്‌താ​വി​ക്കു​ന്നു: “നിങ്ങളും നാവു​കൊ​ണ്ടു തെളി​വായ വാക്കു ഉച്ചരി​ക്കാ​ഞ്ഞാൽ സംസാ​രി​ക്കു​ന്നതു എന്തെന്നു എങ്ങനെ അറിയും?.”—1 കൊരി​ന്ത്യർ 14:9.

ദൈവാ​ത്മാവ്‌ നിയമ​ങ്ങ​ളു​ടെ ആവശ്യം കുറയ്‌ക്കു​ന്നു

5. നാം 1 കൊരി​ന്ത്യർ 10:23 മനസ്സി​ലാ​ക്കേ​ണ്ട​തെ​ങ്ങനെ?

⁵ “എല്ലാം നിയമാ​നു​സൃ​ത​മാണ്‌; എന്നാൽ എല്ലാം പ്രയോ​ജ​ന​പ്ര​ദമല്ല” എന്നു പൗലൊസ്‌ അപ്പോ​സ്‌തലൻ എഴുതി. എന്നിട്ട്‌ അവനി​ങ്ങനെ കൂട്ടി​ച്ചേർത്തു: “എല്ലാം നിയമാ​നു​സൃ​ത​മാണ്‌; എന്നാൽ എല്ലാം കെട്ടു​പ​ണി​ചെ​യ്യു​ന്നില്ല.” (1 കൊരി​ന്ത്യർ 10:23, NW) ദൈവ​വ​ചനം വ്യക്തമാ​യി കുറ്റം​വി​ധി​ക്കുന്ന സംഗതി​കൾ ചെയ്യു​ന്നത്‌ നിയമാ​നു​സൃ​ത​മാ​ണെന്ന്‌ പൗലൊസ്‌ നിശ്ചയ​മാ​യും അർഥമാ​ക്കി​യില്ല. പുരാതന ഇസ്രാ​യേ​ലി​നു നൽകപ്പെട്ട ഏതാണ്ട്‌ 600 നിയമ​ങ്ങ​ളു​മാ​യി താരത​മ്യം ചെയ്യു​മ്പോൾ, ക്രിസ്‌തീയ ജീവി​തത്തെ നിയ​ന്ത്രി​ക്കുന്ന വ്യക്തമായ കൽപ്പനകൾ താരത​മ്യേന കുറവാണ്‌. അതു​കൊണ്ട്‌, അനേകം സംഗതി​കൾ വ്യക്തി​യു​ടെ മനസ്സാ​ക്ഷി​ക്കു വിട്ടി​രി​ക്കു​ക​യാണ്‌. യഹോ​വ​യ്‌ക്കു സമർപ്പണം നടത്തി​യി​രി​ക്കുന്ന ഒരു വ്യക്തിക്കു ദൈവാ​ത്മാ​വി​ന്റെ മാർഗ​നിർദേശം ലഭിക്കു​ന്ന​തി​ന്റെ ഫലമാ​യുള്ള സ്വാത​ന്ത്ര്യം ഉണ്ട്‌. സത്യം സ്വന്തമാ​ക്കി​യ​തി​നു​ശേഷം, ഒരു ക്രിസ്‌ത്യാ​നി തന്റെ ബൈബിൾ-പരിശീ​ലിത മനസ്സാക്ഷി പിന്തു​ട​രു​ക​യും പരിശു​ദ്ധാ​ത്മാ​വി​നാ​ലുള്ള ദൈവ​ത്തി​ന്റെ നിർദേ​ശ​ത്തിൽ ആശ്രയി​ക്കു​ക​യും ചെയ്യുന്നു. “കെട്ടു​പണി ചെയ്യുന്ന”തെന്തെ​ന്നും തനിക്കും മറ്റുള്ള​വർക്കും “പ്രയോ​ജ​ന​പ്രദ”മായ​തെ​ന്തെ​ന്നും നിർണ​യി​ക്കാൻ സമർപ്പിത ക്രിസ്‌ത്യാ​നി​യെ ഇതു സഹായി​ക്കു​ന്നു. താൻ എടുക്കുന്ന തീരു​മാ​നങ്ങൾ താൻ സമർപ്പണം നടത്തി​യി​രി​ക്കുന്ന ദൈവ​വു​മാ​യുള്ള വ്യക്തി​പ​ര​മായ ബന്ധത്തെ ബാധി​ക്കു​മെന്ന്‌ അയാൾ തിരി​ച്ച​റി​യു​ന്നു.

6. നാം സത്യം സ്വന്തമാ​ക്കി​യി​ട്ടു​ണ്ടെന്ന്‌ ക്രിസ്‌തീയ യോഗ​ങ്ങ​ളിൽ നമു​ക്കെ​ങ്ങനെ പ്രകട​മാ​ക്കാൻ കഴിയും?

⁶ താൻ സത്യം സ്വന്തമാ​ക്കി​യി​രി​ക്കു​ന്നു​വെന്ന്‌ ക്രിസ്‌തീയ യോഗ​ങ്ങ​ളിൽ അഭി​പ്രാ​യങ്ങൾ പറഞ്ഞു​കൊണ്ട്‌ ഒരു സാക്ഷി പ്രകട​മാ​ക്കു​ന്നു. ആദ്യ​മൊ​ക്കെ അയാൾ താൻ പഠിക്കുന്ന പ്രസി​ദ്ധീ​ക​ര​ണ​ത്തിൽ എഴുതി​യി​രി​ക്കു​ന്നത്‌ അതേപടി പറഞ്ഞേ​ക്കാം. എന്നാൽ കാല​ക്ര​മേണ, അയാൾ പുരോ​ഗതി നേടി ബൈബിൾ പഠിപ്പി​ക്ക​ലു​കൾ സ്വന്തം വാക്കു​ക​ളിൽ പറയും. അങ്ങനെ മറ്റുള്ളവർ പറഞ്ഞത്‌ കേവലം ആവർത്തി​ക്കാ​തെ അയാൾ തന്റെ ചിന്താ​പ്രാ​പ്‌തി വികസി​പ്പി​ക്കു​ക​യാ​ണെ​ന്ന​തി​നു തെളിവു നൽകുന്നു. ചിന്തകൾ സ്വന്തം വാക്കു​ക​ളിൽ നെയ്‌തെ​ടു​ക്കു​ന്ന​തും ഹൃദയം​ഗ​മ​മായ വിധത്തിൽ സത്യം ശരിയായ വാക്കു​ക​ളിൽ അവതരി​പ്പി​ക്കു​ന്ന​തും അയാൾക്ക്‌ ആഹ്ലാദം കൈവ​രു​ത്തു​ക​യും ഉള്ളി​ന്റെ​യു​ള്ളിൽ തനിക്കു ബോധ്യ​മു​ള്ള​താ​യി പ്രകട​മാ​ക്കു​ക​യും ചെയ്യും.—സഭാ​പ്ര​സം​ഗി 12:10; റോമർ 14:5ബി താരത​മ്യം ചെയ്യുക.

7. യഹോ​വ​യു​ടെ ദാസന്മാർ സ്വത​ന്ത്ര​മാ​യി ഏതു തീരു​മാ​നങ്ങൾ നടത്തി​യി​രി​ക്കു​ന്നു?

⁷ യഹോ​വ​യു​ടെ സാക്ഷികൾ ദൈവ​ത്തോ​ടും സഹമനു​ഷ്യ​രോ​ടു​മുള്ള സ്‌നേ​ഹ​ത്താൽ പ്രചോ​ദി​പ്പി​ക്ക​പ്പെ​ടു​ന്നു. (മത്തായി 22:36-40) ലോക​വ്യാ​പക സഹോ​ദ​ര​വർഗ​മെന്ന നിലയിൽ ക്രിസ്‌തു​സ​മാന സ്‌നേ​ഹ​ബ​ന്ധ​ത്താൽ അവർ ഒറ്റക്കെ​ട്ടാ​യി വർത്തി​ക്കു​ന്നു​വെ​ന്നതു സത്യം​തന്നെ. (കൊ​ലൊ​സ്സ്യർ 3:14; 1 പത്രൊസ്‌ 5:9) എന്നാൽ, ദൈവ​രാ​ജ്യ​ത്തെ​ക്കു​റി​ച്ചുള്ള സുവാർത്ത ഘോഷി​ക്കുക, രാഷ്‌ട്രീ​യ​മായ നിഷ്‌പക്ഷത പാലി​ക്കുക, രക്തം വർജി​ക്കുക, ചില വിനോ​ദങ്ങൾ ഒഴിവാ​ക്കുക, ബൈബിൾപ്ര​മാ​ണങ്ങൾ അനുസ​രി​ച്ചു ജീവി​ക്കുക എന്നിവ​യെ​ല്ലാം ചെയ്യാൻ, ഒരു സ്വതന്ത്ര ധാർമിക കാര്യസ്ഥൻ എന്നനി​ല​യിൽ, ഓരോ​രു​ത്ത​രും വ്യക്തി​പ​ര​മാ​യി തീരു​മാ​നി​ച്ചി​രി​ക്കു​ന്നു. ഈ തീരു​മാ​നങ്ങൾ അവരെ​ക്കൊണ്ട്‌ നിർബ​ന്ധിച്ച്‌ എടുപ്പി​ക്കു​ന്നതല്ല. ക്രിസ്‌തീയ സമർപ്പ​ണ​മെന്ന പടി സ്വീക​രി​ക്കു​ന്ന​തി​നു​മുമ്പ്‌, സാക്ഷി​ക​ളാ​കാൻ സാധ്യ​ത​യു​ള്ളവർ സ്വത​ന്ത്ര​മാ​യി തിര​ഞ്ഞെ​ടുത്ത ഒരു ജീവി​ത​രീ​തി​യു​ടെ ചട്ടക്കൂ​ട്ടിൽ വരുന്ന​വ​യാണ്‌ ഈ തീരു​മാ​നങ്ങൾ.

ഒരു ഭരണസം​ഘ​ത്തോ​ടു കണക്കു​ബോ​ധി​പ്പി​ക്കേ​ണ്ട​വ​രോ?

8. ഏതു ചോദ്യ​ത്തി​നു വിശദീ​ക​രണം ലഭി​ക്കേ​ണ്ട​തുണ്ട്‌?

⁸ സത്യ​ക്രി​സ്‌ത്യാ​നി​കൾ ദൈവത്തെ സേവി​ക്കു​ന്നതു നിർബ​ന്ധ​ത്തി​നു വഴങ്ങി​യ​ല്ലെന്നു ബൈബിൾ വ്യക്തമാ​യി പ്രകട​മാ​ക്കു​ന്നു. അതു പറയുന്നു: “യഹോവ ആത്മാവാ​കു​ന്നു; യഹോ​വ​യു​ടെ ആത്മാവു​ള്ളി​ടത്ത്‌ സ്വാത​ന്ത്ര്യം ഉണ്ട്‌.” (2 കൊരി​ന്ത്യർ 3:17, NW) എന്നാൽ ഈ വസ്‌തു​ത​യെ​യും ഭരണസം​ഘ​മുള്ള ഒരു “വിശ്വ​സ്‌ത​നും വിവേ​കി​യു​മായ അടിമ” എന്ന ആശയ​ത്തെ​യും തമ്മിൽ പൊരു​ത്ത​പ്പെ​ടു​ത്തു​ന്ന​തെ​ങ്ങനെ?—മത്തായി 24:45-47, NW.

9, 10. (എ) ക്രിസ്‌തീയ സഭയിൽ ശിരഃ​സ്ഥാന തത്ത്വം ബാധക​മാ​കു​ന്ന​തെ​ങ്ങനെ? (ബി) ഒന്നാം നൂറ്റാ​ണ്ടി​ലെ ക്രിസ്‌തീയ സഭയിൽ ശിരഃ​സ്ഥാന തത്ത്വം പിൻപ​റ്റു​ന്നത്‌ എന്ത്‌ ആവശ്യ​മാ​ക്കി​ത്തീർത്തു?

⁹ ഈ ചോദ്യ​ത്തിന്‌ ഉത്തരം പറയു​ന്ന​തിന്‌, തിരു​വെ​ഴു​ത്തു​പ​ര​മായ ശിരഃ​സ്ഥാന തത്ത്വം നാം മനസ്സിൽപ്പി​ടി​ക്കേ​ണ്ട​തുണ്ട്‌. (1 കൊരി​ന്ത്യർ 11:3) എഫെസ്യർ 5:21-24-ൽ, സഭ ‘കീഴടങ്ങി’യിരി​ക്കേണ്ട ‘സഭയുടെ തല’യായി ക്രിസ്‌തു​വി​നെ തിരി​ച്ച​റി​യി​ച്ചി​രി​ക്കു​ന്നു. വിശ്വ​സ്‌ത​നും വിവേ​കി​യു​മായ അടിമ യേശു​വി​ന്റെ ആത്മീയ സഹോ​ദ​ര​ന്മാ​രാ​ണെന്ന്‌ യഹോ​വ​യു​ടെ സാക്ഷികൾ മനസ്സി​ലാ​ക്കു​ന്നു. (എബ്രായർ 2:10-13) ദൈവ​ജ​ന​ത്തി​നു “തൽസമ​യത്തു ഭക്ഷണം” പ്രദാ​നം​ചെ​യ്യാ​നാണ്‌ ഈ വിശ്വസ്‌ത അടിമ​വർഗം നിയമി​ക്ക​പ്പെ​ട്ടി​രി​ക്കു​ന്നത്‌. ഈ അന്ത്യകാ​ലത്ത്‌, ക്രിസ്‌തു ഈ അടിമയെ “തനിക്കുള്ള സകലത്തിൻമേ​ലും യജമാനൻ ആക്കി”വെച്ചി​രി​ക്കു​ന്നു. അതു​കൊണ്ട്‌ ക്രിസ്‌ത്യാ​നി​യെന്ന്‌ അവകാ​ശ​പ്പെ​ടുന്ന ആരു​ടെ​യും ആദരവ്‌ അർഹി​ക്കുന്ന സ്ഥാനമാണ്‌ അതിനു​ള്ളത്‌.

¹⁰ ശിരഃ​സ്ഥാ​ന​ത്തി​ന്റെ ഉദ്ദേശ്യം ഐക്യം കാത്തു​സൂ​ക്ഷി​ക്കു​ക​യും “സകലവും ഉചിത​മാ​യും ക്രമമാ​യും നട”ക്കുന്നു​വെന്ന്‌ ഉറപ്പാ​ക്കു​ക​യും ചെയ്യുക എന്നതാണ്‌. (1 കൊരി​ന്ത്യർ 14:39) ഒന്നാം നൂറ്റാ​ണ്ടിൽ ഇതു സാധി​ക്കു​ന്ന​തിന്‌, മുഴുവൻ സമൂഹ​ത്തെ​യും പ്രതി​നി​ധീ​ക​രി​ക്കാൻ വിശ്വ​സ്‌ത​നും വിവേ​കി​യു​മായ അടിമ​വർഗ​ത്തിൽനിന്ന്‌ ഒരു ചെറു​കൂ​ട്ടം അഭിഷിക്ത ക്രിസ്‌ത്യാ​നി​കൾ തിര​ഞ്ഞെ​ടു​ക്ക​പ്പെട്ടു. ഒന്നാം നൂറ്റാ​ണ്ടി​ലെ ഭരണസം​ഘ​ത്തി​ന്റെ മേൽനോ​ട്ട​ത്തി​നു യഹോ​വ​യു​ടെ അംഗീ​കാ​ര​വും അനു​ഗ്ര​ഹ​വു​മു​ണ്ടാ​യി​രു​ന്നു​വെന്നു തെളി​യി​ക്കു​ന്ന​താ​യി​രു​ന്നു തുടർന്നുള്ള സംഭവങ്ങൾ. ഒന്നാം നൂറ്റാ​ണ്ടി​ലെ ക്രിസ്‌ത്യാ​നി​കൾ ആ ക്രമീ​ക​ര​ണത്തെ സന്തോ​ഷ​പൂർവം അംഗീ​ക​രി​ച്ചു. അതേ, അവർ അതിനെ വാസ്‌ത​വ​ത്തിൽ സ്വാഗ​തം​ചെ​യ്‌തു, അതുള​വാ​ക്കിയ നല്ല ഫലങ്ങൾക്ക്‌ അവർ കൃതജ്ഞ​ത​യു​ള്ള​വ​രു​മാ​യി​രു​ന്നു.—പ്രവൃ​ത്തി​കൾ 15:1-32.

11. ഈ നാളിലെ ഭരണസം​ഘത്തെ എങ്ങനെ വീക്ഷി​ക്കണം?

¹¹ അത്തര​മൊ​രു ക്രമീ​ക​ര​ണ​ത്തി​ന്റെ മൂല്യം ഇപ്പോ​ഴും നിലനിൽക്കു​ന്നു. ഇപ്പോൾ, യഹോ​വ​യു​ടെ സാക്ഷി​ക​ളു​ടെ ഭരണസം​ഘ​ത്തിൽ പതിറ്റാ​ണ്ടു​ക​ളു​ടെ അനുഭ​വ​സ​മ്പ​ത്തുള്ള 10 അഭിഷിക്ത ക്രിസ്‌ത്യാ​നി​ക​ളുണ്ട്‌. ഒന്നാം നൂറ്റാ​ണ്ടി​ലെ ഭരണസം​ഘം ചെയ്‌തി​രു​ന്ന​തു​പോ​ലെ, യഹോ​വ​യു​ടെ സാക്ഷി​കൾക്ക്‌ അവർ ആത്മീയ നിർദേ​ശങ്ങൾ നൽകുന്നു. (പ്രവൃ​ത്തി​കൾ 16:4) ആദിമ ക്രിസ്‌ത്യാ​നി​ക​ളെ​പ്പോ​ലെ, ബൈബി​ള​ധി​ഷ്‌ഠിത നിർദേ​ശ​ങ്ങൾക്കും ആരാധ​നാ​സം​ബ​ന്ധ​മായ കാര്യ​ങ്ങ​ളി​ലുള്ള മാർഗ​നിർദേ​ശ​ത്തി​നും സാക്ഷികൾ ഭരണസം​ഘ​ത്തി​ലെ പക്വത​യുള്ള സഹോ​ദ​ര​ന്മാ​രി​ലേക്കു സന്തോ​ഷ​പൂർവം നോക്കു​ന്നു. തങ്ങളുടെ സഹക്രി​സ്‌ത്യാ​നി​ക​ളെ​പ്പോ​ലെ ഭരണസം​ഘ​ത്തി​ലെ അംഗങ്ങൾ യഹോ​വ​യു​ടെ​യും ക്രിസ്‌തു​വി​ന്റെ​യും അടിമ​ക​ളാ​ണെ​ങ്കി​ലും ബൈബിൾ നമ്മെ ഇങ്ങനെ പ്രബോ​ധി​പ്പി​ക്കു​ന്നു: “നിങ്ങളെ നടത്തു​ന്ന​വരെ അനുസ​രി​ച്ചു കീഴട​ങ്ങി​യി​രി​പ്പിൻ; അവർ കണക്കു ബോധി​പ്പി​ക്കേ​ണ്ടു​ന്ന​വ​രാ​ക​യാൽ നിങ്ങളു​ടെ ആത്മാക്കൾക്കു വേണ്ടി ജാഗരി​ച്ചി​രി​ക്കു​ന്നു; ഇതു അവർ ഞരങ്ങി​ക്കൊ​ണ്ടല്ല സന്തോ​ഷ​ത്തോ​ടെ ചെയ്‌വാൻ ഇടവരു​ത്തു​വിൻ; അല്ലാഞ്ഞാൽ നിങ്ങൾക്കു നന്നല്ല.”—എബ്രായർ 13:17.

12. ഓരോ ക്രിസ്‌ത്യാ​നി​യും ആരോടു കണക്കു​ബോ​ധി​പ്പി​ക്കണം?

¹² തിരു​വെ​ഴു​ത്തു​കൾ ഭരണസം​ഘ​ത്തി​നു മേൽവി​ചാ​രക സ്ഥാനം നൽകു​ന്നു​വെ​ന്നത്‌ ഓരോ യഹോ​വ​യു​ടെ സാക്ഷി​യും തന്റെ പ്രവൃ​ത്തി​കൾക്ക്‌ അതി​നോ​ടു കണക്കു ബോധി​പ്പി​ക്ക​ണ​മെന്ന്‌ അർഥമാ​ക്കു​ന്നു​ണ്ടോ? ഇല്ല. റോമി​ലെ ക്രിസ്‌ത്യാ​നി​ക​ളോ​ടുള്ള പൗലൊ​സി​ന്റെ വാക്കുകൾ അതാണു സൂചി​പ്പി​ക്കു​ന്നത്‌: “നീ സഹോ​ദ​രനെ വിധി​ക്കു​ന്നതു എന്തു? അല്ല, നീ സഹോ​ദ​രനെ ധിക്കരി​ക്കു​ന്നതു എന്തു? നാം എല്ലാവ​രും ദൈവ​ത്തി​ന്റെ ന്യായാ​സ​ന​ത്തി​ന്നു മുമ്പാകെ നില്‌ക്കേ​ണ്ടി​വ​രും. . . . ആകയാൽ നമ്മിൽ ഓരോ​രു​ത്തൻ ദൈവ​ത്തോ​ടു കണക്കു ബോധി​പ്പി​ക്കേ​ണ്ടി​വ​രും.”—റോമർ 14:10-12.

13. യഹോ​വ​യു​ടെ സാക്ഷികൾ തങ്ങളുടെ പ്രസംഗ പ്രവർത്തനം റിപ്പോർട്ടു ചെയ്യു​ന്ന​തെ​ന്തു​കൊണ്ട്‌?

¹³ എന്നിരു​ന്നാ​ലും, ഓരോ സാക്ഷി​യും തന്റെ പ്രസംഗ പ്രവർത്തനം റിപ്പോർട്ടു ചെയ്യാൻ പ്രതീ​ക്ഷി​ക്ക​പ്പെ​ടു​ന്നു​വെ​ന്നു​ള്ളതു സത്യമല്ലേ? അതേ, എന്നാൽ ഇതിന്റെ ഉദ്ദേശ്യം സാക്ഷി​ക​ളു​ടെ ഒരു ചെറിയ പുസ്‌ത​ക​ത്തിൽ വ്യക്തമാ​യി വിശദീ​ക​രി​ക്കു​ന്നുണ്ട്‌. അതിങ്ങനെ പറയുന്നു: “യേശു​ക്രി​സ്‌തു​വി​ന്റെ ആദിമാ​നു​ഗാ​മി​കൾ പ്രസം​ഗ​വേ​ല​യി​ലെ പുരോ​ഗ​തി​യു​ടെ റിപ്പോർട്ടു​ക​ളിൽ താത്‌പ​ര്യം കാണി​ച്ചി​രു​ന്നു. (മർക്കൊ. 6:30) വേല അഭിവൃ​ദ്ധി​പ്പെ​ട്ട​പ്പോൾ, സുവാർത്താ​പ്ര​സം​ഗ​ത്തിൽ പങ്കുവ​ഹി​ച്ച​വ​രു​ടെ മുന്തിയ അനുഭ​വ​ങ്ങ​ളു​ടെ വിവര​ണങ്ങൾ സഹിതം സ്ഥിതി​വി​വര റിപ്പോർട്ടു​കൾ സമാഹ​രി​ക്ക​പ്പെട്ടു. . . . (പ്രവൃ. 2:5-11, 41, 47; 6:7; 1:15; 4:4) . . . നിർവ​ഹി​ക്ക​പ്പെ​ട്ടു​കൊ​ണ്ടി​രു​ന്ന​തി​നെ​ക്കു​റി​ച്ചുള്ള റിപ്പോർട്ടു​കൾ കേൾക്കു​ന്നത്‌ ആ വിശ്വസ്‌ത ക്രിസ്‌തീയ വേലക്കാർക്ക്‌ എത്ര പ്രോ​ത്സാ​ഹ​ജ​ന​ക​മാ​യി​രു​ന്നു! . . . അതേ രീതി​യിൽ, യഹോ​വ​യു​ടെ ആധുനിക നാളിലെ സ്ഥാപനം മത്തായി 24:14-ന്റെ നിവൃ​ത്തി​യാ​യി ചെയ്യ​പ്പെ​ടുന്ന വേലയു​ടെ കൃത്യ​മായ രേഖകൾ സൂക്ഷി​ക്കാൻ ശ്രമി​ക്കു​ന്നു.”

14, 15. (എ) 2 കൊരി​ന്ത്യർ 1:24 ഭരണസം​ഘ​ത്തി​നു ബാധക​മാ​കു​ന്ന​തെ​ങ്ങനെ? (ബി) എന്തടി​സ്ഥാ​ന​ത്തി​ലാണ്‌ ഓരോ ക്രിസ്‌ത്യാ​നി​യും വ്യക്തി​പ​ര​മായ തീരു​മാ​നങ്ങൾ എടു​ക്കേ​ണ്ടത്‌, ഏതു വസ്‌തുത അംഗീ​ക​രി​ച്ചു​കൊണ്ട്‌?

¹⁴ ഭരണസം​ഘം സ്‌നേ​ഹ​പു​ര​സ്സ​ര​മായ ഒരു കരുത​ലാണ്‌, അനുക​ര​ണാർഹ​മായ വിശ്വാ​സ​ത്തി​ന്റെ മാതൃ​ക​യു​മാണ്‌. (ഫിലി​പ്പി​യർ 3:17; എബ്രായർ 13:7) ഒരു മാതൃ​ക​യെന്ന നിലയിൽ ക്രിസ്‌തു​വി​നോ​ടു പറ്റിനിൽക്കു​ക​യും അവനെ അനുഗ​മി​ക്കു​ക​യും ചെയ്യു​ന്ന​തി​നാൽ, പൗലൊ​സി​നെ​പ്പോ​ലെ അവർക്കും പറയാ​നാ​കും: “നിങ്ങളു​ടെ വിശ്വാ​സ​ത്തിൻമേൽ ഞങ്ങൾ കർത്തൃ​ത്വം ഉള്ളവർ എന്നല്ല, നിങ്ങളു​ടെ സന്തോ​ഷ​ത്തി​ന്നു ഞങ്ങൾ സഹായി​കൾ അത്രേ; വിശ്വാ​സ​സം​ബ​ന്ധ​മാ​യി നിങ്ങൾ ഉറെച്ചു നില്‌ക്കു​ന്നു​വ​ല്ലോ.” (2 കൊരി​ന്ത്യർ 1:24) പ്രവണ​തകൾ നിരീ​ക്ഷി​ച്ചു​കൊണ്ട്‌ ഭരണസം​ഘം ബൈബിൾ ബുദ്ധ്യു​പ​ദേശം കൈ​ക്കൊ​ള്ളു​ന്ന​തി​ന്റെ പ്രയോ​ജ​ന​ങ്ങ​ളി​ലേക്കു ശ്രദ്ധ ക്ഷണിക്കു​ക​യും ബൈബിൾ നിയമ​ങ്ങ​ളും തത്ത്വങ്ങ​ളും ബാധക​മാ​ക്കു​ന്നതു സംബന്ധി​ച്ചു നിർദേ​ശങ്ങൾ നൽകു​ക​യും ഒളിഞ്ഞി​രി​ക്കുന്ന അപകട​ങ്ങ​ളെ​ക്കു​റി​ച്ചു മുന്നറി​യി​പ്പു നൽകു​ക​യും ചെയ്യുന്നു. അതോ​ടൊ​പ്പം “കൂട്ടു​വേ​ലക്കാ”ർക്ക്‌ ആവശ്യ​മായ പ്രോ​ത്സാ​ഹ​ന​വും പ്രദാ​നം​ചെ​യ്യു​ന്നു. അങ്ങനെ അത്‌ ക്രിസ്‌തീയ ഗൃഹവി​ചാ​ര​കന്റെ ഉത്തരവാ​ദി​ത്വം നിറ​വേ​റ്റു​ക​യും അവരുടെ സന്തോഷം നിലനിർത്താൻ അവരെ സഹായി​ക്കു​ക​യും അചഞ്ചല​രാ​യി നില​കൊ​ള്ളേ​ണ്ട​തിന്‌ അവരെ വിശ്വാ​സ​ത്തിൽ കെട്ടു​പ​ണി​ചെ​യ്യു​ക​യും ചെയ്യുന്നു.—1 കൊരി​ന്ത്യർ 4:1, 2; തീത്തൊസ്‌ 1:7-9.

¹⁵ ഭരണസം​ഘം നൽകുന്ന ബൈബിൾ ബുദ്ധ്യു​പ​ദേ​ശ​ത്തി​ന്റെ അടിസ്ഥാ​ന​ത്തിൽ ഒരു സാക്ഷി തീരു​മാ​നങ്ങൾ എടുക്കു​ന്നെ​ങ്കിൽ അത്‌ അയാളു​ടെ സ്വന്തം ഇഷ്ടത്താ​ലാണ്‌, കാരണം സ്വന്തം ബൈബിൾപ​ഠ​ന​ത്തി​ലൂ​ടെ കിട്ടിയ ബോധ്യ​ത്തിൽനിന്ന്‌ അയാൾക്ക​റി​യാം ശരിയായ ഗതി ഇതാ​ണെന്ന്‌. ഭരണസം​ഘം നൽകുന്ന ഉചിത​മായ തിരു​വെ​ഴു​ത്തു ബുദ്ധ്യു​പ​ദേശം ബാധക​മാ​ക്കാൻ ഓരോ സാക്ഷി​യും ദൈവ​ത്തി​ന്റെ സ്വന്തം വചനത്താൽ സ്വാധീ​നി​ക്ക​പ്പെ​ടു​ന്നു. താൻ ആർക്കു സമർപ്പി​ച്ചി​രി​ക്കു​ന്നു​വോ ആ ദൈവ​വു​മാ​യുള്ള വ്യക്തി​പ​ര​മായ ബന്ധത്തെ താൻ എടുക്കുന്ന തീരു​മാ​നങ്ങൾ ബാധി​ക്കു​മെന്ന പൂർണ​മായ തിരി​ച്ച​റിവ്‌ ഒരോ സാക്ഷി​ക്കു​മുണ്ട്‌.—1 തെസ്സ​ലൊ​നീ​ക്യർ 2:13.

പഠിതാ​ക്ക​ളും പടയാ​ളി​ക​ളും

16. നടത്ത സംബന്ധിച്ച തീരു​മാ​നങ്ങൾ വ്യക്തി​പ​ര​മായ സംഗതി​യാ​ണെ​ങ്കി​ലും, ചിലർ പുറത്താ​ക്ക​പ്പെ​ടു​ന്ന​തെ​ന്തു​കൊണ്ട്‌?

¹⁶ എന്നാൽ നടത്ത സംബന്ധിച്ച തീരു​മാ​നങ്ങൾ വ്യക്തി​പ​ര​മായ സംഗതി​യാ​ണെ​ങ്കിൽ, യഹോ​വ​യു​ടെ സാക്ഷി​ക​ളിൽ ചിലർ പുറത്താ​ക്ക​പ്പെ​ടു​ന്നത്‌ എന്തു​കൊ​ണ്ടാണ്‌? ഒരു പ്രത്യേക പാപം ചെയ്യു​ന്ന​തിൽ തുടരു​ന്ന​തി​നാൽ പുറത്താ​ക്കൽന​ട​പടി ആവശ്യ​മാ​ണെന്ന്‌ ആരും തോന്നി​യ​തു​പോ​ലെ തീരു​മാ​നി​ക്കു​ന്നില്ല. മറിച്ച്‌, ഒരു സഭാംഗം ഒന്നു കൊരി​ന്ത്യർ 5-ാം അധ്യാ​യ​ത്തിൽ വിവരി​ച്ചി​രി​ക്കു​ന്ന​തു​പോ​ലുള്ള കൊടിയ പാപങ്ങ​ളിൽ അനുതാ​പ​മി​ല്ലാ​തെ ഏർപ്പെ​ടു​മ്പോൾ മാത്രമേ ഈ നടപടി ആവശ്യ​മാ​യി​വ​രു​ന്നു​ള്ളൂ, അത്‌ തിരു​വെ​ഴു​ത്തു​പ​ര​മായ ഒരാവ​ശ്യ​മാണ്‌. അതു​കൊണ്ട്‌ പരസംഗം ചെയ്യു​ന്ന​തിൽ തുടരു​ന്ന​യാൾ പുറത്താ​ക്ക​പ്പെ​ട്ടേ​ക്കാ​മെ​ങ്കി​ലും, അതു സംഭവി​ക്കു​ന്നത്‌ സ്‌നേ​ഹ​സ​മ്പ​ന്ന​രായ ഇടയന്മാ​രു​ടെ തിരു​വെ​ഴു​ത്തു​പ​ര​മായ സഹായം സ്വീക​രി​ക്കാൻ അയാൾ വിസമ്മ​തി​ക്കു​മ്പോൾ മാത്ര​മാണ്‌. യഹോ​വ​യു​ടെ സാക്ഷികൾ മാത്രമല്ല ഈ ക്രിസ്‌തീയ നടപടി പിൻപ​റ്റു​ന്നത്‌. ദി എൻ​സൈ​ക്ലോ​പീ​ഡി​യാ ഓഫ്‌ റിലിജൻ പ്രസ്‌താ​വി​ക്കു​ന്നു: “പൊതു​ക്ഷേ​മ​ത്തിന്‌ ഭീഷണി​യാ​യേ​ക്കാ​വുന്ന, ധിക്കാ​രി​ക​ളായ അംഗങ്ങ​ളിൽനിന്ന്‌ സ്വയം സംരക്ഷി​ക്കാ​നുള്ള അവകാശം ഏതൊരു സമൂഹ​വും അവകാ​ശ​പ്പെ​ടു​ന്നു. ഒരു മതപശ്ചാ​ത്ത​ല​ത്തിൽ, [പുറത്താ​ക്കൽ] ശിക്ഷാ​ന​ട​പടി ദൈവ​വു​മാ​യുള്ള ഒരുവന്റെ ബന്ധത്തെ ബാധി​ക്കു​മെന്ന വിശ്വാ​സ​ത്താൽ ഈ അവകാശം പലപ്പോ​ഴും ബലവത്താ​ക്ക​പ്പെ​ടു​ന്നു.”

17, 18. പുറത്താ​ക്കൽ നടപടി​യു​ടെ ഔചി​ത്യം എങ്ങനെ ദൃഷ്ടാ​ന്തീ​ക​രി​ക്കാം?

¹⁷ യഹോ​വ​യു​ടെ സാക്ഷികൾ ബൈബി​ളി​ന്റെ പഠിതാ​ക്ക​ളാണ്‌. (യോശുവ 1:8; സങ്കീർത്തനം 1:2; പ്രവൃ​ത്തി​കൾ 17:11) ഭരണസം​ഘം പ്രദാ​നം​ചെ​യ്യുന്ന ബൈബിൾ വിദ്യാ​ഭ്യാ​സ പരിപാ​ടി​യെ ഒരു വിദ്യാ​ഭ്യാ​സ ബോർഡ്‌ ഏർപ്പെ​ടു​ത്തുന്ന സ്‌കൂൾ പാഠ്യ​പ​ദ്ധ​തി​യോ​ടു താരത​മ്യം​ചെ​യ്യാ​വു​ന്ന​താണ്‌. പഠിപ്പി​ക്കുന്ന വിവര​ങ്ങ​ളു​ടെ ഉറവിടം ബോർഡ്‌ അല്ലെങ്കി​ലും, അതു പാഠ്യ​പ​ദ്ധതി തയ്യാറാ​ക്കു​ക​യും ബോധ​ന​രീ​തി നിർണ​യി​ക്കു​ക​യും ആവശ്യ​മായ മാർഗ​നിർദേ​ശങ്ങൾ പുറ​പ്പെ​ടു​വി​ക്കു​ക​യും ചെയ്യുന്നു. സ്ഥാപന​ത്തി​ന്റെ നിബന്ധ​നകൾ ആരെങ്കി​ലും ശാഠ്യ​പൂർവം ധിക്കരിച്ച്‌ സഹപാ​ഠി​കൾക്കു ബുദ്ധി​മു​ട്ടു​ണ്ടാ​ക്കു​ക​യോ സ്‌കൂ​ളി​ന്റെ സത്‌പേര്‌ കളങ്ക​പ്പെ​ടു​ത്തു​ക​യോ ചെയ്യു​മ്പോൾ അയാളെ പുറത്താ​ക്കാ​വു​ന്ന​താണ്‌. മൊത്തം വിദ്യാർഥി​ക​ളു​ടെ പ്രയോ​ജ​ന​ത്തി​നു​വേണ്ടി പ്രവർത്തി​ക്കാൻ സ്‌കൂൾ അധികാ​രി​കൾക്ക്‌ അവകാ​ശ​മുണ്ട്‌.

¹⁸ യഹോ​വ​യു​ടെ സാക്ഷികൾ പഠിതാ​ക്കൾ മാത്രമല്ല, യേശു​ക്രി​സ്‌തു​വി​ന്റെ പടയാ​ളി​ക​ളു​മാണ്‌. “വിശ്വാ​സ​ത്തി​ന്റെ നല്ല പോർ പൊരു​താ”ൻ അവർക്കു നിർദേശം ലഭിച്ചി​രി​ക്കു​ന്നു. (1 തിമൊ​ഥെ​യൊസ്‌ 6:12; 2 തിമൊ​ഥെ​യൊസ്‌ 2:3) സ്വാഭാ​വി​ക​മാ​യും, ഒരു ക്രിസ്‌തീയ പടയാ​ളി​ക്കു നിരക്കാത്ത വിധം തുടർച്ച​യാ​യി പ്രവർത്തി​ക്കു​ന്ന​വനു ദിവ്യാം​ഗീ​കാ​ര​മു​ണ്ടാ​യി​രി​ക്കു​ക​യില്ല. തിര​ഞ്ഞെ​ടു​പ്പു സ്വാത​ന്ത്ര്യ​മുള്ള ഒരു വ്യക്തി​യെന്ന നിലയിൽ, ഒരു ക്രിസ്‌തീയ പടയാ​ളിക്ക്‌ ഇഷ്ടമു​ള്ളതു ചെയ്യാൻ തീരു​മാ​നി​ക്കാം, എന്നാൽ അയാൾ തന്റെ തീരു​മാ​ന​ത്തി​ന്റെ ഭവിഷ്യ​ത്തു​കൾ പേറേ​ണ്ടി​വ​രും. പൗലൊസ്‌ ഇങ്ങനെ ന്യായ​വാ​ദം​ചെ​യ്യു​ന്നു: “പട ചേർത്ത​വനെ പ്രസാ​ദി​പ്പി​ക്കേ​ണ്ട​തി​ന്നു യാതൊ​രു പടയാ​ളി​യും ജീവന​കാ​ര്യ​ങ്ങ​ളിൽ ഇടപെ​ടാ​തി​രി​ക്കു​ന്നു. ഒരുത്തൻ മല്ലു​കെ​ട്ടി​യാ​ലും ചട്ടപ്ര​കാ​രം പൊരാ​യ്‌കിൽ കിരീടം പ്രാപി​ക്ക​യില്ല.” (2 തിമൊ​ഥെ​യൊസ്‌ 2:4, 5) ഭരണസം​ഘ​ത്തി​ലു​ള്ളവർ ഉൾപ്പെ​ടെ​യുള്ള പക്വത​യുള്ള ക്രിസ്‌ത്യാ​നി​കൾ നിത്യ​ജീ​വന്റെ സമ്മാനം നേടാൻ കഴി​യേ​ണ്ട​തിന്‌ തങ്ങളുടെ നായക​നായ യേശു​ക്രി​സ്‌തു​വി​നു പൂർണ​മാ​യും കീഴ്‌പെ​ട്ടി​രു​ന്നു​കൊണ്ട്‌ ‘ചട്ടങ്ങൾ’ അനുസ​രി​ക്കു​ന്നു.—യോഹ​ന്നാൻ 17:3; വെളി​പ്പാ​ടു 2:10.

19. ക്രിസ്‌തീയ സമർപ്പ​ണ​ത്തെ​ക്കു​റി​ച്ചുള്ള വസ്‌തു​തകൾ പരി​ശോ​ധി​ച്ച​തി​നു​ശേഷം, നമുക്ക്‌ എന്തി​നെ​ക്കു​റിച്ച്‌ ഉറപ്പു​ള്ള​വ​രാ​യി​രി​ക്കാൻ കഴിയും?

¹⁹ യഹോ​വ​യു​ടെ സാക്ഷികൾ മനുഷ്യ​രു​ടെ അടിമ​കളല്ല, ദൈവ​ത്തി​ന്റെ ദാസന്മാ​രാ​ണെന്നു വസ്‌തു​തകൾ വ്യക്തമാ​ക്കു​ന്നി​ല്ലേ? ക്രിസ്‌തു തങ്ങളെ ഏതു സ്വാത​ന്ത്ര്യ​ത്തി​നു​വേണ്ടി സ്വത​ന്ത്ര​രാ​ക്കി​യോ അത്‌ ആസ്വദി​ക്കുന്ന സമർപ്പിത ക്രിസ്‌ത്യാ​നി​കൾ എന്നനി​ല​യിൽ, ദൈവ​ത്തി​ന്റെ സഭയിൽ തങ്ങളുടെ സഹോ​ദ​ര​ങ്ങ​ളോ​ടൊത്ത്‌ ഐക്യ​ത്തിൽ സേവി​ക്കവേ അവർ ദൈവാ​ത്മാ​വി​നെ​യും അവന്റെ വചന​ത്തെ​യും തങ്ങളുടെ ജീവി​തത്തെ നയിക്കാൻ അനുവ​ദി​ക്കു​ന്നു. (സങ്കീർത്തനം 133:1) ഇതിന്റെ തെളി​വു​ക​ളു​ള്ള​പ്പോൾ, അവയുടെ ശക്തിയു​ടെ ഉറവി​ട​ത്തെ​ക്കു​റി​ച്ചു സംശയി​ക്കേ​ണ്ടി​വ​രു​ന്നില്ല. സങ്കീർത്ത​ന​ക്കാ​ര​നോ​ടൊ​പ്പം അവർക്കും ഇങ്ങനെ പാടാ​വു​ന്ന​താണ്‌: “യഹോവ എന്റെ ബലവും എന്റെ പരിച​യും ആകുന്നു; എന്റെ ഹൃദയം അവങ്കൽ ആശ്രയി​ച്ചു; എനിക്കു സഹായ​വും ലഭിച്ചു; അതു​കൊ​ണ്ടു എന്റെ ഹൃദയം ഉല്ലസി​ക്കു​ന്നു; പാട്ടോ​ടെ ഞാൻ അവനെ സ്‌തു​തി​ക്കു​ന്നു.”—സങ്കീർത്തനം 28:7.

[അടിക്കു​റി​പ്പു​കൾ]

നിങ്ങൾ എങ്ങനെ ഉത്തരം പറയും?

□ വാച്ച്‌ ടവർ സൊ​സൈ​റ്റി​യും അതു​പോ​ലുള്ള നിയമ​പ​ര​മായ ഏജൻസി​ക​ളും യഹോ​വ​യു​ടെ സാക്ഷി​കളെ സഹായി​ക്കു​ന്ന​തെ​ങ്ങനെ?

□ യഹോ​വ​യു​ടെ സാക്ഷി​ക​ളു​ടെ ഭരണസം​ഘ​ത്തി​ന്റെ പ്രവർത്ത​ന​ത്തിൽനി​ന്നു ക്രിസ്‌ത്യാ​നി​കൾ പ്രയോ​ജ​ന​മ​നു​ഭ​വി​ക്കു​ന്ന​തെ​ങ്ങനെ?

□ യഹോ​വ​യു​ടെ ജനം തങ്ങളുടെ പ്രസം​ഗ​പ്ര​വർത്തനം റിപ്പോർട്ട്‌ ചെയ്യു​ന്ന​തെ​ന്തു​കൊണ്ട്‌?

□ ഏതു സാഹച​ര്യ​ങ്ങ​ളിൽ ഒരു സമർപ്പിത ക്രിസ്‌ത്യാ​നി​യെ പുറത്താ​ക്കു​ന്നത്‌ ഉചിത​മാണ്‌?

[19-ാം പേജിലെ ചിത്രം]

ഒന്നാം നൂറ്റാ​ണ്ടി​ലെ ഭരണസം​ഘം ഉപദേ​ശ​ത്തിൽ ഐക്യം കാത്തു​സൂ​ക്ഷി​ച്ചു

[23-ാം പേജിലെ ചിത്രം]

ലോകമെമ്പാടും യഹോ​വ​യു​ടെ സാക്ഷികൾ, ക്രിസ്‌തു തങ്ങളെ എന്തി​ലേക്കു സ്വത​ന്ത്ര​രാ​ക്കി​യോ ആ സ്വാത​ന്ത്ര്യം ആസ്വദി​ക്കു​ന്നു