ക്രിസ്‌തീയ യുഗത്തി​ലെ ദിവ്യാ​ധി​പത്യ ഭരണം

“തന്റെ പ്രസാ​ദ​പ്ര​കാ​രം . . . സ്വർഗ​ത്തി​ലു​ള്ള​തും ഭൂമി​യി​ലു​ള്ള​തും എല്ലാം പിന്നെ​യും ക്രിസ്‌തു​വിൽ ഒരുമി​ച്ചു കൂട്ടി​വ​രു​ത്തുക.”—എഫെസ്യർ 1:9, 10.

1, 2. (എ) ‘സ്വർഗ​ത്തി​ലു​ള്ളതി’ന്റെ കൂട്ടി​വ​രു​ത്തൽ പൊ.യു. 33-ൽ ആരംഭിച്ച്‌ എങ്ങനെ പുരോ​ഗ​മി​ച്ചി​രി​ക്കു​ന്നു? (ബി) 1914 മുതൽ അഭിഷിക്ത ക്രിസ്‌ത്യാ​നി​കൾ മോശ​യു​ടെ​യും ഏലീയാ​വി​ന്റെ​യും മനോ​ഭാ​വം പ്രകടി​പ്പി​ച്ചി​രി​ക്കു​ന്ന​തെ​ങ്ങനെ?

‘സ്വർഗ​ത്തി​ലുള്ള’തിന്റെ ഈ കൂട്ടി​വ​രു​ത്തൽ “ദൈവ​ത്തി​ന്റെ യിസ്രാ​യേൽ” ജനിച്ച പൊ.യു. 33-ൽ തുടങ്ങി. (ഗലാത്യർ 6:16; യെശയ്യാ​വു 43:10; 1 പത്രൊസ്‌ 2:9, 10) പൊ.യു. ഒന്നാം നൂറ്റാ​ണ്ടി​നു​ശേഷം, ഈ കൂട്ടി​വ​രു​ത്തൽ മന്ദഗതി​യി​ലാ​യി, കാരണം യഥാർഥ ക്രിസ്‌ത്യാ​നി​ക​ളു​ടെ (യേശു “ഗോതമ്പ്‌” എന്നു വിളി​ച്ച​വ​രു​ടെ) എണ്ണം തീരെ കുറഞ്ഞു​പോ​കു​ക​യും സാത്താൻ വിതച്ച വിശ്വാ​സ​ത്യാ​ഗ “കള”കളുടെ എണ്ണം പെരു​കു​ക​യും ചെയ്‌തു. എന്നാൽ “അന്ത്യകാ​ലം” സമീപി​ച്ച​പ്പോൾ, ദൈവ​ത്തി​ന്റെ യഥാർഥ ഇസ്രാ​യേൽ വീണ്ടും പ്രത്യ​ക്ഷ​മാ​കു​ക​യും അതിന്‌ 1919-ൽ യേശു​വി​ന്റെ സ്വത്തു​ക്ക​ളു​ടെ മേൽനോ​ട്ടം ലഭിക്കു​ക​യും ചെയ്‌തു.a—മത്തായി 13:24-30, 36-43; 24:45-47; ദാനീ​യേൽ 12:4.

² ഒന്നാം ലോക​മ​ഹാ​യുദ്ധ കാലഘ​ട്ട​ത്തിൽ, അഭിഷിക്ത ക്രിസ്‌ത്യാ​നി​കൾ മോശ​യും ഏലീയാ​വും ചെയ്‌ത​തു​പോ​ലുള്ള വീര്യ​പ്ര​വൃ​ത്തി​കൾ നിർവ​ഹി​ക്കു​ക​യു​ണ്ടാ​യി.b (വെളി​പ്പാ​ടു 11:5, 6) വിദ്വേ​ഷ​പൂ​രി​ത​മായ ഒരു ലോക​ത്തിൽ അവർ 1919 മുതൽ സുവാർത്ത പ്രസം​ഗി​ച്ചി​രി​ക്കു​ന്നു. ഇതു ചെയ്യണ​മെ​ങ്കിൽ ഏലീയാവ്‌ പ്രകടി​പ്പി​ച്ച​തു​പോ​ലുള്ള ധൈര്യം വേണം. (മത്തായി 24:9-14) 1922 മുതൽ അവർ മനുഷ്യ​വർഗ​ത്തി​നുള്ള യഹോ​വ​യു​ടെ ന്യായ​വി​ധി​കൾ പ്രഖ്യാ​പി​ച്ചി​രി​ക്കു​ന്നു, മോശ പുരാതന ഈജി​പ്‌തി​ന്മേൽ ദൈവ​ത്തി​ന്റെ ബാധകൾ കൊണ്ടു​വ​ന്ന​തു​പോ​ലെ. (വെളി​പ്പാ​ടു 15:1; 16:2-17) ഇന്ന്‌ ഈ അഭിഷിക്ത ക്രിസ്‌ത്യാ​നി​ക​ളു​ടെ ശേഷിപ്പ്‌ യഹോ​വ​യു​ടെ സാക്ഷി​ക​ളു​ടെ പുതിയ ലോക​സ​മൂ​ഹ​ത്തി​ന്റെ കേന്ദ്ര​ബി​ന്ദു​വാണ്‌.

ഒരു ഭരണസം​ഘം പ്രവർത്ത​ന​ത്തിൽ

3. ആദിമ ക്രിസ്‌തീയ സഭ സുസം​ഘ​ടി​ത​മാ​യി​രു​ന്നു​വെന്ന്‌ ഏതു സംഭവങ്ങൾ പ്രകട​മാ​ക്കു​ന്നു?

³ ആരംഭം​മു​തലേ യേശു​വി​ന്റെ അഭിഷി​ക്താ​നു​ഗാ​മി​കൾ സംഘടി​ത​രാ​യി​രു​ന്നു. ശിഷ്യ​ന്മാ​രു​ടെ വർധന​യ്‌ക്ക​നു​സൃ​ത​മാ​യി പ്രാ​ദേ​ശിക സഭകൾ സ്ഥാപി​ക്ക​പ്പെ​ടു​ക​യും മൂപ്പന്മാർ നിയമി​ക്ക​പ്പെ​ടു​ക​യും ചെയ്‌തു. (തീത്തൊസ്‌ 1:5) പൊ.യു. 33-നുശേഷം 12 അപ്പോ​സ്‌ത​ല​ന്മാർ ആധികാ​രിക കേന്ദ്ര ഭരണസം​ഘ​മാ​യി പ്രവർത്തി​ച്ചു. അതിൻപ്ര​കാ​രം, സാക്ഷ്യ​വേ​ല​യിൽ അവർ ധീരമായ നേതൃ​ത്വം വഹിച്ചു. (പ്രവൃ​ത്തി​കൾ 4:33, 35, 37; 5:18, 29) മുട്ടു​ള്ള​വർക്കു ഭക്ഷ്യവി​ത​രണം സംഘടി​പ്പി​ച്ചു. താത്‌പ​ര്യ​മു​ള്ള​വ​രു​ണ്ടെ​ന്ന​റിഞ്ഞ്‌ പത്രൊ​സി​നെ​യും യോഹ​ന്നാ​നെ​യും ശമര്യ​യി​ലേക്ക്‌ അയച്ചു. (പ്രവൃ​ത്തി​കൾ 6:1-6; 8:6-8, 14-17) മുൻ പീഡക​നാ​യി​രുന്ന പൗലൊസ്‌ ഇപ്പോൾ യേശു​വി​ന്റെ അനുഗാ​മി​യാ​ണെന്നു സ്ഥിരീ​ക​രി​ക്കു​ന്ന​തി​നാ​യി ബർന്നബാസ്‌ അവനെ അവരുടെ അടുക്ക​ലേക്കു കൊണ്ടു​പോ​യി. (പ്രവൃ​ത്തി​കൾ 9:27; ഗലാത്യർ 1:18, 19) കൊർന്നേ​ല്യൊ​സി​നോ​ടും വീട്ടു​കാ​രോ​ടും പ്രസം​ഗി​ച്ച​ശേഷം, പത്രൊസ്‌ യെരൂ​ശ​ലേ​മി​ലേക്കു മടങ്ങി അവരുടെ കാര്യം സംബന്ധിച്ച ദൈവ​ഹി​തം പരിശു​ദ്ധാ​ത്മാവ്‌ വെളി​പ്പെ​ടു​ത്തി​യ​തെ​ങ്ങ​നെ​യെന്ന്‌ അപ്പോ​സ്‌ത​ല​ന്മാ​രോ​ടും യഹൂദ്യ​യി​ലെ മറ്റു സഹോ​ദ​ര​ങ്ങ​ളോ​ടും വിശദീ​ക​രി​ച്ചു.—പ്രവൃ​ത്തി​കൾ 11:1-18.

4. പത്രൊ​സി​നെ വധിക്കാൻ ഏതു ശ്രമമു​ണ്ടാ​യി, എന്നാൽ അവന്റെ ജീവൻ രക്ഷിക്ക​പ്പെ​ട്ട​തെ​ങ്ങനെ?

⁴ പിന്നെ ഭരണസം​ഘം മൃഗീ​യ​മായ ആക്രമ​ണ​ത്തി​നു വിധേ​യ​മാ​യി. പത്രൊസ്‌ തടവി​ലാ​ക്ക​പ്പെട്ടു. ദൂത ഇടപെ​ട​ലി​നാൽ മാത്ര​മാണ്‌ അവൻ രക്ഷപ്പെ​ട്ടത്‌. (പ്രവൃ​ത്തി​കൾ 12:3-11) ഇപ്പോൾ ആദ്യമാ​യി, 12 അപ്പോ​സ്‌ത​ല​ന്മാ​രിൽ ഉൾപ്പെ​ടാത്ത ഒരാൾ യെരൂ​ശ​ലേ​മിൽ ഒരു പ്രമുഖ സ്ഥാനത്ത്‌ എത്തി. ജയിൽമോ​ചി​ത​നാ​യി, മർക്കൊസ്‌ എന്നു മറു​പേ​രുള്ള യോഹ​ന്നാ​ന്റെ മാതൃ​ഭ​വ​ന​ത്തിൽ എത്തിയ പത്രൊസ്‌ അവിടെ കൂടി​യി​രു​ന്ന​വ​രോ​ടു പറഞ്ഞു: “ഇതു യാക്കോ​ബി​നോ​ടും [യേശു​വി​ന്റെ അർധസ​ഹോ​ദരൻ] ശേഷം സഹോ​ദ​ര​ന്മാ​രോ​ടും അറിയി​പ്പിൻ.”—പ്രവൃ​ത്തി​കൾ 12:17.

5. യാക്കോ​ബി​ന്റെ രക്തസാ​ക്ഷി​ത്വ​ത്തി​നു​ശേഷം ഭരണസം​ഘ​ത്തി​ന്റെ ഘടനയ്‌ക്കു മാറ്റം​വ​ന്ന​തെ​ങ്ങനെ?

⁵ മുമ്പ്‌, വഞ്ചന കാട്ടിയ അപ്പോ​സ്‌ത​ല​നായ യൂദാസ്‌ ഇസ്‌ക​ര്യോ​ത്ത ആത്മഹത്യ ചെയ്‌ത​തി​നു​ശേഷം, ഒരു അപ്പോ​സ്‌ത​ല​നെന്ന നിലയി​ലുള്ള അവന്റെ “അദ്ധ്യക്ഷ​സ്ഥാ​നം” യേശു​ക്രി​സ്‌തു​വി​ന്റെ ശുശ്രൂ​ഷാ സമയത്ത്‌ അവനോ​ടു​കൂ​ടെ​യു​ണ്ടാ​യി​രു​ന്ന​വ​നും അവന്റെ മരണത്തി​നും പുനരു​ത്ഥാ​ന​ത്തി​നും സാക്ഷ്യം വഹിച്ച​വ​നു​മായ ആർക്കെ​ങ്കി​ലും കൊടു​ക്കേ​ണ്ടത്‌ ആവശ്യ​മാ​ണെന്നു വന്നു. എന്നാൽ യോഹ​ന്നാ​ന്റെ സഹോ​ദരൻ യാക്കോബ്‌ വധിക്ക​പ്പെ​ട്ട​പ്പോൾ, 12 പേരിൽ ഒരുവ​നെന്ന നിലയിൽ അവന്റെ സ്ഥാനത്ത്‌ ആരെയും നിയമി​ച്ചില്ല. (പ്രവൃ​ത്തി​കൾ 1:20-26; 12:1, 2) എങ്കിലും ഭരണസം​ഘ​ത്തെ​ക്കു​റി​ച്ചുള്ള അടുത്ത തിരു​വെ​ഴു​ത്തു പരാമർശം പ്രകട​മാ​ക്കു​ന്നത്‌ അതു വിപു​ലീ​ക​രി​ക്ക​പ്പെ​ട്ടു​വെ​ന്നാണ്‌. യേശു​വി​ന്റെ അനുഗാ​മി​ക​ളായ വിജാ​തീ​യർ മോ​ശൈക ന്യായ​പ്ര​മാ​ണ​ത്തി​നു കീഴ്‌പെ​ട​ണ​മോ എന്നതി​നെ​ച്ചൊ​ല്ലി ഒരു തർക്കമു​ണ്ടാ​യ​പ്പോൾ, ഒരു തീർപ്പി​നാ​യി “യെരൂ​ശ​ലേ​മിൽ അപ്പൊ​സ്‌ത​ല​ന്മാ​രു​ടെ​യും മൂപ്പന്മാ​രു​ടെ​യും [“പ്രായ​മേ​റിയ പുരു​ഷ​ന്മാ​രു​ടെ​യും,” NW]” മുമ്പാകെ സംഗതി അവതരി​പ്പി​ച്ചു. (പ്രവൃ​ത്തി​കൾ 15:2, 6, 20, 22, 23; 16:4) ഭരണസം​ഘ​ത്തി​ലി​പ്പോൾ വ്യക്തമാ​യും “പ്രായ​മേ​റിയ പുരു​ഷന്മാ”രുടെ സാന്നി​ധ്യ​മു​ള്ള​തെ​ന്തു​കൊണ്ട്‌? ബൈബിൾ അതു പറയു​ന്നി​ല്ലെ​ങ്കി​ലും, അതു​കൊ​ണ്ടു വ്യക്തമാ​യൊ​രു പ്രയോ​ജ​ന​മു​ണ്ടാ​യി​രു​ന്നു. യാക്കോബ്‌ മരിക്കു​ക​യും പത്രൊസ്‌ കാരാ​ഗൃ​ഹ​ത്തി​ലാ​കു​ക​യും ചെയ്‌ത​തോ​ടെ ഒരു നാൾ അപ്പോ​സ്‌ത​ല​ന്മാർ തടവി​ലാ​ക്ക​പ്പെ​ടു​ക​യോ വധിക്ക​പ്പെ​ടു​ക​യോ ചെയ്യാ​നുള്ള സാധ്യ​ത​യു​ണ്ടാ​യി​രു​ന്നു. അത്തര​മൊ​രു പ്രത്യേക സ്ഥിതി​വി​ശേഷം ഉടലെ​ടു​ക്കു​ന്ന​പക്ഷം, ഭരണസം​ഘ​ത്തി​ന്റെ നടപടി​ക്ര​മ​ങ്ങ​ളിൽ പരിച​യ​സ​മ്പ​ന്ന​രും യോഗ്യ​രു​മായ മറ്റു മൂപ്പന്മാ​രു​ള്ള​തു​കൊണ്ട്‌ ക്രമമുള്ള മേൽനോ​ട്ടം നിലച്ചു​പോ​കു​ക​യി​ല്ലെന്ന്‌ ഉറപ്പാ​കു​മാ​യി​രു​ന്നു.

6. ഭരണസം​ഘ​ത്തി​ലെ ആദിമാം​ഗങ്ങൾ യെരൂ​ശ​ലേ​മിൽനി​ന്നു പോയി​ട്ടും ഭരണസം​ഘം അവി​ടെ​ത്തന്നെ പ്രവർത്തനം തുടർന്ന​തെ​ങ്ങനെ?

⁶ പൊ.യു. 56-നോട​ടുത്ത്‌ പൗലൊസ്‌ യെരൂ​ശ​ലേ​മി​ലേക്കു വന്നപ്പോൾ, അവൻ യാക്കോ​ബി​ന്റെ​യ​ടു​ക്കൽ വന്നു. ബൈബിൾ പറയുന്നു: “മൂപ്പന്മാ​രും എല്ലാം അവിടെ വന്നുകൂ​ടി.” (പ്രവൃ​ത്തി​കൾ 21:18) ഈ യോഗ​ത്തിൽ അപ്പോ​സ്‌ത​ല​ന്മാ​രെ​ക്കു​റി​ച്ചു പരാമർശ​മൊ​ന്നു​മി​ല്ലാ​ത്തത്‌ എന്തു​കൊ​ണ്ടാണ്‌? അതേക്കു​റി​ച്ചും ബൈബിൾ യാതൊ​ന്നും പറയു​ന്നില്ല. എന്നാൽ പൊ.യു. 66-നു മുമ്പെ​പ്പോ​ഴോ, “തങ്ങളെ കൊല്ലു​ന്ന​തി​നു നിരന്തരം ഗൂഢാ​ലോ​ച​നകൾ നടന്നി​രു​ന്ന​തി​നാൽ ജീവൻ അപകട​ത്തി​ലാ​യ​തി​നെ​ത്തു​ടർന്ന്‌ ശേഷി​ക്കുന്ന അപ്പോ​സ്‌ത​ല​ന്മാർ യഹൂദ്യ​യിൽനി​ന്നു പുറത്തു​പോ​കാൻ നിർബ​ന്ധി​ത​രാ​യി. എന്നാൽ തങ്ങളുടെ സന്ദേശം പഠിപ്പി​ക്കു​ന്ന​തി​നു​വേണ്ടി ക്രിസ്‌തു​വി​ന്റെ ശക്തിയാൽ അവർ എല്ലാ ദേശ​ത്തേ​ക്കും യാത്ര​ചെ​യ്‌തു” എന്നു ചരി​ത്ര​കാ​ര​നായ യൂസേ​ബി​യസ്‌ പിൽക്കാ​ലത്ത്‌ റിപ്പോർട്ടു ചെയ്‌തി​ട്ടുണ്ട്‌. (യൂസേ​ബി​യസ്‌, പുസ്‌തകം III, V, v. 2) യൂസേ​ബി​യ​സി​ന്റെ വാക്കുകൾ നിശ്വ​സ്‌ത​രേ​ഖ​യു​ടെ ഭാഗമ​ല്ലെ​ന്നതു ശരിയാ​ണെ​ങ്കി​ലും, ബൈബിൾരേ​ഖ​യു​മാ​യി അതു യോജി​പ്പി​ലാണ്‌. ഉദാഹ​ര​ണ​ത്തിന്‌, പൊ.യു. 62 ആയപ്പോ​ഴേ​ക്കും, പത്രൊസ്‌ യെരൂ​ശ​ലേ​മിൽനിന്ന്‌ വളരെ​യ​കലെ ബാബി​ലോ​നി​ലാ​യി​രു​ന്നു. (1 പത്രൊസ്‌ 5:13) എന്നിരു​ന്നാ​ലും, പൊ.യു. 56-ലും, സാധ്യ​ത​യ​നു​സ​രിച്ച്‌ പൊ.യു. 66 വരെയും യെരൂ​ശ​ലേ​മിൽ ഒരു ഭരണസം​ഘം വ്യക്തമാ​യും സജീവ​മാ​യി പ്രവർത്തി​ച്ചി​രു​ന്നു.

ഭരണം ആധുനിക നാളിൽ

7. ഒന്നാം നൂറ്റാ​ണ്ടി​ലെ ഭരണസം​ഘ​വു​മാ​യുള്ള താരത​മ്യ​ത്തിൽ, ഇന്നത്തെ ഭരണസം​ഘ​ത്തി​ന്റെ ഘടനയിൽ ഏതു ശ്രദ്ധേ​യ​മായ വ്യത്യാ​സ​മുണ്ട്‌?

⁷ പൊ.യു. 33 മുതൽ യെരൂ​ശ​ലേ​മി​ലെ പീഡനം​വരെ, ഭരണസം​ഘ​ത്തിൽ വ്യക്തമാ​യും യഹൂദ ക്രിസ്‌ത്യാ​നി​ക​ളാണ്‌ ഉണ്ടായി​രു​ന്നത്‌. പൊ.യു. 56-ലെ സന്ദർശ​ന​ത്തി​നി​ട​യിൽ, യെരൂ​ശ​ലേ​മി​ലെ അനേകം യഹൂദ ക്രിസ്‌ത്യാ​നി​ക​ളും “നമ്മുടെ കർത്താ​വായ യേശു​ക്രി​സ്‌തു​വിൽ വിശ്വ​സി​ക്കു”ന്നുണ്ടാ​യി​രു​ന്നെ​ങ്കി​ലും അപ്പോ​ഴും “[മോ​ശൈക] ന്യായ​പ്ര​മാ​ണ​ത​ല്‌പ​രന്മാ”രായി​രു​ന്നെന്നു പൗലൊസ്‌ മനസ്സി​ലാ​ക്കി.c (യാക്കോബ്‌ 2:1; പ്രവൃ​ത്തി​കൾ 21:20-25) ഭരണസം​ഘ​ത്തിൽ ഒരു വിജാ​തീ​യൻ സേവി​ക്കു​ന്ന​തിൽ അത്തരം യഹൂദ​ന്മാർക്കു ബുദ്ധി​മു​ട്ടു തോന്നി​യി​രി​ക്കാം. എന്നാൽ ആധുനി​ക​നാ​ളിൽ, ഈ സംഘത്തി​ന്റെ ഘടനയിൽ മറ്റൊരു മാറ്റം സംഭവി​ച്ചു. ഇന്ന്‌ ഇതിലെ അംഗങ്ങൾ മുഴു​വ​നും പുറജാ​തീ​യ​രായ അഭിഷിക്ത ക്രിസ്‌ത്യാ​നി​ക​ളാണ്‌. യഹോവ ഇവരുടെ മേൽനോ​ട്ടത്തെ വലിയ അളവിൽ അനു​ഗ്ര​ഹി​ച്ചി​രി​ക്കു​ക​യാണ്‌.—എഫെസ്യർ 2:11-15.

8, 9. ആധുനി​ക​നാ​ളു​ക​ളിൽ ഭരണസം​ഘ​ത്തിൽ എന്തു സംഭവ​വി​കാ​സങ്ങൾ ഉണ്ടായി​രി​ക്കു​ന്നു?

⁸ 1884-ൽ വാച്ച്‌ ടവർ ബൈബിൾ ആൻഡ്‌ ട്രാക്‌റ്റ്‌ സൊ​സൈറ്റി സ്ഥാപി​ത​മാ​യ​തു​മു​തൽ 1972 വരെ, യഹോ​വ​യു​ടെ സ്ഥാപന​ത്തിൽ സൊ​സൈ​റ്റി​യു​ടെ പ്രസി​ഡൻറി​നു കാര്യ​മായ അധികാ​ര​മു​ണ്ടാ​യി​രു​ന്നു. അതേസ​മയം ഭരണസം​ഘം സൊ​സൈ​റ്റി​യു​ടെ ഡയറക്‌ടർ ബോർഡ്‌ അംഗങ്ങ​ളു​മാ​യി അടുത്തു പ്രവർത്തി​ക്കു​ക​യാ​യി​രു​ന്നു. പ്രസ്‌തുത ക്രമീ​ക​ര​ണ​ത്തി​നു യഹോ​വ​യു​ടെ അംഗീ​കാ​ര​മു​ണ്ടാ​യി​രു​ന്നു, കാരണം ആ വർഷങ്ങ​ളിൽ ആസ്വദിച്ച അനു​ഗ്ര​ഹ​ങ്ങൾതന്നെ അതിനുള്ള തെളി​വാണ്‌. 1972-നും 1975-നുമി​ട​യിൽ, ഭരണസം​ഘം 18 അംഗങ്ങ​ളാ​യി വിപു​ലീ​ക​രി​ക്ക​പ്പെട്ടു. വാച്ച്‌ ടവർ ബൈബിൾ ആൻഡ്‌ ട്രാക്‌റ്റ്‌ സൊ​സൈറ്റി ഓഫ്‌ പെൻസിൽവേ​നി​യ​യു​ടെ ഡയറക്‌ടർമാ​രിൽ ചിലരും അംഗങ്ങ​ളാ​യുള്ള വിപു​ലീ​ക​രി​ക്ക​പ്പെട്ട ഈ സംഘത്തിൽ കൂടുതൽ അധികാ​രം നിക്ഷി​പ്‌ത​മാ​യ​പ്പോൾ സംഗതി​കൾ ഒന്നാം നൂറ്റാ​ണ്ടി​ലേ​തി​നോ​ടു കൂടുതൽ സദൃശ​മാ​യി.

⁹ 1975-നുശേഷം ഈ 18 വ്യക്തി​ക​ളിൽ പലരു​ടെ​യും ഭൗമിക ജീവിതം അവസാ​നി​ച്ചു. ലോകത്തെ ജയിച്ച​ട​ക്കിയ അവർ അതോടെ ‘യേശു​വി​നോ​ടു​കൂ​ടെ അവന്റെ സിംഹാ​സ​ന​ത്തിൽ ഇരി’ക്കുകയും ചെയ്‌തു. (വെളി​പ്പാ​ടു 3:21) ഇക്കാര​ണ​ത്താ​ലും മറ്റു കാരണ​ങ്ങ​ളാ​ലും, 1994-ൽ ചേർക്ക​പ്പെട്ട അംഗമുൾപ്പെടെ ഭരണസം​ഘ​ത്തിൽ ഇപ്പോൾ 10 അംഗങ്ങ​ളേ​യു​ള്ളൂ. മിക്കവ​രും പ്രായം ചെന്നവർ. എന്നിരു​ന്നാ​ലും, ഭാരിച്ച ഉത്തരവാ​ദി​ത്വ​ങ്ങൾ വഹിക്കുന്ന ഈ അഭിഷി​ക്തർക്കു നല്ല പിന്തുണ ലഭിക്കു​ന്നുണ്ട്‌. എവി​ടെ​നി​ന്നാണ്‌ ആ പിന്തുണ? ദൈവ​ജ​ന​ത്തി​നി​ട​യി​ലെ ആധുനി​ക​കാല സംഭവ​വി​കാ​സ​ങ്ങ​ളി​ലേ​ക്കുള്ള ഒരു എത്തി​നോ​ട്ടം ആ ചോദ്യ​ത്തിന്‌ ഉത്തരം നൽകും.

ദൈവ​ത്തി​ന്റെ ഇസ്രാ​യേ​ലി​നു പിന്തുണ

10. ഈ അന്ത്യനാ​ളു​ക​ളിൽ യഹോ​വ​യു​ടെ സേവന​ത്തിൽ അഭിഷി​ക്ത​രോ​ടൊ​പ്പം ആർ ചേർന്നി​രി​ക്കു​ന്നു, ഇതി​നെ​ക്കു​റി​ച്ചു പ്രവചി​ക്ക​പ്പെ​ട്ടി​രു​ന്ന​തെ​ങ്ങനെ?

¹⁰ 1884-ൽ ദൈവ​ത്തി​ന്റെ ഇസ്രാ​യേ​ലു​മാ​യി സഹവസി​ച്ച​വ​രിൽ മിക്കവ​രും അഭിഷിക്ത ക്രിസ്‌ത്യാ​നി​ക​ളാ​യി​രു​ന്നു. എന്നിരു​ന്നാ​ലും, ക്രമേണ മറ്റൊരു കൂട്ടം പ്രത്യ​ക്ഷ​പ്പെ​ടാൻ തുടങ്ങി, 1935-ൽ ഈ കൂട്ടം വെളി​പ്പാ​ടു 7-ാം അധ്യാ​യ​ത്തി​ലെ “മഹാപു​രു​ഷാര”മായി തിരി​ച്ച​റി​യി​ക്ക​പ്പെട്ടു. ഭൗമിക പ്രത്യാ​ശ​യുള്ള ഇവർ യഹോവ ക്രിസ്‌തു​വിൽ കൂട്ടി​ച്ചേർക്കാൻ ഉദ്ദേശി​ക്കുന്ന ‘ഭൂമി​യി​ലു​ള്ളതി’നെ പ്രതി​നി​ധാ​നം ചെയ്യുന്നു. (എഫെസ്യർ 1:10) ആട്ടിൻതൊ​ഴു​ത്തു​ക​ളെ​ക്കു​റി​ച്ചുള്ള യേശു​വി​ന്റെ ഉപമയി​ലെ ‘വേറെ ആടുകളെ’ പ്രതി​നി​ധാ​നം ചെയ്യു​ന്ന​വ​രാണ്‌ ഇവർ. (യോഹ​ന്നാൻ 10:16) 1935 മുതൽ വേറെ ആടുകൾ യഹോ​വ​യു​ടെ സ്ഥാപന​ത്തി​ലേക്കു കൂട്ടമാ​യി വന്നിരി​ക്കു​ന്നു. അവർ “മേഘം​പോ​ലെ​യും തങ്ങളുടെ കിളി​വാ​തി​ലു​ക​ളി​ലേക്കു പ്രാവു​ക​ളെ​പ്പോ​ലെ​യും പറന്നു”വന്നിരി​ക്കു​ന്നു. (യെശയ്യാ​വു 60:8) മഹാപു​രു​ഷാ​ര​ത്തി​ന്റെ സംഖ്യ വർധി​ക്കു​ന്ന​തു​കൊ​ണ്ടും മരണ​ത്തോ​ടെ ഭൗമിക ഗതി അവസാ​നി​ക്കുന്ന അഭിഷിക്ത വർഗത്തി​ന്റെ എണ്ണം കുറയു​ന്ന​തു​കൊ​ണ്ടും യോഗ്യ​ത​യുള്ള വേറെ ആടുകൾക്കു ക്രിസ്‌തീയ പ്രവർത്ത​ന​ങ്ങ​ളിൽ വർധിച്ച അളവിൽ പങ്കാളി​ത്തം ലഭിച്ചി​രി​ക്കു​ന്നു. ഏതെല്ലാം വിധങ്ങ​ളിൽ?

11. ആരംഭ​ത്തിൽ അഭിഷിക്ത ക്രിസ്‌ത്യാ​നി​കൾക്കു​മാ​ത്ര​മാ​യി പരിമി​ത​പ്പെ​ടു​ത്തി​യി​രുന്ന ഏതെല്ലാം പദവി​ക​ളാണ്‌ ഇപ്പോൾ വേറെ ആടുകൾക്കു കൊടു​ത്തി​രി​ക്കു​ന്നത്‌?

¹¹ യഹോ​വ​യു​ടെ സദ്‌ഗു​ണ​ങ്ങ​ളെ​ക്കു​റി​ച്ചു പ്രഖ്യാ​പി​ക്കു​ന്നത്‌ എന്നും ദൈവ​ത്തി​ന്റെ “വിശു​ദ്ധജന”ത്തിന്റെ ഒരു പ്രത്യേക കടമയാ​യി​രു​ന്നു. പൗലൊസ്‌ അതിനെ ഒരു ആലയബ​ലി​യാ​യി വർണിച്ചു. ഒരു “രാജകീ​യ​പു​രോ​ഹി​ത​വർഗ്ഗം” ആയിത്തീ​രാ​നു​ള്ള​വർക്കു പ്രസം​ഗി​ക്കാ​നും പഠിപ്പി​ക്കാ​നു​മുള്ള നിയോ​ഗം യേശു നൽകി. (പുറപ്പാ​ടു 19:5, 6; 1 പത്രൊസ്‌ 2:4, 9; മത്തായി 24:14; 28:19, 20; എബ്രായർ 13:15, 16) എന്നിരു​ന്നാ​ലും, വീക്ഷാ​ഗോ​പു​ര​ത്തി​ന്റെ (ഇംഗ്ലീഷ്‌) 1932 ആഗസ്റ്റ്‌ 1 ലക്കം യോനാ​ദാ​ബി​നാൽ മുൻനി​ഴ​ലാ​ക്ക​പ്പെ​ട്ട​വരെ ഈ വേലയിൽ പങ്കെടു​ക്കു​ന്ന​തി​നു പ്രത്യേ​കാൽ പ്രോ​ത്സാ​ഹി​പ്പി​ച്ചു. വേറെ ആടുക​ളിൽപ്പെട്ട അനേക​രും അതി​നോ​ട​കം​തന്നെ ആ വേലയിൽ പങ്കെടു​ക്കു​ന്നു​ണ്ടാ​യി​രു​ന്നു. ഇന്ന്‌, “[ദൈവ​ത്തി​ന്റെ] ആലയത്തിൽ രാപ്പകൽ അവനെ ആരാധി​ക്കുന്ന”തിന്റെ മുഖ്യ​ഭാ​ഗം പ്രസം​ഗ​വേ​ല​യാണ്‌. ഇതിന്റെ ഏറിയ​പ​ങ്കും നിർവ​ഹി​ക്കു​ന്നത്‌ വേറെ ആടുക​ളാണ്‌. (വെളി​പ്പാ​ടു 7:15) അതു​പോ​ലെ, യഹോ​വ​യു​ടെ ജനത്തിന്റെ ആധുനിക ചരി​ത്ര​ത്തി​ന്റെ ആദ്യഭാ​ഗത്ത്‌, സഭാമൂ​പ്പ​ന്മാർ അഭിഷിക്ത ക്രിസ്‌ത്യാ​നി​ക​ളാ​യി​രു​ന്നു, യേശു​ക്രി​സ്‌തു​വി​ന്റെ വലങ്കയ്യി​ലെ ‘നക്ഷത്ര​ങ്ങളാ’യിരുന്നു. (വെളി​പ്പാ​ടു 1:16, 20) വീക്ഷാ​ഗോ​പു​ര​ത്തി​ന്റെ (ഇംഗ്ലീഷ്‌) 1937 മേയ്‌ 1 ലക്കം വേറെ ആടുകൾക്കും കമ്പനി​ദാ​സ​ന്മാർ (അധ്യക്ഷ​മേൽവി​ചാ​ര​ക​ന്മാർ) ആയിത്തീ​രാ​മെന്നു പ്രഖ്യാ​പി​ച്ചു. അഭിഷി​ക്ത​പു​രു​ഷ​ന്മാ​രു​ണ്ടെ​ങ്കി​ലും, അവർ ഉത്തരവാ​ദി​ത്വം നിറ​വേ​റ്റാൻ പ്രാപ്‌ത​ര​ല്ലെ​ങ്കിൽ, വേറെ ആടുകളെ ഉപയോ​ഗി​ക്കാ​വു​ന്ന​താണ്‌. ഇന്ന്‌, മിക്കവാ​റും എല്ലാ സഭകളി​ലെ​യും മൂപ്പന്മാർ വേറെ ആടുക​ളിൽപ്പെ​ട്ട​വ​രാണ്‌.

12. ഭാരിച്ച സംഘട​നാ​പ​ര​മായ ഉത്തരവാ​ദി​ത്വ​ങ്ങൾ യോഗ്യ​ത​യുള്ള വേറെ ആടുകൾ സ്വീക​രി​ക്കു​ന്ന​തി​നു തിരു​വെ​ഴു​ത്തു​പ​ര​മായ എന്തു കീഴ്‌വ​ഴ​ക്ക​ങ്ങ​ളുണ്ട്‌?

¹² അത്തരം ഭാരിച്ച ഉത്തരവാ​ദി​ത്വ​ങ്ങൾ വേറെ ആടുകൾക്കു നൽകു​ന്നത്‌ തെറ്റാ​ണോ? അല്ല, അതിനു ചരി​ത്ര​പ​ര​മായ കീഴ്‌വ​ഴ​ക്ക​മുണ്ട്‌. വിദേ​ശീ​യ​രായ ചില മതപരി​വർത്തി​തർ (അന്യ​ദേ​ശ​ക്കാർ) പുരാതന ഇസ്രാ​യേ​ലിൽ ഉന്നതസ്ഥാ​നങ്ങൾ അലങ്കരി​ച്ചി​രു​ന്നു. (2 ശമൂവേൽ 23:37, 39; യിരെ​മ്യാ​വു 38:7-9) ബാബി​ലോ​ന്യ പ്രവാ​സ​ത്തി​നു​ശേഷം, യോഗ്യ​രായ നെഥി​നി​മു​കൾക്ക്‌ (ഇസ്രാ​യേ​ല്യ​ര​ല്ലാത്ത ആലയ ശുശ്രൂ​ഷകർ) മുമ്പു ലേവ്യർക്കു മാത്രം കൊടു​ത്തി​രുന്ന ആലയ​സേവന പദവികൾ കൊടു​ത്തു. (എസ്രാ 8:15-20; നെഹെ​മ്യാ​വു 7:60) കൂടാതെ, രൂപാ​ന്ത​രീ​ക​ര​ണ​ത്തിൽ യേശു​വി​നോ​ടൊ​പ്പം കാണപ്പെട്ട മോശ മിദ്യാ​ന്യ​നായ യി​ത്രോ​യിൽനി​ന്നുള്ള ഉത്തമ ബുദ്ധ്യു​പ​ദേശം സ്വീക​രി​ക്കു​ക​യു​ണ്ടാ​യി. പിന്നീട്‌, അവൻ യി​ത്രോ​യു​ടെ പുത്ര​നായ ഹോബാ​ബി​നോട്‌ അവരെ മരൂഭൂ​മി​യി​ലൂ​ടെ നയിക്കാൻ ആവശ്യ​പ്പെ​ടു​ക​യു​ണ്ടാ​യി.—പുറപ്പാ​ടു 18:5, 17-24; സംഖ്യാ​പു​സ്‌തകം 10:29.

13. യോഗ്യ​ത​യുള്ള വേറെ ആടുകൾക്കു താഴ്‌മ​യോ​ടെ ഉത്തരവാ​ദി​ത്വം ഏൽപ്പി​ച്ചു​കൊ​ടു​ക്കു​ന്ന​തിൽ അഭിഷി​ക്തർ ആരുടെ നല്ല മാതൃ​ക​യാണ്‌ അനുക​രി​ക്കു​ന്നത്‌?

¹³ നാൽപ്പ​തു​വർഷ മരുഭൂ​വാ​സം അന്ത്യ​ത്തോ​ട​ടു​ത്ത​പ്പോൾ, വാഗ്‌ദ​ത്ത​ദേ​ശത്തു പ്രവേ​ശി​ക്കു​ക​യി​ല്ലെന്ന്‌ അറിയാ​മാ​യി​രുന്ന മോശ, തനി​ക്കൊ​രു പിൻഗാ​മി​യെ തരണ​മേ​യെന്നു യഹോ​വ​യോ​ടു പ്രാർഥി​ച്ചു. (സംഖ്യാ​പു​സ്‌തകം 27:15-17) എല്ലാവ​രു​ടെ​യും മുമ്പാകെ യോശു​വയെ നിയമി​ക്കാൻ യഹോവ അവനോ​ടു പറഞ്ഞു. ആരോ​ഗ്യ​വാ​നാ​യി​രു​ന്നി​ട്ടു​പോ​ലും മോശ അങ്ങനെ​തന്നെ ചെയ്‌തു. അവൻ ഇസ്രാ​യേ​ലി​നെ സേവി​ക്കു​ന്നത്‌ ഉടൻ നിർത്തി​യു​മില്ല. (ആവർത്ത​ന​പു​സ്‌തകം 3:28; 34:5-7, 9) സമാന​മാ​യി താഴ്‌മ​യുള്ള ഒരു മനോ​ഭാ​വ​ത്തോ​ടെ, ഇതി​നോ​ട​കം​തന്നെ അഭിഷി​ക്തർ വേറെ ആടുക​ളിൽപ്പെട്ട യോഗ്യ​രായ പുരു​ഷ​ന്മാർക്ക്‌ അധിക​മ​ധി​കം പദവികൾ നീട്ടി​ക്കൊ​ടു​ത്തു​കൊ​ണ്ടി​രി​ക്കുക​യാണ്‌.

14. വേറെ ആടുക​ളു​ടെ വർധി​ച്ചു​വ​രുന്ന സംഘട​നാ​പ​ര​മായ പങ്കി​നെ​ക്കു​റിച്ച്‌ ഏതെല്ലാം പ്രവച​നങ്ങൾ സൂചി​പ്പി​ക്കു​ന്നു?

¹⁴ വേറെ ആടുകൾക്കു സ്ഥാപന​ത്തിൽ അധിക​മ​ധി​കം ഉത്തരവാ​ദി​ത്വ​ങ്ങൾ കൊടു​ക്കു​മെ​ന്ന​തി​നെ​ക്കു​റി​ച്ചും പ്രവച​ന​മു​ണ്ടാ​യി​രു​ന്നു. ഇസ്രാ​യേ​ല്യ​ന​ല്ലാത്ത ഫെലി​സ്‌ത്യൻ “യെഹൂ​ദ​യിൽ ഒരു മേധാ​വി​യെ​പ്പോ​ലെ”യായി​ത്തീ​രു​മെന്ന്‌ സെഖര്യാ​വു മുൻകൂ​ട്ടി​പ്പ​റഞ്ഞു. (സെഖര്യാ​വു 9:6, 7) മേധാ​വി​കൾ ഗോ​ത്ര​ത്ത​ല​വ​ന്മാ​രാ​യി​രു​ന്നു. അതു​കൊണ്ട്‌ ഇസ്രാ​യേ​ലി​ന്റെ ഒരു മുൻശ​ത്രു സത്യാ​രാ​ധന സ്വീക​രിച്ച്‌ വാഗ്‌ദത്ത ദേശത്ത്‌ ഒരു ഗോ​ത്ര​ത്ത​ല​വ​നെ​പ്പോ​ലെ ആയിത്തീ​രു​മെന്നു പറയു​ക​യാ​യി​രു​ന്നു സെഖര്യാവ്‌. കൂടാതെ, ദൈവ​ത്തി​ന്റെ ഇസ്രാ​യേ​ലി​നെ അഭിസം​ബോ​ധന ചെയ്‌തു​കൊണ്ട്‌, യഹോവ പറഞ്ഞു: “അന്യജാ​തി​ക്കാർ നിന്നു നിങ്ങളു​ടെ ആട്ടിൻകൂ​ട്ട​ങ്ങളെ മേയ്‌ക്കും; പരദേ​ശ​ക്കാർ നിങ്ങൾക്കു ഉഴുവു​കാ​രും മുന്തി​രി​ത്തോ​ട്ട​ക്കാ​രും ആയിരി​ക്കും. നിങ്ങളോ യഹോ​വ​യു​ടെ പുരോ​ഹി​ത​ന്മാർ എന്നു വിളി​ക്ക​പ്പെ​ടും; നമ്മുടെ ദൈവ​ത്തി​ന്റെ ശുശ്രൂ​ഷ​ക​ന്മാർ എന്നും നിങ്ങൾക്കു പേരാ​കും.” (യെശയ്യാ​വു 61:5, 6) “അന്യജാ​തി​ക്കാ”രും “പരദേ​ശക്കാ”രും വേറെ ആടുക​ളാണ്‌. പ്രായ​മേ​റി​ക്കൊ​ണ്ടി​രി​ക്കുന്ന അഭിഷി​ക്ത​ശേ​ഷിപ്പ്‌ ഭൗമി​ക​ഗതി അവസാ​നി​പ്പിച്ച്‌ യഹോ​വ​യു​ടെ രാജസിം​ഹാ​സ​ന​ത്തി​നു​ചു​റ്റും “നമ്മുടെ ദൈവ​ത്തി​ന്റെ ശുശ്രൂ​ഷകർ” എന്നനി​ല​യിൽ പൂർണ അർഥത്തിൽ “യഹോ​വ​യു​ടെ” സ്വർഗീയ “പുരോ​ഹി​തന്മാ”രായി സേവി​ക്കാൻ പോകാ​നു​ള്ള​വ​രാ​യ​തു​കൊണ്ട്‌ അധിക​മ​ധി​കം ജോലി​കൾ ഏറ്റെടു​ത്തു​ന​ട​ത്തു​ന്ന​തി​നാ​യി വേറെ ആടുകൾക്ക്‌ ഉത്തരവാ​ദി​ത്വ​ങ്ങൾ ഏൽപ്പി​ച്ചു​കൊ​ടു​ത്തി​ട്ടുണ്ട്‌.—1 കൊരി​ന്ത്യർ 15:50-57; വെളി​പ്പാ​ടു 4:4, 9-11; 5:9, 10.

‘വരുവാ​നുള്ള തലമുറ’

15. ഈ അന്ത്യകാ​ലത്ത്‌, ക്രിസ്‌ത്യാ​നി​ക​ളു​ടെ ഏതു കൂട്ടം ‘വാർധ​ക്യം’ പ്രാപി​ച്ചി​രി​ക്കു​ന്നു, ‘വരുവാ​നുള്ള തലമുറ’യെ പ്രതി​നി​ധാ​നം ചെയ്യു​ന്നത്‌ ഏതു കൂട്ടമാണ്‌?

¹⁵ അഭിഷിക്ത ശേഷിപ്പു വേറെ ആടുകളെ വർധിച്ച ഉത്തരവാ​ദി​ത്വ​ങ്ങൾക്കാ​യി ശുഷ്‌കാ​ന്തി​യോ​ടെ പരിശീ​ലി​പ്പി​ച്ചു​കൊ​ണ്ടി​രി​ക്കുക​യാണ്‌. സങ്കീർത്തനം 71:18 പറയുന്നു: “ദൈവമേ, അടുത്ത തലമു​റ​യോ​ടു ഞാൻ നിന്റെ ഭുജ​ത്തെ​യും വരുവാ​നുള്ള എല്ലാവ​രോ​ടും നിന്റെ വീര്യ​പ്ര​വൃ​ത്തി​യെ​യും അറിയി​ക്കു​വോ​ളം വാർദ്ധ​ക്യ​വും നരയും ഉള്ള കാലത്തും എന്നെ ഉപേക്ഷി​ക്ക​രു​തേ.” ഈ വാക്യ​ത്തെ​ക്കു​റിച്ച്‌ അഭി​പ്രാ​യം പറഞ്ഞു​കൊണ്ട്‌ 1948 ഡിസംബർ 15 വീക്ഷാ​ഗോ​പു​രം (ഇംഗ്ലീഷ്‌) അഭിഷിക്ത ക്രിസ്‌ത്യാ​നി​ക​ളു​ടെ സഭ തീർച്ച​യാ​യും വാർധ​ക്യം പ്രാപി​ച്ചി​രി​ക്കു​ക​യാ​ണെന്ന്‌ സൂചി​പ്പി​ക്കു​ക​യു​ണ്ടാ​യി. അഭിഷി​ക്തർ സന്തോ​ഷ​ത്തോ​ടെ “ബൈബിൾപ്ര​വ​ച​ന​ത്തി​ന്റെ വെളി​ച്ച​ത്തിൽ ഒരു പുതിയ തലമു​റ​യ്‌ക്കാ​യി നോക്കി​പ്പാർത്തി​രി​ക്കു​ക​യും അതിനെ കാണു​ക​യും ചെയ്യുന്നു” എന്ന്‌ അതു തുടർന്നു പറഞ്ഞു. വിശേ​ഷി​ച്ചും ഇത്‌ ആരെയാ​ണു പരാമർശി​ക്കു​ന്നത്‌? വീക്ഷാ​ഗോ​പു​രം ഇങ്ങനെ പറഞ്ഞു: “യേശു അവരെ തന്റെ ‘വേറെ ആടുകൾ’ എന്നാണ്‌ വിശേ​ഷി​പ്പി​ച്ചത്‌.” സ്വർഗ​രാ​ജ്യ​ത്തി​ന്റെ നിയ​ന്ത്ര​ണ​ത്തി​ലുള്ള ഒരു ഭൗമിക ഭരണത്തിൻകീ​ഴിൽ ജീവി​ക്കാ​നി​രി​ക്കുന്ന മനുഷ്യ​രെ​യാണ്‌ ‘വരുവാ​നുള്ള തലമുറ’ എന്നതു​കൊണ്ട്‌ ഉദ്ദേശി​ക്കു​ന്നത്‌.

16. ‘വരുവാ​നുള്ള തലമുറ’യിൽപ്പെ​ട്ടവർ എന്ത്‌ അനു​ഗ്ര​ഹ​ങ്ങൾക്കാ​യി ആകാം​ക്ഷാ​പൂർവം നോക്കി​പ്പാർത്തി​രി​ക്കു​ന്നു?

¹⁶ അഭിഷിക്ത ക്രിസ്‌ത്യാ​നി​കൾ ‘വരുവാ​നുള്ള’ ഈ ‘തലമുറ’യിലെ തങ്ങളുടെ സഹോ​ദ​ര​ങ്ങ​ളിൽനി​ന്നു വേർപി​രിഞ്ഞ്‌ യേശു​ക്രി​സ്‌തു​വി​നോ​ടൊ​പ്പം മഹത്ത്വീ​ക​രി​ക്ക​പ്പെ​ടാൻ പോകു​ന്ന​തെ​പ്പോ​ഴാ​ണെന്നു ബൈബിൾ വ്യക്തമാ​യി പറയു​ന്നില്ല. എന്നാൽ അതിനുള്ള സമയം സമീപി​ച്ചു​കൊ​ണ്ടി​രി​ക്കു​ക​യാ​ണെന്ന്‌ ഈ അഭിഷി​ക്തർക്ക്‌ ഉറപ്പുണ്ട്‌. “അന്ത്യകാ​ലത്തെ”ക്കുറി​ച്ചുള്ള യേശു​വി​ന്റെ മഹത്തായ പ്രവച​ന​ത്തിൽ മുൻകൂ​ട്ടി​പ്പ​റ​ഞ്ഞി​രി​ക്കുന്ന സംഭവങ്ങൾ 1914 മുതൽ അരങ്ങേ​റി​ക്കൊ​ണ്ടി​രി​ക്കു​ക​യാണ്‌. ഇത്‌ ഈ ലോക​ത്തി​ന്റെ നാശം അടുത്തി​രി​ക്കു​ന്നു​വെന്നു പ്രകട​മാ​ക്കു​ന്നു. (ദാനീ​യേൽ 12:4; മത്തായി 24:3-14; മർക്കൊസ്‌ 13:4-20; ലൂക്കൊസ്‌ 21:7-24) ഉടൻ, യഹോവ ഒരു പുതിയ ലോകം ആനയി​ക്കും, അതിൽ ‘ലോക​സ്ഥാ​പ​നം​മു​തൽ തങ്ങൾക്കാ​യി ഒരുക്കി​യി​രി​ക്കുന്ന രാജ്യം [ഭൗമിക മേഖല]’ ‘വരുവാ​നുള്ള തലമുറ’ ‘അവകാ​ശ​മാ​ക്കും.’ (മത്തായി 25:34) പറുദീസ പുനഃ​സ്ഥാ​പി​ത​മാ​കു​ന്ന​തി​നെ​യും പാതാ​ള​ത്തിൽ (ഹേഡീ​സിൽ) നിന്നു കോടി​ക്ക​ണ​ക്കി​നാ​ളു​കൾ പുനരു​ത്ഥാ​നം പ്രാപി​ക്കു​ന്ന​തി​നെ​യും കുറിച്ച്‌ ഓർത്ത്‌ അവർ പുളകം​കൊ​ള്ളു​ക​യാണ്‌. (വെളി​പ്പാ​ടു 20:13) പുനരു​ത്ഥാ​നം പ്രാപി​ക്കു​ന്ന​വരെ സ്വാഗതം ചെയ്യാൻ അഭിഷി​ക്തർ ഉണ്ടായി​രി​ക്കു​മോ? 1925-ൽ, മേയ്‌ 1 വീക്ഷാ​ഗോ​പു​രം (ഇംഗ്ലീഷ്‌) പ്രസ്‌താ​വി​ച്ചു: “ദൈവം . . . എന്തു ചെയ്യു​മെ​ന്നോ എന്തു ചെയ്യു​ക​യി​ല്ലെ​ന്നോ നാം നമ്മുടെ ഇംഗി​ത​മ​നു​സ​രി​ച്ചു പറയരുത്‌. [എന്നാൽ] സഭാം​ഗങ്ങൾ [അഭിഷിക്ത ക്രിസ്‌ത്യാ​നി​കൾ] പുരാ​ത​ന​കാ​ലത്തെ യോഗ്യ​രു​ടെ [ക്രിസ്‌തീ​യ​പൂർവ കാലത്തെ വിശ്വസ്‌ത സാക്ഷി​ക​ളു​ടെ] പുനരു​ത്ഥാ​ന​ത്തി​നു​മു​മ്പു​തന്നെ മഹത്ത്വീ​ക​രി​ക്ക​പ്പെ​ടു​മെന്ന നിഗമ​ന​ത്തി​ലെ​ത്താൻ നാം പ്രേരി​ത​രാ​കു​ക​യാണ്‌.” പുനരു​ത്ഥാ​നം പ്രാപി​ക്കു​ന്ന​വരെ സ്വാഗ​തം​ചെ​യ്യാൻ ചില അഭിഷി​ക്ത​രു​ണ്ടാ​കു​മോ എന്നതി​നെ​ക്കു​റി​ച്ചുള്ള സമാന​മാ​യൊ​രു ചർച്ചയിൽ, 1990 മേയ്‌ 1 വീക്ഷാ​ഗോ​പു​രം പറഞ്ഞു: “ഇത്‌ ആവശ്യ​മാ​യി​രി​ക്കു​ക​യില്ല.”d

17. ഒരു കൂട്ട​മെ​ന്ന​നി​ല​യിൽ അഭിഷി​ക്തർ അത്ഭുത​ക​ര​മായ ഏതെല്ലാം പദവി​ക​ളി​ലാണ്‌ സിംഹാ​സനസ്ഥ രാജാ​വായ യേശു​ക്രി​സ്‌തു​വി​നോ​ടൊ​പ്പം പങ്കുപ​റ്റു​ന്നത്‌?

¹⁷ ഓരോ അഭിഷിക്ത ക്രിസ്‌ത്യാ​നി​യു​ടെ​യും കാര്യ​ത്തിൽ എന്തു സംഭവി​ക്കു​മെന്നു നമുക്ക​റി​യി​ല്ലെ​ന്നതു സത്യം​തന്നെ. എന്നാൽ രൂപാ​ന്ത​രീ​കരണ ദർശന​ത്തിൽ യേശു​വി​നോ​ടൊ​പ്പം മോശ​യും ഏലീയാ​വും ഉണ്ടായി​രു​ന്നു​വെ​ന്നത്‌, ന്യായ​വി​ധി​യും വധനിർവ​ഹ​ണ​വും നടത്തി​ക്കൊണ്ട്‌ “ഓരോ​രു​ത്ത​ന്നും അവനവന്റെ പ്രവൃ​ത്തി​ക്കു തക്കവണ്ണം പകരം നല്‌കാ”ൻ യേശു മഹത്ത്വ​ത്തിൽ വരു​മ്പോൾ പുനരു​ത്ഥാ​നം പ്രാപിച്ച അഭിഷിക്ത ക്രിസ്‌ത്യാ​നി​ക​ളും അവനോ​ടൊ​പ്പം ഉണ്ടാകു​മെന്ന പ്രതീ​ക്ഷ​യ്‌ക്കു വകനൽകു​ന്നു. മാത്രമല്ല, ‘ജയിച്ച’ടക്കുന്ന അഭിഷിക്ത ക്രിസ്‌ത്യാ​നി​കൾ അർമ​ഗെ​ദോ​നിൽ ‘ഇരിമ്പു​കോൽകൊ​ണ്ടു ജാതി​കളെ മേയിക്കു’ന്നതിൽ തന്നോ​ടൊ​പ്പം പങ്കെടു​ക്കു​മെ​ന്നുള്ള യേശു​വി​ന്റെ വാഗ്‌ദാ​ന​വും നാം അനുസ്‌മ​രി​ക്കു​ന്നു. യേശു മഹത്ത്വ​ത്തിൽ വരു​മ്പോൾ, അവർ അവനോ​ടൊ​പ്പ​മി​രുന്ന്‌ “യിസ്രാ​യേൽഗോ​ത്രം പന്ത്രണ്ടി​ന്നും ന്യായം വിധി​ക്കും.” യേശു​വി​നോ​ടൊ​പ്പം, അവർ ‘സാത്താനെ തങ്ങളുടെ കാല്‌ക്കീ​ഴെ ചതെച്ചു​ക​ള​യും.’—മത്തായി 16:27–17:9; 19:28; വെളി​പ്പാ​ടു 2:26, 27; 16:14, 16; റോമർ 16:20; ഉല്‌പത്തി 3:15; സങ്കീർത്തനം 2:9; 2 തെസ്സ​ലൊ​നീ​ക്യർ 1:9, 10.

18. (എ) ‘സ്വർഗ​ത്തി​ലു​ള്ളതു ക്രിസ്‌തു​വിൽ ഒരുമി​ച്ചു കൂട്ടി​വ​രു​ത്തു​ന്നതു’ സംബന്ധിച്ച സ്ഥിതി​വി​ശേ​ഷ​മെന്ത്‌? (ബി) ‘ഭൂമി​യി​ലു​ള്ളതു ക്രിസ്‌തു​വിൽ ഒരുമി​ച്ചു കൂട്ടി​വ​രു​ത്തു​ന്നതു’ സംബന്ധിച്ച്‌ നമു​ക്കെന്തു പറയാ​നാ​കും?

¹⁸ തന്റെ ഭരണത്തി​ന്റെ ഭാഗമെന്ന നിലയിൽ, “എല്ലാം പിന്നെ​യും ക്രിസ്‌തു​വിൽ ഒരുമി​ച്ചു കൂട്ടി​വ​രു​ത്താ”ൻ യഹോവ ക്രമാ​നു​ഗ​ത​മാ​യി ശ്രമി​ച്ചു​കൊ​ണ്ടി​രി​ക്കു​ക​യാണ്‌. ‘സ്വർഗ​ത്തി​ലുള്ള’തിന്റെ കാര്യ​ത്തിൽ, അവന്റെ ഉദ്ദേശ്യം പാരമ്യ​ത്തോട്‌ അടുക്കു​ക​യാണ്‌. “കുഞ്ഞാ​ടി​ന്റെ കല്യാണ”ത്തിനായി 1,44,000 പേരും സ്വർഗ​ത്തിൽ യേശു​വി​നോ​ടു ചേരു​ന്ന​തി​നുള്ള സമയം അടുത്തു​വ​രി​ക​യാണ്‌. അതു​കൊണ്ട്‌, ‘ഭൂമി​യി​ലു​ള്ളതി’നെ പ്രതി​നി​ധാ​നം ചെയ്യുന്ന വേറെ ആടുക​ളിൽപ്പെട്ട, വളരെ​യേറെ കാലമാ​യി സേവി​ക്കുന്ന പക്വത​യുള്ള സഹോ​ദ​ര​ങ്ങൾക്ക്‌, അഭിഷിക്ത സഹോ​ദ​ര​ങ്ങളെ പിന്തു​ണ​യ്‌ക്കവെ, കൂടുതൽ ഭാരിച്ച ഉത്തരവാ​ദി​ത്വ​ങ്ങൾ നൽക​പ്പെ​ട്ടി​രി​ക്കു​ന്നു. എത്ര രസകര​മായ കാലത്താണ്‌ നാം ജീവി​ക്കു​ന്നത്‌! യഹോ​വ​യു​ടെ ഉദ്ദേശ്യം നിവൃ​ത്തി​യോ​ട​ടു​ക്കു​ന്നു​വെന്നു കാണു​ന്നത്‌ എത്ര പുളക​പ്രദം! (എഫെസ്യർ 1:9, 10; 3:10-12; വെളി​പ്പാ​ടു 14:1; 19:7, 9) വേറെ ആടുക​ളും അഭിഷി​ക്ത​രും യേശു​ക്രി​സ്‌തു എന്ന രാജാ​വി​നു കീഴ്‌പെട്ട്‌, അഖിലാണ്ഡ പരമാ​ധീ​ശ​നായ യഹോ​വ​യെന്ന മഹാ​ദൈ​വ​ത്തി​ന്റെ മഹത്ത്വ​ത്തി​നാ​യി “ഒരാട്ടിൻകൂട്ട”മെന്ന നിലയിൽ “ഒരിട​യനു” കീഴിൽ ഒരുമിച്ച്‌ ഒരു കൂട്ടമാ​യി സേവി​ക്കു​ക​യാണ്‌. അങ്ങനെ ചെയ്യവെ തങ്ങളുടെ അഭിഷിക്ത സഹോ​ദ​ര​ങ്ങളെ പിന്തു​ണ​യ്‌ക്കു​ന്ന​തിൽ വേറെ ആടുകൾ എത്ര ആഹ്ലാദി​ക്കു​ന്നു!—യോഹ​ന്നാൻ 10:16; ഫിലി​പ്പി​യർ 2:9-11.

[അടിക്കു​റി​പ്പു​കൾ]

നിങ്ങൾക്കു വിശദീ​ക​രി​ക്കാ​മോ?

□ ഒന്നാം നൂറ്റാ​ണ്ടിൽ ദൈവ​സ്ഥാ​പനം മുന്നേ​റി​യ​തെ​ങ്ങനെ?

□ യഹോ​വ​യു​ടെ സാക്ഷി​ക​ളു​ടെ ആധുനിക ചരി​ത്ര​ത്തിൽ ഭരണസം​ഘം വികസി​പ്പി​ക്ക​പ്പെ​ട്ട​തെ​ങ്ങനെ?

□ യഹോ​വ​യു​ടെ സ്ഥാപന​ത്തിൽ വേറെ ആടുകൾക്ക്‌ അധികാ​രം കൊടു​ക്കു​ന്ന​തിന്‌ അടിസ്ഥാ​ന​മായ തിരു​വെ​ഴു​ത്തു​ക​ളേവ?

□ ‘സ്വർഗ​ത്തി​ലു​ള്ള​തും ഭൂമി​യി​ലു​ള്ള​തും’ ക്രിസ്‌തു​വിൽ ഒരുമി​ച്ചു കൂട്ടി​വ​രു​ത്ത​പ്പെ​ട്ടി​രി​ക്കു​ന്ന​തെ​ങ്ങനെ?

[16-ാം പേജിലെ ചിത്രം]

ആദിമ അംഗങ്ങൾ യെരൂ​ശ​ലേ​മിൽ ഇല്ലാതി​രു​ന്ന​പ്പോ​ഴും, അവിടെ ഭരണസം​ഘ​ത്തി​ന്റെ പ്രവർത്തനം നിലച്ചില്ല

സി. റ്റി. റസ്സൽ 1884-1916

[18-ാം പേജിലെ ചിത്രം]

പക്വതയുള്ള അഭിഷിക്ത ക്രിസ്‌ത്യാ​നി​കൾ യഹോ​വ​യു​ടെ ജനത്തിന്‌ ഒരു അനു​ഗ്ര​ഹ​മാണ്‌

ജെ. എഫ്‌. റഥർഫോർഡ്‌ 1916-42

എൻ. എച്ച്‌. നോർ 1942-77

എഫ്‌. ഡബ്ലിയു. ഫ്രാൻസ്‌ 1977-92

എം. ജി. ഹെൻഷൽ 1992-