ചെറു​പ്പ​ക്കാർ ചോദി​ക്കു​ന്നു . . .

“നിന്റെ പിതാ​വി​നെ​യും നിന്റെ മാതാ​വി​നെ​യും ബഹുമാ​നിക്ക”എന്നാൽ എന്തു​കൊണ്ട്‌?

“നീ വളരെ പരുഷ​യാണ്‌, എനിക്ക്‌ നിന്നെ​ക്കൊണ്ട്‌ ഒന്നും വയ്യ,” വേദയു​ടെ കുപി​ത​നായ പിതാവ്‌ പറഞ്ഞു. “നീ എനിക്ക്‌ യാതൊ​രു ബഹുമാ​ന​വും തരുന്നില്ല. നീ കുഴപ്പം വിളി​ച്ചു​വ​രു​ത്തു​ക​യാണ്‌.” വേദ മദ്യത്തി​ന്റെ​യും മയക്കു​മ​രു​ന്നു​ക​ളു​ടെ​യും ദുരു​പ​യോ​ഗ​ത്തിൽ ഉൾപ്പെ​ട്ടി​രുന്ന ഒരു ചെറു​പ്പ​ക്കാ​ര​നു​മാ​യി ഡേററിംഗ്‌ നടത്തു​ക​യാ​യി​രു​ന്നു. അവൾ ഡിസ്‌ക്കോ നൃത്തത്തിന്‌ പുലർച്ച​വരെ പതിവാ​യി പോയി​രു​ന്നു. അവളുടെ പിതാവ്‌ ശക്തമായി എതിർത്തെ​ങ്കി​ലും വേദ കൂട്ടാ​ക്കി​യില്ല.

“അദ്ദേഹം വളരെ കർക്കശ​നാ​ണെന്ന്‌ എനിക്ക്‌ തോന്നി” എന്ന്‌ വേദ വിവരി​ച്ചു. “ആ സമയത്ത്‌ എനിക്ക്‌ 18 വയസ്സു​ണ്ടാ​യി​രു​ന്നു. ഞാൻ വളർന്നെ​ന്നും എനി​ക്കെ​ല്ലാം അറിയാ​മെ​ന്നും ഞാൻ വിചാ​രി​ച്ചു. എന്റെ പിതാവ്‌ സങ്കുചി​ത​മ​ന​സ്‌ക​നാ​ണെ​ന്നും ഞാൻ നേര​മ്പോക്ക്‌ ആസ്വദി​ക്കാൻ അദ്ദേഹം ആഗ്രഹി​ക്കു​ന്നി​ല്ലെ​ന്നും ഞാൻ കരുതി. അതു​കൊണ്ട്‌ ഞാൻ പുറത്തി​റങ്ങി ഞാൻ ചെയ്യാ​നാ​ഗ്ര​ഹി​ച്ചത്‌ ചെയ്‌തു.”

ജിന എന്ന മറെറാ​രു യുവതി ഇപ്രകാ​ര​മെ​ഴു​തി: “എന്റെ പിതാവ്‌ വളരെ​യ​ധി​കം കുടി​ക്കു​ക​യും എന്റെ മാതാ​പി​താ​ക്കൾ വാദ​പ്ര​തി​വാ​ദം നടത്തു​ക​യും വളരെ​യ​ധി​കം ആക്രോ​ശി​ക്കു​ക​യും ചെയ്‌തി​രു​ന്ന​തി​നാൽ എനിക്ക്‌ ഉറങ്ങാൻ കഴിഞ്ഞി​രു​ന്നില്ല. ഞാൻ കട്ടിലിൽ കിടന്ന്‌ വെറുതെ കരയു​മാ​യി​രു​ന്നു. എന്റെ വികാരം എനിക്ക​വരെ അറിയി​ക്കാൻ കഴിഞ്ഞില്ല. കാരണം എന്റെ അമ്മ ഒരുപക്ഷേ എന്നെ തല്ലും. ബൈബിൾ പറയുന്നു, ‘നിന്റെ പിതാ​വി​നെ ബഹുമാ​നിക്ക,’ എന്നാൽ എനിക്കു സാദ്ധ്യമല്ല.”

വേദ​യെ​യും ജിന​യെ​യും പോലെ, ഒരുപക്ഷേ നിങ്ങൾ നിങ്ങളു​ടെ മാതാ​പി​താ​ക്കളെ ബഹുമാ​നി​ക്കുക പ്രയാ​സ​മാ​യി കണ്ടെത്തു​ന്നു​ണ്ടാ​യി​രി​ക്കാം. അത്‌, ഒരുപക്ഷേ, ന്യായ​മ​ല്ലെന്ന്‌ നിങ്ങൾക്ക്‌ തോന്നുന്ന ചില കാര്യങ്ങൾ അവർ ആവശ്യ​പ്പെ​ടു​ന്ന​തി​നാ​ലോ മോശ​മായ പെരു​മാ​റ​റ​ത്തി​ന്റെ ഒരു ദൃഷ്‌ടാ​ന്തം വെക്കു​ന്ന​തി​നാ​ലോ ആയിരി​ക്കാം. എന്നിരു​ന്നാ​ലും ബൈബിൾ വ്യക്തമാ​യി കല്‌പി​ക്കു​ന്നു: “നിന്റെ പിതാ​വി​നെ​യും നിന്റെ മാതാ​വി​നെ​യും ബഹുമാ​നിക്ക.” (എഫേസ്യർ 6:2) ഇതിൽ കേവലം എന്താണ്‌ ഉൾപ്പെ​ട്ടി​രി​ക്കു​ന്നത്‌? മാതാ​പി​താ​ക്കൾ അവരെ ബഹുമാ​നി​ക്കുക പ്രയാ​സ​മാ​ക്കി​ത്തീർക്കു​മ്പോ​ഴും അവരെ ബഹുമാ​നി​ക്കു​ന്ന​തിന്‌ നല്ല കാരണ​ങ്ങ​ളു​ണ്ടോ?

“ബഹുമാ​നം” എന്തർത്ഥ​മാ​ക്കു​ന്നു?

“ബഹുമാന”ത്തിൽ ഉചിത​മാ​യി നിയമി​ക്ക​പ്പെട്ട അധികാ​ര​ത്തി​ന്റെ അംഗീ​കാ​രം ഉൾപ്പെ​ടു​ന്നു. ഉദാഹ​ര​ണ​ത്തിന്‌, ക്രിസ്‌ത്യാ​നി​ക​ളോട്‌ ഇപ്രകാ​രം കൽപ്പി​ക്ക​പ്പെ​ട്ടി​രി​ക്കു​ന്നു, “രാജാ​വി​നോട്‌ ബഹുമാ​നം പ്രകട​മാ​ക്കുക.” (1 പത്രോസ്‌ 2:17) ഒരു ദേശീയ ഭരണാ​ധി​കാ​രി​യു​മാ​യി നിങ്ങൾ എല്ലായ്‌പ്പോ​ഴും യോജി​ക്കാ​തി​രു​ന്നേ​ക്കാ​മെ​ങ്കി​ലും, അദ്ദേഹ​ത്തി​ന്റെ സ്ഥാനത്തെ അല്ലെങ്കിൽ പദവിയെ ആദരി​ക്കേ​ണ്ട​താണ്‌. കുടും​ബ​വൃ​ത്ത​ത്തി​നു​ള്ളിൽ, ദൈവം തന്റെ പ്രതി​നി​ധി​ക​ളെന്ന നിലയിൽ മാതാ​പി​താ​ക്കൾക്ക്‌ കുറേ അധികാ​രം നൽകി​യി​ട്ടുണ്ട്‌. അതു​കൊണ്ട്‌ ദൈവ​ഭ​ക്ത​രായ കുട്ടികൾ ആ അധികാ​രത്തെ ബഹുമാ​നി​ക്കണം. എന്നാൽ കുട്ടികൾ വെറും ബാഹ്യ​മായ ബഹുമാ​ന​ത്തി​ല​ധി​കം പ്രകടി​പ്പി​ക്കേ​ണ്ട​താണ്‌.

ബൈബി​ളിൽ “ബഹുമാ​നി​ക്കുക” എന്ന്‌ പരിഭാ​ഷ​പ്പെ​ടു​ത്തി​യി​രി​ക്കുന്ന മൂല ഗ്രീക്ക്‌ ക്രിയാ​പദം അടിസ്ഥാ​ന​പ​ര​മാ​യി ആരെ​യെ​ങ്കി​ലും വളരെ മൂല്യ​മുള്ള ആളായി കണക്കാ​ക്കു​ന്ന​തി​നെ അർത്ഥമാ​ക്കു​ന്നു. അതു​പോ​ലെ മാതാ​പി​താ​ക്ക​ളെ​യും വില​യേ​റി​യ​വ​രാ​യി, ഉന്നതമൂ​ല്യ​മു​ള്ള​വ​രാ​യി, നിങ്ങൾക്ക്‌ പ്രിയ​മു​ള്ള​വ​രാ​യി വീക്ഷി​ക്കണം. ഇതിൽ അവരോട്‌ വിലമ​തി​പ്പോ​ടു​കൂ​ടിയ ഊഷ്‌മള വികാ​രങ്ങൾ ഉണ്ടായി​രി​ക്കു​ന്നത്‌ ഉൾപ്പെ​ടു​ന്നു. ‘എന്നാൽ അവർ എന്നെ വളരെ വിഷമി​പ്പി​ക്കു​മ്പോൾ എനിക്ക്‌ ആ വിധത്തിൽ എങ്ങനെ തോന്നും?’ എന്ന്‌ നിങ്ങൾ ചോദി​ക്കു​ന്നു.

നിങ്ങൾ നിങ്ങളു​ടെ മാതാ​പി​താ​ക്കളെ എന്തു​കൊണ്ട്‌ ബഹുമാ​നി​ക്കണം?

ഒരു സംഗതി, സദൃശ​വാ​ക്യം 23:22 പറയുന്നു: “നീ ജനിക്കാ​നി​ട​യാ​ക്കിയ നിന്റെ പിതാ​വി​നെ കേട്ടനു​സ​രി​ക്കുക, നിന്റെ മാതാ​വി​നെ അവഹേ​ളി​ക്ക​രുത്‌.” ലോക​വ്യാ​പ​ക​മാ​യി പ്രതി​വർഷം ഏതാണ്ട്‌ 3 കോടി 50 ലക്ഷം ഗർഭച്ഛി​ദ്രങ്ങൾ നടക്കു​ന്നുണ്ട്‌. നിങ്ങളു​ടെ മാതാ​പി​താ​ക്കൾ നിങ്ങൾ ജനിക്കാ​നി​ട​യാ​ക്കി എന്ന വെറും വസ്‌തു​ത​തന്നെ അവരെ ബഹുമാ​നി​ക്കു​ന്ന​തി​നുള്ള ഒരു കാരണ​മാണ്‌. ഒരിക്കൽ വളരെ അനാദ​രവു കാട്ടി​യി​രുന്ന ഗ്രിഗറി ഇത്‌ തിരി​ച്ച​റി​യാൻ ഇടയായി. “എന്റെ അമ്മ എനിക്കു​വേണ്ടി ചെയ്‌ത​തെ​ല്ലാം ഞാൻ മനസ്സി​ലാ​ക്കാൻ തുടങ്ങി” എന്ന്‌ അവൻ സമ്മതി​ച്ചു​പ​റ​യു​ന്നു. “അമ്മ എന്നെ ഗർഭച്ഛി​ദ്ര​ത്തിന്‌ വിധേ​യ​മാ​ക്കാ​തി​രു​ന്ന​തി​നാൽ അല്ലെങ്കിൽ ഒരു ശിശു​വെന്ന നിലയിൽ എന്നെ ഒരു ചവററു​കൊ​ട്ട​യി​ലേ​ക്കെ​റി​യാ​തി​രു​ന്ന​തി​നാൽ ഞാൻ യഹോ​വ​യാം ദൈവ​ത്തോട്‌ നന്ദി പറയുന്നു. ഞങ്ങൾക്ക്‌ അമ്മ മാത്രമേ ഉണ്ടായി​രു​ന്നു​ള്ളു. ഞങ്ങൾ ആറ്‌ കുട്ടി​ക​ളു​ണ്ടാ​യി​രു​ന്നു. അത്‌ അമ്മക്ക്‌ ദുഷ്‌ക്ക​ര​മാ​യി​രു​ന്നു​വെന്ന്‌ എനിക്ക​റി​യാം.”

എന്നാൽ കുട്ടി​കളെ വളർത്തി​ക്കൊ​ണ്ടു​വ​രു​ന്നത്‌ “ദുഷ്‌ക്കരം” മാത്രമല്ല പിന്നെ​യോ ചെല​വേ​റി​യ​തു​മാണ്‌. ഒരു കുട്ടി മാത്ര​മു​ള്ള​തും മാതാ​പി​താ​ക്കൾ ഇരുവ​രു​മു​ള്ള​തു​മായ ഒരു കുടും​ബം ഒരു കുട്ടിയെ 18 വയസ്സു​വരെ വളർത്തി​ക്കൊ​ണ്ടു​വ​രു​ന്ന​തിന്‌ കുറഞ്ഞത്‌ 9,96,000 രൂപ ചെലവു​വ​രു​മെന്ന്‌ കാനഡ​യിൽനി​ന്നുള്ള ഒരു റിപ്പോർട്ട്‌ വെളി​പ്പെ​ടു​ത്തി! നിങ്ങൾക്ക്‌ ഭക്ഷണവും വസ്‌ത്ര​വും നൽകു​ന്ന​തി​നു​വേ​ണ്ടി​യുള്ള നിങ്ങളു​ടെ മാതാ​പി​താ​ക്ക​ളു​ടെ സ്വാത്മ​ത്യാ​ഗ​ത്തെ​ക്കു​റിച്ച്‌ ചിന്തി​ക്കുക. “ഒരിക്കൽ ഞങ്ങൾക്കെ​ല്ലാ​വർക്കും ഭക്ഷിക്കു​ന്ന​തി​നു​വേണ്ടി അവശേ​ഷി​ച്ചത്‌ ഒരു പാത്രം ചോള​വും പൊടിച്ച കുറെ യവവും ആയിരു​ന്നു” എന്ന്‌ ഗ്രിഗറി വിശദീ​ക​രി​ച്ചു. “എന്റെ അമ്മ അത്‌ കുട്ടി​ക​ളായ ഞങ്ങൾക്ക്‌ നൽകി, പക്ഷേ അമ്മ കഴിച്ചില്ല. ഞാൻ നിറഞ്ഞ വയറോ​ടെ കിടക്ക​യി​ലേക്ക്‌ പോയി, എന്നാൽ അമ്മ കഴിക്കാ​തി​രു​ന്ന​തെ​ന്തു​കൊ​ണ്ടാ​ണെന്ന്‌ ഞാൻ ചിന്തി​ച്ചു​കൊ​ണ്ടി​രു​ന്നു. ഇപ്പോൾ എനിക്ക്‌ എന്റെ സ്വന്തം കുടും​ബ​മുണ്ട്‌. അമ്മ ഞങ്ങൾക്കു​വേണ്ടി ത്യാഗം സഹിക്കു​ക​യാ​യി​രു​ന്നു​വെന്ന്‌ ഞാൻ തിരി​ച്ച​റി​ഞ്ഞു. എനിക്ക്‌ എന്റെ കുട്ടി​ക്കു​വേണ്ടി ആഹാരം വിട്ടു​കൊ​ടു​ക്കാൻ കഴിയു​മോ എന്ന്‌ ഞാൻ അതിശ​യി​ക്കു​ന്നു. അമ്മ അതെങ്ങനെ ചെയ്‌തെന്ന്‌ എനിക്ക്‌ മനസ്സി​ലാ​കു​ന്നില്ല.”

നിസ്സം​ശ​യ​മാ​യും, നിങ്ങൾക്ക്‌ രോഗം വന്നപ്പോൾ നിങ്ങളു​ടെ മാതാ​പി​താ​ക്കൾ ഉറങ്ങാതെ നിങ്ങളെ ശുശ്രൂ​ഷി​ച്ചു​കൊണ്ട്‌ നിരവധി രാവുകൾ ചെലവ​ഴി​ക്കു​ക​യും ചെയ്‌തി​ട്ടുണ്ട്‌. മാററു​ന്ന​തിന്‌ നൂറു​ക​ണ​ക്കിന്‌ ഉടുതു​ണി​ക​ളും കഴുകു​ന്ന​തിന്‌ ചുമടു​ക​ണ​ക്കിന്‌ മുഷിഞ്ഞ വസ്‌ത്ര​ങ്ങ​ളു​മു​ണ്ടാ​യി​രു​ന്നു. 2,00,000-ത്തിലധി​കം അമേരി​ക്ക​ക്കാ​രോട്‌ വീണ്ടും കുട്ടി​കളെ ജനിപ്പി​ക്കാൻ കഴിയു​ന്നെ​ങ്കിൽ അവർക്ക്‌ എത്ര കുട്ടികൾ ഉണ്ടായി​രി​ക്കും എന്ന്‌ ചോദി​ക്കു​ക​യു​ണ്ടാ​യി. ‘ഇതേ സംഖ്യ​തന്നെ ഞങ്ങൾക്കു​ണ്ടാ​യി​രി​ക്കും’ എന്ന്‌ മാതാ​പി​താ​ക്ക​ളിൽ 54 ശതമാനം പ്രസ്‌താ​വി​ച്ചു! “ആരുമു​ണ്ടാ​യി​രി​ക്ക​യില്ല” എന്ന്‌ കേവലം 6 ശതമാനം പറഞ്ഞു.

അതു​കൊണ്ട്‌ നിങ്ങളു​ടെ മാതാ​പി​താ​ക്കൾ നിങ്ങൾക്ക്‌ ജീവൻ നൽകു​ക​യും നിങ്ങളെ പരിപാ​ലി​ക്കു​ക​യും ചെയ്‌തു. അവർ നിശ്ചയ​മാ​യും നിങ്ങളു​ടെ ആദരവും ബഹുമാ​ന​വും അർഹി​ക്കു​ന്നു.

പ്രശ്‌ന​ക്കാ​രായ മാതാ​പി​താ​ക്കൾ

എന്നാൽ നിങ്ങളു​ടെ മാതാ​പി​താ​ക്കൾ മോശ​മായ ഒരു ദൃഷ്ടാന്തം വെക്കു​ന്നെ​ങ്കിൽ, ഒരുപക്ഷേ ക്ഷിപ്ര​കോ​പി​ക​ളോ കുടി​യൻമാ​രോ ദുർവൃ​ത്ത​രോ ആണെങ്കിൽ എന്ത്‌? പരിണ​ത​ഫ​ല​മാ​യി നിങ്ങൾ കഷ്ടപ്പെ​ട്ടേ​ക്കാം എന്നത്‌ മനസ്സി​ലാ​ക്കാ​വു​ന്ന​തേ​യു​ള്ളു. അത്തരം മാതാ​പി​താ​ക്കളെ നിങ്ങൾക്കെ​ങ്ങനെ ബഹുമാ​നി​ക്കാൻ കഴിയും?a

അപൂർണ്ണ വ്യക്തി​ക​ളെന്ന നിലയിൽ നിങ്ങളു​ടെ മാതാ​പി​താ​ക്കൾക്ക്‌ ഗുരു​ത​ര​മായ പ്രശ്‌ന​ങ്ങ​ളോ വ്യക്തി​ത്വ​വൈ​ക​ല്യ​ങ്ങ​ളോ ഉണ്ടായി​രി​ക്കാം. (സഭാ​പ്ര​സം​ഗി 7:20) എന്നിരു​ന്നാ​ലും അവരുടെ കുറവു​കൾ ഗണ്യമാ​ക്കാ​തെ, ദൈവം അവർക്ക്‌ നിങ്ങളു​ടെ ജീവ​ന്റെ​മേൽ ഒരളവു​വരെ നിയ​ന്ത്രണം നൽകി​യി​രി​ക്ക​യാണ്‌. അവരുടെ അധികാ​രത്തെ ബഹുമാ​നി​ക്കാൻ അവൻ നിങ്ങ​ളോട്‌ ഇപ്പോ​ഴും ആവശ്യ​പ്പെ​ടു​ക​യാണ്‌. അർഹമായ ബഹുമാ​നം ഭരണകർത്താ​ക്കൾക്കു​പോ​ലും കൊടു​ക്ക​ണ​മെന്ന്‌ ദൈവം പറഞ്ഞു​വെന്ന്‌ ഓർക്കുക. (റോമർ 13:7) ഇത്‌ അവരുടെ പെരു​മാ​റ​റ​ത്തി​ന​തീ​ത​മാ​യി നോക്കു​ന്ന​തും അവരുടെ സ്ഥാനത്തി​ലോ പദവി​യി​ലോ ശ്രദ്ധ കേന്ദ്രീ​ക​രി​ക്കു​ന്ന​തും ആവശ്യ​മാ​ക്കു​ന്നു. അതു​കൊണ്ട്‌ മാതാ​പി​താ​ക്കൾ തങ്ങളുടെ അധികാ​രത്തെ ദുർവി​നി​യോ​ഗം ചെയ്യു​ന്നു​വെന്ന്‌ നിങ്ങൾക്ക്‌ തോന്നു​ന്നു​വെ​ങ്കിൽ അനാദ​ര​വു​ള്ള​വ​രാ​കാ​തെ അക്ഷുബ്ധ​രാ​യി​രി​ക്കാൻ ശ്രമി​ക്കുക. (സഭാ​പ്ര​സം​ഗി 10:4 താരത​മ്യ​പ്പെ​ടു​ത്തുക) സംഗതി ദൈവ​ത്തി​ന്റെ കരങ്ങളിൽ ഭരമേൽപ്പി​ക്കുക. എന്തു​കൊ​ണ്ടെ​ന്നാൽ “തെററു​ചെ​യ്യു​ന്ന​വന്‌ താൻ തെററാ​യി ചെയ്‌തത്‌ മടക്കി ലഭിക്കും. അവിടെ മുഖപ​ക്ഷ​മില്ല.”—കൊ​ലോ​സ്യർ 3:25.

നിങ്ങളു​ടെ പിതാവ്‌ നിങ്ങൾക്കു​വേണ്ടി കരുതു​ന്നി​ട​ത്തോ​ളം കാലം അദ്ദേഹ​ത്തിന്‌ കുടും​ബ​ത്തി​ന്റെ ഉത്തരവാ​ദി​ത്വ​മു​ണ്ടെ​ന്നുള്ള വസ്‌തുത നിങ്ങൾ അംഗീ​ക​രി​ക്കണം. സഭാ​പ്ര​സം​ഗി 8:3, 4 പറയുന്നു: “അവൻ [അധികാ​ര​മു​ള്ളവൻ] തനിക്ക്‌ ചെയ്യാൻ ഇഷ്ടമു​ള്ള​തൊ​ക്കെ​യും ചെയ്യും, എന്തു​കൊ​ണ്ടെ​ന്നാൽ രാജാ​വി​ന്റെ വാക്ക്‌ നിയ​ന്ത്ര​ണ​ശ​ക്തി​യാണ്‌.” മത്സരം നിങ്ങളെ നേട്ടമി​ല്ലാത്ത സ്ഥിതി​യി​ലാ​ക്കു​ന്നു.

എന്നാൽ നീരസം വളർത്തു​ന്ന​തൊ​ഴി​വാ​ക്കാൻ നിങ്ങൾക്കെ​ങ്ങനെ കഴിയും? നിങ്ങളു​ടെ മാതാ​പി​താ​ക്കൾ ആ വിധത്തിൽ പ്രവർത്തി​ക്കു​ന്ന​തെ​ന്തു​കൊ​ണ്ടെന്ന്‌ മനസ്സി​ലാ​ക്കാൻ ശ്രമി​ക്കുക. കൂടാതെ അവർ കൈവ​രു​ത്തുന്ന പ്രയോ​ജ​ന​ങ്ങ​ളെ​ക്കു​റിച്ച്‌ സ്വയം ഓർമ്മി​ക്കുക. ഉദാഹ​ര​ണ​ത്തിന്‌, മദ്യപാ​നി​യായ ഒരു രണ്ടാന​പ്പ​നും വികാ​ര​ശൂ​ന്യ​യായ ഒരു അമ്മയു​മു​ണ്ടാ​യി​രുന്ന ഡോഡി എഴുതി: “ഒരുപക്ഷേ എന്റെ അമ്മ ഞങ്ങളോട്‌ ഒരിക്ക​ലും സ്‌നേഹം പ്രകടി​പ്പി​ച്ചില്ല, കാരണം വഷളാ​ക്ക​പ്പെട്ട ഒരു കുട്ടി​യാ​യി​രുന്ന അമ്മയെ അതെങ്ങ​നെ​യെന്ന്‌ ഒരിക്ക​ലും പഠിപ്പി​ച്ചി​രു​ന്നില്ല. എന്റെ രണ്ടാനപ്പൻ അമിത​മാ​യി കുടി​ക്കാ​ഞ്ഞ​പ്പോൾ ഞങ്ങളുടെ പ്രവർത്ത​ന​ങ്ങ​ളിൽ ഒരു താൽപ്പ​ര്യം പ്രകടി​പ്പി​ച്ചി​രു​ന്നു. എന്നാൽ എല്ലായ്‌പ്പോ​ഴും അങ്ങനെ​യാ​യി​രു​ന്നില്ല. എന്നിരു​ന്നാ​ലും എനിക്കും എന്റെ സഹോ​ദ​രി​ക്കും ഭക്ഷണവും താമസ​സൗ​ക​ര്യ​വും എല്ലായ്‌പ്പോ​ഴും ഉണ്ടായി​രു​ന്നു.” അതു​കൊണ്ട്‌ ഡോഡി തന്റെ മാതാ​പി​താ​ക്കളെ ബഹുമാ​നി​ക്കാൻ അവളാ​ലാ​വു​ന്നത്‌ ചെയ്‌തു എന്ന ബോധ​ത്താൽ അവളുടെ മന:സാക്ഷി ശുദ്ധമാണ്‌.

ആരെ​യെ​ങ്കി​ലും ആദരി​ക്കു​ന്നത്‌ ആ വ്യക്തി​യു​മാ​യി നിങ്ങൾ യോജി​ക്കു​ന്ന​തി​നെ അവശ്യം അർത്ഥമാ​ക്കു​ന്നില്ല. സഭാ​പ്ര​സം​ഗി 8:2 “ദൈവ​സ​ന്നി​ധി​യിൽ ചെയ്‌ത സത്യം ഓർത്തിട്ട്‌ രാജാ​വി​ന്റെ [അല്ലെങ്കിൽ മാതാ​പി​താ​ക്ക​ളു​ടെ] കൽപ്പന അനുസ​രി​ക്കുക” എന്ന്‌ ബുദ്ധി​യു​പ​ദേ​ശി​ക്കു​ന്നു. ഈ കൽപ്പന ദൈവ​നി​യ​മ​ങ്ങളെ ലംഘി​ക്കാ​ത്തി​ട​ത്തോ​ളം​കാ​ലം അതിനെ മാനി​ച്ചു​കൊണ്ട്‌ ദൈവ​ത്തോ​ടുള്ള സ്‌നേഹം പ്രകടി​പ്പി​ക്കുക. “സകലത്തി​ലും നിങ്ങളു​ടെ മാതാ​പി​താ​ക്കളെ അനുസ​രി​ക്കുക, എന്തു​കൊ​ണ്ടെ​ന്നാൽ ഇത്‌ കർത്താ​വിൽ സുപ്ര​സാ​ദ​ക​ര​മാ​കു​ന്നു.”—കൊ​ലോ​സ്യർ 3:20.

കൂടാതെ, മാതാ​പി​താ​ക്ക​ളു​ടെ ദൃഷ്ടാന്തം മോശ​മാ​ണെ​ങ്കി​ലും അവർ നിങ്ങ​ളോ​ടു പറയു​ന്ന​തെ​ല്ലാം തെററാ​ണെന്ന്‌ നിഗമനം ചെയ്യരുത്‌. യേശു​ക്രി​സ്‌തു​വി​ന്റെ നാളു​ക​ളിൽ, ദൈവ​വ​ചനം പഠിപ്പി​ക്കാൻ അധികാ​ര​മു​ണ്ടാ​യി​രുന്ന മതനേ​താ​ക്കൻമാർ വളരെ ദുഷി​ച്ച​വ​രാ​യി​ത്തീർന്നു. എന്നിട്ടും യേശു ജനത്തോ​ടി​ങ്ങനെ പറഞ്ഞു: “അവർ നിങ്ങ​ളോ​ടു പറയു​ന്ന​തെ​ല്ലാം ചെയ്യു​ക​യും അനുഷ്‌ഠി​ക്കു​ക​യും ചെയ്യുക, എന്നാൽ അവരുടെ പ്രവൃ​ത്തി​കൾക്ക​നു​സൃ​ത​മാ​യി ചെയ്യരുത്‌.” (മത്തായി 23:1–3; 25, 26) ദൈവ​വ​ച​ന​ത്തിൽനിന്ന്‌ നൽക​പ്പെ​ടുന്ന ബുദ്ധ്യു​പ​ദേശം മാനി​ക്കു​ന്ന​തി​നാൽ ജനം ദൈവ​ത്താൽ അനു​ഗ്ര​ഹി​ക്ക​പ്പെ​ടും. നിങ്ങളു​ടെ മാതാ​പി​താ​ക്ക​ളിൽനി​ന്നുള്ള ദൈവിക ബുദ്ധ്യു​പ​ദേശം മാനി​ക്കു​ന്ന​തി​നാൽ നിങ്ങളു​ടെ സംഗതി​യി​ലും വാസ്‌തവം ഇതുത​ന്നെ​യാ​യി​രി​ക്കാൻ കഴിയും.

‘എന്റെ പിതാവ്‌ പറഞ്ഞത്‌ ശരിയാ​യി​രു​ന്നു’

അന്തിമ​മാ​യി, വേദ അവളുടെ മാതാ​പി​താ​ക്ക​ളോ​ടുള്ള തന്റെ മനോ​ഭാ​വം മാററി. എന്നാൽ അവൾ പാഠം പഠിച്ചു. കഞ്ചാവും ബിയറു​മ​ടിച്ച്‌ പൂസാ​യി​രുന്ന തന്റെ സ്‌നേ​ഹി​ത​നോ​ടൊത്ത്‌ വിഹരി​ക്കവെ, കാർ നിയ​ന്ത്രണം വിട്ടു​പോ​യി. അത്‌ മണിക്കൂ​റിൽ 60 മൈൽ സ്‌പീ​ഡിൽ പോയി ഒരു വൈദ്യു​ത​പോ​സ്‌റ​റി​നി​ട്ടി​ടി​ച്ചു. കാർ തകർന്നു. വേദയ്‌ക്ക്‌ നെററി​യിൽ ആഴമായി മുറി​വേ​ററു. അവൻ അവളെ സഹായി​ക്കാൻ ആശുപ​ത്രി​യിൽ ഒരിക്ക​ലും ചെല്ലാതെ സ്ഥലംവി​ട്ടു.

“എന്റെ മാതാ​പി​താ​ക്കൾ ആശുപ​ത്രി​യിൽ എത്തിയ​പ്പോൾ എന്റെ പിതാവ്‌ പറഞ്ഞ​തെ​ല്ലാം ശരിയാ​യി​രു​ന്നു​വെ​ന്നും ഞാൻ വളരെ മുമ്പു​തന്നെ ശ്രദ്ധി​ക്കേ​ണ്ടി​യി​രു​ന്നു​വെ​ന്നും ഞാൻ അവരോട്‌ പറഞ്ഞു” എന്ന്‌ വേദ സമ്മതി​ച്ചു​പ​റഞ്ഞു. ആ ഘട്ടം മുതൽ വേദ അവളുടെ മാതാ​പി​താ​ക്കളെ ബഹുമാ​നി​ക്കാൻ തീരു​മാ​നി​ച്ചു. “അത്‌ എളുപ്പ​മാ​യി​രു​ന്നില്ല,” അവൾ സമ്മതിച്ചു. “എന്തു​കൊ​ണ്ടെ​ന്നാൽ ഞാൻ അപ്പോ​ഴും ഡിസ്‌ക്കോ നൃത്തങ്ങൾക്ക്‌ പോകാൻ ആഗ്രഹി​ച്ചു. വീട്ടിൽ കഴിയു​ന്നത്‌ വളരെ വിരസ​മാ​യി​രി​ക്കു​മാ​യി​രു​ന്നു. എന്നാൽ ഞാൻ ദൈവത്തെ പ്രസാ​ദി​പ്പി​ക്കാൻ ആഗ്രഹി​ച്ചു. ഞാൻ വലി​യോ​രു തെററ്‌ ചെയ്‌തി​രു​ന്നു. അത്‌ എന്റെ ജീവനെ മിക്കവാ​റും നഷ്ടപ്പെ​ടു​ത്തി. അതു​കൊണ്ട്‌ ഞാൻ എന്റെ മനോ​ഭാ​വം മാററാൻ എന്നെ സഹായി​ക്കു​ന്ന​തി​നു​വേണ്ടി യഹോ​വ​യോട്‌ പ്രാർത്ഥി​ച്ചു.”

വേദ മർമ്മ​പ്ര​ധാ​ന​മായ ഒരു പാഠം പഠിച്ചു—ഉചിത​മായ അധികാ​രത്തെ ആദരി​ക്കുക. ഇത്‌ പഠിക്കു​ന്ന​തി​ലെ പരാജയം സ്‌കൂ​ളിൽ വിജയി​ക്കു​ന്ന​തിൽനി​ന്നും ഒരു തൊഴിൽ കണ്ടുപി​ടി​ക്കു​ന്ന​തിൽനി​ന്നും അല്ലെങ്കിൽ ഒരു സന്തുഷ്ട ദാമ്പത്യ​ജീ​വി​ത​മു​ണ്ടാ​യി​രി​ക്കു​ന്ന​തിൽനി​ന്നും അനേകരെ തടഞ്ഞി​ട്ടുണ്ട്‌. “എളുപ്പ​മ​ല്ലാ​ത്ത​പ്പോൾപ്പോ​ലും എന്റെ പിതാ​വി​നെ ആദരി​ക്കാൻ പഠിക്കു​ന്നത്‌ കൃത്യ​മാ​യും എന്റെ ഭർത്താ​വിന്‌ കീഴ്‌പ്പെ​ടാൻ എന്നെ സഹായി​ച്ചു” എന്ന്‌ ഇപ്പോൾ സന്തുഷ്ട കുടും​ബ​ജീ​വി​തം നയിക്കുന്ന വേദ വെളി​പ്പെ​ടു​ത്തി. അതെ, മററു​ള്ള​വ​രു​മാ​യുള്ള ഉല്ലാസ​ക​ര​മായ ബന്ധങ്ങളും ദൈവ​ത്തോ​ടുള്ള ഒരു നല്ല മനഃസാ​ക്ഷി​യും നിങ്ങളു​ടെ മാതാ​പി​താ​ക്കളെ ബഹുമാ​നി​ക്കാൻ പഠിക്കു​ന്ന​തി​ന്റെ പ്രതി​ഫ​ല​ങ്ങ​ളാണ്‌. (g88 4/8)

[അടിക്കു​റി​പ്പു​കൾ]

[23-ാം പേജിലെ ചിത്രം]

നിങ്ങളുടെ മാതാ​പി​താ​ക്കൾ നിങ്ങൾക്കു​വേണ്ടി വർഷങ്ങ​ളിൽ ചെയ്‌തി​രി​ക്കു​ന്ന​തി​നെ​ക്കു​റി​ച്ചുള്ള വിചി​ന്തനം അവരെ ബഹുമാ​നി​ക്കാൻ നിങ്ങളെ പ്രേരി​പ്പി​ക്കേ​ണ്ട​താണ്‌