“സമാധാ​ന​ത്തി​ന്റെ ദൈവം” ക്ലേശി​തർക്കാ​യി കരുതു​ന്നു

പുരാതന കാലത്തെ ദാവീ​ദി​നു വളരെ​യ​ധി​കം ക്ലേശം നേരി​ട്ടു​വെന്നു ബൈബിൾ വ്യക്തമാ​ക്കു​ന്നു. അവനു വർഷങ്ങ​ളോ​ളം അഭയാർഥി​യാ​യി ജീവി​ക്കേ​ണ്ടി​വന്നു. ഏതുവി​ധേ​ന​യും കൊല്ലാൻ കച്ചകെ​ട്ടി​യി​റ​ങ്ങിയ ദുഷ്ടനും ദുർവാ​ശി​ക്കാ​ര​നു​മായ ഒരു രാജാവ്‌ അവനെ നിർദാ​ക്ഷി​ണ്യം വേട്ടയാ​ടു​ന്നു​ണ്ടാ​യി​രു​ന്നു. ഈ കഷ്ടകാ​ലത്ത്‌, ദാവീദ്‌ ഒറ്റപ്പെട്ട സ്ഥലങ്ങളിൽ ഒളിച്ചു​പാർത്തു. എന്നാൽ അവൻ മറ്റൊ​ന്നു​കൂ​ടി ചെയ്‌തു. തന്റെ പ്രതി​കൂ​ലാ​വ​സ്ഥ​യെ​ക്കു​റിച്ച്‌ അവൻ യഹോ​വ​യോട്‌ ഉള്ളുരു​കി പ്രാർഥി​ച്ചു. തന്റെ കഠിന പരീക്ഷ​യെ​ക്കു​റിച്ച്‌ പിൽക്കാ​ലത്ത്‌ അവൻ എഴുതി: ‘ഞാൻ യഹോ​വ​യോ​ടു ഉറക്കെ നിലവി​ളി​ച്ചു; അവന്റെ സന്നിധി​യിൽ ഞാൻ എന്റെ സങ്കടം പകർന്നു; എന്റെ കഷ്ടത ഞാൻ അവനെ ബോധി​പ്പി​ച്ചു.’—സങ്കീർത്തനം 142:1, 2.

ദൈവ​ത്തി​ലു​ള്ള ദാവീ​ദി​ന്റെ ആശ്രയത്തെ ചിലർ ഇന്നു പരിഹ​സി​ച്ചേ​ക്കാം. പ്രാർഥന മനഃശാ​സ്‌ത്ര​പ​ര​മായ ഒരു ഊന്നു​വ​ടി​യാ​ണെ​ന്നും പ്രാ​യോ​ഗിക തലത്തിൽ അതു സമയം​ക​ള​യ​ലാ​ണെ​ന്നും അവർ പറഞ്ഞേ​ക്കാം. എന്നാൽ, ദൈവ​ത്തി​ലുള്ള ദാവീ​ദി​ന്റെ ഉറപ്പ്‌ അസ്ഥാന​ത്ത​ല്ലാ​യി​രു​ന്നു, കാരണം അവന്റെ ശത്രുക്കൾ അവസാനം തറപറ്റു​ക​തന്നെ ചെയ്‌തു. തന്റെ അനുഭ​വ​ത്തി​ലേക്കു പിന്തി​രി​ഞ്ഞു​നോ​ക്കി​ക്കൊണ്ട്‌, ദാവീദ്‌ എഴുതി: “ഈ എളിയവൻ നിലവി​ളി​ച്ചു; യഹോവ കേട്ടു; അവന്റെ സകലക​ഷ്ട​ങ്ങ​ളിൽനി​ന്നും അവനെ രക്ഷിച്ചു.” (സങ്കീർത്തനം 34:6) ദാവീദ്‌ ആശ്രയിച്ച സത്യ​ദൈ​വത്തെ മറ്റു സ്ഥലങ്ങളിൽ “സമാധാ​ന​ത്തി​ന്റെ ദൈവം” എന്നു വിളി​ച്ചി​രി​ക്കു​ന്നു. (ഫിലി​പ്പി​യർ 4:9; എബ്രായർ 13:20) അവൻ നമുക്കു സമാധാ​നം നൽകി ക്ലേശങ്ങ​ളിൽനി​ന്നു വിടുതൽ സാധ്യ​മാ​ക്കു​മോ?

യഹോവ നിങ്ങൾക്കാ​യി കരുതു​ന്നു

തന്റെ ജനത്തിന്റെ കഷ്ടങ്ങളിൽ താത്‌പ​ര്യ​മി​ല്ലാ​ത്ത​വനല്ല യഹോവ. (സങ്കീർത്തനം 34:15) ഒരു കൂട്ടമെന്ന നിലയിൽ തന്റെ ദാസന്മാ​രു​ടെ മാത്രമല്ല, തന്നെ ഭയപ്പെ​ടുന്ന ഓരോ വ്യക്തി​യു​ടെ​യും ആവശ്യ​ങ്ങ​ളിൽ അവൻ ശ്രദ്ധി​ക്കു​ന്നുണ്ട്‌. പുരാതന യെരൂ​ശ​ലേ​മി​ലെ ആലയത്തി​ന്റെ സമർപ്പ​ണ​നേ​രത്ത്‌, ‘നിന്റെ ജനമായ യിസ്രാ​യേൽ മുഴു​വ​നു​മോ മറ്റാ​രെ​ങ്കി​ലു​മോ ഓരോ​രു​ത്തൻ താന്താന്റെ വ്യാധി​യും ദുഃഖ​വും അറിഞ്ഞു വല്ല പ്രാർത്ഥ​ന​യും യാചന​യും കഴിച്ചാൽ’ കേൾക്ക​ണ​മേ​യെന്ന്‌ ശലോ​മോൻ യഹോ​വ​യോ​ടു യാചിച്ചു. (2 ദിനവൃ​ത്താ​ന്തം 6:29) ശലോ​മോൻ പറയു​ന്ന​തു​പോ​ലെ, ഓരോ വ്യക്തി​ക്കും അവനവ​ന്റേ​തായ വ്യക്തിഗത ക്ലേശങ്ങൾ ഉണ്ടായി​രി​ക്കും. ഒരാൾക്ക്‌ ശാരീ​രിക അസുഖ​മാ​ണെ​ങ്കിൽ മറ്റൊ​രാൾക്കു വൈകാ​രിക ക്ലേശമാ​യി​രി​ക്കാം. പ്രിയ​പ്പെട്ട ആരെങ്കി​ലും മരിച്ച​തു​നി​മി​ത്ത​മുള്ള ക്ലേശമാ​കാം ചിലരു​ടേത്‌. തൊഴി​ലി​ല്ലായ്‌മ, സാമ്പത്തിക ഞെരുക്കം, കുടും​ബ​പ്ര​ശ്‌നങ്ങൾ എന്നിവ​യും ഈ പ്രയാ​സ​ക​ര​മായ കാലത്തെ സ്ഥിരം വിഷമ​ത​ക​ളാണ്‌.

‘നിങ്ങളു​ടെ​തന്നെ വ്യാധി​യെ​യും ദുഃഖ’ത്തെയും കുറിച്ച്‌ ഒരു നിമിഷം ചിന്തി​ക്കുക. സങ്കീർത്ത​ന​ക്കാ​ര​നായ ദാവീ​ദി​നു തോന്നി​യ​തു​പോ​ലെ നിങ്ങൾക്കും ചില​പ്പോ​ഴൊ​ക്കെ അനുഭ​വ​പ്പെ​ട്ടി​ട്ടു​ണ്ടാ​കാം. അവൻ എഴുതി: “വല്ലവന്നും സഹതാപം തോന്നു​മോ എന്നു ഞാൻ നോക്കി​ക്കൊ​ണ്ടി​രു​ന്നു; ആർക്കും തോന്നി​യില്ല; ആശ്വസി​പ്പി​ക്കു​ന്ന​വ​രു​ണ്ടോ എന്നും നോക്കി​ക്കൊ​ണ്ടി​രു​ന്നു; ആരെയും കണ്ടില്ല​താ​നും.” എന്നിരു​ന്നാ​ലും, നിങ്ങളു​ടെ സ്ഥിതി​വി​ശേഷം സംബന്ധി​ച്ചു ദൈവം കരുതു​ന്നു​വെന്നു നിങ്ങൾക്ക്‌ ഉറപ്പു​ണ്ടാ​യി​രി​ക്കാ​വു​ന്ന​താണ്‌. കാരണം തുടർന്ന്‌ അതേ സങ്കീർത്ത​ന​ത്തിൽ ദാവീദ്‌ എഴുതി: “യഹോവ ദരി​ദ്ര​ന്മാ​രു​ടെ പ്രാർത്ഥന കേൾക്കു​ന്നു; തന്റെ ബദ്ധന്മാരെ നിന്ദി​ക്കു​ന്ന​തു​മില്ല.”—സങ്കീർത്തനം 69:20, 33.

ദാവീ​ദി​ന്റെ വാക്കുകൾ വ്യാപ​ക​മായ അർഥത്തി​ലെ​ടു​ത്താൽ, ആലങ്കാ​രി​ക​മാ​യി പറയു​ക​യാ​ണെ​ങ്കിൽ ക്ലേശങ്ങ​ളു​ടെ തടവറ​യിൽ കഴിയു​ന്ന​വ​രു​ടെ പ്രാർഥ​നകൾ മനുഷ്യ​വർഗ​ത്തി​ന്റെ സ്രഷ്ടാവ്‌ ശ്രദ്ധി​ക്കു​മെന്നു നമുക്ക്‌ ഉറപ്പു​ണ്ടാ​യി​രി​ക്കാ​വു​ന്ന​താണ്‌. അതിലു​പരി, അവൻ അവരുടെ ശോച്യാ​വ​സ്ഥ​യോ​ടു പ്രതി​ക​രി​ക്കു​ന്നു. ക്ലേശി​ത​രോ​ടുള്ള യഹോ​വ​യു​ടെ അനുകമ്പ വെളി​പ്പെ​ടു​ത്തുന്ന ചില പ്രസ്‌താ​വ​നകൾ പരിചി​ന്തി​ക്കുക.

“വിധവ​യെ​യും അനാഥ​നെ​യും നിങ്ങൾ ക്ലേശി​പ്പി​ക്ക​രു​തു. അവരെ വല്ലപ്ര​കാ​ര​ത്തി​ലും ക്ലേശി​പ്പി​ക്ക​യും അവർ എന്നോടു നിലവി​ളി​ക്ക​യും ചെയ്‌താൽ ഞാൻ അവരുടെ നിലവി​ളി കേൾക്കും; എന്റെ കോപ​വും ജ്വലി​ക്കും.”—പുറപ്പാ​ടു 22:22-24.

“ദൈവ​മോ രാപ്പകൽ തന്നോടു നിലവി​ളി​ക്കുന്ന തന്റെ വൃതന്മാ​രു​ടെ കാര്യ​ത്തിൽ ദീർഘ ക്ഷമയു​ള്ളവൻ ആയാലും അവരെ പ്രതി​ക്രിയ നടത്തി രക്ഷിക്ക​യി​ല്ല​യോ?”—ലൂക്കൊസ്‌ 18:7.

“അവൻ നിലവി​ളി​ക്കുന്ന ദരി​ദ്ര​നെ​യും സഹായ​മി​ല്ലാത്ത എളിയ​വ​നെ​യും വിടു​വി​ക്കു​മ​ല്ലോ. എളിയ​വ​നെ​യും ദരി​ദ്ര​നെ​യും അവൻ ആദരി​ക്കും; ദരി​ദ്ര​ന്മാ​രു​ടെ ജീവനെ അവൻ രക്ഷിക്കും. അവരുടെ പ്രാണനെ അവൻ പീഡയിൽനി​ന്നും സാഹസ​ത്തിൽനി​ന്നും വീണ്ടെ​ടു​ക്കും; അവരുടെ രക്തം അവന്നു വില​യേ​റി​യ​താ​യി​രി​ക്കും.”—സങ്കീർത്തനം 72:12-14.

“നിങ്ങളെ [ഭൂമി​യി​ലെ ദൈവ​ജ​നത്തെ] തൊടു​ന്നവൻ എന്റെ കൃഷ്‌ണ​മ​ണി​യെ​യാ​ണു തൊടു​ന്നത്‌.”—സെഖര്യാ​വു 2:8, NW.

തന്റെ ജനത്തിന്റെ ക്ഷേമത്തിൽ നമ്മുടെ സ്രഷ്ടാ​വി​നുള്ള ആഴമായ താത്‌പ​ര്യം പ്രകട​മാ​ക്കുന്ന ഏതാനും ദൃഷ്ടാ​ന്ത​ങ്ങ​ളാണ്‌ ഇവ. അതു​കൊണ്ട്‌ പത്രൊസ്‌ അപ്പോ​സ്‌ത​ലന്റെ ഈ അനുശാ​സനം പിൻപ​റ്റാൻ നമുക്കു മതിയായ കാരണ​മുണ്ട്‌: “അവൻ നിങ്ങൾക്കാ​യി കരുതു​ന്ന​താ​ക​യാൽ നിങ്ങളു​ടെ സകല ചിന്താ​കു​ല​വും അവന്റെ​മേൽ ഇട്ടു​കൊൾവിൻ.” (1 പത്രൊസ്‌ 5:7) എന്നാൽ ക്ലേശസ​മ​യ​ങ്ങ​ളിൽ ദൈവം നമ്മെ എങ്ങനെ സഹായി​ക്കും?

ദൈവം ക്ലേശി​തരെ സഹായി​ക്കുന്ന വിധം

നാം കണ്ടുക​ഴി​ഞ്ഞ​തു​പോ​ലെ, ദാവീ​ദി​നു ക്ലേശം നേരി​ട്ട​പ്പോൾ, മാർഗ​നിർദേ​ശ​ത്തി​നാ​യി അവൻ ദൈവ​ത്തോട്‌ ആത്മാർഥ​മാ​യി പ്രാർഥി​ച്ചു. അതേസ​മയം, തന്നെ വേട്ടയാ​ടു​ന്ന​വ​രിൽനി​ന്നു രക്ഷപ്പെ​ടാൻ സൂക്ഷ്‌മ​ബു​ദ്ധി ഉപയോ​ഗി​ച്ചു​കൊണ്ട്‌ അവൻ സ്ഥിതി​വി​ശേ​ഷ​ത്തിന്‌ അയവു വരുത്താൻ മുൻകൈ എടുത്തു. അങ്ങനെ, യഹോ​വ​യി​ലുള്ള ആശ്രയ​വും വ്യക്തി​പ​ര​മായ ശ്രമവും ദാവീ​ദി​നെ പ്രതി​കൂ​ലാ​വ​സ്ഥ​യിൽ സഹിച്ചു​നിൽക്കു​ന്ന​തി​നു പ്രാപ്‌ത​നാ​ക്കി. ഇതിൽനി​ന്നു നമുക്ക്‌ എന്തു പഠിക്കാം?

നമുക്കു ക്ലേശം നേരി​ടു​മ്പോൾ, പ്രശ്‌നം പരിഹ​രി​ക്കു​ന്ന​തി​നു നാം ന്യായ​യു​ക്ത​മായ മുൻകൈ എടുക്കു​ന്നതു തീർച്ച​യാ​യും തെറ്റല്ല. ഉദാഹ​ര​ണ​ത്തിന്‌, ഒരു ക്രിസ്‌ത്യാ​നി തൊഴിൽര​ഹി​ത​നാ​ണെ​ങ്കിൽ, ഒരു തൊഴിൽ കണ്ടെത്തു​ന്ന​തി​നാ​യി അയാൾ ശ്രമം നടത്തു​ക​യി​ല്ലേ? അല്ലെങ്കിൽ ശാരീ​രിക രോഗ​ത്താൽ കഷ്ടപ്പെ​ടു​ന്നെ​ങ്കിൽ, അയാൾ വൈദ്യ​ചി​കിത്സ തേടു​ക​യി​ല്ലേ? തീർച്ച​യാ​യും, എല്ലാത്തരം രോഗ​ങ്ങ​ളും സുഖ​പ്പെ​ടു​ത്താൻ ശക്തിയു​ണ്ടാ​യി​രുന്ന യേശു​പോ​ലും ‘ദീനക്കാർക്ക്‌ വൈദ്യ​നെ ആവശ്യ​മാണ്‌’ എന്നു പറയു​ക​യു​ണ്ടാ​യി. (മത്തായി 9:12; 1 തിമൊ​ഥെ​യൊസ്‌ 5:23 താരത​മ്യം ചെയ്യുക.) ചില ഗതി​കേ​ടു​കൾ മാറ്റാ​നാ​വി​ല്ലെ​ന്നതു ശരിതന്നെ; അക്കാര്യ​ത്തിൽ സഹിച്ചു​നിൽക്കു​ക​യ​ല്ലാ​തെ നിർവാ​ഹ​മില്ല. എന്നിരു​ന്നാ​ലും, ചില​രെ​പ്പോ​ലെ, ഒരു സത്യ​ക്രി​സ്‌ത്യാ​നി കഷ്ടപ്പാ​ടി​നെ അതിൽത്തന്നെ ഒരു നന്മയായി വീക്ഷി​ക്കു​ന്നില്ല. (1 രാജാ​ക്ക​ന്മാർ 18:28 താരത​മ്യം ചെയ്യുക.) മറിച്ച്‌, തന്റെ ക്ലേശാ​വ​സ്ഥയെ നേരി​ടാ​നാ​വ​ശ്യ​മായ നടപടി​കൾ അവൻ സ്വീക​രി​ക്കു​ന്നു.

അതേസ​മ​യം, സംഗതി യഹോ​വ​യോ​ടുള്ള പ്രാർഥ​ന​യിൽ ഉൾപ്പെ​ടു​ത്തു​ന്നത്‌ ന്യായ​യു​ക്ത​മാണ്‌. എന്തു​കൊണ്ട്‌? ഒന്നാമത്‌, സഹായ​ത്തി​നാ​യി നാം നമ്മുടെ സ്രഷ്ടാ​വി​ലേക്കു തിരി​യു​ന്നെ​ങ്കിൽ “കൂടുതൽ പ്രാധാ​ന്യ​മുള്ള സംഗതി​കൾ ഉറപ്പാ”ക്കാൻ നാം സഹായി​ക്ക​പ്പെ​ടും. (ഫിലി​പ്പി​യർ 1:10, NW) ഉദാഹ​ര​ണ​ത്തിന്‌, ജോലി തേടു​ന്ന​യ​വ​സ​ര​ത്തിൽ, ദൈവ​ത്തിൽ പ്രാർഥ​നാ​പൂർവം ആശ്രയി​ക്കു​ന്നത്‌ ബൈബിൾ തത്ത്വങ്ങ​ളു​മാ​യി യോജി​ക്കാത്ത ജോലി വേണ്ടെ​ന്നു​വെ​ക്കാൻ നമ്മെ സഹായി​ക്കും. പണസ്‌നേ​ഹം​മൂ​ലം “വിശ്വാ​സ​ത്തിൽനി​ന്നു വ്യതി​ച​ലിക്ക”പ്പെടു​ന്ന​തും നാം ഒഴിവാ​ക്കും. (1 തിമൊ​ഥെ​യൊസ്‌ 6:10, NW) തൊഴി​ലോ ജീവി​ത​ത്തി​ലെ മറ്റേ​തെ​ങ്കി​ലും കാര്യ​മോ സംബന്ധിച്ച പ്രധാ​ന​പ്പെട്ട തീരു​മാ​നങ്ങൾ എടുക്കു​മ്പോൾ, നാം ദാവീ​ദി​ന്റെ അനുശാ​സനം പിൻപ​റ്റേ​ണ്ട​തുണ്ട്‌: “നിന്റെ ഭാരം യഹോ​വ​യു​ടെ​മേൽ വെച്ചു​കൊൾക; അവൻ നിന്നെ പുലർത്തും; നീതി​മാൻ കുലു​ങ്ങി​പ്പോ​കു​വാൻ അവൻ ഒരുനാ​ളും സമ്മതി​ക്ക​യില്ല.”—സങ്കീർത്തനം 55:22.

ക്ലേശങ്ങ​ളിൽ മുങ്ങി​പ്പോ​കാ​തെ നമ്മുടെ മാനസിക സമനില കാത്തു​സൂ​ക്ഷി​ക്കു​ന്ന​തി​നും പ്രാർഥന നമ്മെ സഹായി​ക്കു​ന്നു. പൗലൊസ്‌ അപ്പോ​സ്‌തലൻ എഴുതി: “എല്ലാറ​റി​ലും പ്രാർത്ഥ​ന​യാ​ലും അപേക്ഷ​യാ​ലും നിങ്ങളു​ടെ ആവശ്യങ്ങൾ സ്‌തോ​ത്ര​ത്തോ​ടു​കൂ​ടെ ദൈവ​ത്തോ​ടു അറിയി​ക്ക​യ​ത്രേ വേണ്ടതു.” അതിന്റെ ഫലമെ​ന്താ​യി​രി​ക്കും? “സകലബു​ദ്ധി​യേ​യും [“സകല വിചാ​ര​ങ്ങ​ളെ​യും,” NW] കവിയുന്ന ദൈവ​സ​മാ​ധാ​നം നിങ്ങളു​ടെ ഹൃദയ​ങ്ങ​ളെ​യും നിനവു​ക​ളെ​യും ക്രിസ്‌തു​യേ​ശു​വി​ങ്കൽ കാക്കും.” (ഫിലി​പ്പി​യർ 4:6, 7) അതേ, സമാധാ​നം, ദൈവ​സ​മാ​ധാ​നം. ആ സമാധാ​നം ‘സകല വിചാ​ര​ങ്ങ​ളെ​യും കവിയുന്ന’താണ്‌, അതു​കൊ​ണ്ടു​തന്നെ അരിഷ്ട​ത​യിൽ വ്യാകു​ല​പ്പെ​ടു​മ്പോൾ അതിനു നമ്മെ ഉറപ്പി​ച്ചു​നിർത്താ​നാ​കും. അതു ‘നമ്മുടെ ഹൃദയ​ങ്ങ​ളെ​യും നിനവു​ക​ളെ​യും കാക്കും.’ അങ്ങനെ നമ്മുടെ ക്ലേശങ്ങൾ പിന്നെ​യും വർധി​പ്പി​ക്കാ​നാ​കുന്ന, വിവേ​ക​ശൂ​ന്യ​മായ എടുത്തു​ചാട്ട പ്രതി​ക​രണം ഒഴിവാ​ക്കാൻ നമ്മെ സഹായി​ക്കും.—സഭാ​പ്ര​സം​ഗി 7:7.

പ്രാർഥ​ന​യ്‌ക്ക്‌ ഇതിലു​മ​ധി​കം ചെയ്യാ​നാ​കും. ഒരു സ്ഥിതി​വി​ശേഷം എങ്ങനെ വികാസം പ്രാപി​ക്കു​ന്നു​വെ​ന്ന​തി​ന്മേൽ അതിനു സ്വാധീ​നം ചെലു​ത്താ​നാ​കും. ഒരു ബൈബിൾ ദൃഷ്ടാന്തം പരിചി​ന്തി​ക്കുക. പൗലൊസ്‌ അപ്പോ​സ്‌തലൻ റോമിൽ തടങ്കലി​ലാ​യി​രു​ന്ന​പ്പോൾ, തനിക്കു​വേണ്ടി പ്രാർഥി​ക്കാൻ അവൻ സഹക്രി​സ്‌ത്യാ​നി​കളെ പ്രോ​ത്സാ​ഹി​പ്പി​ച്ചു. എന്തു​കൊണ്ട്‌? “എന്നെ നിങ്ങൾക്കു വേഗത്തിൽ വീണ്ടും കിട്ടേ​ണ്ട​തി​ന്നു നിങ്ങൾ പ്രാർത്ഥി​ക്കേണം എന്നു ഞാൻ വിശേ​ഷാൽ അപേക്ഷി​ക്കു​ന്നു” എന്ന്‌ അവൻ അവർക്ക്‌ എഴുതി. (എബ്രായർ 13:19) സഹവി​ശ്വാ​സി​ക​ളു​ടെ സ്ഥിരോ​ത്സാ​ഹ​ത്തോ​ടെ​യുള്ള പ്രാർഥ​ന​യ്‌ക്കു താൻ എപ്പോൾ വിമോ​ചി​ത​നാ​കു​മെ​ന്ന​തി​നെ സ്വാധീ​നി​ക്കാ​നാ​കു​മെന്ന്‌ പൗലൊ​സിന്‌ അറിയാ​മാ​യി​രു​ന്നു.—ഫിലേ​മോൻ 22.

പ്രാർഥന നിങ്ങളു​ടെ ക്ലേശത്തി​ന്റെ അനന്തര​ഫ​ല​ത്തി​നു മാറ്റം​വ​രു​ത്തു​മോ? മാറ്റം​വ​രു​ത്തി​യേ​ക്കാം. യഹോവ നമ്മുടെ പ്രാർഥ​ന​കൾക്ക്‌ ഉത്തരം നൽകു​ന്നത്‌ എല്ലായ്‌പോ​ഴും നാം പ്രതീ​ക്ഷി​ക്കുന്ന വിധത്തി​ലാ​യി​രി​ക്ക​ണ​മെ​ന്നില്ല എന്നു നാം തിരി​ച്ച​റി​യണം. ഉദാഹ​ര​ണ​ത്തിന്‌, ‘ജഡത്തിലെ ശൂല’ത്തെക്കു​റിച്ച്‌—ഒരുപക്ഷേ കാഴ്‌ച​ശ​ക്തി​യു​മാ​യി ബന്ധപ്പെട്ട ഒരു ശാരീ​രിക പ്രശ്‌ന​ത്തെ​ക്കു​റിച്ച്‌—പൗലൊസ്‌ ആവർത്തി​ച്ചു പ്രാർഥി​ച്ചു. പ്രസ്‌തുത ക്ലേശം മാറ്റി​ക്കൊ​ടു​ക്കു​ന്ന​തി​നു​പ​കരം, ദൈവം പൗലൊ​സി​നോ​ടു പറഞ്ഞു: “എന്റെ കൃപ നിനക്കു മതി; എന്റെ ശക്തി ബലഹീ​ന​ത​യിൽ തികഞ്ഞു​വ​രു​ന്നു.”—2 കൊരി​ന്ത്യർ 12:7-9.

അതു​കൊണ്ട്‌, ചില​പ്പോൾ നമ്മുടെ ക്ലേശങ്ങൾ മാറു​ക​യില്ല. പകരം, നമ്മുടെ സ്രഷ്ടാ​വിൽ നമുക്കുള്ള ആശ്രയം തെളി​യി​ക്കു​ന്ന​തി​നുള്ള അവസരം നമുക്കു ലഭിക്കും. (പ്രവൃ​ത്തി​കൾ 14:22) കൂടാതെ, യഹോവ നമ്മുടെ ഉപദ്രവം മാറ്റി​ത്ത​രു​ന്നി​ല്ലെ​ങ്കിൽപ്പോ​ലും, “[നമുക്കു] സഹിപ്പാൻ കഴി​യേ​ണ്ട​തി​ന്നു . . . അവൻ പോക്കു​വ​ഴി​യും ഉണ്ടാക്കി”ത്തരു​മെന്നു നമുക്ക്‌ ഉറപ്പു​ള്ള​വ​രാ​യി​രി​ക്കാം. (1 കൊരി​ന്ത്യർ 10:13) അതേ, ‘നമുക്കുള്ള കഷ്ടത്തിൽ ഒക്കെയും നമ്മെ ആശ്വസി​പ്പി​ക്കുന്ന, സർവ്വാ​ശ്വാ​സ​വും നല്‌കുന്ന ദൈവ’മെന്ന്‌ യഹോ​വയെ വിളി​ച്ചി​രി​ക്കു​ന്ന​തി​നു തക്കതായ കാരണ​മുണ്ട്‌. (2 കൊരി​ന്ത്യർ 1:3, 4) കാര്യ​മായ സമാധാ​നം അനുഭ​വി​ച്ചു​കൊണ്ട്‌ സഹിച്ചു​നിൽക്കു​ന്ന​തിന്‌ ആവശ്യ​മാ​യവ അവൻ നമുക്കു നൽകുന്നു.

ക്ലേശങ്ങ​ളി​ല്ലാത്ത ഒരു ലോകം—ഉടൻ!

തന്റെ രാജ്യം മുഖാ​ന്തരം മനുഷ്യ​വർഗ​ത്തി​ന്റെ ക്ലേശങ്ങൾ ഉടൻ നീക്കു​മെന്ന്‌ സ്രഷ്ടാവു വാഗ്‌ദാ​നം ചെയ്യുന്നു. അവൻ ഇത്‌ എങ്ങനെ നിവർത്തി​ക്കും? ക്ലേശങ്ങ​ളു​ടെ മുഖ്യ​കാ​ര​ണ​ക്കാ​ര​നും സമാധാ​ന​ത്തി​ന്റെ മുഖ്യ​ശ​ത്രു​വു​മായ പിശാ​ചായ സാത്താനെ നീക്കി​ക്കൊണ്ട്‌. ബൈബിൾ അവനെ “ഈ വ്യവസ്ഥി​തി​യു​ടെ ദൈവ”മായി തിരി​ച്ച​റി​യി​ക്കു​ന്നു. (2 കൊരി​ന്ത്യർ 4:4, NW) എന്നാൽ മനുഷ്യ​വർഗ​ത്തിൻമേ​ലുള്ള അവന്റെ നിയ​ന്ത്രണം ഉടൻ അവസാ​നി​ക്കും. അവനെ നീക്കം ചെയ്യു​ന്ന​തോ​ടെ, ദൈവത്തെ ഭയപ്പെ​ടു​ന്ന​വർക്ക്‌ എണ്ണമറ്റ അനു​ഗ്ര​ഹങ്ങൾ ലഭിക്കു​ന്ന​തി​നുള്ള വഴി തുറക്കും. യഹോവ “അവരുടെ കണ്ണിൽനി​ന്നു കണ്ണുനീർ എല്ലാം തുടെ​ച്ചു​ക​ള​യും. ഇനി മരണം ഉണ്ടാക​യില്ല; ദുഃഖ​വും മുറവി​ളി​യും കഷ്ടതയും ഇനി ഉണ്ടാക​യില്ല; ഒന്നാമ​ത്തേതു കഴിഞ്ഞു​പോ​യി” എന്നു ബൈബിൾ വാഗ്‌ദാ​നം ചെയ്യുന്നു.—വെളി​പ്പാ​ടു 21:4, 5.

ക്ലേശങ്ങ​ളൊ​ന്നു​മി​ല്ലാത്ത ഒരു ലോകം അവിശ്വ​സ​നീ​യ​മാ​യി തോന്നു​ന്നു​വോ? പ്രതി​കൂ​ലാ​വ​സ്ഥ​ക​ളിൽ ജീവിച്ചു പരിച​യിച്ച നമുക്ക്‌ അതില്ലാത്ത അവസ്ഥ​യെ​ക്കു​റി​ച്ചു വിഭാവന ചെയ്യാൻ ബുദ്ധി​മു​ട്ടു​ണ്ടാ​കും. എന്നാൽ ഭയം, ഉത്‌കണ്‌ഠ, വിപത്തു​കൾ എന്നിവ​യിൽനി​ന്നു മുക്തമായ ഒരു അവസ്ഥയാ​ണു ദൈവം മനുഷ്യ​വർഗത്തെ സൃഷ്ടി​ച്ച​പ്പോൾ ഉദ്ദേശി​ച്ചത്‌, അവന്റെ ഉദ്ദേശ്യം നിറ​വേ​റു​ക​തന്നെ ചെയ്യും.—യെശയ്യാ​വു 55:10, 11.

പ്രാരംഭ ലേഖന​ത്തിൽ സൂചി​പ്പിച്ച സോണിയ, ഫാബി​യാന, എയ്‌ന എന്നിവർ കണ്ടെത്തിയ പ്രത്യാശ ഇതാണ്‌. എയ്‌ഡ്‌സു​മൂ​ലം മരിച്ച രണ്ടു പുത്ര​ന്മാ​രു​ടെ അമ്മയായ സോണി​യ​യ്‌ക്കു ബൈബിൾ വെച്ചു​നീ​ട്ടുന്ന പ്രത്യാ​ശ​യിൽനിന്ന്‌—നീതി​മാ​ന്മാ​രു​ടെ​യും നീതി​കെ​ട്ട​വ​രു​ടെ​യും പുനരു​ത്ഥാ​ന​മെന്ന പ്രത്യാ​ശ​യിൽനിന്ന്‌—കാര്യ​മായ സമാധാ​നം ലഭിച്ചു. (പ്രവൃ​ത്തി​കൾ 24:15) “ഒരു കാര്യം ഉറപ്പാണ്‌, ഏതു വേദന​യെ​യും കവിയു​ന്ന​താണ്‌ നമ്മുടെ പ്രത്യാശ,” അവൾ പറയുന്നു.

അനാഥാ​ല​യ​ത്തിൽ കഴിഞ്ഞി​രു​ന്ന​പ്പോ​ഴാ​യി​രു​ന്നു എയ്‌നയെ യഹോ​വ​യു​ടെ സാക്ഷി​ക​ളിൽപ്പെട്ട ഒരുവൾ സന്ദർശി​ച്ചത്‌. എയ്‌ന പറയുന്നു: “അവർ എനിക്കു യഹോ​വ​യു​ടെ നാമം ബൈബി​ളിൽനി​ന്നു കാണി​ച്ചു​തന്നു. സന്തോ​ഷ​ത്താൽ എന്റെ കണ്ണുനി​റഞ്ഞു. എനിക്കു ശരിക്കും സഹായം വേണമാ​യി​രു​ന്നു. നമുക്കാ​യി കരുതുന്ന ഒരു ദൈവ​മു​ണ്ടെന്നു ഞാൻ മനസ്സി​ലാ​ക്കി.” അനാഥാ​ലയം വിട്ടതി​നു​ശേഷം, എയ്‌ന ബൈബി​ള​ധ്യ​യനം സ്വീക​രിച്ച്‌ യഹോ​വ​യു​ടെ വാഗ്‌ദാ​ന​ങ്ങ​ളെ​ക്കു​റി​ച്ചു കൂടു​ത​ലാ​യി പഠിച്ചു. പിന്നീട്‌ യഹോ​വ​യ്‌ക്കു ജീവിതം സമർപ്പിച്ച്‌ അത്‌ അവൾ സ്‌നാ​പ​ന​ത്തി​ലൂ​ടെ പ്രതീ​ക​പ്പെ​ടു​ത്തി. “അന്നുമു​തൽ പ്രാർഥ​ന​യി​ലൂ​ടെ ഞാൻ യഹോ​വ​യി​ലുള്ള ആശ്രയം തുടർന്നി​രി​ക്കു​ന്ന​തു​കൊണ്ട്‌, അവൻ എന്നെ സഹായി​ക്കു​മെന്ന ഉറപ്പിൽ ഞാൻ ആശ്വാ​സം​കൊ​ള്ളു​ക​യാണ്‌.”

ഭാവി​യെ​ക്കു​റി​ച്ചുള്ള ദൈവ​ത്തി​ന്റെ വാഗ്‌ദാ​ന​ത്തെ​ക്കു​റി​ച്ചു പഠിച്ചു​കൊണ്ട്‌ ക്ലേശത്തി​ലും ഫാബി​യാന കാര്യ​മായ ആശ്വാ​സ​വും മനസ്സമാ​ധാ​ന​വും കണ്ടെത്തി​യി​രി​ക്കു​ന്നു. “ബൈബി​ളിൽനി​ന്നു സത്യം മനസ്സി​ലാ​ക്കു​ന്നത്‌ ശോക​മൂ​ക​വും ഇരുണ്ട​തു​മായ ഒരു സ്ഥലം വിട്ട്‌ വ്യക്തവും ശോഭ​ന​വും സുഖക​ര​വു​മായ ഒരു മുറി​യി​ലേക്കു പ്രവേ​ശി​ക്കു​ന്ന​തു​പോ​ലെ​യാണ്‌.”—സങ്കീർത്തനം 118:5 താരത​മ്യം ചെയ്യുക.

എന്നാൽ യഥാർഥ സമാധാ​നം ആഗോ​ള​മാ​യി എങ്ങനെ, എപ്പോൾ വരും? പിൻവ​രുന്ന ലേഖന​ങ്ങ​ളിൽ നമുക്കതു കാണാം.

[6-ാം പേജിലെ ചതുരം]

ക്ലേശത്തിന്റെ വിവിധ വശങ്ങൾ

◼ ലോക ജനസം​ഖ്യ​യു​ടെ നാലി​ലൊ​ന്നു കൊടും​പ​ട്ടി​ണി​യി​ലാണ്‌, കൂടാതെ ദശലക്ഷ​ക്ക​ണ​ക്കി​നാ​ളു​കൾ ജീവി​ക്കു​ന്നത്‌ അതിജീ​വ​ന​ത്തി​നു​തന്നെ ഭീഷണി​യായ നിലവാ​രം കുറഞ്ഞ അവസ്ഥക​ളി​ലാണ്‌.

◼ 20 കോടി​യി​ല​ധി​കം കുട്ടികൾ വികല​പോ​ഷി​ത​രാണ്‌.

◼ അഞ്ചു വയസ്സിനു താഴെ​യുള്ള മുപ്പതു ലക്ഷത്തോ​ളം കുട്ടികൾ വർഷം​തോ​റും വയറി​ള​ക്കം​മൂ​ലം മരിക്കു​ന്നു.

◼ 1993-ൽ മാത്രം പകർച്ച​വ്യാ​ധി​കൾ ഏതാണ്ട്‌ 1 കോടി 65 ലക്ഷം ആളുക​ളു​ടെ ജീവന​പ​ഹ​രി​ച്ചു. ചില രാജ്യങ്ങൾ രോഗ​ങ്ങളെ വ്യത്യ​സ്‌ത​മാ​യി പട്ടിക​പ്പെ​ടു​ത്തു​ന്ന​തു​കൊണ്ട്‌, യഥാർഥ സംഖ്യ ഇതിലും വളരെ കൂടു​ത​ലാ​യി​രി​ക്കാം.

◼ 50 കോടി ആളുകൾക്ക്‌ ഏതെങ്കി​ലും വിധത്തി​ലുള്ള മാനസിക പ്രശ്‌ന​മുണ്ട്‌.

◼ വേറേ ഏതൊരു പ്രായ​ക്കാ​രെ​ക്കാ​ളു​മ​ധി​ക​മാ​യി, യുവജ​ന​ങ്ങൾക്കി​ട​യിൽ ആത്മഹത്യാ​നി​രക്ക്‌ കുതി​ച്ചു​യ​രു​ക​യാണ്‌.

◼ “വിശപ്പും തൊഴി​ലി​ല്ലാ​യ്‌മ​യും ലോക​ത്തി​ന്റെ കളങ്കമാ​യി​ത്തീർന്നി​രി​ക്കു​ക​യാണ്‌,” ദ യുനെ​സ്‌കോ കുറിയർ പ്രസ്‌താ​വി​ക്കു​ന്നു. “ലോക​ത്തി​ലെ ഏറ്റവും സമ്പന്നമായ ഏഴു രാഷ്‌ട്ര​ങ്ങ​ളിൽ 3.5 കോടി തൊഴിൽര​ഹി​തർ ഉണ്ട്‌. നിത്യ​വൃ​ത്തി​ക്കു തികയാത്ത തുച്ഛമായ വരുമാ​ന​മുള്ള ജോലി​ക്കാർ ബ്രസീ​ലിൽ മാത്രം 2 കോടി​യുണ്ട്‌.”

[7-ാം പേജിലെ ചിത്രം]

ക്ലേശങ്ങളൊന്നുമില്ലാത്ത ഒരു ലോക​ത്തെ​ക്കു​റി​ച്ചുള്ള ദൈവ​ത്തി​ന്റെ വാഗ്‌ദാ​ന​ത്തിൽ ശ്രദ്ധ കേന്ദ്രീ​ക​രി​ക്കാൻ പ്രാർഥന നമ്മെ സഹായി​ക്കും