നിങ്ങളു​ടെ കുടും​ബ​ജീ​വി​തം സന്തുഷ്ട​മാ​ക്കാ​വു​ന്ന വിധം

1. എന്താണ്‌ സന്തുഷ്ട കുടും​ബ​ജീ​വി​ത​ത്തി​ന്റെ താക്കോൽ?

നിങ്ങളു​ടെ കുടും​ബ​ജീ​വി​തം സന്തുഷ്ട​മാ​യി​രി​ക്കാൻ യഹോ​വ​യാം ദൈവം ആഗ്രഹി​ക്കു​ന്നു. അവന്റെ വചനമായ ബൈബിൾ കുടും​ബ​ത്തി​ലെ ഓരോ അംഗത്തി​നും മാർഗ​നിർദേ​ശം നൽകുന്നു, ഓരോ​രു​ത്ത​രും കുടും​ബ​ത്തിൽ എന്തു പങ്കു വഹിക്കാ​നാണ്‌ ദൈവം പ്രതീ​ക്ഷി​ക്കു​ന്ന​തെന്ന്‌ അതു വിശദീ​ക​രി​ക്കു​ക​യും ചെയ്യുന്നു. ദൈവിക ബുദ്ധി​യു​പ​ദേ​ശ​ത്തി​നു ചേർച്ച​യിൽ കുടും​ബാം​ഗ​ങ്ങൾ തങ്ങളുടെ പങ്കു നിറ​വേ​റ്റു​മ്പോൾ നല്ല ഫലം ഉണ്ടാകു​ന്നു. യേശു പറഞ്ഞു: ‘ദൈവ​ത്തി​ന്റെ വചനം കേട്ടു പ്രമാ​ണി​ക്കു​ന്ന​വർ ഭാഗ്യ​വാ​ന്മാർ [“സന്തുഷ്ടർ,” NW].’—ലൂക്കൊസ്‌ 11:28.

2. കുടും​ബ​സ​ന്തു​ഷ്ടി നാം എന്തു തിരി​ച്ച​റി​യു​ന്ന​തി​നെ ആശ്രയി​ച്ചി​രി​ക്കു​ന്നു?

² “ഞങ്ങളുടെ പിതാവേ” എന്ന്‌ യേശു വിളിച്ച യഹോ​വ​യെ കുടും​ബ​ത്തി​ന്റെ കാരണ​ഭൂ​ത​നാ​യി തിരി​ച്ച​റി​യു​ന്ന​തി​ലാണ്‌ കുടും​ബ​ത്തി​ന്റെ സന്തുഷ്ടി മുഖ്യ​മാ​യും കുടി​കൊ​ള്ളു​ന്നത്‌. (മത്തായി 6:9) ഭൂമി​യി​ലെ സകല കുടും​ബ​ങ്ങൾക്കും കാരണ​മാ​യി​ത്തീർന്നത്‌ നമ്മുടെ സ്വർഗീയ പിതാ​വാണ്‌. കുടും​ബ​ത്തിൽ സന്തോ​ഷ​മു​ണ്ടാ​യി​രി​ക്കാൻ എന്താണ്‌ ആവശ്യ​മെന്ന്‌ അവനു തീർച്ച​യാ​യും അറിയാം. (എഫെസ്യർ 3:14, 15) അങ്ങനെ​യെ​ങ്കിൽ, കുടും​ബ​ത്തി​ലെ ഓരോ അംഗത്തി​ന്റെ​യും പങ്കു സംബന്ധി​ച്ചു ബൈബിൾ എന്താണു പഠിപ്പി​ക്കു​ന്നത്‌?

കുടും​ബം—ഒരു ദിവ്യ​ക്ര​മീ​ക​രണം

3. മനുഷ്യ​കു​ടും​ബ​ത്തി​ന്റെ തുടക്ക​ത്തെ​ക്കു​റി​ച്ചു ബൈബിൾ എന്തു പറയുന്നു, ആ വിവരണം സത്യമാ​ണെ​ന്നു നമുക്ക്‌ എങ്ങനെ അറിയാം?

³ ആദ്യമ​നു​ഷ്യ​രാ​യ ആദാമി​നെ​യും ഹവ്വാ​യെ​യും സൃഷ്ടി​ച്ചിട്ട്‌ യഹോവ അവരെ ഭാര്യാ​ഭർത്താ​ക്ക​ന്മാ​രാ​യി ഒന്നിപ്പി​ച്ചു. അവൻ അവരെ ഭൂമി​യി​ലെ മനോ​ഹ​ര​മാ​യ ഒരു പറുദീ​സാ​ഭ​വ​ന​ത്തിൽ അതായത്‌ ഏദെൻതോ​ട്ട​ത്തിൽ ആക്കി. മക്കളെ ഉത്‌പാ​ദി​പ്പി​ക്കാ​നു​ള്ള കൽപ്പന​യും അവൻ നൽകി. ‘സന്താന​പു​ഷ്ടി​യു​ള്ള​വ​രാ​യി പെരുകി ഭൂമി​യിൽ നിറയുക’ എന്ന്‌ യഹോവ അവരോ​ടു പറഞ്ഞു. (ഉല്‌പത്തി 1:26-28; 2:18, 21-24) ഇതു വെറു​മൊ​രു കെട്ടു​ക​ഥ​യോ പഴംപു​രാ​ണ​മോ അല്ല. കാരണം, കുടും​ബ​ക്ര​മീ​ക​ര​ണ​ത്തി​ന്റെ തുടക്കം സംബന്ധി​ച്ചു​ള്ള ഉല്‌പ​ത്തി​യി​ലെ വിവരണം സത്യമാ​ണെ​ന്നു യേശു വ്യക്തമാ​ക്കി. (മത്തായി 19:4, 5) ജീവിതം ഇന്നു പ്രശ്‌ന​പൂ​രി​ത​വും ദൈവം ഉദ്ദേശി​ച്ച​തിൽനി​ന്നു വ്യത്യ​സ്‌ത​വും ആണെങ്കി​ലും കുടും​ബ​സ​ന്തു​ഷ്ടി സാധ്യ​മാ​യി​രി​ക്കു​ന്ന​തി​ന്റെ കാരണം നമുക്കു പരി​ശോ​ധി​ക്കാം.

4. (എ) ഓരോ കുടും​ബാം​ഗ​ത്തി​നും കുടും​ബ​സ​ന്തു​ഷ്ടി​ക്കു സംഭാവന ചെയ്യാൻ കഴിയു​ന്നത്‌ എങ്ങനെ? (ബി) യേശു​വി​ന്റെ ജീവി​ത​ത്തെ​ക്കു​റി​ച്ചു പഠിക്കു​ന്ന​തു കുടും​ബ​സ​ന്തു​ഷ്ടി​ക്കു വളരെ പ്രധാ​ന​മാ​യി​രി​ക്കു​ന്നത്‌ എന്തു​കൊണ്ട്‌?

⁴ സ്‌നേഹം പ്രകടി​പ്പി​ക്കു​ന്ന കാര്യ​ത്തിൽ സ്വർഗീയ പിതാ​വി​നെ അനുക​രി​ച്ചു​കൊണ്ട്‌ കുടും​ബ​സ​ന്തു​ഷ്ടി​ക്കു സംഭാവന ചെയ്യാൻ കുടും​ബ​ത്തി​ലെ ഓരോ അംഗത്തി​നും കഴിയും. (എഫെസ്യർ 5:1, 2) ദൈവത്തെ കാണാൻ കഴിയാത്ത സ്ഥിതിക്ക്‌ നമുക്ക്‌ എങ്ങനെ​യാണ്‌ അവനെ അനുക​രി​ക്കാ​നാ​കു​ക? യഹോവ തന്റെ ആദ്യജാ​ത​പു​ത്ര​നെ സ്വർഗ​ത്തിൽനി​ന്നു ഭൂമി​യി​ലേക്ക്‌ അയച്ചതി​നാൽ നമുക്ക്‌ യഹോ​വ​യു​ടെ പ്രവർത്ത​ന​വി​ധം മനസ്സി​ലാ​ക്കാൻ കഴിയും. (യോഹ​ന്നാൻ 1:14, 18) ഭൂമി​യി​ലാ​യി​രി​ക്കെ അവന്റെ പുത്ര​നാ​യ യേശു​ക്രി​സ്‌തു സ്വർഗീയ പിതാ​വി​നെ അതേപടി അനുക​രി​ച്ചു. അതു​കൊണ്ട്‌ യേശു​ക്രി​സ്‌തു​വി​നെ കാണു​ന്ന​തും ശ്രദ്ധി​ക്കു​ന്ന​തും യഹോ​വ​യോ​ടൊ​പ്പം ആയിരു​ന്നു​കൊണ്ട്‌ അവനിൽനി​ന്നു കേൾക്കു​ന്ന​തു​പോ​ലെ ആയിരു​ന്നു. (യോഹ​ന്നാൻ 14:9) അതിനാൽ, യേശു പ്രകട​മാ​ക്കി​യ സ്‌നേ​ഹ​ത്തെ​ക്കു​റി​ച്ചു പഠിക്കു​ക​യും അവന്റെ മാതൃക പിൻപ​റ്റു​ക​യും ചെയ്‌തു​കൊണ്ട്‌ നമുക്ക്‌ ഓരോ​രു​ത്തർക്കും കുടും​ബ​ജീ​വി​തം ഏറെ സന്തുഷ്ട​മാ​ക്കാൻ കഴിയും.

ഭർത്താ​ക്ക​ന്മാർക്ക്‌ ഒരു മാതൃക

5, 6. (എ) യേശു സഭയോട്‌ ഇടപെ​ടു​ന്ന വിധം ഭർത്താ​ക്ക​ന്മാർക്ക്‌ ഒരു മാതൃ​ക​യാ​യി​രി​ക്കു​ന്നത്‌ എങ്ങനെ? (ബി) പാപങ്ങൾ ക്ഷമിച്ചു​കി​ട്ടാൻ എന്തു ചെയ്യണം?

⁵ യേശു തന്റെ ശിഷ്യ​ന്മാ​രോട്‌ എങ്ങനെ ഇടപെ​ടു​ന്നു​വോ അതേ വിധത്തി​ലാ​വ​ണം ഭർത്താ​ക്ക​ന്മാർ ഭാര്യ​മാ​രോട്‌ ഇടപെ​ടേ​ണ്ട​തെന്ന്‌ ബൈബിൾ പറയുന്നു. ബൈബി​ളി​ന്റെ പിൻവ​രു​ന്ന നിർദേ​ശം ശ്രദ്ധി​ക്കു​ക: ‘ഭർത്താ​ക്ക​ന്മാ​രേ, ക്രിസ്‌തു​വും സഭയെ സ്‌നേ​ഹി​ച്ച​തു​പോ​ലെ നിങ്ങളു​ടെ ഭാര്യ​മാ​രെ സ്‌നേ​ഹി​പ്പിൻ. അവൻ തന്നെത്താൻ അവൾക്കു വേണ്ടി ഏല്‌പി​ച്ചു​കൊ​ടു​ത്തു. അവ്വണ്ണം ഭർത്താ​ക്ക​ന്മാ​രും തങ്ങളുടെ ഭാര്യ​മാ​രെ സ്വന്ത ശരീര​ങ്ങ​ളെ​പ്പോ​ലെ സ്‌നേ​ഹി​ക്കേ​ണ്ട​താ​കു​ന്നു. ഭാര്യയെ സ്‌നേ​ഹി​ക്കു​ന്ന​വൻ തന്നെത്താൻ സ്‌നേ​ഹി​ക്കു​ന്നു. ആരും തന്റെ ജഡത്തെ ഒരുനാ​ളും പകെച്ചി​ട്ടി​ല്ല​ല്ലോ; ക്രിസ്‌തു​വും സഭയെ ചെയ്യു​ന്ന​തു​പോ​ലെ അതിനെ പോറ്റി​പ്പു​ലർത്തു​ക​യ​ത്രേ ചെയ്യു​ന്നത്‌.’—എഫെസ്യർ 5:23, 25-29.

⁶ തന്റെ അനുഗാ​മി​ക​ള​ട​ങ്ങു​ന്ന സഭയോട്‌ യേശു കാണി​ക്കു​ന്ന സ്‌നേഹം ഭർത്താ​ക്ക​ന്മാർക്ക്‌ ഒരു ഉത്തമ മാതൃ​ക​യാണ്‌. അപൂർണ​രാ​യി​രു​ന്നി​ട്ടു​പോ​ലും അവർക്കാ​യി സ്വജീവൻ ത്യജി​ച്ചു​കൊണ്ട്‌ അവൻ “അവസാ​ന​ത്തോ​ളം അവരെ സ്‌നേ​ഹി​ച്ചു.” (യോഹ​ന്നാൻ 13:1; 15:13) സമാന​മാ​യി, ഭർത്താ​ക്ക​ന്മാ​രെ ഇങ്ങനെ ഉദ്‌ബോ​ധി​പ്പി​ച്ചി​രി​ക്കു​ന്നു: “നിങ്ങളു​ടെ ഭാര്യ​മാ​രെ സ്‌നേ​ഹി​പ്പിൻ; അവരോ​ടു കൈപ്പാ​യി​രി​ക്ക​യു​മ​രുത്‌.” (കൊ​ലൊ​സ്സ്യർ 3:19) അത്തരം ബുദ്ധി​യു​പ​ദേ​ശം ബാധക​മാ​ക്കാൻ ഒരു ഭർത്താ​വി​നെ എന്തു സഹായി​ക്കും, പ്രത്യേ​കിച്ച്‌ ചില​പ്പോ​ഴൊ​ക്കെ ഭാര്യ വിവേ​ക​ത്തോ​ടെ പ്രവർത്തി​ക്കു​ന്ന​തിൽ വീഴ്‌ച വരുത്തു​ന്നെ​ങ്കിൽ? തനിക്കും തെറ്റു​പ​റ്റാ​റു​ണ്ടെ​ന്നും ദിവ്യക്ഷമ ലഭിക്കാൻ താൻ എന്തു ചെയ്യേ​ണ്ട​തു​ണ്ടെ​ന്നും അദ്ദേഹം ഓർക്കണം. അദ്ദേഹം എന്താണു ചെയ്യേ​ണ്ടത്‌? തന്നോടു പാപം ചെയ്യു​ന്ന​വ​രോട്‌ ക്ഷമിക്കണം, അതിൽ ഭാര്യ​യു​ടെ തെറ്റുകൾ ക്ഷമിക്കു​ന്ന​തും ഉൾപ്പെ​ടു​ന്നു. ഭാര്യ​യും അങ്ങനെ​ത​ന്നെ ചെയ്യേ​ണ്ട​താണ്‌. (മത്തായി 6:12, 14, 15) ക്ഷമിക്കാൻ മനസ്സുള്ള രണ്ടു​പേ​രു​ടെ കൂടി​ച്ചേ​ര​ലാണ്‌ സന്തോ​ഷ​ക​ര​മാ​യ ദാമ്പത്യ​മെ​ന്നു ചിലർ പറഞ്ഞി​ട്ടു​ള്ള​തി​ന്റെ കാരണം നിങ്ങൾക്കു മനസ്സി​ലാ​കു​ന്നു​ണ്ടോ?

7. യേശു ഏതു കാര്യം കണക്കി​ലെ​ടു​ത്തു, ഇതു ഭർത്താ​ക്ക​ന്മാർക്ക്‌ ഒരു മാതൃക ആയിരി​ക്കു​ന്നത്‌ എങ്ങനെ?

⁷ യേശു ശിഷ്യ​ന്മാ​രോട്‌ എല്ലായ്‌പോ​ഴും പരിഗണന കാണി​ച്ചി​രു​ന്നു​വെന്ന കാര്യ​വും ഭർത്താ​ക്ക​ന്മാർ മനസ്സിൽപ്പി​ടി​ക്കേ​ണ്ട​തുണ്ട്‌. അവരുടെ പരിമി​തി​ക​ളും ശാരീ​രി​ക ആവശ്യ​ങ്ങ​ളും അവൻ കണക്കി​ലെ​ടു​ത്തു. അവർ ക്ഷീണി​ത​രാ​യി​രു​ന്ന ഒരു സന്ദർഭ​ത്തിൽ അവൻ അവരോട്‌ ഇപ്രകാ​രം പറഞ്ഞു: “നിങ്ങൾ ഒരു ഏകാന്ത​സ്ഥ​ല​ത്തു വേറി​ട്ടു​വ​ന്നു അല്‌പം ആശ്വസി​ച്ചു​കൊൾവിൻ.” (മർക്കൊസ്‌ 6:30-32) ഭാര്യ​മാ​രും ചിന്തയും പരിഗ​ണ​ന​യും അർഹി​ക്കു​ന്ന​വ​രാണ്‌. ബൈബിൾ ഭാര്യ​മാ​രെ “ബലഹീ​ന​പാ​ത്രം” എന്നാണു വിശേ​ഷി​പ്പി​ക്കു​ന്നത്‌. അവർക്ക്‌ “ബഹുമാ​നം” കൊടു​ക്കാൻ ഭർത്താ​ക്ക​ന്മാ​രോ​ടു കൽപ്പി​ച്ചി​രി​ക്കു​ന്നു. എന്തു​കൊണ്ട്‌? കാരണം, ഭർത്താ​വും ഭാര്യ​യും “ജീവന്റെ കൃപെക്കു” തുല്യാ​വ​കാ​ശി​ക​ളാണ്‌. (1 പത്രൊസ്‌ 3:7) സ്‌ത്രീ​യോ പുരു​ഷ​നോ എന്നതല്ല, വിശ്വ​സ്‌ത​ത​യാണ്‌ ഒരു വ്യക്തിയെ ദൈവ​ത്തി​നു വില​പ്പെ​ട്ട​വ​നാ​ക്കു​ന്ന​തെന്ന കാര്യം ഭർത്താ​ക്ക​ന്മാർ ഓർക്കേ​ണ്ട​താണ്‌.—സങ്കീർത്ത​നം 101:6.

8. (എ) “ഭാര്യയെ സ്‌നേ​ഹി​ക്കു​ന്ന” ഭർത്താവ്‌ “തന്നെത്താൻ സ്‌നേ​ഹി​ക്കു​ന്നു”വെന്നു പറയാ​നാ​കു​ന്നത്‌ എന്തു​കൊണ്ട്‌? (ബി) ‘ഒരു ദേഹം’ ആയിരി​ക്കു​ക എന്നത്‌ ഭാര്യാ​ഭർത്താ​ക്ക​ന്മാർക്ക്‌ എന്തർഥ​മാ​ക്കു​ന്നു?

⁸ “ഭാര്യയെ സ്‌നേ​ഹി​ക്കു​ന്ന” ഭർത്താവ്‌ “തന്നെത്താൻ സ്‌നേ​ഹി​ക്കു​ന്നു”വെന്നു ബൈബിൾ പറയുന്നു. യേശു വ്യക്തമാ​ക്കി​യ​തു​പോ​ലെ, പുരു​ഷ​നും സ്‌ത്രീ​യും ‘മേലാൽ രണ്ടല്ല, ഒരു ദേഹം’ ആയതി​നാ​ലാ​ണിത്‌. (മത്തായി 19:6) അതു​കൊണ്ട്‌, ലൈം​ഗി​ക താത്‌പ​ര്യ​ങ്ങൾ അവർ ഇരുവർക്കു​മി​ട​യിൽ മാത്ര​മാ​യി ഒതുക്കി​നി​റു​ത്ത​ണം. (സദൃശ​വാ​ക്യ​ങ്ങൾ 5:15-21; എബ്രായർ 13:4) ഇരുവ​രും നിസ്സ്വാർഥ​മാ​യി ഇണയുടെ ആവശ്യങ്ങൾ പരിഗ​ണി​ക്കു​ന്നെ​ങ്കിൽ അവർക്ക്‌ അതിനു സാധി​ക്കും. (1 കൊരി​ന്ത്യർ 7:3-5) പിൻവ​രു​ന്ന ഓർമി​പ്പി​ക്കൽ ശ്രദ്ധേ​യ​മാണ്‌: “ആരും തന്റെ ജഡത്തെ ഒരുനാ​ളും പകെച്ചി​ട്ടി​ല്ല​ല്ലോ; . . . അതിനെ പോറ്റി പുലർത്തു​ക​യ​ത്രേ ചെയ്യു​ന്നത്‌.” ഭർത്താ​ക്ക​ന്മാർ തങ്ങളെ​പ്പോ​ലെ​ത​ന്നെ ഭാര്യ​മാ​രെ സ്‌നേ​ഹി​ക്കു​ക​യും തങ്ങളുടെ ശിരസ്സായ യേശു​ക്രി​സ്‌തു​വി​നോ​ടു കണക്കു ബോധി​പ്പി​ക്കേ​ണ്ട​വ​രാ​ണെന്ന്‌ ഓർക്കു​ക​യും വേണം.—എഫെസ്യർ 5:29; 1 കൊരി​ന്ത്യർ 11:3.

9. യേശു​വി​ന്റെ ഏതു ഗുണ​ത്തെ​ക്കു​റി​ച്ചാണ്‌ ഫിലി​പ്പി​യർ 1:8 പറയു​ന്നത്‌, ഭർത്താ​ക്ക​ന്മാർ ഭാര്യ​മാ​രോ​ടു​ള്ള ഇടപെ​ട​ലിൽ ഈ ഗുണം പ്രകട​മാ​ക്കേ​ണ്ടത്‌ എന്തു​കൊണ്ട്‌?

⁹ “ക്രിസ്‌തു​യേ​ശു​വി​ന്റെ ആർദ്രത”യെക്കു​റിച്ച്‌ അപ്പൊ​സ്‌ത​ല​നാ​യ പൗലൊസ്‌ പറയു​ക​യു​ണ്ടാ​യി. (ഫിലി​പ്പി​യർ 1:8) യേശു​വി​ന്റെ ആർദ്രത നവോ​ന്മേ​ഷ​ദാ​യ​ക​മാ​യി​രു​ന്നു. അവന്റെ ശിഷ്യ​ത്വം സ്വീക​രി​ച്ച സ്‌ത്രീ​കൾക്ക്‌ അതു പ്രിയ​ങ്ക​ര​മാ​യി തോന്നി. (യോഹ​ന്നാൻ 20:1, 11-13, 16) ഭർത്താ​ക്ക​ന്മാ​രു​ടെ ആർദ്ര​പ്രി​യം ഭാര്യ​മാർ അതിയാ​യി ആഗ്രഹി​ക്കു​ന്നു.

ഭാര്യ​മാർക്ക്‌ ഒരു മാതൃക

10. യേശു ഭാര്യ​മാർക്ക്‌ മാതൃക വെക്കു​ന്നത്‌ എങ്ങനെ?

¹⁰ ഒരു കുടും​ബം ഒരു സംഘട​ന​യാണ്‌, അതു സുഗമ​മാ​യി മുന്നോ​ട്ടു പോക​ണ​മെ​ങ്കിൽ നേതൃ​ത്വ​മെ​ടു​ക്കാൻ ഒരാൾ വേണം. തന്റെ ശിരസ്സെന്ന നിലയിൽ യേശു​പോ​ലും ഒരാൾക്കു കീഴ്‌പെ​ട്ടി​രി​ക്കു​ന്നു. “ക്രിസ്‌തു​വി​ന്റെ തല ദൈവം” ആയിരി​ക്കു​ന്ന​തു​പോ​ലെ “സ്‌ത്രീ​യു​ടെ തല പുരുഷൻ” ആണ്‌. (1 കൊരി​ന്ത്യർ 11:3) ദൈവ​ത്തി​ന്റെ ശിരഃ​സ്ഥാ​ന​ത്തോ​ടു​ള്ള യേശു​വി​ന്റെ കീഴ്‌പെ​ടൽ ഒരു ഉത്തമ മാതൃ​ക​യാണ്‌. കാരണം, നാമെ​ല്ലാം മറ്റാരു​ടെ​യെ​ങ്കി​ലും ശിരഃ​സ്ഥാ​ന​ത്തിൻ കീഴി​ലാണ്‌.

11. ഭർത്താ​വി​നോ​ടു ഭാര്യക്ക്‌ ഏതു മനോ​ഭാ​വം ഉണ്ടായി​രി​ക്ക​ണം, അവളുടെ നടത്ത എന്തിൽ കലാശി​ച്ചേ​ക്കാം?

¹¹ അപൂർണ​രാ​യ പുരു​ഷ​ന്മാർക്കു തെറ്റു​പ​റ്റു​ക​യും മാതൃ​കാ​യോ​ഗ്യ​രാ​യ കുടും​ബ​നാ​ഥ​ന്മാർ ആയിരി​ക്കു​ന്ന​തിൽ പലപ്പോ​ഴും അവർ വീഴ്‌ച​വ​രു​ത്തു​ക​യും ചെയ്യുന്നു. അപ്പോൾ, ഭാര്യ എന്താണു ചെയ്യേ​ണ്ടത്‌? ഭർത്താവ്‌ ചെയ്യു​ന്ന​തി​നെ വിലകു​റ​ച്ചു​കാ​ണു​ക​യോ അദ്ദേഹ​ത്തി​ന്റെ ശിരഃ​സ്ഥാ​നം ഏറ്റെടു​ക്കാൻ ശ്രമി​ക്കു​ക​യോ ചെയ്യരുത്‌. സൗമ്യ​ത​യും സാവധാ​ന​ത​യും ഉള്ള മനസ്സ്‌ ദൈവ​മു​മ്പാ​കെ വില​യേ​റി​യ​താ​ണെന്ന്‌ ഭാര്യ ഓർത്തി​രി​ക്ക​ണം. (1 പത്രൊസ്‌ 3:4) അങ്ങനെ​യു​ള്ള ഒരു മനസ്സു​ള്ള​പ്പോൾ, പ്രയാ​സ​ക​ര​മാ​യ സാഹച​ര്യ​ങ്ങ​ളിൽപ്പോ​ലും ദൈവിക കീഴ്‌പെ​ടൽ പ്രകട​മാ​ക്കു​ക എളുപ്പ​മാ​ണെന്ന്‌ അവൾ കണ്ടെത്തും. കൂടു​ത​ലാ​യി ബൈബിൾ ഇങ്ങനെ പറയുന്നു: “ഭാര്യ​യോ ഭർത്താ​വി​നെ ആഴമായി ബഹുമാ​നി​ക്കേ​ണ്ട​താ​കു​ന്നു.” (എഫെസ്യർ 5:33, NW) എന്നാൽ, ക്രിസ്‌തു​വി​നെ തന്റെ തലയായി അദ്ദേഹം സ്വീക​രി​ക്കു​ന്നി​ല്ലെ​ങ്കി​ലോ? ബൈബിൾ ഭാര്യ​മാ​രെ ഇങ്ങനെ ഉദ്‌ബോ​ധി​പ്പി​ക്കു​ന്നു: “ഭാര്യ​മാ​രേ, നിങ്ങളു​ടെ ഭർത്താ​ക്ക​ന്മാർക്കു കീഴട​ങ്ങി​യി​രി​പ്പിൻ; അവരിൽ വല്ലവരും വചനം അനുസ​രി​ക്കാ​ത്ത​പ​ക്ഷം ഭയത്തോ​ടു​കൂ​ടി​യ [“ആഴമായ ബഹുമാ​ന​ത്തോ​ടു​കൂ​ടിയ,” NW] നിങ്ങളു​ടെ നിർമ്മ​ല​മാ​യ നടപ്പു കണ്ടറിഞ്ഞു വചനം കൂടാതെ ഭാര്യ​മാ​രു​ടെ നടപ്പി​നാൽ ചേർന്നു​വ​രു​വാൻ ഇടയാ​കും.”—1 പത്രൊസ്‌ 3:1, 2.

12. ഭാര്യ ആദരപൂർവം തന്റെ അഭി​പ്രാ​യം പ്രകടി​പ്പി​ക്കു​ന്ന​തു തെറ്റല്ലാ​ത്തത്‌ എന്തു​കൊണ്ട്‌?

¹² ഭർത്താവ്‌ ഒരു സഹവി​ശ്വാ​സി ആയിരു​ന്നാ​ലും അല്ലെങ്കി​ലും, അദ്ദേഹ​ത്തി​ന്റേ​തിൽനി​ന്നു വ്യത്യ​സ്‌ത​മാ​യ ഒരു അഭി​പ്രാ​യം ഭാര്യ നയപൂർവം പ്രകടി​പ്പി​ക്കു​ന്നെ​ങ്കിൽ അത്‌ അനാദ​ര​വല്ല. ഭാര്യ പറയു​ന്നത്‌ ശരിയാ​യി​രി​ക്കാം. അദ്ദേഹം അതിൻപ്ര​കാ​രം പ്രവർത്തി​ച്ചാൽ മുഴു​കു​ടും​ബ​ത്തി​നും പ്രയോ​ജ​നം ലഭി​ച്ചെ​ന്നും​വ​രാം. കുടും​ബ​ത്തി​ലെ ഒരു പ്രത്യേക പ്രശ്‌ന​ത്തോ​ടു​ള്ള ബന്ധത്തിൽ തന്റെ ഭാര്യ സാറാ ഒരു പ്രാ​യോ​ഗി​ക പരിഹാ​രം നിർദേ​ശി​ച്ച​പ്പോൾ അബ്രാ​ഹാ​മി​നു യോജി​പ്പി​ല്ലാ​യി​രു​ന്നെ​ങ്കി​ലും ദൈവം അവനോട്‌ ഇങ്ങനെ പറഞ്ഞു: “അവളുടെ വാക്കു കേൾക്ക.” (ഉല്‌പത്തി 21:9-12) ഭർത്താവ്‌ ദൈവ​നി​യ​മ​ത്തി​നു വിരു​ദ്ധ​മ​ല്ലാ​ത്ത ഒരു തീരു​മാ​നം കൈ​ക്കൊ​ള്ളു​ന്ന​പ​ക്ഷം, അതിനെ പിന്തു​ണ​ച്ചു​കൊ​ണ്ടു ഭാര്യ കീഴ്‌പെ​ടൽ പ്രകട​മാ​ക്കു​ന്നു.—പ്രവൃ​ത്തി​കൾ 5:29; എഫെസ്യർ 5:24.

13. (എ) എന്തു ചെയ്യാ​നാണ്‌ തീത്തൊസ്‌ 2:4, 5 വിവാ​ഹി​ത സ്‌ത്രീ​ക​ളെ പ്രോ​ത്സാ​ഹി​പ്പി​ക്കു​ന്നത്‌? (ബി) വേർപി​രി​യ​ലും വിവാ​ഹ​മോ​ച​ന​വും സംബന്ധി​ച്ചു ബൈബിൾ എന്തു പറയുന്നു?

¹³ ഭാര്യക്ക്‌ കുടും​ബ​ത്തി​ന്റെ ആവശ്യ​ങ്ങൾക്കാ​യി പലവി​ധ​ങ്ങ​ളിൽ കരുതാ​നാ​കും. ഉദാഹ​ര​ണ​ത്തിന്‌, വിവാ​ഹി​ത സ്‌ത്രീ​കൾ “ഭർത്തൃ​പ്രി​യ​മാ​രും പുത്ര​പ്രി​യ​മാ​രും സുബോ​ധ​വും പാതി​വ്ര​ത്യ​വു​മു​ള്ള​വ​രും വീട്ടു​കാ​ര്യം നോക്കു​ന്ന​വ​രും ദയയു​ള്ള​വ​രും ഭർത്താ​ക്ക​ന്മാർക്കു കീഴ്‌പെ​ടു​ന്ന​വ​രും​” ആയിരി​ക്ക​ണ​മെ​ന്നു ബൈബിൾ വ്യക്തമാ​ക്കു​ന്നു. (തീത്തൊസ്‌ 2:4, 5) ഭാര്യ​യും അമ്മയും എന്നനി​ല​യിൽ ഈവിധം പ്രവർത്തി​ക്കു​ന്ന ഒരു സ്‌ത്രീ അവളുടെ കുടും​ബ​ത്തി​ന്റെ നിലനിൽക്കു​ന്ന സ്‌നേ​ഹ​വും ആദരവും നേടും. (സദൃശ​വാ​ക്യ​ങ്ങൾ 31:10, 28) എങ്കിലും, വിവാഹം എന്നത്‌ രണ്ട്‌ അപൂർണ വ്യക്തി​ക​ളു​ടെ കൂടി​ച്ചേ​ര​ലാ​യ​തി​നാൽ, അപൂർവം ചില സാഹച​ര്യ​ങ്ങൾ വേർപി​രി​യ​ലി​ലേ​ക്കോ വിവാ​ഹ​മോ​ച​ന​ത്തി​ലേ​ക്കോ നയി​ച്ചേ​ക്കാം. ചില സാഹച​ര്യ​ങ്ങ​ളിൽ വേർപി​രി​യാൻ ബൈബിൾ അനുമതി നൽകു​ന്നുണ്ട്‌. എന്നുവ​രി​കി​ലും വേർപി​രി​യ​ലി​നെ നിസ്സാ​ര​മാ​യി കാണരുത്‌. എന്തെന്നാൽ ബൈബിൾ ഇങ്ങനെ ബുദ്ധി​യു​പ​ദേ​ശി​ക്കു​ന്നു: “ഭാര്യ ഭർത്താ​വി​നെ വേറു​പി​രി​യ​രു​തു . . . ഭർത്താവു ഭാര്യയെ ഉപേക്ഷി​ക്ക​യു​മ​രുത്‌.” (1 കൊരി​ന്ത്യർ 7:10, 11) ദമ്പതി​ക​ളിൽ ആരു​ടെ​യെ​ങ്കി​ലും പരസംഗം മാത്ര​മാണ്‌ വിവാ​ഹ​മോ​ച​ന​ത്തി​നുള്ള തിരു​വെ​ഴു​ത്ത​ടി​സ്ഥാ​നം.—മത്തായി 19:9.

മാതാ​പി​താ​ക്കൾക്ക്‌ തികവുറ്റ ഒരു മാതൃക

14. യേശു കുട്ടി​ക​ളോട്‌ ഇടപെ​ട്ടത്‌ എങ്ങനെ, മാതാ​പി​താ​ക്ക​ളിൽനി​ന്നു കുട്ടി​കൾക്ക്‌ എന്താണ്‌ ആവശ്യ​മാ​യി​രി​ക്കു​ന്നത്‌?

¹⁴ കുട്ടി​ക​ളോട്‌ ഇടപെ​ടു​ന്ന വിധം സംബന്ധിച്ച്‌ യേശു മാതാ​പി​താ​ക്കൾക്കാ​യി തികവുറ്റ ഒരു മാതൃ​ക​വെ​ച്ചു. യേശു​വി​ന്റെ അടു​ത്തേ​ക്കു വരുന്ന​തിൽനി​ന്നു കൊച്ചു​കു​ട്ടി​ക​ളെ മറ്റുള്ളവർ തടഞ്ഞ​പ്പോൾ അവൻ ഇങ്ങനെ പറഞ്ഞു: “ശിശു​ക്ക​ളെ എന്റെ അടുക്കൽ വിടു​വിൻ, അവരെ തടുക്ക​രുത്‌.” “പിന്നെ അവൻ അവരെ അണെച്ചു അവരുടെ മേൽ കൈ വെച്ചു, അവരെ അനു​ഗ്ര​ഹി​ച്ചു”വെന്നു ബൈബിൾ പറയുന്നു. (മർക്കൊസ്‌ 10:13-16) കുട്ടി​ക​ളോ​ടൊത്ത്‌ യേശു സമയം ചെലവ​ഴി​ച്ചു, അങ്ങനെ​യെ​ങ്കിൽ നിങ്ങളു​ടെ മക്കളോ​ടൊ​ത്തു നിങ്ങളും അതുതന്നെ ചെയ്യേ​ണ്ട​ത​ല്ലേ? അവർക്കു നിങ്ങളു​ടെ കുറച്ചു​സ​മ​യം പോരാ, ധാരാളം സമയം ആവശ്യ​മാണ്‌. അവരെ പഠിപ്പി​ക്കാൻ നിങ്ങൾ സമയ​മെ​ടു​ക്ക​ണം, കാരണം അതു ചെയ്യാ​നാണ്‌ യഹോവ മാതാ​പി​താ​ക്ക​ളോട്‌ ആവശ്യ​പ്പെ​ട്ടി​രി​ക്കു​ന്നത്‌.—ആവർത്ത​ന​പു​സ്‌ത​കം 6:4-9.

15. മക്കളെ സംരക്ഷി​ക്കാ​നാ​യി മാതാ​പി​താ​ക്കൾ എന്തു ചെയ്യണം?

¹⁵ ഒന്നി​നൊ​ന്നു വഷളാ​യി​ക്കൊ​ണ്ടി​രി​ക്കുന്ന ഈ ലോക​ത്തിൽ ലൈം​ഗി​ക​മാ​യി ചൂഷണം ചെയ്‌തു​കൊ​ണ്ടും​മ​റ്റും കുട്ടി​ക​ളെ ദ്രോ​ഹി​ക്കു​ന്ന​വ​രിൽനി​ന്നു മാതാ​പി​താ​ക്കൾ അവർക്കു സംരക്ഷ​ണ​മേ​കേ​ണ്ട​തുണ്ട്‌. “കുഞ്ഞു​ങ്ങ​ളേ” എന്ന്‌ യേശു വാത്സല്യ​പൂർവം വിളിച്ച തന്റെ ശിഷ്യ​ന്മാ​രെ അവൻ സംരക്ഷിച്ച വിധം നോക്കുക. വധിക്ക​പ്പെ​ടു​ന്ന​തി​നു മുമ്പായി യേശു അറസ്റ്റു ചെയ്യ​പ്പെ​ട്ട​പ്പോൾ അവൻ അവർക്കു രക്ഷപ്പെ​ടാ​നു​ള്ള വഴി​യൊ​രു​ക്കി. (യോഹ​ന്നാൻ 13:33; 18:7-9) നിങ്ങളു​ടെ കുഞ്ഞു​ങ്ങ​ളെ ദ്രോ​ഹി​ക്കാ​നു​ള്ള പിശാ​ചി​ന്റെ ശ്രമങ്ങൾ സംബന്ധിച്ച്‌ ഒരു മാതാ​വോ പിതാ​വോ ആയ നിങ്ങൾ ജാഗ്ര​ത​പു​ലർത്തേ​ണ്ട​തുണ്ട്‌. നിങ്ങൾ അവർക്ക്‌ അതു സംബന്ധി​ച്ചു മുന്നറി​യി​പ്പു നൽകണം.a (1 പത്രൊസ്‌ 5:8) കുട്ടി​ക​ളു​ടെ ശാരീ​രി​ക​വും ആത്മീയ​വും ധാർമി​ക​വും ആയ സുരക്ഷ​യ്‌ക്ക്‌ മുമ്പൊ​രി​ക്ക​ലും ഇത്രയ​ധി​കം ഭീഷണി നേരി​ട്ടി​ട്ടി​ല്ല.

16. യേശു തന്റെ ശിഷ്യ​ന്മാ​രു​ടെ അപൂർണ​ത​കൾ കൈകാ​ര്യം​ചെ​യ്‌ത വിധത്തിൽനി​ന്നു മാതാ​പി​താ​ക്കൾക്ക്‌ എന്തു പഠിക്കാ​നാ​കും?

¹⁶ യേശു​വി​ന്റെ മരണത്തി​നു തലേ രാത്രി​യിൽ, ആരാണു വലിയവൻ എന്നതു സംബന്ധിച്ച്‌ അവന്റെ ശിഷ്യ​ന്മാർക്കി​ട​യിൽ തർക്കമു​ണ്ടാ​യി. എങ്കിലും, അവരോ​ടു ദേഷ്യ​പ്പെ​ടു​ന്ന​തി​നു പകരം വാക്കി​നാ​ലും മാതൃ​ക​യാ​ലും യേശു അവരെ തുടർന്നും സ്‌നേ​ഹ​പൂർവം പഠിപ്പി​ക്കു​ക​യാ​ണു ചെയ്‌തത്‌. (ലൂക്കൊസ്‌ 22:24-27; യോഹ​ന്നാൻ 13:3-8) നിങ്ങൾ ഒരു മാതാ​വോ പിതാ​വോ ആണെങ്കിൽ, കുട്ടി​ക​ളെ തിരു​ത്തു​ന്ന​തിൽ യേശു​വി​ന്റെ മാതൃക എങ്ങനെ അനുക​രി​ക്കാ​നാ​കു​മെന്നു നിങ്ങൾക്കു കാണാ​നാ​കു​ന്നു​ണ്ടോ? അവർക്കു ശിക്ഷണം വേണ​മെ​ന്ന​തു ശരിയാണ്‌. എന്നാൽ ‘ന്യായ​മാ​യ’ തോതിൽ ആയിരി​ക്ക​ണം അതു നൽകേ​ണ്ടത്‌. ശിക്ഷണം നൽകു​ന്നത്‌ ഒരിക്ക​ലും ദേഷ്യ​ത്തോ​ടെ ആയിരി​ക്ക​രുത്‌. “വാളു​കൊ​ണ്ടു കുത്തും​പോ​ലെ” ചിന്താ​ശൂ​ന്യ​മാ​യി സംസാ​രി​ക്കാൻ നിങ്ങൾ ആഗ്രഹി​ക്കു​ക​യി​ല്ല. (യിരെ​മ്യാ​വു 30:11; സദൃശ​വാ​ക്യ​ങ്ങൾ 12:18) ശിക്ഷണം എത്ര ഉചിത​മാ​യി​രു​ന്നെ​ന്നു കുട്ടി പിന്നീടു മനസ്സി​ലാ​ക്ക​ത്തക്ക വിധമാ​യി​രി​ക്ക​ണം അതു നൽകേ​ണ്ടത്‌.—എഫെസ്യർ 6:4; എബ്രായർ 12:9-11.

കുട്ടി​കൾക്ക്‌ ഒരു മാതൃക

17. കുട്ടി​കൾക്കാ​യി യേശു തികവുറ്റ ഒരു മാതൃ​ക​വെ​ച്ചത്‌ എങ്ങനെ?

¹⁷ യേശു​വിൽനി​ന്നു കുട്ടി​കൾക്കു പഠിക്കാ​നാ​കു​മോ? തീർച്ച​യാ​യും! കുട്ടികൾ മാതാ​പി​താ​ക്ക​ളെ അനുസ​രി​ക്കേ​ണ്ടത്‌ എങ്ങനെ​യാ​ണെ​ന്നു സ്വന്ത മാതൃ​ക​യാൽ അവൻ പ്രകട​മാ​ക്കി. അവൻ ഇങ്ങനെ പറഞ്ഞു: “ഞാൻ സ്വയമാ​യി​ട്ടു ഒന്നും ചെയ്യാതെ പിതാവു എനിക്കു ഉപദേ​ശി​ച്ചു​ത​ന്ന​തു പോലെ ഇതു സംസാ​രി​ക്കു​ന്നു.” തുടർന്ന്‌ ഇങ്ങനെ കൂട്ടി​ച്ചേർത്തു: ‘ഞാൻ എല്ലായ്‌പോ​ഴും അവന്നു പ്രസാ​ദ​മു​ള്ള​തു ചെയ്യുന്നു.’ (യോഹ​ന്നാൻ 8:28, 29) യേശു തന്റെ സ്വർഗീയ പിതാ​വി​നോട്‌ അനുസ​ര​ണ​മു​ള്ള​വൻ ആയിരു​ന്നു. മാതാ​പി​താ​ക്ക​ളെ അനുസ​രി​ക്കാൻ ബൈബിൾ കുട്ടി​ക​ളോ​ടു പറയുന്നു. (എഫെസ്യർ 6:1-3) പൂർണ​ത​യു​ള്ള ഒരു കുട്ടി​യാ​യി​രു​ന്നെ​ങ്കി​ലും, അപൂർണ​രാ​യി​രു​ന്ന തന്റെ മാനുഷ മാതാ​പി​താ​ക്ക​ളെ, അതായത്‌ യോ​സേ​ഫി​നെ​യും മറിയ​യെ​യും യേശു അനുസ​രി​ച്ചു. അതു മുഴു കുടും​ബ​ത്തി​ന്റെ​യും സന്തുഷ്ടി​യിൽ കലാശി​ച്ചു എന്നതിനു സംശയ​മി​ല്ല.—ലൂക്കൊസ്‌ 2:4, 5, 51, 52.

18. യേശു എല്ലായ്‌പോ​ഴും തന്റെ സ്വർഗീയ പിതാ​വി​നെ അനുസ​രി​ച്ചത്‌ എന്തു​കൊണ്ട്‌, ഇക്കാലത്ത്‌ കുട്ടികൾ മാതാ​പി​താ​ക്ക​ളെ അനുസ​രി​ക്കു​മ്പോൾ ആരാണു സന്തോ​ഷി​ക്കു​ന്നത്‌?

¹⁸ കഴിവ​തും യേശു​വി​നെ​പ്പോ​ലെ ആയി​ക്കൊണ്ട്‌ മാതാ​പി​താ​ക്ക​ളെ സന്തോ​ഷി​പ്പി​ക്കാ​നു​ള്ള വിധങ്ങൾ കണ്ടെത്താൻ കുട്ടി​കൾക്കു കഴിയു​മോ? മാതാ​പി​താ​ക്ക​ളെ അനുസ​രി​ക്കു​ക എന്നതു ചില​പ്പോ​ഴൊ​ക്കെ അത്ര എളുപ്പ​മ​ല്ലെ​ന്നു കുട്ടി​കൾക്കു തോന്നി​യേ​ക്കാം. എങ്കിലും, അവർ അതു ചെയ്യണ​മെ​ന്നാണ്‌ ദൈവം ആഗ്രഹി​ക്കു​ന്നത്‌. (സദൃശ​വാ​ക്യ​ങ്ങൾ 1:8; 6:20) യേശു സ്വർഗീയ പിതാ​വി​നോട്‌ എപ്പോ​ഴും അനുസ​ര​ണ​മു​ള്ള​വ​നാ​യി​രു​ന്നു, പ്രയാസ സാഹച​ര്യ​ങ്ങ​ളിൽപ്പോ​ലും. ഒരിക്കൽ ദൈ​വേ​ഷ്ട​ത്തോ​ടു​ള്ള ചേർച്ച​യിൽ വളരെ പ്രയാ​സ​മു​ള്ള ഒരു കാര്യം ചെയ്യേ​ണ്ടി​വ​ന്ന​പ്പോൾ യേശു ഇങ്ങനെ പറഞ്ഞു: “ഈ പാനപാ​ത്രം [യേശു​വി​നോ​ടു ചെയ്യാൻ ആവശ്യ​പ്പെട്ട പ്രത്യേക കാര്യം] എങ്കൽ നിന്നു നീക്കേ​ണ​മേ.” എന്നിട്ടും, യേശു ദൈവം പറഞ്ഞതു ചെയ്‌തു. കാരണം, തനിക്ക്‌ ഏറ്റവും നല്ലത്‌ എന്താ​ണെ​ന്നു പിതാ​വിന്‌ അറിയാ​മെന്ന ബോധ്യം അവന്‌ ഉണ്ടായി​രു​ന്നു. (ലൂക്കൊസ്‌ 22:42) അനുസ​ര​ണ​മു​ള്ള​വ​രാ​യി​രി​ക്കാൻ പഠിക്കു​ന്ന​തി​ലൂ​ടെ കുട്ടികൾ മാതാ​പി​താ​ക്കൾക്കും സ്വർഗീയ പിതാ​വി​നും വളരെ​യേ​റെ സന്തോഷം കൈവ​രു​ത്തും.b—സദൃശ​വാ​ക്യ​ങ്ങൾ 23:22-25.

19. (എ) സാത്താൻ കുട്ടി​ക​ളെ പ്രലോ​ഭി​പ്പി​ക്കു​ന്നത്‌ എങ്ങനെ? (ബി) കുട്ടി​ക​ളു​ടെ മോശ​മാ​യ പെരു​മാ​റ്റം മാതാ​പി​താ​ക്ക​ളെ എങ്ങനെ ബാധി​ക്കും?

¹⁹ പിശാച്‌ യേശു​വി​നെ പ്രലോ​ഭി​പ്പി​ച്ചു. അതു​പോ​ലെ അവൻ ഇന്നു കുട്ടി​ക​ളെ​യും തെറ്റു​ചെ​യ്യാ​നാ​യി പ്രലോ​ഭി​പ്പി​ക്കു​മെന്ന്‌ ഉറപ്പാണ്‌. (മത്തായി 4:1-10) പിശാ​ചാ​യ സാത്താൻ അതിനാ​യി സമപ്രാ​യ​ക്കാ​രിൽനി​ന്നുള്ള സമ്മർദം ഉപയോ​ഗി​ക്കു​ന്നു. അതിനെ ചെറു​ത്തു​നിൽക്കു​ക എളുപ്പമല്ല. അതു​കൊണ്ട്‌, തെറ്റായ കാര്യങ്ങൾ ചെയ്യു​ന്ന​വ​രു​മാ​യി കുട്ടികൾ ചങ്ങാത്തം കൂടാ​തി​രി​ക്കേ​ണ്ടത്‌ എത്ര പ്രധാ​ന​മാണ്‌! (1 കൊരി​ന്ത്യർ 15:33, NW) യഹോ​വ​യെ ആരാധി​ക്കാ​ത്ത​വ​രു​മാ​യി യാക്കോ​ബി​ന്റെ മകളായ ദീനാ കൂട്ടു​കൂ​ടി​യത്‌ നിരവധി പ്രശ്‌ന​ങ്ങൾക്ക്‌ ഇടയാക്കി. (ഉല്‌പത്തി 34:1, 2) ഒരംഗം ലൈം​ഗി​ക അധാർമി​ക​ത​യിൽ ഏർപ്പെ​ട്ടാൽ അതു കുടും​ബ​ത്തിന്‌ എത്രമാ​ത്രം ദുഃഖം വരുത്തി​വെ​ക്കു​മെ​ന്നു ചിന്തി​ച്ചു​നോ​ക്കൂ!—സദൃശ​വാ​ക്യ​ങ്ങൾ 17:21, 25.

കുടും​ബ​സ​ന്തു​ഷ്ടി​യു​ടെ താക്കോൽ

20. സന്തുഷ്ട കുടും​ബ​ജീ​വി​തം ആസ്വദി​ക്കു​ന്ന​തിന്‌ കുടും​ബ​ത്തി​ലെ ഓരോ​രു​ത്ത​രും എന്തു ചെയ്യണം?

²⁰ ബൈബിൾ ബുദ്ധി​യു​പ​ദേ​ശം ബാധക​മാ​ക്കു​മ്പോൾ കുടും​ബ​പ്ര​ശ്‌ന​ങ്ങൾ കൈകാ​ര്യം ചെയ്യു​ക​യെ​ന്നത്‌ ഏറെ എളുപ്പ​മാണ്‌. വാസ്‌ത​വ​ത്തിൽ, അത്തരം ബുദ്ധി​യു​പ​ദേ​ശം ബാധക​മാ​ക്കു​ന്ന​താണ്‌ കുടും​ബ​സ​ന്തു​ഷ്ടി​യു​ടെ താക്കോൽ. അതു​കൊണ്ട്‌ ഭർത്താ​ക്ക​ന്മാ​രേ, നിങ്ങളു​ടെ ഭാര്യ​മാ​രെ സ്‌നേ​ഹി​ക്കു​ക​യും യേശു സഭയോട്‌ പെരു​മാ​റു​ന്ന​തു​പോ​ലെ അവരോ​ടു പെരു​മാ​റു​ക​യും ചെയ്‌വിൻ. ഭാര്യ​മാ​രേ, ഭർത്താ​ക്ക​ന്മാ​രു​ടെ ശിരഃ​സ്ഥാ​ന​ത്തി​നു കീഴ്‌പെ​ട്ടി​രി​ക്കു​ക​യും സദൃശ​വാ​ക്യ​ങ്ങൾ 31:10-31 വർണി​ച്ചി​രി​ക്കു​ന്ന സാമർഥ്യ​മു​ള്ള ഭാര്യ​യു​ടെ മാതൃക പിൻപ​റ്റു​ക​യും ചെയ്യുക. മാതാ​പി​താ​ക്ക​ളേ, നിങ്ങളു​ടെ കുട്ടി​ക​ളെ പരിശീ​ലി​പ്പി​ക്കു​ക. (സദൃശ​വാ​ക്യ​ങ്ങൾ 22:6) പിതാ​ക്ക​ന്മാ​രേ, ‘സ്വന്ത കുടും​ബ​ത്തെ നന്നായി ഭരിക്കുക.’ (1 തിമൊ​ഥെ​യൊസ്‌ 3:4, 5; 5:8) കുട്ടി​ക​ളേ, നിങ്ങളു​ടെ മാതാ​പി​താ​ക്ക​ളെ അനുസ​രി​ക്കു​ക. (കൊ​ലൊ​സ്സ്യർ 3:20) കുടും​ബ​ത്തി​ലെ ആരും പൂർണ​ര​ല്ലാ​ത്ത​തി​നാൽ എല്ലാവർക്കും തെറ്റു​പ​റ്റും. അതു​കൊണ്ട്‌, താഴ്‌മ​യു​ള്ള​വ​രാ​യി​രു​ന്നു​കൊണ്ട്‌ അന്യോ​ന്യം ക്ഷമ ചോദി​ക്കു​ക.

21. അത്ഭുത​ക​ര​മാ​യ ഏതെല്ലാം പ്രതീ​ക്ഷ​ക​ളാണ്‌ നമുക്കു​ള്ളത്‌, നമുക്ക്‌ ഇപ്പോൾ സന്തുഷ്ട കുടും​ബ​ജീ​വി​തം ആസ്വദി​ക്കാൻ കഴിയു​ന്നത്‌ എങ്ങനെ?

²¹ അതേ, കുടും​ബ​ജീ​വി​തം സംബന്ധിച്ച വില​യേ​റി​യ ബുദ്ധി​യു​പ​ദേ​ശ​വും മാർഗ​നിർദേ​ശ​വും ബൈബി​ളിൽ ധാരാ​ള​മാ​യി അടങ്ങി​യി​രി​ക്കു​ന്നു. കൂടാതെ, ദൈവ​ത്തി​ന്റെ പുതിയ ലോക​ത്തെ​യും യഹോ​വ​യെ സേവി​ക്കു​ന്ന സന്തുഷ്ട ജനത്തെ​ക്കൊ​ണ്ടു നിറഞ്ഞ ഭൗമിക പറുദീ​സ​യെ​യും കുറി​ച്ചും അതു നമ്മെ പഠിപ്പി​ക്കു​ന്നു. (വെളി​പ്പാ​ടു 21:3-5) എത്ര അത്ഭുത​ക​ര​മാ​യ പ്രതീ​ക്ഷ​ക​ളാണ്‌ നമുക്കു​ള്ളത്‌! ദൈവ​വ​ച​ന​മാ​യ ബൈബി​ളി​ലെ മാർഗ​നിർദേ​ശ​ങ്ങൾ ബാധക​മാ​ക്കു​ക​വ​ഴി ഇപ്പോൾപ്പോ​ലും നമുക്ക്‌ സന്തുഷ്ട കുടും​ബ​ജീ​വി​തം ആസ്വദി​ക്കാ​നാ​കും.