ആശ്രയി​ക്ക​ണ​മോ ആശ്രയി​ക്കാ​തി​രി​ക്ക​ണ​മോ എന്നത്‌

ആശ്രയി​ക്ക​ണ​മോ ആശ്രയി​ക്കാ​തി​രി​ക്ക​ണ​മോ എന്നറി​യുക വിഷമ​ക​ര​മാ​യി​രി​ക്കാം. രണ്ടിനും അവയു​ടേ​തായ അപകട​ങ്ങ​ളുണ്ട്‌, പ്രത്യേ​കി​ച്ചു ചതിയും വിശ്വാ​സ​വ​ഞ്ച​ന​യും ഇത്രമാ​ത്രം വ്യാപ​ക​മാ​യി​രി​ക്കുന്ന ഒരു ലോക​ത്തിൽ. എങ്കിലും കഷ്ടകാ​ലത്ത്‌ നമ്മെ പിന്തു​ണ​യ്‌ക്കുന്ന ആശ്രയ​യോ​ഗ്യ​രായ സുഹൃ​ത്തു​ക്കളെ നമു​ക്കെ​ല്ലാ​വർക്കും ആവശ്യ​മാണ്‌. (സദൃശ​വാ​ക്യ​ങ്ങൾ 17:17) ഏതാണ്ട്‌ രണ്ടായി​രം വർഷങ്ങൾക്കു​മുമ്പ്‌ റോമൻ എഴുത്തു​കാ​ര​നായ ഫേയ്‌ഡ്രസ്‌ ഈ വിഷമ​സ​ന്ധി​യെ​ക്കു​റിച്ച്‌ ഈ രീതി​യിൽ വിവരി​ച്ചു: “ആശ്രയി​ക്കു​ന്ന​തും ആശ്രയി​ക്കാ​തി​രി​ക്കു​ന്ന​തും ആപത്‌ക​ര​മാണ്‌.”

ആശ്രയി​ക്കു​ന്നത്‌ ആപത്‌ക​ര​മാ​യി​രി​ക്കാൻ കഴിയും

മറ്റാ​രെ​യെ​ങ്കി​ലും ആശ്രയി​ക്കു​ന്നത്‌ ആപത്‌ക​ര​മാ​യി​രു​ന്നേ​ക്കാ​വു​ന്ന​തെ​ന്തു​കൊണ്ട്‌? കൊള്ളാം, സൈ​ക്കോ​ളജി ടുഡേ മാസി​ക​യിൽ കൊടു​ത്തി​രി​ക്കുന്ന മുന്നറി​യി​പ്പു പരിഗ​ണി​ക്കുക. ആളുക​ളു​ടെ ആശ്രയത്തെ ചൂഷണം ചെയ്യുന്ന ചിലരെ അതു വർണി​ക്കു​ന്നത്‌, “തങ്ങൾക്കു ചുറ്റു​മു​ള്ള​വരെ ചതിക്കാ​നും കളിപ്പാ​വ​ക​ളാ​ക്കാ​നും അവരുടെ ജീവി​ത​ങ്ങളെ തകർക്കാ​നും വശ്യത​യും ഓന്തി​നെ​പ്പോ​ലെ നിറം​മാ​റുന്ന സ്വഭാ​വ​ത്തെ​യും ഉപയോ​ഗി​ക്കുന്ന ഇരപി​ടി​യൻമാ​രാ”യിട്ടാണ്‌. സ്‌പഷ്ട​മാ​യും അത്തരം ചതിയൻമാർ ചുറ്റു​മു​ള്ള​പ്പോൾ അമിത​മാ​യി ആശ്രയി​ക്കു​ന്നതു തീർച്ച​യാ​യും അപകട​ക​ര​മാണ്‌.

അമിത​മാ​യി ആശ്രയി​ക്കുന്ന ഒരാളെ എളുപ്പ​ത്തിൽ കബളി​പ്പി​ക്കാൻ കഴി​ഞ്ഞേ​ക്കും. അതിന്റെ ഫലമായി അവർ എളുപ്പ​ത്തിൽ വഞ്ചിക്ക​പ്പെ​ടു​ക​യും കളിപ്പാ​വ​ക​ളാ​ക്ക​പ്പെ​ടു​ക​യും ചെയ്യും. എളുപ്പ​ത്തിൽ കബളി​പ്പി​ക്ക​പ്പെ​ട്ട​തി​നു മകു​ടോ​ദാ​ഹ​ര​ണ​മാ​യി​രു​ന്നു കുശാഗ്ര ചിന്തയു​ടെ വിദഗ്‌ധ ഡിറ്റക്ടീ​വായ ഷെർലോക്ക്‌ ഹോമ​സി​ന്റെ ഉപജ്ഞാ​താ​വായ സർ ആർതർ കോനാൻ ഡൊയ്‌ൽ. ഇംഗ്ലണ്ടി​ലെ കോട്ടി​ങ്ങ്‌ലി​യി​ലുള്ള തങ്ങളുടെ വീട്ടിലെ പൂന്തോ​ട്ട​ത്തിൽവെച്ച്‌ യക്ഷിക​ളു​മാ​യി കളി​ച്ചെന്ന്‌ എൽസി റൈറ്റ്‌ അവളുടെ കസിൻ ഫ്രാൻസെസ്‌ ഗ്രിഫത്സ്‌ എന്നിങ്ങനെ രണ്ടു പെൺകു​ട്ടി​കൾ 1917-ൽ അവകാ​ശ​പ്പെട്ടു. അതു തെളി​യി​ക്കാ​നുള്ള ശ്രമത്തിൽ അവർ യക്ഷിക​ളു​ടെ ഫോ​ട്ടോ​കൾവരെ ഉണ്ടാക്കി.

തന്റെ പുത്രന്റെ മരണത്തി​നു​ശേഷം ഭൂതവി​ദ്യ​യിൽ ആഴത്തിൽ തത്‌പ​ര​നാ​യി​രുന്ന കോനാൻ ഡോയ്‌ൽ അവരെ ആശ്രയി​ക്കു​ക​യും യക്ഷിക​ളെ​ക്കു​റി​ച്ചുള്ള കഥകൾ വിശ്വ​സി​ക്കു​ക​യും ചെയ്‌തു—ആ കാലത്തെ അനേകം ആളുക​ളെ​പ്പോ​ലെ തന്നെ. അതെല്ലാം ഒരു തട്ടിപ്പാ​യി​രു​ന്നു​വെ​ന്നും “യക്ഷികളു”ടെ പടങ്ങൾ ഒരു പുസ്‌ത​ക​ത്തിൽനിന്ന്‌ വെട്ടി​യെ​ടു​ത്തിട്ട്‌ അവയുടെ ഫോ​ട്ടോ​യെ​ടു​ത്ത​താ​ണെ​ന്നും ആ രണ്ടു പെൺകു​ട്ടി​കൾ ഏതാണ്ട്‌ 55 വർഷം കഴിഞ്ഞാ​ണു സമ്മതി​ച്ചത്‌. അവരുടെ കഥ ആരെങ്കി​ലും വിശ്വ​സി​ച്ച​തിൽ ഫ്രാൻസെസ്‌ ഗ്രിഫിത്സ്‌ അത്ഭുതം പ്രകട​മാ​ക്കി. അവർ ഇങ്ങനെ പറഞ്ഞു: “അവർ യഥാർഥ​മാ​ണെന്നു വിശ്വ​സി​ക്കാൻ തക്കവണ്ണം ലോക​ത്തിൽ ആർക്കെ​ങ്കി​ലും അത്ര വിഡ്‌ഢി​യാ​യി​രി​ക്കാൻ കഴിഞ്ഞ​തെ​ങ്ങ​നെ​യെ​ന്നത്‌ എനിക്ക്‌ എല്ലായ്‌പോ​ഴും ഒരു രഹസ്യ​മാ​യി​രു​ന്നു.”—തട്ടിപ്പു​കാ​രും അവരുടെ ഇരകളും (ഇംഗ്ലീഷ്‌).

കോനാൻ ഡോയ്‌ൽ വീണ കെണി നിങ്ങൾക്കു കാണാൻ കഴിയു​ന്നു​ണ്ടോ? ആ കഥ നേരാ​യി​രി​ക്കാൻ അദ്ദേഹം ആഗ്രഹി​ച്ച​തു​കൊണ്ട്‌ അത്‌ അതുപടി കണ്ണടച്ചങ്ങു വിശ്വ​സി​ച്ചു. ഗ്രന്ഥകാ​ര​നായ നോർമൻ മോസ്സ്‌ ഇപ്രകാ​രം പറയുന്നു: “പതിവു പ്രവണത നമ്മുടെ ഗ്രഹണ​പ്രാ​പ്‌തി​കളെ കേവലം മന്ദീഭ​വി​പ്പി​ച്ചി​രി​ക്കു​ന്ന​തു​കൊണ്ട്‌ നമ്മെ മടയൻ കളിപ്പി​ക്കാൻ കഴിയും. നാം പകുതി​യടഞ്ഞ കണ്ണുക​ളി​ലൂ​ടെ​യാ​ണു കാര്യ​ങ്ങളെ നോക്കു​ന്നത്‌. . . . ചില​പ്പോൾ ഒരു കാര്യം സത്യമാ​യി​രി​ക്കാൻ നാം ആഗ്രഹി​ക്കു​ന്ന​തു​കൊണ്ട്‌ നാം ആ കാര്യത്തെ സത്യമാ​യി സ്വീക​രി​ക്കു​ന്നു.” (ദ പ്ലഷേഴ്‌സ്‌ ഓഫ്‌ ഡിസെ​പ്‌ഷൻ) നമ്മുടെ പൊതു​യു​ഗ​ത്തി​നു ഏതാണ്ട്‌ 350 വർഷം മുമ്പ്‌ പ്രസിദ്ധ ഗ്രീക്ക്‌ വാഗ്മി ഡെമൊ​സ്‌തെ​നെസ്‌ നൽകിയ മുന്നറി​യി​പ്പി​നെ ഇത്‌ പ്രതി​ധ്വ​നി​പ്പി​ക്കു​ന്നു: “സ്വയം ചതിക്കാ​നാണ്‌ എല്ലാത്തി​ലും ഏറ്റവും എളുപ്പം. എന്തു​കൊ​ണ്ടെ​ന്നാൽ ഒരു മനുഷ്യൻ സത്യമാ​യി​രി​ക്കാൻ ആഗ്രഹി​ക്കു​ന്നത്‌ സാധാ​ര​ണ​ഗ​തി​യിൽ അവൻ സത്യമാ​ണെന്നു വിശ്വ​സി​ക്കു​ന്നു.” നമ്മുടെ വികാ​ര​ങ്ങ​ളിൽ മാത്രം ആശ്രയി​ക്കു​ന്നത്‌ അപകട​ക​ര​മാ​യി​രി​ക്കാൻ കഴിയും.

സത്യം​ത​ന്നെ, അതു തീരെ അസാധാ​ര​ണ​മായ ഒരു ഉദാഹ​ര​ണ​മാ​ണെ​ന്നും കാനോൻ ഡോയ്‌ൽ നിങ്ങൾ എന്നെങ്കി​ലും ആയിരു​ന്നേ​ക്കാ​വു​ന്ന​തി​ലും വലിയ മടയനാ​ണെ​ന്നും നിങ്ങൾ വിചാ​രി​ച്ചേ​ക്കാം. എന്നാൽ ചതിക്ക​പ്പെ​ടു​ന്ന​തി​ന്റെ അപകട​ത്തിൽ ആയിരി​ക്കു​ന്നത്‌ എളുപ്പ​ത്തിൽ കബളി​പ്പി​ക്കാ​വു​ന്നവർ മാത്രമല്ല. ശ്രദ്ധാ​ലു​ക്ക​ളും സാധാ​ര​ണ​ഗ​തി​യിൽ ജാഗരൂ​ക​രു​മായ അനേകം ആളുക​ളും ആശ്രയ​യോ​ഗ്യ​രെന്നു തോന്നുന്ന ആളുക​ളാൽ വിഡ്‌ഢി​ക​ളാ​ക്ക​പ്പെ​ടു​ക​യും വഞ്ചിക്ക​പ്പെ​ടു​ക​യും ചെയ്‌തി​ട്ടുണ്ട്‌.

ആശ്രയി​ക്കാ​തി​രി​ക്കു​ന്നത്‌ ആപത്‌ക​ര​മാ​യി​രി​ക്കാൻ കഴിയും

എന്നാൽ, ആരെയും അല്ലെങ്കിൽ ഒന്നി​നെ​യും ആശ്രയി​ക്കാ​തി​രി​ക്കു​ന്ന​തി​ലും അപകട​ങ്ങ​ളുണ്ട്‌. ആശ്രയ​മി​ല്ലായ്‌മ ദ്രവി​പ്പി​ക്കുന്ന തുരു​മ്പു​പോ​ലെ​യാണ്‌. അല്ലാത്ത​പക്ഷം സന്തോ​ഷ​ക​ര​മാ​യി​രി​ക്കാ​വുന്ന അടുത്ത ബന്ധങ്ങൾ കാർന്നു​തി​ന്നു​ന്ന​തിന്‌ അതിനു കഴിയും. ആഴത്തിൽ വേരു​പി​ടി​ച്ചി​രി​ക്കുന്ന സഹവാ​സ​വി​ര​ക്ഷി​ക്കും വിട്ടു​വീ​ഴ്‌ച​വ​രു​ത്താത്ത അനാ​ശ്ര​യ​ത്വ​ത്തി​നും നിങ്ങളെ വളരെ അസന്തു​ഷ്ട​നും സുഹൃ​ത്തു​ക്ക​ളി​ല്ലാ​ത്ത​വ​നു​മാ​ക്കി​ത്തീർക്കാൻ കഴിയും. മറ്റാളു​ക​ളു​മാ​യുള്ള ബന്ധങ്ങളു​ടെ​മേൽ വളരെ​യ​ധി​കം ക്ഷതമേൽപ്പി​ക്കാൻ അതിനു കഴിയും. അതേക്കു​റിച്ച്‌, ഇംഗ്ലീഷ്‌ എഴുത്തു​കാ​ര​നായ സാമു​വേൽ ജോൺസൺ പിൻവ​രു​ന്ന​പ്ര​കാ​രം എഴുതാൻ തക്കവണ്ണം പ്രേരി​ത​നാ​യി: “ആശ്രയി​ക്കാ​തി​രി​ക്കു​ന്ന​തി​ലും അധികം സന്തോ​ഷ​കരം ചില​പ്പോ​ഴൊ​ക്കെ വഞ്ചിക്ക​പ്പെ​ടു​ന്ന​താണ്‌.”

അനാ​ശ്ര​യ​ത്വ​ത്തി​നു നിങ്ങളു​ടെ ശാരീ​രിക ആരോ​ഗ്യ​ത്തെ​പ്പോ​ലും അപകട​ത്തി​ലാ​ക്കാൻ കഴിയും. കോപം പോലുള്ള ശക്തമായ വികാ​ര​ങ്ങൾക്കു ഹൃദയ​സ്‌തം​ഭ​ന​ത്തിന്‌ ഇടയാ​ക്കാൻ കഴിയു​മെന്ന സംഗതി നിങ്ങൾക്ക്‌ അറിയാ​മാ​യി​രി​ക്കാം. എന്നാൽ അനാ​ശ്ര​യ​ത്വ​മു​ള്ള​വ​രാ​യി​രി​ക്കുന്ന​തിന്‌ അതുതന്നെ ചെയ്യാൻ കഴിയു​മെന്ന്‌ ചില ഗവേഷണം നിർദേ​ശി​ക്കു​ന്ന​താ​യി നിങ്ങൾക്ക്‌ അറിയാ​മാ​യി​രു​ന്നോ? ഷാട്‌ലാൻ മാസിക ഇപ്രകാ​രം പറയുന്നു: “തങ്ങളുടെ സ്വഭാ​വം​കൊണ്ട്‌ ഹൃ​ദ്രോ​ഗം ഉണ്ടാകു​ന്ന​തി​നുള്ള സാധ്യ​തകൾ വർധി​പ്പി​ച്ചേ​ക്കാ​വു​ന്നവർ കോപ​ത്താൽ പൊട്ടി​ത്തെ​റി​ക്കു​ന്നവർ മാത്രമല്ല. സഹവാ​സ​വി​ര​ക്തി​യും അനാ​ശ്ര​യ​ത്വ​വും കാട്ടു​ന്ന​വ​രാ​യി​രി​ക്കാ​നുള്ള പ്രവണത പോലുള്ള ശത്രു​ത​യു​ടെ സൂക്ഷ്‌മ രൂപങ്ങൾക്കു​പോ​ലും അപകട​മു​യർത്താൻ കഴിയു​മെന്ന്‌ പുതിയ ഗവേഷണം സൂചി​പ്പി​ക്കു​ന്നു.”

സൂക്ഷ്‌മ​ബു​ദ്ധി​യോ​ടെ നിങ്ങളു​ടെ നടപ്പുകൾ സൂക്ഷി​ച്ചു​കൊൾക

നിങ്ങൾക്ക്‌ എന്തു ചെയ്യാൻ കഴിയും? ഈ സംഗതി സംബന്ധിച്ച്‌ ബൈബിൾ ചില നല്ല ഉപദേശം നൽകുന്നു: “അല്‌പ​ബു​ദ്ധി ഏതു വാക്കും വിശ്വ​സി​ക്കു​ന്നു” എന്ന്‌ സദൃശ​വാ​ക്യ​ങ്ങൾ 14:15 പറയുന്നു. ഇത്‌ നാശക​ര​മായ സഹവാ​സ​വി​ര​ക്തി​യല്ല. ജാഗ്ര​ത​യു​ടെ ആവശ്യം സംബന്ധിച്ച ഒരു യഥാർഥ ഓർമി​പ്പി​ക്ക​ലാണ്‌ അത്‌. തീരെ ശുദ്ധഗ​തി​ക്കാ​ര​നായ അനുഭ​വ​പ​രി​ച​യ​മി​ല്ലാത്ത വ്യക്തി​മാ​ത്രമേ താൻ കേൾക്കുന്ന ഏതുവാ​ക്കും കണ്ണടച്ചു വിശ്വ​സി​ക്കു​ക​യു​ള്ളൂ. നല്ല കാരണ​ത്തോ​ടെ ബൈബിൾ സദൃശ​വാ​ക്യം ഇപ്രകാ​രം തുടരു​ന്നു: “സൂക്ഷ്‌മ​ബു​ദ്ധി​യോ തന്റെ നടപ്പു സൂക്ഷി​ച്ചു​കൊ​ള്ളു​ന്നു.” ഇംഗ്ലീഷ്‌ നാടക​കൃ​ത്തായ വില്യം ഷേക്ക്‌സ്‌പി​യർ ഇങ്ങനെ എഴുതി: “ജീർണിച്ച പലകകളെ ആശ്രയി​ക്ക​രുത്‌.” ആഴമുള്ള ഒരു കുഴിക്കു മീതെ​യുള്ള ഒരു പാലത്തി​ലെ പലകകൾ ജീർണി​ച്ച​താ​യി​രി​ക്കു​മെന്നു വിചാ​രി​ക്കുന്ന ഒരുവൻ അവയിൽ ചവിട്ടു​ന്നതു വലിയ മടയത്ത​ര​മാ​യി​രി​ക്കും. അങ്ങനെ​യെ​ങ്കിൽ നിങ്ങളു​ടെ ആശ്രയം അസ്ഥാനത്തു വയ്‌ക്കാ​തി​രി​ക്കാൻ തക്കവണ്ണം നിങ്ങൾക്ക്‌ ‘നിങ്ങളു​ടെ നടപ്പുകൾ സൂക്ഷി​ക്കാൻ’ എങ്ങനെ കഴിയും?

നാം കേൾക്കു​ന്ന​തെ​ന്തും വെറുതെ കണ്ണടച്ച്‌ അംഗീ​ക​രി​ക്കു​ന്ന​തി​നു പകരം ആളുകൾ പറയു​ന്നതു പരി​ശോ​ധി​ച്ചു നോക്കാൻ ബൈബിൾ നമ്മെ പ്രോ​ത്സാ​ഹി​പ്പി​ക്കു​ന്നു. “അണ്ണാക്കു ആഹാരത്തെ രുചി​നോ​ക്കു​ന്നു; ചെവി​യോ വചനങ്ങളെ ശോധന ചെയ്യുന്നു” എന്ന്‌ അതു പറയുന്നു. (ഇയ്യോബ്‌ 34:3) അതു സത്യമല്ലേ? നാം ആഹാരം ഇറക്കു​ന്ന​തി​നു മുമ്പ്‌ സാധാ​ര​ണ​മാ​യി അതിന്റെ രുചി നോക്കാ​റി​ല്ലേ? അതു​പോ​ലെ, ആളുക​ളു​ടെ വാക്കു​ക​ളും പ്രവൃ​ത്തി​ക​ളും അംഗീ​ക​രി​ക്കു​ന്ന​തി​നു മുമ്പു നാം അവ പരി​ശോ​ധി​ക്കേ​ണ്ട​തുണ്ട്‌. ആത്മാർഥ​ത​യുള്ള ഒരുവനു നാം അയാളു​ടെ വിശ്വാ​സ​യോ​ഗ്യ​തകൾ പരി​ശോ​ധി​ക്കുന്ന പക്ഷം നീരസം തോന്നു​ക​യില്ല. എന്തെങ്കി​ലും സംഗതി യഥാർഥ​മാ​ണെന്നു കാണാൻ നാം അതു പരി​ശോ​ധി​ച്ചു നോ​ക്കേ​ണ്ടി​യി​രി​ക്കു​ന്നു​വെ​ന്നു​ള്ളതു പിൻവ​രുന്ന സ്‌കോ​ട്ടിഷ്‌ പഴമൊ​ഴി​യാൽ പിന്തു​ണ​യ്‌ക്ക​പ്പെ​ടു​ന്നു: “എന്നെ ഒരു പ്രാവ​ശ്യം ചതിച്ചാൽ ലജ്ജ ചതിക്കു​ന്ന​യാ​ളി​നാണ്‌; എന്നാൽ അവൻ എന്നെ രണ്ടു തവണ ചതിച്ചാൽ ലജ്ജ എനിക്കാണ്‌.”

“എല്ലാത്തി​നെ​യും ശോധന ചെയ്യുക” എന്ന്‌ അപ്പോ​സ്‌ത​ല​നായ പൗലോസ്‌ ഉപദേ​ശി​ച്ചു. (1 തെസ്സ​ലൊ​നീ​ക്യർ 5:21, റ്റുഡേ​യ്‌സ്‌ ഇംഗ്ലീഷ്‌ വേർഷൻ) “ശോധന” എന്നുള്ള​തിന്‌ അപ്പോ​സ്‌ത​ല​നായ പൗലോസ്‌ ഉപയോ​ഗി​ച്ചി​രി​ക്കുന്ന പദം, വില​യേ​റിയ ലോഹങ്ങൾ യഥാർഥ​ത്തി​ലു​ള്ള​താ​ണോ എന്നറി​യു​ന്ന​തിന്‌ മാറ്റു​ര​ച്ചു​നോ​ക്കു​ന്ന​തി​നോ​ടുള്ള ബന്ധത്തി​ലും ഉപയോ​ഗി​ച്ചി​ട്ടുണ്ട്‌. താൻ വാങ്ങി​ക്കു​ന്നത്‌ യഥാർഥ​ത്തി​ലു​ള്ള​താ​ണോ​യെ​ന്ന​റി​യാൻ വിവേ​കി​യായ ഒരു വ്യക്തി എല്ലായ്‌പോ​ഴും ശോധന ചെയ്യും. അല്ലാത്ത​പക്ഷം അയാൾ വാങ്ങി​ക്കു​ന്നതു വിഡ്‌ഢി​യു​ടെ സ്വർണം എന്നു പറയു​ന്ന​താ​യി​രി​ക്കും. സ്വർണം​പോ​ലെ​യി​രി​ക്കു​ന്ന​തും എന്നാൽ വാസ്‌ത​വ​ത്തിൽ വിലയി​ല്ലാ​ത്ത​തു​മായ ഒരു വസ്‌തു.

ന്യായ​ബോ​ധ​വും സമനി​ല​യും ഉള്ളവരാ​യി​രി​ക്കുക

തീർച്ച​യാ​യും, നാം ഈ കാര്യ​ത്തിൽ ന്യായ​ബോ​ധ​മു​ള്ള​വ​രും മറ്റുള്ള​വ​രെ​ക്കു​റിച്ച്‌ അമിത​മാ​യി സംശയി​ക്കാ​ത്ത​വ​രു​മാ​യി​രി​ക്കാൻ ആഗ്രഹി​ക്കു​ന്നു. (ഫിലി​പ്പി​യർ 4:5) ആർക്കെ​ങ്കി​ലും മോശ​മായ ആന്തരങ്ങ​ളു​ണ്ടെന്ന്‌ പെട്ടെന്ന്‌ ആരോ​പി​ക്കാ​തി​രി​ക്കുക. ആന്തരങ്ങളെ തെറ്റായി വ്യാഖ്യാ​നി​ക്കു​ന്നത്‌ നല്ല, അടുത്ത ബന്ധങ്ങളെ തകർക്കു​ന്ന​തി​നുള്ള ഏറ്റവും എളുപ്പ മാർഗ​മാ​യി​രി​ക്കാൻ കഴിയും. പ്രയാ​സ​ക​ര​മായ സാഹച​ര്യ​ങ്ങൾ ഉണ്ടാകു​മ്പോൾ നിങ്ങളു​ടെ സുഹൃ​ത്തു​ക്കൾക്കു മോശ​മായ ആന്തരങ്ങൾ ഉണ്ടെന്ന്‌ ആരോ​പി​ക്കു​ന്ന​തി​നു​പ​കരം അവർ നിങ്ങൾക്ക്‌ ഏറ്റവും നല്ലതു ചെയ്യാൻ ആഗ്രഹി​ക്കു​ന്നു എന്നു സങ്കൽപ്പി​ക്കു​ന്ന​താ​ണു സാധാ​ര​ണ​മാ​യി ഏറ്റവും നല്ലത്‌.

മറ്റുള്ള​വ​രു​ടെ അപൂർണ​ത​കൾക്കും തെറ്റു​കൾക്കും വിട്ടു​വീ​ഴ്‌ചകൾ വരുത്തുക. “ഒരു സുഹൃ​ത്തി​നാ​ലുള്ള വഞ്ചന ആശ്രയ​ത്തി​ന്റെ ലംഘനത്തെ അർഥമാ​ക്കു​ന്നു” എന്ന്‌ എഴുത്തു​കാ​രി​യായ ക്രിസ്റ്റിൻ വൊൺ ക്രൈസ്ലർ പറയുന്നു. എന്നിരു​ന്നാ​ലും, അത്തരം വിശ്വാ​സ​വഞ്ചന കരുതി​ക്കൂ​ട്ടി ചെയ്‌ത​ത​ല്ലാ​യി​രി​ക്കാം. അല്ലെങ്കിൽ ഇപ്പോൾ ആഴമായ മനസ്‌താ​പം തോന്നുന്ന ബലഹീ​ന​ത​യു​ടെ ഫലമാ​യി​രു​ന്നി​രി​ക്കാം. അതു​കൊണ്ട്‌ അവർ ഇപ്രകാ​രം തുടരു​ന്നു: “ആ വഞ്ചന​യെ​ക്കു​റി​ച്ചു​തന്നെ ചിന്തി​ച്ചു​കൊ​ണ്ടി​രി​ക്ക​രുത്‌—അല്ലെങ്കിൽ മറ്റുള്ള​വരെ ആശ്രയി​ക്കു​ന്ന​തിൽനി​ന്നു നിങ്ങളെ തടയാൻ അതിനെ നിങ്ങൾ അനുവ​ദി​ക്ക​രുത്‌.” മറ്റുള്ള​വ​രു​മാ​യി ആശ്രയ​ക​ര​മായ ബന്ധങ്ങൾ കെട്ടു​പ​ണി​ചെ​യ്യു​ന്ന​തിൽനി​ന്നു വന്നേക്കാ​വുന്ന സന്തോ​ഷ​ങ്ങളെ തിക്തവും നിഷേ​ധാ​ത്മ​ക​വു​മായ അനുഭ​വങ്ങൾ നിങ്ങളിൽനി​ന്നും കവർന്നു​ക​ള​യാൻ അനുവ​ദി​ക്ക​രുത്‌.

സമനി​ല​യു​ള്ള​വ​രാ​യി​രി​ക്കുക. ആളുകളെ വിലയി​രു​ത്തു​മ്പോൾ നിങ്ങൾ കൺമറകൾ ധരി​ക്കേ​ണ്ട​തില്ല; മുൻക​രു​ത​ലുള്ള ഒരു വ്യക്തി ജാഗ്ര​ത​യു​ള്ള​വ​നാ​യി ഇരിക്കു​ന്നു. നേരേ​മ​റിച്ച്‌, മറ്റുള്ളവർ തങ്ങളുടെ പരമാ​വധി ചെയ്യു​ന്നു​ണ്ടെന്നു സങ്കൽപ്പി​ക്കാ​നും അവരുടെ വീക്ഷണ​ഗതി മനസ്സി​ലാ​ക്കാ​നും നാം ശ്രമി​ക്ക​ണ​മെ​ന്നും സാധ്യ​മാ​യി​രി​ക്കു​മ്പോ​ഴെ​ല്ലാം “മറ്റുള്ള​വരെ ആശ്രയി​ക്കു​ന്നതു ശീലമാക്ക”ണമെന്നും ഡോക്ടർ റെഡ്‌ഫർഡ്‌ വില്ല്യംസ്‌ നിർദേ​ശി​ക്കു​ന്നു. ഒരിക്ക​ലും ആശ്രയി​ക്കാ​തി​രി​ക്കു​ന്ന​തി​നെ​ക്കാൾ മെച്ചം അമിത​മാ​യി ആശ്രയി​ക്കു​ന്ന​താ​യി​രു​ന്നേ​ക്കാം.

‘പരസ്‌പരം ഛിദ്രി​ക്കാൻ പ്രവണ​ത​യുള്ള സുഹൃ​ത്തു​ക്കൾ’—അതായത്‌ നിങ്ങളു​ടെ ആശ്രയത്തെ ചൂഷണം ചെയ്യാൻ ശ്രമി​ക്കുന്ന ആളുകൾ ‘ഉണ്ടെ’ന്ന്‌ സദൃശ​വാ​ക്യ​ങ്ങൾ എന്ന ബൈബിൾ പുസ്‌ത​ക​ത്തി​ന്റെ ലേഖകൻ സമ്മതിച്ചു പറയുന്നു. ലോകം അവരെ​ക്കൊ​ണ്ടു നിറഞ്ഞി​രി​ക്കു​ക​യാണ്‌. എന്നാൽ ആശ്രയ​യോ​ഗ്യ​രെന്നു പ്രകടി​പ്പി​ക്കാൻ മറ്റുള്ള​വർക്കു സമയവും സന്ദർഭ​വും നൽകുക. അങ്ങനെ​യെ​ങ്കിൽ വാസ്‌ത​വ​ത്തിൽ, “സഹോ​ദ​ര​നെ​ക്കാ​ളും പറ്റുള്ള” സ്‌നേ​ഹി​തരെ നിങ്ങൾ കണ്ടെത്തും.—സദൃശ​വാ​ക്യ​ങ്ങൾ 18:24.

അപ്പോൾപ്പി​ന്നെ, നിങ്ങളു​ടെ ആശ്രയം ചൂഷണം ചെയ്യ​പ്പെ​ടും അല്ലെങ്കിൽ വഞ്ചിക്ക​പ്പെ​ടും എന്ന ഭയം കൂടാതെ നിങ്ങൾക്ക്‌ പൂർണ ആശ്രയം അർപ്പി​ക്കാൻ കഴിയുന്ന ആരെങ്കി​ലും അഥവാ എന്തെങ്കി​ലു​മു​ണ്ടോ? ഉണ്ട്‌, തീർച്ച​യാ​യു​മുണ്ട്‌. സമ്പൂർണ​മായ ഉറപ്പോ​ടെ നിങ്ങൾക്ക്‌ ആശ്രയം വെക്കാൻ കഴിയു​ന്നത്‌ എവി​ടെ​യെന്ന്‌ അടുത്ത ലേഖനം ഹ്രസ്വ​മാ​യി പരിചി​ന്തി​ക്കു​ന്ന​താ​യി​രി​ക്കും.

[6-ാം പേജിലെ ആകർഷ​ക​വാ​ക്യം]

“അല്‌പ​ബു​ദ്ധി ഏതു വാക്കും വിശ്വ​സി​ക്കു​ന്നു; സൂക്ഷ്‌മ​ബു​ദ്ധി​യോ തന്റെ നടപ്പു സൂക്ഷി​ച്ചു​കൊ​ള്ളു​ന്നു.”—സദൃശ​വാ​ക്യ​ങ്ങൾ 14:15

[7-ാം പേജിലെ ചിത്രം]

മറ്റുള്ളവരുടെ അപൂർണ​ത​കൾക്കും തെറ്റു​കൾക്കും വിട്ടു​വീ​ഴ്‌ചകൾ വരുത്തുക