‘ദാനശീ​ല​രും ഔദാ​ര്യ​മു​ള്ള​വ​രും ആയിരി​ക്കുക’

¹ “നന്മ ചെയ്‌വാ​നും സൽപ്ര​വൃ​ത്തി​ക​ളിൽ സമ്പന്നരാ​യി ദാനശീ​ല​രും ഔദാ​ര്യ​മു​ള്ള​വ​രു​മാ​യി”രിക്കാ​നും സഹവി​ശ്വാ​സി​കളെ പ്രോ​ത്സാ​ഹി​പ്പി​ക്കാൻ നൂറ്റാ​ണ്ടു​കൾക്കു​മുമ്പ്‌ അപ്പൊ​സ്‌ത​ല​നായ പൗലൊസ്‌ തിമൊ​ഥെ​യൊ​സി​നെ ഉദ്‌ബോ​ധി​പ്പി​ച്ചു. (1 തിമൊ. 6:18) “നന്മചെ​യ്‌വാ​നും കൂട്ടാ​യ്‌മ​കാ​ണി​പ്പാ​നും മറക്കരു​തു” എന്ന്‌ പൗലൊസ്‌ എബ്രായ ക്രിസ്‌ത്യാ​നി​ക​ളെ​യും ഓർമി​പ്പി​ച്ചു. (എബ്രാ. 13:16) അവൻ ഈ പ്രബോ​ധ​നങ്ങൾ നൽകി​യത്‌ എന്തു​കൊ​ണ്ടാ​യി​രു​ന്നു? എന്തെന്നാൽ, “നന്മ പ്രവർത്തി​ക്കുന്ന ഏവന്നും മഹത്വ​വും മാനവും സമാധാ​ന​വും” ഉണ്ടാകു​മെന്നു പൗലൊ​സിന്‌ അറിയാ​മാ​യി​രു​ന്നു.—റോമ. 2:10.

² യഹോ​വ​യാം ദൈവം സ്രഷ്ടാ​വാ​യ​തി​നാൽ, അവൻ എല്ലാറ്റി​ന്റെ​യും ഉടയവ​നാണ്‌. (വെളി. 4:11) തനിക്ക്‌ സ്വന്തമായ വസ്‌തു​ക്കൾ ഉപയോ​ഗിച്ച്‌ നമ്മുടെ പ്രയോ​ജ​ന​ത്തി​നാ​യി അവൻ ചെയ്യുന്ന കാര്യ​ങ്ങളെ നാം തീർച്ച​യാ​യും വിലമ​തി​ക്കു​ന്നു. മനുഷ്യ​വർഗ​ത്തിൽ ഭൂരി​ഭാ​ഗ​വും കൃതഘ്‌ന​രാ​യി​രു​ന്നി​ട്ടും, ജീവൻ നിലനി​റു​ത്താൻ ഉദാര​മാ​യി നൽകി​യി​രി​ക്കുന്ന കരുത​ലു​കൾ പ്രയോ​ജ​ന​പ്പെ​ടു​ത്താൻ പരമോ​ന്നതൻ അവരെ അനുവ​ദി​ച്ചി​രി​ക്കു​ന്നു. (മത്താ. 5:45) നമുക്ക്‌ നിത്യ​ജീ​വൻ ഉണ്ടാ​കേ​ണ്ട​തിന്‌ അവൻ തന്റെ പ്രിയ പുത്രനെ ഒരു യാഗമാ​യി നൽകു​ക​പോ​ലും ചെയ്‌തു. സഹമനു​ഷ്യ​രോട്‌ ഔദാ​ര്യ​മു​ള്ള​വ​രാ​യി​രു​ന്നു​കൊണ്ട്‌, കൃതജ്ഞ​ത​യു​ള്ള​വ​രെന്നു തെളി​യി​ക്കാൻ ദൈവം നമ്മോടു കാണി​ച്ചി​രി​ക്കുന്ന ഈ സ്‌നേഹം നമ്മെ പ്രേരി​പ്പി​ക്കേ​ണ്ട​തല്ലേ?—2 കൊരി. 5:14, 15.

³ നൽകാൻ നമ്മുടെ പക്കൽ എന്താണു​ള്ളത്‌?: നമുക്കു​ള്ള​തെ​ന്തും ദൈവ​ദൃ​ഷ്ടി​യിൽ പ്രസാ​ദ​ക​ര​മായ രീതി​യിൽ ഉപയോ​ഗി​ക്കു​ന്നത്‌ തികച്ചും ഉചിത​മാണ്‌. തീർച്ച​യാ​യും ലോക​വ്യാ​പക പ്രസം​ഗ​വേ​ലയെ ഭൗതി​ക​മാ​യും ആത്മീയ​മാ​യും പിന്തു​ണ​യ്‌ക്കാൻ നാമെ​ല്ലാം ആഗ്രഹി​ക്കു​ന്നു. യഥാർഥ​ത്തിൽ, ഏതൊ​രു​വ​നും ഉണ്ടായി​രി​ക്കാൻ കഴിയുന്ന ഏറ്റവും വില​യേ​റിയ നിധി​യാണ്‌ സുവാർത്ത. കാരണം, അത്‌ “രക്ഷയ്‌ക്കാ​യി ദൈവ​ശ​ക്തി​യാ​കു​ന്നു.” (റോമ. 1:16) ഓരോ മാസവും പ്രസംഗ പഠിപ്പി​ക്കൽ വേലയിൽ പങ്കെടു​ക്കാൻ നമ്മുടെ സമയവും ഊർജ​വു​മെ​ല്ലാം ഉദാര​മാ​യി ഉപയോ​ഗി​ക്കു​ന്നതു മുഖാ​ന്തരം, നമ്മുടെ പക്കലുള്ള ആത്മീയ നിധി മറ്റുള്ള​വ​രു​മൊത്ത്‌ പങ്കിടാൻ നമുക്കു സാധി​ക്കും, അത്‌ അവർ നിത്യ​ജീ​വൻ പ്രാപി​ക്കു​ന്ന​തിൽ കലാശി​ക്കു​ക​യും ചെയ്യും.

⁴ നാം ദരി​ദ്രരെ സഹായി​ക്കു​മ്പോൾ യഹോ​വ​യ്‌ക്ക്‌ വളരെ​യ​ധി​കം സന്തോ​ഷ​മു​ണ്ടാ​കു​ന്നു. അവൻ നമുക്ക്‌ അനു​ഗ്ര​ഹങ്ങൾ വാഗ്‌ദാ​നം ചെയ്യുന്നു. കൂടാതെ, അവൻ നമ്മെ ഇങ്ങനെ ഓർമി​പ്പി​ക്കു​ക​യും ചെയ്യുന്നു: “ക്രോ​ധ​ദി​വ​സ​ത്തിൽ സമ്പത്തു ഉപകരി​ക്കു​ന്നില്ല; നീതി​യോ മരണത്തിൽനി​ന്നു വിടു​വി​ക്കു​ന്നു.” (സദൃ. 11:4; 19:17) രാജ്യ​വേ​ലയെ ഭൗതി​ക​മാ​യി പിന്തു​ണ​ച്ചു​കൊ​ണ്ടും സുവാർത്താ പ്രസം​ഗ​ത്തിൽ പൂർണ​പ​ങ്കു​ണ്ടാ​യി​രു​ന്നു​കൊ​ണ്ടും നാം ദാനശീ​ല​രും ഔദാ​ര്യ​മു​ള്ള​വ​രു​മാ​ണെന്ന്‌ പ്രകട​മാ​ക്കാം.