ബൈബി​ളി​ന്റെ വീക്ഷണം

നമ്മുടെ പാപങ്ങൾക്ക്‌ സാത്താനെ പഴിക്ക​ണ​മോ?

ആദ്യ സ്‌ത്രീ​യായ ഹവ്വാ പാപം ചെയ്‌ത​പ്പോൾ അവൾ പഴിചാ​രി​യത്‌ സാത്താ​നെ​യാണ്‌. “പാമ്പു എന്നെ വഞ്ചിച്ചു, ഞാൻ തിന്നു​പോ​യി” എന്ന്‌ അവൾ പറഞ്ഞു. (ഉല്‌പത്തി 3:13) അന്നു മുതൽ, ‘പിശാ​ചും സാത്താ​നും എന്ന പഴയ പാമ്പ്‌’ ആളുക​ളു​ടെ “മനസ്സു കുരു​ടാ​ക്കി”ക്കൊണ്ടും “ഭൂതലത്തെ മുഴുവൻ തെററി​ച്ചു​കള”ഞ്ഞുകൊ​ണ്ടും മനുഷ്യ​വർഗ​ത്തി​നെ​തി​രെ ഉഗ്ര​പോ​രാ​ട്ടം നടത്തി​ക്കൊ​ണ്ടി​രി​ക്കു​ക​യാണ്‌. (വെളി​പ്പാ​ടു 12:9; 2 കൊരി​ന്ത്യർ 4:4) ഒരു മനുഷ്യ​നും അവന്റെ സ്വാധീ​ന​ത്തിൽനിന്ന്‌ ഒഴിഞ്ഞു​മാ​റാ​നാ​കില്ല. നമുക്ക്‌ അവന്റെ സ്വാധീ​നത്തെ ചെറു​ത്തു​നിൽക്കാൻ സാധി​ക്കി​ല്ലെ​ന്നാ​ണോ ഇതിന്റെ അർഥം? നമ്മുടെ സകല പാപത്തി​നും അവനാ​ണോ കുറ്റക്കാ​രൻ?

സാത്താൻ ഹവ്വായെ വഞ്ചിക്കു​ക​തന്നെ ചെയ്‌തു​വെന്ന്‌ ബൈബിൾ പറയുന്നു. (1 തിമൊ​ഥെ​യൊസ്‌ 2:14) ദൈവ​കൽപ്പന ലംഘി​ക്കു​ന്ന​തി​ലൂ​ടെ ദൈവ​തു​ല്യ​മായ ഉൾക്കാ​ഴ്‌ച​യും സ്വാത​ന്ത്ര്യ​വും പ്രാപി​ക്കാൻ കഴിയു​മെന്ന്‌ ചിന്തി​ക്ക​ത്ത​ക്ക​വണ്ണം അവൾ വഞ്ചിത​യാ​യി. (ഉല്‌പത്തി 3:4, 5) അങ്ങനെ അവൾ പാപം ചെയ്‌തു. എന്നിട്ടും, ദൈവം അവളെ സ്വന്തം പാപത്തിന്‌ ഉത്തരവാ​ദി​യാ​യി കണക്കാക്കി അവൾക്കു മരണശിക്ഷ വിധിച്ചു. എന്തു​കൊണ്ട്‌? കാരണം സാത്താൻ നുണ പറഞ്ഞെ​ങ്കി​ലും ദൈവ കൽപ്പന എന്താ​ണെന്ന്‌ അവൾക്ക്‌ നന്നായി അറിയാ​മാ​യി​രു​ന്നു. അനുസ​ര​ണ​ക്കേടു കാണി​ക്കാൻ ആരും അവളെ നിർബ​ന്ധി​ച്ചില്ല; പകരം സാത്താന്റെ സ്വാധീ​നത്തെ ചെറു​ത്തു​നിൽക്കു​ന്ന​തിന്‌ പൂർണ​മാ​യി പ്രാപ്‌ത​യാ​യി​രുന്ന അവൾക്ക്‌ തന്റെ പ്രവർത്ത​ന​ങ്ങ​ളു​ടെ മേൽ നിയ​ന്ത്രണം ഉണ്ടായി​രു​ന്നു.

പിശാ​ചി​നെ ചെറു​ത്തു​നിൽക്കുക

മനുഷ്യ​രായ നമുക്ക്‌ പിശാ​ചി​നെ ചെറു​ത്തു​നിൽക്കാ​നാ​കും. ‘സ്വർല്ലോ​ക​ങ്ങ​ളി​ലെ ദുഷ്ടാ​ത്മ​സേ​ന​യോട്‌ നമുക്കു പോരാ​ട്ടം ഉള്ളതായി’ എഫെസ്യർ 6:12 പറയുന്നു. അപ്പോൾ, തീർച്ച​യാ​യും നാം സാത്താന്റെ സ്വാധീ​ന​ത്തോ​ടു പോരാ​ടാൻ ദൈവം പ്രതീ​ക്ഷി​ക്കു​ന്നുണ്ട്‌. എന്നാൽ, സാത്താ​ന്റെ​യും അവന്റെ ഭൂതങ്ങ​ളു​ടെ​യും അമാനുഷ ശക്തി​ക്കെ​തി​രെ മനുഷ്യർക്ക്‌ എങ്ങനെ​യാണ്‌ പോരാ​ടാ​നാ​കുക? നാം ഏതായാ​ലും പരാജി​ത​രാ​കു​മെന്ന്‌ ഉറപ്പുള്ള, അതുല്യ ശക്തിക​ളു​ടെ ഒരു പോരാ​ട്ട​ത്തിൽ ഏർപ്പെ​ടാ​നാ​ണോ ദൈവം നമ്മോട്‌ ആവശ്യ​പ്പെ​ടു​ന്നത്‌? അല്ല, എന്തെന്നാൽ പിശാ​ചി​നോട്‌ നമ്മുടെ സ്വന്തം ശക്തിയാൽ എതിരി​ടാൻ ദൈവം ആവശ്യ​പ്പെ​ടു​ന്നില്ല. പിശാ​ചി​ന്റെ പ്രലോ​ഭ​ന​ങ്ങളെ ചെറു​ത്തു​നിന്ന്‌ വിജയം കൈവ​രി​ക്കു​ന്ന​തിന്‌ നമ്മെ സഹായി​ക്കുന്ന വ്യത്യസ്‌ത ഉപാധി​കൾ യഹോവ നമുക്കു പ്രദാനം ചെയ്യുന്നു. പിശാച്‌ ആരാ​ണെ​ന്നും അവന്റെ പ്രവർത്തന വിധം എങ്ങനെ​യെ​ന്നും നമുക്ക്‌ സ്വയം എങ്ങനെ സംരക്ഷി​ക്കാൻ കഴിയു​മെ​ന്നു​മൊ​ക്കെ ബൈബിൾ നമ്മോടു പറയുന്നു.—യോഹ​ന്നാൻ 8:44; 2 കൊരി​ന്ത്യർ 2:11; 11:14.

‘പിശാ​ചി​നോ​ടു എതിർത്തു​നി​ല്‌ക്കുന്ന’ വിധം

പിശാ​ചി​നോട്‌ എതിർത്തു​നിൽക്കു​ന്ന​തിന്‌ രണ്ടു പടിക​ളുള്ള ഒരു സമീപ​ന​മാണ്‌ തിരു​വെ​ഴു​ത്തു​കൾ ശുപാർശ ചെയ്യു​ന്നത്‌. “നിങ്ങൾ ദൈവ​ത്തി​ന്നു കീഴട​ങ്ങു​വിൻ; പിശാ​ചി​നോ​ടു എതിർത്തു​നി​ല്‌പിൻ; എന്നാൽ അവൻ നിങ്ങളെ വിട്ടു ഓടി​പ്പോ​കും” എന്നു തിരു​വെ​ഴു​ത്തു​കൾ നമ്മെ ഉദ്‌ബോ​ധി​പ്പി​ക്കു​ന്നു. (യാക്കോബ്‌ 4:7) ദൈവ​ത്തി​നു കീഴട​ങ്ങുക എന്ന ആദ്യ പടിയിൽ അവന്റെ കൽപ്പനകൾ അനുസ​രി​ക്കു​ന്നത്‌ ഉൾപ്പെ​ടു​ന്നു. ദൈവ​ത്തി​ന്റെ അസ്‌തി​ത്വ​ത്തെ​ക്കു​റി​ച്ചും അവന്റെ നന്മയെ​ക്കു​റി​ച്ചും അതിഭ​യ​ങ്ക​ര​മായ ശക്തി​യെ​യും അധികാ​ര​ത്തെ​യും കുറി​ച്ചും അവന്റെ ഉത്‌കൃഷ്ട തത്ത്വങ്ങ​ളെ​ക്കു​റി​ച്ചും എപ്പോ​ഴും ബോധ​വാ​ന്മാർ ആയിരി​ക്കു​ന്നത്‌ സാത്താ​നോട്‌ എതിർത്തു​നിൽക്കു​ന്ന​തി​നുള്ള ശക്തി നമുക്കു പ്രദാനം ചെയ്യും. ഇടവി​ടാ​തെ​യുള്ള പ്രാർഥ​ന​യും മർമ​പ്ര​ധാ​ന​മാണ്‌.—എഫെസ്യർ 6:18.

പിശാച്‌ യേശു​വി​നെ പരീക്ഷിച്ച സന്ദർഭം പരിചി​ന്തി​ക്കുക. വ്യത്യസ്‌ത ദൈവ​കൽപ്പ​നകൾ ഓർമി​ച്ച​തും ഉദ്ധരി​ച്ച​തും ചെറു​ത്തു​നിൽക്കു​ന്ന​തിന്‌ യേശു​വി​നെ തീർച്ച​യാ​യും സഹായി​ച്ചു. യേശു​വി​നെ​ക്കൊണ്ട്‌ പാപം ചെയ്യി​ക്കാൻ കഴിയാ​തെ വന്നപ്പോൾ സാത്താൻ അവനെ വിട്ടു​പോ​യി. ആ ഉഗ്രപ​രീ​ക്ഷ​യ്‌ക്കു ശേഷം യഹോവ തന്റെ ദൂതന്മാ​രെ അയച്ച്‌ യേശു​വി​നെ കൂടു​ത​ലാ​യി ശക്തീക​രി​ച്ചു. (മത്തായി 4:1-11) അതു​കൊണ്ട്‌, തങ്ങളെ “ദുഷ്ടങ്കൽനി​ന്നു . . . വിടുവി”ക്കുന്നതി​നാ​യി ദൈവ​ത്തോ​ടു യാചി​ക്കാൻ യേശു​വിന്‌ തന്റെ ശിഷ്യ​ന്മാ​രെ ഉറപ്പോ​ടെ പ്രോ​ത്സാ​ഹി​പ്പി​ക്കാൻ കഴിഞ്ഞു.—മത്തായി 6:13.

ദൈവം നമ്മെ വിടു​വി​ക്കും എന്നു പറയു​മ്പോൾ ഒരു സംരക്ഷ​ണാ​ത്മക കവചം കൊണ്ട്‌ അവൻ നമ്മെ മറയ്‌ക്കു​മെന്ന്‌ അതിന്‌ അർഥമില്ല. പകരം, സത്യം, നീതി, സമാധാ​നം, വിശ്വാ​സം എന്നിങ്ങ​നെ​യുള്ള ദൈവിക ഗുണങ്ങൾ പിൻപ​റ്റാൻ അവൻ നമ്മോടു പറയുന്നു. ഈ ഗുണങ്ങൾ “പിശാ​ചി​ന്റെ തന്ത്രങ്ങ​ളോ​ടു എതിർത്തു​നി​ല്‌പാൻ” നമ്മെ പ്രാപ്‌ത​രാ​ക്കുന്ന ‘ആയുധ​വർഗ്ഗം’ ആയി വർത്തി​ക്കു​ന്നു. (എഫെസ്യർ 6:11, 13-18) അതു​കൊണ്ട്‌ ദൈവ​ത്തി​ന്റെ സഹായ​ത്താൽ പിശാ​ചി​ന്റെ പ്രലോ​ഭ​ന​ങ്ങളെ ചെറുത്തു തോൽപ്പി​ക്കാൻ കഴിയും.

യാക്കോബ്‌ 4:7-ൽ നിർദേ​ശി​ച്ചി​രി​ക്കുന്ന രണ്ടാമത്തെ പടി ‘പിശാ​ചി​നോ​ടു എതിർത്തു​നില്‌ക്ക’ലാണ്‌. ഇതിൽ ഉറച്ച നടപടി എടുക്കു​ന്നത്‌, അതായത്‌ അവന്റെ ഹാനി​ക​ര​മായ സ്വാധീ​ന​ത്തിൽനിന്ന്‌ ഓടി​പ്പോ​കു​ന്നത്‌ ഉൾപ്പെ​ടു​ന്നു. നാം അവന്റെ വഞ്ചനാ​ത്മ​ക​മായ ശക്തിക്കു വിധേ​യ​രാ​കു​ന്നത്‌ ഒഴിവാ​ക്കു​ക​യും ഇന്നത്തെ ലോക​ത്തിൽ വളരെ പ്രബല​മാ​യി​രി​ക്കുന്ന ഭൗതി​ക​വും അധാർമി​ക​വു​മായ തത്ത്വചി​ന്ത​കളെ പരിത്യ​ജി​ക്കു​ക​യും വേണം. പിശാ​ചി​നോട്‌ ഇപ്രകാ​രം എതിർത്തു​നിൽക്കു​ക​യും അതോ​ടൊ​പ്പം ദൈവത്തെ പ്രസാ​ദി​പ്പി​ക്കു​ന്ന​തി​നാ​യി ജീവിതം ഉഴിഞ്ഞു​വെ​ക്കു​ക​യും ചെയ്യു​ന്നത്‌ സാത്താന്‌ എതി​രെ​യുള്ള പോരാ​ട്ട​ത്തിൽ തികച്ചും അനിവാ​ര്യ​മാണ്‌. എന്നാൽ എല്ലാ പാപങ്ങ​ളും പൈശാ​ചിക സ്വാധീ​ന​ത്തി​ന്റെ നേരി​ട്ടുള്ള ഫലമാ​ണോ?

ഉള്ളിൽനി​ന്നുള്ള പോരാ​ട്ടം

ബൈബിൾ എഴുത്തു​കാ​ര​നായ യാക്കോബ്‌ ഇങ്ങനെ വിശദീ​ക​രി​ക്കു​ന്നു: “ഓരോ​രു​ത്തൻ പരീക്ഷി​ക്ക​പ്പെ​ടു​ന്നതു സ്വന്ത​മോ​ഹ​ത്താൽ ആകർഷി​ച്ചു വശീക​രി​ക്ക​പ്പെ​ടു​ക​യാൽ ആകുന്നു. മോഹം ഗർഭം ധരിച്ചു പാപത്തെ പ്രസവി​ക്കു​ന്നു.” (യാക്കോബ്‌ 1:14, 15) സങ്കടക​ര​മെന്നു പറയട്ടെ, നമ്മുടെ ജന്മസി​ദ്ധ​മായ ബലഹീ​ന​ത​ക​ളെ​യും അപൂർണ​ത​യെ​യും നമുക്ക്‌ പൂർണ​മാ​യി തരണം ചെയ്യാ​നാ​വില്ല. (റോമർ 5:12) “പാപം ചെയ്യാതെ നന്മ മാത്രം ചെയ്യുന്ന ഒരു നീതി​മാ​നും ഭൂമി​യിൽ ഇല്ല” എന്ന്‌ ബൈബിൾ പറയുന്നു.—സഭാ​പ്ര​സം​ഗി 7:20.

എല്ലാ പാപങ്ങ​ളും തീർത്തും നമ്മുടെ നിയ​ന്ത്ര​ണ​ത്തിന്‌ അതീത​മാ​ണെന്ന്‌ ഇതിന്‌ അർഥമില്ല. ചില സന്ദർഭ​ങ്ങ​ളിൽ നമ്മുടെ തെറ്റായ തിര​ഞ്ഞെ​ടു​പ്പു​കൾ നിമിത്തം നാം തന്നെ നമ്മു​ടെ​മേൽ പ്രലോ​ഭ​നങ്ങൾ വരുത്തി​വെ​ക്കു​ന്നു. അതു​കൊണ്ട്‌ ഒരു തെറ്റായ ആഗ്രഹം തോന്നു​ന്നത്‌ നമ്മുടെ സ്വന്തം അപൂർണ​ത​യു​ടെ ഫലമാ​യി​ട്ടാ​യാ​ലും സാത്താന്യ സ്വാധീ​ന​ത്തി​ന്റെ ഫലമാ​യി​ട്ടാ​യാ​ലും, അതിനെ നാം മനസ്സിൽ താലോ​ലി​ക്കു​ന്നു​വോ മനസ്സിൽനിന്ന്‌ തള്ളിക്ക​ള​യു​ന്നു​വോ എന്നത്‌ പൂർണ​മാ​യും നമ്മുടെ കൈയി​ലാണ്‌. അപ്പൊ​സ്‌ത​ല​നായ പൗലൊസ്‌ ഉചിത​മാ​യി​ത്തന്നെ ഇങ്ങനെ പറഞ്ഞു: “മനുഷ്യൻ വിതെ​ക്കു​ന്നതു തന്നേ കൊയ്യും.”—ഗലാത്യർ 6:7.

ഉത്തരവാ​ദി​ത്വം ഏറ്റെടു​ക്കു​ക

മനുഷ്യർക്ക്‌ സ്വന്തം ബലഹീ​ന​ത​ക​ളും പരാജ​യ​ങ്ങ​ളും പിഴവു​ക​ളും അതേ, പാപങ്ങൾ അംഗീ​ക​രി​ക്കാൻ പലപ്പോ​ഴും ബുദ്ധി​മു​ട്ടു തോന്നു​ന്നു. (സങ്കീർത്തനം 36:2, NW) നമ്മുടെ പാപങ്ങൾക്കുള്ള ഉത്തരവാ​ദി​ത്വം ഏറ്റെടു​ക്കാൻ നമ്മെ സഹായി​ക്കുന്ന ഒരു സംഗതി നാം പൂർണ​രാ​യി​രി​ക്കാൻ ദൈവം ഇപ്പോൾ നമ്മോട്‌ ആവശ്യ​പ്പെ​ടു​ന്നില്ല എന്ന അറിവാണ്‌. “അവൻ നമ്മുടെ പാപങ്ങൾക്കു ഒത്തവണ്ണം നമ്മോടു ചെയ്യു​ന്നില്ല; നമ്മുടെ അകൃത്യ​ങ്ങൾക്കു ഒത്തവണ്ണം നമ്മോടു പകരം ചെയ്യു​ന്ന​തു​മില്ല” എന്നു സങ്കീർത്ത​ന​ക്കാ​ര​നായ ദാവീദ്‌ പറഞ്ഞു. (സങ്കീർത്തനം 103:10) ദൈവം ക്ഷമാശീ​ലൻ ആണെങ്കി​ലും നാം പിശാ​ചി​ന്റെ പ്രലോ​ഭ​ന​ങ്ങൾക്കും നമ്മു​ടെ​തന്നെ പാപ പ്രവണ​ത​കൾക്കും എതിരെ കഠിന പോരാ​ട്ടം നടത്താൻ—നമുക്കു​തന്നെ ശിക്ഷണം നൽകാൻ—അവൻ പ്രതീ​ക്ഷി​ക്കു​ന്നു.—1 കൊരി​ന്ത്യർ 9:27.

പിശാ​ചിന്‌ നമ്മുടെ പ്രവർത്ത​ന​ങ്ങളെ വ്യതി​ച​ലി​പ്പി​ക്കാൻ കഴിയു​മെ​ന്നും മനുഷ്യ​വർഗ​ത്തി​ന്റെ പാപപൂർണ​മായ അവസ്ഥയ്‌ക്ക്‌ അവൻ വളരെ​യ​ധി​കം ഉത്തരവാ​ദി ആണെന്നും ദൈവം സമ്മതി​ക്കു​ന്നു. എങ്കിലും വ്യക്തി​പ​ര​മാ​യി കണക്കു ബോധി​പ്പി​ക്കാ​നുള്ള ഉത്തരവാ​ദി​ത്വ​ത്തിൽ നിന്ന്‌ അത്‌ നമ്മെ മോചി​പ്പി​ക്കു​ന്നില്ല എന്നു നാം മനസ്സി​ലാ​ക്കേ​ണ്ട​തുണ്ട്‌. റോമർ 14:12 ഇങ്ങനെ പറയുന്നു: “നമ്മിൽ ഓരോ​രു​ത്തൻ ദൈവ​ത്തോ​ടു കണക്കു ബോധി​പ്പി​ക്കേ​ണ്ടി​വ​രും.”

എന്നാൽ, നാം “തീയതി​നെ വെറുത്തു നല്ലതി​നോ​ടു പററി​ക്കൊ”ള്ളുന്ന പക്ഷം നമുക്കു തിന്മയെ ജയിക്കാൻ കഴിയും. (റോമർ 12:9, 21) ആദ്യ സ്‌ത്രീ​യായ ഹവ്വാ ഇതു ചെയ്യു​ന്ന​തിൽ പരാജ​യ​പ്പെ​ടു​ക​യും അനുസ​ര​ണ​ക്കേ​ടി​നുള്ള ശിക്ഷ അനുഭ​വി​ക്കു​ക​യും ചെയ്‌തു; ചെറു​ത്തു​നി​ന്നു​കൊണ്ട്‌ ദൈവ​ത്തോട്‌ അനുസ​രണം പ്രകട​മാ​ക്കാൻ അവൾക്കു കഴിയു​മാ​യി​രു​ന്നു. (ഉല്‌പത്തി 3:16) എന്നാൽ, ഹവ്വായെ വഞ്ചിച്ച​തി​ലുള്ള പിശാ​ചി​ന്റെ പങ്കിനെ ദൈവം അവഗണി​ച്ചില്ല. ദൈവം അവനെ ശപിക്കു​ക​യും അന്തിമ​മായ ഉന്മൂല​നാ​ശ​ത്തി​നു വിധി​ക്കു​ക​യും ചെയ്‌തു. (ഉല്‌പത്തി 3:14, 15; റോമർ 16:20; എബ്രായർ 2:14) അതു​കൊണ്ട്‌, അവന്റെ ദുഷ്ട സ്വാധീ​ന​ത്തോട്‌ ആർക്കും പോരാ​ടേണ്ടി വരുക​യി​ല്ലാത്ത ഒരു കാലം ഉടൻതന്നെ വന്നെത്തും.—വെളി​പ്പാ​ടു 20:1-3, 10.

[26-ാം പേജിലെ ചിത്ര​ത്തിന്‌ കടപ്പാട്‌]

Erich Lessing/Art Resource, NY