ദൈവ​ജ​ന​ത്തി​ന്റെ ഇടയിലെ മക്കളെ ജനിപ്പി​ക്കൽ

“യഹോവ . . . നിങ്ങളെ ഒരു ആയിരം ഇരട്ടി വർദ്ധി​പ്പി​ക്കട്ടെ.”—ആവർത്തനം 1:11.

1.മക്കളെ ജനിപ്പി​ക്ക​ലി​നെ​സം​ബ​ന്ധിച്ച്‌ ബൈബിൾ എങ്ങനെ സംസാ​രി​ക്കു​ന്നു?

“നോക്കൂ! പുത്രൻമാർ യഹോ​വ​യിൽനി​ന്നുള്ള ഒരു അവകാ​ശ​മാ​കു​ന്നു; ഉദരഫലം ഒരു പ്രതി​ഫ​ല​മാ​കു​ന്നു. ബലവാ​നായ ഒരു മമനു​ഷ്യ​ന്റെ കൈയി​ലെ ബാണങ്ങൾ പോ​ലെ​യാണ്‌ യൗവന​ത്തി​ലെ പുത്രൻമാർ. അവയെ​ക്കൊ​ണ്ടു തന്റെ ആവനാഴി നിറച്ചി​രി​ക്കുന്ന ശരീര​പ്രാ​പ്‌തി​യുള്ള മനുഷ്യൻ സന്തുഷ്‌ട​നാ​കു​ന്നു.” അങ്ങനെ​യാണ്‌ നാം സങ്കീർത്തനം 127:3-5-ൽ വായി​ക്കു​ന്നത്‌. അതെ, മക്കളെ ജനിപ്പി​ക്കൽ സ്രഷ്ടാ​വായ യഹോവ ആദ്യ മനുഷ്യ​ജോ​ടി​ക്കും അവരുടെ സന്തതി​കൾക്കും അനുവ​ദി​ച്ചു​കൊ​ടുത്ത അത്ഭുത​ക​ര​മായ ഒരു പദവി​യാ​കു​ന്നു.—ഉൽപ്പത്തി 1:28.

മക്കളെ ജനിപ്പി​ക്കൽ യിസ്രാ​യേ​ലിൽ

2.അബ്രാ​ഹാ​മി​ന്റെ​യും യിസ്‌ഹാ​ക്കി​ന്റെ​യും യാക്കോ​ബി​ന്റെ​യും സന്താന​ങ്ങ​ളു​ടെ ഇടയിൽ വലിയ കുടും​ബങ്ങൾ അഭികാ​മ്യ​മാ​യി​രു​ന്ന​തെ​ന്തു​കൊണ്ട്‌?

² യിസ്‌ഹാ​ക്കി​ലും യാക്കോ​ബി​ലും​കൂ​ടി​യുള്ള അബ്രാ​ഹാ​മി​ന്റെ സന്തതി​ക​ളു​ടെ ഇടയിൽ കുടും​ബങ്ങൾ വളരെ അഭില​ഷ​ണീ​യ​മാ​യി കരുത​പ്പെ​ട്ടി​രു​ന്നു. ഉപഭാ​ര്യ​മാർക്കും വെപ്പാ​ട്ടി​മാർക്കും പോലും ജനിച്ച കുട്ടികൾ നിയമാ​നു​സൃ​തം ജനിച്ച​വ​രാ​യി കരുത​പ്പെ​ട്ടി​രു​ന്നു. യാക്കോ​ബി​ന്റെ പുത്രൻമാ​രിൽ ചിലരു​ടെ സംഗതി​യിൽ ഇതു വാസ്‌ത​വ​മാ​യി​രു​ന്നു. അവർ യിസ്രാ​യേ​ലി​ന്റെ 12 ഗോ​ത്ര​ങ്ങ​ളു​ടെ സ്ഥാപക​പി​താ​ക്കൾ ആയിത്തീർന്നു. (ഉൽപ്പത്തി 30:3-12; 49:16-21; 2 ദിനവൃ​ത്താ​ന്തങ്ങൾ 11:21 താരത​മ്യ​പ്പെ​ടു​ത്തുക.) വിവാ​ഹം​സം​ബ​ന്ധിച്ച ദൈവ​ത്തി​ന്റെ ആദ്യ​ക്ര​മീ​ക​രണം ഏകഭാ​ര്യാ​ത്വം ആയിരു​ന്നു​വെ​ങ്കി​ലും, അവൻ അബ്രാ​ഹാ​മി​ന്റെ സന്താന​ങ്ങ​ളു​ടെ ഇടയിൽ ബഹുഭാ​ര്യാ​ത്വ​വും വെപ്പാ​ട്ടി​ത്വ​വും പൊറു​ത്തി​രു​ന്നു. ഇത്‌ ജനസഃ​ഖ്യ​യിൽ കൂടുതൽ സത്വര​മായ വർദ്ധന​വിന്‌ പ്രയോ​ജ​കീ​ഭ​വി​ച്ചു. യിസ്രാ​യേ​ല്യർ “ഭൂമി​യി​ലെ മൺതരി​കൾ പോലെ നിരവ​ധി​യായ ഒരു ജനം” ആയിത്തീ​ര​ണ​മാ​യി​രു​ന്നു. (2 ദിനവൃ​ത്താ​ന്തം 1:9; ഉൽപ്പത്തി 13:14-16) ആർമു​ഖേന “ഭൂമി​യി​ലെ സകല ജനതക​ളും” തങ്ങളേ​ത്തന്നെ അനു​ഗ്ര​ഹി​ക്കാൻ പ്രാപ്‌ത​രാ​കു​മോ ആ വാഗ്‌ദ​ത്ത​സ​ന്തതി ആ ജനതക്കു​ള്ളിൽത്തന്നെ വരുമാ​യി​രു​ന്നു.—ഉൽപ്പത്തി 22:17, 18; 28:14; ആവർത്തനം 1:10, 11.

3.ശലോ​മോ​ന്റെ വാഴ്‌ച​ക്കാ​ലത്ത്‌ യിസ്രാ​യേ​ലി​ലെ അവസ്ഥ എന്തായി​രു​ന്നു?

³ യിസ്രാ​യേ​ലിൽ മക്കളെ ജനിപ്പി​ക്കൽ യഹോ​വ​യു​ടെ അനു​ഗ്ര​ഹ​ത്തി​ന്റെ ഒരു ലക്ഷണമാ​യി വീക്ഷി​ക്ക​പ്പെ​ട്ടി​രു​ന്നു. (സങ്കീർത്തനം 128:3, 4) എന്നിരു​ന്നാ​ലും, 127-ാം സങ്കീർത്ത​ന​ത്തിൽനിന്ന്‌ ഉദ്ധരിച്ച ഈ ലേഖന​ത്തി​ന്റെ തുടക്ക​ത്തി​ലെ വാക്കുകൾ ശലോ​മോൻരാ​ജാ​വി​നാൽ എഴുത​പ്പെ​ട്ട​വ​യാ​യി​രു​ന്നു എന്ന്‌ ശ്രദ്ധി​ക്കണം. ഈ രാജാ​വി​ന്റെ വാഴ്‌ച​യു​ടെ അധിക​കാ​ല​വും യിസ്രാ​യേ​ലിന്‌ വിശേ​ഷാൽ അനുകൂ​ല​മായ ഒരു കാലമാ​യി​രു​ന്നു. ആ കാലഘ​ട്ട​ത്തെ​സം​ബ​ന്ധിച്ച്‌ ബൈബിൾ ഇങ്ങനെ പ്രസ്‌താ​വി​ക്കു​ന്നു: “യഹൂദ​യും യിസ്രാ​യേ​ലും ബഹുത്വ​ത്തിൽ സമു​ദ്ര​തീ​രത്തെ മണൽത്ത​രി​കൾപോ​ലെ​യാ​യി തിന്നു​ക​യും കുടി​ക്കു​ക​യും സന്തോ​ഷി​ക്കു​ക​യും​ചെ​യ്‌തു​കൊ​ണ്ടി​രു​ന്നു. ശലോ​മോ​ന്റെ നാളു​ക​ളി​ലെ​ല്ലാം യഹൂദ​യും യിസ്രാ​യേ​ലും, ദാൻ [വടക്ക്‌] മുതൽ ബേർശേബ വരെ [തെക്ക്‌] ഓരോ​രു​ത്ത​നും സ്വന്തം മുന്തി​രി​വ​ള്ളി​യു​ടെ കീഴി​ലും സ്വന്തം അത്തിവൃ​ക്ഷ​ത്തിൻ കീഴി​ലും സുരക്ഷി​ത​മാ​യി വസിക്കു​ന്ന​തിൽ തുടർന്നു.”—1 രാജാ​ക്കൻമാർ 4:20, 25.

യിസ്രാ​യേ​ലി​ലെ കുട്ടി​കൾക്ക്‌ വിഷമ​കാ​ല​ങ്ങൾ

4, 5.(എ) മക്കളെ ജനിപ്പി​ക്കൽ യിസ്രാ​യേ​ലിൽ എല്ലായ്‌പ്പോ​ഴും സന്തോ​ഷ​ത്തി​നു കാരണ​മ​ല്ലാ​ഞ്ഞ​തെ​ന്തു​കൊണ്ട്‌? (ബി) യരൂശ​ലേ​മിൽ കുറഞ്ഞ​പക്ഷം രണ്ടു സന്ദർഭ​ങ്ങ​ളിൽ ഏതു ഹൃദയ​ഭേ​ദ​ക​മായ രംഗങ്ങൾ നടന്നു?

⁴ എന്നാൽ യിസ്രാ​യേ​ലി​ന്റെ ചരി​ത്ര​ത്തിൽ മക്കളെ ജനിപ്പി​ക്കൽ അശേഷം സന്തോ​ഷ​ക​ര​മ​ല്ലാ​തി​രുന്ന മററു ഘട്ടങ്ങളു​ണ്ടാ​യി​രു​ന്നു. യരൂശ​ലേ​മി​ന്റെ ആദ്യനാ​ശ​ത്തി​ന്റെ സമയത്ത്‌ യിരെ​മ്യാ​പ്ര​വാ​ചകൻ ഇങ്ങനെ എഴുതി: “എന്റെ കണ്ണുകൾ കണ്ണുനീർ പൊഴിച്ച്‌ ഒടുങ്ങി​പ്പോ​യി​രി​ക്കു​ന്നു. . . . പട്ടണവീ​ഥി​യിൽ കുട്ടി​യു​ടെ​യും മുലകു​ടി​ക്കുന്ന ശിശു​വി​ന്റെ​യും മോഹാ​ല​സ്യം​നി​മി​ത്തം. . . . സ്‌ത്രീ​കൾ തങ്ങളുടെ സ്വന്തം ഫലത്തെ, പൂർണ്ണ​വ​ളർച്ച​യി​ലെത്തി പിറന്ന കുട്ടി​കളെ, തിന്നു​കൊ​ണ്ടി​രി​ക്ക​ണ​മോ?” “സഹാനു​ഭൂ​തി​യുള്ള സ്‌ത്രീ​ക​ളു​ടെ കൈകൾ തന്നെ തങ്ങളുടെ സ്വന്തം മക്കളെ വേവി​ച്ചി​രി​ക്കു​ന്നു.”—വിലാ​പങ്ങൾ 2:11, 20; 4:10.

⁵ പ്രത്യ​ക്ഷ​ത്തിൽ, ഏതാണ്ട്‌ ഏഴ്‌ നൂററാ​ണ്ടു​കൾക്കു​ശേഷം ഹൃദയ​ഭേ​ദ​ക​മായ സമാന​മായ രംഗങ്ങൾ സംഭവി​ച്ചു. ക്രി.വ. 70-ലെ യരൂശ​ലേ​മി​ന്റെ ഉപരോ​ധ​കാ​ലത്ത്‌ കുട്ടികൾ തങ്ങളുടെ പിതാ​ക്കൻമാ​രു​ടെ വായിൽനിന്ന്‌ ആഹാരം തട്ടി​യെ​ടു​ത്തെ​ന്നും തള്ളമാർ അവരുടെ ശിശു​ക്ക​ളു​ടെ വായിൽനിന്ന്‌ ആഹാര​മെ​ടു​ത്തെ​ന്നും യഹൂദ​ച​രി​ത്ര​കാ​ര​നായ ജോസീ​ഫസ്‌ പ്രതി​പാ​ദി​ക്കു​ന്നു. ഒരു യഹൂദ​സ്‌ത്രീ തന്റെ മുലകു​ടി​ക്കുന്ന ശിശു​വി​നെ കൊന്ന്‌ ഉടൽ വറത്ത്‌ ഒരു ഭാഗം തിന്നതാ​യി അദ്ദേഹം വിവരി​ക്കു​ന്നു. ക്രി. മു. 607-ലെയും ക്രി. വ. 70-ലെയും യരൂശ​ലേ​മി​നെ​തി​രായ യഹോ​വ​യു​ടെ ന്യായ​വി​ധി​നിർവ​ഹ​ണ​ത്തി​ലേക്കു നയിച്ച അന്തിമ​വർഷ​ങ്ങ​ളിൽ യഹൂദ​ലോ​ക​ത്തി​ലേക്ക്‌ മക്കളെ ജനിപ്പി​ക്കു​ന്ന​തി​നെ ഉത്തരവാ​ദി​ത്ത​മുള്ള മക്കളെ ജനിപ്പി​ക്ക​ലെന്ന്‌ അശേഷം വിളി​ക്കാൻക​ഴി​യു​മാ​യി​രു​ന്നില്ല.

ആദിമ ക്രിസ്‌ത്യാ​നി​ക​ളു​ടെ ഇടയിലെ മക്കളെ ജനിപ്പി​ക്കൽ

6, 7.(എ) ക്രിസ്‌ത്യാ​നി​കൾക്കു​വേണ്ടി ഏതു ആചാരങ്ങൾ യേശു നിർത്തൽചെ​യ്‌തു? (ബി) ആത്മീയ യിസ്രാ​യേൽ ഏതു മുഖാ​ന്ത​ര​ത്താൽ വളരേ​ണ്ട​താ​യി​രു​ന്നു, ഇതിനെ തെളി​യി​ക്കു​ന്ന​തെന്ത്‌?

⁶ ആദിമ​ക്രി​സ്‌ത്യാ​നി​ക​ളു​ടെ ഇടയിൽ മക്കളെ ജനിപ്പി​ക്ക​ലി​നെ എങ്ങനെ വീക്ഷി​ച്ചി​രു​ന്നു? ഒന്നാമ​താ​യി, യേശു തന്റെ ശിഷ്യൻമാ​രു​ടെ ഇടയിൽ ബഹുഭാ​ര്യാ​ത്വ​വും വെപ്പാ​ട്ടി​ത്വ​വും നീക്കം ചെയ്‌തി​രു​ന്നു​വെന്ന്‌ കുറി​ക്കൊ​ള്ളേ​ണ്ട​താണ്‌. അവൻ യഹോ​വ​യു​ടെ ആദിമ​പ്ര​മാ​ണത്തെ, അതായത്‌ ഏകഭാ​ര്യാ​ത്വ​ത്തെ, അഥവാ ഒരു പുരു​ഷന്റെ ഒരു സ്‌ത്രീ​യു​മാ​യുള്ള വിവാ​ഹത്തെ, പുനഃ​സ്ഥാ​പി​ച്ചു. (മത്തായി 19:4-9) ജഡിക​യി​സ്രാ​യേൽ മക്കളെ ജനിപ്പി​ക്ക​ലി​ലൂ​ടെ ജനപ്പെ​രു​പ്പ​മു​ള്ള​താ​യി​ത്തീർന്നെ​ങ്കി​ലും ആത്മീയ​യി​സ്രാ​യേൽ ശിഷ്യ​രാ​ക്ക​ലി​ലൂ​ടെ വളരണ​മാ​യി​രു​ന്നു.—മത്തായി 28:19, 20; പ്രവൃ​ത്തി​കൾ 1:8.

⁷ ക്രിസ്‌ത്യാ​നി​ത്വ​ത്തി​ന്റെ വികസനം മുഖ്യ​മാ​യി മക്കളെ ജനിപ്പി​ക്ക​ലി​ലൂ​ടെ സാധി​ക്കേ​ണ്ട​താ​യി​രു​ന്നെ​ങ്കിൽ യേശു “സ്വർഗ്ഗ​രാ​ജ്യം നിമിത്തം” അവിവാ​ഹി​ത​ത്വ​ത്തിന്‌ “ഇടമു​ണ്ടാ​ക്കാൻ” തന്റെ ശിഷ്യൻമാ​രെ പ്രോൽസാ​ഹി​പ്പി​ക്കു​ക​യി​ല്ലാ​യി​രു​ന്നു. (മത്തായി 19:10-12) അപ്പോ​സ്‌ത​ല​നായ പൗലോസ്‌ ഇങ്ങനെ എഴുതു​ക​യി​ല്ലാ​യി​രു​ന്നു: “തന്റെ കന്യകാ​ത്വ​ത്തെ വിവാഹം കഴിപ്പി​ക്കു​ന്ന​വ​നും ഉചിത​മാ​യി പ്രവർത്തി​ക്കു​ന്നു, എന്നാൽ അതിനെ വിവാഹം കഴിപ്പി​ക്കാ​ത്തവൻ മെച്ചമാ​യി പ്രവർത്തി​ക്കും.”—1 കൊരി​ന്ത്യർ 7:38.

8.ആദിമ​ക്രി​സ്‌ത്യാ​നി​ക​ളിൽ അനേക​രും വിവാ​ഹി​ത​രും മക്കളു​ള്ള​വ​രു​മാ​യി​രു​ന്നു​വെന്ന്‌ എന്തു പ്രകട​മാ​ക്കു​ന്നു?

⁸ എന്നിരു​ന്നാ​ലും, രാജ്യ​താൽപ്പ​ര്യ​ത്തെ പിന്താ​ങ്ങു​ന്ന​തി​നു​വേണ്ടി ഏകാകി​ത്വ​ത്തെ പ്രോൽസാ​ഹി​പ്പി​ച്ച​പ്പോൾ യേശു​വോ പൗലോ​സോ അത്‌ അടി​ച്ചേൽപ്പി​ച്ചില്ല. ചില ക്രിസ്‌ത്യാ​നി​കൾ വിവാ​ഹം​ക​ഴി​ക്കു​മെന്ന്‌ ഇരുവ​രും മുൻകൂ​ട്ടി​ക്ക​ണ്ടി​രു​ന്നു. സ്വാഭാ​വി​ക​മാ​യി, കാല​ക്ര​മ​ത്തിൽ ഇവരിൽ ചിലർക്ക്‌ കുട്ടി​ക​ളു​ണ്ടാ​കും. ആദിമ​ക്രി​സ്‌ത്യാ​നി​കൾക്ക്‌ കുട്ടി​കളെ വളർത്തു​ന്ന​തു​സം​ബ​ന്ധിച്ച്‌ നേരി​ട്ടുള്ള ബുദ്ധി​യു​പ​ദേശം കൊടുത്ത അനേകം വേദഭാ​ഗങ്ങൾ ക്രിസ്‌തീയ ഗ്രീക്ക്‌ തിരു​വെ​ഴു​ത്തു​ക​ളിൽ അടങ്ങി​യി​ട്ടുണ്ട്‌. (എഫേസ്യർ 6:1-4; കൊ​ലോ​സ്യർ 3:20, 21) മൂപ്പൻമാ​രോ ശുശ്രൂ​ഷാ​ദാ​സൻമാ​രോ വിവാ​ഹി​ത​രാ​ണെ​ങ്കിൽ അവർ മാതൃ​കാ​യോ​ഗ്യ​രായ മാതാ​പി​താ​ക്ക​ളാ​യി​രി​ക്ക​ണ​മാ​യി​രു​ന്നു.—1 തിമൊ​ഥെ​യോസ്‌ 3:4, 12.

9.അപ്പോ​സ്‌ത​ല​നായ പൗലോസ്‌ പറയു​ന്ന​ത​നു​സ​രിച്ച്‌ ചില ക്രിസ്‌തീ​യ​സ്‌ത്രീ​കൾ മക്കളെ പ്രസവി​ക്കു​ന്ന​തി​നാൽ എങ്ങനെ സംരക്ഷി​ത​രാ​യി​രി​ക്കു​മാ​യി​രു​ന്നു, അതിനു പുറമേ അവർക്ക്‌ എന്താവ​ശ്യ​മാ​യി​രി​ക്കു​മാ​യി​രു​ന്നു?

⁹ കുട്ടി​ക​ളു​ണ്ടാ​യി​രി​ക്കു​ന്നത്‌ ചില ക്രിസ്‌തീ​യ​സ്‌ത്രീ​കൾക്ക്‌ ഒരു സംരക്ഷ​ണ​മാ​യി​രി​ക്കാ​മെ​ന്നു​പോ​ലും അപ്പോ​സ്‌ത​ല​നായ പൗലോസ്‌ പ്രസ്‌താ​വി​ച്ചു. ദരി​ദ്ര​വി​ധ​വ​മാർക്കു​വേ​ണ്ടി​യുള്ള ഭൗതി​ക​ദു​രി​താ​ശ്വാ​സ​ത്തെ​സം​ബ​ന്ധിച്ച്‌ അവൻ ഇങ്ങനെ എഴുതി: “ഇളയ വിധവ​മാ​രെ ഒഴിവാ​ക്കുക . . . മാത്ര​വു​മല്ല, അവർ വീടുകൾ തോറും നടന്ന്‌ മെന​ക്കെ​ടാൻ പഠിക്കു​ന്നു; അതെ, മെന​ക്കെ​ടു​ന്നവർ മാത്രമല്ല, പിന്നെ​യോ അരുതാത്ത കാര്യങ്ങൾ സംസാ​രി​ച്ചു​കൊണ്ട്‌ മററു​ള്ള​വ​രു​ടെ കാര്യ​ങ്ങ​ളിൽ തലയി​ടു​ന്ന​വ​രും കുശു​കു​ശു​പ്പു​കാ​രും​തന്നെ. അതു​കൊണ്ട്‌, എതിരാ​ളിക്ക്‌ അധി​ക്ഷേ​പി​ക്കാൻ പ്രേര​ണ​കൊ​ടു​ക്കാ​തി​രി​ക്കാൻ ഇളയ വിധവ​മാർ വിവാ​ഹം​ക​ഴി​ക്കാൻ, മക്കളെ ജനിപ്പി​ക്കാൻ, ഒരു കുടും​ബം പുലർത്താൻ, ഞാൻ ആഗ്രഹി​ക്കു​ന്നു. യഥാർത്ഥ​ത്തിൽ, ഇപ്പോൾത്തന്നെ, ചിലർ സാത്താനെ അനുഗ​മി​ക്കാൻ മാറി​പ്പോ​യി​രി​ക്കു​ന്നു.” അങ്ങനെ​യുള്ള സ്‌ത്രീ​കൾ “സുബോ​ധ​ത്തോ​ടെ വിശ്വാ​സ​ത്തി​ലും സ്‌നേ​ഹ​ത്തി​ലും വിശു​ദ്ധീ​ക​ര​ണ​ത്തി​ലും തുടരു​ന്നു​വെ​ങ്കിൽ മക്കളെ ജനിപ്പി​ക്ക​ലി​ലൂ​ടെ സുരക്ഷി​ത​രാ​യി​രി​ക്കു”മായി​രു​ന്നു.—1 തിമൊ​ഥെ​യോസ്‌ 5:11-15; 2:15.

‘ജഡത്തിൽ കഷ്ടത’

10.കൊരി​ന്ത്യർക്കുള്ള തന്റെ ഒന്നാമത്തെ ലേഖന​ത്തിൽ പൗലോസ്‌ വിധവ​മാർക്ക്‌ എന്തു വ്യത്യസ്‌ത ബുദ്ധി​യു​പ​ദേശം കൊടു​ത്തു?

¹⁰ എന്നിരു​ന്നാ​ലും, കൊരി​ന്ത്യർക്കുള്ള തന്റെ ഒന്നാമത്തെ ലേഖന​ത്തിൽ അതേ അപ്പോ​സ്‌ത​ല​നായ പൗലോസ്‌ വിധവ​മാർക്ക്‌ ഒരു വ്യത്യസ്‌ത പരിഹാ​രം നിർദ്ദേ​ശി​ച്ചു​വെ​ന്നത്‌ ശ്രദ്ധേ​യ​മാണ്‌. വിവാ​ഹം​സം​ബ​ന്ധിച്ച തന്റെ ബുദ്ധി​യു​പ​ദേശം “സൗജന്യ​മെന്ന നിലയിൽ” ആണ്‌ കൊടു​ത്തത്‌ എന്ന്‌ അവൻ വിശേ​ഷി​പ്പി​ച്ചു. അവൻ എഴുതി: “ഇപ്പോൾ ഞാൻ അവിവാ​ഹി​ത​രോ​ടും വിധവ​മാ​രോ​ടും പറയുന്നു, അവർ എന്നേ​പ്പോ​ലെ നിൽക്കു​ന്നത്‌ അവർക്ക്‌ നല്ലതാണ്‌. എന്നാൽ അവർക്ക്‌ ആത്മനി​യ​ന്ത്ര​ണ​മി​ല്ലെ​ങ്കിൽ അവർ വിവാ​ഹം​ക​ഴി​ക്കട്ടെ, എന്തെന്നാൽ വികാ​ര​ത്താൽ ജ്വലി​ക്കു​ന്ന​തി​നെ​ക്കാൾ വിവാഹം കഴിക്കു​ന്നത്‌ മെച്ചമാണ്‌. എന്നാൽ എന്റെ അഭി​പ്രാ​യ​മ​നു​സ​രിച്ച്‌ അവൾ [ഒരു വിധവ] ഇപ്പോ​ഴ​ത്തേ​തു​പോ​ലെ കഴിയു​ന്നു​വെ​ങ്കിൽ അവൾ ഏറെ സന്തുഷ്ട​യാ​യി​രി​ക്കും. തീർച്ച​യാ​യും എനിക്കും ദൈവാ​ത്മാ​വു​ണ്ടെന്ന്‌ ഞാൻ വിചാ​രി​ക്കു​ന്നു.”—1 കൊരി​ന്ത്യർ 7:6, 8, 9, 40.

11.(എ) വിവാ​ഹി​ത​രാ​കു​ന്ന​വർക്ക്‌ എന്തനു​ഭ​വ​പ്പെ​ടും, 1 കൊരി​ന്ത്യർ 7:28-ന്റെ മാർജി​നി​ലെ പരാമർശം ഇതു സംബന്ധി​ച്ചു വെളിച്ചം വീശു​ന്ന​തെ​ങ്ങനെ? (ബി) “ഞാൻ നിങ്ങളെ ഒഴിവാ​ക്കു​ക​യാ​കു​ന്നു” എന്നു പറഞ്ഞ​പ്പോൾ പൗലോസ്‌ എന്തർത്ഥ​മാ​ക്കി?

¹¹ പൗലോസ്‌ വിശദീ​ക​രി​ച്ചു: “കന്യക​യായ ഒരാൾ വിവാ​ഹം​ക​ഴി​ക്കു​ന്നു​വെ​ങ്കിൽ അങ്ങനെ​യുള്ള ആൾ പാപം ചെയ്യു​ന്നില്ല. എന്നിരു​ന്നാ​ലും, വിവാ​ഹം​ക​ഴി​ക്കു​ന്ന​വർക്ക്‌ ജഡത്തിൽ കഷ്ടതയു​ണ്ടാ​യി​രി​ക്കും. എന്നാൽ ഞാൻ നിങ്ങളെ ഒഴിവാ​ക്കു​ക​യാണ്‌.” (1 കൊരി​ന്ത്യർ 7:28) അങ്ങനെ​യുള്ള “ജഡത്തിലെ കഷ്ടത” സംബന്ധിച്ച്‌ പുതി​യ​ലോ​ക​ഭാ​ഷാ​ന്ത​ര​ത്തി​ന്റെ മാർജി​നി​ലെ പരാമർശം ഉൽപത്തി 3:16 നോക്കാൻ നമ്മെ നയിക്കു​ന്നു: “സ്‌ത്രീ​യോട്‌ അവൻ [യഹോവ] പറഞ്ഞു: ‘ഞാൻ നിന്റെ ഗർഭധാ​ര​ണ​ത്തി​ന്റെ വേദനയെ അതിയാ​യി വർദ്ധി​പ്പി​ക്കും; പ്രസവ​വേ​ദ​ന​ക​ളോ​ടെ നീ മക്കളെ പ്രസവി​ക്കും, നിന്റെ ആകാംക്ഷ നിന്റെ ഭർത്താ​വി​നോ​ടാ​യി​രി​ക്കും, അവൻ നിന്നെ ഭരിക്കും.’” നിസ്സം​ശ​യ​മാ​യി വിവാഹം കഴിക്കു​ന്ന​വർക്കു നേരി​ടുന്ന സാദ്ധ്യ​ത​യുള്ള വൈവാ​ഹിക പ്രയാ​സ​ങ്ങൾക്കു പുറ​മേ​യുള്ള “ജഡത്തിലെ കഷ്‌ടത”യിൽ മക്കളെ ജനിപ്പി​ക്ക​ലി​നോ​ടു ബന്ധപ്പെട്ട പ്രശ്‌ന​ങ്ങ​ളും ഉൾപ്പെ​ടു​ന്നു. പൗലോസ്‌ വിവാ​ഹ​ത്തെ​യോ മക്കളെ ജനിപ്പി​ക്ക​ലി​നെ​യോ വിലക്കി​യി​ല്ലെ​ങ്കി​ലും അതിന്‌ യഹോ​വയെ സേവി​ക്കു​ന്ന​തിൽനിന്ന്‌ അവരെ തടഞ്ഞേ​ക്കാ​വുന്ന പ്രശ്‌ന​ങ്ങ​ളും ശല്യങ്ങ​ളും വരുത്തി​ക്കൂ​ട്ടാൻ കഴിയു​മെന്ന്‌ തന്റെ സഹക്രി​സ്‌ത്യാ​നി​കൾക്കു മുന്നറി​യിപ്പ്‌ കൊടു​ക്കാ​നുള്ള ഉത്തരവാ​ദി​ത്വം അവന്‌ തോന്നി​യെന്ന്‌ സ്‌പഷ്ട​മാണ്‌.

“ശേഷിച്ച സമയം കുറഞ്ഞി​രി​ക്കു​ന്നു”

12.അപ്പോ​സ്‌ത​ല​നായ പൗലോസ്‌ വിവാ​ഹി​ത​ക്രി​സ്‌ത്യാ​നി​കൾക്ക്‌ എന്തു ബുദ്ധി​യു​പ​ദേശം കൊടു​ത്തു, എന്തു കാരണ​ത്താൽ?

¹² ക്രി. വ. ഒന്നാം നൂററാ​ണ്ടിൽ ക്രിസ്‌ത്യാ​നി​കൾക്ക്‌ ലോക​ജ​ന​ങ്ങ​ളെ​പ്പോ​ലെ ജീവി​ക്കാൻ സ്വാത​ന്ത്ര്യ​മി​ല്ലാ​യി​രു​ന്നു. അവരുടെ അവസ്ഥ അവരുടെ വൈവാ​ഹി​ക​ജീ​വി​ത​ത്തെ​പ്പോ​ലും ബാധി​ക്കും. പൗലോസ്‌ എഴുതി: “മാത്ര​വു​മല്ല, സഹോ​ദ​രൻമാ​രേ, ഞാൻ ഇതു പറയുന്നു, ശേഷിച്ച സമയം കുറഞ്ഞി​രി​ക്കു​ന്നു. അതു​കൊണ്ട്‌ ഭാര്യ​മാ​രു​ള്ളവർ ഇല്ലാത്ത​തു​പോ​ലെ ആയിരി​ക്കട്ടെ, . . . ലോകത്തെ ഉപയോ​ഗി​ക്കു​ന്നവർ അതിനെ പൂർണ്ണ​മാ​യി ഉപയോ​ഗി​ക്കാ​ത്ത​വ​രെ​പ്പോ​ലെ​യും; എന്തു​കൊ​ണ്ടെ​ന്നാൽ ഈ ലോക​ത്തി​ന്റെ രംഗം മാറു​ക​യാണ്‌. തീർച്ച​യാ​യും, നിങ്ങൾ ഉൽക്കൺഠ​യിൽനിന്ന്‌ വിമു​ക്ത​രാ​യി​രി​ക്കാൻ ഞാനാ​ഗ്ര​ഹി​ക്കു​ന്നു. . . . എന്നാൽ നിങ്ങളു​ടെ​മേൽ ഒരു കുരു​ക്കി​ടേ​ണ്ട​തി​നല്ല, പിന്നെ​യോ യോഗ്യ​മാ​യ​തി​നും ശല്യം​കൂ​ടാ​തെ​യുള്ള കർത്താ​വി​ന്റെ നിരന്ത​ര​ശു​ശ്രൂ​ഷ​ക്കും നിങ്ങളെ പ്രേരി​പ്പി​ക്കേ​ണ്ട​തിന്‌ നിങ്ങളു​ടെ വ്യക്തി​പ​ര​മായ പ്രയോ​ജ​ന​ത്തി​നു​വേ​ണ്ടി​യാണ്‌ ഇതു ഞാൻ പറയു​ന്നത്‌.”—1 കൊരി​ന്ത്യർ 7:29-35.

13.ഒന്നാം നൂററാ​ണ്ടി​ലെ ക്രിസ്‌ത്യാ​നി​കൾക്ക്‌ ഏതർത്ഥ​ത്തിൽ ‘ശേഷിച്ച സമയം കുറഞ്ഞി​രു​ന്നു’?

¹³ ബൈബിൾപ​ണ്ഡി​ത​നായ ഫ്രെഡ​റിക്ക്‌ കോഡ​ററ്‌ ഇങ്ങനെ എഴുതി: “അവിശ്വാ​സി​കൾ ലോകം അനിശ്ചി​ത​മാ​യി നിൽക്കു​മെന്ന്‌ ഉറപ്പാ​ണെന്ന്‌ കരുതു​ന്നു​വെ​ന്നി​രി​ക്കെ, ക്രിസ്‌ത്യാ​നിക്ക്‌ പറൂസി​യാ [സാന്നി​ദ്ധ്യം] എന്ന പ്രതീ​ക്ഷി​ത​മായ വലിയ വസ്‌തുത എല്ലായ്‌പ്പോ​ഴും അവന്റെ കൺമു​മ്പി​ലുണ്ട്‌.” ക്രിസ്‌തു തന്റെ ശിഷ്യൻമാർക്ക്‌ അവന്റെ “സാന്നിദ്ധ്യ”ത്തിന്റെ അടയാളം കൊടു​ത്തി​രു​ന്നു. അവർക്ക്‌ ഈ മുന്നറി​യി​പ്പും കൊടു​ത്തി​രു​ന്നു: “അതു​കൊണ്ട്‌ നിങ്ങളു​ടെ കർത്താവ്‌ ഏത്‌ ദിവസ​ത്തിൽ വരുന്നു​വെന്ന്‌ നിങ്ങൾ അറിയാ​ത്ത​തു​കൊണ്ട്‌ ഉണർന്നി​രി​ക്കുക.” (മത്തായി 24:3, 42) ആ ഒന്നാം നൂററാ​ണ്ടി​ലെ ക്രിസ്‌ത്യാ​നി​കൾ ക്രിസ്‌തു​വി​ന്റെ വരവിന്റെ നിരന്തര പ്രതീ​ക്ഷ​യിൽ ജീവി​ക്ക​ണ​മെ​ന്നു​ള്ള​തു​കൊണ്ട്‌ ശേഷിച്ച സമയം “കുറഞ്ഞി​രു​ന്നു.” കൂടാതെ, ‘അവരുടെ വിളിയെ ഉറപ്പാ​ക്കാ​നുള്ള’ സകല സാദ്ധ്യ​ത​യെ​യും അവസാ​നി​പ്പി​ച്ചു​കൊണ്ട്‌ “കാലവും മുൻകൂ​ട്ടി​ക്കാ​ണാത്ത സംഭവ​വും” അവരുടെ ജീവനെ അവസാനിപ്പിക്കു​ന്ന​തി​നു മുമ്പ്‌ അവർക്ക്‌ വ്യക്തി​പ​ര​മാ​യി എന്തുമാ​ത്രം സമയം ശേഷി​ച്ചി​രു​ന്നു​വെന്ന്‌ അവർക്ക്‌ അറിവി​ല്ലാ​യി​രു​ന്നു.—സഭാ​പ്ര​സം​ഗി 9:11; 2 പത്രോസ്‌ 1:10.

14.(എ) മത്തായി 24:19 എങ്ങനെ മനസ്സി​ലാ​ക്കേ​ണ്ട​താണ്‌? (ബി) ക്രി.വ. 66 എന്ന വർഷം സമീപി​ച്ച​പ്പോൾ യേശു​വി​ന്റെ മുന്നറി​യി​പ്പിന്‌ കൂടുതൽ അടിയ​ന്തി​രത കൈവ​ന്ന​തെ​ങ്ങനെ?

¹⁴ യഹൂദ​യി​ലെ​യും യരൂശ​ലേ​മി​ലെ​യും ക്രിസ്‌ത്യാ​നി​കളെ സംബന്ധിച്ച്‌ “ഉണർന്നി​രി​ക്കേ​ണ്ട​തി​ന്റെ” ആവശ്യം വിശേ​ഷാൽ ഉണ്ടായി​രു​ന്നു. യരൂശ​ലേ​മി​ന്റെ രണ്ടാമത്തെ നാശ​ത്തെ​സം​ബ​ന്ധിച്ച്‌ യേശു മുന്നറി​യി​പ്പു കൊടു​ത്ത​പ്പോൾ അവൻ ഇങ്ങനെ പ്രസ്‌താ​വി​ച്ചു: “ആ നാളു​ക​ളിൽ ഗർഭി​ണി​കൾക്കും ഒരു ശിശു​വി​നെ മുലയൂ​ട്ടു​ന്ന​വർക്കും മഹാകഷ്ടം!” (മത്തായി 24:19) ഒന്നാം നൂററാ​ണ്ടി​ലെ ക്രിസ്‌ത്യാ​നി​കൾ മക്കളെ ജനിപ്പി​ക്കു​ന്ന​തിൽനിന്ന്‌ ഒഴിഞ്ഞി​രി​ക്ക​ണ​മെന്ന്‌ യേശു പറഞ്ഞി​ല്ലെ​ന്നു​ള്ളത്‌ സത്യം​തന്നെ. യരുശ​ലേ​മി​ന്റെ സത്വര​മായ നാശത്തി​ന്റെ അടയാളം പ്രത്യ​ക്ഷ​പ്പെ​ടു​മ്പോൾ ഗർഭി​ണി​കൾക്ക്‌ അല്ലെങ്കിൽ കൊച്ചു​കു​ട്ടി​ക​ളു​ള്ള​വർക്ക്‌ പെട്ടെ​ന്നുള്ള ഓടി​പ്പോക്ക്‌ കൂടുതൽ പ്രയാ​സ​മാ​യി​രി​ക്കു​മെന്ന്‌ സൂചി​പ്പി​ച്ചു​കൊണ്ട്‌ അവൻ കേവലം ഒരു പ്രാവ​ച​നി​ക​വ​സ്‌തുത പ്രസ്‌താ​വി​ക്കു​ക​യാ​യി​രു​ന്നു. (ലൂക്കോസ്‌ 19:41-44; 21:20-23) എന്നിരു​ന്നാ​ലും ക്രി. വ. 66-നു മുമ്പത്തെ വർഷങ്ങ​ളിൽ യഹൂദ്യ​യി​ലെ യഹൂദൻമാ​രു​ടെ ഇടയിലെ അസ്വസ്ഥ​തകൾ വർദ്ധി​ച്ചു​വ​ന്ന​പ്പോൾ യേശു​വി​ന്റെ മുന്നറി​യിപ്പ്‌ ക്രിസ്‌ത്യാ​നി​ക​ളു​ടെ ഓർമ്മ​യിൽ വരുക​യും ആ കുഴപ്പം പിടിച്ച കാലത്ത്‌ ലോക​ത്തി​ലേക്ക്‌ മക്കളെ ജനിപ്പി​ക്കു​ന്ന​തു​സം​ബ​ന്ധിച്ച അവരുടെ മനോ​ഭാ​വത്തെ സ്വാധീ​നി​ക്കു​ക​യും ചെയ്‌തു​വെ​ന്ന​തിന്‌ സംശയ​മില്ല.

ഇക്കാലത്ത്‌ മക്കളെ ജനിപ്പി​ക്കൽ

15, 16.(എ) ഇന്ന്‌ ജീവി​ക്കുന്ന ക്രിസ്‌ത്യാ​നി​കൾക്ക്‌ ‘ശേഷിച്ച സമയം കുറഞ്ഞി​രി​ക്കുന്ന’തെങ്ങനെ? (ബി) ക്രിസ്‌ത്യാ​നി​കൾ തങ്ങളോ​ടു​തന്നെ ഏതു ചോദ്യ​ങ്ങൾ ചോദി​ക്കണം?

¹⁵ ക്രിസ്‌ത്യാ​നി​കൾ ഇക്കാലത്ത്‌, “ഈ അന്ത്യകാ​ലത്ത്‌,” വിവാ​ഹ​ത്തെ​യും മക്കളെ ജനിപ്പി​ക്ക​ലി​നെ​യും എങ്ങനെ വീക്ഷി​ക്കണം? (ദാനി​യേൽ 12:4) “ഈ ലോക​ത്തി​ന്റെ രംഗം മാറു​ക​യാ​ണെ”ന്നുള്ളത്‌ പൂർവാ​ധി​കം സത്യമാണ്‌. അല്ലെങ്കിൽ, മറെറാ​രു വിവർത്തനം പ്രസ്‌താ​വി​ക്കു​ന്ന​തു​പോ​ലെ, “ഇപ്പോ​ഴത്തെ കാര്യ​ങ്ങ​ളു​ടെ പദ്ധതി സത്വരം നീങ്ങി​പ്പോ​കു​ക​യാ​കു​ന്നു.”—1 കൊരി​ന്ത്യർ 7:31, ഫിലി​പ്‌സ്‌.

¹⁶ മുമ്പെ​ന്ന​ത്തേ​തി​ലു​മ​ധി​ക​മാ​യി ഇന്ന്‌ “ശേഷിച്ച സമയം കുറഞ്ഞി​രി​ക്കു​ന്നു.” അതെ, യഹോവ തന്റെ ജനത്തിന്‌ ചെയ്യാൻ കൊടു​ത്തി​രി​ക്കുന്ന വേല പൂർത്തീ​ക​രി​ക്കു​ന്ന​തിന്‌ പരിമി​ത​മായ സമയമേ ശേഷി​ക്കു​ന്നു​ള്ളു: “രാജ്യ​ത്തി​ന്റെ ഈ സുവാർത്ത സകല ജനതകൾക്കും സാക്ഷ്യ​മാ​യി നിവസി​ത​ഭൂ​മി​യി​ലെ​ല്ലാം പ്രസം​ഗി​ക്ക​പ്പെ​ടും; അപ്പോൾ അവസാനം വരും.” (മത്തായി 24:14) അവസാനം വരുന്ന​തി​നു മുമ്പ്‌ വേല പൂർത്തീ​ക​രി​ക്ക​പ്പെ​ടണം. അതു​കൊണ്ട്‌, വിവാ​ഹം​ചെ​യ്യു​ന്നത്‌, അല്ലെങ്കിൽ വിവാ​ഹി​ത​രെ​ങ്കിൽ മക്കളെ ജനിപ്പി​ക്കു​ന്നത്‌, ആ മർമ്മ​പ്ര​ധാ​ന​മായ വേലയി​ലെ തങ്ങളുടെ പങ്കിനെ എങ്ങനെ ബാധി​ക്കു​മെന്ന്‌ ക്രിസ്‌ത്യാ​നി​കൾ തങ്ങളോ​ടു​തന്നെ ചോദി​ക്കു​ന്നത്‌ ഉചിത​മാണ്‌.

ഒരു പുരാ​ത​ന​ദൃ​ഷ്ടാ​ന്തം

17.(എ) പ്രളയ​ത്തി​നു​മുമ്പ്‌ നോഹ​ക്കും അവന്റെ മൂന്നു പുത്രൻമാർക്കും ഏതു വേല പൂർത്തി​യാ​ക്കേ​ണ്ട​തു​ണ്ടാ​യി​രു​ന്നു, അതിന്‌ പ്രത്യ​ക്ഷ​ത്തിൽ എത്ര കാല​മെ​ടു​ത്തു? (ബി) പ്രളയ​ത്തി​നു മുമ്പത്തെ കാലഘ​ട്ട​ത്തിൽ നോഹ​യു​ടെ പുത്രൻമാ​രും അവരുടെ ഭാര്യ​മാ​രും മക്കളെ ജനിപ്പി​ക്കു​ന്ന​തിൽനിന്ന്‌ ഒഴിഞ്ഞി​രു​ന്ന​തിന്‌ ഏതു കാരണ​ങ്ങ​ളു​ണ്ടാ​യി​രി​ക്കാൻ സാദ്ധ്യ​ത​യുണ്ട്‌?

¹⁷ “മനുഷ്യ​പു​ത്രന്റെ സാന്നിദ്ധ്യ”കാലത്തെ യേശു “നോഹ​യു​ടെ നാളു​ക​ളോട്‌” ഉപമിച്ചു. (മത്തായി 24:37) പ്രളയ​ത്തി​നു​മുമ്പ്‌ നോഹ​ക്കും അവന്റെ മൂന്ന്‌ പുത്രൻമാർക്കും ഒരു പ്രത്യേ​ക​വേല ചെയ്‌തു​തീർക്കേ​ണ്ട​തു​ണ്ടാ​യി​രു​ന്നു. അതിൽ ബൃഹത്തായ ഒരു പെട്ടകം പണിയു​ന്ന​തും പ്രസം​ഗി​ക്കു​ന്ന​തും ഉൾപ്പെ​ട്ടി​രു​ന്നു. (ഉൽപ്പത്തി 6:13-16; 2 പത്രോസ്‌ 2:5) യഹോവ പെട്ടകം​പ​ണി​സം​ബ​ന്ധിച്ച നിർദ്ദേ​ശങ്ങൾ കൊടു​ത്ത​പ്പോൾ പ്രത്യ​ക്ഷ​ത്തിൽ നോഹ​യു​ടെ പുത്രൻമാർ അപ്പോൾത്തന്നെ വിവാ​ഹി​ത​രാ​യി​രു​ന്നു. (ഉൽപ്പത്തി 6:18) പെട്ടകം പണിയാൻ കൃത്യം എത്ര കാലം എടുത്തു​വെന്ന്‌ നമുക്ക​റി​വില്ല, എന്നാൽ അതിന്‌ പല ദശാബ്ദങ്ങൾ എടുത്തി​രി​ക്കാൻ സാദ്ധ്യ​ത​യു​ണ്ടെന്നു തോന്നു​ന്നു. പ്രളയ​ത്തി​നു​മു​മ്പത്തെ ഈ നാളു​ക​ളി​ലെ​ല്ലാം നോഹ​യു​ടെ മൂന്നു പുത്രൻമാർക്കും അവരുടെ ഭാര്യ​മാർക്കും മക്കളി​ല്ലാ​യി​രു​ന്നു​വെ​ന്നത്‌ കൗതു​ക​ക​ര​മാണ്‌. ‘എട്ടു​ദേ​ഹി​കൾ വെള്ളത്തി​ലൂ​ടെ സുരക്ഷി​ത​മാ​യി കടന്നു’ എന്ന്‌ അപ്പോ​സ്‌ത​ല​നായ പത്രോസ്‌ പ്രത്യേ​കം പ്രസ്‌താ​വി​ക്കു​ന്നു, അതായത്‌, നാല്‌ വിവാ​ഹിത ഇണകൾ, എന്നാൽ കുട്ടി​ക​ളി​ല്ലാ​യി​രു​ന്നു. (1 പത്രോസ്‌ 3:20) പുത്രൻമാർ മക്കളി​ല്ലാ​തെ നിന്നതിന്‌ രണ്ട്‌ കാരണങ്ങൾ ഉണ്ടായി​രി​ക്കാൻ സാദ്ധ്യ​ത​യുണ്ട്‌. ഒന്ന്‌, ജലപ്ര​ളയം മുഖേ​ന​യുള്ള ആസന്നമായ നാശത്തി​ന്റെ വീക്ഷണ​ത്തിൽ അവർക്ക്‌ ദിവ്യ​നി​യ​മി​ത​മായ ഒരു ജോലി ചെയ്യേ​ണ്ട​തു​ണ്ടാ​യി​രു​ന്നു, അതിന്‌ അവരുടെ അവിഭ​ക്ത​മായ ശ്രദ്ധ ആവശ്യ​മാ​യി​രു​ന്നു. രണ്ട്‌, “ഭൂമി​യിൽ മമനു​ഷ്യ​ന്റെ ദുഷ്ടത ധാരാ​ള​മാ​യി​രു​ന്നു, അവന്റെ ഹൃദയ​വി​ചാ​ര​ങ്ങ​ളു​ടെ ഓരോ ചായ്‌വും എല്ലായ്‌പ്പോ​ഴും ചീത്ത മാത്ര​മാ​യി​രുന്ന,” ഒരു “അക്രമം നിറഞ്ഞ” ലോക​ത്തി​ലേക്ക്‌ മക്കളെ ആനയി​ക്കു​ന്ന​തിൽ അവർക്ക്‌ വൈമ​ന​സ്യം​തോ​ന്നി​യെ​ന്ന​തിന്‌ സംശയ​മില്ല.—ഉൽപ്പത്തി 6:5, 13.

18.പിന്തു​ട​രാ​നുള്ള ഒരു ചട്ടം വെക്കു​ക​യ​ല്ലാ​യി​രു​ന്നെ​ങ്കി​ലും നോഹ​യു​ടെ പുത്രൻമാ​രും അവരുടെ ഭാര്യ​മാ​രും സ്വീക​രിച്ച പ്രവർത്ത​ന​ഗതി ചിന്തക്കു വക നൽകു​ന്ന​തെ​ങ്ങനെ?

¹⁸ പ്രളയ​ത്തി​നു​മുമ്പ്‌ നോഹ​യു​ടെ പുത്രൻമാ​രും അവരുടെ ഭാര്യ​മാ​രും സ്വീക​രിച്ച പ്രവർത്ത​ന​ഗതി ഇന്നു ജീവി​ക്കുന്ന വിവാ​ഹിത ഇണകൾക്ക്‌ ചട്ടം വെക്കാ​നു​ദ്ദേ​ശി​ച്ചു​ള്ള​താ​യി​രു​ന്നു​വെന്ന്‌ പറയു​കയല്ല. എന്നിരു​ന്നാ​ലും, യേശു നാം ജീവി​ക്കുന്ന കാലഘ​ട്ട​ത്തോട്‌ നോഹ​യു​ടെ നാളിനെ താരത​മ്യ​പ്പെ​ടു​ത്തി​യ​തു​കൊണ്ട്‌ അവരുടെ ദൃഷ്ടാ​ന്ത​ത്തിന്‌ ചിന്തക്കുള്ള വക നൽകാൻ കഴിയും.

“വിഷമ​കാ​ലങ്ങൾ”

19.(എ) നമ്മുടെ കാലം നോഹ​യു​ടെ നാളി​നോട്‌ ഒത്തുവ​രു​ന്ന​തെ​ങ്ങനെ? (ബി) പൗലോസ്‌ “അന്ത്യനാ​ളി​നെ”സംബന്ധിച്ച്‌ എന്ത്‌ മുൻകൂ​ട്ടി​പ്പ​റഞ്ഞു, ഈ പ്രവചനം മക്കളെ ജനിപ്പി​ക്ക​ലി​നോട്‌ ബന്ധപ്പെ​ടു​ന്ന​തെ​ങ്ങനെ?

¹⁹ നോഹ​യേ​യും അവന്റെ കുടു​ബ​ത്തേ​യും പോലെ നാമും “ഭക്തികെട്ട ജനങ്ങളു​ടെ ഒരു ലോകത്തി”ലാണ്‌ ജീവി​ക്കു​ന്നത്‌. (2 പത്രോസ്‌ 2:5) അവരെ​പ്പോ​ലെ നശിപ്പി​ക്ക​പ്പെ​ടാ​റാ​യി​രി​ക്കുന്ന ഒരു ദുഷ്ടവ്യ​വ​സ്ഥി​തി​യു​ടെ “അന്ത്യനാ​ളു​കളി”ലാണ്‌ നാം ജീവി​ക്കു​ന്നത്‌. സാത്താന്റെ വ്യവസ്ഥി​തി​യു​ടെ “അന്ത്യനാ​ളു​കൾ” “ഇടപെ​ടാൻ പ്രയാ​സ​മായ വിഷമ​കാ​ലങ്ങൾ” ആനയി​ക്കു​മെന്ന്‌ അപ്പോ​സ്‌ത​ല​നായ പൗലോസ്‌ പ്രവചി​ച്ചു. കൈകാ​ര്യം​ചെ​യ്യാൻ പ്രയാ​സ​മായ കാര്യ​ങ്ങ​ളി​ലൊന്ന്‌ മക്കളെ വളർത്ത​ലാ​യി​രി​ക്കു​മെന്ന്‌ പ്രകട​മാ​ക്കി​ക്കൊണ്ട്‌ കുട്ടികൾ “മാതാ​പി​താ​ക്കൻമാ​രോട്‌ അനുസ​ര​ണ​മി​ല്ലാ​ത്തവർ” ആയിരി​ക്കു​മെന്ന്‌ അവൻ കൂട്ടി​ച്ചേർത്തു. കുട്ടി​ക​ളെ​യും യുവാ​ക്ക​ളെ​യും ഒഴിവാ​ക്കാ​തെ പൊതു​വേ ആളുകൾ “നന്ദി​കെ​ട്ട​വ​രും അഭക്തരും സ്വാഭാ​വി​ക​പ്രി​യ​മി​ല്ലാ​ത്ത​വ​രും” ആയിരി​ക്കു​മെന്ന്‌ അവൻ പ്രസ്‌താ​വി​ച്ചു. (2 തിമൊ​ഥെ​യോസ്‌ 3:1-3) പൗലോസ്‌ ഇവിടെ ലോക​ജ​ന​ങ്ങ​ളു​ടെ ഇടയിലെ അവസ്ഥക​ളെ​ക്കു​റിച്ച്‌ പ്രവചി​ക്കു​ക​യാ​യി​രു​ന്നു​വെ​ങ്കി​ലും പ്രബല​പ്പെ​ട്ടി​രി​ക്കുന്ന അത്തരം മനോ​ഭാ​വങ്ങൾ, അനേകർക്കും അനുഭ​വ​പ്പെ​ട്ടി​രി​ക്കു​ന്ന​തു​പോ​ലെ മക്കളെ വളർത്തൽ ക്രിസ്‌ത്യാ​നി​കൾക്ക്‌ ഏറെ പ്രയാ​സ​ക​ര​മാ​ക്കി​ത്തീർക്കും.

20.അടുത്ത ലക്കത്തിലെ ലേഖന​ത്തിൽ എന്തു പരിചി​ന്തി​ക്ക​പ്പെ​ടും?

²⁰ മേൽപ്ര​സ്‌താ​വി​ച്ച​തെ​ല്ലാം മക്കളെ ജനിപ്പി​ക്കൽസം​ബ​ന്ധിച്ച്‌ ഒരു സന്തുലി​ത​വീ​ക്ഷ​ണ​മു​ണ്ടാ​യി​രി​ക്കേ​ണ്ടത്‌ ആവശ്യ​മാ​ണെന്ന്‌ പ്രകട​മാ​ക്കു​ന്നു. അതിന്‌ അനേകം സന്തോ​ഷങ്ങൾ കൈവ​രു​ത്താൻ കഴിയു​മെ​ന്നി​രി​ക്കെ, അതിന്‌ അനേകം ഹൃദയ​വേ​ദ​ന​ക​ളും കൈവ​രു​ത്താൻക​ഴി​യും. അതിന്‌ ഗുണങ്ങ​ളും ദോഷ​ങ്ങ​ളു​മുണ്ട്‌. അടുത്ത ലക്കത്തിൽ അവയിൽ ചിലതു പരിചി​ന്തി​ക്ക​പ്പെ​ടും. (w88 3/1)

പുനരവലോകനത്തിനുള്ള പോയിൻറു​കൾ

□ യിസ്രാ​യേ​ലിൽ വലിയ കുടും​ബങ്ങൾ അഭികാ​മ്യ​മാ​യി​രു​ന്ന​തെ​ന്തു​കൊണ്ട്‌?

□ മക്കളെ ജനിപ്പി​ക്കൽ യഹൂദൻമാർക്ക്‌ ഹൃദയ​വേ​ദ​നകൾ വരുത്തി​ക്കൂ​ട്ടിയ സമയങ്ങൾ ഉണ്ടായി​രു​ന്നു​വെന്ന്‌ എന്തു സൂചി​പ്പി​ക്കു​ന്നു?

□ ആത്മീയ​യി​സ്രാ​യേൽ എണ്ണത്തിൽ പെരു​കേ​ണ്ടി​യി​രു​ന്ന​തെ​ങ്ങനെ?

□ ആദിമ​ക്രി​സ്‌ത്യാ​നി​കൾക്ക്‌ ‘ശേഷിച്ച സമയം കുറഞ്ഞി​രുന്ന’തെങ്ങനെ?

□ നോഹ​യു​ടെ പുത്രൻമാ​രും അവരുടെ ഭാര്യ​മാ​രും പ്രളയ​ത്തി​നു​മുമ്പ്‌ മക്കളി​ല്ലാ​തെ നിന്നതിന്‌ ഏതു കാരണ​ങ്ങ​ളു​ണ്ടാ​യി​രി​ക്കാൻ സാദ്ധ്യ​ത​യുണ്ട്‌, ഇന്നത്തെ അവസ്ഥസം​ബ​ന്ധി​ച്ചെന്ത്‌?

[25-ാം പേജിലെ ചിത്രം]

കൊച്ചുകുട്ടികളുള്ളവർക്ക്‌ യരൂശ​ലേ​മിൽനി​ന്നുള്ള പെട്ടെ​ന്നുള്ള ഓട്ടം കൂടുതൽ പ്രയാ​സ​ക​ര​മാ​യി​രി​ക്കും