നാം യഹോ​വക്ക്‌ എങ്ങനെ മടക്കി​ക്കൊ​ടു​ക്കും?

ആരെങ്കി​ലും, ഒരുപക്ഷേ നമ്മുടെ പ്രയോ​ജ​ന​ത്തി​നു​വേണ്ടി എന്തെങ്കി​ലും ചെയ്‌തു​കൊണ്ട്‌, നമ്മിൽ യഥാർത്ഥ​മായ ഒരു ഊഷ്‌മള താത്‌പ​ര്യം പ്രകട​മാ​ക്കു​മ്പോൾ, നാം എങ്ങനെ പ്രതി​ക​രി​ക്കു​ന്നു? ദയയും ഔദാ​ര്യ​വും സാധാ​ര​ണ​യാ​യി ഒരു പ്രതി​ക​ര​ണ​ത്തി​നി​ട​യാ​ക്കു​ന്നു, അങ്ങനെ​യല്ലേ? അപ്പോൾ നമ്മുടെ ദൈവ​മായ യഹോ​വക്കു നമ്മോ​ടുള്ള സ്ഥിരമായ സ്‌നേ​ഹ​ദ​യ​ക്കു​വേണ്ടി നമുക്ക്‌ അവനോ​ടുള്ള വികാരം എന്താണ്‌?

നമ്മുടെ ദൈനം​ദി​ന​ജീ​വി​ത​ത്തി​ലെ സമ്മർദ്ദ​ങ്ങ​ളാൽ നാം ചില​പ്പോൾ യഥാർത്ഥ​ത്തിൽ നമുക്കു നന്ദിയി​ല്ലാ​ത്ത​തു​പോ​ലെ പ്രവർത്തി​ച്ചു​കൊ​ണ്ടു​പോ​ലും യഹോ​വ​യു​ടെ ഔദാ​ര്യ​ങ്ങളെ വിലമ​തി​ക്കാ​തി​രി​ക്കുക എളുപ്പ​മാണ്‌. അതു​കൊണ്ട്‌ നാം നിന്ന്‌ ദാവീ​ദി​ന്റെ ഈ ചോദ്യ​ത്തെ​ക്കു​റി​ച്ചു ചിന്തി​ക്കു​ന്നത്‌ നല്ലതാണ്‌: “യഹോവ എനിക്കു ചെയ്‌ത എല്ലാ നൻമകൾക്കും വേണ്ടി ഞാൻ അവന്‌ എന്തു മടക്കി​ക്കൊ​ടു​ക്കും?” (സങ്കീർത്തനം 116:12) ഏതു വിധത്തിൽ നമുക്ക്‌ പ്രതി​ക​രി​ക്കാം?

യഹോ​വ​യിൽനി​ന്നു ലഭിക്കുന്ന പ്രയോ​ജ​ന​ങ്ങൾ

യഹോ​വ​യു​ടെ ദാനമാ​കുന്ന അവന്റെ വചനമായ ബൈബിൾ ഇല്ലായി​രു​ന്നെ​ങ്കിൽ നാം വഴി​തെ​റ​റി​പ്പോ​കു​മാ​യി​രു​ന്നു! കഴിഞ്ഞ നൂററാ​ണ്ടു​ക​ളി​ലെ ധൈര്യ​ശാ​ലി​ക​ളായ സ്‌ത്രീ​പു​രു​ഷൻമാർ ഈ പുസ്‌തകം സ്വന്തമാ​ക്കു​ന്ന​തി​നും വായി​ക്കു​ന്ന​തി​നും​വേണ്ടി തങ്ങളുടെ ജീവൻ പണയ​പ്പെ​ടു​ത്തി​യി​ട്ടുണ്ട്‌, എന്തു​കൊ​ണ്ടെന്നു മനസ്സി​ലാ​ക്കാൻ നാം വളരു​ക​യും ചെയ്‌തി​രി​ക്കു​ന്നു. ദൈവ​ത്തി​ന്റെ മനുഷ്യർ നിശ്വസ്‌ത തിരു​വെ​ഴു​ത്തു​കൾ “പഠിപ്പി​ക്ക​ലി​നും ശാസി​ക്ക​ലി​നും കാര്യങ്ങൾ നേരെ​യാ​ക്കു​ന്ന​തി​നും നീതി​യിൽ ശിക്ഷണം നൽകു​ന്ന​തി​നും” എത്രമാ​ത്രം പ്രയോ​ജ​ന​മു​ള്ള​താ​ണെന്ന്‌ മനസ്സി​ലാ​ക്കി​ക്കൊണ്ട്‌ അതിനു​വേണ്ടി എല്ലായ്‌പ്പോ​ഴും നന്ദിയു​ള്ള​വ​രാ​യി​രു​ന്നി​ട്ടുണ്ട്‌.—2 തിമൊ​ഥെ​യോസ്‌ 3:16.

എന്നിരു​ന്നാ​ലും, “സകല സൽപ്ര​വൃ​ത്തി​ക്കും പൂർണ്ണ​സ​ജ്ജ​രാ​കു​ന്ന​തിന്‌” കേവലം തലയിലെ ബൈബിൾ വിജ്ഞാ​ന​ത്തേ​ക്കാൾ കൂടുതൽ ആവശ്യ​മാ​ണെന്നു നമുക്ക​റി​യാം. (2 തിമൊ​ഥെ​യോസ്‌ 3:17) ദൈവ​ത്തി​ന്റെ പരിശു​ദ്ധാ​ത്മാ​വി​ന്റെ ശക്തിയാ​ലാണ്‌ പ്രയോ​ജ​നങ്ങൾ നമ്മുടെ ജീവി​ത​ത്തി​ലേക്ക്‌ കൊണ്ടു​വ​ര​പ്പെ​ടു​ന്നത്‌, ഈ വസ്‌തുത യഹോവ തന്റെ പ്രവാ​ച​ക​നായ യെശയ്യാ​വു മുഖാ​ന്ത​ര​മുള്ള അവന്റെ ആകർഷ​ക​മായ ഈ വാക്കു​ക​ളാൽ നമ്മുടെ ശ്രദ്ധയി​ലേക്ക്‌ വരുത്തി​യി​രി​ക്കു​ന്നു: “ഇപ്പോൾ പരമാ​ധീശ കർത്താ​വായ യഹോ​വ​തന്നേ, അവന്റെ ആത്മാവു​തന്നേ, എന്നെ അയച്ചി​രി​ക്കു​ന്നു. നിങ്ങളു​ടെ വീണ്ടെ​ടു​പ്പു​കാ​ര​നും ഇസ്രാ​യേ​ലി​ന്റെ പരിശു​ദ്ധ​നു​മായ യഹോവ പറഞ്ഞി​രി​ക്കു​ന്ന​തി​താണ്‌: ‘യഹോ​വ​യായ ഞാൻ നിങ്ങളു​ടെ ദൈവ​മാ​കു​ന്നു, നിങ്ങൾക്കു പ്രയോ​ജനം ലഭിക്ക​ത്ത​ക്ക​വണ്ണം നിങ്ങളെ പഠിപ്പി​ക്കു​ന്ന​വ​നും നിങ്ങൾ നടക്കേണ്ട വഴിയിൽ നടക്കു​ന്ന​തിന്‌ ഇടയാ​ക്കു​ന്ന​വ​നും​തന്നെ. ഹാ നിങ്ങൾ എന്റെ കൽപ്പന​കൾക്ക്‌ യഥാർത്ഥ​ത്തിൽ ശ്രദ്ധ​കൊ​ടു​ക്കു​ക​മാ​ത്രം ചെയ്‌തി​രു​ന്നെ​ങ്കിൽ! അപ്പോൾ നിങ്ങളു​ടെ സമാധാ​നം നദി​പോ​ലെ​ത​ന്നെ​യും നിങ്ങളു​ടെ നീതി സമു​ദ്ര​ത്തി​ലെ തിരമാ​ലകൾ പോ​ലെ​യും ആകുമാ​യി​രു​ന്നു.’” (യെശയ്യാവ്‌ 48:16-18) യഹോവ തന്റെ ആത്മാവും വചനവും ഉപയോ​ഗിച്ച്‌ നമുക്കു പ്രയോ​ജനം കിട്ടു​മാറ്‌ നമ്മെ നയിക്കു​ന്നു, സമാധാ​ന​വും നീതി​യു​മാണ്‌ അതിന്റെ ഫലങ്ങൾ.

അതുകൂ​ടാ​തെ, പരിശു​ദ്ധാ​ത്മാ​വി​ന്റെ വ്യാപാ​ര​മുള്ള ഒരു ഭൗമി​ക​സ്ഥാ​പ​ന​മാ​കുന്ന ഒരു ചട്ടക്കൂട്‌ ഏർപ്പെ​ടു​ത്ത​പ്പെ​ട്ടി​രി​ക്കു​ന്ന​തി​നാൽ യഹോ​വ​യു​ടെ പ്രവർത്ത​ന​നി​ര​ത​മായ ശക്തി നമ്മുടെ പ്രയോ​ജ​ന​ത്തി​നു​വേണ്ടി ഫലപ്ര​ദ​മാ​യി പ്രവർത്തി​ച്ചു​കൊ​ണ്ടി​രി​ക്കു​ന്നു. 1 കൊരി​ന്ത്യർ 12-ാം അദ്ധ്യാ​യ​ത്തിൽ പൗലോസ്‌ ക്രിസ്‌തീ​യ​സ​ഭയെ ഒരു ശരീര​ത്തോട്‌ ഉപമി​ക്കു​ക​യും 7-ാം വാക്യ​ത്തിൽ ഇപ്രകാ​രം പറയു​ക​യും ചെയ്യുന്നു: “എന്നാൽ ഓരോ​രു​ത്തർക്കും ഒരു പ്രയോ​ജ​ന​ക​ര​മായ ഉദ്ദേശ്യ​ത്തിൽ ആത്മാവി​ന്റെ പ്രകടനം നൽക​പ്പെ​ട്ടി​രി​ക്കു​ന്നു.” ദൈവ​ത്തി​ന്റെ ഭൗമി​ക​സ്ഥാ​പ​ന​ത്തി​ന്റെ ഭാഗമാ​യി​രി​ക്കു​ന്ന​തി​നാൽ നമുക്ക്‌ എങ്ങനെ പ്രയോ​ജനം കിട്ടു​ന്നു​വെന്ന്‌ അവൻ തുടർന്ന്‌ ചൂണ്ടി​ക്കാ​ണി​ക്കു​ന്നു.

അവൻ ആ വാക്കുകൾ എഴുതി അഞ്ചോളം വർഷങ്ങൾക്കു​ശേഷം അവൻ എഫേസൂസ്‌ സഭക്കുള്ള തന്റെ ലേഖന​മെ​ഴു​തി, അതിൽ ആ ഭൗമി​ക​ക്ര​മീ​ക​ര​ണ​ത്തോട്‌ ബന്ധപ്പെ​ടു​ന്ന​തി​നാ​ലുള്ള പ്രയോ​ജ​നങ്ങൾ സവിസ്‌തരം പ്രതി​പാ​ദി​ക്കു​ന്നു. അവൻ പറഞ്ഞത്‌ പ്രാഥ​മി​ക​മാ​യി അഭിഷി​ക്ത​ക്രി​സ്‌ത്യാ​നി​കൾക്കാണ്‌ ബാധക​മാ​കു​ന്ന​തെ​ങ്കി​ലും മഹാപു​രു​ഷാ​ര​ത്തിൽപെ​ട്ട​വ​രും ഇന്ന്‌ ‘ശുശ്രൂ​ഷാ​വേ​ല​ക്കു​വേണ്ടി പുനഃ​ക്ര​മീ​ക​രി​ക്ക​പ്പെ​ടു​ക​യും,’ ആത്മീയ​മാ​യി ‘പൂർണ്ണ​വ​ളർച്ച പ്രാപിച്ച പുരു​ഷൻമാ​രാ​യി​ത്തീ​രു​ക​യും,’ ‘മേലാൽ ശിശു​ക്ക​ളാ​യി​രി​ക്കാ​തെ’ വിശ്വാ​സ​ത്തിൽ സ്ഥിര​പ്പെ​ടു​ക​യും, ‘സ്‌നേ​ഹ​ത്തിൽ തലയായ ക്രിസ്‌തു​വി​ലേക്ക്‌ സകലത്തി​ലും വളരു​ക​യും’ ചെയ്യു​ന്നി​ല്ല​യോ? (വെളി​പ്പാട്‌ 7:9; എഫേസ്യർ 4:12-16) നമു​ക്കെ​ല്ലാം നന്ദിയു​ള്ള​വ​രാ​യി​രി​ക്കു​ന്ന​തി​നു നല്ല കാരണ​മുണ്ട്‌.

ക്രിസ്‌തീ​യ​സ​ഭ​ത​ന്നെ​യാണ്‌ വിശ്വ​സ്‌ത​നും വിവേ​കി​യു​മായ അടിമ, യഹോവ നമുക്കു പ്രയോ​ജ​നം​ചെ​യ്യു​ന്നു​വെ​ന്ന​തി​ന്റെ മറെറാ​രു തെളി​വാണ്‌ നമ്മെ ആത്മീയ​മാ​യി പോഷി​പ്പി​ക്കാ​നുള്ള അതിന്റെ പ്രവർത്തനം. (മത്തായി 24:45-46) മുൻകൂ​ട്ടി​പ്പ​റ​യ​പ്പെട്ട യജമാ​നന്റെ സാന്നി​ദ്ധ്യ​കാ​ല​ത്താണ്‌ നാമി​പ്പോൾ ജീവി​ക്കു​ന്നത്‌. “അടിമ” അവന്റെ വേല ചെയ്യു​ന്നു​ണ്ടോ? ഈ “അന്ത്യനാ​ളു​ക​ളു​ടെ” ഫലശൂ​ന്യ​മായ അവസ്ഥയു​ണ്ടെ​ങ്കി​ലും നാം പ്രത്യാ​ശാ​നിർഭ​ര​രാ​ണോ? നമുക്ക്‌ ജീവി​ത​ത്തിന്‌ ഒരു മൂല്യ​വ​ത്തായ ഉദ്ദേശ്യ​മു​ണ്ടോ? (2 തിമൊ​ഥെ​യോസ്‌ 3:1-5; റോമർ 5:5; 1 തിമൊ​ഥെ​യോസ്‌ 4:10) ഉവ്വ്‌! മാത്രമല്ല, നമ്മുടെ പ്രത്യാശ കേവലം ഒരു സാധ്യ​തയല്ല, പിന്നെ​യോ വിശ്വാ​സ​ത്തിൻമേൽ പണിയ​പ്പെട്ട ഒരു സുനി​ശ്ചിത ബോധ്യ​മാണ്‌, ക്രമത്തിൽ അത്‌ ഉറപ്പായ തെളി​വിൻമേൽ അടിസ്ഥാ​ന​പ്പെ​ട്ട​താണ്‌.—എബ്രായർ 11:1.

പ്രത്യക്ഷ

ത്തിൽ, നമ്മുടെ വലിയ ഉപകാ​രി​യായ യഹോ​വ​യാം ദൈവം നാം നന്ദിയു​ള്ള​വ​രാ​യി​രി​ക്ക​ത്ത​ക്ക​വണ്ണം നമുക്ക്‌ വളരെ​യ​ധി​കം പ്രദാനം ചെയ്‌തി​രി​ക്കു​ന്നു. ന്യായ​യു​ക്ത​മാ​യി താഴെ​ക്കൊ​ടു​ക്കുന്ന ചോദ്യം ഉദിക്കു​ന്നു:

ഞാൻ യഹോ​വക്ക്‌ എന്തു മടക്കി​ക്കൊ​ടു​ക്കും?

ഒന്നാമത്‌ യഹോ​വക്ക്‌ നമ്മിൽനിന്ന്‌ യാതൊ​ന്നും ആവശ്യ​മി​ല്ലെന്ന്‌ സമ്മതി​ക്കണം. അവനാണ്‌ ഇപ്രകാ​രം പറഞ്ഞത്‌, “വെള്ളി എന്റേതാണ്‌, സ്വർണ്ണ​വും എന്റേതാണ്‌,” അതു​പോ​ലെ “ഒരു ആയിരം പർവത​ങ്ങ​ളി​ലെ മൃഗങ്ങ​ളും.” (ഹഗ്ഗായി 2:8; സങ്കീർത്തനം 50:10; ഇയ്യോബ്‌ 41:11) ഇതിന്റെ അർത്ഥം നമുക്ക്‌ ഒരു പ്രകാ​ര​ത്തി​ലും യഹോ​വ​യു​ടെ പ്രീതി “വിലക്കു​വാ​ങ്ങാൻ” കഴിയു​ക​യില്ല എന്നാണ്‌; എന്നിരു​ന്നാ​ലും അവന്‌ സ്വമേ​ധയാ കാഴ്‌ചകൾ അർപ്പി​ക്കു​ന്ന​തിന്‌ നാം പ്രോ​ത്സാ​ഹി​പ്പി​ക്ക​പ്പെ​ടു​ന്നു. (1 ദിനവൃ​ത്താ​ന്തങ്ങൾ 29:14 താരത​മ്യ​പ്പെ​ട​ത്തുക.) എന്നിരു​ന്നാ​ലും നാം യഹോ​വക്ക്‌ ദാനങ്ങൾ അർപ്പി​ക്കാൻ അനുവ​ദി​ക്ക​പ്പെ​ടു​ന്ന​തിന്‌ ചില നിബന്ധ​നകൾ ഉണ്ട്‌.

“ഞാൻ എന്തുമാ​യി യഹോ​വ​യു​ടെ മുമ്പാകെ ചെല്ലണം? ഞാൻ ഉന്നതങ്ങ​ളി​ലെ ദൈവ​മു​മ്പാ​കെ എന്തോടെ കുമ്പി​ടണം? ഞാൻ പൂർണ്ണ​ഹോ​മ​യാ​ഗ​ങ്ങ​ളോ​ടും ഒരു വയസ്സു പ്രായ​മുള്ള കാളക്കു​ട്ടി​ക​ളോ​ടും കൂടെ അവന്റെ മുമ്പിൽ ചെല്ലണ​മോ? യഹോവ ആയിര​മാ​യി​രം ആട്ടു​കൊ​റ​റൻമാ​രി​ലും പതിനാ​യി​രം പതിനാ​യി​രം തൈല​ന​ദി​ക​ളി​ലും പ്രസാ​ദി​ക്കു​മോ? ഞാൻ എന്റെ നിയമ​ലം​ഘ​ന​ത്തി​നു​വേണ്ടി എന്റെ ആദ്യജാ​ത​നെ​യും എന്റെ ദേഹി​യു​ടെ പാപത്തി​നു​വേണ്ടി എന്റെ ഉദരഫ​ല​ത്തെ​യും കൊടു​ക്ക​ണ​മോ? ഭൗമിക മനുഷ്യാ, നല്ലതെ​ന്തെന്ന്‌ അവൻ നിന്നോ​ടു പറഞ്ഞി​രി​ക്കു​ന്നു. നീതി പ്രവർത്തി​ക്കാ​നും സ്‌നേ​ഹ​ദ​യ​യു​ള്ള​വ​നാ​യി​രി​ക്കാ​നും നിന്റെ ദൈവ​ത്തോ​ടൊത്ത്‌ നടക്കു​ന്ന​തിൽ എളിമ​യു​ള്ള​വ​നാ​യി​രി​ക്കാ​നും അല്ലാതെ യഹോവ എന്താണ്‌ നിന്നോട്‌ മടക്കി​ചോ​ദി​ക്കു​ന്നത്‌?”—മീഖാ 6:6-8.

യഹോ​വ​യു​ടെ നിബന്ധ​നകൾ എല്ലായ്‌പ്പോ​ഴും ന്യായാ​നു​സൃ​ത​വും അനുസ​രി​ക്കാൻ കഴിയു​ന്ന​തും ആണെന്ന്‌ നാം ഇതിൽനിന്ന്‌ അറിയു​ന്നു. കൂടാതെ, നമ്മുടെ ദാനങ്ങൾ സ്വീകാ​ര്യ​മാ​യി​രി​ക്കു​ന്ന​തിന്‌ മുൻ ഉപാധി എന്ന നിലയിൽ യഹോ​വ​യാം ദൈവ​ത്തോ​ടും സഹമനു​ഷ്യ​നോ​ടു​മുള്ള നമ്മുടെ ബന്ധം ശരിയാ​യി​രി​ക്ക​ണ​മെന്ന്‌ യേശു ചൂണ്ടി​ക്കാ​ട്ടി. (മത്തായി 5:23, 24) ശരിയായ അടിസ്ഥാ​നം ഇട്ടിരി​ക്കു​ന്ന​തി​നാൽ, ഇപ്പോൾ യഹോവ നമ്മോടു ചെയ്യുന്ന നൻമയെ വിലമ​തി​ച്ചു​കൊണ്ട്‌ നമു​ക്കെ​ല്ലാം യഹോ​വക്ക്‌ ചിലത്‌ കൊടു​ക്കാ​നു​ണ്ടെന്ന്‌ കാണാൻ കഴിയും.

നമുക്കു​ള്ളത്‌ എങ്ങനെ ഉപയോ​ഗി​ക്കാൻ കഴിയും?

സമയവും പ്രയത്‌ന​വും ഒരളവിൽ പണവും ആവശ്യ​മാ​ണെ​ങ്കി​ലും പ്രസം​ഗ​വേ​ല​യിൽ യഹോ​വയെ പ്രതി​നി​ധാ​നം​ചെ​യ്യു​ന്നത്‌ എന്തോരു പദവി​യാണ്‌! ഈ സ്‌തു​തി​യാ​ഗം നമു​ക്കെ​ല്ലാം യഹോ​വക്കു കൊടു​ക്കാൻ കഴിയു​ന്ന​താണ്‌. മൂന്നു കൊച്ചു കുട്ടികൾ ഉള്ള ഒരു പയനി​യർമൂ​പ്പൻ ഇതു സംബന്ധിച്ച്‌ വിചാ​രി​ക്കു​ന്ന​തി​പ്ര​കാ​ര​മാണ്‌:

“മുഴു​സ​മ​യ​സേ​വ​ന​ത്തിൽ പങ്കെടു​ക്കു​ന്നത്‌ ഏതൊരു വ്യക്തി​പ​ര​മായ ത്യാഗ​ത്തി​നും തക്കതും—അതില​ധി​ക​വും—മൂല്യ​വ​ത്താണ്‌, എന്തു​കൊ​ണ്ടെ​ന്നാൽ നമ്മുടെ സ്വർഗ്ഗീയ പിതാ​വിന്‌ സ്‌തുതി അർപ്പി​ക്കു​ന്ന​തി​നുള്ള ഏററവും ഫലപ്ര​ദ​മായ വിധമാ​ണിത്‌. കൂടാതെ, ഇത്‌ അവൻ എന്നോടു കാണി​ച്ചി​ട്ടുള്ള അനർഹ​ദ​യ​ക്കു​വേണ്ടി ഒരളവിൽ അവന്‌ നന്ദി​കൊ​ടു​ക്കു​ന്നത്‌ എനിക്കു സാധ്യ​മാ​ക്കി​ത്തീർക്കു​ന്നു.”

അയാളു​ടെ ഭാര്യ ഇങ്ങനെ കൂട്ടി​ച്ചേർക്കു​ന്നു: “എന്റെ ഭർത്താ​വി​നെ പയനി​യ​റിം​ഗി​നു സഹായി​ക്കു​ന്നത്‌ യഥാർത്ഥ​ത്തിൽ ഒരു പദവി​യാണ്‌. ഇത്‌ മുഴു​കു​ടും​ബ​ത്തി​നും ശുശ്രൂ​ഷ​യിൽ കൂടു​ത​ലായ പങ്കുണ്ടാ​യി​രി​ക്കാൻ സഹായി​ക്കു​ന്നു, യഹോ​വ​യു​ടെ സ്‌നേ​ഹ​മുള്ള കൈ ആത്മീയ​മാ​യും ഭൗതി​ക​മാ​യും ഞങ്ങൾക്കു​വേണ്ടി കരുതു​ന്നത്‌ കാണു​ന്നത്‌ അവനെ പൂർവാ​ധി​കം സ്‌തു​തി​ക്കാൻ ഞങ്ങളിൽ ആഗ്രഹ​മു​ള​വാ​ക്കു​ന്നു.”

വാച്ച്‌ട​വർ സൊ​സൈ​ററി ബൈബി​ളു​ക​ളും ബൈബിൾസാ​ഹി​ത്യ​ങ്ങ​ളും സ്വമേ​ധ​യായ ഒരു അടിസ്ഥാ​ന​ത്തിൽ നൂറിൽപരം വർഷങ്ങ​ളാ​യി വിതരണം ചെയ്‌തി​രി​ക്കു​ന്നു, 1920 മുതൽ അവ അതിന്റെ സ്വന്തം പ്രസ്സു​ക​ളിൽ അച്ചടി​ക്ക​യും ചെയ്‌തി​രി​ക്കു​ന്നു. ഇന്നു നമുക്കുള്ള എല്ലാ പ്രസി​ദ്ധീ​ക​ര​ണ​ങ്ങ​ളും ഉല്‌പാ​ദി​പ്പി​ക്കു​ന്ന​തിന്‌ ബഥേലിൽ പ്രവർത്തി​ക്കുന്ന സ്വമേ​ധ​യാ​സേ​വകർ ചെലവി​ടുന്ന സമയവും ശ്രമവും അവ വിതരണം ചെയ്യു​ന്ന​തിന്‌ സഭാ​പ്ര​സാ​ധ​ക​രും പയനി​യർമാ​രും ചെലവി​ടുന്ന സമയവും ശ്രമവും ഫലത്തിൽ ജീവൽപ്ര​ധാ​ന​മായ പ്രസം​ഗ​പ്ര​വർത്ത​ന​ത്തി​നുള്ള ഒരു കൂടു​ത​ലായ സംഭാ​വ​ന​യാണ്‌.—മത്തായി 24:14.

കൂടാതെ, സാമ്പത്തി​ക​മാ​യി കൂടുതൽ ഭദ്രമായ രാജ്യ​ങ്ങ​ളി​ലെ ക്രിസ്‌ത്യാ​നി​കൾ ദയാപൂർവം തങ്ങളുടെ രാജ്യത്തെ വാച്ച്‌ടവർ സൊ​സൈ​റ​റി​യു​ടെ ബ്രാ​ഞ്ചോ​ഫീ​സി​ലേക്ക്‌ അയക്കുന്ന പണപര​മായ സംഭാ​വ​നകൾ ലോക​ത്തി​ന്റെ മററു ഭാഗങ്ങ​ളി​ലുള്ള തങ്ങളുടെ സഹോ​ദ​ര​ങ്ങൾക്ക്‌ മുഴു​സ​മ​യ​വും പ്രസംഗ, ശിഷ്യ​രാ​ക്കൽ, വേലയിൽ ചെലവ​ഴി​ക്കുക സാധ്യ​മാ​ക്കി​ത്തീർക്കു​ന്നു​വെന്ന്‌ അറിയു​ന്ന​തിൽ അവർ സന്തോ​ഷ​മു​ള്ള​വ​രാണ്‌. വാച്ച്‌ടവർ ബൈബിൾസ്‌കൂൾ ഓഫ്‌ ഗിലയാ​ദിൽനി​ന്നുള്ള മിഷന​റി​മാ​രും സർക്കിട്ട്‌ ഡിസ്‌ട്രിക്ട്‌ മേൽവി​ചാ​ര​കൻമാ​രും പ്രത്യേ​ക​പ​യ​നി​യർമാ​രു​മെ​ല്ലാം തങ്ങളുടെ മുഴു​സ​മ​യ​സേ​വ​ന​ത്തിൽ തുടരു​ന്ന​തിന്‌ ഈ സ്വമേ​ധയാ സംഭാ​വ​ന​ക​ളാൽ സഹായി​ക്ക​പ്പെ​ടു​ന്നു.

ഒരുപക്ഷേ നിങ്ങൾക്ക്‌ ബഥേലി​ലൊ അന്തർദ്ദേ​ശീയ സ്വമേ​ധയാ നിർമ്മാണ പ്രവർത്തക പരിപാ​ടി​യി​ലൊ സേവി​ക്കു​ന്ന​തിന്‌ സാധ്യ​മ​ല്ലാ​യി​രി​ക്കാം. എന്നാൽ ഈ പ്രവർത്ത​ന​ത്തിൽ ഏർപ്പെ​ട്ടി​രി​ക്കു​ന്ന​വ​രും, എന്നാൽ അതിൽ തങ്ങളുടെ ചെലവു​കൾ വഹിക്കാ​നുള്ള “മിച്ച” ഫണ്ട്‌ ഇല്ലാത്ത​വ​രു​മാ​യ​വരെ പിന്താ​ങ്ങാൻ കഴിയുന്ന ഫണ്ട്‌ നിങ്ങൾക്കു​ണ്ടാ​യി​രി​ക്കാം. അതു​കൊണ്ട്‌ 2 കൊരി​ന്ത്യർ 8:14-ൽ വിവരി​ച്ചി​രി​ക്കു​ന്ന​തു​പോ​ലെ ഒരു സഹായ​ക​മായ സമീക​രണം ഉണ്ടായി​രി​ക്കാൻ കഴിയും. അത്തരം സംഭാ​വ​ന​ക​ളോ​ടു​കൂ​ടെ​യുള്ള എഴുത്തു​ക​ളിൽ താഴെ​പ​റ​യും​പ്ര​കാ​രം എഴുതിയ പ്രായ​മുള്ള ഒരു സഹോ​ദ​രി​യു​ടെ എഴുത്ത്‌ ഉൾപ്പെ​ടു​ന്നു:

“യഹോവ എനിക്കു നൽകുന്ന എല്ലാ അനു​ഗ്ര​ഹ​ങ്ങൾക്കു​മാ​യി ഞാൻ വളരെ നന്ദിയു​ള്ള​വ​ളാണ്‌, ഞാൻ കെട്ടി​ട​നിർമ്മാണ പദ്ധതി​കൾക്കും സ്ഥാപന​ത്തി​നും​വേണ്ടി തുടർച്ച​യാ​യി പ്രാർത്ഥി​ക്കു​ന്നു.”

മറെറാ​രു സഹോ​ദരി ഇപ്രകാ​രം പറഞ്ഞു: “ഈ ചെറിയ തുക താമസി​യാ​തെ നശിക്കാൻപോ​കുന്ന ഒരു ബാങ്കിൽ കിടക്കു​ന്ന​തി​നേ​ക്കാൾ കുറെ ദിവ്യാ​ധി​പത്യ നൻമ ചെയ്യാൻ ഞാൻ ആഗ്രഹി​ക്കു​ന്നു!”

ഒരു സഹോ​ദരൻ ഈ വാക്കു​ക​ളിൽ തന്റെ അഭി​പ്രാ​യം പ്രകടി​പ്പി​ച്ചു: “നമ്മുടെ വകകൾ യഹോ​വയെ മഹത്വ​പ്പെ​ടു​ത്തു​ന്ന​തിന്‌ ഉപയോ​ഗി​ക്കു​ന്ന​തി​നുള്ള അവന്റെ ബുദ്ധി​യു​പ​ദേശം സാത്താന്റെ ദുഷ്ടവ്യ​വ​സ്ഥി​തി​യു​ടെ ‘മൂന്നാം ഭാഗ’മായ അത്യാ​ഗ്ര​ഹം​നി​റഞ്ഞ വ്യാപാ​ര​ത്തിൽനി​ന്നുള്ള യഥാർത്ഥ​സം​ര​ക്ഷ​ണ​ത്തി​നുള്ള ഒരു ഉപാധി​യാണ്‌. യഹോവ നമുക്കു നൽകുന്ന വർദ്ധന​വി​ന്റെ ത്വരി​പ്പി​ക്ക​ലിന്‌ എന്തെങ്കി​ലും സംഭാവന ചെയ്യു​ന്ന​തിൽ ഞാൻ എത്ര സന്തുഷ്ട​നാണ്‌ എന്നു പറയാൻ ഞാൻ ഈ അവസരം ഉപയോ​ഗി​ക്കട്ടെ, എന്നെ ഉപയോ​ഗി​ക്കുക സാദ്ധ്യ​മാ​ക്കി​യ​തിന്‌ ഞാൻ അവനു നന്ദി പറയുന്നു.”

വൃദ്ധൻമാ​രിൽനി​ന്നും ചെറു​പ്പ​ക്കാ​രിൽനി​ന്നു​മുള്ള ദാനങ്ങൾ

പ്രായം​ചെ​ന്ന​വ​രു​ടെ വിശ്വ​സ്‌ത​മായ തീരു​മാ​നത്തെ സംബന്ധിച്ച്‌ വായി​ക്കു​ന്നത്‌ പ്രോ​ത്സാ​ഹ​ജ​ന​ക​മാണ്‌. അവർ ഈ വ്യവസ്ഥി​തി​യു​ടെ അന്ത്യ​ത്തോ​ളം അതിജീ​വി​ക്കു​ന്ന​തിന്‌ പ്രത്യാ​ശി​ക്കു​ന്നു​വെ​ങ്കി​ലും, ഒരു ഉചിത​മായ വിൽപ്പ​ത്ര​മു​ണ്ടാ​ക്കു​ന്ന​തി​നാൽ അവർ മരിക്കു​മ്പോൾ സുനി​ശ്ചി​ത​മാ​യി രാജ്യ​വേ​ലക്കു പ്രയോ​ജ​നം​കി​ട്ടു​മെന്ന്‌ ഉറപ്പു​വ​രു​ത്തു​ന്നു. അത്തരം വിൽപ്പ​ത്രം എഴുതിയ ആളുക​ളു​ടെ നല്ല മനോ​ഭാ​വത്തെ അഭിന​ന്ദി​ച്ചു​കൊണ്ട്‌ ഭരണനിർവാ​ഹ​ക​രിൽ നിന്ന്‌ ലഭിച്ച ചില അഭി​പ്രാ​യ​ങ്ങ​ളിൽ ചുവടെ ചേർത്തി​രി​ക്കു​ന്നവ ഉൾപ്പെ​ടു​ന്നു:

“ജീവി​ത​കാ​ല​മെ​ല്ലാം എല്ലാവ​രോ​ടും വളരെ ദയയുള്ള ഒരു വ്യക്തി, . . . അവൾ യഹോ​വ​യെ​യും അവന്റെ സൃഷ്ടി​യെ​യും സ്‌നേ​ഹി​ച്ചു.”

“എല്ലായ്‌പ്പോ​ഴും രാജ്യ​താ​ത്‌പ​ര്യ​മാ​യി​രു​ന്നു അവളുടെ പ്രാഥ​മി​ക​പ​രി​ഗണന.”

“അയാൾ തന്റെ 70 വർഷത്തെ വിശ്വ​സ്‌ത​സേ​വ​ന​ത്തി​നു​ശേഷം അയാളു​ടെ സ്വർഗ്ഗീയ പ്രതി​ഫലം നേടി . . . അയാൾ തന്റെ ആസ്‌തി​കൾകൊണ്ട്‌ എപ്പോ​ഴും സത്യം പുരോ​ഗ​മി​പ്പി​ക്കു​വാൻ ആഗ്രഹി​ച്ചു.”

തങ്ങളുടെ ഭൗതി​ക​വ​സ്‌തു​ക്കൾ യഹോ​വ​യു​ടെ വേലക്കു​വേണ്ടി ഉപയോ​ഗി​ക്കു​ന്ന​തിന്‌ ഉദ്ദേശി​ക്കുന്ന ചെറു​പ്പ​ക്കാ​രിൽനിന്ന്‌ കേൾക്കു​ന്ന​തി​ലും നാം സന്തോ​ഷി​ക്കു​ന്നു. സൊ​സൈ​റ​റി​യു​ടെ ബ്രിട്ട​നി​ലെ ഓഫീ​സിൽ സ്‌കൂൾപ്രാ​യ​ത്തി​ലുള്ള ഒരു പ്രസാ​ധി​ക​യിൽനി​ന്നുള്ള ഒരു കത്തു ലഭിച്ചു. അവൾക്ക്‌ ഒരു ഉപന്യാ​സ​മ​ത്സ​ര​ത്തിൽ ഒന്നാം സമ്മാനം ലഭിച്ച​താ​യി അവൾ പറഞ്ഞു. അവൾ സമ്മാന​ത്തുക മുഴുവൻ അടക്കം ചെയ്‌തി​രു​ന്നു. സൊ​സൈ​റ​റി​യു​ടെ പ്രസി​ദ്ധീ​ക​ര​ണങ്ങൾ മാത്ര​മാ​യി​രു​ന്നു “ക്രിസ്‌തീയ ചുമതല” എന്ന അവളുടെ ഉപന്യാ​സ​ത്തി​ന്റെ വിവര​ങ്ങൾക്ക്‌ ഉറവി​ട​മാ​യി​രു​ന്നത്‌. അതു​കൊണ്ട്‌ ആ പണം ഉചിത​മാ​യി യഹോ​വ​ക്കു​ള്ള​താ​ണെന്ന്‌ അവൾ വിചാ​രി​ച്ചു.

സങ്കീർത്ത​നം 116-ന്റെ എഴുത്തു​കാ​രൻ താൻ യഹോ​വക്ക്‌ എന്തു മടക്കി​ക്കൊ​ടു​ക്കും എന്നു ചോദി​ച്ച​ശേഷം 13-ഉം 14-ഉം വാക്യ​ങ്ങ​ളിൽ ഇപ്രകാ​രം തുടർന്നു പറയുന്നു: “ഞാൻ മഹത്തായ രക്ഷയുടെ പാനപാ​ത്രം എടുക്കും, ഞാൻ യഹോ​വ​യു​ടെ നാമത്തെ വിളി​ച്ച​പേ​ക്ഷി​ക്കും. യഹോ​വക്ക്‌ ഞാൻ എന്റെ നേർച്ചകൾ കഴിക്കും, അതേ അവന്റെ സകല ജനത്തി​ന്റെ​യും മുമ്പാ​കെ​തന്നെ.” യഹോ​വ​യു​ടെ പുത്രൻമു​ഖാ​ന്ത​ര​മുള്ള അവന്റെ വില​യേ​റിയ സമ്മാന​മായ രക്ഷയെ വിലമ​തി​ച്ചു​കൊണ്ട്‌ നാം സങ്കീർത്ത​ന​ക്കാ​രൻ ചെയ്‌ത​തു​പോ​ലെ യഹോ​വയെ വിളി​ച്ച​പേ​ക്ഷി​ക്കു​ന്ന​തി​നും അവനോ​ടുള്ള നമ്മുടെ വാഗ്‌ദാ​നങ്ങൾ പാലി​ക്കു​ന്ന​തി​നും പ്രേരി​ത​രാ​യി​ത്തീ​രു​ന്നു.

യഹോവ നമുക്കു ചെയ്‌തി​രി​ക്കുന്ന പ്രയോ​ജ​നങ്ങൾ വളരെ​യ​ധി​ക​മാണ്‌, അവയോട്‌ താരത​മ്യ​പ്പെ​ടു​ത്തു​മ്പോൾ നമുക്കു തിരി​ച്ചു​ചെ​യ്യാൻ കഴിയുന്ന എന്തും നിസ്സാ​ര​മാ​ണെന്നു തോന്നു​ന്നു. അപ്പോൾ കൃതജ്ഞ​ത​യു​ടെ ഒരു പ്രകട​ന​മെന്ന നിലയിൽ ഏതു വിധത്തി​ലും നമുക്കു ചെയ്യാൻ കഴിയു​ന്ന​തെ​ല്ലാം നാം ചെയ്യു​ന്നത്‌ എത്ര ഉചിത​മാണ്‌! “ഞാൻ നിനക്ക്‌ നന്ദി​പ്ര​കടന യാഗം അർപ്പി​ക്കും, ഞാൻ യഹോ​വ​യു​ടെ നാമത്തെ വിളി​ച്ച​പേ​ക്ഷി​ക്കു​ക​യും ചെയ്യും.”—സങ്കീർത്തനം 116:17. (W88 12⁄1)

[31-ാം പേജിലെ ചതുരം]

ചിലർ രാജ്യ​വേ​ലക്ക്‌ സംഭാവന ചെയ്യുന്ന വിധം

◻ ദാനങ്ങൾ: പണമാ​യുള്ള സ്വമേ​ധയാ സംഭാ​വ​നകൾ വാച്ച്‌ടവർ ബൈബിൾ ആൻഡ്‌ ട്രാക്ട്‌ സൊ​സൈ​ററി ഓഫ്‌ പെൻസിൽവേ​നി​യാ, 25 കൊളം​ബി​യാ ഹൈറ​റ്‌സ്‌, ബ്രൂക്ലിൻ, ന്യൂ​യോർക്ക്‌ 11201-ലേക്കോ സൊ​സൈ​റ​റി​യു​ടെ തദ്ദേശീയ ബ്രാഞ്ച്‌ ഓഫീ​സി​ലേ​ക്കോ അയക്കാ​വു​ന്ന​താണ്‌. ഭൂസ്വ​ത്തു​പോ​ലുള്ള വസ്‌തു​വ​ക​ക​ളും ആഭരണ​ങ്ങ​ളും മററു വിലയുള്ള വസ്‌തു​ക്ക​ളും ദാനം ചെയ്യാ​വു​ന്ന​താണ്‌. അങ്ങനെ​യു​ള്ള​വ​യോ​ടു​കൂ​ടെ അവ നേരി​ട്ടുള്ള ഒരു സംഭാ​വ​ന​യാ​ണെന്നു പ്രസ്‌താ​വി​ക്കുന്ന ഒരു ഹ്രസ്വ​മായ കത്തും ഉണ്ടായി​രി​ക്കണം.

◻ സോപാ​ധിക സംഭാ​വനാ ക്രമീ​ക​രണം: വ്യക്തി​പ​ര​മായ ആവശ്യം നേരി​ടു​ന്ന​പക്ഷം ദാനിക്കു തിരികെ കൊടു​ക്കാ​മെന്ന വ്യവസ്ഥ​യിൽ ട്രസ്‌റ​റാ​യി സൂക്ഷി​ക്കു​ന്ന​തി​നും വാച്ച്‌ടവർ സൊ​സൈ​റ​റിക്ക്‌ പണം കൊടു​ക്കാ​വു​ന്ന​താണ്‌.

◻ ഇൻഷു​റൻസ്‌: ഒരു ലൈഫ്‌ ഇൻഷു​റർസ്‌ പോളി​സി​യു​ടെ അല്ലെങ്കിൽ ഒരു റിട്ടയർമെൻറ്‌⁄പെൻഷൻ പദ്ധതി​യു​ടെ ഗുണ​ഭോ​ക്താ​വാ​യി വാച്ച്‌ടവർ സൊ​സൈ​റ​റി​യെ നാമനിർദ്ദേശം ചെയ്യാ​വു​ന്ന​താണ്‌. അങ്ങനെ​യുള്ള ഏതു ക്രമീ​ക​രണം സംബന്ധി​ച്ചും സൊ​സൈ​റ​റി​യെ അറിയി​ക്കേ​ണ്ട​താണ്‌.

◻ ട്രസ്‌റ​റു​കൾ: ബാങ്ക്‌ സേവിം​ഗ്‌സ്‌ അക്കൗണ്ടു​കൾ സൊ​സൈ​റ​റി​ക്കു​വേ​ണ്ടി​യുള്ള ട്രസറ​റു​കൾ ആക്കാവു​ന്ന​താണ്‌. ഇതു ചെയ്യു​ക​യാ​ണെ​ങ്കിൽ ദയവായി സൊ​സൈ​റ​റി​യെ അറിയി​ക്കുക. സ്‌റേ​റാ​ക്കു​ക​ളും ബോണ്ടു​ക​ളും വസ്‌തു​വും തന്റെ ആയുഷ്‌ക്കാ​ലത്ത്‌ തനിക്കു പ്രയോ​ജനം ചെയ്യാ​നുള്ള ക്രമീ​ക​ര​ണ​ത്തി​ലും സംഭാവന ചെയ്യാ​വു​ന്ന​താണ്‌. മരണം സംഭവി​ക്കു​ന്ന​പക്ഷം വസ്‌തു സൊ​സൈ​റ​റി​ക്കു കിട്ടത്ത​ക്ക​വണ്ണം ഉറപ്പു​വ​രു​ത്തു​ന്നു​വെ​ങ്കിൽ ഈ രീതി വിൽപ്പ​ത്ര​ത്തി​ന്റെ പ്രൊ​ബേ​ററ്‌ സംബന്ധിച്ച അനിശ്ചി​ത​ത്വ​ങ്ങ​ളും ചെലവു​ക​ളും ഒഴിവാ​ക്കു​ന്നു.

◻ വിൽപ്പ​ത്രങ്ങൾ: നിയമ​പ​ര​മാ​യി ഉണ്ടാക്കുന്ന ഒരു വിൽപ്പ​ത്രം മുഖേന വാച്ച്‌ടവർ സൊ​സൈ​റ​റിക്ക്‌ വസ്‌തു​വി​ന്റെ​യൊ പണത്തി​ന്റെ​യൊ അവകാശം വാഗ്‌ദാ​നം ചെയ്യാ​വു​ന്ന​താണ്‌. ഒരു പകർപ്പ്‌ സൊ​സൈ​റ​റി​ക്ക​യ​ച്ചു​കൊ​ടു​ക്കണം.

ഇങ്ങനെയുള്ള കാര്യങ്ങൾ സംബന്ധിച്ച്‌ കൂടുതൽ വിവര​ങ്ങൾക്കും ബുദ്ധി​യു​പ​ദേ​ശ​ത്തി​നു​മാ​യി വാച്ച്‌ ടവർ ബൈബിൾ ആൻഡ്‌ ട്രാക്ട്‌ സൊ​സൈ​ററി ഓഫ്‌ പെൻസിൽവേ​നി​യാ, 25 കൊളം​ബി​യാ ഹൈറ​റ്‌സ്‌, ബ്രൂക്ലിൻ, ന്യൂ​യോർക്ക്‌ 11201-ലേക്കൊ സൊ​സൈ​റ​റി​യു​ടെ തദ്ദേശ ബ്രാഞ്ചാ​ഫീ​സി​ലേ​ക്കൊ എഴുതുക.