യഹോ​വയെ സ്‌നേ​ഹി​ക്കു​ന്ന​വ​രു​ടെ​കൂ​ടെ സമയം ചെലവ​ഴി​ക്കു​ക

യഹോ​വയെ സ്‌നേ​ഹി​ക്കു​ന്ന​വ​രു​ടെ​കൂ​ടെ നമ്മൾ സമയം ചെലവ​ഴി​ക്കേ​ണ്ടത്‌ എന്തു​കൊണ്ട്‌? കാരണം, നമ്മൾ ആരോ​ടൊ​പ്പം സമയം ചെലവ​ഴി​ക്കു​ന്നോ, അവർ നമ്മളെ സ്വാധീ​നി​ക്കും; ഒന്നുകിൽ നല്ല വിധത്തിൽ, അല്ലെങ്കിൽ മോശ​മായ രീതി​യിൽ. (സുഭ 13:20) ഉദാഹ​ര​ണ​ത്തിന്‌, യഹോ​വാശ്‌ രാജാവ്‌ മഹാപു​രോ​ഹി​ത​നായ യഹോ​യാ​ദ​യു​ടെ​കൂ​ടെ സമയം ചെലവ​ഴിച്ച കാല​ത്തെ​ല്ലാം “യഹോ​വ​യു​ടെ മുമ്പാകെ ശരിയാ​യതു ചെയ്‌തു.” (2ദിന 24:2) എന്നാൽ യഹോ​യാദ മരിച്ച​തി​നു ശേഷം, യഹോ​വാശ്‌ രാജാവ്‌ യഹോ​വയെ ഉപേക്ഷി​ച്ചു. ചീത്ത കൂട്ടു​കെ​ട്ടാ​യി​രു​ന്നു കാരണം.—2ദിന 24:17-19.

ഒന്നാം നൂറ്റാ​ണ്ടിൽ പൗലോസ്‌ അപ്പോ​സ്‌തലൻ ക്രിസ്‌തീ​യ​സ​ഭയെ ‘ഒരു വലിയ വീടി​നോ​ടും’ സഭയി​ലു​ള്ള​വരെ ‘പാത്ര​ങ്ങ​ളോ​ടും’ താരത​മ്യ​പ്പെ​ടു​ത്തി. യഹോ​വ​യ്‌ക്ക്‌ ഇഷ്ടമി​ല്ലാത്ത കാര്യങ്ങൾ ചെയ്യു​ന്നത്‌ ആരായാ​ലും, അതു നമ്മുടെ ഒരു കുടും​ബാം​ഗ​മോ സഭയിലെ ഒരാളോ ആണെങ്കിൽപ്പോ​ലും, അവരു​മാ​യുള്ള കൂട്ടു​കെട്ട്‌ ഒഴിവാ​ക്കു​ക​യാ​ണെ​ങ്കിൽ നമ്മൾ “മാന്യ​മായ കാര്യ​ങ്ങൾക്ക്‌ ഉപയോ​ഗി​ക്കാൻ കൊള്ളാ​വുന്ന” പാത്ര​മാ​യി​രി​ക്കും. (2തിമ 2:20, 21) അതു​കൊണ്ട്‌, യഹോ​വയെ സ്‌നേ​ഹി​ക്കു​ക​യും യഹോ​വയെ സേവി​ക്കാൻ നമ്മളെ പ്രോ​ത്സാ​ഹി​പ്പി​ക്കു​ക​യും ചെയ്യു​ന്ന​വരെ സുഹൃ​ത്തു​ക്ക​ളാ​ക്കാം.

ചീത്ത കൂട്ടു​കെട്ട്‌ ഒഴിവാ​ക്കാൻ പഠിക്കുക എന്ന വീഡി​യോ കാണുക. എന്നിട്ട്‌ പിൻവ​രുന്ന ചോദ്യ​ങ്ങൾക്ക്‌ ഉത്തരം കണ്ടെത്തുക:

• നമ്മൾപോ​ലു​മ​റി​യാ​തെ നമ്മൾ എങ്ങനെ​യെ​ല്ലാം ചീത്ത കൂട്ടു​കെ​ട്ടിൽ ചെന്നു​പെ​ട്ടേ​ക്കാം?

• ചീത്ത കൂട്ടു​കെട്ട്‌ അവസാ​നി​പ്പി​ക്കാൻ വീഡി​യോ​യി​ലെ മൂന്നു സഹോ​ദ​ര​ങ്ങളെ എന്താണു സഹായി​ച്ചത്‌?

• കൂട്ടു​കെ​ട്ടു​ക​ളു​ടെ കാര്യ​ത്തിൽ നല്ല തീരു​മാ​ന​മെ​ടു​ക്കാൻ ഏതു ബൈബിൾത​ത്ത്വ​ങ്ങൾ നിങ്ങളെ സഹായി​ക്കും?