യഹോ​വ​യി​ലും അവന്റെ വചനത്തി​ലും ആശ്രയി​ക്കു​ക

“നിന്റെ നാമത്തെ അറിയു​ന്നവർ നിങ്കൽ ആശ്രയി​ക്കും.”—സങ്കീർത്തനം 9:10.

1. നമ്മുടെ ആധുനിക നാളിൽപോ​ലും യഹോ​വ​യി​ലും അവന്റെ വചനത്തി​ലും നമുക്കു വിശ്വാ​സ​മു​ണ്ടാ​യി​രി​ക്കാൻ കഴിയു​ന്നത്‌ എന്തു​കൊണ്ട്‌?

ഈ ആധുനിക ലോക​ത്തിൽ ദൈവ​ത്തി​ലും അവന്റെ വചനമായ ബൈബി​ളി​ലും ആശ്രയി​ക്കാ​നുള്ള ക്ഷണം അപ്രാ​യോ​ഗി​ക​വും അവാസ്‌ത​വി​ക​വു​മാ​യി തോന്നി​യേ​ക്കാം. എന്നാൽ ദൈവ​ത്തി​ന്റെ ജ്ഞാനം കാലത്തി​ന്റെ പരി​ശോ​ധ​നയെ അതിജീ​വി​ച്ച​താണ്‌. പുരു​ഷ​ന്റെ​യും സ്‌ത്രീ​യു​ടെ​യും സ്രഷ്ടാ​വു​ത​ന്നെ​യാ​ണു വിവാ​ഹ​ത്തി​ന്റെ​യും കുടും​ബ​ത്തി​ന്റെ​യും ഉപജ്ഞാ​താവ്‌. അതു​കൊ​ണ്ടു മറ്റാ​രെ​ക്കാ​ളും മെച്ചമാ​യി നമ്മുടെ ആവശ്യങ്ങൾ അവനറി​യാം. മമനു​ഷ്യ​ന്റെ അടിസ്ഥാന ആവശ്യ​ങ്ങൾക്കു മാറ്റം വന്നിട്ടില്ല, അതു​പോ​ലെ​തന്നെ ആ ആവശ്യങ്ങൾ നിവർത്തി​ക്കു​ന്ന​തി​നുള്ള മാർഗ​ങ്ങ​ളും മാറ്റമി​ല്ലാ​തെ തുടർന്നി​രി​ക്കു​ന്നു. ബൈബി​ളി​ലെ ജ്ഞാനപൂർവ​ക​മായ ബുദ്ധ്യു​പ​ദേശം നൂറ്റാ​ണ്ടു​കൾക്കു മുമ്പ്‌ എഴുത​പ്പെ​ട്ട​താ​ണെ​ങ്കി​ലും, ജീവി​ത​വി​ജ​യ​ത്തി​നും പ്രശ്‌ന​പ​രി​ഹാ​ര​ത്തി​നും അത്‌ ഇപ്പോ​ഴും ഏറ്റവും മെച്ചമായ മാർഗ​നിർദേശം പ്രദാനം ചെയ്യുന്നു. നാം ജീവി​ക്കുന്ന ആധുനിക ശാസ്‌ത്രീയ ലോക​ത്തിൽ പോലും അതിനു ചെവി​കൊ​ടു​ക്കു​ന്നത്‌ വളരെ​യ​ധി​കം സന്തുഷ്ടി​യിൽ കലാശി​ക്കും!

2. (എ) ദൈവ​കൽപ്പ​നകൾ അനുസ​രി​ക്കു​ന്നതു യഹോ​വ​യു​ടെ ജനത്തിന്റെ ജീവി​ത​ത്തിൽ എന്തു നല്ല ഫലമാണ്‌ ഉളവാ​ക്കി​യി​രി​ക്കു​ന്നത്‌? (ബി) തന്നെയും തന്റെ വചന​ത്തെ​യും അനുസ​രി​ക്കു​ന്ന​വർക്കു യഹോവ കൂടു​ത​ലാ​യി എന്താണു വാഗ്‌ദാ​നം ചെയ്യു​ന്നത്‌?

² യഹോ​വ​യിൽ ആശ്രയി​ക്കു​ന്ന​തും ബൈബി​ളി​ലെ തത്ത്വങ്ങൾ ബാധക​മാ​ക്കു​ന്ന​തും എല്ലാ ദിവസ​വും പ്രാ​യോ​ഗിക പ്രയോ​ജ​നങ്ങൾ കൈവ​രു​ത്തു​ന്നു. ഇതിന്റെ തെളിവ്‌, ബൈബി​ളി​ന്റെ ബുദ്ധ്യു​പ​ദേശം ബാധക​മാ​ക്കാ​നുള്ള ബോധ്യ​വും ധൈര്യ​വും ഉണ്ടായി​രു​ന്നി​ട്ടുള്ള, ലോക​മെ​മ്പാ​ടു​മുള്ള ലക്ഷക്കണ​ക്കി​നു യഹോ​വ​യു​ടെ സാക്ഷി​ക​ളു​ടെ ജീവി​ത​ത്തിൽ കാണാ​വു​ന്ന​താണ്‌. അവരെ സംബന്ധി​ച്ചി​ട​ത്തോ​ളം സ്രഷ്ടാ​വി​ലും അവന്റെ വചനത്തി​ലു​മുള്ള ആശ്രയം ഉചിത​മെന്നു തെളി​ഞ്ഞി​രി​ക്കു​ന്നു. (സങ്കീർത്തനം 9:9, 10) ദൈവ​കൽപ്പ​നകൾ അനുസ​രി​ക്കു​ന്നത്‌ ശുദ്ധി, സത്യസന്ധത, കഠിനാ​ധ്വാ​നം, മറ്റുള്ള​വ​രു​ടെ ജീവ​നോ​ടും വസ്‌തു​വ​ക​ക​ളോ​ടു​മുള്ള ആദരവ്‌, ഭക്ഷണപാ​നീ​യ​ങ്ങ​ളി​ലെ മിതത്വം തുടങ്ങിയ കാര്യ​ങ്ങ​ളിൽ അവരെ ഏറെ നല്ല വ്യക്തി​ക​ളാ​ക്കി മാറ്റി​യി​ട്ടുണ്ട്‌. അതു കുടും​ബ​വൃ​ത്ത​ത്തി​നു​ള്ളി​ലെ ശരിയായ സ്‌നേ​ഹ​ത്തി​ലേ​ക്കും പരിശീ​ല​ന​ത്തി​ലേ​ക്കും—അതിഥി​പ്രി​യ​മു​ള്ള​വ​രാ​യി​രി​ക്കുക, ക്ഷമയു​ള്ള​വ​രാ​യി​രി​ക്കുക, കരുണ​യു​ള്ള​വ​രാ​യി​രി​ക്കുക, ക്ഷമിക്കു​ന്ന​വ​രാ​യി​രി​ക്കുക തുടങ്ങിയ കാര്യ​ങ്ങ​ളി​ലേ​ക്കും—മറ്റനേകം കാര്യ​ങ്ങ​ളി​ലേ​ക്കും നയിച്ചി​രി​ക്കു​ന്നു. വലിയ ഒരള​വോ​ളം, കോപം, വിദ്വേ​ഷം, കൊല​പാ​തകം, ഈർഷ്യ, ഭയം, അലസത, ദുരഭി​മാ​നം, ഭോഷ്‌കു​പ​റ​ച്ചിൽ, ഏഷണി, വിവേ​ച​നാ​ര​ഹി​ത​മായ ലൈം​ഗി​കത, അധാർമി​കത തുടങ്ങിയ മോശ​മായ ഫലങ്ങൾ അവർ ഒഴിവാ​ക്കി​യി​രി​ക്കു​ന്നു. (സങ്കീർത്തനം 32:10) എന്നാൽ ദൈവം തന്റെ നിയമങ്ങൾ പാലി​ക്കു​ന്ന​വർക്കുള്ള നല്ല ഫലത്തേ​ക്കാ​ളേറെ വാഗ്‌ദാ​നം ചെയ്യു​ന്നുണ്ട്‌. ക്രിസ്‌തീയ മാർഗം പിൻപ​റ്റു​ന്നവർ “ഈ ലോക​ത്തിൽ . . . നൂറു മടങ്ങു വീടു​ക​ളെ​യും സഹോ​ദ​ര​ന്മാ​രെ​യും സഹോ​ദ​രി​ക​ളെ​യും അമ്മമാ​രെ​യും മക്കളെ​യും നിലങ്ങ​ളെ​യും വരുവാ​നുള്ള ലോക​ത്തിൽ നിത്യ​ജീ​വ​നെ​യും” നേടു​മെന്നു യേശു പറഞ്ഞു.—മർക്കൊസ്‌ 10:29, 30.

ലൗകിക ജ്ഞാനത്തിൽ ആശ്രയി​ക്കു​ന്നത്‌ ഒഴിവാ​ക്കു​ക

3. യഹോ​വ​യി​ലും അവന്റെ വചനത്തി​ലും ആശ്രയം വെക്കു​ന്ന​തിൽ തുടരു​മ്പോൾ ക്രിസ്‌ത്യാ​നി​കൾ ചില​പ്പോൾ എന്തു പ്രശ്‌നങ്ങൾ അഭിമു​ഖീ​ക​രി​ക്കു​ന്നു?

³ ദൈവം ആവശ്യ​പ്പെ​ടുന്ന കാര്യ​ങ്ങളെ നിസ്സാ​രീ​ക​രി​ക്കാ​നോ മറക്കാ​നോ ഉള്ള പ്രവണ​ത​യു​ണ്ടെ​ന്ന​താണ്‌ അപൂർണ മനുഷ്യ​രു​ടെ ഒരു പ്രശ്‌നം. ഏറ്റവും മെച്ചമാ​യി അറിയാ​വു​ന്നതു തങ്ങൾക്കാ​ണെന്ന്‌ അല്ലെങ്കിൽ ഈ ലോക​ത്തി​ലെ ബുദ്ധി​രാ​ക്ഷ​സ​ന്മാ​രു​ടെ ജ്ഞാനം ദൈവ​ത്തി​ന്റെ ജ്ഞാന​ത്തെ​ക്കാൾ മെച്ചമാ​ണെന്ന്‌, കൂടുതൽ പുതു​മ​യു​ള്ള​താ​ണെന്ന്‌ അവർ പെട്ടെന്നു ചിന്തി​ച്ചു​തു​ട​ങ്ങു​ന്നു. ഈ ലോക​ത്തിൻ മധ്യേ ജീവി​ക്കു​മ്പോൾ ദൈവ​ദാ​സ​ന്മാ​രി​ലും ഈ മനോ​ഭാ​വം വളർന്നു​വ​ന്നേ​ക്കാം. അതു​കൊണ്ട്‌, തന്റെ ബുദ്ധ്യു​പ​ദേ​ശ​ത്തി​നു ചെവി​കൊ​ടു​ക്കാ​നുള്ള സ്‌നേ​ഹ​പൂർവ​മായ ക്ഷണം വെച്ചു​നീ​ട്ടു​മ്പോൾതന്നെ നമ്മുടെ സ്വർഗീയ പിതാവ്‌ ഉചിത​മായ മുന്നറി​യി​പ്പു​കൾ കൂടി ഉൾപ്പെ​ടു​ത്തു​ന്നു: “മകനേ, എന്റെ ഉപദേശം മറക്കരു​തു; നിന്റെ ഹൃദയം എന്റെ കല്‌പ​ന​കളെ കാത്തു​കൊ​ള്ളട്ടെ. അവ ദീർഘാ​യു​സ്സും ജീവകാ​ല​വും സമാധാ​ന​വും നിനക്കു വർദ്ധി​പ്പി​ച്ചു​ത​രും. പൂർണ്ണ​ഹൃ​ദ​യ​ത്തോ​ടെ യഹോ​വ​യിൽ ആശ്രയിക്ക; സ്വന്തവി​വേ​ക​ത്തിൽ ഊന്നരു​തു. നിന്റെ എല്ലാവ​ഴി​ക​ളി​ലും അവനെ നിനെ​ച്ചു​കൊൾക; അവൻ നിന്റെ പാതകളെ നേരെ​യാ​ക്കും; നിനക്കു തന്നേ നീ ജ്ഞാനി​യാ​യ്‌തോ​ന്ന​രു​തു; യഹോ​വയെ ഭയപ്പെട്ടു ദോഷം വിട്ടു​മാ​റുക.”—സദൃശ​വാ​ക്യ​ങ്ങൾ 3:1, 2, 5-7.

4. “ഈ ലോക​ത്തി​ന്റെ ജ്ഞാനം” എത്ര വ്യാപ​ക​മാണ്‌, അതു “ദൈവ​ത്തി​ന്നു ഭോഷത്വ”മായി​രി​ക്കു​ന്നത്‌ എന്തു​കൊണ്ട്‌?

⁴ ഈ ലോക​ത്തി​ന്റെ ജ്ഞാനം പല ഉറവി​ട​ങ്ങ​ളിൽനി​ന്നു സമൃദ്ധ​മാ​യി ലഭ്യമാണ്‌. പല പഠനസ്ഥാ​പ​ന​ങ്ങ​ളുണ്ട്‌. മാത്രമല്ല, “പുസ്‌തകം ഓരോ​ന്നു​ണ്ടാ​ക്കു​ന്ന​തി​ന്നു അവസാ​ന​മില്ല.” (സഭാ​പ്ര​സം​ഗി 12:12) ഇപ്പോൾ കമ്പ്യൂട്ടർ ലോക​ത്തി​ലെ വിജ്ഞാന സൂപ്പർ​ഹൈവേ എന്നു വിളി​ക്ക​പ്പെ​ടു​ന്നത്‌ മിക്കവാ​റും ഏതു വിഷയ​ത്തെ​ക്കു​റി​ച്ചും പരിമി​തി​യി​ല്ലാത്ത അളവോ​ളം വിവരങ്ങൾ വാഗ്‌ദത്തം ചെയ്യുന്നു. എന്നാൽ ഈ അറിവി​ന്റെ​യെ​ല്ലാം ലഭ്യത ലോകത്തെ കൂടുതൽ മെച്ച​പ്പെ​ടു​ത്തു​ക​യോ അതിന്റെ പ്രശ്‌നങ്ങൾ പരിഹ​രി​ക്കു​ക​യോ ചെയ്യു​ന്നില്ല. മറിച്ച്‌, ലോക​ത്തി​ന്റെ സ്ഥിതി​വി​ശേഷം നാൾക്കു​നാൾ കൂടുതൽ വഷളാ​യി​ക്കൊ​ണ്ടി​രി​ക്കു​ന്നു. “ഈ ലോക​ത്തി​ന്റെ ജ്ഞാനം ദൈവ​സ​ന്നി​ധി​യിൽ ഭോഷ​ത്വ​മ​ത്രേ” എന്നു ബൈബിൾ നമ്മോടു പറയു​ന്നതു മനസ്സി​ലാ​ക്കാ​വു​ന്ന​തേ​യു​ള്ളൂ.—1 കൊരി​ന്ത്യർ 3:19, 20.

5. “ലോക​ത്തി​ന്റെ ജ്ഞാനം” സംബന്ധി​ച്ചു ബൈബിൾ എന്തു മുന്നറി​യി​പ്പു​കൾ നൽകുന്നു?

⁵ അന്ത്യനാ​ളു​ക​ളു​ടെ ഈ ഘട്ടത്തിൽ, മുഖ്യ വഞ്ചകനായ പിശാ​ചായ സാത്താൻ ബൈബി​ളി​ന്റെ സത്യത​യി​ലുള്ള വിശ്വാ​സ​ത്തി​നു തുരങ്കം​വെ​ക്കാ​നുള്ള ശ്രമത്തിൽ ഭോഷ്‌കി​ന്റെ ഒരു പ്രളയം​തന്നെ വരുത്തു​മെന്നു പ്രതീ​ക്ഷി​ക്കാ​വു​ന്ന​തേ​യു​ള്ളു. ബൈബി​ളി​ന്റെ പ്രാമാ​ണി​ക​ത​യെ​യും ആശ്രയ​യോ​ഗ്യ​ത​യെ​യും വെല്ലു​വി​ളി​ക്കുന്ന ഊഹാ​പോ​ഹങ്ങൾ അടങ്ങിയ ധാരാളം പുസ്‌ത​കങ്ങൾ അമിത​കൃ​ത്തി​പ്പു​കാർ പടച്ചു​വി​ട്ടി​രി​ക്കു​ന്നു. പൗലോസ്‌ തന്റെ സഹക്രി​സ്‌ത്യാ​നിക്ക്‌ ഇങ്ങനെ മുന്നറി​യി​പ്പു നൽകി: “അല്ലയോ തിമൊ​ഥെ​യൊ​സേ, നിന്റെ പക്കൽ ഏല്‌പി​ച്ചി​രി​ക്കുന്ന ഉപനിധി കാത്തു​കൊ​ണ്ടു ജ്ഞാനം എന്നു വ്യാജ​മാ​യി പേർ പറയു​ന്ന​തി​ന്റെ ഭക്തിവി​രു​ദ്ധ​മായ വൃഥാ​ലാ​പ​ങ്ങ​ളെ​യും തർക്കസൂത്രങ്ങളെയും ഒഴിഞ്ഞു​നില്‌ക്ക. ആ ജ്ഞാനം ചിലർ സ്വീക​രി​ച്ചു വിശ്വാ​സം വിട്ടു തെറ്റി​പ്പോ​യി​രി​ക്കു​ന്നു.” (1 തിമൊ​ഥെ​യൊസ്‌ 6:20, 21) ബൈബിൾ കൂടു​ത​ലാ​യി ഇങ്ങനെ മുന്നറി​യി​പ്പു നൽകുന്നു: “തത്വജ്ഞാ​ന​വും വെറും വഞ്ചനയും​കൊ​ണ്ടു ആരും നിങ്ങളെ കവർന്നു​ക​ള​യാ​തി​രി​പ്പാൻ സൂക്ഷി​പ്പിൻ; അതു മനുഷ്യ​രു​ടെ സമ്പ്രദാ​യ​ത്തി​ന്നു ഒത്തവണ്ണം, ലോക​ത്തി​ന്റെ ആദ്യപാ​ഠ​ങ്ങൾക്കു ഒത്തവണ്ണം അല്ലാതെ ക്രിസ്‌തു​വി​ന്നു ഒത്തവണ്ണ​മു​ള്ളതല്ല.”—കൊ​ലൊ​സ്സ്യർ 2:8.

സംശയി​ക്കാ​നുള്ള പ്രവണ​ത​യ്‌ക്കെ​തി​രെ പൊരു​തു​ക

6. സംശയങ്ങൾ ഹൃദയ​ത്തിൽ വേരു​പി​ടി​ക്കാ​തി​രി​ക്കാൻ ജാഗ്രത ആവശ്യ​മാ​യി​രി​ക്കു​ന്നത്‌ എന്തു​കൊണ്ട്‌?

⁶ പിശാ​ചി​ന്റെ വിദഗ്‌ധ​മായ മറ്റൊരു തന്ത്രം മനസ്സിൽ സംശയം വിതയ്‌ക്കുക എന്നതാണ്‌. വിശ്വാ​സ​ത്തി​ലുള്ള എന്തെങ്കി​ലും ബലഹീനത കാണാ​നും അതു ചൂഷണം ചെയ്യാ​നും അവൻ എപ്പോ​ഴും ജാഗ്ര​ത​യു​ള്ള​വ​നാണ്‌. സംശയങ്ങൾ അനുഭ​വ​പ്പെ​ടുന്ന ഏതൊ​രാ​ളും, അത്തരം സംശയ​ങ്ങൾക്കു പിന്നി​ലു​ള്ളത്‌, “തോട്ട​ത്തി​ലെ യാതൊ​രു വൃക്ഷത്തി​ന്റെ ഫലവും നിങ്ങൾ തിന്നരു​തെന്നു ദൈവം വാസ്‌ത​വ​മാ​യി കല്‌പി​ച്ചി​ട്ടു​ണ്ടോ”? എന്നു ഹവ്വാ​യോ​ടു ചോദി​ച്ചവൻ തന്നെയാ​ണെന്ന്‌ ഓർത്തി​രി​ക്കണം. പ്രലോ​ഭകൻ അവളുടെ മനസ്സിൽ സംശയം നട്ടശേഷം സ്വീക​രിച്ച അടുത്ത നടപടി ഒരു ഭോഷ്‌കു പറയു​ക​യാ​യി​രു​ന്നു. അവൾ അതു വിശ്വ​സി​ക്കു​ക​യും ചെയ്‌തു. (ഉല്‌പത്തി 3:1, 4, 5) ഹവ്വായു​ടെ വിശ്വാ​സം നശിപ്പി​ക്ക​പ്പെ​ട്ട​തു​പോ​ലെ നമ്മുടെ വിശ്വാ​സം നശിപ്പി​ക്ക​പ്പെ​ടാ​തി​രി​ക്കാൻ നാം ജാഗ്ര​ത​യു​ള്ള​വ​രാ​യി​രി​ക്കണം. യഹോ​വ​യെ​യോ അവന്റെ വചന​ത്തെ​യോ അവന്റെ സ്ഥാപന​ത്തെ​യോ സംബന്ധി​ച്ചുള്ള സംശയ​ത്തി​ന്റെ ഒരു നാമ്പെ​ങ്കി​ലും നിങ്ങളു​ടെ ഹൃദയ​ത്തിൽ ഉടലെ​ടു​ത്താൽ, അതു നിങ്ങളു​ടെ വിശ്വാ​സത്തെ നശിപ്പി​ക്കുന്ന ഒന്നായി വളർന്നു​വ​രു​ന്ന​തി​നു മുമ്പ്‌ പെട്ടെ​ന്നു​തന്നെ നീക്കം​ചെ​യ്യാ​നുള്ള പടികൾ സ്വീക​രി​ക്കുക.—1 കൊരി​ന്ത്യർ 10:12 താരത​മ്യം ചെയ്യുക.

7. സംശയങ്ങൾ ദുരീ​ക​രി​ക്കാൻ എന്തു ചെയ്യാൻ കഴിയും?

⁷ എന്തു ചെയ്യാൻ കഴിയും? വീണ്ടും ഉത്തരം യഹോ​വ​യി​ലും അവന്റെ വചനത്തി​ലും ആശ്രയി​ക്കുക എന്നതാണ്‌. “നിങ്ങളിൽ ഒരുത്തന്നു ജ്ഞാനം കുറവാ​കു​ന്നു എങ്കിൽ ഭർത്സി​ക്കാ​തെ എല്ലാവർക്കും ഔദാ​ര്യ​മാ​യി കൊടു​ക്കു​ന്ന​വ​നായ ദൈവ​ത്തോ​ടു യാചി​ക്കട്ടെ, അപ്പോൾ അവന്നു ലഭിക്കും. എന്നാൽ അവൻ ഒന്നും സംശയി​ക്കാ​തെ വിശ്വാ​സ​ത്തോ​ടെ യാചി​ക്കേണം; സംശയി​ക്കു​ന്നവൻ കാറ്റടി​ച്ചു അലയുന്ന കടൽത്തി​രെക്കു സമൻ.” (യാക്കോബ്‌ 1:5, 6; 2 പത്രൊസ്‌ 3:17, 18) അതു​കൊണ്ട്‌, യഹോ​വ​യോ​ടുള്ള ആത്മാർഥ​മായ പ്രാർഥ​ന​യാണ്‌ ആദ്യ പടി. (സങ്കീർത്തനം 62:8) എന്നിട്ട്‌, സഭയിലെ സ്‌നേ​ഹ​നി​ധി​ക​ളായ മേൽവി​ചാ​ര​ക​ന്മാ​രിൽ നിന്നുള്ള സഹായം തേടുക. (പ്രവൃ​ത്തി​കൾ 20:28; യാക്കോബ്‌ 5:14, 15; യൂദാ 22) നിങ്ങളു​ടെ സംശയ​ത്തി​ന്റെ ഉറവിടം അന്വേ​ഷി​ച്ചു കണ്ടുപി​ടി​ക്കാൻ അവർ നിങ്ങളെ സഹായി​ക്കും. ആ സംശയ​ത്തി​നു നിദാനം അഹങ്കാ​ര​മോ ഏതെങ്കി​ലും തെറ്റായ ചിന്തയോ ആയിരി​ക്കാം.

8. വിശ്വാ​സ​ത്യാ​ഗ​പ​ര​മായ ചിന്തകൾ മിക്ക​പ്പോ​ഴും എങ്ങനെ​യാ​ണു തുടങ്ങു​ന്നത്‌, എന്താണ്‌ അതിനു പരിഹാ​രം?

⁸ വിശ്വാ​സ​ത്യാ​ഗ​പ​ര​മായ ആശയങ്ങൾ അല്ലെങ്കിൽ ലൗകിക തത്ത്വചി​ന്തകൾ വായി​ക്കു​ക​യോ ശ്രദ്ധി​ക്കു​ക​യോ ചെയ്‌തത്‌ വിഷക​ര​മായ സംശയങ്ങൾ ആനയി​ച്ചി​ട്ടു​ണ്ടോ? ബൈബിൾ ജ്ഞാനപൂർവം ഇങ്ങനെ ബുദ്ധ്യു​പ​ദേ​ശി​ക്കു​ന്നു: “സത്യവ​ച​നത്തെ യഥാർത്ഥ​മാ​യി പ്രസം​ഗി​ച്ചു​കൊ​ണ്ടു ലജ്ജിപ്പാൻ സംഗതി​യി​ല്ലാത്ത വേലക്കാ​ര​നാ​യി ദൈവ​ത്തി​ന്നു കൊള്ളാ​കു​ന്ന​വ​നാ​യി നില്‌പാൻ ശ്രമിക്ക. ഭക്തിവി​രു​ദ്ധ​മായ വൃഥാ​ലാ​പ​ങ്ങളെ ഒഴിഞ്ഞി​രിക്ക; ആ വകക്കാർക്കു അഭക്തി അധികം മുതിർന്നു​വ​രും; അവരുടെ വാക്കു അർബ്ബു​ദ​വ്യാ​ധി​പോ​ലെ തിന്നു​കൊ​ണ്ടി​രി​ക്കും.” (2 തിമൊ​ഥെ​യൊസ്‌ 2:15-17) വിശ്വാ​സ​ത്യാ​ഗ​ത്തിന്‌ ഇരകളാ​യി​ത്തീർന്ന പലരും മോശ​മായ ഗതിയിൽ തുടക്ക​മി​ട്ടത്‌, യഹോ​വ​യു​ടെ സ്ഥാപന​ത്തിൽ തങ്ങളോ​ടു പെരു​മാ​റി​യി​രുന്ന വിധം സംബന്ധിച്ച്‌ തങ്ങൾക്ക്‌ അനുഭ​വ​പ്പെ​ട്ട​തി​നെ​ക്കു​റിച്ച്‌ ആദ്യം പരാതി​പ്പെ​ട്ടു​കൊ​ണ്ടാണ്‌ എന്നതു രസാവ​ഹ​മാണ്‌. (യൂദാ 16) വിശ്വാ​സ​ങ്ങ​ളിൽ തെറ്റു കണ്ടുപി​ടി​ക്കാൻ തുടങ്ങി​യതു പിന്നീ​ടാണ്‌. അർബു​ദ​വ്യാ​ധി ഇല്ലാതാ​ക്കാൻ ശസ്‌ത്ര​ക്രി​യാ​വി​ദ​ഗ്‌ധൻ പെട്ടെന്നു പ്രവർത്തി​ക്കു​ന്ന​തു​പോ​ലെ, പരാതി പറയാ​നോ ക്രിസ്‌തീയ സഭയിൽ കാര്യങ്ങൾ ചെയ്യ​പ്പെ​ടുന്ന വിധത്തിൽ അതൃപ്‌ത​രാ​യി​രി​ക്കാ​നോ ഉള്ള ഏതു പ്രവണ​ത​യെ​യും സത്വരം നീക്കം ചെയ്യുക. (കൊ​ലൊ​സ്സ്യർ 3:13, 14) അത്തരം സംശയ​ങ്ങളെ പോഷി​പ്പി​ക്കുന്ന എന്തും ഒഴിവാ​ക്കുക.—മർക്കൊസ്‌ 9:43.

9. നല്ലൊരു ദിവ്യാ​ധി​പത്യ ക്രമം വിശ്വാ​സ​ത്തിൽ ആരോ​ഗ്യ​മു​ള്ള​വ​രാ​യി തുടരാൻ നമ്മെ എങ്ങനെ സഹായി​ക്കും?

⁹ യഹോ​വ​യോ​ടും അവന്റെ സ്ഥാപന​ത്തോ​ടും അടുത്തു പറ്റിനിൽക്കുക. “കർത്താവേ, ഞങ്ങൾ ആരുടെ അടുക്കൽ പോകും? നിത്യ​ജീ​വന്റെ വചനങ്ങൾ നിന്റെ പക്കൽ ഉണ്ടു” എന്നു തീർത്തു പറഞ്ഞ പത്രോ​സി​നെ വിശ്വ​സ്‌ത​മാ​യി അനുക​രി​ക്കുക. (യോഹ​ന്നാൻ 6:52, 60, 66-68) “ദുഷ്ടന്റെ തീയമ്പു​കളെ ഒക്കെയും കെടു​ക്കു​വാ​ന്ത​ക്ക​തായ” വലിയ ഒരു പരിച​പോ​ലുള്ള നിങ്ങളു​ടെ ശക്തമായ വിശ്വാ​സം കാത്തു​സൂ​ക്ഷി​ക്കാൻ യഹോ​വ​യു​ടെ വചനത്തി​ന്റെ ഒരു നല്ല പഠനപ​രി​പാ​ടി ഉണ്ടായി​രി​ക്കുക. (എഫെസ്യർ 6:16) സ്‌നേ​ഹ​പൂർവം മറ്റുള്ള​വ​രു​മാ​യി രാജ്യ​സ​ന്ദേശം പങ്കു​വെ​ച്ചു​കൊണ്ട്‌ ക്രിസ്‌തീയ ശുശ്രൂ​ഷ​യിൽ സജീവ​മാ​യി തുടരുക. പ്രതി​ദി​നം യഹോവ നിങ്ങളെ എങ്ങനെ അനു​ഗ്ര​ഹി​ച്ചി​രി​ക്കു​ന്നു എന്നു വിലമ​തി​പ്പോ​ടെ ധ്യാനി​ക്കുക. സത്യത്തി​ന്റെ പരിജ്ഞാ​ന​മു​ള്ള​തിൽ നന്ദിയു​ള്ള​വ​രാ​യി​രി​ക്കുക. നല്ലൊരു ക്രിസ്‌തീയ ക്രമത്തിൽ ഈ കാര്യങ്ങൾ ചെയ്യു​ന്നത്‌, സന്തുഷ്ട​രാ​യി​രി​ക്കാ​നും സഹിച്ചു​നിൽക്കാ​നും സംശയ​ങ്ങ​ളിൽനി​ന്നു സ്വത​ന്ത്ര​രാ​യി നില​കൊ​ള്ളാ​നും നിങ്ങളെ സഹായി​ക്കും.—സങ്കീർത്തനം 40:4; ഫിലി​പ്പി​യർ 3:15, 16; എബ്രായർ 6:10-12.

ദാമ്പത്യ​ജീ​വി​ത​ത്തിൽ യഹോ​വ​യു​ടെ മാർഗ​നിർദേശം പിൻപറ്റൽ

10. ക്രിസ്‌തീയ വിവാ​ഹ​ത്തി​ന്റെ കാര്യ​ത്തിൽ മാർഗ​നിർദേ​ശ​ത്തി​നു വേണ്ടി യഹോ​വ​യി​ലേക്കു നോക്കു​ന്നതു വിശേ​ഷി​ച്ചും പ്രധാ​ന​മാ​യി​രി​ക്കു​ന്നത്‌ എന്തു​കൊണ്ട്‌?

¹⁰ ദാമ്പത്യ​ജീ​വി​ത​ത്തിൽ പുരു​ഷ​നും സ്‌ത്രീ​യും വിവാഹ ദമ്പതി​ക​ളാ​യി ഒന്നിച്ചു ജീവി​ക്കാൻ ക്രമീ​ക​രണം ചെയ്‌ത​പ്പോൾ അവർ ഭൂമിയെ സുഖ​പ്ര​ദ​മാം​വി​ധം നിറയ്‌ക്കാൻ മാത്രമല്ല, തങ്ങളുടെ സന്തുഷ്ടി വർധി​പ്പി​ക്കാ​നും യഹോവ ഉദ്ദേശി​ച്ചു. എന്നിരു​ന്നാ​ലും, പാപവും അപൂർണ​ത​യും ഗുരു​ത​ര​മായ പ്രശ്‌നങ്ങൾ ദാമ്പത്യ​ബ​ന്ധ​ത്തി​ലേക്കു കൊണ്ടു​വ​ന്നി​രി​ക്കു​ന്നു. ക്രിസ്‌ത്യാ​നി​കൾ അവയിൽനിന്ന്‌ ഒഴിവു​ള്ള​വരല്ല. കാരണം അവരും അപൂർണ​രും ആധുനി​ക​കാല ജീവി​ത​ത്തി​ന്റെ സമ്മർദങ്ങൾ അനുഭ​വി​ക്കു​ന്ന​വ​രു​മാണ്‌. എന്നാൽപോ​ലും, അവർ യഹോ​വ​യി​ലും അവന്റെ വചനത്തി​ലും എത്ര​ത്തോ​ളം ആശ്രയി​ക്കു​ന്നു​വോ അത്ര​ത്തോ​ളം, ദാമ്പത്യ​ജീ​വി​ത​ത്തി​ലും തങ്ങളുടെ കുട്ടി​കളെ വളർത്തി​ക്കൊ​ണ്ടു​വ​രു​ന്ന​തി​ലും നല്ല വിജയം കണ്ടെത്താൻ കഴിയും. ക്രിസ്‌തീയ വിവാ​ഹ​ജീ​വി​ത​ത്തിൽ ലൗകിക ആചാര​ങ്ങൾക്കോ പെരു​മാ​റ്റ​ങ്ങൾക്കോ യാതൊ​രു സ്ഥാനവു​മില്ല. ദൈവ​വ​ചനം നമ്മെ ഇങ്ങനെ ബുദ്ധ്യു​പ​ദേ​ശി​ക്കു​ന്നു: “വിവാഹം എല്ലാവർക്കും മാന്യ​വും കിടക്ക നിർമ്മ​ല​വും ആയിരി​ക്കട്ടെ; എന്നാൽ ദുർന്ന​ട​പ്പു​കാ​രെ​യും വ്യഭി​ചാ​രി​ക​ളെ​യും ദൈവം വിധി​ക്കും.”—എബ്രായർ 13:4.

11. ദാമ്പത്യ​പ്ര​ശ്‌നങ്ങൾ പരിഹ​രി​ക്കു​മ്പോൾ ഇണകൾ എന്തു തിരി​ച്ച​റി​യണം?

¹¹ ബൈബി​ളി​ന്റെ ബുദ്ധ്യു​പ​ദേശം അനുസ​രി​ച്ചുള്ള ദാമ്പത്യ​ജീ​വി​ത​ത്തിൽ സ്‌നേ​ഹ​ത്തി​ന്റെ​യും കടപ്പാ​ടി​ന്റെ​യും സുരക്ഷി​ത​ത്ത്വ​ത്തി​ന്റെ​യും അന്തരീ​ക്ഷ​മുണ്ട്‌. ഭർത്താ​വും ഭാര്യ​യും ശിരഃ​സ്ഥാ​ന​ത​ത്ത്വം മനസ്സി​ലാ​ക്കി ആദരി​ക്കു​ന്നു. ബുദ്ധി​മു​ട്ടു​കൾ ഉടലെ​ടു​ക്കു​ന്നതു മിക്ക​പ്പോ​ഴും ബൈബി​ളി​ന്റെ ബുദ്ധ്യു​പ​ദേശം ബാധക​മാ​ക്കു​ന്ന​തിൽ കുറ​ച്ചൊ​ക്കെ വീഴ്‌ച വരുന്ന​തു​കൊ​ണ്ടാണ്‌. ദീർഘ​നാ​ളാ​യി നിലനിൽക്കുന്ന ഒരു പ്രശ്‌നം പരിഹ​രി​ക്കു​ന്ന​തിൽ, ഇണകൾ രണ്ടാളും വാസ്‌ത​വ​ത്തിൽ പ്രശ്‌നം എന്താ​ണെ​ന്ന​തിൽ സത്യസ​ന്ധ​മാ​യി ശ്രദ്ധ കേന്ദ്രീ​ക​രി​ക്കു​ന്ന​തും ലക്ഷണങ്ങ​ളെ​ക്കാ​ളു​പരി കാരണങ്ങൾ പരിഹ​രി​ക്കു​ന്ന​തും മർമ​പ്ര​ധാ​ന​മാണ്‌. അടുത്ത കാലത്തെ ചർച്ചകൾ തുച്ഛമായ യോജി​പ്പി​ലേ എത്തിയു​ള്ളു​വെ​ങ്കിൽ, അല്ലെങ്കിൽ യാതൊ​രു യോജി​പ്പി​ലും എത്തിയി​ല്ലെ​ങ്കിൽ, സ്‌നേ​ഹ​വാ​നായ ഒരു മേൽവി​ചാ​ര​ക​നിൽനി​ന്നുള്ള മുഖപ​ക്ഷ​മി​ല്ലാത്ത സഹായം ദമ്പതി​കൾക്ക്‌ ആവശ്യ​പ്പെ​ടാ​വു​ന്ന​താണ്‌.

12. (എ) ദാമ്പത്യ​ജീ​വി​ത​ത്തി​ലെ ഏതു സാധാരണ പ്രശ്‌നങ്ങൾ സംബന്ധി​ച്ചു ബൈബിൾ ബുദ്ധ്യു​പ​ദേശം നൽകുന്നു? (ബി) യഹോ​വ​യു​ടെ വിധത്തിൽ കാര്യങ്ങൾ ചെയ്യേ​ണ്ട​തി​ന്റെ ആവശ്യം ഇണകളു​ടെ ഭാഗത്ത്‌ ഉണ്ടായി​രി​ക്കേ​ണ്ടത്‌ എന്തു​കൊണ്ട്‌?

¹² ഈ പ്രശ്‌ന​ത്തിൽ ആശയവി​നി​മ​യ​മോ ഓരോ​രു​ത്ത​രു​ടെ​യും വികാ​ര​ങ്ങ​ളോ​ടുള്ള ആദരവോ ശിരഃ​സ്ഥാ​ന​ത്തോ​ടുള്ള ആദരവോ തീരു​മാ​നങ്ങൾ എങ്ങനെ ചെയ്യു​ന്നു​വെ​ന്ന​തോ ഉൾപ്പെ​ടു​ന്നു​ണ്ടോ? അതു കുട്ടി​കളെ വളർത്തു​ന്ന​തു​മാ​യി ബന്ധപ്പെ​ട്ടി​രി​ക്കു​ന്നു​വോ, അല്ലെങ്കിൽ അതിന്‌ ലൈം​ഗിക ആവശ്യങ്ങൾ സമനി​ല​യിൽ നിർത്തു​ന്ന​തു​മാ​യി ബന്ധമു​ണ്ടോ? അതുമ​ല്ലെ​ങ്കിൽ, കുടും​ബ​ബ​ജറ്റ്‌, വിനോ​ദം, സഹവാസം, ഭാര്യ ജോലി​ക്കു പോക​ണ​മോ, അല്ലെങ്കിൽ നിങ്ങൾ എവിടെ താമസി​ക്കണം തുടങ്ങിയ പ്രശ്‌ന​ങ്ങ​ളു​മാ​യി അതു ബന്ധപ്പെ​ട്ടി​രി​ക്കു​ന്നു​വോ? പ്രശ്‌നം എന്തുത​ന്നെ​യാ​യി​രു​ന്നാ​ലും, ബൈബിൾ നിയമ​ങ്ങൾവഴി നേരി​ട്ടോ തത്ത്വങ്ങൾ വഴി പരോ​ക്ഷ​മാ​യോ പ്രാ​യോ​ഗിക ബുദ്ധ്യു​പ​ദേശം നൽകുന്നു. (മത്തായി 19:4, 5, 9; 1 കൊരി​ന്ത്യർ 7:1-40; എഫെസ്യർ 5:21-23, 28-33; 6:1-4; കൊ​ലൊ​സ്സ്യർ 3:18-21; തീത്തൊസ്‌ 2:4, 5; 1 പത്രൊസ്‌ 3:1-7) രണ്ടിണ​ക​ളും സ്വാർഥ​പ​ര​മായ ആവശ്യങ്ങൾ ഉന്നയി​ക്കു​ന്ന​തിൽനിന്ന്‌ ഒഴിഞ്ഞി​രി​ക്കു​ക​യും തങ്ങളുടെ ദാമ്പത്യ​ജീ​വി​ത​ത്തിൽ സ്‌നേ​ഹ​ത്തി​നു പൂർണ​മായ പ്രകാ​ശ​ന​മു​ണ്ടാ​യി​രി​ക്കാൻ അനുവ​ദി​ക്കു​ക​യും ചെയ്യു​മ്പോൾ അതിന്റെ ഫലമായി കൂടുതൽ സന്തുഷ്ടി ലഭിക്കു​ന്നു. ആവശ്യ​മായ മാറ്റങ്ങൾ വരുത്താ​നുള്ള, യഹോ​വ​യു​ടെ വിധത്തിൽ കാര്യങ്ങൾ ചെയ്യാ​നുള്ള ശക്തമായ ആഗ്രഹം രണ്ട്‌ വിവാഹ ഇണകളു​ടെ​യും ഭാഗത്ത്‌ ഉണ്ടായി​രി​ക്കണം. “ഒരു കാര്യ​ത്തിൽ ഉൾക്കാഴ്‌ച പ്രകട​മാ​ക്കു​ന്നവൻ നന്മ കണ്ടെത്തും, യഹോ​വ​യി​ലാ​ശ്ര​യി​ക്കു​ന്ന​വ​നോ സന്തുഷ്ടൻ.”—സദൃശ​വാ​ക്യ​ങ്ങൾ 16:20, NW.

യുവജ​ന​ങ്ങളേ—ദൈവ​വ​ച​ന​ത്തി​നു ശ്രദ്ധ കൊടു​പ്പിൻ

13. യഹോ​വ​യി​ലും അവന്റെ വചനത്തി​ലും ശക്തമായ വിശ്വാ​സ​ത്തോ​ടെ വളർന്നു​വ​രിക എന്നതു ക്രിസ്‌തീയ യുവജ​ന​ങ്ങളെ സംബന്ധി​ച്ചി​ട​ത്തോ​ളം എളുപ്പ​മ​ല്ലാ​ത്തത്‌ എന്തു​കൊണ്ട്‌?

¹³ ക്രിസ്‌തീയ യുവജ​നങ്ങൾ ദുഷ്ട​ലോ​ക​ത്താൽ ചുറ്റ​പ്പെ​ട്ടി​രി​ക്കെ, ശക്തമായ വിശ്വാ​സ​ത്തോ​ടെ വളർന്നു​വ​രിക എന്നത്‌ അവരെ സംബന്ധി​ച്ചി​ട​ത്തോ​ളം എളുപ്പമല്ല. ഒരു കാരണം, “സർവ്വ​ലോ​ക​വും ദുഷ്ടന്റെ,” പിശാ​ചായ സാത്താന്റെ, “അധീന​ത​യിൽ കിടക്കു​ന്നു” എന്നതാണ്‌. (1 യോഹ​ന്നാൻ 5:19) മോശ​മാ​യത്‌ നല്ലതാ​ണെന്നു തോന്നാൻ ഇടയാ​ക്കാൻ കഴിയുന്ന ഈ ദുഷ്ടശ​ത്രു​വി​ന്റെ ആക്രമ​ണ​ത്തിൻകീ​ഴി​ലാ​ണു യുവജ​നങ്ങൾ. ഞാൻ-മുമ്പൻ മനോ​ഭാ​വങ്ങൾ, സ്വാർഥാ​ഭി​ലാ​ഷങ്ങൾ, അധാർമി​ക​വും ക്രൂര​വു​മായ കാര്യ​ങ്ങ​ളോ​ടുള്ള തൃഷ്‌ണ, സുഖ​ഭോ​ഗ​ങ്ങ​ളു​ടെ അസാധാ​ര​ണ​മായ അനുധാ​വനം—ഇവയെ​ല്ലാം ‘അനുസ​ര​ണ​ക്കേ​ടി​ന്റെ മക്കളിൽ ഇപ്പോൾ വ്യാപ​രി​ക്കുന്ന ആത്മാവ്‌’ എന്നു ബൈബി​ളിൽ വിവരി​ച്ചി​രി​ക്കുന്ന ഒരു പൊതു​വായ, പ്രമു​ഖ​മായ ചിന്താ​രീ​തി​യാ​യി ഒത്തുകൂ​ടു​ന്നു. (എഫെസ്യർ 2:1-3) സ്‌കൂൾ പാഠപു​സ്‌ത​കങ്ങൾ, ലഭ്യമായ മിക്ക സംഗീ​ത​ങ്ങ​ളും, സ്‌പോർട്‌സ്‌, മറ്റുതരം വിനോ​ദ​രൂ​പങ്ങൾ തുടങ്ങി​യ​വ​യി​ലൊ​ക്കെ ഈ ‘ആത്മാവി’നെ സാത്താൻ തന്ത്രപൂർവം ഊട്ടി​വ​ളർത്തി​യി​രി​ക്കു​ന്നു. യഹോ​വ​യി​ലും അവന്റെ വചനത്തി​ലും ആശ്രയി​ച്ചു​കൊ​ണ്ടു വളർന്നു​വ​രാൻ കുട്ടി​കളെ സഹായി​ക്കു​ക​വഴി അത്തരം സ്വാധീ​ന​ങ്ങളെ തരണം ചെയ്യാൻ മാതാ​പി​താ​ക്കൾ ജാഗ്ര​ത​യു​ള്ള​വ​രാ​യി​രി​ക്കണം.

14. യുവജ​ന​ങ്ങൾക്ക്‌ എങ്ങനെ ‘യൗവന​മോ​ഹ​ങ്ങളെ വിട്ടോ​ടാം?’

¹⁴ തന്റെ യുവസ​ഹ​കാ​രി​യായ തിമോ​ത്തിക്ക്‌ പൗലോസ്‌ പിതൃ​തു​ല്യ​മായ ബുദ്ധ്യു​പ​ദേശം നൽകു​ക​യു​ണ്ടാ​യി: “യൌവ​ന​മോ​ഹ​ങ്ങളെ വിട്ടോ​ടി നീതി​യും വിശ്വാ​സ​വും സ്‌നേ​ഹ​വും ശുദ്ധ ഹൃദയ​ത്തോ​ടെ കർത്താ​വി​നെ വിളി​ച്ച​പേ​ക്ഷി​ക്കുന്ന എല്ലാവ​രോ​ടും സമാധാ​ന​വും ആചരിക്ക.” (2 തിമൊ​ഥെ​യൊസ്‌ 2:22) എല്ലാത്തരം ‘യൗവന​മോ​ഹങ്ങ’ളും അവയിൽതന്നെ മോശ​മ​ല്ലെ​ങ്കി​ലും, യുവജ​നങ്ങൾ അവയെ “വിട്ടോട”ണം. അതായത്‌, ദൈവിക കാര്യ​ങ്ങൾക്ക്‌ ഒട്ടും​തന്നെ സമയം മാറ്റി​വെ​ക്കാ​തെ, അല്ലെങ്കിൽ തുച്ഛമായ സമയം മാത്രം മാറ്റി​വെ​ച്ചു​കൊണ്ട്‌, അത്തരം കാര്യങ്ങൾ അവരുടെ മുഴു​ശ്ര​ദ്ധ​യും കവർന്നെ​ടു​ക്കാൻ അനുവ​ദി​ക്ക​രുത്‌. കായി​ക​ക്ഷമത പുഷ്ടി​പ്പെ​ടു​ത്തൽ, സ്‌പോർട്‌സ്‌, സംഗീതം, വിനോ​ദം, ഹോബി​കൾ, യാത്ര തുടങ്ങിയ കാര്യ​ങ്ങ​ളൊ​ക്കെ അവശ്യം തെറ്റ​ല്ലെ​ങ്കി​ലും അവ ജീവി​ത​ത്തിൽ പ്രമുഖ സ്ഥാനം കവർന്നെ​ടു​ക്കു​ന്നെ​ങ്കിൽ ഒരു കെണി​യാ​യി​രി​ക്കാൻ കഴിയും. ഉദ്ദേശ്യ​ര​ഹി​ത​മായ സംഭാ​ഷണം, വെറുതെ കറങ്ങി​ന​ടക്കൽ, ലൈം​ഗി​ക​ത​യി​ലുള്ള അസാധാ​ര​ണ​മായ താത്‌പ​ര്യം, വെറു​തെ​യി​രു​ന്നു മുഷിപ്പു തോന്നൽ, മാതാ​പി​താ​ക്കൾ മനസ്സി​ലാ​ക്കു​ന്നില്ല എന്നു പരാതി പറയൽ തുടങ്ങിയ കാര്യ​ങ്ങ​ളിൽനിന്ന്‌ ഓടി​യ​ക​ലുക.

15. യുവജ​നങ്ങൾ ഒരു കപട ജീവിതം നയിക്കു​ന്ന​തി​നു കാരണ​മാ​യേ​ക്കാ​വുന്ന ഏതെല്ലാം കാര്യങ്ങൾ വീട്ടിലെ സ്വകാ​ര്യ​ത​യിൽ സംഭവി​ച്ചേ​ക്കാം?

¹⁵ വീട്ടിലെ സ്വകാ​ര്യ​ത​യിൽപോ​ലും യുവജ​ന​ങ്ങളെ സംബന്ധി​ച്ചി​ട​ത്തോ​ളം അപകടം പതിയി​രി​ക്കാം. അധാർമി​ക​മോ അക്രമാ​സ​ക്ത​മോ ആയ ടിവി പരിപാ​ടി​ക​ളും വീഡി​യോ​ക​ളും വീക്ഷി​ച്ചാൽ മോശ​മായ കാര്യങ്ങൾ ചെയ്യു​ന്ന​തി​നുള്ള അഭിലാ​ഷം വേരു​പി​ടി​ച്ചേ​ക്കാം. (യാക്കോബ്‌ 1:14, 15) ബൈബിൾ ഇപ്രകാ​രം ബുദ്ധ്യു​പ​ദേശം നൽകുന്നു: “യഹോ​വയെ സ്‌നേ​ഹി​ക്കു​ന്ന​വരേ, ദോഷത്തെ വെറു​പ്പിൻ.” (സങ്കീർത്തനം 97:10; 115:11) ആരെങ്കി​ലും കപട ജീവിതം നയിക്കാൻ ശ്രമി​ക്കു​ന്നെ​ങ്കിൽ, യഹോവ അതറി​യു​ന്നു. (സദൃശ​വാ​ക്യ​ങ്ങൾ 15:3) ക്രിസ്‌തീയ യുവജ​ന​ങ്ങളേ, നിങ്ങളു​ടെ മുറി​യിൽ ആകെ​യൊ​ന്നു നോക്കുക. സ്‌പോർട്‌സ്‌ ലോക​ത്തി​ലെ​യോ സംഗീ​ത​ലോ​ക​ത്തി​ലെ​യോ അധാർമിക താരങ്ങ​ളു​ടെ ചുവർചി​ത്രങ്ങൾ നിങ്ങൾ പ്രദർശി​പ്പി​ക്കു​ന്നു​ണ്ടോ, അതോ നിങ്ങൾ നല്ല ഓർമി​പ്പി​ക്ക​ലു​ക​ളാ​യി ഉതകുന്ന ആരോ​ഗ്യാ​വ​ഹ​മായ കാര്യ​ങ്ങ​ളാ​ണോ പ്രദർശി​പ്പി​ക്കു​ന്നത്‌? (സങ്കീർത്തനം 101:3) നിങ്ങളു​ടെ അലമാ​രി​യിൽ, മാന്യ​മായ വസ്‌ത്ര​ങ്ങ​ളാ​ണോ ഉള്ളത്‌, അതോ ഈ ലോക​ത്തി​ലെ അങ്ങേയ​റ്റത്തെ വസ്‌ത്ര​ധാ​രണ ശൈലി​കൾ പ്രതി​ഫ​ലി​പ്പി​ക്കുന്ന വസ്‌ത്രങ്ങൾ ചിലതു നിങ്ങൾക്കു​ണ്ടോ? മോശ​മാ​യവ ഒരു സാമ്പി​ളാ​യി പരീക്ഷി​ച്ചു​നോ​ക്കാ​നുള്ള പ്രലോ​ഭ​ന​ത്തി​നു നിങ്ങൾ വഴങ്ങി​ക്കൊ​ടു​ക്കു​ക​യാ​ണെ​ങ്കിൽ, തന്ത്രപ​ര​മായ വിധങ്ങ​ളിൽ പിശാ​ചി​നു നിങ്ങളെ കെണി​യിൽ വീഴ്‌ത്താൻ സാധി​ക്കും. ബൈബിൾ ജ്ഞാനപൂർവം ഇങ്ങനെ ബുദ്ധ്യു​പ​ദേ​ശി​ക്കു​ന്നു: “നിർമ്മ​ദ​രാ​യി​രി​പ്പിൻ; ഉണർന്നി​രി​പ്പിൻ; നിങ്ങളു​ടെ പ്രതി​യോ​ഗി​യായ പിശാചു അലറുന്ന സിംഹം എന്നപോ​ലെ ആരെ വിഴു​ങ്ങേണ്ടു എന്നു തിരിഞ്ഞു ചുറ്റി​ന​ട​ക്കു​ന്നു.”—1 പത്രൊസ്‌ 5:8.

16. കാര്യ​ഗൗ​ര​വ​മുള്ള എല്ലാവ​രു​ടെ​യും അഭിമാ​ന​പാ​ത്ര​മാ​യി​ത്തീ​രാൻ ബൈബി​ളി​ന്റെ ബുദ്ധ്യു​പ​ദേ​ശ​ത്തിന്‌ ഒരു യുവാ​വി​നെ എങ്ങനെ സഹായി​ക്കാൻ കഴിയും?

¹⁶ സഹവാസം സൂക്ഷി​ക്കാൻ ബൈബിൾ നിങ്ങ​ളോ​ടു പറയുന്നു. (1 കൊരി​ന്ത്യർ 15:33) നിങ്ങളു​ടെ സ്‌നേ​ഹി​തർ യഹോ​വയെ ഭയപ്പെ​ടു​ന്നവർ ആയിരി​ക്കണം. സമപ്രാ​യ​ക്കാ​രിൽനി​ന്നുള്ള സമ്മർദ​ത്തി​നു വഴങ്ങി​ക്കൊ​ടു​ക്ക​രുത്‌. (സങ്കീർത്തനം 56:11; സദൃശ​വാ​ക്യ​ങ്ങൾ 29:25) ദൈവ​ഭ​യ​മുള്ള നിങ്ങളു​ടെ മാതാ​പി​താ​ക്കളെ അനുസ​രി​ക്കുക. (സദൃശ​വാ​ക്യ​ങ്ങൾ 6:20-22; എഫെസ്യർ 6:1-3) മാർഗ​നിർദേ​ശ​ത്തി​നും പ്രോ​ത്സാ​ഹ​ന​ത്തി​നു​മാ​യി മൂപ്പന്മാ​രി​ലേക്കു നോക്കുക. (യെശയ്യാ​വു 32:1, 2) നിങ്ങളു​ടെ മനസ്സും ദൃഷ്ടി​ക​ളും ആത്മീയ മൂല്യ​ങ്ങ​ളി​ലും ലക്ഷ്യങ്ങ​ളി​ലും പതിപ്പി​ക്കുക. ആത്മീയ പുരോ​ഗതി കൈവ​രി​ക്കു​ന്ന​തി​നും സഭാ പ്രവർത്ത​ന​ങ്ങ​ളിൽ ഏർപ്പെ​ടു​ന്ന​തി​നു​മുള്ള അവസര​ങ്ങൾക്കാ​യി നോക്കുക. നിങ്ങളു​ടെ കൈകൾകൊണ്ട്‌ കാര്യങ്ങൾ ചെയ്യു​ന്ന​വി​ധം പഠിക്കുക. വിശ്വാ​സ​ത്തിൽ ബലിഷ്‌ഠ​രും ആരോ​ഗ്യ​മു​ള്ള​വ​രു​മാ​യി വളർന്നു​വ​രുക, അപ്പോൾ നിങ്ങൾ വാസ്‌ത​വ​ത്തിൽ പ്രധാ​ന​പ്പെട്ട ഒരാളാ​ണെന്ന്‌—യഹോ​വ​യു​ടെ പുതിയ ലോക​ത്തി​ലെ ജീവൻ അർഹി​ക്കുന്ന ഒരാളാ​ണെന്ന്‌—നിങ്ങൾ തെളി​യി​ക്കു​ന്ന​താ​യി​രി​ക്കും! നമ്മുടെ സ്വർഗീയ പിതാ​വി​നു നിങ്ങളിൽ അഭിമാ​നം തോന്നും, നിങ്ങളു​ടെ ഭൗമിക മാതാ​പി​താ​ക്കൾ നിങ്ങളിൽ ആനന്ദി​ക്കും, നിങ്ങളു​ടെ ക്രിസ്‌തീയ സഹോ​ദ​രീ​സ​ഹോ​ദ​ര​ന്മാർക്കു നിങ്ങൾ ഒരു പ്രോ​ത്സാ​ഹ​ന​മാ​യി​രി​ക്കും. അതാണു മുഖ്യം!—സദൃശ​വാ​ക്യ​ങ്ങൾ 4:1, 2, 7, 8.

17. യഹോ​വ​യി​ലും അവന്റെ വചനത്തി​ലും ആശ്രയി​ക്കു​ന്ന​വർക്ക്‌ എന്തെല്ലാം പ്രയോ​ജ​നങ്ങൾ ലഭിക്കു​ന്നു?

¹⁷ കാവ്യാ​ത്മക ശൈലി​യിൽ ഇപ്രകാ​രം എഴുതാൻ സങ്കീർത്ത​ന​ക്കാ​രൻ നിശ്വ​സ്‌ത​നാ​ക്ക​പ്പെട്ടു: “നേരോ​ടെ നടക്കു​ന്ന​വർക്കു അവൻ ഒരു നന്മയും മുടക്കു​ക​യില്ല. സൈന്യ​ങ്ങ​ളു​ടെ യഹോവേ, നിന്നിൽ ആശ്രയി​ക്കുന്ന മനുഷ്യൻ ഭാഗ്യ​വാൻ [“സന്തുഷ്ടൻ,” NW].” (സങ്കീർത്തനം 84:11, 12) അതേ, യഹോ​വ​യി​ലും അവന്റെ വചനമായ ബൈബി​ളി​ലും ആശ്രയി​ക്കു​ന്ന​വർക്കു ലഭിക്കു​ന്നതു നൈരാ​ശ്യ​വും പരാജ​യ​വു​മാ​യി​രി​ക്കില്ല, പിന്നെ​യോ സന്തുഷ്ടി​യും വിജയ​വു​മാ​യി​രി​ക്കും.—2 തിമൊ​ഥെ​യൊസ്‌ 3:14, 16, 17.

നിങ്ങൾ എങ്ങനെ ഉത്തരം പറയും?

◻ ക്രിസ്‌ത്യാ​നി​കൾ “ലോക​ത്തി​ന്റെ ജ്ഞാന”ത്തിൽ തങ്ങളുടെ ആശ്രയം വെക്കരു​താ​ത്തത്‌ എന്തു​കൊണ്ട്‌?

◻ ഒരുവനു സംശയങ്ങൾ അനുഭ​വ​പ്പെ​ടു​ന്നെ​ങ്കിൽ എന്താണു ചെയ്യേ​ണ്ടത്‌?

◻ യഹോ​വ​യു​ടെ വിധത്തിൽ കാര്യങ്ങൾ ചെയ്യു​ന്നത്‌ ദാമ്പത്യ​ജീ​വി​ത​ത്തിൽ വിജയ​വും സന്തുഷ്ടി​യും കൈവ​രു​ത്തു​ന്ന​തെ​ങ്ങനെ?

◻ ‘യൗവന​മോ​ഹ​ങ്ങളെ വിട്ടോ​ടാൻ’ ബൈബിൾ യുവജ​ന​ങ്ങളെ സഹായി​ക്കു​ന്ന​തെ​ങ്ങനെ?

[23-ാം പേജിലെ ചിത്രം]

ഭോഷത്വമെന്ന നിലയിൽ “ഈ ലോക​ത്തി​ന്റെ ജ്ഞാന”ത്തെ ത്യജി​ക്കു​മ്പോൾതന്നെ, ക്രിസ്‌ത്യാ​നി​കൾ യഹോ​വ​യി​ലേ​ക്കും അവന്റെ വചനത്തി​ലേ​ക്കും തിരി​യു​ന്നു

[25-ാം പേജിലെ ചിത്രം]

യഹോവയിലും അവന്റെ വചനത്തി​ലും ആശ്രയി​ക്കുന്ന കുടും​ബ​ങ്ങൾക്കു നല്ല വിജയ​വും സന്തുഷ്ടി​യു​മുണ്ട്‌