നാം അന്ത്യനാ​ളു​ക​ളി​ലാ​ണോ ജീവി​ക്കു​ന്നത്‌?

“ഇടപെ​ടാൻ പ്രയാ​സ​മേ​റിയ ദുർഘട സമയങ്ങൾ” എന്ന പദപ്ര​യോ​ഗം കെയ്‌റോയ്‌ ഖലെ​പോയ്‌ എന്ന ഗ്രീക്കു വാക്കിന്റെ പരിഭാ​ഷ​യാണ്‌. (2 തിമോ​ത്തി 3:1, NW) ഖലെ​പോയ്‌ എന്ന പദം “ഉഗ്ര”മായ എന്ന്‌ അക്ഷരീയ അർഥമുള്ള ഒരു പദത്തിന്റെ ബഹുവ​ച​ന​മാണ്‌. അതിന്‌ ഭീഷണി, ആപത്ത്‌ എന്നിങ്ങനെ അർഥമുണ്ട്‌. ആ പദം “തിൻമ​യു​ടെ വൻ കടന്നാ​ക്ര​മ​ണത്തെ” പരാമർശി​ക്കു​ന്നു എന്ന്‌ ഒരു ബൈബിൾ വ്യാഖ്യാ​താ​വു പറയുന്നു. അതു​കൊണ്ട്‌ മുൻ യുഗങ്ങൾ അസ്വാ​സ്ഥ്യം അനുഭ​വി​ച്ചെ​ന്നു​വ​രി​കി​ലും “അന്ത്യനാ​ളു​കൾ” അസാധാ​ര​ണ​മാം​വി​ധം കിരാ​ത​മാ​യി​രി​ക്കും. 2 തിമൊ​ഥെ​യൊസ്‌ 3:13 അതി​നെ​ക്കു​റി​ച്ചു പറയു​ന്ന​തു​പോ​ലെ, “ദുഷ്ടമ​നു​ഷ്യ​രും മായാ​വി​ക​ളും . . . മേല്‌ക്കു​മേൽ ദോഷ​ത്തിൽ മുതിർന്നു​വ​രും.”

ഇതു നമ്മുടെ നാളിനെ വർണി​ക്കു​ന്നു​ണ്ടോ? 2 തിമൊ​ഥെ​യൊസ്‌ 3:2-5-ലെ ചില പ്രത്യേക തെളി​വു​കൾ നമു​ക്കൊ​ന്നു വിശക​ലനം ചെയ്യാം. എന്നിട്ട്‌ നാം അന്ത്യനാ​ളു​ക​ളി​ലാ​ണു ജീവി​ക്കു​ന്നത്‌ എന്ന്‌ അവ സൂചി​പ്പി​ക്കു​ന്നു​ണ്ടോ എന്നു​നോ​ക്കാം..

‘മനുഷ്യർ പണസ്‌നേ​ഹി​കൾ ആയിരി​ക്കും.’—2 തിമോ​ത്തി 3:2, NW.

യു.എസ്‌.ന്യൂസ്‌ & വേൾഡ്‌ റിപ്പോർട്ട്‌ പറയു​ന്ന​ത​നു​സ​രിച്ച്‌ തട്ടിപ്പ്‌ “സാമ്പത്തിക കുററ​കൃ​ത്യ​ത്തി​ന്റെ ഒരു മദി​രോ​ത്സവം” ആയിത്തീർന്നി​രി​ക്കു​ന്നു. ഐക്യ​നാ​ടു​ക​ളിൽ, ആരോഗ്യ-സംരക്ഷ​ണ​ത്തിൽത്ത​ന്നെ​യുള്ള തട്ടിപ്പ്‌ വർഷം​തോ​റും 5,000 കോടി ഡോള​റി​നും 8,000 കോടി ഡോള​റി​നും ഇടയ്‌ക്കാണ്‌. ദുഃഖ​ക​ര​മെന്നു പറയട്ടെ, അത്തരം ആത്മാർഥ​ത​യി​ല്ലായ്‌മ സാധാ​ര​ണ​മാ​യി​ത്തീർന്നി​രി​ക്കു​ന്നു. എത്തിക്‌സ്‌ റിസോ​ഴ്‌സ്‌ സെൻറ​റി​ന്റെ പ്രസി​ഡൻറ്‌ ഗാരി എഡ്വേർഡ്‌സ്‌ ഇപ്രകാ​രം നിരീ​ക്ഷി​ക്കു​ന്നു: “ആത്മാർഥ​ത​യി​ല്ലാ​യ്‌മയെ ചില​പ്പോൾ പ്രകീർത്തി​ക്കുന്ന ഒരു സംസ്‌കാര”മാണു നമുക്കു​ള്ളത്‌. അദ്ദേഹം ഇപ്രകാ​രം വിശദീ​ക​രി​ക്കു​ന്നു: “നാം വില്ലൻമാ​രെ​യും രാഷ്‌ട്രീ​യ​ക്കാ​രെ​യും ഗവൺമെൻറി​നെ പററി​ച്ചി​ട്ടു ശിക്ഷി​ക്ക​പ്പെ​ടാ​തെ രക്ഷപെ​ടുന്ന വ്യാപാ​രി​ക​ളെ​യും വീരൻമാ​രാ​ക്കു​ന്നു.”

‘അഹങ്കാ​രി​കൾ.’—2 തിമോ​ത്തി 3:2, NW.

അഹങ്കാരിയായ വ്യക്തി മററു​ള്ള​വരെ പുച്ഛ​ത്തോ​ടെ വീക്ഷി​ക്കു​ന്നു. ഇന്നു കാണുന്ന വർഗീ​യ​വും ദേശീ​യ​വു​മായ മുൻവി​ധി​യിൽനിന്ന്‌ ഇത്‌ എത്ര വ്യക്തമാണ്‌! “എല്ലാ ന്യൂന​പ​ക്ഷ​ങ്ങ​ളും സാധ്യ​ത​യുള്ള ഇരകളാണ്‌,” ടൊ​റൊ​ന്റോ കാനഡ​യി​ലെ ദ ഗ്ലോബ്‌ ആൻഡ്‌ മെയിൽ പറയുന്നു. “ജർമനി​യിൽ വർഗീയ അക്രമം വർധി​ക്കു​ക​യാണ്‌, ഐക്യ​നാ​ടു​ക​ളിൽ കു ക്ലുക്‌സ്‌ ക്ലാൻ സജീവ​മാണ്‌. ടൊ​റൊ​ന്റോ​യിൽ സ്വസ്‌തി​കകൾ പാത​യോ​ര​ങ്ങ​ളെ​യും സിന​ഗോ​ഗു​ക​ളെ​യും വികൃ​ത​മാ​ക്കു​ന്നു.” കാനഡ​യി​ലെ യഹൂദ കോൺഗ്ര​സ്സി​ന്റെ പ്രസി​ഡൻറായ ഇർവിങ്‌ അബെല പറയുന്നു: “നമ്മൾ അത്‌ സ്വീഡ​നി​ലും ഇററലി​യി​ലും ഹോള​ണ്ടി​ലും ബെൽജി​യ​ത്തി​ലും ജർമനി​യി​ലും എന്നു വേണ്ടാ, എല്ലായി​ട​ത്തും കാണുന്നു.”

‘മാതാ​പി​താ​ക്കളെ അനുസ​രി​ക്കാ​ത്തവർ.’—2 തിമോ​ത്തി 3:2, NW.

“രണ്ടാം ലോക​മ​ഹാ​യു​ദ്ധത്തെ തുടർന്ന്‌ ജനനനി​ര​ക്കിൽ ഉണ്ടായ കാര്യ​മായ വർധന​വി​ന്റെ സമയത്തു​ണ്ടായ കുട്ടി​ക​ളു​ടെ തലമുറ വായാ​ടി​ക​ളും എതിരി​ടു​ന്ന​വ​രും ആദരവി​ല്ലാ​ത്ത​വ​രു​മായ വഴക്കാ​ളി​ക്കു​ട്ടി​ക​ളു​ടെ തലമു​റ​യാ​ണെന്നു പലരും മുദ്ര​കു​ത്തു​ന്നു” എന്ന്‌ ദ ടൊ​റൊ​ന്റോ സ്‌ററാർ പറയുന്നു. വീട്ടിൽ ആരംഭി​ക്കുന്ന മത്സര മനോ​ഭാ​വം പലപ്പോ​ഴും സ്‌കൂ​ളി​ലേ​ക്കും വ്യാപി​ക്കു​ന്നു. വെറും നാലു വയസ്സുള്ള കുട്ടി​കൾപോ​ലും തർക്കു​ത്തരം പറയു​ന്ന​താ​യി ഒരു അധ്യാ​പിക നിരീ​ക്ഷി​ച്ചു. “പഠിപ്പി​ക്കു​ന്ന​തി​നെ​ക്കാൾ കൂടുതൽ സമയം സ്വഭാവം കൈകാ​ര്യം ചെയ്യാ​നാണ്‌ അധ്യാ​പകർ ചെലവ​ഴി​ക്കു​ന്നത്‌,” അവർ പറയുന്നു. തീർച്ച​യാ​യും, എല്ലാ യുവാ​ക്ക​ളും മത്സരമ​നോ​ഭാ​വ​ക്കാ​രല്ല. എങ്കിലും, “ഏതി​നോ​ടും തീരെ കുറച്ചു​മാ​ത്രം ആദരവു​കാ​ണി​ക്കാൻ അവർക്കു പ്രവണ​ത​യു​ള്ള​താ​യി കാണ​പ്പെ​ടു​ന്നു” എന്ന്‌ അനുഭ​വ​സ​മ്പ​ന്ന​നായ ഒരു ഹൈസ്‌കൂൾ അധ്യാ​പകൻ ബ്രൂസ്‌ മക്‌​ഗ്രെഗർ പറയുന്നു.

‘സ്വാഭാ​വിക പ്രിയ​മി​ല്ലാ​ത്തവർ.’—2 തിമോ​ത്തി 3:3, NW.

മറെറവിടത്തെക്കാളുമധികം സ്വാഭാ​വി​ക​പ്രി​യം ഉണ്ടായി​രി​ക്കേണ്ട കുടും​ബ​ത്തിൽ ഈ അന്ത്യനാ​ളു​ക​ളിൽ കാര്യ​മായ അധഃപ​തനം പ്രകട​മാ​യി​രി​ക്കും. “അമേരി​ക്കൻ സ്‌ത്രീ​കളെ സംബന്ധി​ച്ചി​ട​ത്തോ​ളം ഭവനത്തി​ലെ അക്രമം പരിക്കി​ന്റെ​യും മരണത്തി​ന്റെ​യും മുഖ്യ​കാ​ര​ണ​മാണ്‌. എന്തു​കൊ​ണ്ടെ​ന്നാൽ ഇത്‌ വാഹനാ​പ​ക​ടങ്ങൾ, ബലാൽസം​ഗങ്ങൾ, കടന്നാ​ക്ര​മ​ണങ്ങൾ ഇവയെ​ല്ലാം​കൂ​ടി​ചേർന്ന്‌ ഉണ്ടാക്കു​ന്ന​തി​നെ​ക്കാൾ കൂടുതൽ ഹാനി​വ​രു​ത്തു​ന്നു” എന്ന്‌ ദ ന്യൂ​യോർക്ക്‌ ടൈംസ്‌ റിപ്പോർട്ടു​ചെ​യ്യു​ന്നു. കുട്ടി​ക​ളു​ടെ ബലാൽസം​ഗ​ങ്ങ​ളിൽ മിക്കവ​യും നടത്ത​പ്പെ​ടു​ന്നതു കുട്ടികൾ ആശ്രയി​ക്കുന്ന കുടും​ബാം​ഗ​ങ്ങ​ളാ​ലാണ്‌. ഉയർന്ന വിവാ​ഹ​മോ​ചന നിരക്കും പ്രായ​മാ​യ​വ​രോ​ടുള്ള ദുഷ്‌പെ​രു​മാ​റ​റ​വും ഗർഭച്ഛി​ദ്ര​വും അനേകർക്ക്‌ “സ്വാഭാ​വി​ക​മായ മനുഷ്യ​സ്‌നേഹം . . . തീർത്തും കുറവാ​ണെ”ന്നുള്ളതി​നു തെളി​വാണ്‌.—ഫിലി​പ്‌സ്‌.

“ഉഗ്രൻമാ​രും നൻമ​പ്രി​യ​മി​ല്ലാ​ത്ത​വ​രും.”—2 തിമോ​ത്തി 3:3, NW.

“കൊച്ചു കൊല​യാ​ളി​കൾക്ക്‌ പ്രേര​ണ​യു​ടെ വലിയ ആവശ്യ​മൊ​ന്നു​മി​ല്ലെ”ന്ന്‌ പത്രപം​ക്തി​യെ​ഴു​ത്തു​കാ​ര​നായ ബോബ്‌ ഹെർബെർട്ട്‌ എഴുതു​ന്നു. “‘പ്രത്യേ​കിച്ച്‌ ഒരു കാരണ​വു​മി​ല്ലാ​തെ’ മറെറാ​രു മനുഷ്യ​നെ വെടി​വെ​ച്ചു​കൊ​ല്ലുന്ന രീതി പല കുട്ടി​ക​ളും ഉത്സാഹ​പൂർവം ആശ്ലേഷി​ച്ചി​രി​ക്കു​ന്നു.” ചില മാതാ​പി​താ​ക്കൾക്കും ധാർമി​ക​ബോ​ധം ഇല്ലാത്ത​താ​യി തോന്നു​ന്നു. കഴിയു​ന്നി​ട​ത്തോ​ളം പെൺകു​ട്ടി​ക​ളു​മാ​യി ലൈം​ഗി​ക​മാ​യി ബന്ധപ്പെ​ട്ടു​കൊണ്ട്‌ മത്സരിച്ചു പോയിൻറു​കൾ വാരി​ക്കൂ​ട്ടി​യ​തിന്‌ കൗമാ​ര​പ്രാ​യ​ക്കാ​രായ ഒരു സംഘം ആൺകു​ട്ടി​കളെ കുററം​വി​ധി​ച്ച​പ്പോൾ ഒരു പിതാവ്‌ ഇപ്രകാ​രം അഭി​പ്രാ​യ​പ്പെട്ടു: “ചോര​ത്തി​ള​പ്പുള്ള ഏതൊരു അമേരി​ക്കൻ പയ്യനും ഈ പ്രായ​ത്തിൽ ചെയ്യാ​ത്ത​തൊ​ന്നു​മല്ല എന്റെ പയ്യൻ ചെയ്‌തി​രി​ക്കു​ന്നത്‌.”

‘ദൈവ​പ്രി​യ​രാ​യി​രി​ക്കു​ന്ന​തി​നെ​ക്കാൾ ഉല്ലാസ​പ്രി​യർ.’—2 തിമോ​ത്തി 3:4, NW.

ഒരു കണക്കനു​സ​രിച്ച്‌, കൗമാ​ര​പ്രാ​യ​ക്കാർ ഒരു മതവി​ഭാ​ഗ​വു​മാ​യി ഒരു മണിക്കൂർ ചെലവ​ഴി​ക്കു​ന്നെ​ങ്കിൽ ഇലക്‌​ട്രോ​ണിക്‌ മാധ്യ​മ​വു​മാ​യി ചെലവ​ഴി​ക്കു​ന്നതു 15 മണിക്കൂ​റാണ്‌. “മാധ്യ​മ​ങ്ങ​ളു​ടെ ശക്തമായ സ്വാധീ​ന​ത്തിൻകീ​ഴിൽ കടകളി​ലും സ്‌കൂൾ ഹാളു​ക​ളി​ലും തഴച്ചു​വ​ള​രുന്ന സംസ്‌കാ​ര​മാണ്‌ ഇന്ന്‌ കൗമാ​ര​ജീ​വി​തത്തെ ഭരിക്കു​ന്നത്‌” എന്ന്‌ അൽററൂ​ണാ മിറർ റിപ്പോർട്ടു​ചെ​യ്യു​ന്നു. “അടുത്തത്‌ കുടും​ബ​മാണ്‌. ലിസ്‌റ​റി​ന്റെ ഒടുവി​ല​ത്തെ​താ​ണു പള്ളി.” മിറർ ഇങ്ങനെ​യും നിരീ​ക്ഷി​ക്കു​ന്നു: “മാതാ​പി​താ​ക്കൾ ഇല്ലാതി​രി​ക്കു​ക​യും പള്ളികൾ നിശബ്ദ​മാ​യി​രി​ക്കു​ക​യും ചെയ്‌താൽ ചെറു​പ്പ​ക്കാ​രു​ടെ ജീവി​ത​ത്തിൽ ഏററവും സ്വാധീ​നം പ്രയോ​ഗി​ക്കു​ന്നതു മാധ്യ​മ​മാ​യി​രി​ക്കും.”

“ദൈവി​ക​ഭ​ക്തി​യു​ടെ ഒരു രൂപം മാത്ര​മു​ള്ള​വ​രും അതിന്റെ ശക്തിയി​ല്ലാ​ത്ത​വ​രും.”—2 തിമോ​ത്തി 3:5, NW.

ബൈബിൾസത്യത്തിനു ജീവി​ത​ങ്ങളെ മാററാ​നുള്ള ശക്തിയുണ്ട്‌. (എഫെസ്യർ 4:22-24) എന്നാൽ തികച്ചും ദൈവ​വി​രു​ദ്ധ​മായ ചില ക്രിയകൾ നടക്കു​ന്നതു മതത്തിന്റെ മറപി​ടി​ച്ചാണ്‌. പരിതാ​പ​ക​ര​മായ ഒരു ഉദാഹ​രണം പുരോ​ഹി​തൻമാർ കുട്ടി​ക​ളോ​ടു ചെയ്യുന്ന ലൈം​ഗി​ക​മായ ദുഷ്‌പെ​രു​മാ​റ​റ​മാണ്‌. “പുരോ​ഹി​തൻമാർ തങ്ങളെ മാനഭം​ഗ​പ്പെ​ടു​ത്തി​യെന്നു പറയുന്ന 200 കക്ഷിക​ളു​ടെ കേസുകൾ 27 സംസ്ഥാ​ന​ങ്ങ​ളിൽ കെട്ടി​ക്കി​ട​പ്പുണ്ട്‌” എന്ന്‌ ഐക്യ​നാ​ടു​ക​ളി​ലെ ഒരു വക്കീൽ “പറയു​ന്ന​താ​യി” ദ ന്യൂ​യോർക്ക്‌ ടൈംസ്‌ എഴുതു​ന്നു. സത്യത്തിൽ, ഈ പുരോ​ഹി​തർ കാട്ടുന്ന ദൈവ​ഭ​ക്തി​യു​ടെ ഏതൊരു രൂപവും നാട്യ​വും അവരുടെ ദുഷ്ട പ്രവൃ​ത്തി​ക​ളാൽ വെറും കാപട്യ​മെന്നു വെളി​വാ​യി​രി​ക്കു​ന്നു.

അന്ത്യനാ​ളു​ക​ളു​ടെ കൂടു​ത​ലായ തെളി​വു​കൾ

മനുഷ്യർ പിൻവ​രുന്ന സ്വഭാ​വ​ക്കാ​രും ആയിരി​ക്കു​മെന്ന്‌ 2 തിമോ​ത്തി 3:2-4, [NW] പറയുന്നു . . .

◻ പൊങ്ങ​ച്ച​ക്കാർ

◻ ദൂഷകൻമാർ

◻ നന്ദിയി​ല്ലാ​ത്ത​വർ

◻ അവിശ്വ​സ്‌തർ

◻ യോജി​പ്പി​ലെ​ത്താൻ മനസ്സി​ല്ലാ​ത്ത​വർ

◻ ഏഷണി​ക്കാർ

◻ ആത്മനി​യ​ന്ത്ര​ണ​മി​ല്ലാ​ത്തവർ

◻ ദ്രോ​ഹി​കൾ

◻ വഴങ്ങാ​ത്ത​വർ

◻ നിഗള​ത്താൽ ചീർത്തവർ

‘നിന്റെ സാന്നി​ധ്യ​ത്തി​ന്റെ അടയാളം’

തന്റെ മരണത്തി​നു തൊട്ടു​മുമ്പ്‌ യേശു​വി​നോട്‌ ഇങ്ങനെ ചോദി​ച്ചു: “നിന്റെ സാന്നി​ധ്യ​ത്തി​ന്റെ​യും വ്യവസ്ഥി​തി​യു​ടെ സമാപ​ന​ത്തി​ന്റെ​യും അടയാ​ള​മെ​ന്താ​യി​രി​ക്കും?” (മത്തായി 24:3, NW) അന്ത്യനാ​ളു​കളെ സ്വഭാ​വ​വ​ത്‌ക​രി​ക്കുന്ന അവസ്ഥക​ളും സംഭവ​ങ്ങ​ളും യേശു പ്രത്യേ​കം ചൂണ്ടി​ക്കാ​ട്ടി. അവയിൽ ചിലത്‌ നമുക്കു പരി​ശോ​ധി​ക്കാം.

“ജാതി ജാതി​യോ​ടും രാജ്യം രാജ്യ​ത്തോ​ടും എതിർക്കും.”—മത്തായി 24:7.

“ഇരുപ​താം നൂററാണ്ട്‌—പൊതു​വേ സാമൂ​ഹിക പുരോ​ഗ​തി​യു​ടെ​യും ദരി​ദ്ര​രു​ടെ ജീവി​ത​ത്തിൽ ഗവൺമെൻറു​കാ​ട്ടുന്ന ഉയർന്ന കരുത​ലി​ന്റെ​യും ഒരു നൂററാ​ണ്ടാ​ണെ​ങ്കി​ലും അത്‌ യന്ത്ര​ത്തോക്ക്‌, ടാങ്ക്‌, ബി-52, ന്യൂക്ലി​യർ ബോംബ്‌, മിസൈൽ എന്നിവ​യാൽ ഭരിക്ക​പ്പെ​ട്ടി​രി​ക്കു​ക​യാണ്‌. മറേറ​തൊ​രു യുഗത്തി​ലേ​തി​നെ​ക്കാ​ളും രക്തരൂ​ക്ഷി​ത​വും വിനാ​ശ​ക​ര​വു​മായ യുദ്ധങ്ങൾ ഈ യുഗത്തെ എടുത്തു​കാ​ട്ടി​യി​രി​ക്കു​ന്നു.”—ചരി​ത്ര​ത്തി​ലെ നാഴി​ക​ക്ക​ല്ലു​കൾ (ഇംഗ്ലീഷ്‌).

‘അവിട​വി​ടെ ഭൂകമ്പങ്ങൾ.’—മത്തായി 24:7.

റിക്‌ററർ സ്‌കെ​യി​ലിൽ 7.5 മുതൽ 8.3 വരെ വരുന്ന ഭൂകമ്പങ്ങൾ ഈ നൂററാ​ണ്ടിൽ ചിലി, ചൈന, ഇന്ത്യ, ഇറാൻ, ഇററലി, ജപ്പാൻ, പെറു, ടർക്കി എന്നിവി​ട​ങ്ങ​ളിൽ ഉണ്ടായി.

‘ഭയങ്കര​കാ​ഴ്‌ചകൾ ഉണ്ടാകും.’—ലൂക്കൊസ്‌ 21:11.

സമീപ വർഷങ്ങ​ളി​ലെ ഭീതി​പ്പെ​ടു​ത്തുന്ന വികാ​സങ്ങൾ നിമിത്തം മനുഷ്യ​രു​ടെ ജീവി​ത​ത്തി​ലെ ഏററവും വലിയ ഒററപ്പെട്ട വികാരം സാധ്യ​ത​യ​നു​സ​രിച്ച്‌ ഭയമാണ്‌. തങ്ങളുടെ സുരക്ഷി​ത​ത്വ​ത്തെ​യും ജീവനെ തന്നെയും ഭീഷണി​പ്പെ​ടു​ത്തുന്ന യുദ്ധം, കുററ​കൃ​ത്യം, മലിനീ​ക​രണം, രോഗം, പണപ്പെ​രു​പ്പം എന്നിവ​യെ​യും മററു പല കാര്യ​ങ്ങ​ളെ​യും മനുഷ്യർ ഭയപ്പെ​ടു​ന്നു.

‘ഭക്ഷ്യക്ഷാ​മങ്ങൾ.’—മത്തായി 24:7.

“സഹായ​സം​ഘങ്ങൾ തമ്മിൽ മത്സരി​ക്കു​മ്പോൾ പട്ടിണി പെരു​കു​ന്നു”വെന്ന്‌ ന്യൂ സയൻറി​സ്‌ററ്‌ മാസി​ക​യി​ലെ ഒരു തലക്കെട്ട്‌ പ്രഖ്യാ​പി​ക്കു​ന്നു. ഒരു മുൻ യു.എസ്‌. പ്രസി​ഡൻറ്‌ പറയു​ന്ന​ത​നു​സ​രിച്ച്‌ ഈ ഗ്രഹത്തെ രണ്ടു പതിറ​റാ​ണ്ടു​കൾക്കു​ള്ളിൽ നശിപ്പി​ക്കു​മെന്ന്‌ ക്ഷാമം ഭീഷണി​മു​ഴ​ക്കു​ന്നു. “ഭീതി​ദ​ങ്ങ​ളായ അത്തരം പ്രവച​നങ്ങൾ ഉണ്ടായി​ട്ടും സമ്പന്ന രാജ്യങ്ങൾ വികസ്വര രാജ്യ​ങ്ങ​ളി​ലെ കാർഷിക പുരോ​ഗ​തി​ക്കു​വേണ്ടി നൽകുന്ന സഹായ​ത്തി​ന്റെ അളവ്‌ നാടകീ​യ​മാ​യി കുറഞ്ഞു​വ​രു​ക​യാണ്‌” എന്ന്‌ ലേഖനം കുറി​ക്കു​ന്നു.

‘അവിട​വി​ടെ മഹാവ്യാ​ധി​കൾ.’—ലൂക്കൊസ്‌ 21:11.

വിദഗ്‌ധരുടെ ഒരു അണി പറയു​ന്ന​ത​നു​സ​രിച്ച്‌ വർഷം​തോ​റും 50 കോടി ഡോള​റി​ല​ധി​കം ചെലവു​വ​രു​ത്തുന്ന എയ്‌ഡ്‌സി​നെ​തി​രെ​യുള്ള യു.എസ്‌. ഗവൺമെൻറി​ന്റെ പോരാ​ട്ടത്തെ ഒരു കൊടും പരാജയം എന്നു വിളി​ച്ചി​രി​ക്കു​ന്നു. “എയ്‌ഡ്‌സു​മൂ​ലം നമുക്ക്‌ ഉത്‌പാ​ദ​ന​ത്തി​ന്റെ ഒരു മുഴു തലമു​റ​യെ​ത്ത​ന്നെ​യു​മാണ്‌ നഷ്ടമാ​കു​ന്നത്‌,” ഏതാണ്ട്‌ 200 മുതൽ 300 വരെ രോഗി​കളെ കൈകാ​ര്യം ചെയ്യുന്ന ഡോ. ഡോണ സ്വീററ്‌ മുന്നറി​യി​പ്പു നൽകുന്നു. ഐക്യ​നാ​ടു​ക​ളിൽ ഇപ്പോൾ എയ്‌ഡ്‌സ്‌ 25 മുതൽ 44 വരെ വയസ്സുള്ള പുരു​ഷൻമാ​രു​ടെ​യി​ട​യിൽ മരണത്തി​ന്റെ മുഖ്യ​കാ​ര​ണ​മാണ്‌.

‘അധർമ​ത്തി​ന്റെ വർധനവ്‌.’—മത്തായി 24:12.

2,500 യുവജ​ന​ങ്ങ​ളു​ടെ ഒരു യു.എസ്‌. സർവേ വെളി​പ്പെ​ടു​ത്തു​ന്ന​ത​നു​സ​രിച്ച്‌ അവരിൽ 15 ശതമാനം കഴിഞ്ഞ 30 ദിവസ​ങ്ങ​ളിൽ എപ്പോ​ഴെ​ങ്കി​ലു​മൊ​ക്കെ തോക്കു കൊണ്ടു​ന​ട​ക്കു​ക​യും 11 ശതമാ​ന​ത്തി​നു കഴിഞ്ഞ​വർഷം വെടി​കൊ​ള്ളു​ക​യും 9 ശതമാനം പേർ ഏതെങ്കി​ലും സമയത്ത്‌ മറെറാ​രാ​ളെ വെടി​വെ​ക്കു​ക​യും ചെയ്‌തു.

എന്താണ്‌ മുന്നിൽ?

നാം കണ്ടതു​പോ​ലെ മനുഷ്യ​വർഗം ശരിയായ ഗതിയിൽനി​ന്നും സമാധാ​ന​പൂർണ​മായ ഒരു ലോക​ത്തിൽനി​ന്നും വളരെ അകലെ​യാണ്‌. കൃത്യ​മാ​യി പറഞ്ഞാൽ, മേൽപ്പറഞ്ഞ സാഹച​ര്യ​ങ്ങൾ മുമ്പ്‌ ഉണ്ടായി​ട്ടി​ല്ലാ​ത്ത​വ​യാണ്‌. വാസ്‌ത​വ​ത്തിൽ, മനുഷ്യ കുടും​ബം അപരി​ചി​ത​മായ ഒരു പ്രദേ​ശത്ത്‌ ആയിരി​ക്കു​ന്ന​താ​യി സ്വയം കണ്ടെത്തു​ന്നു. അത്‌ അന്ത്യനാ​ളു​കൾ എന്നു വിളി​ക്കുന്ന ഒരു യുഗത്തി​ലൂ​ടെ കടന്നു​പോ​കു​ക​യാണ്‌.

ഈ കാലഘ​ട്ട​ത്തി​നു​ശേഷം എന്തു സംഭവി​ക്കും?

[4-ാം പേജിലെ ചിത്ര​ത്തിന്‌ കടപ്പാട്‌]

Michael Lewis/Sipa Press