ബൈബിൾ പുസ്‌തക നമ്പർ 56—തീത്തൊസ്‌

എഴുത്തുകാരൻ: പൗലൊസ്‌

എഴുതിയ സ്ഥലം: മാസി​ഡോ​ണിയ (?)

എഴുത്തു പൂർത്തി​യാ​യത്‌: പൊ.യു. ഏകദേശം 61-64

1. (എ) തീത്തൊ​സി​നെ ഏതു ജോലി ഭരമേൽപ്പി​ച്ചു? (ബി) ഏതു ചുററു​പാ​ടിൽ ക്രേത്ത​യി​ലെ സഭകൾ ഉളവായി, ക്രേത്ത​യി​ലെ ക്രിസ്‌ത്യാ​നി​കൾ എന്തു ചെയ്യേണ്ട ആവശ്യ​മു​ണ്ടാ​യി​രു​ന്നു?

“ദൈവ​ത്തി​ന്റെ ദാസനും യേശു​ക്രി​സ്‌തു​വി​ന്റെ അപ്പൊ​സ്‌ത​ല​നു​മായ പൌ​ലൊസ്‌ പൊതു​വി​ശ്വാ​സ​ത്തിൽ നിജപു​ത്ര​നായ തീത്തൊ​സി​ന്നു.” (തീത്തൊ. 1:3, 4) അങ്ങനെ​യാ​ണു തന്റെ കൂട്ടു​വേ​ല​ക്കാ​ര​നും ദീർഘ​കാല സഹകാ​രി​യു​മായ തീത്തൊ​സി​നു​ളള പൗലൊ​സി​ന്റെ ലേഖനം തുടങ്ങു​ന്നത്‌, സഭകളെ മെച്ചമാ​യി സംഘടി​പ്പി​ക്കാൻ അവനെ പൗലൊസ്‌ ക്രേത്ത​ദ്വീ​പിൽ വിട്ടി​രു​ന്നു. തീത്തൊ​സിന്‌ ഒരു വലിയ വേല ചെയ്യാ​നു​ണ്ടാ​യി​രു​ന്നു. “ദൈവ​ങ്ങ​ളു​ടെ​യും മനുഷ്യ​ന്റെ​യും പിതാ​വി​ന്റെ” വസതി ആയിരു​ന്ന​താ​യി പറയ​പ്പെ​ടുന്ന ഈ ദ്വീപ്‌ “ഒരു വഞ്ചകനെ തന്ത്രത്താൽ തോൽപ്പി​ക്കുക” എന്നർഥ​മു​ളള “ക്രേത്തക്ക്‌ ഒരു ക്രേത്തൻ” എന്ന ചൊല്ലി​ന്റെ ഉറവാ​യി​രു​ന്നു.a അതിലെ ജനങ്ങളു​ടെ സത്യസ​ന്ധ​ത​യി​ല്ലായ്‌മ പ്രസി​ദ്ധ​മാ​യി​രു​ന്നു. തന്നിമി​ത്തം “ക്രേത്തർ സർവ്വദാ അസത്യ​വാ​ദി​ക​ളും ദുഷ്ടജ​ന്തു​ക്ക​ളും മടിയൻമാ​രായ പെരു​വ​യ​റൻമാ​രും അത്രേ” എന്ന്‌ അവരുടെ സ്വന്തം പ്രവാ​ചകൻ പറയു​ന്ന​താ​യി പൗലൊസ്‌ ഉദ്ധരിച്ചു. (1:12) പൗലൊ​സി​ന്റെ നാളിലെ ക്രേത്തർ പിൻവ​രുന്ന പ്രകാ​ര​വും വർണി​ക്ക​പ്പെ​ട്ടി​രി​ക്കു​ന്നു: “ജനത്തിന്റെ സ്വഭാവം അസ്ഥിര​വും ആത്മാർഥ​ത​യി​ല്ലാ​ത്ത​തും കലഹ​പ്രി​യ​വു​മാ​യി​രു​ന്നു; അവർ അത്യാ​ഗ്ര​ഹ​വും കാമാ​സ​ക്തി​യും വ്യാജ​വും മദ്യല​ഹ​രി​യും നിറഞ്ഞ​വ​രാ​യി​രു​ന്നതു സാധാരണ അളവി​ലാ​യി​രു​ന്നില്ല; അവരുടെ ഇടയിൽ പാർപ്പു​റ​പ്പി​ച്ചി​രുന്ന യഹൂദർ ദുർമാർഗ​ത്തിൽ നാട്ടു​കാ​രെ​ക്കാൾ കവിഞ്ഞു​പോ​യി​രു​ന്ന​താ​യി കാണ​പ്പെ​ടു​ന്നു.”b അങ്ങനെ​യു​ളള ഒരു ചുററു​പാ​ടിൽത്ത​ന്നെ​യാ​ണു ക്രേത്ത​യി​ലെ സഭകൾ ഉളവാ​യി​രു​ന്നത്‌; അതു​കൊ​ണ്ടു വിശ്വാ​സി​കൾ പൗലൊസ്‌ ഉദ്‌ബോ​ധി​പ്പി​ച്ച​തു​പോ​ലെ “ഭക്തി​കേ​ടും പ്രപഞ്ച​മോ​ഹ​ങ്ങ​ളും വർജ്ജി​ച്ചി​ട്ടു ഈ ലോക​ത്തിൽ സുബോ​ധ​ത്തോ​ടും നീതി​യോ​ടും ദൈവ​ഭ​ക്തി​യോ​ടും​കൂ​ടെ ജീവി​ച്ചു​പോ​രേ”ണ്ടതു വിശേ​ഷാൽ ആവശ്യ​മാ​യി​രു​ന്നു.—2:12.

2, 3. (എ) പൗലൊ​സു​മാ​യി തീത്തൊ​സിന്‌ എന്തു സഹവാ​സ​മു​ണ്ടാ​യി​രു​ന്നു? (ബി) പൗലൊസ്‌ തീത്തൊ​സിന്‌ എവി​ടെ​നിന്ന്‌ എഴുതി​യി​രി​ക്കാൻ സാധ്യ​ത​യുണ്ട്‌, എന്തു​ദ്ദേ​ശ്യ​ത്തിൽ?

² തീത്തൊ​സി​ന്റെ പുസ്‌തകം അതിൽത്തന്നെ പൗലൊ​സും തീത്തൊ​സും തമ്മിലു​ളള സഹവാ​സ​ത്തി​ന്റെ വളരെ കുറച്ചു വിവര​ങ്ങളേ നൽകു​ന്നു​ളളു. എന്നിരു​ന്നാ​ലും, പൗലൊ​സി​ന്റെ മററു ലേഖന​ങ്ങ​ളിൽ തീത്തൊ​സി​നെ​ക്കു​റി​ച്ചു​ളള പരാമർശ​ന​ങ്ങ​ളിൽനി​ന്നു വളരെ​യ​ധി​കം വിവരങ്ങൾ സമാഹ​രി​ക്കാൻ കഴിയും. ഒരു ഗ്രീക്കു​കാ​ര​നാ​യി​രുന്ന തീത്തൊസ്‌ മിക്ക​പ്പോ​ഴും പൗലൊ​സി​നെ അനുഗ​മി​ച്ചി​രു​ന്നു. കുറഞ്ഞ​പക്ഷം ഒരു സന്ദർഭ​ത്തി​ലെ​ങ്കി​ലും പൗലൊ​സി​നോ​ടു​കൂ​ടെ അവൻ യെരു​ശ​ലേ​മി​ലേക്കു പോയി. (ഗലാ. 2:1-5) പൗലൊസ്‌ അവനെ “എനിക്കു കൂട്ടാ​ളി​യും . . . കൂട്ടു​വേ​ല​ക്കാ​ര​നും” എന്നു പരാമർശി​ക്കു​ന്നു. എഫേസൂ​സിൽനി​ന്നു കൊരി​ന്ത്യർക്കു തന്റെ ഒന്നാമത്തെ ലേഖനം എഴുതി​യ​ശേഷം കൊരി​ന്തി​ലേക്കു പൗലൊസ്‌ അയച്ചതു തീത്തൊ​സി​നെ ആയിരു​ന്നു. കൊരി​ന്തി​ലാ​യി​രി​ക്കെ, യെരു​ശ​ലേ​മി​ലെ സഹോ​ദ​രൻമാർക്കു​വേണ്ടി നടത്തി​ക്കൊ​ണ്ടി​രുന്ന പണശേ​ഖ​ര​ത്തോ​ടു തീത്തൊസ്‌ ബന്ധപ്പെ​ട്ടി​രു​ന്നു, തുടർന്നു ശേഖരണം പൂർത്തി​യാ​ക്കാൻ പൗലൊ​സി​ന്റെ മാർഗ​നിർദേ​ശ​പ്ര​കാ​രം അവൻ തിരി​ച്ചു​പോ​യി. മാസി​ഡോ​ണി​യ​യിൽ പൗലൊ​സു​മാ​യി കണ്ടുമു​ട്ടി​യ​ശേഷം കൊരി​ന്തി​ലേ​ക്കു​ളള മടക്കയാ​ത്ര​യി​ലാ​ണു കൊരി​ന്ത്യർക്കു​ളള പൗലൊ​സി​ന്റെ രണ്ടാമത്തെ ലേഖനം കൊണ്ടു​പോ​യി​ക്കൊ​ടു​ക്കാൻ തീത്തൊസ്‌ ഉപയോ​ഗി​ക്ക​പ്പെ​ട്ടത്‌.—2 കൊരി. 8:16-24; 2:13; 7:5-7.

³ റോമി​ലെ തന്റെ ആദ്യത്തെ തടവിൽനി​ന്നു​ളള മോച​ന​ത്തി​നു​ശേഷം പൗലൊസ്‌ തന്റെ ശുശ്രൂ​ഷ​യു​ടെ അന്തിമ​വർഷ​ങ്ങ​ളിൽ തിമൊ​ഥെ​യൊ​സും തീത്തൊ​സു​മാ​യി വീണ്ടും ബന്ധപ്പെ​ട്ടി​രു​ന്നു. ഇതിൽ ക്രേത്ത​യി​ലെ​യും ഗ്രീസി​ലെ​യും മാസി​ഡോ​ണി​യ​യി​ലെ​യും സേവന​വും ഉൾപ്പെ​ട്ടി​രു​ന്ന​താ​യി തോന്നു​ന്നു. ഒടുവിൽ, വടക്കു​പ​ടി​ഞ്ഞാ​റൻ ഗ്രീസി​ലെ നിക്കൊ​പ്പൊ​ലി​സി​ലേക്കു പൗലൊസ്‌ പോകു​ന്ന​താ​യി പറയുന്നു, പ്രത്യ​ക്ഷ​ത്തിൽ അവി​ടെ​വെ​ച്ചാണ്‌ അവൻ അറസ്‌റ​റു​ചെ​യ്യ​പ്പെട്ട്‌ അന്തിമ തടവു​വാ​സ​ത്തി​നും വധനിർവ​ഹ​ണ​ത്തി​നു​മാ​യി റോമി​ലേക്കു കൊണ്ടു​പോ​ക​പ്പെ​ട്ടത്‌. പൗലൊ​സി​ന്റെ ക്രേത്ത​യി​ലെ സന്ദർശ​ന​സ​മ​യ​ത്താണ്‌ അവൻ തീത്തൊ​സി​നു കൊടു​ത്തി​രുന്ന നിർദേ​ശ​പ്ര​കാ​രം “ശേഷിച്ച കാര്യ​ങ്ങളെ ക്രമത്തി​ലാ​ക്കേ​ണ്ട​തി​ന്നും . . . പട്ടണം​തോ​റും മൂപ്പൻമാ​രെ ആക്കി​വെ​ക്കേ​ണ്ട​തി​ന്നും” അവനെ പൗലൊസ്‌ അവിടെ വിട്ടത്‌. പൗലൊ​സി​ന്റെ ലേഖനം അവൻ ക്രേത്ത​യിൽ തീത്തൊ​സി​നെ വിട്ട​ശേഷം താമസി​യാ​തെ മാസി​ഡോ​ണി​യ​യിൽനിന്ന്‌ എഴുത​പ്പെ​ട്ടി​രി​ക്കാ​നാണ്‌ ഏററം സാധ്യത. (തീത്തൊ. 1:5; 3:12; 1 തിമൊ. 1:3; 2 തിമൊ. 4:13, 20) അത്‌ ഒന്നു തിമൊ​ഥെ​യൊ​സി​ന്റേ​തി​നോ​ടു സമാന​മായ ഒരു ഉദ്ദേശ്യ​ത്തിന്‌ ഉതകി​യെന്നു തോന്നു​ന്നു, അതായത്‌, പൗലൊ​സി​ന്റെ കൂട്ടു​വേ​ല​ക്കാ​രനെ പ്രോ​ത്സാ​ഹി​പ്പി​ക്കു​ക​യും അവന്റെ കർത്തവ്യ​ങ്ങ​ളിൽ ആധികാ​രിക പിന്തുണ കൊടു​ക്കു​ക​യും ചെയ്യുക എന്നതു​തന്നെ.

4. തീത്തൊ​സി​നു​ളള ലേഖനം എപ്പോൾ എഴുത​പ്പെ​ട്ടി​രി​ക്കണം, അതിന്റെ വിശ്വാ​സ്യ​ത​ക്കു​ളള തെളി​വെ​ന്താണ്‌?

⁴ പൗലൊസ്‌ റോമി​ലെ തന്റെ ഒന്നാമ​ത്തെ​യും രണ്ടാമ​ത്തെ​യും തടവി​നി​ട​യ്‌ക്ക്‌ അല്ലെങ്കിൽ പൊ.യു. ഏതാണ്ട്‌ 61 മുതൽ 64 വരെയു​ളള കാലത്ത്‌ ഈ ലേഖന​മെ​ഴു​തി​യി​രി​ക്കണം. തീത്തൊ​സി​നു​ളള ലേഖന​ത്തി​ന്റെ വിശ്വാ​സ്യ​ത​യു​ടെ തെളി​വി​ന്റെ ഘനം തിമൊ​ഥെ​യൊ​സി​നുള്ള സമകാ​ലീന ലേഖന​ങ്ങൾക്കു​ള​ള​തു​ത​ന്നെ​യാണ്‌, പൗലൊ​സി​ന്റെ “ഇടയ​ലേ​ഖ​നങ്ങൾ” എന്നു മിക്ക​പ്പോ​ഴും വിളി​ക്ക​പ്പെ​ടുന്ന മൂന്നു ബൈബിൾപു​സ്‌ത​ക​ങ്ങ​ളാ​ണവ. എഴുത്തി​ന്റെ ശൈലി സമാന​മാണ്‌. ഐറേ​നി​യ​സും ഓറി​ജ​നും തീത്തൊ​സിൽനിന്ന്‌ ഉദ്ധരി​ക്കു​ന്നു, മററു പല പുരാതന പ്രാമാ​ണി​ക​രും ഈ പുസ്‌ത​ക​ത്തി​ന്റെ കാനോ​നി​ക​തയെ സാക്ഷ്യ​പ്പെ​ടു​ത്തു​ന്നുണ്ട്‌. അതു സൈനാ​റ​റിക്‌, അലക്‌സാ​ണ്ട്രി​യൻ കൈ​യെ​ഴു​ത്തു​പ്ര​തി​ക​ളിൽ കാണ​പ്പെ​ടു​ന്നു. ജോൺ റൈലാൻഡ്‌സ്‌ ഗ്രന്ഥശാ​ല​യിൽ P³² എന്ന ഒരു പപ്പൈ​റസ്‌ ശകലമുണ്ട്‌, അതു തീത്തൊസ്‌ 1:11-15-ഉം 2:3-8-ഉം അടങ്ങി​യി​ട്ടു​ളള പൊ.യു. ഏതാണ്ടു മൂന്നാം നൂററാ​ണ്ടി​ലെ കൈ​യെ​ഴു​ത്തു​പു​സ്‌ത​ക​ത്തി​ന്റെ താളാണ്‌.c ഈ പുസ്‌തകം നിശ്വസ്‌ത തിരു​വെ​ഴു​ത്തു​ക​ളു​ടെ ഒരു വിശ്വാ​സ്യ​ഭാ​ഗ​മാ​ണെ​ന്നു​ള​ള​തി​നു സംശയ​മില്ല.

തീത്തൊ​സി​ന്റെ ഉളളടക്കം

5. (എ) മേൽവി​ചാ​ര​കൻമാർക്കു​ളള ഏതു യോഗ്യ​ത​കൾക്കു പൗലൊസ്‌ ദൃഢത കൊടു​ക്കു​ന്നു, ഇത്‌ ആവശ്യ​മാ​യി​രി​ക്കു​ന്നത്‌ എന്തു​കൊണ്ട്‌? (ബി) തീത്തൊസ്‌ കഠിന​മാ​യി ശാസി​ക്കേ​ണ്ടത്‌ എന്തു​കൊണ്ട്‌, മലിന​രായ ആളുക​ളെ​ക്കു​റിച്ച്‌ എന്തു പറഞ്ഞി​രി​ക്കു​ന്നു?

⁵ മേൽവി​ചാ​ര​കൻമാർ ആരോ​ഗ്യാ​വ​ഹ​മായ പഠിപ്പി​ക്ക​ലി​നാൽ പ്രബോ​ധി​പ്പി​ക്കണം (1:1-16). വാത്സല്യ​പൂർവ​ക​മായ ഒരു അഭിവാ​ദ​ന​ത്തി​നു​ശേഷം, പൗലൊസ്‌ മേൽവി​ചാ​ര​കൻമാർക്കു​ളള യോഗ്യ​തകൾ വിവരി​ക്കു​ന്നു. ഒരു മേൽവി​ചാ​രകൻ “നിരപ​വാ​ദ്യൻ,” സൽഗു​ണ​പ്രി​യൻ, നീതി​മാൻ, വിശ്വ​സ്‌തൻ, ‘പത്ഥ്യോ​പ​ദേ​ശ​ത്താൽ പ്രബോ​ധി​പ്പി​പ്പാ​നും വിരോ​ധി​കൾക്കു ബോധം വരുത്തു​വാ​നും ശക്തനാ​കേ​ണ്ട​തി​ന്നു ഉപദേ​ശ​പ്ര​കാ​ര​മു​ളള വിശ്വാ​സ്യ​വ​ചനം മുറു​കെ​പ്പി​ടി​ക്കു​ന്നവൻ’ ആയിരി​ക്കേണം എന്ന്‌ ഊന്നി​പ്പ​റ​യു​ന്നു. സത്യസ​ന്ധ​മ​ല്ലാത്ത ആദായ​ത്തി​നു​വേണ്ടി മുഴു​കു​ടും​ബ​ങ്ങ​ളെ​യും മറിച്ചു​ക​ള​യു​ക​പോ​ലും ചെയ്യുന്ന ‘മനോ​വ​ഞ്ച​കൻമാർ’ ഉളളതു​കൊണ്ട്‌ ഇത്‌ ആവശ്യ​മാണ്‌. അതു​കൊ​ണ്ടു തീത്തൊസ്‌ ‘അവർ വിശ്വാ​സ​ത്തിൽ ആരോ​ഗ്യ​മു​ള​ള​വ​രാ​യി​ത്തീ​രേണ്ടതി​ന്നും യഹൂദ​ക​ഥകൾ ശ്രദ്ധി​ക്കാ​തി​രി​ക്കേ​ണ്ട​തി​ന്നും അവരെ കഠിന​മാ​യി ശാസി​ച്ചു​കൊ​ണ്ടി​രി​ക്കണം.’ മലിന​പ്പെട്ട ആളുകൾ തങ്ങൾ ദൈവത്തെ അറിയു​ന്നു​വെന്നു പരസ്യ​മാ​യി പ്രഖ്യാ​പി​ച്ചേ​ക്കാം, എന്നാൽ അവർ തങ്ങളുടെ അനുസ​ര​ണം​കെട്ട പ്രവൃ​ത്തി​ക​ളാൽ അവനെ തളളി​പ്പ​റ​യു​ന്നു.—1:6-10, 13, 14.

6. ക്രിസ്‌തീയ നടത്ത സംബന്ധിച്ച്‌ ഏതു ബുദ്ധ്യു​പ​ദേശം കൊടു​ക്കു​ന്നു?

⁶ സുബോ​ധ​ത്തോ​ടും നീതി​യോ​ടും ദൈവി​ക​ഭ​ക്തി​യോ​ടും​കൂ​ടെ ജീവി​ക്കുക (2:1–3:15) വൃദ്ധൻമാ​രും വൃദ്ധമാ​രും, ഘനശാ​ലി​ക​ളും ആദരവു​ള​ള​വ​രു​മാ​യി​രി​ക്കണം. ചെറു​പ്പ​ക്കാ​രി​കൾ തങ്ങളുടെ ഭർത്താ​ക്കൻമാ​രെ​യും തങ്ങളുടെ കുട്ടി​ക​ളെ​യും സ്‌നേ​ഹി​ക്കു​ക​യും “ദൈവ​വ​ചനം ദുഷി​ക്ക​പ്പെ​ടാ​തി​രി​ക്കേ​ണ്ട​തി​ന്നു” തങ്ങളുടെ ഭർത്താ​ക്കൻമാർക്കു കീഴ്‌പ്പെ​ട്ടി​രി​ക്കു​ക​യും വേണം. പ്രായ​ക്കു​റ​വു​ളള പുരു​ഷൻമാർ സത്‌പ്ര​വൃ​ത്തി​കൾക്കും ആരോ​ഗ്യാ​വ​ഹ​മായ സംസാ​ര​ത്തി​നും മാതൃ​ക​യാ​യി​രി​ക്കണം. അടിമകൾ കീഴ്‌പ്പെ​ട​ലോ​ടെ “സകലത്തി​ലും നല്ല വിശ്വ​സ്‌തത” പ്രദർശി​പ്പി​ക്കണം. “സൽപ്ര​വൃ​ത്തി​ക​ളിൽ ശുഷ്‌കാ​ന്തി​യു​ളേ​ളാ​രു സ്വന്തജ​ന​മാ​യി”രിക്കാൻ ക്രിസ്‌തു​യേശു മുഖാ​ന്തരം ദൈവം ശുദ്ധീ​ക​രി​ച്ചി​രി​ക്കു​ന്ന​വ​രിൽ സുബോ​ധ​ത്തി​നും നീതി​ക്കും ദൈവി​ക​ഭ​ക്ഷി​ക്കും പ്രോ​ത്സാ​ഹി​പ്പി​ച്ചു​കൊ​ണ്ടു രക്ഷയി​ലേക്കു നയിക്കുന്ന ദൈവ​ത്തി​ന്റെ അനർഹദയ പ്രത്യ​ക്ഷ​മാ​യി​രി​ക്കു​ന്നു.—2:5, 10, 14.

7. കീഴ്‌പ്പെ​ട​ലി​നോ​ടും രക്ഷയോ​ടും സത്‌പ്ര​വൃ​ത്തി​ക​ളോ​ടു​മു​ളള ബന്ധത്തിൽ പൗലൊസ്‌ എന്ത്‌ ഊന്നി​പ്പ​റ​യു​ന്നു?

⁷ ഗവൺമെൻറു​ക​ളോ​ടു​ളള കീഴ്‌പ്പെ​ട​ലി​ന്റെ​യും അനുസ​ര​ണ​ത്തി​ന്റെ​യും “സകല മനുഷ്യ​രോ​ടും പൂർണ്ണ​സൌ​മ്യത കാണി”ക്കേണ്ടതി​ന്റെ​യും ആവശ്യം പൗലൊസ്‌ ഊന്നി​പ്പ​റ​യു​ന്നു. പൗലൊ​സും അവന്റെ സഹക്രി​സ്‌ത്യാ​നി​ക​ളും ഒരു കാലത്തു മററു മനുഷ്യ​രെ​പ്പോ​ലെ വഷളരാ​യി​രു​ന്നു. തങ്ങളുടെ സ്വന്തമായ ഏതെങ്കി​ലും പ്രവൃ​ത്തി​കൾ നിമി​ത്തമല്ല, ദൈവ​ത്തി​ന്റെ ദയയും സ്‌നേ​ഹ​വും കരുണ​യും നിമിത്തം അവർ പരിശു​ദ്ധാ​ത്മാ​വി​നാൽ രക്ഷിക്ക​പ്പെട്ടു നിത്യ​ജീ​വന്റെ പ്രത്യാ​ശക്ക്‌ അവകാ​ശി​ക​ളാ​യി​ത്തീർന്നി​രി​ക്കു​ന്നു. അതു​കൊണ്ട്‌, ദൈവത്തെ വിശ്വ​സി​ക്കു​ന്നവർ ‘സൽപ്ര​വൃ​ത്തി​ക​ളിൽ ഉത്സാഹി​ക​ളാ​യി​രി​ക്കണം.’ അവർ മൗഢ്യ​മായ ചോദ്യം​ചെ​യ്യ​ലു​ക​ളും ന്യായ​പ്ര​മാ​ണ​ത്തെ​ക്കു​റി​ച്ചു​ളള ശണ്‌ഠ​യും ഉപേക്ഷി​ക്കേ​ണ്ട​താണ്‌. ഒരു കക്ഷിപി​രി​വി​നു പ്രോ​ത്സാ​ഹി​പ്പി​ക്കുന്ന ഒരു മനുഷ്യ​നെ​സം​ബ​ന്ധി​ച്ച​ട​ത്തോ​ളം ഒന്നാമ​ത്തെ​യും രണ്ടാമ​ത്തെ​യും താക്കീ​തി​നു​ശേഷം അവനെ അവർ തളളി​ക്ക​ള​യണം. നിക്കൊ​പ്പൊ​ലി​സിൽ തന്റെ അടുക്ക​ലേക്കു വരാൻ പൗലൊസ്‌ തീത്തൊ​സി​നോട്‌ ആവശ്യ​പ്പെ​ടു​ക​യും മററു മിഷനറി നിർദേ​ശങ്ങൾ കൊടു​ത്ത​ശേഷം നിഷ്‌ഫ​ല​രാ​കാ​തി​രി​ക്കാൻ സത്‌പ്ര​വൃ​ത്തി​ക​ളു​ടെ ആവശ്യം വീണ്ടും ഊന്നി​പ്പ​റ​യു​ക​യും ചെയ്യുന്നു.—3:2, 7, 8.

എന്തു​കൊ​ണ്ടു പ്രയോ​ജ​ന​പ്ര​ദം

8. തീത്തൊ​സി​നു​ളള ലേഖന​ത്തി​ലെ പൗലൊ​സി​ന്റെ ബുദ്ധ്യു​പ​ദേ​ശ​ത്തി​ലു​ളള എന്ത്‌ ഇന്നു നമുക്കു ‘ശുഭവും ഉപകാ​രവു’മാകുന്നു, എന്തു​കൊണ്ട്‌?

⁸ നുണപ​റ​ച്ചി​ലി​ന്റെ​യും അഴിമ​തി​യു​ടെ​യും അത്യാ​ഗ്ര​ഹ​ത്തി​ന്റെ​യും ചുററു​പാ​ടി​ലാ​ണു ക്രേത്ത​യി​ലെ ക്രിസ്‌ത്യാ​നി​കൾ ജീവി​ച്ചത്‌. അവർ കേവലം ജനക്കൂ​ട്ട​ത്തോ​ടൊ​ത്തു നീങ്ങണ​മോ? അതോ യഹോ​വ​യാം ദൈവ​ത്തി​നു വിശു​ദ്ധീ​ക​രി​ക്ക​പ്പെട്ട ഒരു ജനമായി സേവി​ക്കാൻ തങ്ങളേ​ത്തന്നെ പൂർണ​മാ​യി വേർപെ​ടു​ത്തു​ന്ന​തി​നു സുനി​ശ്ചി​ത​ന​ട​പ​ടി​കൾ സ്വീക​രി​ക്ക​ണ​മോ? ക്രേത്തർ “സൽപ്ര​വൃ​ത്തി​ക​ളിൽ ഉത്സാഹി​ക​ളാ​യി​രി”ക്കണമെന്നു തീത്തൊ​സി​ലൂ​ടെ അറിയി​ച്ച​പ്പോൾ “ഇതു ശുഭവും മനുഷ്യർക്കു ഉപകാ​ര​വും ആകുന്നു” എന്നു പൗലൊസ്‌ പറഞ്ഞു. യഥാർഥ ക്രിസ്‌ത്യാ​നി​കൾ ദൈവ​സേ​വ​ന​ത്തിൽ ഫലപ്ര​ദ​രാ​യി ‘സൽപ്ര​വൃ​ത്തി​കൾക്കു മുമ്പരാ​യി​രി​പ്പാൻ പഠിക്കു​ന്നതു’ അസത്യ​ത്തി​ന്റെ​യും വഞ്ചനാ​പ​ര​മായ നടപടി​ക​ളു​ടെ​യും ചെളി​ക്കു​ണ്ടി​ലേക്കു താണു​പോ​യി​രി​ക്കുന്ന ഒരു ലോക​ത്തിൽ ഇന്നും ‘ശുഭവും ഉപകാ​ര​പ്ര​ദ​വും’ ആകുന്നു. (3:8, 14) ക്രേത്ത​യി​ലെ സഭകളെ ഭീഷണി​പ്പെ​ടു​ത്തിയ ദുർമാർഗ​ത്തെ​യും ദുഷ്ടത​യെ​യു​മെ​ല്ലാം പൗലൊസ്‌ കുററം​വി​ധി​ക്കു​ന്നത്‌, ‘ഭക്തി​കേ​ടും പ്രപഞ്ച​മോ​ഹ​ങ്ങ​ളും വർജി​ച്ചി​ട്ടു ഈ ലോക​ത്തിൽ സുബോ​ധ​ത്തോ​ടും നീതി​യോ​ടും ദൈവ​ഭ​ക്തി​യോ​ടും​കൂ​ടെ ജീവി​ക്കാൻ ദൈവ​കൃപ നമ്മെ ഉദ്‌ബോ​ധി​പ്പി​ക്കു​മ്പോൾ’ നമുക്ക്‌ ഒരു മുന്നറി​യി​പ്പാ​യി ഇപ്പോൾ നില​കൊ​ള​ളു​ന്നു. ക്രിസ്‌ത്യാ​നി​കൾ ഒരു നല്ല മനഃസാ​ക്ഷി നിലനിർത്തി​ക്കൊണ്ട്‌ ഗവൺമെൻറു​ക​ളോട്‌ അനുസ​രണം പ്രകട​മാ​ക്കു​ന്ന​തിൽ “സകല സൽപ്ര​വൃ​ത്തി​കൾക്കും ഒരുങ്ങി​യി​രി”ക്കുകയും വേണം—2:11, 12; 3:1.

9. ശരിയായ ഉപദേ​ശ​ത്തി​ന്റെ പ്രാധാ​ന്യ​ത്തിന്‌ അടിവ​ര​യി​ടു​ന്നത്‌ എങ്ങനെ, വിശേ​ഷിച്ച്‌ ഒരു മേൽവി​ചാ​ര​കന്റെ ഉത്തരവാ​ദി​ത്വ​മെന്ന നിലയിൽ?

⁹ പരിശു​ദ്ധാ​ത്മാവ്‌ മേൽവി​ചാ​ര​കൻമാ​രോട്‌ ആവശ്യ​പ്പെ​ടു​ന്നത്‌ എന്താ​ണെന്നു കാണി​ച്ചു​ത​രു​ന്ന​തിൽ തീത്തൊസ്‌ 1:5-9, 1 തിമൊ​ഥെ​യൊസ്‌ 3:2-7-ന്‌ അനുപൂ​ര​ക​മാണ്‌. ഇതു മേൽവി​ചാ​രകൻ “വിശ്വാ​സ്യ​വ​ചനം മുറു​കെ​പ്പി​ടി​ക്കുന്ന”തിനും സഭയിൽ ഒരു ഉപദേ​ഷ്ടാ​വാ​യി​രി​ക്കു​ന്ന​തി​നും ദൃഢത കൊടു​ക്കു​ന്നു. എല്ലാവ​രെ​യും പക്വത​യി​ലേക്കു വരുത്തു​ന്ന​തിന്‌ ഇത്‌ എത്ര ആവശ്യ​മാണ്‌! യഥാർഥ​ത്തിൽ, ശരിയായ ഉപദേ​ശ​ത്തി​ന്റെ ഈ ആവശ്യം തീത്തൊ​സി​നു​ളള ലേഖന​ത്തിൽ പല പ്രാവ​ശ്യം ഊന്നി​പ്പ​റ​ഞ്ഞി​രി​ക്കു​ന്നു. “പത്ഥ്യോ​പ​ദേ​ശ​ത്തി​നു ചേരു​ന്നതു പ്രസ്‌താ​വി”ക്കാൻ പൗലൊസ്‌ തീത്തൊ​സി​നെ ബുദ്ധ്യു​പ​ദേ​ശി​ക്കു​ന്നു. വൃദ്ധമാർ ‘നൻമ ഉപദേ​ശി​ക്കു​ന്നവർ’ ആയിരി​ക്കേ​ണ്ട​താണ്‌, അടിമകൾ ‘അവരുടെ രക്ഷിതാ​വായ ദൈവ​ത്തി​ന്റെ ഉപദേ​ശത്തെ സകലത്തി​ലും അലങ്കരി​ക്കേണ്ട’താണ്‌. (തീത്തൊ. 1:9; 2:1, 3, 10) ഒരു മേൽവി​ചാ​ര​ക​നെന്ന നിലയിൽ തീത്തൊസ്‌ തന്റെ ഉപദേ​ശ​ത്തിൽ ദൃഢചി​ത്ത​നും നിർഭ​യ​നു​മാ​യി​രി​ക്കേ​ണ്ട​തി​ന്റെ ആവശ്യം ദൃഢീ​ക​രി​ച്ചു​കൊ​ണ്ടു പൗലൊസ്‌ പറയുന്നു: “ഇതു പൂർണ്ണ​ഗൌ​ര​വ​ത്തോ​ടെ പ്രസം​ഗി​ക്ക​യും പ്രബോ​ധി​പ്പി​ക്ക​യും ശാസി​ക്ക​യും ചെയ്‌ക.” അനുസ​രി​ക്കാ​ത്ത​വ​രു​ടെ കാര്യ​ത്തിൽ അവൻ പറയുന്നു: ‘അവർ വിശ്വാ​സ​ത്തിൽ ആരോ​ഗ്യ​മു​ള​ള​വ​രാ​യി​ത്തീ​രേ​ണ്ട​തി​ന്നു അവരെ കഠിന​മാ​യി ശാസിക്ക.’ അങ്ങനെ തീത്തൊ​സി​നു​ളള പൗലൊ​സി​ന്റെ ലേഖനം വിശേ​ഷാൽ “ഉപദേ​ശ​ത്തി​ന്നും ശാസന​ത്തി​ന്നും ഗുണീ​ക​ര​ണ​ത്തി​ന്നും നീതി​യി​ലെ അഭ്യാ​സ​ത്തി​ന്നും പ്രയോ​ജ​ന​മു​ള​ളതു ആകുന്നു.”—തീത്തൊ. 2:15; 1:13, 14; 2 തിമൊ. 3:16.

10. തീത്തൊ​സി​നു​ളള ലേഖനം നമ്മെ എന്തിൽ പ്രോ​ത്സാ​ഹി​പ്പി​ക്കു​ന്നു, അത്‌ ഏതു സന്തുഷ്ട​പ്ര​ത്യാ​ശയെ ഉത്തേജി​പ്പി​ക്കു​ന്നു?

¹⁰ തീത്തൊ​സി​നു​ളള ലേഖനം ദൈവ​ത്തി​ന്റെ അനർഹ​ദ​യ​യോ​ടു​ളള നമ്മുടെ വിലമ​തി​പ്പി​നെ ഉത്തേജി​പ്പി​ക്കു​ക​യും ‘നാം സന്തുഷ്ട​പ്ര​ത്യാ​ശ​ക്കും മഹാ​ദൈ​വ​ത്തി​ന്റെ​യും നമ്മുടെ രക്ഷകനായ ക്രിസ്‌തു​യേ​ശു​വി​ന്റെ​യും പ്രത്യ​ക്ഷ​ത​ക്കാ​യി കാത്തി​രി​ക്കെ,’ ലോക​ത്തി​ന്റെ അഭക്തി വിട്ടു​മാ​റാൻ നമ്മെ പ്രോ​ത്സാ​ഹി​പ്പി​ക്കു​ക​യും ചെയ്യുന്നു. അങ്ങനെ ചെയ്യു​ന്ന​തി​നാൽ, ക്രിസ്‌തു​യേ​ശു​വി​ലൂ​ടെ നീതി​മാൻമാ​രാ​യി പ്രഖ്യാ​പി​ക്ക​പ്പെ​ട്ടി​രി​ക്കു​ന്ന​വർക്കു ദൈവ​രാ​ജ്യ​ത്തിൽ “പ്രത്യാ​ശ​പ്ര​കാ​രം നിത്യ​ജീ​വന്റെ അവകാ​ശി​ക​ളാ​യി”ത്തീരാ​വു​ന്ന​താണ്‌.—തീത്തൊ. 2:13; 3:7, NW.

[അടിക്കു​റി​പ്പു​കൾ]