സഹിഷ്‌ണുത—ക്രിസ്‌ത്യാ​നി​കൾക്ക്‌ അത്യന്താ​പേ​ക്ഷി​തം

“നിങ്ങളു​ടെ വിശ്വാ​സ​ത്തി​നു . . . സഹിഷ്‌ണുത . . . പ്രദാനം ചെയ്യുക.”—2 പത്രോസ്‌ 1:5, 6, NW.

1, 2. നാമെ​ല്ലാം അവസാ​ന​ത്തോ​ളം സഹിച്ചു​നിൽക്കേ​ണ്ടത്‌ എന്തു​കൊണ്ട്‌?

ആ സഞ്ചാര​മേൽവി​ചാ​ര​ക​നും ഭാര്യ​യും തന്റെ 90-കളി​ലെ​ത്തിയ ഒരു സഹക്രി​സ്‌ത്യാ​നി​യെ സന്ദർശി​ക്കു​ക​യാ​യി​രു​ന്നു. അദ്ദേഹം മുഴു​സമയ ശുശ്രൂ​ഷ​യിൽ പതിറ​റാ​ണ്ടു​കൾ ചെലവ​ഴി​ച്ചി​രു​ന്നു. അവർ സംസാ​രി​ച്ചു​കൊ​ണ്ടി​രി​ക്കെ വർഷങ്ങൾക്കു​മു​മ്പു താൻ ആസ്വദി​ച്ചി​രുന്ന ചില പദവി​ക​ളെ​ക്കു​റിച്ച്‌ പ്രായം കൂടിയ സഹോ​ദരൻ അനുസ്‌മ​രി​ച്ചു. “എന്നാൽ ഇപ്പോൾ എനിക്ക്‌ അധിക​മൊ​ന്നും ചെയ്യാൻ കഴിയു​ന്നില്ല” എന്നു കവിളു​ക​ളി​ലൂ​ടെ കണ്ണുനീർ ഒഴുകി​ത്തു​ട​ങ്ങവേ അദ്ദേഹം വിലപി​ച്ചു. സഞ്ചാര​മേൽവി​ചാ​രകൻ തന്റെ ബൈബിൾ തുറന്ന്‌ “എന്നാൽ അവസാ​ന​ത്തോ​ളം സഹിച്ചു​നിൽക്കു​ന്നവൻ രക്ഷിക്ക​പ്പെ​ടും” എന്നു യേശു​ക്രി​സ്‌തു​വി​നെ ഉദ്ധരി​ക്കുന്ന മത്തായി 24:13 വായിച്ചു. എന്നിട്ട്‌ ആ മേൽവി​ചാ​രകൻ പ്രിയ സഹോ​ദ​രനെ നോക്കി​പ്പ​റഞ്ഞു: “നമുക്ക്‌ എത്രയ​ധി​ക​മോ എത്ര കുറച്ചോ ചെയ്യാൻ കഴിഞ്ഞാ​ലും നമു​ക്കെ​ല്ലാ​മുള്ള അന്തിമ നിയമനം അവസാ​ന​ത്തോ​ളം സഹിച്ചു​നിൽക്കാ​നാണ്‌.”

² അതേ, ക്രിസ്‌ത്യാ​നി​ക​ളെ​ന്ന​നി​ല​യിൽ നമ്മളെ​ല്ലാം ഈ വ്യവസ്ഥി​തി​യു​ടെ അന്ത്യം​വ​രെ​യോ നമ്മുടെ ജീവി​താ​വ​സാ​നം​വ​രെ​യോ സഹിച്ചു​നിൽക്കേ​ണ്ട​തുണ്ട്‌. രക്ഷക്കു​വേണ്ടി യഹോ​വ​യു​ടെ അംഗീ​കാ​രം നേടാൻ മററു യാതൊ​രു മാർഗ​വു​മില്ല. നാം ജീവനു​വേ​ണ്ടി​യുള്ള ഒരോ​ട്ട​ത്തി​ലാണ്‌, അവസാ​നം​വരെ നാം ‘സഹിഷ്‌ണു​ത​യോ​ടെ ഓടണം.’ (എബ്രായർ 12:1) അപ്പോ​സ്‌ത​ല​നായ പത്രോസ്‌ സഹക്രി​സ്‌ത്യാ​നി​ക​ളോ​ടു “നിങ്ങളു​ടെ വിശ്വാ​സ​ത്തി​നു . . . സഹിഷ്‌ണുത . . . പ്രദാനം ചെയ്യുക” എന്നു ബുദ്ധ്യു​പ​ദേ​ശി​ച്ച​പ്പോൾ ഈ ഗുണത്തി​ന്റെ പ്രാധാ​ന്യം ഊന്നി​പ്പ​റഞ്ഞു. (2 പത്രോസ്‌ 1:5, 6, NW) എന്നാൽ സഹിഷ്‌ണുത വാസ്‌ത​വ​ത്തിൽ എന്താണ്‌?

സഹിഷ്‌ണുത—അത്‌ അർഥമാ​ക്കു​ന്നത്‌

3, 4. സഹിഷ്‌ണുത പ്രകട​മാ​ക്കുക എന്നാൽ എന്താണ്‌ അർഥം?

³ സഹിച്ചു​നിൽക്കുക എന്നാൽ എന്താണ്‌ അർഥം? “സഹിച്ചു​നിൽക്കുക” എന്നതിന്റെ ഗ്രീക്ക്‌ ക്രിയ​യു​ടെ (ഹൈ​പോ​മീ​നൊ) വാച്യാർഥം “കീഴിൽ നില​കൊ​ള്ളുക അഥവാ കഴിയുക” എന്നാണ്‌. അതു ബൈബി​ളിൽ 17 പ്രാവ​ശ്യം വരുന്നുണ്ട്‌. നിഘണ്ടു നിർമാ​താ​ക്ക​ളായ ഡബ്ലിയു. എഫ്‌. ബോറും എഫ്‌. ഡബ്ലിയു. ഗിം​ഗ്രി​ച്ചും എഫ്‌. ഡാങ്കറും പറയു​ന്ന​ത​നു​സ​രിച്ച്‌ അതിന്റെ അർഥം “ഓടി​ര​ക്ഷ​പ്പെ​ടു​ന്ന​തി​നു​പ​കരം അവി​ടെ​ത്തന്നെ തുടരുക . . . , ഉറച്ചു​നിൽക്കുക, കീഴട​ക്ക​പ്പെ​ടാ​തെ നില​കൊ​ള്ളുക” എന്നാണ്‌. “സഹിഷ്‌ണുത” എന്നതിന്റെ ഗ്രീക്ക്‌ നാമം (ഹൈ​പോ​മോ​നി) 30-ലധികം പ്രാവ​ശ്യം വരുന്നുണ്ട്‌. അതി​നെ​ക്കു​റിച്ച്‌ വില്യം ബാർക്ലേ​യു​ടെ ഒരു പുതി​യ​നി​യമ പദഗ്രന്ഥം (A New Testament Wordbook) പറയുന്നു: “അതു കാര്യങ്ങൾ സഹിക്കാൻ കഴിവുള്ള മാനസി​ക​ഭാ​വ​മാണ്‌, കേവലം കീഴ്‌വ​ഴ​ക്ക​ത്തോ​ടെയല്ല മറിച്ചു തീക്ഷ്‌ണ​മായ പ്രത്യാ​ശ​യോ​ടെ . . . അത്‌ ഒരു മനുഷ്യ​നെ കാററി​നെ​തി​രെ തന്റെ പാദങ്ങ​ളിൽ നിർത്തുന്ന ഗുണമാണ്‌. അത്‌ ഏററവും കഠിന​മായ പരി​ശോ​ധ​നയെ മഹത്ത്വ​മാ​ക്കി മാററാൻ കഴിയുന്ന സദ്‌ഗു​ണ​മാണ്‌, കാരണം വേദന​യ്‌ക്ക​പ്പു​റം അതു ലക്ഷ്യം കാണുന്നു.”

⁴ അതു​കൊ​ണ്ടു തടസ്സങ്ങ​ളോ ബുദ്ധി​മു​ട്ടു​ക​ളോ ഭീഷണി​യാ​കു​മ്പോൾ ആശ കൈവി​ടാ​തെ ഉറച്ചു​നിൽക്കാൻ സഹിഷ്‌ണുത നമ്മെ പ്രാപ്‌ത​രാ​ക്കു​ന്നു. (റോമർ 5:3-5) അത്‌ ഇപ്പോ​ഴത്തെ വേദന​യ്‌ക്ക​പ്പു​റം ലക്ഷ്യത്തി​ലേക്ക്‌—സ്വർഗ​ത്തി​ലേ​താ​യാ​ലും ഭൂമി​യി​ലേ​താ​യാ​ലും, നിത്യ​ജീ​വ​നെന്ന സമ്മാന​ത്തി​ലേക്ക്‌ അഥവാ ദാനത്തി​ലേക്ക്‌—നോക്കു​ന്നു.—യാക്കോബ്‌ 1:12.

സഹിഷ്‌ണുത—എന്തു​കൊണ്ട്‌?

5. (എ) ക്രിസ്‌ത്യാ​നി​കൾക്കെ​ല്ലാം “സഹിഷ്‌ണു​ത​യു​ടെ ആവശ്യ”മുള്ളത്‌ എന്തു​കൊണ്ട്‌? (ബി) ഏതു രണ്ടു വിഭാ​ഗ​ങ്ങ​ളി​ലാ​യി നമ്മുടെ പരി​ശോ​ധ​ന​കളെ തരംതി​രി​ക്കാം?

⁵ ക്രിസ്‌ത്യാ​നി​ക​ളെ​ന്ന​നി​ല​യിൽ നമു​ക്കെ​ല്ലാം “സഹിഷ്‌ണുത . . . ആവശ്യ”മാണ്‌. (എബ്രായർ 10:36) എന്തു​കൊണ്ട്‌? അടിസ്ഥാ​ന​പ​ര​മാ​യി, നാം “വിവിധ പരീക്ഷ​ക​ളിൽ അകപ്പെടു”ന്നതു​കൊണ്ട്‌. ഇവിടെ യാക്കോബ്‌ 1:2-ലെ ഗ്രീക്ക്‌ പാഠം അപ്രതീ​ക്ഷി​ത​മോ അനിഷ്ട​ക​ര​മോ ആയ സംഘട്ട​നത്തെ സൂചി​പ്പി​ക്കു​ന്നു, ഒരു വ്യക്തി​യു​മാ​യി ഒരു കവർച്ച​ക്കാ​രൻ ഏററു​മു​ട്ടു​മ്പോ​ഴെ​ന്ന​പോ​ലെ​തന്നെ. (ലൂക്കൊസ്‌ 10:30 താരത​മ്യം ചെയ്യുക.) രണ്ടു വിഭാ​ഗ​ങ്ങ​ളാ​യി തരംതി​രി​ക്കാ​വുന്ന പീഡാ​നു​ഭ​വങ്ങൾ നമുക്കു നേരി​ടു​ന്നു: അവകാ​ശ​പ്പെ​ടു​ത്തിയ പാപത്തി​ന്റെ ഫലമായി മനുഷ്യർക്കു സാധാ​ര​ണ​മാ​യ​വ​യും നമ്മുടെ ദൈവ​ഭ​ക്തി​മൂ​ലം വികാസം പ്രാപി​ക്കു​ന്ന​വ​യും. (1 കൊരി​ന്ത്യർ 10:13; 2 തിമൊ​ഥെ​യൊസ്‌ 3:12) ഈ പീഡാ​നു​ഭ​വ​ങ്ങ​ളിൽ ചിലത്‌ ഏതൊ​ക്കെ​യാണ്‌?

6. വേദനാ​ജ​ന​ക​മായ ഒരു രോഗത്തെ അഭിമു​ഖീ​ക​രി​ച്ച​പ്പോൾ ഒരു സാക്ഷി സഹിച്ചു​നി​ന്നത്‌ എങ്ങനെ?

⁶ ഗുരു​ത​ര​മായ രോഗം. തിമോ​ഥെ​യോ​സി​നെ​പ്പോ​ലെ ചില ക്രിസ്‌ത്യാ​നി​കൾ “കൂടെ​ക്കൂ​ടെ​യുള്ള രോഗം” സഹി​ക്കേ​ണ്ടി​യി​രി​ക്കു​ന്നു. (1 തിമോ​ഥെ​യോസ്‌ 5:23, NW) വിശേ​ഷിച്ച്‌ വിട്ടു​മാ​റാത്ത, ഒരുപക്ഷേ വളരെ വേദന​യുള്ള, ഒരു രോഗം പിടി​പെ​ടു​മ്പോൾ നമ്മുടെ ക്രിസ്‌തീയ പ്രത്യാശ നഷ്ടപ്പെ​ടാ​തെ ദൈവിക സഹായ​ത്താൽ നാം ഉറച്ചു​നിൽക്കേ​ണ്ട​തുണ്ട്‌, സഹിച്ചു​നിൽക്കേ​ണ്ട​തുണ്ട്‌. അതി​വേഗം വളർന്നു​കൊ​ണ്ടി​രുന്ന ഒരു ആപത്‌ക​ര​മായ മുഴയ്‌ക്കെ​തി​രെ ഒരു നീണ്ട കഠിന പോരാ​ട്ടം നടത്തിയ, 50-കളുടെ ആരംഭ​ത്തി​ലെ​ത്തിയ ഒരു സാക്ഷി​യു​ടെ ഉദാഹ​രണം പരിചി​ന്തി​ക്കുക. രണ്ടു ശസ്‌ത്ര​ക്രി​യ​ക​ളിൽ രക്തപ്പകർച്ചകൾ സ്വീക​രി​ക്കു​ന്ന​തി​നെ​തി​രെ​യുള്ള തീരു​മാ​ന​ത്തിൽ അദ്ദേഹം ഉറച്ചു​നി​ന്നു. (പ്രവൃ​ത്തി​കൾ 15:28, 29) എന്നാൽ മുഴ വീണ്ടും അടിവ​യ​റ​റിൽ പ്രത്യ​ക്ഷ​പ്പെ​ടു​ക​യും നട്ടെല്ലി​ന​ടു​ത്തു തുടർന്നു​വ​ള​രു​ക​യും ചെയ്‌തു. അങ്ങനെ വളരവേ, ഏതളവി​ലു​മുള്ള ഔഷധ​പ്ര​യോ​ഗ​ത്തി​നു ശമിപ്പി​ക്കാൻ കഴിയാഞ്ഞ, അചിന്ത​നീ​യ​മായ ശാരീ​രി​ക​വേദന അദ്ദേഹം അനുഭ​വി​ച്ചു. എന്നിട്ടും അദ്ദേഹം ഇപ്പോ​ഴത്തെ വേദന​യ്‌ക്കു​മ​പ്പു​റം പുതി​യ​ലോ​ക​ത്തി​ലെ ജീവന്റെ സമ്മാന​ത്തി​ലേക്കു നോക്കി. അദ്ദേഹം തന്റെ ജ്വലി​ക്കുന്ന പ്രത്യാശ ഡോക്ടർമാർക്കും നേഴ്‌സു​മാർക്കും സന്ദർശ​കർക്കും പങ്കു​വെ​ക്കു​ന്ന​തിൽ തുടർന്നു. അവസാ​നം​വരെ—ജീവി​താ​വ​സാ​നം​വരെ—അദ്ദേഹം സഹിച്ചു​നി​ന്നു. നിങ്ങളു​ടെ ആരോ​ഗ്യ​പ്ര​ശ്‌നം ആ പ്രിയ സഹോ​ദരൻ അനുഭ​വി​ച്ച​തു​പോ​ലെ ജീവനെ അത്ര ഭീഷണി​പ്പെ​ടു​ത്തു​ന്ന​തോ വേദനാ​ക​ര​മോ അല്ലായി​രി​ക്കാം, എന്നാൽത്ത​ന്നെ​യും അതു സഹിഷ്‌ണു​ത​യു​ടെ ഒരു പരി​ശോ​ധന ഉളവാ​ക്കി​യേ​ക്കാം.

7. നമ്മുടെ ചില ആത്മീയ സഹോ​ദ​രീ​സ​ഹോ​ദ​രൻമാർക്കു സഹിഷ്‌ണു​ത​യിൽ ഏതുതരം വേദന ഉൾപ്പെ​ട്ടി​രി​ക്കു​ന്നു?

⁷ വൈകാ​രിക വേദന. യഹോ​വ​യു​ടെ ജനത്തിൽപ്പെട്ട ചിലർ ഇടയ്‌ക്കി​ട​യ്‌ക്ക്‌, “മനോ​വ്യ​സന”ത്തിൽ കലാശി​ക്കുന്ന “ഹൃദയ​വേദന”യെ അഭിമു​ഖീ​ക​രി​ക്കു​ന്നു. (സദൃശ​വാ​ക്യ​ങ്ങൾ 15:13, NW) “ഇടപെ​ടാൻ പ്രയാ​സ​മായ” ഇക്കാല​ങ്ങ​ളിൽ കഠിന​മായ വിഷാദം അസാധാ​ര​ണമല്ല. (2 തിമോ​ഥെ​യോസ്‌ 3:1, NW) ആയിര​ത്തി​ത്തൊ​ള്ളാ​യി​ര​ത്തി​ത്തൊ​ണ്ണൂ​റ​റി​രണ്ട്‌ ഡിസംബർ 5-ലെ സയൻസ്‌ ന്യൂസ്‌ ഇങ്ങനെ റിപ്പോർട്ടു ചെയ്‌തു: “1915-നെ തുടർന്നു​വന്ന ഓരോ തലമു​റ​യി​ലും കഠിന​മായ, മിക്ക​പ്പോ​ഴും അശക്തമാ​ക്കുന്ന, വിഷാ​ദ​ത്തി​ന്റെ നിരക്കു​കൾ വർധി​ച്ചി​രി​ക്കു​ന്നു.” ഇത്തരം വിഷാ​ദ​ത്തി​ന്റെ കാരണങ്ങൾ ശാരീ​രി​ക​ഘ​ട​ക​ങ്ങൾമു​തൽ വേദനാ​ജ​ന​ക​മാം​വി​ധം അനിഷ്ട​ക​ര​മായ അനുഭ​വ​ങ്ങൾവരെ വിവി​ധ​ങ്ങ​ളാണ്‌. ചില ക്രിസ്‌ത്യാ​നി​കൾക്ക്‌, സഹിഷ്‌ണു​ത​യിൽ വൈകാ​രിക വേദന​യു​ടെ ഭീഷണി​യിൻകീ​ഴിൽ ഉറച്ചു നിൽക്കാ​നുള്ള ഒരു അനുദിന പോരാ​ട്ടം ഉൾപ്പെ​ടു​ന്നു. എന്നിട്ടും അവർ വിട്ടു​കൊ​ടു​ക്കു​ന്നില്ല. കണ്ണുനീർ ഗണ്യമാ​ക്കാ​തെ അവർ യഹോ​വ​യോ​ടുള്ള വിശ്വ​സ്‌ത​ത​യിൽ നിലനിൽക്കു​ന്നു.—സങ്കീർത്തനം 126:5, 6 താരത​മ്യം ചെയ്യുക.

8. നാം ഏതു സാമ്പത്തി​ക​മായ പരി​ശോ​ധ​നയെ അഭിമു​ഖീ​ക​രി​ച്ചേ​ക്കാം?

⁸ നാം അഭിമു​ഖീ​ക​രി​ക്കുന്ന വിവിധ പീഡാ​നു​ഭ​വ​ങ്ങ​ളിൽ ഗുരു​ത​ര​മായ സാമ്പത്തിക ക്ലേശം ഉൾപ്പെ​ട്ടേ​ക്കാം. യു.എസ്‌.എ.-യിലെ ന്യൂ​ജേ​ഴ്‌സി​യി​ലുള്ള ഒരു സഹോ​ദ​രനു പെട്ടെന്നു ജോലി​യി​ല്ലാ​താ​യ​പ്പോൾ, നമുക്കു മനസ്സി​ലാ​ക്കാ​വു​ന്ന​തു​പോ​ലെ, അദ്ദേഹം തന്റെ കുടും​ബത്തെ പുലർത്തു​ന്ന​തി​നെ​ക്കു​റി​ച്ചും ഭവനം നഷ്ടപ്പെ​ടാ​തി​രി​ക്കു​ന്ന​തി​നെ​ക്കു​റി​ച്ചും ഉത്‌ക​ണ്‌ഠാ​കു​ല​നാ​യി. എന്നുവ​രി​കി​ലും അദ്ദേഹ​ത്തി​നു രാജ്യ​പ്ര​ത്യാ​ശ​യു​ടെ കാഴ്‌ച​പ്പാ​ടു നഷ്ടപ്പെ​ട്ടില്ല. മറെറാ​രു ജോലി അന്വേ​ഷി​ക്കു​ന്ന​തി​നി​ട​യിൽ ഒരു സഹായ പയനി​യ​റാ​യി സേവി​ക്കാ​നുള്ള അവസരത്തെ അദ്ദേഹം പ്രയോ​ജ​ന​പ്പെ​ടു​ത്തി. കാല​ക്ര​മ​ത്തിൽ അദ്ദേഹം ഒരു ജോലി കണ്ടെത്തി.—മത്തായി 6:25-34.

9. (എ) പ്രിയ​പ്പെട്ട ഒരാളെ നമുക്കു മരണത്തിൽ നഷ്ടപ്പെ​ടു​ന്നതു സഹിഷ്‌ണുത ആവശ്യ​മാ​ക്കി​ത്തീർത്തേ​ക്കാ​വു​ന്നത്‌ എങ്ങനെ? (ബി) ദുഃഖ​ത്തിൻ കണ്ണുനീർ പൊഴി​ക്കു​ന്നതു തെററ​ല്ലെന്ന്‌ പ്രകട​മാ​ക്കുന്ന തിരു​വെ​ഴു​ത്തു​കൾ ഏവ?

⁹ നിങ്ങൾക്ക്‌, പ്രിയ​പ്പെട്ട ഒരാളെ മരണത്തിൽ നഷ്ടപ്പെട്ട അനുഭ​വ​മു​ണ്ടാ​യി​ട്ടു​ണ്ടെ​ങ്കിൽ, നിങ്ങളു​ടെ ചുററു​മു​ള്ളവർ തങ്ങളുടെ സാധാരണ ദിനച​ര്യ​യി​ലേക്കു തിരി​ച്ചു​വ​ന്ന​തി​നു​ശേ​ഷ​വും ദീർഘ​മാ​യി നിലനിൽക്കുന്ന സഹിഷ്‌ണു​ത​യു​ടെ ആവശ്യം നിങ്ങൾക്കുണ്ട്‌. നിങ്ങളു​ടെ പ്രിയ​പ്പെട്ട വ്യക്തി മരിച്ച സമയ​ത്തോ​ട​ടുത്ത്‌ ഓരോ​വർഷ​വും നിങ്ങൾക്കു വിശേ​ഷിച്ച്‌ ബുദ്ധി​മു​ട്ട​നു​ഭ​വ​പ്പെ​ടു​ന്ന​താ​യി​പോ​ലും നിങ്ങൾ കണ്ടെത്തി​യേ​ക്കാം. അത്തരം ഒരു നഷ്ടത്തിന്റെ സഹനം ദുഃഖ​ത്തി​ന്റെ കണ്ണുനീർ പൊഴി​ക്കു​ന്നതു തെററാ​ണെന്ന്‌ അർഥമാ​ക്കു​ന്നില്ല. നാം സ്‌നേ​ഹിച്ച ഒരാളു​ടെ മരണത്തിൽ ദുഃഖം പ്രകടി​പ്പി​ക്കു​ന്നതു സ്വാഭാ​വി​ക​മാണ്‌, ഇതു യാതൊ​രു തരത്തി​ലും പുനരു​ത്ഥാ​ന​പ്ര​ത്യാ​ശ​യി​ലെ വിശ്വാ​സ​ക്കു​റ​വി​നെ സൂചി​പ്പി​ക്കു​ന്നില്ല. (ഉല്‌പത്തി 23:2; എബ്രായർ 11:19 താരത​മ്യം ചെയ്യുക.) ലാസറി​ന്റെ മരണ​ശേഷം, “നിന്റെ സഹോ​ദരൻ ഉയിർത്തെ​ഴു​ന്നേ​ല്‌ക്കും” എന്നു യേശു ദൃഢവി​ശ്വാ​സ​ത്തോ​ടെ മാർത്ത​യോ​ടു പറഞ്ഞെ​ങ്കി​ലും അവിടു​ന്നു “കണ്ണുനീർ വാർത്തു.” ലാസർ ഉയിർത്തെ​ഴു​ന്നേൽക്കു​ക​തന്നെ ചെയ്‌തു!—യോഹ​ന്നാൻ 11:23, 32-35, 41-44.

10. യഹോ​വ​യു​ടെ സാക്ഷി​കൾക്കു സഹിഷ്‌ണു​ത​യു​ടെ ഒരു അസാധാ​ര​ണ​മായ ആവശ്യം ഉള്ളതെ​ന്തു​കൊണ്ട്‌?

¹⁰ എല്ലാ മനുഷ്യർക്കും സാധാ​ര​ണ​മാ​യി​രി​ക്കുന്ന പരി​ശോ​ധ​നകൾ സഹിക്കു​ന്നതു കൂടാതെ യഹോ​വ​യു​ടെ ജനത്തിനു സഹിഷ്‌ണു​ത​യു​ടെ അസാധാ​ര​ണ​മായ ഒരു ആവശ്യ​മുണ്ട്‌. “എന്റെ നാമം നിമിത്തം സകലജാ​തി​ക​ളും നിങ്ങളെ പകെക്കും” എന്നു യേശു മുന്നറി​യി​പ്പു നൽകി. (മത്തായി 24:9) “അവർ എന്നെ ഉപദ്ര​വി​ച്ചെ​ങ്കിൽ നിങ്ങ​ളെ​യും ഉപദ്ര​വി​ക്കു”മെന്നും അവിടു​ന്നു പറഞ്ഞു. (യോഹ​ന്നാൻ 15:20) ഈ പകയും പീഡന​വും എല്ലാം എന്തു​കൊണ്ട്‌? എന്തു​കൊ​ണ്ടെ​ന്നാൽ, ദൈവ​ത്തി​ന്റെ ദാസൻമാ​രാ​യി നാം ഈ ഭൂമി​യി​ലെ​വി​ടെ ജീവി​ച്ചാ​ലും യഹോ​വ​യോ​ടുള്ള നമ്മുടെ നിർമ​ല​തയെ തകർക്കാൻ സാത്താൻ ശ്രമി​ച്ചു​കൊ​ണ്ടി​രി​ക്കു​ക​യാണ്‌. (1 പത്രൊസ്‌ 5:8; വെളി​പ്പാ​ടു 12:17 താരത​മ്യം ചെയ്യുക.) ഈ ഉദ്ദേശ്യ​ത്തിൽ, നമ്മുടെ സഹിഷ്‌ണു​തയെ കഠിന​മായ പരി​ശോ​ധ​നക്കു വിധേ​യ​മാ​ക്കി​ക്കൊ​ണ്ടു സാത്താൻ മിക്ക​പ്പോ​ഴും പീഡന​ത്തി​ന്റെ തീജ്വാല ആളിച്ചി​ട്ടുണ്ട്‌.

11, 12. (എ) യഹോ​വ​യു​ടെ സാക്ഷി​ക​ളും അവരുടെ കുട്ടി​ക​ളും 1930-കളിലും 1940-കളുടെ തുടക്ക​ത്തി​ലും സഹിഷ്‌ണു​ത​യു​ടെ എന്തു പരി​ശോ​ധ​നയെ അഭിമു​ഖീ​ക​രി​ച്ചു? (ബി) യഹോ​വ​യു​ടെ സാക്ഷികൾ ദേശീയ പതാകയെ വന്ദിക്കു​ക​യി​ല്ലാ​ത്തത്‌ എന്തു​കൊണ്ട്‌?

¹¹ ഉദാഹ​ര​ണ​ത്തിന്‌, മനഃസാ​ക്ഷി​പ​ര​മായ കാരണ​ങ്ങ​ളാൽ ദേശീയ പതാകയെ വന്ദിക്കാൻ വിസമ്മ​തി​ച്ച​തിന്‌ 1930-കളിലും 1940-കളുടെ തുടക്ക​ത്തി​ലും ഐക്യ​നാ​ടു​ക​ളി​ലും കാനഡ​യി​ലും യഹോ​വ​യു​ടെ സാക്ഷി​ക​ളും അവരുടെ കുട്ടി​ക​ളും പീഡന​ത്തി​നി​ര​യാ​യി. തങ്ങൾ ജീവി​ക്കുന്ന ദേശത്തി​ന്റെ പതാകയെ അവർ ബഹുമാ​നി​ക്കു​ന്നു, എന്നാൽ അവർ ദൈവ​ത്തി​ന്റെ ന്യായ​പ്ര​മാ​ണ​ത്തിൽ “ഒരു വിഗ്രഹം ഉണ്ടാക്ക​രു​തു; മീതെ സ്വർഗ്ഗ​ത്തിൽ എങ്കിലും താഴെ ഭൂമി​യിൽ എങ്കിലും ഭൂമിക്കു കീഴെ വെള്ളത്തിൽ എങ്കിലും ഉള്ള യാതൊ​ന്നി​ന്റെ പ്രതി​മ​യും അരുതു. അവയെ നമസ്‌ക​രി​ക്ക​യോ സേവി​ക്ക​യോ ചെയ്യരു​തു. നിന്റെ ദൈവ​മായ യഹോ​വ​യായ ഞാൻ തീക്ഷ്‌ണ​ത​യുള്ള ദൈവം ആകുന്നു” എന്നു പുറപ്പാ​ടു 20:4, 5-ൽ സ്ഥാപി​ച്ചി​രി​ക്കുന്ന തത്ത്വം അനുസ​രി​ക്കു​ന്നു. സാക്ഷി​ക​ളായ ചില സ്‌കൂൾക്കു​ട്ടി​കൾ തങ്ങളുടെ ആരാധന യഹോ​വ​യാം ദൈവ​ത്തി​ലേക്കു മാത്ര​മാ​യി തിരി​ച്ചു​വി​ടാൻ ആഗ്രഹി​ച്ച​തി​നാൽ പുറത്താ​ക്ക​പ്പെ​ട്ട​പ്പോൾ അവരുടെ പഠനത്തി​നാ​യി സാക്ഷികൾ രാജ്യ സ്‌കൂ​ളു​കൾ സ്ഥാപിച്ചു. ഉദ്‌ബു​ദ്ധ​മായ രാഷ്‌ട്രങ്ങൾ ഇന്നു ചെയ്യു​ന്ന​തു​പോ​ലെ, ഐക്യ​നാ​ടു​ക​ളി​ലെ സുപ്രീം കോടതി അവരുടെ മതപര​മായ നിലപാ​ടി​നെ അംഗീ​ക​രി​ച്ച​പ്പോൾ ഈ വിദ്യാർഥി​കൾ പൊതു വിദ്യാ​ല​യ​ങ്ങ​ളി​ലേക്കു തിരി​ച്ചു​പോ​യി. എന്നിരു​ന്നാ​ലും, ഈ ചെറു​പ്പ​ക്കാ​രു​ടെ ധീരമായ സഹിഷ്‌ണുത വിശേ​ഷി​ച്ചും ഇപ്പോൾ ബൈബിൾനി​ല​വാ​ര​ങ്ങൾക്കു ചേർച്ച​യിൽ ജീവി​ക്കാൻ ശ്രമി​ക്കു​ന്ന​തി​നാൽ പരിഹാ​സത്തെ നേരി​ടുന്ന ക്രിസ്‌തീയ യുവാ​ക്കൾക്ക്‌ ഒരുത്തമ ദൃഷ്ടാ​ന്ത​മാ​യി ഉതകുന്നു.—1 യോഹ​ന്നാൻ 5:21.

¹² സഹിഷ്‌ണുത നമുക്കാ​വ​ശ്യ​മാ​യി​രി​ക്കു​ന്നത്‌ എന്തു​കൊ​ണ്ടെന്നു നമുക്കു നേരി​ടുന്ന വിവിധ പീഡാ​നു​ഭ​വങ്ങൾ—മനുഷ്യർക്കു സാധാ​ര​ണ​മാ​യ​വ​യും നമ്മുടെ ക്രിസ്‌തീയ വിശ്വാ​സം നിമി​ത്ത​മു​ള്ള​വ​യും—സൂചി​പ്പി​ക്കു​ന്നു. എന്നാൽ നമു​ക്കെ​ങ്ങനെ സഹിച്ചു​നിൽക്കാൻ കഴിയും?

അവസാ​ന​ത്തോ​ളം സഹിച്ചു​നിൽക്കുക—എങ്ങനെ?

13. യഹോവ സഹിഷ്‌ണുത പ്രദാനം ചെയ്യു​ന്നത്‌ എങ്ങനെ?

¹³ ദൈവ​ജ​ന​ത്തി​നു യഹോ​വയെ ആരാധി​ക്കാ​ത്ത​വരെ അപേക്ഷി​ച്ചു സുനി​ശ്ചി​ത​മായ ഒരു പ്രയോ​ജ​ന​മുണ്ട്‌. സഹായ​ത്തി​നു​വേണ്ടി അവർക്ക്‌ “സഹിഷ്‌ണുത . . . പ്രദാനം ചെയ്യുന്ന ദൈവ”ത്തോട്‌ അപേക്ഷി​ക്കാൻ കഴിയും. (റോമർ 15:5, NW) എന്നാൽ എങ്ങനെ​യാ​ണു യഹോവ സഹിഷ്‌ണുത പ്രദാനം ചെയ്യു​ന്നത്‌? അവിടുന്ന്‌ അങ്ങനെ ചെയ്യുന്ന ഒരു മാർഗം തന്റെ വചനമായ ബൈബി​ളിൽ രേഖ​പ്പെ​ടു​ത്തി​യി​രി​ക്കുന്ന സഹിഷ്‌ണു​ത​യു​ടെ ദൃഷ്ടാ​ന്ത​ങ്ങ​ളി​ലൂ​ടെ​യാണ്‌. (റോമർ 15:4) ഇവയെ​ക്കു​റി​ച്ചു ഗൗരവ​മാ​യി ചിന്തി​ക്കു​മ്പോൾ, നാം സഹിച്ചു​നിൽക്കാൻ പ്രോ​ത്സാ​ഹി​പ്പി​ക്ക​പ്പെ​ടുക മാത്രമല്ല എങ്ങനെ സഹിച്ചു​നിൽക്കാ​മെ​ന്നു​ള്ള​തി​നെക്കു​റി​ച്ചു വളരെ​യ​ധി​കം പഠിക്കു​ക​യും ചെയ്യും. മികച്ച രണ്ടു ദൃഷ്ടാ​ന്തങ്ങൾ പരിചി​ന്തി​ക്കുക—ഇയ്യോ​ബി​ന്റെ ധൈര്യ​സ​മേ​ത​മുള്ള സഹിഷ്‌ണു​ത​യും യേശു​ക്രി​സ്‌തു​വി​ന്റെ കുററ​മററ സഹിഷ്‌ണു​ത​യും.—എബ്രായർ 12:1-3; യാക്കോബ്‌ 5:11.

14, 15. (എ) ഇയ്യോബ്‌ ഏതു പീഡാ​നു​ഭ​വങ്ങൾ സഹിച്ചു​നി​ന്നു? (ബി) ഇയ്യോബ്‌ തനിക്കു നേരിട്ട പീഡാ​നു​ഭ​വ​ങ്ങളെ സഹിച്ചു​നിൽക്കാൻ പ്രാപ്‌ത​നാ​യത്‌ എങ്ങനെ?

¹⁴ ഏതു സാഹച​ര്യ​ങ്ങ​ളാണ്‌ ഇയ്യോ​ബി​ന്റെ സഹിഷ്‌ണു​തയെ പരി​ശോ​ധ​നക്കു വിധേ​യ​മാ​ക്കി​യത്‌? തന്റെ സ്വത്തു​ക്ക​ളിൽ മിക്കതും നഷ്ടമാ​യ​പ്പോൾ അദ്ദേഹ​ത്തി​നു സാമ്പത്തിക ക്ലേശം അനുഭ​വ​പ്പെട്ടു. (ഇയ്യോബ്‌ 1:14-17; ഇയ്യോബ്‌ 1:3 താരത​മ്യം ചെയ്യുക.) തന്റെ പത്തു മക്കളും ഒരു കൊടു​ങ്കാ​റ​റിൽ മരിച്ച​പ്പോൾ ഇയ്യോ​ബി​നു നഷ്ടവേദന അനുഭ​വ​പ്പെട്ടു. (ഇയ്യോബ്‌ 1:18-21) അദ്ദേഹം ഗുരു​ത​ര​മായ, വേദനാ​ജ​ന​ക​മായ രോഗം അനുഭ​വി​ച്ചു. (ഇയ്യോബ്‌ 2:7, 8; 7:4, 5) ദൈവ​ത്തിൽനിന്ന്‌ അകന്നു​മാ​റാൻ ഭാര്യ സമ്മർദം ചെലുത്തി. (ഇയ്യോബ്‌ 2:9) അടുത്ത ചങ്ങാതി​മാർ മുറി​പ്പെ​ടു​ത്തു​ന്ന​തും ദയാര​ഹി​ത​വും അസത്യ​വും ആയ കാര്യങ്ങൾ ഓതി​ക്കൊ​ടു​ത്തു. (ഇയ്യോബ്‌ 16:1-3-ഉം ഇയ്യോബ്‌ 42:7-ഉം താരത​മ്യം ചെയ്യുക.) എന്നിരു​ന്നാ​ലും, ഇതി​ലെ​ല്ലാം നിർമലത കാത്തു​കൊണ്ട്‌ ഇയ്യോബ്‌ ഉറച്ചു​നി​ന്നു. (ഇയ്യോബ്‌ 27:5) അദ്ദേഹം സഹിച്ചവ ഇന്നു യഹോ​വ​യു​ടെ ജനത്തിനു നേരി​ടുന്ന പീഡാ​നു​ഭ​വ​ങ്ങൾക്കു സമാന​മാണ്‌.

¹⁵ ഇയ്യോബ്‌ ആ പീഡാ​നു​ഭ​വങ്ങൾ എല്ലാം സഹിച്ചു​നിൽക്കാൻ പ്രാപ്‌ത​നാ​യത്‌ എങ്ങനെ​യാ​യി​രു​ന്നു? ഇയ്യോ​ബി​നെ പുലർത്തിയ ഒരു പ്രത്യേക സംഗതി പ്രത്യാ​ശ​യാ​യി​രു​ന്നു. അദ്ദേഹം പ്രസ്‌താ​വി​ച്ചു: “ഒരു വൃക്ഷമാ​യി​രു​ന്നാൽ പ്രത്യാ​ശ​യുണ്ട്‌; അതിനെ വെട്ടി​യാൽ പിന്നെ പൊട്ടി കിളുർക്കും; അതു ഇളങ്കൊ​മ്പു​കൾ വിടാ​തി​രി​ക്ക​യില്ല.” (ഇയ്യോബ്‌ 14:7) എന്തു പ്രത്യാ​ശ​യാണ്‌ ഇയ്യോ​ബിന്‌ ഉണ്ടായി​രു​ന്നത്‌? ഏതാനും വാക്യ​ങ്ങൾക്കു​ശേഷം രേഖ​പ്പെ​ടു​ത്തി​യി​രി​ക്കു​ന്ന​പ്ര​കാ​രം അദ്ദേഹം പ്രസ്‌താ​വി​ച്ചു: “മനുഷ്യൻ മരിച്ചാൽ വീണ്ടും ജീവി​ക്കു​മോ? . . . നീ വിളി​ക്കും; ഞാൻ നിന്നോ​ടു ഉത്തരം പറയും; നിന്റെ കൈ​വേ​ല​യോ​ടു നിനക്കു താല്‌പ​ര്യ​മു​ണ്ടാ​കും [അല്ലെങ്കിൽ വാഞ്‌ഛി​ക്കും].” (ഇയ്യോബ്‌ 14:14, 15) അതേ, ഇയ്യോബ്‌ തത്‌കാ​ലത്തെ തന്റെ വേദന​യ്‌ക്ക​പ്പു​റം കണ്ടു. തന്റെ പീഡാ​നു​ഭ​വങ്ങൾ എന്നേക്കും നിലനിൽക്കി​ല്ലെന്ന്‌ അദ്ദേഹ​ത്തി​ന​റി​യാ​മാ​യി​രു​ന്നു. ഏറിയാൽ താൻ മരണം​വരെ സഹിച്ചു​നിൽക്കേ​ണ്ടി​വ​രു​മാ​യി​രു​ന്നു. മരിച്ച​വരെ ഉയിർപ്പി​ക്കാൻ സ്‌നേ​ഹ​പൂർവം ആഗ്രഹി​ക്കുന്ന യഹോവ തന്നെ ജീവനി​ലേക്കു തിരികെ വരുത്തും എന്നതാ​യി​രു​ന്നു അദ്ദേഹ​ത്തി​ന്റെ പ്രത്യാ​ശാ​നിർഭ​ര​മായ പ്രതീക്ഷ.—പ്രവൃ​ത്തി​കൾ 24:15.

16. (എ) ഇയ്യോ​ബി​ന്റെ ദൃഷ്ടാ​ന്ത​ത്തിൽനി​ന്നു സഹിഷ്‌ണുത സംബന്ധി​ച്ചു നാം എന്തു പഠിക്കു​ന്നു? (ബ) രാജ്യ​പ്ര​ത്യാ​ശ നമുക്ക്‌ എത്ര യഥാർഥ​മാ​യി​രി​ക്കണം, എന്തു​കൊണ്ട്‌?

¹⁶ ഇയ്യോ​ബി​ന്റെ സഹിഷ്‌ണു​ത​യിൽനി​ന്നു നാം എന്തു പഠിക്കു​ന്നു? അവസാ​ന​ത്തോ​ളം സഹിച്ചു​നിൽക്കു​ന്ന​തിന്‌ നാം ഒരിക്ക​ലും നമ്മുടെ പ്രത്യാ​ശ​യു​ടെ കാഴ്‌ച​പ്പാ​ടു നഷ്ടപ്പെ​ടു​ത്ത​രുത്‌. രാജ്യ​പ്ര​ത്യാ​ശ​യു​ടെ ഉറപ്പ്‌ നമുക്കു നേരി​ടുന്ന ഏതു കഷ്ടപ്പാ​ടും താരത​മ്യേന “ക്ഷണിക”മാണെന്ന്‌ അർഥമാ​ക്കു​ന്നു എന്നും ഓർക്കുക. (2 കൊരി​ന്ത്യർ 4:16-18, NW) ‘അവൻ [നമ്മുടെ] കണ്ണുക​ളിൽനി​ന്നു കണ്ണുനീർ എല്ലാം തുടച്ചു​ക​ള​യു​ക​യും മരണമോ കരച്ചി​ലോ മുറവി​ളി​യോ വേദന​യോ മേലാൽ ഇല്ലാതി​രി​ക്ക​യും ചെയ്യു’ന്ന, സമീപ​ഭാ​വി​കാ​ല​ത്തെ​ക്കു​റി​ച്ചുള്ള യഹോ​വ​യു​ടെ വാഗ്‌ദ​ത്ത​ത്തി​ലാ​ണു നമ്മുടെ വില​യേ​റിയ പ്രത്യാശ ഉറപ്പായി അധിഷ്‌ഠി​ത​മാ​യി​രി​ക്കു​ന്നത്‌. (വെളി​പ്പാ​ടു 21:3, 4) “നിരാ​ശ​യി​ലേക്കു നയിക്കു​ന്നി”ല്ലാത്ത ആ പ്രത്യാശ നമ്മുടെ ചിന്തയെ കാക്കേ​ണ്ട​താണ്‌. (റോമർ 5:4, 5; 1 തെസ്സ​ലൊ​നീ​ക്യർ 5:8) അതു നമുക്കു യഥാർഥ​മാ​യി​രി​ക്കണം—വിശ്വാ​സ​ക്ക​ണ്ണു​ക​ളി​ലൂ​ടെ നാം പുതിയ ലോക​ത്തിൽ ആയിരി​ക്കു​ന്ന​താ​യി വിഭാ​വനം ചെയ്യാൻ കഴിയ​ത്ത​ക്ക​വണ്ണം അത്ര യഥാർഥ​മാ​യി​രി​ക്കണം—മേലാൽ രോഗ​ത്തോ​ടോ വിഷാ​ദ​ത്തോ​ടോ പൊരു​താ​തെ, ദിവസ​വും നല്ല ആരോ​ഗ്യ​ത്തോ​ടും ശുദ്ധമായ മനസ്സോ​ടും കൂടെ ഉണരുന്നു; മേലാൽ ഗുരു​ത​ര​മായ സാമ്പത്തിക സമ്മർദ​ങ്ങ​ളെ​ക്കു​റിച്ച്‌ ഉത്‌ക​ണ്‌ഠ​പ്പെ​ടാ​തെ സുരക്ഷി​ത​ത്വ​ത്തിൽ ജീവി​ക്കു​ന്നു; പ്രിയ​പ്പെ​ട്ട​വ​രു​ടെ മരണത്തിൽ മേലാൽ ദുഃഖി​ക്കാ​തെ അവർ പുനരു​ത്ഥാ​നം പ്രാപി​ക്കു​ന്നതു കാണു​ന്ന​തി​ന്റെ ഹർഷമ​നു​ഭ​വി​ക്കു​ന്നു. (എബ്രായർ 11:1) ഇത്തരം പ്രത്യാശ ഇല്ലെങ്കിൽ ഇപ്പോ​ഴത്തെ നമ്മുടെ പീഡാ​നു​ഭ​വ​ങ്ങ​ളിൽ നാം മടുത്തു​മാ​റ​ത്ത​ക്ക​വണ്ണം ആകുല​രാ​യി​ത്തീ​രാൻ കഴിയും. നമ്മുടെ പ്രത്യാ​ശ​യു​ള്ള​തി​നാൽ തുടർന്നു പൊരു​തു​ന്ന​തിന്‌, അവസാ​നം​വ​രെ​ത്തന്നെ തുടർന്നു സഹിച്ചു​നിൽക്കു​ന്ന​തിന്‌, എന്തൊരു ശക്തമായ പ്രചോ​ദ​ന​മാ​ണു നമുക്കു​ള്ളത്‌!

17. (എ) യേശു ഏതു പീഡാ​നു​ഭ​വങ്ങൾ സഹിച്ചു​നി​ന്നു? (ബി) യേശു സഹിച്ച കഠോര കഷ്ടപ്പാട്‌ ഏതു വസ്‌തു​ത​യിൽ നിന്നു മനസ്സി​ലാ​ക്കാ​വു​ന്ന​താണ്‌? (അടിക്കു​റിപ്പ്‌ കാണുക.)

¹⁷ യേശു​വി​ലേക്ക്‌ “ഏകാ​ഗ്ര​മാ​യി​നോ​ക്കാ”നും ‘അവിടു​ത്തെ അടുത്തു പരിഗ​ണി​ക്കാ​നും’ ബൈബിൾ നമ്മെ പ്രോ​ത്സാ​ഹി​പ്പി​ക്കു​ന്നു. എന്തു പീഡാ​നു​ഭ​വ​ങ്ങ​ളാണ്‌ അവിടു​ന്നു സഹിച്ചു​നി​ന്നത്‌? അവയിൽ ചിലതു മററു​ള്ള​വ​രു​ടെ പാപത്തിൽനി​ന്നും അപൂർണ​ത​യിൽനി​ന്നും ഉളവായി. യേശു “പാപി​ക​ളു​ടെ വിരുദ്ധ സംസാരം” മാത്രമല്ല തങ്ങളിൽ ആരാണ്‌ ഏററവും വലിയവൻ എന്നതി​നെ​ക്കു​റിച്ച്‌ ആവർത്തി​ച്ചുള്ള വിവാ​ദങ്ങൾ ഉൾപ്പെടെ തന്റെ ശിഷ്യൻമാ​രു​ടെ ഇടയിൽ പൊന്തി​വന്ന പ്രശ്‌ന​ങ്ങ​ളും സഹിച്ചു​നി​ന്നു. അതിൽപ്പ​ര​മാ​യി, അവിടു​ന്നു വിശ്വാ​സ​ത്തി​ന്റെ അതുല്യ​മായ ഒരു പരി​ശോ​ധ​നയെ നേരിട്ടു. അവിടുന്ന്‌ “ഒരു ദണ്ഡനസ്‌തം​ഭം സഹിച്ചു.” (എബ്രായർ 12:1-3; ലൂക്കൊസ്‌ 9:46; 22:24) കഴുവി​ലേ​റ​റു​ന്ന​തി​ന്റെ വേദന​യി​ലും ദൈവ​ദൂ​ഷ​ക​നെ​ന്ന​നി​ല​യിൽ വധിക്ക​പ്പെ​ടു​ന്ന​തി​ലെ അപമാ​ന​ത്തി​ലും അന്തർഭ​വി​ച്ചി​രുന്ന മാനസി​ക​വും ശാരീ​രി​ക​വും ആയ കഷ്ടപ്പാടു ഭാവന​യിൽ കാണു​ന്ന​തു​പോ​ലും പ്രയാ​സ​മാണ്‌.a

18. അപ്പോ​സ്‌ത​ല​നായ പൗലോസ്‌ പറയു​ന്ന​ത​നു​സ​രിച്ച്‌, ഏതു രണ്ടു സംഗതി​കൾ യേശു​വി​നെ പുലർത്തി?

¹⁸ അവസാ​ന​ത്തോ​ളം സഹിച്ചു​നിൽക്കാൻ യേശു​വി​നെ പ്രാപ്‌ത​നാ​ക്കി​യ​തെ​ന്താണ്‌? യേശു​വി​നെ പുലർത്തിയ രണ്ടു സംഗതി​കൾ അപ്പോ​സ്‌ത​ല​നായ പൗലോസ്‌ പറയുന്നു: ‘അപേക്ഷ​ക​ളും അഭയയാ​ച​ന​ക​ളും’; കൂടാതെ “തന്റെ മുമ്പിൽ വെച്ചി​രുന്ന സന്തോഷ”വും. ദൈവ​ത്തി​ന്റെ പൂർണ​ത​യുള്ള പുത്ര​നായ യേശു സഹായ​ത്തി​നാ​യി യാചി​ക്കാൻ ലജ്ജിച്ചില്ല. അവിടുന്ന്‌ “ഉറച്ച നിലവി​ളി​യോ​ടും കണ്ണുനീ​രോ​ടും കൂടെ” പ്രാർഥി​ച്ചു. (എബ്രായർ 5:7; 12:2) വിശേ​ഷിച്ച്‌ തന്റെ പരമമായ പീഡാ​നു​ഭവം അടുത്തു​കൊ​ണ്ടി​രു​ന്ന​പ്പോൾ ശക്തിക്കാ​യി ആവർത്തി​ച്ചും ആത്മാർഥ​മാ​യും പ്രാർഥി​ക്കേ​ണ്ടത്‌ ആവശ്യ​മാ​ണെന്ന്‌ അവിടു​ന്നു കണ്ടെത്തി. (ലൂക്കൊസ്‌ 22:39-44) യേശു​വി​ന്റെ യാചന​കൾക്കു​ത്ത​ര​മാ​യി യഹോവ പീഡാ​നു​ഭ​വത്തെ നീക്കി​യില്ല, എങ്കിലും അതു സഹിക്കാൻ അവിടു​ന്നു യേശു​വി​നെ ശക്തി​പ്പെ​ടു​ത്തു​ക​തന്നെ ചെയ്‌തു. യേശു ദണ്ഡനസ്‌തം​ഭ​ത്തി​ന​പ്പു​റം തന്റെ പ്രതി​ഫ​ല​ത്തി​ലേക്ക്‌—യഹോ​വ​യു​ടെ നാമത്തി​ന്റെ വിശു​ദ്ധീ​ക​ര​ണ​ത്തി​നും മരണത്തിൽനി​ന്നുള്ള മാനുഷ കുടും​ബ​ത്തി​ന്റെ വീണ്ടെ​ടു​പ്പി​നും സംഭാവന ചെയ്യു​ന്ന​തിൽ തനിക്കു ലഭിക്കു​മാ​യി​രുന്ന സന്തോ​ഷ​ത്തി​ലേക്ക്‌—നോക്കി​യ​തു​കൊ​ണ്ടും അവിടു​ന്നു സഹിച്ചു​നി​ന്നു.—മത്തായി 6:9; 20:28.

19, 20. സഹിഷ്‌ണു​ത​യിൽ ഉൾപ്പെ​ട്ടി​രി​ക്കു​ന്നതു സംബന്ധിച്ച്‌ ഒരു വാസ്‌ത​വി​ക​മായ വീക്ഷണം ഉണ്ടായി​രി​ക്കാൻ യേശു​വി​ന്റെ ദൃഷ്ടാന്തം നമ്മെ സഹായി​ക്കു​ന്നത്‌ എങ്ങനെ?

¹⁹ യേശു​വി​ന്റെ ദൃഷ്ടാ​ന്ത​ത്തിൽനിന്ന്‌, സഹിഷ്‌ണു​ത​യിൽ ഉൾപ്പെ​ട്ടി​രി​ക്കു​ന്ന​തി​ന്റെ ഒരു വാസ്‌ത​വി​ക​മായ വീക്ഷണം ലഭിക്കു​ന്ന​തി​നു നമ്മെ സഹായി​ക്കുന്ന നിരവധി കാര്യങ്ങൾ നാം പഠിക്കു​ന്നു. സഹിഷ്‌ണു​ത​യു​ടെ പാത അനായാ​സ​ക​ര​മായ ഒന്നല്ല. ഒരു പ്രത്യേക പീഡാ​നു​ഭവം സഹിച്ചു​നിൽക്കു​ന്നതു ബുദ്ധി​മു​ട്ടു​ള്ള​താ​യി നാം കണ്ടെത്തു​ന്നെ​ങ്കിൽ യേശു​വി​ന്റെ കാര്യ​ത്തി​ലും ഇതുതന്നെ സത്യമാ​യി​രു​ന്നെന്ന്‌ അറിയു​ന്ന​തിൽ ആശ്വാ​സ​മുണ്ട്‌. അവസാ​ന​ത്തോ​ളം സഹിച്ചു​നിൽക്കു​ന്ന​തി​നു ശക്തിക്കാ​യി നാം ആവർത്തി​ച്ചു പ്രാർഥി​ക്കണം. പരി​ശോ​ധ​ന​യിൻ കീഴി​ലാ​യി​രി​ക്കു​മ്പോൾ, പ്രാർഥി​ക്കാൻ നാം യോഗ്യ​ര​ല്ലെന്നു ചില​പ്പോൾ തോന്നി​യേ​ക്കാം. എന്നാൽ നമ്മുടെ ഹൃദയം തന്നി​ലേക്കു പകരാൻ യഹോവ നമ്മെ ക്ഷണിക്കു​ന്നു, ‘എന്തു​കൊ​ണ്ടെ​ന്നാൽ അവിടു​ന്നു നമുക്കു​വേണ്ടി കരുതു​ന്നു.’ (1 പത്രൊസ്‌ 5:7) തന്റെ വചനത്തിൽ യഹോവ വാഗ്‌ദത്തം ചെയ്‌തി​രി​ക്കു​ന്ന​തു​നി​മി​ത്തം, അവിടു​ന്നു വിശ്വാ​സ​ത്തോ​ടെ തന്നെ വിളി​ച്ച​പേ​ക്ഷി​ക്കു​ന്ന​വനു “സാധാ​ര​ണ​യിൽ കവിഞ്ഞ ശക്തി” പകരാൻ സ്വയം ബാധ്യ​സ്ഥ​നാ​ക്കി​യി​രി​ക്കു​ന്നു.—2 കൊരി​ന്ത്യർ 4:7-9, NW.

²⁰ ചില​പ്പോൾ നാം കണ്ണുനീ​രോ​ടെ സഹിച്ചു​നിൽക്കേ​ണ്ട​താണ്‌. യേശു​വി​നു ദണ്ഡനസ്‌തം​ഭ​ത്തി​ലെ വേദന അതിൽത്തന്നെ സന്തോ​ഷി​ക്കു​ന്ന​തി​നുള്ള ഒരു കാരണ​മാ​യി​രു​ന്നില്ല. മറിച്ച്‌, അവിടു​ത്തെ മുമ്പാകെ വെക്ക​പ്പെ​ട്ടി​രുന്ന പ്രതി​ഫ​ല​ത്തി​ലാ​യി​രു​ന്നു സന്തോഷം. നമ്മുടെ കാര്യ​ത്തിൽ നാം പീഡാ​നു​ഭ​വ​ത്തിൻ കീഴി​ലാ​യി​രി​ക്കു​മ്പോൾ എപ്പോ​ഴും സന്തോ​ഷ​മു​ള്ള​വ​രും ആനന്ദമു​ള്ള​വ​രും ആയിരി​ക്കും എന്നു പ്രതീ​ക്ഷി​ക്കു​ന്നതു വാസ്‌ത​വി​കമല്ല. (എബ്രായർ 12:11 താരത​മ്യം ചെയ്യുക.) എന്നുവ​രി​കി​ലും, പ്രതി​ഫ​ല​ത്തി​ലേക്കു മുന്നോ​ട്ടു​നോ​ക്കു​ന്ന​തി​നാൽ നാം അത്യന്തം പീഡാ​ക​ര​മായ സാഹച​ര്യ​ങ്ങ​ളി​ലും “അതെല്ലാം സന്തോ​ഷ​മെന്നു പരിഗണി”ക്കാൻ പ്രാപ്‌ത​രാ​യേ​ക്കാം. (യാക്കോബ്‌ 1:2-4, NW; പ്രവൃ​ത്തി​കൾ 5:41) പ്രധാന സംഗതി നാം സ്ഥിരത​യു​ള്ള​വ​രാ​യി നില​കൊ​ള്ളണം എന്നതാണ്‌—അതു കണ്ണുനീ​രോ​ടെ​യാ​യാ​ലും. ഏതായാ​ലും, ‘ഏററവും കുറച്ചു കണ്ണുനീർ പൊഴി​ക്കു​ന്നവർ രക്ഷിക്ക​പ്പെ​ടും’ എന്നല്ല, മറിച്ച്‌ “അവസാ​ന​ത്തോ​ളം സഹിച്ചു​നി​ല്‌ക്കു​ന്നവൻ രക്ഷിക്ക​പ്പെ​ടും” എന്നാണു യേശു പറഞ്ഞത്‌.—മത്തായി 24:13.

21. (എ) രണ്ടു പത്രോസ്‌ 1:5, 6-ൽ സഹിഷ്‌ണു​തക്ക്‌ എന്തു പ്രദാനം ചെയ്യാ​നാണ്‌ നാം പ്രോ​ത്സാ​ഹി​പ്പി​ക്ക​പ്പെ​ട്ടി​രി​ക്കു​ന്നത്‌? (ബി) അടുത്ത ലേഖന​ത്തിൽ ഏതു ചോദ്യ​ങ്ങൾ പരിചി​ന്തി​ക്ക​പ്പെ​ടും?

²¹ അതു​കൊ​ണ്ടു സഹിഷ്‌ണുത രക്ഷക്ക്‌ അത്യന്താ​പേ​ക്ഷി​ത​മാണ്‌. എന്നാൽ നമ്മുടെ സഹിഷ്‌ണു​തക്കു ദൈവ​ഭക്തി പ്രദാനം ചെയ്യാൻ 2 പത്രോസ്‌ 1:5, 6-ൽ നമ്മെ പ്രോ​ത്സാ​ഹി​പ്പി​ച്ചി​രി​ക്കു​ന്നു. ദൈവ​ഭക്തി എന്താണ്‌? അത്‌ എങ്ങനെ​യാ​ണു സഹിഷ്‌ണു​ത​യോ​ടു ബന്ധപ്പെ​ട്ടി​രി​ക്കു​ന്നത്‌? നിങ്ങൾക്ക്‌ അതെങ്ങനെ സമ്പാദി​ക്കാൻ കഴിയും? ഈ ചോദ്യ​ങ്ങൾ അടുത്ത ലേഖന​ത്തിൽ പരിചി​ന്തി​ക്ക​പ്പെ​ടു​ന്ന​താണ്‌.

[അടിക്കു​റിപ്പ്‌]

നിങ്ങൾ എങ്ങനെ ഉത്തരം പറയും?

◻ സഹിച്ചു​നിൽക്കുക എന്നാൽ എന്താണർഥം?

◻ യഹോ​വ​യു​ടെ സാക്ഷി​കൾക്കു സഹിഷ്‌ണു​ത​യു​ടെ ഒരു അസാധാ​ര​ണ​മായ ആവശ്യം ഉള്ളത്‌ എന്തു​കൊണ്ട്‌?

◻ സഹിച്ചു​നിൽക്കാൻ ഇയ്യോ​ബി​നെ പ്രാപ്‌ത​നാ​ക്കി​യത്‌ എന്ത്‌?

◻ സഹിഷ്‌ണുത സംബന്ധി​ച്ചു വാസ്‌ത​വി​ക​മായ വീക്ഷണം ഉണ്ടായി​രി​ക്കാൻ യേശു​വി​ന്റെ ദൃഷ്ടാന്തം നമ്മെ സഹായി​ക്കു​ന്നത്‌ എങ്ങനെ?

[10-ാം പേജിലെ ചിത്രം]

തങ്ങളുടെ ആരാധന യഹോ​വ​യ്‌ക്കു മാത്ര​മാ​യി തിരി​ച്ചു​വി​ട്ട​തി​നാൽ സ്‌കൂ​ളിൽനി​ന്നു പുറത്താ​ക്ക​പ്പെട്ട ക്രിസ്‌തീയ കുട്ടി​കളെ പഠിപ്പി​ക്കു​ന്ന​തി​നു രാജ്യ സ്‌കൂ​ളു​കൾ സ്ഥാപി​ക്ക​പ്പെ​ട്ടു

[12-ാം പേജിലെ ചിത്രം]

തന്റെ പിതാ​വി​നെ മഹത്ത്വീ​ക​രി​ക്കാൻ ദൃഢനി​ശ്ചയം ചെയ്‌തു​കൊ​ണ്ടു യേശു സഹിച്ചു​നിൽക്കാ​നുള്ള ശക്തിക്കാ​യി പ്രാർഥി​ച്ചു.