ബൈബി​ളി​ന്റെ വീക്ഷണം

ദൈവ​പ​രി​ജ്ഞാ​നം ആഢ്യരായ ചുരു​ക്കം​ചി​ലർക്കു​വേണ്ടി മാത്ര​മു​ള്ള​താ​ണോ?

ഫ്രാൻസി​ലെ പാരീ​സി​ലുള്ള പാലസ്‌ ഡെസ്‌ കോൺഗ്ര​സിൽ 1987-ലെ ഒരു സായാ​ഹ്ന​ത്തിൽ ഒരു അപൂർവ​സം​ഭവം നടന്നു. ഓഡി​റേ​റാ​റി​യ​ത്തി​നു​ള്ളിൽ വിശാ​ല​മായ മുറി​യിൽ ഗംഭീ​ര​മായ ഉറച്ച ഇലക്‌​ട്രോ​ണി​ക്ക്‌ശ​ബ്ദ​ങ്ങ​ളും ഇടക്കിടെ ചേങ്ങല​യ​ടി​ക​ളും മണിയ​ടി​ക​ളും മുഴങ്ങവേ ലേസർ​ലൈ​റ​റു​കൾ ചുവരു​ക​ളിൽ പ്രകാശം പരത്തി. കറുത്ത മുഖം​മൂ​ടി​കൾ ധരിച്ച രണ്ടു പുരു​ഷൻമാർ ഒരു വള്ളത്തിന്റെ ആകൃതി​യിൽ തൂങ്ങി​ക്കി​ടന്ന ഒരു ബേണർ സാവധാ​ന​ത്തിൽ ആട്ടി, അതേസ​മയം നിറം​ക​ലർന്ന പുക സ്‌റേ​റ​ജി​ന്റെ വശങ്ങളിൽ നിന്ന്‌ പുറ​പ്പെ​ട്ടു​കൊ​ണ്ടി​രു​ന്നു. കൂടാതെ, വെള്ളധ​രിച്ച ഡസൻക​ണ​ക്കി​നു സ്‌ത്രീ​പു​രു​ഷൻമാർ 4,000ത്തോളം വരുന്ന സദസ്യ​രു​ടെ മുമ്പാകെ പ്രത്യ​ക്ഷ​പ്പെട്ടു.

സംഭവ​മെ​ന്താ​യി​രു​ന്നു? ഒരു റോക്ക്‌സം​ഗീ​ത​ക്ക​ച്ചേ​രി​യാ​യി​രു​ന്നോ? അല്ല, നിഗൂ​ഢ​ജ്ഞാ​ന​ത്തിന്‌ അർപ്പി​ത​മാ​യി​രി​ക്കുന്ന ഒരു പ്രസ്ഥാ​ന​മായ റോസി​ക്രൂ​ഷ്യൻസി​ന്റെ ഒരു ചടങ്ങാ​യി​രു​ന്നു. എന്നിരു​ന്നാ​ലും ലോക​പ്ര​സി​ദ്ധ​മായ ഈ ലോക ഭ്രാതൃ​സ​ഭ​യി​ലെ പുതു​വി​ശ്വാ​സി​കൾക്ക്‌ ഈ ചടങ്ങ്‌ പ്രാരം​ഭ​പ്ര​വേ​ശ​ന​ച​ട​ങ്ങു​ക​ളു​ടെ ഒരു പരമ്പര​യി​ലെ പ്രഥമ​ന​ട​പടി മാത്ര​മാ​യി​രു​ന്നു.

റോസി​ക്രൂ​ഷ്യൻമാ​രു​ടെ ഈ രഹസ്യ​സ​മു​ദാ​യം ക്രി.വ. രണ്ടാം നൂററാ​ണ്ടിൽ തഴച്ചു​വ​ളർന്നി​രു​ന്ന​തും ക്രിസ്‌ത്യാ​നി​ത്വ​ത്തി​ന്റെ ഒരു എതിരാ​ളി​യാ​യി​രു​ന്ന​തു​മായ നിഗൂ​ഢ​ജ്ഞാന വിഭാ​ഗ​ങ്ങ​ളോ​ടു സമാന​മാണ്‌. രക്ഷ കൈവ​രു​ന്നത്‌ പ്രകൃ​ത്യാ​തീ​ത​ജ്ഞാ​ന​ത്തി​ലൂ​ടെ​യാ​ണെ​ന്നും അങ്ങനെ​യുള്ള രഹസ്യ​ജ്ഞാ​നം തെര​ഞ്ഞെ​ടു​ക്ക​പ്പെട്ട ചുരു​ക്കം​ചി​ലർക്കു മാത്ര​മാ​ണെ​ന്നും ഗ്‌നോ​സ്‌റ​റി​ക്കു​കൾ വിശ്വ​സി​ച്ചു. എന്നാൽ ദൈവ​പ​രി​ജ്ഞാ​നം ആഢ്യരായ ചുരുക്കം ചിലർക്കു വേണ്ടി മാത്ര​മു​ള്ള​താ​ണോ? അത്‌ സഭയിൽ ചേർക്ക​പ്പെട്ട ഒരു ചുരു​ങ്ങിയ കൂട്ടത്തി​നു മാത്ര​മാ​യി പരിമി​ത​മാ​ക്ക​പ്പെ​ട്ടി​രി​ക്കു​ന്നു​വോ?

ക്രിസ്‌ത്യാ​നി​ത്വം ഒരു നിഗൂഢ ഭ്രാതൃ​സം​ഘ​മാ​ണോ?

ക്രിസ്‌ത്യ​നി​ത്വം ഒരളവിൽ രഹസ്യ​മാണ്‌, അഥവാ ചുരു​ക്കം​ചി​ലർക്കു മാത്ര​മാ​യി സംവര​ണം​ചെ​യ്യ​പ്പെ​ട്ടി​രി​ക്കു​ന്നു എന്നാണ്‌ ചില ഗ്രന്ഥകാ​രൻമാർ പരിഗ​ണി​ക്കു​ന്നത്‌. ലെസോ​ടെ​റി​സമേ എന്ന തന്റെ പുസ്‌ത​ക​ത്തിൽ മ്യൂസീ​യം ഓഫ്‌ ഫ്രാൻസി​ലെ ഓണററി ക്യു​റേ​റ​റ​റായ ലൂക്ക്‌ ബെനോ​യി​സ്‌ററ്‌ ഇങ്ങനെ എഴുതി: “സംവര​ണം​ചെ​യ്യ​പ്പെട്ട പഠിപ്പി​ക്ക​ലി​ന്റെ മററു ലക്ഷ്യങ്ങൾ വിശുദ്ധ പൗലോ​സി​ന്റെ ലേഖന​ങ്ങ​ളിൽ കാണ​പ്പെ​ടു​ന്നു: ‘ഞാൻ കട്ടിയായ ആഹാരമല്ല പാലാണ്‌ നിങ്ങൾക്ക്‌ തന്നത്‌. . . . പാലു​കൊ​ണ്ടു​മാ​ത്രം ജീവി​ക്കുന്ന യാതൊ​രു​വ​നും ജ്ഞാനത്തി​ന്റെ പ്രസം​ഗ​ങ്ങ​ളൊ​ന്നും ഗ്രഹി​ക്കു​ന്നില്ല.’ [1 കൊരി​ന്ത്യർ 3:2-ൽ നിന്നും എബ്രായർ 5:13-ൽനിന്നും പരാവർത്ത​നം​ചെ​യ്യ​പ്പെ​ട്ടത്‌] ആദിമ [സഭാ] പിതാ​ക്കൻമാ​രു​ടെ പാഠങ്ങൾ ‘ഒരു പുതു​വി​ശ്വാ​സി പരിചി​ന്തി​ക്ക​രു​താത്ത ഒരു സത്യത്തെ’ പരാമർശി​ക്കു​ന്നു.”

എന്നിരു​ന്നാ​ലും അപ്പോ​സ്‌ത​ല​നായ പൗലോസ്‌ നിഗൂ​ഢ​പ​രി​ജ്ഞാ​ന​ത്തെ​ക്കു​റി​ച്ചു എഴുതു​ക​യാ​യി​രു​ന്നോ? അല്ലായി​രു​ന്നു, പൗലോസ്‌ യഥാർത്ഥ​ത്തിൽ പുതു​വി​ശ്വാ​സി​ക​ള​ല്ലാഞ്ഞ തന്റെ ക്രിസ്‌തീ​യ​കൂ​ട്ടാ​ളി​കളെ ശകാരി​ക്കു​ക​യാ​യി​രു​ന്നു​വെന്ന്‌ അവന്റെ വാക്കു​ക​ളു​ടെ സന്ദർഭം പ്രകട​മാ​ക്കു​ന്നു. ആത്മീയ​മാ​യി പുരോ​ഗതി പ്രാപി​ക്കാ​ഞ്ഞ​വ​രും അവർ വിശ്വാ​സ​ത്തി​ലാ​യി​രുന്ന “കാലത്തി​ന്റെ വീക്ഷണ​ത്തിൽ” “ഉപദേ​ഷ്ടാ​ക്കൻമാ​രാ​യി​രി​ക്കേണ്ടി”യിരു​ന്ന​വ​രു​മായ ക്രിസ്‌ത്യാ​നി​കൾക്കാ​യി​രു​ന്നു പൗലോസ്‌ എഴുതി​യത്‌.—എബ്രായർ 5:12.

അതു​കൊണ്ട്‌, പൗലോസ്‌ രഹസ്യ​മാ​യി വെക്കാൻ ആഗ്രഹിച്ച വിവര​ങ്ങ​ളെയല്ല, പിന്നെ​യോ താൻ പങ്കു​വെ​ക്കാ​നാ​ഗ്ര​ഹി​ച്ചി​ട്ടും അവർ വേണ്ട​പോ​ലെ തിരു​വെ​ഴു​ത്തു​പ​രി​ജ്ഞാ​ന​ത്തിൽ പുരോ​ഗ​മി​ക്കാ​ഞ്ഞ​തു​കൊണ്ട്‌ അവരുടെ ആത്‌മീയ ഗ്രഹണ​ത്തി​ന​തീ​ത​മാ​യി​രുന്ന സത്യങ്ങ​ളെ​യാ​യി​രു​ന്നു പരാമർശി​ച്ചത്‌. ആ ക്രിസ്‌ത്യാ​നി​ക​ളിൽ ചിലരു​ടെ ഇടയിലെ പൗലോ​സി​ന്റെ സാഹച​ര്യ​ത്തെ തന്റെ വിദ്യാർത്ഥി​കൾ പുരോ​ഗ​മി​ക്കാൻ പ്രതീ​ക്ഷി​ക്കുന്ന കണക്കു പഠിപ്പി​ക്കുന്ന ഒരു അദ്ധ്യാ​പ​ക​നോ​ടു താരത​മ്യ​പ്പെ​ടു​ത്താൻ കഴിയും. വിദ്യാർത്ഥി​കൾ തങ്ങളുടെ ഗൃഹപാ​ഠം ഉചിത​മാ​യി ചെയ്യാ​ത്ത​തു​കൊണ്ട്‌ ലളിത​മായ സങ്കലന​ത്തി​ന്റെ​യും ഗുണന​ത്തി​ന്റെ​യും തത്വങ്ങൾ പൂർണ്ണ​മാ​യി ഗ്രഹി​ച്ചി​ല്ലെ​ങ്കിൽ ആൾജി​ബ്രാ​യു​ടെ സമവാ​ക്യ​ങ്ങൾ മനസ്സി​ലാ​ക്കാൻ അവരെ സഹായി​ക്കു​ന്ന​തിൽ അദ്ധ്യാ​പ​കനു പ്രയാസം നേരി​ടും.

പരിജ്ഞാ​നം എല്ലാവർക്കും ലഭ്യം

ബൈബിൾ പരിജ്ഞാ​നം നിശ്ചല​മ​ല്ലെന്നു സമ്മതി​ക്കു​ന്നു. കാലം കഴിയു​ക​യും ശ്രമം​ചെ​ലു​ത്തു​ക​യും ചെയ്‌താൽ സത്യത്തി​ന്റെ​യും ആത്മീയ​കാ​ര്യ​ങ്ങ​ളു​ടെ​യും ആഴമേ​റിയ ഗ്രാഹ്യം ലഭിക്കുക സാദ്ധ്യ​മാണ്‌. തന്നെയു​മല്ല, യഹോവ തന്റെ ദാസൻമാർക്ക്‌ ക്രമാ​നു​ഗ​ത​മാ​യി തന്റെ ഉദ്ദേശ്യ​ങ്ങൾ വെളി​പ്പെ​ടു​ത്തി​യി​രി​ക്കു​ന്നു​വെന്ന്‌ ബൈബിൾ പ്രകട​മാ​ക്കു​ന്നു. എന്നാൽ ചിലർക്കു ലഭ്യമാ​യി​രി​ക്കു​ന്ന​തും അതേ കാലഘ​ട്ട​ത്തിൽത്തന്നെ ജീവി​ച്ചി​രി​ക്കുന്ന മററു ആത്മാർത്ഥ​ത​യുള്ള സത്യാ​ന്വേ​ഷി​കൾക്കു മറഞ്ഞി​രി​ക്കു​ന്ന​തു​മായ “നിഗൂഢ സത്യങ്ങളെ”ക്കുറിച്ച്‌ അത്‌ ഒരിക്ക​ലും പറയു​ന്നില്ല. (സങ്കീർത്തനം 147:19, 20; സദൃശ​വാ​ക്യ​ങ്ങൾ 2:1-11; 4:18; യെശയ്യാവ്‌ 45:19) ദൈവം ഇസ്ര​യേൽജ​ന​ത​യോട്‌ ഇടപെ​ട്ടു​കൊ​ണ്ടി​രു​ന്ന​പ്പോ​ഴും അവന്റെ പുത്ര​നായ യേശു​ക്രി​സ്‌തു ക്രിസ്‌ത്യാ​നി​ത്വ​ത്തി​ന്റെ അടിസ്ഥാ​ന​മി​ട്ട​പ്പോ​ഴും ഇതു സത്യമാ​യി​രു​ന്നു.

യേശു തന്റെ മൂന്നര വർഷത്തെ ശുശ്രൂ​ഷ​ക്കാ​ലത്ത്‌ ഇസ്ര​യേൽപ്ര​ദേ​ശ​ത്തി​ന്റെ ഒരു വലിയ ഭാഗം പ്രവർത്തി​ച്ചു​തീർത്തു. അവൻ ഇതു ഒരു രഹസ്യ​രീ​തി​യി​ലാ​ണോ ചെയ്‌തത്‌? അല്ലെങ്കിൽ സഭാ​പ്ര​വേ​ശ​നം​കി​ട്ടിയ ഒരു ചുരു​ങ്ങിയ സംഘത്തെ മാത്രം അവൻ സന്ദർശി​ക്കു​ക​യാ​യി​രു​ന്നോ? അല്ലായി​രു​ന്നു. അവൻ പരസ്യ​മാ​യി, മിക്ക​പ്പോ​ഴും ജനക്കൂ​ട്ട​ങ്ങ​ളോ​ടു തന്റെ സന്ദേശം പ്രസം​ഗി​ച്ചു. തന്റെ മരണത്തി​നു കുറച്ചു​നാൾ മുമ്പ്‌, തന്റെ പഠിപ്പി​ക്കൽരീ​തി​യെ​ക്കു​റി​ച്ചു യഹൂദ​മ​താ​ധി​കാ​രി​ക​ളാൽ ചോദ്യം​ചെ​യ്യ​പ്പെ​ട്ട​പ്പോൾ അവൻ ഇങ്ങനെ വിശദീ​ക​രി​ച്ചു: “ഞാൻ ലോക​ത്തോ​ടു പരസ്യ​മാ​യി പ്രസം​ഗി​ച്ചി​രി​ക്കു​ന്നു, ഞാൻ എല്ലായ്‌പ്പോ​ഴും സിന​ഗോ​ഗി​ലും എല്ലാ യഹൂദൻമാ​രും ഒന്നിച്ചു​കൂ​ടുന്ന ആലയത്തി​ലും പഠിപ്പി​ച്ചി​രി​ക്കു​ന്നു; ഞാൻ രഹസ്യ​മാ​യി യാതൊ​ന്നും സംസാ​രി​ച്ചില്ല.”—യോഹ​ന്നാൻ 18:20.

വെറും പലസ്‌തീ​നി​നെ​ക്കാൾ വളരെ വിപു​ല​മായ ഒരു സദസ്സി​നോ​ടാണ്‌ യേശു​വി​ന്റെ സന്ദേശം സംബോ​ധ​ന​ചെ​യ്യ​പ്പെ​ട്ട​തെന്നു നിങ്ങൾ ശ്രദ്ധി​ച്ചോ? അത്‌ മുഴു​ലോ​ക​ത്തി​ലേ​ക്കും തിരി​ച്ചു​വി​ട​പ്പെ​ട്ടി​രി​ക്കു​ന്നു! ‘ഞാൻ സകല ജനത്തോ​ടും സംസാ​രി​ച്ചി​രി​ക്കു​ന്നു’വെന്ന്‌ യേശു പറഞ്ഞില്ല, അതായത്‌, സകല യഹൂദൻമാ​രോ​ടും. പകരം, പ്രാവ​ച​നി​ക​മാ​യി​രു​ന്ന​തി​നാൽ, അവൻ “ലോകം”a എന്നതിന്റെ പ്രത്യേ​ക​വാക്ക്‌ തെര​ഞ്ഞെ​ടു​ത്തു. അതു​കൊണ്ട്‌ യേശു നിഗൂ​ഢ​ജ്ഞാ​ന​ത്തി​ന്റെ ഉപദേശം പഠിപ്പി​ച്ചില്ല; പരിജ്ഞാ​നം എല്ലായി​ട​ത്തും എല്ലാവർക്കും വേണ്ടതാ​യി​രു​ന്നു.

യേശു വിശേ​ഷാൽ ഉപമക​ളാൽ അഥവാ ദൃഷ്ടാ​ന്ത​ങ്ങ​ളാൽ പഠിപ്പി​ച്ച​പ്പോൾ ആലങ്കാ​രി​ക​ഭാഷ ഉപയോ​ഗി​ച്ചു​വെ​ന്നത്‌ സത്യം​തന്നെ. എന്നാൽ ഈ രീതി തന്റെ ശ്രോ​താ​ക്ക​ളു​ടെ ഇടയിൽനിന്ന്‌ തെര​ഞ്ഞെ​ടു​ക്കാൻ അവനെ പ്രാപ്‌ത​നാ​ക്കി​യെ​ന്നേ​യു​ള്ളു. യേശു​വി​ന്റെ ഉപദേ​ശ​ത്തിൽ യഥാർത്ഥ​ത്തിൽ താല്‌പ​ര്യ​മി​ല്ലാ​ഞ്ഞവർ കേവലം ഉപമ കേട്ട ശേഷം സംഗതി​യി​ലേക്കു ചുഴി​ഞ്ഞി​റ​ങ്ങാ​തെ പൊയ്‌ക്ക​ളഞ്ഞു. പരിജ്ഞാ​ന​ത്തി​നാ​യി ദാഹി​ച്ചവർ കൂടു​ത​ലായ വിശദീ​ക​രണം കേൾക്കാൻ നിന്നു. അങ്ങനെ, ആത്മാർത്ഥ​മാ​യി അന്വേ​ഷി​ക്കു​ന്ന​വർക്കെ​ല്ലാം പരിജ്ഞാ​നം എത്തുപാ​ടി​ലാ​യി​രു​ന്നു.—മത്തായി 13:13, 34-36.

ക്രിസ്‌ത്യാ​നി​ത്വം എല്ലാവർക്കും​വേ​ണ്ടി​യു​ള്ള​താ​ണെന്ന വസ്‌തുത തിരു​വെ​ഴു​ത്തു​ക​ളു​ടെ ശേഷിച്ച ഭാഗത്തി​ന്റെ ധ്വനി​യിൽനി​ന്നും വ്യക്തമാണ്‌. ദൃഷ്ടാ​ന്ത​മാ​യി, ബൈബി​ളി​ലെ അവസാന വാക്യ​ങ്ങ​ളി​ലൊ​ന്നിൽ ‘വന്ന്‌ ജീവജലം സൗജന്യ​മാ​യി വാങ്ങാ​നുള്ള’ ക്ഷണം അടങ്ങി​യി​രി​ക്കു​ന്നു. അത്‌ പ്രത്യേ​ക​മാ​യി ഇങ്ങനെ പറയുന്നു: “ദാഹി​ക്കുന്ന ഏവനും വരട്ടെ; ഇച്ഛിക്കുന്ന ഏവനും ജീവജലം സൗജന്യ​മാ​യി വാങ്ങട്ടെ.” അതു​കൊണ്ട്‌, വീണ്ടും, ബൈബിൾപ​രി​ജ്ഞാ​നം എല്ലാവർക്കും ലഭ്യമാ​ക്കേ​ണ്ട​താണ്‌.—വെളി​പ്പാട്‌ 22:17; യെശയ്യാവ്‌ 55:1 താരത​മ്യം​ചെയ്യക.

ദൈവ​പ​രി​ജ്ഞാ​നം എല്ലാവർക്കും ലഭ്യമാ​ണെ​ങ്കി​ലും, അതു നേടാൻ ശ്രമം ആവശ്യ​മാണ്‌. “വെള്ളി​ക്കു​വേ​ണ്ടി​യെ​ന്ന​പോ​ലെ​യും മറഞ്ഞി​രി​ക്കുന്ന നിധി​കൾക്കു​വേ​ണ്ടി​യെ​ന്ന​പോ​ലെ​യും . . . അതിനു​വേണ്ടി അന്വേ​ഷി​ച്ചു​കൊ​ണ്ടി​രി​ക്കാൻ” ബൈബിൾ നമ്മെ പ്രോൽസാ​ഹി​പ്പി​ക്കു​ന്നു. (സദൃശ​വാ​ക്യ​ങ്ങൾ 2:4) തൽഫല​മാ​യി, ദൈവ​വ​ച​ന​മായ ബൈബി​ളിൽനിന്ന്‌ അറിവു സമ്പാദി​ക്കേ​ണ്ടി​യി​രി​ക്കു​ന്നു, അനന്തരം അതിലെ തത്വങ്ങ​ളും കല്‌പ​ന​ക​ളും നടപ്പി​ലാ​ക്കു​മ്പോൾ ജ്ഞാനം പ്രകട​മാ​കും.

ശ്രമം പ്രയോ​ജ​ന​ക​ര​മാ​ണോ? അതെ, എന്തെന്നാൽ അത്തരം ജ്ഞാനം “യഹോ​വ​യിൽനി​ന്നുള്ള സൻമനസ്സ്‌” കൈവ​രു​ത്തു​ന്നു. അതിനു നിത്യ​ജീ​വ​നി​ലേക്കു നയിക്കാ​നും കഴിയും. എന്തോരു നിധി! നിങ്ങൾ സർവ​പ്ര​ധാ​ന​മായ ഈ പരിജ്ഞാ​ന​ത്തി​നു​വേണ്ടി വ്യക്തി​പ​ര​മാ​യി അന്വേ​ഷി​ച്ചു​തു​ട​ങ്ങി​യി​ട്ടു​ണ്ടോ?—സദൃശ​വാ​ക്യ​ങ്ങൾ 8:34-36; സങ്കീർത്തനം 119:105. (g88 11/8)

[അടിക്കു​റി​പ്പു​കൾ]

[22-ാം പേജിലെ ചതുരം]

കറുത്ത മുഖം​മൂ​ടി​കൾ ധരിച്ച രണ്ടു പുരു​ഷൻമാർ ഒരു വള്ളത്തിന്റെ ആകൃതി​യിൽ തൂങ്ങി​ക്കി​ടന്ന ഒരു ബേണർ സാവധാ​ന​ത്തിൽ ആട്ടി