ബൈബി​ളി​ന്റെ വീക്ഷണം

നിങ്ങൾ മനസ്സാ​ക്ഷി​യെ നിങ്ങളു​ടെ വഴികാ​ട്ടി​യാ​ക്ക​ണ​മോ?

തിരക്കുള്ള ഒരു തെരു​വിൽക്കൂ​ടി നടന്നു​പോ​കവെ നിങ്ങൾ മോടി​യാ​യി വസ്‌ത്ര​മ​ണിഞ്ഞ ഒരു സ്‌ത്രീ​യെ കടന്നു​പോ​കു​ന്നു. അവരുടെ കയ്യിൽനി​ന്നും അറിയാ​തെ ഒരു പണപ്പൊ​തി താഴെ​വീ​ഴു​ന്നു. നിങ്ങൾ അതെടു​ക്കാ​നാ​യി കുനി​യു​മ്പോൾ അവർ അതി​വേഗം ഒരു മോ​ട്ടോർ കാറി​ലേക്കു കയറു​ന്നതു കാണുന്നു. നിങ്ങൾ എന്തു ചെയ്യും? നിങ്ങൾ അവരെ ഉറക്കെ വിളി​ക്കു​മോ അതോ നോട്ടു​കൾ വേഗം പോക്ക​റ​റിൽ തിരു​കു​മോ?

ഉത്തരം നിങ്ങളു​ടെ മനസ്സാ​ക്ഷി​യെ ആശ്രയി​ച്ചി​രി​ക്കു​ന്നു. അത്‌ എന്തു ചെയ്യാ​നാ​ണു നിങ്ങ​ളോ​ടു പറയുക? അതിലും പ്രധാ​ന​മാ​യി, അതു പറയു​ന്നതു നിങ്ങൾക്കു വിശ്വ​സി​ക്കാ​മോ? നിങ്ങൾക്കു മനസ്സാ​ക്ഷി​യെ കുഴപ്പം​കൂ​ടാ​തെ നിങ്ങളു​ടെ വഴികാ​ട്ടി​യാ​ക്കാ​മോ?

എന്താണു മനസ്സാക്ഷി

ശരി​യെന്ത്‌, തെറെ​റന്ത്‌, നീതി​യെന്ത്‌, അനീതി​യെന്ത്‌, ധർമ്മ​മെന്ത്‌, അധർമ്മ​മെന്ത്‌ എന്നിവ സംബന്ധിച്ച ഒരു സഹജ​ബോ​ധ​മാ​യി മനസ്സാക്ഷി വർണി​ക്ക​പ്പെ​ട്ടി​രി​ക്കു​ന്നു. ബൈബിൾ, മനസ്സാ​ക്ഷി​യു​ടെ പ്രവർത്തനം റോമർ 2:14, 15-ൽ ഇപ്രകാ​രം വിശദ​മാ​ക്കു​ന്നു: “ന്യായ​പ്ര​മാ​ണ​മി​ല്ലാത്ത ജാതികൾ ന്യായ​പ്ര​മാ​ണ​ത്തി​ലു​ള്ളതു സ്വഭാ​വ​ത്താൽ ചെയ്യു​മ്പോൾ ന്യായ​പ്ര​മാ​ണ​മി​ല്ലാത്ത അവർ തങ്ങൾക്കു തന്നേ ഒരു ന്യായ​പ്ര​മാ​ണം ആകുന്നു. അവരുടെ മനസ്സാ​ക്ഷി​കൂ​ടെ സാക്ഷ്യം പറഞ്ഞും അവരുടെ വിചാ​രങ്ങൾ തമ്മിൽ കുററം ചുമത്തു​ക​യോ പ്രതി​വാ​ദി​ക്ക​യോ ചെയ്‌തും​കൊണ്ട്‌ അവർ ന്യായ​പ്ര​മാ​ണ​ത്തി​ന്റെ പ്രവൃത്തി തങ്ങളുടെ ഹൃദയ​ത്തിൽ എഴുതി​യി​രി​ക്കു​ന്ന​താ​യി കാണി​ക്കു​ന്നു.” ഇപ്രകാ​രം, നിങ്ങളു​ടെ മനസ്സാക്ഷി, സാഹച​ര്യ​ങ്ങളെ വിലയി​രു​ത്തു​ന്ന​തി​നും ശരിയായ തിര​ഞ്ഞെ​ടു​പ്പു​കൾ നടത്തു​ന്ന​തി​നും നിങ്ങൾ നടത്തി​യി​ട്ടുള്ള തിര​ഞ്ഞെ​ടു​പ്പി​ന്റെ അടിസ്ഥാ​ന​ത്തിൽ നിങ്ങ​ളെ​ത്തന്നെ ന്യായം വിധി​ക്കു​ന്ന​തി​നും പ്രാപ്‌ത​രാ​ക്കു​ന്ന​തി​നു രൂപക​ല്‌പന ചെയ്യ​പ്പെ​ട്ടി​ട്ടു​ള്ള​താണ്‌. എന്നാൽ നിങ്ങൾക്ക്‌ അതിനെ ആശ്രയി​ക്കാൻ കഴിയു​മോ?

ഉത്തരം സന്ദർഭാ​നു​സൃ​ത​മാണ്‌. അലഞ്ഞു​തി​രി​യുന്ന ഒരു മനസ്സാ​ക്ഷിക്ക്‌ ഒരുവനെ ഒടുവിൽ തെററായ നടത്തയി​ലേക്കു നയിക്കാൻ കഴിയും എന്നു തെളി​യി​ക്കു​ന്ന​തി​നു മതിയായ തെളി​വുണ്ട്‌. ഒരുവന്റെ മനസ്സാക്ഷി ഒരു പ്രത്യേക നടത്ത അനുവ​ദി​ക്കു​ന്നു​വെന്ന പരമാർഥം ദൈവം അത്‌ അംഗീ​ക​രി​ക്കും എന്ന്‌ ഉറപ്പു നൽകു​ന്നില്ല. ദൃഷ്ടാ​ന്ത​ത്തിന്‌, ഒരു ക്രിസ്‌ത്യാ​നി ആയിത്തീ​രു​ന്ന​തി​നു മുമ്പ്‌ തർസൊ​സി​ലെ ശൗൽ ക്രിസ്‌ത്യാ​നി​കളെ പീഡി​പ്പി​ക്കു​ന്ന​തിൽ നേതൃ​ത്വം വഹിച്ചു. അദ്ദേഹം ക്രിസ്‌തീയ രക്തസാ​ക്ഷി​യാ​യി​ത്തീർന്ന സ്‌തേ​ഫാ​നോ​സി​ന്റെ കൊല​പാ​ത​കത്തെ അംഗീ​ക​രി​ക്കു​ക​യും ആ ദുഷ്‌കൃ​ത്യ​ത്തിൽ പങ്കുവ​ഹി​ക്കു​ക​പോ​ലും ചെയ്‌തു. ഇതി​ലൊ​ന്നി​ലും, മനസ്സാക്ഷി അദ്ദേഹത്തെ കുററ​പ്പെ​ടു​ത്തി​യില്ല.—പ്രവൃ​ത്തി​കൾ 7:58, 59; ഗലാത്യർ 1:13, 14; 1 തിമൊ​ഥെ​യൊസ്‌ 1:12-16.

രണ്ടാം ലോക​മ​ഹാ​യു​ദ്ധ​കാ​ലത്തു നാസി ജർമനി​യിൽ, ഹിററ്‌ല​റു​ടെ തടങ്കൽ പാളയ​ങ്ങ​ളി​ലെ ലക്ഷക്കണ​ക്കി​നു പേരു​ടെ​മേൽ പീഡന​വും മരണവും അടി​ച്ചേൽപ്പി​ച്ച​പ്പോൾ അനേകം എസ്‌എസ്‌ സൈനി​കർ തങ്ങൾ കേവലം ആജ്ഞകൾ അനുസ​രി​ക്കു​ക​യാ​യി​രു​ന്നെന്നു പറയു​ക​യു​ണ്ടാ​യി. അവരുടെ മനസ്സാക്ഷി അതു ചെയ്യു​ന്ന​തിന്‌ അവരെ അനുവ​ദി​ച്ചു. എന്നാൽ ലോക നീതി—അതിലും പ്രധാ​ന​മാ​യി ദൈവ​ത്തി​ന്റെ നീതി—അവരുടെ പ്രവർത്ത​ന​ങ്ങൾക്കു മാപ്പു നൽകി​യില്ല. ന്യാ​യോ​ചി​ത​മാ​യി, അവർ കുററം വിധി​ക്ക​പ്പെട്ടു.

എന്തു​കൊ​ണ്ടാണ്‌ അതു ശരിയാ​യി പ്രവർത്തി​ക്കാ​ത്തത്‌?

ദൈവ​ത്താൽ സൃഷ്ടി​ക്ക​പ്പെട്ട ഒരു സംഗതി ശരിയാ​യി പ്രവർത്തി​ക്കാ​ത്ത​തെ​ന്തു​കൊ​ണ്ടാ​യിരി​ക്കും? ബൈബിൾ വിശദ​മാ​ക്കു​ന്നു. ആദാമി​ന്റെ അനുസ​ര​ണ​ക്കേ​ടി​ലൂ​ടെ​യുള്ള മമനു​ഷ്യ​ന്റെ പാപത്തി​ലേ​ക്കുള്ള വീഴ്‌ച നിമിത്തം, അതിന്റെ മോഹ​ങ്ങളെ അനുസ​രി​ക്കാൻ മനുഷ്യ​നെ പ്രേരി​പ്പി​ച്ചു​കൊണ്ട്‌ പാപം “രാജാ​വാ​യി വാഴു​ന്ന​താ​യി” പറഞ്ഞി​രി​ക്കു​ന്നു. (റോമർ 5:12; 6:12, NW) ആരംഭ​ത്തിൽ പൂർണ​മാ​യി​രുന്ന മമനു​ഷ്യ​ന്റെ മനസ്സാക്ഷി കോട്ട​മു​ള്ള​താ​യി​ത്തീർന്നു; പാപത്തി​ന്റെ പ്രേര​ക​ശക്തി ഇപ്പോൾ അതുമാ​യി മല്ലിടു​ന്നു. (റോമർ 7:18-20) ഇതു നമുക്കു വളരെ പരിചി​ത​മായ പിൻവ​രുന്ന പോരാ​ട്ട​ത്തി​നു കളമൊ​രു​ക്കു​ന്നു: “അങ്ങനെ നൻമ ചെയ്യാൻ ഇച്ഛിക്കുന്ന ഞാൻ തിൻമ എന്റെ പക്കൽ ഉണ്ടു എന്നൊരു പ്രമാണം കാണുന്നു. ഉള്ളം​കൊ​ണ്ടു ഞാൻ ദൈവ​ത്തി​ന്റെ ന്യായ​പ്ര​മാ​ണ​ത്തിൽ രസിക്കു​ന്നു. എങ്കിലും എന്റെ ബുദ്ധി​യു​ടെ പ്രമാ​ണ​ത്തോ​ടു പോരാ​ടുന്ന വേറൊ​രു പ്രമാണം ഞാൻ എന്റെ അവയവ​ങ്ങ​ളിൽ കാണുന്നു; അതു എന്റെ അവയവ​ങ്ങ​ളി​ലുള്ള പാപ​പ്ര​മാ​ണ​ത്തിന്‌ എന്നെ ബദ്ധനാ​ക്കി​ക്ക​ള​യു​ന്നു.”—റോമർ 7:21-23.

ഈ അവകാ​ശ​പ്പെ​ടു​ത്തി​യി​ട്ടുള്ള ദൗർബ​ല്യ​ത്തി​നു പുറമെ, നമ്മുടെ മനസ്സാ​ക്ഷി​കൾ ബാഹ്യ​പ്രേ​ര​ണ​യാ​ലും ബാധി​ത​മാണ്‌. ഉദാഹ​ര​ണ​ത്തിന്‌, സഹ ജോലി​ക്കാ​രിൽനി​ന്നുള്ള സമ്മർദം, വ്യക്തമാ​യി നേരത്തെ പരാമർശിച്ച നാസി എസ്‌എസ്‌ സൈനി​ക​രു​ടെ മനസ്സാ​ക്ഷി​കളെ വികല​മാ​ക്കി അഥവാ കീഴടക്കി. (സദൃശ​വാ​ക്യ​ങ്ങൾ 29:25 താരത​മ്യ​പ്പെ​ടു​ത്തുക.) കൂടാതെ, ടിവി​യി​ലും ചലച്ചി​ത്ര​ങ്ങ​ളി​ലും പുസ്‌ത​ക​ങ്ങ​ളി​ലും ഉള്ള അധാർമി​ക​ത​യും അക്രമ​വും പോലുള്ള അനാ​രോ​ഗ്യ​ക​ര​ങ്ങ​ളായ കാര്യ​ങ്ങ​ളിൽ മനസ്സു വ്യാപ​രി​പ്പി​ക്കു​ന്ന​തി​നും ഇതു​പോ​ലൊ​രു ഫലമുണ്ട്‌. നാം അങ്ങനെ​യുള്ള കാര്യ​ങ്ങ​ളിൽ നിരന്തരം വ്യാപൃ​ത​രാ​ണെ​ങ്കിൽ അവസാനം അവ അത്ര മോശ​മാ​യി തോന്നു​ക​യില്ല. നമ്മുടെ മനസ്സാക്ഷി ദുർബ​ല​മാ​യി​ത്തീ​രു​ക​യും ചെയ്യും. മറെറാ​രു തരത്തിൽ പറഞ്ഞാൽ, “ചീത്ത സഹവാ​സങ്ങൾ പ്രയോ​ജ​ന​പ്ര​ദ​മായ ശീലങ്ങളെ പാഴാ​ക്കു​ന്നു.”—1 കൊരി​ന്ത്യർ 15:33, NW.

ദൈവ​നി​യ​മ​ങ്ങൾ അറിയാ​നും ആദരി​ക്കാ​നും ഒരു വ്യക്തി പരിശീ​ലി​പ്പി​ക്ക​പ്പെ​ടു​ന്നെ​ങ്കിൽ, സ്‌പഷ്ട​മാ​യും അദ്ദേഹ​ത്തി​ന്റെ മനസ്സാക്ഷി അദ്ദേഹം അങ്ങനെ പരിശീ​ലി​പ്പി​ക്ക​പ്പെ​ട്ടി​ട്ടി​ല്ലാ​യി​രു​ന്നെ​ങ്കിൽ ആകുമാ​യി​രു​ന്ന​തി​നെ​ക്കാൾ കൂടുതൽ ആശ്രയ​യോ​ഗ്യ​മായ ഒരു വഴികാ​ട്ടി​യാ​യി​ത്തീ​രും. എന്നിരു​ന്നാ​ലും, ദൈവ​ത്തി​ന്റെ വഴിക​ളെ​ക്കു​റി​ച്ചു ഗ്രാഹ്യ​വും ആഴമായ വിലമ​തി​പ്പും ഉള്ള ഒരു വ്യക്തി​പോ​ലും അവകാ​ശ​പ്പെ​ടു​ത്തിയ പാപവും അപൂർണ​ത​യും ഒരുപക്ഷേ ബാഹ്യ​സ്വാ​ധീ​ന​ങ്ങ​ളും നിമിത്തം തന്റെ മനസ്സാക്ഷി ഒരു ആശ്രയ​യോ​ഗ്യ​മായ വഴികാ​ട്ടി​യ​ല്ലെന്നു ചില​പ്പോ​ഴൊ​ക്കെ കണ്ടെത്തി​യേ​ക്കാം.

നമുക്ക്‌ എന്തു ചെയ്യാ​നാ​വും?

മനസ്സാ​ക്ഷി​യെ ശരിയായ തത്ത്വങ്ങൾക്ക്‌ കൂടുതൽ സംവേ​ദ​ന​ക്ഷ​മ​മാ​ക​ത്ത​ക്ക​വി​ധം മാററം​വ​രു​ത്താൻ കഴിയു​മോ? കഴിയും. പൗലോസ്‌ “നൻമതിൻമ​കളെ തിരി​ച്ച​റി​വാൻ തഴക്കത്താൽ അഭ്യസിച്ച ഇന്ദ്രി​യ​ങ്ങ​ളു​ള്ള​വ​രാ​യി​രി​ക്കാൻ” അവർക്കു കഴിയ​ണ​മെന്നു ക്രിസ്‌ത്യാ​നി​കളെ ബുദ്ധി​യു​പ​ദേ​ശി​ച്ചു. (എബ്രായർ 5:11-14) അത്തരത്തി​ലുള്ള തഴക്കത്തി​ലും പരിശീ​ല​ന​ത്തി​ലും, ബൈബിൾ പഠിക്കു​ന്ന​തും യേശു​ക്രി​സ്‌തു നമുക്കു​വേണ്ടി വച്ചിട്ടുള്ള പൂർണ​മായ മാതൃ​കക്കു പ്രത്യേക ശ്രദ്ധ​കൊ​ടു​ക്കു​ന്ന​തും ഉൾപ്പെ​ടു​ന്നു. (1 പത്രൊസ്‌ 2:21, 22) ഇപ്രകാ​രം ചെയ്‌ത​തി​നു​ശേഷം, തീരു​മാ​ന​ങ്ങ​ളെ​ടു​ക്കു​ന്ന​തിൽ നാം നമ്മുടെ മാനസി​ക​പ്രാ​പ്‌തി​കളെ ഉപയോ​ഗി​ക്കു​മ്പോൾ നമ്മുടെ മനസ്സാ​ക്ഷി​കൾ തെററായ ചിന്തക​ളിൽനി​ന്നും പ്രവർത്ത​ന​ങ്ങ​ളിൽനി​ന്നും നമ്മെ കൂടുതൽ കൂടുതൽ തിരി​ച്ചു​ക​ള​യു​ക​യും പ്രശം​സ​നീ​യ​വും ഉചിത​വു​മാ​യ​തെ​ന്തോ അതു ചെയ്യു​ന്ന​തി​നു നമ്മെ പ്രചോ​ദി​പ്പി​ക്കു​ക​യും ചെയ്യും.

അങ്ങനെ​യാ​ണെ​ങ്കിൽപ്പോ​ലും, നാം ഒരിക്ക​ലും സ്വയനീ​തി​ക്കാ​രോ ഏതെങ്കി​ലും കാര്യം “എന്റെ മനസ്സാ​ക്ഷി​യെ അലട്ടു​ന്നി​ല്ലെ”ങ്കിൽ അതൊരു കുഴപ്പ​വു​മി​ല്ലാ​ത്ത​താണ്‌ എന്നു പറയു​ക​യോ ചെയ്യരുത്‌. അപൂർണ മനുഷ്യ​രി​ലെ മനസ്സാ​ക്ഷി​യു​ടെ യഥോ​ചി​ത​വും സുരക്ഷി​ത​വു​മായ ഉപയോ​ഗത്തെ വിശ്വ​സ്‌ത​നായ ഒരു ഡ്രൈ​വ​റി​ന്റെ ജാഗ്ര​ത​യോ​ടു കൂടി​യുള്ള ചിട്ടക​ളി​ലൂ​ടെ ഉദാഹ​രി​ക്കാൻ കഴിയും. ഒരു ഡ്രൈവർ പാത മാററി​യോ​ടി​ക്കാൻ ആഗ്രഹി​ക്കു​ന്നെ​ങ്കിൽ ആദ്യം​തന്നെ പിൻഭാ​ഗം കാണാ​നുള്ള കണ്ണാടി​യി​ലേക്ക്‌ പെട്ടെന്നു കണ്ണോ​ടി​ക്കു​ന്നു. ഒരു കാർ വരുന്നതു കാണു​ന്നെ​ങ്കിൽ, മറേറ പാതയി​ലേക്കു വണ്ടി നീക്കു​ന്നതു സുരക്ഷി​തമല്ല എന്ന്‌ അദ്ദേഹം മനസ്സി​ലാ​ക്കു​ന്നു. അഥവാ, ഒന്നും​തന്നെ കാണു​ന്നി​ല്ലെ​ങ്കിൽപ്പോ​ലും, വിവേ​കി​യായ ഒരു ഡ്രൈവർ അവിടെ കണ്ണിൽപ്പെ​ടാ​തെ പോ​യേ​ക്കാ​വുന്ന ചില തടസ്സങ്ങ​ളു​ണ്ടെന്ന്‌—കണ്ണാടി​യിൽ മാത്രം ആശ്രയി​ച്ചു​കൊണ്ട്‌ എല്ലായ്‌പോ​ഴും എല്ലാം കാണാൻ കഴിയു​ക​യി​ല്ലെന്നു തിരി​ച്ച​റി​യു​ന്നു. അതു​കൊണ്ട്‌, അദ്ദേഹം കണ്ണാടി​യിൽ മാത്രമല്ല നോക്കു​ന്നത്‌. നീങ്ങു​ന്ന​തി​നു മുമ്പു പാത തടസ്സര​ഹി​ത​മാ​ണെന്ന്‌ ഉറപ്പു​വ​രു​ത്താൻ തല തിരിച്ചു നോക്കു​ന്നു. മനസ്സാ​ക്ഷി​യു​ടെ കാര്യ​ത്തി​ലും ഇതുതന്നെ സത്യമാണ്‌. അതു നിങ്ങൾക്കു മുന്നറി​യി​പ്പു നൽകു​ന്നെ​ങ്കിൽ അതിനു ശ്രദ്ധ​കൊ​ടു​ക്കുക. എന്നാൽ ആദ്യ​മൊ​ക്കെ അത്‌ ആപൽ സൂചന മുഴക്കാ​ത്ത​പ്പോൾപ്പോ​ലും, ബുദ്ധി​മാ​നായ ഡ്രൈ​വ​റെ​പ്പോ​ലെ ആയിരി​ക്കുക—ഒരാപ​ത്തും ഇല്ലെന്ന്‌ ഉറപ്പു​വ​രു​ത്തു​ന്ന​തി​നു കൂടു​ത​ലാ​യി പരി​ശോ​ധന നടത്തുക.

ദൈവ​ത്തി​ന്റെ ചിന്താ​ഗ​തി​യു​മാ​യി പൊരു​ത്ത​പ്പെ​ടു​ന്നോ എന്നു കാണാൻ നിങ്ങളു​ടെ ചിന്താ​ഗതി പരി​ശോ​ധി​ക്കുക. അവിടു​ത്തെ വചനത്തെ നിങ്ങളു​ടെ മനസ്സാ​ക്ഷി​യെ വിലയി​രു​ത്താ​നുള്ള ഒരു സൗണ്ടിംഗ്‌ ബോർഡാ​യി ഉപയോ​ഗി​ക്കുക. സദൃശ​വാ​ക്യ​ങ്ങൾ 3:5, 6 ജ്ഞാനപൂർവം ഇപ്രകാ​രം പറയുന്നു: “പൂർണ്ണ​ഹൃ​ദ​യ​ത്തോ​ടെ യഹോ​വ​യിൽ ആശ്രയിക്ക; സ്വന്ത വിവേ​ക​ത്തിൽ ഊന്നരു​തു. നിന്റെ എല്ലാവ​ഴി​ക​ളി​ലും അവനെ നിനെ​ച്ചു​കൊൾക; അവൻ നിന്റെ പാതകളെ നേരെ​യാ​ക്കും.”

അതു​കൊ​ണ്ടു നിങ്ങളു​ടെ മനസ്സാ​ക്ഷി​ക്കു ചെവി​കൊ​ടു​ക്കു​ന്നതു ബുദ്ധി​യാണ്‌. എന്നാൽ നാം ചെയ്യു​ന്ന​തെ​ല്ലാം തന്റെ വചനത്തിൽ വെളി​പ്പെ​ടു​ത്തി​യി​രി​ക്കുന്ന ദൈ​വേ​ഷ്ട​ത്തോ​ടു താരത​മ്യ​പ്പെ​ടു​ത്തു​ന്നത്‌ അതിലും ബുദ്ധി​യാണ്‌. അപ്പോൾ മാത്രമേ നമുക്ക്‌ ഉറപ്പോ​ടെ ഇപ്രകാ​രം പറയാൻ കഴിയൂ, “ഞങ്ങൾക്കു പരമാർഥ​ത​യുള്ള ഒരു മനസ്സാ​ക്ഷി​യു​ണ്ടെന്നു ഞങ്ങൾക്ക്‌ ഉറപ്പാണ്‌.”—എബ്രായർ 13:18, NW; 2 കൊരി​ന്ത്യർ 1:12. (g93 7⁄8)

[26-ാം പേജിലെ ചിത്രം]

“വി. പൗലോ​സി​ന്റെ പരിവർത്തനം”

[കടപ്പാട്‌]

Painting by Caravaggio: Scala/Art Resource, N.Y.