ഹാനോക്ക്‌—സകല പ്രയാ​സ​ഘ​ട്ട​ങ്ങ​ളി​ലും നിർഭയൻ

നല്ലവനായ ഒരു മനുഷ്യ​നെ സംബന്ധി​ച്ചി​ട​ത്തോ​ളം, ഏറ്റവും മോശ​മായ സമയമാ​യി​രു​ന്നു അത്‌. അഭക്തി ഭൂമി​യിൽ നിറഞ്ഞി​രു​ന്നു. മാനവ​രാ​ശി​യു​ടെ ധാർമി​കാ​വസ്ഥ അനു​ക്രമം താണു. വാസ്‌ത​വ​ത്തിൽ, പെട്ടെ​ന്നു​തന്നെ ഇങ്ങനെ പറയ​പ്പെ​ടു​മാ​യി​രു​ന്നു: “ഭൂമി​യിൽ മമനു​ഷ്യ​ന്റെ ദുഷ്ടത വലിയ​തെ​ന്നും അവന്റെ ഹൃദയ​വി​ചാ​ര​ങ്ങ​ളു​ടെ നിരൂ​പ​ണ​മൊ​ക്കെ​യും എല്ലായ്‌പോ​ഴും ദോഷ​മു​ള്ള​ത​ത്രേ എന്നും യഹോവ കണ്ടു.”—ഉല്‌പത്തി 6:5.

ആദാം​മു​ത​ലു​ള്ള വംശപ​ര​മ്പ​ര​യിൽ ഏഴാമ​നായ ഹാനോ​ക്കിന്‌ വ്യത്യ​സ്‌ത​നാ​യി​രി​ക്കു​ന്ന​തി​നുള്ള ധൈര്യ​മു​ണ്ടാ​യി​രു​ന്നു. പ്രത്യാ​ഘാ​തങ്ങൾ വകവെ​ക്കാ​തെ അവൻ നീതിക്കു വേണ്ടി ഉറച്ചു​നി​ന്നു. ഹാനോ​ക്കി​ന്റെ സന്ദേശം ഭക്തികെട്ട പാപി​കളെ അലോ​സ​ര​പ്പെ​ടു​ത്തു​ന്ന​താ​യി​രു​ന്നു, അതു​കൊണ്ട്‌ ആളുകൾ അവനെ വധിക്കാൻ ലക്ഷ്യമി​ട്ടു. യഹോ​വ​യ്‌ക്കു മാത്രമേ അവനെ സഹായി​ക്കാൻ കഴിയു​മാ​യി​രു​ന്നു​ള്ളൂ.—യൂദാ 14, 15.

ഹാനോ​ക്കും സാർവ​ത്രിക വിവാ​ദ​വി​ഷ​യ​വും

ഹാനോ​ക്കി​ന്റെ ജനനത്തി​നു ദീർഘ​കാ​ലം മുമ്പേ സാർവ​ത്രിക വിവാ​ദ​വി​ഷയം ഉദിച്ചി​രു​ന്നു. ദൈവ​ത്തി​നു ഭരിക്കു​ന്ന​തി​നുള്ള അവകാ​ശ​മു​ണ്ടോ? ഫലത്തിൽ, പിശാ​ചായ സാത്താൻ പറഞ്ഞത്‌ ഇല്ല എന്നാണ്‌. ദൈവ​ത്തി​ന്റെ മാർഗ​നിർദേ​ശ​ത്തിൽനി​ന്നു സ്വത​ന്ത്ര​മാ​കു​ന്ന​താ​യി​രി​ക്കും ബുദ്ധി​ശ​ക്തി​യുള്ള സൃഷ്ടി​കൾക്കു നല്ലതെന്ന്‌ അവൻ തറപ്പി​ച്ചു​പ​റഞ്ഞു. മനുഷ്യ​രെ തന്ത്രപൂർവം തന്റെ പക്ഷത്താ​ക്കി​ക്കൊ​ണ്ടു സാത്താൻ യഹോ​വ​യ്‌ക്കെ​തി​രെ തെളിവു നിരത്താൻ ശ്രമിച്ചു. ദൈവ​ഭ​ര​ണ​ത്തി​നു​പ​കരം, സ്വയം​ഭ​രണം തിര​ഞ്ഞെ​ടു​ക്കു​ക​വഴി ആദാമും ഹവ്വായും അവരുടെ ആദ്യപു​ത്ര​നായ കയീനും സാത്താന്റെ പക്ഷം ചേർന്നു​കൊണ്ട്‌ കുപ്ര​സി​ദ്ധ​രാ​യി​ത്തീർന്നു. ആദ്യ മനുഷ്യ​ജോ​ഡി​കൾ ഇതു ചെയ്‌തത്‌ ദൈവം വിലക്കി​യി​രുന്ന ഫലം ഭക്ഷിച്ചു​കൊ​ണ്ടാണ്‌, കയീൻ അങ്ങനെ ചെയ്‌തത്‌ ഹാബെൽ എന്ന നീതി​മാ​നായ തന്റെ സഹോ​ദ​രനെ മനപ്പൂർവം വധിച്ചു​കൊ​ണ്ടാ​യി​രു​ന്നു.—ഉല്‌പത്തി 3:4-6; 4:8.

ഹാബെൽ ധൈര്യ​പൂർവം യഹോ​വ​യു​ടെ പക്ഷത്തു നില​കൊ​ണ്ടു. ഹാബെ​ലി​ന്റെ നിർമലത ശുദ്ധാ​രാ​ധ​നയെ ഉന്നമി​പ്പി​ച്ച​തി​നാൽ, അവന്റെ​മേൽ കയീൻ ഹിംസാ​ത്മക ക്രോധം ചൊരി​യു​ന്നതു കാണു​ന്ന​തിൽ സാത്താൻ സന്തോ​ഷി​ച്ചു​വെ​ന്ന​തിൽ സംശയ​മില്ല. അക്കാലം​മു​തൽ, ഭീഷണ​മായ ഒരു ആയുധ​മാ​യി സാത്താൻ “മരണഭീ​തി”യെ ഉപയോ​ഗി​ച്ചു​പോ​ന്നി​രി​ക്കു​ന്നു. സത്യ​ദൈ​വത്തെ ആരാധി​ക്കാൻ ചായ്‌വു കാണി​ക്കുന്ന ഏതൊ​രു​വ​ന്റെ​യും ഹൃദയ​ത്തിൽ ഭീതി വിതയ്‌ക്കാ​നാ​ണു സാത്താ​നാ​ഗ്ര​ഹി​ക്കു​ന്നത്‌.—എബ്രായർ 2:14, 15; യോഹ​ന്നാൻ 8:44; 1 യോഹ​ന്നാൻ 3:12.

ഹാനോക്ക്‌ ജനിച്ച​പ്പോ​ഴേ​ക്കും, യഹോ​വ​യു​ടെ പരമാ​ധി​കാ​രത്തെ മനുഷ്യർ ഉയർത്തി​പ്പി​ടി​ക്കു​ക​യില്ല എന്ന സാത്താന്റെ വീക്ഷണ​ത്തി​നു വളരെ​യ​ധി​കം പിന്തുണ ലഭിച്ച​താ​യി തോന്നി. ഹാബെൽ മരിച്ചു​പോ​യി​രു​ന്നു, അവന്റെ വിശ്വസ്‌ത മാതൃക ആരും പിൻപ​റ്റു​ന്നു​ണ്ടാ​യി​രു​ന്നില്ല. എങ്കിലും, ഹാനോക്ക്‌ അതി​നൊ​രു അപവാ​ദ​മാ​ണെന്നു തെളിഞ്ഞു. അവനു വിശ്വാ​സ​ത്തി​നു ശക്തമായ അടിസ്ഥാ​ന​മു​ണ്ടാ​യി​രു​ന്നു. കാരണം, ഏദെൻതോ​ട്ട​ത്തിൽ സംഭവിച്ച കാര്യങ്ങൾ അവനു സുപരി​ചി​ത​മാ​യി​രു​ന്നു.a വാഗ്‌ദത്ത സന്തതി സാത്താ​നും അവന്റെ തന്ത്രങ്ങൾക്കും അവസാനം വരുത്തു​മെന്നു സൂചി​പ്പി​ക്കുന്ന യഹോ​വ​യു​ടെ പ്രവച​നത്തെ അവൻ എത്രമാ​ത്രം താലോ​ലി​ച്ചി​രു​ന്നി​രി​ക്കണം!—ഉല്‌പത്തി 3:15.

തന്റെ മുമ്പാകെ എപ്പോ​ഴും ഈ പ്രത്യാശ നിലനിർത്തി​യി​രു​ന്ന​തി​നാൽ, പിശാ​ചി​ന്റെ പ്രേര​ണ​യാൽ ഹാബെ​ലി​നെ വധിച്ച ചരി​ത്ര​സം​ഭവം ഹാനോ​ക്കിൽ ഭയം ജനിപ്പി​ച്ചില്ല. മറിച്ച്‌, അവൻ യഹോ​വ​യോ​ടൊ​ത്തു നടക്കു​ന്ന​തിൽ തുടരു​ക​യും നീതി​നി​ഷ്‌ഠ​മായ ഒരു ജീവി​ത​ഗതി പാലി​ച്ചു​പോ​രു​ക​യും ചെയ്‌തു. ഹാനോക്ക്‌ ലോക​ത്തിൽനി​ന്നു വേർപെട്ടു നിന്നു, അതിന്റെ സ്വതന്ത്ര മനോ​ഭാ​വത്തെ അവൻ തള്ളിക്ക​ളഞ്ഞു.—ഉല്‌പത്തി 5:23, 24.

മാത്രമല്ല, ഹാനോക്ക്‌ ധൈര്യ​സ​മേതം തുറന്നു സംസാ​രി​ക്കു​ക​യും പിശാ​ചി​ന്റെ ദുഷ്ട പ്രവൃ​ത്തി​കൾ പരാജ​യ​മ​ട​യു​മെന്നു വ്യക്തമാ​ക്കു​ക​യും ചെയ്‌തു. ദൈവ​ത്തി​ന്റെ പരിശു​ദ്ധാ​ത്മാ​വി​ന്റെ അഥവാ പ്രവർത്ത​ന​നി​ര​ത​മായ ശക്തിയു​ടെ സ്വാധീ​ന​ത്തിൻകീ​ഴിൽ ഹാനോക്ക്‌ ദുഷ്ടന്മാ​രെ​ക്കു​റിച്ച്‌ ഇങ്ങനെ പ്രവചി​ച്ചു: “ഇതാ കർത്താവു എല്ലാവ​രെ​യും വിധി​പ്പാ​നും അവർ അഭക്തി​യോ​ടെ ചെയ്‌ത ഭക്തിവി​രു​ദ്ധ​മായ സകല പ്രവൃ​ത്തി​ക​ളും​നി​മി​ത്തം ഭക്തികെട്ട പാപികൾ തന്റെ നേരെ പറഞ്ഞ സകലനി​ഷ്‌ഠു​ര​ങ്ങ​ളും നിമി​ത്ത​വും ഭക്തി​കെ​ട്ട​വരെ ഒക്കെയും ബോധം​വ​രു​ത്തു​വാ​നും ആയിര​മാ​യി​രം വിശു​ദ്ധ​ന്മാ​രോ​ടു​കൂ​ടെ വന്നിരി​ക്കു​ന്നു.”—യൂദാ 14, 15.

ഹാനോ​ക്കി​ന്റെ നിർഭ​യ​മായ പ്രഖ്യാ​പ​നങ്ങൾ നിമിത്തം, അപ്പോ​സ്‌ത​ല​നായ പൗലൊസ്‌ എബ്രായ ക്രിസ്‌ത്യാ​നി​കൾക്ക്‌ എഴുതി​യ​പ്പോൾ അവനെ, വിശ്വാ​സം പ്രവൃ​ത്തി​പ​ഥ​ത്തിൽ കാണി​ക്കു​ന്ന​തിൽ വിശി​ഷ്ട​മായ ദൃഷ്ടാന്തം വെച്ച ‘സാക്ഷി​ക​ളു​ടെ വലി​യോ​രു സമൂഹ’ത്തിൽ ഉൾപ്പെ​ടു​ത്തി​യി​രി​ക്കു​ന്നു.b (എബ്രായർ 11:5; 12:1) വിശ്വാ​സ​പു​രു​ഷ​നാ​യി​രുന്ന ഹാനോക്ക്‌ 300-ലധികം വർഷക്കാ​ലം നിർമ​ല​ത​യു​ടെ ഗതിയിൽ തുടർന്നു. (ഉല്‌പത്തി 5:22) ഹാനോ​ക്കി​ന്റെ വിശ്വ​സ്‌തത സ്വർഗ​ത്തി​ലും ഭൂമി​യി​ലു​മുള്ള ദൈവ​വി​രോ​ധി​കളെ എത്ര അസ്വസ്ഥ​രാ​ക്കി​യി​രി​ക്കണം! ഹാനോ​ക്കി​ന്റെ തുളച്ചു​ക​യ​റുന്ന പ്രവചനം സാത്താനെ വിദ്വേ​ഷ​ഭ​രി​ത​നാ​ക്കി​യെ​ങ്കി​ലും, അതു യഹോ​വ​യു​ടെ സംരക്ഷണം കൈവ​രു​ത്തു​ക​യു​ണ്ടാ​യി.

ദൈവം ഹാനോ​ക്കി​നെ എടുത്തു—എങ്ങനെ?

ഹാനോ​ക്കി​നെ കൊല്ലാൻ സാത്താ​നെ​യോ ഭൂമി​യി​ലെ അവന്റെ പിണയാ​ളി​ക​ളെ​യോ യഹോവ അനുവ​ദി​ച്ചില്ല. മറിച്ച്‌, “ദൈവം അവനെ എടുത്തു” എന്ന്‌ നിശ്വസ്‌ത രേഖ പറയുന്നു. (ഉല്‌പത്തി 5:24) അപ്പോ​സ്‌ത​ല​നായ പൗലൊസ്‌ കാര്യ​ങ്ങളെ ഇങ്ങനെ വിശദീ​ക​രി​ക്കു​ന്നു: ‘വിശ്വാ​സ​ത്താൽ ഹാനോക്ക്‌ മരണം കാണാതെ എടുക്ക​പ്പെട്ടു; ദൈവം അവനെ എടുത്തു​കൊ​ണ്ട​തി​നാൽ കാണാ​തെ​യാ​യി. അവൻ ദൈവത്തെ പ്രസാ​ദി​പ്പി​ച്ചു എന്നു അവൻ എടുക്ക​പ്പെ​ട്ട​തി​ന്നു മുമ്പെ സാക്ഷ്യം പ്രാപി​ച്ചു.’—എബ്രായർ 11:5.

എങ്ങനെ​യാണ്‌ ഹാനോക്ക്‌ “മരണം കാണാതെ എടുക്ക”പ്പെട്ടത്‌? അല്ലെങ്കിൽ ആർ. എ. നോക്‌സി​ന്റെ പരിഭാ​ഷ​യിൽ വിവർത്തനം ചെയ്‌തി​രി​ക്കു​ന്ന​തു​പോ​ലെ, എങ്ങനെ​യാണ്‌ ഹാനോക്ക്‌ “മരണം അനുഭ​വി​ക്കാ​തെ എടുത്തു​മാ​റ്റ​പ്പെ​ട്ടത്‌”? രോഗ​ത്തിൽനി​ന്നോ ശത്രു​ക്ക​ളു​ടെ കരങ്ങളി​ലെ അക്രമ​ത്തിൽനി​ന്നോ ഉള്ള മരണ​വേ​ദ​നകൾ കൂടാതെ ദൈവം ഹാനോ​ക്കി​ന്റെ ജീവൻ ശാന്തമാ​യി അവസാ​നി​പ്പി​ച്ചു. അതേ, ഹാനോ​ക്കിന്‌ 365 വയസ്സു​ണ്ടാ​യി​രു​ന്ന​പ്പോൾ യഹോവ അവന്റെ ജീവൻ വെട്ടി​ച്ചു​രു​ക്കി—സമകാ​ലീ​ന​രോ​ടുള്ള താരത​മ്യ​ത്തിൽ അവൻ തികച്ചും ഒരു യുവാ​വാ​യി​രു​ന്നു.

“അവൻ ദൈവത്തെ പ്രസാ​ദി​പ്പി​ച്ചു” എന്നതിന്‌ ഹാനോ​ക്കിന്‌ എങ്ങനെ​യാണ്‌ “സാക്ഷ്യം” ലഭിച്ചത്‌? അവന്‌ എന്തു തെളി​വു​ണ്ടാ​യി​രു​ന്നു? സ്‌പഷ്ട​മാ​യും ക്രിസ്‌തീയ സഭയാ​കുന്ന ഭാവി ആത്മീയ പറുദീ​സ​യെ​ക്കു​റി​ച്ചുള്ള ഒരു ദർശനം സ്വീക​രി​ച്ചു​കൊണ്ട്‌ അപ്പോ​സ്‌ത​ല​നായ പൗലൊസ്‌ “എടുക്ക​പ്പെട്ട”തുപോ​ലെ ദൈവം ഹാനോ​ക്കി​നെ ഒരു ദിവ്യാ​നു​ഭൂ​തി​യിൽ ആക്കിയി​രി​ക്കാം. (2 കൊരി​ന്ത്യർ 12:3, 4) ഹാനോക്ക്‌ ദൈവ​ത്തി​നു പ്രസാ​ദ​മു​ള്ള​വ​നാ​യി​രു​ന്നു എന്നതിന്റെ സാക്ഷ്യ​മാ​യി അഥവാ തെളി​വാ​യി, ജീവനുള്ള എല്ലാവ​രും ദൈവ​ത്തി​ന്റെ പരമാ​ധി​കാ​രത്തെ പിന്താ​ങ്ങുന്ന ഭാവി ഭൗമിക പറുദീ​സ​യു​ടെ ഒരു ദർശനം അവനു ലഭിച്ചി​രി​ക്കാം. ഒരുപക്ഷേ ഉത്‌പ്രാ​ണനം പ്രാപി​ക്കു​ന്ന​തു​പോ​ലുള്ള ഒരു ദർശനം അനുഭ​വി​ച്ചു​കൊ​ണ്ടി​രു​ന്ന​പ്പോ​ഴാ​യി​രി​ക്കാം, പുനരു​ത്ഥാ​ന​ദി​വ​സം​വരെ നിദ്ര​കൊ​ള്ള​ത്ത​ക്ക​വണ്ണം വേദനാ​ര​ഹി​ത​മായ മരണത്തിൽ ദൈവം അവനെ എടുത്തത്‌. മോശ​യു​ടെ കാര്യ​ത്തി​ലേ​തു​പോ​ലെ, ഹാനോ​ക്കി​ന്റെ ശരീര​വും യഹോവ നീക്കം ചെയ്‌ത​താ​യി തോന്നു​ന്നു. കാരണം, അവനെ “കാണാ​തെ​യാ​യി.”—എബ്രായർ 11:5; ആവർത്ത​ന​പു​സ്‌തകം 34:5, 6; യൂദാ 9.

നിവൃ​ത്തി​യായ പ്രവചനം

ഇന്ന്‌, യഹോ​വ​യു​ടെ സാക്ഷികൾ ഹാനോ​ക്കി​ന്റെ പ്രവച​ന​ത്തി​ന്റെ സത്തയാണു പ്രഘോ​ഷി​ക്കു​ന്നത്‌. സമീപ​ഭാ​വി​യിൽ ദൈവം ഭക്തി​കെ​ട്ട​വരെ നശിപ്പി​ക്കു​മ്പോൾ അത്‌ എങ്ങനെ നിവൃ​ത്തി​യാ​കു​മെന്ന്‌ അവർ തിരു​വെ​ഴു​ത്തു​ക​ളിൽനി​ന്നു കാട്ടി​ക്കൊ​ടു​ക്കു​ന്നു. (2 തെസ്സ​ലൊ​നീ​ക്യർ 1:6-10) അവരുടെ സന്ദേശം അവരെ ജനപ്രീ​തി​യി​ല്ലാ​ത്ത​വ​രാ​ക്കു​ന്നു. കാരണം അത്‌ ഈ ലോക​ത്തി​ന്റെ വീക്ഷണ​ങ്ങ​ളിൽനി​ന്നും ലക്ഷ്യങ്ങ​ളിൽനി​ന്നും വളരെ വിഭി​ന്ന​മാണ്‌. അവർ നേരി​ടുന്ന എതിർപ്പ്‌ അവരെ അമ്പരപ്പി​ക്കു​ന്നില്ല, കാരണം യേശു തന്റെ അനുഗാ​മി​കൾക്ക്‌ ഈ മുന്നറി​യി​പ്പു നൽകി: “എന്റെ നാമം നിമിത്തം എല്ലാവ​രും നിങ്ങളെ പകെക്കും.”—മത്തായി 10:22; യോഹ​ന്നാൻ 17:14.

എങ്കിലും, ഹാനോ​ക്കി​നെ​പ്പോ​ലെ ശത്രു​ക്ക​ളിൽനി​ന്നു ക്രമേണ തങ്ങൾ വിടു​വി​ക്ക​പ്പെ​ടു​മെന്ന ഉറപ്പ്‌ ഇന്നത്തെ ക്രിസ്‌ത്യാ​നി​കൾക്കുണ്ട്‌. അപ്പോ​സ്‌ത​ല​നായ പത്രൊസ്‌ ഇങ്ങനെ എഴുതി: “കർത്താവു ഭക്തന്മാരെ പരീക്ഷ​യിൽനി​ന്നു വിടു​വി​പ്പാ​നും നീതി​കെ​ട്ട​വരെ . . . ന്യായ​വി​ധി​ദി​വ​സ​ത്തി​ലെ ദണ്ഡനത്തി​ന്നാ​യി കാപ്പാ​നും അറിയു​ന്നു​വ​ല്ലോ.” (2 പത്രൊസ്‌ 2:9, 10) ഒരു പ്രശ്‌ന​മോ പരി​ശോ​ധ​നാ​ത്മ​ക​മായ സാഹച​ര്യ​മോ നീക്കം ചെയ്യു​ന്നത്‌ ഉചിത​മാ​ണെന്നു ദൈവം കണ്ടേക്കാം. പീഡന​ത്തിന്‌ അവസാനം വന്നേക്കാം. ഇല്ലെങ്കിൽപോ​ലും, തന്റെ ജനത്തിനു വിജയ​പ്ര​ദ​മാ​യി പരി​ശോ​ധ​ന​കളെ സഹിച്ചു​നിൽക്കാൻ കഴി​യേ​ണ്ട​തിന്‌ ‘പോക്കു​വഴി ഉണ്ടാക്കാ​നും’ അവനറി​യാം. ആവശ്യ​മാ​യി​വ​രു​മ്പോൾ, ‘സാധാ​ര​ണ​യിൽ കവിഞ്ഞ ശക്തി’ പോലും യഹോവ തരുന്നു.—1 കൊരി​ന്ത്യർ 10:13; 2 കൊരി​ന്ത്യർ 4:7, NW.

“തന്നെ അന്വേ​ഷി​ക്കു​ന്ന​വർക്കു പ്രതി​ഫലം കൊടു​ക്കു”ന്നവനായ യഹോവ തന്റെ വിശ്വസ്‌ത ദാസന്മാ​രെ നിത്യ​ജീ​വൻകൊണ്ട്‌ അനു​ഗ്ര​ഹി​ക്കും. (എബ്രായർ 11:6) അവരിൽ ബഹുഭൂ​രി​പ​ക്ഷ​ത്തെ​യും സംബന്ധി​ച്ചി​ട​ത്തോ​ളം, അതു ഭൗമിക പറുദീ​സ​യി​ലെ അനന്തജീ​വ​നാ​യി​രി​ക്കും. അതു​കൊണ്ട്‌, ഹാനോ​ക്കി​നെ​പ്പോ​ലെ നമുക്കു ദൈവ​സ​ന്ദേശം നിർഭയം ഘോഷി​ക്കാം. സകല പ്രയാ​സ​ഘ​ട്ട​ങ്ങ​ളി​ലും നമുക്കു വിശ്വാ​സ​ത്തോ​ടെ അതു ചെയ്യാം.

[അടിക്കു​റി​പ്പു​കൾ]

[30-ാം പേജിലെ ചതുരം]

ദൈവനാമം ദുഷി​ക്ക​പ്പെ​ടു​ന്നു

ഹാനോ​ക്കിന്‌ ഏതാണ്ട്‌ നാലു നൂറ്റാണ്ടു മുമ്പ്‌, ആദാമി​ന്റെ പൗത്ര​നായ എനോശ്‌ ജനിച്ചു. “ആ കാലത്തു യഹോ​വ​യു​ടെ നാമത്തി​ലുള്ള ആരാധന തുടങ്ങി” എന്ന്‌ ഉല്‌പത്തി 4:26 പറയുന്നു. യഹോ​വ​യു​ടെ നാമത്തെ “ദുഷി​പ്പി​ക്ക​ത്ത​ക്ക​വി​ധം” വിളിച്ചു“തുടങ്ങി” അല്ലെങ്കിൽ “അപ്പോൾ ദുഷി​പ്പി​ക്കൽ തുടങ്ങി” എന്നാണ്‌ ആ വാക്യം വായി​ക്കേ​ണ്ട​തെന്ന്‌ ചില എബ്രാ​യ​ഭാ​ഷാ പണ്ഡിത​ന്മാർ വിശ്വ​സി​ക്കു​ന്നു. ആ ചരി​ത്ര​കാ​ല​ഘ​ട്ട​ത്തെ​ക്കു​റിച്ച്‌ യെരൂ​ശ​ലേം തർഗം ഇങ്ങനെ പറയുന്നു: “ആളുകൾ തെറ്റു ചെയ്യാൻ തുടങ്ങിയ, തങ്ങളെ​ത്തന്നെ വിഗ്ര​ഹ​ങ്ങ​ളാ​ക്കാൻ തുടങ്ങിയ, കർത്താ​വി​ന്റെ വചനത്തി​ന്റെ നാമം വിഗ്ര​ഹ​ങ്ങൾക്കു കുടും​ബ​നാ​മ​മാ​യി ഇട്ട തലമു​റ​യാ​യി​രു​ന്നു അത്‌.”

എനോ​ശി​ന്റെ കാലത്ത്‌ യഹോ​വ​യു​ടെ നാമം വ്യാപ​ക​മാ​യി ദുരു​പ​യോ​ഗം ചെയ്‌തി​രു​ന്നു. ആളുകൾ ദിവ്യ​നാ​മം തങ്ങൾക്കു​ത​ന്നെ​യി​ടു​ക​യോ മറ്റുള്ള​വർക്ക്‌ ആ നാമം നൽകി​യിട്ട്‌ അവരി​ലൂ​ടെ ആരാധ​ന​യിൽ യഹോ​വ​യാം ദൈവത്തെ സമീപി​ക്കു​ന്ന​താ​യി ഭാവി​ക്കു​ക​യോ ചെയ്‌തി​രി​ക്കാ​നാ​ണു സാധ്യത. അല്ലെങ്കിൽ അവർ ദിവ്യ​നാ​മം വിഗ്ര​ഹ​ങ്ങൾക്ക്‌ ഇട്ടിരി​ക്കാം. സംഗതി എന്തായാ​ലും, വിഗ്ര​ഹാ​രാ​ധ​ന​യാ​കുന്ന കെണി​യിൽ മനുഷ്യ​രാ​ശി​യെ സമർഥ​മാ​യി കുടു​ക്കാൻ പിശാ​ചായ സാത്താനു കഴിഞ്ഞു. ഹാനോക്ക്‌ ജനിച്ച​പ്പോ​ഴേ​ക്കും സത്യാ​രാ​ധന വിരള​മാ​യി​ക്ക​ഴി​ഞ്ഞി​രു​ന്നു. സത്യമ​നു​സ​രിച്ച്‌ ജീവി​ക്കു​ക​യും അതു പ്രസം​ഗി​ക്കു​ക​യും ചെയ്‌ത ഹാനോ​ക്കി​നെ​പ്പോ​ലുള്ള ഏതൊ​രാൾക്കും ജനപ്രീ​തി​യി​ല്ലാ​യി​രു​ന്നു, അതു​കൊ​ണ്ടു​തന്നെ പീഡന​ത്തി​നു പാത്ര​വു​മാ​യി​രു​ന്നു.—മത്തായി 5:11, 12 താരത​മ്യം ചെയ്യുക.

[31-ാം പേജിലെ ചതുരം]

ഹാനോക്ക്‌ സ്വർഗ​ത്തിൽ പോയോ?

‘വിശ്വാ​സ​ത്താൽ ഹാനോക്ക്‌ മരണം കാണാതെ എടുക്ക​പ്പെട്ടു.’ എബ്രായർ 11:5-ന്റെ ഈ ഭാഗം പരിഭാ​ഷ​പ്പെ​ടു​ത്തു​മ്പോൾ, ചില ബൈബിൾ വിവർത്ത​നങ്ങൾ സൂചി​പ്പി​ക്കു​ന്നത്‌ ഹാനോക്ക്‌ വാസ്‌ത​വ​ത്തിൽ മരിച്ചില്ല എന്നാണ്‌. ഉദാഹ​ര​ണ​ത്തിന്‌, ജയിംസ്‌ മോഫ​റ്റി​ന്റെ ബൈബി​ളി​ന്റെ ഒരു പുതിയ വിവർത്തനം (ഇംഗ്ലീഷ്‌) ഇങ്ങനെ പ്രസ്‌താ​വി​ക്കു​ന്നു: “ഹാനോക്ക്‌ ഒരിക്ക​ലും മരിക്കാ​തി​രി​ക്കാൻ അവൻ വിശ്വാ​സ​ത്താൽ സ്വർഗ​ത്തി​ലേക്ക്‌ എടുക്ക​പ്പെട്ടു.”

എന്നിരു​ന്നാ​ലും, ഹാനോ​ക്കി​ന്റെ നാളിന്‌ ഏതാണ്ട്‌ 3,000 വർഷങ്ങൾക്കു​ശേഷം യേശു​ക്രി​സ്‌തു ഇങ്ങനെ പ്രസ്‌താ​വി​ച്ചു: ‘സ്വർഗ്ഗ​ത്തിൽനി​ന്നു ഇറങ്ങി​വ​ന്ന​വ​നാ​യി സ്വർഗ്ഗ​ത്തിൽ ഇരിക്കു​ന്ന​വ​നായ മനുഷ്യ​പു​ത്രൻ അല്ലാതെ ആരും സ്വർഗ്ഗ​ത്തിൽ കയറീ​ട്ടില്ല.’ (യോഹ​ന്നാൻ 3:13) ദ ന്യൂ ഇംഗ്ലീഷ്‌ ബൈബിൾ ഇങ്ങനെ വായി​ക്കു​ന്നു: “സ്വർഗ​ത്തിൽനിന്ന്‌ ഇറങ്ങി​വ​ന്ന​വ​നായ മനുഷ്യ​പു​ത്രൻ ഒഴികെ ആരും സ്വർഗ​ത്തി​ലേക്കു കയറി​പ്പോ​യി​ട്ടില്ല.” യേശു ആ പ്രസ്‌താ​വന നടത്തി​യ​പ്പോൾ, അവൻപോ​ലും സ്വർഗ​ത്തി​ലേക്കു കയറി​പ്പോ​യി​രു​ന്നില്ല.—ലൂക്കൊസ്‌ 7:28 താരത​മ്യം ചെയ്യുക.

ക്രിസ്‌തീ​യ​പൂർവ സാക്ഷി​ക​ളു​ടെ വലിയ സമൂഹ​ത്തിൽപ്പെട്ട ഹാനോ​ക്കും മറ്റുള്ള “എല്ലാവ​രും” “വാഗ്‌ദ​ത്ത​നി​വൃ​ത്തി പ്രാപി​ക്കാ​തെ” “മരിച്ചു” എന്ന്‌ അപ്പോ​സ്‌ത​ല​നായ പൗലൊസ്‌ പ്രസ്‌താ​വി​ക്കു​ന്നു. (എബ്രായർ 11:13, 39) എന്തു​കൊണ്ട്‌? കാരണം, ഹാനോക്ക്‌ ഉൾപ്പെ​ടെ​യുള്ള എല്ലാ മനുഷ്യ​രും ആദാമിൽനി​ന്നു പാപം അവകാ​ശ​പ്പെ​ടു​ത്തി​യി​രി​ക്കു​ന്നു. (സങ്കീർത്തനം 51:5; റോമർ 5:12) രക്ഷയുടെ ഒരേ ഒരു മാർഗം തുറക്ക​പ്പെ​ട്ടി​രി​ക്കു​ന്നതു ക്രിസ്‌തു​യേ​ശു​വി​ന്റെ മറുവി​ല​യാ​ഗ​ത്തി​ലൂ​ടെ​യാണ്‌. (പ്രവൃ​ത്തി​കൾ 4:12; 1 യോഹ​ന്നാൻ 2:1, 2) ഹാനോ​ക്കി​ന്റെ നാളിൽ ആ മറുവില നൽക​പ്പെ​ട്ടി​രു​ന്നില്ല. അതു​കൊണ്ട്‌, ഹാനോക്ക്‌ സ്വർഗ​ത്തിൽ പോയില്ല. എന്നാൽ അവൻ ഭൂമി​യി​ലെ പുനരു​ത്ഥാ​നം കാത്തു​കൊ​ണ്ടു മരണനി​ദ്ര​യി​ലാണ്‌.—യോഹ​ന്നാൻ 5:28, 29.

[29-ാം പേജിലെ ചിത്ര​ത്തിന്‌ കടപ്പാട]

പകർപ്പെടുത്തിരിക്കുന്ന ഗ്രന്ഥം: Illustrirte Pracht - Bibel/ Heilige Schrift des Alten und Neuen Testaments, nach der deutschen Uebersetzung D. Martin Luther’s