അസൂയ​യെ​ക്കു​റി​ച്ചു നിങ്ങൾ അറിഞ്ഞി​രി​ക്കേ​ണ്ടത്‌

അസൂയ എന്താണ്‌? ഒരു വ്യക്തിയെ ഉത്‌ക​ണ്‌ഠാ​കു​ല​നോ ദുഃഖി​ത​നോ രോഷാ​കു​ല​നോ ആക്കാൻ കഴിയുന്ന ഒരു തീവ്ര വികാ​ര​മാണ്‌ അസൂയ. ആരെങ്കി​ലും ഒരു ഉദ്യമ​ത്തിൽ നമ്മെക്കാൾ കൂടുതൽ വിജയം​നേ​ടു​ന്ന​താ​യി കാണു​മ്പോൾ നമുക്ക്‌ അസൂയ തോന്നി​യേ​ക്കാം. അല്ലെങ്കിൽ നമുക്കു ലഭിക്കു​ന്ന​തി​ല​ധി​കം പ്രശംസ ഒരു സുഹൃ​ത്തി​നു ലഭിക്കു​മ്പോൾ നമുക്ക്‌ അസൂയ തോന്നി​യേ​ക്കാം. എന്നാൽ അസൂയ തോന്നു​ന്നത്‌ എല്ലായ്‌പോ​ഴും തെറ്റാ​ണോ?

അസൂയ ബാധി​ച്ച​യാ​ളു​കൾ തങ്ങളുടെ പ്രതി​യോ​ഗി​ക​ളാ​കാൻ ഇടയു​ള്ള​വ​രെ​ക്കു​റി​ച്ചു സംശയാ​ലു​ക്ക​ളാ​കാ​നുള്ള പ്രവണത കാട്ടുന്നു. ഇതിന്റെ ഒരു ഉദാഹ​ര​ണ​മാ​യി​രു​ന്നു പുരാതന ഇസ്രാ​യേ​ലി​ലെ ശൗൽ രാജാവ്‌. ആദ്യ​മൊ​ക്കെ അവൻ തന്റെ ആയുധ​വാ​ഹ​ക​നായ ദാവീ​ദി​നെ സ്‌നേ​ഹി​ച്ചു. അവൻ ദാവീ​ദി​നെ സൈന്യ​ത്തി​ലെ ഒരു മേധാ​വി​യാ​ക്കി സ്ഥാനക്ക​യറ്റം കൊടു​ക്കു​ക​പോ​ലും ചെയ്‌തു. (1 ശമൂവേൽ 16:21; 18:5) അങ്ങനെ​യി​രി​ക്കെ ഒരു ദിവസം സ്‌ത്രീ​കൾ ദാവീ​ദി​നെ ഈ വാക്കു​ക​ളോ​ടെ പുകഴ്‌ത്തു​ന്നതു ശൗൽ രാജാവു കേട്ടു: “ശൌൽ ആയിരത്തെ കൊന്നു ദാവീ​ദോ പതിനാ​യി​രത്തെ.” (1 ശമൂവേൽ 18:7) ദാവീ​ദു​മാ​യുള്ള തന്റെ നല്ല ബന്ധത്തെ ബാധി​ക്കാൻ ശൗൽ ഇതിനെ അനുവ​ദി​ക്ക​രു​താ​യി​രു​ന്നു. എന്നാൽ, അത്‌ അവനിൽ നീരസ​മു​ണ്ടാ​ക്കി. “അന്നുമു​തൽ ശൌലി​ന്നു ദാവീ​ദി​നോ​ടു കണ്ണുകടി തുടങ്ങി.”—1 ശമൂവേൽ 18:9.

അസൂയാ​ലു​വാ​യ ഒരു വ്യക്തി മറ്റൊ​രാൾക്കു ദോഷം സംഭവി​ക്കാൻ ആഗ്രഹി​ക്കി​ല്ലാ​യി​രി​ക്കാം. ആ വ്യക്തി സുഹൃ​ത്തി​ന്റെ വിജയ​ത്തിൽ കേവലം അമർഷം കൊള്ളു​ക​യും അതേ ഗുണങ്ങ​ളോ സാഹച​ര്യ​ങ്ങ​ളോ ഉണ്ടായി​രി​ക്കാൻ വാഞ്‌ഛി​ക്കു​ക​യൂം ചെയ്‌തേ​ക്കാം. അതേസ​മയം, ഈർഷ്യ വിശേ​ഷി​ച്ചും അസൂയ​യു​ടെ നിഷേ​ധാ​ത്മ​ക​മായ ഒരു രൂപമാണ്‌. ഈർഷ്യ​യുള്ള ഒരു വ്യക്തി തന്നെ അസൂയ​പ്പെ​ടു​ത്തുന്ന വ്യക്തിക്കു ലഭിക്കാ​നുള്ള നല്ല സംഗതി​കളെ രഹസ്യ​മാ​യി തടയു​ക​യോ ആ വ്യക്തിക്കു ദോഷം സംഭവി​ക്കാൻ ആഗ്രഹി​ക്കു​ക​യോ ചെയ്‌തേ​ക്കാം. ഈർഷ്യ​യുള്ള വ്യക്തിക്കു ചില​പ്പോൾ തന്റെ വികാ​ര​ങ്ങളെ രഹസ്യ​മാ​ക്കി​വെ​ക്കാൻ സാധി​ക്കാ​തെ വരുന്നു. ശൗൽ രാജാവു ദാവീ​ദി​നെ കൊല്ലാൻ ശ്രമി​ച്ച​തു​പോ​ലെ, അയാൾ മറ്റൊ​രാ​ളെ പരസ്യ​മാ​യി ദ്രോ​ഹി​ക്കാൻ നിർബ​ന്ധി​ത​നാ​യി​ത്തീർന്നേ​ക്കാം. ഒന്നില​ധി​കം സന്ദർഭ​ങ്ങ​ളിൽ, ശൗൽ “ദാവീ​ദി​നെ ചുവ​രോ​ടു​ചേർത്തു കുത്തു​വാൻ” കുന്തം എറിഞ്ഞു.—1 ശമൂവേൽ 18:11; 19:10.

‘പക്ഷേ ഞാൻ അസൂയാ​ലു​വൊ​ന്നു​മല്ല’ എന്നു നിങ്ങൾ പറഞ്ഞേ​ക്കാം. നിങ്ങളു​ടെ ജീവി​തത്തെ അസൂയ നിയ​ന്ത്രി​ക്കു​ന്നി​ല്ലെ​ന്നതു ശരിയാ​യി​രി​ക്കാം. എന്നിരു​ന്നാ​ലും, അസൂയ—നമ്മു​ടെ​യും മറ്റുള്ള​വ​രു​ടെ​യും അസൂയ​ക​ലർന്ന വികാ​രങ്ങൾ—നമ്മെ​യെ​ല്ലാം ഒരു പരിധി​വരെ ബാധി​ക്കു​ന്നുണ്ട്‌. മറ്റുള്ള​വ​രി​ലുള്ള അസൂയ നാം പെട്ടെന്നു ശ്രദ്ധി​ച്ചേ​ക്കാം, എന്നാൽ നമ്മിലു​ള്ളതു നാം അത്ര പെട്ടെന്നു ശ്രദ്ധി​ക്കു​ക​യി​ല്ലാ​യി​രി​ക്കാം.

“ഈർഷ്യ തോന്നാ​നുള്ള പ്രവണത”

ദൈവ​വ​ച​ന​മായ ബൈബി​ളിൽ വെളി​പ്പെ​ടു​ത്തി​യി​രി​ക്കു​ന്ന​പ്രകാ​ര​മുള്ള മനുഷ്യ​രു​ടെ പാപസ്വ​ഭാ​വം സംബന്ധിച്ച വിവരണം ഈർഷ്യ​നി​മി​ത്ത​മുള്ള പാപങ്ങളെ കൂടെ​ക്കൂ​ടെ എടുത്തു​കാ​ട്ടു​ന്നുണ്ട്‌. കയീ​നെ​യും ഹാബേ​ലി​നെ​യും കുറി​ച്ചുള്ള വിവരണം നിങ്ങൾ ഓർമി​ക്കു​ന്നു​ണ്ടോ? ആദാമി​ന്റെ​യും ഹവ്വായു​ടെ​യും പുത്ര​ന്മാ​രായ ഇവർ രണ്ടു​പേ​രും ദൈവ​ത്തി​നു ബലികൾ അർപ്പിച്ചു. വിശ്വാ​സ​മുള്ള ഒരു മനുഷ്യ​നാ​യി​രു​ന്ന​തു​കൊ​ണ്ടാ​ണു ഹാബേൽ അങ്ങനെ ചെയ്‌തത്‌. (എബ്രായർ 11:4) ഭൂമിയെ സംബന്ധിച്ച മഹത്തായ ഉദ്ദേശ്യം നിവർത്തി​ക്കാ​നുള്ള ദൈവ​ത്തി​ന്റെ പ്രാപ്‌തി​യിൽ അവനു വിശ്വാ​സ​മു​ണ്ടാ​യി​രു​ന്നു. (ഉല്‌പത്തി 1:28; 3:15; എബ്രായർ 11:1) വിശ്വ​സ്‌ത​രായ മനുഷ്യർക്കു വരാനി​രി​ക്കുന്ന ഭൗമിക പറുദീ​സ​യിൽ ദൈവം പ്രതി​ഫലം നൽകു​മെ​ന്നും ഹാബേൽ വിശ്വ​സി​ച്ചി​രു​ന്നു. (എബ്രായർ 11:6) അതു​കൊണ്ട്‌, ദൈവം ഹാബേ​ലി​ന്റെ ബലിയിൽ പ്രീതി പ്രകട​മാ​ക്കി. കയീൻ തന്റെ സഹോ​ദ​രനെ വാസ്‌ത​വ​ത്തിൽ സ്‌നേ​ഹി​ച്ചി​രു​ന്നെ​ങ്കിൽ, ദൈവം ഹാബേ​ലി​നെ അനു​ഗ്ര​ഹി​ച്ച​തിൽ അവനു സന്തോഷം തോന്നു​മാ​യി​രു​ന്നു. അതിനു​പ​കരം, കയീന്‌ “ഏറ്റവും കോപ​മു​ണ്ടാ​യി.”—ഉല്‌പത്തി 4:5.

കയീനും അനു​ഗ്രഹം ലഭി​ക്കേ​ണ്ട​തി​നു നന്മ ചെയ്യാൻ ദൈവം അവനെ പ്രോ​ത്സാ​ഹി​പ്പി​ച്ചു. എന്നിട്ട്‌ ദൈവം ഈ മുന്നറി​യി​പ്പു കൊടു​ത്തു: “നീ നന്മ ചെയ്യു​ന്നി​ല്ലെ​ങ്കി​ലോ പാപം വാതി​ല്‌ക്കൽ കിടക്കു​ന്നു; അതിന്റെ ആഗ്രഹം നിങ്ക​ലേക്കു ആകുന്നു; നീയോ അതിനെ കീഴട​ക്കേണം.” (ഉല്‌പത്തി 4:7) സങ്കടക​ര​മെന്നു പറയട്ടെ, കയീൻ അസൂയ നിറഞ്ഞ തന്റെ കോപത്തെ കീഴട​ക്കി​യില്ല. നീതി​മാ​നായ തന്റെ സഹോ​ദ​രനെ കൊല്ലു​ന്ന​തിൽ അതവനെ കൊ​ണ്ടെ​ത്തി​ച്ചു. (1 യോഹ​ന്നാൻ 3:12) അന്നുമു​തൽ, പോരാ​ട്ട​ങ്ങ​ളും യുദ്ധങ്ങ​ളും കോടി​ക്ക​ണ​ക്കി​നു ജീവൻ അപഹരി​ച്ചി​രി​ക്കു​ന്നു. “യുദ്ധത്തി​ന്റെ അടിസ്ഥാന കാരണ​ങ്ങ​ളിൽ ചിലത്‌ കൂടുതൽ പ്രദേ​ശ​ത്തി​നു​വേ​ണ്ടി​യുള്ള ആഗ്രഹ​മോ കൂടുതൽ സമ്പത്തി​നു​വേ​ണ്ടി​യുള്ള ആഗ്രഹ​മോ കൂടുതൽ അധികാ​ര​ത്തി​നു​വേ​ണ്ടി​യുള്ള ആഗ്രഹ​മോ സുരക്ഷി​ത​ത്വ​ത്തി​നു​വേ​ണ്ടി​യുള്ള ആഗ്രഹ​മോ ആയിരി​ക്കാം,” ദ വേൾഡ്‌ ബുക്ക്‌ എൻ​സൈ​ക്ലോ​പീ​ഡിയ വിശദീ​ക​രി​ക്കു​ന്നു.

സത്യ​ക്രി​സ്‌ത്യാ​നി​കൾ ഈ ലോക​ത്തി​ന്റെ യുദ്ധങ്ങ​ളിൽ പങ്കെടു​ക്കു​ന്നില്ല. (യോഹ​ന്നാൻ 17:16) എന്നാൽ സങ്കടക​ര​മെന്നു പറയട്ടെ, ക്രിസ്‌ത്യാ​നി​കൾ ചില​പ്പോ​ഴൊ​ക്കെ വ്യക്തി​പ​ര​മായ വാഗ്വാ​ദ​ങ്ങ​ളിൽ ഉൾപ്പെ​ടു​ന്നു. സഭയിലെ മറ്റ്‌ അംഗങ്ങൾ അവയിൽ പക്ഷംപി​ടി​ക്കു​ന്നെ​ങ്കിൽ, ഈ പോരാ​ട്ടങ്ങൾ ദോഷ​ക​ര​മായ വാക്‌യു​ദ്ധ​ങ്ങ​ളാ​യി​ത്തീ​രാ​വു​ന്ന​താണ്‌. “നിങ്ങളിൽ ശണ്‌ഠ​യും കലഹവും എവി​ടെ​നി​ന്നു?” എന്നു ബൈബി​ളെ​ഴു​ത്തു​കാ​ര​നായ യാക്കോബ്‌ സഹവി​ശ്വാ​സി​ക​ളോ​ടു ചോദി​ച്ചു. (യാക്കോബ്‌ 4:1) ‘നിങ്ങൾ മോഹി​ച്ചു​കൊ​ണ്ടേ​യി​രി​ക്കു​ന്നു,’ അല്ലെങ്കിൽ ‘അസൂയാ’ലുക്കളാ​യി​രി​ക്കു​ന്നു എന്നു പറഞ്ഞ്‌ അവരുടെ ഭൗതി​കാ​ത്മ​ക​മായ അത്യാ​ഗ്ര​ഹത്തെ തുറന്നു​കാ​ട്ടി​ക്കൊണ്ട്‌ അവൻ ആ ചോദ്യ​ത്തിന്‌ ഉത്തരം കൊടു​ത്തു. (യാക്കോബ്‌ 4:2, അടിക്കുറിപ്പ്‌, NW) അതേ, ഭൗതി​ക​ത്വ​ചി​ന്താ​ഗ​തി​ക്കു മോഹ​ങ്ങ​ളി​ലേ​ക്കും ഏറെ മെച്ചമായ സാഹച​ര്യ​ങ്ങൾ ആസ്വദി​ക്കു​ന്ന​താ​യി കാണു​ന്ന​വ​രെ​ക്കു​റിച്ച്‌ അസൂയ​പ്പെ​ടു​ന്ന​തി​ലേ​ക്കും നയിക്കാ​നാ​വും. ഇക്കാര​ണ​ത്താ​ലാ​ണു യാക്കോബ്‌ “ഈർഷ്യ തോന്നാ​നുള്ള” മാനു​ഷിക “പ്രവണത”യ്‌ക്കെ​തി​രെ മുന്നറി​യി​പ്പു നൽകി​യത്‌.—യാക്കോബ്‌ 4:5, NW.

അസൂയ​യു​ടെ കാരണങ്ങൾ അപഗ്ര​ഥി​ക്കു​ന്ന​തു​കൊ​ണ്ടുള്ള മെച്ച​മെ​ന്താണ്‌? സത്യസ​ന്ധ​രാ​യി​രി​ക്കാ​നും മറ്റുള്ള​വ​രു​മാ​യി മെച്ചപ്പെട്ട ബന്ധം വളർത്തി​യെ​ടു​ക്കാ​നും ഇതിനു നമ്മെ സഹായി​ക്കാൻ സാധി​ക്കും. കൂടുതൽ സഹാനു​ഭൂ​തി​യു​ള്ള​വ​രും സഹിഷ്‌ണു​ത​യു​ള്ള​വ​രും ക്ഷമിക്കു​ന്ന​വ​രു​മാ​യി​രി​ക്കാൻ അതു നമ്മെ സഹായി​ക്കും. ഏറ്റവും മുന്തിയ പ്രയോ​ജനം, രക്ഷയ്‌ക്കാ​യും പാപപൂ​രി​ത​മായ മാനു​ഷിക പ്രവണ​ത​ക​ളിൽനി​ന്നുള്ള വിടു​ത​ലി​നാ​യും ദൈവം ചെയ്‌തി​രി​ക്കുന്ന സ്‌നേ​ഹ​പു​ര​സ്സ​ര​മായ കരുതൽ മനുഷ്യർക്ക്‌ എത്രകണ്ട്‌ ആവശ്യ​മാ​യി​രി​ക്കു​ന്നു​വെന്ന്‌ അത്‌ എടുത്തു​കാ​ട്ടു​ന്നു​വെ​ന്ന​താണ്‌.—റോമർ 7:24, 25.

പാപപൂർണ​മായ അസൂയ​യി​ല്ലാത്ത ഒരു ലോകം

മാനു​ഷിക കാഴ്‌ച​പ്പാ​ടിൽനി​ന്നു നോക്കു​മ്പോൾ, പാപപൂർണ​മായ അസൂയ​യി​ല്ലാത്ത ഒരു ലോകം അസാധ്യ​മാ​യി തോന്നാം. ഗ്രന്ഥകാ​ര​നായ റോം ലൻഡൗ ഇങ്ങനെ സമ്മതി​ച്ചു​പ​റഞ്ഞു: “സകല തത്ത്വചി​ന്ത​ക​ന്മാ​രും . . . മനശ്ശാ​സ്‌ത്ര​ജ്ഞ​ന്മാ​രും പ്രസ്‌തുത വിഷയ​ത്തെ​ക്കു​റി​ച്ചു പറഞ്ഞി​ട്ടു​ള്ള​തുൾപ്പെടെ യുഗങ്ങ​ളി​ലൂ​ടെ നേടി​യെ​ടുത്ത ജ്ഞാനം അസൂയ​നി​മി​ത്തം കഷ്ടപ്പെ​ടുന്ന മനുഷ്യ​നു യാതൊ​രു മാർഗ​നിർദേ​ശ​വും നൽകു​ന്നില്ല. . . . ഏതെങ്കി​ലും ഡോക്ടർ ഒരു അസൂയാ​ലു​വി​നെ എന്നെങ്കി​ലും സുഖ​പ്പെ​ടു​ത്തി​യി​ട്ടു​ണ്ടോ?”

എന്നാൽ ദുഷ്ടമായ അസൂയ​യാ​ലോ ഈർഷ്യ​യാ​ലോ ആരും ഇനി​യൊ​രി​ക്ക​ലും കഷ്ടമനു​ഭ​വി​ക്കു​ക​യി​ല്ലാത്ത ഒരു പുതിയ ലോക​ത്തി​ലെ പൂർണ​ത​യുള്ള മനുഷ്യ​ജീ​വി​തം നേടു​ന്ന​തി​നുള്ള പ്രത്യാശ ദൈവ​വ​ചനം വച്ചുനീ​ട്ടു​ന്നുണ്ട്‌. മാത്ര​വു​മല്ല, അത്തരം ദുഷ്ട സ്വഭാ​വ​ഗു​ണ​ങ്ങ​ളുള്ള ആളുകൾനി​മി​ത്തം ആ പുതിയ ലോക​ത്തി​ലെ സമാധാ​നം താറു​മാ​റാ​ക​യില്ല.—ഗലാത്യർ 5:19-21; 2 പത്രൊസ്‌ 3:13.

എങ്കിലും, എല്ലാ അസൂയ​യും അനുചി​തമല്ല. വാസ്‌ത​വ​ത്തിൽ, യഹോവ “അസൂയാ​ലു​വായ ഒരു ദൈവ​മാണ്‌” എന്നു ബൈബിൾ പ്രസ്‌താ​വി​ക്കു​ന്നു. (പുറപ്പാട്‌ 34:14, NW) അതിന്റെ അർഥ​മെ​ന്താണ്‌? ഉചിത​മായ അസൂയ​യെ​ക്കു​റി​ച്ചു ബൈബിൾ എന്തു പറയുന്നു? അതേസ​മയം, അനുചി​ത​മായ അസൂയയെ കീഴട​ക്കാൻ ഒരു വ്യക്തിക്ക്‌ എന്തു ചെയ്യാൻ സാധി​ക്കും? അടുത്ത ലേഖനം കാണുക.