പിശാചിനെ കാണാൻ എങ്ങനെയിരിക്കും?
ബൈബിളിന്റെ ഉത്തരം
പിശാച്‌ അദൃശ്യനായ ഒരു ആത്മവ്യക്തിയാണ്‌. അതിനർഥം പിശാചിന്‌ ഒരു കാണപ്പെടുന്ന രൂപമില്ല എന്നാണ്‌.—എഫെസ്യർ 6:11, 12.
ആടിന്റെ രൂപത്തോടു സാദൃശ്യമുള്ള, വാലും കൊമ്പും ഉള്ള ഒരു ജീവി കുന്തവും പിടിച്ചുനിൽക്കുന്നു. ഇങ്ങനെയാണ്‌ പല കലാകാരന്മാരും പിശാചിനെ ചിത്രീകരിച്ചിരിക്കുന്നത്‌. മധ്യകാലഘട്ടത്തിൽ ജീവിച്ചിരുന്ന കലാകാരന്മാർ അന്നത്തെ നാടോടിക്കഥകളുടെയും പുരാണ ഐതിഹ്യങ്ങളുടെയും സ്വാധീനത്താലാണ്‌ പിശാചിനെ ഇങ്ങനെ ചിത്രീകരിക്കാൻ ഇടയായതെന്നു ചിലർ അഭിപ്രായപ്പെടുന്നു.
പിശാചിനെ ബൈബിൾ ചിത്രീകരിക്കുന്നത്‌ എങ്ങനെയാണ്‌?
പല വിധങ്ങളിൽ ബൈബിൾ പിശാചിനെ പരിചയപ്പെടുത്തുന്നുണ്ട്‌. അതിലൂടെ നമുക്ക്‌ പിശാചിന്റെ രൂപം അല്ല വ്യക്തിത്വമാണ്‌ മനസ്സിലാക്കാൻ കഴിയുന്നത്‌. പിശാചിനെക്കുറിച്ച്‌ ബൈബിൾ പറയുന്ന ചില കാര്യങ്ങൾ പിൻവരുന്നവയാണ്‌:
വെളിച്ചദൂതൻ. ദൈവത്തിന്റെ പഠിപ്പിക്കലുകൾ അനുസരിച്ച്‌ ആളുകൾ ജീവിക്കാതിരിക്കാനായി പിശാച്‌ അനേകരെ വഴിതെറ്റിക്കുന്നു. താൻ ആളുകൾക്ക്‌ നന്മയാണ്‌ ചെയ്യുന്നത്‌ എന്നു നടിച്ചുകൊണ്ട്‌ അനേകരെ അവൻ വശത്താക്കുന്നു.—2 കൊരിന്ത്യർ 11:14.
അലറുന്ന സിംഹം. ദൈവത്തിന്റെ ആരാധകരെ പിശാച്‌ ക്രൂരമായി ആക്രമിക്കുന്നു.—1 പത്രോസ്‌ 5:8.
വലിയ ഭീകരസർപ്പം. പിശാച്‌ ശക്തനാണ്‌, ക്രൂരനാണ്‌, നാശം വിതയ്‌ക്കുന്നവനാണ്‌.—വെളിപാട്‌ 12:9.