“നിന്റെ ഹൃദയം എന്നോടു നേരു​ള്ള​തോ?”

“എന്നോ​ടൊ​പ്പം വന്ന്‌, യഹോ​വ​യോ​ടുള്ള യാതൊ​രു മത്സരവും ഞാൻ വെച്ചു​പൊ​റു​പ്പി​ക്കാ​തി​രി​ക്കു​ന്നത്‌ കാണുക.”—2 രാജാ​ക്ക​ന്മാർ 10:16, NW.

1, 2. (എ) ഇസ്രാ​യേ​ലി​ലെ മതപര​മായ സാഹച​ര്യം അടിക്കടി മോശ​മാ​യ​തെ​ങ്ങനെ? (ബി) പൊ.യു.മു. 905-ൽ ഇസ്രാ​യേ​ലിൽ ഏത്‌ വമ്പിച്ച മാറ്റങ്ങൾ സംഭവി​ക്കാൻ പോകു​ക​യാ​യി​രു​ന്നു?

പൊ.യു.മു. 905 എന്ന വർഷം ഇസ്രാ​യേ​ലിൽ ഒരു വലിയ മാറ്റത്തി​ന്റെ കാലമാ​യി​രു​ന്നു. ഏകദേശം 100 വർഷം മുമ്പ്‌, ശലോ​മോ​ന്റെ വിശ്വാ​സ​ത്യാ​ഗം നിമിത്തം ഏകീകൃത ഇസ്രാ​യേൽ രാജ്യം വിഭജി​ക്ക​പ്പെ​ടാൻ യഹോവ ഇടയാ​ക്കി​യി​രു​ന്നു. (1 രാജാ​ക്ക​ന്മാർ 11:9-13) അങ്ങനെ ശലോ​മോ​ന്റെ പുത്ര​നായ രെഹ​ബെ​യാം തെക്കേ രാജ്യ​മായ യഹൂദ ഭരിച്ച​പ്പോൾ, വടക്കേ രാജ്യ​മായ ഇസ്രാ​യേൽ എഫ്രയീ​മ്യ​നായ യൊ​രോ​ബെ​യാ​മി​ന്റെ കീഴി​ലാ​യി. സങ്കടക​ര​മെന്നു പറയട്ടെ, വടക്കേ രാജ്യ​ത്തി​ന്റെ തുടക്കം വിപത്‌ക​ര​മാ​യി​രു​ന്നു. ആലയത്തിൽ ആരാധന നടത്താൻവേണ്ടി തന്റെ പ്രജകൾ തെക്കേ രാജ്യ​ത്തേക്ക്‌ പോകു​ന്നത്‌ യൊ​രോ​ബെ​യാ​മിന്‌ ഇഷ്ടമാ​യി​രു​ന്നില്ല. കാരണം അവർ ദാവീ​ദ്‌ഗൃ​ഹ​ത്തി​ലേക്കു മടങ്ങി​പ്പോ​യേ​ക്കു​മെന്ന്‌ അവൻ ഭയപ്പെട്ടു. അതു​കൊണ്ട്‌, അവൻ ഇസ്രാ​യേ​ലിൽ കാളക്കു​ട്ടി​യാ​രാ​ധന നടപ്പി​ലാ​ക്കി. അങ്ങനെ, ഒരു പരിധി​വരെ വടക്കേ രാജ്യ​ത്തി​ന്റെ ചരി​ത്ര​ത്തി​ലു​ട​നീ​ളം നിലനി​ന്നി​രുന്ന ഒരു വിഗ്ര​ഹാ​രാ​ധനാ സമ്പ്രദാ​യ​ത്തിന്‌ അവൻ തുടക്ക​മി​ട്ടു.—1 രാജാ​ക്ക​ന്മാർ 12:26-33.

² ഒമ്രി​യു​ടെ പുത്ര​നായ ആഹാബ്‌ രാജാ​വാ​യ​പ്പോൾ കാര്യങ്ങൾ കുറെ​ക്കൂ​ടെ വഷളായി. അവന്റെ വിദേശ ഭാര്യ​യായ ഈസേ​ബെൽ ബാൽ ആരാധ​നയെ പ്രോ​ത്സാ​ഹി​പ്പി​ക്കു​ക​യും യഹോ​വ​യു​ടെ പ്രവാ​ച​ക​ന്മാ​രെ കൊല്ലു​ക​യും ചെയ്‌തു. പ്രവാ​ച​ക​നായ ഏലീയാവ്‌ വ്യക്തമായ മുന്നറി​യിപ്പ്‌ നൽകി​യി​ട്ടും ആഹാബ്‌ അവളെ തടയാൻ യാതൊ​ന്നും ചെയ്‌തില്ല. എന്നാൽ, പൊ.യു.മു. 905-ൽ ആഹാബ്‌ മരിക്കു​ക​യും അവന്റെ പുത്ര​നായ യോരാം ഭരണം ഏറ്റെടു​ക്കു​ക​യും ചെയ്‌തു. ദേശം ശുദ്ധീ​ക​രി​ക്ക​പ്പെ​ടേണ്ട സമയം ഇപ്പോ​ഴാ​യി​രു​ന്നു. സൈനിക മേധാ​വി​യായ യേഹൂ​വി​നെ ഇസ്രാ​യേ​ലി​ന്റെ അടുത്ത രാജാ​വെ​ന്ന​നി​ല​യിൽ യഹോവ അഭി​ഷേകം ചെയ്യു​ക​യാ​ണെന്ന്‌ ഏലീയാ​വി​ന്റെ പിൻഗാ​മി​യായ എലീശാ യേഹൂ​വി​നെ അറിയി​ച്ചു. അവന്റെ നിയോ​ഗ​മോ? പാപ​ഗ്ര​സ്‌ത​മായ ആഹാബ്‌ഗൃ​ഹത്തെ നിഗ്ര​ഹിച്ച്‌, ഈസേ​ബെൽ ചിന്തിയ പ്രവാ​ച​ക​ന്മാ​രു​ടെ രക്തത്തിന്‌ പ്രതി​കാ​രം ചെയ്യുക!—2 രാജാ​ക്ക​ന്മാർ 9:1-10.

3, 4. തന്റെ ഹൃദയം ‘യേഹൂ​വി​ന്റെ ഹൃദയ​ത്തോട്‌ നേരു​ള്ളതാ’ണെന്ന്‌ യോനാ​ദാബ്‌ പ്രകട​മാ​ക്കി​യ​തെ​ങ്ങനെ?

³ ദൈവ​ത്തി​ന്റെ കൽപ്പന അനുസ​രി​ച്ചു​കൊണ്ട്‌ യേഹൂ ദുഷ്ടയായ ഈസേ​ബെ​ലി​നെ കൊല്ലി​ച്ചു. അതിനു​ശേഷം ആഹാബ്‌ഗൃ​ഹത്തെ നിഗ്ര​ഹി​ച്ചു​കൊണ്ട്‌ യേഹൂ ഇസ്രാ​യേ​ലി​നെ ശുദ്ധീ​ക​രി​ക്കാൻ തുടങ്ങി. (2 രാജാ​ക്ക​ന്മാർ 9:15–10:14, 17) അപ്പോൾ, തനിക്കു പിന്തു​ണ​യേ​കുന്ന ഒരുവനെ അവൻ കണ്ടുമു​ട്ടി. “അവൻ തന്നെ എതി​രേൽപ്പാൻ വരുന്ന രേഖാ​ബി​ന്റെ മകനായ യോനാ​ദാ​ബി​നെ കണ്ടു. അവൻ അവനെ വന്ദനം ചെയ്‌ത​പ്പോൾ, അവൻ അവനോ​ടു പറഞ്ഞു: ‘എന്റെ ഹൃദയം നിന്റെ ഹൃദയ​ത്തോ​ടു നേരു​ള്ള​താ​യി​രി​ക്കു​ന്ന​തു​പോ​ലെ നിന്റെ ഹൃദയം എന്നോട്‌ നേരു​ള്ള​തോ?’ അതിനു യോനാ​ദാബ്‌ ‘അതേ’ എന്ന്‌ മറുപടി പറഞ്ഞു. ‘അങ്ങനെ​യെ​ങ്കിൽ കൈ തരിക.’ അവൻ കൈ കൊടു​ത്തു. അപ്പോൾ അവൻ അവനെ തന്നോ​ടൊ​പ്പം രഥത്തിൽ കയറ്റി. എന്നിട്ട്‌ അവൻ പറഞ്ഞു: ‘എന്നോ​ടൊ​പ്പം വന്ന്‌, യഹോ​വ​യോ​ടുള്ള യാതൊ​രു മത്സരവും ഞാൻ വെച്ചു​പൊ​റു​പ്പി​ക്കാ​തി​രി​ക്കു​ന്നത്‌ കാണുക.’ അങ്ങനെ അവനെ യുദ്ധര​ഥ​ത്തിൽ കയറ്റി അവർ അവനെ​യും​കൊണ്ട്‌ രഥമോ​ടി​ച്ചു പോയി.”—2 രാജാ​ക്ക​ന്മാർ 10:15, 16, NW.

⁴ യോനാ​ദാബ്‌ (അല്ലെങ്കിൽ, യഹോ​നാ​ദാബ്‌) ഒരു ഇസ്രാ​യേ​ല്യൻ അല്ലായി​രു​ന്നു. എന്നിരു​ന്നാ​ലും, തന്റെ പേരി​നോ​ടുള്ള ചേർച്ച​യിൽ (“യഹോവ മനസ്സൊ​രു​ക്ക​മു​ള്ള​വ​നാ​കു​ന്നു” എന്നോ “യഹോവ ശ്രേഷ്‌ഠ​നാ​കു​ന്നു” എന്നോ “യഹോവ ഔദാ​ര്യ​മു​ള്ള​വ​നാ​കു​ന്നു” എന്നോ ആണ്‌ ആ പേരിന്റെ അർഥം) അവൻ യഹോ​വ​യു​ടെ ആരാധ​ക​നാ​യി​രു​ന്നു. (യിരെ​മ്യാ​വു 35:6) യേഹൂ ‘യഹോ​വ​യോ​ടുള്ള യാതൊ​രു മത്സരവും വെച്ചു​പൊ​റു​പ്പി​ക്കാ​തി​രി​ക്കു​ന്നത്‌’ കാണു​ന്ന​തിൽ അവന്‌ നിശ്ചയ​മാ​യും അസാധാ​ര​ണ​മായ താത്‌പ​ര്യ​മു​ണ്ടാ​യി​രു​ന്നു. നമുക്കത്‌ എങ്ങനെ അറിയാം? ഇസ്രാ​യേ​ലി​ന്റെ അഭിഷിക്ത രാജാ​വു​മാ​യുള്ള അവന്റെ കൂടി​ക്കാഴ്‌ച യാദൃ​ച്ഛി​ക​മാ​യി​രു​ന്നില്ല. യോനാ​ദാബ്‌ അവനെ ‘എതി​രേൽപ്പാൻ വരുക’യായി​രു​ന്നു. യേഹൂ ഈസേ​ബെ​ലി​നെ​യും ആഹാബ്‌ഗൃ​ഹ​ത്തി​ലെ മറ്റുള്ള​വ​രെ​യും വധിച്ച​ശേ​ഷ​മാ​യി​രു​ന്നു ഈ കൂടി​ക്കാഴ്‌ച. രഥത്തിൽ കയറാ​നുള്ള യേഹൂ​വി​ന്റെ ക്ഷണം സ്വീക​രി​ച്ച​പ്പോൾ, സംഭവി​ച്ചു​കൊ​ണ്ടി​രുന്ന കാര്യ​ങ്ങ​ളെ​ക്കു​റിച്ച്‌ യോനാ​ദാ​ബിന്‌ അറിയാ​മാ​യി​രു​ന്നു. വ്യാജാ​രാ​ധ​ന​യും സത്യാ​രാ​ധ​ന​യും തമ്മിലുള്ള ഏറ്റുമു​ട്ട​ലിൽ അവൻ നിസ്സം​ശ​യ​മാ​യും യേഹൂ​വി​ന്റെ—യഹോ​വ​യു​ടെ​യും—പക്ഷത്താ​യി​രു​ന്നു.

ആധുനി​ക​കാല യേഹൂ​വും യോനാ​ദാ​ബും

5. (എ) മുഴു മനുഷ്യ​വർഗ​ത്തെ​യും സംബന്ധി​ച്ചി​ട​ത്തോ​ളം ഏത്‌ മാറ്റങ്ങൾ പെട്ടെ​ന്നു​തന്നെ സംഭവി​ക്കും? (ബി) ആരാണ്‌ വലിയ യേഹൂ, ഭൂമി​യിൽ അവനെ പ്രതി​നി​ധാ​നം ചെയ്യു​ന്നത്‌ ആരാണ്‌?

⁵ പൊ.യു.മു. 905-ൽ ഇസ്രാ​യേ​ലിൽ സംഭവി​ച്ച​തു​പോ​ലെ, ഇന്നു മുഴു മനുഷ്യ​വർഗ​ത്തെ​യും സംബന്ധി​ച്ചി​ട​ത്തോ​ളം കാര്യ​ങ്ങൾക്കു പെട്ടെ​ന്നു​തന്നെ സമൂല​മായ മാറ്റമു​ണ്ടാ​കും. വ്യാജ​മതം ഉൾപ്പെ​ടെ​യുള്ള, സാത്താന്യ സ്വാധീ​ന​ത്തി​ന്റെ സമസ്‌ത ദുഷ്‌ഫ​ല​ങ്ങ​ളിൽനി​ന്നും യഹോവ ഭൂമിയെ ശുദ്ധീ​ക​രി​ക്കുന്ന സമയം ആസന്നമാ​യി​രി​ക്കു​ന്നു. ആരാണ്‌ ആധുനി​ക​കാല യേഹൂ? യേശു​ക്രി​സ്‌തു​വ​ല്ലാ​തെ മറ്റാരു​മല്ല. പിൻവ​രുന്ന പ്രാവ​ച​നിക വാക്കുകൾ അവനെ സംബോ​ധന ചെയ്യുന്നു: “വീരനാ​യു​ള്ളോ​വേ, നിന്റെ വാൾ അരെക്കു​കെ​ട്ടുക; നിന്റെ തേജസ്സും നിന്റെ മഹിമ​യും തന്നേ. സത്യവും സൌമ്യ​ത​യും നീതി​യും പാലി​ക്കേ​ണ്ട​തി​ന്നു നീ മഹിമ​യോ​ടെ കൃതാർത്ഥ​നാ​യി വാഹന​മേറി എഴു​ന്നെ​ള്ളുക.” (സങ്കീർത്തനം 45:3, 4) “ദൈവ​കൽപ്പന പ്രമാ​ണി​ക്കു​ന്ന​വ​രും യേശു​വി​നു സാക്ഷ്യം വഹിക്കു​ക​യെന്ന വേലയു​ള്ള​വ​രു​മായ” “ദൈവ​ത്തി​ന്റെ യിസ്രാ​യേ”ൽ ഭൂമി​യിൽ യേശു​വി​നെ പ്രതി​നി​ധാ​നം ചെയ്യുന്നു. (വെളി​പ്പാ​ടു 12:17, NW; ഗലാത്യർ 6:16) യേശു​വി​ന്റെ ഈ അഭിഷിക്ത സഹോ​ദ​ര​ന്മാർ 1922 മുതൽ യഹോ​വ​യു​ടെ ആസന്നമായ ന്യായ​വി​ധി നടപടി​ക​ളെ​ക്കു​റിച്ച്‌ നിർഭയം മുന്നറി​യിപ്പ്‌ കൊടു​ത്തി​ട്ടുണ്ട്‌.—യെശയ്യാ​വു 61:1, 2; വെളി​പ്പാ​ടു 8:7–9:21; 16:2-21.

6. അഭിഷിക്ത ക്രിസ്‌ത്യാ​നി​കളെ പിന്തു​ണ​യ്‌ക്കാൻ ജനതക​ളിൽനിന്ന്‌ ആർ പുറത്തു​വ​ന്നി​രി​ക്കു​ന്നു, ആലങ്കാ​രി​ക​മാ​യി പറഞ്ഞാൽ, വലിയ യേഹൂ​വി​ന്റെ രഥത്തിൽ അവർ കയറി​യി​രി​ക്കു​ന്ന​തെ​ങ്ങനെ?

⁶ അഭിഷിക്ത ക്രിസ്‌ത്യാ​നി​കൾ ഒറ്റയ്‌ക്കാ​യി​രു​ന്നി​ട്ടില്ല. യേഹൂ​വി​നെ കണ്ടുമു​ട്ടാ​നാ​യി യോനാ​ദാബ്‌ വന്നതു​പോ​ലെ, സത്യാ​രാ​ധ​ന​യ്‌ക്കു​വേ​ണ്ടി​യുള്ള തങ്ങളുടെ നിലപാ​ടിൽ വലിയ യേഹൂ​വായ യേശു​വി​നെ​യും അവന്റെ ഭൗമിക പ്രതി​നി​ധി​ക​ളെ​യും പിന്തു​ണ​യ്‌ക്കാൻ ജനതക​ളിൽനി​ന്നുള്ള അനേകർ പുറത്തു​വ​ന്നി​രി​ക്കു​ന്നു. (സെഖര്യാ​വു 8:23) തന്റെ “വേറെ ആടുകൾ” എന്ന്‌ യേശു വിളിച്ച അവർ 1932-ൽ, പുരാ​ത​ന​കാ​ലത്തെ യോനാ​ദാ​ബി​ന്റെ ആധുനി​ക​കാല സമാന്ത​ര​മാ​യി തിരി​ച്ച​റി​യി​ക്ക​പ്പെ​ടു​ക​യും ആധുനി​ക​കാല യേഹൂ​വി​ന്റെ ‘രഥത്തിൽ കയറാൻ’ ക്ഷണിക്ക​പ്പെ​ടു​ക​യും ചെയ്‌തു. (യോഹ​ന്നാൻ 10:16) എങ്ങനെ? “ദൈവ​കൽപ്പന പ്രമാ​ണി​ക്കു”കയും “യേശു​വി​നു സാക്ഷ്യം വഹിക്കു​ക​യെന്ന വേല”യിൽ അഭിഷി​ക്ത​രോ​ടൊ​പ്പം പങ്കെടു​ക്കു​ക​യും ചെയ്‌തു​കൊണ്ട്‌. ആധുനിക കാലങ്ങ​ളിൽ, യേശു രാജാ​വാ​യുള്ള ദൈവ​ത്തി​ന്റെ സ്ഥാപിത രാജ്യ​ത്തെ​ക്കു​റി​ച്ചുള്ള സുവാർത്ത പ്രസം​ഗി​ക്കു​ന്നത്‌ അതിൽ ഉൾപ്പെ​ടു​ന്നു. (മർക്കൊസ്‌ 13:10) 1935-ൽ ഈ “യോനാ​ദാ​ബു​കൾ” വെളി​പ്പാ​ടു 7:9-17-ലെ “മഹാപു​രു​ഷാര”മായി തിരി​ച്ച​റി​യി​ക്ക​പ്പെട്ടു.

7. യേശു​വി​ന്റെ ഹൃദയ​ത്തോട്‌ ‘തങ്ങളുടെ ഹൃദയം ഇപ്പോ​ഴും നേരു​ള്ള​താ​ണെന്ന്‌’ ഇന്നു ക്രിസ്‌ത്യാ​നി​കൾ പ്രകട​മാ​ക്കി​യി​രി​ക്കു​ന്ന​തെ​ങ്ങനെ?

⁷ 1930-കൾമുതൽ മഹാപു​രു​ഷാ​ര​വും അവരുടെ അഭിഷിക്ത സഹോ​ദ​ര​ന്മാ​രും സത്യാ​രാ​ധ​ന​യ്‌ക്കുള്ള തങ്ങളുടെ പിന്തുണ ധൈര്യ​പൂർവം തെളി​യി​ച്ചി​രി​ക്കു​ന്നു. പൂർവ-പശ്ചിമ യൂറോ​പ്പി​ലെ​യും വിദൂ​ര​പൗ​ര​സ്‌ത്യ ദേശ​ത്തെ​യും ആഫ്രി​ക്ക​യി​ലെ​യും ചില രാജ്യ​ങ്ങ​ളിൽ, അവരിൽ പലരും തങ്ങളുടെ വിശ്വാ​സ​ത്തെ​പ്രതി മരണം വരിച്ചി​ട്ടുണ്ട്‌. (ലൂക്കൊസ്‌ 9:23, 24) മറ്റു ചില രാജ്യ​ങ്ങ​ളിൽ അവർ തടവി​ലാ​ക്ക​പ്പെ​ടു​ക​യോ ജനക്കൂ​ട്ട​ത്താൽ ആക്രമി​ക്ക​പ്പെ​ടു​ക​യോ മറ്റു വിധങ്ങ​ളിൽ പീഡി​പ്പി​ക്ക​പ്പെ​ടു​ക​യോ ചെയ്‌തി​ട്ടുണ്ട്‌. (2 തിമൊ​ഥെ​യൊസ്‌ 3:12) വിശ്വാ​സ​ത്തി​ന്റെ എത്ര മഹത്താ​യൊ​രു ചരി​ത്ര​മാണ്‌ അവർക്കു​ള്ളത്‌? എന്തുതന്നെ സംഭവി​ച്ചാ​ലും, ദൈവത്തെ സേവി​ക്കാൻ അവർ ഇപ്പോ​ഴും ദൃഢനി​ശ്ച​യ​മു​ള്ള​വ​രാ​ണെന്ന്‌ 1997 സേവന വർഷത്തെ റിപ്പോർട്ട്‌ പ്രകട​മാ​ക്കു​ന്നു. യേശു​വി​ന്റെ ഹൃദയ​ത്തോട്‌ ‘അവരുടെ ഹൃദയം ഇപ്പോ​ഴും നേരു​ള്ള​താണ്‌.’ 1997-ൽ, യേശു​വി​നു സാക്ഷ്യം വഹിക്കുന്ന വേലയിൽ 55,99,931 രാജ്യ​പ്ര​സാ​ധകർ—അവരിൽ മിക്കവ​രും ‘യോനാ​ദാ​ബു​ക​ളാണ്‌’—മൊത്തം 117,97,35,841 മണിക്കൂർ ചെലവ​ഴി​ച്ച​പ്പോൾ അതു പ്രകട​മാ​യി.

ഇപ്പോ​ഴും സതീക്ഷ്‌ണം പ്രസം​ഗി​ക്കു​ന്നു

8. യഹോ​വ​യു​ടെ സാക്ഷികൾ സത്യാ​രാ​ധ​ന​യോട്‌ തീക്ഷ്‌ണത പ്രകട​മാ​ക്കു​ന്ന​തെ​ങ്ങനെ?

⁸ അതി​വേ​ഗ​ത്തിൽ രഥം ഓടി​ക്കു​ന്നവൻ എന്ന ഖ്യാതി യേഹൂ​വി​നു​ണ്ടാ​യി​രു​ന്നു. തന്റെ കർത്തവ്യം നിർവ​ഹി​ക്കാ​നുള്ള അവന്റെ തീക്ഷ്‌ണ​ത​യു​ടെ തെളി​വാ​യി​രു​ന്നു അത്‌. (2 രാജാ​ക്ക​ന്മാർ 9:20) വലിയ യേഹൂ​വായ യേശു​വി​ന്റെ തീക്ഷ്‌ണത അവനെ ‘തിന്നു​കളഞ്ഞ’തായി വർണി​ക്ക​പ്പെ​ട്ടി​രി​ക്കു​ന്നു. (സങ്കീർത്തനം 69:9) അപ്പോൾ, ഇന്നത്തെ സത്യ​ക്രി​സ്‌ത്യാ​നി​കൾ തങ്ങളുടെ തീക്ഷ്‌ണ​ത​യെ​പ്രതി ശ്രദ്ധേ​യ​രാ​യി​രി​ക്കു​ന്ന​തിൽ അതിശ​യി​ക്കാ​നില്ല. “അനുകൂ​ല​കാ​ല​ത്തും പ്രതി​കൂ​ല​കാ​ല​ത്തും അടിയ​ന്തി​ര​ത​യോ​ടെ” സഭയി​ലും പൊതു​ജ​ന​ങ്ങ​ളോ​ടും അവർ “വചനം പ്രസം​ഗി​ക്കു”ന്നു. (2 തിമൊ​ഥെ​യൊസ്‌ 4:2, NW) സാധി​ക്കു​ന്നത്ര ആളുക​ളോട്‌ സഹായ​പ​യ​നി​യർ സേവന​ത്തിൽ പങ്കുപ​റ്റാൻ നമ്മുടെ രാജ്യ ശുശ്രൂ​ഷ​യി​ലെ ഒരു ലേഖനം പ്രോ​ത്സാ​ഹനം നൽകി​യ​തി​നെ​ത്തു​ടർന്ന്‌ 1997-ന്റെ ആദ്യഭാ​ഗത്ത്‌ അവരുടെ തീക്ഷ്‌ണത വിശേ​ഷാൽ പ്രകട​മാ​യി. ഓരോ രാജ്യ​വും സഹായ​പ​യ​നി​യർമാ​രു​ടെ എണ്ണത്തിൽ ഒരു ലക്ഷ്യം​വെച്ചു. എന്തായി​രു​ന്നു പ്രതി​ക​രണം? തികച്ചും ശ്രദ്ധേയം! മിക്ക ബ്രാഞ്ചു​ക​ളി​ലും ലക്ഷ്യം കവിഞ്ഞു. ഇക്വ​ഡോർ ലക്ഷ്യം​വെ​ച്ചത്‌ 4,000-മാണെ​ങ്കി​ലും മാർച്ചിൽ 6,936 സഹായ​പ​യ​നി​യർമാ​രെ റിപ്പോർട്ടു ചെയ്‌തു. ആ മൂന്നു മാസങ്ങ​ളി​ലാ​യി ജപ്പാൻ മൊത്തം 1,04,215 സഹായ​പ​യ​നി​യർമാ​രെ റിപ്പോർട്ടു​ചെ​യ്‌തു. ലക്ഷ്യം 6,000 ആയിരുന്ന സാംബിയ, മാർച്ചിൽ 6,414-ഉം ഏപ്രി​ലിൽ 6,532-ഉം മേയിൽ 7,695-ഉം സഹായ​പ​യ​നി​യർമാ​രെ റിപ്പോർട്ടു ചെയ്‌തു. ഭൂവ്യാ​പ​ക​മാ​യി, സഹായ​പ​യ​നി​യർമാ​രു​ടെ​യും നിരന്ത​ര​പ​യ​നി​യർമാ​രു​ടെ​യും മൊത്തം അത്യുച്ചം 11,10,251 ആയിരു​ന്നു, 1996-നെ അപേക്ഷിച്ച്‌ 34.2 ശതമാനം വർധനവ്‌!

9. ആളുകളെ കണ്ടെത്തി സുവാർത്ത അറിയി​ക്കു​ന്ന​തി​നാ​യി വീടു​തോ​റു​മുള്ള വേലയ്‌ക്കു പുറമേ യഹോ​വ​യു​ടെ സാക്ഷികൾ മറ്റേ​തെ​ല്ലാം മാർഗങ്ങൾ അവലം​ബി​ക്കു​ന്നു?

⁹ എഫെ​സൊ​സിൽനി​ന്നുള്ള മൂപ്പന്മാ​രോട്‌ അപ്പോ​സ്‌ത​ല​നായ പൗലൊസ്‌ പറഞ്ഞു: “[ഞാൻ] പ്രയോ​ജ​ന​മു​ള്ളതു ഒന്നും മറെച്ചു​വെ​ക്കാ​തെ പരസ്യ​മാ​യും വീടു​തോ​റും നിങ്ങ​ളോ​ടു അറിയി​ക്ക​യും ഉപദേ​ശി​ക്ക​യും ചെയ്‌തു.” (പ്രവൃ​ത്തി​കൾ 20:20) പൗലൊ​സി​ന്റെ ദൃഷ്ടാന്തം അനുക​രി​ച്ചു​കൊണ്ട്‌ ഇന്ന്‌ യഹോ​വ​യു​ടെ സാക്ഷികൾ വീടു​തോ​റും തീക്ഷ്‌ണ​ത​യോ​ടെ സുവാർത്ത പ്രസം​ഗി​ക്കു​ന്നു. എന്നാൽ, ആളുകളെ തങ്ങളുടെ വീടു​ക​ളിൽ കണ്ടെത്തുക എളുപ്പ​മ​ല്ലാ​യി​രി​ക്കാം. അതു​കൊണ്ട്‌, ബിസി​നസ്‌ സ്ഥലങ്ങൾ, തെരു​വു​കൾ, കടൽപ്പു​റങ്ങൾ, പൊതു പാർക്കു​കൾ എന്നിങ്ങനെ ആളുകളെ കണ്ടെത്താ​വു​ന്നി​ട​ങ്ങ​ളി​ലെ​ല്ലാം അവരെ സമീപി​ക്കാൻ “വിശ്വ​സ്‌ത​നും വിവേ​കി​യു​മായ അടിമ” രാജ്യ​പ്ര​സാ​ധ​കരെ പ്രോ​ത്സാ​ഹി​പ്പി​ക്കു​ന്നു. (മത്തായി 24:45-47, NW) ഇത്‌ വളരെനല്ല ഫലങ്ങൾ പുറ​പ്പെ​ടു​വി​ച്ചു.

10, 11. സാധാ​ര​ണ​മാ​യി വീടു​ക​ളിൽവെച്ചു കണ്ടുമു​ട്ടാൻ കഴിയാത്ത താത്‌പ​ര്യ​ക്കാ​രു​മാ​യി ബന്ധപ്പെ​ടു​ന്ന​തിൽ രണ്ടു രാജ്യ​ങ്ങ​ളി​ലെ പ്രസാ​ധകർ നന്നായി മുൻ​കൈ​യെ​ടു​ത്ത​തെ​ങ്ങനെ?

¹⁰ ഡെൻമാർക്കി​ലെ കോ​പ്പെൻഹേ​ഗ​നിൽ ചെറി​യൊ​രു​കൂ​ട്ടം പ്രസാ​ധകർ റെയിൽവേ​സ്റ്റേ​ഷ​നു​കൾക്കു വെളി​യി​ലുള്ള തെരു​വു​ക​ളിൽ സാക്ഷീ​ക​രണം നടത്തി. ജനുവ​രി​മു​തൽ ജൂൺവ​രെ​യുള്ള കാലയ​ള​വിൽ അവർ 4,733 മാസി​കകൾ സമർപ്പി​ക്കു​ക​യും ഒട്ടേ​റെ​പ്പേ​രോ​ടു സംസാ​രി​ക്കു​ക​യും അനേകം മടക്കസ​ന്ദർശ​നങ്ങൾ നടത്തു​ക​യും ചെയ്‌തു. ആ പ്രദേ​ശ​ത്തുള്ള നിരവധി പ്രസാ​ധകർ കടകളിൽ മാസികാ റൂട്ടുകൾ സ്ഥാപി​ച്ചി​രി​ക്കു​ന്നു. ഒരു പട്ടണത്തിൽ, ചന്തദി​വസം—വെള്ളി​യാ​ഴ്‌ച​തോ​റും—ആയിര​ക്ക​ണ​ക്കിന്‌ ആളുകൾ എത്താറുണ്ട്‌. അതു​കൊണ്ട്‌, സഭ അവിടെ പതിവാ​യി സാക്ഷീ​ക​രണം ക്രമീ​ക​രി​ക്കു​ക​യു​ണ്ടാ​യി. ഒരു സ്ഥലത്ത്‌, വിശേ​ഷി​ച്ചും സ്‌കൂൾ അധ്യാ​പ​കർക്കു യോജി​ക്കുന്ന പ്രസി​ദ്ധീ​ക​ര​ണങ്ങൾ അടങ്ങിയ പായ്‌ക്ക​റ്റു​ക​ളു​മാ​യി പ്രസാ​ധകർ സ്‌കൂ​ളു​കൾ സന്ദർശി​ച്ചു.

¹¹ വീടു​ക​ളിൽ കണ്ടെത്താൻ കഴിയാ​ത്ത​വരെ സമീപി​ക്കു​ന്ന​തിന്‌ ഹവായി​യി​ലും ശ്രമങ്ങൾ നടത്തി​യി​രി​ക്കു​ന്നു. പൊതു സ്ഥലങ്ങൾ (തെരു​വു​കൾ, പാർക്കു​കൾ, പാർക്കിങ്‌ സ്ഥലങ്ങൾ, ബസ്‌സ്റ്റോ​പ്പു​കൾ തുടങ്ങി​യവ), വാണി​ജ്യ​കേ​ന്ദ്രങ്ങൾ, ഷോപ്പിങ്‌ കേന്ദ്രങ്ങൾ, വിമാ​ന​ത്താ​വ​ളങ്ങൾ, ടെല​ഫോൺ സാക്ഷീ​ക​രണം, പൊതു ഗതാഗതം (ബസ്സുക​ളിൽ പ്രസം​ഗി​ക്കു​ന്നത്‌), കോ​ളെജ്‌ കാമ്പസു​കൾ എന്നിവ പ്രത്യേക പ്രദേ​ശ​ങ്ങ​ളിൽ ഉൾപ്പെ​ടു​ന്നു. ഓരോ പ്രദേ​ശ​ത്തേ​ക്കും വേണ്ടത്ര സാക്ഷികൾ നിയമി​ക്ക​പ്പെ​ടു​ന്നു​വെ​ന്നും അവർ ഉചിത​മാ​യി പരിശീ​ലി​പ്പി​ക്ക​പ്പെ​ടു​ന്നു​വെ​ന്നും സഭ ഉറപ്പു​വ​രു​ത്തു​ന്നു. ഇതി​നോ​ടു സമാന​മായ, സുസം​ഘ​ടിത ഉദ്യമ​ങ്ങ​ളെ​ക്കു​റിച്ച്‌ അനേകം രാജ്യ​ങ്ങ​ളിൽനിന്ന്‌ റിപ്പോർട്ടു ലഭിച്ചി​രി​ക്കു​ന്നു. തത്‌ഫ​ല​മാ​യി, വീടു​തോ​റു​മുള്ള സാക്ഷീ​ക​ര​ണ​ത്തിൽ ഒരിക്ക​ലും കണ്ടുമു​ട്ടാൻ സാധ്യ​ത​യി​ല്ലാത്ത താത്‌പ​ര്യ​ക്കാ​രു​മാ​യി ബന്ധപ്പെ​ടാൻ സാധി​ക്കു​ന്നു.

ഉറച്ചു​നിൽക്കു​ന്നു

12, 13. (എ) 1997-ൽ യഹോ​വ​യു​ടെ സാക്ഷി​കൾക്കെ​തി​രെ സാത്താൻ ഏതു തന്ത്രം പ്രയോ​ഗി​ച്ചു? (ബി) ഒരു രാജ്യത്ത്‌, നുണ​പ്ര​ച​രണം വിപരീത ഫലമു​ള​വാ​ക്കി​യ​തെ​ങ്ങനെ?

¹² 1997-ൽ നിരവധി രാജ്യ​ങ്ങ​ളിൽ യഹോ​വ​യു​ടെ സാക്ഷികൾ ദ്രോ​ഹ​ക​ര​മായ നുണ​പ്ര​ച​ര​ണ​ങ്ങ​ളു​ടെ ഇരകളാ​യി​രു​ന്നു. അവർക്കെ​തി​രെ സാധ്യ​മായ നിയമ​ന​ട​പ​ടി​കൾ കൈ​ക്കൊ​ള്ളു​ക​യെന്ന പ്രത്യക്ഷ ലക്ഷ്യ​ത്തോ​ടെ​യാ​യി​രു​ന്നു അത്തരം പ്രവർത്ത​നങ്ങൾ നടന്നത്‌. എന്നാൽ അവർ ഉറച്ചു​നി​ന്നു! (സങ്കീർത്തനം 112:7, 8) അവർ സങ്കീർത്ത​ന​ക്കാ​രന്റെ പ്രാർഥന ഓർമി​ച്ചു: “അഹങ്കാ​രി​കൾ എന്നെ​ക്കൊ​ണ്ടു നുണപ​റ​ഞ്ഞു​ണ്ടാ​ക്കി; ഞാനോ പൂർണ്ണ​ഹൃ​ദ​യ​ത്തോ​ടെ നിന്റെ പ്രമാ​ണ​ങ്ങളെ അനുസ​രി​ക്കും.” (സങ്കീർത്തനം 119:69) യേശു പ്രവചി​ച്ച​തു​പോ​ലെ സത്യ ക്രിസ്‌ത്യാ​നി​കൾ ദ്വേഷി​ക്ക​പ്പെ​ടു​ന്ന​തി​ന്റെ ഒരു തെളി​വു​മാ​ത്ര​മാണ്‌ അത്തരം നുണ​പ്ര​ച​ര​ണങ്ങൾ. (മത്തായി 24:9) ചില​പ്പോൾ അവ വിപരീത ഫലങ്ങളും ഉളവാ​ക്കി​യി​ട്ടുണ്ട്‌. ബെൽജി​യ​ത്തി​ലുള്ള ഒരാൾ പ്രസി​ദ്ധ​മാ​യൊ​രു ദിനപ്പ​ത്ര​ത്തിൽ യഹോ​വ​യു​ടെ സാക്ഷി​കളെ അവഹേ​ളി​ക്കുന്ന ഒരു ലേഖനം വായിച്ചു. ആ അപവാ​ദ​ങ്ങ​ളിൽ നടുങ്ങി​പ്പോയ അദ്ദേഹം തുടർന്നു​വന്ന ഞായറാഴ്‌ച രാജ്യ​ഹാ​ളിൽ ഒരു യോഗ​ത്തി​നു ഹാജരാ​യി. സാക്ഷി​ക​ളു​മാ​യി ബൈബിൾ പഠിക്കാൻ അദ്ദേഹം ക്രമീ​ക​രി​ക്കു​ക​യും പെട്ടെന്നു പുരോ​ഗതി വരുത്തു​ക​യും ചെയ്‌തു. മുമ്പ്‌ ഈ വ്യക്തി ഒരു സാമൂ​ഹി​ക​വി​രുദ്ധ സംഘത്തി​ലെ അംഗമാ​യി​രു​ന്നു. തന്റെ ജീവിതം നേരേ​യാ​ക്കാൻ ബൈബിൾ പഠനം അദ്ദേഹത്തെ സഹായി​ച്ചു. അദ്ദേഹ​ത്തി​നു ചുറ്റു​മുള്ള ആളുകൾ അതു നിരീ​ക്ഷി​ച്ചു. അത്തര​മൊ​രു ഫലം ആ അവഹേ​ള​ന​പ​ര​മായ ലേഖന​ത്തി​ന്റെ എഴുത്തു​കാ​രന്റെ മനസ്സിൽ തീർച്ച​യാ​യും ഉണ്ടായി​രു​ന്നില്ല!

¹³ ബെൽജി​യ​ത്തി​ലെ ചില ആത്മാർഥ​ഹൃ​ദ​യ​രായ ആളുകൾ വഞ്ചകമായ അത്തരം പ്രചര​ണ​ങ്ങൾക്കെ​തി​രെ തുറന്നു സംസാ​രി​ച്ചി​ട്ടുണ്ട്‌. യഹോ​വ​യു​ടെ സാക്ഷികൾ ചെയ്‌തി​രി​ക്കുന്ന കാര്യ​ങ്ങളെ താൻ അങ്ങേയറ്റം പ്രശം​സി​ക്കു​ന്ന​താ​യി സമ്മതിച്ച ഒരു മുൻ പ്രധാ​ന​മ​ന്ത്രി​യും അവരിൽ ഉൾപ്പെ​ട്ടി​രു​ന്നു. നിയമ​നിർമാണ സഭയുടെ അധോ​മ​ണ്ഡ​ല​ത്തി​ലെ ഒരംഗം എഴുതി: “ചിലയ​വ​സ​ര​ങ്ങ​ളിൽ [യഹോ​വ​യു​ടെ സാക്ഷി​കൾക്കെ​തി​രെ] അപലപ​നങ്ങൾ ഉണ്ടാകാ​റു​ണ്ടെ​ങ്കി​ലും അവർ രാഷ്‌ട്ര​ത്തിന്‌ ഏറ്റവും നിസ്സാ​ര​മായ ഒരപക​ടം​പോ​ലും വരുത്തു​ന്ന​താ​യി എനിക്കു തോന്നു​ന്നില്ല. അവർ സമാധാന സ്‌നേ​ഹി​ക​ളും മനസ്സാ​ക്ഷി​യു​ള്ള​വ​രും അധികാ​രി​ക​ളോട്‌ ആദരവു​ള്ള​വ​രു​മായ പൗരന്മാ​രാണ്‌.” അപ്പോ​സ്‌ത​ല​നായ പത്രൊ​സി​ന്റെ വാക്കുകൾ തീർച്ച​യാ​യും ജ്ഞാനപൂർവ​ക​മാണ്‌: “ജാതികൾ നിങ്ങളെ ദുഷ്‌പ്ര​വൃ​ത്തി​ക്കാർ എന്നു ദുഷി​ക്കു​ന്തോ​റും നിങ്ങളു​ടെ നല്ല പ്രവൃ​ത്തി​കളെ കണ്ടറി​ഞ്ഞി​ട്ടു സന്ദർശ​ന​ദി​വ​സ​ത്തിൽ ദൈവത്തെ മഹത്വ​പ്പെ​ടു​ത്തേ​ണ്ട​തി​ന്നു അവരുടെ ഇടയിൽ നിങ്ങളു​ടെ നടപ്പു നന്നായി​രി​ക്കേണം എന്നു ഞാൻ പ്രബോ​ധി​പ്പി​ക്കു​ന്നു.”—1 പത്രൊസ്‌ 2:11, 12.

ശ്രദ്ധേ​യ​മാ​യൊ​രു സ്‌മാ​ര​കാ​ഘോ​ഷം

14. 1997-ലെ സ്‌മാരക ഹാജർ സംബന്ധിച്ച പുളക​പ്ര​ദ​മായ ചില റിപ്പോർട്ടു​കൾ ഏവ?

¹⁴ യേശു​വിന്‌ സാക്ഷ്യം വഹിക്കു​ന്നവർ അവന്റെ മരണത്തി​ന്റെ സ്‌മാ​ര​കത്തെ വർഷത്തി​ലെ ഒരു സുപ്ര​ധാന സംഭവ​മാ​യി വീക്ഷി​ക്കു​ന്നത്‌ ഉചിത​മാണ്‌. 1997-ൽ, അത്‌ ആഘോ​ഷി​ക്കു​ന്ന​തി​നാ​യി മാർച്ച്‌ 23-ന്‌ 1,43,22,226 പേർ ഹാജരാ​യി. 1996-നെ അപേക്ഷിച്ച്‌ 14,00,000-ത്തിലധി​കം പേർ കൂടുതൽ. (ലൂക്കൊസ്‌ 22:14-20) ഒട്ടനവധി രാജ്യ​ങ്ങ​ളിൽ സ്‌മാരക ഹാജർ രാജ്യ​പ്ര​സാ​ധ​ക​രു​ടെ എണ്ണത്തെ​ക്കാൾ വളരെ​ക്കൂ​ടു​ത​ലാ​യി​രു​ന്നു. ഭാവി വർധന​വിന്‌ നല്ല സാധ്യ​ത​ക​ളു​ണ്ടെന്ന്‌ ഇതു പ്രകട​മാ​ക്കു​ന്നു. ദൃഷ്ടാ​ന്ത​ത്തിന്‌, 1997-ൽ ഹെയ്‌റ്റി​യിൽ 10,621 പ്രസാ​ധ​ക​രു​ടെ ഒരത്യു​ച്ച​മു​ണ്ടാ​യി​രു​ന്നു, അതേസ​മയം 67,259 പേർ സസ്‌മാ​ര​ക​ത്തിന്‌ ഹാജരാ​യി. മറ്റ്‌ എത്ര രാജ്യ​ങ്ങൾക്ക്‌ പ്രസാ​ധ​ക​രു​ടെ എണ്ണത്തോ​ടുള്ള താരത​മ്യ​ത്തിൽ സമാന​മായ ഉയർന്ന സ്‌മാരക ഹാജർ ഉണ്ടായി​രു​ന്നു​വെന്ന്‌ 18 മുതൽ 21 വരെയുള്ള പേജു​ക​ളി​ലെ വാർഷിക റിപ്പോർട്ട്‌ പരി​ശോ​ധിച്ച്‌ നിങ്ങൾക്കു കണ്ടെത്താ​വു​ന്ന​താണ്‌.

15. സ്‌മാ​രകം ആഘോ​ഷി​ക്കു​ന്ന​തി​നാ​യി ചില രാജ്യ​ങ്ങ​ളിൽ നമ്മുടെ സഹോ​ദ​ര​ന്മാർ ഗുരു​ത​ര​മായ പ്രശ്‌ന​ങ്ങളെ തരണം ചെയ്‌ത​തെ​ങ്ങനെ?

¹⁵ സ്‌മാ​ര​ക​ത്തി​നു ഹാജരാ​കു​ന്നതു ചിലർക്ക്‌ എളുപ്പ​മ​ല്ലാ​യി​രു​ന്നു. അൽബേ​നി​യ​യിൽ ആഭ്യന്തര സംഘർഷം നിമിത്തം രാത്രി ഏഴു മണിക്കു കർഫ്യൂ ഏർപ്പെ​ടു​ത്തി​യി​രു​ന്നു. രാജ്യ​മെ​മ്പാ​ടു​മുള്ള 115 ചെറിയ കൂട്ടങ്ങ​ളിൽ വൈകു​ന്നേരം 5:45-ന്‌ സ്‌മാ​രകം തുടങ്ങി. നീസാൻ 14-ന്‌ തുടക്കം കുറി​ച്ചു​കൊണ്ട്‌ വൈകു​ന്നേരം 6:08-ന്‌ സൂര്യൻ അസ്‌ത​മി​ച്ചു. ഏകദേശം 6:15-ന്‌ ചിഹ്നങ്ങൾ കൈമാ​റി. മിക്ക സ്ഥലങ്ങളി​ലും വൈകു​ന്നേരം 6:30-ഓടെ സമാപ​ന​പ്രാർഥന നടത്തി. ഹാജരാ​യി​രു​ന്നവർ കർഫ്യൂ​വി​നു മുമ്പായി തങ്ങളുടെ വീടു​ക​ളി​ലേക്കു തിരക്കി​ട്ടോ​ടി. സാഹച​ര്യം ഇതായി​രു​ന്നെ​ങ്കി​ലും, പ്രസാധക അത്യു​ച്ച​മായ 1,090-നോടുള്ള താരത​മ്യ​ത്തിൽ സ്‌മാരക ഹാജർ 3,154 ആയിരു​ന്നു. ഒരു ആഫ്രിക്കൻ രാജ്യത്ത്‌ ആഭ്യന്തര സംഘർഷം മൂലം രാജ്യ​ഹാ​ളിൽ എത്തി​ച്ചേ​രുക സാധ്യ​മാ​യി​രു​ന്നില്ല. അതു​കൊണ്ട്‌ ചെറിയ കൂട്ടങ്ങ​ളാ​യി സ്‌മാ​രകം ആഘോ​ഷി​ക്കാൻ ക്രമീ​ക​രി​ക്കു​ന്ന​തിന്‌ മറ്റൊരു മൂപ്പന്റെ വീട്ടിൽ ഒത്തുകൂ​ടാൻ രണ്ടു മൂപ്പന്മാർ തീരു​മാ​നി​ച്ചു. അവിടെ എത്താൻ ആ മൂപ്പന്മാർക്ക്‌ ഒരു അഴുക്കു​ചാൽ കുറുകെ കടക്കേ​ണ്ട​തു​ണ്ടാ​യി​രു​ന്നു. എന്നാൽ, ആ ഭാഗത്ത്‌ പോരാ​ട്ടം നടക്കു​ക​യാ​യി​രു​ന്നു. ഒളി​പ്പോ​രാ​ളി​കൾ അഴുക്കു​ചാൽ കുറുകെ കടക്കുന്ന ഏതൊ​രു​വ​നു​നേ​രേ​യും നിറ​യൊ​ഴി​ച്ചി​രു​ന്നു. ഒരു മൂപ്പൻ കുഴപ്പ​മൊ​ന്നും കൂടാതെ വേഗത്തിൽ അക്കര കടന്നു. മറ്റേ മൂപ്പൻ കുറുകെ കടക്കവേ വെടി​യൊച്ച കേട്ടു. അദ്ദേഹം നില​ത്തേക്കു വീണ്‌ സുരക്ഷിത സ്ഥാന​ത്തേക്ക്‌ ഇഴഞ്ഞു​നീ​ങ്ങവേ വെടി​യു​ണ്ടകൾ തലയ്‌ക്കു​മീ​തെ ചീറി​പ്പാ​ഞ്ഞു. മൂപ്പന്മാ​രു​ടെ യോഗം വിജയ​ക​ര​മാ​യി നടന്നു, സഭയുടെ ആവശ്യ​ങ്ങൾക്കു ശ്രദ്ധ നൽകാ​നും കഴിഞ്ഞു.

‘സകല ജാതി​ക​ളി​ലും ഗോ​ത്ര​ങ്ങ​ളി​ലും ഭാഷക​ളി​ലും നിന്ന്‌’

16. ചെറിയ ഭാഷാ​ക്കൂ​ട്ട​ങ്ങ​ളു​ടെ ഇടയിൽ സുവാർത്ത വ്യാപി​പ്പി​ക്കു​ന്ന​തി​നാ​യി വിശ്വ​സ്‌ത​നും വിവേ​കി​യു​മായ അടിമ ക്രമീ​ക​രണം ചെയ്‌തി​രി​ക്കു​ന്ന​തെ​ങ്ങനെ?

¹⁶ “സകല ജാതി​ക​ളി​ലും ഗോ​ത്ര​ങ്ങ​ളി​ലും വംശങ്ങ​ളി​ലും ഭാഷക​ളി​ലും​നി​ന്നു” ഒരു മഹാപു​രു​ഷാ​രം വരു​മെന്ന്‌ അപ്പോ​സ്‌ത​ല​നായ യോഹ​ന്നാൻ പറഞ്ഞു. (വെളി​പ്പാ​ടു 7:9) അതു​കൊണ്ട്‌, വിദൂ​ര​ദേ​ശ​ങ്ങ​ളി​ലെ ഗോ​ത്ര​ങ്ങ​ളും ചെറു​കൂ​ട്ട​ങ്ങ​ളും സംസാ​രി​ക്കുന്ന ഭാഷകൾ ഉൾപ്പെടെ അധിക​മ​ധി​കം ഭാഷക​ളിൽ സാഹി​ത്യം ലഭ്യമാ​ക്കാൻ ഭരണസം​ഘം ക്രമീ​ക​രണം ചെയ്യുന്നു. ദൃഷ്ടാ​ന്ത​ത്തിന്‌ മൊസാ​മ്പി​ക്കിൽ കൂടു​ത​ലായ അഞ്ചു ഭാഷക​ളിൽ, സമാധാ​ന​പൂർണ​മായ ഒരു ലോക​ത്തി​ലെ ജീവിതം എന്ന ലഘുലേഖ പ്രസി​ദ്ധീ​ക​രി​ച്ചു. നിക്കരാ​ഗ്വ​യിൽ, ഭൂമി​യിൽ എന്നേക്കും ജീവിതം ആസ്വദി​ക്കുക! എന്ന ലഘുപ​ത്രിക മിസ്‌ക്കി​റ്റോ ഭാഷയിൽ ലഭ്യമാ​ക്കി. ആ ഭാഷയി​ലുള്ള വാച്ച്‌ ടവർ സൊ​സൈ​റ്റി​യു​ടെ ആദ്യത്തെ പ്രസി​ദ്ധീ​ക​ര​ണ​മാ​യി​രു​ന്നു അത്‌. തങ്ങളുടെ ഭാഷയിൽ ഒരു പ്രസി​ദ്ധീ​ക​രണം കാണു​ന്ന​തി​ലുള്ള സന്തോ​ഷ​ത്തോ​ടെ അനേകം മിസ്‌ക്കി​റ്റോ ഇന്ത്യക്കാർ ആ ലഘുപ​ത്രിക സ്വീക​രി​ച്ചു. 1997-ൽ 25 ഭാഷക​ളിൽകൂ​ടി സാഹി​ത്യം പ്രസി​ദ്ധീ​ക​രി​ക്കാൻ സൊ​സൈറ്റി അംഗീ​കാ​രം നൽകു​ക​യും 100 കോടി​യി​ല​ധി​കം മാസി​കകൾ അച്ചടി​ക്കു​ക​യും ചെയ്‌തു.

17. കൊറി​യ​യിൽ ഏതു ഭാഷാ​ക്കൂ​ട്ട​ത്തി​നു സഹായം ലഭിച്ചു, ഈ ജനവി​ഭാ​ഗത്തെ വീഡി​യോ​ടേ​പ്പു​കൾ വളരെ​യേറെ സഹായി​ച്ചി​രി​ക്കു​ന്ന​തെ​ങ്ങനെ?

¹⁷ കൊറി​യ​യിൽ മറ്റൊരു ഭാഷാ​ക്കൂ​ട്ട​ത്തി​നു സഹായം ലഭിച്ചു. 1997-ൽ കൊറി​യൻ ആംഗ്യ​ഭാ​ഷ​യി​ലുള്ള ആദ്യത്തെ കൺ​വെൻ​ഷൻ നടന്നു. കൊറി​യ​യിൽ 15 ആംഗ്യ​ഭാ​ഷാ സഭകളി​ലാ​യി 543 പ്രസാ​ധ​ക​രുണ്ട്‌. എന്നാൽ ആ കൺ​വെൻ​ഷ​നിൽ 1,174 പേർ സംബന്ധി​ച്ചു, 21 പേർ സ്‌നാ​പ​ന​മേൽക്കു​ക​യും ചെയ്‌തു. വാചി​ക​മോ ലിഖി​ത​മോ ആയ വാക്കുകൾ എളുപ്പം മനസ്സി​ലാ​ക്കാൻ കഴിയാത്ത ബധിരരെ സഹായി​ക്കാ​നാ​യി പ്രസി​ദ്ധീ​ക​ര​ണ​ങ്ങ​ളു​ടെ 13 വ്യത്യസ്‌ത ആംഗ്യ​ഭാ​ഷ​ക​ളി​ലുള്ള വീഡി​യോ​ടേ​പ്പു​കൾ നിർമി​ച്ചു​കൊ​ണ്ടി​രി​ക്കു​ന്നു. അങ്ങനെ, സുവാർത്ത “വായിക്കാ”നും പഠിക്കാ​നും ബധിരർ സഹായി​ക്ക​പ്പെ​ടു​ന്നു, അത്‌ നല്ല ഫലങ്ങളു​ള​വാ​ക്കു​ക​യും ചെയ്യുന്നു. ഐക്യ​നാ​ടു​ക​ളിൽ, ബധിര​നായ ഒരു വ്യക്തി സ്‌നാ​പ​ന​ഘ​ട്ട​ത്തോ​ളം പുരോ​ഗ​മി​ക്കു​ന്ന​തിന്‌ മുമ്പൊ​ക്കെ അഞ്ചു വർഷം​വരെ ആവശ്യ​മാ​യി​രു​ന്നു. അമേരി​ക്കൻ ആംഗ്യ​ഭാ​ഷ​യിൽ ലഭ്യമാ​യി​രി​ക്കുന്ന അനേകം വീഡി​യോ​കൾ നിമിത്തം ചില ബധിരരെ സംബന്ധി​ച്ചി​ട​ത്തോ​ളം ആ കാലഘട്ടം ഇപ്പോൾ ഏതാണ്ട്‌ ഒരു വർഷമാ​യി കുറഞ്ഞി​ട്ടുണ്ട്‌.

‘രഥത്തിൽ നിലനിൽക്കൽ’

18. യോനാ​ദാ​ബി​നെ കണ്ടുമു​ട്ടിയ ശേഷം യേഹൂ എന്ത്‌ ചെയ്യാൻ തുടങ്ങി?

¹⁸ പൊ.യു.മു. 905-ൽ, യോനാ​ദാബ്‌ കൂടെ ചേർന്ന​ശേഷം യേഹൂ വ്യാജാ​രാ​ധ​നയെ ഇല്ലായ്‌മ ചെയ്യാൻ തുടങ്ങി. എല്ലാ ബാൽ ആരാധ​കർക്കു​മാ​യി അവൻ ഒരു ക്ഷണം പുറ​പ്പെ​ടു​വി​ച്ചു: “ബാലിന്നു ഒരു വിശു​ദ്ധ​സ​ഭാ​യോ​ഗം ഘോഷി​പ്പിൻ.” എന്നിട്ട്‌, യാതൊ​രു ബാൽ ആരാധ​ക​നും ഒഴിവാ​ക്ക​പ്പെ​ട്ടി​ല്ലെന്ന്‌ ഉറപ്പു​വ​രു​ത്താൻ അവൻ മുഴു ദേശത്തും ആളയച്ചു. ആ വ്യാജ​ദൈ​വ​ത്തി​ന്റെ വലിയ ക്ഷേത്ര​ത്തി​ലേക്ക്‌ ജനക്കൂട്ടം ഒഴുകി​യെ​ത്തവേ, യഹോ​വ​യു​ടെ യാതൊ​രു ആരാധ​ക​നും അവി​ടെ​യി​ല്ലെന്ന്‌ യേഹൂ ഉറപ്പു​വ​രു​ത്തി. ഒടുവിൽ, യേഹൂ​വും അവന്റെ സൈന്യ​വും ആ ബാൽ ആരാധ​കരെ വെട്ടി​വീ​ഴ്‌ത്തി. “ഇങ്ങനെ യേഹൂ ബാലിനെ യിസ്രാ​യേ​ലിൽനി​ന്നു നശിപ്പി​ച്ചു​ക​ളഞ്ഞു.”—2 രാജാ​ക്ക​ന്മാർ 10:20-28.

19. മനുഷ്യ​വർഗ​ത്തി​ന്റെ തൊട്ടു​മു​ന്നിൽ സ്ഥിതി​ചെ​യ്യുന്ന കാര്യ​ങ്ങ​ളു​ടെ വീക്ഷണ​ത്തിൽ നാം ഏതു മനോ​ഭാ​വം പ്രകട​മാ​ക്കണം, ഏതു പ്രവർത്ത​ന​ത്തിൽ നാം ഉത്സാഹ​പൂർവം വ്യാപൃ​ത​രാ​യി​രി​ക്കണം?

¹⁹ ഇന്ന്‌, സകല വ്യാജ​മ​ത​ങ്ങ​ളു​ടെ​യും അന്തിമ ന്യായ​വി​ധി തൊട്ടു​മു​ന്നി​ലാണ്‌. ദൈവത്തെ ഭയപ്പെ​ടാ​നും വ്യാജ​മ​ത​ത്തിൽനി​ന്നു തങ്ങളെ​ത്തന്നെ വേർപെ​ടു​ത്താ​നും പ്രോ​ത്സാ​ഹി​പ്പി​ച്ചു​കൊണ്ട്‌ ദൂത മാർഗ​നിർദേ​ശ​ത്തിൻ കീഴിൽ ക്രിസ്‌ത്യാ​നി​കൾ സകല മനുഷ്യ​വർഗ​ത്തോ​ടും സുവാർത്ത ഘോഷി​ക്കു​ന്നു. (വെളി​പ്പാ​ടു 14:6-8; 18:2, 4) യഹോവ സിംഹാ​സ​ന​സ്ഥ​നാ​ക്കി​യി​രി​ക്കുന്ന രാജാ​വായ യേശു​ക്രി​സ്‌തു​വിൻ കീഴിലെ ദൈവ​രാ​ജ്യ​ത്തി​നു കീഴ്‌പെ​ടാൻ സൗമ്യ​ത​യു​ള്ളവർ പ്രോ​ത്സാ​ഹി​പ്പി​ക്ക​പ്പെ​ടു​ന്നു. (വെളി​പ്പാ​ടു 12:10) ആവേശം തിരത​ല്ലുന്ന ഈ സമയത്ത്‌ സത്യാ​രാ​ധ​ന​യ്‌ക്കാ​യി ഉറച്ചു​നിൽക്കവേ നമ്മുടെ തീക്ഷ്‌ണത കുറഞ്ഞു​പോ​കാൻ നാം അനുവ​ദി​ക്ക​രുത്‌.

20. 1998 സേവന​വർഷ​ത്തിൽ എന്തു ചെയ്യാൻ നിങ്ങൾ ദൃഢനി​ശ്ച​യ​മു​ള്ള​വ​രാ​യി​രി​ക്കും?

²⁰ ഒരിക്കൽ ശക്തമായ സമ്മർദ​ത്തിൻ കീഴി​ലാ​യി​രു​ന്ന​പ്പോൾ ദാവീദ്‌ രാജാവ്‌ പ്രാർഥി​ച്ചു: “എന്റെ മനസ്സു ഉറെച്ചി​രി​ക്കു​ന്നു; ദൈവമേ, എന്റെ മനസ്സു ഉറെച്ചി​രി​ക്കു​ന്നു; ഞാൻ പാടും; ഞാൻ കീർത്തനം ചെയ്യും. കർത്താവേ, വംശങ്ങ​ളു​ടെ ഇടയിൽ ഞാൻ നിനക്കു സ്‌തോ​ത്രം ചെയ്യും.” (സങ്കീർത്തനം 57:7, 9) നമുക്കും ഉറച്ചു​നിൽക്കാം. നിരവധി പ്രയാ​സങ്ങൾ അഭിമു​ഖീ​ക​രി​ക്കേ​ണ്ടി​വ​ന്നി​ട്ടും 1997 സേവന​വർഷ​ത്തിൽ യഹോ​വ​യാം ദൈവ​ത്തി​ന്റെ മഹത്ത്വ​ത്തി​നാ​യി ഉച്ചത്തി​ലുള്ള സ്‌തു​തി​ഘോ​ഷം ഉയരു​ക​യു​ണ്ടാ​യി. ഈ സേവന​വർഷ​ത്തി​ലും സമാന​മായ, ഒരുപക്ഷേ അതിലും വലിയ ഒരു സ്‌തു​തി​ഘോ​ഷം മുഴങ്ങട്ടെ. നമ്മെ നിരു​ത്സാ​ഹ​പ്പെ​ടു​ത്തു​ന്ന​തി​നോ എതിർക്കു​ന്ന​തി​നോ​വേണ്ടി സാത്താൻ എന്തുതന്നെ ചെയ്യാൻ ശ്രമി​ച്ചാ​ലും നമുക്ക്‌ യഹോ​വയെ സ്‌തു​തി​ക്കു​ന്ന​തിൽ തുടരാം. അങ്ങനെ, നമ്മുടെ ഹൃദയം വലിയ യേഹൂ​വായ യേശു​ക്രി​സ്‌തു​വി​ന്റെ ഹൃദയ​ത്തോട്‌ നേരു​ള്ള​താ​ണെന്ന്‌ നാം പ്രകട​മാ​ക്കു​ക​യും പിൻവ​രുന്ന നിശ്വസ്‌ത ഉദ്‌ഘോ​ഷ​ത്തോ​ടു നമ്മുടെ മുഴു ദേഹി​യോ​ടെ പ്രതി​ക​രി​ക്കു​ക​യും ചെയ്യും: “നീതി​മാ​ന്മാ​രേ, യഹോ​വ​യിൽ സന്തോ​ഷി​ച്ചാ​ന​ന്ദി​പ്പിൻ; ഹൃദയ​പ​ര​മാർത്ഥി​കൾ എല്ലാവ​രു​മാ​യു​ള്ളോ​രേ, ഘോഷി​ച്ചു​ല്ല​സി​പ്പിൻ.”—സങ്കീർത്തനം 32:11.

നിങ്ങൾക്കു വിശദീ​ക​രി​ക്കാ​നാ​കു​മോ?

□ പൊ.യു.മു. 905-ൽ ഇസ്രാ​യേ​ലിൽ എന്തു മാറ്റങ്ങൾ സംഭവി​ച്ചു?

□ ആരാണ്‌ ആധുനി​ക​കാല യേഹൂ, തങ്ങളുടെ ഹൃദയം അവന്റെ ‘ഹൃദയ​ത്തോട്‌ നേരുള്ള’താണെന്നു “മഹാപു​രു​ഷാ​രം” പ്രകട​മാ​ക്കി​യി​രി​ക്കു​ന്ന​തെ​ങ്ങനെ?

□ വാർഷിക റിപ്പോർട്ടിൽനി​ന്നുള്ള ഏത്‌ സ്ഥിതി​വി​വ​ര​ക്ക​ണ​ക്കു​കൾ 1997 സേവന​വർഷ​ത്തിൽ യഹോ​വ​യു​ടെ സാക്ഷികൾ കാണിച്ച തീക്ഷ്‌ണത വിശദ​മാ​ക്കു​ന്നു?

□ സാത്താൻ നമു​ക്കെ​തി​രെ എന്തുതന്നെ ചെയ്‌താ​ലും 1998 സേവന​വർഷ​ത്തിൽ നാം ഏതു മനോ​ഭാ​വം പ്രകട​മാ​ക്കും?

[18-21 പേജു​ക​ളി​ലെ ചാർട്ട്‌]

യഹോവയുടെ സാക്ഷി​ക​ളു​ടെ 1997 സേവന​വർഷ​ത്തി​ലെ ലോക​വ്യാ​പക റിപ്പോർട്ട്‌

(പൂർണ​രൂ​പ​ത്തിൽ കാണു​ന്ന​തി​നു പ്രസി​ദ്ധീ​ക​രണം നോക്കുക.)

[15-ാം പേജിലെ ചിത്രം]

ശ്രദ്ധേയമായ സ്‌മാരക ഹാജർ ഭാവി വർധന​വി​നു നല്ല സാധ്യ​ത​ക​ളു​ണ്ടെന്നു പ്രകട​മാ​ക്കു​ന്നു

[16-ാം പേജിലെ ചിത്രം]

യോനാദാബ്‌ യേഹൂ​വി​നെ പിന്തു​ണ​ച്ച​തു​പോ​ലെ ഇന്നു “മഹാപു​രു​ഷാ​രം” വലിയ യേഹൂ​വായ യേശു​ക്രി​സ്‌തു​വി​നെ​യും അവന്റെ അഭിഷിക്ത സഹോ​ദ​ര​ന്മാ​രെ​യും പിന്തു​ണ​യ്‌ക്കു​ന്നു