ആത്മാവ്‌ സഭക​ളോ​ടു പറയു​ന്നത്‌ കേൾക്കുക

“ചെവി​യു​ള്ളവൻ ആത്മാവ്‌ സഭക​ളോട്‌ പറയു​ന്നത്‌ കേൾക്കട്ടെ.”—വെളി​പ്പാട്‌ 3:22

1. ഈ അസന്തു​ഷ്‌ട​മായ യുഗത്തിൽ വെളി​പ്പാ​ടി​ലെ ഏതു വാക്കുകൾ സുവാർത്ത​യാണ്‌, പരാമർശി​ക്ക​പ്പെ​ട്ടി​രി​ക്കുന്ന “പ്രവച​ന​വും” “നിയമി​ത​സ​മ​യ​വും” എന്താണ്‌?

കുറേ വർഷങ്ങൾക്കു മുമ്പ്‌ അമേരി​ക്കൻ ഐക്യ​നാ​ടു​ക​ളി​ലെ ജനങ്ങൾക്ക്‌ വളരെ​യ​ധി​കം സ്വാത​ന്ത്ര്യ​മു​ണ്ടെ​ന്നും എന്നാൽ വേണ്ടത്ര സന്തുഷ്ടി ഇല്ലെന്നും അവിടത്തെ ഒരു സാമൂ​ഹ്യ​ശാ​സ്‌ത്രജ്ഞൻ അഭി​പ്രാ​യ​പ്പെ​ടു​ക​യു​ണ്ടാ​യി. “സന്തുഷ്ടി അവരെ വിട്ടു​പോ​യി​രി​ക്കു​ന്നു. അവർ തങ്ങൾക്കു​തന്നെ വാഗ്‌ദാ​നം ചെയ്‌ത പറുദീ​സാ വ്യർത്ഥ​മെന്നു തെളി​ഞ്ഞി​രി​ക്കു​ന്നു” എന്ന്‌ ആളുകൾ കണ്ടെത്തി​യി​രി​ക്കു​ന്ന​താ​യി അദ്ദേഹം കൂട്ടി​ച്ചേർത്തു. ഇതിന്റെ വീക്ഷണ​ത്തിൽ, വെളി​പ്പാട്‌ 1:3-ലെ അപ്പോ​സ്‌ത​ല​നായ യോഹ​ന്നാ​ന്റെ വാക്കുകൾ സുവാർത്ത​യാണ്‌, എന്തു​കൊ​ണ്ടെ​ന്നാൽ എങ്ങനെ സന്തുഷ്ടി കണ്ടെത്താ​മെന്ന്‌ അവൻ നമ്മോടു പറയുന്നു. യോഹ​ന്നാൻ എഴുതി: “ഈ പ്രവച​ന​ത്തി​ലെ വാക്കുകൾ ഉറക്കെ വായി​ക്കു​ന്ന​വ​രും അവ കേൾക്കു​ന്ന​വ​രും അതിൽ എഴുതി​യി​രി​ക്കു​ന്നവ അനുഷ്‌ഠി​ക്കു​ന്ന​വ​രും സന്തുഷ്ട​രാ​കു​ന്നു; എന്തു​കൊ​ണ്ടെ​ന്നാൽ നിയമിത സമയം അടുത്തി​രി​ക്കു​ന്നു.” അവൻ പരാമർശി​ക്കുന്ന “പ്രവചനം” വെളി​പ്പാ​ടു​പു​സ്‌ത​ക​ത്തിൽ എഴുതി​യി​രി​ക്കു​ന്ന​താണ്‌. “നിയമി​ത​സ​മയം” ഈ വെളി​പ്പാ​ടിൻപ്ര​വ​ചനം നിറ​വേ​റേണ്ട സമയമാണ്‌. യോഹ​ന്നാ​ന്റെ വാക്കുകൾ ഇന്നു നമുക്ക്‌ അഗാധ​മായ പ്രാധാ​ന്യ​മു​ള്ള​വ​യാണ്‌.

2. ഒന്നാം നൂററാണ്ട്‌ അവസാ​ന​ത്തോ​ട​ടു​ത്ത​തോ​ടെ യോഹ​ന്നാൻ എന്തി​നെ​ക്കു​റിച്ച്‌ അതിശ​യി​ക്കു​ക​യാ​യി​രു​ന്നി​രി​ക്കണം?

² യോഹ​ന്നാൻ വെളി​പ്പാ​ടു​പു​സ്‌തകം എഴുതി​യ​തിന്‌ 60-ൽപരം വർഷം മുമ്പ്‌ അഭിഷി​ക്ത​ക്രി​സ്‌തീ​യസഭ സ്ഥാപി​ക്ക​പ്പെട്ട പെന്ത​ക്കോ​സ്‌തിൽ അവൻ ഹാജരു​ണ്ടാ​യി​രു​ന്നു. ഇപ്പോൾ, ക്രി.വ. 96ൽ ആ സഭ അതിന്റെ ആദ്യത്തെ 120 അംഗങ്ങ​ളിൽനിന്ന്‌ ഒരു വലിയ സാർവ​ദേ​ശീ​യ​സ്ഥാ​പ​ന​മാ​യി വളർന്നി​രു​ന്നു. എന്നാൽ പ്രശ്‌ന​ങ്ങ​ളു​ണ്ടാ​യി​രു​ന്നു. യേശു​വും പൗലോ​സും പത്രോ​സും മുന്നറി​യി​ച്ചി​രു​ന്ന​തു​പോ​ലെ, വിശ്വാ​സ​ത്യാ​ഗ​ങ്ങ​ളും കക്ഷിപി​രി​വു​ക​ളും പ്രത്യ​ക്ഷ​പ്പെ​ട്ടു​തു​ട​ങ്ങു​ക​യാ​യി​രു​ന്നു. ഭാവി എന്തു കൈവ​രു​ത്തു​മെന്ന്‌ യോഹ​ന്നാൻ അതിശ​യി​ച്ചി​രി​ക്കാം.—മത്തായി 13:24-30, 36-43; പ്രവൃ​ത്തി​കൾ 20:29, 30; 2 പത്രോസ്‌ 2:1-3.

3. യോഹ​ന്നാൻ കാണു​ക​യും വെളി​പ്പാ​ടിൽ രേഖ​പ്പെ​ടു​ത്തു​ക​യും ചെയ്‌ത ദർശനങ്ങൾ എന്തിന്റെ ഒരു ഉറപ്പാ​യി​രു​ന്നു?

³ അങ്ങനെ​യി​രി​ക്കെ, അവന്‌ “താമസി​യാ​തെ നടക്കേണ്ട കാര്യങ്ങൾ തന്റെ അടിമ​കളെ കാണി​ക്കേ​ണ്ട​തിന്‌, ദൈവം കൊടുത്ത യേശു​ക്രി​സ്‌തു​വി​ന്റെ ഒരു വെളി​പ്പാട്‌” ലഭിച്ച​പ്പോൾ അവനു​ണ്ടായ സന്തോ​ഷ​മൊ​ന്നു സങ്കൽപ്പി​ക്കുക. (വെളി​പ്പാട്‌ 1:1) മഹനീ​യ​മായ ദർശന​ങ്ങ​ളു​ടെ ഒരു പരമ്പര​യിൽ യഹോ​വ​യു​ടെ ഉദ്ദേശ്യ​ങ്ങൾ നിവർത്തി​ക്ക​പ്പെ​ടു​മെ​ന്നും വിശ്വ​സ്‌ത​ക്രി​സ്‌ത്യാ​നി​ക​ളു​ടെ സഹനത്തിന്‌ അത്ഭുത​ക​ര​മായ പ്രതി​ഫലം കിട്ടു​മെ​ന്നും യോഹ​ന്നാൻ മനസ്സി​ലാ​ക്കി. അവൻ യേശു​ക്രി​സ്‌തു​വിൽനിന്ന്‌ ഏഴു സഭകൾക്കുള്ള സന്ദേശ​ങ്ങ​ളും സ്വീക​രി​ച്ചു; അവ യഥാർത്ഥ​ത്തിൽ അവൻ രാജ്യ​മ​ഹ​ത്വ​ത്തിൽ വരുന്ന​തി​നു മുമ്പ്‌ ക്രിസ്‌ത്യാ​നി​കൾക്കാ​യി അവനിൽനി​ന്നു നേരിട്ടു ലഭിച്ച അവന്റെ അന്തിമ​ബു​ദ്ധി​യു​പ​ദേ​ശ​മാ​യി​രു​ന്നു.

ഏഴു സഭകൾ

4. (എ) വിശ്വ​സ്‌ത​ക്രി​സ്‌തീ​യ​സ​ഭ​ക​ളു​ടെ ഉത്തരവാ​ദി​ത്തം എന്താണ്‌? (ബി) അഭിഷി​ക്ത​മൂ​പ്പൻമാർ ക്രിസ്‌തു​വി​ന്റെ വല​ങ്കൈ​യി​ലെ ഏഴു നക്ഷത്ര​ങ്ങ​ളാ​യി കാണ​പ്പെ​ടു​ന്നു​വെന്ന വസ്‌തു​ത​യാൽ സൂചി​പ്പി​ക്ക​പ്പെ​ടു​ന്ന​തെന്ത്‌?

⁴ അഭിഷി​ക്ത​ക്രി​സ്‌ത്യാ​നി​ക​ളു​ടെ ഈ ഏഴു സഭകൾ ഏഴു നിലവി​ള​ക്കു​ക​ളാ​യി പ്രതി​നി​ധാ​നം​ചെ​യ്യ​പ്പെട്ടു, അവയ്‌ക്കു​ള്ളി​ലെ അഭിഷി​ക്ത​മൂ​പ്പൻമാർ ക്രിസ്‌തു​വി​ന്റെ വല​ങ്കൈ​യി​ലെ ഏഴു നക്ഷത്ര​ങ്ങ​ളാ​യി പ്രതി​നി​ധാ​നം​ചെ​യ്യ​പ്പെട്ടു. (വെളി​പ്പാട്‌ 1:12, 16) ഈ ഉജ്ജ്വല​മായ പ്രതി​ബിം​ബ​ത്താൽ വിശ്വ​സ്‌ത​ക്രി​സ്‌തീ​യ​സ​ഭകൾ ഇരുണ്ട ലോക​ത്തി​ലെ കത്തിച്ച നിലവി​ള​ക്കു​കൾപോ​ലെ പ്രകാ​ശ​വാ​ഹ​ക​രാ​യി​രി​ക്ക​ണ​മെന്ന്‌ യോഹ​ന്നാൻ മനസ്സി​ലാ​ക്കി. (മത്തായി 5:14-16) യേശു തന്റെ വല​ങ്കൈ​യിൽ മൂപ്പൻമാ​രെ പിടി​ച്ചി​രി​ക്കു​ന്നത്‌ അവൻ അവരെ വഴികാ​ട്ടു​ക​യും ഭരിക്കു​ക​യും​ചെ​യ്‌തു​കൊണ്ട്‌ നയിക്കു​ന്നു​വെന്ന്‌ പ്രകട​മാ​ക്കി.

5. യോഹ​ന്നാ​ന്റെ നാളിൽ ഏഴു സഭകൾക്കുള്ള സന്ദേശങ്ങൾ ആരി​ലേക്ക്‌ തിരി​ച്ചു​വി​ട​പ്പെട്ടു?

⁵ യേശു യോഹ​ന്നാ​നോട്‌ ഇങ്ങനെ പറയുന്നു: “നീ കാണു​ന്നത്‌ ഒരു ചുരു​ളിൽ എഴുതി എഫേസൂ​സി​ലും സ്‌മുർന്ന​യി​ലും പെർഗ്ഗ​മ​ത്തി​ലും തുയ​ഥൈ​ര​യി​ലും സർദ്ദീ​സി​ലും ഫിലദൽഫി​യ​യി​ലും ലവോ​ദി​ക്യ​യി​ലു​മുള്ള ഏഴു സഭകൾക്ക്‌ അയച്ചു​കൊ​ടു​ക്കുക.” (വെളിപ്പാട്‌ 1:11) ഈ സഭകൾ യോഹ​ന്നാ​ന്റെ നാളു​ക​ളിൽ യഥാർത്ഥ​ത്തിൽ സ്ഥിതി​ചെ​യ്‌തി​രു​ന്നു. യോഹ​ന്നാൻ വെളി​പ്പാ​ടി​ന്റെ എഴുത്തു പൂർത്തി​യാ​ക്കി​യ​പ്പോൾ ഓരോ സഭക്കും ഓരോ പ്രതി കിട്ടി​യെന്ന്‌ നമുക്കു​റ​പ്പു​ണ്ടാ​യി​രി​ക്കാൻ കഴിയും. എന്നാൽ വെളി​പ്പാ​ടി​നെ​ക്കു​റിച്ച്‌ ഹേസ്‌റ​റിം​ഗ്‌സി​ന്റെ ബൈബിൾനി​ഘണ്ടു പറയു​ന്നതു ശ്രദ്ധി​ക്കുക: “പുതിയ നിയമ​ത്തി​ലെ മറെറാ​രു പുസ്‌ത​ക​ത്തി​നും 2-ാം നൂററാ​ണ്ടിൽ ഇത്രയും സാക്ഷ്യം ലഭിച്ചി​ട്ടില്ല.” അതിന്റെ അർത്ഥം വെളി​പ്പാ​ടു​പു​സ്‌തകം ഏഴു സഭകളി​ലെ ക്രിസ്‌ത്യാ​നി​കൾ മാത്രമല്ല, ഈ പ്രവച​ന​വാ​ക്കു​കൾ പഠിക്കാ​നാ​ഗ്ര​ഹിച്ച മററ​നേ​ക​രും വായി​ച്ചു​വെ​ന്നാണ്‌. തീർച്ച​യാ​യും യേശു​വി​ന്റെ ബുദ്ധി​യു​പ​ദേശം സകല അഭിഷിക്തക്രിസ്‌ത്യാനികൾക്കുംവേണ്ടിയായിരുന്നു.

6, 7. (എ) വെളി​പ്പാ​ടി​ലെ വാക്കുകൾ മുഖ്യ​മാ​യി എപ്പോ​ഴാണ്‌ ബാധക​മാ​കു​ന്നത്‌, നാം ഇത്‌ എങ്ങനെ അറിയു​ന്നു? (ബി) ഇന്ന്‌ ഏഴ്‌ നക്ഷത്ര​ങ്ങ​ളാ​ലും ഏഴു സഭകളാ​ലും പ്രതി​നി​ധാ​നം​ചെ​യ്യ​പ്പെ​ടു​ന്ന​താര്‌?

⁶ എന്നാൽ ഏഴു സഭകൾക്കുള്ള ഈ സന്ദേശ​ങ്ങൾക്ക്‌ അതിലും വിപു​ല​മായ ഒരു പ്രയു​ക്ത​ത​യുണ്ട്‌. വെളി​പ്പാട്‌ 1:10-ൽ യോഹ​ന്നാൻ പറയുന്നു: “നിശ്വ​സ്‌ത​ത​യാൽ ഞാൻ കർത്താ​വി​ന്റെ ദിവസ​ത്തിൽ വന്നെത്തി.” ഈ വാക്യം വെളി​പ്പാ​ടി​ന്റെ ഗ്രാഹ്യ​ത്തി​ന്റെ പൂട്ടു​തു​റ​ക്കു​ന്ന​തി​നുള്ള ഒരു സുപ്ര​ധാന താക്കോ​ലാണ്‌. അത്‌ മുഖ്യ​മാ​യി “കർത്താ​വി​ന്റെ ദിവസ”ത്തിന്‌ ബാധക​മാ​കു​ന്നു​വെന്ന്‌ അത്‌ സൂചി​പ്പി​ക്കു​ന്നു, യേശു 1914ൽ രാജാ​വാ​യ​പ്പോ​ഴാണ്‌ ആ ദിവസം തുടങ്ങി​യത്‌. ഈ ഗ്രാഹ്യം ഏഴു സഭകൾക്കുള്ള യേശു​വി​ന്റെ സന്ദേശ​ത്താൽ സ്ഥിരീ​ക​രി​ക്ക​പ്പെ​ടു​ന്നു. അവയിൽ “ഞാൻ നിന്റെ അടുക്ക​ലേക്ക്‌ പെട്ടെന്നു വരുന്നു” എന്ന പെർഗ്ഗ​മ​ത്തി​നോ​ടുള്ള വാക്കുകൾ പോ​ലെ​യുള്ള പദപ്ര​യോ​ഗങ്ങൾ നാം കാണുന്നു. (വെളി​പ്പാട്‌ 2:16; 3:3, 11) ക്രി.വ. 96നുശേഷം 1914ൽ രാജാ​വാ​യി സിംഹാ​സ​ന​സ്ഥ​നാ​ക്ക​പ്പെ​ടു​ന്ന​തു​വരെ അവൻ ഏതെങ്കി​ലും അർത്ഥവ​ത്തായ വിധത്തിൽ ‘വന്നി’ല്ല. (പ്രവൃ​ത്തി​കൾ 1:9-11) പിന്നീട്‌, മലാഖി 3:1-ന്റെ നിവൃ​ത്തി​യാ​യി അവൻ വീണ്ടും 1918ൽ ‘വന്നു,’ അന്ന്‌ അവൻ ആദ്യമാ​യി ദൈവ​ഗൃ​ഹത്തെ ന്യായം വിധി​ക്കാൻ യഹോ​വ​യു​ടെ ആലയത്തി​ലേക്കു വരുക​യാ​ണു​ണ്ടാ​യത്‌. (1 പത്രോസ്‌ 4:17) അവൻ സമീപ​ഭാ​വി​യിൽ “ദൈവത്തെ അറിയാ​ത്ത​വ​രു​ടെ​യും നമ്മുടെ കർത്താ​വായ യേശു​വി​നെ​ക്കു​റി​ച്ചുള്ള സുവാർത്ത അനുസ​രി​ക്കാ​ത്ത​വ​രു​ടെ​യും​മേൽ പ്രതി​കാ​രം നടത്തു​മ്പോൾ” അവൻ ഒരിക്കൽകൂ​ടി ‘വരും.’—2 തെസ്സ​ലോ​നീ​ക്യർ 1:7,8; മത്തായി 24:42-44.

⁷ ഈ ഗ്രാഹ്യ​ത്താൽ, ഏഴു സഭകൾ 1914നുശേഷമുള്ള അഭിഷി​ക്ത​ക്രി​സ്‌ത്യാ​നി​ക​ളു​ടെ സകല സഭക​ളെ​യും ചിത്രീ​ക​രി​ക്കു​ന്നു​വെ​ന്നും ഏഴു നക്ഷത്രങ്ങൾ ആ സഭകളി​ലെ സകല അഭിഷി​ക്ത​മൂ​പ്പൻമാ​രെ​യും പ്രതി​നി​ധാ​നം ചെയ്യു​ന്നു​വെ​ന്നും നാം മനസ്സി​ലാ​ക്കു​ന്നു. അർത്ഥവ്യാ​പ്‌തി​യാൽ, യേശു​വി​ന്റെ നിയ​ന്ത്ര​ണ​മാ​കുന്ന വല​ങ്കൈ​യി​ലെ “വേറെ ആടുകളാ”യ മൂപ്പൻമാ​രും, പ്രതി​നി​ധാ​നം ചെയ്യ​പ്പെ​ടു​ന്നു. (യോഹ​ന്നാൻ 10:16) ഏഴു സഭകൾക്കുള്ള ബുദ്ധി​യു​പ​ദേശം ലോക​മെ​ങ്ങു​മുള്ള ദൈവ​ജ​ന​ത്തി​ന്റെ സകല സഭകൾക്കും തത്വത്തിൽ ബാധക​മാ​കു​ന്നു, ഒരു ഭൗമി​ക​പ്ര​ത്യാ​ശ​യോ​ടു​കൂ​ടിയ ക്രിസ്‌ത്യാ​നി​ക​ളു​മുള്ള സഭകളും ഉൾപ്പെ​ടു​ന്നു.

8. ക്രിസ്‌ത്യാ​നി​ക​ളെ​ന്ന​വ​കാ​ശ​പ്പെ​ടു​ന്ന​വരെ പരി​ശോ​ധി​ക്കാൻ യേശു 1918-ൽ വന്നപ്പോൾ അവൻ എന്തു സാഹച​ര്യം കണ്ടെത്തി?

⁸ ക്രിസ്‌ത്യാ​നി​ക​ളെന്ന്‌ അവകാ​ശ​പ്പെ​ടു​ന്ന​വരെ പരി​ശോ​ധി​ക്കാൻ യേശു 1918ൽ വന്നപ്പോൾ ഭൂമി​യി​ലെ അഭിഷി​ക്ത​ക്രി​സ്‌ത്യാ​നി​കൾ പ്രവച​ന​ത്തി​ലെ വാക്കുകൾ അനുഷ്‌ഠി​ക്കു​ന്ന​തിന്‌ കഠിന​ശ്രമം ചെയ്യു​ന്ന​താ​യി അവൻ കണ്ടെത്തി. 1870കൾ മുതൽ അവർ 1914എന്ന വർഷത്തി​ന്റെ പ്രാധാ​ന്യ​ത്തെ​ക്കു​റിച്ച്‌ ആളുകൾക്ക്‌ മുന്നറിയിപ്പുകൊടുത്തുകൊണ്ടാണിരുന്നിട്ടുള്ളത്‌. ഒന്നാം ലോക​മ​ഹാ​യു​ദ്ധ​കാ​ലത്ത്‌ അവർ ക്രൈ​സ്‌ത​വ​ലോ​ക​ത്തി​ന്റെ കൈയാൽ വളരെ​യ​ധി​കം ക്ലേശമ​നു​ഭ​വി​ച്ചി​രു​ന്നു. 1918ൽ വാച്ച്‌ ടൗവർ സൊ​സൈ​റ​റി​യു​ടെ പ്രമുഖ ഉദ്യോ​ഗ​സ്ഥൻമാർ വ്യാജ​കു​റ​റാ​രോ​പ​ണ​ങ്ങളെ പ്രതി തടവി​ലാ​ക്ക​പ്പെ​ട്ട​പ്പോൾ അവരുടെ വേല ഫലത്തിൽ നിന്നു​പോ​യി. എന്നാൽ ആ കാലത്തെ അവരുടെ അനുഭ​വങ്ങൾ അത്ഭുത​ക​ര​മായ തോതിൽ വെളി​പ്പാ​ടി​ലെ പ്രവച​ന​ങ്ങ​ളോട്‌ ഒത്തുവ​രു​ന്നു. ഏഴു സഭകൾക്കുള്ള യേശു​വി​ന്റെ വാക്കുകൾ അനുസ​രി​ക്കാ​നുള്ള അവരുടെ ദൃഢനി​ശ്ചയം ഈ ഇരുണ്ട രാത്രി​യി​ലെ വെളി​ച്ച​വാ​ഹ​ക​രായ ഏക ക്രിസ്‌ത്യാ​നി​കൾ അവരാ​ണെന്ന്‌ നിസ്സം​ശ​യ​മാ​യി തിരി​ച്ച​റി​യി​ച്ചു. ഇന്ന്‌, ഈ ശേഷിപ്പ്‌ വെളി​പ്പാ​ടി​ന്റെ പലഭാ​ഗ​ങ്ങ​ളു​ടെ​യും നിവൃത്തി കാണാ​നും അതിൽ പങ്കുപ​റ​റാ​നും ജീവി​ച്ചി​രി​ക്കുന്ന ഒരു യോഹ​ന്നാൻവർഗ്ഗ​മാ​യി​രി​ക്കു​ന്നു.

ബുദ്ധി​യു​പ​ദേ​ശ​വും അഭിന​ന്ദ​ന​വും

9, 10. യേശു​വി​ന്റെ ഏതു വാക്കു​ക​ളു​ടെ നിവൃത്തി ആധുനി​ക​നാ​ളി​ലെ ക്രിസ്‌ത്യാ​നി​കൾക്ക്‌ വലിയ സന്തുഷ്ടി കൈവ​രു​ത്തി? വിശദീ​ക​രി​ക്കുക.

⁹ വെളി​പ്പാ​ടു 3:8-ൽ ഫിലദൽഫി​യ​യി​ലെ സഭയോട്‌ യേശു ഇങ്ങനെ പറഞ്ഞു: “ഞാൻ നിന്റെ പ്രവൃ​ത്തി​ക​ള​റി​യു​ന്നു—നോക്കൂ! ആർക്കും അടയ്‌ക്കാൻ കഴിയാത്ത ഒരു തുറന്ന വാതിൽ ഞാൻ നിന്റെ മുമ്പാകെ വെച്ചി​രി​ക്കു​ന്നു—നിനക്ക്‌ അൽപ്പം ശക്തിയു​ണ്ടെ​ന്നും നീ എന്റെ വചനം കാത്തു​വെ​ന്നും എന്റെ നാമ​ത്തോ​ടു വഞ്ചനകാ​ട്ടി​യി​ല്ലെ​ന്നും തന്നെ.” തെളി​വ​നു​സ​രിച്ച്‌ ഫിലദൽഫി​യ​യി​ലെ ക്രിസ്‌ത്യാ​നി​കൾ പ്രവർത്ത​ന​നി​ര​ത​രാ​യി​രു​ന്നു, ഇപ്പോൾ അവസര​ത്തി​ന്റെ ഒരു വാതിൽ അവർക്കു​വേണ്ടി തുറക്ക​പ്പെ​ടു​ക​യാ​യി​രു​ന്നു.

¹⁰ ഈ സന്ദേശ​ത്തി​ന്റെ ആധുനിക യാഥാർത്ഥ്യം ദൈവ​ജ​നത്തെ വളരെ സന്തുഷ്ട​രാ​ക്കി. 1918ലെ അവരുടെ പീഡാ​ക​ര​മായ അനുഭ​വ​ങ്ങൾക്കു​ശേഷം അവർ ആത്മീയ​മാ​യി പുനഃ​സ്ഥി​തീ​ക​രി​ക്ക​പ്പെട്ടു, 1919ൽ യേശു അവർക്കാ​യി അവസര​ത്തി​ന്റെ ഒരു വാതിൽ തുറന്നു​കൊ​ടു​ത്തു. രാജ്യ​ത്തി​ന്റെ സുവാർത്ത സകല ജനതക​ളോ​ടും പ്രസം​ഗി​ക്കു​ന്ന​തി​നുള്ള നിയോ​ഗം അവർ സ്വീക​രി​ച്ച​പ്പോൾ അവർ ആ വാതി​ലി​ലൂ​ടെ നടന്നു​ക​യറി. യഹോ​വ​യു​ടെ ആത്മാവ്‌ അവരു​ടെ​മേൽ ഉണ്ടായി​രു​ന്ന​തു​കൊണ്ട്‌ യാതൊ​ന്നി​നും ഈ വേലയെ തടയാൻ കഴിഞ്ഞില്ല, ഈ വിശ്വ​സ്‌ത​ക്രി​സ്‌ത്യാ​നി​കൾക്ക്‌ യേശു​വി​ന്റെ സാന്നി​ദ്ധ്യ​ത്തി​ന്റെ അടയാ​ള​ത്തി​ന്റെ ഒരു മുഖ്യ​വശം നിവർത്തി​ക്കു​ന്ന​തി​നുള്ള വലിയ പദവി ലഭിക്കു​ക​യും ചെയ്‌തു. (മത്തായി 24:3, 14) അവരുടെ വിശ്വ​സ്‌ത​മായ പ്രസം​ഗ​പ്ര​വർത്തനം നിമിത്തം 1,44,000ത്തിൽ ശേഷി​ച്ചവർ വിളി​ക്ക​പ്പെ​ടു​ക​യും അഭി​ഷേ​കം​ചെ​യ്യ​പ്പെ​ടു​ക​യും​ചെ​യ്‌തു. വലിയ സംഖ്യ​ക​ളാ​യി മഹാപു​രു​ഷാ​ര​വും കൂട്ടി​ച്ചേർക്ക​പ്പെട്ടു. (വെളി​പ്പാട്‌ 7:1-3, 9) ദൈവ​ജ​ന​ത്തിന്‌ ഇത്‌ എന്തോരു സന്തോഷം കൈവ​രു​ത്തി!

11. യോഹ​ന്നാ​ന്റെ നാളിൽ കക്ഷിപി​രി​വു​കൾ യഹോ​വ​യു​ടെ സ്ഥാപനത്തെ ദുഷി​പ്പി​ക്കാൻ ശ്രമി​ച്ച​തെ​ങ്ങനെ, അവ നമ്മുടെ സ്വന്തം നാളിൽ അങ്ങനെ ചെയ്‌തി​രി​ക്കു​ന്ന​തെ​ങ്ങനെ?

¹¹ അവരിൽനിന്ന്‌ എന്തി​നെ​ങ്കി​ലും ഈ സന്തോഷം കവർന്നു​ക​ള​യാൻക​ഴി​യു​മോ? ഉവ്വ്‌. ദൃഷ്ടാ​ന്ത​മാ​യി, സഹനത്തി​ന്റെ ഒരു നല്ല രേഖയു​ണ്ടാ​യി​രു​ന്നി​ട്ടും പെർഗ്ഗ​മ​ത്തി​ലെ മൂപ്പൻമാർക്ക്‌ നിക്കൊ​ലാ​വ്യ​രു​ടെ ഉപദേ​ശത്തെ സഭയിൽനി​ന്നു നീക്കം​ചെ​യ്യാൻ കഴിഞ്ഞില്ല. (വെളി​പ്പാട്‌ 2:15) വിഭാ​ഗീ​യ​വി​ശ്വാ​സം പ്രബല​പ്പെ​ടു​ക​യാ​യി​രു​ന്നു. അതു​പോ​ലെ​തന്നെ, ഈ അന്ത്യനാ​ളു​ക​ളി​ലു​ട​നീ​ളം ചില വ്യക്തികൾ വിശ്വാ​സ​ത്യാ​ഗി​ക​ളാ​കു​ക​യും യഹോ​വ​യു​ടെ സ്ഥാപനത്തെ ദുഷി​പ്പി​ക്കാൻ ശ്രമി​ക്കു​ക​യും​ചെ​യ്‌തി​ട്ടുണ്ട്‌. പൊതു​വേ മൂപ്പൻമാർ അവരെ ചെറു​ത്തു​നി​ന്നി​ട്ടുണ്ട്‌. എന്നാൽ സങ്കടക​ര​മെന്നു പറയട്ടെ, ചിലർ വഴി​തെ​റ​റി​ക്ക​പ്പെ​ട്ടി​രി​ക്കു​ന്നു. നമ്മുടെ സന്തോ​ഷത്തെ കവർന്നു​ക​ള​യാൻ നാം ഒരിക്ക​ലും വിശ്വാ​സ​ത്യാ​ഗി​കളെ അനുവ​ദി​ക്ക​രുത്‌!

12. (എ) ബിലെ​യാം സ്വാധീ​ന​വും ഈസ​ബേൽസ്വാ​ധീ​ന​വും എന്താണ്‌? (ബി) സാത്താൻ ആധുനി​ക​കാ​ല​ങ്ങ​ളിൽ ഒരു ബിലെ​യാം സ്വാധീ​ന​മൊ ഈസ​ബേൽസ്വാ​ധീ​ന​മൊ ക്രിസ്‌തീ​യ​സ​ഭ​യിൽ അവതരി​പ്പി​ക്കാൻ ശ്രമി​ച്ചി​ട്ടു​ണ്ടോ?

¹² “ബിലെ​യാ​മി​ന്റെ വിശ്വാ​സത്തെ മുറു​കെ​പി​ടി​ക്കുന്ന”വർക്കെ​തി​രാ​യും യേശു പെർഗ്ഗ​മം​സ​ഭക്കു മുന്നറി​യി​പ്പു​കൊ​ടു​ത്തു. (വെളി​പ്പാട്‌ 2:14) ഇത്‌ എന്തുപ​ദേ​ശ​മാ​യി​രു​ന്നു? ബിലെ​യാം യിസ്രാ​യേ​ല്യ​രെ മരുഭൂ​മി​യിൽവെച്ച്‌ ദുഷി​പ്പി​ച്ച​തു​പോ​ലെ തന്നെ പെർഗ്ഗ​മ​ത്തി​ലെ ആരോ അവിടത്തെ ക്രിസ്‌ത്യാ​നി​കളെ ദുഷി​പ്പി​ക്കു​ക​യാ​യി​രു​ന്നു: “വിഗ്ര​ഹ​ങ്ങൾക്ക്‌ അർപ്പി​ക്ക​പ്പെട്ട വസ്‌തു​ക്കൾ തിന്നാ​നും ദുർവൃ​ത്തി​യി​ലേർപ്പെ​ടാ​നും” അവരെ പ്രോൽസാ​ഹി​പ്പി​ച്ചു​കൊ​ണ്ടു​തന്നെ. (സംഖ്യാ​പു​സ്‌തകം 25:1-5; 31:8) യേശു “ഈസബേൽ എന്ന ആ സ്‌ത്രീ”ക്ക്‌ എതിരാ​യി തുയ​ഥൈ​ര​യി​ലെ സഭക്ക്‌ മുന്നറി​യി​പ്പു​കൊ​ടു​ത്തു. ഈ സ്‌ത്രീ​യും “ദുർവൃ​ത്തി​യി​ലേർപ്പെ​ടാ​നും വിഗ്ര​ഹ​ങ്ങൾക്ക്‌ അർപ്പി​ക്ക​പ്പെട്ട വസ്‌തു​ക്കൾ തിന്നാ​നും” ക്രിസ്‌ത്യാ​നി​കളെ ഉപദേ​ശി​ക്കു​ക​യാ​യി​രു​ന്നു. (വെളി​പ്പാട്‌ 2:20) ഇന്നത്തെ ക്രിസ്‌തീ​യ​സ​ഭ​യി​ലേക്ക്‌ ഒരു ബിലെ​യാം സ്വാധീ​ന​ത്തെ​യോ ഈസ​ബേൽസ്വാ​ധീ​ന​ത്തെ​യൊ അവതരി​പ്പി​ക്കാൻ സാത്താൻ ശ്രമി​ച്ചി​ട്ടു​ണ്ടോ? തീർച്ച​യാ​യു​മുണ്ട്‌, ആണ്ടിൽ 40,000ത്തോളം പേർ പുറത്താ​ക്ക​പ്പെ​ടുന്ന അളവോ​ളം. മിക്കവ​രും ദുർമ്മാർഗ്ഗം​നി​മി​ത്ത​മാണ്‌. എന്തോരു ദുരന്തം! ബിലെ​യാ​മി​നെ​പ്പോ​ലെ​യുള്ള പുരു​ഷൻമാ​രും ഈസ​ബേ​ലി​നെ​പ്പോ​ലെ​യുള്ള സ്‌ത്രീ​ക​ളും മൂപ്പൻമാർക്കെ​തി​രെ മത്‌സ​രി​ക്കു​ക​യും സഭയെ ദുഷി​പ്പി​ക്കാൻ ശ്രമി​ക്കു​ക​യും​ചെ​യ്‌തി​രി​ക്കു​ന്നു. നമുക്ക്‌ നമ്മുടെ സർവ്വശ​ക്തി​യു​മു​പ​യോ​ഗിച്ച്‌ അത്തരം അശുദ്ധ​സ്വാ​ധീ​നത്തെ ചെറു​ക്കാം!—1 കൊരി​ന്ത്യർ 6:18; 1 യോഹ​ന്നാൻ 5:21.

13. (എ) ശീതോ​ഷ്‌ണ​നി​ല​യോ​ടുള്ള യേശു​വി​ന്റെ വെറു​പ്പി​നെ വർണ്ണി​ക്കുക. (ബി) ലവോ​ദി​ക്യ​ക്കാർ ശീതോ​ഷ്‌ണ​വാൻമാ​രാ​യി​രു​ന്ന​തെ​ന്തു​കൊണ്ട്‌, ഇന്ന്‌ നമുക്ക്‌ ഈ ദൗർബ​ല്ല്യ​ത്തെ എങ്ങനെ ഒഴിവാ​ക്കാൻക​ഴി​യും?

¹³ വെളി​പ്പാട്‌ 3:15, 16-ൽ യേശു ലവോ​ദി​ക്യ​യി​ലെ സഭയോട്‌ ഇങ്ങനെ പറഞ്ഞു: “ഞാൻ നിന്റെ പ്രവൃത്തി അറിയു​ന്നു, നീ ശീതവാ​നോ ഉഷ്‌ണ​വാ​നോ അല്ല. നീ ശീതവാ​നോ ഉഷ്‌ണ​വാ​നോ ആയിരു​ന്നെ​ങ്കി​ലെന്ന്‌ ഞാൻ ആഗ്രഹി​ക്കു​ക​യാണ്‌. അങ്ങനെ, നീ ഉഷ്‌ണ​വാ​നോ ശീതവാ​നോ ആയിരി​ക്കാ​തെ ശീതോ​ഷ്‌ണ​വാ​നാ​യ​തു​കൊണ്ട്‌ ഞാൻ നിന്നെ എന്റെ വായിൽനിന്ന്‌ ഛർദ്ദി​ച്ചു​ക​ള​യാൻ പോകു​ക​യാണ്‌.” യേശു​വിന്‌ ശീതോ​ഷ്‌ണ​നി​ല​യെ​ക്കു​റി​ച്ചു തോന്നുന്ന വെറു​പ്പി​ന്റെ എന്തോരു വിശദ​മായ വർണ്ണന! അവൻ തുടരു​ന്നു: “‘ഞാൻ ധനവാ​നാണ്‌, ഞാൻ ധനം സമ്പാദി​ച്ചി​രി​ക്കു​ന്നു, യാതൊ​ന്നി​നും മുട്ടില്ല’ എന്ന്‌ നീ പറയുന്നു.” അതെ, ഭൗതി​ക​ത്വം ലവോ​ദി​ക്യ​യി​ലെ ക്രിസ്‌ത്യാ​നി​കളെ വഞ്ചിച്ചി​രു​ന്നു. അവർ ആത്മസം​തൃ​പ്‌ത​രും വിരക്ത​രു​മാ​യി​രു​ന്നു. എന്നാൽ യേശു അവരോട്‌ ഇങ്ങനെ പറഞ്ഞു: “നീ ദുരി​ത​പൂർണ്ണ​നും ദയനീ​യ​നും ദരി​ദ്ര​നും കുരു​ട​നും നഗ്നനു​മാ​ണെന്ന്‌ നീ അറിയു​ന്നില്ല.” (വെളി​പ്പാട്‌ 3:17) നാം യേശു​വി​ന്റെ ദൃഷ്ടി​യിൽ “ദുരി​ത​പൂർണ്ണ​രും ദയനീ​യ​രും ദരി​ദ്ര​രും കുരു​ട​രും നഗ്നരും” ആയിരി​ക്കാൻ നാം ആഗ്രഹി​ക്കു​ന്നു​വോ? തീർച്ച​യാ​യും ഇല്ല! അതു​കൊണ്ട്‌ നമുക്ക്‌ തീർച്ച​യാ​യും ഭൗതി​കാ​സ​ക്ത​രും ശീതോഷ്‌ണവാൻമാരുമായിരിക്കുന്നതിനെതിരെ പോരാ​ടാം.—1 തിമൊ​ഥെ​യോസ്‌ 6:9-12.

അവസാ​ന​ത്തോ​ളം സഹിച്ചു​നിൽക്കു​ക

14. (എ) സ്‌മുർന്ന​യി​ലെ സഭ ഏത്‌ പ്രയാ​സ​ങ്ങളെ അഭിമു​ഖീ​ക​രി​ച്ചു? (ബി) സ്‌മുർന്ന​യി​ലെ അനുഭ​വ​ങ്ങ​ളോട്‌ ഏത്‌ ആധുനിക സമാന്ത​ര​ങ്ങ​ളുണ്ട്‌?

¹⁴ ശീതോ​ഷ്‌ണ​മ​ല്ലാഞ്ഞ ഒരു സഭ സ്‌മുർന്ന​യി​ലേ​താ​യി​രു​ന്നു. ഈ ക്രിസ്‌ത്യാ​നി​ക​ളോട്‌ യേശു ഇങ്ങനെ പറഞ്ഞു: “ഞാൻ നിന്റെ ദുരി​ത​വും ദാരി​ദ്ര്യ​വും—എന്നാൽ നീ ധനവാ​നാണ്‌—തങ്ങൾ യഹൂദൻമാ​രാ​യി​രി​ക്കാ​തെ സാത്താന്റെ സിന്ന​ഗോ​ഗാ​യി​രി​ക്കെ യഹൂദൻമാ​രാ​ണെന്നു പറയു​ന്ന​വ​രു​ടെ ദൈവ​ദൂ​ഷ​ണ​വും അറിയു​ന്നു. നീ അനുഭ​വി​ക്കാ​നി​രി​ക്കുന്ന കാര്യ​ങ്ങ​ളെ​ക്കു​റിച്ച്‌ ഭയപ്പെ​ടേണ്ട. നോക്കൂ! നിങ്ങൾ പൂർണ്ണ​മാ​യി പരീക്ഷി​ക്ക​പ്പെ​ടേ​ണ്ട​തി​നും നിങ്ങൾക്ക്‌ പത്തുദി​വസം ഉപദ്ര​വ​മു​ണ്ടാ​കേ​ണ്ട​തി​നും പിശാച്‌ നിങ്ങളിൽ ചിലരെ തടവി​ലാ​ക്കി​ക്കൊ​ണ്ടി​രി​ക്കും.” (വെളി​പ്പാട്‌ 2:8-10) ഇത്‌ ഇന്നത്തെ ക്രിസ്‌ത്യാ​നി​ക​ളു​ടെ അനുഭ​വ​ത്തോട്‌ എങ്ങനെ ഒത്തുവ​രു​ന്നു! അഭിഷി​ക്ത​രി​ലും വേറെ ആടുക​ളി​ലും പെട്ട ആധുനിക ക്രിസ്‌ത്യാ​നി​ക​ളും ഇന്നത്തെ “സാത്താന്റെ സിന​ഗോഗ്‌” ആയ ക്രൈ​സ്‌ത​വ​ലോ​ക​ത്തിൽനി​ന്നുള്ള ഭയങ്കര എതിർപ്പ്‌ സഹിച്ചു​നി​ന്നി​ട്ടുണ്ട്‌. ഒന്നാം ലോക​മ​ഹാ​യു​ദ്ധം മുതൽ ഇപ്പോൾവരെ ആയിര​ക്ക​ണ​ക്കിന്‌ പുരു​ഷൻമാ​രും സ്‌ത്രീ​ക​ളും കുട്ടി​ക​ളും തങ്ങളുടെ നിർമ്മ​ല​ത​യിൽ വിട്ടു​വീ​ഴ്‌ച​ചെ​യ്യാൻ വിസമ്മ​തി​ച്ച​തു​കൊണ്ട്‌ പ്രഹരി​ക്ക​പ്പെ​ടു​ക​യും തടവി​ലാ​ക്ക​പ്പെ​ടു​ക​യും ദണ്ഡിപ്പി​ക്ക​പ്പെ​ടു​ക​യും ബലാൽസം​ഗം​ചെ​യ്യ​പ്പെ​ടു​ക​യും ചെയ്‌തി​ട്ടുണ്ട്‌ അല്ലെങ്കിൽ കൊല്ല​പ്പെ​ട്ടി​ട്ടുണ്ട്‌.

15, 16. (എ) പീഡനം സഹിച്ചാ​ലും അഭിഷി​ക്ത​ക്രി​സ്‌ത്യാ​നി​കൾക്ക്‌ എങ്ങനെ സന്തുഷ്ട​രാ​യി​രി​ക്കാൻക​ഴി​യും? (ബി) മഹാപു​രു​ഷാ​ര​ത്തി​നു ലഭിക്കാ​നി​രി​ക്കുന്ന ഏത്‌ പ്രത്യേക പ്രതി​ഫ​ലങ്ങൾ അവരെ​യും സന്തുഷ്ട​രാ​യി​രി​ക്കാൻ സഹായി​ക്കു​ന്നു?

¹⁵ അങ്ങനെ​യുള്ള അനുഭ​വങ്ങൾ സന്തോഷം കൈവ​രു​ത്തു​ന്നു​വോ? അവയിൽത്തന്നെ ഇല്ല. എന്നാൽ അപ്പോ​സ്‌ത​ലൻമാ​രെ​പ്പോ​ലെ, പീഡാ​നു​ഭ​വങ്ങൾ സഹിക്കുന്ന വിശ്വ​സ്‌ത​ക്രി​സ്‌ത്യാ​നി​കൾക്ക്‌ “[യേശു​വി​ന്റെ] നാമത്തി​നു​വേണ്ടി അപമാ​നി​ക്ക​പ്പെ​ടാൻ യോഗ്യ​രാ​യി എണ്ണപ്പെ​ട്ടി​രി​ക്കു”ന്നതിൽ അഗാധ​മായ ഒരു ആന്തരി​ക​സ​ന്തോ​ഷം അനുഭ​വ​പ്പെ​ടു​ന്നുണ്ട്‌. (പ്രവൃ​ത്തി​കൾ 5:41) തങ്ങളുടെ നിർമ്മ​ല​തക്ക്‌ പ്രതി​ഫലം കിട്ടു​ന്ന​തി​നുള്ള നിയമി​ത​സ​മയം അടുത്തി​രി​ക്കു​ന്നു​വെന്ന്‌ അവർക്ക​റി​യാ​വു​ന്ന​തു​കൊണ്ട്‌ തങ്ങളുടെ ശത്രുക്കൾ തങ്ങളോട്‌ എന്തു ചെയ്‌താ​ലും അവർ സന്തുഷ്ട​രാ​യി നില​കൊ​ള്ളു​ന്നു. യേശു സ്‌മുർന്ന​യി​ലെ ക്രിസ്‌ത്യാ​നി​ക​ളോട്‌ ഇങ്ങനെ പറഞ്ഞു: “മരണ​ത്തോ​ളം​പോ​ലും നിന്നേ​ത്തന്നെ വിശ്വ​സ്‌ത​നെന്നു തെളി​യി​ക്കുക, ഞാൻ നിനക്ക്‌ ജീവന്റെ കിരീ​ടം​ത​രും.” (വെളി​പ്പാട്‌ 2:10) സർദ്ദീ​സി​ലു​ള്ള​വ​രോട്‌ അവൻ പറഞ്ഞു: “ജയിച്ച​ട​ക്കു​ന്നവൻ അങ്ങനെ വെള്ള പുറങ്കു​പ്പാ​യം അണിയും; ഞാൻ യാതൊ​രു പ്രകാ​ര​ത്തി​ലും അവന്റെ പേർ ജീവന്റെ പുസ്‌ത​ക​ത്തിൽനിന്ന്‌ മായി​ക്കു​ക​യില്ല.”—വെളി​പ്പാട്‌ 3:5.

¹⁶ ഈ വാഗ്‌ദ​ത്തങ്ങൾ പ്രത്യേ​ക​മാ​യി അഭിഷി​ക്ത​ക്രി​സ്‌ത്യാ​നി​കൾക്ക്‌ ബാധക​മാ​കു​ന്നു​വെ​ന്ന​തും അവർക്ക്‌ ലഭിക്കാ​നി​രി​ക്കുന്ന അമർത്യ​സ്വർഗ്ഗീ​യ​ജീ​വന്റെ സമ്മാന​ത്തെ​ക്കു​റിച്ച്‌ അവരെ അനുസ്‌മ​രി​പ്പി​ക്കു​ന്നു​വെ​ന്ന​തും സത്യം​തന്നെ. എന്നാൽ വേറേ​യാ​ടു​ക​ളിൽപെ​ട്ട​വ​രും ഈ വാക്കു​ക​ളാൽ ബലിഷ്‌ഠ​രാ​ക്ക​പ്പെ​ടു​ന്നു. അവരും തീക്ഷ്‌ണ​ത​യു​ള്ള​വ​രും സഹിച്ചു​നിൽക്കു​ന്ന​വ​രു​മാ​ണെ​ങ്കിൽ യഹോവ അവർക്കും ഒരു പ്രതി​ഫലം ഒരുക്കി​യി​ട്ടുണ്ട്‌. അവർക്ക്‌ ക്രിസ്‌തു​വി​ന്റെ കൈക​ളി​ലെ രാജ്യ​ത്തിൻകീ​ഴിൽ ഒരു പരദീ​സാ​ഭൂ​മി​യി​ലെ നിത്യ​ജീ​വൻ അവകാ​ശ​പ്പെ​ടു​ത്തു​ന്ന​തി​നുള്ള മഹത്തായ പ്രതീ​ക്ഷ​യുണ്ട്‌. അവിടെ അവർ ഈ ലോക​ത്തി​ലെ ആളുകൾ കണ്ടെത്തു​ന്ന​തിൽ പരാജ​യ​പ്പെ​ടുന്ന പരദീസാ കണ്ടെത്തു​ന്ന​താ​യി​രി​ക്കും.

17. യേശു ഏതു വാക്കു​ക​ളോ​ടെ ഓരോ സന്ദേശ​വും ഉപസം​ഹ​രി​ച്ചു, അവന്റെ വാക്കുകൾ ഇന്നത്തെ നമുക്ക്‌ എന്തർത്ഥ​മാ​ക്കു​ന്നു?

¹⁷ യേശു ഓരോ സഭക്കു​മുള്ള സന്ദേശങ്ങൾ ഈ വാക്കു​ക​ളോ​ടെ ഉപസം​ഹ​രി​ച്ചു: “ചെവി​യു​ള്ളവൻ ആത്മാവ്‌ സഭക​ളോട്‌ പറയു​ന്നത്‌ കേൾക്കട്ടെ.” (വെളി​പ്പാട്‌ 3:22) അതെ, നാം മുഖ്യ ഇടയന്റെ വാക്കുകൾ കേൾക്കു​ക​യും അനുസ​രി​ക്കു​ക​യും ചെയ്യണം. നാം അശുദ്ധി​യും വിശ്വാ​സ​ത്യാ​ഗ​വും വർജ്ജി​ക്കണം, നാം നമ്മുടെ തീക്ഷ്‌ണത നിലനിർത്തണം. നമ്മുടെ പ്രതി​ഫലം അതിനെ ആശ്രയി​ച്ചി​രി​ക്കു​ന്നു. നാം വെളി​പ്പാ​ടി​ലെ കൂടു​ത​ലായ വിവരങ്ങൾ പരിചി​ന്തി​ക്കു​മ്പോൾ നാം അതുതന്നെ ചെയ്യാൻ പൂർവാ​ധി​കം ദൃഢനി​ശ്ച​യം​ചെ​യ്‌തി​രി​ക്കു​ന്നു.

ചുരു​ളി​ലെ മുദ്രകൾ

18. (എ) യേശു സ്വർഗ്ഗീയ സദസ്സിൽ എന്തു സ്വീക​രി​ക്കു​ന്നു? (ബി) വെളി​പ്പാട്‌ 6-ാംഅദ്ധ്യാ​യ​ത്തി​ലെ കുതി​ര​ക്കാ​രിൽ മൂന്നു​പേ​രു​ടെ സവാരി ഇന്നു ജീവി​ക്കുന്ന മനുഷ്യ​വർഗ്ഗ​ത്തിന്‌ എന്തർത്ഥ​മാ​ക്കു​ന്നു?

¹⁸ ദൃഷ്ടാ​ന്ത​മാ​യി, 4ഉം 5ഉം അദ്ധ്യാ​യ​ങ്ങ​ളിൽ യോഹ​ന്നാൻ യഹോ​വ​യു​ടെ സ്വർഗ്ഗീ​യ​സ​ദ​സ്സി​ന്റെ ഒരു അത്ഭുത​മാർന്ന ദർശനം കാണുന്നു. ദൈവ​ത്തി​ന്റെ കുഞ്ഞാ​ടായ യേശു​ക്രി​സ്‌തു അവി​ടെ​യുണ്ട്‌, അവൻ ഏഴു മുദ്ര​ക​ളുള്ള ഒരു ചുരുൾ സ്വീക​രി​ക്കു​ന്നു. 6-ാം അദ്ധ്യാ​യ​ത്തിൽ യേശു ഏഴു മുദ്ര​ക​ളിൽ ആറും ഒന്നൊ​ന്നാ​യി തുറക്കു​ന്നു. ഒന്നാമ​ത്തേതു തുറക്കു​മ്പോൾ ഒരു വെള്ളക്കു​തി​ര​പ്പു​റത്തു സവാരി​ചെ​യ്യു​ന്ന​യാൾ കാണ​പ്പെ​ടു​ന്നു. അവന്‌ ഒരു കിരീടം കൊടു​ക്ക​പ്പെ​ടു​ന്നു. അവൻ “ജയിച്ച​ട​ക്കി​ക്കൊ​ണ്ടും തന്റെ ജയിച്ച​ടക്കൽ പൂർത്തി​യാ​ക്കാ​നും” പുറ​പ്പെ​ടു​ന്നു. (വെളി​പ്പാട്‌ 6:2) ഇത്‌ പുതു​താ​യി കിരീ​ട​ധാ​രി​യായ രാജാ​വായ യേശു​വാണ്‌. അവൻ 1914ൽ വിജയാ​വ​ഹ​മായ തന്റെ രാജകീയ സവാരി തുടങ്ങി​യ​പ്പോൾ കർത്താ​വി​ന്റെ ദിവസം തുടങ്ങി. അടുത്ത മൂന്ന്‌ ചുരു​ളു​കൾ തുറന്ന​പ്പോൾ കുതി​ര​ക്കാർസ​ഹി​തം മൂന്നു കുതി​ര​കൾകൂ​ടെ പ്രത്യ​ക്ഷ​പ്പെ​ടു​ന്നു. അവ മനുഷ്യ​യു​ദ്ധ​ത്തെ​യും ക്ഷാമ​ത്തെ​യും പകർച്ച​വ്യാ​ധി​യാ​ലും മററു കാരണ​ങ്ങ​ളാ​ലു​മുള്ള മരണ​ത്തെ​യും പ്രതി​നി​ധാ​നം​ചെ​യ്യുന്ന പേടി​പ്പെ​ടു​ത്തുന്ന പ്രത്യ​ക്ഷ​ത​ക​ളാണ്‌. അവ രാജകീ​യാ​ധി​കാ​ര​ത്തോ​ടെ​യുള്ള യേശു​വി​ന്റെ സ്വർഗ്ഗീ​യ​സാ​ന്നി​ദ്ധ്യ​ത്തി​ന്റെ അടയാ​ള​മാ​യി ഭൂമി​യിൽ വലിയ യുദ്ധങ്ങ​ളും ക്ഷാമങ്ങ​ളും പകർച്ച​വ്യാ​ധി​ക​ളും ഭൂകമ്പ​ങ്ങ​ളും മററു വിപത്തു​ക​ളു​മു​ണ്ടാ​യി​രി​ക്കു​മെ​ന്നുള്ള അവന്റെ വലിയ പ്രവച​നത്തെ സ്ഥിരീ​ക​രി​ക്കു​ന്നു. (മത്തായി 24:3, 7, 8; ലൂക്കോസ്‌ 21:10, 11) സത്യത്തിൽ അങ്ങനെ​യുള്ള ഒരു കാലത്ത്‌ സഹിച്ചു​നിൽക്ക​ണ​മെ​ങ്കിൽ ക്രിസ്‌ത്യാ​നി​കൾ ഏഴു സഭകൾക്കുള്ള യേശു​വി​ന്റെ വാക്കുകൾ അനുസ​രി​ക്കണം.

19. (എ) ക്രിസ്‌തു​വി​ന്റെ സാന്നി​ദ്ധ്യ​കാ​ലത്ത്‌ അപ്പോഴേ മരിച്ചു​പോ​യി​രി​ക്കുന്ന വിശ്വ​സ്‌ത​രായ അഭിഷി​ക്ത​ക്രി​സ്‌ത്യാ​നി​കൾക്ക്‌ എന്തു പ്രതി​ഫലം കൊടു​ക്ക​പ്പെ​ടു​ന്നു? (ബി) ആറാമത്തെ മുദ്ര​യു​ടെ തുറക്ക​ലി​നാൽ ഏതു ഭയങ്കര സംഭവങ്ങൾ മുൻനി​ഴ​ലാ​ക്ക​പ്പെ​ടു​ന്നു, ഏതു ചോദ്യ​ത്തി​ലേക്കു നയിച്ചു​കൊണ്ട്‌?

¹⁹ അഞ്ചാമത്തെ മുദ്ര​യു​ടെ പൊട്ടി​ക്ക​ലി​ങ്കൽ, അദൃശ്യ ആത്മമണ്ഡ​ല​ത്തി​ലെ ഒരു സംഭവം വെളി​പ്പെ​ടു​ത്ത​പ്പെ​ടു​ന്നു. തങ്ങളുടെ വിശ്വാ​സ​ത്തി​നു​വേണ്ടി മരിച്ച അഭിഷി​ക്ത​ക്രി​സ്‌ത്യാ​നി​കൾക്ക്‌ ഓരോ​രു​ത്തർക്കും ഒരു വെള്ള അങ്കി കൊടു​ക്ക​പ്പെ​ടു​ന്നു. തെളി​വ​നു​സ​രിച്ച്‌, ക്രിസ്‌തു​വി​ന്റെ സാന്നി​ദ്ധ്യം ഇപ്പോൾ ഒരു യാഥാർത്ഥ്യ​മാ​യി​രി​ക്കു​ന്ന​തു​കൊണ്ട്‌ സ്വർഗ്ഗീ​യ​പു​ന​രു​ത്ഥാ​നം തുടങ്ങി​യി​രി​ക്കു​ന്നു. (1 തെസ്സ​ലോ​നീ​ക്യർ 4:14-17; വെളി​പ്പാട്‌ 3:5) അനന്തരം ആറാം മുദ്ര തുറക്ക​പ്പെ​ടു​ന്നു. സാത്താന്റെ ഭൗമി​ക​വ്യ​വ​സ്ഥി​തി​യായ “ഭൂമി” ഒരു വലിയ ഭൂകമ്പ​ത്താൽ ഉലക്ക​പ്പെ​ടു​ന്നു. (2 കൊരി​ന്ത്യർ 4:4) സാത്താന്റെ നിയ​ന്ത്ര​ണ​ത്തി​ലുള്ള മനുഷ്യ​ഭ​ര​ണാ​ധി​പ​ത്യ​മാ​കുന്ന “ആകാശം” എറിയ​പ്പെ​ടാൻ യോഗ്യ​മായ ഒരു പഴയ ചുരുൾപോ​ലെ ചുരു​ട്ട​പ്പെ​ടു​ന്നു. മത്സരി​ക​ളായ മനുഷ്യർ ഭയചകി​ത​രാ​യി നിരാ​ശ​യോ​ടെ പാറക്കൂ​ട്ട​ങ്ങ​ളോട്‌ നിലവി​ളി​ച്ചു​പ​റ​യു​ന്നു: “ഞങ്ങളു​ടെ​മേൽ വീഴു​ക​യും സിംഹാ​സ​ന​ത്തി​ലി​രി​ക്കു​ന്ന​വന്റെ മുഖത്തിൽനി​ന്നും കുഞ്ഞാ​ടി​ന്റെ ക്രോ​ധ​ത്തിൽനി​ന്നും ഞങ്ങളെ മറയ്‌ക്കു​ക​യും ചെയ്യേ​ണമേ, എന്തു​കൊ​ണ്ടെ​ന്നാൽ അവരുടെ ക്രോ​ധ​ത്തി​ന്റെ മഹാദി​വസം വന്നിരി​ക്കു​ന്നു, ആർക്കു നിൽക്കാൻക​ഴി​യും?”—വെളി​പ്പാട്‌ 6:13, 14, 16, 17.

20. യഹോ​വ​യു​ടെ​യും കുഞ്ഞാ​ടി​ന്റെ​യും ക്രോ​ധ​ത്തി​ന്റെ മഹാദി​വ​സ​ത്തിൽ ആർക്കു നിൽക്കാൻക​ഴി​യും?

²⁰ ആർക്കു നിൽക്കാൻ കഴിയും? യേശു ആ ചോദ്യ​ത്തിന്‌ ഉത്തരം​നൽകി​ക്ക​ഴി​ഞ്ഞു. “ആത്‌മാവ്‌ സഭക​ളോ​ടു പറയു​ന്നത്‌ കേൾക്കുന്ന”വർ ആ മഹാ​ക്രോ​ധ​ദി​വ​സ​ത്തിൽ നിൽക്കും. ഇതു സ്ഥിരീ​ക​രി​ക്കു​ന്ന​തിന്‌ “മഹോ​പ​ദ്ര​വത്തെ” അതിജീ​വി​ക്കു​ന്ന​തിന്‌ 1,44,000-ത്തിന്റെ അവസാ​ന​ത്ത​വ​രു​ടെ മുദ്ര​യി​ടീ​ലി​നെ​യും സകല ജനതക​ളിൽനി​ന്നു​മുള്ള മഹാപു​രു​ഷാ​ര​ത്തി​ന്റെ കൂട്ടി​ച്ചേർപ്പി​നെ​യും​കു​റിച്ച്‌ യോഹ​ന്നാൻ തുടർന്നു മനസ്സി​ലാ​ക്കു​ന്നു. (വെളി​പ്പാട്‌ 7:1-3, 14) എന്നാൽ ചുരു​ളി​ലെ ഏഴാമത്തെ മുദ്ര പൊട്ടി​ക്കു​ന്ന​തി​നും യോഹ​ന്നാ​നും അവനി​ലൂ​ടെ ഇന്നത്തെ നമുക്കും കൂടുതൽ നാടകീ​യ​മായ ദർശനങ്ങൾ കാണി​ച്ചു​ത​രാ​നു​മുള്ള സമയമാണ്‌. അടുത്ത ലേഖനം അവയിൽ ചിലതു ചർച്ച​ചെ​യ്യു​ന്നു. (w89 4/1)

നിങ്ങൾ ഓർമ്മി​ക്കു​ന്നു​വോ?

□ യേശു​വും സഭാമൂ​പ്പൻമാ​രും​ത​മ്മി​ലുള്ള ബന്ധമെ​ന്താണ്‌?

□ പെർഗ്ഗ​മ​ത്തി​ലും തുയ​ഥൈ​ര​യി​ലു​മു​ണ്ടാ​യി​രുന്ന മൂപ്പൻമാ​രെ എന്തു പ്രശ്‌നങ്ങൾ അഭിമു​ഖീ​ക​രി​ച്ചു, ഇന്നത്തെ സഭകളെ സമാന​മായ പ്രശ്‌നങ്ങൾ എങ്ങനെ ബാധി​ച്ചി​രി​ക്കു​ന്നു?

□ ലവോ​ദി​ക്യ​സഭ ഏതു ഗൗരവ​മായ തെററു ചെയ്‌തു, ഇന്ന്‌ നമുക്ക്‌ സമാന​മായ തെററ്‌ ചെയ്യു​ന്നത്‌ എങ്ങനെ ഒഴിവാ​ക്കാൻക​ഴി​യും?

□ ക്രിസ്‌ത്യാ​നി​കൾക്ക്‌ ഈ 20-ാംനൂ​റ​റാ​ണ്ടിൽ എങ്ങനെ സഹിച്ചു​നിൽക്കേ​ണ്ടി​വ​ന്നി​ട്ടുണ്ട്‌, യേശു​വി​ന്റെ ഏതു വാഗ്‌ദ​ത്തങ്ങൾ അങ്ങനെ ചെയ്യാൻ അവരെ സഹായി​ച്ചി​രി​ക്കു​ന്നു?

□ ജനതകൾക്ക്‌ അർമ്മ​ഗെ​ദ്ദോ​നിൽ അനുഭ​വ​പ്പെ​ടാൻ പോകുന്ന നൈരാ​ശ്യ​ത്തെ​യും ആശയി​ല്ലാ​യ്‌മ​യെ​യും നമുക്ക്‌ എങ്ങനെ ഒഴിവാ​ക്കാൻക​ഴി​യും?

[13-ാം പേജിലെ ചിതങ്ങൾ]

നാസി തടങ്കൽപാ​ള​യ​ങ്ങ​ളിൽ കഷ്ടപ്പെട്ട വിശ്വ​സ്‌ത​ക്രി​സ്‌ത്യാ​നി​ക​ളിൽ ചിലർ

[10-ാം പേജിലെ ആകർഷ​ക​വാ​ക്യം]

10 മുതൽ 21 വരെ പേജു​ക​ളി​ലുള്ള വിവരങ്ങൾ യഹോ​വ​യു​ടെ സാക്ഷി​ക​ളു​ടെ 1988-ലെ ദിവ്യ​നീ​തി ഡിസ്‌ട്രി​ക്‌ററ്‌ കൺ​വെൻ​ഷ​നു​ക​ളിൽ “നിയമി​ത​സ​മയം സമീപി​ച്ചി​രി​ക്കു​ന്നു” എന്ന സിം​പോ​സി​യ​ത്തി​ന്റെ പ്രാരം​ഭ​പ്ര​സം​ഗ​ങ്ങ​ളാ​യി അവതരി​പ്പി​ക്ക​പ്പെ​ട്ട​വ​യാണ്‌.