തടവിൽ കഴിയു​ന്ന​വർക്ക്‌ ആത്മീയ സ്വാത​ന്ത്ര്യം കൈവ​രു​ത്തൽ

“ഞങ്ങൾ നിങ്ങൾക്കാ​യി കാത്തി​രി​ക്കു​ക​യാ​യി​രു​ന്നു.” “കഴിഞ്ഞ ഏതാനും രാത്രി​ക​ളിൽ നിങ്ങൾ വരുന്നതു ഞാൻ സ്വപ്‌നം കാണു​ക​യു​ണ്ടാ​യി.” “ഞങ്ങളെ പതിവാ​യി സന്ദർശി​ക്കാൻ ഒരാളെ നിയമി​ച്ച​തി​നു നന്ദി.” “ഞങ്ങൾ അനർഹ​രാ​ണെ​ങ്കി​ലും യഹോ​വ​യിൽനി​ന്നും അവന്റെ സ്ഥാപന​ത്തിൽനി​ന്നും ലഭിക്കുന്ന ഓരോ അനു​ഗ്ര​ഹ​ത്തെ​പ്ര​തി​യും യഥാസ​മയം നൽക​പ്പെ​ടുന്ന ആത്മീയ ഭക്ഷണ​ത്തെ​പ്ര​തി​യും കൃതജ്ഞത പ്രകടി​പ്പി​ക്കാൻ ഞങ്ങളാ​ഗ്ര​ഹി​ക്കു​ന്നു.”

ഈ കൃതജ്ഞ​താ​പ്ര​ക​ട​ന​ങ്ങൾക്കുള്ള കാരണ​മെ​ന്താ​യി​രു​ന്നു? മെക്‌സി​ക്കോ​യി​ലെ പല ജയിലു​ക​ളി​ലും തടവു​കാ​രാ​യി കഴിയു​ന്ന​വ​രു​ടെ ചില വാക്കു​ക​ളാണ്‌ അവ. യഹോ​വ​യു​ടെ സാക്ഷി​ക​ളിൽനി​ന്നു ലഭിക്കുന്ന ശ്രദ്ധ​യോട്‌ അവർക്കു വിലമ​തി​പ്പുണ്ട്‌. ആ ശ്രദ്ധയാ​ണു തടവി​ലാ​യി​രി​ക്കു​മ്പോ​ഴും അവർക്ക്‌ ആത്മീയ സ്വാത​ന്ത്ര്യം കൈവ​രു​ത്തി​യി​രി​ക്കു​ന്നത്‌. യഹോ​വ​യു​ടെ സാക്ഷികൾ ഇത്തരം അന്തേവാ​സി​ക​ളു​ടെ ആത്മീയ ആവശ്യ​ങ്ങൾക്കാ​യി പതിവാ​യി ശുശ്രൂഷ ചെയ്യുന്ന 42 ജയിലു​കൾ മെക്‌സി​ക്കോ​യി​ലുണ്ട്‌. സെൻട്രോ റേയാ​ഡാ​പ്‌റ്റാ​സി​യോൺ സോസി​യാൽ (സാമൂ​ഹിക പുനര​ധി​വാസ കേന്ദ്രം) എന്നാണ്‌ ആ സ്ഥലങ്ങളെ വിളി​ക്കു​ന്നത്‌. ഈ ജയിലു​ക​ളിൽ ചിലതിൽ ക്രിസ്‌തീയ യോഗങ്ങൾ പതിവാ​യി നടത്തുന്നു. അവയ്‌ക്കു നല്ല ഫലവു​മുണ്ട്‌. ഉദാഹ​ര​ണ​ത്തിന്‌, അടുത്ത കാലത്തെ ഒരു കണക്കെ​ടു​പ്പ​നു​സ​രിച്ച്‌ ഈ സ്ഥലങ്ങളിൽ 380-ഓളം വ്യക്തികൾ യോഗ​ങ്ങ​ളിൽ സംബന്ധി​ക്കു​ന്നു​ണ്ടാ​യി​രു​ന്നു. ആ സമയത്ത്‌ ശരാശരി 350 ബൈബി​ള​ധ്യ​യ​ന​ങ്ങ​ളാ​യി​രു​ന്നു നടത്തി​യി​രു​ന്നത്‌. പ്രസം​ഗ​വേല തുടങ്ങാൻ 37 പേർ യോഗ്യത നേടി. മാത്രമല്ല, 32 പേർ യഹോ​വ​യ്‌ക്കു തങ്ങളുടെ ജീവിതം സമർപ്പിച്ച്‌ ജലസ്‌നാ​പ​ന​ത്താൽ അതു പ്രതീ​ക​പ്പെ​ടു​ത്തു​ക​യും ചെയ്‌തു.

വേല നിർവ​ഹി​ക്കുന്ന വിധം

ഈ സ്ഥലങ്ങളിൽ യഹോ​വ​യു​ടെ സാക്ഷികൾ പ്രസം​ഗ​വേല നിർവ​ഹി​ക്കു​ന്നത്‌ എങ്ങനെ​യാണ്‌? ജയിലിൽ പ്രവേ​ശി​ക്കു​ന്ന​തി​നു ലിഖിത അനുമതി തേടി​ക്കൊണ്ട്‌ അവർ ആദ്യം​തന്നെ ഉദ്യോ​ഗ​സ്ഥ​ന്മാ​രു​ടെ അടുക്കൽ പോകു​ന്നു. ഈ സന്ദർശ​ന​ങ്ങ​ളു​ടെ ഉദ്ദേശ്യ​ത്തെ​ക്കു​റിച്ച്‌ അതായത്‌ ജീവി​ത​നി​ല​വാ​രം മെച്ച​പ്പെ​ടു​ത്താ​നും ദൈവ​ത്തി​നു പ്രസാ​ദ​ക​ര​മായ വിധത്തിൽ അവനെ സേവി​ക്കാ​നും എങ്ങനെ കഴിയു​മെന്നു തടവു​പു​ള്ളി​കളെ പഠിപ്പി​ക്കു​ന്ന​തി​നെ​ക്കു​റി​ച്ചു വിശദീ​ക​രി​ക്കു​ക​യും ചെയ്യുന്നു.

ഇങ്ങനെ ചോദിച്ച സന്ദർഭ​ങ്ങ​ളി​ലൊ​ക്കെ അധികാ​രി​കൾ അനുമതി നൽകി​യി​ട്ടുണ്ട്‌. ജയിലി​ലെ അന്തേവാ​സി​കൾക്കു നൽകുന്ന ബൈബിൾ പ്രബോ​ധ​നത്തെ ഈ ഉദ്യോ​ഗ​സ്ഥ​ന്മാർ വിലമ​തി​ക്കു​ന്നു. ഈ സ്ഥലങ്ങളിൽ ഏർപ്പെ​ടു​ത്തി​യി​ട്ടുള്ള സുരക്ഷാ​നി​യ​മങ്ങൾ യഹോ​വ​യു​ടെ സാക്ഷികൾ അനുസ​രി​ക്കു​ന്ന​താ​യി ജയില​ധി​കാ​രി​കൾ നിരീ​ക്ഷി​ച്ചി​ട്ടുണ്ട്‌. യോഗങ്ങൾ നടത്തു​ന്ന​തി​നു വേണ്ടി ഓഫീ​സു​കൾ, തീൻമു​റി​കൾ, തൊഴിൽശാ​ലകൾ തുടങ്ങി​യവ ഉപയോ​ഗി​ക്കാൻ സന്ദർശക ശുശ്രൂ​ഷ​കരെ അവർ അനുവ​ദി​ച്ചി​ട്ടുണ്ട്‌. ഒരു ജയിലി​ലാ​ണെ​ങ്കിൽ, ചെറി​യൊ​രു രാജ്യ​ഹാൾ പണിയാൻപോ​ലും സാക്ഷി​കളെ അനുവ​ദി​ക്കു​ക​യു​ണ്ടാ​യി. തെക്കു​കി​ഴക്കൻ മെക്‌സി​ക്കോ​യി​ലെ ഒരു സഞ്ചാര​മേൽവി​ചാ​രകൻ വിവരിച്ച പിൻവ​രുന്ന അനുഭവം വ്യക്തമാ​ക്കു​ന്നത്‌ അതാണ്‌.

“വഹാക്ക​യി​ലുള്ള തവാന്റ​പെ​ക്കി​ലെ ജയിൽ ഞങ്ങൾ സന്ദർശി​ക്കാൻ തുടങ്ങി​യത്‌ 1991-ന്റെ തുടക്ക​ത്തി​ലാ​യി​രു​ന്നു. അവിടെ ഞങ്ങൾ വലിയ ആത്മീയ വിശപ്പ്‌ കണ്ടെത്തി. പെട്ടെ​ന്നു​തന്നെ ഞങ്ങൾ 27 ബൈബി​ള​ധ്യ​യ​നങ്ങൾ ആരംഭി​ച്ചു. തടവു​കാ​രു​ടെ താത്‌പ​ര്യ​ത്തെ​പ്രതി അഞ്ച്‌ സഭാ​യോ​ഗങ്ങൾ പട്ടിക​പ്പെ​ടു​ത്തി. യഹോ​വ​യോ​ടു വളരെ സ്‌നേഹം കാട്ടിയ ഒരു തടവു​കാ​രൻ, യോഗങ്ങൾ നടത്താൻ ഒരു സ്ഥലമു​ണ്ടാ​യി​രി​ക്കു​ന്ന​തി​നു ജയിലി​നു​ള്ളിൽ ചെറി​യൊ​രു രാജ്യ​ഹാൾ പണിയാൻ തീരു​മാ​നി​ച്ചു. അയാൾ ജയിൽമേ​ധാ​വി​യു​ടെ അടുക്കൽ പോയി അനുവാ​ദം ചോദി​ച്ചു. അധികാ​രി​കൾ നന്നായി സഹകരി​ക്കു​ക​യും ചെയ്‌തു. 1992 ഡിസംബർ ആരംഭ​ത്തിൽ ആറ്‌ തടവു​കാർ സുവാർത്ത​യു​ടെ പ്രസാ​ധ​ക​രാ​യി യോഗ്യത പ്രാപി​ച്ചി​രു​ന്നു. അഭിവൃ​ദ്ധി പ്രകട​മാ​യി​രു​ന്ന​തി​നാൽ ജയിലി​നു​ള്ളിൽ സ്‌മാ​ര​കാ​ഘോ​ഷം നടത്തു​ന്ന​തി​നുള്ള ക്രമീ​ക​ര​ണങ്ങൾ ചെയ്‌തു. ചിഹ്നങ്ങ​ളായ അപ്പവും വീഞ്ഞും ജയിലി​നു​ള്ളിൽ കൊണ്ടു​വ​രു​ന്ന​തി​നു ഞങ്ങൾ ജയിൽമേ​ധാ​വി​യോട്‌ അനുവാ​ദം ചോദി​ച്ചു. നാലു മണിക്കൂർ നേരത്തെ ചർച്ചയ്‌ക്കു​ശേഷം അനുമതി ലഭിച്ചു.

“ചില തടവു​കാർ 1993 ഏപ്രിൽ 3-ന്‌ (സ്‌മാ​ര​കാ​ഘോ​ഷ​ത്തി​നു മൂന്നു ദിവസം മുമ്പ്‌) വിമോ​ചി​ത​രാ​യി. പ്രസാ​ധ​ക​നായ ഒരുവനു തന്റെ വിമോ​ച​ന​പ​ത്രങ്ങൾ ലഭിച്ച​പ്പോൾ, സ്‌മാ​ര​കാ​ഘോ​ഷം കഴിയു​ന്ന​തു​വരെ താമസി​ക്കാ​നുള്ള അനുവാ​ദ​ത്തി​നാ​യി ജയിൽമേ​ധാ​വി​യോ​ടു സംസാ​രി​ക്കാൻ അയാൾ ആഗ്രഹി​ച്ചു. അതു ജയിൽമേ​ധാ​വി​യെ വാസ്‌ത​വ​ത്തിൽ അമ്പരപ്പി​ച്ചു​ക​ളഞ്ഞു. കാരണം, ഒരു സാധാരണ അപേക്ഷ​യ​ല്ലാ​യി​രു​ന്നു അത്‌. ജയിലിൽ നടത്തുന്ന സ്‌മാ​ര​ക​ത്തിൽ സംബന്ധി​ക്കാ​നുള്ള തടവു​കാ​രന്റെ അതിയായ താത്‌പ​ര്യം നിമിത്തം അയാൾക്ക്‌ അനുവാ​ദം കിട്ടി. സ്‌മാ​ര​ക​ത്തിൽ 53 പേരാണു സംബന്ധി​ച്ചത്‌. പരിപാ​ടി​യു​ടെ അവസാനം അവർ സന്തോ​ഷാ​ശ്രു​ക്കൾ പൊഴി​ച്ചു. ആ കൂട്ടത്തെ ‘സ്വതന്ത്ര സെറേ​സോ’ എന്നു വിളി​ക്കു​ന്ന​തി​നോ​ടു ഞങ്ങൾ യോജി​ച്ചു. കാരണം, ആത്മീയ അർഥത്തിൽ അവർ സ്വത​ന്ത്ര​രാണ്‌.”

ഈ സ്ഥലങ്ങളിൽ യഹോ​വ​യു​ടെ സാക്ഷി​ക​ളു​ടെ വേല​യോ​ടു വളരെ​യ​ധി​കം വിലമ​തി​പ്പുണ്ട്‌. ദുർഗു​ണ​പ​രി​ഹാര കേന്ദ്ര​ങ്ങ​ളി​ലൊ​ന്നി​ന്റെ ചുമത​ല​യുള്ള വ്യക്തി, അന്തേവാ​സി​ക​ളു​ടെ പെട്ടെ​ന്നുള്ള പുനര​ധി​വാ​സ​ത്തി​നു “ചികിത്സ” എന്നനി​ല​യിൽ യഹോ​വ​യു​ടെ സാക്ഷി​ക​ളു​ടെ യോഗ​ങ്ങ​ളിൽ സംബന്ധി​ക്കാൻ പരസ്യ​മാ​യി ശുപാർശ ചെയ്യുന്നു.

വിജയ​പ്ര​ദ​മായ ഒരു പുനര​ധി​വാസ പരിപാ​ടി

യഹോ​വ​യു​ടെ സാക്ഷി​ക​ളു​ടെ പ്രവർത്തനം ഹേതു​വാ​യി അനേകം തടവു​പു​ള്ളി​ക​ളെ​യും പൂർണ​മാ​യി പുനര​ധി​വ​സി​പ്പി​ക്കുക സാധ്യ​മാ​യി​ട്ടുണ്ട്‌. ചില തടവു​പു​ള്ളി​കൾ വിമോ​ചി​ത​രാ​കു​മ്പോൾ വീണ്ടും കുറ്റകൃ​ത്യ​ത്തി​ലേക്കു തിരി​യു​ന്നു എന്നതു സത്യമാ​ണെ​ങ്കി​ലും, ദൈവ​വ​ച​ന​ത്തി​ന്റെ സന്ദേശം യഥാർഥ​ത്തിൽ സ്വീക​രി​ച്ചി​ട്ടു​ള്ള​വർക്കു പൂർണ​മായ പരിവർത്തനം വന്നിട്ടുണ്ട്‌. അവരിൽ വന്ന പരിവർത്തനം പൗലൊ​സി​ന്റെ വാക്കു​ക​ളെ​യാണ്‌ ഓർമി​പ്പി​ക്കു​ന്നത്‌: “ദുർന്ന​ട​പ്പു​കാർ, . . . കള്ളൻമാർ, അത്യാ​ഗ്ര​ഹി​കൾ, മദ്യപൻമാർ, വാവി​ഷ്‌ഠാ​ണ​ക്കാർ, പിടി​ച്ചു​പ​റി​ക്കാർ എന്നിവർ ദൈവ​രാ​ജ്യം അവകാ​ശ​മാ​ക്കു​ക​യില്ല. നിങ്ങളും ചിലർ ഈ വകക്കാ​രാ​യി​രു​ന്നു; എങ്കിലും നിങ്ങൾ കർത്താ​വായ യേശു​ക്രി​സ്‌തു​വി​ന്റെ നാമത്തി​ലും നമ്മുടെ ദൈവ​ത്തി​ന്റെ ആത്മാവി​നാ​ലും നിങ്ങ​ളെ​ത്തന്നേ കഴുകി ശുദ്ധീ​ക​ര​ണ​വും നീതീ​ക​ര​ണ​വും പ്രാപി​ച്ചി​രി​ക്കു​ന്നു.”—1 കൊരി​ന്ത്യർ 6:9-11.

അവരുടെ വ്യക്തി​ത്വ​ത്തി​ലു​ണ്ടായ മുന്തിയ മാറ്റം അവർ തങ്ങളുടെ വികാ​രങ്ങൾ പ്രകടി​പ്പി​ക്കു​മ്പോൾ ദൃശ്യ​മാണ്‌. കാംപി​ച്ചി നഗരത്തി​ലെ കാംപി​ച്ചി എന്ന ജയിലിൽ കഴിയുന്ന മിഗെൽ പറഞ്ഞത്‌ ഇപ്രകാ​ര​മാണ്‌: “2 പത്രൊസ്‌ 3:13-ലും മത്തായി 5:5-ലും രേഖ​പ്പെ​ടു​ത്തി​യി​രി​ക്കുന്ന പ്രത്യാ​ശ​യുള്ള വേറെ ആടുക​ളു​ടെ കൂട്ടത്തി​ലാ​യി​രി​ക്കു​ന്ന​താ​യി ഞാൻ എന്നെത്തന്നെ കണക്കാ​ക്കു​ന്നു എന്നു പറയാൻ എനിക്കി​ന്നു സന്തോ​ഷ​മുണ്ട്‌.” കാംപി​ച്ചി​യി​ലെ കോബെൻ ജയിലി​ലുള്ള ഹോസേ ഇങ്ങനെ പറഞ്ഞു: “ഒരു തടവു​പു​ള്ളി​യായ ഞാൻ ചെയ്‌ത കുറ്റകൃ​ത്യം വളരെ ഗൗരവ​മു​ള്ള​താ​ണെ​ങ്കി​ലും, യഹോവ വളരെ കരുണാ​മ​യ​നും എന്റെ പ്രാർഥ​ന​ക​ളും അപേക്ഷ​ക​ളും ശ്രദ്ധി​ക്കു​ന്ന​വ​നു​മാ​ണെന്ന്‌ എനിക്ക​റി​യാം. എന്റെ അപരാ​ധങ്ങൾ ക്ഷമിച്ച്‌, ദൈവ​രാ​ജ്യ​ത്തെ​ക്കു​റി​ച്ചുള്ള സുവാർത്ത പങ്കു​വെ​ച്ചു​കൊ​ണ്ടു ശിഷ്ടാ​യുസ്സ്‌ ചെലവ​ഴി​ക്കാ​നുള്ള അവസരം എനിക്കു തരാൻ അവനു സാധി​ക്കും. ദൈവ​രാ​ജ്യ വാഗ്‌ദാ​ന​ങ്ങ​ളിൽനി​ന്നു ഞങ്ങൾ പ്രയോ​ജനം നേടു​ന്ന​തി​നു ജയിലിൽ വന്ന്‌ ഞങ്ങളെ സന്ദർശി​ക്കാൻ സമയം നീക്കി​വെ​ക്കുന്ന ഞങ്ങളുടെ മൂപ്പന്മാ​രോ​ടു ഞങ്ങൾ നന്ദിയു​ള്ള​വ​രാണ്‌. എത്ര സന്തോ​ഷ​ക​ര​മായ അനു​ഗ്ര​ഹങ്ങൾ! ഞാനൊ​രു ജയിൽപ്പു​ള്ളി​യാ​ണെന്ന്‌ എനിക്കു പറയാൻ കഴിയു​മോ? ഇല്ല, ആവശ്യ​മായ ആത്മീയ സ്വാത​ന്ത്ര്യം യഹോവ എനിക്കു തന്നിരി​ക്കു​ന്നു.”

നല്ല രീതി​യിൽ ജീവി​ക്കുന്ന ക്രിസ്‌ത്യാ​നി​ക​ളാ​യി​ത്തീ​ര​ത്ത​ക്ക​വണ്ണം മാറ്റം വരുത്താൻ ഘാതക​രെ​യും ബലാൽസം​ഗ​ക​രെ​യും കൊള്ളി​വെ​പ്പു​കാ​രെ​യും കള്ളന്മാ​രെ​യും പ്രേരി​പ്പി​ക്കു​ന്നത്‌ എന്താണ്‌? അവർതന്നെ പറയു​ന്ന​ത​നു​സ​രിച്ച്‌, പരിവർത്തനം വരുത്താ​നുള്ള ദൈവ​വ​ച​ന​ത്തി​ന്റെ ശക്തിയും ശരിക്കും അർപ്പണ​മ​നോ​ഭാ​വ​മുള്ള ആളുക​ളോ​ടൊ​ത്തുള്ള സഹവാ​സ​വു​മാണ്‌. ഈ പുനര​ധി​വാസ പരിപാ​ടി​യു​ടെ വിജയ​ത്തി​ന്റെ ഉദാഹ​ര​ണ​മാ​ണു സിന​ലോ​വ​യി​ലെ മാസറ്റ്‌ലാ​നി​ലുള്ള ദുർഗു​ണ​പ​രി​ഹാര കേന്ദ്ര​ത്തിൽ കഴിയുന്ന റ്റിബൂർസി​യോ. സിന​ലോ​വ​യി​ലെ കോൺകോർഡി​യാ​യി​ലുള്ള ജയിലിൽ കഴിയു​ക​യാ​യി​രു​ന്നു അയാൾ. അയാളു​ടെ അക്ര​മോ​ന്മു​ഖ​മായ പ്രകൃതം നിമിത്തം അവിടെ അയാൾക്കു പ്രശ്‌ന​ങ്ങ​ളു​ണ്ടാ​യി​രു​ന്നു. അയാളു​ടെ ഭാര്യ യഹോ​വ​യു​ടെ സാക്ഷി​യാ​യി​രു​ന്നു. അയാൾ അവളോട്‌, ജയിലിൽ അവൾ അയാളെ കാണാൻ വരു​മ്പോൾപോ​ലും വളരെ മോശ​മാ​യി പെരു​മാ​റി​യി​രു​ന്നു. എന്നിട്ടും എല്ലാം ക്ഷമിച്ച്‌ അയാളെ കാണാൻ അവൾ വന്നു​കൊ​ണ്ടി​രു​ന്നു. അതു​കൊണ്ട്‌ നിങ്ങൾക്കു ഭൂമി​യി​ലെ പറുദീ​സ​യിൽ എന്നേക്കും ജീവി​ക്കാൻ കഴിയും എന്ന പുസ്‌തകം കൊണ്ടു​വന്നു തരാൻ അയാൾ അവളോട്‌ ആവശ്യ​പ്പെട്ടു.a ആ പുസ്‌തകം അയാൾ തന്നെത്താൻ പഠിക്കാൻ തുടങ്ങി. പിന്നീട്‌ ആരെങ്കി​ലും ജയിലിൽ വന്ന്‌ തന്നെ പഠിപ്പി​ക്കാൻ അയാൾ ആവശ്യ​പ്പെട്ടു. അയാൾ ആത്മീയ പുരോ​ഗതി കൈവ​രി​ക്കാൻ തുടങ്ങി. മറ്റുള്ള​വ​രു​മാ​യുള്ള അയാളു​ടെ ബന്ധങ്ങളും മെച്ച​പ്പെ​ടാൻ തുടങ്ങി. മാസറ്റ്‌ലാ​നി​ലുള്ള ജയിലി​ലേക്ക്‌ അയാളെ മാറ്റു​ക​യു​ണ്ടാ​യി. അവിടെ ബൈബിൾ പഠിക്കുന്ന ഒരു കൂട്ടമുണ്ട്‌, ഇപ്പോൾ അയാൾ ഒരു പ്രസാ​ധ​ക​നാണ്‌. അയാൾ പറയുന്നു: “ഈ സ്ഥലത്തു​വെച്ചു ബൈബിൾ സത്യങ്ങൾ കേൾക്കാൻ സാധി​ക്കു​ന്ന​തിൽ ഭാര്യ​യും കുട്ടി​ക​ളും ജയിലി​ലെ എന്റെ കൂട്ടു​കാ​രും ഞാനും വളരെ കൃതജ്ഞ​ത​യു​ള്ള​വ​രാണ്‌. സമീപ ഭാവി​യിൽ ഞാൻ മോചി​ത​നാ​കു​മെ​ന്നും എല്ലാ സമ്മേള​ന​ങ്ങ​ളി​ലും സഭാ​യോ​ഗ​ങ്ങ​ളി​ലും സംബന്ധി​ക്കാൻ കഴിയു​മെ​ന്നു​മുള്ള പ്രതീ​ക്ഷ​യെ​നി​ക്കുണ്ട്‌.”

ജീവി​ത​ത്തിൽ വരുത്താൻ കഴിഞ്ഞ മാറ്റങ്ങൾ നിമിത്തം നന്ദിയുള്ള മറ്റൊ​രാ​ളാണ്‌ കോൺറാ​ഡോ. അയാളു​ടെ വിവാ​ഹ​ജീ​വി​ത​ത്തിൽ വളരെ​യ​ധി​കം പ്രശ്‌നങ്ങൾ ഉണ്ടായി​രു​ന്ന​തി​നാൽ, ഭാര്യ അയാളെ ഉപേക്ഷി​ച്ചു​പോ​യി. അതു​കൊണ്ട്‌ അയാൾ മയക്കു​മ​രു​ന്നു​ക​ളിൽ അഭയം തേടി. ഒടുവിൽ അയാൾ ഒരു മയക്കു​മ​രുന്ന്‌ ഇടപാ​ടു​കാ​ര​നു​മാ​യി​ത്തീർന്നു. മരിജ്വാ​ന​യും കൊ​ക്കെ​യ്‌നും കടത്തി​യ​തി​ന്റെ പേരിൽ അയാളെ അറസ്റ്റ്‌ ചെയ്‌തു തടവി​ലാ​ക്കി. ജയിലിൽ ഒരു കൂട്ടമാ​ളു​കൾ യഹോ​വ​യു​ടെ സാക്ഷി​ക​ളോ​ടൊ​ത്തു ബൈബിൾ പഠിക്കു​ന്നു​ണ്ടാ​യി​രു​ന്നു. അവരോ​ടൊ​പ്പം പഠിക്കാൻ അയാ​ളെ​യും ക്ഷണിച്ചു. അയാൾ തനിക്കു തോന്നിയ വികാ​ര​ങ്ങ​ളെ​ക്കു​റിച്ച്‌ ഇപ്രകാ​രം പറയുന്നു: “നല്ല ചിട്ട​യോ​ടെ​യാ​ണു യോഗങ്ങൾ നടന്നത്‌, അതും പ്രസി​ദ്ധീ​ക​ര​ണങ്ങൾ ഉപയോ​ഗി​ച്ചുള്ള ബൈബിൾ പരി​ശോ​ധനാ പരിപാ​ടി​യും സകല കാര്യ​ങ്ങ​ളും ബൈബി​ള​ധി​ഷ്‌ഠി​ത​മാ​യി​രു​ന്നു​വെന്ന വസ്‌തു​ത​യു​മൊ​ക്കെ എന്നിൽ മതിപ്പു​ള​വാ​ക്കി. എന്നെയും ബൈബിൾ പഠിപ്പി​ക്കാ​മോ എന്നു ഞാൻ ഉടൻതന്നെ ചോദി​ച്ചു. എല്ലാ യോഗ​ങ്ങ​ളി​ലും സംബന്ധി​ക്കാ​നും തുടങ്ങി.” അത്‌ 1993 ജനുവ​രി​യി​ലാ​യി​രു​ന്നു. ജയിൽമോ​ചി​ത​നായ കോൺറാ​ഡോ ഇപ്പോൾ ക്രിസ്‌തീയ സഭയിൽ പുരോ​ഗതി കൈവ​രി​ക്കു​ന്ന​തിൽ തുടരു​ന്നു.

ഇസ്‌ലാസ്‌ മാരി​യാസ്‌

സംഭ്രാ​ന്തി ജനിപ്പി​ക്കുന്ന ഒരു ജയിൽ മെക്‌സി​ക്കോ​യി​ലുണ്ട്‌. ഇസ്‌ലാസ്‌ മാരി​യാസ്‌ എന്നു വിളി​ക്കുന്ന നാലു ദ്വീപു​കൾ ചേർന്നു​ള്ള​താണ്‌ അത്‌. ജയിൽപ്പു​ള്ളി​കളെ തടവി​ലി​ട്ടി​രി​ക്കുന്ന ഈ തടങ്കൽ ദ്വീപു​ക​ളി​ലെ​ല്ലാ​യി​ട​വും അവർക്കു യാത്ര ചെയ്യാം. ചിലർ അവിടെ താമസി​ക്കു​ന്നതു ഭാര്യ​മാ​രോ​ടും മക്കളോ​ടു​മൊ​പ്പ​മാണ്‌.

അവിടെ ചെറി​യൊ​രു സഭയുണ്ട്‌. മാസറ്റ്‌ലാ​നി​ലുള്ള മൂന്നു സഹോ​ദ​രങ്ങൾ മാസത്തി​ലൊ​രി​ക്കൽ അവിടെ വന്നു യോഗങ്ങൾ നടത്താൻ സഹായി​ക്കു​ക​യും സാഹി​ത്യ​ങ്ങൾ കൊടു​ക്കു​ക​യും പ്രോ​ത്സാ​ഹ​ന​മേ​കു​ക​യും ചെയ്യുന്നു. ചില​പ്പോൾ സർക്കിട്ട്‌ മേൽവി​ചാ​രകൻ അവരെ സന്ദർശി​ക്കാ​റുണ്ട്‌. ശരാശരി യോഗ​ഹാ​ജർ 20-നും 25-നും ഇടയി​ലാണ്‌. സ്‌നാ​പ​ന​മേറ്റ നാലു പ്രസാ​ധ​ക​രും സ്‌നാ​പ​ന​മേൽക്കാത്ത രണ്ടു പ്രസാ​ധ​ക​രു​മാണ്‌ അവി​ടെ​യു​ള്ളത്‌. “ഞായറാ​ഴ്‌ചത്തെ യോഗ​ങ്ങ​ളിൽ സംബന്ധി​ക്കാൻ ചിലർക്ക്‌ 17 കിലോ​മീ​റ്റർ നടക്കണം. യോഗം തീർന്നാ​ലു​ടൻ അവർ തിടു​ക്ക​ത്തിൽ തിരി​ച്ചു​പോ​കും. കാരണം ഹാജർവി​ളി​യു​ടെ സമയത്ത്‌ അവർ സ്ഥലത്ത്‌ ഉണ്ടായി​രു​ന്നേ പറ്റൂ. വേഗത്തിൽ നടന്നാൽ രണ്ടു മണിക്കൂ​റി​ല​ധി​കം വേണം തിരി​ച്ചെ​ത്താൻ” എന്നു സഞ്ചാര​മേൽവി​ചാ​രകൻ റിപ്പോർട്ടു ചെയ്യുന്നു. ആ ജയിലിൽവെച്ചു സത്യം പഠിച്ച ഒരു സഹോ​ദരൻ അടുത്ത​യി​ടെ ഇങ്ങനെ പറഞ്ഞു: “എത്രയും പെട്ടെന്നു ജയിലിൽനി​ന്നു പുറത്തു പോകാൻ എനിക്കു തിടു​ക്ക​മാ​യി​രു​ന്നു. ഇപ്പോ​ഴോ, യഹോ​വ​യു​ടെ ഇഷ്ടം എപ്പോ​ഴാ​ണോ അപ്പോൾ അതു നടക്കട്ടെ. കാരണം ജയിലി​നു​ള്ളിൽ എനിക്കു ധാരാളം ജോലി ചെയ്‌തു​തീർക്കാ​നുണ്ട്‌.”

യഹോ​വ​യെ പ്രസാ​ദി​പ്പി​ക്കാൻ വഴി തേടുന്ന ആത്മാർഥ​ത​യു​ള്ള​വരെ വിമോ​ചി​പ്പി​ക്കാ​നുള്ള ശക്തി സത്യത്തി​നു​ണ്ടെന്നു കാണു​ന്ന​തിൽ നാം സന്തോ​ഷി​ക്കു​ന്നു. ജയിലിൽവെച്ചു സത്യം പഠിച്ച ഒരു ഡസനി​ലേറെ പേർ ജയിൽമോ​ചി​ത​രാ​യി​രി​ക്കു​ന്നു. സ്‌നാ​പ​ന​മേറ്റ അവരി​പ്പോൾ ആദരണീയ ജീവിതം നയിക്കുന്ന ദൈവ​ദാ​സ​ന്മാ​രാണ്‌. ചിലർ സഭാമൂ​പ്പ​ന്മാർപോ​ലും ആയിത്തീർന്നി​രി​ക്കു​ന്നു. ഹൃദയ​ങ്ങളെ സൗഖ്യ​മാ​ക്കി ആളുക​ളിൽ പരിവർത്തനം വരുത്താൻ ബൈബി​ളി​നു ശക്തിയു​ണ്ടെ​ന്നു​ള്ള​തി​നു വിസ്‌മ​യാ​വ​ഹ​മായ തെളി​വുണ്ട്‌. ദുഷ്‌പ്ര​വൃ​ത്തി​കൾ ചെയ്‌ത​തി​ന്റെ പേരിൽ തടവി​ലാ​ക്ക​പ്പെട്ട ഈ പുരു​ഷ​ന്മാർ ദൈവ​വ​ചനം വെളിച്ചം ചൊരി​യുന്ന പാതയിൽ പ്രവേ​ശി​ക്കു​ന്ന​തോ​ടെ, “സത്യം അറിക​യും സത്യം നിങ്ങളെ സ്വത​ന്ത്ര​ന്മാ​രാ​ക്കു​ക​യും ചെയ്യും” എന്നു പറഞ്ഞ​പ്പോൾ യേശു വാഗ്‌ദാ​നം ചെയ്‌ത യഥാർഥ സ്വാത​ന്ത്ര്യം അനുഭ​വി​ച്ച​റി​യു​ന്നു.—യോഹ​ന്നാൻ 8:32; സങ്കീർത്തനം 119:105.

[അടിക്കു​റി​പ്പു​കൾ]

[23-ാം പേജിലെ ചിത്രം]

ജയിലിൽവെച്ചു പഠിച്ച ക്രിസ്‌തീയ സത്യങ്ങ​ളിൽനിന്ന്‌ അനേകർ പ്രയോ​ജനം നേടി